Kínverski einræðisherrann, xD-fráherrann, og Brexit

KÍNA

Einræðisherra kínverska veiruveldisins reyndi í ræðu um helgina að ljúga sig frá verustað sínum sem abtraksjón í málum þjóðar sinnar. Hann sagðist þvert ofan í útkomnar opinberar flokksyfirlýsingar hafa tekið kórónuveirumálið yfir þann 7. janúar í stað 20. janúar, eins og fréttamiðlar kommúnistaflokksins höfðu áður tilgreint, á meðan "allt er í stakasta lagi" merkið blakti við hún flokksins, sem einnig er veira. Þar með er einræðisherrann orðinn bæði hluti og hraðall vandamálsins sem hann nú reynir að kenna öðrum og lægra settum um. Þeim í landinu sem gagnrýna einræðisherrann í veirumálinu er miskunnarlaust þaggað niður í með því að kommúnistaflokkurinn kemur þeim fyrir í einangrun, sem orðin er svo víðtæk að 760 milljón Kínverjar hafa nú verið settir í farbann og einangrun. Þar hírast þeir á meðan kórónuveira kommúnistaflokksins sótthreinsar landið af þið vitið hverju. Heimildum til eignaupptöku hefur einnig verið komið fyrir hjá flokksapparatinu

EKKERT-LANDIÐ

Þetta er hið margrómaða millistéttarfélag Guðlaugs Þórs utanríkisráðherra. Stjórnmálamanns sem áunnið hefur sér réttindi sem verkalýðurinn í utanríkisráðuneyti í málefnum Kína en ekki Íslands. Frú Mannbjörg á loftinu í ráðuneytinu tekur sig af ástandi Filippseyja á meðan Guðlaugur Þór laugar sig í kínversku millistéttinni

Það virðist koma svona sérfróðu kínafólki ráðuneyta afskaplega á óvart að það vilji svo til að einræðisríki kommúnismans í Kína hafi verið og er enn einn helsti óvinur hins frjálsa hluta veraldar. Það kemur Trump Bandaríkjaforseta hins vegar ekki á óvart, því nú hyggst hann leggja sölu á örgjörvum og þotuhreyflum til Kína á ís og jafnvel banna slíkt

ÍSLAND

Á meðan var Miðflokknum hér heima kennt um hot-lips varaafl ráðherra Ósálfstæðisflokksins í orkumálum. Hinn ráðherra flokksins þornar nú sem strekkt skinn á sundurskotinni barhurð flokksins í abstrakt hælismálum. Strekkist hún þar í takt við leðurblak kommissars herra Ímat Úrmat í Brussel. Þannig hefur allur EES-samningurinn þornað upp líka. Og öll skotin í barhurð ósjálfstæða flokksins hafa því miður komið innan frá

HUGSIÐ YKKUR!

"It is central to our vision that we must have the ability to set laws that suit us," Frost said. "To think that we might accept EU supervision on so-called level playing field issues simply fails to see the point of what we are doing." – David Frost 17. febrúar 2020 | Reuters

Svo virðist sem að kaldur hrollur sé að byrja að hríslast um skilningsvana ráðamenn Evrópusambandsins vegna Brexit. Þeir eru byrjaðir gera sér ljóst að skilningarvit þeirra hafa aldrei virkað. Svo er nefnilega í Brexit pottinn búið að aðalsamningamaður Bretlands í útgöngumálum, David Frost, kveikti á einni einfaldri ljósaperu í hinum lokaða esb-heimi gær. Það gerði hann með því að segja efnislega að Bretland fór út úr Evrópusambandinu vegna þess að það er vont fyrir ríki að vera þar. Það er vont fyrir ríki að missa fullveldi sitt og það er vont fyrir ríki að missa sjálfstæðið. En það sem er allra verst er að þurfa að kyngja lögum sem við Bretar sjálfir höfum ekki að fullu samið sjálfir og sem gilda bara fyrir okkur í okkar eigin landi. Það er með öðrum orðum algerlega óásættanlegt að missa löggjafarvaldið úr landi

Við erum að yfirgefa Evrópusambandið til þess að aðeins okkar eigin lög gildi í okkar eigin landi. Við þolum ekki að lög Evrópusambandsins gildi í Bretlandi. Við erum því ekki að fara úr Evrópusambandinu til að fá neinn "annan samning" við það um eitt né neitt. Við erum að fara þaðan út til þess að við sjálfir ráðum því hvernig viðskipti við eigum við önnur lönd. Það kemur aldrei til greina að við gerum viðskiptasamning við Evrópusambandið á þeim forsendum að við þurfum að samþykkja lög þess og reglur. Þeir sem skilja þetta ekki, skilja ekki neitt. Við erum farin. Og þegar við erum farin þá gerum við á ný viðskiptasamninga við önnur lönd án þess að gangast undir lög þeirra og reglur. Viðskipti eru bara viðskipti. Þeir sem vilja ekki eiga viðskipti við okkur á þeim forsendum sem við viljum semja um, þeir geta þá gert það undir skilmálum WTO. Takk fyrir þetta Frost. Svona frost líkar mér!

