Forsetinn hvetur til samstöðu en Ingibjörg til sundrungar

Þetta er alveg ótrúlegt. Það er alveg sama hvað gerist í lands- og heimsmálum, það kemur alltaf sama hljóðið úr sjálfsalanum Samfylking og Ingibjörg Sólrún Gísladóttir. Svarið er alltaf, göngum í ESB! Gerum eitthvað annað en að búa í raunveruleikanum.

Kæra Ingibjörg Sólrún Gísladóttir, það væri blessun fyrir Ísland er þú tækir hattinn þinn og gengir sjálf í ESB, persónulega! Að þú flyttir til ESB, byggir þar, stundaðir atvinnurekstur þar, og tækir síðan afstöðu. Það er alger óþarfi að láta þína persónulegu ESB áráttu bitna á öllu Íslandi og jafnframt stanslaust að vinna að sundrung þjóðarinnar og alls sem þjóðlegt er.

Alltaf sama lausnin á öllu - göngum í eitthvað! Gerum eitthvað annað en það sem liggur í augum uppi. Við erum aular. 

Ingibjörg Sólrún: Fyrst IMF og svo ESB

Athugasemdir

[Axel Jóhann Hallgrímsson, 13.10.2008 kl. 09:12]

Þar sem þú hefur valið þér að búa erlendis, væri þá ekki rétt að leyfa okkur sem búum hér heima ákveða með ESB af eða á, ég fæ ekki séð að það snerti þig neitt.

[Magnús Bjarnason (IP-tala skráð) 13.10.2008 kl. 09:19]

Tek undir með Axel, þar sem þú hefur valið þér búsetu í Danmörku og hefur ekki sé tekju þínar og nettó eignir rýrna um tugi prósenta. Þá hefur voða lítið um þessi mál að segja. Á Ísland að einangrast eða eigum við að sækja fram og halda áfram að vera þjóð meðal þjóða.

[Vilhjálmur Örn Vilhjálmsson, 13.10.2008 kl. 09:20]

Axel Jóhann. Við sem búum erlendis og á ESB svæðinu þekkjum vítin, svo við vitum hvað ber að varast. Við sjáum líka, að ástandið er nú nógu slæmt á Ísland, svo ekki sé verið að vaða í ESB með Imbu Öryggisnælu í fararbroddi, þeirri eyðslukló ídíótismans.

[Vilhjálmur Örn Vilhjálmsson, 13.10.2008 kl. 09:23]

Magnús Bjarnason, hvar hefur þú verið síðustu dagana. Ísland er ekki þjóð á meðal þjóðanna, og allra síst nú, og Ingibjörg Sólrún á drjúgan þátt í því. 

[Sigurjón Benediktsson (IP-tala skráð) 13.10.2008 kl. 09:27]

Þakka fyrir svona hrein og bein innlegg..þessi umræða er fáránleg nákvæmlega núna..."vera þjóð meðal þjóða"...á nú að gera út á þjóðrembuna líka þegar peningakerfið hrynur og nóg fyrir flesta að hugsa um og leysa þau vandamál... væri ekki nær að vera menn með mönnum...styrkja okkur sjálf áður en við förum í gönguna miklu til Brussel...er ekki allt í lagi með fólkið? 

[H G, 13.10.2008 kl. 09:32]

Ég óska ISG alls góðs í afturbatanum..en þegar ég les sjálhverft þjóðhöfðingja-ávarp hennar kemur í hug vísan: "Af langri reynslu lært ég þetta hef/ að láta Drottinn ráða á meðan ég sef./  En þegar ég vaki vil ég sjálfur ráða/ og þykist geta ráðið fyrir báða."  Eftir Káinn?

[Helgi Jóhann Hauksson, 13.10.2008 kl. 10:33]

Sæll Gunnar

Hálf hljómar nú ESB-hatur þitt falskt og hjáróma í dag. Það ert ekki þú búsettur í Danmörku sem ætlar að takast á við afleiðingarnar af því að við fórum ekki í ESB í kjölfar hinna EFTA-ríkjanna og byggðum efnahagskerfið okkar á fljótandi örgjaldmiðli í stað evru þegar hægt var.

