Kona komin til "vits og ára" - Homo S.þ.

Mynd: Rifin Bein

Hitler götunnar er að farast vegna sálarhluta forhúðar drengs sem enginn sálfræðingur getur gætt eins vel og Gyðingar hafa gert í nokkur þúsund ár. Þeir eru því enn þjóð. En hér er hún: Homo sameinuðu komma-þjóðar Zapiens

Nei hún er sannarlega ekkert "ómálga barn", hún komst aldrei á það þroskastig. Hún er full-orðin. Kannski fær hún vinnu hjá barnasáttmálastamsteypu Sameinuðu geldu þjóðanna, hver veit. En málið versnar þegar S.þ. bannar plastið líka. Hvað gera læknar þá. Nota grjót? Steinöld aftur? Þegar hún svo dettur í sundur þá taka skattgreiðendur við henni, er það ekki öruggt, góða fólk. Sjá, lét-fjarlægja-fjögur-rifbein-frétt Morgunblaðsins hér fyrir neðan (beltið)

****

Bandaríkin flýta flutningi sendiráðsins til Jerúsalem

Forseti Bandaríkjanna, Donald Trump, hefur tilkynnt að flutningi sendiráðs Bandaríkja Norður-Ameríku frá Tel Aviv til Jerúsalem, verði flýtt þannig að bandarískt sendiráð opni í Jerúsalem í tæka tíð fyrir 70. sjálfstæðisdag Ísraels, þann 14. maí. Er búist við að Trump forseti verði viðstaddur hátíðarhöldin

Bygging sendiráðsins mun að sögn taka níu ár og kosta 7,2 milljarða króna. Þar af kosta öryggisráðstafanir helming þeirrar upphæðar

Já Jerúsalem ekki hvaða borg sem er. Hér er fyrir neðan fröken Rifin Bein, er einn fundur úr þeirri borg, um stað hugmynda í sögunni og hinn mikró-pólitíska poppkorns-heim svo kallaðra fjölmiðla - og Hitlera götunnar. Sennilega hefur staða þeirra, fjölmiðla, aldrei verið eins vandasöm og hún er í dag. Þeir eru að drukkna í upplýsingum og menntun, en sjá ekki það sem er að gerast. Það þarf röntgen-augu til að sjá lengra en bara í næsta popp í skálinni. Þeir þurfa að koma auga á hvaðan poppin í skálinni koma

 

Israel, Europe, and the Place of Ideas in History from Yoram Hazony on Vimeo.

Fyrri færsla

Verður bandarískum hermönnum þá bannað að gæta öryggis Íslendinga?

Lét fjarlægja fjögur rifbein

Geta það orðið mannréttindi að Ísland sé ekki Ísland?

Hvað er Ísland?

Til að byrja með, er með vissu hægt að segja að um eyju er að ræða. Það er öruggt, því það er áþreifanleg staðreynd. En hvað landið heitir er hins vegar óáþreifanlegur hlutur, því aðeins er um hugmynd að ræða. Nafnið Ísland er aðeins til uppi í höfðinu á þeim sem samþykkja að eyjan heiti Ísland. Fyrir utan það að vera til í höfðum manna, er nafnið Ísland líka til á vissum pappírum í heiminum. En þá er hægt að brenna, og þá er eru þeir ekki lengur til

Er Ísland ríki? Já, en bara uppi í höfðinu á þeim sem vilja að það sé ríki, og svo í höfðum þeirra í heiminum sem samþykkt hafa að Ísland sé ríki. Ef fólkið í ríkinu missir til dæmis áhugann á að Ísland sé ríki, þá er það ekki ríki lengur. Það gæti til dæmis gerst ef Alþingi missir stuðning og virðingu þess fólks sem sú stofnun á allt sitt undir og öfugt. Ef það gerist, þá er byggingin sem hýsir þingið, einungis bygging og ekkert annað. Hún verður þá eins og hver önnur bygging og hefur enga sérstaka merkingu. Þegar Sovétríkin hættu skyndilega að vera til, þá gerðist það vegna þess að fólkið sem bjó í ríkinu hætti að styðja hugmyndina um að landmassinn sem það bjó á væri Sovétríki. Og það sama gildir um landamærin. Þau eru ekki til sem áþreifanlegur hlutur. Þau eru einungis til uppi í höfðinu á fólki. Ef annað fólk segir að landamæri Íslands séu ekki til, þá er ekki lengur með öryggi hægt að segja til um hvar þau liggja. Og ef fólkið sem býr innan þeirra segir það sama, þá eru landamærin ekki til. Þetta er ekki hægt að gera við fjall eða eyju. Sama hversu heitt þú óskar þess að fjallið Esjan sé ekki til, þá hefur sú hugsun enga þýðingu, því fjallið er það og þar sem það er, óháð þínum óskum. Meira að segja fjölmiðlar samþykkja slíkar staðreyndir næstum alltaf. Það sama gildir um þyngdarlögmálið. Fólk ræður engu um það. Það er

Summa: Ísland er einungis pólitísk hugmynd. Og ef hún fellur, þá breytist það í eyju með fjöllum en engri Esju, sem verður þá bara fjall við flóa. Það eina sem fær eyjuna til að vera Ísland og íslenskt ríki, er fólkið sem ákveður það, og svo þeir aðrir í heiminum sem samþykkja pólitísku hugmyndina um að Ísland sé Ísland og ríki. Og ef Íslendingar segjast vera Íslendingar og aðrir samþykkja það, já þá eru Íslendingar Íslendingar. Annars eru þeir bara tegund

Hvað er mannréttindi?

Mannréttindi eru líka pólitísk hugmynd. Þau eru stjórnmál. Ef einhver ákveður að setja pólitísk lög yfir, landmassa, fjall, tegund, fólk eða þjóðir, þá er það hægt. Og ef einhver samþykkir þá pólitík og lofar að virða þá hana, þá er um pólitískt samkomulag að ræða. Þó hafa eyjan og fjallið ekki samþykkt neitt

Þeir sem standa að slíkum pólitískum samkomulögum um mannréttindi og samþykkja þau, geta haft ýmsar ástæður. Sumar geta verið góðar, aðrar eru slæmar og vissulega eru til mjög illgjarnar ástæður fyrir þannig samkomulögum. Ef nógu mörgum er illa við suma, þá er hægt að brennimerkja þá sem þeim er illa við, með því að beita þá mannréttindapólitískum ofsóknum. Og það er gert. Að því grundvallarmikilvæga leyti eru mannréttindastjórnmál stórhættuleg stjórnmál, því það er ekki hægt að verjast þeim, sama hversu góð rök og sannanir komið er með gegn þeim. Og þar sem ekki er um fjall að ræða, þá eru engin lögmál til fyrir því hvað eru mannréttindi eða ekki. Sú ákvörðun er einungis pólitískt mat og hagsmunir, því allir lifandi hlutir hafa hagsmuni. Fjöll hafa hins vegar ekki hagsmuni og eyjur ekki heldur

Ef heimurinn kemst einhvern tíma að þeirri pólitísku niðurstöðu að Ísland sé ekki Ísland af því að hann hefur pólitískt ákveðið að það séu mannréttindi að Ísland sé ekki Ísland. Já, þá er ekkert Ísland til. Mannréttinda-til-dæmis-dómstóll framtíðar gæti komist að því að það séu mannréttindi að ekkert fólk hafi minna eða meira en X-fjölda af fermetrum landsvæðis til umráða á mann, og fyrirskipa að fólki sé dreift jafnt um jörðina undir mannréttindasáttmála Sameinuðu þjóðanna um lífsrými, samkvæmt því. Já, þá er Ísland ekki lengur Ísland, vegna þess að þeir sem þar með myndu búa þar, deila ekki þeirri pólitísku skoðun Íslendinga að Ísland sé Ísland, sem þar með væru orðnir yfirþyrmandi örsmár minnihluti þeirra sem þar eru búsettir fyrir