Bretland getur þar með náð sínu samningsmarkmiði sjálft á eigin spýtur, á meðan Evrópusambandið getur ekki náð sínu samningsmarkmiði, nema með aðstoð Bretlands. Mikilvægt er að hafa þetta í huga

Ekkert land í Evrópusambandinu né Brusselelítan getur stöðvað innflutning landa sambandsins frá Bretlandi á WTO skilmálum (WTO er Alþjóðaviðskiptastofnunin). Og vert er að geta þess að Bretland er stærsti einstaki útflutningsmakaður Þýskalands

Samningsmarkmið Bretlands er einfalt og á bak við það er fullur pólitískur vilji landsins. Það gengur ekki út á að viðhalda nú þegar orðnu flæði viðskipta á milli þess og Evrópusambandsins. Það gengur út á að bresk lög, breskar reglur og fullveldi komi ofar milliríkjaviðskiptum. Ef með þarf, er Bretland viljugt að fara út án nokkurs sérstaks samnings við Evrópusambandið um eitt né neitt; þ.e. fara í svo kallað hart Brexit

Við fullveldismenn Íslands gerum sömu kröfur. EES gengur ekki lengur fyrir lýðveldi vort. Það sjá allir sem augu hafa. Það fyrirbæri er að enda í algjörum og óásættanlegum óförum - fyrir okkur Íslendinga!

Fyrri færsla

Loftslagsmálin eru trúarbragðastríð nútímans

Loftslagsmálin eru trúarbragðastríð nútímans

ÓÁÞREIFANLEGT LOFT

Sjálfstæðisflokkurinn ýtir kristinni trú frá sér og þjóðríkinu sem hún byggði upp, og tekur nýja trú sem hann heyir nú trúarbragðastríð fyrir. Þar með gerist flokkurinn fánaberi og gangandi sönnunargagn fyrir tilgangsleysi hans sjálfs og þeirrar menntunar sem skattgreiðendur á Íslandi hafa greitt fyrir til handa forystu flokksins og þingmönnum. Flokkurinn hefur þar með sagt skilið við nútíma (e. modernity) sem er afrakstur kristni, og gert sjálfan sig að stjórnmálaafli ríkis-sértrúar á borð við isma 20. aldar (kommúnisma, sósíalisma, nasisma og samrunaisma esb+ees). Sést það nú langa vegu að á ferli flokksins síðustu ellefu árin

Hvar skyldu næstu nothæfu hindurvitni opinbera sig. Skyldi ný lægð eða hæð vera á leiðinni. Koma þær ekki í DDRÚV. Hvar skyldi kvikna í heilögu tré næst. Hefurðu séð nýju hitamælana. Fæ ég ekki styrk út á þetta. Hér geta allir verið með og fengið peninga út á það. Stofnum nýja loftslagstrúardeild

Hægfara vinstrimennska* lofslagstrúarbragða, sem í daglegu felutali er kölluð "frjálslyndi" eða "jafnaðarmennska", passa því orðið best við hraðfara vinstrimennsku ofsatrúarhrópsins sem Vinstri grænir standa fyrir, sem æðstu loftslagsmálaprestar. Trúarbragðastríð er það sem venjulegt fólk þolir ekki við hámenntaða stjórnmálamenn. Sjálfstæðisflokkurinn ætti því að taka lokaskrefið og skilja sig alveg frá íslenska ríkinu og ganga í ríkislaust loftslagsríki Sameinuðu þjóðanna á himnum uppi. Ekki mun jarðsamband flokksins minnka við það, því í dag er það ekkert, enda er flokkurinn ekki kosinn. Hann er stiginn upp af kjörseðlinum

* (© Matthías Johannessen)

Fyrri færsla

Er Eitt-Kína hrunið?

Er Eitt-Kína hrunið?

MANNKYNSSAGA

Mynd: Rauði dauði kynntur fyrir Rússum 1917

****

Sá mannfjöldi í bæjum og borgum sem samkvæmt Fitch Solutions lokaður er af á sóttkvíasvæðum kommúnistaflokksins í Kína (þvert á það sem ráðlagt er á Vesturlöndum, því að sóttkví eða "lockdown" hræðir veikt fólk til að fela sjúkdóminn og leita sér EKKI hjálpar), svarar til þess mannfjölda sem stendur fyrir framleiðslu tæplega helmings landsframleiðslunnar í landinu. Sem sagt; þau 33 prósent af íbúum landsins sem framleiða næstum helming landsframleiðslunnar, eru í sóttkví. Um 90 borgir er að ræða og þeim fjölgar. Þetta eru tryllingslegar tölur

