Úr útrýmingarbúðum lýðræðis; 17 landa evrusvæðinu

Þegar grannt er skoðað, eru aðeins nokkur þvottaekta lýðræðisríki til á Vesturlöndum. Á samansöfnuðu heimskorti er þetta örmjó og lítil ræma af heildaryfirborði landrýmis jarðar. En á þessari ræmu standa þó þrátt fyrir allt eftir Bandaríkin, Sviss, Ísland*, Bretland og Noregur, svo átakanlega fá dæmi séu nefnd. Bandaríkin eru lögga lýðræðis og frelsis. Til hennar leita flest lýðræðisríki þegar virkilega á reynir. Bandaríkin eru eins konar ghostbusters frelsis, lýðræðis og kapí­talisma. Tvisvar og þrisvar hafa þau bjargað Evrópu frá sjálfsmorði og stöðvað glæpi hennar gegn mannkyninu á síðustu 100 árum. Og tvisvar hafa Bandaríkin bjargað Evrópu frá efnahagslegri örkumlun. Og sigur Bandaríkjanna yfir heimsveldi illskunnar, kommúnismanum í Evrópu, var sætur.

Allt þetta gerðist í Evrópu vegna skorts á lýðræði og frelsi. En nú er að koma að þriðja skiptinu. Frankenstein fjármála og stjórnarfars var fyrir klikkaðra manna geðbilun klekkt út í aðalstöðvum evrópskra brjálæðinga í Brussel. Eina ferðina enn. Þessi skepna hefur verið að eyðileggja Evrópu innanfrá undanfarna þrjá til fjóra áratugi. Og nú stöndum við frammi fyrir enn einu brjálæðiskastinu. Kalla þarf ghostbusters frelsis, lýðræðis og kapítalisma á vettvang í Evrópu á ný. Fárveikt Evrópusambandið er komið í evrukrampa.

Sumir hafa verið að velta fyrir sér kostnaðinum við upplausn myntbandalagsins á hin ýmsu lönd.

Miklu auðveldara er að reikna kostnaðinn sem þegar er orðinn við sjálfa aðild landanna að myntbandalagi Frankenstein-evrunnar. Því hann er þegar orðinn og kominn inn í bókhald þjóðanna. Hér er örstuttur listi;

Bankabóla á Íslandi og síðar gjaldþrot íslensku bankanna fór fram inni í miðju Evrópusambandinu. Þetta hefði ekki gerst ef þessi erfðatilraunastöð stökkbreytinga á meginlandinu hefði ekki fjármagnað sturlun bankanna og eytt hér regluverki skynseminnar fyrst.

Bjarga hefur þurft bankakerfum margra evrulanda frá gjaldþroti. Þeim kostnaði hefur þegar verið velt yfir á heimili umræddra landa. Og sá kostnaður er geigvænlegur -banvænn í mörgum tilfellum.

Björgunartilraunir pyntinga- og raflostaaðferða í andaslitrum evrunnar, hafa einnig kostað evrulöndin mikla peninga sem þau fá aldrei aftur. 

Seðlabanki Evrópusambandsins hefur kostað þjóðirnar mikla peninga og tap hans á eftir að verða heil vetrarbraut á himni Frankensteinstjarna sögunnar.

EMS og seinna Evrusvæðið hefur hindrað og drepið hagvöxt í næstum öllum löndum myntbandalagsins í rúma tvo áratugi. Þar hafa stórkostleg tækifæri farið í súginn. Evrusvæðið dregst alltaf meira og meira aftur úr Bandaríkjunum og verður fátækara og fátækara. Massíft atvinnuleysi hefur ráðið ríkjum í ESB í 30 ár. 

Kostnaðurinn við að þrífa upp eftir eitt ábyrgðarlausasta pólitíska tilraunaverkefni mannkynssögunnar verður mikill. Þið munið fall Sovétríkjanna og kostnaðinn við það. Allt vegna fámennrar glæpaklíku sem í fóstur tók geðbilaðan draum sem troða átti í fólkið ofanfrá. Hrun myntbandalagsins verður ekki minna. Engir góðir valkostir eru í stöðunni því allt kom þetta ofanfrá.

Þegar evran fer inn í síðustu hluta upplausnarferlisins þá mun það ekki endilega gerast með einhverju allsherjarhruni. Fyrst munu bankakerfi evrulanda gera áhlaup á ríkisstjórnir evrusvæðis, þ.e. áhlaup á ríkissjóði landanna. Þeir verða tæmdir enn frekar og ýtt enn lengra út á barm ríkisgjaldþrota. Þetta er svona því gangandi gjaldþrota bankakerfi evrusvæðis hafa engan lánveitanda til þrautarvarna, því þau eiga engan ekta seðlabanka. Þeim var öllum kastað fyrir róða um leið og fullveldið í peningamálum var tekið af þeim.  

Svo koma gjaldeyrishöftin sem munu verða sett á í einu eða öðru formi. Svo verða kinnroðasveitir Brussel og ríkjalinga hennar að koma sér saman um þá illa lyktandi terpentínublöndu sem nota þarf til að reyna að stýra upplausnarferlinu á einhvern hátt. Engin lönd munu komast óbrotin út úr þessu.  

Áframhald Sovétríkjanna var ógerningur því landið var sannarlega gjaldþrota á allan hátt. Evrusæðið getur enn síður haldið áfram eins og það var skapað. Verði því hins vegar og samt sem áður haldið áfram gangandi á einn eða annan hátt, þá þýðir það kaótískar borgastyrjaldir í hlutum Evrópusambandsins. Og með litlum horfum á friði næstu nokkur hundruð árin, því það er aðeins hægt að halda myntbandalaginu gangandi áfram ef síðustu leyfum lýðræðis er eytt þar í einum grænum; þ.e.a.s nýtt einræðisveldi ESB yrði að komast á þessa 17 fætur Frankensteins.  

