Verður þetta næsta brúðkaup Evrópu?

Mynd PA/Sputnik: Vladímír Pútín færir Angelu Merkel blóm við komu hennar til Sochi í Rússlandi, þann 18. maí 2018 e.Kr.

****

Á kortinu stóð kannski þetta: "Við, sem drápum 70 prósent af öllum þeim þýskum hermönnum sem féllu í Síðari heimsstyrjöldinni, og sem gerðum samkomulag og sáttmála við alla og svikum þá flesta á sama tíma, óskum þér og fyrrum? bandamönnum þínum og okkar, sem drápuð 70 prósent af öllum þeim 70 milljón manns sem féllu í sömu styrjöld, til hamingju með að vera nú verr við Bandaríkin, sem byggðu ykkur upp, en ykkur er illa við okkur. Við lesum nefnilega það í þýskum fjölmiðlum síðustu 28 ár, að ykkur fellur orðið betur við okkur en Bandaríkjamenn og að samviskubit ykkar yfir því að hafa myrt sjö milljón varnarlausa Gyðinga, er orðið minna en samviskubit ykkar er yfir því að hafa tapað báðum þeim heimsstyrjöldum sem þið hófuð

Og við Rússar, sem þið í febrúar og mars 1918 tókuð tvær milljónir ferkílómetra af landi frá, ásamt 40 prósent af allri rússneskri iðnaðargetu og 50 milljónir rússneskutalandi borgara, bjóðum þig velkomna á nýja valdataflsmótið sem er að hefast í Evrópu. Við stöndum nú sameinuð gegn Bandaríkjunum. Þú veifar nýjum Versalasamningi sem þið greidduð ekkert af og sem var gúmmípappír miðað við þá "samninga" sem þið ætluðuð að draga yfir höfuð Frakka, Belga og Lúxemborg í september 1914. Þessi nýi Versalasamningur sem þið veifið í dag, til að kreista fram ný fölsk tár, inniheldur eldsneytið sem knýr hatur ykkar á Ísrael, Bandaríkjunum og Bretlandi, sem voru svo vond að hafa snúist til varnar, bombað ykkur sundur og saman, og sest ofan á ykkur í 70 ár. Við Rússar veifum í takt við ykkur sama plaggi og sem kom mér til valda"

Lesendur ættu í 5 mínútur að reyna að ímynda sér hvernig heimurinn væri í dag ef Bandaríkin væru eins og Þýskaland og Rússland. Þegar þeim vangaveltum er lokið væri ekki úr vegi að reyna að ímynda sér hvernig hinn sami heimur væri ef Bandaríkin væru bara alls ekki til. Slíkt ástand hefur reyndar verið prófað. Síðustu 70 eru þannig að í stað þess að vera evrópskt asíulegt helvíti, urðu þau besta tímabil mannkynsögunnar; þökk sé Bandaríkjunum og Bretlandi, en algerlega í óþökk Evrópusambandsins, sem ekkert hefur gert annað en að reyna enda þetta 70 ára tímabil

Mynd: Finnst gaman að aka sjálfur - með frúna

Og vona ég að sá meistari sem nú situr í Hvítu húsi, og sem samkvæmt ónýtum fjölmiðlum Vesturlanda ekkert á að geta né kunna, þrátt fyrir að hann hafi vaðið oftar en einu sinni og tvisvar í gegnum tröllvaxnar óendanlegar flækjur spilltra embættismanna borgarinnar til að byggja skýjakljúfa á dýrasta byggingarreit mannkynssögunnar á Manhattan, og verandi sá maður sem járna-, múr-, og steypuliðið klappar fyrir þegar hann mætir á staðinn í Rolls til að tala við þá, já ég vona að sá maður sýni þessu liði stóra skaftið og vísi því til þess sætis sem það er vaxið til að sitja í og engu öðru

Og ég vona að þið sem aldrei hafið byggt neitt og sem enginn klappar fyrir þegar þið mætið í vinnuna, já ég vona að þið gerið ykkur grein fyrir því að líf ykkar í dag er gott vegna einmitt Bandaríkjanna. Stærsta vandamál ykkar er þó að hafa aldrei prófað að búa í heimi án Bandaríkja Norður-Ameríku. Sú þjóð sem þar býr, er ekki sama gamla súpan sem gamla isma-liðið elskar í Evrópu, og sem gerði Síðari heimsstyrjöldina mannskæðari fyrir álfuna en Svarti dauði

Ég hef séð og hitt svona mann, því ég var einu sinni í múr- og steypuliðinu sjálfur. En það tók samt smá tíma fyrir mig að kveikja á perunni. Þeir sem enga peru hafa, kveikja að sjálfsögðu ekki á neinu, nema DDRVÚ. Þannig er það. Og þannig mun það alltaf verða

Fyrri færsla

Ítalski stjórnarsáttmálinn boðar ekki bara evrudauða [u]