Mynd: Wall Street Journal/DS 13. febrúar 2020

Ekkert gengur þarna í landinu nema á afturfótum kommúnistískra miðalda, samkvæmt hefðum þess konar banvæns stjórnarfars. Enda ekki nema von, því að um kommúnistaríki er að ræða. Kommúnismi þýðir alræði, plágur, fátækt og örbyrgð til frambúðar. Fasteignasala er aðeins einn tíundi af því sem hún var á sama tíma í fyrra. Og ef fólkið veikist ekki eða drepst ekki úr kommúnistaveirunni, þá er til dæmis loftmengun fyrirtækja kommúnistaflokksins tilbúin að taka restina að sér, því hún hefur bara versnað og versnað

Mun hlutur Kína í landsframleiðslu veraldar helmingast á þessum ársfjórðungi miðað við sama tímabil í fyrra? Við það stækkar hlutur og vægi annarra ríkja heimsins og áherslur og hugsun manna breytist til frambúðar. Fókus skerpist á önnur ríki heimsins og nýr veruleiki sest að

Og nú kennir elítan í Peking –samkvæmt hefð– tveimur kommúnistum í Hubei fyrir að hafa leynt tölum um fjölda smitaðra. Pekingelítan er þar með að reyna að klína 16 þúsund nýju tilfellunum sem sprengdu línuritið í loft upp í gær, á þær tvær stakkels persónur. Já 16 þúsund ný tilfelli komu á 12 tímum í gær. Wall Street Journal er með þá sögu undir yfirskriftinni:

China Ousts Senior Officials as Beijing Seeks Distance From Outbreak.
Firings of the Communist Party secretaries of Hubei province and Wuhan signal Beijings disapproval of their handling of Covid-19 epidemic | WSJ

Ég er orðinn sannfærður um að flest vestræn fyrirtæki munu í kjölfar þessa fíaskós hægt og rólega loka flestu því niður sem þau hafa í gangi í Kína. Þau munu frá og með nú aðeins mæta á staðinn til að klára það sem hægt er að klára, humma sig um tíma, hætta að verpa eggjum, og loka síðan niður og aldrei koma aftur. Þau vita af eigin reynslu, frá og með nú, að þessi þjóð sem er ekki ein þjóð heldur margar, mun aldrei breyta um þá banvænu lifnaðarhætti sem unga út hverri drepsóttinni á fætur annarri, ár eftir ár, öld eftir öld, og árþúsund eftir árþúsund, því að engin ein ríkisstjórnun mun nokkru sinni ná tökum á landinu, alveg sama hversu miklum kommúnisma og alræði er beitt. Eina vongóða framtíðin fyrir Kína er að landið brotni upp í smærri lönd sem samsvara fólkinu og hefðum þess betur, og sem keppa munu innbyrðis um hvert þeirra getur orðið betra land fyrir fólkið sem í þeim býr. Í löndum fólks sem hefur sameiginlegra hagsmuna að gæta

Eitt-Kína kommúnistaflokks er liðin saga sem gekk ekki upp. Nú er bara að bíða eftir hruninu, borgarastyrjöldinni og svo koll af kolli. Fólkið í landinu mun ekki sætta sig við Eitt-Kína kommúnistaflokks mikið lengur. Atburðarrásin verður þó líklega mun erfiðari en þetta. Ókjörin byltingar-glæpaelíta landsins mun loka landinu af og þjarma að fólkinu fyrst, og reyna í leiðinni að breiða yfir innvortis hrunið með hertu valdabrölti erlendis, sem þjappa á þjóðinni saman að baki einræðisherrans. Það mun náttúrlega ekki ganga upp frekar en áður

Bara það eitt að Xi Jinping forseti landsins skyldi þurfa á stórfellt auknum einræðisherravöldum að halda á flokksráðstefnunni í október 2017, segir sína sögu. Það voru sterkustu merkin um að flest væri á leið til fjandans í Kína. Og ég held að stór hluti Kínverja hafi þá þegar skilið að komið væri í nágrenni næstu leiðarloka í sögu landsins. Ding er búið, nú er það dong

Þau Vesturlönd sem liggja hve dýpst í kínversku súpunni, eru hin útflutningsháðustu ríki þeirra. Þar eru Þýskaland, Rússland, Suður-Kórea og OPEC-ríkin fremst í hrunflokki

Fyrri færsla

Veðurstofan fokin um koll

Veðurstofan fokin um koll

Vefur Veðurstofu Íslands er búinn að vera í steik það sem af er degi. Ekki bara aðal-html-vefur stofnunarinnar, heldur einnig hinn einfaldi og notadrjúgi farsímavefur hennar, og í annað skiptið á tveimur árum. Ekki fer mikið fyrir öryggishugsun þarna. Edge-léttur gagnavefur á einföldu html-máli ætti alltaf að geta keyrt, sama hvað á gengur, og hann ætti að vera á sjálfstæðum þjóni. Honum ætti ekki að hrúga á þjón sem hýsir glingurvef stofnunarinnar. En þar sem um 50 ára gamla stafræna tækni er að ræða, þá geri ég ráð fyrir að hún sé dauð úr elli

