Hneyksli: Alls ekkert að því að borða rautt kjöt!

"ÉG VINN FYRIR FÓLKIÐ"

Síðasta þvælan? Nei nei..

Lið... [maður þorir nú varla að nefna þá, en jú, hér eru þeir]... lið vísindamanna frá mörgum löndum hefur rannsakað þær rannsóknir og klínísk próf sem tengja át á rauðu kjöti við sjúkdóma og krabbamein. Ástæðan fyrir því að manni er orðið illa við að taka sér orðið "vísindamaður" í munn, er auðvitað það fárviðri af hundrað prósent þvælu og hugarburði sem ræður ríkjum í svo kölluðum loftslagsmálum og umhverfismálum. Þar er í gangi enn eitt fjölþjóðlega klámið af allra verstu sort sem sést hefur um aldir. Þeim trúa aðeins sannir fáráðlingar sem sýnt og sannað hafa að trúa öllu nema náttúrlega á Guð

Þessi hópur vísindamanna frá mörgum löndum fór í gegnum 130 rannsóknir og tugi af prófunum sem valdar voru af handahófi og áttu allar að sýna fram á að rautt kjöt væri sjúkdómsvaldandi; og útkoman er sú að ekkert nema eitthvað sem getur verið hvað sem er annað, tengir neyslu á rauðu kjöti við sjúkdóma og krabbamein. Leiðari Wall Street Journal er með þetta í dag; The Red Meat Rethink. Það sem hins vegar gæti valdið alls konar sjúkdómum er neysla á illa steiktum og illa soðnum rannsóknum af því tagi sem þarna voru krufnar til mergjar

"The medical-academic complex is experiencing a bad case of indigestion over new research this week in the Annals of Internal Medicine that rescinds the longtime recommendation to eat less red meat. Climate politics is now infecting even nutritional science.

Governments and health bodies such as the American Heart Association and American Cancer Society have echoed claims that red meat is bad for heart health and is linked to a host of diseases. But a team of international researchers who reviewed more than 130 articles and a dozen randomized trials has concluded that the evidence linking red meat to cancer, heart disease and mortality is flimsy."

Brandarinn sem flygir með í leiðaranum –en sem því miður er ekki brandari– er að lið frjálslyndra lækna sem segjast vera "Nefnd lækna fyrir ábyrgum læknavísindum" (The Physicians Committee for Responsible Medicine) hefur kært tímaritið sem birti niðurstöðurnar til Viðskiptanefndar Bandaríkjanna, því þeir vita að rannsóknin er rétt, en hafa í staðin gert málið að loftslagsmáli gegn kjöti, og þannig flúið úr einni þvælunni yfir aðra enn stærri

Hah ha ha ha ha ha haha ha ha ha ha. Ha ha ha haha ha ha ha. Hah ha ha ha ha ha haha. Ha ha haha ha ha ha ha. Hah ha ha ha ha haha ha ha. Ha ha ha ha ha ha haha ha ha ha ha. Ha ha ha ha ha haha ha ha. Þetta er ábyrgur hlátur

Þetta lið frjálslyndra lækna gæti eins vel verið Valhöll í kommakofa Vinstri grænna. Þeir eru að minnsta kosti jafn geggjaðir og forysta beggja flokka til samans

Það fylgir líka í leiðaranum í Wall Street Journal að niðurstaða Bandaríkjamanna er að verða sú, að þeir eru hættir að trúa á "sérfræðinga" og "vísindi". Fyrst var það fitan, sem reyndist fullkomin þvæla. Svo kom kartaflan, sem líka var þvæla. Og nú er það kjötið, sem sennilega er mesta og stærsta þvælan af þessu öllu. En hún nær þó ekki með tærnar þar sem yfirþvæla allra þvæla hefur hælana: þ.e. þvælan um loftslagsmál og umhverfismál. Sú þvæla er að minnsta kosti jafn stór og sjálf þvælan um Sovétríkin, Marxisma og íslam. Þrjár kenningar sem einhverra hluta vegna (auðvitað pólitískra) þóttu hafnar yfir og með fasta undanþágu frá því að þurfa að fara í gegnum greiningardeild rökhyggju Vesturlanda, og hafa það því miður enn, því þetta er sögulega banvæn þrenna fyrir öll þau lönd

