Þýska stemmingin gerbreytt; en bara ekki í "ríkisstjórn"

Mynd: Flokkstákn þýskra sósíaldemókrata; limosína með innbyggðri "ostpolitik"

****

Eins og ég skrifaði um í gær, hefur meiri-hluti þegar fjarað undan þýskri "grand-samsteypu" þýskra sósíaldemókrata og kristilegra fornleifa demókrata, áður en hún gat myndast. Fornleifar kristni eru af sérfræðingum sagðar sjást enn á einni röntgenmynd í sjúkraskrá flokksins. En hvað um það..

Hverjum hefði fyrir fjórum árum dottið í hug að sitjandi Bandaríkjaforseti hefði það í hendi sér hvort að þýski sósíaldemókrata-flokkurinn myndi samþykkja sitt eigið sjálfsmorð eða ekki. En í aðalstöðvum Bandaríkjahatursins í Evrópu, Þýskalandi og Frakklandi, er nú litið svo á að Donald Trump hafi brugðist Evrópu með því að gera ekkert í heila tvo mánuði sem þjappað gæti þýskum sósíaldemókrötum saman að beinlausu baki Angelu Merkels, sem massafjölmiðlar Líberalista hafa kosið sem leiðtogleður hins frjálsa heims. Afsakið "leiðtogi" átti það að vera, en ekki kústskaft fullt af "soft power" - eða því sem á mannamáli heitir blautt púður er betra en ekkert. En þetta er staðan í dag

Allir lokafrestir stjórnmálaþýsku grand samsteypunnar eru liðnir án þess að neitt bóli á yfirlýsingum um hvers vegna ekkert gerist, annað en það sem þýsk dagblöð hlægja daginn út og inn að; sem er að ef þessi stjórn fæðist, þá sé tími hennar þegar liðinn

Þeir 30 þúsund nýir meðlimir sem gengið (hlaupið) hafa í flokk sósíaldemókrata undanfarna mánuði -lokafresturinn rann út í gær- ætla víst allir sem einn að segja nei við því að fara í ríkisstjórn með Merkel. Formaður sossa liggur nú á bæn alla daga um að Trump geri bara eitthvað sem afsaki það sem hann getur ekki afsakað fyrir neinum; að hann hafi neyðst til að fara í sjálfsmorðsstjórnina til að bjarga Þýskalandi frá Bandaríkjunum í nafni stöðugleika

Síðasta von hans er að stjórnarskrárdómstólinn ógildi kosninguna í flokknum um stjórnarsamstarf eða ekki. Það væri svo sem eftir þeim gervidómstól, að banna slíkt þjóðaratkvæði núna en ekki fyrir fjórum árum, en að þessu sinni í nafni stöðugleika gegn Bandaríkjunum og þýskum kjósendum, sem eru einkaþrælar þýskra elíta. Og hafa aldrei verið neitt annað og sem aldrei munu aldrei uppskera annað en hörmungar hennar

Skyldi einhvern tíma verða reistur minnisvarði um þýska sósíaldemókrata þá mun hann verða reistur af þýskum aðli, sem þökk fyrir að hafa skotið 1930 nýjum fótum undir allt meginland Evrópu á ný - í nafni gamla stöðugleikans

Fyrri færsla

Þýska "grandið" orðið að minni hluta

Þýska "grandið" orðið að minni hluta

Eins og ég skrifaði í athugasemd í gær:

"Þeim tveimur andstæðu flokkum sem standa að stjórnarmyndunarviðræðum í Þýskalandi (CDU/CSU og SPD), tókst ekki að standa við þann lokafrest sem þeir höfðu sett sér um að ná saman í síðasta lagi um síðustu helgi

Ný skoðanakönnun INSA í Þýskalandi sem birtist í gær og komst á forsíðu Bild, sker enn frekar af fylgi CDU/CSU-flokksbandalags Angelu Merkel. Það mælist nú með aðeins 30,5 prósent fylgi, en flokkurinn fékk 32,9 prósent í kosningunum þann 24. september í fyrra

Flokkur sósíaldemókrata (SPD) mælist með tapandi 17 prósent stöðu í dag og þokast fylgið neðar og neðar með hverri vikunni sem líður. Þeir fengu 20,5 prósent í kosningunum

Fylgi AfD, Valkostur fyrir Þýskaland, mælist nú 15 prósent, en þeir fengu 12,6 prósent í kosningunum. Bilið á milli þeirra og SPD er að verða ekkert. AfD er að verða næst stærsti flokkurinn í þýskum stjórnmálum"

Ja hérna. Samkvæmt þessari könnun er meiri hluti svo kallaðrar stórstamsteypustjórnar CDU/CSU og SPD horfinn. Gufaður upp. Þessir tveir flokkar eru orðnir að minni hluta í stað meiri hluta. Í þessari könnun fá þeir aðeins 47,7 prósent stuðning kjósenda. Það er ekki lengur neitt "grand" við þá "grand coalition", er það?

FAZ segir að enn séu þrjár til fimm vikur í að meðlimir SDP kjósi um hvort ganga eigi til samstarfs við CDU/CSU eða ekki - og þar með endanlega að kála flokknum, ef af verður. Sumir búast við að sú kosning verði kærð til stjórnarskrárdómstóls Þýskalands, þar sem þjóðaratkvæðagreiðslur eru samkvæmt lögum bannaðar. En ólíklegt þykir að sá gervidómstóll haldi öðru áfram en að drekka bara bjórinn sinn og plokka úr sér vitið, sem aldrei var þar

Þetta er að verða átakanleg staða í pólitískt lofttæmdu Þýskalandi. Sossar að hverfa. Summa stærstu flokkanna orðin að skuggamynd þeirra, þ.e. að minni hluta. Formaður sossa fífl. Fuglahærðan Merkel gengur við hækjur og óttast hvern dag sem rennur upp eftir beinlausri hryggsúlu hennar. Þið vitið, hún er sjálfur leiðtogi hins "frjálsa heims" fjölmiðla. Ha ha ha ha og fliss

Vofan AfD þarf ekki að gera neitt annað en að horfa bara á þessa flokka kála sér í sínu öryrkjabandalagi, sem passlegt er orðið fyrir Þýskaland, sjálft kústskaftið í NATO. Landið þar sem meðalaldur kjósenda er kominn langt yfir sextugt, þjóðin orðin líkamlega geld og sannarlega úrkynjað sýnishorn á safni evrópska elliheimilisins

Sú stjórn sem verður þarna mynduð, verður vissulega afmynduð útgáfa af þið vitið hverju: veruleikanum, sem fjarað hefur hratt undan. Þetta er það sem stjórnar Evrópusambandinu og ekkert annað; þorskur á þurru landi

Fyrri færsla

Pólitískt tómarúm í heiminum? Á Vesturlönudum?

Pólitískt tómarúm í heiminum? Á Vesturlönudum?

