20 sammála Írskir hagfræðingar

20 sammála Írskir hagfræðingar - gegn - 32 sammála hagfræðingum á Íslandi

Við höfum á undanförnum mánuðum hlýtt á stutta lagstúfa 32 sammála íslenskra hagfræðinga í þokulúðrasveit Samfylkingarinnar á Íslandi. Lúðrasveit þessi segir samhljóma að Ísland bjargist alveg sjálfkrafa frá afleiðingum frekar illa rekinna bankastofnana á Íslandi og frá dauðadái Fjármálaeftirlitsins, ef það aðeins afsali sér fullveldi og auðlindum Íslands yfir til Evrópusambandsins. Margir þessara 32 hagfræðinga unnu þó sjálfir í þessum hrundu fjármálastofnunum á meðan Fjármálaeftirlit Samfylkingarinnar hélt verndarhendi yfir þeim og gerði þeim kleift að koma fjármálum Íslands á hliðina

Það sem er þó nýtt í málefnum lúðrasveita hagfræðinga er það að nú hafa 20 sammála Írskir hagfræðingar stofnað með sér lúðrasveit á Írlandi. En Írland þjáist af þeim kosti, samkvæmt áliti 32 sammála íslenska hagfræðinga, að vera í Evrópusambandinu og einnig í sjálfu myntbandalagi Evrópusambandsins. En lagaval þessarar írsku lúðrasveitar er samt alveg öndvert við lagaval 32SH á Íslandi. Tóntegundin er einnig önnur. Á Írlandi segja nefnilega 20SH að það þurfi að þjóðnýta alla stærstu banka Írlands og það geti ekki gengið nógu hratt fyrir sig. Þessir 20SH segja að núverandi mynt landsins (evra) - og allar þær ríkisábyrgðir sem búið er að gefa út til handa írskum bönkum - nægi alls ekki til að bjarga landinu. En eins og sumir vita þá skall efnahagslegt fárviðri á ströndum Írlands síðasta haust. Þetta fárviðri var þó að mestu leyti írsk framleiðsla. Framleidd með miklum stuðningi frá sjálfum Lykla Pétri í ESB og einnig borið undir álit 32SH og Banka-Samfylkingarinnar á Íslandi. Hér á ég auðvitað við seðlabanka Evrópusambandsins, aðalstöðvar Evrópusambandsins, myntbandalag Evrópusambandsins og hinn innri markað Evrópusambandsins. En þetta virðast vera stofnanir og fyrirbæri sem virka hvergi nema í ímynduðum heimi 32SH og Banka-Samfylkingar Íslands. Ekkert af þessu hefur a.m.k. virkað á sjálfu Írlandi.

Það verður að þjóðnýta bankakerfi Írlands til að auka trúverðugleika þess 

20SH á Írlandi segja í stuttu máli að bankakerfi Írlands sé læst fast niðri í frystikistu og gjaldþrota í praxís. "Við álítum að það sé sama hvað gert er. Markaðurinn álítur að bankakerfi Írlands sér frosið. Það sé því mikilvægt að bankakerfið sé afþýtt með því að ríki skattgreiðenda á Írlandi (ekki Brussel) taki allt bankakerfið yfir, þjóðnýti það og komi að minnsta kosti þeim hluta þess í gang aftur sem hefur brýna samfélagslega þýðingu".

Einnig segja 20SH að "það verði að þjóðnýta bankana til þess að vernda þær mörgu evrur írskra skattgreiðenda sem eru inni á reikningum í írskum bönkum. Það verði að auka trúverðugleika írskra banka því annars flýr þetta fjármagn".

Já það var nefnilega það. Akkúrat. Írska ríkið, skattgreiðendur, þurfa nú að gangast í ábyrgð fyrir þeim myntbandalagsvasapeningana sem þeir eiga og skulda í írskum bönkum. Já, auðvitað. Hvað annað? Þetta er þrautarganga, ekki þrautarvarnir. Írskir skattgreiðendur þurfa sem sagt núna einnig að gegna því seðlabankahlutverki sem þeim var talið trú um að væri þeim ávalt til handa í borginni Frankfürt á meginlandi Evrópu. Lofað af ESB "sérfræðingum" þegar þeir á sínum tíma voru lokkaðir inn í þetta myntbandalag Evrópusambandsins. Núna komast þeir ekki út úr þessu bandalagi aftur. Reyndar komast Írar aldrei út aftur. Aldrei.   

Ertu dauður banki eða ekki? 

Kæri lesandi. Næst þegar þú ferð í göngutúr og rekst á banka sem virðist vera að dauða kominn, þá skaltu spyrja bankann um þetta: "ertu dauður banki?" Ef bankinn svarar: "nei nei, ég er ekki daður, ég er bara með erlenda mynt í magnum og fastur í myntbandalagi sem önnur lönd stýra. Ríki skattgreiðenda mun koma og lífga mig við". En hér skaltu vara þig. Þetta er nefnilega merki þess að bankinn veit ekki að hann er dauður. Þetta er hættulegur banki því þú getur átt á hættu að hann ráðist á þig og plati út úr þér peningana í gegnum bakdyrnar. En ef bankinn svarar spurningunni hinsvegar á þessa leið: "já ég er dauður banki, steindauður. Ég fór á hausinn því ég datt ofaní tunnu sem var full af eitruðu áfengi. Tréspíritus sem gerði mig fyrst blindan og svo dauðan". Þarna þarftu ekki að vara þig á neinu sérstöku. Bankinn er heiðarlega á hausnum. Hann veit að hann er dauður og mun ekki plata peninga út úr þér til þess eins að láta þig halda að hann sé lifandi.

Afturgengi 32SH hljómplatna, eða hvað? 

