Vasapeningar: of seint að ræna bankana

Verst að það skuli vera of seint að ræna bankana. Brown/Darling voru fyrri til

Ég hefði viljað senda manninn þarna til hægri á myndinni í heimsókn til Hr. G. Brown í Niðurstræti 10

En ég hélt að við hefðum allan tímann í heiminum til stefnu

Hugljúf minning við undirleik og söng Louis Armstrong. Ég sakna einfaldleikans, hreint og beint

Bara 

IMF - hvað er Alþjóðagjaldeyrissjóðurinn ?

IMF? (Alþjóðagjaldeyrissjóðurinn)

• Hvað er IMF? Það veit enginn lengur
• Hvert er þeirra umboð? Það veit enginn lengur
• Hvaðan koma fjármunir þeirra? Veit það einhver?
• Geta þeir prentað peninga? Nei
• Vita þeir hvað fljótandi gengi er? Nei varla, þeir vinna ennþá í anda gamallra hugmynda

Núna er hávertíð fyrir IMF - þeir eru nefnilega að sækjast eftir nýju hlutverki sem alþjóðlegur vakthundur efnahagsmála. Hmm, allra landa? Þegar það rignir þá reynir maður auðvitað að selja regnhlífar á háu verði, ekki satt? IMF er saga ein (history)

Sjá myndskeið CNN Money um IMF frá 1. þessa mánaðar: (aðvörun: það bregður fyrir þekktu andlit af vissum manni frá Evrópusambandinu, manni sem ekkert hefur heyrst frá nýlega, wonder why) IMF agenda for U.S. economy?

Meira um starfslið þessa andlits frá Evrópusambandinu: (aðvörun: það bregður aftur fyrir þekktu andlit af vissum manni frá Evrópusambandinu, manni sem ekkert hefur heyrst frá nýlega) 

Nigel Farage on who's who in the EU commission 

Eftirmáli:

And where was the European Commission?
The former German finance minister, Hans Eichel, has a comment in Frankfurter Allgemeine, in which he accuses the European Commission of inaction. He said the ECB, the eurogroup, all participated, but the Commission remained silent, which is odd given that this crisis has huge implications for competition policy, and the future of banking supervision. Eichel also said that the original Dutch proposal of a euro-level stabilisation fund is a good idea, and should be revived. A pure national approach is not going to work.
 
Writing in the FT, John Thornhill also asks the same question. While European governments acted, the European Commission was very notable in its silence (our view is that Barroso has been 100% occupied with his own reelection for the last couple of years, and he did not want to upset any leaders, least of all Angela Merkel) 

Uffe Ellemann-Jensen talar máli Íslands í Danmörku

Að venju, og alls ekki að sjálfgefnu, þá talar einn hæfasti og reyndasti stjórnmálamaður Danmerkur máli Íslands í Danmörku. Þetta er Íslandsvinurinn Uffe Ellemann Jensen fyrrverandi utanríkisráðherra Danmerkur. Hann fer góðum orðum um Ísland og Íslendinga á blogg sínum á Berlingske Tidende

Sjálfur kvittaði ég fyrir þetta með nokkrum þakkarorðum á blogg Uffe Ellemann hér:

Island i finanskrisens epicenter 

Kærar þakkir Uffe Ellemann Jensen

Danske Bank fjárfesti 100 miljónum DKK í Simbabve norðursins

Samkæmt upplýsingum Danske Bank þá fjárfesti bankinn 100 miljónum DKK í íslenskum bönkum. En samkvæmt skoðun Carsten Valgreen þá var þetta glapræði að fjárfesta svona í Simbabve norðursins. En ég veit hinsvegar að Danske Bank rekur ekki banka sinn sem glapræðisstofnun. Þetta veit Carsten Valgreen einnig, en hann er bara of önnum kafinn við að selja sig sjálfan og þá ráðgjafastofnun sem hann vinnur hjá til þess að taka eftir þessu. Kanski fær hann samning við Ríkið sem "ráðgjafi". Þetta nefnist "event marketing" á fagmáli. Fjölmiðlar lepja þetta einnig upp. Því er hægt að vænast þess að fjölmiðlar fái Nóbelsverðlaunin í hagfræði á næsta ári, því þetta árið voru verðlaunin veitt Krugman. Þetta er svipað og ástandið er í fjölmiðlum á Íslandi því Ísland er eina landið í heiminum með 50.000 starfandi seðlabankastjóra - samtímis!

Simbabve norðursins

Forsetinn hvetur til samstöðu en Ingibjörg til sundrungar

Þetta er alveg ótrúlegt. Það er alveg sama hvað gerist í lands- og heimsmálum, það kemur alltaf sama hljóðið úr sjálfsalanum Samfylking og Ingibjörg Sólrún Gísladóttir. Svarið er alltaf, göngum í ESB! Gerum eitthvað annað en að búa í raunveruleikanum.