Ítalski stjórnarsáttmálinn boðar ekki bara evrudauða [u]

Fum og fát skall á evrusvæðinu og esb fyrripart síðustu viku. Nýjum stjórnarsáttmála þeirra sem myndað hafa ríkisstjórn á Ítalíu, var lekið til Huffington Post Italia. Í ljós kom að ríkisstjórnin sagði landið úr evrunni á blaðsíðu 35 og boðaði greiðslufall á skuldum landsins við vissan ECB-seðlabanka í Frankfurt, með lögum. Á næstu síðu boðaði nýja ríkisstjórnin ríkisfjárlagahalla af áður óþekktri hagstærð og útgáfu sérleyfis til handa Rússlandi í ítalska hagkerfinu

Höggbylgja þessi skall svo á Berlín-París-Brussel um miðbik dagsins um miðja viku og ekkert hljóð heyrðist nema lamandi þögn. Evrumenn með vasaklúta í norðri þraukuðu daginn út, svo að markaðir myndu ekki taka eftir neinu, já já, munandi það að kauphallarviðskiptin í París gáfu sig ekki fyrr en þýski herinn stóð 10 kílómetrum fyrir utan borgina, afneitunin var slík. Um kvöldið hófust þið vitið hvað,- jú þægilegar vangaveltur um hvort skyldi gert á undan, öskrað eða grenjað. En ekkert gerðist, höggið var algert

Næsta dag kom svo léttirinn. Nýja ítalska ríkisstjórnin, hafði nefnilega stytt stjórnarsáttmálann og klásúlan um evruúrsögn var horfin, sáttmálinn þar með léttari í tösku, og í stað hennar var komið þetta:

"Ítalía mun mæta framtíðinni með því hverfa til tímans fyrir Maastrichtsáttmálann (pre-Maastricht), sem er nálgun Ítalíu við þá tíma þar sem sannar fyrirætlanir um frið voru í gildi, og óskir um bræðralag, samvinnu og samstöðu hvöttu ESB-ríkin áfram", punktur

Það var þarna sem sótarinn hætti að hitta á skorsteinana í norðri, því allt, já allt, var orðið jafn sótsvart í Berlín-París og Brussel samtímis, vegna þess að "fyrir-Maastricht" þýðir ekki bara úrsögn úr evrunni, heldur esb líka. Svo þar við stendur, og Reykjavíkurbréfið mitt hækkaði þar með mest allra bréfa á öllum mörkuðum

Ég bíð spenntur... opna evrugáma og kveiki kvöldgrill... nóg er af brenninu... og svo er það TARGET2... hálf billjón evra... Luftwaffe hvað...

===============

Uppfært, mánudagur, 21. maí 2018 kl. 09:24

Start...

Ítalska pressan skrifar í dag að landið sé nú komið í svipaða pólitíska stöðu og árið 1948, þegar Ítalía átti mjög erfitt með að gera upp við sig hvort að landið vildi verða enn eitt sovétlýðveldið í Evrópu, eða taka á móti útréttri hönd Bandamanna (Bandaríkjanna og Bretlands), þ.e. verða vestrænt ríki

Norður í Þýskalandi segir einn hinna "vísu manna" í Vísmannsráði landsins, að afnema þurfi strax alla sameiginlega áhættutöku í EMU (þ.e. "risk sharing" í mynt og peningapólitísku bandalagi ESB, sem þá hættir að sjálfsögðu að vera EMU, þ.e. "monetary union" og breytist í "currency union"), fyrst að ný ríkisstjórn Ítalíu biðji um 250 milljarða evra afslátt á skuldum landsins á fyrsta degi. Tími sé kominn til að einangra Þýskaland frá Ítalíu (e. ringfence)

Þetta var símskeyti dagsins úr friðarbandalaginu. Fullt stopp

Á meðan þetta er að gerast ræða Angela Merkel og Vladímír Pútín saman um ný þáttaskil í samvinnu Rússlands og Þýskalands (lesist: Trump er vondur). Þetta kemur, þetta kemur, nema að því leytinu að Merkel er algerlega valdalaus og Þýskaland getulaust, nema í miðbæ Berlínar og Brussel

Hlutabréfaverð í Deutsche Bank AG nálgast nú ekki neitt á ný; það stendur í 10.80 evrum, miðað við 114 evrur árið 2007, og heldur áfram að falla og falla

Fyrri færsla

Selja Rússar vinum sínum rusl? Eða eru vinir þeirra drasl?

Selja Rússar vinum sínum rusl? Eða eru vinir þeirra drasl?

