Heimsókn Pompeo: Íslandi sett nýtt hlutverk og mikilvægi

Er virkilega enginn nema ég sem kem auga á hvaða grundvallarbreyting er að verða á mikilvægi Íslands í gagnkvæmu bandalagi okkar og Bandaríkjanna. Af hverju kom utanríkisráðherra Bandaríkjanna til Íslands?

Jú staðan er þannig að mörg rauð ljós vegna Norður-Atlantshafs og Íshafsins hafa í nokkur ár blikkað í mælaborði Hvíta hússins. Trump forseti sópaði gáfumannaskýrslunum ofan af þeim þegar hann kom inn, og hófst handa. Rauð ljós eru rauð ljós og þau á að taka alvarlega

Þau eru, ásamt öðrum, þessi: Grænland er á höndum ríkis sem ræður ekki við það sem geópólitíska einingu í veraldarhafinu. Það er á höndum Danmerkur, og Danmörk er í ESB og ræður ekki miklu um sín mál. Grænland er einnig á höndum Danmerkur sem verandi barn þess. Þessu barni getur Danmörk ekki sinnt því hún hefur hvorki pólitískan vilja til þess, né þau auðæfi sem þarf til að vernda það gegn slæmum ölfum í heiminum, né að skaffa því örugga og farsæla framtíð. Það geta einungis Grænlendingar gert sjálfir. En til þess þurfa mikilvægar breytingar að eiga sér stað fyrst:

Mike Pompeo kom til Íslands til að hefja það verk í samvinnu með Íslandi að leiða Grænland til sjálfstæðis sem fullvalda ríki. Við eigum að taka á okkur aðstoðarhlutverk í svipuðu ferli og við sjálf fórum í þegar að Bandaríkin studdu okkur til þess að verða sjálfstætt ríki

Bandaríkin eru byggð á Biblíunni og hún segir að enginn megi vera konungur/forseti yfir öðrum þjóðum. Bara sinni eigin þjóð. Þetta er frumregla sem enginn ætti að hunsa að ástæðulausu. Á því græddum við 1944. Og nú er það hlutverk Íslands að endurgjalda Bandaríkjunum þann greiða, með því að aðstoða þau við að frelsa Grænland úr festum við danska konungsríkið, svo að Bandaríkin geti í samvinnu með Íslendingum veitt Grænlandi sömu aðstoð og þau veittu okkur á leið okkar til sjálfstæðis og á fyrstu áratugum þess þar á eftir

Þess vegna sendi Donald Trump sinn æðsta diplómat til Íslands til að hefja þetta ferli

Við getum ekki sagt nei og við ættum ekki að segja nei. Við getum þetta og við erum siðferðilega skyldug til að segja já. Erum við klár? Já, saman með dýpsta bandamanni okkar: Bandaríkjum Norður-Ameríku

Bandaríkin þola ekki lengur kæruleysislegan umgang Danmerkur með Grænland. Lönd á ekki að láta reka ábyrgðarlaust um veraldarhafið. Þrír flugvellir sem næstum því komust á kínverskar hendur í Grænlandi var mjög svo ergilegt símtal sem varnarmálaráðherra Bandaríkjanna, vegna kæruleysis danskra stjórnvalda, var þvingaður til að hringja (Sjá grein WSJ 10. febrúar 2019). Of seint er að koma kínversku málmasamsteypunni Shenghe Resources Holding út úr Grænlandi, en margt annað er sennilega hægt að stöðva

Og þar sem til dæmis fyrrverandi Frankfurt-Hahn herflugvöllur Bandaríkjanna í Þýskalandi er með samþykki þýskra stjórnvalda kominn í 82,5 prósent eigu hins kínverska HNA Airport Group, þá er vel vitað hversu hörmulega ábyrgðarlaus yfirvöld landa Evrópusambandsins eru þegar að þjóðaröryggi kemur, þar sem Þýskaland ríður ávallt á vaðið sem kærulaus leiðtogi útópíu á framfærslu Bandaríkjanna í öryggismálum, sem það misnotar á hinn grófasta hátt. Og löndin sem eru á ESB-sporbraut umhverfis Þýskaland, fylgja sjálfkrafa slæmri fyrirmynd þess

Grænland er í túnfæti Bandaríkjanna og Kanada. Það verður tekið á málunum. Innganginum inn í Norður-Ameríku verður lokað, hvað sem það kostar og hvernig sem hann hugsanlega gæti orðið. Þjóðaröryggisstefna byggir alltaf á því versta sem getur gerst. Annars væri hún þjóðaróöryggisefna

Kannski sástu þetta fyrst hér

Fyrri færsla

Nei. Við ætlum okkur ekki að brenna inni í ESB og EES

Nei. Við ætlum okkur ekki að brenna inni í ESB og EES

Mynd: Síðustu 12 mánaða þróun iðnaðarframleiðslu helstu iðnaðarlanda á evrusvæði Evrópusambandsins, sem nú hefur náð föstum viðskilnaðarhraða við bæði borgarana í löndum þess og Bandaríki Norður-Ameríku

****

Stofnun Evrópusambandsins gekk að miklu leyti út á að ná sér niðri á Bandaríkjunum og engilsaxneskri stjórnarskrárbundinni ríkisstjórnun með lýðræði og réttindum fyrir borgarana. ESB-öflunum þótti skandall að Bandaríkjunum í vestri hefði tekist að verða það ríki frjálsra manna, sem lifað hefur lengst í allri sögu mannkyns sem frjálst land, frjálsra manna, sem stjórna sér sjálfir án kónga, keisara og einræðisherra. Bandaríkin eru eina landið í mannkynssögunni sem bæði er frjálst og öruggt samtímis. Þau eru eina ríkið í mannkynssögunni sem státað getur af slíkum árangri

Svona skuggalegum og subbulegum árangri í þágu fólksins (horrör aðalsins), hefur Evrópusambandinu að miklu leyti tekist að berja niður í fæðingu í Evrópu, með því að Evrópusambandið hefur þjóðnýtt sjálf stjórnmálin í öllum löndum sambandsins. Þau mega ekki snúast um annað en samruna. Sjálfstæðið er þegar horfið og fullveldið er komið í tætarana í Brussel

