Ungir hvítir bandarískir karlmenn flytja sig til Donalds Trump

Mynd. Repúblikaninn Ulysses S. Grant, hermaður (106 mín.) og 18. forseti Bandaríkjanna. Ég óska ykkur til hamingju með fullveldið og sjálfstæðið, þjóðhátíðardaginn 4. júlí, Bandaríkjamenn

****

Bandaríkin

Hinn 72 ára Donald J. Trump hefur nú því sem næst einhent gerbylt Repúblikanaflokknum þannig að hvítir karlmenn á aldrinum 18-34 ára, svo kallaðir "millennials" eða þeir sem komu út úr skólum í kringum árþúsundskiptin, hafa flutt sig frá Demókrataflokki og yfir til Repúblikanaflokks

Árið 2016 var nær helmingur (50%) þessa hóps Demókratar, en aðeins 36 prósent Repúblikanar. Tveimur árum síðar er þetta næstum öfugt: Hvítir karlmenn í þessum aldurshópi eru nú 46 prósent Repúblikanar og aðeins 37 prósent Demókratar. Donald J. Trump er að gerbylta Bandaríkjunum (sjá frétt). Svipuð var niðurstaða könnunar sem birtis WSJ í apríl, en fór ekki hátt

Þýskaland

Ljóst er nú að Angela Merkel mætti múr 160 þingmanna í flokksbandalagi CDU/CSU á mánudag, þar sem henni var stillt upp við vegg og sagt að samþykkti hún ekki tillögur Bæjaralands, þá myndu þeir þvinga fram afsögn hennar. Hún ræður því litlu í Þýskalandi lengur og ríkisstjórn hennar enn minna

Samkomulag Merkels og Seehofers er nú að springa út sem farsi í ESB. Austurríki sagði að ekkert samráð hafi verið haft við sig, en landamæri þess liggja upp að Bæjaralandi. Það hótar nú að loka Brennerskarðinu. Því fagnar Ítalía því þá kemur lýður Merkels ekki að þeim úr norðri. Angela Merkel er að springa út í allri álfunni, sem eitt allsherjar getuleysi og klúður

Virkar

Það er afskaplega ánægjulegt að Donald Trump sé eini stjórnmálamaðurinn sem það borgar sig að horfa á - og hlusta vel og vandlega á það sem hann segir. Fox var með viðtal við hann um helgina. Ég horfði á það á YouTube. Þegar fréttamaðurinn spurði hann hvort að tollar á innflutta bíla væru ekki bara auka-skattur á neytendur, þá sagði hann. "Það verða engir tollar. Þeir verða allir framleiddir hér í Bandaríkjunum". Í gær sagði forstjóri Porsche á þá leið að þetta væri ekkert vandamál (no brainer) fyrir þá. "Það tók okkur tvær sekúndur að ákveða að best er byggja verksmiðju í Bandaríkjunum".

Sem sagt tollar Trumps á bíla eru ekki upp til samningaviðræðna, heldur verða menn að flytja verksmiðjur sínar til Bandaríkjanna. Þá er um enga tolla að ræða. Einfalt mál. Messuhald Trumps yfir ESB-ríkjum í NATO hefst svo í næstu viku. Búist er við miklum átökum og jafnvel aftökum, því til dæmis Þýskaland lýgur þar um sjálft sig fyrirfram, og heldur enn að það komist upp með slíkt

Fyrri færsla

Hýrnar yfir AfD í Þýskalandi. Kína að lokast inni - og Merkel úti

Hýrnar yfir AfD í Þýskalandi. Kína að lokast inni - og Merkel úti

Viðtal: Utanríkisráðherra Ungverjalands kann Gagn og gaman þjóðanna og saga lands hans er löng og ströng, sérstaklega frá og með Trianon 1920. Hún er lengri en gatslitin smásaga breska ríkisútvarpsins, sem er ónýt í dag, eins og sést hér. De Gaulle er kominn aftur, í mörgum löndum

Þýskaland

Þarna sjáið þið. Angela Merkel er að missa tökin á landsstjórninni og félagar hennar í Bæjaralandi leika sér að henni. Þið hafið enga ástæðu til að kjósa hana og flokk hennar aftur. Enda gerðuð þið það ekki síðast, svo það var rétt með naumindum að flokkur hennar, sá stærsti í landinu, gat myndað ríkisstjórn. Þið kusuð hana ekki vegna þess að ykkur líkaði ekki pólitík hennar. Og pólitík hennar hefur ekki batnað, heldur versnað. Allt hefur versnað. Þó svo að hún fari frá, þá vitum við að þið mynduð ekki kjósa flokk hennar eftir allt það sem hann hefur kallað yfir landið ykkar, Þýskaland. Nú hendist flokkur hennar úr einni krísunni í aðra. Og þetta mun bara versna, skulum við segja ykkur. Það er því ánægjulegt að hvorki Bæjaraland né Merkel í Berlín fengu það sem þau báðu um í gær. Við mætum því til leiks og sláum meirihluta CSU út af laginu í Bæjaralandi í október. Á landsvísu mælumst við með 16,5 prósent fylgi núna. Fyrir níu mánuðum síðan fegnum við 12,6 prósent, þ.e. í kosningunum 24. september 2017. Merkel gat loksins myndað ríkisstjórn þann 14. mars 2018 og aðeins fjórum mánuðum síðar er stjórn hennar við það að springa. Og springa mun hún

