Tollabandalagið ESB vildi að sjálfsögðu ekki frjáls viðskipti

G-núll ríkin kipptust heldur betur við þegar G1 bauð þeim enga tolla, engar hindranir og engan ríkisstuðning á G7 fundinum í landinu Kanada, sem uppgötvaði "sérstakan frátekinn stað í helvíti" fyrir forsætisráðherra sinn. Auðvitað kom slíkt aldrei til greina af þeirra hálfu, og verður aldrei, því þá myndu Bandaríkin keppa þau í kaf. En þetta var samt skemmtilegt í þær nokkrar sekúndur sem tilboðið tók af síðasta fundinum sem haldinn verður í G7, því það Gé er búið, að vera

Þetta fjölþjóðafyrirbæri þoldi ekki forsetakosningar í Bandaríkjunum. Svo flott og traust er þetta fyrirbæri sem kallast "alþjóðasamfélagið", en sem í tilfelli G7 var alltaf bara alþjóðasamsærið gegn sjálfstæði þjóða og hagkerfum þeirra. Hér endar það fyrirbæri sem bjó til Louvre og Plaza samsærin gegn sjálfstæði hagkerfa á níunda og tíunda áratug síðustu aldar

Þetta mun þá væntanlega heita rek eða divergence á fínu máli hagfræðinga, frá og með bráðum nú, og stútar það rek væntanlega um leið þörfinni á þessum enda-enda-endalausu umbótum eða structural reforms, sem í reynd þýða að allir eiga skilyrðislaust að verða eins og ég ég ég

Þetta er nú heldur betur nýtt dýnamít ofan í Nóbels-friðarverðlaunahafann ESB, sem er á fullu að reyna að gera Evrópu þýska, eins og mig; Þýskaland. Sjáið mig. Sjáið mig!

Heldur ekki fjölþjóða Evrópusambandið þolir fleiri þingkosningar. Hverjar nýjar kosningar eiga nú á hættu að leysa það upp. Ekki bara evruna, því hún er í upplausn, heldur Evrópusambandið líka

Tvær góðviðrisstofnanir "alþjóðasamfélagsins" reyndust ekki vera neitt "samfélag", heldur bara tilraun til að snúna út úr þjóðfélaginu

Og nú fer elítan í þessu alþjóðafargani að missa vinnuna, sem betur fer

Skál fyrir Donald J. Trump! Lengi lifi þjóð-ríkið og þjóðfélag þeirra

Fyrri færsla

Orðið hagkerfi Trumps, líka [u]

R orðinn flokkur Trumps

Mynd WSJ: Líkurnar fjara undan fótum sprengju-sjokkeraðra Demókrata - í kosningunum til þings og öldungadeildar þetta árið

****

Sennilega er það rétt hjá Pat Buchanan að Repúblikanaflokkurinn sé nú orðinn flokkur Trumps. Hann var það ekki þegar Trump kom að honum og byrjaði að taka til. Út um glugga flokksins komu kreddurnar um "frjáls viðskipti" fljúgandi (sem aldrei eru frjáls viðskipti), ásamt "opnum landamærum" og þar á eftir kom kenningin um að viðskiptahalli við útlönd, sem þá hagnast, væri bara allt í lagi til lengri tíma litið, en hann er það ekki. Svo kom gjafabúðin NATO og friðþægingin fljúgandi út um gluggana sem Trump opnaði. Þar næst kom massainnflutningur á vonlausu fólki fljúgandi, og vinstrið varð að finna sér nýja skjólstæðinga til að monta góðsemi sína á kostnað annarra með. Og loks var fjölþjóðaisminn settur í hakkavélina (e. multilateralism), París pakkað saman, og þær elítur sem hafa lofslags-tekjur af honum eru nú að kafna úr hneykslun í miðju hakki

Þeir sem halda að þessi málefni snúi sér aftur til tímans fyrir Trump, eru í djúpsvæfingu loftslags sem stjórnmálaflokkar drepast úr