Mynd: Fjögurra hæða og þrjú þúsund vinnslu-þrepa úraníum K25-skilvindu-byggingin í Oak Ridge árið 1944 í Bandaríkjunum -þá stærsta og flóknasta bygging veraldar- sett í hlutfall við stærð Tjarnarinnar. Stóð klár og komin í notkun 18 mánuðum eftir fyrstu skóflustungu. Stræð: 2,7 milljón rúmmetrar. Barnaskólakennari útskýrir málið. Hér er einnig 9mb fróðleikur á PDF-sniði. En sjóleiðina til Oak Ridge stöðvarinnar verður kjarnorkuvopnaprógramm Norður-Kóreu flutt til gereyðingar. Vísindamenn Norðursins verða hins vegar fluttir á hassbúllu sem skolar úr þeim heilanum

****

Ísraelska varnarmálaráðuneytið hefur sent frá sér myndskeið þar sem ísraelski flugherinn grandar án sýnilegra erfiðleika rússneskt framleiddu Pantsir-S1 loftvarnarkerfi í höndum Írans í Sýrlandi. Framleiðandinn, Rússland, afsakar sig með því að segja að þeir sem stjórnuðu Pantsir-S1 kerfinu, hafi ekki farið rétt að og sýnt af sér kæruleysi. Rússar hafa um tíma haldið því fram að loftvarnarkerfi þeirra séu þau "bestu í heimi"

Auðvelt er að sjálfsögðu að segja slíkt, þar sem raunveruleikinn er oftast annar en áætlað og auglýst er. Lofvarnir eru háðar ratsjárkerfum og bendir margt til þess að rússneskar ratsjár séu ekki það sem þær eru sagðar vera, og ráði því ekki við þann raunveruleika sem ekki var auglýstur

Margir tóku eftir því um daginn er Bandaríkin, Bretland og Frakkland gerðu árás á efnavopnastöðvar í Sýrlandi -sem Rússar sjálfir virðast hafa notað til árása- að ríkin þrjú töldu það ekki þess virði að taka fyrst út neinar rússneskt framleiddar loftvarnir á jörðu niðri. Löndin þrjú sendu bara lágt fljúgandi flugskeyti sín beint á skotmörkin og komust þau vel til skila, án borgaralegs mannfalls

Af þessu má læra að flókin vesturlensk vopn í höndum þeirra sem framleiða þau, eru allt annar hlutur en flókin vopn í höndum vina á Neanderthalsstigi. Nú orðið segja vinir Rússlands meira um stöðu Rússlands í heiminum en um stöðu vinanna. Nema, að sjálfsögðu, að Rússar framleiði rusl

Fyrri færsla

Sektarkennd Þýskalands hefur tekið stökk (breytingum)

Sektarkennd Þýskalands hefur tekið stökk (breytingum)

Rúmlega 70 árum eftir hina þýskt morð-iðnvæddu Helför á Gyðingum í Evrópu, eru flestir Þjóðverjar nú á bandi Hamas og Palestínu, en gegn Ísrael. Hvernig gat slíkt gerst á aðeins 70 árum? Hvað varð eiginlega um sektarkennd Þjóðverja og hvað segir þetta okkur um ástand mála í öflugasta ríki Evrópusambandsins í dag, því þetta er virkilega sjúkt

Jú, þetta segir okkur í reynd það, að sú sektarkennd sem Þjóðverjar finna fyrir í dag er ekki vegna stóriðnaðarmorðs þeirra á Gyðingum, heldur finna þeir nú til sektar yfir að hafa tapað stríðinu, tvisvar! Þeir eru farnir að hugsa eins og Adolf Hitler. Hann kenndi Versalasamningi -sem í reynd var úr gúmmíi og mjög mjúkur- um ófarir Þýskalands. Í dag er það ekki Versalasamningurinn, heldur Bandaríkin og NATO sem eru sökudólgurinn, því "við hefðum átt að sigra". Það eru Bandaríkin (munið t.d. undirmálslánin) sem halda Þýskalandi niðri, hugsar þýska þjóðin, sem byrjuð er að hata þá sem reistu hana við og varðveittu friðinn. Það örlar einnig á sviparði hugsun í Frakklandi, því bæði eru löndin fyrrverandi heimsveldi sem tóku lönd annarra þjóða traustataki - og sem reka nú saman kúgunar- og rústafélag sem heitir Evrópusambandið; þar sem fólkið hefur það verra á friðartímum en Bandaríkjamenn höfðu það heima hjá sé í miðri heimsstyrjöld. Bandaríkin hafa hins vegar ekki tekið land neinnar þjóðar, heldur hafa þau varðveitt þau og endurreist

Fyrst að Barack Obama -sem lagt hefur í rúst 70 ára pólitíska afurð Síðari heimsstyrjaldarinnar og sem á ensku kallast DETERRENT (fælnimáttur)- segir að ekki sé hægt að stöðva kjarnorkuvopna-ástríðu Írans, þá hlýtur það að leiða af sér þá niðurstöðu að ekki sé heldur hægt að banna Japan, Taívan og Þýskalandi og fleiri ríkjum að þróa sín eigin kjarnorkuvopn. Og þar sem Obama henti Bandaríkjunum og sjálfum sér í ruslið til að geta endurpressast sem masókistískur friðþægingar-gólfdregill undir fætur annarra, þá munu Þýskaland og Japan að sjálfsögðu vilja fá þrjú þúsund kjarnorkuvopn, hvort um sig, fyrst þetta er bara ókei og í lagi með til dæmis Íran. Er það ekki