En þessa leið myndu Sameinuðu þjóðirnar ekki velja gegn þjóðunum eins og er, þó svo að hún verði ef til vill valin síðar, þegar hugarfars- og valdahlutföllin í stofnuninni hafa breyst nógu mikið Íslendingum í óhag. Hinir ókjörnu mannréttindastjórnmálmenn stofnunarinnar myndu hins vegar í dag velja hægfara pólitíska nauðgun á Íslandi. Taka pólitísku hugmyndina um Ísland og líf Íslendinga í landinu fyrir á þann hátt að um eins konar hægfara eyðni yrði að ræða. Sneiða smám saman úr þjóðinni þá orku sem hún notar í að vera sú þjóð sem stofnuninni er ekki þóknanleg lengur. Litlir hlutir yrðu teknir fyrir fyrst. Hlutir sem hægt er að fá almenning í öðrum löndum til að líta illum augum, eftir að fjölmiðlaherferð er fyrst látin um að sá fræjum fyrir pólitískar ofsóknir, með vísan í pólitískt-ákveðin mannréttindi, sem þá stundina er hægt að nota til að fá fólk sem víðast í heiminum upp á móti Íslendingum. Pólitískar hugmyndir um mannréttindi eru háðar pólitískum aðstæðum á hverjum tíma og svo þeim heimshluta sem fer með eignarréttinn á pólitískum hugmyndum um mannréttindi þá og þá stundina, og hvaða ofsóknir hægt er að keyra með vísan í lífsmáta, siði, trúmál, venjur, lífsheimspeki og illa þóknanleg raunvísindi og lækningar á hverjum tíma. Og smám saman myndi heimurinn breytast í nýtt helvíti á jörðum mjög margra. Og röðin mun koma að þér, fyrr eða síðar. Segja má að mannréttindastjórnmál séu nýtt pólitískt trúarofstæki og kúgunarsérfræði sem næstum ógerningur er að verjast og sem svipar til hins pólitíska trúarofstækis veraldarhyggjumanna sem eru að byggja sér hið nakta opinbera sovéska torg, sem aftökustaði fyrir alla þá sem eru ekki sömu skoðunar og þeir

Dæmi um mannréttindapólitískar ofsóknir

Ég gæti á morgun ákveðið að gerast Gyðingur. Það tekur ekki langan tíma. Ég þarf aðeins að fá kennslu og uppfræðslu í Gyðingdómi, samþykkja hann, verða samþykktur, og láta umskera mig. Þá er ég orðinn Gyðingur. Um leið og ég verð Gyðingur þá byrjar ókunnugt fólk að ofsækja og hata mig, vegna þess að ég er Gyðingur. Framsóknarflokkurinn, Píratar, Flokkur fólksins og Vinstri grænir, sem sett hafa fram lagafrumvarp gegn mér, líta mig skyndilega allt öðrum augum og byrja ef til vill að hata mig, fyrirlíta og ofsækja, án þess að segja það beint við mig. Þeir byrja kannski allt í einu að setja fram óbeinar kröfur um að ég sé á einhvern hátt stöðvaður við að murka lífið úr öllu og öllum og að sé að græða peninga og ógni heiminum með því að vera Gyðingur, sem eru 0,2 prósent mannkyns. Þeir deila ekki með sér hugmyndum Gyðinga um Gyðingdóm. Til að gera mér erfitt fyrir, þá nota þeir Sameinuðu þjóðirnar sem réttlætingu fyrir pólitískum ofsóknum og nota sérstaka deild innan þeirrar stofnunar sem í reynd heitir mannrétttinda-ofsóknardeild Sameinuðu þjóðanna. Ekki er um kynþáttaofsóknir að ræða, þar sem Gyðingar eru hvorki sérstakur kynflokkur né kynþáttur, heldur aðeins þjóð, þjóðartrú, siðir og hefðir, eða næstum því það sama og gerir Íslending að Íslendingi, en samt aðeins meira, nema að Íslendingar skyldu taka upp á því að lesa Íslendingasögurnar og Snorra á ný, sem þeir ættu að gera í stað standandi nektarsýninga á hinu opinbera nakta torgi. Gyðingar eru hins vegar ofsóttasta þjóð í heimi en Íslendingar ekki. Engin önnur þjóð hefur mátt sæta eins miklum ofsóknum og Gyðingar. Aldrei nokkru sinni. Gyðingdómur er pólitísk hugmynd. Mjög gömul pólitísk hugmynd og mikilvæg fyrir heiminn, því án pólitískra hugmynda Gyðinga væru Vesturlönd ekki til sem Vesturlönd, því þau eru aðeins pólitísk hugmynd sem byggir að grunni til á grundvallarpólitískum hugmyndum Gyðinga um gott líf manna

Áminning

Það eru einnig margir hér á Íslandi sem deila ekki með sér hugmynd marga Íslendinga um að vera Íslendingur. Íslendingar eru ekki kynflokkur. Að vera Íslendingur er nefnilega einungis pólitísk hugmynd. Það fólk sem deilir ekki þeirri hugmynd með Íslendingum, er því ekki Íslendingar, þó svo að það vilji njóta þeirra réttinda sem Íslendingar hafa sjálfir barist fyrir að fá að hafa sem Íslendingar. Það fólk segist kannski og kannski ekki hafa þessa sömu hugmynd, en það framkvæmir hana oft ekki, eða bara alls ekki og vinnur jafnvel gegn henni. Hvort að Framsóknarmenn deili enn þessari pólitísku hugmynd um Íslending með Íslendingum, geta þeir einir sannað. Píratar þurfa ekkert að gera, því þeir hafa þegar sannað sig sem pólitískur Kleppur. Flokkur fólksins sem grenjaði og öskraði sig inn á þing með fyrst og fremst heimtufrekju, er ekki hægt að fjalla um án þess að vorkenna því fólki fyrir að hafa álpast til að ganga í gildrur þeirrar hugmyndar, því hún er svo smá að hún sést varla, fer minnkandi og fellur, því hún var pólitískur þvættingur. Vinstri græna þarf víst ekki að kynna frekar sem sovéskt þrotaútibú fyrstu kynslóðar komma, sem urðu hvellgrænir af öfund út í hina nýju Sameinuðu þjóð komma eftir fall Sovétríkjanna

Niðurstaða: Sameinuðu þjóðirnar eru ekki sameinaðar þjóðir um neitt nema að tala saman, eða þannig átti það að vera. Og um pólitíska stofnun er aðeins að ræða, en sem smám saman er að reyna breyta sér í ríki yfir ríkjum jarðar. Þeir sem tilbiðja stofnunina eins og hún er orðin núna, eru yfirleitt verstu kjána-eintök allra landa og sem deila með sér pólitísku hugmyndinni um nýtt Sovétríki, en oft án þess að gera sér að fullu grein fyrir því, eins og þegar fyrstu Sovétríkin voru í smíðum með aðstoð nytsamra bjána. Um þetta snúast mannréttindastjórnmálin og ekkert annað. Þau snúast um að fá að drottna yfir heiminum án þess að þurfa að láta kjósa sig. Þeir sem fylgja þessari stofnun í blindni eru mest mannleg pólitísk fyrirbæri af aðeins einni tegund; þ.e. kommar í öllum útgáfum þeirrar slæmu pólitísku hugmyndar. Já, mikið rétt hjá þér; allar pólitískar hugmyndir eru ekki jafngóðar og hafa aldrei verið. Um það snúast stjórnmál. Þetta eru sömu nytsömu bjánarnir og studdu Sovétríkin sálugu og sakna þeirra mikið. Enda eru dagar stofnunarinnar eins og hún er orðin brátt taldir. Ólíklegt er að henni verði bjargað, því rotnun hennar er orðin svo áberandi slæm, að innan