Jafnvel börnin okkar eiga ekki aðgang að háskólum í t.d. Bretlandi nema borga skólagjöld að fullu og falla undir kvóta um að sókn og inngöngu með þróunarríkjum og Suður-Ameríku þar sem við erum utan ESB. - Gott hjá þér Gunnar að búa í ESB-landinu Danmörku.

Komdu heim og deildu kjörum og aðstæðum með okkur þá verður þú marktækur um okkar velferð og hag, en aftir það sem gerst hefur ættir þú að þegja um málið sértu ekki tilbúin að deila okkar kjörum og núverandi stöðu. 

[Gunnar Rögnvaldsson, 13.10.2008 kl. 11:41]

Helgi

Ég bý einmitt við þennan "íslenskan veruleika" eins og sumir kalla þann veruleika sem svo margir í heiminum þurfa að búa við núna, meira eða minna. Mikið af viðskiptavinum mínum eru lítil og smærri íslensk fyrirtæki. Þau búa einnig við íslenskan raunveruleika. Ég get því ekki bara hækkað verðið til þeirra einungis af því að danska krónan hækkar gagnvart íslensku krónunni eða öfugt, því þá missi ég þá sem viðskiptavini. Ég verð því að sætta mig við lægri laun og tímabundið stopp á viðskiptum eins og er því ég vil ekki missa mína góðu íslensku viðskiptavini. Það kostar mikla vinnu að ná í nýja viðskiptavini. Og ég get heldur ekki farið fram á að kostnaður minn í Danmörku lækki bara útaf því að ég fæ minni laun vegna þess að Danska krónan er of há gagnvart íslensku krónunni eða íslenska krónan of lág gagnvart dönsku krónunni. Lífið er ekki hlaðborð. En í lengdina mun þetta jafna sig út.

Eru virkilega svona margir fæddir í gær ?

17.449 = Fjöldi nemenda, sem skráður var í háskóla á Íslandi haustið 2007.

7.610 =Fjöldi nemenda, sem skráður var í háskóla á Íslandi haustið 1997

Ef það er eitthvað sem hefur ekki hjálpað Íslendingum núna þá að það meiri menntun. Menntun er góð en hún er samt ofmetin.

Já Helgi, reyndar er það áætlun okkar að yfirgefa himnaríki ESB halda heim á leið með næstu vorskipum. Þetta er búið að vera lengi í bígerð. Ekki selja landið fyrir fimmkall með gati á meðan

[Loftur Altice Þorsteinsson, 13.10.2008 kl. 14:10]

Ingibjörg Allah Gísladóttir er föst í gömlu EVRU-forar-vilpunni og kemst ekki þaðan upp. Hún skilur ekki að samstaðan er engin innan EB og hefndaraðgerðir krata-bullanna Alistair Darling (Trotskyisti) og Gordon Brown (Stalinisti) hefðu verið nákvæmlega eins, þótt við hefðum verið í Aumingja-klúbbi Evrópu.

Það er sérstaklega merkilegt að hún sendir flokksbræðrum sínum Brown og Darling kveðju, en skilur greinilega ekki hvað hún er sjálf að segja. Var skorið eitthvað meira úr höfði hennar en æxlið ? Hún skrifar:

Í þeirri fjármálakreppu sem nú ríður yfir heimsbyggðina er enginn annars bróðir í leik. Forystumenn heims falla nú hver um annan þveran í þá gryfju að hlaupa eftir pólitískum vindum heima fyrir í stað þess að taka sameiginlega á vandanum sem þeir hafa skapað með því að setja hinu frjálsa flæði fjármagns engin mörk. Bretar eiga þar stóran hlut að máli og það var því lítilmótlegt að fylgjast með þeirri árás sem Gordon Brown gerði á íslenska fjármálakerfið í skjóli hryðjuverkalaga. Eina ferðina enn höfum við orðið vitni að því þegar stórþjóð neytir aflsmunar gagnvart smáþjóð og grípur til aðgerða sem eru langt umfram tilefni.

Getur annars verið lítilmótlegt að fylgjast með árás ? Er það ekki árásin sem er lítilmótleg ?

[Heimir Eyvindarson, 13.10.2008 kl. 14:44]

Já Gunnar minn, það eru allir fæddir í gær nema þú. Af því að þú býrð í ESB og veist þetta miklu betur en við. Svo fórstu líklega ekki í háskóla...eða hvað á annars að lesa úr þessari háskólaspeki þinni elsku drengurinn minn?

