Hvað vill Norður-Kórea?

AF MÁLEFNUM EVR-ASÍU -GAMLA HEIMSINS- SEM PÓLITÍSKT SÉÐ ER AÐ BROTNA UPP, ÁSAMT MIÐ-AUSTURLÖNDUM

****

Nú þegar við vitum hvað margmennin í Evrópu vilja, þá er varla úr vegi að velta því fyrir sér hvað sjálf Norður-Kórea vill

Í Evrópu vilja "samtök evrópskra fyrirtækja" (e. Association of European Businesses) allt í einu að viðskipti séu skilin frá stjórnmálum (e. leaving business out of politics) vegna fyrirhugaðra og hertra refsiaðgerða Bandaríkjanna gegn Rússlandi og þriðju aðilum, sem flestir heita fyrst og fremst ESB. Þetta markmið hefur ítalska Mafían einnig ávallt haft, en þó aldrei þorað að gefa út opinbera fréttatilkynningu um þau grundvallarmarkmið "samtakanna". Þannig að þá vitum við hvað "samtök evrópskra fyrirtækja" vilja. Þau vilja að "viðskipti séu skilin frá stjórnmálum" - nema hvað:

Og í Evrópusambandinu héldu evrópskir dísilbílaframleiðendur líka fund (e. summit) með stjórnmálamönnum Evrópusambandsins, um það mál sem hinir sömu stjórnmálamenn sambandsins gerðu fyrir þá síðast. Þ.e. stjórnmálamenn ESB-landa tóku að sér dísil-trúboð á vegum þessara fyrirtækja, sem þar með tókst að eitra all hressilega loftið fyrir borgurunum í borgunum. Það skemmtilega við þetta er það, að ef þessi dísilbíla-fyrirtæki hefðu verið bandarísk, þá væri ekki verið að halda "summit" þeim til heiðurs, heldur væri verið að gefa út handtökuskipanirnar á hendur þeim. En svona er auðvitað að hafa alist upp í "samtökum" og "samböndum" (e. cartel) en það er einmitt það sem EEC eða Efnahagsbandalag Evrópu (EB) var áður en það breytti sér í Evrópusambandið með blágula dísilfánann sinn við hún - við hjáróma stefið úr níundu rúgbrauðssinfóníu meginlandsins, sem Napóleon neitaði að meðtaka svart á leið sinni yfir til Rússlands; sjálfum van Beethoven til mikillar gremju, sem þó var í honum næg fyrir

En nú er það hins vegar Þýskaland sem er á leið til Rússlands og helst fyrr en seinna, því það hefur misst alla stjórn á Austur-Evrópu sem Bandaríkin vernda. Þýskaland vill ekki láta læsa sig inni með sjálfu sér á ný, því landið þolir ekki sjálft sig. Það þolir ekki að vera bara Þýskaland. Það vill verða meira og helst miklu miklu meira en bara það

En hvað vill þá Norður-Kórea? Jú hún vill að sjálfsögðu það sama og Evrópufyrirtækin þegar að viðskiptum kemur. En hvað vill hún í þeim viðræðum sem virðast hafa átt sér stað á milli hennar og Bandaríkjanna síðustu viku? Þær viðræður komust á þegar Bandaríkin ákváðu að telja Norður-Kóreu það til tekna að þeir þorðu ekki að gera alvöru úr hótunum sínum um að skjóta eldlaugum á Guam-hluta Bandaríkjanna

Maður sér þetta fyrir sér; Bandaríkin; "Kína getur ekkert og vill ekkert gera í þessu máli sem er að þróast á sjálfum dyraþrepum þess (enda sagði Maó að hann hræddist alls ekki kjarnorkustyrjöld því þó svo að 300 milljón Kínverjar dræpust í henni, þá stæðu 500 milljónir þeirra enn eftir). Við ræðum því sjálf beint við Norður-Kóreumenn. Við ákveðum að láta ekkert tækifæri ónotað til að komast hjá því sem enginn og heldur ekki Norður-Kórea vill; styrjöld. Við reynum að telja Norður-Kóreu það til tekna að þeir hafa ekki þorað að láta verða af Guam-hótunum sínum", sama hversu ógeðfellt það er. Síðan er sest að borðinu og báðir aðilar reyna að finna út hvað þeir vilja af hvor öðrum. En bíðið nú við. Á miðjum fundi skýtur Norður-Kórea upp þremur eldflaugum, en sem með vilja eru látnar misheppnast allar, og gefur um leið út þá fréttatilkynningu að þeir ætli að hraða kjarnorkuvopnaprógrammi sínu. Jæja