En nú er hins vegar eitt stórt og nýtt vandamál mætt á staðinn: það heitir Donald J. Trump. Horfið á það sem sá maður gerir, og hættið að glápa ofan í texta og prótókollheftin eins og þegar sálmar sem þið eigið að kunna eru sungnir í messu. Horfið heldur á krossinn yfir altarinu, því hann hreyfist. Já hann hreyfist. Ekki missa af þessu. Trump er nefnilega að smíða; Íran fær ekkert - og þið töpuðuð stríðinu þarna í Evrópu. Það var þannig. Og þannig skal það áfram vera. Satt og rétt. Hlýðið, hunskist út úr Íran og Rússlandi, sem er að aðstoða Íran, eða hafið verra af, því flest mikilvægt er í húfi, einu sinni enn

Fyrri færsla

Síðustu tvö ár: breytingar

Síðustu tvö ár: breytingar

Skjáskot; WSJ Daily Shot 10. maí 2018 - skuldasöfnun; Takið líka eftir bláu evru bólunni, sem gjaldféll skyndilega ofan á evrusvæðið. Stór hluti þess svæðis er því rjúkandi rúst í dag. Rauða hættan er á leiðinni. Þetta kemur lagsmaður, þetta kemur

****

Bretland var í ESB og ekkert benti til annars, samkvæmt þeim helmingi þjóða sem talar ekki við hinn helming þjóða og ræður allri fjölmiðlun um það sem sá helmingur segir hinum að sé mikilvægt, en sem er það bara ekki. Bretland hefur gert varnarsamning við Pólland og er að gera viðskiptasamninga við Tyrkland, sem koma til framkvæmda þegar það yfirgefur ESB á næsta ári

Ríki íslams réði stórum hluta Sýrlands og Íraks. Það ræður litlu í dag

Donald Trump varð forseti Bandaríkjanna. Hnattrænn Wyatt Earp er þar með kominn í Hvíta húsið og "it all ends now!". Fyrstur algerlega óreyndra manna í stjórnmálum. Sá helmingur þjóðar sem ekki er talað við, kaus hann, en ekki Hillary Clinton, sem hefði getað rænt banka og fengið það til að líta út sem góðverk í fjölmiðlum síns helmings. Obama Chamberlain er aðhlátursefni og pólitískur flokkur beggja er í rusli

Kína er orðið einræðisherraríki á ný. Þar hefur svo gott sem allt mistekist og snúa þarf aftur til einræðis yfir rjúkandi brunarústum landsins. Kína stendur í dag fyrir 70 prósent af allri skuldasöfnun í heiminum. Kína tók við svikamyllukeflinu af evrusvæðinu, sem er að sökkva

Rússland er sokkið. Það lifir á hersýningum til að halda andlitinu heima fyrir. Rússland í dag er síðari hálfleikur hruns Sovétríkjanna. Því erfiðari stöðu sem landið sekkur í, því hættulegra er það

Tyrkland er gerbreytt og að verða heimshlutaveldi á ný. Það mun ráða stórum hluta Balkanskaga innan fárra ára

Pólland er á leið með að verða eitt mesta veldið á meginlandi Evrópu, innan fárra ára. Pólland verður það sem Vestur-Þýskaland var

Pólitískur stöðugleiki í Þýskalandi er farinn. Helstu stjórnmálaflokkar landsins eru hrundir og ekki tókst að mynda nýja ríkisstjórn í kjölfar kosninga, fyrr en eftir dúk og disk, og sem Angela Merkel stendur nú sem ritari fyrir. Þýskir aðdáendur við innsetningarathöfn Vladímírs Pútín um daginn voru fyrrum yfirmaður í Stasi ofsóknarbatteríi Austur-Þýskalands, í 1932-fylgd Gerhards Schröder, fyrrum kanslara nýsameinaðs Þýskalands. Sá situr með keisara Pútín í stjórn Rosneft, sem að miklu leyti gengur með Þýskaland á barmi hruns í vösum sínum, en sem Þýskaland ætlast hins vegar til að Bandaríkin verji. Maður kastar upp. En nú er Wyatt Earp að nálgast Berlínarbúlluna, svo látum okkur sjá hvað gerist á næstu vikum

Frakkland er klofið í tvennt og stendur með næstum ESB-ekkert í höndunum miðað við áður

Norður-Kórea er allt í einu orðið kjarnorkuveldi, þökk sé friðþægingarstefnu góða fólksins