Frelsi kostar mikla peninga. Samúð mín er öll hjá fólkinu í lendum Evrópusambandsins sem aldrei fékk neitt um málið að segja. Þessum Frankenstein peningamála elítunnar var troðið eins og hauspokum á aftökustað yfir alla. Þetta er árangurinn; hyldýpið og svartnættið.  

Hér þurfum við ESB-aðildar andstæðingar að passa okkur á að fagna ekki neinu. Gerum alltaf ráð fyrir að áætlanir öfgasinnaðra Evrópumanna séu áfram þær sömu, þ.e.a.s. að leysa upp ríkisstjórnir og ríkisvald landa Evrópusambandsins. Það veit enginn ennþá á hvorn veginn Evrópa mun falla. Góð byrjun fyrir öfgasinnaða evrópusambandsmenn á eins konar Bandaríkjum €vrópu, væri einmitt að tortíma bankakerfum og ríkisstjórnum Evrópu samtímis í einu alls herjar hruni myntbandalagsins. Í því ferli gæti þeim loksins tekist að stofna til hins sameinaða einræðisríkis Evrópu. Þetta er "þriðja leiðin" sem loksins er hér komin "í boðið". 

 

Eins og svissneski UBS stórbankinn benti á í síðustu viku; ekkert myntbandalag sögunnar hefur verið leyst upp án þess að til einhvers konar borgarastyrjaldar kæmi í kjölfarið. Hin leiðin, að framþvinga upplausn 27 ríkja til að bjarga einu myntbandalagi sem enginn kaus, hefur aldrei áður í sögunni verið reynd. Kjölsog þess yrði enn verra.

 

Skák - og mát.

 

Við þyrftum að reyna að klippa á EES-togvíra okkar til ESB áður en tundrið í trollinu tekur okkur með. 

 

* Á Íslandi situr nú andlýðræðislegasta ríkisstjórn Íslandssögunnar a la ESB. Forseti Íslands, Ólafur Ragnar Grímsson, hefur enn sem komið er — en þó í erfiðri helstöðu og í krafti stjórnarskrár lýðveldis okkar — náð að koma í veg fyrir að vilji þjóðarinnar hafi verið fótum troðinn í afar mikilvægum málum undir ríkishelstjórn Íslands. Ólafur forseti hefði ekki átt séns í neinu ríki ESB. Helsta verkefni ríkishelstjórnarinnar er því að fjarlægja bæði forsetann og þá stjórnarskrá lýðveldis Íslendinga sem hann starfar undir.  

 

Financial Times fimmtudag

"A few good central bankers"

by; Izabella Kaminska 

 

Fyrir helgina sprakk Jessup Jean Claude Trichet í vitnastúkunni vegna einnar skaleysislegar spurningar frá þýskum blaðamanni; honum tókst að fá Jessup Trichet til að tala;

 

Reporter: What is your answer to German people and economists who want the return of the DM?

Trichet: You want answers?

Reporter: I think the Germans are entitled.

Trichet: You want answers? (SHOUTING)

Reporter: Germans want the truth! (SHOUTING)

Trichet: *You can’t handle the truth!*  (SHOUTING)

[pauses]…

 

Trichet: Son, we live in a world that has prices, and those prices have to be guarded by men with bonds. Who’s gonna do it? You? You, Sylvia Wadhwa? I have a greater responsibility than you could possibly fathom. You weep for Lehman Brothers, and you curse Ben Bernanke. You have that luxury. You have the luxury of not knowing what I know. That Lehman’s collapse, while tragic, probably saved banks. And my existence, while grotesque and incomprehensible to you, saves banks. You don’t want the truth because deep down in places you don’t talk about at parties, you want me on that committee, you need me on that committee. We use words like rate, target, expectation. We use these words as the backbone of a life spent defending something. You use them as a profitline. I have neither the time nor the inclination to explain myself to a man who rises and sleeps under the blanket of price stability that I provide, and then questions the manner in which I provide it. I would rather you just said congratulations and went on your way. Otherwise I suggest you pick up a Greek bond, and suffer a haircut. Either way, I don’t give a damn what you think you are entitled to! 

 

Krækjur

 

Financial Times; "A few good central bankers"

Myndskeiðið: via Reuters.  

Bíómyndin; A few good man; "You can't handle the truth"

Botnlokurnar farnar úr kjölfestu seðlabanka Evrópusambandsins. Síðasti boltinn farinn.

Mynd, forsíða Financial Times Deutschland; Endir ECB og evrunnar eins og við þekkjum hana 

 

Eins og að vandræðin væru ekki næg nú þegar. Í gær tilkynnti síðasti Þjóðverjinn brottför sína úr skipsbrú seðlabanka fleytu Evrópusambandsins (ECB). 

Jürgen Stark yfirhagfræðingur og fulltrúi Þýskalands í ECB fór og skellti um leið hurðum. "Af persónulegum ástæðum", eins og það var orðað, segir hann stöðu sinni upp, svo að segja samstundis. Stark átti samkvæmt áætlun að sitja til ársins 2014 í þessari sterku stöðu í brú ECB. Stark, hinn óþekkti hættari (e. quitter), er þekktur þrautsegjumaður. Hann var einn af dyggu mönnum Helmut Kohl í gegnum sameininguna. Maður þýska marksins fram í fingurgóma þar til Þýskalandi var þrýst til að gangast við óskum Frakka um myntbandalag þegar múrinn féll.