Meira veit ég ekki, nema það að á skrifandi stund skaut Norður-Kórea upp eldflaugum (ef til vill frá kafbát) sem flugu yfir norðurhluta Japans. Hvað segir þetta okkur? Jú að viðræðurnar gangi ekki sérlega vel. Og að báðir aðilar viti það. Sennilega eru þær ekki lengur til. Nema að þetta hafi bara verið fagnaðarlætin í níundu sinfóníunni. Önnur eins tónverkjandi misnotkun hefur sést. Slíkt ýlfur er þekkt

En hvað sem öllu líður þá er Norður-Kórea vön að fá það sem hún vill, þökk sé "alþjóðasamfélaginu". Það "samfélag" (cartel) fóðraði Hitler að miklu leyti til valda og það drekkti Stalín bókstafalega í hyllandi bókaflóði þess "samfélags". Hér á Íslandi varð þetta "alþjóðasamfélag" kommúnista ákaflega sterkt. Það fór því að hluta til Norður-Kóreu, þegar blessuð Sovétríkin þeirra hrundu. Fordæming þeirra á öllu því sem Bandaríkin gera í málinu, er því áfram hundrað prósent örugg. Hún er það eina sem öruggt er í þessum heimi

Fyrri færsla

Hissa á skuggamynd aðalhagfræðings Seðlabanans

Hissa á skuggamynd aðalhagfræðings Seðlabanans

Nú hef ég horft á vefútsenda stýrivaxtaákvörðun Seðlabankans, sem í sjálfri sér er ekki verðbólguvaldandi, vegna þess að hún, útsendingin sjálf, fer fram í gegnum framleiðsluapparat annarra hagkerfa. Sko til

Ákvörðun Seðlabankans byggir að sjálfsögu á því sem búið er að gerast. En ekki á því sem er að gerast, eins og Már hefur sjálfur greint frá, með því að segja að ákvarðanir Seðlabankans séu gagna-knúnar. Öll gögn hans eru auðvitað úr fortíðinni. Öðruvísi geta þau ekki verið

En stund sannleikans rennur þó aldrei upp fyrir þá sem vinna í Seðlabankanum (banki) og á Hagstofunni (stofa), því þar er og verður aldrei hægt að fá þá stund til að renna upp og enginn veit því hve villumörk hans og stofunnar góðu eru stór

Það geta hins vegar þeir gert sem um stjórnmálin spá, því þar er talið upp úr kjörkössunum á fjögurra ára festi og stund sannleikans rennur upp. Þar með staðfestast rangar/réttar spár spámanna á þeim markaði, og villumörk staðfestast líka. En það er hins vegar aldrei talið upp úr gagnasöfnum Seðlabankans og þess vegna geta menn þar haldið vinnunni sinn fram í rauðan dauðann. Þetta er alls ekki gagnrýni, heldur aðeins staðreynd. Og þetta er kallað sérfræði. Já já

Mér finnst furðulegt að í skuggamyndasafn Seðlabankans er nú komin sú árstíðaskapaða hagsveifla sem er í gangi í ESB, því hún er eingöngu knúin af þremur þáttum:

1. Árstíðasveiflu (e. cyclical)

2. Kjöri Emmanuel Macrons upp til himins; En hann er hins vegar fallin til jarðar á ný sem bara bankamaðurinn sem hann ávallt var. Og sem strax orðinn er því sem næst þorskur á þurru landi. Fall hans er auðvitað ekki enn komið inn í tölur Seðlabankans, vegna þess að hann er jú gagna-knúinn. Af hverju þá að taka hann inn?