Ítalía er loks að springa í loft upp eftir 25 ára samfellda kreppu vegna ESB-aðildar og upptöku evru. Ráðstöfunartekjur heimila landsins eru lægri í dag en þær voru árið 1995 (rauntekjur)

Síðasta skeið góða friðþægingarfólksins er að renna út. Eftir tvö ár í viðbót hlustar enginn á það lið og menn hlægja að þeirri vitleysu sem ríður húsum á Íslandi í dag. Hvernig gátu menn búið í útópíu án þess að gera sér grein fyrir því, verður spurt

Miklar, mjög miklar, breytingar eru í vændum - og Guðlaugur Þór var því í Pentagon og vel tekið. Þangað liggur leiðin fyrir utanríkismál Íslands - sennilega næstu aldirnar, því 500 ára pólitísku áhrifatímabili Evrópu er lokið. Evrópa getur ekki reimað skóna sína lengur. Hún staulast um á gorgonsólum, því Evrópusambandið hefur eyðilagt hana

Fyrri færsla

Vinstrimenn fagna hryðjuverkum sé þeim beint gegn Gyðingum

Vinstrimenn fagna hryðjuverkum sé þeim beint gegn Gyðingum

Hryðjuverkasamtökin Hamas keppa nú við svo kölluð Yfirvöld Palestínu (YP) um völdin yfir fólkinu á Gaza-svæðinu. Hamas eyðilagði og kveikti í Kerem Shalom landamærainnganginum inn á Gazasvæðið sem hryðjuverkasamtökin, samkvæmt samkomulagi í fyrra, settu í hendurnar á YP svo að YP gætu innheimt tolla og skatta þar, sér til tekjuöflunar

En með því að kveikja í innganginum og leggja eld að færibandakerfinu sem flytur þrjú þúsund tonn af hráefnum inn á Gazasvæðið á degi hverjum, þá tekst Hamas að flytja flutningana yfir á Rafah-innganginn sem Hamas hrifsaði út höndum YP - og þar með að flytja alla tekjuöflun yfir í sína vasa

Þannig tekst Hamas að kveikja í fólkinu og umpakka reiði þess til útflutnings yfir á Ísrael. Reiðin vegna krónískra innbyrðis deilna er að verða eina útflutningsvaran sem sem sköpuð er á Gaza-svæðinu. Og ekki hefur klerkaveldi Írans legið á sínu liði núna, heldur hefur það sent óeinkennisklætt vopnað lið sitt út á meðal öskrandi borgaranna sem Hamaz hefur kveikt í. En ísraelskir hermenn þekkja oftast þetta lið af langri og slæmri reynslu, þrátt fyrir dulbúning þess meðal fólksins, sem ber jafnvel börn fyrir sig sem skjöld

Og með því kveikja í og eyðileggja gas- og raforkuflutninga til Gaza-svæðisins hefur Hamas tekist að tendra þá elda sem íslenskir vinstrimenn með Austur-Þýskar kommahúfur á gömlum lager, elska svo heitt. Þar hefur lítið breyst. Áfram skal flest vont af þeim lager notað. Óvinir frelsis, friðar og velmegunar eru þeirra vinir, eins og svo allt of oft áður í hörmulegri sögu hins íslenska vinstris, sem brann illilega inni á öllum málstöðvum sínum síðast. Austur-Þýska kommahúfan á höfðum þess í dag er sú sama og þegar Sovétríkin hýstu og fjármögnuðu allar verstu hryðjuverkandi einingar jarðar. Og ofan í þá heilastöppu vinstrisins er klerkaveldi Írans nú komið sem nýjasti frelsarinn, því Íran fjármagnar og skaffar hryðjuverka-klappliði vinstrisins vopnin og meðulin til að kveikja í heimshlutanum. Nýjasti draumur Írans er nýtt Norður-Gazasvæði í túnfæti Ísraels í Sýrlandi og Líbanon

Svei þessum gömlu kommahúfum. Við þekkjum ykkur öll, langa langa leið að, því þið eruð enn með sömu gömlu húfuna og síðast, þrátt fyrir græna litinn, sem farinn er að láta á sjá. Blóðrauði ykkar er því að opinberast öllum á ný sem eitt samfellt ófriðarbál

Íran hallar sér aftur og hlær. Klerkaveldinu er smám saman að takast að kveikja í heimshlutanum og koma í veg fyrir framrás velmegunar, bærilegrar friðsældar og vexti lýðræðissprota. Íran spinnur nú vef sinn eins hratt og efnahagur þess leyfir. Landið er 1,8 milljón ferkílómetrar að stærð, og þar með stærra en Frakkland, Þýskaland, Niðurlönd, Spánn og Portúgal samanlagt -þ.e. öll Vestur-Evrópa- og er Íran fjölmennasta ríki heimshlutans með sína 80 milljón íbúa, að Egyptalandi undanskildu. Íran hefur efst á stefnuskrá sinni að koma á fót nýju imperíal Persaveldi í heimshlutanum og í sama efsta sæti þess á listanum er útrýming Ísraelsríkis