Hvaða lærdóm geta Íslendingar dregið af þessu í "friðsælasta landi heims" sem Bandaríkin halda einmitt friðinn fyrir. Hvar er okkar framlag til NATO. Hvar eru 2-3 prósent landsframleiðslu Íslendinga stödd í NATO? Við montum okkur af friðsemi sem ekki er okkar verk. Og þeir sem í þannig aðstöðu fastir eru í "afvopnun", eru hræsnarar á hæsta stigi. Friður á Íslandi er Bandaríkjunum að þakka, og hann kostar peninga. Mikla peninga

Fyrri færsla

Íslenski sósíalaðallinn að hrynja

Bandaríkin henda ESB út úr Íran: Ítalía mundar skiptilykilinn

Myndskeið: Í Búkarest var Bandaríkjunum og Intermarium fagnað fyrir stuttu

****

Þetta tók ekki langan tíma. Svo kölluð samstaða ESB-ríkja um að standa uppi hinu hættulega gula hári Donalds Trump, er orðin að sam.. sam.. sam.. já hérna kemur það.. þegjandi samkomulagi um að hlýða einmitt Doanld Trump. Það sýnir sendibréf ESB-ríkja til Washington, þess efnis að ákvörðun Bandaríkjamanna um að rífa Íran-samkomulagið í tætlur gerir ESB ókleift að stunda þar viðskipti. Þetta mátti reyndar strax á fyrsta degi lesa út úr yfirlýsingum A.P. Møller, sem de facto er Danmörk, og það med rettidig omhu. Þeir voru ekki í neinum vafa um hvort yrði fyrir valinu; 1) Íran eða 2) Bandaríkin. ESB-skottið hentist því á milli fóta ESB-margfætlunnar og upp í munn Merkels, þar sem það líkist yfirvaraskeggi

Ítalía

Ítalía mundar nú skiptilykilinn á Schengen og mun sennilega skrúfa það í sundur og taka niður, á meðan ný samhliða mynt er í smíðum, til að bola evrunni út með. "Evran er mynt Ítalíu" sagði ríkisstjórnin, en bætti svo við: "eins og er"

 

Mynd: Trump-Amerykanski fundaði með akkerisfestum Intermarium í Póllandi í fyrra. Fór ekki til Berlínar

Intermarium

Smíði Intermarium gengur vel. Viðskiptahverfi Varsjár í Wola, sem frægt varð fyrir uppreisn í Síðari heimsstyrjöldinni, er að fyllast af bandarískum fyrirtækjum; JPM, Citi, Goldman og endalaus röð bandarískra fyrirtækja streyma að, því Intermarium er að steypast upp. Það verður sennilega ný japönsk-kóreönsk endurreisn með bandarískum herstöðvum og munu Intermarium ríkin þá losa sig við leifarnar af ESB. Varnarsamkomulög eru að myndast á milli Intermarium-ríkjanna. Það verður æ erfiðara fyrir Pútín að sannfæra Hvíta-Rússland um að sitja áfram í kökuboði Kremlar. Annað hvort verður Pútín að bjóða betur, eða Hvíta-Rússland fer af stað og þá er fjandinn laus. En þar sem Intermarium er í smíðum þá kemst hann varla langt, nema að slegið sé til sem fyrst

Fyrri færsla

Pasta komið, tómatsósa á leiðinni

Pasta komið, tómatsósa á leiðinni

Mynd: Forsíða Der Spiegel 2. júní 2018

5. júní 1931

Bræðralagsmenn í Evrópusambandinu nálgast nú níunda rúgbrauðs-óðinn til friðarins sem Bandaríkjamenn héldu fyrir þá. Eitthvað svo kallað fréttatímarit er kallar sig Der Spiegel, kom á laugardaginn út með hefðbundna kveðju að norðan, til þeirra sem viss Alpafjöll vernda fyrir sunnan. Kveðjan kom ekki úr afturenda fíls á leið upp og yfir-um, heldur birtist hún sem táknmynd hengingarólar evrunnar

Illskuleg skrif þessa pappírs, sem kennir sig við "æðri blaðamennsku", eru enn verri en myndin af hegningaról evrunnar, sem ku halda friðinn í pólitískum kirkjugörðum evrusvæðis. Réttast er, segir snepilinn, að senda ECB-aukaseðlabanka Þýskalands, ásamt öðrum stofnunum í vösum þríhyrndra elíta, suður á Ítalíu til að yfirtaka fjármálaráðuneytið í Róm. Og taka þar restar allra fjárráða af þeirri þjóð sem enn heitir Ítalir, því hún kaus vitlaust