Kína

Það styttist í að Donald Trump banni meðlimum í kínverska kommúnistaflokknum að stíga fæti á bandaríska grund. Og þó fyrr hefði verið. Milljón manns frá Kína hafa verið að kaupa sig inn í Norður-Ameríku með peningum sem enginn veit í reynd hvaðan koma. Og þessa dagana er hann Trump að neita kínversku símafélagi um markaðsinngöngu í Bandaríkin. Öll stórveldi mannkynsögunnar hafa verið byggð með því að verjast. Þýskaland varð til með tollum. ESB varð til með tollum. Það er í reynd tolla-kartel. Bretland varð til með tollum og Bandaríkin líka. Þeir sem skilja ekki þjóðarhagfærði skilja ekki Auðlegð þjóðanna. Og tolla mun hann setja á bifreiðar. Allir sem hafa markað í Bandaríkjunum munu flytja framleiðsluna þangað. Það tók bílaframleiðendur ekki nema tvær sekúndur að skilja það, ákveða og samþykkja. Heimurinn er að breytast hratt, en samt ekki. Hann færist í fyrra horf, sem virkaði

Mynd: Franska Maastricht herferð sósíalista 1992. Hún snérist um að hræða almenning með Bandaríkjunum og Japan. Evran snérist aldrei um annað. Aðeins 51 prósent Frakka sögðu já

ESB

ESB getur ekki séð um varnir sínar, því þær kosta svo mikið. ESB getur aldrei byggt upp her. Því vantar peninga, demos, ethos og telos. Það á ekki fyrir tvö þúsund kjarnorkusprengjum. Enda myndi enginn í ESB treysta neinum til að hafa þær þar. Þetta er búið spil fyrir ESB. Annað hvort borgar það Trump eða gefst upp. Reyndar er Evrópusambandið gjaldþrota nú þegar. Siðferðilega, efnahagslega og málefnalega. Það sást vel í gær og hefur sést alla daga síðan 2008 og fyrr

Vitið þið af hverju Þýskaland reynir svona mikið að halda ESB saman. Jú, vegna þess að án hins "innra markaðs ESB" er Þýskaland gjaldþrota. ESB er stuðpúðaverk Þýskalands. Þangað fer helmingur útflutnings þess. Án ESB er Þýskaland kaput, því hagkerfi þess sjálfs er svo hnigið. Allir eru orðnir gíslar Þýskalands í ESB. Stuðpúðar þess

Fyrri færsla

Þýskaland snýst gegn Angelu Merkel

Þýskaland snýst gegn Angelu Merkel

Þessa dagana er pólitískt slagsmál í gangi í Þýskalandi um útlendingamálin. Og flokksbandalagsflokkarnir CDU og CSU sem heyja þá baráttu, vita að bara það eitt að vera í þessu bandalagi frá og með síðustu kosningum, er slæmt fyrir þá báða. Best er því að undirbúa sig með því að gefa ekki eftir, því annars farast báðir, saman. Best er að fá sparkið. Og ekki getur Merkel sparkað sjálfri sér, nema þá allri ríkisstjórninni í einu

Þýska pressan hefur snúist gegn Angelu Merkel, því útlendingamálin eru orðin mikilvægasta pólitíska mál í landinu, og Evrópusambandinu öllu. Pressan veit að Angela Merkel laug að þjóðinni þegar hún kom heim af næturfundum með kollegum sínum í ESB í síðustu viku. Hún sagði þjóðinni að hún væri komin heim með ESB-samkomulag um útlendingamál. Það reyndist ekki rétt. Um ekkert samkomulag var að ræða á þessum fundi. Ríkisstjórnir annarra ESB-landa hafa nú neyðst til að leiðrétta þýska kanslarann til að reyna að komast hjá því að láta hana draga sig niður á botn hins móralska hafs, sem hún liggur á. Tilgangur hennar var að bjarga sjálfri sér á kostnað annarra ríkja

Falli núverandi leiðtogi CSU, Horst Seehofer, sem er innanríkisráðherrann í ríkisstjórn Merkels, þá bíður fyrsti og næsti CSU-maður Bæjaralands, Markus Söder, og afstaða hans til útlendingamálanna er enn harðari en sú sem Seehofer reynir að koma til framkvæmda núna. Að tapa fyrir AfD í október í Bæjaralandi, er ekki ætlun Söders