Ísland verður skilyrðislaust að höggva á EES-togvírana niður til Evrópu, ef við eigum ekki að sökkva með henni. Þessi heimsálfa er orðinn geldur steinn til eilífðar. Hún er að verða lífshættulega steindauð blindgata fyrir Ísland. Við verðum að horfa í vestur og taka okkar á eins og Guðlaugur Þór

Samanlagt hagkerfi evrusvæðisins árið 2017, var ennþá minna en það var árið 2009, segir í grein Walter Russell Mead á WSJ. Hugsið ykkur pyntingarnar á fólkinu sem býr þarna og hversu bágborinn neytendamarkaður svæðisins er. Á sama tíma óx bandaríska hagkerfið um 34 prósent. Það þarf ekki að leggja menn í lömunarstóla EES-samningsins til að skilja svona tölur. Þetta er versta efnahagssvæði heimsins. Hvorki meira né minna

Ekki aðeins hefur íslenska verkalýðhreyfingin reynt að troða Íslandi inn í hið brennandi hús Evrópusambandsins, og þess vegna samþykkt rústun á íslenskum vinnumarkaði með innfluttum þrælum, heldur heimtar hún nú að brennandi hús Evrópusambandsins séu með ESB- og EES rétttrúnaði flutt inn til Íslands til að brenna landið okkar niður innanfrá

Þetta verkalýðshreyfinga-lið, sem allt of lengi hefur fyrst og fremst verið lítt dulbúin pólitískt vinstrihreyfing, leitaði sér alltaf andlegs og pólitísks fóðurs í Sovétríkjum. En hún en snéri sér svo til Evrópusambandsins, eftir að hennar líkar höfðu brennt Rússland niður til grunna, og borgara þess með. Það er kominn tími til að þessi hreyfing sé handtekin til ríkisendurskoðunar. Ég kaus þetta lið ekki. Og það gerði heldur enginn annar

Fyrri færsla

Innflutt verkalýðsforysta betri kostur [u]

Innflutt verkalýðsforysta betri kostur [u]

Já, sammála Drífu ASÍ með sín ofurlaun á mánuði. Það þarf að ná verðinu á verkalýðshreyfingunni niður, ég er sammála því. Ég legg því til að hún verði flutt inn, helst frá láglaunalöndum, eða allra helst send inn í tölvupósti, eða Xeroxuð inn, því þá sleppum við við að þurfa að láta hana fara í tollafgreiðslu, og pappírsvinnan sparast. Og þá þarf heldur ekki að byggja undir hana né þrífa undan henni. Mér finnst að fólk eigi að fá að greiða atkvæði um það

En reyndar hefur fólk þegar greitt atkvæði um það erlendis því sósíaldemókratar sem hreyfing (alias ASÍ) er að verða útdauð, nánast alls staðar. Og það er þessari hreyfingu að kenna að sósíal-dumping* er að sprengja Evrópu í loft upp, því það var hún sem stóð fyrir hórfrelsinu fjórfrelsinu

Uppfært: Þetta svo kallaða fjórfrelsi er vernduð útópía embættismannastéttanna í ESB, því annars værum við með ódýrari erlendar verkalýðshreyfingar frá til dæmis Rúmeníu eða Kína, skatta- og lögfræðiþjónustu, vöruflutninga og fleiri þjónustugreinar, sem samtals eru um 70 prósent af hagkerfum landanna, en eru hins vegar einungis 22 prósent af viðskiptum á milli ESB-landa

Þannig að stærsti hluti hinna betri stétta í ESB hafa verndað sig, en látið alla þá sem beita þurfa vöðvaafli við vinnu sína, um að standa eina og berskjaldaða gegn undirboðum frá svæsnum láglaunalöndum á leið í ESB-þrot. Allt sem hefur með líkamlega vinnu að gera er sent úr landi eða þrælar fluttir inn til að grafa undan til dæmis byggingabransanum hér heima og þeim sem þar unnu á góðum launum

Árangurinn er svo sá að þeir sem annars hefðu farið í iðnnám neyðast til að leggjast upp á háskólakerfið, sem að of miklum hluta til er að þrotum-komið kommabæli sem karlmenn hafa almennt ekki áhuga á og með afar svartar framtíðarhorfur. Eða þá að flytja sig yfir í þær greinar sem eru ekki í hinum tradable-geira, sem ESB-veldið ákvað að mætti fórna

Þetta hefur einnig þýtt það að frjósemishlutfall Íslendinga hefur fallið, því að launapressan niðurá við í mikilvægum grunnhluta hagkerfisins hefur dregið úr trú fólks á framtíðina. Íslenski draumurinn dofnar

Svona meðferð á því sem tók svo langan tíma að byggja upp, hefur ávallt þær afleiðingar að "natal-energy" eða hið þjóðbernska afl þjóðarinnar minnkar. Og hér er íslenska verkalýðshreyfingin algerlega gjaldþrota. Hún brást

Frá og með fullveldi hugsaði Íslendingur sig aldrei um þegar að barnseignum kom. Hann henti sér út í þær því hann vissi að allt yrði í lagi. Hann stólaði á Ísland, og það með réttu

EES-samningurinn hefur hins vegar gelt landið að óþörfu og grafið undan trú Íslendinga á framtíðina. Hann er tortímingarafl og verkalýðshreyfingin er hér stórkostlega samsek. Hún er fíllinn í stofunni, enda af sósíaldemókrataætt, og ESB er ættaróðal hennar

Þið eruð gjaldþrota-hreyfingin núna. Það eru ekki bankarnir

* félagsleg undirboð

Fyrri færsla

Kommagengið gjörir kunnugt

Erlendu húsin betri kostur

Kommagengið gjörir kunnugt

TAKIÐ EFTIR

Sovésk mynd: "Ég vinn fyrir fólkið"

****

Kommaliðið Ung vinstri græn (kommar), Ungir jafnaðarmenn (kommar), Ungir Píratar (kommar), ungir meðlimir Sósíaslistaflokksins (kommar) og Uppreisn (kommar), ungliðahreyfing Viðreisnar (sófakommar), skrifa undir sameiginlegt hugmyndafræðilegt gjaldþrot, og gjöra kunnugt það sem allir vissu, að þau eru veruleikafirrtir kommar frá Vene Sú, því Che er dauður og þau kunna ekki að synda til Kúbu