En þetta er bara ekki það lag sem 32SH og Banka-Samfylkingin flytur okkur á Íslandi. Reyndar er lag þeirra alveg öfugt við það sem 20SH spilar á Írlandi. Kanski gengur hljómplatan afturábak á Íslandi?

Kæru Íslendingar. Gangið endilega og endanlega í Evrópusamband Banka-Samfylkingarinnar. Þá getur þetta nefnilega ekki orðið verra nema að því leyti að þú kemst aldrei út úr Samfylkingunni aftur. Evrópusambandið er nefnilega eins flokka kerfi alveg eins og í gömlu Sovétríkjunum. En Sovétríkin tilheyrðu fyrstu kynslóð áætlunarbúskaparsamfélaga - og eru eiginlega úrelt núna. Nýtt er komið í stað þess. Að vera á hausnum innan í Evrópusambandinu er svo gaman. Þá þarf ekkert að hugsa eða gera. Ekkert annað en að drepast. Lærið nú af Írum, Lettum, Litháum, Eistlendingum, Spánverjum, Ítölum, Portúgölum og Grikkjum. Lærið.

Gengi evru er ekki gott fyrir alla. Það gegnir ekki 

Evran fellur og fellur, en bara ekki nógu mikið. Evra Evrópusambandsins er núna fallin um tæp 20% gagnvart dollar á síðustu 12 mánuðum og um tæp 5 á síðasta mánuði. En það er bara ekki nóg. Þetta gengi evru gagnvart öðrum mikilvægum gjaldmiðlum er ennþá 50-60% of hátt fyrir Lettland, Eistland, Litháen, Spán, Ítalíu, Portúgal og Grikkland. En þá segi ég. Af hverju fella þau þá bara ekki gengið til að bjarga sér út úr þeim stórkostlegu vandamálum sem löndin eru í? Fyrst gengi evrunnar er svona alltof hátt fyrir þessar þjóðir, af hverju gera þær þá ekkert í málunum? Kæru lesendur, þetta er víst ekki svona einfalt. Kjáninn sem ég er, ætti ekki að segja svona því þetta er nefnilega mjög viðkvæmt mál. Þetta má ekki segja. Má ekki segja á vissum stöðum á Íslandi og heldur hvergi í ESB. En jú. Lettland mun fella gegnið. Það sama mun Eistland og Litháen gera. Þessi lönd munu fella gengið um ca 50-60% í sumar eða haust. Þetta er einnig nýleg ályktun sérfræðinga stærsta banka Bretlands.

<><><> SÍMSKEYTI AÐ HANDAN <><><>

HUGLEIÐING DAGSINS

Argentina

1) Since 1991, the peso has been fixed to the dollar at a one-to-one rate under a currency board system. Þökk sé slæmum ráðum IMF 
1 Peso = 1 Dollar

 

<><><>

2) "All of our economy ministers have gone to Harvard -- to learn what? To rob the country?" said one frustrated woman, voicing widespread anger at a political class seen as corrupt and inept.(FT)

 

<><><>

3) With Argentina devaluing its peso over the weekend,
the conventional economic wisdom finally got its way.
Wall Street Journal, editorial, 2002-01-08

<><><> SÍMSKEYTI ENDAR <><><> 

Eitthvað verður að brotna. Á gegnið að brotna eða vilt þú brotna? Hvort viltu? 

Ef gengið fær ekki leyfi til þess að gefa eftir eða brotna, þá verður eitthvað annað að gefa eftir eða brotna í staðinn. Ef það er gegnið sem fær leyfi til þess að gefa eftir eða brotna þá bjargar það yfirleitt útflutningsatvinnuvegunum. Þá geta þessir atvinnuvegir betur keppt við vörur sem framleiddar eru undir gengi annarra mynta og kanski mynta landa sem engu ráða um peningamál sín.

Þetta þýðir að þú munt betur geta haldið þínu lífi áfram, því það munu peningar halda áfram að koma inn í samfélag þitt. Kanski af skornari skammti en áður, en koma þó. En það mikilvægasta er þó að útflutningsatvinnuvegirnir þurfa ekki að brotna niður og fara á hausinn. Þeir munu ekki tapa þeirri markaðshlutdeild og mörkuðum sem þau hafa keypt dýrum dómi með mikilli vinnu og dýrum fjárfestingum áratugum saman. Þau munu ennþá verða til staðar í þjóðfélaginu þegar kreppunni lýkur. Þá munu þessir atvinnuvegir dæla peningum inn í samfélagið í formi aukinna og verðmætari útflutningstekna, hærri launa, fleirri starfa og afleiddra starfa, meiri og betri hagnaðar sem svo er hægt að fjárfesta á ný. Þeir munu standa sterkt að vígi og koma efnahag landsins á hraðferð upp á við á ný. Algveg eins og lyf sem virka.

Annars brotnar samfélagið 

En fái gengið ekki að gefa eftir þá mun útflutningsatvinnuvegunum ekki vegna vel, því gengið fyrir kostnaðargrundvöll þeirra er alltof hátt, eins og í tilfelli Írlands og fleirri landa sem ekkert gengi hafa. Þá verður það þú, efnahagur þinn, atvinna þín, lífskjör þín og samfélags þíns sem mun þurfa að brotna niður. Þá verður margt slæmt ennþá verra. Mun verra. En það versta er þó að langtíma atvinnuleysi sest að í þjóðfélagi þínu og mun smá saman grafa undan öllu samfélagi þínu. Fyrirtækin fara úr landi, til svæða sem bjóða betra og samkeppnishæfra gengi, skattar hækka því skatttekjur minnka. En það sem er enn verra er að fólkið sem knýr verðmætasköpunina mun einnig fara. Það fer nefnilega þangað sem betri og meiri atvinna býðst og þar sem hæfileikar þeirra eru betur umbunaðir - til lengri tíma litið.