Stafræn tækni byggð á örgjörvum og hálfleiðurunum er nefnilega orðin gömul og þreytt tækni. Hún er ekki "high tech" lengur. Hún er eins "ný" og bíllinn var árið 1965. Aðeins þarf einn mann með kaffibolla glápandi út um glugga og sem óvart smellir á einn eitraðan tölvupóst, til að taka niður allt fyrirtækið, bankann, landið, flugumferð, og sennilega miðin líka. Arion banki var læstur niðri í stafrænni líkkistu í morgun og í gær hætti nýi ljósleiðarinn minn að komast í samband við símafélagið sem ég er internet-kúnni hjá, því þar á bæ voru allir steinsofandi á meðan öll internetþjónusta til margra kúnna félagsins lá niðri í fimm klukkustundir

Og eins og að þetta sé ekki nóg þá, virkar stafrænt útvarp bara fyrir hina útvöldu í landinu og langbylgjan er rekin með rasshendinni. Þetta drasl er maður skyldaður að borga fyrir. Og við skulum ekki minnast á póstþjónustuna í dag, því hún var betri árið 1870. Örlítið betri en í Danmörku í dag, þar sem hún er komin aftur til ársins 1700

Er þetta ekki yndislegt. Þetta er "fimmta iðnbyltingin". Byltingin þar sem ekkert apótek neins staðar í öllu landinu er opið á nóttunni í "þjónustuhagkerfinu", eins og það ranglega er kallað

Við skulum vona að rafmagnið hangi inni. Annars eru það bara tólgarkertin. Þau virka alltaf, þ.e. fáist sæmilegar eldspýtur í landinu, sem þær gera ekki

Og svo fjölgaði kínversku kommúnistaveirutilfellunum um fimmtán þúsund á hálfum degi í gær. Kúrvan sem menn héldu að væri byrjuð að halla sér, þeyttist bara beint upp í loftið á ný. Þar gengur allt eins og á miðöldum

Þetta var útfjólublá viðvörun og lýsi ég hér með vasaljósi yfir allskonar ástandi

Best að taka saman það sem fokið getur - á meðan það er "ófokið"

Fyrri færsla

AfD er hinn nýi hægriflokkur Þýskalands

AfD er hinn nýi hægriflokkur Þýskalands

Óhætt er að segja að flokkur Angelu Merkels sé orðinn eins og klukka sem stoppaði fyrir 20 árum. Og í þessu tilfelli er þetta klukkan sem sagt er að ESB gangi fyrir. Klukka hrakfara og afturfara í 20 ár fyrir Þýskaland og 30 ára fyrir Evrópusambandið

En það er annar flokkur sem sættir sig ekki eins vel við að vera uppstoppuð klukka sem sló síðast fyrir 20 árum, og þá sjálfa sig í stopp. Það er bæverski CSU-flokkurinn, sem verið hefur bandalagsparturinn frá Bæjarlandi í framboðsbandalagi með CDU-flokki Merkels

Hann er hoppandi núna, yfir hrakförum mini-Merkels og AKK-míkró-Merkels, því Þjóðverjar vita að Merkel stendur fyrir ekkert eins og Bjarni Ben hér heima og að AfD er hinn nýi hægriflokkur landsins, því Merkel hefur auglýst hann svo vel frá því að hún stofnaði hann, án þess að vera í honum og gaf honum meira að segja nafn

Það verður fróðlegt að sjá hvað CSU-flokkurinn gerir. Hann þarf nefnilega að bíða eftir því að fornleifafræðingar CDU-flokks Merkels finni fyrirfram ákveðinn nýjan steingerving niðri á plattlandinu til að taka við brunarústum hennar, því sá steingervingur verður þá um leið kanslaraefnið sem CSU þarf að búa við. Nema að CSU heimti póstinn fyrirfram í skiptum fyrir að bjóða ekki.. tja.. fram í bandalagi með AfD

Vestanhafs hefur Donald J. Trump sameinað flokk Repúblikana á ný undir hinum gömlu gildum þess flokks. Og menn sáu í desember hvað stórsigrandi Boris gerði við Íhaldsflokkinn í Bretlandi; þ.e. hann sameinaði hann. Lítil hætta er á að neitt slíkt gerist í Þýskalandi. Þar er nefnilega minnst sjö stórsmáflokka Weimar v2.0 lýðveldi í smíðum, ásamt öllum hinum smáflokkunum. Á áttatíu ára fresti fer Þýskaland nefnilega í nýtt rassakast. Sú klukka er alls ekki stopp

Fyrri færsla

Bandaríkjamenn næstum ofsaánægðir með efnahaginn undir Trump - AKK segir af sér [u]

Bandaríkjamenn næstum ofsaánægðir með efnahaginn undir Trump - AKK segir af sér [u]

Upptaka frá síðasta fimmtudegi: Donald J. Trump forseti Bandaríkjanna þakkar starfsliði og þingmönnum fyrir vel unnið starf við að verjast og sigra gerræðislegar pólitískar ofsa-ofsóknir á hendur honum sem forseta Bandaríkjanna, dulbúnar sem stjórnmál, en sem reyndust einungis vera samsæri trylltra stjórnmálamanna, rotinna embættismanna og fjölmiðla

