Lóðabraskarar jósku Samfylkingar-heiðanna auglýsa

Vegna snjóflóða á Flateyri hafa enn á ný birtst auglýsingar úr Samfylkingarbönkum Íslands um lausar og ódýrar lóðir á jósku heiðunum. Uppgjafarmiðstöðvar þessar opna alltaf útibú sín þegar eitthvað bjátar á hér í okkar eigin landi. Opna þær þá undir slagorðum eins og "Já Ísland" eða "Við erum sammála" (les. Ónýta Ísland og Niður með Ísland)

Hvergi væri byggð á Íslandi réði þetta fasteignafélag einhverju hér á landi. Það verður að segjast eins og er

Ég vona að Flateyringar hlusti ekki á þennan aftansöng úr bakhluta uppgjafarmiðstöðvarinnar, sem er eini hlutinn sem öll sú miðstöð gerð er úr. Öll hennar skip liggja því enn sem fúnar fjalir á sjávarbotni við norskar strendur. Þau komust aldrei úr kafinu

Áfram Flateyri!

Fyrri færsla

Verður þetta Skotland sjálfstætt?

Verður þetta Skotland sjálfstætt?

Mynd, Wikipedia: niðurstaðan úr síðustu þjóðaratkvæðagreiðslu Skotlands um sjálfstæði, sem fór fram undir þeim formerkjum árið 2014 að engin önnur slík kæmi á dögum núlifandi kynslóða. Niðurstaðan varð nei. Myndin sýnir niðurstöðuna á myndrænan hátt eftir umdæmum. "Við viljum ekki", sögðu Skotar um allt land, nema náttúrlega hin nýlega grænmálaða bréfalúga-101 í Glasgow

****

Eins og myndin hér að ofan sýnir, er það aðeins 101-paprikufélag menntamanna í Glasgow sem heimtar að fá umráðarétt yfir öllu Skotlandi, svo að viðurstyggðarfélag það geti hent því inn í þrotabú Evrópusambandsins og framið endalegt sjálfsmorð á landinu sínu Skotlandi. Um er að ræða geopólitískan skollaleik, sem Evrópusambandið hottar áfram og ýtir undir

Nú er öllum að verða ljóst stærsta fjármálamiðstöð veraldar, sú breska, mun ekki sækjast eftir neinu nema í mesta lagi minniháttar viðskiptasamkomulagi við Evrópusambandið, því að bæði stjórnvöldum landsins og sjálfum fjármálageiranum er ljóst, að víðtækur viðskiptasamningar við Evrópusambandið myndi drepa þann geira og ræna frá honum hinu allra-heilagasta; þ.e. sjálfstæðinu (eins og gerðist í EES), sbr. nýleg ummæli Englandsbankastjóra

Öllum er orðið ljóst að sá mikilvægi geiri mun ekki lifa það af að úthýsa laga- og regluverki sínu til sköpunar- og ákvarðanatöku í útlöndum, eins og Sjálfstæðisflokkurinn sá um að fremja hér heima á raforkukerfi- og gagna- og persónuupplýsingavörnum Íslendinga, sem er hið fullkomna misfóstur í dag, enda um sovéskt fyrirkomulag að ræða

Sjálfstæðisflokkurinn er því sennilega búinn að grafa sína eigin gröf, og reynir að taka allt Ísland með sér í fallinu. Það var þetta sem drap íslenska bankakerfið; þ.e. að laga og regluverki þess var úthýst til bjánaveldis í skeinispappírslandi Brussels

Boris Johnson hefur það um bröltið í 101-Glasgow að segja, að Bretar samþykktu á sínum tíma að Skotland yrði hluti af Bretlandi. En þar sem enginn Skoti nema paprikuelítan í Glasgow vill fara, þá mun Skotland ekki verða sjálfstætt ríki. En fari það hins vegar, þá verður Skotland áfram ósjálfstætt ríki því borgararnir vilja ekki fara. Sjálfstæði þjóða snýst ekki um það hvort að einhver gefi því grænt ljós eða ekki. Þjóðir taka sér sjálfstæði og berjast oftast fyrir því með vopnum, sé þjóðarsamstaðan bjargið sem byggja á sjálfstæði landsins á. Enginn Skoti mun vígbúast, nema þá helst gegn 101-paprikunum í Glasgow. Þannig mun landið liggja um alla framtíð fari Skotland út Bretlandi; það verður nýtt Norður-Írland, þar sem hryðjuverk verða stærsta útflutningsvara paprikufélagsins í Glasgow

Samkvæmt hugmyndafræði paprikufélagsins í Glasgow, þá gætu Hjaltlandseyjar og Orkneyjar sagt sig úr Skotlandi og lýst yfir sjálfstæði og síðan gengið í Ísland, og þar með búið til særstu landhelgi jarðar. Svona svipað og Tyrkland og systurklofningurinn í Líbýu eru að gera í dag. Þetta yrði auðvitað uppskriftin að hinum "eilífa friði" hins heilsteypta skrifborðspáfaveldis, alveg eins og í ESB, ekki satt. Svo kæmi út ný evra, undir nafninu lirfa