Núna er rétti tíminn til að halda fögnuð 

Þessvegna er full ástæða til að allir Íslendingar haldi fögnuð núna. Þeir geta nefnilega sturtað niður í klósettinu núna. Það geta Írar alls ekki. Núna ætti því að halda uppá að bankanir eru raunverulega dauðir. Alveg steindauðir. Sturtaðir niður og nýjir eru á leiðinni. Það ætti því að efna til erfidrykkju fyrir alla landsmenn Íslands. Það er allt í lagi að bjóða 32SH með, því þeir eru hvort sem er hálffullir ennþá, eða hálftómir. Stúta því næst nokkrum góðum lítrum af vökva, éta slátur, harðfisk, svið, súran hval, SS pylsur, lambahryggi og lærvöðva. Halda uppá þetta og dansa. "Bankarnir eru dauðir, steindauðir, dauðir eins og sauðir".

Svo kemur nýr dagur og þá á að fara í gömlu vinnufötin aftur og hamast. Vinna, vinna, byggja og bæta. Bras, as, þys og gustur. Þetta hefur alltaf verið einmitt svona og verður aldrei örðuvísi. Aldrei á meðan Íslendingar hafa ennþá sál sína. Á meðan 20SH á Írlandi eru að koma bönkum Íra niður í langtíma, aflvana og mynt-bandorma hrjáðu meltingarfæri írskra skattgreiðenda til þess að auka á trúverðugleika galdrabandalagsins, þá eru Íslendingar löngu komnir yfir timburmennina og fyrir löngu búnir að byggja nýjan bát. Skip sem kemur drekkhlaðið að landi. Áhöfnin verður svo ánægð og gamlir og góðir söngvar munu hljóma á ný 

Børsen: Tyve økonomer: Nationaliser bankerne

Irish Times: opinion piece 

Fyrri færsla

Ágrip sögu Íslands: Ísland varð sjálfstætt lýðveldi þann 17. júní árið 1944

Forsíða þessarar bloggsíðu 

 

<><><><> 

Annað símskeyti að handan hefur borist

Viðauki 20SH - 20 sammála írskir hagfræðingar

 <><><><><><><><>

1. Karl Whelan, professor of economics, dept of economics, UCD
2. John Cotter, associate professor of finance, Smurfit School, UCD
3. Don Bredin, senior lecturer in finance, Smurfit School, UCD
4. Elaine Hutson, lecturer in finance, Smurfit School, UCD
5. Cal Muckley, lecturer in finance, Smurfit School, UCD
6. Shane Whelan, senior lecturer in actuarial studies, school of mathematics, UCD
7. Kevin O’Rourke, professor of economics, Trinity College Dublin
8. Frank Barry, professor of international business and development, school of business, Trinity College Dublin
9. Pearse Colbert, professor of accounting, school of business, Trinity College Dublin
10. Brian Lucey, associate professor of finance, school of business, Trinity College Dublin
11. Patrick McCabe, senior lecturer in accounting, school of business, Trinity College Dublin
12. Alex Sevic, lecturer in finance, school of business, Trinity College Dublin
13. Constantin Gurdgiev, lecturer in finance, school of business, Trinity College Dublin
14. Valerio Poti, lecturer in finance, DCU business school
15. Jennifer Berrill, lecturer in finance, DCU business school
16. Ciarán Mac an Bhaird, lecturer in finance, Fiontar, DCU
17. Gregory Connor, professor of finance, department of economics, finance and accounting, NUI Maynooth
18. Rowena Pecchenino, professor of economics, department of economics, finance and accounting, NUI Maynooth
19. James Deegan, professor of economics, Kemmy School of Business, Limerick 
20. Cormac Ó Gráda, professor of economics, UCD

 

Ágrip sögu Íslands: Ísland varð sjálfstætt lýðveldi þann 17. júní árið 1944

 

Ísland varð sjálfstætt lýðveldi þann 17. júní árið 1944 

Þar með höfðu Íslendingar öðlast full yfirráð yfir eigin málum og slitu öll pólitísk tengsl við danska konungsríkið sem Ísland hafði þá verið hluti af síðan 1397 en þar áður norska konungsríkinu frá 1262. Áður en Íslendingar komust undir erlend yfirráð höfðu þeir verið sjálfstætt ríki frá landnámi um 870. Áður en Íslendingar glötuðu sjálfstæði sínu höfðu ýmsir valdahafar í Noregi gert sér vonir um að leggja landið undir sig og jafnvel ráðgert innrásir með hervaldi en ekki látið verða af því . . . . 

 

Lesið alla greinina hér: Ágrip sögu Íslands

 

Fyrri færsla:

ESB: Segir Austurríki vera á leiðinni á hausinn

Forsíða þessarar bloggsíðu

ESB: Segir Austurríki vera á leiðinni á . . . . á . . . . á hausinn

Nóbelsverðlaunahagfræðingurinn Paul Krugman segir að Evrópusambandsríkið Austurríki sé að fara á hliðina á eftir Íslandi og Írlandi. Krugman segir að bankakerfi Austurríkis sé núna í svo mikilli hættu vegna útrásarherferðar til Austur Evrópu að búið sé að veðsetja stóran hluta af þjóðarframleiðslu Austurríkis. Auðvitað fyrir skuldbindingum bankanna á þessum slóðum

Ekki er hægt að segja að Austurríkismenn séu ánægðir með þessar vangaveltur hagfræðingsins í Nýju Jórvík. Reyndar segir viðskiptaráðherra Austurríkis, Björgvin G. Sigurðsson, . . . (hlé) . . . afsakið . . . 