Það Ítalíuland, ásamt Þýskalandi, varð á fyrrihluta 20. aldar frægt fyrir að vera eins konar Kína nútímans, þ.e. Ítalía var með "miklu betri" lestarsamgöngur en villimenn Ameríku nutu, og Þýskaland var með allar þessar fínu hraðbrautir. Bæði voru löndin sögð hafa "miklu betri innviði" en ruslið sem Bandaríkjamenn höfðu heima hjá sér. Já fréttaveiturnar breytast lítið og er Der Spiegel þar engin undantekning, þó svo að sá miðill hafi fyrst komið út undir verndarvæng Bandaríkjanna, er frelsið gægðist loksins fram í janúar 1947

Eins og lesendur sjá og heyra þessa rúgbrauðssinfóníu í dag, þá er hún nákvæmlega sú sama og síðast; þokulúðrasveitin mikla

En nú hefur Trump skipað nýjan Patton sem sendiherra Bandaríkjanna hvern einasta "helvítis" dag í Berlín, eftir að hafa látið þá stöðu liggja tóma í heilt ár. Sá diplómat heitir Richard Grenell og ku valda usla

Fyrri færsla

ESB og NATO ekki nóg

ESB og NATO ekki nóg

SUNNUDAGUR

Hvers vegna Síðari heimsstyrjöldin skiptir máli í dag: Victor Davis Hanson er einn virtasti sagnfræðingur í sögu hernaðar í heiminum og bóndi. Hér útskýrir hann Síðari heimsstyrjöldina og segir frá því hvað kom henni af stað og hvað í nútímanum getur verið skapa svipuð skilyrði fyrir nýjar hörmungar. Hvers vegna Síðari heimsstyrjöldin skiptir máli í dag, er mikilvægt að vita

****

Ismay lávarður útskýrði hlutvert NATO mjög vel: Það var stofnað til að halda Rússlandi úti, Bandaríkjunum inni og Þýskalandi niðri. Staðan á meginlandi Evrópu er hins vegar orðin sú að Rússland er inni, Þýskaland er efst og Bandaríkin að mestu komin út, því þau eru með aðeins 35 þúsund hermenn í Þýskalandi í dag, miðað við 250 þúsund árið 1985. Það voru Bandaríkjamenn sem héldu friðinn á meginlandi Evrópu, en sem Evrópusambandið er nú að rífa í tætlur

Pólland finnur vel fyrir þessari stöðu, því í síðustu viku komst pólska fréttastöðin Onet yfir þá pappíra sem pólska varnarmálaráðuneytið hefur lagt fyrir bandaríska varnarmálaráðuneytið, þess efnis að Pólland greiði allt að tvo milljarða Bandaríkjadala til uppbyggingar á nýrri bandarískri herstöð í Póllandi

Þar sem Þýskaland neitar að uppfylla skuldbindingar sínar við NATO og reynir þannig að veikja varnarbandalagið eins og það getur, þá hefur Pólland snúið sér beint til Bandaríkjanna, því Pólverjar vita að tími fjölþjóðafyrirbæra á meginlandi Evrópu er liðinn, og að þau fyrirbæri eru einnig getulaus og hafa alltaf verið. ESB virkar ekki og NATO virkar ekki, því Þýskaland er þar um borð, og Tyrkland er ekki lengur NATO-ríki nema að nafninu til. Það eina sem dugar í dag er beint samstarf á milli fullvalda ríkja

Pólland er einu sinni enn komið í klemmu á milli Þýskalands og Rússlands. Og Bandaríkin vita það. Ríkisstjórnir Póllands og Rúmeníu funduðu því beint sín á milli í síðustu viku, í fyrsta skipti, um varnarsamkomulag, sem virðist vera í burðarliðnum. Í fyrra gerðu Bretland og Pólland, beint sín á milli, samning um varnarmál. Takið eftir að ekki er um fjölþjóðasamvinnu að ræða, heldur er unnið saman beint. ESB og NATO er ekki nóg