Jürgen Stark, ásamt Otmar Issing og síðasta seðlabankastjóra þýska marksins, Hans Tietmeyer, voru þeir Þjóðverjar sem tóku að sér að reyna að gera það besta úr hinum þáverandi þvingaða póltíska veruleika. Að reyna að búa svo um hnútana að evran yrði ekki lakari mynt en þýska markið var fyrir Þjóðverja og Þýskaland. Því sú var og hefur alltaf heldur betur verið hættan. Þjóðverjar vissu frá upphafi að á endanum myndi ekkert annað evruland hirða um eða passa upp á þessa nú sameiginlegu mynt marga ríkja og Þýkslands, aðrir en þeir sjálfir. Ef þeir sæu ekki um smíðina og hefðu tögl og haldir við yfirstjórn þessarar nýju myntar, þá myndi evran verða órjúfanlega tengd við herzlustig tómatsósu og pasta í potti frá A-Z. Þetta þýddi að hinn nýi seðlabanki Evrópusambandsins yrði að vera og var svo byggður á arfleið þýska seðlabankans, Deutsche Bundesbank. "Þeir sem daðra við verðbólgu munu á endanum giftast henni", gæti verið ein af arfleiðum hans, eins og Otmar Emminger sagði við Milton Friedman hér árið 1980.

Fyrr á þessu ári, og flestum að óvörum, sagði Axel Weber upp stöðu sinni sem bankastjóri þýska seðlabankans. En sterklega var búist við að hann yrði arftaki Jean-Claude Trichet sem er á förum sem yfirmaður seðlabanka Evrópusambandsins á næstu mánuðum. Axel Weber kom sér þannig undan að vera líklegur kandidat og arftaki Trichet. Og sem var algerlega samkvæmt arfleið og anda yfirmanna Deutsche Bundesbank. Þar beygja menn sig ekki. Þar er ekkert rými fyrir neinar málamiðlanir. Menn standa og falla þar með gjörðum sínum. Axel Weber gat ekki samvisku sinnar vegna setið áfram og leikið kandidat frú Merkel sem næsti yfirmaður ECB. Hann var algerlega á móti því sem þá var orðin óopinber stefna ECB; þ.e.a.s að brjóta og gefa skít í flestar grunnreglur ECB-seðlabankans sem (a) neitaði að horfast í augu við raunveruleikann og sem (b) hafði þegar gefist upp og (c) tekið upp tómatsósu og sprautað henni í sjóðandi pasta pottinn í suðri. Við brottför sína lét hann síðan þvagið falla yfir stjórnmálamennina. Nú kennir hann hagfræði við lítt þekktan skóla. Líður kannski betur þar.

 

WSJ - The economist once on track to lead the European Central Bank will instead be teaching “Central Banking: Theories and Facts” this fall at the University of Chicago 

 

Hér með er ég ekki að segja að nýa þýska markið sem er á leiðinni yrði besti gjaldmiðill heimsins. En sá gjaldmiðill yrði hins vegar besti gjaldmiðill heimsins fyrir Þýskaland. Það land þolir ekki tómatsósumynt eða seðlabanka sem lýtur duttlungum stjórnmálamanna. Þýskaland man söguna of vel til þess að vita að ef hún endurtekur sig, þá er það þannig þar í landi að brostnar væntingar til yfirstjórnar peningamálanna geta á einu og sama árinu flutt verðbólguna frá því að vera neikvæð verðhjöðnun og yfir í 500 prósent verðbólgu á einu og sama árinu. Þar er ekkert nema um líf og dauða að tefla á hverjum degi. Þýskaland þolir alls enga verðbólgu og engin mök peningastjórnarinnar við stjórnmál, sama hvaða nafni þau nefnast. Afar sérstakt en erfitt land í myntmálum. Og það verða menn að skilja og virða. Hvert land þarf á sinni eigin mynt að halda. Svo einfalt er það.

 

Nú andar suðrið sælunni yfir minnihluta norðursins í yfirstjórn ECB; Mario Draghi er á leiðinni, alla leið frá Ítalíu, til að taka við af Trichet sem sprakk í gær. Nú fer þetta að verða spennandi. 

 

Leyfi mér hér að benda á grein mína í Þjóðmálum veturinn 2008/9; Seðlabankinn og þjóðfélagið.

 

Tengt;

 

Október 2010; Veit Axel Weber að myntbandalagið mun leysast upp á næstunni?

Maí 2010; Evru lygarar - "Die EZB hat den Rubikon überschritten" 

Febrúar 2011; Axel Weber lætur þvagið falla á frú Merkel

 

Krækja

ECB resignation hits global markets

 

Fyrri færsla

 

"Norræna velferðarkerfið". Svona fór um sjóferð þá

 

"Norræna velferðarkerfið". Svona fór um sjóferð þá

Árið 1951 voru 13 starfsmenn við velmegunarskapandi störf í einkageira danska hagkerfisins fyrir hvern einn starfsmann á launum hjá hinu opinbera. Þessi eini opinberi vann við að búa til velferð sem velmegun* einkageirans skaffaði honum. Hlutfallið var sem sagt 13 á launum í einkageiranum á móti hverjum einum á launum hjá skattgreiðendum landsins.  

Í dag er þetta hlutfall þannig að aðeins 2,3 starfsmenn eru við störf í einkageira danska hagkerfisins fyrir hvern einn  starfsmann á launum hjá hinu opinbera.

Allt í allt þá standa málin þannig í Danmörku í dag að miðað við árið 1951 eru aðeins 4.000 fleiri manns að störfum í einkageira hagkerfisins. En í hinum opinbera geira starfa hins vegar 683.000 fleiri manns!

Árið 1951 þurftu Danir aðeins einn opinberan starfsmann til að hugsa um 13 velmegunarskapandi starfsmenn í atvinnu hjá einkaframtakinu. Á 60 árum hefur þjóðin breyst í það horf að núna eru komnir næstum 700 þúsund fleiri menn til að hugsa fyrir og um fjögur þúsund fleiri starfandi menn einkaframtaksins. Með öðrum orðum; Hin svo kallaða "norræna velferð" hefur gert menn svo auma að þeir þurfa 700 þúsund fleiri opinbera starfsmenn til að hugsa um og fyrir sig.