Reyndar segir fjármálaráðherra Austurríkis, Josef Pröll, að vangaveltur Nóbelsverðlaunahagfræðingsins séu byggðar á vanþekkingu hans á málefnum og bankakerfi Austurríkis. Einnig segir fjármálaráðherra Josef Pröll að þessi gagnrýni byggist á öfundsýki yfir velheppnaðri útrás austurrískra banka til Austur Evrópu, þar sem þeir hafa náð verulegri markaðshlutdeild

Réttum 7 vikum áður en bankakerfi Íslands hrynur til grunna var eftirfarandi sagt á íslensku

Þann 5. ágúst 2008 sagði bankamálaráðherra Íslands, yfirmaður Fjármálaeftirlitsins, viðskiptaráðherra Samfylkingarinnar og núverandi frambjóðandi Samfylkingarinnar, Björgvin G. Sigurðsson, eftirfarandi um bankakerfi Íslands:

"Auðvitað skortir ekki úrtölur eða þá sem telja sig knúna til að tala útrás og fjárfestingarævintýri Íslendinga erlendis niður. Þannig eru nú hlutirnir einu sinni og því er það mikilvægt nú þegar hægir tímabundið á útrásinni vegna þrenginga á erlendum mörkuðum að halda frábærum árangri þessara flaggskipa atvinnulífsins okkar ríkulega til haga. Þetta eru okkar voldugustu fyrirtæki og nokkrar af helstu undirstöðum efnahagskerfis okkar til lengri tíma". 

Hvar liggja Austurríkismenn á ósýnilegu banka-landakorti Fjármálaeftirlits Íslands og frambjóðenda Samfylkingarinnar? Hvergi.

Simon Johnson tók saman eftirfarandi banka-landakort síðasta haust. Þetta er banka-landakort sem nær allar greiningadeildir íslenskra banka, banka-hagfræðingar þeirra, háskólahagfræðingar og 32 sammála hagspekingar á íslandi töluðu sjaldan eða aldrei um á opinberum vettvangi á Íslandi. Ekki heldur kom þetta bankalandakort úr í morgunkornum eða Íslandsálagskortum Glitnis, Kaupþings og Landsbankans. Kortið kom aldrei til umræðu á þessum auglýsingadeildum bankanna. Aðeins einn maður talaði um þetta kort og varaði við þessari þróun, ítrekað og á tungumáli sem allir haglærðir menn hefðu átt að skilja betur en allir aðrir. Þessi eini maður var Davíð Oddsson, þáverandi seðlabankastjóri.

Stjórnmálaflokkurinn sem bar ábyrgð á bankamálum Íslands gerði það því að fyrsta forgangsverkefni sínu að koma Davíð Oddssyni út úr Seðlabanka Íslands. En vegna alls þessa getur bankamála- og viðskiptaráðherra Íslands 2007-2009, yfirmaður Fjármála-eftirlits Íslands árið 2008 og núverandi frambjóðandi Samfylkingarinnar árið 2009, sagt með alveg hreinni samvisku að hann hafi aldrei vitað eitt né neitt. Því sé hann í framboði á ný, fyrir Samfylkinguna. Þvílík hörmung.

Hvar er þjóðstjórnin sem ætti að vera við full störf á Íslandi núna? 

Bara ef Davíð Oddsson væri leiðtogi þjóðarinnar núna. Hann er einn af fáum góðum mönnum Íslands sem getur tekist á við svona risastór og erfið verkefni sem bíða Íslands og Íslendinga á næstu árum. Leiðtogi sem alltaf er trúr sinni sannfæringu. Hann er ekki lufsa. Og af hverju í ósköpunum er ekki þjóðstjórn við full störf á Íslandi núna og ekki þessi Óstjórn sem núna situr. Af hverju? Svar: vegna þess að þá getur Samfylkingin ekki keyrt hina einu og svo lengi leyndu dagskrá sína í friði. Þetta er eina málefnið á dagskrá Samfylkingarinnar, nefnilega, að gefa útlendingum Ísland. Að koma Íslandi og auðæfum þess undir Evrópusambandið. Gefa Ísland burt. Jarða og gefa Ísland eins og við höfum þekkt landið okkar svo lengi. Í 1000 ár. Þetta er eina málefni Samfylkingarinnar og það getur ekki beðið á meðan þjóðin er hædd og örvæntingarfull. Því án ótta Íslendinga á Samfylkingin ekki séns. Ekki séns. Það er nefnilega eðli Evrópusambandsins að auðgast og vaxa í óttanum. Í óttaköstum þjóða stækkar það. 

Mynd: Skuldbindingar ýmissa bankakerfa miðað við landsframleiðslu landa þeirra 2007

Tengt efni

• Tilvitnun: Til varnar stórfyrirtækjum
• Tilvitnun: Náðarfaðmur jafnaðarmanna
• Sagt í trúnaði: það er að kvikna í banka- og hagkerfi okkar
• Samfylkingin og Jóhanna Sigurðardóttir krefst brottreksturs bankastjórnar seðlabanka Evrópusambandsins

Fyrri færsla

• Vélarbilun í gerfihjarta ESB: spáir 12% samdrætti í þjóðarframleiðslu Þýzkalands

Forsíða þessarar bloggsíðu 

Skrár tengdar þessari bloggfærslu:

• Björgvin G. Sigurðsson Útrás og árangur bankanna.pdf

Vélarbilun í gerfihjarta ESB: spáir 12% samdrætti í þjóðarframleiðslu Þýzkalands

Frohe Ostern! 