Kæra Ingibjörg Sólrún Gísladóttir, það væri blessun fyrir Ísland er þú tækir hattinn þinn og gengir sjálf í ESB, persónulega! Að þú flyttir til ESB, byggir þar, stundaðir atvinnurekstur þar, og tækir síðan afstöðu. Það er alger óþarfi að láta þína persónulegu ESB áráttu bitna á öllu Íslandi og jafnframt stanslaust að vinna að sundrung þjóðarinnar og alls sem þjóðlegt er.

Alltaf sama lausnin á öllu - göngum í eitthvað! Gerum eitthvað annað en það sem liggur í augum uppi. Við erum aular. 

Ingibjörg Sólrún: Fyrst IMF og svo ESB

Samhryggð og samúð frá Manitoba i Vesturheimi

Blóðið hefur alltaf verið og verður alltaf þykkara en vatn. Þessvegna eru blóðböndin alltaf sterkustu atvinnu og viðskiptanetin þegar á reynir, og einnig þau stöðugustu. Þetta vita Íslendingar um allan heim, einnig Ítalir og fleiri þjóðir sem sótt hafa út í hinn stóra heim. Þjóðernisleg netverk (e. ethnic networking) eru stærstu og traustustu viðskiptanetverk í heimi

Samhryggð og samúð frá Manitoba i Vesturheimi

"I'm watching with bitter sadness," said Winnipeg businessman Neil Bardal, a former honorary consul-general of Iceland who has been involved in several Canadian-Icelandic business ventures. "The ties between here and Iceland are very, very strong."

 

Today, roughly 80,000 Manitobans claim Icelandic heritage

Tammy Axelsson, mayor of Gimli, Man., which hosts an annual Icelandic festival, said tourism from Iceland had been increasing. "We have had more and more visitors in these last years, more than ever," said Ms. Axelsson, who is also executive director of the New Iceland Heritage Museum in Gimli, which is about 100 kilometres north of Winnipeg. Ms. Axelsson said the festival is not directly affected by the financial crisis, but it could suffer from a drop in tourists.

Þakkir til vina okkar í Manitoba 

Manitobans sympathize with Iceland's economic plight 

1950 aftur - hvað næst?

Gegni hlutabréfa í bandaríska General Motors bílaframleiðandanum féllu svo mikið í gær að gengi þessara hlutabréfa hefur ekki verið lægra síðan 1950. Fallið í gær var svo öflugt að líta þarf til 1930 til að sjá annað eins fall á einum degi. Ástæðan fyrir fallinu eru aðstæður á fjármálamörkuðum ásamt nýrri skýrslu sem sýnir að sala fyrirtækisins í Evrópu hefur fallið óslitið síðustu 9 mánuði. En eins og allir vita þá skipta Bandaríkin ekki neinu máli lengur, eins og svo margir merkir menn í Evrópu hafa sagt núna í áraraðir - eða hvað? - svo varla mun þetta hafa nein áhrif utan Bandaríkjanna - eða hvað? Það starfa 263.000 manns hjá General Motors

Sam afleiðing af fallinu mörkuðum Bandaríkjanna í gær voru markaðir í Japan og í Asíu eldrauðir í nótt. Algert blóðbað varð. Fyrstu fleyin með eitruðum pappírum (e. toxic papers) í lestinni sökkva núna í Japan. Þannig varð japanska tryggingafélagið Yamato gjaldþrota í nótt. Þetta er fyrsta stærri japanska fjármálastofnunin sem verður hinni alþjóðlegu fjármálakreppu að bráð. Hjá Yamato störfuðu 1.000 manns

Peso - mynt 110 miljón manna þjóðar 

Mexíkó átti í erfiðleikum með að halda uppi eðlilegum gjaldeyrisviðskiptum í gær. Markaðurinn hafði ekki trú á Peso og enginn vildi kaupa eða eiga mynt mexíkönsku þjóðarinnar sem telur 110 miljón manns. Peningarnir flúðu yfir til myntar Bandaríkjanna. Gegnið peso gangvart dollara féll um rúmlega 12% í gær. Á tímabili var fallið 15% innan dags

Efnahagur á evrusvæði kominn í kreppu?