Þeir sem ætla að samþykkja nýmóðins Nuremberglög á Gyðinga á Alþingi okkar Íslendinga, með vísan og í skjóli mannréttindastjórnmála, eru fyrir mitt leyti ekki Íslendingar. Ef lögin verða að veruleika, þá er einu stóru skrefi styttra í að hin pólitíska hugmynd um Ísland falli. Munið: það getur gerst. Og það byrjar með því að pólitíska hugmyndin um Alþingi Íslendinga fellur í hugum fólksins. Og þá fellur Alþingi. Það hefur gerst, vegna þess að hin nýja pólitíska hugmynd um sjálft Ísland stóð þá veikum fótum. Já mikið rétt, hugmyndir koma og þær fara. En eitt er víst. Hin pólitíska hugmynd um Framasóknarflokk er fallin, verði nýmóðins Nuremberg lagaþvaður flokksins að lögum. Hér er ekki hægt að fela sig á bak við umboðslaus mannréttindastjórnmál

Hvað mig sjálfan varðar: Ég er fyrst og fremst Íslendingur, eiginmaður og faðir. Ég verð aldrei Evrópubúi, því í mínum huga tilheyri ég Nýja heiminum. Og svo er ég Kristinn og svo er ég Gyðingur og svo er ég Sjálfstæðismaður. Fyrir mitt leyti mun ég aldrei fella hina pólitísku hugmynd um Ísland. Og ég mæli með að aðrir Íslendingar standi þá vakt líka. En fyrst verða kjörnir fulltrúar hinnar póltísku hugmyndar um Íslendinga á Alþingi Íslands, að taka sig saman og vísa veginn

Fyrri færsla

Mannréttinga-umskurður á þjóðum: Til þeirra sem eru áttavilltir

Mannréttinga-umskurður á þjóðum: Til þeirra sem eru áttavilltir

Ekki vissi ég að þú værir úníversal krati, minn kæri vinur. Og síðan hvenær hafa úníversal-lög samin af úníversal-krötum haft æðra gildi en lög, siðir og gildi þjóðar og Guðs?

Síðan hvenær hefur úníversal hvað-sem-er, gert annað en að skapa ný Sovétríki. Þeir sem í marxismanum vildu ekki hlýða úníversal-lögum kommúnismans, já þeir voru kallaðir "de reaktionære", þ.e. þeir sem vildu ekki meðtaka úníversal-ríki kommúnismans undir þeirra úníversal marxisma. Það voru þeir sem hverfa vildu aftur til þess sem þeir voru skapaðir til að vera

****

Þegar Móses kom með lögin af fjallinu, voru fjórar konur í þjóðinni Ísrael sem sögðu að þau væru óréttlát fyrir sig. Þær neituðu að samþykkja. Móses fór þá aftur upp og fimm blaðsíðna rifrildi hans við Guð hófst í Gamla testamentinu. Því lauk með þeim góðu lögum sem við höfum síðan alltaf haft, því þau voru rétt, en ekki röng. Guð leiddi síðan þjóð sína inn í ríki hennar, og aðeins hennar ríki, en ekki annarra. Þjóð-ríkið

Heimsveldi tala aldrei við Guð. Þau þykjast ekki þurfa þess. Þau klífa því ekki fjallið og sjá aldrei neitt. Sönnunargögnin fyrir því í okkar heimshluta í dag eru þessi; 1) Evrópusambandið og 2) Sameinuðu þjóðirnar. Þau semja lög sem eru eins og hryðjuverkandi klessuverk á þjóðum veraldar en þó alveg hroðalega sérstaklega á smá-þjóðum - eins og til dæmis Íslendingum og Ísraelsmönnum

**

Þeir sem eru að reyna að setja úníversal lög um hvað maðurinn er, og hvað hann má og má ekki vera og gera, já það eru þeir sem ætla sér að drottna yfir allri veröld manna, með sínum úníversal-lögum og reglum. Þeir munu a sjálfsögðu skapa helvíti á jörð. Það er hundrað prósent öruggt, því þetta hefur margsinnis verið reynt áður

Enginn má hafa slíkt vald. Biblían bannar það. En það er einmitt hennar vegna sem við erum Vesturlönd en ekki Sovétríki, Kína eða það úníversal þrælaríki Egyptalands, sem Ísraelar gengu burt af og lögðu með Útgöngunni sjálfan hornsteininn að Vesturlöndum

Hvað er að þér? Hefur þú misst vitið. Ætlar þú að styðja uppskurð umboðslauss embættismannaveldis Sameinuðu þjóðanna á þjóðum jarðar. Ertu nokkuð kominn með kalt og litlaust blóð í æðar. Slím!

Enginn getur sagt Gyðingum að hypja sig með sína siði, því þeir áttu hvergi heima vegna gereyðingar úníversalisma guðlauss imperíal-Rómarríkis og imperíal Babýlóníu. Svo kom guðlaust Þriðja ríkið og það átti að sjálfsögðu að verða úníversal-ríki líka og það var algerlega imperíal-ríkishönnun frá a til ö, eins og guðlaus Sovétríkin voru, með sitt hámenntaða læknalið sem beinlínis handplokkaði sálirnar úr fólkinu með alviturleika marxismans. Allir með snefil af þekkingu vita hvað stór hluti læknaliðs Þriðja ríkisins stóð fyrir. Og ESB stefnir sömu leið sérfræðinganna og guðlausar Sameinuðu þjóðirnar gera, og sem geta ekki einu sinni læknað kvef. Platon sagði að ekki væri hægt að kalla lækni sem getur ekki læknað sjúkling sinn fyrir sérfræðing. Og nú er orðið til eitthvað viðrini sem kallað er "heilbrigðisyfirvöld" - sem hljómar eins og nýtt ríki hálf-nasista þar sem allir eru skyldugir að ganga í takt. Það yfirvald hefur þó ekki fasta stjórn á neinu, hvorki sjálfu sér, pilluglösum, rekstri sjúkrahúsa né neinu. Og það erum við sem borgum of há laun þess. Það erum því við sem erum yfirvaldið - og heilbrigðið er nú bara sí svona. Rétt svona la la. Halda mætti af fjolsaðri nafngiftinni að þið "heilbrigðis-yfir-valdið" ætlið að taka okkur föst fyrir að vera óheilbrigð. Eða er það kannski öfugt. Hver eru ykkar "völd"? Þetta eru engir sérfræðingar, enda klessti það lið hinum vestræna heimi árið 2008, eftir að hafa haft allt of mikil völd frá lokum Síðari heimsstyrjaldar. Sérfræðingarnir sem sögðust vera sérfræðingar reyndust bara ekki vera neinir sérfræðingar. Þeir klesstu heiminum þá svo hroðalega að hann ætlar bara aldrei að rétta úr sér á ný. Og kostnaðurinn er gerræðislegur. Stjarnfræðilegur

En sem betur fer hafa Gyðingar nú endurheimt þjóðarheimili sitt, lögheimilið, og það stútar Ísraelum því enginn lengur. Og þeir eiga umskorinn vin. Mikinn, stóran og voldugan umskorinn vin, sem er öflugasta þjóð-ríki allrar sögu allra manna allra tíma. Þau heita Bandaríki Norður-Ameríku og eru "the last best hope of earth" eins og Lincoln sagði 1862. Og þau vill hið vaxandi embættismannaveldi Sameinuðu þjóðanna helst feig. Það sést alltaf hverjir eru bestir í sínum bransa á því hverjum illfyglin vilja allra helst granda. Einu sinni var það hið forna Ísrael, í dag eru það Bandaríki Norður-Ameríku

Hvorki úníversal-kratar né alheimsríki þeirra í smíðum er fært um að stúta Gyðingum, því gamli Ísrael og Jerúsalem mun aldrei gefast upp á því að vera sú þjóð sem gaf okkur það sem heitir Vesturlönd í dag

Það er afar hughreystandi að Agnes biskup yfir Íslandi hefur ekki misst vitið eins og sumir, og að hún veit enn um hvað Vesturlönd snúast. Þau snúast um Biblíuna en ekki sáttmála guðlausra Sameinuðu þjóðanna gegn einmitt Guði. HÚN HEFUR MÓTMÆLT!

