Leita í fréttum mbl.is

Pisskeppnin PISA

Hreyfimynd: Borgarlína Donalds J. Trump

****

Kaþólskari en páfinn

Til hvers voru menn að sækjast eftir fullveldi, ef þeir ætla síðan að láta elítu alþjóðaisma ráða yfir sér. Við urðum Mótmælendur vegna þess að við vildum fá að lesa og túlka Biblíuna samkvæmt okkar eigin skilningi á henni. Þá vorum við í reynd að segja þeim sem réðu að við vildum fá okkar eigin stjórnarskrá svo við gætum stjórnað okkur sjálf samkvæmt okkar skilningi, þörfum og með okkar eigin lögum. Við vildum hafa sjálfsákvörðunarrétt í okkar málum. Við vildum ekki lúta úniversalisma Páfagarðs, né neinna úniversal heimsvelda og allra síst úniversal imperíal-veldi Líberalista okkar daga, sem klessti veröld Vesturlandabúa árið 2009

En hvað sér maður núna? Jú fullfrískir menn hokra í púpum sínum og éta alþjóðlegt delluverk sem engum Sjálfstæðismanni hefði dottið í hug að væri til neins annars en að ná tökum á lirfulífi þeirra, samkvæmt skilningi alþjóðlegra elíta, sem komið hafa í stað Páfagarðs á okkar dögum. Og að þeir myndu því koma úr úr því lífi sem staðlaðir ormar

Hví eru menn að leggja þeim elítum til svona sjálfsmörk. Erum við ekki okkar eigin herrar. Fráfall í menntakerfi er sennilega heilbrigðismerki. Lítið fráfall er lítið, vegna aðstæðna sem eru svo ömurlegar, að um allt er að tefla eða ekkert. Sýnist ykkur að alþjóðleg menntunarveldi á borð við hvellsprungið Japan í 30 ár og ýmis önnur Asíulönd, sé það sem vert er fyrir okkur að sækjast eftir. Hvað er að mönnum. Eru þeir orðnir páfar

Í Danmörku er staðan þannig að ef þau örfáu börn sem þar fæðast enn, detta út úr skóla þá detta þau út í Evrópusambandslegt og massíft 100 ára atvinnuleysi ungmenna þar sem ekkert er að hafa. Það er því aðeins um tvennt að velja. Hýrast áfram í þeim ónýtu, mygluðu og að hruni komnu skólabyggingum sem þar hýsa resta-afkvæmi geldneytis evrópskra Líberalista, og sem ekki var eytt sem fóstrum, eða þá að fara í hundana, sem eru margir og miklir í formi þess gelda þjóðfélags sem aðild Danmerkur að Evrópusambandinu hefur búið landinu. Samt er staðan í Danmörku betri en í flestum löndum úrkynja meginlands Evrópu. Þar eru engin vandamál með þau börn sem fæðast þar ekki

Hin endalega lausn á skólamálunum í Evrópu er fundin. Hún heitir gelding í nafni Líberalista. Og hún er í fullum gangi. Þetta er sú statistíkk sem menn eiga að horfa á. Þeir eiga ekki að haga sér eins og flugmennirnir sem þoldu ekki að vita ekki hvers vegna rautt ljós blikkaði í mælaborði flugvélarinnar, og fóru því í að leysa það mál á meðan vélin, með nefið niður, hrapaði hægt og rólega til jarðar og drap alla um borð. Og þetta er ekki einu sinni lygi. Þetta gerðist. Það er þetta sem piss PISA bunar á; rautt ljóst fyrir þá sem hugsa á bókina og vilja hrapa

En hvar eru svo allir iðnskólarnir sem einu sinni voru hér? Ég spyr, því vandamálið í löndum með sæmilegt magn lifandi en ekki drepinna barna, er það að allir foreldrar, eins og ég, eru sérfræðingar í skólakerfum, því allir foreldrar hafa verið þar og vita því um hvað þeir tala. Allir foreldrar eru sérfræðingar í skólamálum. Þeir sem eiga engin börn, eru hins vegar bara sérfræðingar og ekkert annað. Allir vita að slíkri geldstöðu mæltu heilagar Ritningar Vesturlanda alls ekki með. Þar skiptir fjöldi barna öllu máli, en ekki gæðin. Sumt er nefnilega börnum meðfætt og það eru gáfur. Heimska er ekki meðfædd, hún er áunninn sérfræðilegur verknaður Líberalista