Merkel þorir hvorki að vera, né fara, og hún reynir að færa SPD eitt lítið ostastykki á dag, svo hún geti haldið áfram að sarga af sér hausinn í litlu músagildrunni sem hún hefur byggt, því ekkert annað byggði hún, síðastliðin 13 ár

Minnihlutastjórn CDU með SPD kemur til greina. En hún mun tosa CDU til vinstri (eins og er að gerast með xD, sem með Bjarna Ben blaðrar nú um jöklabráðnun og þyngri umhverfishlekki á fætur hins vinnandi manns) og það þýðir endalok CDU. Merkel er enn nógu vitlaus til að reyna slíkt, eins og Bjarni Ben. Á Íslandi er hægri umferð Bjarni, annars tekur umferðin þig sjálfkrafa niður

Evrópubruninn hitnar með hverjum deginum sem líður. Hann verður ekki slökktur í bráð, því eldsneyti útlendingamálanna er óendanlegt. Fólkið kraumar af bræði

Fyrri færsla

Hvernig ætlar Þýskalands-keisarinn yfir ESB að bakka út úr þessu?

Hvernig ætlar Þýskalands-keisarinn yfir ESB að bakka út úr þessu?

Hún veifaði þeim bara inn. Hvatti fólk til að koma og gortaði sig af því. Milljónum saman. En nú er allt búið, allt komið í steik, pólitískt sviðin jörð og landið hennar smám saman við það að verða alelda. Og ekki bara hennar land, heldur mörg önnur ESB-lönd, sem hún hafði ekkert umboð frá. Allt það litla sem hún gerði og sá hellingur sem hún lét ógert, hefur nú snúist gegn henni. Hvernig dettur nokkrum manni í hug að Angela Merkel geti setið áfram eins og ekkert hafi í skorist? Þeir sem halda það í dag, eru blindir. Bæði lesblindir og leshraðablindir. Spilið er búið og Þýskaland er pólitískt að leysast upp. Hvað kemur næst veit ég ekki. En þetta verður ekki svona mikið lengur. Ekki nema niðri í bunker Merkels gegn veruleikanum. Og svo er það ábyrgð fjölmiðlanna, í sömu húsakynnum!

Varðberg:

• Ítölskum höfnum lokað fyrir björgunarskipum hjálparsamtaka
• Óljós málamiðlun um flótta- og farandfólk í leiðtogaráði ESB

Fyrri færsla

Deutsche Bank féll á álagsprófi bandaríska seðlabankans. Tómhent Merkel

Deutsche Bank féll á álagsprófi bandaríska seðlabankans. Tómhent Merkel

Enn einu sinni nálgast hlutabréfaverðið í Deutsche Bank núllið í Frankfurt. Það skaust undir 9 evrur og hefur því fallið um meira en 90 prósent síðan 2007. Í gær féll bankastarfsemi Deutsche Bank í Bandaríkjunum á síðari hluta álagsprófs bandaríska seðlabankans

Í nótt sat leiðtogaráð Evrópusambandsins á fundum til klukkan hálf fimm og komst ekki að neinu samkomulagi um útlendingamál. Aðeins var sæst á röð orða sem litla eða enga meiningu gefa á jörðu niðri. Þau svífa því um loftið og fundarmenn horfðu á þau gufa því sem næst upp í dögun

Angela Merkel kemur því svo gott sem tómhent heim og þar bíður hennar fundur með bæverska leiðtoga CSU og innanríkisráðherra Þýskalands. Enginn veit hvað gerist næst. Þetta er jú ESB, þar sem ekkert virkar. Lafir Merkel áfram eða ekki. Það veit enginn enn

Hart-Brexit er nú byrjað að tifa undir þýska iðnaðinum á jörðu niðri. Það nær brátt upp í loftslög leiðtogaráðs Evrópusambandsins. Staðreyndum á jörðu niðri þarf ekki að breyta þegar þær einu sinni hafa myndast, og breytt landslaginu. Aðlögun fyrirtækja að hörðu Brexit hefur þegar að miklu leyti farið fram. Andlit leiðtoga ESB eiga hins vegar eftir að aðlaga sig. Og enginn veit enn hvernig þau munu líta út á eftir, nema alveg hroðalega verri en þau líta út í dag

Fyrri færsla

ESB: Albanía tekin í skammar-notkun á ný?

ESB: Albanía tekin í skammar-notkun á ný?