Þjóðarframleiðsla evrusvæðis fellur og atvinnuleysi eykst. Atvinnuleysi á evrusvæði mældist 7,2% í mars mánuði en undanfarna mánuði virðist atvinnuástand hafa farið hríðversnandi því það mældist 7,5% núna í ágúst. Landsframleiðsla evrusvæðis féll um 0,2% á öðrum fjórðungi þessa árs og búist er við að fallið verði enn meira það sem eftir er ársins. Atvinnuleysi ungmenna undir 25 ára aldri mældist 14,9% í ágúst. Alþjóða gjaldeyrissjóðurinn (IMF) segir að útlitið sé einna verst fyrir lönd Evrópusambandsins

Danir uggandi vegna ástands á fjármálamörkuðum

Hlutabréf í stærsta banka Danmerkur, Danske Bank, hafa fallið frá gengi 273 til 92 á 18 mánuðum. Fallið á síðustu dögum hefur vakið ótta hjá Dönum um að björgunaraðgerðir dönsku ríkisstjórnarinnar hafi komið of seint og muni ekki duga til. Fjármagnið heldur áfram að fossa út af hlutabréfamarkaði og yfir í ríkisskuldabréf því markaðurinn dregur þá rökréttu ályktun að einungis ríkistryggðir pappírar séu tryggir. Þetta er slæmt fyrir fjármálageirann því ef eigendur fjármálastofnana (hluthafarnir) álykta að eignir þeirra séu lítils virði þá boðar það ekki góða tíma fyrir bankarekstur. Í dag munu margir Danir reyna að læsa föstum breytilegum vöxtum á húsnæðislánum sínum, því útlit á skuldabréfamörkuðum er hreint ekki gott

Loksins! - grunnstærðir aftur 

Fjármunirnir leita nú til þeirra landa sem bjóða annaðhvort bestu ríkisábyrgðir til handa deyjandi fjármálageirabólu (meiri skattpíning) eða bestu framtíðarhorfurnar fyrir grunnrekstur og grunnstærðir hagkerfanna (fundamentals) - loksins! Ég ætla að velja grunnstærðirnar og ekki kirkjugarðinn

Lettland - engin evra?

Lettar fá ekki evru í þetta skiptið vegna fjárlagahalla og verðbólga er þar of mikil. Því munu dyr himnarkíkis ekki opnast fyrir Letta fyrr en í fyrsta lagi árið 2013, ef þá evran verður til þá. Lettar munu því áfram að berjast í þeirri von - eða hvað?

Í dag 

Það er allt útlit fyrir að markaðir í Evrópu muni þurfa að biðja bænir sínar í dag. Það er því uggur í mörgum. Varla að menn nenni lengur að tala um Ísland

Ekkert ríki mun koma sér á hausinn með því að ábyrgjast skuldir banka

Þetta er vonandi öllum ljóst. Engin sjálfstæð ríki munu leggja í þá hálsbrjótandi aðgerð að gera ríki sitt gjaldþrota með því að gangast í ábyrgð fyrir skuldbindingum banka eða jafnvel heilla bankakerfa. Engin! 

Pierre Cailleteau, yfirmaður áhættumats Moody's á skuldbindingum sjálfstæðra ríkja

 

No government is going to bankrupt itself to save the creditors of banks

 

ennfremur - í tenglsum við stjórn gjaldeyrismála í krísuástandi  

 

 what would be productive is to make sure there is no run on local currency deposits 

  

Þetta vita bæði Gordon Brown forsætisráðherra Bretlands og fjármálaráðherra hans, Alistair Darling - þess vegna fara þeir hina leiðina - þeir þjóðnýta bankageirann í smá bitum. Svo hækka þeir skattana, flæma fyrirtækin úr landi, og greiða svo afganginn í atvinnuleysisbætur

Barclays Bank UK 

 

Eigendur Barclays Bank virðast hafa misst trú á banka sínum. Ef þeir vilja ekki hlaupa undir bagga með banka sínum með því að skjóta meira fé í bankann, hver ætti þá að gera það?  

a) skuldsetningarhlutfall (leverage ratio): 60 sinnum meira en eignir

b) skuldbindingar: 1.300 miljarðar pund. Meira en öll þjóðarframleiðsla Bretlands

c) svitabað

d) þjóðnýting

e) afskriftir

f) skattahækkanir

G) ordon Brown

Tengt efni:

Efnahagsleg borgarastyrjöld geisar í Evrópusambandinu

Fjármálakreppan klýfur evruland. Evran í hættu

Lenín verðbólga 

Seðlabanka Íslands hrósað í morgunsjónvarpi CNBC Europe

Seðlabanka Íslands var hrósað mikið í morgunsjónvarpi CNBC Europe hér snemma í morgun. Hrósið kom frá talsmanni Fitch Ratings. Þeir hrósuðu Seðlabankanum fyrir að hafa ekki farið út í vonlausa vörn á gengisfalli krónunnar undanfarnar vikur. Gjaldeyrisforðanum var því ekki varið í fábjánaskap, eins og svo mörg ríki hafa reynt áratugum saman og alveg án árangurs