Ég leyfi mér að benda lesendum á tvær nýlegar greinar frá Victor Davis Hanson. Þær eru:

1. The Great German Meltdown

2. The Post-War Order Is Over

Fyrri færsla

Fed setur Deutsche Bank í ruslflokk [u]

Hans-Werner Sinn vill gjaldeyrishöft á evrusvæðið [u]

..I cant shake it, its gone too far.. jeps

Alltaf best að halda sig við einfalda hluti sem fólk skilur. Allir vitibornir Íslendingar skilja að krónan er best, því hún er best

****

1930. frétt af hættulegustu mynt veraldar

Hans-Werner Sinn efnahagsráðunautur þýsku ríkisstjórnarinnar og fyrrum forseti Ifo stofnunarinnar, leggur til að fjármagns- og gjaldeyrishöftum verði skellt á evrusvæðið, því ástand þess sé orðið óþolandi fyrir Þýskaland. Hann leggur til að höftum verði skellt á til að reyna að stöðva yfirdrætti seðlabanka evrusvæðis í þýska seðlabankanum, sem nú nemur billjón evrum (e. TARGET2 balance)

Í reynd myndu hugmyndir Sinns þýða úrsögn Þýskalands úr evru, því um leið og slík höft kæmu til framkvæmda myndi ein evra hætta að vera ein evra í öllum evruríkjunum og hún breytast í jafn margar útgáfur af evru, hver með sitt verðgildi. Ekkert samband yrði á milli þeirra

ECB-seðlabankinn á að sjá um, með tíð og tíma, að jafna út þessa yfirdrætti í TARGET2 greiðslukerfi evrunnar, sem er kröfukerfi þeirra seðlabanka sem standa að myntinni gagnvart hvor öðrum. En ef pólitískt kapítal ECB-seðlabankans gufar upp, þá verður ógjörningur fyrir þingmenn að skríða einu sinni enn og samstíga upp að altarinu á þingi heima og biðja skattgreiðendur í öllum evrulöndunum um að endurfjármagna eigið fé seðlabanka evru, sem er mjög lítið. Þeir flokkar sem reyna að klífa það fjall verða ekki beint vinsælir heima. Jæja væni minn, ertu kominn einu sinni enn að betla meira fé á bálið

Eruophiles (evruníðingar) segja það stórt vandamál að þýsk heimili hlusti á Hans-Werner Sinn, en það sé hins vegar ekkert að marka það sem maðurinn segir. En vandamál eruophiles er hins vegar það, að enginn í þeirra röðum hlustaði á þýsk heimili þegar evra þeirra var sjósett. Ný ríkisstjórn hinna ókjörnu á Ítalíu mun kannski redda þessu. Hvað haldið þið? Næsta skref þar gæti verið nýr Mussó, því engin kaupmáttaraukning hjá ítölskum heimilum í 30 ár er staðreynd sem erfitt er að höndla mikið lengur (16 ár hjá þýskum heimilum). Þetta endar að sjálfsögðu ofboðslega vel. Yfir-þýskir evrumenn á FAZ leggja því sitt að mörkum á bálið, með því að segja að sjálfsögðu verði að refsa Ítölum fyrir að 1) "kjósa rangt" og 2) að vera Ítalir. Já þetta endar vel

Næsta frétt af evrusvæðinu verður númer 1931. En þá kemur Jóhönnuhaus Samfylkingar út og slær Össur, sem svo slær Vinstra-grænt yfir í rautt, og svo koll af kolli hvers þingmanns sem sagði já, þar til hóru-bingó-band evrunnar á Íslandi orðið er Skjaldborg höfuðborgarinnar um nýja svifryks-stjórnarskrá, þar sem Landsréttur verður vonandi réttur dagsins alla daga. Upplýst skítapakk!