ESB

Það sovéska gerist í dag að Leiðtogaráð Evrópusambandsins (European Council) kemur saman til að reyna að bjarga kanslara Þýskalands frá drukknun. Ef ráðinu tekst ekki, og henni til handa, að kúga fram einhverja "lausn" á innrásarvandamáli ESB, þar sem milljónir manna flæða inn, í boði Merkels, þá mun innanríkisráðherra Þýskalands og leiðtogi CSU-flokksins í Bæjaralandi, sem er í bandalagi með CDU-flokki Angelu Merkels, nota ráðherravald sitt til að vísa hælisleitandi fólki frá við þýsku landamærin og skella þeim í lás. Og það þýðir að Angela Merkel kanslari verður annað hvort að reka innannríkisráðherrann og þar með leysa flokksbandalag CDU og CSU upp, eða sjálf segja af sér

ESB

Sovétráð Evrópusambandsins með Merkel sem aðalritara í fráfararbroddi, reyndi að múta Albaníu til að halda sér sjálfri áfram sem kanslara í stólnum. Hún bað Albaníu um að hýsa flóttamannabúðir í sínu landi til að létta róður sinn gegn þýsku þjóðinni heima. Og þar sem Albanía er umsóknarríki inn í nýja Evrópusovétsambandið, þá hélt Merkel að Albanía myndi segja já til að fá flýtimeðferð inn í sambandið. En þessu þverneitaði Albanía. Og þess utan sögðu Frakkland, Holland og Danmörk nei við því að hefja innlimunar-aðlögunar pyntingar á Albaníu og Makedóníu inn í ESB, því löndin væru ekki nógu sterk til þola aðlögunar-innlimun í pyntingarklefum Evrópusambandsins. Og svo einnig vegna þess að ESB ætti ekkert erindi niður Balkanskagann, öryggis síns vegna, sem er ekki neitt, eins og sést hér að ofan, þ.e. Þýskaland er í landamæradeilum við sig sjálft og á nú á hættu að balkaníserast líka. Þetta mál er allt mjög furðulegt, því stutt er síðan að ESB sagði að þessi lönd á Balkanskaganum væru ekki einu sinni í Evrópu og ESB þyrfti því ekkert að aðhafast vegna styrjaldar þar. Bandaríkin máttu því koma fljúgandi yfir hálfan hnöttinn til að bjarga þar málum sem ESB yppti bara fullkomlega getulausum öxlum sínum yfir

ESB

Þetta er gruggug staða því Grikkland og Makedónía stríða um réttinn til nafnsins Makedónía. Grikkir segja að fólkið í landinu sem kallar sig Makedónía núna sé að miklu leyti slavar og ekki það fólk sem Alexanders Mikli réði yfir og hafi því engan rétt til að kalla land sitt Makedóníu, því það nafn tilheyri að miklu leyti Grikkjum. Grikkir gera því tilkall til nafnsins Makedónia. Málamiðlun var víst fundin segja aðilar málsins. Kalla átti Makedóniu fyrir Lýðveldi Norður-Makedóniu og að það myndi ganga í ESB undir því heiti. En fólkið á jörðu niðri í báðum löndum er þessu algerlega andsnúið og er því þetta svo kallaða samkomulag vel á veg komið með að draga rauða dregilinn undan ríkisstjórnum Makedóníu og Grikklands og kannski ríkisstjórn Albaníu líka, vegna nálægðar hennar við málið, þar sem fjórðungur íbúa Makedóníu eru Albanir í landi sem er blanda af múslímum og rétttrúnaðarkristnum mönnum. Heilar þrjár ríkisstjórnir eru því mögulega að falla í einu - og fjórar ef ríkisstjórn Merkels sundrast líka. Hvorki meira né minna. Hér er enn eitt samsærið á ferðinni gegn fólkinu, til þess að elítan á rauða dreglinum í tveimur löndum geti gengið í ESB. Þannig að Merkel tókst ekki einu sinni að múta Albaníu með sérmeðferð, gegn því að hún fengi að geyma innrásarliðið inn í ESB þar, í flóttamannabúðum. Sem bónus fengi hún að hanga aðeins lengur í kanslarasætinu. Þannig að dagurinn í dag gæti orðið enn meira spennandi en í gær, þar sem Þýskaland var sent burstað út af knattspyrnuvellinum

ESB

En annað ESB-skemmtilegt er einnig að gerast á öðrum skaga ESB-veldisins, því á Íberíuskaga er nýr forseti Katalóníu að hitta nýjan forsætisráðherra Spánar til að biðja hann um leggja blessun sína yfir nýja þjóðaratkvæðagreiðslu þar sem borgurum Katalóníu gæfist tækifæri á að segja sig aftur úr Spáni, því hin atkvæðagreiðslan lenti með fullum vilja Madríd í bankahólfi Spánar í Brussel

ESB

Svo nú getur Albanía aftur fengið sinn gamla skammarkrók, en í nýjum litum. Búast má við að forherðing Spánar haldi áfram þar til allt logar á ný. Og svo er það Bæjarland, sem liggur upp að Austurríki, og innri landamæri Þýskalands. Við skulum ekki minnast á Saxlandið góða, höfuðvígi AfD, sem fékk 27 prósent atkvæðanna þar í síðustu kosningum, en flokksbandalag CDU/CSU aðeins 26,9

ESB

Og þar sem Angela Merkel sagði Austur-Evrópu (sem kvartaði undan því að fá ekki að vera með þegar innrásarmálin inn í sambandið voru rædd í fyrradag) að það væri ekki alltaf hægt að hafa alla með þegar ESB þyrfti "að komast áfram", þá má með hundrað prósent öryggi ganga út frá því að sambandið haldi áfram að ganga frá sér sjálfdauðu