Á blogg sínum - "eðlishvöt hjarðarinnar" - kemur fyrrverandi aðalhagfræðingur Citibank, Dieter Wermuth með páskaopinberun sem mörgum ætti að vera orðin ljós fyrir all nokkru. Hann spáir að þjóðarframleiðsla Þýskalands muni dragast saman um hvorki meira né minna en 11,5% á þessu herrans ári 2009. Verði þetta raunin mun eldum og brennisteinum rigna yfir stóran hluta Evrópusambandsins og alls evrusvæðisins á næstu árum. Dieter gefur ekki mikið fyrir hagspár seðlabanka Evrópusambandsins. Hann segir þær misvísandi, alltaf eftirá og að þær reyni stöðugt að fegra útlitið með því að gefa okkur falskar vonir um að þetta verði allt saman miklu betra í "næsta skipti" (sjá hér nánar um hagvaxtargildru Evrópusambandsins: Lestu mig )

Eurointelligence fjallar um spá Dieter Wermuth með þessum orðum

The German blog Herdentrief extrapolated from some recent data to conclude that German GDP could have fallen by some 11.5% annualised during Q1. This estimate is based on the available data for January and February, and the data for employment and inflation for February, which he explains in a very detailed calcuation. Q2 will start with a huge inventory overhang. The recession, he concludes, is on the verge of turning into a depression (Could German GDP have declined by 11.5% annualised during Q1?)  

 

Bloggsíða Dieter Wermuth á Zeit Online: Herdentrieb » Frohe Ostern - reales BIP könnte um 11,5%

Við skulum vona, en þó vera við öllu búin 

Okkar allra vegna skulum við vona að þessi hagspá fyrir Þýskaland gangi alls ekki eftir. En ég er samt ansi bjartsýnn á að spáin muni þó ná að rætast - og vel það

 

Mynd: Iðnaðarframleiðsla Þýskalands, Indlands og Malaysia

Takk til RGE Monitor og Rebecca Wilder (World economic reports (April 8-15)

Fyrri færsla

Nýjustu hagvaxtartölur: leiðréttar og nýjar hagvaxtartölur ESB og EEA

Forsíða þessarar bloggsíðu 

Nýjustu hagvaxtartölur: leiðréttar og nýjar hagvaxtartölur ESB og EEA

Nýjustu hagvaxtartölur

Í gær birtust nýjar og leiðréttar hagvaxtartölur fyrir lönd ESB, EEA og fleiri lönd. Þetta eru tölur fyrir 4. ársfj. 2008. Samdráttur í þjóðarframleiðslu evrulanda reyndist verri en fyrri tölur hagstofu ESB höfðu sýnt. Fyrstu hagspár fyrir 1. ársfj. 2009 sem gera ráð fyrir 7% samdrætti í þjóðarframleiðslu evrusvæðis fyrir allt árið 2009, eru nú farnar að birtast frá efnahags- og greiningastofnunum. Þær mun ég fjalla um seinna. Fyrir fjórum mánuðum hljóðuðu þessar sömu spár uppá jákvæðan hagvöxt fyrir árið 2009.  

Skoða nánar hér >>  Nýjustu hagvaxtartölur 

 

Fyrri færsla

The Last European: yfirráðin yfir Alþjóða Gjaldeyrissjóðnum IMF breytast 

Forsíða þessarar bloggsíðu 

The Last European: yfirráðin yfir Alþjóða Gjaldeyrissjóðnum IMF breytast

 

Simon Johnson, sem m.a. er fyrrverandi yfirhagfræðingur hjá Alþjóða Gjaldeyrissjóðnum og núna prófessor við MIT og Peterson Institute, skrifar á blogg sínum og í New York Times um hvaða áhrif G20 fundurinn í síðustu viku í Lundúnum á Bretlandseyjum mun hafa á Alþjóða Gjaldeyrissjóðinn (IMF) á næstu árum

The managing director of the I.M.F. is very powerful, with a great deal of authority and discretion, and has always been a European — in effect, appointed by European governments to represent their interests

   

Þýðing: Framkvæmdastjóri Alþjóða Gjaldeyrissjóðsins - sem er mjög valdamikil staða og sem veitir mikil völd og leynd - hefur alltaf verið Evrópubúi - í reynd útnefndur af ríkisstjórnum í Evrópu til að vera fulltrúi hagsmuna ríkisstjórna í Evrópu  

 

• New York Times: The Last European: Why the G-20 Was a Success
• Baseline Scenario:  Obama Wins At G20: Europeans Lose Control of IMF 

 

Tengt efni frá 3. febrúar 2009

• Alþjóðagjaldeyrissjóðinn (IMF) vantar og vantar ekki fleiri peninga

 

Fyrri færsla

• Hvar erum við? Við erum hér, alveg fokklár!

 

Forsíða þessarar bloggsíðu 

Hvar erum við? Við erum hér, alveg fokklár!

Kreppa, kreppa og meri kreppa - eða hvað? Er þetta kanski að "reddast" með G21-mjólkinni? 

Já kæru lesendur, ég er að hugsa um hvar í kreppuferlinu við erum stödd. Einkum er ég að tala um hvar í kreppuferlinu heimurinn fyrir utan Ísland er staddur. Ísland kom jú fyrst í mark, eins og venjulega. En hvað er eiginlega að gerast þarna úti?

Ógerningur dagsins

Seðlabanki Evrópusambandsins (ECB) þorði ekki að lækka vexti að ráði í dag af ótta við að myntin evra muni hrynja saman eins og spilaborg á næstu skuldaárum. Þessi ákvörðun ECB fékk gamla og garvaða bankamenn hér i Danmörku - og víðar - til að stynja upp "hvað í fj... eru þeir að hugsa um (Sydbank: "Hvad f..... tænker de på?"). Á viðskiptagólfinu hjá Credit Suisse sagði aðal-gjaldmiðla-maður þeirra í morgun að ef ECB lækkaði ekki vextina um a.m.k 0,5% núna þá lýsti það algerri heimsku bankans - "they would be really totally stupid".

En það kom einungis 0,25% vaxtalækkun og það er verðhjöðnun í gangi og raunvextir á evrusvæðinu hækka bara og hækka - en þó einungis á útlánum, ekki á innlánum. ECB-bankinn er því langt langt undir verðbólgutakmarki sínu sem er 2% verðbólga á ári. Það þarf afl til að búa til verðbólgu - asa, framkvæmdir og þyt. Ekkert af þessu er í gangi hér

En hvar erum við í heimskreppunni?