Af hverju mótmælir þetta lið ekki íslenskri Barnaverndarnefnd, sem fjarlægir börn frá foreldrum sínum. Af hverju stendur það ekki fyrir utan Stjórnarráð Katrínar-grænu-fátæktar og mótmælir henni þar, og svo líka fyrir utan norska sendiráðið, en Norðmenn þurfa nú að leita hælis í öðrum löndum vegna sósíalisma norsku ríkisstjórnarinnar gagnvart börnum og foreldrum. Svo gæti þetta kommalið mótmælt því að börn þurfi að alast upp á heimilum komma, því danskir sálfræðingar segja að erfiðustu tilfellin sem þeir fá, séu börn virkra alkóhólista og kommúnista. Þið hlustið náttúrlega á sérfræðingana úr Heiðnikirkjuveldi háskóla ykkar, ekki satt

Fólk sem kemur til annars lands í leit að nýju lífi, byrjar auðvitað ekki nýtt líf á því að fremja lögbrot, því það er þá bara gamla lífið sem það lifði, en ekki nýtt líf. Þannig fólki á að henda umsvifalaust út, eftir að gengið er úr skugga um að þau börn sem þetta fólk tekur meðferðis, oft sem gísla, séu ekki börn annarra manna og á leið í mannsölu og vændi þess ömurlega liðs sem kemur yfir suðurlandamæri Bandaríkjanna sem lögbrjótar

Hvað með að mótmæla ríkisstjórn Mexíkó, fyrir að reka landið eins og útskipunarmiðstöð vandamála og glæpa til Bandaríkjanna? Og hvað mega þeir í öðrum löndum veraldar segja sem vilja flytja til Bandaríkjanna líka? Hafa Mexíkanar einkarétt á að búa í Bandaríkjunum? Ég spyr, því Bandaríkin geta ekki tekið á móti öllum, sérstaklega ekki lögbrjótum allra landa, án þess að breytast í Bandalausuríki hverra sem er, þar sem enginn myndi vilja búa. Stutt er síðan að Gallup sagði að 72 prósent af mannkyninu vildi helst búa í Bandaríkjunum. Hvað með smá heilavirkni? Nóg kostar skólagangan ykkar okkur íslenska skattgreiðendur. Er þessi yfirlýsing ykkar kannski það eina sem kemur út úr henni? Skýjastjórnmál af innri vef billjónamæringa! Þvílíkir kjánar. Það mætti halda að þið séuð græn

Hvar voruð þið og útgöngulið kommahreyfingar Samfylkingar (sem kallar sig jafnaðarmenn þegar það skammast sín yfir sósíalismanafni flokksins) þegar að síðasti kínverski komminn kom hingað á vegum Kínverska kommúnistaflokksins? Af hverju gekk komma-Vala-komm, hífarinn á bjórkrananum, ekki út þá?

Hvílíkt samansafn af útópískum flokksbrota-nöfnum komma og sófakomma sem standa að þessari yfirlýsingu, sem aldrei hafa gert annað fyrir manninn en að kúga hann, svelta hann og bjóða fram lausnir sem alltaf eru verri en lýðræðisríki Íhaldsstefnunnar á borð við Ísraelsríki hið forna, England og nú síðast Bandaríkin sem voru fyrst til að skaffa heiminum "the last best hope of earth" eins og Lincoln orðaði það. Ykkar valkostur endar hins vegar alltaf sem versti staður jarðar á borð við Sovétríki, Þriðja ríki, Kína, Kúba, Venesúela og útópískt Evrópusamband. Þið eruð alltaf hinn hættulegi valkostur kjósenda allra landa, sem býður upp á Guðlausar útópíur aðeins, sem þýðir það að fólkið er kúgað, sveltur og deyr í fátækt. En það er það sem útópíur þýða, þær grænu líka. Það eina sem þið þurfið að gera áður en þið eldist, er að bjóða heiminum upp á betri valkost en þið eruð núna - og að lesa Biblíuna, því á henni eru Vesturlönd, besti staður jaðar, byggð, og sem skaffaði mannkyninu þjóðfrelsið. Að þið kommar í brotabrotum kommajöfnunnar skulið vera að segja Bandaríkjunum fyrir verkum í svona máli, er lýsandi fyrir úníversal glóbalisma vinstrimennskunnar, þar sem exporterað skal kommaforheimsku ykkar yfir öll ríki jarðar á útópískum verkjalyfjum Upplýsingarinnar, sem er stofnfaðir Heiðnikirkjuveldis háskólanna. Hún gat aldrei endað öðruvísi en sem Guðlaust kommabæli hins úníversal Napóleonska Hillary kjaftæðis, og þar sem enn er barist á götum og strætum, rúmlega tvö hundruð árum síðar. Já barist í hinum króníska ófriði regluverks úníversal útópíu, sem ól af sér allsherjar skrímslið ESB, þar sem bardagarnir eru nú þegar hafnir á Torgi hins eilífa ófriðar kommajöfnunnar, og breiðast út

Mynd: Frá Torgi hins eilífa ófriðar kommajöfnunnar

****

Mikið er nú gott að við í Sjálfstæðisflokknum erum laus við evru-stálfátæktar-kommalið Viðreisnar úr flokknum. Það er þó lukka sem hægt er að gleðjast óendanlega yfir alla daga ársins, ásamt því að margt gott hefur gerst síðan að Trump var kjörinn - og frá því að Bretar gengust í það að endurheimta þjóðfrelsi sitt. Næstu mörg árin stendur slagurinn um að verja Vesturlönd falli og að endurheimta þau úr klóm úníversalisma kommajöfnunnar, því þau eru einstök. Algerlega einstök! Hornsteinn þeirra var lagður með útgöngunni af glóbalisma þrælaríkis Egyptalands, þar sem Flokkurinn hafði sett sjálfan sig í stað Guðs, sem sá hinn sami úníversalismi Rómarríkis, Sovétríkjanna og Kína gerði líka - og næst er það ESB. Við Íhaldsmenn tökum það vonandi í nefið eins og við gerðum við Sovétríki kommajöfnunnar, með því að verða aftur skínandi borg á hæð, og þar með hið eftirsóknarverða fordæmi

Fyrri færsla

Myndi kínverska hagstofan þora ?

