Evrópa að blindast: upplýsingaflæði í hættu vegna vantrausts

TRAUST OG TRÚNAÐUR MEÐAL BANDAMANNA

Sendiherra Bandaríkjanna í Berlín var í síðustu viku falið það verk að birta þýskum stjórnvöldum þau skilaboð frá Washington, að ef Berlín ákveður að byggja 5G-fjarskiptainnviði landsins upp á kínverskri tækni, þá neyðast Bandaríkin til að meðhöndla Þýskaland sem útibú Kína. Þá yrðu Bandaríkin að gera ráð fyrir því að mikilvægar upplýsingar sem Bandaríkin veita Þýskalandi, endi í höndum Kínverska kommúnistaflokksins. Yrðu þá mikilvægar upplýsingar að hætta að berast Þýskalandi. Málið snýst ekki bara um nafnið á uppsetningarbúnaði slíks fjarskiptakerfis, heldur um eðli þess

Fjarskiptakerfið hvílir á hugbúnaði sem viðstöðulaust þarf að uppfæra. Og eins og flestir vita eru hugbúnaðarmál veraldar komin í eðlislægt þrot, þar sem lengra verður varla haldið með þá örgjörva- og hugbúnaðartækni sem ekki getur vitað hvort að hann sé að tortíma heiminum eða að vinna honum gagn. Þó svo að upphafleg uppsetning 5G kerfisins sé hugsanlega þétt, þá mun kerfið taka stakkaskiptum með uppfærslum frá framleiðendum, sem í tilfelli Kína, er kommúnistaflokkurinn. Þessu greindi til dæmis Wall Street Journal frá í gær

Bandaríkin hafa bent þýskum stjórnvöldum, sem enn eru varla skriðin inn í hina stafrænu upplýsingaöld, á framleiðendur í Evrópu eins og til dæmis Ericsson og Nokia. Þau hafa ekki bent þeim á til dæmis hið bandaríska Cisco, því þýskum stjórnvöldum er svo illa við Bandaríkin, eða þá vegna þess að Bandaríkin eru á tröppunum með nýja tölvunartækni sem öðrum verður ekki treyst fyrir og sem enn er hernaðarleyndarmál. Það var jú Bandaríkjaher sem fann upp þá stafrænu tækni sem notuð er í dag ásamt internetinu. Hún er kaldastríðsafurð sem öllum varð heimlit að nota um leið og hún hætti að vera hernaðarleyndarmál. Tölvunarrisar heimsins í dag fundu hana ekki upp. Það gerði bandaríski herinn, og líklegt er að það sama muni gilda um orkutækni framtíðar. Það má því gera ráð fyrir því að upplýsingakerfi Schengensvæðisins verði eins og Þýskaland er þegar orðið: eða miðstöð fyrir helstu stríðsglæpamenn heimsins, bæði þá núlifandi sem unnu fyrir ríkisstjórn Adolfs Hitlers kanslara Þýskalands, og svo þeirra sem voru að verki við stríðsglæpi í Mið-Austurlöndum, og fengu í kjölfarið alþjóðlega vernd í Þýskalandi í boði Angelu Merkel, sem þýska blaðið Bild upplýsti í gær að teldu um fimm þúsund stríðsglæapamenn, sem Þýskaland og þar með Schengensvæðið hýsir nú, en sem enginn veit hverjir eru

ÚRSÖGN BANDARÍKJNNA ÚR NATO

Úrsögn Bandaríkjanna úr NATO er mál sem enginn ætti að afneita sem raunverulegum möguleika úr þessu. Fyrir það fyrsta er næstum að verða ógerningur að láta bandalagið sameinast um þau verk sem vinna þarf þegar að vinna þarf þau. Fjölbreytnin í bandalaginu er orðin slík. Og í öðru lagi er varla lengur hægt að segja að Þýskaland sé hernaðarbandalagshæft ríki að neinu leyti. Það er fordæmisgefandi versta land fyrir Evrópu sem hægt er að vinna saman með í varnarbandalagi á borð við NATO, sem kennt er við Norður-Atlantshaf, og sem krefst þess að löndin í bandalaginu séu að minnsta kosti á sömu pólitísku blaðsíðunni. Þýskaland er ekki lengur á sömu pólitísku blaðsíðu og vesturlönd. Og hugsanlega er hægt að segja að landið hafi heldur aldrei verið það

Þá vitið þið það. Upplausn NATO er hugsanleg. Og málið er þess eðlis að það snýst ekki bara um þau helstu núverandi pólitísku ríkishöfuð sem halda um stjórnartaumana beggja megin Atlantsála. Það er dýpra en svo. Bandaríska þjóðin er farin að líta á NATO sem hættulega gildru, sem eykur mannfall þegar til bandalagsins þarf að grípa, meðal annars vegna þess að hælbítar eru innan þess og sem koma í veg fyrir sigur í átökum. Plús það að enginn getur lengur vitað með hverjum land á borð við Þýskaland vinnur, eða ekki. Og þegar grípa þarf til herstyrks NATO þá eru það aðeins Bandaríkin sem hafa bardagakláran her og mannafla til að fara með sigur af hólmi í átökum

Fyrri færsla

Hættulegra að segja nei en að vera ólöglegur í ESB [u]

Hættulegra að segja nei en að vera ólöglegur í ESB [u]

Í ESB-Evrópu standa málin þannig, aðeins 30 árum eftir endursameiningu Þýskalands, að þar er orðið hættulegra að segja nei við innflæði ólöglegra innflytjenda og lýsa yfir efasemdum um þá, en að vera ólöglegur innflytjandi í sambandinu. Nú ert þú settur í ESB-gúlag ef þú efast um alræði Þýskalands í þessum málum, sem lét sturta milljónum af innflytjendum frá annarri plánetu, ástamt glæpa- og vígamönnum, yfir Evrópu og sem flæða þar um á milli landanna. En brjótir þú hins vegar lögin og ryðjist inn yfir ytri sem innri- gatasigta-landamæri landanna í sambandinu, þá færðu peningapoka frá hinu opinbera, sem þvingar þá út úr skattgreiðendum landanna, sem settir hafa verið í eins konar gúlag

Norðmenn þorðu heldur ekki að segja nei við þriðja orkupakkanum af sömu ástæðu. Þeir hræddust að vera settir gúlag með þeim sem sett hafa spurningarmerki við evrópusamrunann, sem verja á Þýskaland og Frakkland gegn alþjóðlegri samkeppni, með því að þau hafi völdin yfir öllum ríkjum Evrópu í gegnum ESB, sér í hag. Það er á þá leið sem Reuters skrifar um samþykki Noregs, þegar að þriðja orkupakkanum kemur. Norðmenn hafa aldrei þorað að segja nei við neinu frá ESB. Þeir hafa bara þorað að segja nei við Íslendinga

Þetta er að verða frekar súrrealistískt ástand í ríki líberalismans, sem Þórdís Kolbrún þingmaður og ráðherra Sjálfstæðisflokksins dásamar í Moggapistli sínum nú um helgina. ESB (og EES) er orðið að de-facto gúlagkerfi, þar sem sjálf háborg líberalistanna, París, er að verða svipað apartheit-samfélag og Suður-Afríka var. Gildir hið sama um fleiri borgir í löndum Evrópusambandsins. Líberalistaríki hennar stendur á barmi borgarastyrjaldar og er þegar orðið að apartheit-einangrunarbúðum

Það tók Þýskaland ekki nema 30 ár að verða að nýrri og þrúgandi ógn yfir Evrópu. 1) Það lemur Suður-Evrópu í efnahagslegan plokkfisk og hefur gert svo allt frá því að það bjó til og fékk EMU-verkfærin í hendur sínar. 2) Þýskaland er þegar komið í stríð við Austur-Evrópu sem vogar sér að andæfa þýsku gerræði. 3) Þýskaland reynir allt hvað það getur að berja Bretland niður og út í brexit. Og 4) Grikkland fær enn og fékk í 10 ár verri meðferð úr lófa Þýskalands en ólöglegir innflytjendur frá annarri plánetu fá, og sem þýski kanslarinn veifaði bara inn og yfir Evrópu

Norðmenn þegja sem fastast 1933-sænskri þögn um allt, á meðan hin gamla aristókratíska undirgefni Svíþjóðar í garð Þýskalands, frá tímum Síðari heimsstyrjaldarinnar og fyrr, lepur það ábyrgðar- og stjórnleysi gagnvart Svíum úr hönd Þýskalands, sem sænsku ríkisstjórninni er skammtað þann daginn og hinn, af einskærum ótta við þær afleiðingar sem allar tilraunir til fullveldis í sænskum málum hefðu í för með sér. Svíþjóð er því að verða óþekkjanlegt stórslys

Hvað á svona "samvinna" að þýða? Þetta er að sjálfsögðu að nálgast geðklofaástand sem ekkert hefur með samvinnu að gera. Þvert á móti!