Vér mótmælum. Og vér mótmælum enn. Vér mótmælum úníversal ríki andskotans. Þess vegna erum það við Mótmælendurnir sem bjarga munu þjóðum jarðar í vanda, þegar á þarf að halda. Það gerðum við síðast sem frjálst bandalag fullvalda og sjálfstæðra ríkja þjóða. Það bandalag tók alræðisöflin í nefið og sömu leið mun ofríki Sameinuðu þjóðanna fara, passi það ekki sitt, sem verandi aðeins samkomu-staður fullvalda og sjálfstæðra þjóðríkja jarðar. Það er einmitt þessa vegna sem við höfum ÞJÓÐ-KIRKJUR Vesturlanda. Líf manna er gott og frjálst í dag vegna þeirra, því þær mótmæltu

Sumt er ekki gott í veröld okkar manna eins og flestir hafa tekið eftir. Þannig hefur það alltaf verið og verður alltaf. En sumt er gott, eða miklu betra en annað. Og sumt er hroðalega vont. Virkilega vont og illt. Eitt af því sem er að verða verra í heiminum, er sjálf stofnunin Sameinuðu þjóðirnar. Þeir sem hafa lesið fyrsta paragraf stofnsáttmála hennar, vita að stofnunin er fyrir löngu komin út af sporinu sem henni var markað. Þannig fer ávallt fyrir umboðslausum fyrirbærum. Þau fara alltaf að fikta við úníversalismann og hrifsa til sín völd sem þeim ber ekki að hafa. Þær öðlast sitt eigið líf sem gengur út á aðeins það, að viðhalda því lífi. Þau verða veldi

Om igen vinur minn. Om igen! Ég er ekki að biðja þig um að hlýða, því það orð var ekki til í hebresku og þar með ekki í Gamla testamentinu, heldur bið ég þig að hlusta. Orðið "hlýða" þurftu Gyðingar að lána úr arameísku þegar hebreska var endurlífguð sem lifandi tungumál þeirra eftir tvö þúsund ára dvala. Það orð, að hlusta, notaði því guð Gamla testamentisins sem gaf okkur landamærin, svo að þjóðir jarðar flæddu ekki út fyrir þau, til að gleypa heiminn í sig og verða að veldi Sameinuðu þjóðanna. Slíkt er alveg stranglega bannað. Við eigum að hlusta á það sem Gyðingar hafa að segja, því þeir hafa mikið að segja á meðan aðrir þegja of mikið og húka. Við erum þeim stórskuldug

Skaparinn gaf okkur því þjóðir sem -þegar þær geta- mynda þjóðríki með landamærum. Þeim má ekki stúta og þeim getur enginn stútað. Þjóðir munu verða til enda tímans, vegna þess að Guð skapaði þær sem þjóðir

Landamæri þjóða þurfa þvert á móti að rísa núna til að stöðva hin landamæralausu heimsveldi í smíðum. Landamærin eru hinir upprunalegu björgunarbátar þjóða, sem alltaf er gripið til, þegar fjandinn er laus. Og hann gengur greinilega laus núna. Það sést

Ég vil engin nýmóðins imperíal Nurenberg-lög í mínu landi. Stöðvið vinsamlegast vitleysuna því fjandinn sjálfur er hingað kominn í formi mannréttinga. Lokið vinsamlegast því verkstæði ömurleikans, helst strax í dag

Og allir ættu nú að sjá, svo ekki verður um villst, að þéttari bönd Ríkis og Þjóðkirkju okkar vantar. Þau bönd verða að þéttast og styrkjast, því ríkisstjórn okkar manna í okkar eigin landi er ávallt farsælast að ríkja samkvæmt biblíulegum hefðum og staðfastri trú á Guð hinna heilögu Ritninga Vesturlanda. Sjálfur sjálfsákvörðunar-réttur þjóða er frá þeim kominn; og mest frá gamla Ísrael. Biblía Vesturlanda er eini staðurinn í veröldinni sem inniheldur uppskriftina að þjóðríkinu. Restin af tímatalinu frá upphafi alda er fyrst og fremst úníversal-imperíal barbaríal misfóstur eða fáránlegt gutl með borgríki sem eru óverjanleg (e. indefensible); mannlega, þjóðfélagslega, pólitískt, hernaðarlega og stjórnarfarslega séð og hafa enga strategíska dýpt

Það síðasta sem afi minn sagði við mig áður en hann háaldraður dó, er þetta: "Gunnar minn, og mundu nú eftir að fara með bænirnar þínar". Ungur og fávís brosti ég innra með mér að honum, fiskimanninum af áttæringnum á Ísafjarðardjúpi. En það geri ég ekki lengur. Þetta er hún, bænin mín

Og ef ég kynni kommablótið hans Gústa Guðsmanns utanað enn, þá gæti ég farið með það fyrir ykkur líka. Hann gaf mér þó Orðið, Jesúmyndir og kommablótið sem sú úníversal-imperíal skepna sýndi sig síðar að eiga fullkomlega skilið. Og það vissi hann, þó svo að margir en sérstaklega hámenntaðir höfðu trúað blint á hana, eins og þeir trúa á Sameinuðu þjóða stofnunina og ESB núna. En hvað gefið þið börnunum í dag. Grjót?

Nokkuð merkilegt gerðist í gær. Hér er það:

=> Sameinuðu þjóðirnar og ESB tengd peningaþvætti fyrir Norður-Kóreu

Sameinuðu þjóðirnar og ESB tengd peningaþvætti fyrir Norður-Kóreu

"Stofnanavætt peningaþvætti"

Evru-Seðlabankastjóri Lettlands hefur nú verið handtekinn en látinn laus aftur gegn tryggingu sem greidd var af aðila sem ekki er enn vitað hver er

Bandaríska fjármálaráðuneytið birti þann 13. febrúar 2018 tilkynningu þar sem segir að ABLV-bankinn í Lettlandi hafi stofnanavætt peningaþvott sem kjarnastarfsemi sína, og að hún tengist aðilum á vegum Sameinuðu þjóðanna til fjármögnunar á norður-kóreönskum eldflaugum sem ná heimsálfa á milli, berandi kjarnorkuvopn. ABLV er þriðji stærsti banki Lettlands og einn stærsti bankinn í Eystrasaltsríkjunum. Hann er í 9 löndum og rekur útibú í Lúxemborg undir nafninu ABLV Bank Luxembourg, S.A.

Þar sagði:

****

"As described in FinCENs finding, ABLV has institutionalized money laundering as a pillar of the banks business practices. Illicit financial activity at the bank includes transactions for parties connected to UN-designated entities, some of which are involved in North Koreas procurement or export of ballistic missiles. In addition, ABLV has facilitated transactions for corrupt politically exposed persons and has funneled billions of dollars in public corruption and asset stripping proceeds through shell company accounts. ABLV failed to mitigate the risk stemming from these accounts, which involved large-scale illicit activity connected to Azerbaijan, Russia, and Ukraine."

****

ECB-aukaseðlabanki Þýskalands í Evrópusambandinu tengist málinu því hann er mamma Seðlabanka Lettlands og hefur þar að auki beint eftirlit með ABVL-bankanum, sökum stærðar hans, og hann hefur fóðrað ABLV-bankann á miklu lausafé í evrum miðað við stærð bankans og tekið inn tryggingar frá peningaþvottastöð bankans í staðinn; undir yfirstjórn ECB-seðlabankans í Frankfurt. Enginn getur rekið seðlabankastjóra Lettlands úr starfi, sökum sjálfstæðis bankans og enginn getur rekið ECB-seðlabankastjórana sem fóðra hann, en þeir eru þekktir fyrir að verja sína menn í evrulöndunum með kjafti og klóm gegn rannsóknum og yfirvöldum. Bæði forsætis- og fjármálaráðherra Lettlands kröfðust afsagnar lettneska seðlabankastjórans um síðustu helgi, án árangurs. Í gær var seðlabankastjórinn hins vegar settur tímabundið til hliðar og var sú skýring gefin að hann hefði sóst eftir mútufé

Annar en minni banki í Lettlandi, með Andres Fogh Rasmussen fyrrverandi NATO-stjóra sem varastjórnarformann, ásamt fyrrverandi yfirmann þýsku leyniþjónustunnar í stjórn, tengist málinu. Það sá rússneska útvarpið um að tilkynna hlustendum