Árið 2001 reyndi seðlabanki Evrópusambandsins oftar en einusinni að hindra 22 mánaða samfleytt hrun evru. Allar aðgerðirnar mistókust gersamlega - og þó svo að seðlabanki Evrópusambandsins hefði notið stuðnings frá seðlabanka Bandaríkjanna

Danmörk hækkar stýrivexti einhliða

Danski seðlabankinn hefur tilkynnt að frá og með á morgun neyðst bankinn til einhliða að hækka stýrivexti til varnar gengisbindingu dönsku krónunnar við evru. Útstreymi fjármagns hefur verið það mikið á undanförnum dögum að hækka verður stýrivextina um 0,25% í 5%, því töluvert hefur verð notað af gjaldeyrisforðanum til varnar evru-bindingu. Þessi vaxtahækkun gæti ekki komið dönsku atvinnulífi verr en einmitt núna. Verðbólga í Danmörku mældist 4,3% í ágúst. Lausafjárskortur og svo hærri vextir ofaní. Kanski menn hafi verið að losa sig úr dönsku krónunni vegna þess hve lélegt ríkisábyrgðin er frá danska ríkinu - og því flytja peningana til annarra esb-landa með betri ríkisábyrgð. Nánar um þetta viðskiptalíkan hér: Efnahagsleg borgarastyrjöld geisar í Evrópusambandinu   

Efnahagsleg borgarastyrjöld geisar í Evrópusambandinu

Rétta nafnið á því ástandi sem ríkir núna í Evrópusambandinu er ekki nafnið eða hugtakið "samstaða". Réttara er að nota hugtakið "efnahagsleg borgarastyrjöld" eða "efnahagsleg hryðjuverkastarfsemi".

Það er frjálst flæði fjármagns innan ESB og evrusvæðis, en það eru samt til landamæri innan ríkja ESB og evru, þó svo að þau séu ekki virk í eiginlegum skilningi, heldur einungis virk í ríkisfjármála- og skattalegum skilningi.

Hvað er þá að núna - hvert er vandamálið í ESB?

Jú núna fossar fjármagnið þangað sem ríkisstjórnirnar yfirbjóða hverja aðra með betri og meri ríkisábyrgð á innistæðum og skuldbindingum fjármálastofnana í hinum ýmsu löndum ESB. Þær ríkisstjórnir sem treysta sér ekki til að útskrifa ótakmarkaðar skattahækkanir til skattgreiðenda í löndum sínum sjá hér fjármálastofnanir sínar lagðar í rúst vegna þess að auðvitað selur maður hlutabréf sín í þessum fjármálastofnunum í þeim ESB-löndum sem þora ekki að yfirbjóða í þessari samkeppni um mestu, hæstu og bestu ríkisábyrgðina - og kaupir svo nýjan hlut í fjármálastofnunum með betri ríkisábyrgð því þær munu plumma sig best og skila mestum hagnaði og því ekki fara á hausinn. Hagkerfin á evrusvæði geta ekkert gert til að hindra efnahagslegt tjón þeirra sem hafa lélegasta ríkiskassann og lélegasta skattagrundvöllinn. Ekki hægt að fella gengið, og ekki hægt að lækka/hækka sýrivexti eða gera neitt yfirhöfuð til að verja sig. Það eina sem verður hægt að gera er að hækka skattana, hækka atvinnuleysið og keppa á sem allra lægstu launum vinnuafls á næstu árum

Þess vegna verður að samhæfa skatta og ríkisvald í eitt ríki og eitt fólk - nýja stjórnarskráin ! 

Ef einhver skilur ekki hvers vegna nýja stjórnarskráin í ESB er svona mikilvæg, þá ættu þessir atburðir að auka skilning allra á því. Það verður því að samhæfa skatta og ríkisvald í ESB. Evrópusambandið mun aldrei virka nema að það verði eitt ríki, þ.e. United States of Europe. En til að það geti orðið að veruleika þá þarf fyrst að heyja hefðbundna borgarastyrjöld á milli þegnana og menningarsvæða þeirra. Þess vegna er ESB fyrst og fremst alríkissamband sem mun aldrei geta þrifist með 27 sjálfstæðar þjóðir innanborðs.

Draumur áætlunargerðarmanna 

Þetta var þá ekki annað en draumur embættismana og áætlunargerðarmanna þegar upp verður staðið. Kreppuferlið í ESB er núna 6 mánuðum á eftir ferlinu í Bandaríkjunum. Svo hægt er að ímynda sér hvernig ástandið verður í ESB eftir 6 mánuði.  

Evrópa sex mánuðum á eftir Bandaríkjunum 

Fréttaskýring: Öll samstaða brostin meðal Evrópuþjóða