Af hverju er pólitísk ólga?

Styrmir Gunnarsson skrifar að pólitísk ólga sé í tveimur löndum engilsaxneskra. Lönd þau sem engilsaxneskir numdu og eru því engilsaxnesk, eru Bretland, Bandaríkin, Kanada, Ástralía og Nýja Sjáland. Þau eru stundum kölluð Augun fimm (e. Five Eyes) því þau vinna þétt saman á sviði öryggis-, varnar-, og upplýsingamála, án þess að kasta fullveldi sínu fyrir svín eins og til dæmis Evrópusambandið

Lönd engilsaxneskra þola afar illa að fullveldi þeirra sé útvatnað. Það er að segja, þjóðir þessara landa þola ekki að sjálfsákvörðunarréttur þeirra sé skertur með til dæmis hnattvæðingu (glóbalisma) og fjölþjóðaisma (multilateralism), sem nátengdir eru heimsveldafyrirkomulagi, þ.e. imperíalisma á borð við Evrópusambandið, vegna þess að þannig fyrirkomulög grafa ávallt undan lýðræðinu, eins og sést í ESB og á Íslandi, þar sem til dæmis forysta Sjálfstæðisflokksins treður nýlendukúgun og imperíalisma ESB ofan í íslensku þjóðina án þess að hún sé spurð álits. Þetta þola lönd engilsaxa mjög illa, það er að segja, þau þola ekki að missa sjálfsstjórn fólksins yfir þjóðríkjum sínum. Augun fimm vinna því vel og ákaft saman án þess að til greina komi að skorið sé eitt hár af fullveldi þeirra og sjálfstæði. Og þau stunda ekki leiguliðakapítalisma eins og meginland Evrópu gerir, þar sem borgararnir eru mjólkaðir af þríhyrndum aðli, sem á flest, og eiga því ekki neitt, eins og til dæmis í Þýskalandi. Slíkan kapítalisma líða sjálfstæðir menn á borð við engilsaxa ekki. Þeir vilja eiga sjálfir og ráða yfir sínu sjálfir

Það er því yfir 50 ára ólga í Bretlandi vegna Evrópusambandsaðildar þess. Í Bandaríkjunum er ólga vegna 25 ára glóbalisma, þar sem 60 þúsund verksmiðjur voru fluttar til láglaunalanda og fólkið sem starfaði í þeim var skilið eitt eftir á fjóshaug alþjóðavæðingarinnar. Hrikalegur viðskiptahalli vegna ESB og Kína hefur einnig sest að í þjóðarbúi Bandaríkjanna, sem fjármagnar viðskiptahagnað þeirra. Íslendingar eru meira engilsaxneskir en þeir eru leiguliða-evrópskir. Er því pólitísk ólga á Íslandi einnig á leið með að sjóða yfir og slátra flokkum

Þegar greinandi eins og Björn Bjarnason segir að "stjórnmálaharka" hafi aukist í þessum tveimur ríkjum engilsaxa, þá þarf að hafa í huga að það er ekki harka að vilja viðhalda fullveldi og sjálfstæðinu, og þar með lýðræði í löndum sínum. Það er hins vegar harka að ætla að taka hvoru tveggja frá þjóðum, með til dæmis því að samþykkja orkupakka heimsveldis á borð við Evrópusambandið. Það er heldur ekki harka að fara fram á að úrslit þjóðaratkvæðis og forsetakosninga séu virt. Esb-kratar hafa fyrir löngu heilaþvegið sjálfa sig með meginlandsdíalektík til að passa í keng ofan í þankagang eins konar nýlendukúgunar-fyrirkomulags ókjörinna embættismanna, sem eru hin eiginlega og varanlega pólitíska stétt heimsvelda - og sem ekki er hægt að kjósa burt. Þetta er meginlands-fyrirkomulagið í Evrópu