Mynd, Reuters: Heiðursvörður tók á móti James Mattis varnarmálaráðherra Bandaríkjanna í Hanoi í Víetnam 25. janúar 2018. Fyrsta bandaríska flugmóðurskipið frá stríðslokum árið 1975, mun leggja að í Víetnam í mars 2018. Ástæða: Víetnam þolir ekki Kína

****

Styrmi Gunnarssyni finnst það: Hann skrifar: Heimspólitíkin: Pólitískt tómarúm á Vesturlöndum - Kína bíður

En er það virkilega þannig? Reynum að gera dæmið upp:

Þýskaland er enn nokkuð stjórnlaust land, hálfu ári eftir kosningar. Beðið er eftir landinu. En á yfirborðinu er sagt að þessi bið-staða skipti ekki máli, því síðasta stjórn sé enn við völd. En þessi nýopnaða biðstofa -Grossdeutschland - í Evrópsku samhengi, er samt það sem allir kvarta yfir. Texas er ekki í þessari stöðu. Það er ekki í biðstöðu. Það þarf ekki að bíða eftir neinum því Bandaríkin virka og eru á fullu við leiðtog, hvern einasta dag ársins. Pólitískar erjur innanlands í því landi eru heilbrigðismerki. Verið er að lækna sárin eftir misheppnaða alþjóðavæðingu Líberalista og hreinsa þá út úr íhaldsflokki Repúblikana. Heimspressa Líberalista er því að breytast í salernissandpappír vegna sjálfvígsstefnu Líberalista*, sem sitja á nær öllum hobbí-snobb fjölmiðlum veraldar. (*Bleyjumerki)

Flokkur Angelu Merkel beið afhroð í kosningunum. Hið sama gerðist hjá stjórnaandstöðunni, sem sængaði hjá pólitískum andstæðingum sínum í 13 ár. Þessir tveir flokkar gerðu með sér eins konar bandalag um að kjósendur gætu hvergi umflúið þá. En kjósendur eru hins vegar flúnir núna, vegna meðal annars nýs Valkosts fyrir Þýskaland, og þeir eru áfram að flýja þá hvern einasta dag. Þess vegna er pólitíska tómarúmið svona mikið í Þýskalandi, að varla er hægt að koma saman nýrri ríkisstjórn. Fylgi þýskra sósíaldemókrata er nú komið niður í 17,5 prósent í könnunum. Það var 32 prósent árið 2012 og 41 prósent í kosningunum 1998

Bretland hefur yfirgefið hið sökkvandi skip Evrópusambands Líberalista og snýr til baka til róta sinna; þ.e. Anglosphere

Nýkjörinn forseti hins fimmta misheppnaða lýðveldis Frakkalands; já hann situr nú einmitt þar, "bara-heima", einn og einsamall á stórri og fallegri biðstofu og bíður eftir húsbónda sínum, Þýskalandi, og hrapar svo í vinsældum meðal þjóðar sinnar að þær eru nú jafnlitlar eða lítið-miklar og þær voru hjá Hollande á sama tíma liðnum frá kosningum. Sá forseti, Hollande, fór frá völdum með fjögur prósent vinsældir og tók sósíaldemókrata-flokk sinn með sér í gröfina

Þriðja stærsta kjördæmi ókjörins Þýskalands, Ítalía, er að detta af pólitískum hengslum og tengslum við rætur sínar, vegna hins bágborna efnahags landsins, sem evran hefur lagt að velli. Peningar Ítalíu eru á kistubotnunum uppi í Þýskalandi. Sú efnahagslega niðurlagningar-fabrikka sem evran er, hefur þar með náð djúpt inn til ítalskra stjórnmála, sem því eru í pólitískum krampaköstum. Svört framtíð blasir við Ítölum. Algerlega kolsvört

Spánn, fjórða stærsta hagkerfi ESB, er þessa stundina að rífa í tætlur stjórnaskrá sína, með hörmulegum afleiðingum. Katalónía vill yfirgefa landið sem er ekki lengur það land sem það hélt að Spánn væri. Lömun færist yfir og var hún þó næg fyrir vegna þess hve evran hefur rústað efnahagnum. Beðið er eftir skipunum frá Berlín

Finnland er að þrotum komið í Evrópusambandinu og það er skuggalegt hversu algjört efnahagslega frostið hefur verið í Finnlandi, samfellt síðustu 10 árin. Þetta var "fyrirmyndarríki" ríkisstjórnar Jóhönnu Sigurðardóttur, en staða þess er svipuð og Jóhönnu sjálfrar; engin. Grikkland þarf enginn að minnst á því allir vita hver staða þess er; hún er vonlaus, vegna evru og esb

Kína er að falla saman eins og uppblásnar lofbólur alltaf gera. Og þeir sem hafa trúað blint á landið munu bláir missa anda sinn, þegar í ljós kemur að stærð kínverska hagkerfisins er aðeins rúmlega einn þriðji hluti af uppgefinni stærð. Það sama og gerðist þegar Japan féll saman frá því að vera 17 prósent af hagkerfi veraldar niður í sex prósentin sem það er í dag. Og um þessar mundir eru japanskar framleiðsluaðferðir -töfraorð á sínum tíma- að hrynja saman sem fyrirmynd annarra. Og það sama gildir um þýskar framleiðsluaðferðir. Hver japanski forstjórinn fer rauður í andliti frá stjórn eftir annan. Það sama er líka að gerast í Þýskalandi. Gæðastjórnun bandarískra framleiðsluaðferða er orðin betri en beggja þessara landa. Mismunurinn á 17 og 6 prósentum, var froða sem búin var til með pólitískum og fjárhagslegum brellum

"Einn-vegur og eitt-belti" útþenslustefna Kína eru pólitískar sjónhverfingar ætalaðar til heimabrúks í því harðræði sem þar ríkir núna. Svipað og skemmtiferð Pútís til Sýrlands, vegna komandi kosninga. Nýr kínverskur alræðisherra er mættur til valda yfir Kína, sem annars dytti í sundur. Þetta "veg-og-beltis" fyrirbæri undirstrikar hins vegar aðeins vanda Kína. Í reynd er aðeins um að ræða "Enn einn stoppklossann eftir annan" á götum Kína til umheimsins. Landið er læst inni í sjálfu sér og getur sig hvergi hreyft nema með samþykki annarra. Það er og verður staðsett í miðju landfræðilegs tómarúms sem skilgreinir og ákveður stjórnmálin innvortis í Kína. Kína er eins og eyja með stjórnarfar sem heldur því ávallt sem lokaðri eyju, sem að öðrum kosti brotnar upp í eyjaklasa og sundrast. Að baki eyjunnar er landfræðilegur fangelsismúr Mongólíu og í vestur er einnig lokað. Suður-um-höf Kína, er verndar- og valdasvæði stærsta flotaveldi mannkynssögunnar; bandaríska sjóhersins, sem er eini flotinn í mannkynssögunni sem ræður og skilgreinir leikreglurnar á öllum höfum veraldar samtímis