3. Hatri Evrópusambandsmanna á Donald Trump; Þeir halda að að þrotum komin Evrópa sambandsins geti allt í einu farið að stjórna sér sjálft á ný. Allir vita þó innst inni að slíkt getur aldrei gerst. Það er örstutt síðan að seðlabanki og ríkisstjórn Bandaríkjanna björguðu hagkerfum evrusvæðis með síendurteknum gjaldmiðlaskiptagáttum og með björgun AIG, sem tryggt hafði allt fjármálakerfi landa evrusvæðis. Annars hefði AIG verið látið rúlla í þrot

Þetta er og verður aldrei annað en það sem það er. Og þetta er, eins og oft áður, varla birtingarhæft. En samt er þetta birt. Hvers vegna? Jú vegna þess að bankinn er gagna-knúinn, eða er það ekki?

Fyrri færsla

Umfjöllun um "þjóðernis-hyggju" á hvolfi

Umfjöllun um "þjóðernis-hyggju" á hvolfi

Gengur þitt land í takt?

Lýðræðið sett til hliðar sagði heimspekingurinn Søren Gosvig Olesen árið 2010. "Í dag hlýða menn og gera eins og þeim er sagt. Til dæmis fer öll þjóðin eftir því sem heilbrigðisyfirvöld segja. Spinn doktorar stjórnvalda gegna hlutverki áróðursráðuneytis"

****

Það er dæmalaust að fylgjast með þeirri umræðu sem fram fer um þjóðir og það sem hefur með þjóðir að gera og þá sem aðhyllast þjóð sína og sjálfsákvörðunarrétt hennar

Íslenskan hentar stundum misvel til að lýsa því sem rætt er um. Þannig eru öll tungumál. Eins og þú lesandi góður veist, er allt sem hefur með þjóð/land að gera á mörgum erlendum tungumálum með formerkinu "national". Til dæmis væri Landsspítalinn á ensku The National Hospital og Landsfundur yrði "national convention". Þetta hefur auðvitað ekkert að gera með það gildi sem lagt er í umræðuna um þjóðarstefnu í dag (e. nationalism). En samt smitar þetta

Þjóðarstefna/þjóðernisstefna er það sem lýtur að hinni grunnpólitísku einingu sem býr til veröldina eins og hún er. Og það hefur hún frá upphafi alda gert. Þjóð þarf þjóðar/þjóðernissinna til að geta verið til. Eins og til dæmis kapítalismi þarf kapítalista til að geta verið til. Þjóð án þjóðar/þjóðernissinna er ekki þjóð, því það eru þeir sem gera henni mögulegt að vera þjóð. Án þjóðernissinna dettur þjóðin í sundur og leysist upp, því hún hættir þar með að vera pólitískt eining í veröld sem samanstendur af pólitískum einingum og engu öðru. Grunn-pólitískum einingum sem mynda veröld manna

Jón Sigurðsson var þjóðar/þjóðernissinni af því að hann vann að tilvistarlegum málum íslensku þjóðarinnar og sjálfsákvörðunarrétti hennar. Þeir menn sem það gerðu voru kallaðir "hin frjálslyndu öfl". Þeir voru andsnúnir nýlendu- og heimsvaldastefnu og vildu að þjóð fengi rétt til að stjórna sér sjálf. Það er: sjálfsákvörðunarrétt. Þeirra barátta snérist um þjóðina. Hún snérist ekki um ekkert, eins og svo margt snýst um í dag og sem skoppar ofan í niðurfallið sem rugl

Þýski Nasistaflokkurinn var Sósíalistíski þjóðarflokkurinn. Hann snérist um sósíalisma, en ekki um þjóðernisstefnu, eins og Jón Sigurðsson tileinkaði líf sitt. Það verður að passa að kalla hlutina réttum nöfnum. Þegar sú stefna flokksins náði hámarki hafði Hitler þjóðnýtt alla þjóðina í þágu eins (slæms) málstaðar. Þjóðernissinnar vilja hins vegar að þjóðin sé frjáls í þjóðríki sínu. Hitler hataði þjóðir og þjóðríki þeirra