Sektarkennd Þýskalands vegna Síðari heimsstyrjaldarinnar hefur nú þegar að miklu leyti breyst í sektarkennd yfir því að hafa tapað henni. Ameríkuandúðin blómstrar og hefur gert svo áratugum saman, svæsin allar götur frá að minnsta kosti 1981. Og Ísrael og Gyðingar færast óðum efst upp á listann. Það var engin tilviljun að Ameríkuandúðarmiðillinn Der Spiegel skyldi á þremur árum birta tugi upploginna frétta um Bandaríkin, kosningabaráttu og forsetakjör Donalds Trump 2016, en sem blaðið afsakar sig með að hafi aðeins verið birtar vegna eins rotins og svikuls blaðamanns, sem skáldaði þær allar upp frá a til ö. Enginn fótur var fyrir neinu. Allt var upplogið og falsað, blaðsíðunúmerin líka. Hinn þýski stjörnu-blaðamaður tímaritsins færði hins vegar yfirmönnum sínum á Der Spiegel bara það sem þeir vildu heyra. Þess vegna runnu lygar hans niður eins og heitar lummur hjá ritstjórninni, því í hennar augum voru þær hinn hreini sannleikur um landið í vestri, sem hið aristókratíska "æðra Þýskaland" og skáldskapur þess um Sonderweg, hefur að miklu leyti fyrirlitið og jafnvel hatað frá fæðingu Bandaríkjanna sem lýðveldi fólksins. "We the people" hljómar þar ekki vel. Íslenskir Þýskalandsfetistar eru í hópi tryggustu áskrifenda að þessum miðli og margir til pólitísks heimils í Sjálfstæðisflokki mínum og á kratagervihnöttum. Þeir æmtu því; þessi maður verður aldrei forseti!

Á sama tíma -að sögn fréttaveitu Bloomberg, GPF og Stratfor og fleirum- neitaði Þýskaland að verða við bón varaforseta Bandaríkjanna í kjölfar öryggisráðstefnunnar í Munchen um daginn, um að sjófrelsis-sigla litlum þýskum herskipum um Kerchsundið, sem tengir Svartahaf og Azovhaf, og sem er alþjóðleg siglingarleið. Því neitaði Þýskaland með þeim rökum að slíkt væri "óþarfa áreitni" í garð Rússlands! Hið sama gerði Frakkland, það neitaði líka. Bæði löndin þykjast þó vera í NATO. Heldur virkilega einhver að þessi "fjölþjóðlegu-samvinnulönd" muni lyfta litla fingri Austur-Evrópu til varnar, þegar Rússland slær til og étur sig lengra vestur í álfunni. Eða Grikklandi, þegar Ottómankolin hitna upp fyrir suðumarkið þar. Þar stóð Grikkland varðstöðu fyrir norðrið í 500 ár og hún kostaði Grikki það mikið að það sést enn þann dag í dag

Svo kallar Þórdís Kolbrún ráðherra xD þetta bara "alþjóðlega samvinnu". Ég vona svo sannarlega að þetta sé ekki viðhorfið hjá fleiri Sjálfstæðismönnum, því þá er illa komið fyrir okkur, og Ísland á á hættu að glatast þjóðinni sem á landið. Að mæra Evrópusambandið er að verða eins og að dásama nýtt alræði yfir Evrópu sem "samvinnu" um fjölþjóðlega eyðileggingu

Við þurfum öldungadeild sem bremsuvirki á þannig fólk sem krefst ofangreinds ömurlegs sambands við önnur lönd. Bremsuvirki

Fyrri færsla

Sósíalistar komnir á ískalt hlaðborð xD ?

Sósíalistar komnir á ískalt hlaðborð xD ?

VIKAN

(rautt, litur lýðveldissinna - blátt litur krata?)

FÖSTUDAGUR 8. MARS

Mynd WSJ: evrusólin

Í síðasta bloggpistli, föstudag (ég fastaði þó ekki), fjallaði ég um Svíþjóð og biðstofuna niður í evru, sem fékk e-efnanúmerið ERM2. Þar inni er Svíþjóð, en sem neitar samt að höggva af sér restarnar af útlimunum og að fella síðustu tennurnar, svo að hún geti setið nógu fast-þrædd upp á strekktum gengisvírnum, sem heimilar ekki að hún blakti meira en plús mínus það sem nefnd í Brussel hefur ákveðið að þvotturinn á ERM2 snúrunni megi blakta. Vírinn er svo hafður uppi þar til að síðustu sjálfstæðistilburðir landsins hafa verið þurrkaðir upp, undir stingandi sólbruna ECB-seðlabankans, í höndum þurrkaðs tómats frá Pasta, sem þerrað hefur upp alla Evrópu til handa Þýskalandi, samkvæmt nýrri rannsókn

MIÐVIKUDAGUR 6. MARS 2019

Í þar síðasta pistli, á miðvikudag, spurði ég hvort að Sjálfstæðisflokkurinn ætli bjóða fram ískalt hlaðborð á ný. Glórulaus pistill Þórdísar Kolbrúnar í Mogganum í dag gefur til kynna að hlaðborðið innihaldi frá og með nú það sem í Evrópu eru kallaðir sósíalistar, en kratar á Íslandi. John Locke (1632 –1704) var sósíalisti sem bjó svo vel að geta rúllað kenningum sínum um líberalisma út í stjórnaskrárbundið stjórnarfar og þjóðfrelsi sem breskir Íhaldsmenn höfðu byggt upp frá og með 13. öld, eða 400 árum áður en Locke fæddist. Fyrirmyndarríki John Lockes hófst í Frakklandi, þar sem líberalistar stofnuðu nýtt ríki sem hófst á því að skilgreina hverjir máttu vera með í ríki líberalismans þar, og hverjir ekki. Þeir sem máttu ekki lengur vera með í frönsku þjóðinni voru teknir af lífi, slíkur var krafturinn í úníversalisma líberalista

Hinum megin Atlantsála varð hins vegar á sama tíma til nýtt ríki sem byggði á vinnu hins enska Sir John Fortescue (1394-1479) og samlanda hans John Selden (1584–1654), sem kallaður var Talmúdistinn í Turninum (hann sat þar inni um tíma), því hann eins og stofnendur Bandaríkjanna og svo síðar Lincoln líka -nema þá helst vinstrimaðurinn Thomas Jefferson sem var í burtu að dá blóðbað hetjulíberalista sinna í Frakklandi- byggðu að miklu leyti lagaheimspeki bæði Bretlands og Bandaríkjanna á Ísraelsríki hinu forna og þótti því ákaflega vænt um Gamla testamentið, sem snillingurinn Patton, sem talaði bæði þýsku og frönsku, las í hvern einasta helvítis dag. Allt er til sölu hjá líberalistum: þjóðin, þjóðríkið, þjóðfrelsið, fjölskyldan, Guð og æran líka. Þeir hafa öðlast "einstaklingsfrelsi" til að gera ekkert í ekkert-heimum. Það er þeirra vegna að heimurinn er í klessu í dag. Hér má fræðast um þetta allt og sérstaklega hvað Íhaldsstefnan er, því hún skapaði það sem kallast Vesturlönd: Hvað er Íhaldsstefna?

Í leiðinni er hægt að geta þess að engin svo kölluð fjórða iðnbylting er í gangi. Hún er ekki fædd enn, en margir reyna hins vegar að geta sér til um hverju hún muni bylta og hvernig. Útbrunnin stafræn tækni á leið í þrot er ekki bylting. Hún er aðeins það stig sem bílaiðnaðurinn var á í kringum 1950: bransi í leit að nýjum hávaxtar-tekjuleiðum, en sem ekki fundust

Í kaldaborðs pistli mínum um xD-réttina á því, fjallaði ég líka um NATO og benti lesendum á Victor Davis Hanson bóndann og hernaðarsögufræðing útskýra um hvað NATO snýst, og um hvað ekki; Það snýst um að halda Bandaríkjunum inni, Rússlandi úti og Þýskalandi niðri á jörðinni. Einnig kom ég inná nýja könnun í Þýskalandi sem segir að Þjóðverjar séu alveg við það álíta Pútín heilagan anda og Kínverja eins og þá sjálfa, eða jafnvel betri en Bandaríkjamenn. Bóndinn Hanson kom einnig í vikunnu með ágætis uppgjör á því hvað er að gerast meðal "líberalista" í Bandaríkjunum: Pigs on Two Legs Turn on Each Other

ÞRIÐJUDAGUR 5. MARS 2019

Á þriðjudag fjallaði ég um að engar spár ECB-seðlabanka Evrópusambandsins um verðbólgu á evrusvæðinu, hafa staðist

SUNNUDAGUR 3. MARS 2019

Á sunnudeginum fjallaði ég um fjárnám á evrusvæðinu þar sem ný rannsókn segir að Þýskaland hefur grætt næstum því tvær billjónir evra á evrunni, en Frakklandi hefur blætt það mikið út, samkvæmt rannsókninni, að blóðmissir þess svarar til 3,5 sinnum þeirrar blóðgjafar sem Austur-Þýskalandi var veitt til að forða því frá úrkynjunaraldauða kommúnismans, eftir hrun Berlínarmúrsins frá austri til vesturs (líberalisminn). Um er að ræða næstum eina og hálfa landsframleiðslu Frakklands í blóðgjöf. Fyrir Ítalíu er staðan enn verri samkvæmt þessari rannsókn. Blóðtap Ítalíu svarar til þess að hún hafi verið þvinguð til að endurreisa Austur-Þýskaland rúmlega fjórum sinnum og tapað við það rúmlega tvöfaldri landsframleiðslu sinni

Fyrri færsla

Aftur og aftur: fjölmiðlar, Svíþjóð, ERM2 og evra

Aftur og aftur: fjölmiðlar, Svíþjóð, ERM2 og evra

Á bloggsíðu G. Tómasar Gunnarssonar spunnust umræður um Svíþjóð og evru. Ekki lái ég íslenskum fjölmiðlum ef að þeir skyldu ekki alltaf vita hvernig það mál er statt og um hvað það snýst. Því að sænska þjóðin veit það ekki heldur, og margir sænskir stjórnmálamenn vita það ekki heldur, eða þykjast ekki vitað það og vilja allra helst ekki vita það

STAÐA SVÍÞJÓÐAR ER SÚ SAMA OG ALLRA LANDA ESB -1

Svíþjóð er í EMU (Economic and Monetary Union) af því að þeir eru í Evrópusambandinu, því EMU er órjúfanlegur hluti af ESB-aðild. En Svíar neita því hins vegar að þeir séu í ERM2-hluta eða gengisbindingarhluta EMU, sem er þriðja stig EMU. En þar sem sænska ríkisstjórnin skuldbatt sig með ESB-aðild landsins að fara í ERM2 aðlögunarferli til að taka upp evru eins fljótt og aðlögunarskilyrði Maastrichtsáttmálans höfðu verið uppfyllt, þá kemst Svíþjóð ekki hjá því að taka upp evru. Þess vegna lætur ECB-seðlabanki Evrópusambandsins taka út aðlögunarferli Svíþjóðar að evru og þar með ESB, annað hvert ár. Aðlögunarskýrslum þessum er ætlað að þrýsta á sænsku ríkisstjórnina með góðu, áður en landið er tekið fyrir dómstóla og settir úrslitakostir. Niðurstaða síðustu aðlögunarskýrslu ECB-seðlabankans um Svíþjóð, frá 2016, segir því það sama og allar hinar hafa sagt:

"ECB konstaterar att Sverige sedan den 1 juni 1998 har haft en skyldighet enligt fördraget att anpassa sin nationella lagstiftning inför en integrering i Eurosystemet. De svenska myndigheterna har inte vidtagit några lagstiftnings- åtgärder under de senaste åren för att rätta till de oförenligheter som beskrivits i denna och tidigare rapporter."

En þar sem sænska ríkisstjórnin og þingið vita að þau lugu að sænsku þjóðinni þegar þau lugu henni inn í Evrópusambandið árið 1994, með samþykki aðeins 52,3 prósenta hluta kjósenda, þá standa málin þannig að sænska þingið ákvað einhliða árið 1997 að Svíþjóð myndi ekki taka þátt í ERM-hluta peningamálakerfis EMU. Sænska seðlabankanum var þar með af þinginu fyrirskipað að viðhafa áfram þá sjálfstæðu peningapólitík sem hann hefur fylgt síðan 1993

FORSAGAN

Gengisbindingarsaga Svíþjóðar er sú að frá 1873-1930 var gengið tengt gulli. Frá 1933-1938 var krónan tengd sterlingspundi. Frá 1939-1950 var krónan tengd Bandaríkjadal. Frá 1951-1972 var krónan tengd Bretton Woods kerfinu (næstum Bandaríkjadal). Frá 1973-1976 er krónan tengd EMS, sem er hin formlega skel utan um ERM og EMU, og bundin þýska markinu. Frá 1977-1990 er krónan fyrir utan EMS, en tengd myntkörfu sem samanstendur af Bandaríkjadal og evrópskum myntum. Frá 1991-1992 er krónan tengd ECU, sem eins konar evra á stafrænu formi, eða sem reiknieining e. European Currency Unit

Svíþjóð gengur svo í Evrópusambandið árið 1994, en látið er hjá líða að lesa sáttmálana og samningana eins og þeir eru, vísvitandi og viljandi, því sænskir stjórnmálamenn "halda" þá að "undanþágur" séu eitthvað sem enn liggja á lausu, sem þær gerðu ekki. Og eftir 500 prósentustiga-háa stýrivexti sænska seðlabankans í september 1992, undir síðustu gengisbindingu landsins, einhliða við ECU, þá hræða sporin mjög svo enn árið 1997, er þingið tekur ákvörðun um evruna og ERM2, sem það hefur ekki lagalega heimild til að taka. Sporin hræddu enn meira þegar sænska ríkisstjórnin mundi hvað hún hafði þvingað sig til að gera til að viðhalda síðustu gengisbindinu krónunnar við ECU í 500 prósent stýrivöxtum sænska seðlabankans árið 1992, þar sem ríkisstjórnin ákvað að enginn banki mætti fara í þrot, og bjargaði þeim með þeim afleiðingum að hlutur sænska ríkisins í hagkerfinu varð 73 prósent af landsframleiðslu. Síðast þegar ég vissi eða árið 2015, var sænska ríkið ekki enn að fullu komið út úr bönkunum aftur. Bönkum sem sænska ríkið fór inn í fyrir meira en 20 árum síðan. Sjá nánar í grein minni í Þjóðmálum veturinn 2011: Áhlaupið á íslensku krónuna

"SKYLDIGHET"

Evrópusambandið segir því að Svíþjóð sé í ERM2, en gerir þó ekkert af því sem þarf til að hægt sé að viðhafa þrönga gengisbindingu eins og vera ber. Sambandið muni að sjálfsögðu ekki fórna fé ríkisstjórna evrulanda (stofnhlutafé ECB-seðlabankans) við að verja það sem óverjanlegt er. Þess vegna er gerð aðlögunarskýrsla á tveggja ára fresti til að þrýsta á Svíþjóð um að standa við þá sáttmála sem þjóðþing Svíþjóðar hefur skrifað undir. Það verði Svíþjóð að gera, því Evrópusambandið geti til dæmis ekki varið það gagnvart þeim ESB-löndum sem þegar hafa látið sig krypplast varanlega undir ERM2-ferli og síðan undir evru. Til dæmis ekki gagnvart Finnlandi, svo að bara eitt dæmi sé nefnt, sem nú þegar liggur hálfdautt úr evru, og vegna þess að mörg finnsk fyrirtæki hafa flutt sig yfir til Svíþjóðar og þar með út úr evru til að forðast evrudauðann og keppa því samkeppnina þaðan. Svíþjóð sleppur því að sjálfsögðu ekki bara sí svona við pyntingarklefann ERM2 til að það geti svo bara sí svona keppt við önnur evrulönd með því að vera með sjálfstæða mynt, sjálfstæðan seðlabanka, sjálfstæða peningapólitík og sjálfstæða fjárlagagerð, sem er ekki í skrúfstykki ERM2 og evru, og nýtur þess ákaft að þurfa ekki að láta fjárlagagerðina axlast eingöngu á herðum skattgreiðenda, heldur sem nýtur stuðnings sjálfstæðrar peningastefnu landsins, sem skaffar sænska ríkinu lægri vexti en evruríkin þurfa að borga, því með sjálfstæða mynt eru líkurnar á því að skattatekjur sænska ríkissjóðsins þorni upp vegna atvinnuleysis og áfalla, mun minni en hjá þeim löndum sem eru með evru. Þetta spilar svo inn í alþjóðleg vaxtakjör sænska ríkisins og byggir undir alþjóðlegt traust og lánshæfismat þess, umfram allt annað, þegar nánar er skoðað. Matsfyrirtækin vita að þjóðargjaldþrotahættan undir sjálfstæðri mynt er óendanlega minni en hjá löndum sem enga mynt eiga sjálf, þegar á reynir

Um þetta stendur slagurinn. Það er hægt að hefta sig við bókstafi, en svona er málið; Svíþjóð, séð með augum Evrópusambandsins, er í ERM2 en gerir ekkert til að það geti virkað, og það er Svíþjóð sem verður að hefja ferlið með því að pynta sig. Svíþjóð og sænska þingið segir hins vegar að þeir hafi á sínum tíma sagt einhverjum við "samningaborðið" (þar sem ekkert var um að semja - þið þekkið það frá þjóðsvikastjórn Vinstri grænna og Samfylkingar, plús orkupakki3 núna, með þing sem jafnvel er tvöfalt glórulausara en þá) að landið myndi ekki taka upp evru, og að það hefði ótal lögfræðileg álit sérfróðra manna um hversu rétt það hefði fyrir sér í þeim efnum. Og þar við standa málin. Svíþjóð er ekki með neina undantekningu hér. Það er með enga sáttmálasamninga sem staðfestir hafa verið í 27 ríkisstjórnum og þjóðþingum ESB-landa um málið, og verður það heldur aldrei. Danmörk er eina landið með sáttmála-undantekningu í þessum efnum, eftir að Bretland er farið út

Lagalega séð er Svíþjóð því í ERM2-ferli, en ekki í praxís. Og þar sem lög Evrópusambandsins eru æðri lögum sænska þingsins, vegna þess að Evrópusambandið er yfirríki yfir Svíþjóð, þá er Svíþjóð í ERM2

OBS GÄLLER EJ

ERM2 er tveggja ára binding í senn. Ef við tökum tilfelli Danmerkur, sem er eina landið sem er virkt í ERM2-hluta EMU í dag, þá hefði Danmörk misst gagnkvæma ERM2-vörn frá hendi ECB-seðlabankans, ef að landið hefði til dæmis ekki látið danska skattgreiðendur um að bjarga Roskilde Bank þegar hann hrundi til grunna á aðeins nokkrum vikum, ásamt fleiri dönskum bönkum sem danskir skattgreiðendur hafa verið látnir bjarga. Þá hefði Danmörk gerst "brotleg" hvað varðar peningapólitískan stöðugleika og valdið áhlaupi á krónuna að "óþörfu" og sett ECB í það verk að verja dönsku krónuna, sem er ógerningur í þannig aðstæðum, sérstaklega þegar tekið er tillit til þess hvernig realkreditvesen-skuldabréfamarkaður Danmerkur er innréttaður með tilliti til húsnæðislána, sem eru gerræðisleg hagstærð

Ef svo hefði farið, þ.e. að Danmörk hefði verið sprengd út úr ERM2 bindingu, ætlar þá kannski einhver að segja að Danmörk sé ekki með í ERM2? Slíkt væri auðvitað firra. Það væri með, en án þess að vera með, eða án þess að vera það virkt að ERM2 geti gengið upp á jörðu niðri, því það er eins og allt annað í Evrópusambandinu; einskisnýt góðviðrisstofnun sem þolir ekki álag. Eins og regnhlífabúð í eigu banka, sem alltaf heimar fá þær til baka um leið og byrjar að rigna

Fyrri færsla

Ætlar Sjálfstæðisflokkur bjóða fram ískalt hlaðborð á ný?

Ætlar Sjálfstæðisflokkur bjóða fram ískalt hlaðborð á ný?

JÁSAMFÉLAGIÐ, ÞAR SEM NEI ÞÝÐIR ENDALOK TILVERUNNAR

Umræðan um Orkupakka3 sem pakkað var í Brussel og sendur án upprunalands og ótollaður til Íslands, vegna þess að slíkt var því miður gert mögulegt með EES, minnir mig á umræðuna í Danmörku, þegar þess var krafist að Danir segðu já við Maastrichtsáttmálanum í júní 1992

Skömmu áður hafði Poul Schluter forsætisráðherra sagt Dönum að það kæmi ekki til greina að Efnahagsbandalagið EB sem þá var íslenska nafnið á Brusselveldinu (skammstafað EB á íslensku og EEC á ensku og EF á dönsku), myndi nokkru sinni verða að Evrópusambandi, eða European Union (EU) á ensku, og Den Europæiske Union (EU) á dönsku, og Evrópusambandið (ESB) á íslensku. Allar slíkar hugmyndir væru andvana fæddar og yrðu aldrei að veruleika. "Unionen er stendöd" sagði Poul Schluter forsætisráðherra Danmerkur í danska ríkissjónvarpinu síðasta sjónvarpskvöldið fyrir kjördag í febrúar 1986, þar sem átti að kjósa um EB-pakkann (d. folkeafstemningen om EF-pakken) þar sem lagður var grunnurinn að hinum svo kallaða "innri markaði" ESB. Danir höfðu nefnilega ekki gengið í neitt annað en fríverslun í kringum svínakjöt og útflutning á landbúnaðarafurðum, eða svo héldu þeir árið 1972 (þ.e. gróðasambandið þar sem "allir græða" og enginn tapar neinu nema fullveldinu og landi sínu). Ríkisstjórn Schluters rétt marði þjóðaratkvæðið, en næstum því helmingur þjóðarinnar sat þó eftir skelkaður og áhyggjufullur um hvað þetta myndi þýða fyrir framtíð Danmerkur. Þeir óttuðust hið versta þó svo að þjóðinni hafði verið sagt að hún gæti alltaf sagt nei og þá myndi EB lestin stöðvast, því samþykki allra landa þyrfti til að hún gæti haldið ferð sinni áfram

Það versta brast svo á aðeins sex árum síðar í júní 1992. Þá var Dönum skipað inn í kjörklefana á ný til að kjósa um það sem Poul Schluter forsætisráðherra hafði sagt henni að gæti ekki gerst: þ.e. stofnun Evrópusambandsins sem sjálfstæðs yfirríkis yfir Danmörku með Maastrichtsáttmála. Sagt var í kosningabaráttunni að Danmörk myndi þó enn halda fullveldi sínu í vissum málum, en með sáttmálanum væri það ESB sem yrði sjálfsætt ríki yfir Danmörku. Lög þess og reglur yrðu æðri lögum danska þjóðþingsins. Bókhaldaratýpur danskra stjórnmála, eins og Þórdís Kolbrún í Sjálfstæðisflokki hér heima, komu fram og sögðu þjóðinni að hún gæti ekki sagt nei við Maastrichtsáttmálanum vegna þess að hún hefði þegar sagt já við Rómarsáttmálanum 1972 og EB-pakkanum 1986. "Við verðum að segja já, því annað er ekki hægt af tillitssemi við þau lönd sem eru þarna líka. Við getum ekki verið þekkt fyrir slík forpokalegheit" dundi á þjóðinni alla daga, vikum saman. En þannig fóru málin bara ekki. Danir sögðu nei við stofnun Evrópu-sambandsins í þjóðaratkvæðagreiðslunni um Maastricht og evrupakka3, því þeir fylltust hryllingi er þeir lásu sáttmálann, sem svo illa vildi til fyrir ríkisstjórnina, að dreift hafði verið í hús. Danir héldu að þeir hefðu gengið í Efnahagsbandalag en ekki í yfirríki. Það var niðurstaða þjóðarinnar. Hún sagði nei

Mynd: Úr bók Bernards Connolly: The Rotten Heart of Europe, The The Dirty War for Europes Money. Um viðbrögðin við danska neinu við Maastricht-sáttmálanum 1992. Bein krækja á myndina

Næsta dag opnuðust svo loksins dyr ESB-helvítisins eins og þær eru. Evrópa kom til dyranna eins og hún er alltaf klædd og sagði Dönum að fara til fjandans. Og ef þessi smákompa þarna í norðri héldi að hún gæti stöðvað þróunina, þá væri ekkert annað fyrir hana að gera en að koma sér burt. Út með ykkur var tilkynnt á tröppum um alla ESB-Evrópu, eins og þegar Gordon Brown kom út á tröppurnar til að tilkynna heiminum hvað Íslendingar væru miklir og óábyrgir óreiðumenn, að ætla sér ekki að standa við "skuldbindingar" sínar (banka ESB-fíklanna)

Mynd: Úr bók Bernards Connolly: The Rotten Heart of Europe, The The Dirty War for Europes Money. Um skattalækana-mútur dönsku ríkisstjórnar sósíaldemókrata til að reyna að fá þjóðina til að segja já í annarri tilraun til að fá hana til að kyngja Maastricht-sáttmálanum. Efnahagsmálin gerð að klámi og yfirvofandi hrun alls sem hrunið gæti, gengið líka, var hótað, ef ekki væri kyngt og sagt já. Bein krækja á myndina

Ekki tók neitt betra við eftir danska neiið. Það var að sjálfsögðu ekki samþykkt af ESB-elítum meginlandsins né í ríkisstjórn, þó svo að því væri ákaft fagnað í Bretlandi. Byrjað var að möndla um hvernig hægt væri að vinda og snúa upp á lýðræðið sem fólk hafði verið frætt um að ætti að vera innanborðs í EEC og svo ESB og síðar EES. Ekkert slíkt fannst þrátt fyrir mikla leit í ESB-Titanic skipinu þarna, og síðar. Dönum við skipað að halda aðra þjóðaratkvæðagreiðslu, því nei væri ekki tekið gilt. Það kæmi ekki til greina að nokkur þúsund manns í smákompu í norðri kæmust upp með að stöðva herframgöngu sögunnar inn í þýskan Sonderweg og nýjan Napóleon. Þjóðinni var mútað með loforðum um skattalækkanir ef hún segði já við aðeins minni útgáfu af Evrupakka3 (evran heitir ERM-III) það er Maastricht-sáttmálanum. Það gerði hún og sér mikið eftir því. En gert er gert og ekki hægt að taka til baka, nema með því að kála sér í leiðinni

Þeir sem hafa ekki lesið bók Bernards Connolly ættu að gera það. Hún sýnir svart á hvítu hversu rotin, ill og ömurleg hin svokallaða "Evrópusamvinna" er. Bókin er sennilega besta sögulega sönnunargagn sem til er um hið rotna eðli Evrópusambandsins og flestu sem því tengist. En Bernard sat sem fulltrúi Bretlands í Brussel þegar evrupakki3 var í smíðum. Honum blöskraði og gaf út þessa bók um málið. Hann var rekinn og dæmdur útlægur og myndir af honum hengdar upp í byggingum í Brussel eins og að um landráðamann væri að ræða, og þögult starfandi einkaleyniþjónustu Brusselelíta sigað á hann. Svo var hann af Brussel lögsóttur og dæmdur sekur í Evrópu-gervidómstól sambandsins, sem ávallt dæmir Evrópu-samruna-hugmyndinni í hag, enda til þess eina máls gerður. Hér er dómurinn - og hér má lesa kynningarformála Bernards að nýju upplagi sem kom út árið 2012, því bókin hafði árum saman verið ófáanleg

Maður yrði þakklátur fyrir að fá að heyra eitthvað annað en pólitískt bókhaldaraþvaður af EES-grautarsort í Schengensalerni -sem getur ekki virkað sé það tengt veruleikanum og notað til annars en verndað vinnusvæði fyrir glæpamenn- um svo mikilvægt mál eins og Orkupakki3 er fyrir Ísland og fullveldi okkar Íslendinga í eigin málum. Pakkinn er slæmt svæsið framhald af slæmu og getur aðeins boðað enn meira illt verra, því hann er rangt sem getur ekki orðið rétt, frekar en Icesave. Bókhaldaraþvaður frammámanna í Sjálfstæðisflokknum um þetta mál, er ekki á borð berandi fyrir íslenska þjóð, sem kaus um lokasprettinn inn í þjóðfrelsið með 99,7 prósentum atkvæða í rúmlega 98 prósenta einhuga kosningaþátttöku árið 1944. Þið verðið að taka ykkur á, því annars verður að skilja flokkinn að á ný í Íhaldsflokk og flokk örendra Brusselsleikjandi skriffinna hins vegar. Nýtt ískalt mat lætur enginn bjóða sér, nema þeir sem veifa ESB-grautarsleifum út um glugga Valhallar til að berja fylgið af flokknum, aftur og aftur

Góður hlutir eru nær alltaf einfaldir. Til dæmis var NATO stofnað til að halda Rússlandi úti úr Evrópu, Bandaríkjunum inni og Þýskalandi niðri, eins og Ismay lávarður sagði sem fyrsti yfirmaður þess. Snilldar-strategía, sem byggist á því, að alveg sama hvað, þá mun Þýskaland alltaf verða til vandræða fyrir Evrópu og þvinga hana til að viðhafa og bindast slæmum öflum og þróast í slæma átt. Þýskaland er því þegar komið í fjandsamlega glímu við Austur-Evrópu, Suður-Evrópu og Bretland. Það tók ekki langan tíma. Og alveg sama hvað, þá mun Rússland, hvor sem það er undir Zar-keisara, Sovétkommúnisma eða Pútín-dátum, of oft hafa allt aðra dagskrá en þá sem samræmist dagskrá Vesturlanda. NATO-strategían byggir á landfræðilegum staðreyndum og mannlegu eðli. Svo einfalt er það. En nú er Rússland á leið inn, eða þegar komið inn, þökk sé Þýskalandi, Bandaríkin komin út, þökk sé Þýskalandi, og Þýskaland komið upp, þökk sé velvilja bandamanna þess í NATO og sakleysis sem frú Thatcher deildi ekki með Bush-1. Allt er því á leið í eðlilegt horf fyrir Evrópu á ný, því Platón sagði að stríð væri hið eðlilega ástand mála, þar sem friðurinn væri innan-sviga fyrirbæri. Þetta kemur.. tilvist ESB sér fyrir því, því það er slæmur hlutur fyrir Evrópu. Slæmur hlutur. Þar er sjálft NATO einnig í hættu vegna einmitt tilvistar Evrópusambandsins í höndum Þýskalands, eins og VDH bendir á hér að neðan, því verið er að reyna að afflytja alla Evrópu frá þeirri pólitísku blaðsíðu Vesturlanda sem NATO er byggt til að snúast um og verja

Um NATO og ESB

Victor Davis Hanson bóndi og sagnfræðingur um NATO og "bandamenn" okkar austur í Evrópu

Ameríkuandúð Þjóðverja virðist nú nálgast gamla þýska ofstækisstigið, því samkvæmt nýrri þýskri könnun Atlantik-Brucke, segjast 42 prósent Þjóðverja sjá Kína sem betri og traustari bandamann en Bandaríkin. Og aðeins tvö prósent Þjóðverja álita að Þýskalandi stafi hætta af útþenslu Rússlands frá austri til vesturs. Er Þýskaland nú þegar dottið út úr Vesturlöndum aftur? Eða átti það kannski aldrei heima hér. Stefnir það austur? Eru þeir þegar farnir burt af hinni pólitísku blaðsíðu Norður-Atlantshafs, sem bjargaði þeim þrisvar?

Ekki myndi ég sjálfur vilja eiga eina sekúndu af minni framtíð og fjölskyldu minnar undir Þýskalandi komið. Ekki frá og með 3. október 1990

Fyrri færsla

Guð Samfylkingar fluttur til Andrómedu - NATO og "Evrópa"

Guð Samfylkingar fluttur til Andrómedu - NATO og "Evrópa"

Mynd WSJ Daliy Shot: Spár ECB um verðbólgu. Bláu línurnar eru spár ECB. Rauða línan er veruleikinn. Nýjasta spáin, sem ekkert hefur lært af neinu, er blá og heil. Hundrað þúsund manns starfa í seðlabönkum evrusvæðis

****

Bankastjórn ECB-seðlabanka Evrópusambandsins, evru-guð Samfylkingar og Viðreisnar, gengur ekki beint vel í glímunni við svitatrjábol Benedikts Jóhannessonar, hins vitsmunalega fjarverandi fyrrum fjármálaráðherra Íslands, og núllbakaradrengs Bjartrar framtíðar

Engar spár bankans um að lífsmark sé einhverstaðar að brjótast út á evrusvæðinu standast, eins og sést á myndinni hér að ofan. Verðbólgan mælist alltaf innhverf og ekkert gengur með að ná hinu lögsetta markmiði seðlabankans um að verðbólga sé meiri á evrusvæðinu en hún er í líkhúsum þess. Spár bankans skríða upp eins og kakkalakkar, til þess eins að falla svo niður aftur, eins og allar kakkalakkakenningar í peningamálum alltaf gera eftir áföll. Skírða þá upp, en til þess eins að detta niður á ný. Evra á Íslandi er kakkalakkaflokkur Viðreisnar í Samfylkingu, eftir að Björt framtíðin brann við á Andrómedu

Stofnáfall myntsvæðis bankans er sagt vera Síðari heimsstyrjöldin, fyrst að velja þurfti áfall til að útskýra stórveldisdrauma brunarústa hennar í nýjum felulitum til að blekkja almenning. Sú kakkalakka-kenning í peningamálum sem evran er sögð vera bein afleiðing af, er samt sem áður ein versta hugmynd mannkyns um peninga og efnahag. Kannski kemur hún nýrri styrjöld af stað, sem þá þurrkar allt út í eitt skipti fyrir öll. Það myndi svo sannarlega auðvelda alla peningastjórn á evrusvæðinu

Mynd: Stýrivextir ECB seðlabankalings evru

Korteri fyrir hrun 2008 hækkaði ECB stýrivextina til að ýta svæðinu fram af bjargbrúninni. Þá kom seðlabanki Bandaríkjanna og bjargaði evrunni fyrir horn. Hún lafði því til að líta einn nýjan dag í einu. Svo þegar evran var á ný við það að leysast upp, árið 2011, þá hafði ECB nýlega byrjað að hækka stýrivextina, og seðlabanki Bandaríkjanna var þá aftur kallaður út, til að bjarga evrunni úr klóm seðlabankastjórnar ECB á ný

Síðan þá hefur ECB ekki þorað að hætta sér út á peningadansgólf evrunnar, nema á snjóþrúgum. Þar læðist hann um og sér lítið nema ekkert. Allt myntsvæði bankans er ónýtt eins og það leggur sig, þar leggur reykinn upp úr stærstu brunarústum mannkynssögunnar, í nýjum skýrslum á borð við: Fjárnám á evrusvæðinu, með evrupakka-3

Benedikt Viðreisnar tilbiður því evruna sína frá Andrómedu núna, sem fölur rauður díll

Myndband: Hvað ef?

Victor Davis Hanson bóndi og sagnfræðingur um NATO og bandamenn okkar austur í Evrópu

****

Ameríkuandúð Þjóðverja að nálgast gamla þýska ofstækisstigið?

Ný þýsk könnun Atlantik-Brucke sýnir að 42 prósent Þjóðverja sjá Kína sem betri og traustari bandamann en Bandaríkin. Og aðeins tvö prósent Þjóðverja álita að Þýskalandi stafi hætta af útþenslu Rússlands frá austri til vesturs. Er Þýskaland dottið út úr Vesturlöndum? Eða átti það kannski aldrei heima hér? Stefnir það austur?

Ekki myndi ég sjálfur vilja eiga eina sekúndu af minni framtíð og fjölskyldu minnar undir Þýskalandi komið. Ekki frá og með 3. október 1990

Fyrri færsla

Fjárnám á evrusvæðinu

Fjárnám á evrusvæðinu

Aðvörun 14. desember 1996

Björn Bjarnason skrifar í dag um að uppnám sé á evrusvæðinu vegna nýrrar rannsóknar á því hvað sameiginleg mynt hafi þýtt fyrir þau lönd sem hve lengst hafa verið með evru sem sameiginlega mynt- og peningapólitískt verkfæri. Evran er nefnilega ekki bara sameiginleg mynt eða myntbandalag, hún er peningapólitískt verkfæri umfram allt annað; og fjárnámsverkfæri í tilfelli ESB, samkvæmt þessum rannsóknarniðurstöðum. Á ensku heitir myntbandalagið Economic and Monetary Union og er skammstafað EMU. Það er þriðji og síðasti fasinn í ERM (e. European Exchange Rate Mechanism). Þriðji evrupakkinn, ef svo má að orði komast, er því allt annað en annar-evrupakkinn, ERM II. Ekkert þeirra landa sem eru með í rannsókninni gekk í EEC, eða Evrópubandalagið-EB á sínum tíma, með það fyrir augum að það bandalag myndi verða að Evrópusambandi sem krefðist upptöku evru, eða þriðja evrupakkans. Þannig gengur allt fyrir sig í þessu sambandi, sem forsætisráðherra Danmerkur sagði að væri dauð hugmynd árið 1986. Danir þyrftu því ekki að óttast að EB yrði nokkurn tíma að ESB eða neinu sem líktist union

Yfirskriftin sem Björn velur er hófsama útgáfan af því sem gerst hefur, því að um fjárnám hefur verið að ræða. Fjárnám (rán) þar sem til dæmis Frakklandi hefur blætt það mikið út, samkvæmt rannsókninni, að blóðmissir þess svarar til 3,5 sinnum þeirrar blóðgjafar sem Austur-Þýskalandi var veitt til að forða því frá úrkynjunaraldauða kommúnismans, eftir hrun Berlínarmúrsins frá austri til vesturs. Um er að ræða næstum eina og hálfa landsframleiðslu Frakklands í blóðgjöf. Fyrir Ítalíu er staðan enn verri samkvæmt rannsókninni. Blóðtap Ítalíu svarar til þess að hún hafi verið þvinguð til að endurreisa Austur-Þýskaland rúmlega fjórum sinnum og tapað við það rúmlega tvöfaldri landsframleiðslu sinni

Athugið að fyrir Austur-Þýskaland hefur billjón evru stuðningur frá Vestur-Þýskalandi litla sem enga þýðingu haft. Austur-Þýskaland er ennþá krónískt aðeins um 60-75% af landsframleiðslunni á mann í vestri, og enn er peningum pumpað frá vestri til austurs. Sama vonlausa dæmi gildir einnig um yfirfærslubandalag (þ. transfer-union) Norður-Ítalíu með Suður-Ítalíu í meira en 100 ár. Suður-hlutinn er samt sem áður ennþá eftir 100 ára yfirfærslur frá norðri á skallanum, með 30 prósent krónískt atvinnuleysi, félagslegar hörmungar og efnahagslegt sjálfsofnæmi. Suður-Ítalía tilheyrir því enn Norður-Afríku, nema á pappírnum

Ástæðan fyrir því að niðurstöður þessarar rannsóknar eru birtar núna, en ekki fyrr, því þetta mál hefur varla mátt ræða síðustu 30 árin, allt frá drukknunardögum Evrópu í forvera evrunnar sem heitir ERM, er þessi; Þar sem kosningar til hins fullsovéska ESB-gúmmístimpils-þings í Strassborg eru framundan, þá á þetta rannsóknar-plagg að þjóna sem "debatt-innlegg" í umræðuna um; 1) að af því að sjálft Evrópusambandið og evran virka alveg þveröfugt við það sem sagt var, þá á að nota þetta til að "umbæta" (e. reform => vertu eins og ég) Evrópusambandið, eins og þegar Sovétmenn sóttu sér í neyð nýjan Perestroika-árgang af sósíalisma niður í vínkjallara Marxismans. Sóttu sér einungis nýja flösku undir sama gamla eitraða sullið: þ.e. Perestroika og Glasnost; sem hefði náttúrlega aldrei virkað hið minnsta, nema fyrir rússnesku valdastéttina eina. Það sama er að gerast í ESB með evru og hinn "innri markað ESB", sem er mýta

Og svo er þessi rannsókn einnig birt núna vegna þess að 2) Trump hefur séð í gegnum Þýskalands-trixið sem verandi gengisfalsari (uppfyllir öll fjögur skilyrði bandaríska þingsins fyrir því að fá á sig stimpilinn "gengisfalsari" eða e. currency manipulator), þar sem hið innra ójafnvægi innan ESB og evru og svo út á við líka, er svo hroðalega svæsið að Þýskaland er með 9 prósent current account hagnað - á kostnað annarra landa. Og þar sem Þýskaland felur sig (e. stealth) með því að segja að það sjálft geti ekki gert neina viðskiptasamninga við önnur lönd (að það sé Brussel sem geri það fyrir Þýskaland) þá er það eina sem Bandaríkin geta gert, er að setja landamæratolla á Þýskaland og þeir eru á leiðinni. Þessari skýrslu er ætlað að vera sungið upp í Trump til að reyna að sannfæra Bandaríkin um að eitthvað sé verið að reyna að gera í málinu. Sem verður auðvitað aldrei gert, því það er ekki hægt, - nema með því að gera ESB að Íslandi með eina þjóð í einu þjóðríki, með eina mynt sem vinnur fyrir eina þjóð, en ekki gegn henni sökum þess að hún væri mynt annarrar þjóðar. Mörg ólík ríki með 1500 ára sjálfstæða sögu, trú, örlög og tungumál hvert fyrir sig, spyrt saman sem pár á pappír, geta aldrei orðið Ísland

Því fyrr sem þetta stórslys fyrir Evrópu endar, því betra: þ.e. áður en að sjálf tilvist Evrópusambandsins startar nýrri styrjöld í Evrópu - sem hún er að gera: Þar verður ESB-mönnum líklega stillt upp við vegg og þeir teknir af lífi fyrir að hafa fætt af sér stærstu og verstu efnahagslegu örkumlunar dómsdagsvél mannkynssögunnar á friðartímum. Tímum sem eytt var í að örkumla lönd með tilvist ESB og evru, í stað þess að læra af sögunni og haga sér í samræmi við lærdóminn af Síðari heimsstyrjöldinni, sem vannst fyrir tilstuðlan bandalags sjálfstæðra og fullvalda ríkja. Það eina sem krafist var af löndum Evrópu eftir þann hildarleik, var að þau höguðu sér eins og venjuleg og ábyrg ríki, en ekki ein samsteypt þvæla í einni ESB-klessu sem hrækir í dag á höndina sem bjargaði þeim, tvisvar!

****

Þökk sé Birni Bjarnasyni, þá set ég hér beina krækju á rannsókn CEP: 20 Years of the Euro: Winners and Losers (einnig viðhengd sem PDF-skrá við þessa færslu, sjá neðst)

****

En: Þar sem rannsóknin byggist á mælingum á landsframleiðslu og sem síðan er deilt niður á heimilin eða mannfjölda í landinu, þá verða menn að hafa eftirfarandi í huga

1. Í hagkerfinu eru það fyrirtækin sem framleiða landsframleiðsluna.

2. Í hagkerfinu eru það heimilin sem neyta þessarar landsframleiðslu sem fyrirtækin skapa.

3. Þess sem heimilin geta ekki neytt, er flutt út til annarra landa, þar sem það er hægt, eða sparað upp eða fjárfest.

Þýska hagkerfið er vegna láglaunastefnu með evru (innvortis gengisfelling) orðið svo vanskapað að það þarf að flytja út næstum helming landsframleiðslunnar. Hennar er ekki neytt heima, því heimahagkerfið er ónýtt og var eyðilagt með evru. Þannig að veruleikinn er miklu miklu verri en það sem rannsóknin segir um tap/hagnað á hvert heimili eða hvern íbúa þegar að Þýskalandi kemur

EMU-evruupptakari

Hagnaður Þýskalands hefur því aðeins á lítinn og óbeinan hátt komið heimilunum til góða og hann kemur helst fram þannig, að með lágum launum er atvinnustigi haldið uppi á falskan hátt. Hagnaður Þýskalands liggur í útflutningsfyrirtækjum landsins. Sparnaður þýskra heimili hefur aldrei verið meiri en annastaðar á vesturlöndum. Ráðdeild þýskra heimila er einungis lífsseig mýta. Það sem hins vegar hefur einkennt Þýskaland er að með því að koma í veg fyrir neyslu þýskra heimila, hefur sparnaðarhlutfall þeirra sem hlutfall af launum verið þvingað upp. En þar sem hlutdeild þeirra í neyslu landsframleiðslunnar er svo lítill, þá verða menn að horfa á þjóðarsparnaðinn í heild, því þegar fyrirtæki spara upp þá er það gert í formi hagnaðar. Hið opinbera sparar líka upp. Svo hvað sparnað varðar, eru þýsk heimili alls ekki neitt ráðdeildarsamari en í öðrum löndum, heldur er staða þeirra eins og staða heimila er í Kína, þar sem sparnaðarhlutfall heimila er það hæsta í heimi (sjá hér), en aðeins vegna þess að því hlutfalli er þvingað upp með því að heimilin fá ekki það frá ríkinu sem þau ættu að fá. Eða þá með því að gera eins og gert var í Sovétríkjunum; þar sem það var einfaldlega ekkert hægt að kaupa fyrir peningana, vegna þess að ekkert framboð var af neinu. Þar fékkst ekkert. Þessum þvingaða sparnaði rænir svo hið opinbera yfirleitt frá heimilunum með duldum sköttum og lágum launum og þetta er fært yfir til fyrirtækjanna sem niðurgreiðslur eða stuðningur við að halda ósamkeppnishæfum atvinnugeira á lífi. Menn verða því að horfa á þjóðarsparnaðinn í heild, en ekki bara sparnað hjá heimilum. Og í tilfelli Þýskalands, þá er sparnaðurinn í formi hagnaðar hjá útflutningsfyrirtækjunum. Þess vegna er Þýskaland með evru og til einskis annars; til að ríða Evrópu í afturendann um aldur og ævi; til að geta notað þýska alþýðu sem ódýra þræla til þess að halda úrkynjuðum fyrirtækjum þýska aðalsins gangandi og á lífi.

Svona virkar láglaunastefna Þýskalands með aðstoð evru

Forleikur: Þýska Hartz-láglaunastefnan í Þýskalandi virkaði svo vel að sá sparnaður sem gat orðið til í þýska hagkerfinu, varð allur til hjá útflutningsfyrirtækjum landsins. Og þegar sparnaður verður til hjá fyrirtækjum, en ekki heimilum, þá heitir hann hagnaður

Hlutur Þjóðverja í neyslu landsframleiðslunnar, sem fyrirtækin framleiða, varð svo lítill að flytja þarf helming landsframleiðslunnar út

Við þetta hvarf einnig útlánamarkaðurinn fyrir þá peninga sem þýskum fyrirtækjum gæddist vegna láglaunastefnunnar. Þýsk heimili gátu ekki tekið við sparnaði (hagnaði) fyrirtækjanna í formi útlána í gegnum bankakerfið, til neyslu. Og ekki nóg með það, þýsk heimili hættu að vera lánshæf, vegna lágra launa

Þessu fé sem þannig hafði verið "rænt" frá þýskum heimilum (með blessun verkalýðshreyfinga esb-sossa) með því að gera hlutdeild þeirra í neyslu landsframleiðslunnar svona lítinn og þannig koma í veg fyrir að hagnaður gæti orðið til hjá heimilunum, já honum var svo skipað út og þrýstidælt inn á evrulöndin í suðri, undir útlánastöðlum sem bannaðir vori heima í Þýskalandi

Í suðri voru raunstýrivextir evrunnar neikvæðir og þýsku fé dælt þar inn á nafnvöxtum sem þau gátu ekki fengið heima í Þýskalandi. En vextirnir voru samt falskir og staðbundið-neikvæðir og útlánin brunnu niður. Þeir hefðu átt að vera hærri og þar með hindrað suðræn heimili í að brenna hagkerfi sín niður og þar með komið í veg fyrir svona ósvinnu. En þar sem ECB-seðlabanki evru er miðaður við þarfir Þýskalands aðeins, þá voru vextir hans í suðri ásamt þýska þrælaríkinu í norðri, eldsspýtan sem kveikti í evrusvæðinu. Þetta er sennilega eitt stærsta útflæði á illa fengnu fé undir beltisstað í sögu mannkyns. Í sumum löndum Suður-Evrópu nam þýska innflæðið 30 prósentum af landsframleiðslu

Þannig var því sem með réttu átti að vera sparnaður í eigu þýskra heimila, dælt inn á evrulöndin í suðri svo að þau hefðu fé til að kaupa útflutninginn af þýskum fyrirtækjum, sem gengu fyrir þrælum á lágum launum í norðri

Og þegar að evrulöndin í suðri sprungu vegna þessara undirboða alls í þýskt stjórnuðu ESB og svo vegna fjármálakreppunnar sem Þýskaland átti stóran þátt í að skapa, þá var það ákveðið í hallarsölum ESB, sem eru í vösum Þýskalands, að það væru löndin í suðri sem myndu verða gerð upp, í stað þess að láta þýsku bankana, sem lánuðu peningana út, rúlla. Það kom bara diktat um það frá Berlín og París

Messustjórinn yfir þessu öllu voru tveir kanslarar Þýskalans úr sömu stór-samsteypunni, Schröder og Merkel, sem er eilífðar samsæri þýska elíta gegn þjóðinni, sem á ekkert, en er hlýðnir þrælar

Og þar sem löndin í suðri eru í föstu og handjárnuðu gengisfyrirkomulagi við Þýskaland með evru, þá voru þau varnarlaus með öllu. Það eina sem land eins og Þýskaland skilur er fyrirvaralaus gengisfelling beint í andlit þess

Fyrri færsla

Nýja Trump-sólin að skína alls staðar

Skrár tengdar þessari bloggfærslu:

• PDF: 20 Years of the Euro: Winners and Losers

Nýja Trump-sólin að skína alls staðar

Mynd, Hvíta húsið: Donald J. Trump í Víetnam í vikunni

****

Í vikunni reis Trump-sólin enn hærra í tveimur heimsálfum samtímis

Í Ameríku lauk síðasta þætti í rússnesku leiksýningu Demókrataflokksins. Þar kom "blindaður" maður fyrir þingnefnd og sagði að Trump hefði greitt fjárkúgara peninga fyrir að þegja. Ekkert ólöglegt við það mál, en sem samt er ekki eins stórt mál og Icesave; þar sem næstum heil stjórnmálamannastétt ætlaði að láta heila þjóð borga

Mueller rannsókninni er því að ljúka, tveimur árum of snemma fyrir Demókrataflokkinn. Og um leið og sú sýning endar, hefst sjálft Rússagillið: þ.e. Trump opnar pappírana sem sýna og sanna samsæri Demókrata og forseta þeirra, gegn ekki bara forsetaframbjóðanda, heldur einnig gegn þjóðkjörnum forseta Bandaríkjanna, sjálfum Donald J. Trump. Sú sýning mun svo verða öllum opin alla daga ársins næstu tvö árin, fram að næstu kosningum

Á sama deginum, en nú í Asíu, gekk Trump út af fundi með einræðisherra Norður-Kóreu, sem Kína hafði lofað Bandaríkjunum að myndi ekki koma sér upp kjarnorkuvopnum. Og þar sem Trump er að pressa Kína til að fara eftir -þó ekki sé nema bara einu sinni- þeim alþjóðlegu samningum og samkomulögum sem landið -ef svo má kalla Kína- hefur gert við aðrar þjóðir, þá var útgangan af fundinum alls ekki það versta sem gerst gat fyrir bandaríska forsetann, sem kallaði fésoltna ljósku fyrir hrossfés (e. horse face)

Útgangan gagnast Trump alveg ágætlega gagnvart Kína. Nú getur hann nefnilega byrjað að gefa Kommúnistaflokknum í Peking til kynna, að ástandið sé því miður það algerlega óásættanlega óþolandi, fyrir bæði Bandaríkin og bandamenn þeirra í Suð-Austurasíu, að erfitt sé að sjá til hvers annars það muni leiða en þess, að Kína verði á rólegan og yfirvegaðan hátt gert grein fyrir því, að komi það ekki böndum yfir Norðrið, þá muni það leiða til þess að Bandaríkin geti ekki lengur sett sig upp á móti því -"komið böndum yfir"- að Suður-Kórea, Japan, Taívan, Víetnam og Ástralía muni koma sér upp kjarnorkuvopnum, sem öll beinast að Norður-Kóreu og Kína, og sem virka, og yrðu kannski framleidd á vel smurðu færibandi eins og Hondur, Toyota og Kíur. Allar viðræður um viðskipti á milli Bandaríkjanna og Kína munu að sjálfsögðu einnig verða að taka mið af þessu, - nema að eitthvað komi á borðið sem kætir munn og maga bandaríska viðskiptaráðuneytisins. Veruleg hætta sé því á að Kína litla geti jafnvel breyst í helvítis-holu (e. hell hole), fyrir Kínverja sjálfa, sem hafa náð svo langt, að geta jafnvel framleitt stél og vængi á Coman C919 farþegaþotuna, sem illa gengur að koma sem Made in China í loftið, nema sem svifflugvél

Víkur þá sögunni til Brussel, sem Trump sagði einnig að um tíma hefði verið í helvítis-holu ásigkomulagi. Þar er viss púðurþráður sem liggur alla leið til Berlínar. Hann þarf að skoða nánar, sérstaklega í ljósi þess að allar snobbuðustu hugveitur og stofnanir heimsins hafa tekið upp Trump-pólitísku viðhorfin gagnvart Kína - og það alveg án þess að hafa tekið eftir því. Bandaríkin hóta jafnvel að hætta að deila upplýsingum með þeim löndum sem banna ekki kínverska tækni í 5G netverks-innviðum

Á meðan býr bandaríska þjóðin heima í Bandaríkjunum við besta atvinnuástand síðan að mælingar hófust. Besta atvinnuástand meðal minnihlutahópa nokkru sinni. Meira en þrjú prósent árshagvöxt, sem allir nema Trump sögðu að væri óframkvæmanlegur. Kauphækkanir handa vinnandi fólki. Alla fjármálamarkaði í topp-standi. Og Trump á fullu við að ræsa út mýrina, plús skattalækkanir, og mun minna og hratt minnkandi reglugerðafargan en áður hefur til sést til á nýrri tímum, og nýjan heimsmeistaratitil í orkuframleiðslu. Og það besta af öllu; heilan Demókrataflokk sem er að fyllast af svo miklum skríl af sósíalistum, að gamlir miðjumenn þar innanborðs keppast við að þvo af sér alla hófsemi í pólitískum skoðunum, við handvaskinn stóra. Annars verður þeim stillt upp í Moskvuréttarhöldum flokksins og þeir hreinsaðir út (e. purges) eins og í Kína

Á meðan tifar klukkan fyrir Berlín - og öld Asíu er að enda, en ekki að byrja. Og eins og allir vita, þá hafa allar aldir Evrópu nú þegar endað. Þær enduðu 1945 og 1989. Evrópa er núll

Pax Americana er sem sagt að berja úr sér beyglunar, eftir klessukeyrslur útópíustjóra glóbalismans. Ameríka ræður ferðinni ein, þökk sé einum hugrökkum manni, einn á móti öllum sem hugsast gat. Þeir sem sáu ekki neitt, föttuðu ekki neitt og skildu ekki neitt, fyrr en um seinan, hata hann manna mest, eins og alltaf. Þannig virkar öfundin. En Wyatt Earp virkar betur

Fyrri færsla

Tæknilegt framhald Sjálfstæðisflokksins er 12 prósent

Tæknilegt framhald Sjálfstæðisflokksins er 12 prósent

"Ég hef bara heyrt af þess­um hópi og hitt full­trúa frá hon­um og á nú lyklakippu með þessu slag­orði, en þetta er bara gagn­rýni þeirra. Það er bara eðli­legt að fólk haldi fram gagn­rýni á ein­hver mál og vilji upp­lýsta umræðu um viðamik­il og flók­in mál eins og þetta er í heild sinni, þrátt fyr­ir að akkúrat þriðji orkupakk­inn sé tækni­legt fram­hald á fyrsta og öðrum og áfram­hald á þess­ari veg­ferð,“ seg­ir Þór­dís Kol­brún" hér.

Sjálfsmorðsveit Sjálfstæðisflokksins heldur áfram á glapferð forystunnar, beint úr Icesave. Ekkert lært og ekkert hugsað. Pappírum bara staflað áfram. Hún ætlar að þvinga í gegn sölu á flutningakerfi fyrir íslenska raforku, yfir til erlendra aðila eða hvers sem er, svo hægt sé að þvinga í gegn óhindrað flæði orku á hinum svo kallaða innri markaði ESB (stuðpúðasvæði Þýskalands). Forystan ætlar með öðrum orðum að taka raforkuna úr höndum Íslendinga og flytja hana frá Íslendingum, eins og gerst hefði með landhelgina ef hún væri pakki í EES. Hún er það ekki núna, en verður það er fram líða stundir

Brussel ræðir þessa dagana um hvernig þvinga eigi Rússland til að láta af hendi yfirráð þess yfir NordStream2 gasleiðslunni, yfir til þriðja aðila. Orkupakki-3 er verkfærið sem Brussel hyggst nota til að koma því um kring, og einnig til að snúa við banni Rússlands við því að gas þeirra sé endurselt áfram til þriðja lands. Og Rússland er ekki einu sinni aðili að hvorki ESB, EES né neinu öðru E-eiturefni

Þórdís Kolbrún segir þetta bara tæknilegt atriði. Jú Schröder ESB-krati og Rússadindill situr í stjórn Gasprom. Það er tæknilegt pólitískt atriði, ekki satt. Orkupakki-3 er ekki framhald á neinu, nema þá helst heimsku. Hann er ný örvænting ESB í orkumálum, sem meira að segja Rússlandi óraði ekki fyrir

Þórdís Kolbrún heldur að hún sé á "vegferð". Þvílíkur kjáni. Hún er að gera sjálfa sig og flokkinn sinn að sjálfri leiðinni til glötunar sem notuð verður, sé hún nokkurn tíma í boði, eins og í Icesave. Nytsamt flón á leið með landið sitt á erlendar hendur, þar sem orka Íslands verður flutt og seld úr landi, nema að landinn bjóði hærra verð í hana en örorku-okurbúllan ESB, sem er aðframkomin vegna síns eigin hægfara sjálfsmorðs í orkumálum, og nánast öllum öðrum málum líka

Rússland getur skrúfað fyrir gasið já. En við getum ekki slökkt á virkjunum nema að slökkva á okkur sjálfum í leiðinni

Er þetta lið geggjað? Já svo einfalt er það. Það er sannarlega geggjað og glórulaust líka, eins og í Icesave

Eða er þetta lið að reyna að koma erlendum fjárfestingum í stóriðju á Íslandi í uppnám? Jú Vinstri grænmyglan myndi elska það. Jú Ítalía neyddist til að loka öllum sínum álverum eftir að EEC varð að ESB. Það gerði hún og það er meira en áratugur síðan. Ástæðan var ESB. Heimskrypplingurinn Evrópusambandið sjálft

Allir sem snerta ESB eitrast, fullveldis-tennur þeirra leysast upp og þeir breytast í þjóðarblóðsugur sem sjúga saftið úr þjóðinni. Það er alltaf munur á réttu og röngu

Fyrri færsla

Sjálfstæðisbarátta Bretlands

Flóknar viðræður fram undan