Bandaríska þjóðríkið ræður með öðrum orðum því hver fær leyfi til að gera innrás og útrás hvert, og hvenær. Þegar Bandaríkin aðhafast lítið þá er það vegna þess að þau vilja láta lönd um kála sér með eigin hendi, eða hins vegar, vaxa og dafna. Eða þá vegna þess að þau eru að safna kröftum fyrir næsta gamlárskvöld, eins og í aðdraganda Síðari heimsstyrjaldar. Bandaríkin eru og verða aldrei einangrunarsinnar, einfaldlega vegna þess að þau geta það ekki. Þau eru einn þriðji af hagkerfi heimsins. Þau geta ekki hreyft litlu tá án þess að sú hreyfing hafi áhrif um víða veröld, algerlega óháð því hver forsetinn í Hvítu húsi og á þingi er

Það felst ákveðin strategía í því að láta aðra um að kála sér sjálfir og mæta svo til leiks og handjárna stöðuna með uppsöfnuðu ofurefli. En slíkt tekur tíma, því ekkert mikilvægt fær leyfi til að gerast í sjálfum bakgarði Bandaríkjanna, heima fyrir, heldur fer það allt fram á Austurhveli jarðar. Og það er einmitt sú stefna sem er þjóðaröryggisstefna Bandaríkjanna. Að láta "þá" um að kála sér sjálfir áður en "þeir" komast í aðstöðu til að sameina sínu vondu krafta gegn Bandaríkjunum. Já þeir eru vondir þeir kraftar og hafa alltaf verið. Þess vegna fjármagnaði Reagan til dæmis Íran og Írak samtímis, svo þau yrðu duglegri við að kála hvort öðru, því á meðan þau gera það, þá kála þau ekki Bandaríkjamönnum, þ.e. Amerykanski eins og Pólverjar segja. It just plain works

Tómarúm? Nei því fer fjarri. En mannkynssagan er þannig að á öllum tímum eru til lönd sem annað hvort eru að sökkva eða rísa. Í Evrópu er það Intermarium sem er að rísa vegna þess að Bandaríkin vilja það. Þau lönd sem eru að falla? Tja, þau útskýra sig sjálf, þegar grannt er skoðað - og menn hætta að trúa því sem stendur og sést í svo kölluðum fjölmiðlum. Það er svona sem breytingar ganga fyrir sig

Fyrri færsla

Framsóknarmenn hugi að mörkum sínum

iPhone-X sagan, "sérfræðingar og markaðir"

Uppgjör Apple H/F kom í gærkvöldi eftir lokun markaða og það var það besta í sögu fyrirtækisins. Ég hlustaði samviskusamlega á opinn símafund almennings-hlutafélagsins, eins og ég hef gert frá upphafi. Þetta fyrirtæki er ekki bara venjulegt fyrirtæki því það stendur ekki bara fyrir "bréfi", heldur heilum flokki eigna (e. asset class) á markaði og er í dag líklega verðmætasta fyrirtæki á plánetu okkar

Staðfestist nú hér að í þessum -og því miður flestum öðrum efnum- vita fjölmiðlar nákvæmlega ekkert um mörg þau mál sem þeir fjalla um. Þeir apa bara apið upp eftir öðrum öpum; þ.e. sérfræðingaveldi veraldar

iPhone X var vinsælasti síminn allan þann tíma sem hann var til sölu á síðasta ársfjórðungi, þvert á það sem stendur í frétt Mbl hér að neðan og einnig í flestum öðrum fjölmiðlum veraldar. Hverja einustu viku sló hann sölumetið á öllum mörkuðum. Hann var til sölu frá og með í nóvember, og það var ekki fyrr en eftir sex vikna harða reið að Apple hafði tekist að anna pantana-biðröðinni sem myndast hafði í vefverslun þeirra. Viku fyrir jól varð iPhone X svo fáanlegur í verslunum og allan janúar hefur hann verið söluhæsti síminn sem fyrirtækið er með á boðstólum

Þessi sími er að grunni til of fullkominn og tæknilega nýstrálegur til að greinendur skilji það. Nema náttúrlega að leikur þessara svo kölluðu "greinenda" sé sá hinn sami og hann hefur verið flest árin sem nýir símar frá Apple hafa komið á markað. Sá leikur hefst með því að (1) svo kallaður "viðskiptafjölmiðill" í Asíu (til dæmis Nikkei - Asian Review) kemur með "frétt" (fake news) um að íhlutaframleiðandi fyrir Apple sé að skera afhendingar til Eplisins niður um helming, vegna þess að hann seljist ekki. Þar næst (2) sýpur allt Wall Street umstangs-umhverfið hveljur til að tala bréfin í Apple niður, svo að (3) þeir geti lánað þau ódýrar til að selja þau til að koma þeim enn neðar. Svo reynast fréttir fjölmiðlanna nær undantekningarlaust rangar og Apple kemur með uppgjör sem sýnir að enginn fótur var fyrir neinu, og þá (4) hækka bréfin fljótlega aftur (eignahluturinn í fyrirtækinu) og orðróma-versmiðjan selur lánsbréfin með miklum hagnaði. Þetta er ferli sem endurtekið hefur sig eins og klukka frá og með árinu 2013, en þá varð hún reglubundið tikk-takk þvaður

En staðreyndin er sú að nær allir "greinendur" hafa aldrei skilið Apple sem fyrirtæki og þeir munu aldrei gera það, enda er það hið eina raunverulega hlutverk sannra tæknifyrirtækja að þau skilji ekki nokkur maður. Það er svo, vegna þess að þau eru einmitt trú sjálfum sér við það að vera harðkjarnatæknifyrirtæki og ekkert annað. Þau halda ekki fyrirlestra út um bæ og borg um hve snjöll þau eru. Og þau eru sem minnst að troða sér fram í aulapressu veraldar. Borða bara sínar kleinur og afhenda áratug eftir áratug nýjungar sem varla neinum manni hafði dotti í hug að þau myndu koma með. Um leið og greinendur skilja tæknifyrirtæki þá þýðir það, að þau eru þar með hætt að vera sönn tæknifyrirtæki

Þegar Apple opnaði fyrstu verslun sína árið 2001, var hlegið innilega að þeim af greinendum sem fjölmiðlar apa sitt ap upp eftir. Í dag er velta verslananna meiri en velta allrar miðasölu á kvikmyndir og leikhús (box office) í öllum heiminum. Vörulína Apple í verslunum fyrirtækisins byggir á aðeins sex vörum sem fyrirtækið framleiðir. Tölvur, tölvusímar og handtölvur og dóti í kringum þau