En kannski er besta hugmyndin sú að Glasgow-elítan mæti á borgarstjórnarfund hjá gorgonsólaveldi Samfylkingarinnar í Austur-Berlín Reykjavíkurborgar, því þar á borðum liggur uppdrátturinn að sjálfu Borgríki Reykjavíkur –hvorki meira né minna– og sem ræddur hefur verið á fundum þar. Loftbrúin til Vestur-Berlínar 1948 gekk nefnilega svo vel

Fyrri færsla

Kommaklúbburinn vill miðstýrt Ísland

Kommaklúbburinn vill miðstýrt Ísland

Áköll kommaklúbbsins í Reykjavík um "einfaldara Ísland" er ákall um einn einfaldan miðstýrðan EsbSovét út í glórulausa útópíu, sem ágætlega kom fram í viðtalinu við Árna Bergmann í Mogganum um helgina. Meira að segja það viðtal var ekki einn einfaldur, því það var á þremur blaðsíðum

Viðtalið við Árna opinberaði hvers vegna pólitísk átök hér heima snérust um baráttuna við vindmyllur. Friður er nefnilega innansviga fyrirbæri í mannkynssögunni eins og Plató benti á. Stríð er hið eðlilega ástand mála og sá háttur sem ríki jarðar hafa notað í allri sögu mannkyns til að stilla og aðlaga sig sjálf og önnur ríki jarðar að staðreyndum lífsins. Þess vegna varð Ísland að hafa her í landinu frá og með Síðari heimsstyrjöld. Og eðli kommúnismans samkvæmt, þá kom sovéski herinn ekki til greina og heldur ekki systurher hans í Þriðja esb-ríki Hitlers-sósíalismans, undir stjórn herra miðstýrðs. Þess vegna voru breski og bandaríski herinn með fasta og verndandi viðurvist hér á Íslandi. Íslendingar vildu einfaldlega ekki miðstjórn alræðisins, nema náttúrlega hinn aldarvissi litli klúbbur kjána frá Örófi alda

Auðvitað vildu allir vera lausir við stjórnmálamenn, en þannig virkar heimurinn bara ekki í praxís. Her er pólitísk eining og þjóð er hin grunnpólitíska eining (e. unit) í veraldarhafinu

Þessu afneita útópíusinnar Íslands áfram eins og sést á ESB-sovésku miðstjórnarákalli þeirra á gorgonsólavappinu um götur Reykjavíkur; á max 10 km vernduðum ógnarhraða, sem er 5 km meiri hraði en ljósið ferðast á í klúbbnum sem barðist við vindmyllur, og enn er að, eins og sést

En nú erum við orðin nógu stór, fjölmenn og rík til að stofna íslenskt varnarlið sem haldið gæti stöðunni og stuggað burt eitruðum flygildum úr lofthelgi okkar Íslendinga, þar til aðstoð Bandaríkjanna berst. Það er þetta sem kommaklúbbur miðstjórnarmanna í Reykjavík á að einbeita sér að

Með þessu áframhaldi mun miðstjórnarklúbburinn í Reykjavík koma að sjálfri Landnámu innan skamms, og heimta að það kvótakerfi yfir jarðnæði á Íslandi verði leyst upp og Ísland gert að einni miðstýrðri jörð, sem fá mun heitið Samyrkjubúið mikla. Þar mun hver kommamaðurinn um annan veltast um á því sem áður voru jarðir annarra, þar sem heitasta ósk allra verður sú að aldrei finnist eitt einasta bláber á hinni sameiginlegu jörð komma

Takið ykkur vinsamlegast saman. Enginn nema gorgonsóli á götum Rykkjavíkur hefur áhuga á að láta ykkur né ykkar líka um hvorki sveitir landsins né jarðirnar á fiskimiðunum (kvótana). Það besta sem þið gætuð hins vegar gert er að leysa kommaklúbbinn ykkar upp og taka þátt í Íslandi sjálfstæðra manna

- Gunnar er þjóðaríhaldsmaður frá Siglufirði 

Fyrri færsla

Aðeins tímamunur á ISIS og klerkaveldi Írans

Segir kvótakerfið brot gegn íslensku samfélagi

Aðeins tímamunur á ISIS og klerkaveldi Írans

Klerkaveldi Írans er aðeins –ef yfir höfuð nokkru– hænufeti frá því að samsama sér með ISIS, eða Ríki íslams. Klerkaveldi Írans hefst við í ríki sem nýtur réttinda samkomulagsins um fullveldi ríkja, sem kennt er við Vestfalíufriðinn 1648. En á sama tíma vinnur það að því að tortíma því fyrirkomulagi fullvalda ríkja heimsins