Sem sagt: Þjóðverjar vilja verjast evrunni með því að skella fjármagns- og gjaldeyrishöftum á allt evrusvæðið. Þetta var fyrirsjáanlegt, þar sem Þýskaland hefur nú lokið ryksugun á svæðinu

Uppfært: Í dag ákvað hins vegar ríkisstjórn Donalds J. Trump að skella tollum á stál- og álútflutning Evrópusambandslanda til Bandaríkjanna, en þau eru stærsti viðskipavinur Þýskalands vegna gengisfölsunar Þýskalands með evru, sem er ekki mynt, heldur pólitískur vafningur. Vanti Þýskalandi lægra gengi þá kveikir það bara í einu evrulandinu í viðbót og gámarnir hendast út úr þýskum höfnum áfram

Að tala er ekki það sama og gera

Fyrri færsla

Prússnesk Evrópa að myndast á ný

Prússnesk Evrópa að myndast á ný

"Nýja Vestur-Þýskaland" 1986, Münchener Freiheit. Þetta Neue Deutsche Welle er horfið og NýPrússland er Þýskaland að verða í dag, hundleitt á frelsinu, og ryðst um álfuna eins og naut

****

Ef Winston Churchill hefði verið forsætisráðherra frá 1929 til 1939, þá hefði hann verið að gera nákvæmlega það sama og Donald Trump er að gera í dag, þ.e. stöðva friðþægingu og reyna að koma í veg fyrir stríð, með því að sýna heiminum hvað hann á að hræðast, þ.e. að stöðva friðþægingu á öllum vígstöðvum. En Winston varð því miður að láta sér nægja pennann, eins og Davíð í dag, og því fór sem fór, vegna lömunar í fælnimætti (e. deterrent) sökum friðþægingar

Mannætum var boðið í kaffi til að halda þeim góðum og bannað var að kalla þær mannætur. Munurinn á réttu og röngu var gerður að afstæðiskenningum góða fólksins, sem fóðraði mannætur og veifaði regnhlíf, þar til það sjálft var étið

Við sem þekkjum Þýskaland sæmilega, vitum að miklar vonir voru bundnar við Neue Vestur-Þýskaland. Um tíma leit svo út að um raunverulega nýtt land væri að ræða. En eftir sameininguna varð Þýskaland samt við sig á ný og nú blasir vaxandi prússneskt Þýskaland við Evrópu á ný: Evrópa er að verða prússneskt ósvæði, einu sinni enn. Það eina sem vantar er að Nýprússneskt Þýskaland bræði peningakistuna í ný vopn. Og það mun gerast, en það verður ekki í þágu annarra og allra síst í þágu NATO, því Þýskaland hatar og fyrirlítur Bandaríkin svo mikið

Við erum að horfa á síðustu daga Evrópu, einu sinni enn

Enginn virðist þó taka eftir neinu og heldur ekki því að NATO-ríkið Tyrkland er orðið "de facto" óvinur Bandaríkjanna, því það hefur kallað sendiherra sinn í Washington heim

Þetta kemur, og við munum kannski einu sinni enn geta þakkað góða fólkinu fyrir nýja og ferska heimsstyrjöld. Ekkert af góða fólkinu í dag hefði kosið Winston þá. Hollt er að muna það

Fíflunum hefur einnig fjölgað hroðalega á Íslandi. Vitsmuna"rofið" (mannamál: heiladauði) er að verða nær algert

****

Mattis í gær: "a steady drumbeat" er það sem við gerum

Fyrri færsla

Pólland vill fastar bandarískar herstöðvar. Róm brennur

Pólland vill fastar bandarískar herstöðvar. Róm brennur

Newt Gingrich talar um nýja bók sína: "Bandaríki Trumps"

****

Mariusz Blaszczak varnarmálaráðherra Póllands staðfesti í gær að hann hefur átt í viðræðum við ríkisstjórn Donalds J. Trump um varanlegar herstöðvar Bandaríkjanna í Póllandi, til að verjast Rússlandi og úrkynjun Þýskalands. Pólland býðst til að greiða tvo milljarða dala til að byggja upp innviði nýrrar bandarískrar herstöðvar í landinu. Um daginn var því lekið (WSJ) að NATO-ríkið Þýskaland ætti aðeins níu bardagahæfa skriðdreka sem landið getur lagt að mörkum til varnar NATO-ríkjum í Austur-Evrópu. Og nú þegar er vitað að Þýskaland á enga orrustuþotu sem flogið getur NATO-leiðangur í myrkri og að framleiðendur varahluta í orrustuþotur Þýskalands eru búnir að loka. Allt þetta á meðan Þýskaland ryksugar Suður-Evrópu gegnum emu og evru og er með stærsta viðskipahagnað nokkurs lands í heiminum - á kostnað Bandaríkjanna og Suður-Evrópu, þar sem Róm brennur nú á þýsku báli