Sá banki heitir Norvik, en hann er minni en ABLV-bankinn og því fyrir utan áhugasvið þess SSM-eftirlits sem fylgjast á með fjármálastofnunum evrukerfisins (Single Supervisory Mechanism). Þessi smærri Norvik-banki er sagður hafa verið fjárkúgaður af háttsettum aðilum í hinu ESB-sérhannaða stjórnkerfi Lettlands, og sem í óstaðfestum fréttum sagður er vera seðlabankastjórinn sjálfur. Stjórnarformaður Norvik er hinn bresk-rússneski Grigory Guselnikov, sem tengist Alexei Navalny, pólitískum andstæðingi Vladímírs Pútín

SSM hefur nú hvatt lettnesk yfirvöld til að grípa til ráðstafana til tryggja skuldbindingar ABLV, til að koma í veg fyrir enn verri lausafjárstöðul. Innlán viðskiptavina eru meðal skuldbindinga bankans

Bandaríska fjármálaráðuneytið mun nú hefjast handa við að loka evrubanka þennan og ef til vill hinn úti úr bandaríska peninga- og fjármálakerfinu. Hvort að Sameinuðu þjóðirnar verða einnig lokaðar úti, veit ég ekki. En þær eru að birtast mönnum sem æ gerspilltari stofnun, misnotuð í hvers kyns annarlegum tilgangi

Ef sumum mönnum finnst að íslenskir bankar hafi verið spilltir í aðdraganda hruns þeirra, þá hefur það alltaf verið mín skoðun, eftir tæplega 30 ára búsetu í ESB, að miðað við peninga og fjármálakerfi Evrópusambandsins, voru þeir eins og hvítskúraðir englar. Þar er allt að minnsta kosti mörgum sinnum verra og fer versnandi

Enginn ætti nokkru sinni að gleyma því að það var Deutsche Bank sem fjármagnaði mannvikri Helfararinnar á Gyðingum. Lítið hefur breyst í Evrópu síðan þá, nema það, að þar eru næstum engir Gyðingar eftir á lífi. Og samsærið gegn þeim þeim sem eftir eru, en fer hratt fækkandi þessi árin, hefur eflst með tilkomu hinnar æ hraðar rotnandi stofnunar Sameinuðu þjóðanna og samsteypu Evrópusambandsins. Flótti Gyðinga frá Evrópu er hafinn á ný

Nurnberg-lögin voru ný og þóttu nútímaleg lög árið 1935. Þau áttu að vernda. Og ef Hitler, Stalín og Maó hefðu haft samfélagsmiðla til umráða, þá væri ekkert nema "góða fólkið" eftir í heiminum - og Leni Riefenstahl hefði misst vinnuna fyrirfram. Hér verður Alþingi Íslendinga að passa sig í sínum lagasmíðum. Auðvelt er að sökkva sér í svaðið, en afar erfitt er að komast óskaddaður upp úr því aftur

Tengt

Ætlar Framsóknarflokkurinn ekki að banna fóstureyðingar líka?

Framsóknarmenn hugi að mörkum sínum

Fyrri færsla

Umskorið heilabú Líberalista?

Umskorið heilabú Líberalista?

Já það er nú það

Þeir einir hafa svör við öllu. Þeir einir vita allt best. Þeir einir geta sagt öllum hvað er rétt og rangt, með vísan í mannréttindi andskotans. Hann hefur jú sín rétttindi, ekki satt. Varla ætlið þið að neita honum um þau

Fyrst þið eruð svo alvitrir og gáfaðir að þið getið "staðið með börnunum" (en ekki fóstrunum) getið þið þá ekki vinsamlegast bent til dæmis þeim sem samkvæmt ykkur hafa svona hroðalega rangt fyrir sér -og eru jafnvel að "blanda trúmálum", trúarheimspeki og þar með pólitískri heimspeki út í naglasúpuna ykkar- já getið þið þá ekki bent þeim á pottþétta meðferð við sjúkdómi sínum. Hvað segið þið um það vantrúarmenn líberalismans (oftast kommar og úníversal kommakirkja þeirra)

Hvað segið þið um að benda okkur á þann stað í heilanum sem hægt er að skera burt svo við losnum við að þurfa trufla alvitrun ykkar. Bendið okkur á rétta staðinn og veitið okkur réttu meðferðina við sjúkdómi okkar. Það er algert lágmark, miðað við þann þvætting sem þið segið að allir nema þið séu haldnir

Komið með rétta staðinn og skerum hann burt. Samkvæmt ykkur er ekkert mál flóknara en svo að þið hafið ekki réttu svörin og græjurnar við því. Til dæmis til mannréttínga á mannréttindaverkstæði ykkar. Þetta hefur að vísu verið reynt áður, en þið þurfið ekkert að vita um það, frekar en neitt annað sem þið bara vitið ekkert um. Setjið meðferðina svo í nýju lögin ykkar og heimurinn verður loksins frjáls. Alveg frjáls. Meira að segja alveg alveg frjáls. Svo getið þið fundið hvar frelsisstöðvarnar eru í heilanum og skorið þær burt. Það versta er samt það að þið mynduð ekki þekkja frelsi þegar þið sjáið það. Það hafið þið þegar sannað, svo ekki verður um villst. Allt ykkar hefur alltaf endað sem guðlaust Sovétríki, guðlaust imperíal Þriðja ríki, imperíal Egyptaland, imperíal Babýlóníuveldi, imperíal þrælaríki Rómar og enn verra; sem algerlega guðlaust Kína

Guð, sem þið segið að sé ekki til, forði ykkur frá að "blanda" pólitík í stjórnmálin ykkar. Það væri nú alveg hroðalegt. Setjið bara lög. Heimsk lög, dægurlög, umskurðarlög og nýju lögin um heilaskurðaðgerðir. Hvað er hvar og hvað má fjarlægja og hvað má ekki fjarlægja. Lögin gætu til dæmis gengið út frá því að allir hafi heila. En er það nú alveg öruggt. Ég bara spyr

****

Lesefni dagsins:

Tímaritið Standpoint

1. Talmúdistinn í Turninum (já hann sat inni í Tower of London). Grein Noels Malcolm um lögfræðinginn John Selden - eða réttara sagt um bók Ofir Haivry sem er um þann mesta Íhaldsmann allra tíma og brautryðjanda okkar Íhaldsmanna, sem líka var örsjaldgæfur sérfræðingur í lögum hins forna Ísraelsríkis - þegar Vesturlönd voru að myndast sem þjóðríkin

Sax: "John Selden is famous, but not at all well known. His fame was earned as a lawyer (one of the cleverest, and absolutely the most learned, in 17th-century England), and as an MP who played a significant role in English political history from the 1620s to the 1640s. [...] He also earned a place in English religious history, through his decisive interventions in the Westminster Assembly. This was an advisory body, set up by Parliament in 1643 in order to work out how to convert an episcopal Church of England into a Presbyterian one." | Greinin í heild

 

Tímaritið American Affairs

2. What Is Conservatism? (hvað er Íhaldsstefna): Eftir Ofir Haivry og Yoram Hazony. Merkileg og ansi ýtarleg ritgerð sem markar þáttaskil í hvað og hvernig Vesturlandabúar halda að Íhaldsmaður sé, en er samt ekki. Þeir sem skilja tímana núna, skilja það sem greinin er að segja. Þeir sjá að einmitt núna eru Íhaldsmenn að skilja við Líberalista og Líberalistar að skilja við þá. Þetta voru alltaf grunnleggjandi andstæðir og ósamrýmanlegir pólar í stjórnmálum Vesturlanda. Eftir lesturinn ættu menn að skilja Donald Trump og stjórnmál hans og Brexit ögninni betur

Sax: "Todays confusion of conservative political thought with liberalism is in a way understandable, however. In the great twentieth-century battles against totalitarianism, conservatives and liberals were allies: They fought together, along with the Communists, against Nazism. After 1945, conservatives and liberals remained allies in the war against Communism. Over these many decades of joint struggle, what had for centuries been a distinction of vital importance was treated as if it were not terribly important, and in fact, it was largely forgotten. But since the fall of the Berlin Wall in 1989, these circumstances have changed. The challenges facing the Anglo-American tradition are now coming from other directions entirely." | Ritgerðin í heild