Og í ábæti fær Þýskaland líklega Donald J. Trump í föstu formi í gegnum Nordstream-2 leiðsluna, en ekki jarðgas frá Pútín og Schröder, eins og gert var ráð fyrir. Trump virðist vera að steypa járnbentan tappa fastan í allt það hroðalega makkverk

Fyrri færsla

Styrmir spyr til ormanna í München

Styrmir spyr til ormanna í München

Mynd: Sir Anthony Eden. Að ganga í eins konar sambandsríki á meginlandi Evrópu er hlutur sem við í breskum beinum okkar vitum að við munum aldrei getað gert. Framtíðarsaga Bretlands liggur langt handan meginlands Evrópu, sagði hann

Sir Anthony Eden, þá utanríkisráðherra og síðar forsæisráðherra Stóra-Bretlands, sagði í ræðu sinni í Columbia-háskólanum í New York í janúar 1952 að: "If you drive a nation to adopt procedures which run counter to its instincts, you weaken and may destroy the motive force of its action...You will realise that I am speaking of the frequent suggestion that the United Kingdom should join a federation on the continent of Europe. This is something which we know, in our bones, we cannot do...For Britains story and her interests lie far beyond the continent of Europe"

****

"Ég hef hitt þá og þeir eru ormar" sagði Hitler um Neville Chamberlain og lið hans eftir fundinn í München. "Ef ég hitti hann aftur þá mun ég stökkva og berja hann með sinni eigin regnhlíf" sagði hann líka

Til hvers ætti maður að kaupa sér tíma, Styrmir? Tíma til hvers? Tíma til að láta berja sig? En það var það sem Neville Chamberlain gerði. Hann og Frakkland keyptu og gáfu þar með Hitler tíma með því að standa ekki í allar fætur. Hefði Winston verið forsætisráðherra þá hefði Hitler aldrei þorað að gera það sem hann gerði. Og hann gerði það algerlega í óþökk þeirra sem stjórnuðu þýska hernum. Þú ert brjálaður að ætla að ráðast inn í Frakkaland!, sögðu þeir. Ekki gera það, því slíkt er brjálæði sem kostaði okkur milljónir mannslífa og við komumst aðeins 100 kílómetra þá

En Hitler hafði ákveðið sig, vegna einmitt þess að hann sá að þeir voru ormar sem myndu ekki berjast; þrátt fyrir miklu betri heri, hergögn og flest. Hann réðst því inn í Vestur-Evrópu og tók hana alla með svo gott sem engu, nema þá kústsköftum miðað við það sem Bretland og Frakkland höfðu. Þetta hefði aldrei getað gerst ef að Winston S. Churchill hefði verið forsætisráðherra Bretlands þá, því hann var ógn, en ekki regnhlíf. Hann var kallaður "stríðsóður glæframaður sem enginn ætti að hlusta á" - skrifaði danska dagblaðið Politiken nokkrum dögum áður en nasistar hertóku Danmörk á einum degi. Þar missti blaðið þriðjung áskrifenda sinna og beið þess aldrei bætur

Það sama hefði gerst ef toppur Sjálfstæðisflokksins hefði staðið í lappirnar í Icesave. Þá væri hann stærstur í dag, en ekki regnhlíf. Aular? Þeir (toppur xD) keyptu sama eðlis áróður og Chamberlain keypti um Versalasamninginn, sem þrátt fyrir allt var mjúkur barnamatur miðað við það sem Þýskaland ætlaði öðrum ríkjum á þeim tíma

Að loknum dauða 70 milljón manna í Síðari heimsstyrjöldinni, sat Bretland eftir sem hetjudáð hins siðmenntaða heims. Það var eina landið sem barðist frá fyrsta degi til hins síðasta dags styrjaldarinnar. Það var eina landið sem fór í stríð af prinsippsástæðum (take that xD). Það fór í stríð vegna bandamanns síns; Póllands. Og Bretland framleiddi meiri hergögn en Adolf Hitler tókst að kreista út úr landsvæði sem svarar til Evrópusambandsins í dag. Betri skriðdreka, betri flugvélar og betri skip og betri vélar. Bandaríkjamenn fengu stórkostlega hernaðartækni að láni frá Bretlandi, vegna þess að þau tvö ríki voru lýðræðisríki sem treystu hvort öðru, öfugt við einræðisherraríkin, sem treystu engum og sviku alla. Samvinna varð því mikil á milli Bretlands og Bandaríkjanna. Hagkerfi Bretlands var sett á stríðsfót engu líkt, að Bandaríkjunum einum frátöldum. Og það afkastaði ofboðslega, enda fólkið frjálst og barðist fyrir frelsi sínu og annarra, þar á meðal okkar Íslendinga