Vilja að þrýst verði á Pompeo

Myndi kínverska hagstofan þora ?

Segjum svo að sérfræðingar hagstofu Kína hafi í 60 ár stundað pólitískt vændi, með því að þora ekki að leiðrétta mistök, eða, sem er enn líklegra, hafa unnið samkvæmt pöntun frá Kommúnistalokknum, sem stjórnar landinu. Mistök eins og til dæmis þau -reyndar miðstýrð pólitík- að þegar að brú númer þúsund er byggð yfir í ekkert, að þeir bankar (í ríkis,- héraðs,- og einkaeigu) sem lánuðu til verkanna, niðurskrifi þá lánasöfn sín og þar með virðisaukaþátt þeirra í landsframleiðslunni út úr landsframleiðslunni aftur. Þá þyrfti að leiðrétta tölur um landsframleiðsluna í Kína 60 ár aftur í tímann, því ekkert af þessu tagi í bókum kínverskra banka er afskrifað, nokkru sinni. Bækur þeirra eru stútfullar af verðmætum þúsund brúa yfir í ekki neitt. Tölurnar um landsframleiðsluna í Kína eru sem sagt fullar af virðisaukaþætti þúsund brúa yfir í ekkert fyrir Kínverja. Þær brýr munu ekki stuðla að auknu ríkidæmi, og eru þar með brennsla á þeim verðmætum sem í þær fóru. Þær eru óarðbærar fjárfestingar: tortíming verðmæta. Þær eru eins og Vinstri græna fátæktin sem Bjarni Benediktsson formaður Sjálfstæðifokksins hefur samþykkt. Þar verður verðmætunum brennt og brýr yfir í ekkert byggðar, á þann veg að fyrst skal því tortímt sem virkar betur en allt annað, og nýtt sem virkar ekki skal byggt í staðinn. Summan verður hola í jörðina og græn ofsatrúar-fátækt

Kína hefur því ályktað sem svo að best sé að byggja brýrnar í hagkerfum sem virka. Í hagkerfum sem viðhafa raun-uppgjör þjóðhagsreikninganna þannig að óarðbærar fjárfestingar eru sagðar glatað fé og bankarnir færa niður bókfært verðmæti lánasafana sinna, og senda þar með leiðréttingu til hagstofunnar sem skrifar virðisaukaþátt fjármunamyndunar út úr landsframleiðslunni, eins og vera ber. Þetta er kallað e. hard budget constraints, sem á mannamáli þýðir réttvísandi bókhald. Kína veit þetta, og dælir því frá og með nú loftbrúarfé sínu til viðtökustaða erlendis, sérstaklega til ríkja á hausnum, eins og til dæmis til Grænlands, þar sem landsstjórnin var svo seint sem árið 2017 á fullu að reyna að fá Kínverja til að byggja flugvelli í landinu. Hringdi þá James Mattis varnarmálaráðherra Bandaríkjanna beint í Kaupmannahöfn og talaði við Lars Løkke Rasmussen forsætisráðherra, og skipaði honum að gera það í málinu sem Danmörk á að gera, fyrst að það land þykist yfir höfuð vera ábyrgt fyrir hag Grænlendinga. Þetta var skipun, en ekki beiðni, má lesa út úr frétt Wall Street Journal um málið í dag

The Pentagon raised an alarm last year over what it deemed a troubling development in this ice-cloaked territory: China was looking to bankroll and build three airports that could give it a military foothold off Canada coast. [..] Beijing must not be allowed to militarize this stretch of the Arctic, Mr. Mattis told his Danish counterpart Claus Frederiksen at a meeting in Washington in May, according to officials close to the discussion.

Kína er eins og er, aðal- eða hlutafjárfestir í sjö höfnum í næsta nágrenni sínu, einni í Ástralíu, tveimur á Indlandi, sjö í Mið-Austurlöndum, fjórtán í Afríku, tveimur í Norður-Evrópu, einni í Suður-Evrópu, einni í Karabíska hafinu og einni í Suður-Ameríku. En Grænland fær það varla úr þessu, og er það fyrst og fremst Bandaríkjunum að þakka, en hvorki Grænlendingum sjálfum né Dönum. Og það er íslenskum Íhaldsmönum að þakka að ekki er búið að selja Keflavíkurflugvöll á opnum en samt lokuðum markaði til Kína, eins og landið okkar er selt í bútum til fyrirtækja sem enginn veit hver á, nema Kína

Horrorsýn Íhaldsmanna á líberalismann (kallaður frjálslyndi þegar fara á frjálslega með réttindi þjóðarinnar og fé skattgreiðenda) átti sér rætur í því að Líberalismi mun óhjákvæmilega slíta þjóðríkið úr böndum við þjóðina sem skapara þess, og þjóðin þar með missa þjóðfrelsið sem Biblían boðar, eftir árþúsunda slæma reynslu af imperíalisma (glóbalisma)

Ríki sem taka upp líberalisma munu ávallt viðhafa glóbalisma að meira eða minna leyti, og mannkynssagan sannar að þannig ríki búa aldrei við takmarkað ríkisvald. Það verður alltaf ótakmarkað ríkisvald, eins og sést vel á Byltingar-Frakklandi sem gleypti kenningar Lockes hráar

Þess vegna bannfærði Gamla testamentið líberalismann löngu áður en hann fékk nafn meðal þjóðanna, sem áttu að halda sig innan landamæra sinna og sem aðeins þannig gátu búið við takmarkað ríkisvald og frelsi, sem og einnig aðskilið ríkisvald. Konungur/forseti mátti aðeins vera konungur yfir sinni eigin þjóð, en ekki öðrum þjóðum. Hann átti ekki að flæða út fyrir landamæri ríkisins og gleypa heiminn eins og kommúnistar reyndu í ýtrustu útgáfu líberalismans, með bækistöðvar í Sovétríkjunum, sem sögð voru 16 prósent af heimshagkerfinu á hátindi þeirra í kringum 1975, en reyndust aðeins vera 5 prósent þegar þau komu undan kommajöklinum árið 1990. Þau voru hin græna pólitík vinstrimanna þeirra tíma. Kína verður eins, þegar það kemur undan kommajöklinum. Froðunni í þjóðhagsreikningum léttir alltaf