Í Evrópusambandinu hafa menn ekki enn þjóðnýtt þjóðirnar að fullu, en sambandið hefur í staðinn þjóðnýtt stjórnmál þeirra. Þar er nefnilega bannað að stjórnmálin séu andsnúin ESB-samruna. Það er bannað. Og Evrópusambandið hefur sett á laggirnar heilt dóms- og lagakerfi og meira að segja risavaxinn dómstól sem byggir á þessu; þ.e. að með samrunalagabálki sambandsins að dæma samrunahugmyndinni í hag. Þetta er ósköp svipað og stjórnarfarið var í Sovétríkjunum. Þar var bannað að lifa ekki samkvæmt kommúnismanum. Í ESB heitir hið fyrirskipaða lífsfyrirkomulag hins vegar "samruninn". Þú mátt sem ríki ekki lifa lífi sem stangast á við samrunann. Auðvitað er þetta bara venjuleg gamaldags laumuleg uppskrift að einræði. Það eina sem getur stoppað þetta vonda afl er þjóðar- eða þjóðernishyggja og þar með fullveldi og sjálfstæði þjóðanna

Við erum með margar ómögulegar íslenskar þýðingar á mörgum hlutum. Til dæmis þýðir íslenska heitið "Myntbandalag Evrópusambandsins" ekki í raun það, sem það fyrirbæri sannarlega er; "Currency Union" er ekki það sama og "Monetary Union". Þar er grundvallarmunur á. Samt notum við sama heitið yfir þessi tvö ólíku fyrirbæri án þess að hugsa okkur um

Það er ekki til nein fræðileg pólitísk kenning eða skilgreining á þjóðernissinna eða þjóðernisstefnu. Það er vegna þess að hún hefur frá upphafi mannsins verið órjúfanlegur hluti af honum. Eins er með móðurástina. Það er ekki til nein kenning um móðurástina af því að hún er raunverulegur hluti af manninum og þarf því enga kenningu til að sanna sig. Hún bara er. Hún er meðfædd og lífsnauðsynleg. Þjóðernistilfinningin eða þjóðernisstefna er það sem næst kemur móðurástinni, þ.e. ást eða væntumþykja um sitt eigið fólk og sína nánustu sem deila örlögum í framtíð og fortíð. Þetta er ekki hægt að þurrka út. Bara ekki hægt, jafnvel þó svo að þjóðir missi landið sitt (þjóðarheimilið)

Þjóð getur ekki verið til án þjóðar- eða þjóðernissinna

Adolf Hitler var hins vegar kynþáttadýrkandi. Hann og menn hans bjuggu til heila fræðigrein sem var hugmyndafræðilegt þvaður út í gegn um ekkert nema eitt; að þeir sjálfir væru yfirmennin en sumir aðrir undirmennin. Heill kenningarlegur tröppugangur af þvaðri var saminn niður á þá sem áttu að vera á botninum. Stefna þeirra var ekki bundin við neina eina þjóð. Hún fór eins og eldur í sinu um mörg lönd. Þetta fólk þóttist vera kynþáttaaðall, en var imperíalistar. Heimsvaldasinnar. Alveg þveröfugt við þá sem unna þjóðríkjum sínum, með því að vera þjóðarsinnar/þjóðernissinnar

Þjóðríkin eru eina vörnin gegn svona heilastöppum. Og forskriftina að þeim er aðeins að finna í Gamla testamenti hinna Heilögu ritninga Vesturlanda: Biblíunni. Hún er eina bókin í heiminum sem inniheldur vörnina gegn heimsveldunum sem ávallt enda sem þrælaríki. Úniversal heimsveldi enda alltaf sem þrælaríki

Svo spurningin á okkar tímum er því þessi: hverjir eru vondu mennirnir í dag. Hverjir aðhyllast heimsveldið og þar með þrælaríkið? Og munið: leiðinni til fjandans er ávallt pakkað inn í "góðan ásetning" (til dæmis rauðan sem breyttist í grænan)

Í dag hefur þessum vondu öflum tekist að þræða lyklakippu sína fulla af þjóðríkjum. Þessi vondu öfl halda þar með lífi þjóðanna að miklum hluta til í hendi sér. En hinar Heilögu ritningar slógu því fast í eitt skiptið fyrir öll, að landamæri væru það eina sem dugar gegn svona illum öflum. Þau hindra að ríkin flæði út fyrir þau og reyni að stjórna öllum heiminum og þar með troða öllum öðrum ríkjum upp á lyklakippu sína. Það er nefnilega vont. Enginn má stjórna heiminum. Enginn. Það er alveg bannað. Allir vita hvernig það endar, nema að þeir séu með hausinn á kafi í kviksandi "háskólasamfélags" nú um daga