****

1) Rússar, Rússar, Rússar undir hverju rúmi! 2) Mueller, Mueller, Mueller "rannsóknin" á Rússaruglinu og 3) Úkraína, Úkraína, Úkraína bla bla – var hin fullkomna þvæla Demókrataflokksins sem Barack Obama eyðilagði með því að enginn maður með fullu viti gat samsvarað sér með þeim flokki lengur, nema hann sjálfur og 35-ára löng Clinton samsteypa fjármála- og bankamanna. Elítuklíka sem hendir pappírum um loftin blá á milli landa og byggir lönd sín niður en ekki upp. Þrjú og hálft ár af ofsóknum á hendur Donald J. Trump eru nú liðin. Og þar með líka gegn kjósendum hans sem Obama-Clinton-FBI-gengið sagði á bankamannafundi með Wall Street að væru fyrirlitlegt fólk

Þessar ofsóknir sýna að Demókratar eru of heimskir til að vera í stjórnmálum lengur, þökk sé þvælustjórnmálum Obama sem Trump hefur að miklu leyti rúllað til baka. Spyrjir þú Bandaríkjamann að því í dag hvað hann sé, þá segir hann fyrst að hann sé Bandaríkjamaður, en ekki kyn, kynþáttur, hommi, lesbía eða prófessional fórnarlamb sjálfs síns. Slíkt auðkennarugl kemur í síðasta sætið ef það þá yfir höfuð er til lengur. Það var þetta metoo-auðkennarugl sem Obama og Clintonkonan stögluðust á og opnuðu þar með landamærin inn í helvíti til að hengja sig í. Donald J. Trump er nú að loka þeim landamærum. Hvort að Demókratar lokist inni í sínu eigin helvíti, er orðið frekar líklegt, sé horft til galematís frambjóðenda hans, sem eru einn olígarki, nokkrir marxískir kjánar (hraðfara vinstrimenn) og einn líberalisti (hægfara vinstrimenn, kallaðir frjálslyndir eða jafnaðarmenn)

Mynd: Gallup

Aldrei áður hefur ánægja Bandaríkjamanna með efnahag sinn mælst eins mikil og núna. Tæplega 60 prósent þeirra segjast hafa það efnahagslega betra en fyrir ári síðan. Aðeins 20 prósent segja hið gagnstæða. Þessi mæling Gallup var framkvæmd á tímabilinu 2. til 15. janúar 2020

Mynd: Gallup

Um það bil 75 prósent Bandaríkjamanna vænta þess að efnahagur þeirra á þessu ári verði enn betri. Þessar mælingar Gallup hófust árið 1977. Aldrei áður frá upphafi þeirra hafa Bandaríkjamenn verið eins bjartsýnir á efnahag sinn. Aðeins 12 prósent gera ráð fyrir að staða þeirra versni

uppfært mánudagur, 10. febrúar 2020 kl. 18:41:48

AKK SEGIR AF SÉR Á MEGINLANDI TAPARANNA

Á meginlandi taparanna í Evrópu sagði frú skynlaus Annegret Kramp-Karrenbauer arftakaafkvæmi Merkels af sér sem (ókjörinn) erfingi hennar sem kanslaraefni CDU-flokksins í komandi kosningum í Þýskalandi. Fyrir tilstilli Angelu Merkels varð AKK gerð komandi arftaki hennar er Merkel í fyrra tilkynnti að hún myndi ekki gefa kost á sér á ný. Útbreitt óskynbragð á stjórnmál, kjark,- getu,- og hæfileikaleysi ásamt málinu í Thuringia í síðustu viku, eru helstu orsakavaldar ákvörðunar AKK. Það eina sem AKK hafði til brunns að bera var að kunna tilskipunina Segðu sjibbólet!

En með tilskipun (diktati) Merkels í Thuringia í síðustu viku, þar sem réttkjörinn og AfD-studdur forseti þess sambandsríkis sagði fyrir hennar tilstilli af sér eftir aðeins einn dag í embættinu, opnaði Merkel nýja braut fyrir þýska SPD-sósíaldemókrata, og fyrir stórflótta hægrimanna úr flokki hennar sjálfrar yfir í AfD. Og sjá; opnaðist þar líkkista þýskra græningja líka

Vikublaðið og vefútgáfan Junge Freiheit, þar sem rithöfundurinn Frederick Forsyth stingur stundum niður penna, er ekki hrifið og enn síður er Alexander Mitsch þingmaður CDU ánægður með "Linkskurs" DDR-vinstripólitískt daður Merkels. Greinin "Kurs in den Untergang" um CDU-flokks-brunarústir Merkels er einnig fróðleg lesning

Þarna í Thuringia urðu kaflaskil í þýskum stjórnmálum og Angela Merkel hlaut sama örlagadóm og AKK; sem frú clueless. Það er því afar passandi að AKK vilji samt halda áfram sem varnarleysismálaráðherra Þýskalands á meginlandi taparanna