Apple var síðast bandarískra tæknifyrirtækja til flytja hluta framleiðslunnar til útlanda, því þeir trúðu á Bandaríkin og bandarískt vinnuafl. En þegar "allir" eru komnir þangað út, þá vandast málið samkeppnilega séð fyrir þá sem eru þar ekki. Það kæmi mér ekki á óvart ef að Apple yrði fyrst til að flytja framleiðsluna að mestum hluta til heim á ný - og nýstárgera hana einu sinni enn, því verksmiðjur þeirra í Bandaríkjunum voru einmitt mjög svo nýstárlegar þegar þær voru að mestu leyti þar

Við lifum á óöld sérfræðinganna og veldis þeirra sem klessti veröldinni í að því er virðist óbætanlega klessu árið 2009. Frá 1945 til 2009 tókst þeim að brenna veröldina svo af, að lítil von er til að heimurinn rétti úr kútnum með þeirra aðstoð. Þetta stóð sérfræðinga tók við af gamla aðlinum og kóngaveldinu, eftir að stutt hlé hafði verið á áhrifaveldi þess frá og með bresku iðnbyltingunni og fram til 1945, sem er hátímabil sjálfsákvörðunarrétts þjóða í mannkynssögunni. Eftir heimstyrjöldina var vegna fips, fums og gepólitískra atburða, ákveðið að "sérfræðingar" þyrftu að koma að stjórn heimsins því stjórnmálamönnum hafði fipast. En þetta var dellukenning sem átti við engar staðreyndir að styðjast. Nú hefur þetta sér-fræðingaveldi náð svo langt, að í stað þess að hringja í aðalinn sem yfirsmekksdómsvald yfir lýðnum, þá er hringt í örvita og einskis nýtt sálfræðingaveldi og næringar(skorts)fræðinga til að komast á klósett eða til að forða fólki frá því að deyja úr hræðslu við eitt hárfínt bein í fiski. Fólk er almennt orðið svo lamað af hræðslu að það er gangandi taugahrúgald í tískufötum

Ameríski draumurinn á meira að segja undir högg að sækja. En hann gerði konum til dæmis kleift að lita hárið sitt bleikt ef þeim sýndist svo, án þess að vera gert skylt að hringja fyrst í hirðina til að fá staðfestingu á því að slíkt væri þeim heimilt. Evrópa saup hveljur og kennir Ameríkönum um að hafa troðið inn á sig hamborgunum, pítsum, bleiku hári og stærri brjóstum. Allt saman fyrirbæri sem komust við illan leik til Evrópu, eftir að yfirdómaraígildi kóngaveldis álfunnar í formi menningar(fá)vita og sérfræðinga var spurður álits um hvort slíkt mætti. Bandaríkjunum var að sjálfsögðu skítsama um hvað evrópskir álfar átu og gerðu. Þeir átu bara sína kleinuhringi í hring og héldu áfram að lita hárið bleikt, stækka brjóstin og háma í sig óætið. Þeir höfðu frelsi til þess. En Ameríkönum kennir samt Evrópa um allt, eftir að öll álfan hafði beiðið í hlægilegri 30 ára biðröð eftir leyfi menningar- og sérfræðingaveldis álfunnar til að fá sér einn hamborgara

En þetta veldi er að hrynja í dag. Sérfræðingarnir reyndust ekki vera sérfræðingar. Þeir eru einungis enn ein nýju föt gamla keisarans. Miklar breytingar eru því í vændum þar sem rífa þarf heiminn upp úr forarsvaði sérfræðinnar. Og mun það í sumum löndum jafnvel leiða til blóðugra byltinga, því óefnið er orðið svo mikið að enginn hagvöxtur getur lagfært misþyrmingu sérfræðingaveldisins á þjóðum Vesturlanda, þar sem millistéttin og neðri millistéttin var skilin ein eftir á fjóshaug alþjóðavæðingar og esb. Rúllustiginn upp í lífi þessa fólks var tekinn úr sambandi og þrep-1 þess stiga var með henni gert að lífslöngu refsistigi á krataforheimskandi, andþjóðlegu og framfarabanvænu altari líberalismans

Fyrri færsla

Odda-samsteypan þolir ekki hálaunaða íslenska kúnna

Telur að Apple hætti framleiðslu á X

Hundrað ár liðin frá því að fjölmiðlar sáu ekkert

1. Fimm-millímetra-veldið
2. Skuldakreppa Evrópusambandsins
3. Davíð Oddsson gerði ekki það
4. Fangabúð vinstrimanna opnar brunaútsölu
5. Bara verkur fyrir lýðinn

1. Fimm-millímetra-veldið

Í nóvember voru hundrað á liðin frá því að Bretland gaf út Balfour-yfirlýsinguna. Hún negldi niður kúrs á þjóðarheimili fyrir Gyðinga, sem svo formlega var stofnað árið 1948, rúmlega þrjátíu árum síðar, eða heilum 54 árum eftir að Dreyfusmálið kveikti á perunni hjá Herzl. Hér er með miklum glans hægt að segja svo kölluðum fjölmiðlum veraldar það til hróss, að þeir sáu ekkert, heyrðu ekkert, vissu ekkert og hugsuðu ekkert. Stofnun Ísraelsríkis 1948 sló því eins og þrumu úr heiðskýru makró-pólitísku hálofti niður í þokubakkaveldi hins mikró-pólitíska heims, þar sem fjölmiðlar búa, fimm millímetrum ofar í gufuhvolfinu en ánamaðkar eiga heima

Það sama gilti um fall Sovétríkjanna. Þau hrundu eins og fótur sem stígur niður í fimm-millimetraheim fjölmiðla, eins og þegar Guð "birtist" Móses alls ekki á fjallinu, heldur einungis þeim sem höfðu haft fyrir því að klífa það og voru þar með á fjallinu, og þar var Móses. Komandi herbergisfélagar ánamaðkanna fyrir neðan fjallið, sáu hins vegar bara reyk og glæringar, komandi að ofan

En það voru ekki bara Bretar sem gáfu út Balfour-yfirlýsinguna. Að baki hennar stóðu líka Frakkar, Bandaríkin og já -hér kemur það- sjálfur Páfagarður. Frakkar innsigluðu yfirlýsinguna með sömu rökum og Jón Sigurðsson innsiglaði fullveldissigur Íslands; sögulegum rétti, hefðum og sem réttlætismáli. Frakkar áttu einnig mjög bágt þá stundina, því verið var að rústa landi þeirra, eins og Davíðsríki hafði áður verið rústað, algerlega óréttmætt og sú staða jók við skilning Frakka. Á þessum tímum jafngilti samþykki Breta, Frakka, Bandaríkjanna og Páfagarðs (Bandamanna), samþykki Sameinuðu þjóðanna. Rússar voru því miður og skiljanlega of uppteknir við annað, þá stundina, þ.e. við að láta gengi sósíalista kollvarapa sér úti í miðju vaði. Bretar hefðu aldrei getað sent út svona yfirlýsingu upp á eigin spýtur og staðið við hana einir. Hún var bökkuð upp með lögmæti, réttlæti, valdi og hefðum þeirra sem þá stóðu fyrir flestu. Það var nú gott að blaðamenn sáu þarna og heyrðu ekkert. Eitt stærsta nafnið í þessi samhengi er frekar óþekktur maður að nafni Nahum Sokolow - og hann var, hmm já, blaðamaður. En ekki fyrst og fremst nafnið Chaim Weizmann, eins flestir halda