Berlínarvélin í ófriðarbandalagi Evrópusambandsins fagnar því að franskir bankar eigi meira í klemmu í Róm en þýskir, og pressa hennar segir að nú sjáist hin raunverulega ástæða fyrir áhauga Emmanuel Macrons forseta Frakklands á innistæðutryggingum á evrusvæðinu. Berlínarvélin gleymir að sjálfsögðu Target2, sem tifar undir henni í kjallara þýska seðlabankans. Hér er allt við það sama og síðast. Jafnvel forseti Frakklands er nú að læsast einn inni í herbergi í esb, þar sem hann á samtal við sjálfan sig. Hin hreina mey Marine Le Pen, með lykilinn í hendi, stendur fyrir utan og telur niður

Hlutabréfin í Deutsche Bank hrundu niður fyrir 10-evru markið í dag og olíuverð hefur fallið bratt síðustu sex viðskiptadaga

Hér fyrir ofan gerir Newt Gingrich grein fyrir nýrri bók sem hann er að gefa út. Hún heitir: "Bandaríki Trumps". Og í tölu sinni minnist hann á ræðu Mike Pompeo á sama stað daginn áður, þar sem utanríkisráðherrann segir að Bandaríkin hafi mánuðum saman varað esb-ríkin við því að þau verði að velja á milli viðskipta við annaðhvort Íran eða Bandaríkin. Þau geta ekki átt viðskipti við bæði. Newt Gingrich segir að Evrópa verði að gera það upp við sig hvort hún vilji leggja egg sín í frjálsum hluta heimsins eða í hinum kúgaða hluta hans

Newt leggur einnig til að bandarískir námsmenn stofni sjóð sem fjármagnað getur lögsóknir á hendur háskólakennurum fyrir kenna þeim lygar

Newt segir að Watergate sé aðeins teskeiðarfylli miðað við það Atlantshaf sem Demókratar hafi brotið af sér gagnvart framboði Donalds J. Trump, bæði fyrir og eftir kosningar. Það mál sé svo óhugnanalega stórt að fólk kafni næstum því þegar það loks skilur það

Fyrri færsla

Evran nýr Hitler í evrópskri fleirtölu?

Evran nýr Hitler í evrópskri fleirtölu?

Mynd: tímaritið Economist desember 1996

****

Fyrirsögn dagsins: "Welcome back to Weimar Germany"

Greinandinn Wolfgang Munchau -sem ég hef lesið í 11 ár- og hingað til einlægur og ákafur aðdáandi esb og evru, skrifar í dag um evruna:

"Um síðustu aldamót varaði Ralf Dahrendorf við því að evran, sem þá var verið að sjósetja, myndi snúa þjóðum Evrópu gegn hvor annarri. Þá trúðum við honum ekki, en hann hafði rétt fyrir sér."

Munchau heldur áfram og segir efnislega, að evran hefur nú búið til nýtt Weimarlýðveldi í Evrópu og það er ekki bara í einu landi, heldur bæði í norðri og suðri. Þeim sem hafa ekki "réttar" skoðanir á stjórnmálum er haldið frá borðinu þar sem framtíð þeirra er ákveðin. Þeim hefur kerfislega verið haldið frá borðinu eins og gerðist í Þýskalandi á Weimartímabilinu. Sama hvað það kostar

Tilefni þessarar ályktunar Wolfgangs Munchau (og hún hefur legið í loftinu um tíma) er ákvörðun forseta Ítalíu um að hafna þeim kjósendum sem kusu nýja ríkisstjórn á Ítalíu, með þeim rökum að ráðherra í þeirri stjórn hafi ekki réttar skoðanir á ýmsum hlutum eins og til dæmis, já hvað annað, en á evrunni. Forsetinn, sem þingið hefur kjörið, neitar að samþykkja að fólk með rangar skoðanir eigi rétt á að hafa áhrif á líf sitt núna og í framtíðinni