Styrmir Gunnarsson, tekur annan og engilsaxneskan pól í hæðina. Póll Styrmis byggir á pólitískri hefð engilsaxneskra á meðan pólstjarna Björns er þýsk og díalektísk. Þetta er sá klofningur sem er að drepa Sjálfstæðisflokkinn, því hann getur ekki verið Sjálfstæðisflokkur nema að pólstjarna Styrmis sé leiðarljós hans. Þetta er vegna þess að Sjálfstæðisflokkurinn visnar og deyr fái hann ekki að vera Sjálfstæðisflokkur. Og það getur hann ekki verið, frekar en Bretland gat ekki verið engilsaxneskt Bretland á meðan það var í Evrópusambandinu

Sjálfstæðisbarátta Katalóníumanna hefur nú færst upp á annað og alvarlegra stig en áður. Spænska lögreglan hefur handtekið Katalóníumenn sem grunaðir eru um að hafa verið að smíða sprengur og prófa þær. Það er nýtt á þeim vígstöðvum. Kannski stigmögnun

Fyrri færsla

Kjósendur henta ekki Sjálfstæðisflokknum. Trump og Johnson

Athugasemdir

[Ragnhildur Kolka, 27.9.2019 kl. 09:33]

Verður ekki betur greint: 

Esb-kratar hafa fyrir löngu heilaþvegið sjálfa sig með meginlandsdíalektík til að passa í keng ofan í þankagang eins konar nýlendukúgunar-fyrirkomulags ókjörinna embættismanna, sem eru hin eiginlega og varanlega pólitíska stétt heimsvelda - og sem ekki er hægt að kjósa burt.

Dæmin sem þú tekur af þeim Styrmi og Birni gera þetta svo kristaltært.

Takk fyrir Gunnar.

[Helga Kristjánsdóttir, 27.9.2019 kl. 14:49]

Verð að elta með gamaldags alþýðumáltæki,draumur í dós!

[Gunnar Rögnvaldsson, 27.9.2019 kl. 14:55]

Þakka þér fyrir Ragnhildur.

Úrverkið hér er þó eins og það samkvæmt venju er í pólitík, þar sem ávallt má finna eitthvað sem sameinar menn með andstæðar lífsskoðanir; Persónuleg andúð á Donald J. Trump sameinar hina ólíklegustu menn um að vegna hans, og byggingarmeistarapersónu hans, sem þekkir spillt kerfi stjórnmála- og sérstaklega embættismanna best, sé óhætt að henda fyrir borð rökrænni hugsun, sannleiksást og réttvísi.

Það er ávallt erfitt að horfa upp á menn gufa sjálfan sig upp með reglulegu millibili, en birtast svo á ný með minna en ekkert í höndunum, án þess að kunna að skammast sín. Minna en ekkert hefur verið að marka málflutning beggja um bandaríska forsetann. Þar éta báðir allt hrátt og biðja jafnvel um meira. Þeir eru báðir þar eins og ritstjórn Der Spiegel sem birti lygasögur blaðamanns þess um Bandaríkin, Donald Trump og kjósendur hans í endalausum bunum. Að engu sannleiksgildi var hugað því skrif blaðamannsins pössuðu svo fullkomlega við fordóma,  andúð og hatur allrar ritstjórnar Der Spiegel á Bandaríkjunum og Bandaríkjamönnum.

Kveðjur

[Gunnar Rögnvaldsson, 27.9.2019 kl. 15:14]

Þakka þér Helga.

Kveðja

[Jón Steinar Ragnarsson, 27.9.2019 kl. 15:22]

Björn virðist ráða stefnu sjálfstæðisflokksins og móta hana einn og sjálfur þvert ofan í vilja kjósenda hans. 

Man að fyrir mörgum árum hélt Björn fyrirlestur um ágæti glóbalisma á efrihæð vafasamrar bjórbúllu í reykjavík þar sem stuttbuxnaliðið hlustaði með stjörnuhring í augum á leiðtogann. M.a. Gulli litli utanríkis sem setti sér að komast á ríkisspenann á fermingaraldri og ræddi fjálglega á börum við Björgólf Thor. Sjálfur er ég vitni, svo það er enginn tilbúningur.