Sá heimur sem varð til frá og með 1945 og sem átti að koma í veg fyrir svona, já hann er kominn í steik. Í bölvaða steik. Þökk sé þeim sem kalla sig frjálslynda í dag. Þeir eru ekki frjálslyndir því þeir aðhyllast ekki þjóðfrelsið og sjálfsákvörðunarrétt þjóða. Þeir vilja tortíma þessu því þeir eru í reynd bara venjulegir heimsvaldasinnar (universal imperialistar) án þess að gera sér enn grein fyrir því að þangað eru þeir í heimsku sinni komnir

Og þar við stendur þar til nýtt jafnvægi kemst á. Þess vegna þyrfti kannski að loka ýmsum háskólunum á meðan fáfróða fræðaliðinu er skóflað þaðan út. Og kannski á ekki að opna þá aftur fyrr en að fræðimennirnir þar, eins og þeir kalla sig, hafa séð að sér. Kannski við ættum bara að hætta að fjármagna þá. Hætta að fjármagna þokulúðrasveitir þeirra. Skella á þá svona eins og einum þokubakka í nokkur ár, því af aurum okkar eru of margir þeirra orðnir apar. Ekki allir, en samt mjög margir. Og það er bæði leiðinlegt og slæmt, því þeir koma af stað vondum straumum í þjóðfélögum sínum. En þeir tala samt ekki við þjóð sína. Þeir tala mest við aðra í svipuðum útvarpsturnum háskóla annarra landa. Þannig virka úniversal heimsveldi, þjóðum oftast til skaða. Og þeir fyrirlíta oft þjóð sína því þeir þykjast vera yfirmennin. Hitler hefði því orðið ánægður með þá í dag, eins og Sören heimspekingurinn Søren Gosvig Olesen benti á í nýrri bók árið 2010

Fyrri færsla

Af hverju tekur DDRÚV ekki fyrir verðlækkun á sjálfu sér?

 

Af hverju tekur DDRÚV ekki fyrir verðlækkun á sjálfu sér?

Fyrst að þetta ríkisrekna fjölmiðilsþusl í Austur-Berlín Reykjavíkurborgar ætlast ár eftir ár og áratug eftir áratug til þess að matvælaverð lækki og að matur eigi helst ekki að kosta neitt og að bændur geti étið það sem úti frýs, hvar sem er í hinum siðmenntaða heimi, hvernig væri þá að þetta kommasetur nútímans taki fyrir verðið á sjálfu sér og kynni fyrir landsmönnum hvað þeir gætu í staðinn keypt af innfluttu fölsuðu og sminkuðu matvælarusli frá ESB sem selt er hér sem eins konar matur og hagnaðurinn fluttur úr landi. Hvernig væri það, kæra DDRÚV, hið yfirverndaða kommavarp Íslands?

Þið gætuð þá sagt hverju heimili "neytenda" og öllum fyrirtækjum landsins hve mikið þau geti sparað á ári með því að þið væruð öll rekin, eins og menn hyggjast nú reka bændur í boði Viðreisnar frá búskap sínum. Hvað finnst ykkur um það DDRÚV?

Af hverju takið þið ekki fyrir verðið á ykkur sjálfum? Hvað er að?

Það er líka stórkostlegt að Sigurður Ingi Framsóknarmaður skuli láta leiða sig svona lamaðan til slátrunar eins og fatlað lamb. Hver einasta þjóð með virðingu fyrir sjálfri sér myndi aldrei aldrei taka í mál að flytja inn eins stóran hluta af matvælum og við Íslendingar gerum. Í Frakklandi yrði einfaldlega bylting!

Og það mega allir vita að ekkert líf getur þrifist neins staðar á plánetunni okkar sé það látið í hendurnar á þeim sem reka verslun með matvæli í dag. Þvílík samsteypa af samstappandi hringamyndunum sem hún orðin er!

Hmpf!

