Leita í fréttum mbl.is

Fréttir frá Danmörku: ESB mun koma og passa að fiskimið Íslands verði ekki eyðilögð af íslenskum sjómönnum og útgerðarmönnum

ESB mun bjarga Íslandi 

ESB mun bjarga Íslandi 

Já kæru lesendur. Þetta er inntakið í frétt danska ríkisfjölmiðilsins, Danmarks Radio. Venjulega er blóðþrýstingur minn alveg ágætur. Ég mæli hann reglulega sjálfur, því þegar ég fer til læknis þá hækkar hann alltaf en lækkar svo aftur þegar ég er kominn út. Mín innri sál virðist ekki treysta læknum neitt sérstaklega vel, eða jafnvel hræðast þá góðu menn, enda fer ég aldrei til þeirra. En ég þorði samt ekki að athuga blóðþrýstinginn i mér eftir að hafa lesið þessa frétt. Svo í staðinn settist ég við takkaborðið með mína 110 þumalputta - sem einnig hafa innbyggða þroskaða meðfædda stafavíxlun og ásláttar glundroða - og sendi Danmarks Radio einn tölvupóst. Gerði þetta í staðinn fyrir að mæla mig eða reikna mig fram til þess að ég væri ókei

 <><><><> SÍMASKEYTI <><><><> 

Der er nye toner fra det konservative Selvstændighedsparti i Island. Partiet, der er Islands største oppositionsparti, er fortsat en indædt modstander af EU, men i forbindelse med finanskrisen, der har tvunget østaten i knæ, er Selvstændighedspartiet gået med til, at islændingene kan stemme om optagelse i EU.

 

<> ÚRFELLING Í SKEYTI <>

 

Men blandt andre fiskere og ansatte i fiskeindustrien er imod, og generelt var islændinge inden krisen skeptiske over for EU af frygt for, at Bruxelles ville gribe ind over for den islandske fiskeri- og energiindustri

 

<><><><> FULLT STOPP <><><><>

 

Fréttin segir að sjálfur Sjálfstæðisflokkurinn hafi haldið ársfund og þar hafi komið fram nýjir tónar sem hljóma þannig að sjálfur Sjálfstæðisflokkurinn á Íslandi gangi með til þess að halda þjóðaratkvæða greiðslu(r) um að afnema fullveldið og lýðræðið á Íslandi. Þannig að landið sem ber nafnið Ísland, sem varð fullvalda ríki fyrir aðeins 65 árum, geti átt það á hættu að verða afnumið sem sjálfstætt og fullvalda ríki. Að hægt verði að kjósa (reikna) um að afnema fullveldi og lýðræði á Íslandi. En verður þá nokkurn tíma hægt að fá það aftur spyr ég? Það virðist nefnilega ekki gerast annarsstaðar. Ef einusinni er kosið undan sér fullveldið og lýðræðið þá virðist það ekki koma aftur til baka. Samanber þá nýju stjórnarskrá sem er verið að þvinga ofaní 500 milljón manns í ESB, í heildsölu

Svo verður þessum 500 milljón manns smá saman gefir kostur á að kjósa sig til auðæfa hvors annars. Kjósa sig til auðæfa þinna. Sagan segir okkur nefnilega að allsstaðar þar sem kjósendum er gefinn kostur á því að kjósa sig til auðæfa annarra, þar mun þeir einmitt gera það. Svona gufa auðæfin smá saman upp, þ.e.a.s ef þú þá átt einhver auðæfi eða auðlindir. Þetta gerist að sjálfsögðu ekki í einum grænum hvelli, en það mun samt gerast. Tönn fyrir tönn, atkvæðaseðil fyrir atkvæðaseðil - 20 ár, 50 ár, 100 ár, 150 ár, já þá er jöfnunin á auðæfunum um garð gengin og þá verður nú allt gott (sjá: Málefni Nýfundnalands)  

Rúsínan  

En rúsínan í trollenda fréttarinnar er enginn venjulegur fréttafiskur. Ekki einusinni flugfiskur í skötulíki eða í smjörlíkisljóma og heldur ekki einu sinni í Saxbauta, ef forstjórinn skyldi nú koma óvænt í heimsókn um borð í dallinn. Nei í þessari veiðiferð fréttamanna Danmarks Radio - sem pr. ríkishefð örlátra skattgreiðenda hér í landi veita 3.000 mönnum þess atvinnu - og sem næstum allir eru villuráfandi ríkis-íhaldsmenn, vinstrisinnaðir hálfkommar, ESB-sósíal-demó-kratar og álíka - þá kemur hinn raunverulegi boðskapur fréttarinnar fram. Hann blasir við þeim sem skilja hið skrifaða mál. Boðskapur fréttarinnar er nefnilega sá að íslenskir sjómenn og útgerðarmenn eru hræddir við að ganga í ESB vegna þess að þá myndi hið algóða ESB koma og passa uppá að þeir gætu ekki haldið áfram að eyðilegga fiskimiðin og fiskistofnana í fiskilögsögu Íslands

Já kæru lesendur, þarna hafið þið það. Auðvitað mun ESB koma og bjarga fiskimiðunum við Ísland. Bjarga þeim frá Íslendingum. Frá eyðileggingu Íslendinga. Því auðvitað hefur ESB bjargað Evrópu frá sjálfri sér. Það hljóta allir að sjá sem lesa, heyra og sjá fjölmiðla á borð við Danmarks Radio og Risa Ríkisútgerðar Ríkisútvarp Íslands (RRRUV). Skoðið bara hin glæsilegu fiskimið í núverandi fiskilögsögu ESB, hún er stútfull af spriklandi ekkifisk. Svo vel hefur ESB passað uppá þessar auðlindir hér 

Interflug til himnaríkis 

Ykkur verður bjargað 

Þá vitið þið þetta kæru Íslendingar. ESB mun koma og bjarga ykkur frá ykkur sjálfum. Þetta vita að minnsta kosti næstum allir hér í Evrópusambandinu, þar sem ég bý. Það er m.a vegna þess að miklir villuráfandi miðjumenn, sósíal-demó-kratar og miklir ESB-sinnar í þessu einsflokka alríki ESB segjast heldur vilja rökræða við nazista en rökræða við okkur sem viljum ekki ESB. Já, þetta sagði fyrrverandi Moskvu fréttaritari Danmarks Ríkis Radio, Poul F. Hansen. Hann hefur þó reynt að afsakað þetta núna. En hann er núna í framboði til þings Evrópusambandsins, hvað annað? Í framboði fyrir þá sem kalla sig Venstre hér en þykjast samt ennþá vera eitthvað smávegis til hægri. En já, þetta passar svosum mjög vel því nazistar voru jú sósíalistar. Þeir þjóðnýttu bara þegnana en ekki atvinnutækin. Svo tóku þeir aðalinn af lífi og slátruðu Gyðingum í leiðinni. Mörgum milljónum. Svo auðvitað vilja svona menn heldur tala við þá en við okkur sem erum á móti Evrópusambandinu (EU-modstandere værre end nazister)

En já. Það er svona sem sannleikurinn verður til. Fyrst er hann búinn til inná ríkisveitum á borð við Danmarks Radio, Risa Ríkisútgerð Ríkisútvarps Íslands og BBC. Svo er honum pakkað inn og hann er sendur inn í stofuna til þín þar sem hann fer inn um hornhimnurnar tvær sem sitja ofarlega á andliti þínu. Svo festist hann inni í hausnum á þér, þ.e.a.s ef hann fær að fara þangað inn nógu oft. Þetta eru sterk vopn. Þau eru svo sterkt að miklir sósíal-íhalds-demó-kratar vilja heldur rökræða við nazista heldur en við okkur sem viljum ekki Evrópusambandið. Þetta virkar. Just plain works!

Elta peningana 

En þetta er svo sem ekkert undarlegt því það fjármagn sem Evrópusambandið hefur til umráða við að heilaþvo þá sem sitja inni á fréttastofum og búa til raunveruleikann fyrir okkur er svo mikið að það er meira og betra en þeir fjármunir sem risafyrirtækið Coca Cola notar í öllum heiminum á hverju ári (ESB eyðir tveim miljöðrum punda í áróður fyrir eigin ágæti - á hverju ári!). Fjármunir til að markaðsfæra vörur sínar og fyrirtækið sjálft. Mikill er máttur peninganna og þeim á Evrópusambandið nóg af. Sand af þeim. Þeir koma frá þér. Frá skattgreiðendum sjálfum. Vissir þú að þú sjálfur fjármagnar Evrópusambandið? Þetta er svona já. Get ég ekki fengið svona peningavél?