Að mínu mati - og ég undirstrika að þetta er einungis mitt eigið mat - þá er staðan þannig að undanfarnir 24 mánuðir á þessum stóra byggingarstað, hafa farið í að koma dýnamít túbunum vel og vandlega fyrir í byggingunni. Tonn eftir tonn hafa verið boruð djúpt inn í sökkulinn og í burðarveggina. Byggingin varð sem sagt sprengjuklár í október síðastliðnum, alveg 100% fokklár. Byggingaeftirlitið (stjórnmálamenn og fjármálaeftirlitið) hafa nú tekið sprengjuhleðslurnar út og gefið græna ljósið fyrir því að öllum dýnamít túbunum hafi verið komið rétt fyrir í byggingunni og að öllum byggingareglugerðum var stranglega framfylgt. Svo var haldið reisugilli hjá Sigga Samfó og þá fyrst var ýtt á sprengjutakkana, einn eftir annann í samfleytt 5 mánuði

Þeir voru margir sprengjutakkarnir svo það tók sinn tíma að gangsetja allar hleðslurnar. En full afköst sprengingar fjármálaeftirlitsins eru þó loksins að nást núna. Frá því í október hafa dýnmít hleðslurnar því verið að springa, einni af annari, samkvæmt áætlun. Eigendur og íbúar byggingarinnar hafa verið að flýja bygginguna á meðan

 

Svo hvar erum við stödd núna?

Jú núna eru flestir komnir út úr byggingunni, en þó harla allsberir. Það er sem sagt núna að byggingin mun geta byrjað að hrynja saman fyrir alvöru. Fréttirnar af hruninu munu koma í stanslausu flóði á næstu 36 mánuðum. Oft mun þó enginn taka eftir þeim, sérstaklega ekki byggingayfirvöldin (banka- og viðskiptaráðherrar ásamt fjármálaeftirlitsleysinu) en þær munu verða þarna samt, þ.e. fréttirnar. Einkum munu fréttirnar birtast í formi glæsilegra ársreikninga með skínandi rauðum tölum og í útsölubæklingum vinnuafls og húsnæðis, sem svo mun falla um 40-50% í viðbót í mörgum löndum. Hvoru tveggja

 

Á meðan munu banka- og viðskiptaráðherrar ásamt fjármálaeftirlitsleysinu halda áfram að skála í kampavíninu hjá Forsetanum og vinna ötullega við að skrifa fleiri byggingareglugerðir sem þeir skilja ekki sjálfir og hafa aldrei skilið hvort sem er. En þeir munu hafa allt sitt á þurru, þeir eru nefnilega sprengjuheldir. Á meðan munuð þið hin halda áfram að vera á hryðju-verkamannalistanum 

<><><><> SÍMSKEYTI <><><><>

FRÁ Hr A.E.P LUNDÚNUM BRETLANDSEYJUM

 The G20 has lost the plot

  So if the surplus states refuse to step into the breach, global demand will collapse. The mercantilist export powers are already being hit hardest by this downturn. Japan&#39;s exports fell 49pc in January: Germany&#39;s GDP has been contracting at 8pc or so (annualized) over the last six months, the worst performance of any major economy in the Atlantic region - although the bitter phase of mass unemployment is yet to come.

 

  This is the plain reality, whoever you blame for causing this crisis. Mrs Merkel - daughter of Lutheran clergyman -- seems to have a moral view that somehow there are good imbalances (Germany&#39;s surpluses) and bad imbalances (America&#39;s deficits). This is frankly childish. The global economy is a single organism. All imbalances are bad when they become extreme.

 

  Until Germany (and China) comes to terms with this elementary point, we will not start to reconstruct the global system on a sound footing. Her comments to the Financial Times that Germany intends to carry on building up trade surpluses forever as if nothing has happened are shockingly stupid . . . . . 

 

. . . . . We are not there yet. For now we watch this G20 fritter away its energies on side-shows, or bread and circuses for the mobs. Tax havens, hedge funds, wars on bankers - it is pathetic. . . . . . 

 

. . . . . So when Angela Merkel and Nicolas Sarkozy attempt to divert all attention to their regulation fetishes  - I refuse to join the applause.

<><><><> FULLT STOPP <><><><> 

 

Fyrri færsla

Evruþátttaka lækkar lánshæfni Slóvakíu 

Forsíða þessarar bloggsíðu

Evruþátttaka lækkar lánshæfni Slóvakíu

Moody&#39;s Investor Service lækkar lánshæfnismat Slóvakíu

Það sem er athyglisvert við þessa lækkun á lánshæfni ríkissjóðs Slóvakíu er sú staðreynd að það eru einmitt langtímahorfurnar fyrir efnahag Slóvakíu sem hafa leitt til lækkunar á lánshæfnismatinu. Það gerðist nefnilega þann 1. janúar á þessu ári að Slóvakía tók upp evru sem sinn gjaldmiðil

 

Lesið allan pistilinn hér á vefsetri mínu

Evruþátttaka lækkar lánshæfni Slóvakíu 

 

 

Fyrri færsla:

Fréttir frá Danmörku: ESB mun koma og passa að fiskimið Íslands verði ekki eyðilögð af íslenskum sjómönnum og útgerðarmönnum

Forsíða þessarar bloggsíðu 

Fréttir frá Danmörku: ESB mun koma og passa að fiskimið Íslands verði ekki eyðilögð af íslenskum sjómönnum og útgerðarmönnum

 