Bjarni Ben og Valhallarliðið er orðið sovétlið úr nýrri (loft)tegund. En Vinstri kommar grænir eru bara rauðir kommar eins og síðast. Ekkert hefur breyst, nema það að Sjálfstæðisflokkurinn er fallinn í hendur þvottheldra bjána

Fyrri færsla

Farsinn um "Úkraínu-samtalið" [u]

Athugasemdir

[Óskar Kristinsson, 3.10.2019 kl. 08:03]

Blessaður Gunnar!!!

Góður þessi pistill og þarfur. Það ríður ekki við einteiming þessi þvæla, og að þetta lið skuli eiga að vera að stjórna landinu???

Þeir eða þau LEIKA 'A LIGINNI.

Fjölmiðlarnir??? leika sama leikinn. Opna ekki fyrir RÚV hinn stóri miðillinn er lítið betri.

Bara PRUMP engar fréttir.

Kv af Suðurlandi

[Haukur Árnason, 3.10.2019 kl. 13:12]

Fritjof Capra (eðlisfræðingur) spjallar við E.F. Schumacher (hagfræðingur)
Þetta er árið 1977.  Hvað finnst ykkur ?

......“Þekkingin sjálf er máttur“ sagði Schumacher, og vitnaði þar í Francis Bacon og bætti við að síðan hafi orðið „vísindi“eingöngu verið notað í merkingunni „vísindi til stjórnunar“.............
............Hin nýju vísindi leiti einkum eftir efnislegu valdi, stefna sem hefur nú þróast svo langt, að höfuðmarkmið og helsta réttlæting fyrir að verja fé til vísindarannsókna er elfing stjórnmálalegs og efnahaglegs valds........
.......Óstöðvandi útrýming „vísindalegs skilnings“eða „visku“í vestrænni menningu gerir hina öru og stigvaxandi söfnun „þekkingar til stjórnunar“ að alvarlegri ögrun..............

Ég óttast að þetta sé rétt hjá þeim, vísindi til stjórnunar.

Georgia Ede hefur farið í gegnum skýrslunar sem notaðar eru á móti kjötinu og léttvægar fundið.

"Þetta eru ekki vísindi, þetta er pólítík" segir hún.
"... Hins vegar eru ástæður til að halda rauðu kjöti í mataræði. Rauður kjöt (sérstaklega nautakjöt) er næringarefni þétt og hefur yfirleitt betra hlutfall N6: N3 fjölómettaðar fitusýra og verulega meira A-vítamín, B6 og B12, sink og járn en hvítt kjöt "

[Gunnar Rögnvaldsson, 3.10.2019 kl. 17:12]

Þakka ykkur fyrir Óskar og Haukur.

"Það rignir þó að minnsta kosti ekki upp í svínin" sagði Pedro blaðamaður á Ekstrablaðinu þegar súrt regn tröllreið umræðunni í Danmörku í kringum 1990. Fimm árum áður tröllreið þvaðrið um offjölgun manna tölfræðikennslunni í Árósaháskóla, þar sem ég var í Hagfræðinámi. Og út í hana var svo hrærð tröllatrúin á yfirburða-stjórnunaraðferðir Japana (e. management theory) sem áttu gera það að Japan myndi taka fram úr bandaríska hagkerfinu stuttu síðar, en sem hins vegar hrundi bara til grunna, eða frá því að vera 16 prósent af heims-hagkerfinu 1987 og niður í 6 prósentin sem það er í dag. Aldrei hefur annað eins hrun sést nema í stórstyrjöldum.

Svo kom tröllreiðin um gatið í ózon-laginu og við áttum öll að steikjast.

Já endilega borða nóg af kjöti. Við værum með músarheila (sumir eru með hann ennþá) ef við hefðum ekki fengið nóg af próteinum. 

Já ég man eftir Friðþjófi Kapra, las meira að segja bók um skammtafræði hrærða út í einhverskonar galdra, man það ekki nánar. Hann var einn af hippavísindamönnum þátímans.