Og fyrsti þátturinn í þerri aðgerð er að reyna með öllum tiltækum ráðum að koma sér í þá aðstöðu að geta háð úthalds-stríð gagnvart Ísrael, og þannig smám saman, að veikja landið það mikið, að hægt sé að þurrka Gyðinga út í landi sínu í nýrri Helför undir verndarvæng hins alþjóðlega rauða vinstris, sem þykist vera grænt

Íran er þar með orðið nýjasti vinur vinstrimanna Íslands. En í dag fengum við það þó óvart beint úr munni vinstrisins að aðalvandamálið er þrátt fyrir allt Donald J. Trump, því hann er jú eins og Winston, ein stórkostleg vandræði og massíf þverspýta, sem neitar að friðþægjast

Það var einmitt friðþæging og banvæn samvinna við afar ill öfl sem kveikti elda Síðari heimsstyrjaldarinnar. Og þar, eins og núna, var einnig búið að ritskoða "móðganir" (staðreyndir) gagnvart Þýskalandi burt úr kennslubókum skólabarna í nágrannaríkum þess. Hið sama er að gerast í dag, en hins vegar á mörgum stöðum heimsins samtímis. Búin var líka til goðsögnin um "óréttlátan" Versalasamning, en sem í reynd var einungis Andrés Önd teiknimynd miðað við þá "samninga" sem Þýskaland ætlaði draga yfir höfuð nágranna sína hefði landið komið sem sigurvegari út úr þeirri Fyrri

Eftir hina Síðari sló Winston því fram að kannski væri best að gelda Þjóðverja, til að koma í veg fyrir þá Þriðju. En það var ekki og er hvergi gert, og eru málin því að þróast eins og sést svo vel í dag

En Trump mun sennilega redda þessu, því hann virðist vera ein massíf þverspýta og gersamlega ómögulegur í alla staði, eins og Winston var. Hann er sennilega maðurinn sem heimurinn þarf á að halda. Þess vegna logar vinstrið. Það er að bræða úr sér og kafna, vegna Trumps. Það nær ekki andanum lengur

Fyrri færsla

Íslendingar fagna tapi.. Evrópa skelfur...

 

Íslendingar fagna tapi.. Evrópa skelfur...

Þarna var ekkert óréttlæti í heiminum og engin kynferðisleg óáreitni. Getum við ekki endurheimt eitthvað af þessu, áður en við erum öll drepin með voli og væli

*****

Evrópumál: Laginu á útlensku tókst næstum því að gera útaf við ójöfnuð, kynferðislega óáreitni... launa..bla..bla... ó ég á svo bágt... svo bágt að mig dreymir... ó hún er svo sæt... jöklarnir bráðna... hálfmána ég borða.. Hitler er kominn... agalegt óréttlæti... ó ég á svo bágt. Konur skottinu... öxin við ánna... skaftið úti í skógi... og álfar þar voru. Ó ég á svo Reykjavíkurbágt... Ó ég á svo Reykjavíkurbágt...

Já en... hann söng þetta svo vel... en... lagið var bara svo...

Hér lýkur framlagi DDRÚV úr Austur-berlín Reykjavíkurborgar. Vinsamlegast ekki fleiri umræðuþætti um arkitektúr úr sófapullum. Nauj .. komstu þér í annan sokkinn sjálfur, það er aldeilis!

Ég hef slökkt, stungið höfðinu í klaustur. Þoli ekki meira af rusli og umræðu um rusl eins og þetta drasl. Rusl, drasl, húmbúkk

****

Evrópa skelfur

"Europeans are going to face the effective U.S. sanctions," Mr. Bolton said on ABC’s. "This Week.”

Þeir fatta þetta í vikunni, sagði John Bolton þjóðaröryggisráðgjafi Bandaríkjanna í gær þegar hann var inntur eftir þeim kvörtunum sem komið hafa frá Evrópu. "Já Evrópuríkin virðast hissa á því að Bandaríkin skyldu, eins og Trump lofaði, koma sér út úr því samkomulagi sem gert var við Íran og að við séum að skella á hörðum efnahagslegum refsiaðgerðum á ný. En ætli það kvikni ekki á perunni hjá þeim í Evrópu í þessari viku. Evrópa verður að draga sig út úr Íran og hlýða Donald Trump. Geri þeir það ekki þá skellum við efnahagslegum þvingunum á Evrópuríkin núna í vikunni. (WSJ)

Mynd: Wyatt Earp = Deterrant

****

Fyrri færsla

Bandaríkin skipa ESB að aflýsa flugvélasölu

Bandaríkin skipa ESB að aflýsa flugvélasölu

Mynd: Theresa May forsætisráðherra skrifar undir úrsögn Bretlands úr Evrópusambandinu 28. mars 2017