2. Skuldakreppa Evrópusambandsins

Í dag sér maður best inn í fimm-millímetra heim fjölmiðla með því að skoða hvað þeir auglýsa sem verandi - og verandi ekki. Venjulegir fjölmiðlar kepptust við að hagræða forsíðum í takt við nýja uppgötvun sína, sem var sú, að evran væri að detta í sundur vegna skulda árið 2014. Þeir settu upp frétta-flipa sem hét til dæmis "Skuldakreppa ESB" (e. EMU debt crisis). Þegar svo evran datt ekki í sundur á millímetrunum fimm, þá tóku þeir málaflokks-flipann niður. Málið afgreitt. En sannar geopólitískar skrifstofur með sínar birtingarsíður, gerðu hins vegar ekki það. Þær settu flipann fyrst upp eftir að þær höfðu skilið EMU (evruna og esb) til fulls og hann verður ekki tekinn niður aftur, vegna þess að evran er að ganga frá Evrópusambandinu dauðu, og það hefðu allir átt að vita frá hennar fyrsta sjósetningardegi. Evrópusambandið er sem sagt á fullu að detta í sundur óháð fréttum og skuldastöðu -sem er sú sama og þegar hún var verst- en svona mál taka sinn síma, óháð þolinmæðinni litlu sem ríkir á millimetrunum fimm

Sama er nú í gangi innvortis í Kína og það ferli sem mélaði veldi Sovétmanna niður í salla, hvað svo sem fimm-millímetra veldi fjölmiðla segir í dag, á morgun og hinn. Og það er einnig jafnvíst og að sólin kemur upp á morgun, að Rússland mun skella lífsnauðsynlegum viðbrögðum sínum við þeirri þróun sem í gangi hefur verið frá 1993, á næsta nágrenni sitt jafn fyrirvaralaust og Heimstyrjöldinni fyrri fór af stað. Það er öruggt. Og þetta allt mun ekki ganga þegjandi og hlóðalaust fyrir sig

3. Nei, Davíð Oddsson gerði ekki það

Fjögurra þátta vinstriseríu um Bandaríska herinn, eða Varnarliðið, er lokið á aðeins eins millímetra-veldi DDRÚV. Í síðasta þættinum var tækifærið notað til að höggva sem mest niður úr fjallinu Davíð Oddssyni. En það er bara ekki hægt. Davíð gerði innrásina í Írak ekki mögulega, né hvað þá hina leigðu herferð Bandaríkjanna í Afganistan. Davíð sýndi hins vegar Íslandi og okkur Íslendingum þann sóma að vera trúr og tryggur bandamaður mestu og bestu bandamanna okkar frá upphafi allra alda. Bandamanna sem voru okkur trúir og tryggir í okkar baráttu. Trygglyndi er aðeins einhvers virði þegar það stangast á við andstöðu þess: hugleysið og aumingjaskapinn í hinu viðtekna vísindalega ánamaðkaveldi til dæmis vinstrisins. Bandaríkin höfðu þegar tekið ákvörðun um framhaldið, þó svo að Þýskaland og Frakkland snéru baki við þeim, sem Ísland gerði hins vegar ekki

Í huga Bandaríkjanna, sem háð hafa þarna, mest ein á báti, stanslaust stríð við illkynja öfl í 15 ár, var lagt upp í þessa för undir merkjum NATO, því þann 11. september 2001 var fimmta klásúla bandalagsins virkjuð í fyrsta sinn. En NATO datt fljótlega af skaftinu vegna til dæmis Þýskalands og Frakklands, og það var þá sem Ísland Davíðs Oddssonar kom og studdi við vini okkar og bandamann. Það gerðu Danir líka. Og það var líka rangt hjá þeim vinstrimönnum sem gerðu þáttinn að Bandaríkin hefðu lýst stríði á hendur þeim sem stóðu að baki 11. september 2001. Það voru einmitt þau öfl sem sjálf og fyrst lýstu stríði á hendur Bandaríkjunum, frá og með 1967 og allar götur síðan. Þessi eins millímetra þáttaröð í DDRÚV var auðvitað örsmá, en Davíð hins vegar ávallt hin stóra þekkta stærð, sannur Íslendingur

4. Fangabúð vinstrimanna opnar brunaútsölu

Þegar þessir vinstriþættir í DDRÚV um Varnarliðið eru skoðaðir, þá hugsa ég þetta: Á meðan bandarískir hermenn og fjölskyldur þeirra voru álitnir sem eins konar geislavirkur svarti dauði sem loka átti inni á Miðnesheiði, fyrir það eitt að standa með okkur vörð um fullveldi Íslands, já þá ágerist sú krafa vinstrimanna í dag, að nýtt erlent þaulsetulið verði helst að fá íslenska stjórnarráðið til sinna einkaumráða sem ókeypis mannabústað fyrir sig - vegna þess að það er "of langt" fyrir það upp á Kjalarnes. Einn helsti talsmaður þessa fólks er hið ömurlega DDRÚV, sem sennilega er sterkasta sundrungarafl íslenska lýðveldisins, sem Bandaríkjamenn voru látnir um að verja. En þegar um aðra útlendinga er að ræða, þá er krafa góða vinstra fólksins sú, að þeir eigi helst að fá stjórnarráðið að fullu til umráða. Maður kastar upp yfir hræsninni

5. Bara verkur fyrir lýðinn

Það góða við niðurlag þáttanna var það að þar sannaðist svart á hvítu að sannur sósíalisti hugsar aldrei um sinn "verkalýð". Honum hvarflar sá lýður ekki einu sinni í hug. Það eina sem fyrirbærið sósíalisti gengur fyrir er völd, til að kollvarpa. Gott hjá þér Jón Baldvin, að vera svona heiðarlegur að koma ekki auga á neina Suðurnesjamenn í sósíalistaheimum

Fyrri færsla

Nýtt heilbrigðiskerfi Lettlands lagt í rúst á netinu

Nýtt heilbrigðiskerfi Lettlands lagt í rúst á netinu

Lettland var að taka í notkun nýtt heilbrigðistölvukerfi þar sem internetið er notað sem hið berandi netverk og samskiptastaðlar fyrir það (TCP/IP). Um er að ræða lyfseðlakerfi fyrir allt landið. Kerfið kostaði tæpa tvo milljarða króna, en varð strax ónothæft og lagt að velli vegna samtímis tölvuárása frá meira en 20 löndum. Og í hvert skipti er sólin kemur upp í Kína með birtu til leitar að rafmynt, þá neyðast Lettar til að endurræsa hið nýja heilbrigðistölvukerfi sitt. Kerfið heldur utan um persónulegar heilbrigðisupplýsingar borganna, eða svo héldu menn að það gerði