En að loknum þessum sex árum sem Bretland barðist af snilld og með lágmarksmannfalli, sem er dyggð í stríði, í stað slátrunarmistaka 1914-18, kom landið því sem næst gjaldþrota út úr hildarleiknum. Það skuldaði ofboðslega, enn meira en það sjálft átti útistandandi af stríðsskaðabótum hjá öðrum. Þið vitið hjá hverjum. Pax Britannica var því "búið að vera", héldu allir þá, þrátt fyrir að Bretland væri eina stórveldið í Evrópu. En svo var ekki. Bandaríkin voru alls ekki tilbúin að taka á sig það heimshlutverk sem Bretland hafði á höndum víða um heim. Marshallaðstoð Bandaríkjanna til Bretlands fór því ekki í að endurreisa lif bresks almennings, eins og gerðist á meginlandinu, heldur í borga skuldir og aðstoða Bretland við að gegna áfram hernaðarhlutverki sínu um allan heim, því án styrks og reynslu Bretlands yrði ekki um neina endurreisn neins staðar að ræða (Bretland var þá að nota 8 prósent af landsframleiðslu í varnarmál eftir að "friður" komst á). Það skildu Bandaríkin í einum skínandi dollara hvelli, er bresk stjórnvöld hringdu Vestur um haf í febrúar 1947, til að segja Washington frá því að breska ríkisstjórnin myndi hætta að geta fjármagnað Grikkland gegn yfirtöku kommúnisma, þann 31. mars, eftir tvo mánuði, því peningarnir í breska ríkiskassanum væru einfaldlega búnir. Þá var Bretland byrjað að senda peninga Vestur um haf og þurfti að eiga fyrir þeim. Matarskömmtun lauk ekki fyrr en árið 1954 hjá breskum almenningi og varla er enn lokið við að reisa það við sem þýski herinn fljúgandi á eldsneyti frá Stalín, sprengdi í tætlur í Stóra Bretlandi. Skilaboðin frá Lundúnum um Aþenu ólu næstum samstundis af sér Truman-regluna (d. doktrin) frægu, sem leikmenn kalla start-skot Kalda stríðsins

En Bretland fór samt illa út úr þjóðnýtingarsósíalisma Verkamannaflokksins eftir stríð og því stjórnarfari hans sem gerði útaf við stóran hluta breska iðnaðarins. Því miður. Það var ekki fyrr en kaupmannsdóttirin og barónessa Margaret Thatcher komst til valda að friðþægingunni við sósíalismann að austan lauk í Bretlandi. Og þar að auki ýttu Bandaríkin um tíma Bretlandi út í horn, síðar í Kalda stríðinu, til að þjónkast meginlandi Evrópu

Það er svo eftir rugludöllum samtímans að krati eins og Tony Blair vill að Bandaríkin komi allt í einu og "bjargi Evrópusambandinu" í dag. Mikið skilur sá maður lítið, því Winston S. Churchill og eftirkomendur hans ætluðu Bretlandi ekkert hlutverk í Evrópusambandinu sjálfu, ef svo ólíklega færi að til yrði væg útgáfa af því. Churchill benti aðeins á leið sem gæti forðað meinlandi Evrópu frá því allra allra versta sem steðjaði að því í rústum þess þá og næstu árin. Hann hafði alls enga fullkomnun í huga þegar hann minnist á að viss sameining eða samþætting gæti gagnast. Aðeins var um björgunaraðgerð að ræða að hans hálfu, sem bjarga átti meginlandinu frá dauðanum í rústum þess - og frá Stalín. Það var til dæmis erfitt að koma aðstoð til landa sem höfðu ekki gengisskráningu sem endurspeglaði vissan efnahagslegan veruleika. Enga praktíska reiknieiningu sem hægt var að nota

Tony Blair skilur ekki ormana í Burssel. Hann skilur ekki að Bandaríkjunum er orðið illa við Evrópusambandið vegna þess að það er að eyðileggja Evrópu. Hvorki meira né minna. Þau sjá að sambandið er að sundra Evrópu og að það hefur ekki leyst þau vandamál sem fylgja því að vera til. Svo endilega gala þú nú, mister Blair. Washington hlær og hún skilur bara enn betur en áður um hvaða sjúkdóm er að ræða, er hún sér þig, gala. Það sem Bandaríkin sjá og skilja er að Þýskaland er orðið Evrópu stórhættulegt. Það skilja þeir og sjá. Þeir sjá líka allt hitt. Sjá til dæmis hvaða mann Maastricht og EMU hefur að geyma

Svo nú vinna Bandaríkin að áætlun sem miðast við Evrópu eftir ESB. Hvernig hún verður og hvernig hún virkar eftir ESB. Því Evrópa í klónum á Evrópusambandinu virkar ekki, allra síst fyrir friðinn í álfunni né heldur fyrir viturlegt valdajafnvægi sem gagnast löndunum best