Það rekur ekki bara ríkisher eða landvarnarlið, heldur rekur það líka sérstakan byltingarherafla sem starfar við að flytja út byltinguna sem leggja á fyrirkomulagið um fullvalda ríki frá 1648 í rúst. Ekkert hefur lýður landsins um neitt að segja í þessu hryllingsbæli. Hann er miskunnarlaust tekinn af lífi í sínu eigin ríki af byltingarvarðliðinu sem viðhalda- og flytja á út tortímingu Vesturlanda

Að vitsmunalega örkumlaðir vinstrimenn á Vesturlöndum skuli halda andlegum verndarvæng yfir þessu skrímsli, sem gert er sérstaklega út til að tortíma því sjálfu, er ekki bara inngróin heimska úr grútmygluðu forðabúri kommúnismans, heldur vitsmunaleg örkumlun sem aðeins líberalistavængur sósíalismans er fær um að koma heilabúum manna í. Aðeins þannig leppalúðar taka þetta ríki sem góða og gilda vöru

Það fór því vel á því að Bandaríkin skyldu taka úr umferð útflutningsstjóra tortímingar á fyrirkomulagið frá 1648. Hann var réttdræpur hryðjuverkamaður sem herjaði á önnur ríki og sitt eigið fólk, og drap það í bunkum, eins og aðeins vígamenn Ríkis íslam gera. Hann var útflutningsstjórinn sjálfur og hafði ekkert með sjálfsvarnarlið eða her Írana að gera

Ef að betri menn hefðu ekki ráðið niðurlögum ISIS, þá væru stórir hlutar Íraks og Sýrlands á valdi manna eins og hans; í nýju morðríki, sem síðan krefðist viðurkenningar hjá því fólki sem ég nefni á nafn hér fyrir ofan

Eini munurinn á klerkaveldi Írans og ISIS er sá að Klerkaveldið kom á undan og lifði lengur en það. Því miður

Fyrri færsla

Tapsgefandi "nýjungar": er verið að skrúfa fyrir heita vatnið?

Segjast hafa skotið vélina óvart niður

Tapsgefandi "nýjungar": er verið að skrúfa fyrir heita vatnið?

Mynd af ísöld: "Dow Jones Industrial Average" vísitalan - sögulegar tölur áranna frá 1965 til 1986. Myndin verður enn verri, eða hin fullkomna hryllingsmynd, sé tillit tekið til verðbólgunnar á þessu tímabili, sem var mikil. Ekkert gerist fyrr en að fyrstu persónulegu-tölvunar-fyrirtækin sem byggja allt sitt á örgjörvanum, eru í þann mund að koma á markað í kringum 1980-1982. Þarna dó 50-ára hagsveifla bílaiðnaðarins og verður aldrei endurtekin. Bílar urðu "old-tech"

****

Um þessar mundir er hlutfall tapsgefandi nýrra fyrirtækja á hlutabréfamarkaði það sama og það var á hátindi ný-þvælunnar sem fékk nafnið dot.com bólan eða internet-fyrirtækja-bólan frá 1997-2002. Í mars 2000 hrundi þessi bóla og hélt áfram að hrynja fram í október 2002. Talið er að þar hafi brunnið næst mesta misstæða fé í sögu mannkyns, næst á eftir sjónhverfingum evrunnar frá 2001-2008. Svo kallað fólk með "fullu viti" henti sér þá án björgunarhrings í ískaldan sjóinn; til þess eins að komast hjá því að líta út sem gamaldags imbar í augum vina, kollega og "almenningsálitsins". Þannig eru allar bólur; þær snúast um að girða sig af gegn heimsku; á ensku; "hedging against stupidity"; að verja sig gegn því að líta út sem bjáni í augum annarra

Hlutfall tapsefandi nýrra fyrirtækja í hlutafjárútboðum er hvorki meira né minna en 80 prósent í dag. Eða eins og það var á hátindi dot.com bólunnar. Þetta þýðir að átta af hverjum tíu nýjum fyrirtækjum sem sækjast eftir hlutafé á mörkuðum eru rekin með tapi, er þau sækjast eftir fjármunum annarra. Þeir sem þekkja tímana fyrir "hvað er þetta maður, fæ ég ekki fjármögnun", þ.e. tímana þegar maður mætti með að minnsta kosti break/even í bankann til að frá rekstrarlán, vita hvað svona tapsgefandi latína þýðir

En í sjálfu sér þarf slíkt ekki að vera sjálfkrafa "óeðlilegt", því að ný fyrirtæki þurfa kapítal til að geta vaxið upp í arðbæran rekstur. En þannig spilaði úrverkið hins vegar ekki þegar öld persónulegrar tölvunar hófst í kjölfar algerrar stöðnunar við endalok 50-ára hagsveiflu bílaiðnaðarins. Endalok 50-ára bílahagsveiflunnar þýddi 20-ára ísöld á hlutabréfamörkuðum; frá 1965 til 1989. Þau nýju fyrirtæki sem þá lögðu grunninn að persónulegri tölvun, voru ekki eins og þau fyrirtæki sem nú er um að ræða. Þau voru sannarlega brautryðjandi tæknifyrirtæki. Það eru flest nýju fyrirtækin í þessum geira í dag hins vegar ekki. Þau eru old-tech