Bjarni Benediktsson er líberalisti og glóbalisti og sendisveinn grænnar fátæktar. Þetta er ekki nógu gott fyrir Sjálfstæðisflokkinn. Bara alls ekki nógu gott. Það þarf ekki Grænlendinga til

Það voru Hamilton, Madison og Washington sem lögðu stjórnarskrá Bandaríkjanna í bönd Íhaldsstefnunnar á meðan Jefferson var fjarverandi að skoða dálæti sitt, Frönsku byltinguna, sem varð blóðorgía líberalista og Napóleonsstyrjalda næstu 100 árin. Lincoln var hins vegar Íhaldsmaður af Guð náð, eins og Trump, og ákaflega vel inni í lagakerfi Ísraelsríkis hins forna, og pólitískrar heimspeki þess um þjóðfrelsið sem þjóðríkið veitti löndum og þeim einstaklingum sem þar búa. Heitasta ósk hans var að stíga fæti sínum í Landið helga. Á meðan dunduðu líberalistar Demókrata sér við þrælahaldið, eins og í dag

Fyrri fræsla

Stuttar: Íslandsferð Pompeo - og póstkort

Stuttar: Íslandsferð Pompeo - og póstkort

Mynd; verðandi forseti situr að snæðingi

****

UTANRÍKISRÁÐHERRA TRUMPS TIL ÍSLANDS

Mike Pompeo utanríkisráðherra Bandaríkjanna kemur til Íslands föstudaginn 15. febrúar næstkomandi, til að ræða við vini sína Íslendinga um eitt og annað. Samkvæmt ónafngreindum heimildum PakistanPoint, sem er hluti af UrduPoint, þá kemur Pompeo meðal annars til að vara Íslendinga við Kínverjum, sem eru að troða sér inn með brúarhöfuð, til dæmis í formi hafna, víða um heim. Ritstjóri Morgunblaðsins benti í leiðara blaðsins um síðustu helgi á 1500 staða gúlag-fangabúðakerfi eins héraðs í Kína. Fríverslunarsamningur við svona land er nú ekki beint það sem Ísland ætti að vera þekkt fyrir, svo ekki sé meira sagt

Kína verður að stela eins og það getur allri tækni sem eitthvað á að geta. Landið er að læsast fast í fátæktargildru sem lönd með heilakrampavaldandi gúlag-fangabúðakerfi kommúnismans ávallt gera. Ef að Kína tekst ekki að stela til sín öllu því sem Vesturlönd finna upp í frelsi sínu, sem er vöðvabúnt heilans, þá mun landið, með sínar stjarnfræðilegu snjóhengjur af öllum gerðum, falla saman eins og spilaborg og setulið Han missa völdin yfir Kína. En í stórum hluta Kína eru Han-Kínverjar með stöðu erlends valds. Það er um líf eða dauða fyrir Han-Kína að tefla. Ekkert minna en það. Langt og strangt stríð mun verða í þessum efnum Vesturlanda sem Kína reynir að stela. Aðeins hugrekkismaður eins og bremsuklossinn og jarðýtan Trump er fær um að stoppa þetta. Jimmy Stewart getur það ekki. Trump er fyrstur til að þora að grípa til aðgerða. Allir aðrir voru lamaðir af sínum eigin heilaflækjum og pólitískum rétttrúnaði. Trump leiðir þá núna, því þeir geta ekki gengið sjálfir; eru með hækjur

FRAMTÍÐIN EYÐILÖGÐ

Mynd, Wall Street Journal Daily Shot: Minnstu fyrirtækin tapa tekjum og markaði. Net-risarnir halda hins vegar sínu og éta það sem þau litlu geta ekki lengur veitt vegna hernaðar ESB á þau. Grein WSJ um persónuvernd ESB gegn samkeppni er hér

****

Wall Street Journal segir að persónuverndarkerfi Evrópusambandsins, með vinstri radíkaliseraða Margrethe Vestager ESB-sleikju við axarsköftin, sé að eyðileggja möguleika minni fyrirtækja á Veraldarvefnum, og sannar blaðið mál sitt með tölum. Íslenskir embættismannaþingmenn sérfræðingaveldisins gleyptu og kyngdu hér öllu hráu eins og venjulega. Taka þarf þennan kyngingar-möguleika af þeim með því að segja upp EES-samningnum og loka þannig hálsi þeirra. Ekkert annað virðist duga. Hér tapar Ísland milljörðum með brottkasti á réttindum þjóðarinnar sem Sjálfstæðisflokkurinn og þingið bókstaflega kveiktu í. Hin raunverulega ástæða alls þessa, þ.e. persónuverndarmálið, er sú að Evrópusambandið er samkeppnislegt fornaldarfyrirbæri á sviði tækni. Og þegar þannig háttar málum þá er reynt að eyðileggja og skattleggja keppinautana (Bandaríkin og aðra) út af kortinu. Ef þú getur hvorki keppt né sigrað, þá skaltu skattleggja sigurvegarana og helst eyðileggja þá og sem flest annað í leiðinni, sem er mottó ESB og handlangara þess hér á landi. Sumir muna kannski enn eftir tæplega milljarðs dala sekt sem Microsoft fékk hjá skrifstofubákni Vestager í Brussel, fyrir það eitt að vera með IE-vafrann sjálfgefinn í Windows. Þetta var algerlega óþörf aðgerð eins og allir sjá í dag. Evrópusambandið plokkar orðið tugi miljarða dala af erlendum tæknifyrirtækjum á meðan það lætur mafíuna um matvælaeftirlitið á hinum svo kallaða innri markaði þess, sem er og verður einungis kenning á blaði og virkar ekki hið minnsta umfram neitt annað, frekar en í öðrum sovétríkjum sögunnar