Fyrri færsla

Pólitískar ofsóknir góða fólksins og drepsóttir kommúnismans 

Pólitískar ofsóknir góða fólksins og drepsóttir kommúnismans

Á sama tíma og pólitísku ofsóknirnar á hendur Donald J. Trump fyrir að vera Trump og tala eins og Trump náðu hámarki, eru af sama "góða fólki" engar spurningar settar við það, að erfiðara er að fá réttar og gagnlegar upplýsingar um krónískar útflutningsdrepsóttir Kína, en það var að fá réttar upplýsingar um bráðdrepandi hungursneyðar hins sama alblóðuga kommúnisma í Sovétríkjunum og hjálendum þeirra á sínum tíma

Enginn þorði að setja fingur á Kína, nema Donald J. Trump. En nú eru allir menn með heila sammála honum þar - og í Miðausturlöndum líka þar sem Vesturbakkinn og sendiráð í Jerúsalem reyndust á engan hátt mikilvæg atriði fyrir friðsamlegri sambúð þjóðanna þar. Sleggja í óhlutfallslegri stærð bíður Írans haldi það sér ekki á mottunni, og það veit Íran núna. Hið sama gildir um Evrópu sem –áður en Trump kom, sá og sagði– heimtaði að Bandaríkin hefðu meiri og dýpri frumskyldum að gegna þar, en Evrópa hefði gagnvart sjálfri sér. Þar reif hann í eyru manna, öskraði þetta er bullshit í þau, og allir eru sammála um að þess var fyllilega þörf

Það kostar mikið að vera hugrakkur eins og Trump. Þess vegna eru svo fáir sem eru það. Borgaralegt hugleysi er því næstum allsráðandi. Huglaust fólk ofsækir þá hugrökku fyrir það eitt að vera hugrakkir

Lögmálið um hugleysi er þannig að fólk sem er huglaust þolir ekki fólk sem er hugrakkt, því að hugrakkir menn fá hugleysi þess sjálfs til að skera sig úr í augum þess sjálfs, og annarra. Þannig fólk virðist enn fremur hafa tilhneigingu til að verða auðveldara háð andúð og jafnvel hatri á hugrökkum mönnum en það verður háð eiturlyfjum

Það mun aldrei renna af þannig fólki varðandi Donald J. Trump, ekki frekar en það rann aldrei af mönnum hér heima varðandi Davíð Oddsson. Þeir menn eru fullir og tapaðir enn

Fyrri færsla

Á meðan ESB leysist upp, styrkist stjórnarfar Engilsaxa [u]

Læknirinn sem varaði við kórónuveirunni er látinn

Á meðan ESB leysist upp, styrkist stjórnarfar Engilsaxa [u]

Þjóðaríhaldsmaðurinn: Hefur gert það sem hann lofaði kjósendum

****

BANDARÍKIN

Styrkustu og þar með virkustu ríkisstjórnir Vesturlanda er nú að finna í Bandaríkjunum og Bretlandi. Í gær lýsti stjórnarfar Bandaríkjanna heiminn upp með því að pakka meinfýsi og geðbilun úr-sér-brædds og afbakaðs fólks á þingi niður í pappakassa, sem sendir voru á ruslahauga sögunnar. Firrt ákæra þeirra sem árið 2008 ætluðu sér að umbylta Bandaríkjunum með kjöri Obama, á hendur þess forseta sem rúllað hefur auðkenna- og skriðdýrs-stjórnarfari hans til baka, var á öskuhauga varpað með niðurstöðu öldungadeildar Bandaríkjanna, þar sem atkvæðin féllu þannig, að 2/3 meiri hluti var hvergi nándar nærri fyrir því að forngrískur múgsúgur hins einfalda meirihluta í geggjunarástandi næði að ákæra og fjarlægja réttkjörinn forseta landsins úr embætti

Sérhönnuð sér-sjálfsmorðsbelti forsetaframbjóðenda Demókrataflokksins munu nú sjá um að sprengja þann flokk svo í harðlínutætlur að innan, að Bernie Sanders insider þungaviktarmaður í 30-ára pólitískri þaulsetu á kostnað skattgreiðenda, og þriggja húsa kapítalisti með rauðan auðkennismiða limosínu-sósíalista á skallanum, til að líta vel út í augum góða fólksins, er eina von þeirra kjósenda flokksins sem enn hafa ekki kastað upp og varpað voninni sömu leið fyrir borð. Tímabili Demókrataflokksins sem hófst árið 1933 með Franklin D. Roosevelt lauk árið 2016 með kjöri Donalds J. Trump, sem sameinað hefur flokk Repúblikana á ný undir upphaflegum gildum hans