Vöxtur í framleiðni er að mestu horfinn síðustu mörg mörg árin og það eitt og sér gæti þýtt að 50-ára hagsveifla örgjörvans sé að enda. Heimurinn hefur átt þrjár 50-ára hagsveiflur: Eitt; þegar rafmangið kom. Tvö; þegar bílaiðnaður varð til. Og þrjú; þegar örgjörvinn (tölvun) varð til

Þegar dot.com bólan sprakk, þá man ég aðeins eftir einum hagfræðingi á Norðurlöndum sem trúði ekki á "nýja hagkerfið". Það var Daninn Torben M. Andersen. Restin af sérfræðinga-söfnuðinum söng með og fraus náttúrlega í hel, án þess þó að viðurkenna það. En kannski voru þeir fleiri sem sáu þetta, en þorðu bara ekki að segja frá því, stöðu sinnar vegna. Eflaust

Þá er það næsta stóra spurning; Er 5G, þ.e. fimmta kynslóð þráðlausra víðáttuneta (WAN), jafn mikil þvæla og hin hljóðfráa Concorde farþegaflugvél var? Sú flugvél var fullkomið efnahagslegt fíaskó og flýgur því ekki lengur. Frá því að setja vægni á bíl og betrumbæta "bílasveiflu-hugmyndina" næstu mörgu áratugina –og aldrei að detta neitt nýtt í hug á meðan– er mjög svo sennilega það sem er að gerast með rafbílana og tapsgefandi félagskap svo kallaðra "græningja". Þeir verða sennilega "ný Concorde" á hjólum ásamt 5G-concorde eftir nokkur ár. Og fleira má nefna sem bara tapar og tapar fé í dag; allt byggt á þráðlausum tengingum og þar með á örgjörvum

Þetta er ekki spá, heldur aðeins vangaveltur, með harðfisk og heimagerða kindakæfu í munni. Það er hins vegar –fyrir mig– traustvekjandi að sjá að nýr Ásgeir seðlabankastjóri Íslands er að minnsta kosti með fullu viti þegar hann segir að hagvöxtur á Íslandi geti ekki byggst á lélegasta, leiðnilegasta og verst launaða atvinnugeira veraldar; þ.e. á steikingu erlendra ferðamanna. Það er nefnilega hárrétt hjá honum og hefði þurft að segjast fyrr. Miklu fyrr

Fyrri færsla

Hvað sagði Trump í dag?

Hvað sagði Trump í dag?

Frá vefsíðu Hvíta hússins á YouTube

****

Fyrst að DDRÚV ríkisfjölmiðill vinstrimanna treysti sér ekki til að segja frá því sem er að gerast í heiminum í dag, þá er hér sú ræða sem forseti Bandaríkjanna flutti í morgun, eftir að Íran skaut 15 skotflaugum á bandarísk skotmörk í Írak í gærkvöldi

Vert er að vekja athygli á því að skotflaug (e. ballistic-missile) er ekki það sama og eldflaug. Skotflaugar fljúga að mestu eftir fyrirfram ákveðinni braut og halda sig á henni með aðstoð leiðréttingarbúnaðs. Þeim svipar til byssukúlu. Eldflaugum er hins vegar hægt að stýra

En með því að skjóta 15 skotflaugum og hitta nokkuð vel í mark, en samt ekki um of, sýndi Íran að það er í standi til að hæfa fjarlæg skotmörk af mikilli nákvæmni og að koma miklu magni af eyðileggingarafli á fyrirfram ákveðinn áfangastað. Skotflaugar Írans ná til Evrópu og þær eru með norður-kóreanska tækni innanborðs. En sérstaklega ná þær vel til skotmarka í Ísrael

Íran kaus að nota ekki þau erlendu landsvæði sem eru á valdi þess, sem skotstöðvar. Skotið var beint frá Íran og þar með var ákveðið að gera skotstöðvarnar sýnilegar til þess að ögra Bandaríkjunum til andsvara, sem Donald Trump ákvað að gera ekki

Hvort að Miðausturlönd séu enn miðja einhvers, er vandséð á viðbrögðum markaða. Olíuverð er á ný komið niður í það sem það var um áramótin. Og eftir ræðu Trumps í dag ákváðu þeir að halda upp á aðgerðir og viðbrögð bandaríska forsetans með því að segja skál og fara í allra hæstu hæðir - og Bandaríkjadalur styrktist og olíuverð féll. DXY er vísitala Bandaríkjadals. BRN er Brenthráolían. Og CL er WTI-Texashráolían