 

Áhorf dagsins:

Cambridge Universitiy Press

Heimspeki Biblíunnar: Án Gamla testamentisins væri náttúrlega ekkert Nýtt testamenti. Þau eru ein heild og bandalag vestrænna manna | You Tube

****

Fyrri færsla

Stjórnlaust Þýskaland. "Þeirra" guð sagður stærstur

Stjórnlaust Þýskaland. "Þeirra" guð sagður stærstur

Sumir muna kannski enn eftir loftslags,- umhverfis,- og jarðarkenningunni sem kennd er við heitið Gaia. Kenningin ruddi sér til rúms upp úr 1970 og hún sagði að jörðin væri eins konar lifandi organismi sem stýrir sér sjálfur. Já eins konar sjálfkeyrandi pláneta, en þó án þess að fara skyndilega sem sturtuklefi á sporbraut um Mars. En það var hins vegar ekki nógu mikill peningur í þessari kenningu, því hún hræddi og bræddi svo fáa að hún varð ekki að massífri hysteríu með afleiddri, þ.e.a.s. afvegaleiddri peningamaskínu

Til dæmis veit ég meira en hysterískir hlýnunarmenn jarðar vita í dag. Ég veit að líkamshiti minn er algerlega óbreyttur þrátt fyrir það að mér sé kalt á tánum. Ég er ekki að farast þó tánum sé kalt eða heitt. En það halda menn um leið og einn ísjaki yfirgefur mömmu sína, jökulinn. En undir jöklinum er samt hlýtt

Ef fólk setur frosinn kjúkling undir hatt á höfði sér, þá fær það aðsvif. En líkamshiti þess er þó ekki neitt lakari þrátt fyrir það. Þetta gerði ein norsk kona í þarlendri verslun og reyndi að ganga þannig út, en fram hjá búðarkassanum. En hún komst ekki nógu langt, því það leið yfir hana og upp komst um kólnun jarðar

En hvað gerist þá næst? Jú hún þurfti að borga fyrir kjúklinginn, en til viðbótar gerist það í dag á okkar dögum að Bogi Bráðjökull DDRÚVson kemur á skjáinn og græn málning frussast yfir allt -kjarnorkuvopnin líka- og fólk setur próteininnkaupapokana yfir höfuð sér og kafnar. Við það opnast gáttir ríkissjóðs og peningarnir verða að svifryki yfir höfuðplastpokaborginni Reykjavík í nýlenduvöru-verslun IKEA og Hennes martröð. Og svona heldur þetta áfram frá fjölmiðli til fjölmiðils, þar til miðilsfundir þeirra verða að me Too. Og glösin glamra. Nýr leiðtogi jarðar er fæddur

En þetta fór víst ekki alveg þannig, því þessi umræddi nýi leiðtogi "hins frjálsa heims", sjálf Angela Merkel, húkir nú ein heima í stjórnlausu Þýskalandi og hefur hvorki stjórn á barnlausri sjálfri sér, flokk sínum, landinu né neinu. Hún er algerlega komin í þrot. Bara alveg. Flokkurinn hennar þolir hana ekki, hún er svo hroðalegur hugleysingi að það er henni að kenna, segja flokksmenn, að Þýskaland er varnarlaust land og án nokkurrar getu til að verja sig né hvað þá NATO-bandamennina sem landið hefur skuldbundið til að koma til varnar, en getur ekki, vegna hugleysis hennar í samvinnu við sósíaldemókrata. Þetta sagði Norbert Röttgen flokksbróðir hennar og formaður utanríkismálanefndar þýska þingsins í síðustu viku. Hann segir að pólitík Angelu Merkel sé skandall fyrir Þýskaland og grafi undan trausti boraranna á landi sínu. Enda hefur flokkurinn nú í fyrsta skiptið í sögunni mælst með undir 30 prósent fylgi í virtri skoðanakönnun. Og þar eru þýskir sósíaldemókratar komnir niður í 16 prósentur. Aðeins 1,5 prósent skilur nú á milli fylgis þeirra og AfD

Einu vinirnir sem Merkel á eftir, eru þeir sem sköffuðu forvera hennar í kanslarastarfinu þá gulu bót sem sá lét sauma fasta á Gyðinga í Evrópu. En það gerðu múslímar fyrstir og bönnuðu Gyðingum að biðjast upphátt fyrir, ríða hestum og sinna opinberum störfum í sínu eigin landi Ísraels, um það leyti sem múslímar undir Ómar lögðu hald á það í kringum árið 600. Þá var Gyðingum gert skylt að bera gula bót til að aðgreina sig frá þeim sem tóku land þeirra yfir, eftir að Rómaverjar höfðu tekið það, rústað helgistað þeirra, réðu öllu í landi þeirra í langan tíma og gerðu Gyðinga útlæga úr höfuðborg sinni, Jerúsalem. Skömmu eftir fæðingu Krists og aftöku hans, drepa úniversal imperíal Rómverjar hálfa milljón Gyðinga í þjóðríki þeirra, brenna þúsund þorp og bæi þeirra niður og skíra Jerúsalem öðru nafni, Aelia Capatolina, og gefa Júdeu nafnið Palaestina til að reyna að afmá öll bönd Gyðinga við land þeirra Ísrael

Þeir sem tóku við úniversal imperíal kyndli Rómverja heita Líberalistar í dag. Þeir ætla eins og Rómverjar að koma einu únversal regluverki yfir allt mannkyn. En það bannar Biblía Vesturlanda alveg stranglega. Hún harðbannar það því það það er af hinu ógurlega illa og vonda að reyna að ráða þannig yfir öllum heiminum. Það má enginn gera. Maðurinn er ekki skapaður til að vera eitthvað eitt samkvæmt einni reglu þannig úníversal imperíalisma. Gamla testamentið kom því með landamærin og þjóð-ríkið til okkar til að koma í veg fyrir að þjóðir flæddu út fyrir þau til að gleypa heiminn. Þess vegna var hið forna Ísrael svona einstakt í mannkynssögunni. Það varð hornsteinn Vesturlanda

Eina áþreifanlega sönnunargagnið um tilvist Pontísuar Pílatusar fannst árið 1963 í rústum Caesarea, sem múslímar urðu að taka yfir þarna seint á sjöttu öld til að geta hrifsað til sín allt landið, og saumað gula merkimiðann fastan á Gyðinga í þeirra eigin landi. Yfir innganginum hafði nefnilega skilti með áletruninni TIVS PILATUS hangið. Það er fundið. Skilti og opið leikhús fékk hann, og Jesú Krist upp á kross, en gulan merkimiða fengu Gyðingar, þá og einnig löngu síðar, ásamt íslömsku vígahreiðri klaskað beint ofan á þeirra helgasta helgistað. Og sem hafði verið sá helgi staður þeirra frá því þúsund árum fyrir Krist. Þar stendur hið niðurklaskaða vígahreiður íslamista enn og safnar í sig púðri

Já, gula bót til að aðgreina þá frá herraþjóðinni, sem Angela Merkel bauð nýlega velkomna í sitt land til að drekkja sinni þjóð. Þetta er að verða fyrsta boðorðið í hjálparstarfi nútímans; ávallt að drekkja sjálfum sér fyrst, áður en öðrum er svo "bjargað" með engu, því allt er farið. Þetta er hin nýja Gaia-kenning Líberalista. Gamla hryllings-bandalagið er þetta sterkt, enn þann dag í dag. Enda voru múslímar miklir bandamenn Hitlers

Svo klöskuðu múslímar, sjö hundruð árum eftir Krist, stórmosku yfir sjálfan helgasta helgistað Gyðinga í Jerúsalem, þá tæplega tvö þúsund ára gamlan, eins og þeir -ef svona vel viðrar fyrir þá áfram í geldri Evrópu- munu reisa yfir tómarúm Angelu Merkels. Enda er verið að byggja þannig musteri út um allt í Þýskalandi. Þar er nú kallað til bæna og í gjallarhornin öskrað "okkar guð er stærstur"