****

Steve Mnuchin fjármálaráðherra Bandaríkjanna hefur fyrir hönd Donalds Trump skipað Airbus flugvélaversmiðjunum að hætta við sölu á 100 flugvélum til Írans fyrir 19 milljarða evra

Kanslarína Þýskalands, Angela Merkel, sem nú er ritari CDU flokksins á skilorði, og svo kallaður leiðtogi hins... bíddu hvar var það nú aftur... jú hér kemur það... hins frjálsa heims, sagði í gær að Þýskaland gæti ekki lengur stólað á varnarregnhlíf Bandaríkjanna og að "Evrópa" (reyndar 50 ríkisstjórnir og þrjú þúsund ráðherrar í 300 stjórnmálaflokkum) yrði að taka málin í sínar hendur (lesist: hennar hendur)

Hún ætlar kannski að kaupa þá varahluti sem vantar svo að fjórar til átta Eurofighter orrustuþotur geti tekið þátt í NATO-aðgerðum og flogið í myrki. Þýskaland hefur skuldbundið sig til að hafa ávallt 82 þotur klárar í slaginn, en hefur eins og er í mesta lagi fjórar og engar til aðgerða í myrki, því þeir sem frameiða varahluti í Eurofighter eru komnir á hausinn og búnir að loka. Hænsnakofi hennar er því eins og hann er: vappar um á hanafæti á náð Bandaríkjanna, Bretlands og Póllands

Þýski varnarmálaráðherrann er nú undir fjármálastjórn sósíaldemókrata í samsteypustjórn tveggja flokka af 300 í "Evrópu Merkels". Vegna áætlana um enn frekari niðurskurð til varnarmála hefur hún hótað að segja vopnakaupasamningum við Frakkland og Noreg upp

Þetta er jú bara ríkisstjórn tveggja flokka. Bíðið bara og sjáið hvernig 300 flokkar fara að þessu. Þeir eru fleiri en pólitísk atóm alheimsins

Fyrri færsla

Samsæriskenning: Efnavopn, Rússland og ESB

Samsæriskenning: Efnavopn, Rússland og ESB

Margir spurðu sig þeirrar spurningar, er efnavopnum var beitt í Sýrlandi um daginn, af hverju væri verið að nota þau núna þegar flestum þykir ljóst að Assad-stjórnin hafi svo gott sem unnið sigur yfir andstæðingum sínum. Af hverju beita efnavopnum á síðustu metrunum með aðgerð sem í besta falli myndi seinka sigri og í versta falli koma í veg fyrir hann. Af hverju?

Jú vegna þess að Bandaríkin voru búin að gefa út yfirlýsingar um að þau ætluðu að draga sig alveg út. Og það hentaði Rússum illa. Rússland hefur áður notað tækifærið á meðan Bandaríkin hafa verið njörvuð niður í hernaðaraðgerðum til að hefja sínar eigin hernaðaraðgerðir á öðrum stöðum. Á stöðum sem skipta Rússlandi öllu máli. Nefna má Georgíu, Krím og Úkraínu. Af einverjum ástæðum hentar það Rússum illa að Bandaríkin losi sig út úr Sýrlandsdeilunni. Og þær ástæður er að finna í Austur-Evrópu. Rússland setti því í gang efnavopnaárás í Sýrlandi til að reyna að draga Bandaríkin inn í leikinn á ný, og til að reyna fá þau til að eyða skotsilfri sínu á Austurhveli jarðar þar, en ekki annarsstaðar. Alls ekki í Austur-Evrópu og síst af öllu í Póllandi, Rúmeníu, Úkraínu né neins staðar í þeim heimshluta. En aðgerðin mistókst sennilega

Þessi hluti kenningarinnar er ekki minn, heldur er hann úr haus dr. George Friedman og hann hefur oftast rétt fyrir sér. Sjálfur var ég of heimskur til að hugsa þetta svona því ég sagði að Pútín væri ekki svo vitlaus að nota efnavopn þarna, heldur hefði kúnninn hans, Assad, beitt þeim. En þar skjátlaðist mér

Bandaríkin á Austurhveli jarðar eru langt að heiman og það tekur þau tíma að koma saman stærra liði og senda það yfir hálfan hnöttinn til átaka á jörðu niðri

Hvort að skyndileg ákvörðun um gangsetningu Norður-Atlantshafs-flotastjórnar á ný sé tengd þessu eða ekki, er ekki gott að segja. En Sjötti floti Bandaríkjanna fær ef til vill meira svigrúm til einbeitingar við það

Hefði olíuverð ekki hrunið 2014 þá hefði Rússland nú þegar haft efni á miklu meiri þrýstingi á Austur-Evrópu. En nú hefur Rússland lokið við að endurnýja 60 prósent af hernum og gert er ráð fyrir vissri lækkun í hernaðarútgjöldum fyrir næsta ár, vegna einmitt þess meirihluta sem ekki þarf lengur að endurnýja. Við það losna meiri peningar í annað