Það sem uppúr stendur er það, að frá og með nú eru Miðausturlönd fyrst og fremst miðja vandamála fyrir meginland Evrópu (og jafnvel Asíu). Þau eru ekki lengur miðja vandamála fyrir Bandaríkin. Hið sama gildir um tolla. Þeir eru fyrst og fremst vandamál hinna útflutningsháðu ríkja veraldar, hvort sem um vörur eða byltingar er að ræða. Íran er stærsti útflytjandi íslamískrar byltingar í heiminum, og líf klerkaveldisins veltur á þeim útflutningi. Hann er skær terror eins og einnig var í tilfelli byltingarútflutnings Sovétríkjanna. Trump herti því enn frekar útflutningstollana á byltingarafurð klerkaveldisins í dag

Donald Trump sagði að svo lengi sem hann væri forseti Bandaríkjanna myndi Íran ekki koma sér upp kjarnorkuvopnum. Það erindi Bandaríkjanna er fyrst og fremst við Íran, og það krefst ekki fastrar viðurvistar Bandaríkjanna í heimshlutanum, því þau geta lagt það prógramm allt í rúst úr fjarlægð, og nú án þess að efnahagslíf Bandaríkjanna sé tekið í gíslingu vegna olíuhagsmuna

Fyrri færslur

Missir af Jóni Val Jenssyni

Enginn talar um ESB í Stóra-Bretlandi lengur 

Missir af Jóni Val Jenssyni

Þær fregnir hafa borist að Jón Valur Jensson sé látinn. Af honum er eftirsjá svo um munar, því Jón var hugaður maður. Ég mun sakna skriflegra heimsókna hans hingað. Þar fór maður sem stóð fyrir því sem betra er, þ.e. lífinu sjálfu.

Blessaður sértu Jón Valur Jensson

Andlát: Jón Valur Jensson

Enginn talar um ESB í Stóra-Bretlandi lengur

Mynd WSJ DS 2019; Þáttur hráolíu við framleiðslu á landsframleiðslu Bandaríkjanna. VLF (GDP) => fyrirtæki landsins framleiða landsframleiðsluna og neytendur neyta hennar og þess sem ekki er neytt innanlands er flutt út (12 prósent í tilfelli Bandaríkjanna og helmingur þess fer til Kanada og Mexíkó) eða sparað upp. Hér má sjá hráolíuútflutning Bandaríkjanna frá 1920. Bandaríkin eru orðin stærsti olíuframleiðandi veraldar og eru um þessar mundir að verða nettóútflytjandi af hráolíu

****

Taflan er þurrkuð hrein í Bretlandi. Það eina sem stendur á henni eftir kosningasigur Borisar Johnsons í desember, er breski Íhaldsflokkurinn næstu 10 árin, og endalok 45 ára innri sundrungar og hnignunar í landinu á niðurlægingartímabili Bretlands í Evrópusambandinu í 45 ár. Niðurlægingartímabil þar sem landið var tætt í sundur að innan, misskipting varð landlæg, hroki ESB-elíta varð höfuðborgarplága og lífið gert súrt fyrir hinn almenna borgara, og landsbyggðin lögð í rúst

Enginn þingmaður stjórnarandstöðunnar í Bretlandi né neinn annar talar um og fyrir ESB-aðild og enn síður um EES lengur. Enginn. Allir vita að slíkt er dauðadómur fyrir þá sjálfa og flokk þeirra

Á þessu ári mun Stóra-Bretland gera samninga um stóraukin viðskipti og samvinnu við fyrrum nýlendur þess í Bandaríkjum Norður Ameríku og í Samveldislöndunum. Sem eitt af helstu innflutningslöndum veraldar ásamt Bandaríkjunum, mun þessi samvinna kreista safann úr þeim löndum heimsins sem hve mest eru háð útflutningi; Þýskaland er þar númer eitt ásamt Kína, ýmsum Asíulöndum og Rússlandi. Þessi lönd verða kreist eins og sítróna. Við kaupum ekkert af ykkur nema að því tilskyldu að þið, en ekki við, gerið svona og svona. Þýskaland sækir helming landsframleiðslu þess hjá neytendum erlendis, því það sjálft er svo gott sem búið að vera að innan. Það getur ekki búið til eftirspurn í sínu eigin hagkerfi lengur

Evrópusambandið er þegar fallið svipað og OPEC hefur misst öll völd. Þær fimm prósent verðhækkanir á hráolíu sem urðu í kjölfar atburða síðustu daga í Miðausturlöndum, hafa ekki komið fram á bensínstöðvum í Bandaríkjunum. Þar kostar enn nánast ekkert, miðað við sovétríkið hér heima og ESB-líkhúsin í Evrópu, að fylla tankinn og skoða sig um á Vesturhveli jaðrar, eða bara að fara í vinnuna. Það er aðeins í sovéskum hagkerfum Evrópu að heiladauður Stalín stendur við dæluna og skammtar áhrifalausum peðum sínum hina þekktu rauðu lífshamingju í skattagúlaginu, þar sem ekkert fæst fyrir þá peninga sem hann trylltur tætir úr launaumslagi peðanna