Bandaríkin eru ekki að fara neitt. Stjórnarfarið þar er svo öruggt og sterkt að öll ríkisstjórnin virkaði á öllum stigum alltaf, þrátt fyrir geðsýkisástandið hjá einföldum bonk-gonk ding-dong meirihlutans á þingi. Donald J. Trump forseti var sýknaður af upplognum áskökunum ding-dong fólksins sem aldrei hefur þolað hann, og ófært er um að virða niðurstöðu kosninga sem óhjákvæmilega fóru á þann veg, að Obamalandi framskriðinnar limósínu-vinstrimennsku skyldi rúllað til baka, og á öskuhaugana sett. Til hamingju með þetta Bandaríki Norður Ameríku. Til hamingju landið sem aldrei ætlar að endurtaka dragúldið stjórnarfar meginlands Evrópu, þar sem allar pólitískar drepsóttir Vesturlanda hafa átt uppruna sinn

BRETLAND

Svipað er að að segja frá Bretlandi. Þar var óvinum lýðræðisins og áhangendum ESB-einræðis pakkað saman með tröllauknum kosningasigri þjóðaríhaldsmannsins Borisar Johnsons, sem um leið hreinsaði flokk sinn út af þannig svikahröppum sem þingmönnum

ÞÝSKALAND

Á meðan þetta gerist í landi hinna frjálsu og hugrökku, var ný ríkisstjórn í landi Thuringia í sambandsríki Þýskalands sett saman fyrir tilstilli AfD-flokksins í gær. Stjórnmálaflokks sem var sigurvegari kosninganna þar, þann 27. október 2019. Hún er fyrsta ríkisstjórnin í enduruppsettu og á ný enduruppsettu Þýskalandi,  sem sett er saman fyrir tilstilli þess flokks. Forseti Thuringia verður þó ekki frá neinum þeim flokki sem sigraði í kosningunum, heldur verður hann frá þeim sem töpuðu þeim og fengu fimm prósent atkvæða. Það verður því FDP-flokkur svo kallaðra "frjálsra demókrata", þ.e. gufutegund, sem leiða mun sambandsríkið með fjarstýringu annarra - eins og í Berlín

Ríkisstjórnun í Þýskalandi er þar með orðin sjö-flokka-kerfi, þar sem stjórnleysið er að verða ofan á sem stjórnarform krúnk-samsteypustjórna, þar sem fimm prósentin eru handhafar fis-valdajafnvægis sem er að steypa Þýskalandi í enn eina glötunina og sem framkalla mun ákallið um næsta "sterka leiðtogann". Leiðtoga sem taka mun landið úr úr Weimar 2.0 og bakka því inn í pólitíska pendúl-brjálæði þess lands á 80 ára sveiflufresti. Fimm prósent stjórnarfari hefur hér með verið komið fyrir sem fyrirmynd á tröppum kanslerísins í Berlín, þar sem endalausrar samsteypustjórnir pólitískra andstæðinga án snefils af pólitísku umboði, sitja sem samansúrraðar sovéskar Zíl-limósínur á kostnað almennings og lýðræðis í landinu

Stjórnarfarið og pólitíska ástandið í Þýskalandi er meira að segja orðið svo þrúgandi slæmt, að limósínufirrt verkalýðshreyfingin hefur nú boðist til að leggja sig sem rauðan dregil í götuna sem samsteyptir stjórnmálamenn landsins aka Zíl sínum eftir. IG-Metall hefur nefnilega hvatt til þess að engar launahækkanir verði í landinu og þannig snúist tvöfalt gegn sjálfri sér, og þeim launþegum sem hreyfingin þykist tala fyrir. Þar með verður Hartz-þrælastefna þýskra SPD-sósíaldemókrata fest enn frekar í sessi í Þýskalandi og sennilega tvöfölduð, og sem dý-fleyta mun evrusvæðis-viðrininu áfram til heljar, með því að stækka þýska svartholið í miðju þess enn frekar. Því að sjálfsögðu er þýska landið á barmi efnahagshruns eftir þrælabúðahagkerfi Gerhards Schröders, sem nú er innsti ventill í gasbúri Pútíns. Engar framfarir verða í svona löndum hins pólitíska samsæris limósína. Við þjóðaríhaldsmenn Íslands ættum því að hugsa okkur tvisvar um áður en við fordæmum íslensku verkalýðshreyfinguna fyrir virkni hennar, áræðni og þor

Uppfært 6. febrúar 2020 kl. 18:58:45

Leiðtogi FDP, Thomas Kemmerich, sem valinn var landsforseti Thuringen í gær, hefur eftir einn dag í embættinu sagt af sér eftir að Angela Merkel kanslari í Berlín sagði að myndun landsstjórnar með og fyrir tilstilli AfD út frá kjördómi kjósenda þar í landi, séu "ófyrirgefanleg mistök". Hún á þar með við að kjósendur AfD í Thuringen séu óhreint fólk með engan rétt til pólitískra áhrifa á lífið í landi þess. Kannski verður það næsta, að hún neitar að þiggja skattgreiðslur þess. Hvað haldið þið, kæru lesendur

Toto 1988: "Land hinna hugrökku" af plötunni The Seventh One

"Who sings the song of the people
You dont hear it anymore
I heard it late last summer
To the beat of a different drummer
It never sounded quite like this before"