Tölvunar-konceptið í núverandi mynd er búið að vera. Allar upplýsingar og gögn sem skipta máli verða eyðilögð, jafnvel án þess að nokkur taki eftir því. Gögn lyfjarannsókna og grunnrannsóknir og erfðafræðilegar vinnslur verða allar smitaðar, ruglaðar og brenglaðar. Ekkert sem er tölvuvætt og nettengt er óhult og allir grunnleggjandi innviðir tölvunar eru að falla saman, vélbúnaðurinn líka

Tæknin var hönnuð til að virka ekki, og kostnaðurinn við hana lýsir sér í fallandi framförum í framleiðni á Vesturlöndum og þar með slakari landsframleiðslu landa og glötuðum tækifærum. Tölvunarbransanum er best lýst með fréttum af hinu nýja heilbrigðistölvukerfi Lettlands; þar sem hettuklætt veldi nafnlausra eininga athafnar sig með óbilandi glans, sem hvergi væri liðinn á götum, strætum né í almenningsgörðum neins staðar í veröldinni

Verjendur svona tölvunar -tölvunarbransinn allur- munu segja að kerfið hafi virkað eins og til er ætlast: það keyrði sig sjálft í klessu

Að það sé ófært um að gera grunnleggjandi greinarmun á vítamínum og svartadauða, hvarflar varla að sérfræðingum þess. Öll núll og eittur tölvunar eru óaðgreinanlega eins. Þau segja öllum það sama. Bara ef tölvunartæknin sem koncept hefði hálft prósent af áreiðanleika einnar silfurskottu, sem haldið hefur sér sem óbreytt og skotheld hönnun í 200 milljón ár. Krækjur: IR | Diena

Fyrri færsla

Hælarnir skornir undan "fréttamanni" Sky News [u

Hvernig komst Angela Merkel til Davos?

Myndskeið: Ungur kínverskur "hagfræðingur" fær kast hjá Michael Pettis (horfið á vantrúa svip hans í lokin), þetta er sprenghlægilegt. Kínverska efnahags-viðundrið blasir bara við. Þarna sést eitt lifandi sýnishorn af vitleysunni. Engan dreymdi um að Kína væri svona geggjað galið, eins og lifandi lífsýnið þarna sannar sjálft. LSD?

****

Batt hún sig við þær milljónir innfluttu friðardúfa úr leir sem hún tollaði sjálf inn í Þýskaland á kostnað annarra, og sem nú drita magainnihaldinu sem teppasprengjuregni í höfuð kúgaðra þegna hennar? Eða komst hún til Davos vegna Marshallaðstoðar bandarískra skattgreiðenda? Svarið er bæði já og nei, en samt mest já

En staðreynd er hins vegar það, að hún komst þangað vegna þess að Bandaríkin eru með viðskiptahalla við sérstaklega Þýskaland. Þau kaupa það sem hún selur, því annars yrði innvortis bylting í Þýskalandi og hún Merkel þyrfti þá að flýja eftir gömlum leiðum til Suður-Ameríku. Hún og forverar hennar hafa eyðilagt landið með krónískri undirneyslu sem þvinguð er fram í landinu með því að gera hlut heimilanna í neyslu landsframleiðslunnar svo lítinn, að sú stefna þvingaði sparnað heimilanna yfir til fyrirtækja landsins, sem síðan sendu hann til útlána í Suður-Evrópu, þar sem þeim var still út í búðarglugga bankanna í neikvæðum raunstýrivöxtum, sem ekki var mögulegt heima í Þýskalandi vanneyslunnar, undir staðbundið jákvæðum raunstýrivöxtum. Þessi púðurtunna í hagkerfum landa Suður-Evrópu bjó að sjálfsögðu til þá eftirspurn eftir þýskt framleiddum vörum sem til var ætlast. Þetta gerist alltaf þegar sparnaði annarra er þrýst út í umferð með útlánastöðlum sem tilheyra banananýlendum. Evran er bananalýðveldi og Suður-Evrópa er því liðið lík í dag

Svo sprakk að sjálfsögðu allt heila klabbið og Angela Merkel breyttist sjálf í púðurtunn-una. En vegna þess að Bandaríkin kaupa enn af henni það dót sem hálfglötuð þýsk fyrirtæki vegna svona stefnu framleiða, þá komst hún til Davos til að hæðast að þeim eina sem heldur henni uppi. Þangað upp skreið hún í kolaknúnum skrjóði Schröders til að baða sig í sólinni, sem Þýskalandi er hætt að birtast

Sagt er að til séu þrjú skeið ríkja: 1. villimennska - 2. siðmenning - 3. úrkynjun og hnignun. Þar sem Þýskaland var stofnað svo seint sem 1871 þá hófst ferill þess fyrst og fremst sem villimennska, þar næst hoppaði landið yfir siðmenningu og í dag er það mest úrkynjun og hnignum. Ekki það að Deutsche Bank sem er árinu eldri en sjálft Þýskaland, hafi breytt neinu um þennan feril landsins, því hann fjármagnaði hann. En sjálfa orsök stofnunar Þýskalands 1871 má hins vegar að sumu leyti rekja til þess að það hafði sjálft verið vígvöllur fyrir villimennsku nágranna þess

Þessa brunarúst hefur Ísland ákveðið að binda sig sem fastast við til að sökkva með henni. En þar sem Ísland hefur einnig bundið sig hugarfarslega galið við villimannaveldið Kína, í skrúðgörðum utan-ríkis-ráðuneytisins, þá má segja að við séum komin heim til okkar framtíðarhelvítis með þessu áframundanhaldi. Hvernig væri að veðja á smá vestræna siðmenningu, kæru stjórnmálamenn. Eigum við það ekki skilið eftir 700 ár evrópskar villumennsku hér á landi?

****

Það var athyglisvert að fylgjast með heimsókn Mike Pence varaforseta Bandaríkjanna til höfuðborgar vestræns Ísraels, Jerúsalem. Reyndar er sú heimsókn sendiboðans hin sanna stórfrétt, en ekki kolaverkið í Davos, knúið koksi

Hvernig væri að segja Ísland fyrst. Til þess eruð þið kjörnir

Fyrri færsla

Þúsund einkaþotur lentar í Davos

Þúsund einkaþotur lentar í Davos

Mynd: Reuters

Hvað er ég eiginlega að tala um? Jú Davos-mennina. Exelið. Þeir eru lentir í Davos í Sviss í meira en þúsund einkaþotum, til að bjarga plánetunni frá endalokum hennar (þeirra): þ.e.a.s. frá umhverfismálaógninni (lesist hlýnun af þeirra völdum)

Um er að ræða allar helstu elítur jarðar og þar með talin nokkur ríkishöfuð, seðlabankamenn og bankastjóra, forstjóra og helstu frammámenn í alþjóðavæðingar-kirkjunni, sem hlýða þar á afspiluð Parísar- og fjölþjóðasamkomulög af grammafóni þeim sem kann bara eitt lag í dag; loftslagið