ESB mun bjarga Íslandi 

Já kæru lesendur. Þetta er inntakið í frétt danska ríkisfjölmiðilsins, Danmarks Radio. Venjulega er blóðþrýstingur minn alveg ágætur. Ég mæli hann reglulega sjálfur, því þegar ég fer til læknis þá hækkar hann alltaf en lækkar svo aftur þegar ég er kominn út. Mín innri sál virðist ekki treysta læknum neitt sérstaklega vel, eða jafnvel hræðast þá góðu menn, enda fer ég aldrei til þeirra. En ég þorði samt ekki að athuga blóðþrýstinginn i mér eftir að hafa lesið þessa frétt. Svo í staðinn settist ég við takkaborðið með mína 110 þumalputta - sem einnig hafa innbyggða þroskaða meðfædda stafavíxlun og ásláttar glundroða - og sendi Danmarks Radio einn tölvupóst. Gerði þetta í staðinn fyrir að mæla mig eða reikna mig fram til þess að ég væri ókei

 <><><><> SÍMASKEYTI <><><><> 

Der er nye toner fra det konservative Selvstændighedsparti i Island. Partiet, der er Islands største oppositionsparti, er fortsat en indædt modstander af EU, men i forbindelse med finanskrisen, der har tvunget østaten i knæ, er Selvstændighedspartiet gået med til, at islændingene kan stemme om optagelse i EU.

 

<> ÚRFELLING Í SKEYTI <>

 

Men blandt andre fiskere og ansatte i fiskeindustrien er imod, og generelt var islændinge inden krisen skeptiske over for EU af frygt for, at Bruxelles ville gribe ind over for den islandske fiskeri- og energiindustri

 

<><><><> FULLT STOPP <><><><>

 

Fréttin segir að sjálfur Sjálfstæðisflokkurinn hafi haldið ársfund og þar hafi komið fram nýjir tónar sem hljóma þannig að sjálfur Sjálfstæðisflokkurinn á Íslandi gangi með til þess að halda þjóðaratkvæða greiðslu(r) um að afnema fullveldið og lýðræðið á Íslandi. Þannig að landið sem ber nafnið Ísland, sem varð fullvalda ríki fyrir aðeins 65 árum, geti átt það á hættu að verða afnumið sem sjálfstætt og fullvalda ríki. Að hægt verði að kjósa (reikna) um að afnema fullveldi og lýðræði á Íslandi. En verður þá nokkurn tíma hægt að fá það aftur spyr ég? Það virðist nefnilega ekki gerast annarsstaðar. Ef einusinni er kosið undan sér fullveldið og lýðræðið þá virðist það ekki koma aftur til baka. Samanber þá nýju stjórnarskrá sem er verið að þvinga ofaní 500 milljón manns í ESB, í heildsölu

Svo verður þessum 500 milljón manns smá saman gefir kostur á að kjósa sig til auðæfa hvors annars. Kjósa sig til auðæfa þinna. Sagan segir okkur nefnilega að allsstaðar þar sem kjósendum er gefinn kostur á því að kjósa sig til auðæfa annarra, þar mun þeir einmitt gera það. Svona gufa auðæfin smá saman upp, þ.e.a.s ef þú þá átt einhver auðæfi eða auðlindir. Þetta gerist að sjálfsögðu ekki í einum grænum hvelli, en það mun samt gerast. Tönn fyrir tönn, atkvæðaseðil fyrir atkvæðaseðil - 20 ár, 50 ár, 100 ár, 150 ár, já þá er jöfnunin á auðæfunum um garð gengin og þá verður nú allt gott (sjá: Málefni Nýfundnalands)  

Rúsínan  

En rúsínan í trollenda fréttarinnar er enginn venjulegur fréttafiskur. Ekki einusinni flugfiskur í skötulíki eða í smjörlíkisljóma og heldur ekki einu sinni í Saxbauta, ef forstjórinn skyldi nú koma óvænt í heimsókn um borð í dallinn. Nei í þessari veiðiferð fréttamanna Danmarks Radio - sem pr. ríkishefð örlátra skattgreiðenda hér í landi veita 3.000 mönnum þess atvinnu - og sem næstum allir eru villuráfandi ríkis-íhaldsmenn, vinstrisinnaðir hálfkommar, ESB-sósíal-demó-kratar og álíka - þá kemur hinn raunverulegi boðskapur fréttarinnar fram. Hann blasir við þeim sem skilja hið skrifaða mál. Boðskapur fréttarinnar er nefnilega sá að íslenskir sjómenn og útgerðarmenn eru hræddir við að ganga í ESB vegna þess að þá myndi hið algóða ESB koma og passa uppá að þeir gætu ekki haldið áfram að eyðilegga fiskimiðin og fiskistofnana í fiskilögsögu Íslands

Já kæru lesendur, þarna hafið þið það. Auðvitað mun ESB koma og bjarga fiskimiðunum við Ísland. Bjarga þeim frá Íslendingum. Frá eyðileggingu Íslendinga. Því auðvitað hefur ESB bjargað Evrópu frá sjálfri sér. Það hljóta allir að sjá sem lesa, heyra og sjá fjölmiðla á borð við Danmarks Radio og Risa Ríkisútgerðar Ríkisútvarp Íslands (RRRUV). Skoðið bara hin glæsilegu fiskimið í núverandi fiskilögsögu ESB, hún er stútfull af spriklandi ekkifisk. Svo vel hefur ESB passað uppá þessar auðlindir hér 

 