Einn þýskur maður hefur þó kært hátalarakerfið og er sú kæra nú í athugun í steingeldu Þýskalandi. En það er hún einungis vegna þess að hornið gellur því út yfir allt og alla, að guð annarra sé stærri en þeirra þýski eigin (sem er næstum enginn) og sem Mekrel hefur gert svo kyrfilega lítið úr, að hann er næstum því ekkert orðinn. Skiljanlega er ekki er von á annars konar gjallandi horni úr hörðustu humátt sem gellur ekki hærra en áunnið heyrnarleysi hennar og annarra steingeldra sekúlarista mögulega getur numið. Sagt er að kanslaraínan kunni þó enn að lesa og kannski að skrifa, en alls ekki að skrifta, enda alin og forhert upp í DDR, þar sem hún var í guðlausri ungliðahreyfingu kommúnistanna sem drápu landið sitt svo innanfrá að það hefur aldrei beðið þess bætur. Hún neitar því forhert enn og án afláts að viðurkenna mistök sín, sama hversu grafalvarleg og slæm þau eru fyrir Þýskaland og allt meginland Evrópu. Pólland fær hún þó aldrei

Sem sagt: "leiðtogi hins frjálsa heims" er greinilega nýfæddur. Þýskaland myndi verða gjaldþrota á fimm sekúndum við það eitt að verja sig sjálft. En þar telur bara enginn að neitt sé til, sem vert sé að verja - og gildir það álit Þýskalands einnig um allt meginland Evrópu. Í því felst leiðtog Þýskalands, eins og ávallt áður; Að stúta því öllu - líka á undanhaldinu

Fyrri færsla

Ætlar Framsóknarflokkurinn ekki að banna fóstureyðingar líka?

PISA-lánshæfnismat OECD-Ratings í menntamálum

Við ættum ekki láta Fitch-Ratings um menntakerfið okkar. Hvort það sé "lánshæft" eða ekki. Allir muna hvernig svona glóbal ríkisstjórnun (e. governance) í þeim geira gekk fyrir sig. Hann varð gjaldþrota og kostaði þjóðir næstum lífið, efnahagslega séð - og þar með einnig menntalega séð

Það er enginn munur hér á og því að hleypa OECD-Ratings í menntakerfið okkar. Það má ekki gerast að íslensk ríkisstjórn og menntamálaráðherrar depóneri til OECD hvað menntakerfið okkar á að gera og geta eða ekki gera og geta, og hvenær það á að gera hvað. Út með OECD úr íslensku menntakerfi

Þeir sem kaupa PISA-lánshæfnina í menntamálum, þeir kaupa allt. Þeir eru auðvitað glataðir Líberalistar. Allir vita hvaða bóluefni svona stofnanir koma svo með á borð ríkisstjórna, sem "lagfæra" á það sem OECD-Ratings hefur mælt að sé að. Staðlaðir kjánar úr OECD-menntakerfum fyrir staðlað glóbal atvinnulíf, er mjög slæm hugmynd

Þetta er þvæla út í gegn og enginn ætti að koma nálægt þessu. Þetta er algjör uppgjöf og enn eitt Ponzi skemað í glötuðum glóbalisma. Hvar er sjálfstraust manna, spyr ég. "PISA-áhrifin" (e. "the PISA effect") á menntakerfi er ekkert til að sækjast eftir. Þvert á móti. Látið ekki glepjast af pisskeppni PISA

Hættið að ganga með hækjur bara vegna þess að aðrir gera það. Sleppið hækjunum. Það er alveg óhætt, þið dettið ekki, kæru stjórnmálamenn. Þið getið gengið, en þið verðið að sjálfsögðu að vilja það. Skríðandi stjórnmálamenn er ófögur sjón. Reynið endilega að rifja upp það sem amma ykkar sagði. Það hefur reynst vel

Fyrri færsla

Kva! Engin nauðgun í kvöldfréttum DDRÚV

Pisskeppnin PISA

Hreyfimynd: Borgarlína Donalds J. Trump

****

Kaþólskari en páfinn

Til hvers voru menn að sækjast eftir fullveldi, ef þeir ætla síðan að láta elítu alþjóðaisma ráða yfir sér. Við urðum Mótmælendur vegna þess að við vildum fá að lesa og túlka Biblíuna samkvæmt okkar eigin skilningi á henni. Þá vorum við í reynd að segja þeim sem réðu að við vildum fá okkar eigin stjórnarskrá svo við gætum stjórnað okkur sjálf samkvæmt okkar skilningi, þörfum og með okkar eigin lögum. Við vildum hafa sjálfsákvörðunarrétt í okkar málum. Við vildum ekki lúta úniversalisma Páfagarðs, né neinna úniversal heimsvelda og allra síst úniversal imperíal-veldi Líberalista okkar daga, sem klessti veröld Vesturlandabúa árið 2009

En hvað sér maður núna? Jú fullfrískir menn hokra í púpum sínum og éta alþjóðlegt delluverk sem engum Sjálfstæðismanni hefði dottið í hug að væri til neins annars en að ná tökum á lirfulífi þeirra, samkvæmt skilningi alþjóðlegra elíta, sem komið hafa í stað Páfagarðs á okkar dögum. Og að þeir myndu því koma úr úr því lífi sem staðlaðir ormar

Hví eru menn að leggja þeim elítum til svona sjálfsmörk. Erum við ekki okkar eigin herrar. Fráfall í menntakerfi er sennilega heilbrigðismerki. Lítið fráfall er lítið, vegna aðstæðna sem eru svo ömurlegar, að um allt er að tefla eða ekkert. Sýnist ykkur að alþjóðleg menntunarveldi á borð við hvellsprungið Japan í 30 ár og ýmis önnur Asíulönd, sé það sem vert er fyrir okkur að sækjast eftir. Hvað er að mönnum. Eru þeir orðnir páfar

Í Danmörku er staðan þannig að ef þau örfáu börn sem þar fæðast enn, detta út úr skóla þá detta þau út í Evrópusambandslegt og massíft 100 ára atvinnuleysi ungmenna þar sem ekkert er að hafa. Það er því aðeins um tvennt að velja. Hýrast áfram í þeim ónýtu, mygluðu og að hruni komnu skólabyggingum sem þar hýsa resta-afkvæmi geldneytis evrópskra Líberalista, og sem ekki var eytt sem fóstrum, eða þá að fara í hundana, sem eru margir og miklir í formi þess gelda þjóðfélags sem aðild Danmerkur að Evrópusambandinu hefur búið landinu. Samt er staðan í Danmörku betri en í flestum löndum úrkynja meginlands Evrópu. Þar eru engin vandamál með þau börn sem fæðast þar ekki

Hin endalega lausn á skólamálunum í Evrópu er fundin. Hún heitir gelding í nafni Líberalista. Og hún er í fullum gangi. Þetta er sú statistíkk sem menn eiga að horfa á. Þeir eiga ekki að haga sér eins og flugmennirnir sem þoldu ekki að vita ekki hvers vegna rautt ljós blikkaði í mælaborði flugvélarinnar, og fóru því í að leysa það mál á meðan vélin, með nefið niður, hrapaði hægt og rólega til jarðar og drap alla um borð. Og þetta er ekki einu sinni lygi. Þetta gerðist. Það er þetta sem piss PISA bunar á; rautt ljóst fyrir þá sem hugsa á bókina og vilja hrapa

En hvar eru svo allir iðnskólarnir sem einu sinni voru hér? Ég spyr, því vandamálið í löndum með sæmilegt magn lifandi en ekki drepinna barna, er það að allir foreldrar, eins og ég, eru sérfræðingar í skólakerfum, því allir foreldrar hafa verið þar og vita því um hvað þeir tala. Allir foreldrar eru sérfræðingar í skólamálum. Þeir sem eiga engin börn, eru hins vegar bara sérfræðingar og ekkert annað. Allir vita að slíkri geldstöðu mæltu heilagar Ritningar Vesturlanda alls ekki með. Þar skiptir fjöldi barna öllu máli, en ekki gæðin. Sumt er nefnilega börnum meðfætt og það eru gáfur. Heimska er ekki meðfædd, hún er áunninn sérfræðilegur verknaður Líberalista