Þetta er svo sprenghlægilegt að ég fór út og pissaði á klakann til að leggja mitt af mörkum til hlýnunar jarðar þeirra. Þeir eiga hana, halda þeir

Síðast þegar tímabil svona kirkjudeilda gat kallað til hámessu eins og þeirrar sem fram fer þarna í Davos, þá var ástandið svipað og það er í dag. Páfar, ókjörnir kóngar, prinsarnir og þjónar þeirra voru bornir í hásætum hvert sem var, hvenær sem þeim þóknaðist, af vesalingum eins og mér og þér; algerlega gratís. Okkur var gert skylt að bera þetta lið hvert sem því þóknaðist að stíga fæti til jarðar. Í dag lenda þeir hins vegar á þúsund einkaþotum til að bjarga jarðríki sínu frá hlýju vatni eins og kastaðist af mér

En það sem verra er, vondur maður er nú mættur á staðinn og ætlar sá að halda ræðu sína yfir þeim á morgun. Hann heitir Donald Trump. Hann er lentur, fullur af umboði þeirra sem þetta lið skildi eitt eftir á fjóshaug alþjóða-væðingarinnar. Mikið hlakka ég til. Þetta gæti orðið byrjunin á nýrri engilsaxneskri iðnbyltingu, eins og þeirri sem leysti lita pissandi manninn úr ánauð elíta sem bera þurfti hvert sem var, hvenær sem var

Forsætisráðherra Indlands verður sennilega skúffaður, en hann spilaði í gær fyrsta fjárkúgunarstefið úr Parísarsamkomulaginu: "þið sem eruð ríkari en við, þið verðið að gera ykkur fátæka eins og við. Annars fer jörðin til helvítis og þið öll með. Komið þið með peningana"

Þetta lið hefur frá lokum síðustu heimsstyrjaldar verið að þræða fullvalda þjóðríki jarðar upp á einkalyklakippu sína, sem heitir alþjóðlegar stofnanir og samtök. Gamla ókjörna kónga-elítan var hins vegar mest innanríkisleg, því hestar voru ekki einkaþotur. Þetta lið talar ekki við náungan í næstu götu, heldur einungis við þann sem kann alþjóðlegt tungumál þeirra í næsta landi á lyklakippunni, eða hinumegin á plánetunni. Svo lendir það og messar yfir mér og þér í formi hinna og þessara endalausu alþjóðlegu stofnana sem stútfullar eru af svo kölluðum "sérfræðingum". Þetta lið er orðið nýr lykla-Pétur og úniversal-imperial eitur fyrir fullvalda þjóðir. Ekkert er lengur hægt án samþykkis þeirra eða vottunar. Theresa May komst vel að orði þegar hún sagði að þetta lið væri orðið heimilislaust afglapaveldi einskis

Best að fara út aftur og endurtaka síðustu hlýnun einkajarðar minnar. Gott fyrir bláberin, kartöflurnar, rabarbarann, birkið og snarrótina, en vont fyrir nef rebba. Svo tala ég við krumma og bíð eftir horssagauknum

Já. Þúsund einkaþotur í Sviss eru lentar, þér til bjargar (hringja klukkum hér), og himnar opnast. Restina kunna flestir. Þetta lag verður spilað svo lengi sem það eru peningar í því, fyrir útgefandann

Krækja

Irony Alert: A Thousand Private Jets Deliver Globalist Elite to Davos for Climate Change Summit

Fyrri færsla

Smölun hafin í Þýskalandi

Smölun hafin í Þýskalandi

Mynd: USS Hopper tundurspillir Bandaríkjanna

Þýskaland

Wolfgang Munchau skrifaði á þessa leið um Þýskaland í gær: Munið þið hvernig Jeremy Corbyn tókst gegn öllum líkum að verða formaður breska Verkamannaflokksins? Þeir lengst til vinstri í þeim flokki hófu smölun ungs fólks inn í flokkinn í aðdraganda formannskjörsins. Þetta er einnig að gerast hjá þýskum sósíaldemókrötum (SPD) núna í aðdraganda flokkskosninga um það hvort flokkurinn eigi að fara í ríkisstjórn með flokki Angelu Merkel, eða ekki, að loknum formlegum viðræðum um stjórnarmyndun. Engar kröfur eru gerðar um að þeir sem kjósa hafi verið flokksmeðlimir í lengri tíma en til dæmis einn dag fyrir þann dag sem flokksforystan ákveður samkvæmt eigin höfði að sé síðasti dagur til að ganga í flokkinn fyrir kosningar um málið. Die Welt segir að í gangi sé massíft innflæði af nýjum meðlimum í flokkinn frá því að þingkosningar fóru fram, sem er í hlægilegri mótsögn við þá verstu útreið sem flokkurinn þar hlaut frá stríðslokum. Þetta gæti styrkt hinn óvinsæla Martin Schulz formann flokksins í sessi og innaustur af lengst til vinstrimönnum gæti jafnvel komið því um kring að SPD losni við Angelu Merkel fyrir fullt og allt, með því að fella stjórnarsamstarf, sem þýða myndi nýjar þingkosningar í haust. Samkvæmt skoðanakönnun Spiegel eru 51 prósent Þjóðverja mjög neikvæðir eða neikvæðir í garð slíks stjórnarsamstarfs SPD, en einungis 16 prósent segjast ánægðir, ef af því verður

Bretland

Gengi breska sterlingspundsins gagnvart Bandaríkjadal er nú á svipuðu róli og það var þegar Bretar kusu í júní 2016 í þjóðaratkvæði að yfirgefa Evrópusambandið. Og stærsta hlutabréfavísitalan stendur 25 prósent hærra en þá

Bandaríkin

USS Hopper stýriflaugabúinn tundurspillir bandaríska sjóhersins sigldi fyrstu sjófrelsis- og hafréttar siglingu ársins inn á það hafsvæði sem Kínverjar segja að sé nú innan landhelgi þeirra, umhverfis gervieyjar í Suður-Kínahafi sem þeir hafa dælt upp með sanddælum og staflað eldflaugum ofan á. Sigling bandaríska flotans þykir koma mun fyrr en gera mátti ráð fyrir, en hún var sigld 17. janúar. Taívan og Filippseyjar gera einnig tilkall til hafsvæðisins. Ný þjóðaröryggisstefna Bandaríkjanna hefur skilgreint Kína sem mikilvægustu ógn er steðji að vestrænum lifnaðarháttum og þar með fyrst og fremst Bandaríkjunum. En einnig er búist við að Bandaríkin herði varðstöðu sína gagnvart Evrópusambandinu og sérstaklega Þýskalandi, vegna yfirþyrmandi ójafnvægis í viðskiptum þeirra við heiminn utan -og jafnvel innan- Evrópusambandsins. Mörg evrulönd eru að þar að þrotum komin

Fyrri færsla

Þegar gamla Sovétið átti að verða stærst. Í dag er það Kína

Þegar gamla Sovétið átti að verða stærst. Í dag er það Kína

Myndskeið: Hin smáu Cherbourg-skip nýja þjóðríkisins - 1969

****

"Þjóðhagfæðingar" sem vita hvorki hvað þjóð né þjóðríki er - og heldur ekki hvað Biblían (sjálf uppskriftin að þjóðríkinu) er?