Björn hefur staðið í þessum heilaþvætti jakkafatafóstra flokksins í áratugi á milli þess sem hann var í dinner á Bilderberg hótelinu með helstu diktatorwannabíum heims.

[Jón Steinar Ragnarsson, 27.9.2019 kl. 15:28]

Vert að undirstrika að aðeins tvær ideólógíur í vestrænni sögu höfðu glóbalisma að markmiði. Hvora hannn aðhyllist er erfitt að greina, enda lítill munur á kúk og skít.

Grundvallarskilgreining á geðbresti er sú að endurtaka sömu vitleysuna aftur og aftur með skelfilegum afleiðinggum og ætla að útkoman verði öpruvísi næst.

[Gunnar Rögnvaldsson, 27.9.2019 kl. 15:36]

Þakka þér fyrir Jón Steinar.

Hefurðu tekið eftir því að nú aðeins 10 árum eftir bankahrun nær allra Vesturlanda, eru allar messubyggingar þeirra fjármálatrúarofsatíma komnar í notkun á ný, þar sem messað er um nýjustu bóluna; "loftslagsmálin og umhverfi".

Sami trúarhiti er þar innandyra og ríkti í banka og fjármálabólunni. Getur þú ímyndað þér hversu þétt KreditHarpan hefði verið yfirbókuð hefði hún verið til sem messustaður í fjármálabólunni.

Nýir glærir tímar hafa opnast fyrir glæru meistarana.

Nú er bara að bíða eftir hruninu. Og það er ekki langt í það.

Kveðja

[Jón Steinar Ragnarsson, 27.9.2019 kl. 19:49]

Ekki langt síðan að vinstri fjölmiðlar lögðust á hnén og báðu um kreppu byggt á viðskiptaþvingunum á kína. Dagsveifla í kauphöllum glæddi vonir sem dóu nánast daginn eftir þegar markaðir sveifluðust ofar en áður.

Veðrabreytingatrúboðið er rekið nú á rappi einhverfrar 17 ára stúlku sem segir að æska sín sé eyðilögð, þótt æska hennar sé liðin og ógerlegt fyrir hana um að vita lengra. Spá um einhverra sentímetra hækkun sjávarmáls næstu tvær aldir á að eyðileggja framtíð ungviðisins nú ef við flytjum ekki í moldarkofa strax og neyðumst til að brenna eldivið til að skrimta. 

Hún hræsnaði sig á skútu yfir hafið sem síðan var flutt með fraktara til baka og hún með flugi. Þennan farsa halda menn að venjulegt hugsandi fólk gleypi. 

Samkvæmt Al Gore sem fann upp internetið eru Maldive eyjar sokknar, Flórída orðin að feneyjum og fólk á Manhattan á leið í vinnuna á gúmmíbátum.

Vitfirringin er algerlega hrokkin af hjörunum og enn hjakka allri fjölmiðlar hér tvisvar og þrisvar á dag á yfirvofandi dómsdegi.

Tilgangurinn er algert vald yfir orkulindum og auðlindum í nafni glóbalisma og allsherjar miðstýringar. Nú ráða þau nokkurnvegin hvernig fólk tjáir sig og hver sannfæring þess er saklaus uns fundinn sekur heyrir sögunni til og ef einhve hváir þá er þaggað niður í honum með uppnefnum á við nasisma, fasisma og rasisma og efasemdir um "loftslagsvána" eru kallaðar climate denial með ekki svo óljósri tengingu við holocaust denial.

Það eru blómllegir tímar fyrir marxismann. Þeir hafa nánast alla fjölmiðla í vasanum sem og menntun og vilja nú banna einkaskóla svo valdið sé algert. Það er vatnsbragð af hugtakinu totalitarianismi í samanburði við þetta.