ÞÝSKALAND OG FRAKKLAND TAPA SÉR

Öðruvísi var tónninn þegar framkvæmdastjórn Evrópusambandsins lagðist í vikunni gegn samruna franska Alstom og þýska Siemens, sem eru járnbrautarframleiðendur. Þá tók tappann svoleiðis úr ríkisstjórnum beggja landa að þær hótuðu að endurhanna framkvæmdastjórn ESB og jafnvel leysa hana frá störfum. Gróft og brútalt tungumál beggja ríkisstjórna yfir því að fá ekki vilja sínum framgengt, hljómaði ekki vel í eyrum ríkisstjórna annarra landa ESB, sem búa við þá staðreynd að heita hvorki Þýskaland né Frakkaland. Austurríki sperrti eyrun og hefur eflaust tekið upp símtólið og talað við hina nýju bandamenn sína í Austur-Evrópu. Þá greip Berlín til raka sem allir sem kunna að hugsa hafa alltaf verið sannfæðir um: jú samþykkja verður samrunnann vegna samkeppni þeirra við stór lönd utan sambandsins. Stofnun ESB snérist ekki um frið. Hún var samkeppnisfyrirkomulag þar sem önnur ríki sambandsins eru tekin sem gíslar og mynda vogarstangarafl Þýskalands og Frakklands gagnvart umheiminum. Restin af ESB er grænmeti, sem kveikt er í og lækkar þá gengi evru Þýskalands og Frakklands, sem ferðast þannig um heiminn á brotnum bökum fársjúkra evruríkja. Þannig var stofnun Þýskalands sem ríkis 1871 einnig. Og þess vegna er Þýskaland svona furðulegt land að þar verða sögulega ömurlega ömurleg fyrirbæri til. Spyrjið Gordon A. Craig um það. ESB verður eins, og er reyndar þegar að orðið þannig að miklu leyti, því það er ömurleikinn sjálfur

ÍTALSKT PÓSTKORT MEÐ FRAKKA TIL FRAKKLANDS

Mynd: Christophe Chalencon úr hreyfingu Gulu vestanna í Frakklandi á póstkorti til Macrons, standandi til vinstri fyrir aftan Luigi Di Maio, sem er með rautt hálsbindi. Di Majo er atvinnu- og varaforsætisráðherra Ítalíu og deilir þeim pósti með Matteo Salvini, sem er innanríkis- og varaforsætisráðherra líka

****

Frakkland kallaði sendiherra sinn á Ítalíu heim í vikunni. Slík pólitísk aðgerð hefur ekki sést síðan 1940. En þetta er jú Evrópusambandið, þannig að það styttist óðum í nýja gamla tíma þar. Emmanuel Macron forseti Frakklands skipaði sem sagt sendiherra sínum á Ítalíu fyrirvaralaust heim án nokkurrar uppgefinnar ástæðu. Lesið er þó þannig í ESB-bollana að það hafi verið dauðasynd hjá Fimm stjörnu Luigi Di Maio að hitta í landi Macrons franskan foringja Gulu vestanna. Hér ræður sáttin og samlyndið för eins og allir sjá. Þetta kallast persónuvernd ESB; Vernd stjórnmálamanna gegn kjósendum, eða Samsærið H/F. Allt hið lýðskrumslega og ístrulega kosningaprógramm Macrons um ESB er nú að leyast upp á aðeins nokkrum vikum. Ítalir fá sennilega ekki franska hermenn undir sína stjórn í útópískum ESB-herafla Macrons - á útistöðuvatni hans og Merkels. Þvílíkur farsi á innistöðuvatni eilífðarinnar í ESB

Fyrri færsla

Margt gott gerst síðan að Trump var kjörinn

Margt gott gerst síðan að Trump var kjörinn

Á aðeins 24 mánuðum hefur það góða gerst að enginn þarf lengur að horfa á sjónvarp né hlusta á útvarp og þar af síður að lesa nein dagablöð, nema í undantekningar-tilfellum. Á 24 mánuðum hafa fjölmiðlarnir verið staðnir að því að vera jafnlélegir og bankarnir voru, og skólakerfið hefur sannað sig sem ofborgaður sorphaugur vinstrimennsku sem ekkert vit er í að eyða tíma né peningum í. Unga fólkið sem nú mannar fjölmiðlana kom úr þessum skólum og það veit og kann ekkert um neitt eins og sést einnig á hinum nýju fokk-stjórnmálahreyfingum innan sem utan fjölmiðlanna, þar sem þeir senda bæði inn og út

Á þessum 24 mánuðum fékkst staðfest hversu illa innrættir, lélegir, falskir og óheiðarlega-krónískt vinstri-pólitískt-pervertir helstu fjölmiðlar Vesturlanda eru

Í Bandaríkjunum var þessi grunur alltaf mjög svo djúpt til staðar í bakhöfðum þjóðarinnar frá því að vinstrisinnaðir fjölmiðlar þess lands drógu bandarísku þjóðina á tálar í því sem þá var kallað Watergate-hneykslið, og hröktu úr embætti réttkjörinn forseta landsins sem aldrei í sögunni hafði sigrað eins stórt í kosningum, og sem gerði það vegna dugnaðar og hugrekkis. Því hefur þjóðin ekki gleymt. Hún var dregin á tálar og fjölmiðlar landsins sviku hana

Það þurfti því ekki mikið til að bandaríska þjóðin sæi í gegnum svikavef fjölmiðla þegar að síðustu forsetakosningum kom, þar sem Trump var kjörinn þrátt fyrir að vera með næstum allt fjölmiðlahyskið, bankana, Wall Street, tæknirisana, Hollywood, heiðnikirkjuveldi háskólanna, gáfumennin og hugveiturnar á móti sér. Þjóðin mundi enn

Og eftir kjör Trumps hefur hið sanna svo verið neglt niður með sex tommu saum meðal bandarísku þjóðarinnar. Fjölmiðlar eru óheiðarleg fyrirbæri, nema í örfárum undantekningartilfellum, segir sú þjóð. Þeim er enda ekki treyst og þeim ætti heldur enginn að treysta