Og vert er að minnast þess að skólakerfi Sovétríkjanna var gott. En þau dóu samt úr menntun og náttúruauðæfum upp í háls. Það ríki var einnig úniversal-imperíal-veldi. Sovétríkin urðu veldi þeirra sem tóku Líberalismann alla leið þangað sem hann alltaf endar; þ.e. sem OECD í öðru veldi. Þangað stefnir ESB

Það er íslenskum ungmennum til mikils hróss, að þau eru alls ekki sænsk í hugsun. Fyrir þau er ekki hægt að henda hvaða skeinipappír sem er, án þess að þau spyrji fyrst; til hvers erum við að þessu? En þannig er margumtalaður "dugnaður þjóða" sem grúfa sig yfir hvaða verkefni sem hent er fyrir þær, til úrlausnar og endanlegrar útrýmingar. Mér er létt, því íslensk ungmenni stóðust prófið með glans

Haldið endilega áfram að pissa PISA. Fyrir alla muni, nema okkar fjármuni. Þeir sem síðan vilja láta jaðarsetja sig í alþjóðlegum kirkjugarðadeildum OECD, geri bara einmitt það. En komið ekki nálægt okkar heilaga garði; fullveldi og sjálfsákvörðunarrétti íslenskrar þjóðar

Fyrri færsla

Norðurlandaráð þjáist af hámenntun


« Síðasta færsla | Næsta færsla »

Athugasemdir

1 Smámynd: Haukur Árnason

Ég vildi að ég gæti skrifað svona góða pistla. Takk Gunnar.

Haukur Árnason, 10.2.2018 kl. 22:34

2 Smámynd: Gunnar Rögnvaldsson

Þakka þér kærlega fyrir góðar kveðjur Haukur.

Kveðja

Gunnar Rögnvaldsson, 10.2.2018 kl. 23:45

3 Smámynd: Valdimar Samúelsson

Góður pistill en ég heyrði að Bretar og bandaríkjamenn væru hættir að Pissa á skólabörnin eða eru búnir að taka þá ákvörðun.

Valdimar Samúelsson, 11.2.2018 kl. 10:49

4 Smámynd: Gunnar Rögnvaldsson

Þakka þér Valdimar.

Já. Þessi ríki og fleiri eru að segja sig frá hluta af þessari vitleysu.

Nasistar voru líka með allskonar próf á þeirra hátíma og mældu fólkið í þeim löndum sem þeir náðu til. Heil "vísindagrein" (samkvæmt þeirra höfðum) varð til um hvað væri ákjósanlegt og ekki ákjósnalegt. Þeir urðu fyrir miklum vonbrigðum með okkur Íslendinga. 

Núna eru tilraunastofur OECD að finna upp móteitrið við þjóðareinkennum þeirra landa sem Líberalistar þeirrar stofnunar hata. Móteitur verða seld ríkisstjórnum OECD-landa á háu verði. "Lækningin er komin" munu þeir segja. "Svona eiga menntakerfin ykkar að vera og bara svona. Við ráðum því, þið eruð ekkert. Við höfum þrætt þjóðríkin upp á lyklakippu okkar, þannig að aðeins við höfum lykilinn að framtíð ykkar. Borgið við kassa eitt og undirbúið messu-altarið fyrir næstu messu sem við höldum yfir ykkur þegar við lendum í landi ykkar næst. Krjúpið" 

Þetta er að verða átakanleg staða aumingjavelda. Svona enda flest alþjóðleg batterí. Sem leiðin til ánauðar. 

Kveður

Gunnar Rögnvaldsson, 11.2.2018 kl. 13:01

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband