Þjóðmyndun komin í salernin [u] Brexit og landamæri

Þjóðmyndun Bill Clintons á Balkanskaga mistókst eins og þjóðmyndun Rússa með sovétríki mistókst. Þjóðmyndun ESB í Evrópu er einnig komin í 27 salernin, þar sem Bretland heldur um snúruna sem sturta mun því sem þjóðónýtt er niður

Þjóðmyndun í Írak mistókst líka. En þar heimtuðu vinstrimenn að verndarhönd Bandaríkjanna og bandamanna þeirra yfir Kúrdum yrði dregin til baka. Síðan kom Trump og barði hnefa í NATO-borðið og heimtaði að aðildarríkin stæðu við gerða samninga. Fyrir það fékk hann bágt frá vinstrimönnum og samfylkingakratanum Birni Bjarnasyni, sem sögðu að Trump væri að eyðileggja NATO

En nú setur Trump hins vegar NATO-bandamanninn Tyrkland ofar öllu sem er ekki-NATO og neitar að svíkja hann vegna þess að Tyrkland er með samning. Já það er með NATO-samning. Og hvað gerir villta vinstrið með Bjössa Bjarna krata í fararbroddi þá. Jú þeir berja á Trump fyrir að styðja við bakið á NATO

Samfylkingarstappan sem æpir furðuhróp þessa furðuhóps, heimtaði á sínum tíma að Bandaríkin og bandamenn þeirra hunskuðust heim og létu Kúrda í Írak hanga eina til þerris. Vissu þeir ekki að Bandaríkin og bandamenn þeirra höfðu fjarlægt Saddam Hussein sem gasaði Kúrda í hel? og sem ráðist hafði inn í flest nágrannaríkin sín nema eitt: Tyrkland. En af hverju réðst Saddam Hussein ekki inn í Tyrkland til að fjarlægja Kúrda. Jú vegna þess að Tyrkland er í NATO

NATO-landið Tyrkland mun því frá og með nú standa þann vörð gegn áhrifum Rússa sem sameinað geta Íran og Rússa gegn NATO og nánasta umhverfi klerkaveldanna í Moskvu og Teheran

Heimurinn er genginn í sjálfan sig á ný. Útópíutímabilinu eftir hrun Sovétríkjanna er lokið, því Zarinn þar er kominn gömlu föt Sovétkeisarans. Rússland verður aldrei neitt annað en harðstjórnarríki. Geopólitískt eðli þess er þannig. Hið sama gildir um Kína, svo lengi sem það reynir að vera sameinað ríki

Bandaríkin eru því nú að hefja Kalda stríðsglímu II, sem allir eftirrennarar Trumps munu fylgja. Forgangsröðunin verður þessi:

1. Kína: þar verður það harkan sex sem koma mun Kína aftur inn í þann kassa sem annað hvort þvingar það til þjóðfrelsis eða heldur því í skák og mát í passandi kassa. Bandamenn þar verða þeir sem vilja vera með, og þar má nú þegar nefna fjórbandalagið sem inniheldur Bandaríkin, Japan, Ástralíu og Indland. Þeir sem vilja ekki vera með –hvar sem á jörðu til þeirra næst– dæmast úr leik á flesta vegu, krumpast og visna að innan; yfirfærslur hætta að berast –tæknilegar líka– og varaþurrkur sest að

2. Rússland. Þar er björninn ekki unninn enn og vinnst aldrei. En honum verður haldið í skák og mát. Bandamenn þar eru Pólland, Rúmenía, Búlgaría og Tyrkland. Tvö þessara ríkja verða næstu stórveldi í Evrópu og Miðausturlöndum: Pólland og Tyrkland. Berlín verður hins vegar bambuskofi og er reyndar nú þegar orðin það. Krefst Þýskaland því afsláttar í yfirstandandi fjárlagagerð ESB. Það virðist hvorki hafa efni á ESB né NATO. Allir símar Þýskalands og kumpána þess verða hleraðir, enda um eins konar misheppnað ríki að ræða því ESB er svo misheppnað yfirríki

3. Á meðan mun hinn múslímski heimur verða látinn lönd og leið og þeir fjármagnaðir og seld vopnin á báðum hliðum sem barið geta þar á sem flestum og tvístrað honum sem mest

Um það bil 10 bandarísk kjarnorkuvopn eru nú á hverja þúsund bandaríska hermenn í Tyrklandi. Það er að minnsta kosti eitthvað sem menn geta sest í kringum og reykt pípu um

Áhrifin verða sem sagt tvö og jafnvel þrjú ný heimshlutaveldi. 1: Pólland og jafnvel komandi þjóðkjörið konungsdæmi þar, sem kannski mun ná víðar (les. Intermarium). Og 2: Tyrkland

Það þriðja er hins vegar staðsett á Norður Atlantshafi, sé haldið rétt á spöðunum. Ísland á þar næsta leik. Eða þá afleik, eins og vona- og ávísanahefti vinstrimanna ávallt er. Gúmmítékka vinstrisins með kratismann sem gjaldþrota ábeking þekkja flestir allt of vel. Nema náttúrlega þjóðfjandsamlegt setuliðið í Valhöll, sem fast og veruleikafirrt situr í bankaráði Kínverska kommúnistaflokksins; algerlega raðbilað og dómgreindarskert. Þar þarf heldur betur að moka út

Vinsamlegast athugið: Heimshlutaveldi (e. regional power) er ekki það sama og heimsveldi (e. global power). Á jörðinni er aðeins eitt heimsveldi; Bandaríki Norður-Ameríku

Uppfært kl 17:05 | Viðauki dagsins vegna Brexit og Bandaríkjanna

Meðan á öllu þessu stendur hefur Trump að miklu leyti leyst landamæravandamál Bandaríkjanna í suðri, og svo virðist sem einhverskonar samkomulag hafi náðst milli Bretlands og Evrópusambandsins um Útgöngu Breta af þrælaríkinu sem xD elskar meira en vöndinn

a. Bandaríkin taka því nú aftur upp efnahagslegan stuðning við Hondúras, Gvatemala og El Salvador, eftir að þau undirrituðu samkomulag við Hvíta húsið um málefni hælisleitenda. Mexíkó hefur þegar samþykkt að hefta flæðið sín megin landamæranna. Stuðningur við endurkjör Trumps og Repúblikana á þingi frá Texas, Nýju Mexíkó og Arizona eykst því enn frekar, og í Kaliforníu gæti sigur Trumps í málinu, ásamt bygging varnargarða, höggvið skarð í fylgi Demókrata þar, sem breytt hafa fossríkri Kaliforníu í þriðja heims ríki þar sem fólk deyr á götunum og rafmagnið er skammtað til íbúanna á meðan fyrirtækin flýja. Fækkar því líklega ört myndum falsfréttastöðva Demókrata af grenjandi börnum við landamærin í komandi kosningabaráttu um Hvíta húsið og þingið. Þeirra í stað koma sennilega fréttamyndir um hvern nýjan áfanga í byggingu varnargarða hvern mánuð, fram til kosninga

b. Enn einn nýi og eini ófáanlegi og óhugsandi annar samningur forsætisráðherra Bretlands við Evrópusambandið, sem í þessu ófáanlega og óhugsandi tilfelli er Boris bardagamaður Johnson, segir að samskipti Bretlands og Evrópusambandsins muni í framtíðinni byggist á því að Bretland verði ekki í Tollabandalagi Evrópusambandsins (Customs Union). Um einhvers konar millibils ástand verður að ræða þar til eftir kosningar. Mögulegum samskipti Bretlands og Evrópusambandsins í framtíðinni er aðeins getið sem óbindandi samkomulags sem bendir til viðskiptasamninga um hin ýmsu mál. Tilvísanir til þess að Bretland muni í framtíðinni íhuga aðlögun að ESB-reglugerðum í sambandi við áframhaldandi vöruviðskipti, hafa verið fjarlægðar. Sammælst er hins vegar um að samningsaðilarnir séu einhuga um að viðskipti milli þeirra muni ganga skrefinu lengra en samið er um hjá Alþjóða-viðskiptastofnuninni WTO. Allar tilvísanir til samhæfingar Bretlands við ESB á sviði félags-, skatta-, og samkeppnismála ásamt ríkisaðstoðar við atvinnulíf, hafa verið fjarlægðar, segir hér

Hugsið ykkur hversu algerlega Sjálfstæðisflokkurinn hefur gert á sig í samskiptum við Evrópusambandið, og þar með afhent því hluta af fullveldi Íslands að ástæðulausu og fyrir ekki neitt, eingöngu vegna aumingjaskapar, aðeins sambærilegan við það þegar Danir mættu drukknir til samninga um landgrunnið sem olía Norðmanna lenti því undir, og Danir fengu nánast ekki neitt og eru því búnir með þá orkuauðlind sína núna. Norðmönnum hefði aldrei dottið í hug að semja svona af sér um Orkupakka3 eins og Ísland gerði fyrir tilstilli vesalingaveldis Sjálfstæðisflokksins. Slíkt hefði aldrei komi til greina. Enda hefur aldrei komið til greina að Noregur gangi í tífalt OPEC þar sem hálf-rússneskt orkusvarthol (Þýskaland) réði öllu. Orkupakki3 í Noregi er ekki það sama og Orkupakki3 á Íslandi. Hjá þeim er hann fís, en hjá okkur er hann olía Noregs

Fyrri færsla

Að velja á milli alls eða einskis

Að velja á milli alls eða einskis

HRUNDANS II

Brandarakarlar dagsins tala um að velja þurfi á milli Kína sem virðir ekki grundvallarmannréttindi 1400 milljón borgara sinna, og hins vegar þeirra sem búa svo vel að geta krafist 16 salerna fyrir 16 ekki-kyn; en sem á sama tíma reyna allt hvað þeir geta til þess að grafa undan því frelsi sem þeir anda að sér á meðan þeir gera þarfir sínar yfir landið okkar á 16 salernum hver

Hér er lokauppgjörið þegar árangur frelsisins er gerður upp á markaðsvirði

Mynd Wall Street Journal Daily Shot október 2019: markaðsvirði innlendra fyrirtækja í kauphöllum veraldar

****

Og hér er síðan markaðsstærðin sem reynt er að gera þarfir sínar yfir með því að halda kyndli kínverska kommúnistaflokksins á lofti hér heima. Bara einkaneysla bandarískra heimila ein og sér er stærri en allt hagkerfi kínverska fangelsisins, sem 1400 milljón manns í þrúgum reiðinnar munu ganga svo kyrfilega frá, að það mun annað hvort verða nýtt allsherjar gúlag á borð við það sovéska sem 16-salernaliðið í kommahöllum Íslands dáði og dýrkaði þar til það hrundi; eða þá að það mun brotna upp í sjálfstæðar öreindir sínar með sitt hvoru kerfinu; og brjótast innbyrðis um á banaspjótum þar til ekkert er eftir handa Gulla orkupakka-graskeri og EES-klámmyndaframleiðanda Sjálfstæðisflokksins á líknardeild Valhallar í tómum tómati tossa; og sem er orðinn svo afburða lélegur til andlegrar heilsu að hann treystir sér ekki til neins nema að láglaunaþrælar og örmagna yfirríki ESB séu í boði sem vinnuafl. Þrælar eða ESB-einræðisherrapakkar skal það vera

Mynd Wall Street Journal Daily Shot október 2019: Einkaneysla bandarískra heimila miðað við allsherjar stærð kínverskra hagkerfisins og er þá ekki tekið tilliti til þess nettóvirðis (e. net worth) sem ríkin eiga á kistubotninum á markaði, þ.e. stærðina á fyrri myndinni. Bandarísk heimli kaupa 17 af veröldinni á hverju ári. Og ef Trump fær ráðið, mun sú stærð verða 25 prósent eftir fimm ár

****

Athugið: Sovétríkin voru sögð 17 prósent af heimshagkerfinu 1980. Þau reyndust hins vegar aðeins vera 5 prósent þegar þau komu undan kommajöklinum 1992. Japan var sagt vera 16 prósent af heimshagkerfinu þegar herra Allir sögðu að það myndi taka fram úr Bandaríkjunum 1987. En svo hrundi Japan, aðeins þremur árum síðar. Það er 6 prósent í dag. Aldrei hefur annað eins hrun sést nema sem útkoma tapara úr stórstyrjöldum. Þegar Kína kemur undan kommajöklinum verður það kannski enn minna en Japan er í dag. Ekkert er að marka kínverskar hagtölur. Ekkert. Íslenska útrásarliðið með fötluð höfuð sín í EES-sandi, gat aldrei neitt í Bandaríkjunum vegna þess að þar þurfa menn að standa sig. Ætla menn sér kannski ennþá að byggja framtíð Íslands á sovéskum sandi?

Haldið endilega áfram að klikkast og afneita veruleikanum á meðan bæjaróráð Garðabæjar afþakkar jólatrés-vinargjöfina frá vinabæ sínum Asker í Noregi; til þess að geta gert þarfir sínar áfram yfir kjósendur á 16 salernum loftslagskomma. Bíðið bara þar til kjósendur gefa ykkur á kjaftinn næst. Þá gjöf er ekki enn hægt að afþakka vegna skorts á Kína, hversu heitt sem þið óskið þess

Ekkert hefur talandi tossalið Íslands og annarra útópíulanda lært af síðasta allsherjar hruni skynseminnar. Ekkert. Og eru varla 10 ár síðan þá

Fyrri færsla

Rangt að tala um Miðausturlönd. Skófla er skófla og spaði er spaði

Alþjóðavæðingin á krossgötum

Rangt að tala um Miðausturlönd. Skófla er skófla og spaði er spaði

Að tala um Miðausturlönd er villandi þegar talað er um þessi vandamál sem Guðlaugur Þór nefnir þarna. Það verður að tala um hinn múslímska heim sem nær frá Marokkó til Filippseyja, og frá Mið-Asíu og til Afríku í suðri. Þarna búa um 1,6 milljarður múslíma og þessi heimur sótti að hinum kristna heimi öldum saman. Valdajafnvægið á milli þessa heims og hins kristna fór síðast að snúast kristnum í hag á 18. öld, og það hafði að sjálfsögðu pólitísk áhrif á heim múslima. En þrátt fyrir að þeim áhrifum hafi fylgt vestræn veraldarhyggja, sem um tíma mótaði að hluta til stjórnarfar í hinum ýmsu pólitísku einingum, sem sín á milli berjast um völdin í hinum múslímska heimi, þá fór hið pólitíska íslam í heimshlutanum aldrei burt og gaf ekki eftir nema á yfirborðinu. Pólitískt íslam er nefnilega hin rétta útgáfa af íslam, hvað svo sem mönnum kann að finnast um það. Eðli trúarinnar krefst guðstjórnar í guðstjórnarríki. Það er staðreynd á jörðu niðri. Henni er ekki hægt að humma sig fram hjá

Hin evrópsku áhrif deyfðu aðeins um tíma réttu útgáfuna af íslam og tvístruðu pólitískum valdaeiningum tímabundið. Valdajafnvægið er nú byrjað að snúast hinum íslamska heimi í hag í takt við hnignun Evrópu... og hér kemur það... og þar er fall Sovétríkjanna gikkurinn sem hleypti því sem Bandaríkin hafa barist við, af stað. Það var innrás Sovétríkjanna í Afganistan sem skapaði hreyfingu Talibana sem var sameiningarafl tvístraðra jiihadista, sem ávallt voru þarna og hurfu aldrei og munu aldrei hverfa. Það afl rak Sovétríkin út og velti um koll stjórn marxista í landinu. Ríki íslams er síðan sprottið af al-Qaida. Að berja niður Ríki íslams hefur engin áhrif á gróðurhúsið sem það spratt úr. Gróðurhúsið er heimur íslams með 1,6 milljarð manna innanborðs

Sovéski múrinn sem féll þegar Sovétríkin féllu; þ.e. múrinn frá Eystrasalti, þvert niður Þýskaland, niður Tékkóslóvakíu, Ungverjaland, Rúmeníu, Búlgaríu, yfir Svartahaf –þar sem Tyrkland stöðvaði útflæði kommúnismans– að landamærum Írans, Afganistan og að Kína; já þegar þessi múr féll, þá þýddi sá atburður upp allt það sem í næsta nágrenni við hann var. Þess vegna varð til dæmis stríð á Balkanskaga. Þýða leysti frosin öfl úr læðingi. Þetta er hin eiginlega hamfarahlýnun

Ríki íslams mun alltaf spretta upp á ný og taka sér hin ýmsu nöfn; al-Qaida, ISIS, eða nefndu það bara. Þetta þurfa menn að horfast í augu við

Kratisminn gekk ekki upp. Reyndar virðist kratismi hvergi ganga upp því heimurinn er ekki úníversal eins; og maðurinn ekki heldur; nema þeir sem fæðast, lifa lífinu og deyja í matrixu. Kratisminn gerir okkar Guð lítinn, og við það stækkar guð annarra, og ef illa fer, verður stærstur

Þannig er nú það. Meðal annars þess vegna, er Íhaldsstefnan það eina sem borið getur Vesturlönd uppi. Þau deyja hins vegar í kratisma: les. líberalisma. Sýnishorn af einum slíkum dauðvona sjúklingi –hann skrópaði í Gamla testamentinu og kunni ekki Útgönguna– er nú til sýnis á líknardeildinni Valhöll. Aðgangur er ókeypis

Fyrri færsla

Kratisminn gekk ekki upp - heldur ekki í Tyrklandi

Raunveruleg hætta á uppgangi ISIS

Kratisminn gekk ekki upp - heldur ekki í Tyrklandi

Það krefst töluverðra íhugana að melta það sem nú hefur gerst í Tyrklandi. Sögulegir atburðir eru að gerast beint fyrir framan nef okkar, eins og mannkynssagan ávallt veltur fram. Þar sem hvorki þarf að nota viðamiklar græjur og mannskap CIA, NSA né sendiráð og sérfræðinga, heldur aðeins sín eigin augu og nef. Það er að segja ef að menn kunna enn að lesa, sem þeir því miður í sífellt minna mæli gera. Endurreisa þyrfti Barnaskólann

Ný millistétt út um vítt og breitt Tyrkland, og sem varð til fyrir tilstilli veraldarhyggju Kemalista í Istanbúl, sem áður var trúarpólitískt höfuðsæti kristni, hefur nú tekið völdin af Kemalistunum, sem gerðu hana bæði efnaða og valdameiri. Erdogan forseti er maður hennar –millistéttarinnar– og hann þarf því að stjórna Tyrklandi með því að allir óttist hann, því annars springur Tyrkland í loft upp. Þetta er það eina sem hann getur gert. Líki mönnum ekki stjórnarfar hans, þá er valkosturinn enn verri: borgarastyrjöld og síðan klerkaveldi íslams

Veraldarhyggjustjórn í Tyrklandi með aðstoð hersins er lokið. Henni er algerlega lokið. Sá kafli sögunnar er búinn því hann gat ekki gengið lengur, því það er einfaldlega ekki hægt að þurrka rætur þjóða út. Það gengur ekki upp og endar illa. Það sést líka í Rússlandi, sem er kirkjugarður Sovétríkjanna. Kristnar rætur Rússa var ekki hægt að þurrka út með veraldarhyggju sósíalismans, né neinum afbrigðum hans, og heldur ekki með kratisma sem er bjór- og dagdrykkjuútgáfan úr vínkjallara sósíalismans

Þetta veit Donald Trump því hann er fullorðinn og reyndur maður eins og stjórnmálaleiðtogar þurfa að vera. Bandaríkin hafa því, frá og með nú, viðurkennt Tyrkland sem stórveldi í heimshlutanum og jafnframt sem áframhaldandi bandamann síðustu 76 ára, sem betra er að hafa með sér en á móti. Þetta veit Trump vegna þess að hann er Íhaldsmaður; sem í ræðu sinni í stofnun Sameinuðu þjóðanna 2017 sagði eftirfarandi:

"We do not expect diverse countries to share the same cultures, traditions, or even systems of government. But we do expect all nations to uphold these two core sovereign duties: to respect the interests of their own people and the rights of every other sovereign nation."

Þess vegna segir Íhaldsstefnan þetta, sem er kjarni hennar:

1. Sögulegar staðreyndir: sem byggja á reynslu kynslóðanna, er það sem stjórnarskrárbundin ríkisstjórn dregur vald sitt af

2. Þjóðar- og þjóðareinkennisstefna: Hver þjóð sitt. Hver þjóð hefur sína sögu, sem verður að virða, vernda og byggja á. Ísland fyrst

3. Trú: Í okkar tilfelli kristni. Hafa skal í heiðri Guð Bilbílunnar og trúarsiði þjóðarinnar og vernda hana sem stofnun sem ber uppi hið siðferðilega lágmark, eins og barnaskólar okkar kenndu

4. Takmarkað ríkisvald: Lög manna þjóðarinnar takmarka ríkisvaldið, þar innan sem stofnun þjóðkirkjunnar á líka heima og fær vernd

5. Einstaklingsfrelsi: Því frelsi er ekki hægt að viðhalda nema með aðstoð hins takmarkaða ríkisvalds þjóðarinnar sjálfrar í sínu eigin þjóðríki, sem verndar þjóðkirkjuna líka

Hér má lesa ritgerðina: Hvað er Íhaldsstefna?

Kratismi gengur ekki upp, því hann veitist að rótum þjóðfélaganna, sem á Vesturlöndum eru kristnar. Þetta sést sérlega vel á Svíþjóð í dag, sem komin er á endastöð og gengur ekki lengur upp, frekar en Tyrkland undir hverveldi Kemalista gekk heldur ekki upp lengur. Þar stendur slagurinn um annað hvort upplausn eða millileið Erdogans, sem virðir rætur Tyrkja vítt og breitt um landið allt, og hefur þær í heiðri. Annars er það klerkaveldi íslams

Heimurinn er að ganga í sjálfan sig aftur. Í sitt gamla sjálf. Tímabilinu frá 1945 til 2009 er lokið. Milliríkjaviðskipti og bandalög munu þó eiga sér stað áfram, þó svo að heimurinn breytist nú þegar kratisminn er að syngja sitt síðasta vers. Þau verða bara ekki fastur né sjálfvirkur hluti af samskiptum ríkja. Þau verða ekki "réttindi". Þau verða forréttindi, og ber að líta á þau þannig. Það eru til dæmis forréttindi fyrir Ísland að eiga tilvistarlegan bandamann eins og Bandaríkin, því þau heimta ekki af okkur fullveldið í staðinn, eins og Evrópusambandið gerir með heilögum og úr sér bræddum kratisma og alls konar geislavirkum "orkupökkum". Gagnkvæmir hagsmunir Íslands og Bandaríkjanna ráða för

Evrópusambandið er því dautt eins og Tyrkland Kemalista. Það er komið í kistuna sem bíður eftir bálförinni. Hagsmunir Íslands og Evrópusambandsins fara ekki saman og geta aldrei farið saman. Sú útópía var blindgata, sem algerlega óþarft var að kanna. Gámarnir með það samband innanborðs sukku því á leiðinni til Íslands, eins og Davíð Oddsson sagði að myndi gerast

Kúrdar eru varla sérstök þjóð. Þeir tala ekki einu sinni sama tungumálið. Þeir tala mörg tungumál og þau sem töluð eru mest, kurmanji og sorani, eru ekki meira skyld en enska og þýska. En kannski verða þeir þjóð. Það er undir þeim sjálfum komið og engum öðrum - eins og hjá okkur sjálfum

- Gunnar er Þjóðaríhaldsmaður 

Fyrri færsla

Biður um her, fær loftsslag

Fjöl(ó)menningin og "ríki Kúrda"

Myndskeið sett inn í þessa bloggfærslu 11. okt. 2019 kl. 02:30

George Friedman stofnandi og stjórnandi Stratfor 1996 til 2015, og síðar eða frá og með 2015 stofnandi og stjórnandi Geopolitical Futures sem hann rekur í dag, talar hér við TRT um samkomulag Trumps og Erdogans

****

Sumir halda því fram að því fleiri þjóðarbrotum sem staflað er inn í sama ríkið, því betra sé lífið fyrir alla. Velkomin til helvítis

Þrjátíu þúsund íbúar á Íslandi eru ekki Íslendingar og verða aldrei Íslendingar í yfirþyrmandi flestum tilfellum. Er það vandamál? Já það er stórkostlegt vandamál sem þegar er byrjað að eyðileggja til dæmis launamyndun á vinnumarkaði og skapa innri ólgu sem ekki var hér áður. Evrópusambandið og EES er nefnilega alls staðar mjög slæm hugmynd, og það sést. Ísland hefði aldrei átt að hoppa á þá firru og það mun hefna sín heldur betur, og er reyndar nú þegar byrjað að gera það

Það er mun auðveldara fyrir Bandaríkin að vera bandamaður Japana en Tyrklands því Japanir eru ein og algerlega samhent þjóð sem þolir áföll án þess að detta í sundur vegna innri ágreinings. Og það var líka auðveld ákvörðun fyrir Bandaríkin að styðja við sjálfstæði Íslands, því að um eina algerlega samstíga þjóð var að ræða í einu landi sem sú þjóð hafði fullkomið vald yfir, þar til EES samningur hóf að minnka vald þjóðarinnar yfir sínum eigin málum

Og svo eru það þeir í samfylkingasamsteypunni sem hata sjálfstæðisbaráttu Breta. Já, þeir hinir sömu láta sér nú allt í einu annt um allt að því fjarstæðukennda sjálfstæðisbaráttu Kúrda. Og er Bretland þó vagga þeirra sjálfra að stórum hluta til. Getur firran orðið meiri og lýðskrumið verra?

Snúum okkur nú að grátkórnum í kringum Tyrkland og Kúrda. Í því dæmi var um tíma haldið að grunnstefna Tyrklands væri að taka sögulega strategískum stakkaskiptum með því að Tyrkland væri á leið út úr NATO og inn í gufuhvolf Rússlands. Voru kaup á eldflaugavörnum frá Rússum notuð því til sönnunar. Enginn minntist hins vegar á þá staðreynd að Tyrkland er líka NATO-bandamaður Grikklands, sem alltaf stendur við NATO-skuldbindingar sínar og gott betur en það. Enginn minntist heldur á það að báðir helmingar Kýpur eru líka í NATO og að annar hlutinn er grískur og kristinn, en hinn er tyrkneskur og íslamstrúar. Gríski þjóðarhlutinn er þó algerlega yfirþyrmandi stærstur og sá tyrkneski því minnihluti. Tyrkland réðst þó inn í Kýpur 1974 og þá skilaði Grikkland NATO-herstjórnaraðild sinni inn til að geta barist við Tyrki, sem eins og Grikkland, hefur verið NATO-meðlimur síðan 1952, og bandamaður Bandaríkjanna frá og með 1945 í baráttunni gegn útbreiðslu kommúnismans. Og það sama gildir um Tyrkland sem gekk í lið Bandamanna árið 1943. Hvorug löndin eru þó 1949-stofnaðilar að NATO eins og Ísland. En bæði komu þó samtímis og samferða inn í NATO árið 1952

Og það vill svo til að Tyrkir hafa sýnt Grikklandi, Kýpur og Ísrael ótrúlegan og Suður-Kínahafslegan yfirgang á hafsvæðinu þar sem orkuauðlindir þeirra liggja undir, og verið er að rannsaka og undirbúa vinnslu á. Þann yfirgang lætur Evrópusambandið sér fátt um finnast vegna hins erfðafræðilega getuleysis þess til að glíma við veruleikann sem allir –nema það sjálft– þurfa að búa við og lifa í. Hér eru það Bandaríkin sem skipt geta sköpum og kannski haldið svæðinu frá því að springa í loft upp eins og áður

Það var alltaf vitað að Tyrkland myndi taka sig af landamærum sínum um leið og stjórnmálaástandið í landinu leyfði það. Og þannig háttar til að Írak er nú þegar orðið hjálenda klerkaveldis Írans, og hún liggur upp að landamærum Tyrklands, sem er í NATO. Allir sjá hvað það þýðir. Sýrland liggur einnig upp að landamærum Tyrklands. Hvað á Tyrkland þá að gera nú þegar menn þurfa að leggja frá sér gamlan róman tískuhugmynda um sjálfstætt ríki Kúrda; þar sem vesturhluti Kúdra er bandamaður, já, hverra annarra en auðvitað Írans; sem spilar með Kúrda þar eins og því sýnist; og gerir þeim þar með ókleyft –já hérna kemur það– að vera þjóð; því Kúrdar í Írak myndu spila sínu spili út á móti Íran. Og hvað myndi landlæst ríki þá gera. Reisa stiga til himna? Draumurinn um sjálfstætt ríki Kúrda mun einfaldlega um langa framtíð ekki hafa samband við veruleikann á jörðu niðri –svipað og hugmyndin um Evrópusambandið– því þeir eiga ekki allsherjarvini, nema á fjarlægum plánetum. Því miður. Færeyjar og Grænland standa mun betur. Þau hafa Ísland, Bandaríkin og Kanada

Frábært: Hér erum við með Sunní- og Shiitamúslíma innan í Kúrdum sem berjast innbyrðis, en segjast þegar við á vera þjóð, og sem óska sér ekki bara eins heldur tveggja nýrra ríkja, þvers á landamæri annarra ríkja. Eða svipað og útlendingar sem kefjast síns eigin ríkis þvers á landamæri Reykjavíkur, Kópavogs og Garðabæjar, og annars ríkis á Vestfjörðum; sem skaffar Reykjavík olíu til að ná sér niðri á Hafnarfirði; og sem bæði þykjast ætla að heita Kúrdistan; á meðan Kúrdar í Kópavogi styðja Hafnarfjörð gegn Vestfjörðum; því þeir deila ekki andanum með Kúrdum í Garðabæ; sem þéna ekki á olíunni til Reykjavíkur

Kúrdar austar í Írak sem skaffa Tyrklandi olíu hafa því mjög gott samband við ríkisstjórnina í Ankara. Og þeir vilja alls ekki trufla hana vegna þess að hún skaffar þeim 90 prósent allra tekna; en á sama tíma hefur hin sama ríkisstjórn í Ankara hins vegar skilgreint Kúrda innan landamæra Tyrklands sem hryðjuverkasamtök fimmtán milljón manna. Þeir olíuseljandi Kúrdar austur í Írak styðja ekki Kúrda í Tyrklandi. Er þetta ekki dásamlegt. Fór ég kannski of langt eða of stutt? Eða passar þetta í dag, en ekki á morgun. En það er meira. Stór hluti þeirra Kúrda sem háðu baráttu með Bandaríkjunum gegn Ríki íslams höfðu þá undirliggjandi dagskrá að gera það til þess að greiða götur klerkaveldis Írans vestur að Miðjarðarhafi og þar með til að berja á Tyrkjum. Ekki ósvipað og sá hluti andspyrnuhreyfinga í hinum hernumdum löndum nasista sem voru kommúnistar, veittu nasistum andspyrnu undir þeim földu formerkjum að bylting kommúnismans tæki við í löndum þeirra eftir fall nasismans. Þeir voru erfiðir og hættulegir bandamenn í mörgum tilfellum, því þeir voru með leynda dagskrá eins og allar fimmtu herdeildir hafa, sbr. ESB og EES

Niðurstaðan er þó augljós. Tugir milljóna manna sem kalla sig Kúrda er ekki þjóð, því annars væri hún nú þegar komin með sitt eigið þjóðríki, búin að innrétta það og komin í fast stjórnmálasamband við bandamenn sína. Þarna er ekki sú samstaða er borið getur uppi ríki þjóðar og fengið það viðurkennt meðal annarra ríkja þjóða, sem þjóð. Þetta er jafnvel ekki eins góð hugmynd og dauðfætt hugarfóstur samfylkingarsorans í borgarstjórn um "borgríkið Reykjavík"

Tyrkland mun ef til vill ná einhverjum árangri í þessu erfiða máli með aðstoð Kúrda í Írak og koma á einhvers konar jafnvægi sem viðhaldið getur sér sjálft. Um það skal ég ekki segja, því dæmið er næstum óleysanlegt og hæpið er að aðkoma Bandaríkjanna að því geri það auðveldara úrlausnar. En þegar og ef Tyrkland finnur nægt magn olíu með því að berja á Kýpur og þar með á Grikkjum og einnig á Ísrael, þá versnar staða Kúrda í Írak. En eitt er víst; margir vilja senda flaugar sínar inn í Tyrkland og þess vegna keyptu Tyrkir varnir gegn þeim frá Rússum, þ.e. á meðan þær fegnust ekki keyptar í vestri

Líklegt er þó að Bandaríkin kæri sig ekki um slíka upplausn hvorki innan NATO né gagnvart Ísrael. Best er því að gefa Tyrkjum aftur gamla skotleyfið á Rússa gegn loforði um betri hegðun gagnvart orkuauðlindum Grikkja og Ísraelsmanna, og láta hið getulausa alþjóðasamfélag og Evrópusambandið –sem er að liðast í sundur– fá eitthvað að fást við, til að halda því uppteknu við rugl og forða því þar með frá að blanda sér í þá hluti sem skipta máli í heiminum

Kúrdar eru ekki þjóð frekar en Evrópusambandið. En þeir eru þó samt meira þjóð en skaðræðið það, og Orkubandalag þess, sem forysta og þingmenn Sjálfstæðisflokksins í vasa EES tróð ofan í kok íslensku þjóðarinnar. Það orkusamband verður eins og orkumálunum er lýst hér að ofan; sundrandi ófreskja!

Auðvitað verður Trump óvinsæll fyrir að vilja ekki samfylkja sér með íbúum Útópíu. Forsetaembættið í höndum Repúblikana er venjulega ekki fegurðarsamkeppni. Það sást á fyrra kjörtímabili Ronalds Reagan og á báðum kjörtímabilum Abrahams Lincoln. Aldrei hafði neinn farið lægra í vinsældum en Reagan, tilkynnti "stórblaðið" New York Times árið 1982

Fyrri færsla

Landnemar Útópíu [u]

Landnemar Útópíu [u]

Bíður stjórnarsæti í Gazprom og Rosneft hennar líka eins og skrjóðsins Schröders ásamt áheyrnarstöðu fyrrum yfirmanns Stasi þar?

****

Þorsteinn vinstrimaður Pálsson og Þorgerður Katrín, sem engin leið er að treysta fyrir neinu, gætu með samfylkingafélaga sínum Loga ófrelsisins í ESB, beitt sér fyrir stuðningi við sjálfstæðisbaráttu Katalóníu, því þar ógna Rússar ekki tilvistarmálum - á meðan Bandaríkin standa með bandamanni sínum Tyrklandi frá og með 1945 og sem Þorsteinn og Þorgerður segja þess vegna að ekki sé hægt að treysta á. Eru þetta pólitísku eyðimerkurrökin sem opnast hér í undirheimum Viðreisnar, eða er bara um hamfarir heilahlýnunar að ræða?

Málflutningur þessara þjóðþekktu samfylkingaspekúlanta með fjöregg þjóðarinnar, er svo hörmulega ósamrýmanlegur veruleikanum, að þeir hljóta að leggja allt landsvæði Útópíu undir sig á einum og sama deginum og fara létt með það

Það segir sína sögu um erfðabrestina í innviðum Sjálfstæðisflokksins að Þorsteinn og Þorgerður skyldu yfir höfuð geta villt svo á sér heimildir þar, að þau náðu að koma sér í formannsstóla. Án verndar Bandaríkjamanna og þáverandi viðurvistar á þeirra Íslandi hefði það ekki getað gerst, því þá hefðu flokksmenn verið mun betur á verði gegn þannig fólki til pólitískra áhrifastarfa í þjóðríkinu Íslandi. Þessi frétt sýnir landsölufólk Viðreisnar í  Samfylkingarsamsteypunni í réttu ljósi; sjá neðst. Hjá þeim er Ísland til sölu

Þorsteinn, Þorgerður og Benedikt voru aldrei sjálfstæðismenn, eins og ég benti á hér. Ekki er enn vitað hve mikið af skransöluútibúi þessu er eftir í Sjálfstæðisflokknum. En að minnsta kosti er sjálfur núverandi Nnietsroþ formaður Sjálfstæðisflokksins í bankaráði Kínverska kommúnistaflokksins ekki sjálfstæðismaður, svo vitað sé

Horfa hér (opnast í nýjum glugga): George Friedman stofnandi og stjórnandi Stratfor 1996 til 2015 og síðar, eða frá og með 2015, stofnandi og stjórnandi Geopolitical Futures sem hann rekur í dag

KÚRDAR OG VERULEIKINN Á JÖRÐU NIÐRI

Ekkert skotleyfi hefur verið gefið á Kúrda. Og Trump hefur seinkað brottförinni um tvö ár

En málið er náttúrlega ekki einfalt. Þó svo að Kúrdar hafi getað aðstoðað við að ráða niðurlögum Ríkis íslams, þá geta þeir ekki haldið Rússlandi í skák og mát í heimshlutanum. Þeir eru heldur ekki á því landsvæði sem haldið getur Rússlandi frá því að taka Svartahafið alveg yfir. Það er Tyrkland

Bandaríkin geta ekki fórnað sambandi sínu við Tyrki fyrir samband sitt við Kúrda, sem eru ekki ríki. Aðeins Tyrkland getur haldið Rússlandi í skák og mát þarna. Bandaríkjunum er þess utan bannað að hafa fast stjórnmálasamband við samtök sem eru ekki ríki

En það er meira. Kúrdar hafa ekki enn sem komið er getað tekið sig saman og myndað ríki. Það er einfaldlega ekki næg þjóðarsamstaða meðal þeirra. Kannski geta þeir það síðar. En ég efast þó um það, því þeir eru bæði Sunni og Shiita múslímar sem berjast innbyrðis. Þeir eru ekki samstíga eins og við Íslendingar. Og ef það er eitthvað sem er að sprengja þennan heimshluta í loft upp þá er það valdabaráttan á milli Sunni og Shiita. Það geta Bandaríkin ekki læknað

Það eru bara þrjú alvöru ríki í þessum heimshluta: Ísrael, Tyrkland og Íran. Restin er landmassi gerviríkja sem ríkisstjórnir hafa ekki stjórn á. Þetta er púðurtunnan mikla

Þetta þýðir alls ekki að ég hafi ekki samúð með Kúrdum. En þjóðir fæðast ekki af frjálsum vilja án innri samstöðu. Og það er ekki hægt að búa þær til, erlendis frá. Það hefur verið reynt, eins og sést. Þær verða að berjast fyrir sjálfstæði sínu sjálfar og góðir bandamenn eru þá afar mikilvægir

Uppfært kl 03:41

Tyrkland er náttúrulegur bandamaður Bandaríkjanna og NATO (og þar með Íslands) vegna staðsetningar þess. Það er með lykilinn að Svartahafi og lykilinn að Miðjarðarhafinu fyrir Rússland. Án þessa lykils í höndum NATO er allur heimshlutinn og Austur-Evrópa í meiri hættu en ella. Og þá áhættu er ekki hægt að taka og bara henda þeim lykli fyrir borð vegna óljósra hugmynda um ríki Kúrda, sem alls óvíst er að geti yfir höfuð orðið lausn sem þeir sjálfir geta séð um að viðhalda

Þegar horft er til aðgerða Rússa á Azov-innhafi Svartahafs og til aðgerða þeirra á Krímskaga, er auðvelt að sjá hvað Rússar eru að reyna að gera; þ.e. að ná fullum tökum yfir öllu Svartahafinu og þar með þjarma að þeim sem halda á lyklinum inn á Miðjarðarhaf, þar sem herstöðvar Rússlands yrðu settar, héldu þeir á honum. Vert er að minna á ástæður eftirfarandi átaka:

• Tyrkneska stríðsins mikla árin 1683 til 1699
• Stríðsins milli Tyrklands og Rússlands 1735 til 1739
• Krímstríðsins 1853 til 1856
• Rússnesk-Tyrkneska stríðsins 1877 til 1878
• Fyrri heimsstyrjaldarinnar 1914 til 1918
• Tyrkneska NATO-veggsins í Kalda stríðinu
• Hertöku Rússa á Krím 2014

Allt saman átök vegna sömu undirliggjandi ástæðna; ásóknar Rússa. Hér eru hagsmunir tvístraðra Kúrda af sitt hvorri ósamrýmanlegri trúarstefnunni léttvægir fundnir, eins og hagsmunir skransala Viðreisnar í Samfylkingarsamsteypunni eru fundnir líka. Án þessa lykils væri bandaríski flotinn ekki að styðja við bakið á ríkjunum sem liggja á átakalínunni milli lífs og dauða, við og í kringum Svartahaf. En þar er það meðal annars bandaríski flotinn sem er með nýja Keflavíkurflotastöð sem reynir að halda Rússum á mottunni, með aðstoð stöðvar í Rúmeníu, plús auðvitað Incirlik. Já Keflavíkurstöðin var flotastöð (Naval-Air-Base). Vert er að muna það

Áttavilltu grautarhausaveldi Rússadindla í öllum flokkum er hollt að muna þetta, áður en þeir þeyta Íslandi, Austur-Evrópu, Vestur-Evrópu, Miðausturlöndum og þar með Suður-Evrópu upp. Hélduð þið kannski að heilakrampaveldi ESB-tómhyggjunnar væri að gera eitthvað í þessum málum? Nei það er það ekki, því það er stútfullt af bjánum eins og ykkur!

Vonandi tekst Bandaríkjunum að styðja við áframhaldandi uppbyggingu Intermarium stefnu Józefs Pilsudski fyrir heimshlutann, því Rússland er að reyna að rétta út beyglurnar sem Sovétríkin urðu tímabundið fyrir, sé vaktin ekki staðin réttu megin Moggalínunnar, sem meira að segja útópískur Björn Bjarnason ESB-krati ræðst nú á

- Gunnar er Þjóðaríhaldsmaður 

Fyrri færsla

Væru öll í vinnunni núna

Vill endurskoða samskipti við Bandaríkin

Frakkland: Líkaði morðin árið 2015 vel

SUNNUDAGUR 6. OKTÓBER 2019

****

"Ný-múslíminn" sem myrti fjóra lögreglumenn og særði þann fimmta í aðalstöðvum frönsku lögreglunnar í París, skrapp rétt aðeins úr vinnunni út í búð í hádeginu og keypti tvo hnífa úr stáli til að drepa kollega sína með. Hann starfaði í aðalstöðvum upplýsingaþjónustu frönsku lögreglunnar. Já þú last rétt; hann starfaði í leyniþjónustu frönsku lögreglunnar. Fyrst drap hann tvo yfirmenn lögreglunnar og einn aðstoðarmann, réðst því næst á konur, drap eina og særði aðra. Báðar störfuðu hjá lögreglunni

Sérstakur saksóknari franska ríkisins í hryðjuverkamálum, Jean-Francois Ricard, rannsakar nú morðin sem hryðjuverk. Hann segir að vopnin hafi verið úr málmi, en ekki keramik, eins og sumir fjölmiðlar skrifuðu. Og það vekur stórar spurningar um mikla bresti í öryggismálum frönsku lögreglunnar

Franska ríkisstjórnin –sérstaklega innanríkisráðherrann Cristophe Castaners– er nú ásökuð um að hafa ítrekað reynt að láta málið líta út fyrir að vera ekki hryðjuverk. Afsagnar innanríkisráðherrans er krafist

Saksóknarinn sagði í gær að morðinginn hefði gerst íslamstrúar fyrir heilum 10 árum síðan, eða um það leyti sem hann hóf störf hjá frönsku lögreglunni, og að hann hefði verið sérstaklega ánægður þegar múslímar drápu 12 og særðu 11 starfsmenn franska vikuritsins Charlie Hebdo árið 2015, í því sem þeir sjálfir kalla "heilagt stríð"

Fyrsta heilaga stríð múslíma var háð árið 636. Það kallast orrustan um Yarmuk sem nú er í Sýrlandi. Innan næstu 73 ára höfðu múslímar lagt undir sig 3/4 af öllu hinu upphaflega landsvæði kristninnar. Næstu 13 aldirnar voru svo meira eða minna blóðbað í nafni trúar múslíma. Það tók Spánverja og Portúgali nærri 800 ár að kasta oki þessu af sér á bara Íberíuskaganum einum og sér. Þeir héldu því upp á sigurinn í því Reconquista-stríði næstu nokkur hundruð árin, eða þar til Annað-Vatíkanráðið lagði hátíðarhöldin af, sem greinilega var ótímabært

Kristnir tóku sig fyrst saman í vörnum árið 1095 og riðu þúsundir kílómetra til að taka upp bardagann við íslam á landsvæði þess hinumegin Miðjarðarhafs. Krossfarar heita þeir. Og her þeirra var langtum og yfirburðarbetri en her múslíma. En svo kom að því að kristnir þreyttust á "fjarlægu stríði" gegn íslam, mörg þúsund kílómetrum í burtu, svipað og sumir kjánar eru þreyttir í dag. Hinn öflugi Krossfaraher í Palestínu fór því heim. Það var óþarfi og miður, því alla leið upp að Vín í Austurríki komst óvinurinn á næstu öldum

Restin af því landsvæði sem múslímar tóku ekki frá kristnum með heilögum hernaði, kallast Vesturlönd í dag. Það er að segja; litla hornið þarna uppi í vestri á skaganum sem stingst óvart út úr meginlandi Rússlands og kallast Evrópa; það er "Vesturlönd". Það svæði borast greinilega best út innan frá í dag, en þó alveg sérstaklega best með aðstoð evrópsku esb-kjánanna sjálfra sem vilja helst að það sé gert með kjarnorkuvopnum í höndum klerkaveldis íslams

Frakkar hafa kannski nú þegar gleymt orrustunni við íslam við Tours, 240 kílómetrum suður af París, árið 732. Líberalisminn í fyrsta, öðru, þriðja, fjórða og fimmta misheppnaða lýðveldi Frakklands, plús næstum óendanlega margar og misheppnaðar stjórnarskrár sósíalistans John Locke í Frakklandi, virka kannski svona vel að líberalisminn hefur jafnvel skaffað þeim sjálft vatnið til að ganga á

Kjánaveldi Vesturlanda væri ofboðslega stórt, ef Ameríka gæti talist með. En hún spilar ekki með í dauðadansi Evrópu. Sem betur fer

En hvernig skyldi annars "mannauðs"-stjórninni hjá frönsku lögreglunni líka "fjölbreytileikinn" núna. Því samkvæmt forystu Sjálfstæðisflokksins eru 50 flokkar á þingi mun betra en fjórir; Allt fyrir fjölbreytileikann. Valhöll á sínum bráðnandi ísjaka gæti jafnvel kennt frönsku lögreglunni allt um vandaðar mannaráðningar í framtíðinni, þ.e. skyldi einhver vilja vinna þar. Eða þarf kannski að kalla herinn til. En hvað með hann? Er hann kannski líka jafn "ríkur" af fjölbreytni og lögreglan. Og hvað þá? Stjórnlaust ríki - eða bara misheppnað ríki? Hvort viltu, því ekkert annað er í boði á hlaðborði fjölmenningarinnar

Hér er bókardómurinn um hina nýju bók Raymond Ibrahim; Sword and Scimitar: Fourteen Centuries of War Between Islam and the West. Þaðan hef ég sumt af þessu hér að ofan - plús Wall Street Journal og Le Figaro um blóðbaðið í aðalstöðvum lögreglunnar í Frakklandi núna. Raymond Ibrahim er ekki hver sem er

Fyrri færsla

Banna ætti þingmönnum að hafa aðstöðu á Alþingi

Árásarmaðurinn öfgafullur múslími

Banna ætti þingmönnum að hafa aðstöðu á Alþingi

Frá hinu útópíska loftkommaliði sem stendur að ríkisstjórn Íslands, heyrast raddir þess efnis, að á meðan það selur landið undan þjóðinni, er því illa við að sá sem gætir þjóðaröryggis okkar sé með aðstöðu hér á landi til að geta það og gera það. Þarna á ég við bandaríska herinn sem er eini herinn í heiminum sem gætt getur þjóðaröryggis okkar án þess að kála okkur eða rífa af okkur allt, eins og krónískt gjaldþrota Evrópusambandið rífur allt af öllum þjóðum í nágrenni þess, bara fyrir það eitt að vilja ekki rýma lönd sín og leggja þau niður, og fyrir að vera að flækjast fyrir nýja nýlenduherraliðinu sem xD virðist draga andann í gegnum

Þetta er ríkisstjórnarliðið sem treður hér inn fjórheilögum beljum frá Evrópusambandinu í endalausum bunum –og sem þess vegna gæti verið herbeljuhlutinn að þeim sex þúsund stríðsglæpamönnum sem komu inn í Þýskaland án þess að hirt væri um að einráði nýlendu-keisarinn af ESB vissi hvað hún væri að gera– á meðan þetta sama lið lokaði hins vegar nær fullkominn og fyrirmyndar kurteisan verndara lands okkar inni í girðingu á Miðnesheiði. Á sama tíma heimtar þetta loftlið að gjörvalt glæpalið ESB fái að æða óhindrað hér um allt land og láta greipar sópa, í öllum skilningi þess orðs

Þetta er liðið sem lemur orkufullveldið úr höndum þjóðarinnar án þess svo mikið sem að roðna og án nokkurrar ástæðu annarrar en aumingjaskapar. Og þetta er sama loftliðið og ræðst á stjórnarskrá Íslands með berum hnefunum hvern einasta dag árum saman. Þessu liði er greinilega illa við að lögregla, sjúkrabílar og björgunarsveitir fái að aka á vegum landsins. En það er það sem þetta lið er að segja með útópísku ýlfri sínu um að bandaríski herinn sem gætir þjóðaröryggis okkar fái að gera það eins og hann á að gera

Af hverju ekki bara að banna þessum þurrhausa þingmönnum að hafa aðstöðu á Alþingi. Sparka þeim út. Hvernig væri það; Ísland úr Alþingi og þingmenn burt; því ekki verjið þið landið okkar, svo mikið er víst. Enda virðist einungis um útópíska lofttegund vera að ræða á Alþingi, sem varla treystir sér til að halda uppi landhelgisgæslu, vegna "fjárskorts" sökum þess að skattfé Íslendinga er sprautað í loftpólitískt-, útópískt,- og sósíal sukk, á meðan það bókstaflega er kveikt í peningum skattgreiðenda á götum Kristjaníu Reykjavíkurborgar, og monthallir reistar til tapreksturs til eilífðarnóns

Fyrri færsla

Hneyksli: Alls ekkert að því að borða rautt kjöt!

Af hverju er pólitísk ólga?

Styrmir Gunnarsson skrifar að pólitísk ólga sé í tveimur löndum engilsaxneskra. Lönd þau sem engilsaxneskir numdu og eru því engilsaxnesk, eru Bretland, Bandaríkin, Kanada, Ástralía og Nýja Sjáland. Þau eru stundum kölluð Augun fimm (e. Five Eyes) því þau vinna þétt saman á sviði öryggis-, varnar-, og upplýsingamála, án þess að kasta fullveldi sínu fyrir svín eins og til dæmis Evrópusambandið

Lönd engilsaxneskra þola afar illa að fullveldi þeirra sé útvatnað. Það er að segja, þjóðir þessara landa þola ekki að sjálfsákvörðunarréttur þeirra sé skertur með til dæmis hnattvæðingu (glóbalisma) og fjölþjóðaisma (multilateralism), sem nátengdir eru heimsveldafyrirkomulagi, þ.e. imperíalisma á borð við Evrópusambandið, vegna þess að þannig fyrirkomulög grafa ávallt undan lýðræðinu, eins og sést í ESB og á Íslandi, þar sem til dæmis forysta Sjálfstæðisflokksins treður nýlendukúgun og imperíalisma ESB ofan í íslensku þjóðina án þess að hún sé spurð álits. Þetta þola lönd engilsaxa mjög illa, það er að segja, þau þola ekki að missa sjálfsstjórn fólksins yfir þjóðríkjum sínum. Augun fimm vinna því vel og ákaft saman án þess að til greina komi að skorið sé eitt hár af fullveldi þeirra og sjálfstæði. Og þau stunda ekki leiguliðakapítalisma eins og meginland Evrópu gerir, þar sem borgararnir eru mjólkaðir af þríhyrndum aðli, sem á flest, og eiga því ekki neitt, eins og til dæmis í Þýskalandi. Slíkan kapítalisma líða sjálfstæðir menn á borð við engilsaxa ekki. Þeir vilja eiga sjálfir og ráða yfir sínu sjálfir