Five-Eyes enskumælandi viðskiptasamband Bretlands, Bandaríkjanna, Kanada, Ástralíu og Nýja Sjálands verður tvöfalt stærra en Evrópusambandið, eða tæplega 30 billjón dalir, og þar verður ekki eitt hár á fullveldi og sjálfstæði landanna skert í nafni viðskipta og hagsældar. Þvert á móti - og engum nema ESB-heilabiluðum manni myndi detta slíkt viðskiptasamband í hug

Fyrri færsla

Krakka-krakkfréttir DDRÚV um stöðu heimsmála

Krakka-krakkfréttir DDRÚV um stöðu heimsmála

Skattpíndur landsins lýður, sem útbreitt og gegn vilja sínum, látinn er greiða stórar summur fjár til þess að halda megi íslensku þjóðinni í greipum eins konar vitsveltandi vinstrimafíu DDRÚV, sem fáir nema áhangendur gömlu Sovétríkjanna kjósa, og hvers áframhaldandi tilvist krefst nýbyggingu heils nýs frétta-sovétríkis í kringum sig á Íslandi –samkvæmt hugmyndum hálfsovéskrar Framsóknarlilju í kringum kjósendur, sem flestir vilja ekki kjósa hana– já, þá fékk sá lýður í gær þau algóðu og hindurvitnandi tass-sannindi úr DDRÚV-fréttasovétríkinu á jötunni, að þingið, já þingið í Írak hefði "samþykkt" að gera Bandaríkjaher "útlægan" úr Írak

Það svo kallaða þing, sem er tímabundið gerviþing sjía-múslíma, vegna þess að Kataib Hezbollah herklíkan sem er bandamaður Quds-herliðsins sem réðst á bandaríska sendiráðið í Bagdað í síðustu viku, hótaði þeim sem kysu gegn henni í þessu máli, öllu illu. Kúrdar mættu ekki til atkvæðagreiðslu og flestir súnní-múslímar létu ekki sjá sig. Atkvæðagreiðslan rétt marði það, og hún var algjörlega óbindandi. Hún fór fram undir til bráðabirgða-sitjandi forsætrisráðherra sem lofað hefur kosningum, svo reyna megi að reisa þingið við því það missti lögmæti sitt í augum borgaranna í fyrra

Þessi atkvæðagreiðsla hefur því ekki neina aðra merkingu en þúsund fréttatímar DDRÚV hafa gegn Samherja, gegn Íslandi, gegn SDG, gegn xD, gegn fullveldi Íslands og þjóðfrelsi okkar Íslendinga, sem DDRÚV virðist fyrirlíta allra mest. Þetta er ógnvekjandi og stjórnarfarslega óverjandi hálf sovésk staða fyrir okkur Íslendinga á 21. öld

Allir minnihlutar Íraks styðja áframhaldandi veru Bandaríkjahers í landinu og þeir eru að minnsta kosti álíka margir og allir sjíta-múslímar í Írak. Bandaríkin eru með fimm þúsund manna herlið í landinu í þágu Íraks og Bandaríkjanna, sem nánast einsömul hafa svarað því stríði sem múslímar lýstu á hendur þeim og öllum Vesturlöndum. Bandaríkin ein hafa staðið á múrnum gegn þessum öflum í næstum 20 ár. Án þeirra væri dauðvona Evrópa í enn verra ásigkomulagi en hún er núna. En þar í álfu ræður tómhyggjan næstum ein ríkjum, allar götur frá því að Evrópusambandið eitraði fyrir álfunni með nýju nýlenduvaldi á heimavelli, því álfan komst ekki lengur út í heim og varð því að láta sér heimanýlendurnar nægja

Það sætir furðu að talað sé um morð þegar einkennisklæddur yfirmaður hryðjuverkasveita þess ríkis sem lýst hefur heilögu stríði á hendur Bandaríkjunum og síendurtekið hótar að þurrka út heilt ríki í nánasta nágrenni þess, er drepinn þar sem hann mátti ekki vera. Já, hinn íranski ríkishryðjuverkamaður var að störfum í Írak. Og samkvæmt samþykkt Öryggisráðs S.þ frá 2007; þ.e. samkvæmt svo kölluðum "alþjóðalögum", var vera hans í Írak algerlega "ólögleg". Hefði hann og hryðjuverkaríkisstjórn hans í Teheran hlýtt þeim lögum, þá væri hryðjuverkahershöfðinginn enn á lífi í dag. En ekki væri það þó betra

Allir vita að án aðstoðar, styrks og getu Bandaríkjahers hefði ekki verið hægt að ráða niðurlögum ISIS og taka Mosul

Bandaríkin munu varla binda sig niður í þessu nánast eilífðar-vandræðasvæði veraldar mikið lengur. Það besta sem þau gerðu væri sennilega að selja báðum aðilum nóg af vopnum þannig að þeir geti gegnið frá sér sjálfir. En þar sem Kína er algerlega háð olíu frá þessum heimshluta þá er aldrei að vita hvað gerist næst, og sérstaklega ekki eftir að Tyrkland, sem sparað hefur saman ferskum kröftum í veraldarhyggju-dulbúningi þess í hundrað ár, er komið út úr skápnum og mætt með ferska krafta sína til leiks. Kannski leysir Tyrkland Vesturlönd af í þessum heimshluta, það skyldi þó ekki vera?