Stóra-Bretland mun líklega spila stórt hlutverk í nýrri strategíu Bandaríkjanna fyrir Evrópu. Og Ítalía líka. Enn er ekki ljóst hvar Frakkland mun standa eftir tvístrun ESB. En í Austur-Evrópu er Charles de Gaulle kominn til valda í mörgum löndum og sá hluti álfunnar verður nýtt varnar- og efnahagssvæði. De Gaulle datt heldur aldrei í hug að gefa fullveldi Frakklands frá sér til ESB-útópíuveldis. Þess vegna er hann kominn til valda í löndum Austur-Evrópu, sem verða líklega Intermarium með Pólland sem nýja Bonn. Í dag hefðu hálf-sovéskir blaðamenn Vesturlanda kallað De Gaulle "fasískan leiðtoga" eða hafandi "fasíska framkomu"! Já þeir eru orðnir blaða-ormar

Sem sagt: München er komin á landakortið á ný. Ekki beint sem ormar, en hún hreyfist samt. Hún er að splitta Þýskalandi í innvortis norður-suður pólitískan gjörning. Bæverska CSU er við það að fella CDU-kanslara Þýskalands úr sæti og hótar að rjúfa berlínarbandið, með því til dæmis að boða sína bæversku pólitík á landsvísu, og afneita berlínarpólitík Merkels. Bæverska útgáfan af íhaldsflokki er búin að fá nóg af Þýskalands-eyðileggingum Angelu Merkels. Þetta kemur væntanlega í ljós á næstu dögum og vikum. En tvöfalt bang bíður Þýskalands til að byrja með; Berxit og Trump

Fyrri færsla

Eyðileggingarafl Merkels að sökkva Þýskalandi 

Eyðileggingarafl Merkels að sökkva Þýskalandi

Í nýrri skoðanakönnun Insa myndi bæverska CSU-útgáfan af íhaldslokki fá 18 prósent fylgi á landsvísu ef hann losaði sig við CDU-flokk Merkels. Slíkt blýbákn er flokkur Merkels orðinn fyrir íhaldsmenn sem varðveita vilja þýska menningu og Þýskaland. Flokkur Merkels myndi sjálfur ekki fá nema 22 prósentur. Bandalag þessara flokka mælist hins vegar með 29 prósentu blýfylgi, þ.e. fyrir neðan allar hellur hins þekkta, og nálgast nú ormabeltið

Angela Merkel hefur lagt í rúst þann draum þýskra manna að fá að lifa bærilegu lífi meðal jafningja í Evrópu. Hún neitar að verja land sitt, sama hvert litið er. Hún fyrirlítur Bandaríkin og NATO og ryksugar ESB-ríkin. Hún tortímir menningu Þýskalands og segir áhyggjufullum Þjóðverjum bara að lesa í bók í stað þess að verja allt það mikilvægasta sem menning Þjóðverja hvílir á

Konan er svo DDR-löskuð að hún á á hættu að vekja upp gamlan draug. Hún er á góðri leið með að verða sá Versalasamningur sem notaður var sem pólitískar eldspýtur síðast. Angela Merkel mun renna inn í söguna sem öflugasta tortímingarafl Evrópu á 21. öld

Kaflaskipti hafa nú orðið meðal Þjóðverja. Og þau eru ekki lítil. Það hlaut að koma að þessu, því þannig virka þjóðsvika-stjórnmál Evrópusambandsins á heilbrigt fólk, þegar upp er staðið. Spennið beltin

Fyrri færsla

Angela Merkel fékk 14 daga

Angela Merkel fékk 14 daga

Pólitísku lífi Angelu Merkel er lokið

Kanslara Þýskalands, Angelu Merkel frá DDR, var af Horst Seehofer innanríkisráðherra sameinaðs Þýskalands, og eftir mikið þras, veittur 14 daga frestur til að koma heim með sameiginlega lausn á landamæravandamáli 27 ríkja Evrópusambandsins, og sem gagnast Þýskalandi, er lýtur að flökku,- flótta,- og farandfólki sem Merekl án umboðs bauð velkomið, til meðal annars Þýskalands

Ákvörðun hennar er nú sprungin út í Þýskalandi og víðar. Íbúum 27 landa hafði í 23 ár verið sagt að Schengen-sáttmála-bastarður ESB myndi gæta landamæra ríkjanna allra. En það hefur Schengen ekki gert og er því innanríkisráðherra Þýskalands að grípa til sinna ráða. Seehofer er leiðtogi CSU-flokks Bæjaralands, sem er í flokksbandalagi með CDU-flokki Merkels þar og annars staðar í Þýskalandi

Horst Seehofer veitti Merkel þennan frest eftir að hafa hótað að beita framkvæmdavaldi sínu við öll landamæri Þýskalands, til að knýja þar á um að flökku,- flótta,- og farandfólki yrði snúið við við landamærin, til þess lands sem það skráðist inn í