Það er því yfir 50 ára ólga í Bretlandi vegna Evrópusambandsaðildar þess. Í Bandaríkjunum er ólga vegna 25 ára glóbalisma, þar sem 60 þúsund verksmiðjur voru fluttar til láglaunalanda og fólkið sem starfaði í þeim var skilið eitt eftir á fjóshaug alþjóðavæðingarinnar. Hrikalegur viðskiptahalli vegna ESB og Kína hefur einnig sest að í þjóðarbúi Bandaríkjanna, sem fjármagnar viðskiptahagnað þeirra. Íslendingar eru meira engilsaxneskir en þeir eru leiguliða-evrópskir. Er því pólitísk ólga á Íslandi einnig á leið með að sjóða yfir og slátra flokkum

Þegar greinandi eins og Björn Bjarnason segir að "stjórnmálaharka" hafi aukist í þessum tveimur ríkjum engilsaxa, þá þarf að hafa í huga að það er ekki harka að vilja viðhalda fullveldi og sjálfstæðinu, og þar með lýðræði í löndum sínum. Það er hins vegar harka að ætla að taka hvoru tveggja frá þjóðum, með til dæmis því að samþykkja orkupakka heimsveldis á borð við Evrópusambandið. Það er heldur ekki harka að fara fram á að úrslit þjóðaratkvæðis og forsetakosninga séu virt. Esb-kratar hafa fyrir löngu heilaþvegið sjálfa sig með meginlandsdíalektík til að passa í keng ofan í þankagang eins konar nýlendukúgunar-fyrirkomulags ókjörinna embættismanna, sem eru hin eiginlega og varanlega pólitíska stétt heimsvelda - og sem ekki er hægt að kjósa burt. Þetta er meginlands-fyrirkomulagið í Evrópu

Styrmir Gunnarsson, tekur annan og engilsaxneskan pól í hæðina. Póll Styrmis byggir á pólitískri hefð engilsaxneskra á meðan pólstjarna Björns er þýsk og díalektísk. Þetta er sá klofningur sem er að drepa Sjálfstæðisflokkinn, því hann getur ekki verið Sjálfstæðisflokkur nema að pólstjarna Styrmis sé leiðarljós hans. Þetta er vegna þess að Sjálfstæðisflokkurinn visnar og deyr fái hann ekki að vera Sjálfstæðisflokkur. Og það getur hann ekki verið, frekar en Bretland gat ekki verið engilsaxneskt Bretland á meðan það var í Evrópusambandinu

Sjálfstæðisbarátta Katalóníumanna hefur nú færst upp á annað og alvarlegra stig en áður. Spænska lögreglan hefur handtekið Katalóníumenn sem grunaðir eru um að hafa verið að smíða sprengur og prófa þær. Það er nýtt á þeim vígstöðvum. Kannski stigmögnun

Fyrri færsla

Kjósendur henta ekki Sjálfstæðisflokknum. Trump og Johnson

Kjósendur henta ekki Sjálfstæðisflokknum. Trump og Johnson

HÉR HEIMA

Leynifélag forystu og þingmanna Sjálfstæðisflokksins hefur slegið því föstu síðastliðin 10 ár að þeir sem hafa verið kjósendur flokksins á því tímabili, henti ekki leynifélaginu. Félagið hefur því náð 18,3 prósentu fylgi Alþýðubandalagsins 1974 núna

Það var mikið glapræði að velja bankamann bakaradreng sem formann flokksins í kjölfar bankahruns. Versta týpan af öllum til þeirra starfa sem biðu. Hann var og er ekki leiðtogi flokksins. Flokkurinn hefur því engan leiðtoga haft nema bókhaldara í 10 ár. Og eins og kunnugt er sitja bókhaldarar í (reykfylltum?) bakherbergjum og telja og reikna það sem aðrir hafa skapað. En svo þegar það sem aðrir hafa skapað er búið, þá er kjörkassinn tómur, eins og núna. Þannig er það að vera ópoppúlisti. Þeim líkar illa við kjósendur. Það sjáum best á ESB og öllu sem tengist ESB. Því imperíal-fyrirbæri og útfararstofnun lýðræðis líkar auðvitað ekki við fyrirbærið kjósendur. Það er leynifélag

Síðasti formaður flokksins sem var leiðtogi hans var Davíð Oddsson. Ef að Davíð hefði ekki stútað Þorsteini Pálssyni hefði flokkurinn verið þrisvar sinnum minni en hann er í dag. Þorsteinn, eins og Bjarni, var og er nefnilega ekki sjálfstæðismaður

Geir Hallgrímsson var heldur ekki leiðtogi. Hann var vænn hjálparlaus bókari bakaradrengur. Síðasti leiðtogi Sjálfstæðisflokksins á undan Davíð Oddssyni var Ólafur Thors. Án leiðtogs Ólafs og Davíðs hefði Bjarni bókari Ben ekki haft neinn Sjálfstæðisflokk til að hýsa leynifélag sitt í í dag

Þannig er nú það

VESTAN VIÐ VESTUR OG VESTAN MEGINLANDS TAPARANNA

Donald J. Trump forseti Bandaríkjanna og leiðtogi hins vestræna heims hélt ræðu sína í hinni bandarísku samkundubyggingu Sameinuðu þjóðanna í Bandaríkjunum. Enginn myndi taka hið minnsta mark á þeirri stofnun væri hún staðsett í Evrópusambandinu, Kína, Rússlandi eða Afríku. Þar lagði hann á ný áherslu á að allt gott í þessum heimi hefst með fullveldi og sjálfstæði ríkja heima hjá þeim sjálfum. Og þar sem stofnun Sameinuðu þjóðanna hefur ekki og getur ekkert heimili haft til að virka í, nema í Bandaríkjunum, þá er sú stofnun enn á lífi í dag. Annars væri hún lík í götu við Genfarvatn. Þannig eru þessi svo kölluðu "alþjóðasamfélög". Þau eru ekki til í alvörunni. Evrópa kom svo skríðandi til Trumps síðustu sólarhringana til að játa sig sigraða og hjálparlausa í Íranmálinu, um kjarnorkuvopnin sem útópísk hún ætlaði að líða því að fá

Demókratar sáu til þess í gær að kosningabaráttan næstu 14 mánuðina muni snúast um áframhaldandi ofsóknir þeirra á hendur forsetaefni Repúblikanaflokksins, þannig að þeirra eigin skilaboð til kjósenda munu ekki komast í gegn. Enda hafa þeir engin skilaboð önnur en stjórnleysi, orkupakk og vesaldóm, þar sem baráttan snýst um það hvort að þeir sjálfir lifi yfirhöfuð átökin við sjálfa sig af. En þau snúast um vinstrið gegn villta skríls-vinstrinu í því sundurtætta rifrildi sem eftir er af flokknum

Boris Johnson hefur bresku þjóðina með sér en þingið á móti sér, öfugt við stöðu Sjálfstæðisflokksins í höndum bókara hér heima, sem hefur þingið með sér, en ekki kjósendur. Og eins og flestir vita þá er það sem upp úr kjörkössunum kemur og sem bókhaldarar telja, það sem öllu máli skiptir. Ekki sjálf talningin, heldur það sem talið er. Evrópusambandið má og getur ekki samið við þjóðþing landa. Það getur einungis samið við ríkisstjórnir. Og þar hefur Boris tekist að gera ríkisstjórnina óvirka þannig að enginn stjórn er til staðar til að semja við. Það tókst. Bretland yfirgefur því líklega Evrópusambandið þann 31. október, eins og lög landsins gera ráð fyrir. Þarna gengur allt samkvæmt áætlun útgönguteymis Johnsons, sem trónir sem turn í könnunum meðal kjósenda

Förum vestur. Þar er líf. Evrópa er dauð. Hún er komin í gamla afturgöngugírinn á ný. Leynifélag Evrópusambandsins sá fyrir því

Ræða Donalds J. Trump í gær

Fyrri færsla

xD: Að skemmdaraðgerðum loknum