Klessuverk tveggja vesalinga liggur nú sem rúin rúst á tómum borðum líberalismans. Prinsippfast raunsæi tók þá klessu af lífi (PDF). Hér er átt við "kjarnorku-samkomulagið" sem Evrópusambandið og Barack Obama gerðu við klerkaveldi hryðjuverkanna í Íran. Teheran henti því nefnilega í hakkavélina í gær og gáfu heilabú beggja líberalista í því sig svo hratt, að í  Berlín stakkst tunga út um glugga, sem Mike Pompeo sá um leið og sagði að væri sótsvört. Tungur Bretlands og Frakklands voru hins vegar ekki þannig er þær sýndu sig opinberlega í gær. Þær tóku að mestu undir með aðgerðum forseta Bandaríkjanna. Jafnvel þeir sem oft eru kallaðir "flestir" virðast sammála um að frekari viðskilnaður við Bandaríkin í Evrópu, þýði rússneskan náðarfaðm

En það er þangað sem Þýskaland virðist stefna. Þess vegna er það að verða mjög svo mörgum manninum ljóst, að Nord-stream-2 gasleiðslan frá Rússlandi til Þýskalands mun aldrei komast í gagnið, nema þá helst til að dæla einhverju öfugt í gegnum hana. Þess vegna er tungan sem ullar í Berlín svona svört. Þýskaland er orðið sér á þóftu og einsamalt á þeim báti, enda snérist það mál eingöngu um Þýskaland-fyrst stefnu Berlínar á kostnað allra annarra sem njörvaðir eru fastir við það í ESB og evru, með lögum og reglum Evrópusambandsins, sem Þýskaland að mestu er með í rassvösum sínum (sjá til dæmis orkupakka 3). Massífar refsiaðgerðir bíða Þýskalands haldi þýska ríkisstjórnin NS2 firrunni til streitu

Eins og ég varaði við hér; þá er nýtt og hættulegt ár þegar hafið

Fyrri færsla

Nýtt Tyrkjaveldi sjósett

Nýtt Tyrkjaveldi sjósett

 MYND ÚR VERULEIKA

Mynd; DoD DVIDSHUB birt 1. janúar 2020: Bandarískur hermaður gætir sendiráðsstarfsmanna Bandaríkjanna í Bagdad. Og nú vita leiðtogaráðsvinir Írans í Norður-Kóreu hvers þeir mega vænta að fá í hausinn eftir að Soleimani hershöfðingi og leiðtogi árásar Írans á einmitt þetta sendiráð og víðar fékk brottfararleyfi í gær; sem bandaríska varnarmálaráðuneytið útskýrir hér

TYRKJATAKA TVÖ

Sé einhverstaðar til þjóð sem þekkir flókna stöðu og lifir í flókinni stöðu, þá hljóta það að vera Tyrkir. Og nú skulum við taka okkur á og tala um það sem er að gerast í stað þess sem við viljum að gerist. Það sem hjálpar okkur einna mest í þannig greiningu er að við höfum hvergi áhrif og því engu að tapa. Við getum sagt það sem okkur sýnist, því við höfum ekkert embætti að missa. Það er kostur

Byrja: Tyrkland hefur ákveðið að senda stórt herlið inn í Líbýu, sem er 17 sinnum stærra land en Ísland. Líbýa liggur í Norður-Afríku, eða réttara sagt, í syðsta hluta fyrrum heimsvelda Evrópu. Mannfjöldi er tæplega sjö milljón manns. Líbýa á mikla olíu hér og nú, og án olíu verður ekkert nýtt Tyrkjaveldi byggt

Borgarastyrjöld geisar í Líbýu. Hún er númer tvö síðan 2011 og Rússar styðja þann hluta sem berst við hlutann sem Tyrkland slæst nú í lið með. Stutt framhjáhald Tyrkja með Rússlandi er því að enda, eins og búast mátti við. Bandalag Tyrkja og Bandaríkjanna undir fána NATO er því sennilega komið í endurreisnarferli, þökk sé meðal annars visku og þolinmæði Trumps