Ykkur verður bjargað 

Þá vitið þið þetta kæru Íslendingar. ESB mun koma og bjarga ykkur frá ykkur sjálfum. Þetta vita að minnsta kosti næstum allir hér í Evrópusambandinu, þar sem ég bý. Það er m.a vegna þess að miklir villuráfandi miðjumenn, sósíal-demó-kratar og miklir ESB-sinnar í þessu einsflokka alríki ESB segjast heldur vilja rökræða við nazista en rökræða við okkur sem viljum ekki ESB. Já, þetta sagði fyrrverandi Moskvu fréttaritari Danmarks Ríkis Radio, Poul F. Hansen. Hann hefur þó reynt að afsakað þetta núna. En hann er núna í framboði til þings Evrópusambandsins, hvað annað? Í framboði fyrir þá sem kalla sig Venstre hér en þykjast samt ennþá vera eitthvað smávegis til hægri. En já, þetta passar svosum mjög vel því nazistar voru jú sósíalistar. Þeir þjóðnýttu bara þegnana en ekki atvinnutækin. Svo tóku þeir aðalinn af lífi og slátruðu Gyðingum í leiðinni. Mörgum milljónum. Svo auðvitað vilja svona menn heldur tala við þá en við okkur sem erum á móti Evrópusambandinu (EU-modstandere værre end nazister)

En já. Það er svona sem sannleikurinn verður til. Fyrst er hann búinn til inná ríkisveitum á borð við Danmarks Radio, Risa Ríkisútgerð Ríkisútvarps Íslands og BBC. Svo er honum pakkað inn og hann er sendur inn í stofuna til þín þar sem hann fer inn um hornhimnurnar tvær sem sitja ofarlega á andliti þínu. Svo festist hann inni í hausnum á þér, þ.e.a.s ef hann fær að fara þangað inn nógu oft. Þetta eru sterk vopn. Þau eru svo sterkt að miklir sósíal-íhalds-demó-kratar vilja heldur rökræða við nazista heldur en við okkur sem viljum ekki Evrópusambandið. Þetta virkar. Just plain works!

Elta peningana 

En þetta er svo sem ekkert undarlegt því það fjármagn sem Evrópusambandið hefur til umráða við að heilaþvo þá sem sitja inni á fréttastofum og búa til raunveruleikann fyrir okkur er svo mikið að það er meira og betra en þeir fjármunir sem risafyrirtækið Coca Cola notar í öllum heiminum á hverju ári (ESB eyðir tveim miljöðrum punda í áróður fyrir eigin ágæti - á hverju ári!). Fjármunir til að markaðsfæra vörur sínar og fyrirtækið sjálft. Mikill er máttur peninganna og þeim á Evrópusambandið nóg af. Sand af þeim. Þeir koma frá þér. Frá skattgreiðendum sjálfum. Vissir þú að þú sjálfur fjármagnar Evrópusambandið? Þetta er svona já. Get ég ekki fengið svona peningavél?

En hvað sem öllu líður þá þurfa Íslendingar ekkert að óttast. Evrópusambandið mun koma og bjarga ykkur. Það segir DR.DK, svo það hlýtur að vera rétt. Sjálfstæðisflokkurinn virðist ætla að aðstoða ESB við þessa björgunaraðgerð. Eða er þetta einhver misskilningur hjá mér? Eru það bara erlendir fréttamenn sem eru að flækja sig í steinullinni sem er að vaxa á haus Sjálfstæðisflokksins núna? Eða er reiknivélin kanski biluð. Eða er þetta allt saman einn stór misskilningur? Getur það hugsast?

Skeyti sent í höll sannleikans - í moðull og físmoll

En allavega, þá sendi ég blaðamanni Danmarks Radio tölvupóst og reyndi að útskýra þetta með sjómennina og útgerðarmennina, það gat ég þó, því það er mjög auðvelt. Ef einhversstaðar eru til sjálfbær gjöful fiskimið ennþá, þá eru þau við Ísland og það er Íslendingum sjálfum að þakka. Þetta er ekki svona í ESB og það er svo sannarlega ESB að þakka. Það væri sem sagt ryksuga ESB sem íslenskir sjómenn og útgerðarmenn óttuðust. Ekki öfugt.

En það var öllu verra með E-málefni Sjálfstæðisflokksins. Ég vona að mér hafi tekist að útskýra e-málefni flokksins á mannamáli því ekki getur Sjálfstæðisflokkurinn útskýrt þau sjálfur á mannamáli. En eigum við ekki barasta að treysta því að Danmarks Radio fari með rétt mál? Það er bara það að eftir 25 ára búsetu í Danmörku þá veit ég betur en svo. Þeir búa jú til raunverulekann samkvæmt sínu pólitíska landakorti. Hann hlýtur bara að vera "réttur". Það þarf bara að segja raunverulekann nógu oft. En ef hann er ekki réttur þá er bara að kjósa og kjósa hann þangað til hann verður réttur. Tra la la. Reikna og reikna, þá veður allt gott

En svo er það atkvæðið dýrmæta - á meðan það hefur eitthvað að segja   

Svo hvar á ég að kasta atkvæði mínu núna? Þetta var ekki neitt vandamál fyrir mig hér áður fyrr. Ég kaus Sjálfstæðisflokkinn. En hvað gerir Gunnar núna? Þarf ég að fara að læra reikna aftur? Þetta er orðið svo flókið - og það boðar venjulega aldrei neitt gott. Mér líkar illa við flækjur. Sérstaklega illa við opna enda, því maður veit ekki hvort það er morgunbirtan sem lýsir þarna fyrir endanum á jarðgöngunum - eða hvort það er ljósið frá öskrandi járnbrautarlest sem er að koma æðandi - og sem svo mun keyra yfir mann  

 

Fyrri færsla

Er Bretland ennþá sjálfstætt og fullvalda ríki?

Forsíða þessarar bloggsíðu 

Er Bretland ennþá sjálfstætt og fullvalda ríki?

 

 

Breska Bruges Group spyr:

Er Bretland ennþá sjálfstætt fullvalda ríki?

smellið og lesið pistilinn á vefsetri mínu www.tilveraniesb.net

Er Bretland ennþá sjálfstætt og fullvalda ríki? 

 

 

 

Fyrri færsla

Fyrrverandi seðlabankastjóri Belgíu: Engin leið út úr evru aftur án þjóðfélags- og efnahagslegs sjálfsmorðs 

Forsíða þessarar blogsíðu