[Fannar frá Rifi, 13.10.2008 kl. 17:17]

í dag er það spurning hvort að hagsmunir okkar sem þjóðar verði betur settir utan ESB og EES heldur en innan.

Ef við ætlum að vera áfram innan EES og sérstaklega ef við förum í ESB, þá verður Íbúðarlánasjóður einkavæddur eða lagður niður. Þetta er í lögum ESB og eftirlitsstofnanir þess hafa krafist þess að íbúðarsjóður verði lagður niður eða einkavæddur. 

Vilja jafnaðarmenn í Samfylkingunni það virkilega? 

[Héðinn Björnsson, 13.10.2008 kl. 17:38]

ESB er algerlega óviðkomandi spurning nú því enginn mun taka við landinnu eins og fyrir því er komið nú. Við eigum betri möguleika að ganga á hönd Noregskonungs eða í rússneska sambandslýðveldið.

Valið er á milli þess að lifa í skuldafangelsi lánadrottna okkar í Evrópu eða neita að gangast við þeim skuldum og búa í sjálfsþurftarbúskap hér án mikilla viðskifta við Evrópu. Báðar leiðir eru vondar en þetta eru valkostirnir.

Að ræða það hvort betra hefði verið að fara með lestinni þegar hún er farin er tilgangslaust. Nú gildir að leita að öðrum samgöngumöguleika úr því þessi er ekki til staðar.

[Fannar frá Rifi, 13.10.2008 kl. 17:58]

Héðinn. Við þurfum bara gera upp skuldir á Íslenskum bankareikningum.

Skuldatryggingarfélög (þessi sömu og hækkuðu og hækkuðu skuldatryggingar álagið) greiða skuldir bankanna sem voru tryggðar hjá þeim. Aðrar skuldir falla á gjaldþrota erlenda hluta íslensku bankanna.

að halda því fram að við þurfum að borga einhverja 9000 milljarða er bull og vitleysa í æsifréttamönnum á Íslandi.  

[Ragnar Freyr Ingvarsson, 13.10.2008 kl. 19:30]

Sæll

Ég hef verið að lesa blogg þitt upp á síðkastið. Merkilegt hvað þú kvartar mikið undan því að búa í ESB landi. Maður hefði jafnvel haldið að viðskiptamaður eins og þú sjálfur hefðir bara flutt væri þetta svona andskoti dapurlegt.

Mig grunar að þú hafir það betra en meðal íslendingurinn - sér í lagi núna þegar himnarnir hafa hrunið á landið okkar!

[Hjörtur J. Guðmundsson, 13.10.2008 kl. 20:17]

Ef einstaklingar, eins þenkjandi og þeir sem svo ólmir vilja í Evrópusambandið í dag, hefðu verið í forystu fyrir Íslendinga alla tíð hefðum við aldrei orðið sjálfstæð þjóð. Og kannskihefðu hér aldrei orðið neinar teljandi framfarir vegna þess að viðkomandi einstaklingar hefðu aldrei haft nokkra trú á íslenzkri þjóð, að hún gæti staðið á eigin fótum, einmitt sem þjóð á meðal þjóða, sjálfstæð þjóð. Þessir aðilar telja okkur ekki getað stjórnað okkur sjálfum, að við þurfum útlendinga til þess verks. Ég fyrir mitt leyti tek ekki þátt í slíkri andúð á eigin þjóð, eigin fólki. Ég get ekki annað en haft megnustu skömm á slíkri framgöngu.

Sjálfstæðið er ekki til sölu!

[B.N. (IP-tala skráð) 13.10.2008 kl. 22:27]

Sæll Gunnar

Þú manst kannski þegar hinn þjóðlega stjórn Þingvallastjórnin var mynduð eftir síðustu kosningar þar mátti sjá að formenn og framkvæmdastjórar beggja flokkanna mynduðu þessa ríkisstjórn!

Eftir myndun hennar hóuðu formenn flokkanna Ingibjörg og Geir í lýðræðiskjörnu þingmenn sína og tjáðu þeim hver fengi ráðherradóm og hvernig stefnan skyldi vera þ.a.s. stefna með bananabragði.

Baldvin Nielsen Reykjanesbæ