Gert er ráð fyrir því að Trump-lokunin á Íran í fyrradag þýði einnar til hálfrar milljóna tunna minnkun framboðs á olíumarkað. Það er ekki nóg til að breyta miklu um olíuverð, nema sálfræðilega um stundarsakir. Bandaríkin framleiða nú hátt í 10 milljón tunnur á dag (reyndar 10,7 m.t.d pr. 10. maí 2018) og eru þar með að taka fram úr bæði Sádi-Arabíu og Rússlandi. Viss flutningavandamál hafa verið á vestur og norðvestur Texas-svæðinu um tíma, en þau er verið að leysa. Rússland veit að það olíuverð sem er í dag, er það besta verð sem völ er á um langa framtíð

Er Rússland að hugsa sér til hreyfings í Austur-Evrópu núna eða ekki? Eða mun Pútín bíða þess að hann sjálfur, Þýskaland og Frakkland bindist böndum um "annan valkost" með tilliti til þess hvað á að gera við vandamálinu Trump. Winston var stórt vandamál á sínum tíma. Hollt er að muna það. Stórt vandamál

Og þegar ég sé forseta framkvæmdastjórnar Evrópusambandsins afhjúpa styttu af Karl Marx, þá segi ég við sjálfan mig, að það er þrátt fyrir allt ekki ég sem er geðbilaður, heldur þeir. Þeir eru geðbilaðir. Svona lagað gerist ekki nema í ákveðnum tilgangi. Það er verið að senda merki til allra verstu elementa sem til eru í Evrópu um að allt getur gerst á ný. Að þetta bákn snérist ekki um frið né velmegun, heldur um völd. Og það er það sem sambandið sem dula snýst um. Það snýst um að með öllum tiltækum ráðum séu völdin færð upp á hinn eina rétta disk í Evrópu á ný. Sambandið veit að það mun ekki lifa næstu kreppu af. Það veit að skella verður á aðgerðum eins og eignaupptöku, höftum og herlögum. Það veit að velmegun er útilokuð. Þess vegna er svona mikilvægt að fá Marx út í búðarglugga sambandsins sem fyrst. Hann laðar að réttu viðskiptavinina

En það er engin leið fyrir lönd Evrópusambandsins að sniðganga bandarísk lög. Og það vill svo til að engin leið er að tilheyra peninga- og fjármálakerfi heimsins án þess að nota lögin sem gilda í Bandaríkjunum, því þar og í Bretlandi verða allir peningar að fara um, því enginn með fullu viti treystir neinum öðrum í þeim efnum. Bandaríkin eru eini algerlega frjálsi kapítalmakaður heimsins og þangað senda allir sparnað sinn, bæði heimilin þ.e. sjóðir þeirra, fyrirtækin og ríkissjóðir. Og það er það sem fær hina óheilögu þrennu til að halda aftur af sér eins og er. En það getur hún bara ekki svo mikið lengur, því Róm brennur

Fyrri færsla

Winston J. Trump treður tappanum í friðþægingarstefnu síðustu áratuga

Winston J. Trump treður tappanum í friðþægingarstefnu síðustu áratuga

Úr bremsustöðvunum í gær

****

Í gær reif Donald J. Trump friðþægingarpappírinn utan af kökukassastjórn forvera síns og mundar nú sleggjuna á innihaldið, sem er nýtt persneskt imperíal ríki í smíðum í skipasmíðastöð hins agalega klerkaveldis Írans. Á innihald sem er að hefast undir kökukassablessun stórs hluta hins huglausa heims. Sá kökukassi lítur út nákvæmlega eins og síðast. Hann er hugleysið, friðþæging, pólitískur rétttrúnaður og söfnuður aumingja við lekandi völd á stöðum þar sem þeir gera ekkert annað en að segja rétttrúnaðar-orð þegar túkalli er stungið í rifuna á þeim

Takk fyrir þetta Donald J. Trump. Og skál! Heim til föðurhúsanna með svona lið og alla kökukassana sem aularíkin eru að dreifa. Sleggjuna á þetta strax, kæri Trump, áður en halafaxað túkallalið heimsins kæfir hann í kökusafni sínu eins og á fyrri hluta síðustu aldar

Láttu þá óttast þig sem mest. Vertu óútreiknanlegur og hafðu ofboðslega stóra sleggju í handarjaðrinum, því nýtúkallmennin eru meira að segja byrjuð að afhjúpa Karl Marx-altari á hinum ólíklegustu stöðum á ný. Slíkt er ekki gert nema að vont sé í vændum. Mjög vont. Og takk fyrir að virkja Norður-Atlantshafsflotann á ný. Ekki er ráð nema í tíma sé tekið

Fyrri færsla

Ný innheimtustofnun Þýskalands heitir evra og esb. Völdin á höfum veraldar