Tyrkland sjálft á ekki mikla olíu núna, heldur síðar. En það mun sennilega breytast núna, því þvert yfir sæ austurhluta Miðjarðarhafs hafa Tyrkland og Líbýa lagt saman efnahagslegar lögsögur sínar, þannig að úr verði ein lögsaga, þar sem þær mætast. Þetta belti þvert yfir Austur-Miðjarðarhaf kemur við margt annað á leiðinni og mun því valda miklum deilum. Talið er að Líbýa eigi stærsta olíuforða Afríkuríkja og þann tíunda stærsta í heimi. Bandalög hafa því nú þegar myndast við þessa þróun mála: a) bandalag Tyrkja og GNA-hluta Líbýu – og hins vegar b) bandalag Grikkja, Ísraelsmanna, Egypta, Kýpur og LNA-hluta Líbýu, sem Rússar styðja. Stuðning Tyrkja við GNA-hluta Líbýu ber að skoða í ljósi olíuforðans sem getur aðstoðað Tyrkland við að skáka Sádi-Arabíu, Egyptum og Rússum

Nýtt Tyrkjaveldi mun vaxa svona:

• Það mun beina vaxandi völdum þess í norðvestur, upp Balkanskaga

• Það mun beina vaxandi völdum beint norður og upp Svartahaf

• Það mun beina vaxandi völdum í norðaustur, inn í Lág,- og Há-Kákasus

• Það mun beina vaxandi völdum inn í allan hinn arabíska heim

• Það mun beita völdum sínum á Miðjarðarhafi

• Og það mun líklega finna einhverja pólitíska fótfestu í einhverju norðurstrandarríki þar

Hvar Frakkland mun koma þarna inn er óvíst enn. En Frakkland er eina landið á meginlandi Evrópu sem er bæði Norður-Atlantshafs,- og Miðjarðarhafsland í einu og sama ríkinu. Sú sérstaða mótar stjórnmálin í París á allt annan hátt en þau mótast í Ný-Berlín og gervihnattalöndunum á sporbraut um hana. Frakkland er mun meira ClubMed-ríki (Miðjarðarhafsríki) en það vill láta uppi og viðurkenna, og það mun spila inn í samskiptum þess við ESBRÚSTIR og NATO. En þarna hafa Frakkar enn sem komið er ekki látið mikið uppi og vita sennilega ekki enn hvað þeir eiga að hugsa, því staða Tyrklands í heiminum hefur breyst svo hratt

Bretland á einnig mikilla hagsmuna að gæta við Miðjarðarhaf. Stóra-Bretland hefur ávallt annast og viðhaldið samskipum þess við meginland Evrópu með því að bora í það til að splitta því, og koma þannig í veg fyrir að veldi sem skákað gæti Stóra-Bretlandi næði að myndast; þ.e. að brjóta skipasmíðastöðvar þannig fyrirbæra í spón áður en þau gætu myndast og sett fley sín í sjó

Þarna sýna Bandaríkin skýrt hversu vel þau strategískt eru í sjó sett. Þarna munu þau sennilega halda áfram að gera það sem þau gera best í aðdraganda stórflugeldasýninga: þ.e. að aðhafast lítið sem ekkert, enda eiga þau meira en nóg af olíu og orku sjálf og gott betur en það. Þau munu því að líkindum einbeita sér við byggja sig upp að innan eftir úthýsingarrugl næstum alls á síðustu 30 árum, og að herða þannig stórstálið gamla svo að það sé einn risavaxinn rass sem sest á stöðuna á réttum tíma, smellir handjárnunum á og þvingar fram niðurstöðu og kemur nýju valdajafnvægi á – eins og síðast og þar síðast líka. Þetta er bæði meðvituð en þó mest ómeðvituð sjálfstýring í utanríkisstefnu Bandaríkjanna. Þingheimur og sjálfur forseti þar er bæði meðvitaður en á sama tíma ómeðvitaður um þetta ósjálfráða taugakerfi sitt. Það er að langsamlega mestu leyti innaná-liggjandi, en ekki utanáliggjandi eins og það er í víti meginlands Evrópu, þar sem einn skór sem engum passar trampar á utanáliggjandi tugar hinna, við hvert einasta skref. Ópassandi skór ríkja sem eru svo útflutningaháð, að bara einn erlendur kúnni á borð við Bandaríkin er næstum nóg til að loka þeim niður

Hænufet í þessari þróun er hér með tekið. Hvert það leiðir Tyrkland er þó ekki vitað enn. Taka ber því þessum vangaveltum mínum sem vangaveltum aðeins. Þetta er það sem ég tel líklegt að geti gerst, og á lítið skylt við persónulegar óskir mínar

Heimurinn er ofboðslega stór og yfirþyrmandi flókinn. Hann er risavaxinn - og hann á lítið skylt við óskir útópískt-firrtra og umhverfðra kjána í ríkisstjórn Íslands þessi árin. Þar vaxa grænir bananar núna

Tengt

Hættulegt ár að byrja, frá og með nú

Fyrri færsla

Hlægilegar áramótatölur