Vegur 1945-heimsskipan endar hér

Vegur 1945-heimsskipan endar hér

SUNNUDAGUR

Réttara væri í þessari tilgátu-frétt (sjá neðst) að segja að Steve Bannon vill vernda bandarísku þjóðina gegn því sem gerðist árið 2008, þ.e. að slíkt gerist ekki aftur; að fjármála- og embættaveldið (sérfræðingar) sé áfram með þjóðina í fjölþjóða-gíslingu "multilateral"-ismans. Að það megi ekki að koma til aftur að skammbyssa þess veldis geti fyrirvaralaust kreist út úr þjóðinni það eina sem hún á; lýðræðið - til að stinga því upp í sérfræðinga-gjaldþrot þess veldis á nýjum barmi gjaldþrots sérfræðinganna

Það er erfitt að rýna í það sem er að gerast í bandarískum stjórnmálum núna. Jafn erfitt og var að reyna geta sér til um stjórnmálastefnu Bandaríkjanna á tímabilinu frá 1929 fram til árásarinnar á Perluhöfn. Og eins og menn kannski muna, þá neitaði bandaríska þingið að samþykkja og þar með staðfesta ófriðar friðar-samningana sem kenndir eru við Versali. Samninga sem Wilson forseti Bandaríkjanna hafði skrifað undir á meðan hann var sex mánuði að semja þá í París á "friðarráðstefnunni" þar 1919. Já, sex mánuði á Parísarsamkomu að gera Parísarsamkomulag. Ef hann hefði heitið "Trump" þá veit ég, sannarlega ég segi þér, ekki hvað hefði gerst. Evrópubúar reyndu á þessum tímum að lokka Bandaríkin inn á sérsvið meginlands þeirrar álfu; einræðis, kommúnisma, nasisma, fasisma og annarra stjórnarfarslegra afskræminga sem meginlandið er svo sérfrótt í, en það tókst ekki

Í dag er meginland Evrópu á ný á leið inn í gömlu draumana sína; Evrópusambandið, sem er að hrynja, reynir að bremsa að lýðræði geti í praxís þrifist neins staðar á meginlandinu. Það úðar eitri sínu á allt sem minnir á lýðræðislegt stjórnarfar. Það dæmir þjóðir í skuldafangelsi og það reynir að annúllera niðurstöður kosninga með því að koma í veg fyrir að niðurstöður þeirra komist til framkvæmda. Það sendir hersveitir til þeirra landa í sambandinu sem reyna að taka mark á kjósendum. Því meira sem sambandið hamast, því meira langar fólkinu að komast út eða drepa sambandið, sem öðlast hefur sitt eigið umboðslausa líf. Og það er fólkið einmitt að gera

Sem eitt sönnunargagn þessu til vitnis, má nota sérstakan þrútinn áhuga vinstrimanna á Evrópusambandinu frá og með 1992, er það með einum Maastrichtsáttmála breytti sér með langdregnu lagalegu lygaferli í yfirríki yfir öllum ríkum sambandsins. Vinstrimenn og kratar, þ.e. sósíalistar, laðast að svona stjórnarfarslegum óferskjum eins og mý að mykjuskán. Saga þeirra sannar það

Sú skipan heimsmála sem komst á í kjölfarið á 1945, er nú að renna sitt síðasta skeið: sérfræðingaveldið sem átti að bjarga heiminum er komið í þrot. En það veldi var ekki betra en svo að það sjálft klessukeyrði veröldinni árið 2008, og hún getur ekki rétt úr sér á ný. Það eina sem bjargaði veröldinni frá því að falla alveg saman undan þunga sérfræðinganna, voru gömlu björgunarbátar þjóðanna: þjóðríki fólksins, fullveldi þess, sjálfsákvörðunarrétturinn, landamærin og þjóðarherinn sem sér um þjóðarvarnir gegn alþjóðlegum sérfæðingum

Allt alþjóðaveldi sérfræðinganna brást. Ekkert í því virkaði. Enda var það sjálf ástæðan fyrir óförunum. Þetta ókjörna sérfræðingaveldi veraldar er auðvitað bara verndaður vinnustaður vesalinga. Það máttu allir sem hugsa, vita að myndi gerast

Fyrri heimstyrjöldin var kerfislæg stórstyrjöld sem varð til er þrjú ný ríki risu upp úr veraldarhafinu: Þýskaland, Japan og Bandaríkin. Ris þeirra olli kerfislægum stórsjó. Það þurfti að búa til pláss fyrir þau. Og Síðari heimstyrjöldin var framhaldið á þeirri fyrri. Sú fyrri endaði aldrei, hún hélt bara áfram. Alveg eins og árið 2008 hefur ekki endað enn