En hvað sem öllu líður þá þurfa Íslendingar ekkert að óttast. Evrópusambandið mun koma og bjarga ykkur. Það segir DR.DK, svo það hlýtur að vera rétt. Sjálfstæðisflokkurinn virðist ætla að aðstoða ESB við þessa björgunaraðgerð. Eða er þetta einhver misskilningur hjá mér? Eru það bara erlendir fréttamenn sem eru að flækja sig í steinullinni sem er að vaxa á haus Sjálfstæðisflokksins núna? Eða er reiknivélin kanski biluð. Eða er þetta allt saman einn stór misskilningur? Getur það hugsast?

Skeyti sent í höll sannleikans - í moðull og físmoll

En allavega, þá sendi ég blaðamanni Danmarks Radio tölvupóst og reyndi að útskýra þetta með sjómennina og útgerðarmennina, það gat ég þó, því það er mjög auðvelt. Ef einhversstaðar eru til sjálfbær gjöful fiskimið ennþá, þá eru þau við Ísland og það er Íslendingum sjálfum að þakka. Þetta er ekki svona í ESB og það er svo sannarlega ESB að þakka. Það væri sem sagt ryksuga ESB sem íslenskir sjómenn og útgerðarmenn óttuðust. Ekki öfugt.

En það var öllu verra með E-málefni Sjálfstæðisflokksins. Ég vona að mér hafi tekist að útskýra e-málefni flokksins á mannamáli því ekki getur Sjálfstæðisflokkurinn útskýrt þau sjálfur á mannamáli. En eigum við ekki barasta að treysta því að Danmarks Radio fari með rétt mál? Það er bara það að eftir 25 ára búsetu í Danmörku þá veit ég betur en svo. Þeir búa jú til raunverulekann samkvæmt sínu pólitíska landakorti. Hann hlýtur bara að vera "réttur". Það þarf bara að segja raunverulekann nógu oft. En ef hann er ekki réttur þá er bara að kjósa og kjósa hann þangað til hann verður réttur. Tra la la. Reikna og reikna, þá veður allt gott

En svo er það atkvæðið dýrmæta - á meðan það hefur eitthvað að segja   

Svo hvar á ég að kasta atkvæði mínu núna? Þetta var ekki neitt vandamál fyrir mig hér áður fyrr. Ég kaus Sjálfstæðisflokkinn. En hvað gerir Gunnar núna? Þarf ég að fara að læra reikna aftur? Þetta er orðið svo flókið - og það boðar venjulega aldrei neitt gott. Mér líkar illa við flækjur. Sérstaklega illa við opna enda, því maður veit ekki hvort það er morgunbirtan sem lýsir þarna fyrir endanum á jarðgöngunum - eða hvort það er ljósið frá öskrandi járnbrautarlest sem er að koma æðandi - og sem svo mun keyra yfir mann  

 

Fyrri færsla

Er Bretland ennþá sjálfstætt og fullvalda ríki?

Forsíða þessarar bloggsíðu 


« Síðasta færsla | Næsta færsla »

Athugasemdir

1 Smámynd: Jón Valur Jensson

Hressilegur lestur hjá þér að vanda, Gunnar, bráðgóð umfjöllun.

Mér lízt nú heldur verr á minn gamla flokk eftir því sem ég hugsa lengur um úrslit dagsins. (Hafi einhver ekki séð pistla mína um þau, smellið á nafnlínuna mína.)

Gangi þér allt í haginn.

Jón Valur Jensson, 28.3.2009 kl. 02:42

2 Smámynd: Jón Valur Jensson

Gunnar minn, þú snýrð þennan nú léttilega niður, ég hverf til hvílu.

Jón Valur Jensson, 28.3.2009 kl. 02:44

3 Smámynd: Gunnar Th. Gunnarsson

Takk fyrir hressilegan pistil nafni, mjög svo sammála þér. Að ganga í ESB væri eins og allir Íslendingar væru skyldugir að vera flokksbundnir í Samfylkingunni og borga því kraðaki tíund 

Guð blessi Ísland

Gunnar Th. Gunnarsson, 28.3.2009 kl. 04:01

4 Smámynd: Kjartan Björgvinsson

Hversu lengi hefur þú búið í Danmörku?

Alla vega lestu dönsku eins og andskotinn les biblíuna.

Þegar ég les fréttina sé ég ósköp hlutlausa frétt um afstöðu íslendinga til ESB, hvergi er minnst á að ESB muni bjarga Íslandi, helsur er sagt eins og satt er að margir íslendingar telji að innganga í ESB muni auka stöðugleika en að margir sjómenn séu hræddir um að ESB muni skerða fiskveiðimöguleika.