Fyrri færsla

Beinlaus Áslaug Arna fésbókhaldari

Beinlaus Áslaug Arna fésbókhaldari

Dómsmálaráðherra án vits. Dómsmálaráðherra án laga

Metoo-drottningin af Orkupakka-Valhöll tekin sem gísl á erlendu Inc. spjallborði á Nasdaq og pakkað saman sem sitjandi viðrini í stöðu dómsmálaráðherra íslenska lýðveldisins

Hún þurfti ekki langan tíma til að afsanna til fulls nafn flokksins. Hugtakið "sjálfstæði" er orðið háðsheiti um flokkinn sem hún þykist vera fulltrúi fyrir, en er það ekki, nema að nafninu til. Eins og flest annað sem á borð flokksins kom eftir að hann rann á hendur hinna fótalausu

Hvað með undirskriftir okkar flokksmanna og annarra Íslendinga vegna Orkupakka þrjú? – þar sem krafist var þess að farið væri að lögum og forsendum um hið nú hlálega, niðurnídda og algerlega óþarfa EES-bákn

Áslaug Arna sér-popúlisti er ekki fulltrúi íslenska lýðveldisins. Hún er fyrst og fremst fulltrúi erlends valds og áhrifa. Hún skapar fordæmi sem koma munu sér afar illa fyrir landið okkar Ísland

Réttarríki spjallborðs á klíkumiðli sér-popúlista er næsti bær við sharíalagabálk og metoo skrílræðið

Fyrri færsla

Kínverska drepsóttin: Hvar er Trump? spyrja Kínverjar

Gagnrýnivert að breyta reglum undir þrýstingi

Kínverska drepsóttin: Hvar er Trump? spyrja Kínverjar

Hlaðvarp: Hvar er Trump?

****

Á bak við múra ritskoðunar og internetlögreglu, kúgunar, heilaþvotta-gúlaga, banvænna útflutnings-smitsjúkdóma, fastfrosinna leðurblökumiðalda kommúnismans og allsherjar fátæktar nær allra nema þeirra sem tilheyra kommúnistaflokkselítunni, spyrja Kínverjar á ritskoðuðum félagsmiðlum, sem 60 prósent af landsbyggðinni með ekkert internet getur ekki séð, hvar Donald Trump sé. Hvar er Trump? Hvar er Trump? er síðasta setningin í póstum fólksins á ritskoðuðum "félagsmiðlum" landsins, á bak við múrana gegn hinum frjálsa hluta heimsins. Í þessum lokaða og örfoka villimannaheimi kommúnismans, þá þýðir þessi spurning; Hvar er Xi Jinping forseti fátæktarheimsveldis okkar í Kína? Hvar er forsetinn okkar!

Svar: Hann er í felum. Og þær góða-fólks-atvinnugungur í örvitabúðum græntáninga Vesturlanda, með burðargetu nýfallins snjókorns, sem hugleysis þeirra vegna ráðast viðstöðulaust á Vesturlönd sjálf, sökum þess að þar er þeim ekki svarað í sömu mynt, já þær gungur spyrja einskis um Kína, né neins staðar til 100-ára viðurstyggðar Tjernobyl-stjórnarfars kommúnismans. En ef að Trump, Johnson, Macron eða Merkel væru í felum á meðan drepsótt með svipaða dánartíðni og Spænsku veikinnar geisaði í landi þeirra, þá væru dagar þeirra taldir og gott betur en það

Í Kínakolakjallara Valhallar er sérstök raðbjánadeild þeirra sem hentu Íslandi inn í AIIB-"fjárfestingarbanka" Kínverska kommúnistaflokksins, og sitja meira að segja rotaðir í banka(ó)ráði þar. Það pólitískt vanvita fólk með burðargetu tóms pappakassa, hafði ekki bara snefils vit á því sem það var að gera þá. Það fór bara eftir því sem úr gúlagi kommúnismans kom. Sóma stjórnmálamanna-stéttarinnar vegna, ætti það fólk að sjá sóma sinn í því að losa Ísland undan þeirri firru. Út með þá firru strax! Nema að það fólk vilji áfram vera abstratktion í augum kjósenda, eins og forsetinn af Kína sannarlega er. Hann er abstraktion

Kjósendur á vesturlöndum eru ekki mikið fyrir stjórnmálamenn sem eru abstraktion. Það sást greinilega í Bretlandi og Bandaríkjunum 2016! Á Kínakolakjallara Sjálfstæðisflokksins sést, að sá flokkur er því miður orðin abstraktion – sem kjósendur í smitsnertingu við veruleikann hafa "afbókað". Greinilegt er að abstrakt ráðherra flokksins þarf ekki sjálf að vinna við að afgreiða kínverska ferðamenn

Fyrri færsla

Hátíð: Breskir þingmenn yfirgáfu gúmmíþingið í Brussel og Stóra-Bretland Evrópusambandið. Skál!