Merkel fékk sem sagt sinn 14 daga frest. En nú hefur Horst Seehofer sett kanslara Merkel nýja afarkosti. Snúi hún ekki til baka með það sem hann og flokkur hans vill, þá mun hann beita framkvæmdavaldi innanríkisráðherrans og vísa fólki burt við landamærin. Merkel kanslari segir að þá muni hún reka hann með því að beita sínu framkvæmdavaldi og ógilda hann, og er ríkisstjórn Þýskalands þá sprungin. Sem sagt; hún hefur þegar hótað að reka hann. Þar með myndi Angela Merkel hafa tekið tappann úr ríkisstjórn Þýskalands á þeim forsendum að hún ætlist til þess að ríkisstjórnin og þingmenn haldi áfram að vinna gegn hagsmunum þjóðarinnar, eins og hún. Já eins og hún

Mælist því flokkur hennar og því miður bandalagsflokksins í Bæjaralandi líka -segir auðvitað CSU- með aðeins 29 prósent! fylgi í síðustu könnun, þar sem ríkisstjórnarflokkarnir fá aðeins 48 prósent saman. Gufuvélin í ESB höfðar ekki einu sinni til helmings kjósenda í "aflvél" ESB-rekaldsins. Og fyrir löngu er dautt á ljósavélinni. Allir neyðast því til fálma sig áfram í Evrópusambandinu og þannig hefur það verið frá því að árið 2008 tók allt heila stellið út, eins og spáð var

Á þessu veganesti úr kassa Merkels mun kosningabarátta CSU hefjast í Bæjaralandi, því þar er kosið til þings þann 14. október. Og AfD verður þar í framboði líka og mælist hann nú næst stærsti flokkur Bæjaralands. Í kosningunum 2013 fékk CSU 47,7 prósent atkvæða. Mistakist innanríkisráðherranum að gæta landamæra Bæjaralands enn meira en orðið er, og Þýskalands líka, þá er hætt við að AfD taki frá honum völd í frjálsum kosningum, því hver er að verða síðastur að bjarga því sem bjargað verður í Þýskalandi og Evrópusambandinu, sem orðið er fljótandi kirkjugarður fullur af strönduðum skipum, með alla farþegana enn um borð. Stjórnlaus skipin eru þegar byrjuð að rekast á

Hvert það foreldri sem tekur ekki barn sitt heim úr leikskóla með alla starfsmenn hans fullkomlega ábyrgðarlausa og útópíska, getur aðeins sjálfu sér um kennt þegar barn þess ferst. Það er þessi staða sem við sjáum í Evrópu núna. Íbúarnir í löndum sambandsins eru, og með réttu, orðnir svo hræddir, að næsti bær við móðurástina, þ.e. þjóðernis- og ættjarðarástin, slær sjálfkrafa inn

Ókjörnum og umboðslausum starfsmönnum Evrópusambandsins er ekki treystandi fyrir annarra þjóða börnum. Hvorki í Evrópusambandi, Rómarríki, Assýríuveldi, Sovétríki né Egyptalandi. Að öðrum kosti er það útgangan úr þess lags misfóstrum og þrælaríkjum sem bíður, fái stjórnmálamenn ekki heyrnina á ný. Björgunarbátar þjóðanna eru ávallt þjóðríkið og landamæri þess. Þeir sem kunna ekki þá Biblíulegu staðreynd, kunna lítið og jafnvel ekkert

Togi Merkel tappann úr þýsku ríkisstjórninni mætir hún til næstu kosninga sem hinn vondi, en Bæverjinn sem hinn góði. Þannig er nú það. Rétt er alltaf rétt og rangt er alltaf rangt, sama í hversu fögrum umbúðum vontið kemur

Evrópusambandið er búið að vera. Öll lög þess eru af hinu vonda, því þau eru samsæri gegn þjóðunum. Það eru ekki bara bankar sem eiga að veita góð lán. Þingmenn eiga líka að setja góð lög. Það er alger lágmarkskrafa, því annars spörkum við kjósendur ykkur út, sem gjaldþrota óreiðumönnum. Lifið og starfið samkvæmt því sem þið krefjist af öðrum

Fyrri færsla

Þjóðhátíðardagur Íslendinga 17. júní 2018

Þjóðhátíðardagur Íslendinga 17. júní 2018

****

Í dag get ég gert mér glaðan dag á þessum merka degi, þökk sé forfeðrum okkar. Lítið er að sækja til núverandi stjórnvalda og þingmanna í þeim efnum á þessum merka degi í dag. Margir stjórnmála- og embættismenn þjóðarinnar virðast komnir á sama bás og þeir voru, er Jón Sigurðsson ritaði þetta hér:

****

****

Þetta er ekki nógu gott

Ég óska okkur íslensku þjóðinni til hamingju með að vera fullvalda, sjálfstæð og frjáls. Slík er ekki sjálfsagt á neinn hátt, eins og sést svo greinilega í dag

Fyrri færsla

Þýska ríkisstjórnin gæti fallið á næstu dögum