Þeir sem þekkja ögn til í heimi þjóðhagfræðinnar vita að Paul Samuelson var fyrsti bandaríski hagfræðingurinn sem hlaut Nóbelsverðlaunin í hagfærði og það gerðist árið 1970. Það merkilega við þennan prófessor var örugglega margt. Biblíur hans eru því víða í bókahillum enn. En það merkilegasta finnst mér vera spá hans um Sovétríkin. Kannski var það hennar vegna að sænska seðlabankaða akademíuelítan verðlaunaði hann. Hann spáði nefnilega því að sovéska hagkerfið myndi taka framúr bandaríska hagkerfinu að stærð. Og það átti að gerast árið 1984. Þá yrði sovéska þjóðarframleiðslan orðin stærri en sú bandaríska

Þetta finnst mér ekki merkilegt fyrir það hversu röng spá Samuelsons reyndist, heldur finnst mér þetta merkilegt vegna þess að Sovétríkin voru ekki og myndu aldrei verða hluti af Frjálsverslunarkirkjunni, sem væntingafullir lófar svo margra néru sér saman um (e. free trade). Og ekki nóg með það, heldur uppfræði Nóbelsverðlaunahafinn spá sína þegar hún gekk ekki eftir. Og það oftar en einu sinni. Hann flutti 1984 bara lengra inn í framtíðina - þar sem hún svo skyndilega varð uppseld. Væntanlegu og framfluttu sovésku heimsmetsárin hans 2002 og 2012 runnu aldrei upp. Bara allt þegar farið til fjandans og enn lengra árið 1989. Sovétríkin áttu sem sagt að verða stærst og mest án fríverslunar. Ja hérna. Svarið hér er auðvitað það að þarna var svo kölluð "frjáls verslun" ekki enn orðin að nýjum og viðteknum trúarbrögðum. Sú rétttrúandi kirkjudeild opnaði fyrst þegar sú sovéska lokaði. En hvað gerðist svo næst?

Jú. Fjórum árum eftir 1970 fékk annar snillingurinn Nóbelsverðlaunin í hagfræði. Hann hét Friedrich Hayek. Margt var örugglega einnig merkilegt við þann mann. Hann hafði rétt fyrir sér um margt. En rangt hafði hann líka fyrir sér um ofboðslega mikilvæga hluti, eins og Samuelson. Hayek vissi ekkert um þjóðina, þjóðríkið og þjóðarlöggjöf sem stofnanir. Hinn króníski líberalisti Hayek lagði nefnilega til í ritgerð sinni árið 1939, að skipta þyrfti út sjálfstæðum þjóðum og þjóðríkjum þeirra fyrir eins konar alheimsríki, eða alheimsríkisamband þar sem heimslög myndu ríkja. Þetta væri nauðsynlegt í nafni líberalismans

En Líberalismi er nýleg og algerlega öndverð stjórnmálaskoðun við Íhaldsstefnuna sem varð til sem stjórnmálaafl í Englandi á 14. og 15 öld. Líberalismi kom til sögunnar hundruðum árum síðar með sósíalistanum John Locke, sem var að minnsta kosti jafntakmarkaður og Hayek, eins og sést á Frakklandi enn þann dag í dag, og á heimsveldi líberal sérfæðingaveldisins sem klessukeyrði sig algerlega árið 2009. John Locke vissi lítið hvað hann var að gera með ritgerðadundi sínu og Hayek vissi ekki að Locke vissi lítið sem ekkert mikilvægt um það sem hann var að segja. Og nú er komið að hagfræðikirkjudeild Hayek að falla eins og sovétinu gamla. Fyrst voru það Sovétríkin, svo er það Kína í dag og þessi árin er það líberalisminn sem kominn er langt langt fram yfir síðasta söludag. Reyndar þoldi hann aldrei notkun

En menn þurfa ekki að hafa svo miklar áhyggjur, því það var þjóðríkisvaldið sem bjó til kapítalismann með lögum. Og þau lög geta aðeins fullvalda þjóðríki sett. Lögin um takmarkaða ábyrgð hlutafélaga er það sem bjó kapítalismann til. Annars þyrftu öll þjóðleg sem alþjóðleg fyrirtæki að hafa einkaher sér til varnar, því aðeins einn drepinn maður myndi þá koma öllum á hausinn. Þess vegna þurftu ítalskir bankar sem opnuðu útibú fyrir utan landssteinana að hafa einkaher til að gæta peninganna. Lög um hlutfélög með takmarkaða ábyrgð voru þá ekki til og gátu ekki verið til því þjóðríkin voru ekki til, nema sem sjálf uppskriftin að þeim í Gamla testamentinu. Eini valkosturinn við þau voru andskotans heimsveldi úniversalista; þ.e. keisaraveldið og þar með þrælaríkið og nýja Sovétríkið, verstu plágur mannkyns frá upphafi. Einungis hið forna Ísraelsríki úr Biblíunni þar sem Dabbi var kóngur, gat vísað Íhaldsmönnum síðari tíma veginn - og hann fóru þeir og stúderuðu lög þess og gerðu sé mat úr einmitt þeim. Þess vegna eru Bandaríkin öflugasta hagkerfi og þjóðríki allrar mannkynssögunnar frá upphafi fram til dagsins í dag. Ekkert kemst með tærnar þar sem þau hafa hælana

Enginn myndi til dæmis senda einkapersónunni mér alla þá peninga sem brautryðjandi ítalskir bankar höfðu til varðveislu og lánuðu út á miðöldum, og enginn lífeyrissjóður myndi lána mér einn túkall gegn persónulegri ábyrgð og allra síst myndu þeir lána Locke og Hayek persónulegt stórfé út á andlit þeirra, til þess að reka bara eitt fyrirtæki sem þeir með hundrað prósent öryggi myndu koma á hausinn innan 24 klukkustunda, sökum snilligáfnafars

Ég er Íhaldsmaður. Hinir hafa því miður ekki minnstu hugmynd um hvað það er sem býr til öflugasta og lífvænlegasta hagkerfi veraldar. Bara Íhaldsmenn vita það, því aðeins þeir virðast vita hvað þjóð og þjóðríki er - og geta þar af leiðandi haldið uppi vörnum fyrir þau. Restin fer til helvítis. Þess vegna verða menn að vita What Is Conservatism? - annars lendum við öll.. þið vitið hvar

Fyrri færsla

Eftir endurtalningu fékk SPD samþykki til stjórnarmyndunarviðræðna. Flokkurinn að hverfa