Fréttin tekur því alls ekki neina afstöðu, heldur lýsir að mínu mati hlutlaust afstöðu íslendinga.

Ef þú getur oftúlkað svona saklausa frétt þannig að það valdi þér hættulegum blóðþrýstingi, mæli ég með að þú sleppir öllum fréttalestri, þar sem að frétt eða álit einhvers sem raunverulega tekur afstöðu eða kemur með fullyrðingu mun eflaust valda þér hjartaáfalli.

Með bestu kveðju

Kjartan Björgvinsson, Kaupmannahöfn

Kjartan Björgvinsson, 28.3.2009 kl. 04:28

5 Smámynd: Ómar Bjarki Kristjánsson

Kjartan, þetta er einkenni andstæðing ESB.  Snúa öllu á haus.

Eg veit ekki hvað ég er búinn að lesa marga álíka pistla frá And-Sinnum.

Ómar Bjarki Kristjánsson, 28.3.2009 kl. 17:03

6 Smámynd: Jón Gunnar Bjarkan

Oh þetta er gömul taktík hjá Gunnari, að reyna skapa sér trúverðugleika með því að birta fyrirsögn, gröf eða myndir sem gefur ákveðið bakland og fer svo að mistúlka allt sem í fréttini sjálfri stendur eða hvaða útkomu grafið gefur til kynna og svo framvegis.

Best þótti mér þegar hann einhvern tímann sýndi línurit um þróun atvinnuleysis í Finnlandi undanfarna áratugi, þar stóð svart á hvítu að atvinnuleysi hríðféll úr einhverjum 20% árið sem þeir gengu í ESB og niður í mig minnir 7% árið 2008. Undir sama grafi tilkynnti hann þá skoðun sína að með inngöngu í ESB hefðu Finnar skapað flóðbylgju af atvinnuleysi.

Það er nefnilega ýmsilegt til í þessum heimi.

Jón Gunnar Bjarkan, 28.3.2009 kl. 17:19

7 Smámynd: Jón Valur Jensson

Ég treysti ekki þessu hjá þér, Jón Gunnar. Ætlarðu t.d. að neita stórfelldu atvinnuleysi hjá finnskum bændum?

Ég er nú ekki til svara hér og hef haft öðru að sinna, en við EBé-andstæðingar eigum eftir að svara þessu frá ykkur, því geta dindlarnir treyst,

Jón Valur Jensson, 28.3.2009 kl. 18:11

8 Smámynd: Jón Gunnar Bjarkan

Sjáðu það bara sjálfur:

http://tilveran-i-esb.blog.is/blog/tilveran-i-esb/entry/697918/

Hann sagði líka að allt hæft menntað fólk flýi ESB öskrandi yfir Atlantshafið. Ég spurði hvort hann hafi nokkuð tekið vitlaust flug.

Jón Gunnar Bjarkan, 28.3.2009 kl. 18:36

9 Smámynd: Jón Steinar Ragnarsson

Ég er nú farinn að elta uppi kommentakerfið hjá þér, bara til að sjá þessi comic relief hjá side kikkinu Jóni Frímanni.

Jón Steinar Ragnarsson, 28.3.2009 kl. 18:40

10 Smámynd: Jón Gunnar Bjarkan

Jón Frímann er alltaf með skemmtileg og hnitmiðuð komment eins og þetta:

"Þrátt fyrir það endurtaka andstæðingar ESB hana eins og páfagaukar (með virðingu fyrir alvöru páfagaukum)"

Heyrðu, heyrði einhver í Das Taliban á landsfundi Sjálfstæðisflokksins. Nú er hann farinn að líkja sér við Jesús Krist. Strax er hann auðvitað farinn að klína sínu eigin klúðri yfir á Norske mand. 

Jón Gunnar Bjarkan, 28.3.2009 kl. 19:36

11 Smámynd: Halla Rut

Þjóðin á varla eftir að kjósa sig inn í ESB, eða hvað?

Merkileg og hættuleg, að mínu viti, voru orð Dags, nýkjörinn varaformaður SF, er hann sagði eftir sigur sinn að flokkurinn færi til kosninga og svo í samstarf með þeim er samþykkja mundu aðildarviðræður við ESB. Þetta eru skýr skilaboð til VG og óumdeilanleg skilyrði til hugsanlegs samstarfs.