[Símon Pétur frá Hákoti (IP-tala skráð) 27.9.2019 kl. 23:00]

Forherðingin er nú orðin algjör hjá frjálshyggjuliði glóbalíska samfylkingarstóðsins sem skipar þingmanna og ráðherrasveit EngeyjarBaugs, hrunaliðanna sem Palli Vill bendir réttilega á í pistli sínum.  Þeir kætast nú mjög Samfylkingar Blairistarnir, eins og Karl Th, sem segja að Áslaug Arna (lesist: Jr. Bjarni Ben.) gefi nú Davíð Oddssyni löngutöng (með skipan Hreins Loftssonar sem hjálparkokks Áslaugar Örnu Sigurbjörnsdóttur Magnússonar, stjórnarformanns Árvakurs) í boði þingmanna Sjálfstæðisflokksins.

Enginn sjálfstæðismaður með sjálfsvirðingu mun geta kosið hrun og helferðarflokk EngeyjarBaugs. 

[Símon Pétur frá Hákoti (IP-tala skráð) 27.9.2019 kl. 23:10]

En varðandi muninn á Birni Bjarnasyni og Styrmi Gunnarssyni vil ég aðeins segja að Styrmir mun lúffa og hanga í pilsfaldi Engeyjarflokksins og kjósa hann.  Er hann þá sjálfstæður maður?  Nei, munurinn á honum og Birni er einungis að ættarhrokinn er Björns, en Styrmir veit að þetta er "ógeðslegt" en hangir í pilsfaldi ógeðsins.

[Gunnar Rögnvaldsson, 28.9.2019 kl. 02:21]

Þakka þér fyrir Jón Steinar.

Þessi lýsing þín passar einkar vel við það sem ég hugsa. Ég er stoltur yfir því að fá þetta svart á hvítu frá þér hér á bloggsíðu minni, því þetta er það sem fjölmiðlar þora ekki að segja en allir vita að er satt og rétt. Kærar þakkir fyrir þetta daglega hreina mál, sem hinir hreinu tala ekki lengur, og þekkja engan sem gerir það, í hinum klofnu löndum sem þeir klufu.

Kveðja

[Gunnar Rögnvaldsson, 28.9.2019 kl. 02:22]

Þakka þér fyrir Símon Pétur.

Já lúffa mun hann, er sennilega rétt hjá þér. Það er nokkuð öruggt. Þess vegna er staðan svona eins og hún er og verður líklega mörgum sinnum verri. Konformismi borgar sig ekki.

Bestu kveðjur

[Benedikt Halldórsson, 28.9.2019 kl. 14:10]

Það er gott að lesa ykkur. Það er erfitt að halda veruleikaskyninu hreinu á þegar "allir" láta sem lyginn sé sönn. 

[Gunnar Rögnvaldsson, 28.9.2019 kl. 15:39]

Þakka þér fyrir innlitið og lesturinn Benedikt.

Já mikið rétt hjá þér. Hárrétt.

Kveðja

[Símon Pétur frá Hákoti (IP-tala skráð) 28.9.2019 kl. 20:28]

Davíð Oddsson skrifaði svo snemmsumars (vegna Op 3)

og sjaldan hafa orð hans átt betur við,

því það yrði sjálfstæðismönnum ekki harmsefni

að hræið sem fóstrar ESB búrakratana og Steingrím J.,

Sjálfstæðisflokkurinn, hyrfi endanlega:

 Stjórn­mála­flokk­ar eru ekki ei­líf­ir og hafi þeir ekki leng­ur fyr­ir neinu að berj­ast stytt­ist í til­ver­unni og þýðir ekki að fár­ast yfir því. Enda þarf það í sjálfu sér ekki endi­lega að vera harms­efni.

[Símon Pétur frá Hákoti (IP-tala skráð) 28.9.2019 kl. 20:43]

Stjórnmálaflokkar eru ekki eilífir og hafi þeir ekki lengur fyrir neinu að berjast styttist í tilverunni og þýðir ekki að fárast yfir því.  Enda þarf það í sjálfu sér ekki endilega að vera harmsefni.