Já það er nefnilega það. Þetta er sennilega nú þegar orðið met í valdníðslu á okkar tímum. Og hvað skyldi gefa forsetanum þetta vald: jú evran. Hún er að verða nýr Hitler í flestum fleirtölum yfir Evrópu

Og nú mun líklega það gerast næst; að fyrrum reiknivél Alþjóða gjaldeyrissjóðsins verður beitt á þjóðina í formi "tæknilegrar ríkisstjórnar" - þar til kosið verður aftur. Og mun sú kosning ekki bara þurrka út kjörmenn ítalska forsetans á þingi, heldur þar með hann sjálfan og nýr vegakafli jarðvinnsluvéla jafnaðarmanna við jörðu verður lagður til.. já.. þið vitið til hvaða staðar.. að sjálfsögðu hins sama og siðast. Malbik endar

Adolf Hitler var jú þrátt fyrir allt sósíaldemókrati - og imperíalisti. Svipað og esb. Og bæði fyrirbærin hötuðu þjóðríkið sem stofnun, og þjóðir þeirra. Þeir sem hingað til hafa gert lítið úr mikilvægi landamæra þjóða, þurfa heldur betur að hugsa rotið ráð sitt að nýju, því Alpafjöll og Atlantshaf eru að hækka hratt í verði. Leitin að heilabúi jafnaðarmanna í Skeiðarársandi hefur engu skilað, nema sandi

Fyrri færsla

Talning RVK-atkvæða í takt við umferðaröngþveitið

Ör væntingar þýska kanslarans til vina sinna

Mynd: "Hvað segið þið þarna hinumegin, er ekki allt í lagi hjá ykkur. Problems? Vantar ykkur ekki smá tolla svona til hressingar - á bílana ykkar?"

****

Eins og áður er Evrópusambandið mjög lélegt á milli banda-mann-anna. Mussolini hafði ekkert samband norður áður en hann réðst inn í Grikkland, Eþíópíu, Albaníu og hóf örinnrás inn í Frakkland á stað sem hitt fíflið í norðri hafði ekki séð. Óð inn í Egyptaland, Júgóslavíu, Túnis, Sómalíu, Kenya, og Súdan. Allt framkvæmt með engu, því ekkert þurfti til á þessum tímum. Friðþægingin var svo mikil að góða fólkið þorði ekki að líta upp. Hvað eftir annað mátti fíflið í norðri hendast suður til að öskra á Benito. "Hvað ertu að gera maður?" Svar: "Nú það sama og þú. Þú sagðir mér heldur ekki frá neinu, bara gerðir það." Sama samvinnuferli gilti um bandamenn þessara í Rússlandi og Japan. Allir lugu hvorn annan fullan fram á síðasta dag. "Hvar er Pearl Harbour?", spurði Hitler daginn eftir árás vina hans. Sambandið á milli þeirra var það gott

Í dag er staðan eins í tröllabandalagi esb. Enginn treystir neinum, allir bíða með rýtinginn handa hinum á milli broskallanna og ekkert virkar. Enda eru ör væntingar borgaranna til sambandsins svo litlar að þær sjást ekki nema að túkalli sé veifað fyrst. Allir vilja vera með í að ræna hvorn annan, en enginn vil borga, sérstaklega ekki skaðabætur til hvors annars. Þarna er allt við það sama og síðast. Og verið er að brýna kutana einu sinni enn og sækja sér ferskt grjót yfir bæjarlækinn austur. Túkallinn, evruna, er verið að slíta í sundur. Þetta Evrópusamband hefur aldrei snúist um annað en að ræna hvorn annan og að komast yfir sem sem mest völd yfir öðrum. Hver heldur mestu þegar hún rifnar er ekki gott að vita. Og hver heldur á skuldunum. Það er nú það. Tralla la la, Target2...

Og svo eru það níu bardagahæfir skriðdrekar Þýskalands gegn Pútín. Slíkt er ekki gert nema af fullum ásetningi. Níu!

Fyrri færsla

Verður þetta næsta brúðkaup Evrópu?