Og vert er að minnast þess að skólakerfi Sovétríkjanna var gott. En þau dóu samt úr menntun og náttúruauðæfum upp í háls. Það ríki var einnig úniversal-imperíal-veldi. Sovétríkin urðu veldi þeirra sem tóku Líberalismann alla leið þangað sem hann alltaf endar; þ.e. sem OECD í öðru veldi. Þangað stefnir ESB

Það er íslenskum ungmennum til mikils hróss, að þau eru alls ekki sænsk í hugsun. Fyrir þau er ekki hægt að henda hvaða skeinipappír sem er, án þess að þau spyrji fyrst; til hvers erum við að þessu? En þannig er margumtalaður "dugnaður þjóða" sem grúfa sig yfir hvaða verkefni sem hent er fyrir þær, til úrlausnar og endanlegrar útrýmingar. Mér er létt, því íslensk ungmenni stóðust prófið með glans

Haldið endilega áfram að pissa PISA. Fyrir alla muni, nema okkar fjármuni. Þeir sem síðan vilja láta jaðarsetja sig í alþjóðlegum kirkjugarðadeildum OECD, geri bara einmitt það. En komið ekki nálægt okkar heilaga garði; fullveldi og sjálfsákvörðunarrétti íslenskrar þjóðar

Fyrri færsla

Norðurlandaráð þjáist af hámenntun

Norðurlandaráð þjáist af hámenntun

Mynd: bein krækja á menntamenn og skýrsluframleiðendur Norðurlandaráðs (enda er Lenovo vörumerki kínverskra, en ekki hæverskra). Svona hefur þetta verið árum saman. Aular! Enginn í ráðinu hefur tekið eftir að enginn les neitt frá þeim vegna þess að það er ekki hægt að nálgast það. Ráðið er orðið tankur sem talar við sjálfan sig og fréttastofur, til að vekja þá athygli á sér sem það er sjálft ófært um að gera. "Tökum menntamálin fyrir núna til að skaffa okkur fleiri peninga og gefum út skýrslu á ensku sem enginn getur nálgast"

****

Það kann bara eitt tungumál núna: ensku!

Ráðið kann ekki að búa til heimasíður. Krækja á enska skýrslu virkar ekki því hún vísar í rótina á Windows-tölvu ráðsins, en ekki á vefsetrið. Og þannig er það búið að vera í nokkur ár! Gæðastjórnun er engin og gæðaeftirlit ekkert. Þekking er engin. Og vandvirki ráðsins er frosthrunin bygging í Síberíu

Ég hef fylgst með og lesið tölfræðileg ársrit ykkar síðustu 12 árin. Og síðustu mörg árin hef ég þurft að nálgast gögn ykkar eftir krókaleiðum vegna vanrækslu ykkar á eigin setri. Þið fylgist ekki með neinu, enda les enginn það sem þið birtið, en þó alveg án þess að þið gerið ykkur grein fyrir því. Þið þiggið bara laun

Fjallað er um menntun í skýrslunni. Ráðið sjálft er árangur menntunar. Það kann eitt tungumál og er mannað miklum árangri í atvinnuleysi. Því hærra sem það er, því meiri menntun

Ég er langþreyttur á að þurfa að halda þessu og álíka predikandi menntapakki um allt þjóðfélagið uppi. Það skilar engu nema bremsuklossum og er því landsframleiðslan á hvern íbúa á Íslandi sú næst hæsta á Norðurlöndum, þrátt fyrir að heilum geira menntafólksins skyldi af mörkuðum vera sturtað á haugana: þ.e. hinu alþjóðlega fjármálaherfi íslenskra menntamanna. Og ef olíuverð helst lágt þá fer norska landsframleiðslan á mann niður fyrir þá íslensku, eins og hendi sér veifað. Alveg gratís

En hvernig getur það verið að landsframleiðslan á hvern alvitran Finna skuli vera sú áberandi versta á Norðurlöndum, því þeir gengu jú í hlaðborð menntamanna og drekktu landi sínu í evrum. Finnland hefur látið lífið á hlaðborði evrópskra menntaelíta. Hámenntun í heimsku er orðin sjúkdómsplága á Evrópu

Það er lágmark að Norðurlandaráð hysji upp um sig brækurnar. Annars verður því lokað og þið öll rekin úr starfi fyrir fúsk með annarra manna tölur og vanrækslu

Ekkert Norðurlandanna hefur ensku sem móðurmál. Enska er eins og að kunna að skeina sig í dag. Kunnið þið ekkert annað?

Skýrslufarganapakk Íslands finni sér annan vettvang fyrir þvaður sitt. Nóg er komið af súrum gúrkum ykkar. Og lokið vinsamlegast DDRÚV áður en öll þjóðin lendir á Kleppi

Fyrri færsla

Drög að bráðabirgðastjórn komin í Þýskalandi?

Drög að bráðabirgðastjórn komin í Þýskalandi?

Úr Þýskalandi berast þær "fréttir" að stjórnarmyndun tveggja pólitískra andstæðinga hafi tekist, gegn þeim sem eru enn meiri andstæðingar flests þess sem þeir tveir flokkar standa fyrir, eða í vegi fyrir, allt eftir því hvernig menn líta á stjórn-málin þar í landi, sem er öll Evrópa núna, að minnsta kosti eftir hádegi og fram eftir nóttu, alla ársins daga

Látið er líta svo út að flokkur Merkels hafi þurft að "gefa eftir" fyrir "kröfum" sósíaldemókrata, svo að blaðamenn skrifi einmitt það í skrifum sínum, til að auðvelda flokksmeðlimum SPD að afsaka fyrir sjálfum sér af hverju þeir í komandi atkvæðagreiðslu, eigi að svíkja þá sem kusu flokkinn í þingkosningunum út á loforð formannsins, um að fara ekki í enn aðra ríkisstjórn með pólitískum andstæðingum hans, því flokkurinn er einmitt núna að hverfa af yfirborði jarðar vegna tólf ára þannig hjónabands

Þetta kák gleypa svo kallaðir blaðamenn að sjálfsögðu og kák þetta halda þeir því að haldi bara endalaust áfram. En svo er alls óvíst, því um sjálft líf þýska sósíaldemókrataflokksins er hér að ræða. Flokkurinn er að verða undir í samsteypusamsæri tveggja Líberalistaflokka um völdin. Sossar hafa gleymt rótum sínum með öllu og kristilegir demókratar eru fornleifar af því sem flokkur þeirra átti einu sinni að snúast um. Kristilega heitið á þeim flokki jaðrar við kímnigáfu kölska um sjálfan sig og ekkert demókratískt er við þann flokk lengur. Pólitískt lögmætt demos hans er kyrfilega svikið, fyrir ekkert demos Evrópusambandsins, sem hefur heldur ekkert ethos og allra síst neitt telos. Flokkurinn hýsir ekkert af stofnsáttmála hinna Heilögu ritninga þjóðríkja Vesturlanda. Lítið nema slæmt hefur komið út úr Þýskalandi frá stofnun þess 1871, sem var fölsk, þó svo að sjálft demos þess sé nokkuð pólitískt lögmætt

Wall Street Journal skrifaði í gær að SDP hefði byggt flóttaleið inn í stjórnarsáttmálann, með því að krefjast rétts til endurskoðunar hans eftir tvö ár. Ef það er rétt, þá er hér um bráðabirgðastjórn að ræða. Það besta sem gamla ESB-elítan gegn fólkinu í Þýskalandi getur hóstað upp, eftir 27 ára hörmungareið hennar yfir Evrópu

Ef ég væri Angela Merkel þá myndi ég í það minnsta fá mér annan jakka, því þessi sem hún á var, er og verður alltaf fúll

Fyrri færsla

Þýska stemmingin gerbreytt; en bara ekki í "ríkisstjórn"