Nú skulum við sjá hve fast VG stendur á sannfæringu sinni eða hvort sá flokkur sé til sölu eins og aðrir flokkar hafa verið.

Halla Rut , 28.3.2009 kl. 23:10

12 Smámynd: Halldór Jónsson

Gunnar minn góður,

Ekki fór það fram hjá þér að Sjálfstæðisflokkurinn var massívur á móti inngöngu í ESB á landsfundi sínum.  Ég hef aldrei verið eins ánægður á nokkrum landsfundi til þessa. Hann hafnaði líka skattahækkunarleiðinni sem leið útúr kreppunni. Geir Haarde lýsti því  líka hvernig  hávaxtavaxtapólitík Seðlabankans keyntu undir Jóklabréfunum og keyrði gengi krónunnar upp í hæðir. Mér fannst Geir segja það berum orðum að Seðlabankinn bæri ábyrgð á þeim lás sem við erum bú föst í útaf krónubréfum útlendinganna.

Þú getur ekki verið í neinum vafa hvað þú átt að kjósa kæri Gunnar.

Ef þú vilt hækka staðgreiðsluna í 47 % þá kýstu VG. Ef þú vilt taka upp 2 % eignaskatt þá kýstu VG. Ef þú vilt ganga í ESB eins fljótt og auðið er þá kýstu Samfylkinguna,  Baug og Fréttablaðið.

Ef þú vilt ekkert af þessu þá kýstu Sjálfstæðisflokkinn undir formennsku Bjarna Benediktssonar, sem er heilli kynslóð yngri en Skallagírmur, Jóhanna og Ingibjörg Sólrún. Mér finnst þetta ekkert flókið.

Halldór Jónsson, 31.3.2009 kl. 22:26

13 Smámynd: Helgi Jóhann Hauksson

Sæll Kjartan Björgvinsson, 28.3.2009 kl. 04:28.

Það er aðferð Gunnars að fara rangt með um það sem hann veit samt betur. - Það er nú ekkert smá lengi sem hann hefur spáð því að dollar sé að fara langt framúr evru og evran sé bara rétt í þessu að byrja hrynja og allar þjóðir að hætta að nota hana.

- Hann náttúrulega sannast alltaf hafa rangt fyrir sér, enda dugir honum ein rödd einhversstaðar sem er andvíg ESB til að hann alhæfir það um alla viðkomandi þjóð. 

En svo kemur bara næsta spá hjá honum, að núna sé allt sem hann spáði fyrr um hrun evru rétt að fara rætast, og svo koll af kolli, - en alltaf sannast hann hafa rangt fyrir sér, alltaf rís evran hærra þrátt fyrir að byrja vel undir dollari þegar hún varð sett á markað sem mynt og seðlar er hún komin langt framúr honum í dag. Reyndar teldi ég eðlilegt langtímajafnvægi að evra og dollar væru áþekk að verðmæti. - Alltaf kýs Gunnar þó að búa í ESB-landinu Danmörku og úthúðar gestgjöfum sínum ESB-landinu Danmörku.

Helgi Jóhann Hauksson, 1.4.2009 kl. 04:18

14 Smámynd: Jón Valur Jensson

Þetta er ljótt innlegg af þinni hálfu, Helgi Jóhann, að ætla Gunnari þann ásetning að ljúga vísvitandi að fólki. Og þessi fullyrðing þín: "Hann náttúrulega sannast alltaf hafa rangt fyrir sér," er djarfari og grófari alhæfing heldur en svo, að þú sért maður til að standa undir henni og færa sönnur á.

Jón Valur Jensson, 1.4.2009 kl. 04:43

15 Smámynd: Gunnar Rögnvaldsson

Þakka ykkur öllum kærlega fyrir innlitið.

Það gleður mig að Halldór og Sigurður séu ánægðir með Sjálfstæðisflokkinn eftir landsfundinn. Jón Valur er ekki eins viss, les ég, nema hann sé kominn á aðra skoðun núna eftir að fundi er lokið. Ég mun fylgjast með þróun kosningabaráttunar og svo taka afstöðu og kasta atkvæði mínu á örugga ESB-andstöðu.

Hafið öll góðan dag, þrátt fyrir allt sem á gengur

Kveðjur

Gunnar Rögnvaldsson, 1.4.2009 kl. 05:30

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband