Tæknilegt framhald Sjálfstæðisflokksins er 12 prósent

"Ég hef bara heyrt af þess­um hópi og hitt full­trúa frá hon­um og á nú lyklakippu með þessu slag­orði, en þetta er bara gagn­rýni þeirra. Það er bara eðli­legt að fólk haldi fram gagn­rýni á ein­hver mál og vilji upp­lýsta umræðu um viðamik­il og flók­in mál eins og þetta er í heild sinni, þrátt fyr­ir að akkúrat þriðji orkupakk­inn sé tækni­legt fram­hald á fyrsta og öðrum og áfram­hald á þess­ari veg­ferð,“ seg­ir Þór­dís Kol­brún" hér.

Sjálfsmorðsveit Sjálfstæðisflokksins heldur áfram á glapferð forystunnar, beint úr Icesave. Ekkert lært og ekkert hugsað. Pappírum bara staflað áfram. Hún ætlar að þvinga í gegn sölu á flutningakerfi fyrir íslenska raforku, yfir til erlendra aðila eða hvers sem er, svo hægt sé að þvinga í gegn óhindrað flæði orku á hinum svo kallaða innri markaði ESB (stuðpúðasvæði Þýskalands). Forystan ætlar með öðrum orðum að taka raforkuna úr höndum Íslendinga og flytja hana frá Íslendingum, eins og gerst hefði með landhelgina ef hún væri pakki í EES. Hún er það ekki núna, en verður það er fram líða stundir

Brussel ræðir þessa dagana um hvernig þvinga eigi Rússland til að láta af hendi yfirráð þess yfir NordStream2 gasleiðslunni, yfir til þriðja aðila. Orkupakki-3 er verkfærið sem Brussel hyggst nota til að koma því um kring, og einnig til að snúa við banni Rússlands við því að gas þeirra sé endurselt áfram til þriðja lands. Og Rússland er ekki einu sinni aðili að hvorki ESB, EES né neinu öðru E-eiturefni

Þórdís Kolbrún segir þetta bara tæknilegt atriði. Jú Schröder ESB-krati og Rússadindill situr í stjórn Gasprom. Það er tæknilegt pólitískt atriði, ekki satt. Orkupakki-3 er ekki framhald á neinu, nema þá helst heimsku. Hann er ný örvænting ESB í orkumálum, sem meira að segja Rússlandi óraði ekki fyrir

Þórdís Kolbrún heldur að hún sé á "vegferð". Þvílíkur kjáni. Hún er að gera sjálfa sig og flokkinn sinn að sjálfri leiðinni til glötunar sem notuð verður, sé hún nokkurn tíma í boði, eins og í Icesave. Nytsamt flón á leið með landið sitt á erlendar hendur, þar sem orka Íslands verður flutt og seld úr landi, nema að landinn bjóði hærra verð í hana en örorku-okurbúllan ESB, sem er aðframkomin vegna síns eigin hægfara sjálfsmorðs í orkumálum, og nánast öllum öðrum málum líka

Rússland getur skrúfað fyrir gasið já. En við getum ekki slökkt á virkjunum nema að slökkva á okkur sjálfum í leiðinni

Er þetta lið geggjað? Já svo einfalt er það. Það er sannarlega geggjað og glórulaust líka, eins og í Icesave

Eða er þetta lið að reyna að koma erlendum fjárfestingum í stóriðju á Íslandi í uppnám? Jú Vinstri grænmyglan myndi elska það. Jú Ítalía neyddist til að loka öllum sínum álverum eftir að EEC varð að ESB. Það gerði hún og það er meira en áratugur síðan. Ástæðan var ESB. Heimskrypplingurinn Evrópusambandið sjálft

Allir sem snerta ESB eitrast, fullveldis-tennur þeirra leysast upp og þeir breytast í þjóðarblóðsugur sem sjúga saftið úr þjóðinni. Það er alltaf munur á réttu og röngu

Fyrri færsla

Sjálfstæðisbarátta Bretlands

Flóknar viðræður fram undan

Athugasemdir

[Halldór Jónsson, 1.3.2019 kl. 08:39]

Þetta eru orð sem ástæða eru til að athuga fyrir gamla Sjálfstæðismenn. Það er ekki hægt að teyma okkur endalaust áfram þó að þetta nýja forystulið haldi það að það hafi fundið upp flokkinn.

[Sigurður Bjarklind (IP-tala skráð) 1.3.2019 kl. 08:51]

Hvar og hvenær fáum við þjóðhollir menn og konur undirskriftalistann gegn þessu sviksamlega athæfi?

Þjóðin hefur stöðvað svikasamninga áður og verður að gera það enn og aftur.

[Gunnar Rögnvaldsson, 1.3.2019 kl. 08:56]

Einu sinni hét flokkurinn okkar Íhaldsflokkurinn og fékk 44 prósent atkvæða í kosningunum 1927. En svo var nafninu breytt í Sjálfstæðisflokkinn. Sá flokkur er hættur að standa undir því nafni. Hann er tæknilega séð orðinn hvorugkyn, og þau kyn fjölga sér sem kunnugt er ekki. Þau deyja út.

Fífl!

[Gunnar Rögnvaldsson, 1.3.2019 kl. 09:16]

Já þetta er dapurlegt félagar Halldór og Sigurður.

Dapurlegt!

Bjarni bókari heldur bara áfram að bókfæra tapið, snyrtilega mjög.

[Jóhann Elíasson, 1.3.2019 kl. 09:51]

Það segir mikið um hversu vel hún hefur kynnt sér ALLA orkupakkana, að hún missti það út úr sér að fyrri orkupakkarnir hefðu haft í för með sér MIKLAR HAGSBÆTUR fyrir landsmenn.  Þetta sagði hún á ársfundi Landsvirkjunar.

[Sigfús Ómar Höskuldsson, 1.3.2019 kl. 14:17]

Hér hlýtur að vera "fullt" tilfefni fyrir óánægða Sjálfsstæðismenn að ganga í Klaustur. :)

[Sigurður Antonsson, 1.3.2019 kl. 17:29]

12 prósent er ansi lágt miðað við 44 prósent fylgi Íhaldsflokksins á hugsjóna fyrir nær hundrað árum. Stjórnleysi á fjármálakerfinu er að draga sinn dálk á eftir sér. Ríkisbankinn stefnir í að stækka meir en hann gerði fyrir hrun. Laun bankastjóra hækka eftir því og enginn er látinn fara. Á sama tíma stefnir í verkföll og verðbólgu. Kerfisflokkar verndar hvorki litlu atvinnurekendana né láglaunafólk sem stendur veikast gagnvart hávaxtastefnu seðlastjóra. 

Af hverju hafði flokkurinn ekki frumkvæði um að fylgja sömu stefnu  í launamálum og ríkistjórnir á Norðurlöndum. Af hverju eru vextir ekki lækkaðir á lánum til þeirra sem eru að kaupa í fyrsta og annað skipti. Allt þetta er hægt að gera eins og hjá frændum okkar. ASÍ vildi taka höndum með ríkisstjórninni í því augnamiði að lækka vexti.

Ekki er að búast miklu af veiku miðjuflokkunum og fyrir kosningar var talað um að gefa Flokknum enn eitt tækifæri. Er sá tíminn að líða hjá?

[Helga Kristjánsdóttir, 1.3.2019 kl. 18:33]

Miðjuflokkurinn er eini hreini Ískenski flokkurinn í dag,myndi ryfjast upp fyrir Sigurði ofl.hvernig hákarlinn skýst upp úr djúpinu og glefsar í þann sem er við það að eyða ríki djúpsins,myndum hákarlafælu þá er okkur borgið.

Gott samtal við Sigmund í dag á útvarpi Sögu.

[Gunnar Rögnvaldsson, 1.3.2019 kl. 19:37]

Þakka ykkur öllum kærlega fyrir.

Sigurður: Sjálfstæðisflokkurinn fékk 43,3 prósentur í kosningunum 1931 og 48 prósentur 1933. Efniviðurinn í flokknum er góður, en það þarf að nota hann rétt, en ekki rangt. 

Gef ekkert fyrir þá mýtu að erfitt sé að eignast húsnæði hér á Íslandi. Það er goðsögn. Reyndar er það mun auðveldara hér á landi en á Norðurlöndunum, því hér hafa allir vinnu, eru meira lánshæfir og kaupmáttur er mikill: Sjá greiningu Greiningardeildar Arion | og um þetta mál á Viðskiptablaðinu | og í DDRÚV.

Þarna er eftir engu að koma. Við erum best í þessum efnum. Þökk sé meðal annars xD.

Menn mega svo rífast til eilífðar um launamál nokkurra bankastjóra fyrir mér. En það eru samt heimilin í landinu sem er stærsti lánveitandinn í íslenska hagkerfinu. Því fé heimilanna þarf að sinna, og það getur enginn Gnarr gert vel.

Kveðja

[Gunnar Rögnvaldsson, 1.3.2019 kl. 20:16]

Það er líka rangt hjá Þórdísi Kolbrúnu að orkumál snúist um markaði, markaðskrafta, markaðslögmál eða einstaklingsfrelsi. Þannig er orkumarkaðurinn í heiminum bara alls ekki. Hann snýst ávallt um geópólitískar staðreyndir, hernaðarlögmál, hernaðarmátt og beitingu geópólitískra krafta. Þeir sem ráða yfir orku fá heldur ekki að verðleggja hana eftir sínu höfði, né heldur samkvæmt framboði og eftirspurn, það er geópólitk, vopnavald og hernaðarmáttur sem sér um verðmyndunina á orku.

Þar sem orku er að finna, verður ávallt um pólitískt háhitasvæði að ræða að meira eða minna leyti. Og þar gilda ekki sömu markaðslögmál og gilda um tómatsósu eða nælonsokkabuxur, þó svo að þær séu framleiddar úr olíu með aðstoð raforku.

Ef hún veit þetta ekki þá veit hún ekkert. Þá er hún eins og þeir sem halda að það sé til eitthvað sem heitir "heimsmarkaðsverð á matvælum". Sá markaður er ekki til því aðeins tvær prósentur matvæla heimsins eru seldar þar.

[Símon Pétur frá Hákoti (IP-tala skráð) 1.3.2019 kl. 20:58]

Sjálfsmorðsforysta Sjálfstæðisflokksins

stefnir nú að því að gera landið að

virkisturni og raforkustöð

fjórða ríkis fransk/þýska öxulsins.

Kvislingar ráða nú för, bæði hér og í Norge.

Sagan mun dæma kvislingana, sem fyrr.

[Ómar Geirsson, 1.3.2019 kl. 21:11]

Takk fyrir kjarnyrtan pistil Gunnar, og góða umræðu hér að ofan.

Þó það komi mér Hriflungnum ekkert við þá verð ég samt að benda á að það leysir ekki vanda flokka, að fólk flýi, og láti þar með andstæð sjónarmið yfirtaka þá.

Miðflokkurinn er sjálfsagt ágætis flokkur fyrir miðjufólk, en íhaldsfólk, sjálfstæðisfólk, á að verja sinn flokk.

Allt annað er uppgjöf.

Kveðja að austan.

[Gunnar Rögnvaldsson, 1.3.2019 kl. 21:47]

Þakka.

Mörgum Sjálfstæðismönnum liði mun betur ef að við hefðum Öldungadeild sem bremsumiðstöð á hugmyndir fólks sem er svo ungt, að það getur ekki vitað hvað það er að gera.

Og þar sem forysta Sjálfstæðisflokksins hefur árum saman sýnt að hún er notbremsenresistent, þá rísa á manni hárin af skelfingu yfir heimsku þessa fólks í sambandi við orkumálin og esb.

Þórdís Kolbrún er allt allt of ung og óreynd til að gera farið með þessi mál. Hún er tóm tunna og hún ætti ekki einu sinni að vera ráðherra, bara alls ekki. Og stór hluti forystunnar er því miður tóm tunna líka og fátt sannar það betur en flygilshrun flokksins síðustu mörg mörg árin, svo ég nefni nú ekki allsherjar imbasíldina Þorgerði Semfór í því sambandi.

Formaðurinn og forystan kann ekki að búa til velgengnisteymi.

Það er ekki fólkið sem hefur flúið flokkinn heldur er það flokkurinn sem hefur flúið fólkið => ICESAVE.

Þetta verður að breytast. Annars er lítil eða engin framtíð fyrir flokkinn.

Ástæðan fyrir því að það er engin heimsmarkaður til fyrir lungu, er sá, að enginn getur verið án þeirra. Þannig er það með orkuna líka. Hún ER OF MIKILVÆG til daðra með hana eins og nælonsokkabuxur og ICESAVE.

Þriðji orkupakkinn er geópólitískt stórmál. Þar sem spinna á ákveðinn vef, eins og með evruna. Pólitískan vef. Geopólitískan vef.

[Símon Pétur frá Hákoti (IP-tala skráð) 1.3.2019 kl. 22:34]

Það er vitaskuld fáránlegt að skjóta á bimbó brávnettuna eina.

Hún er skotskífan sem Engeyingarnir skipta bara út eins og aðrir 

skipta út nærbrókum.

[Gunnar Rögnvaldsson, 1.3.2019 kl. 22:55]

Allir eiga sér ætt Símon.

Ungdómsdýrkun og kynjaþvaður eiga ekki heima í alvöru stjórnmálaflokkum. Ættarmál ekki heldur. Þórdís Kolbrún var of ung og óreynd til að vera teflt fram sem ráðherra. Og mig grunar að hún sé ráðherra vegna þess að hún er kona.

Hvað má til dæmis ég segja með borgarstjóragerpið sem frænda minn. Enginn velur sér ætt. Þetta virkar á báða bóga.

Það getur vel verið að Þórdís Kolbrún eigi eftir að verða góður stjórnmálamaður. En það tekur tíma. Oft langan tíma. Stundum mjög langan.

Og á Alþingi er þetta mál stórslys, eins og sést.

[Símon Pétur frá Hákoti (IP-tala skráð) 1.3.2019 kl. 23:24]

Frami Þórdísar Reykás og Áslaugar Örnu er engin tilviljun.

Bjarni sækir á sömu mið og Dagur Bergþóru Eggertsson.

Báðir nýfrjálshyggju Blairistar, skófla undir sig í gegnum ríkið.

Fjölmiðlar í smartlandinu dansa með,

rétt eins og korteri fyrir hrunið.

Við sjálfstæðir og þjóðlegir íhaldsmenn tökum sniðglímuna á lofti, hinir einu frjálsu menn sem felldum Icesave, 98-2. 

[Gunnar Rögnvaldsson, 1.3.2019 kl. 23:29]

Þarna skaustu ekki framhjá Símon.

Sýndist jafnvel sjálft markið fljúga með.

[Ómar Geirsson, 1.3.2019 kl. 23:36]

Góðir, varð bara að segja það.

Kveðja að austan.