Mér líst vel á hugtakið "The medical-academic complex" sem Wall Street Journal kemur með þarna. Sumir muna kannski eftir hugtakinu "The military industrial complex" sem varð til hjá hippa-genginu í Víetnamstríðinu. Það var ekki til.

En Heiðnikirkjuveldi háskólanna er hins vegar til í dag og það er orðið valdameira en Kaþólska kirkjan var á miðöldum. Mörgum sinnum valdameira. Algerlega heiðið villimannafélag sem dýrkar Sovétríkin, Marxisma og íslam klætt í þvaðurbúning loftslagsmála og umhverfismála. Monster.

Hlusta aldrei á DDRÚV sjálfsfróunarmiðstöð vinstrimanna í Austur-Berlín Reykjavíkurborgar Óskar. Aldrei! Það er mannskemmandi og eyðileggur anda frjálsra manna. Enda Kommavarp.

Kveðjur

[Gunnar Rögnvaldsson, 3.10.2019 kl. 19:01]

Annars er merkilegt hve stór hluti þjóða er tilbúinn að trúa á undirstöður bóla. Fjármálabólan varð til dæmis til vegna þess að ca. 10 prósent manna trúðu á hana í raun og veru. Restin fylgdi með, vegna þess að hún reyndi þannig að tryggja sig gegn því að líta út sem fábjánar í augum nágranna sinna, og tók því fjármálatrú (e. hedging against stupidity). Krossinn var tekinn niður af veggnum og túkall og fjármálavafningur negldur upp á hann í staðinn. Börn óskuðu sér gengistryggð lán í fermingargjöf. Þessi þvæla blés svo höfuðið af þeim öllum, þannig að þeir urðu hauslaus her fábjána sem gerði áhlaup á alla sjóði landsmanna. Þá var allt í einu í lagi af vera gjaldþrota bjáni, því allir voru bjánar og of margir þeirra gjaldþrota.

Eins er þetta með bóluna um loftslagsmálin. Allir eru að tryggja sig gegn því að líta út sem fábjánar í augum nágranna sinna. Annað hvort nágranna sinna í næstu húsum eða við næstu skrifborð, eða í næstu aðalstöðvum stjórnmálaflokka. Forysta Sjálfstæðisflokksins er til dæmis orðin þannig grautarhaus fábjána. Algerir fábjánar.

Ein afleiðan af þessari risavöxnu loftslagsbólu er hömlulaus náttúrudýrkun. Þar keppast allir við að trúa og upplifa áður en náttúran verður uppseld, samkvæmt kenningunni um loftslagsmálin. Ein afleiða þeirrar bólu, sem er til húsa innan í loftslagsbólunni, er ferðamannabólan. En bændur sem hafa ekki svona rómantískt og jafnvel klámfengið viðhorf til náttúrunnar og náttúruaflanna, vita að þetta er þvæla. Náttúran er oftast ekki rómantísk nema í gegnum linsur ljósmyndavéla og fréttablaðurstöðva. Hún er harður húsbóndi og óvægin. Hagl, stormar, kuldar, hitar og fárvirðri. Fólk deyr og sultur geisar.

Sem sagt: við erum stödd í risavaxinni bólu sem er af sömu tegund og fjármálabólan, og marxisminn á 20. öld. Hundrað prósent þvaður út í gegn og hjátrú af allra verstu sort.

[Haukur Árnason, 3.10.2019 kl. 22:53]

"Algerlega heiðið villimannafélag sem dýrkar Sovétríkin, Marxisma og íslam klætt í þvaðurbúning loftslagsmála og umhverfismála. Monster."

Þetta verður ekki betur orðar. Takk Gunnar.

[Gunnar Rögnvaldsson, 4.10.2019 kl. 08:26]

Þakka Haukur.

Það var bókin "The Tao of Physics" sem ég las eftir Capra á sínum tíma, og fannst hún bæði fróðleg og skemmtileg.

Ber alltaf virðingu fyrir vísindamönnum sem lúta svo lágt að þurfa á andlegheitum að halda og viðurkenna að þau eru nauðsynleg til að geta reynt að skilja heiminn.