 

Þetta hefur auðvitað kallað á stóran herafla af skattaráðgjöfum og þess háttar glerísetningarmönnum sem skapa enga velmengun, þó svo að þeir séu starfandi í einkageiranum. Þeir vinna bara við að laga þær rúður sem ríkið brýtur á heimilum og vinnustöðum fólksins. Framleiðnin í einkageiranum er því farin til tunglsins þegar svona margir í einkageiranum neyðast til að vinna við að skylmast við hið almáttuga opinbera. Hagvöxtur verður sjaldgæfari og sjaldgæfari. Og allir vita hvar þetta endar. 

Allir sem hugsa sjá að þetta er sprungið. Hvellsprungið. Þetta gerist alltaf þegar fólki er gefinn kostur á að kjósa sig til auðæfa annarra. Og það gerist ekki bara á milli fólks innan sama þjóðfélags. Þetta er einnig að gerast í stórum stíl á milli landa innan Evrópusambandsins. Að vísu er ekki kosið um málið, heldur fara valdaránin fram á næturfundum í reykfylltum hótelherbergjum Evrópusambandsins. En endalokin verða þau sömu. Fátækt.

Þrír af hverjum fjórum kjósendum í Danmörku eru á framfærslu hins opinbera (75% kjósenda). Annað hvort eru þeir opinberir starfsmenn eða þá að efnahagsleg tilvera þeirra er depóneruð í ríkiskassann, að fullu leyti eða að hluta til. Þessi kassi er smá saman að verða gjaldþrota sökum heimsmets í skattpíningu á þegnana sökum hins ofangreinda hlutfalls.

Í svona samfélagi þar sem 75 prósent kjósenda eru á framfærslu hins opinbera mun virkt lýðræði aldrei þrífast. Hver mun kjósa undan sér kassann? Mjög fáir. Það er því skiljanlegt að Danir sjálfir kalli Danmörku stundum fyrir DDR-Light. Þeir eru dópistar á framfæri dópsölu danska ríkisins. Dópsölumennirnir eru stjórnmálamenn hins norræna velferðarsamfélags. Og þeir vita það.

Hagvöxtur? Hvað er nú það? Enda hefur atvinnuleysi í Danmörku aðeins farið undir 5 prósentin í fimm ár síðan 1977. Í tuttugu og níu ár af síðustu þrjátíu og fjórum árum hefur atvinnuástnand í Danmörku verið hreint helvíti. Sjáið þið samhengið? Hagvöxtur getur einfaldlega ekki myndast í Danmörku lengur því þar gerist ekkert þegar steini er kastað í vantið. Ekkert gerist því stærsti hluti hagkerfisins er í vörlsu hins opinbera. Harðlæstur. Dýnamíkin er farin. Sovétið er komið. 

Horfurnar í Danmörku eru svo svartar að maður tárast. Og það sama gildir um mörg önnur lönd Evrópusambandsins. Unga kynslóðin í dag veit að hún verður fyrsta unga kynslóðin sem verður fátækari en foreldrar sínir. Hún hugsar sitt til þessarar dópsölu stjórnmálamanna. 

 

* Velferð er ekki það sama og velmegun. Þetta eru tveir gjörólíkir hlutir.  

 

PS;

 

Ekki undraðist ég tölur hagstofunnar í dag yfir landsframleiðsluna. Samdráttur varð miðað við fyrri fjórðung og endurskoðaðar tölur hagstofunnar yfir landsframleiðsluna á síðasta ári sýna enn meiri samdrátt en upp hafði verið gefið. Þetta er allt á leiðinni til helvítis hjá ríkisstjórninni, enda er hún veruleikafirrt;

• Landsframleiðslan á 2. ársfjórðungi 2011
• Landsframleiðslan 2010 - endurskoðun 

 

Krækja

Private job har stået i stampe i 60 år

 

Fyrri færsla

Aðeins um fullveldi og svissneska frankann 

 

 

Látið ekki glepjast. Förum ekki úr fögrum dal

 

 

Aðeins um fullveldi og svissneska frankann

Þetta er dýpra og flottara mál en mér virtist í fyrstu. Svissneski seðlabankinn (SNB) sýnir hér ófullvalda evruríkjum hvar bankinn keypti dýrmætt og fullvalda ölið. Í myntbandalagi Evrópusambandsins verða lönd í álíka aðstæðum að deyja drottni sínum og leggjast sem örkumla sjúklingar í öndunarvél uppgjafar og sjálfspyntinga í Brussel. Grikkland, Portúgal og Írland eru með ca. 50-60 prósent of hátt gengi fyrir hagkerfi sín. En þau geta ekkert aðhafst sér til sjálfshjálpar. Þau eiga enga mynt og engan prenthæfan seðlabanka. Þau deyja bara. 

SNB er í reynd að stunda það sem seðlabanki Bandaríkjanna hefur verið að gera, en samt á annan hátt. Aðferð SNB er þessi; seðlabankinn sjósetur peningastefnu sem fyrir opnum tjöldum hótar að prenta alla þá peninga sem til þarf til þess að halda gengi frankans neðan vissra marka gagnvart umheiminum. Næstum öruggt er að bankinn verður að gera alvöru úr hótunum sínum. Aðstæðurnar í tímarúmi sögunnar eru þannig innréttaðar því this is now! Hvað mun bankinn kaupa fyrir þessa nýprentuðu peninga, sem þó eru ekki líkamlega prentaðir heldur verða FX-skiptalínur bankans notaðar til samstundis peningasköpunar? Jú hann mun kaupa evrur, dali og annað. En hvernig ætlar hann að losna við þessa peninga og hvað ætlar hann að gera við allar verðlitlu evrurnar sem hann á á hættu að sitja uppi með þegar evran lendir á nýja Berlínarmúrnum. Jú hann mun jafnt og þétt kaupa ríkisskuldabréf fyrir evrurnar og losa sig þannig út úr því birgðahaldi. En hvaða ríkisskuldabréf? Sannarlega ekki þeirra evrulanda sem heita ekki Þýskaland eða álíka. En hvað mun SNB gera við þessi ríkisskuldabréf? Jú, það sama og Norðmenn. Búa til þjóðarsjóð. Voila. 

Fallegt og fullvalda!

 

Hugskot 

Ný ríkisstjórn Sjálfstæðisflokksins og Framsóknarflokksins á Íslandi ætti að ráða heilabú til þess að búa til tilbrigði í ISK-moll af þessu. Hún ein væri fær um og treystandi til þess að búa til íslenskt tilbrigði af CHF. Krónan okkar dælir upphaflega í sjóðskassann því á bak við hana standa öll auðæfi og náttúruauðlindir fullvalda lýðveldis okkar. Hún verður síðan notuð sem tvídrangur (dual interlink) á milli sjóðsins sem verður alfarið viðmót (interface) lands okkar við umheiminn. Í því viðmóti mun allur alþjóðlegi hluti fjármálakerfis okkar vinna og lifa. Krónan til spari og fullveldis en alþjóðlegur armur tvídrangsins utanlands. Þetta yrði eins og tveggja gíra greiðslukort í veskinu og með tímanum mjög eftirsótt sjálfstætt tæki. Þannig - og í þessu viðmóti - gæti ný og edrú útgáfa af alþjóðlegri fjámálamiðstöð Íslands orðið afar farsæl, sé lýðræðislegur pólitískur vilji fyrir því. Tilvalið væri að framkvæma fyrstu skref þessa í kjölfar hruns okkar í bankamálum og þeim uppgjafar sjálfseyðingar-stjórnmálum sem hér eru algerlega að þrotum komin. Ný ríkisstjórn verður að koma. Og svo þarf að segja EES upp.

 

Lykilorð

 

But that was then. This is now! 

 

Tvær krækjur

 

What will Switzerland do with all those euros?

Franc Cap Won’t Cure E. Europe Mortgage Pain 

 

Tvær fyrri færslur

 

Malta; Moody's lækkar lánshæfnismatið. Konungurinn í Kína. Spánn

Svissneski frankinn; "Átti ekki að geta gerst" 

Malta; Moody's lækkar lánshæfnismatið. Konungurinn í Kína. Spánn.

 

Matsfyrirtækið Moody's hefur lækkað lánshæfnismat sitt á 400 þúsund manna evruríkinu Möltu og setur um leið landið á bekk hagkerfa með neikvæðar horfur. Malta gekk í Evrópusambandið árið 2004 og fór þaðan inn í ERM II sjálfspyntingarklefa myntbandalagsins í byrjun maí mánaðar árið 2005. Þaðan kom landið ófullvalda út árið 2008 og þar með hæft til að taka upp evru. Þetta átti að vera uppskriftin að hamingju fyrir Möltu, ekki satt?  

 

Lower medium-term economic growth rates, driven by a decline in potential output growth as a result of the 2008-09 financial crisis, thereby leaving the economy more vulnerable to further economic shocks. Sem sagt lítið eða ekkert öryggi fyrir Möltu í evrunni.

 

Þegar Möltu var veittur aðgangur að fyrstu tveim fösum myntbandalagsins þá hækkaði Moody's lánshæfnismat sitt á ríkissjóði landsins á þeim forsendum að við tæki hagvöxtur, framfarir og betri staða í ríkisfjármálum landsins. Þá var trúarbragð ESB-myntmála markaðsfært þannig að Malta hefði komist í feitt með því að ganga til altaris í Brussel, játa umkomuleysi, og drekka svo saftið beint undan seðlabanka Evrópusambandsins. En í stað þess að fitna og bústna af efnahagslegum krafti og betri fjárhagsstöðu ríkissjóðs, hefur hið gagnstæða orðið raunin. Eins og gerst hefur alls staðar annars staðar í evrulandi. Til miðlungstíma litið eru horfurnar miður góðar fyrir Möltu og hætta er á að landið festist í efnahagslegri stöðnun til langframa.    

the government's bond ratings were upgraded at the time of EMU accession based on an expected acceleration of growth and an improvement in the government's balance sheet. These benefits have not materialized

Maltverjar eru sjálfir afar óánægðir með aðild landsins að Evrópusambandinu (sjá mynd hér að ofan; skoðanakönnun sem birtist í Möltutíðindum þann 3. maí 2009 og er fengin að láni úr skjalasafni innflutningsdeildar utanríkisráðuneytis Íslands í sjávarútvegsmálum Möltu, sem vega 2 þúsund tonn á ári í málflutningi þess).

 

"The deteriorating global economic outlook and continued instability in the euro area heighten the risk of a new economic shock throughout Europe as fears of contagion intensify." 

 

Lækkun Moody's á lánshæfnismati ríkissjóðs Möltu er slæm því hún opinberar og byggir á því mati að Malta sé orðin enn viðkvæmari fyrir utanaðkomandi áföllum eftir evruupptökuna. Áður en erfðagallar myntbandalags Evrópusambandsins opinberuðust alþjóðlegum fjárfestum og lánshæfnismatsfyrirtækjum, höfðu þessir aðilar tekið áróður foringjaráðs Evrópusambandsins fyrir kostum evrunnar sem góða og gilda vöru. En nú hefur hin sanna hlið evuaðildar opinberast heiminum, sbr. Grikklandi, Portúgal, Írlandi, Spáni, Kýpur, Slóvakíu ásamt söguelgum efnahagslegum samdrætti og hættu á varanlegri stöðnun í Finnlandi.

 

Furthermore, Malta's rating could also be undermined by a rapid deterioration in the balance sheets of its financial institutions, potentially stemming from financial shocks or a deteriorating economic outlook, thereby limiting their ability to provide funding at moderate rates to cover the government's financing needs. 

 

Einnig setur Moody's spurningarmerki við getu bankakerfis landsins til að styðja við ríkissjóð Möltu ef bankakerfið verður fyrir smitáhrifum eða versnandi aðstæðum á peningamörkuðum og þá lokað af frá umheiminum inni í myntbandalagi Evrópusambandsins, eins og gerst hefur í Grikklandi, Portúgal, Írlandi, Spáni og nú seinast á Ítalíu. Muna þarf að Malta á engan gjaldmiðil né prenthæfan seðlabanka lengur.

Spánn var á hengibrúninni í ágúst

Samkvæmt frétt Financial Times í gær var Spánn hársbreiddinni frá því að þurfa að kalla á bráðahjálp frá Alþjóða Gjaldeyrissjóðnum og björgunarsveitum myntbandalagsins frá sjálfu sér í síðasta mánuði. Þetta sagði forsætisráðherra landsins í samtölum við verkalýðsforystu Spánar.  

Kóngurinn í Kína

Það var þessi pistill á vefsíðu Evrópuvaktarinnar sem kveikti áhuga minn á þjóðhöfðingja Svía, bæjarstjórninni í Kalmar og beinum kínverskum fjárfestingum í Svíþjóð.  

 

 

 

Þjóðhöfðingi Svíþjóðar negldur hér upp á vegg í aðalstöðvum kínversks fjárfestis. Með honum á múrnum er borgarstjórinn í Kalmar naglfastur ásamt kvenpersónu. En þar fór fram kínversk fjárfesting.

Frú kínverskur meðfjárfestir virtist hafa komið af fjöllum; "Mér finnst ekki sanngjarnt að það séu bara peningar okkar sem flytji úr landi til Kalmar í Svíþjóð, við eigum peningana og flytjum því einnig með þeim". Já, þúsundir og milljónir okkar munu flytja og endurnýja stofninn í Kalmar. Koma gamla Kalmar aftur á kortið.

Hér er heimildarmynd úr sænska ríkissjónvarpinu í fjórum hlutum á YouTube, um þessar þráðbeinu kínversku fjárfestingar í Kalmar í Svíþjóð á jakkafataárum rifinna gallabuxna árið 2006 og fram eftir. Sumir í Kalmar ganga eflaust ennþá á vatninu sem þá rann. Kíkið endilega í pakkann. Frá Íslandi gæti Kína uppgötvað og fundið Ameríku á ný.

• YouTube; Kineserna Kommer Del 1 av 4
• Vefsíða sænska ríkissjónvarpsins SVT2 um heimildarmyndina; Kineserna kommer 

Krækjur;

 

Times of Malta; Moody's downgrades Malta to A2, negative outlook

Wall Street Journal; Moody's Cuts Malta's Bond Ratings By A Notch; Outlook Negative 

Fyrri færsla

Svissneski frankinn; "Átti ekki að geta gerst"

Svissneski frankinn; "Átti ekki að geta gerst"

Svissneski seðlabankinn (SNB) ákvað í dag að setja þak á gengishækkun svissneska frankans. Þakið sem um er að ræða er ein setning á pappír sem límdur var á nethimnu sjónarvotta. Og síðan troðið inn í hlustir þeirra sem opin höfðu eyru. Á þessum pappír stendur að seðlabankinn sé reiðubúinn til að prenta "ótakmarkað magn" af svissneskum peningum til uppkaupa á erlendum gjaldeyri, svo halda megi gengi frankans undir þessu nýsmíðaða þakskeggi seðlabankans.

Þetta er neyðarvörn SNB gegn þeim tryllingslega fjármagnsflótta sem í gangi er frá evrusvæðinu og yfir í öryggi þessa litla sjálfstæða svissneska gjaldmiðils. Hér er sjálfstæður seðlabanki við vinnu sína með sjálfstæða mynt. Aðgerðir, frumkvæði og heilögum beljum slátrað. Öll 17 ríki evrusvæðisins horfa á með öfundaraugum. Þau geta hvorki prentað peninga né dregið inn peningamagn úr umferð né stýrt neinum vöxtum eða neinu heima hjá sér. Þau fara bara í ríkisgjaldþrot, eða verða að öðrum kosti innlimuð í nýtt Stór-Þýskaland Evrópusambandsins.

Gengi frankans féll um 8 prósent á nokkrum mínútum. Samkvæmt formúlum háskólamanna á fjármálamarkaði, átti svissneski frankinn ekki að geta gengisbreytt sér svona mikið á einum degi. Líkurnar á því áttu að vera minni en einn af 800000000000000000000000000000

0000000000000000000000000000000000000000000000000

0000000000000000000. 

En þetta gerðist samt. Formúlan úr kennslustofunum hélt ekki. Og auðvitað mun þetta ekki virka. En hvað gerir maður ekki til að bjarga vinum sínum og sjálfum sér. Stór hluti Evrópu asnaðist til að taka húsnæðislán í svissneskum frönkum og japönskum yenum, því þar voru vextir lægri. Bankakerfi Evrópusambandsins þola ekki — ofaní hrikalegt upplausnarferli evrunnar — að franka_lána_bankar þeirra verði burstaðir út vegna þess að fólkið í Evrópu er hætt að geta borgað af þessum lánunum. Austur-Evrópa stendur á öndinni eftir mikla hækkun frankans. Afborgnair hafa margfaldast í erfiðleikum. Þarna geta svissneskir kannski sparkað bankakerfum nokkurra ESB-landa aðeins lengra niður eftir götunni áður er dósir þær verða flattar út undir vegheflinum stóra.

Svissneski stórbankinn UBS segir óbeinum orðum í dag að foringjaráð evrusvæðisins hafi skapað perversan gjaldmiðil í Evrópu, sem virkar alls ekki og mun aldrei virka, nema með því að stofnuð verði Bandaríki Evrópu utan um þessa suður/norður Vítetnömsku-mynt er evra nefnist. Auðvelt að hoppa inn, en ógerningur að komast lifandi út aftur. 

En engin hinna 27 landa Evrópusambandsins gengu í slíkt ríki. Þau gengu upphaflega í eitthvað sem þau vissu ekki hvað var. Á skiltum og í kynningarbæklingum Brussels höfðu þau frétt að Evrópusambandið væri bara tollabandalag og létu því gossa út í hyldýpið. Þessi ríki geta hins vegar þurft að kyngja því að verða aðeins hluti af nýjum Einræðis-Bandaríkjum Evrópu í framtíðinni (EBE).

Á eftir, eða næstu 400 árin eða svo, munu þau heyja borgarastyrjaldir sín á milli og leggja heimsálfuna margfalt í rúst, áður en hendi sögunnar verður veifað. Allt út af einum peningi sem ekki var hægt að komast óvopnaður út úr.

Margt ljótt sem átti ekki að geta gerst mun gerast í Evrópu á næstu árum. Þar hafa hryllingsbúðir opnað á ný.

 

Krækjur

 

No, Asset Price Movements Are Not Normally Distributed, No Way, No How

UBS: Euro break-up - the consequences

 

Tengt

 

Gjaldeyrishöft innleidd á evrusvæði 

Kostir evru að sýna sig í ESB

 

Hrunvaki Evrópusambandsins blæs í bátana

Þetta hlýtur að passa. Um daginn hækkaði seðlabankalingur Evrópusambandsins stýrivextina í 17 löndum evrusvæðisins. Og sem vel flest hanga á barmi hyldýpis. Nokkur þeirra eru þegar dottin þar dauð ofan í. Kreppan hlýtur því að fara að skella á. Og með enn meira afli en haustið 2008.

 

Hví segi ég þetta? Jú vegna þess að þá, fimm mínútur í hrun, hækkaði þessi sami seðlabankalingur Evrópusambandsins sömu stýrivextina, þ.e.a.s í júlí mánuði það ár. Bankinn sá þarna um það bil tvær mínútur inn í framtíðina, sem er afrek, því núna sér hann ekki að þrjú lönd evrusvæðisins eru dauðadæmd í prógrammi hjá AGS og gangandi ríkisgjaldþrota. Nema að þau segi skilið við einmitt þessa stýrivexti og mynt seðlabankans. Og svo sér bankinn ekki þá staðreynd að þriðji stærsti ríkisskuldari heimsins, Ítalía, hefur svo að segja misst allt aðgengi að fjármálamörkuðum heimsins. Og mun aldrei geta greitt skuldir sínar. Síðan eru það Spánn og Finnland og Kýpur og Slóvakía. 

Sem sagt; allt í steik á myntsvæði bankans og þá er auðvitað rétti tíminn til að hækka vextina. Það er nefnilega það sem Þýskaland vill. Ein stærð af peningapólitískum vöxtum sem passar engum nema einum - og varla það. Blásið því vinsamlegast í bátana. Bunkergleðin hefur tekið völdin í byrgjum Evrópusambandsins.

 

Dansað og gift! Tralla lalla la . .  

 

ECB: Heimskulegasti seðlabanki mannkynssögunnar? 

Spurt er; Sumahúsareglan í Danmörku og útlendingar

Varðandi reglurnar um sumarhús í eigu útlendinga í Danmörku, sem Haraldur Baldursson spyr um hér, þá eru þær frá 1973 og einar af fáum varanlegum undanþágum frá regluverki ESB sem Danmörku hefur tekist að klóra til sín í gegnum þá tæplega 40 ára liðnu tíð sem landið hefur verið í stöðugu innlimunarferli inn í Evrópusambandið. Allar undanþágur landsins eru frá tímanum áður en ESB-stjórnarskráin var þvinguð yfir Danmörku. Hún markar endalok varanlegra undanþága. 

 

Danmörk hefur verið tæp 40 ár í tannlækningastól Evrópusambandsins þar sem tennurnar hafa verið dregnar úr fullveldi landsins, ein af annarri. Mjúk fæða frá Brussel í formi efnahagslegs niðurgangs, hnignunar og eyðingu lífsins á landsbyggð Danmerkur, hefur komið í staðinn. Fiskveiðar ónýtar, landbúnaður ónýtur, gjaldþrota og á förum frá landinu. Einn lélegasti hagvöxtur í 30 löndum OECD klúbbsins síðustu 15 árin var í Danmörku og verður einnig svo þau næstu 15. Danmörk er tapað land. Massíft og hrikalega þungt atvinnuleysi öll 33 árin frá 1978 nema fimm bóluárin frá 2004-2007 - og fasteingamarkaður sem drápslega hefur hrunið tvisvar sinnum á síðustu 25 árum. Danmörk gekk í Evrópusambandið árið 1973 og er að verða dautt. Naflastrengurinn frá Brussel virkaði svona vel. Af 5,4 milljón manns í Danmörku gera meira en 800 þúsund manns á vinnualdri ekki neitt annað en að bíða eftir kistunni. 

Danir óttuðust að efnaðir Þjóðverjar myndu kaupa upp land við strendur Danmörku og loka því af. Þjóðverjar hafa ekki sérlega mikinn aðgang að ströndum. Danir óttuðust einnig verðsprenginu á sumarhúsum og að aðgengi Dana til hinnar smátt skömmtuðu náttúru landsins myndi lokast af og að verðin yrðu það há að almennir Danir hefðu takmarkaðan aðgang að markaðnum, og þar með að náttúru landsins. Þetta yrði eins konar "kynslóðaþjófnaður" á landinu frá dönsku þjóðinni og afkomendum. 

Það var ekki erfitt fyrir Dani að reikna út að hættan á að 80 milljón Þjóðverjar keyptu upp alla aðlaðandi staði í landinu, væri meiri en hættan á því að 4,5 milljónir Dana keyptu upp allt aðlaðandi land í Þýskalandi þar sem 80 milljón Þjóðverjar búa. Hjá okkur er þetta hlutfall hins vegar orðið 500 milljón manns á móti 0,3 milljón manns. 

Vissar undanþágur eru gerðar á þessari reglu í Danmörku og frá árinu 2001 hafa 600 af 800 umsækjendum fengið undanþágu frá reglunum. Um er að ræða þá sem hafa mikil ættjarðar- og fjölskylduleg tengsl við landið (Danir búsettir í útlöndum) og slíkt.

• Lilja Norðurlanda 
• Rannsókn: Danmörk varla fullvalda ríki lengur. Lög og reglur í Danmörku koma að mestu leyti frá embættismönnum í Brussel, sem enginn Dani kaus
• Hindrar evra atvinnusköpun ?
• Norræn ESB velferð: Þrjú hundruð þúsund Danir í lausu lofti ef illa fer
• Evrópusambandið er steindautt
• Danmark står til den 4. laveste økonomiske vækst frem til 2026 ud af 32 OECD-lande

Facebook síður stjórnmálamanna

Furðulegt er að stjórnmálamenn skuli leggjast svo lágt að loka sig af frá internetinu og læsa skrif sín inni á vef sem enginn getur séð - nema að vera þátttakandi í skrípaleik sem heitir hér er ég því ég kann ekki neitt annað. Hvað er að?

 

Fyrri færsla

 

Kraftur menntunnar ? 

Kraftur menntunnar ?

Ótrúlegt en satt

Þessa dagana ræða margir um eitthvað frá einræðisríkinu Kína sem kallað er fjárfestir. Oftar en ekki, þegar ég hef lýst andstöðu minni við að selja stóran hluta af Íslandi úr landi, þá hef ég fengið þetta svar;

 

já en hvað eigum við þá að gera?

Fyrst vissi ég ekki hvernig svara ætti þessari spurningu - og hugsaði; getur það verið að menntaðasta fólk í heimi viti ekki hvað það á að gera annað en þetta? Ef þetta er ekki hægt, að þá standi menn eins og fjárfastir bjánar og sjúgi þumalputta.

Þarf nokkuð að loka skólum?

 

Eða er þjóðin bara orðin svona örvæntingarfull undir núverandi ríkisstjórn?

Hér er krækja á fjárfest póstkort frá Kína. Og hér er boðið betur

Og hér er mynd af honum sem þótti svo góður í ríkisstjórn Íslands áður en hún komst loksins til valda. Þekkið þið manninn?

 

 

 

Ekkert getur bjargað evrunni. Ekkert getur bjargað Evrópu. En Finnlandi?

Mynd, DerSpiegel: Ein af myndunum sem Evrópubúar hafa fengið af Evrópusambandinu

Af hverju þarf að bjarga evrunni?

Átti hún ekki að bjarga sér sjálf? Mynt regluverksins. Tveggja stólpa reglan. Orðin að eins konar myrkraverki sem er að breiðast yfir Evrópu eina ferðina enn. Hvað er að?

Af hverju þarf að bjarga Evrópu?

Átti þetta ekki að vera svo æðislegt þetta Evrópusamband? Hálf milljón blaðsíður af regluverki og 125 þúsund eftirlitsmenn þess. Margir þessara 125 þúsund starfsmanna ESB eru á skattfrjálsum launum og með lífeyrissjóði sína staðsetta í skattaskjólum. Hvað er að?

Hvað er að í Finnlandi? 

Af hverju vill enginn fjárfesta lengur "hér í Finnlandi", eins og talnamaður Handelsbankans segir í viðtalinu við Bloomberg? Hvað er að?

 

“It appears companies don’t really want to invest here, especially since cost pressures have increased,” Tiina Helenius, Helsinki-based chief economist at Svenska Handelsbanken AB, said by phone yesterday. “Companies are downsizing early” as demand grows less certain, she said | Bloomberg

Þetta átti jú allt að vera svo frábært og svo ofsa gott á evrubraut Finnlands í ESB. En samt þarf að leita alla leið aftur til ársins 1918 til að Finnar finni eins mikið til í efnahagslegum dukkadalanen samdrætti eins og varð þar árið 2009. 

Af hverju hefur hlutabréfamarkaður Finnlands fallið mest á eftir þeim gríska frá áramótum? Hvað er að? Er Finnland að breytast í ú-land?

Af hverju er Finnland á sömu leið og Portúgal hefur verið frá örófi evrunnar og af hverju bíða Finnlands sömu örlög og Portúgals? Þetta segja finnskir ráðamenn? Hvað er að? 

Áttu ekki allir að vera á leiðinni til Finnlands? Mest, best og fyrirmyndar þetta og hitt. Var eitthvað bogið við tölurnar á bak við vinsældalista þeirra sem birta þvættings-samanburðinn á topp tíu-lista landanna. Getur það verðið. Kannast einhver við svoleiðis hér á landi?

Af hverju eru Finnar sem þjóð að eldast einna hraðast af öllum í ESB? Og slæmt er þó ástandið hjá öllum hinum. Vill enginn eignast börn þarna í paradís Jóhönnu Sigurðardóttur & núll? Hún hefur valið "finnsku leiðina" samkvæmt yfirlæknisráði fábjánaveldis Samfylkingarinnar. Já, finnsku leiðina til ESB, því ég veit ekki neitt, kann ekki neitt og get ekki neitt. Sorrý þjóð. Ding!  

 

 

PS; Skyldi einkaneysla á hvern mann í Kína vera meiri en einkaneyslan var á hvern mann í Gúlag-fangabúðaveldi Sovétríkjanna? Sovétríkin áttu líka sína milljónamorðingja sem og mæringa. Samanlögð einkaneysla í öllu Kína er á stærð við samanlagaða einkaneyslu í Frakklandi.

 

PS2; Fréttir herma að frjálsi fjárfestirinn sé farinn að bíða eftir skipunum (direct orders) frá yfirmönum sínum heima í Kínaveldinu.  

 

Fyrri færslur

 

Danir einangraðir í Evrópusambandinu

Nokkur orð um erlenda fjárfesta og stjórnarfar