Þetta er regla sem almenningur hér á landi veit að gildir alveg sérstaklega um DDRÚV-ríkisfjölmiðil vinstrimanna, sem þjóðin er kúguð og pyntuð til að halda uppi

Þegar ég tala um illa innrætta, lélega, falska, óheiðarlega og krónískt vinstri-pólitískt-perverta fjölmiðla þá á ég við, svo ég nefni aðeins örfá tilfelli af þúsund, að þeir flagga til dæmis í hæstu stöng geðvilltri Madonnu sem sagðist ætla að sprengja Hvíta húsið í loft upp og skeinir sig á bandaríska fánanum. Og svo til dæmis svörtum rappara sem sker hvítan mann á háls í garði Hvíta hússins. Og svo blaðamönnum sem líkja fundi Trumps og Pútíns í Helsinki við árásina á Perluhöfn, þar sem 3000 manns misstu lífið. Og svo til dæmis ritstjórn New York Times sem segir á bloggi að vonandi hætti hvíti maðurinn að eignast börn svo hann deyi út

Mest allt hið steingelda og náttúrulausa Hollywood-lið allra landa sem skorið hefur af sér gagnslaus kynfærin og látið líma þau framan á klesst andlit sín sem plastfyllingar, er einn stærsti bakvörður hins geggjaða liðs svo margra fjölmiðla í dag

Þetta perverta lið líkir stanslaust réttkjörnum forseta þjóðarinnar við Adolf Hitler, sem lét myrða sex milljónir Gyðinga með ísköldu mati hinnar endanlegu lausnar. Stærstur hluti þessa fólks þolir ekki hugrekki þegar það sér það og hatast því við Ísrael fyrir að verja sig og borgara sína

Nýtt Gyðingahatur vex eins og gorkúluskógur meðal þessa vinstra pakks og það reynir ekki einu sinni að fela það, því það þykist jú vera svo heilagt og það treystir því að það komist upp með allt í sínu helsjúka fjölmiðlaveldi. Þetta voru aðeins örfá dæmi um hið helsjúka vinstra-perverta fjölmiðlalið Vesturlanda

Það var fínt að fá þetta staðfest því nú veit fólk hvað það á að varast; fjölmiðla og skattafjármagnaða menntun. Gerir þú það ekki, þá færðu hvergi góða og vel launaða vinnu þegar stundaglas apaveldisins hefur tæmt sig. Og það styttist í það

Fyrri færsla

Kola- og stálbandalag Bjarna og Katrínar

Kola- og stálbandalag Bjarna og Katrínar

Katrín kommi sem stendur fyrir grænni fátækt að hætti Venesúela, sem lætur olíuna liggja og kálgarða sósíalismans blómstra, hefur gert bandalag við Bjarna borholu um að ef hún fær græna fátækt þá fær hann virkjun. Með buxnalausa Framsókn bera og kyrrsetta í pollinum, sjá allir hversu nakið það er að ætla að innleiða græna fátækt til að koma virkjunum á tvöfalda fimm ára áætlun ríkisstjórnarinnar, með vísan í ofstækistrú Nýmarxista í sósíal-nirvana endastöðinni á bráðnun jökla. Þarna fara saman þrír helstu lýðskrumarar þjóðarinnar í dag. Þar á undan höfðu ESB-lýðskrumarar tögl og haldir um næstu útópíu fyrir Ísland, en sem endaði eins og allar slíkar, sem tómið eitt og saman. Ekkert nema puð, tuð, tap og tað

Nú verða Píratar að herða sig, því annars verða þeir étnir, því að: Alþýðubandalagið át Alþýðuflokkinn og Alþýðuflokkurinn át Alþýðubandalagið. Svo kom hin Vinstri græna útgáfa kommúnismans og át Samfylkinguna. Við það frussaðist úr kjafti vinstrisins Björt framtíð sem Samfylkingin át. Og nú erum við að komast heim á ný, því að Sósíalistaflokkurinn er kominn til að éta Pírata, herði þeir sig ekki í tómhyggjunni og komi að minnsta kosti með þingsályktunartillögu um mannát. Ekkert minna dugar með nýjar húfur flokksins á haus. Og þá þurfa Vinstri græn að herða sig í sósíalismanum því annars étur Sósíalistaflokkurinn hana

Í alvöru talað. Þetta er að verða ansi mikil geggjun finnst mér. Hvað með smá jarðsamband. Eða á kannski að hefja hér (upp)bygginu skríðandi jökla sósíalismans að nýju

Fyrri færsla

Liggur ESB-óðaverðbólga í kortunum ?

Liggur ESB-óðaverðbólga í kortunum ?

Mynd, Seðlabanki Bandaríkjanna í Cleveland: dölum veitt út í skiptum (PDF). Þorrinn af dölum fór í að bjarga evrusvæðinu, tvisvar!

****

ÓÐAVERÐBÓLGA PÓLITÍSKRA HUGMYNDA

Það fer lítið fyrir því í sögubókum samtíðarinnar að óðaverðbólgan í Þýskalandi frá og með 1922 sé sett í rétt samhengi við staðreyndir. En þá reyndi þýska ríkið að brenna skuldbindingar Versalasamningsins burt með verðbólgu. Reynt var að greiða stríðsskaðabætur með verðlausum peningum. Þýski seðlabankinn sat við stýrið. Þetta byrjaði með því að dalurinn kostaði 4,2 mörk sumarið 1914, 192 mörk í janúar 1922, en tveimur árum síðar þurfti fjögur þúsund og tvö hundruð milljarða af mörkum til að kaupa einn dal. Þessir verðlausu peningar voru um tíma sendir til Bandamanna sem greiðslur. En svo var leikurinn stöðvaður og gullmarka krafist

Hún fer heldur ekki hátt sú rannsókn sem Ashoka Mody og Milan Nedeljkovic birtu niðurstöður úr á vox-eu þann 14. janúar 2019, þar sem niðurstaðan er sú, að það var fyrst og fremst seðlabanki Bandaríkjanna, en ekki ECB, sem bjargaði evrusvæðinu frá hruni og tortímingu í fjármálakreppunni sem hófst 2007, og náði á evrusvæðinu hámarki árið 2012-2013. Niðurstaða Mody og Nedeljkovic er þessi:

Dollar liquidity was a very particular need. By alleviating the dollar shortage, the Fed made a significant contribution to the euro areas stabilisation. In contrast, the ECB’s euro liquidity to banks, by its very design, did little to create confidence in economic prospects. While the liquidity did bring temporary calm, it increased the risk-taking incentives of banks. The active, stimulative measures lacked clarity of strategy. Hence, markets had no reason to expect that such measures would continue, particularly since they often seemed to react to bad news rather than establish a forward-looking purpose. Not surprisingly, they did little to help.

Ekkert handbært yfirvald á evrusvæðinu var fært um að skapa skilyrði fyrir því að eftirspurn kæmist þar í gang, enda er hið efnahagslega svarthol jarðar -Þýskaland- sjálf vélin í evrunni. En það land lifir á því að soga til sín eftirspurn sem önnur ríki jarðar skapa. Eins og kunnugt er þá er ekki hægt að byggja sólkerfi á sporbraut um svarthol, og þess vegna er evrusvæðið eins og það er: steinrunnin 1920-kreppa til enda tímans

Mody og Nedeljkovic segja því:

While euro liquidity was a potentially stabilising influence, the real constraint to the euro areas economic recovery was a lack of demand. Unable to lend profitably to healthy borrowers, banks used cheap ECB liquidity to engage in a "carry trade"

Og eins og Sigurður Már Jónsson blaðamaður benti á um daginn, þá er Ashoka Mody "enginn venjulegur hagfræðingur"

Enn, tólf árum síðar, eru engir heilbrigðir lántakendur til í Suður-Evrópu. Þeir eru varnalega skaðaðir vegna þess að þeir eru á evrusvæðinu, og geta ekki nýtt sér nýtt fjármagn. Þeir eru hættir að anda og öndunarfæri þeirra eru ónýt af því að Þýskaland trampaði þau ónýt; þau voru utanáliggjandi

Á einn eða annan hátt, þegar evran hrynur, verður að greiða billjón evra greiðsluhallann í TARGET2 kerfi evrunnar. Óþarfi er að gera ráð fyrir því að Þýskaland fái áfram eitt að hafa notað verðbólgutrixið úr 1920-bókinni, og alveg sérstaklega ekki, þar sem það er sjálft Þýskaland sem endurskapað hefur 1920-ástandið sem ríkt hefur í 12 ár og ríkir enn á evrusvæðinu

Það voru sem sagt gjaldmiðlaskiptalínur Seðlabanka Bandaríkjanna sem komu í veg fyrir að evrusvæðið hrundi og að gjaldeyrishöftum og peningaskömmtun væri skellt á alla íbúa og fyrirtæki evrusvæðis. Grikkland og Kýpur fengu þó þær ESB-gjafir evrunnar í forgjöf, frá einmitt því rústasvæði sem sumir menn á Íslandi vilja að þvingi markaðssvartnætti ESB-útópíunnar í gegn yfir íslenskan raforkumarkað og íslensk raforkufyrirtæki. Þeir menn eru sannarlega steinrunnir afglapar sem vita ekkert hvað þeir eru að gera, frekar en þeir sem stofnuðu til evrunnar

Enginn vafi er á því að hinn þýski þjóðarsósíalismi (nasismi) kostaði Evrópu fleiri mannslíf en allt annað. En það verður samt hugmyndin um Evrópusambandið og evruna sem hafa mun vinninginn í efnahagslegu tapi- og eyðileggingu fyrir flest ríki álfunnar. Brostið líf kynslóða í galinni hugmynd elíta heldur áfram.. þar til þið vitið hvað gerist næst

Fyrir helgi voru hagvaxtarhorfur Þýskalands niðurskrifaðar í eitt prósent úr 1,8 og Brexit kennt um. Í Þýskalandi er ávallt allt öllum öðrum að kenna en svartholinu sjálfu. Tekur Victor Davis Hanson undir það í Hið stóra hrun Þýskalands

Fyrri færsla

Brjálaður seðlabankastjóri baðst afsökunar

Brjálaður seðlabankastjóri baðst afsökunar

Mynd OECD: best reknu lífeyrissjóðir heimsins eru íslenskir. Umræða hér

****

BRJÁLAÐUR SEÐLABANKASTJÓRI

Donald Trump var gagnrýndur harðlega fyrir að segja að hann væri með "brjálaðan" seðlabankastjóra, sem hækkaði bara og hækkaði stýrivexti. Heimspressan stóð á öndinni. Hvernig dirfðist þjóðkjörinn og uppréttur maður að gagnrýna ókjörinn embættismann. Jæja nú er komið í ljóst að Trump hafði rétt fyrir sér og seðlabanastjórinn baðst afsökunar á að hafa lesið hagkerfið vitlaust. VB og WSJ eru með þetta (bæði þó fjandsamleg Trump):

1. Powell tekur u-beygju 2. The Fed Apologizes

Þar á undan var Donald Trump gagnrýndur heiftarlega fyrir að kenna demókrataleiddu Kaliforníufylki um að 14 þúsund heimili brunnu til grunna og að 86 manns misstu lífið vegna kæruleysis. Nú er komið í ljós að raforkufyrirtækið kveikti í vanhirtum skógum kerlingaflokks Demókrata og sætir ákærum fyrir að hafa kveikt 1500 elda í púðurtunnum umhverfisbjána flokksins. Fyrirtækið er því á leið í gjaldþrot í fylki Kaliforníu, sem þiggur 1/3 af öllum félagsmálaútgjöldum ríkisstjórnar Bandaríkjanna, sem eins konar bandarískt Venus-Súellen með ólöglega einkaþræla frá Mexíkó. Karlmenn eru eins og allir vita frá Mars og jafna skóga við jörðu, með glans

Krækja: PGE Sparked at Least 1,500 California Fires. Now the Utility Faces Collapse (2017) og rannsóknin vegna eldanna 2018 er í gangi, með horfum á sömu niðurstöðu

Fyrri færsla

Hvað segja bresk lög um Brexit?