Það er oftast sama ferlið sem veldur kerfislægum stórstyrjöldum: þ.e. fall og ris ríkja í veraldarhafinu. Þannig að það sem finna þarf út úr núna, er þetta: hvaða ríki/veldi eru rísandi og hvaða ríki/veldi eru fallandi. Vitir þú það þá veistu mikið um framhaldið. Allir héldu til dæmis að Þýskaland væri búið að vera árið 1919. En svo var ekki. Og allir héldu til dæmis að Japan væri að yfirtaka heiminn árið 1989, en þá var það hins vegar að byrja að falla saman, þvert á kenningar sérfræðinga. Við skulum ekki minnast á skyndilega uppgufun Sovétríkjanna og allt hið risavaxna sérfræðingaveldi þess, þvert á allar spár hinna akademísku sovét-sérfræðinga Vesturlanda. Fjölmiðlar okkar vissu auðvitað minnst allra um hvað var að gerast. Þess vegna heita þeir miðlar. Þeir halda miðilsfundi. Þeir geta einfaldlega ekki gert neitt annað

Þegar staðan er svona, þá gera Bandaríkin það sem þau gera best; þ.e. þau gera ekkert. Bandaríkin eru eyja sem ekki er hægt að stúta. Þau hörfa heim á eyjuna sína. Þau halda sig til hlés, byggja upp ofurefli og slá til með því á réttu augnabliki og handtaka veröld afglapa á ný og koma þannig á nýrri heimskipan, mörgum til mikillar gremju. Þannig er þetta bara

Tími Bandaríkjanna sem "piss-off" ríkis er runninn upp á ný. Þau munu fara óstjórnlega í taugarnar á mjög mörgum, sérstaklega þeim sem aðhyllast einræðislegt stjórnarfar og stjórnleysi

Sem sagt: hvaða ríki eða veldi eru fallandi? Og hvaða ríki eða veldi eru rísandi? Það er spurningin. Ég hef mínar tilgátur um það eins og aðrir. En um stund þá held ég þeim fyrir sjálfan mig. Ég þarf að stúdera þetta aðeins nánar

En það var rétt hjá Reuters í síðustu viku að sá fatnaður sem Kína er að flytja út til Vesturlanda, er að hluta til framleiddur í verksmiðjum í Norður-Kóreu. Ástralska fyrirtækið Rip Curl komst að þessu þegar á síðasta ári. Þetta hefur því verið vitað um hríð, en ekkert er gert. Þeir sem eru ánægðir með vissa flatskjái sína ættu að hugsa um þetta. Svo kallaðir "fjárfestar" bíða nú í hrönnum eftir að fá að fjárfesta í Norður-Kóreu, því þar er svo ódýrt vinnuafl. Einhver heyrt þetta áður !?

Böndin á milli Norður-Kóreu og Írans eru sterk. Þið munið ef til vill eftir Írak-Íran styrjöldinni sem varð mannskæðasta styrjöld seinni hluta 20. aldar. Það var Norður-Kórea sem skaffaði Teheran þær eldflaugar sem gerðu þá styrjöld að því sem hún varð. Í staðinn greiddi Íran upp olíuskuldir Norður-Kóreu, því hún var að komast í peningalegt þrot. Og í staðin fékk Íran sjötíu prósent afslátt í eldflaugaverslun Norðursins. Þannig mun þetta líka verða með kjarnorkuvopnin og er reyndar þegar orðið þannig, eins og sést á Íran í dag. Það er komið "godt i gang"

Er því ekki bara best að Bandaríkin haldi sig til hlés og passi púðrið sitt á meðan veröld sérfræðinnar stútar því sem strútur þeirra hinn mikli vill í sínum sandi. Sveitamaðurinn ég, bara spyr

Yfirstandandi álagspróf Donalds Trump á stjórnkerfi Bandaríkjanna ganga bara vel. Kerfið virkar. Enda vildu stofnendur Bandaríkjanna alls ekki að "sterk ríkisstjórn" gæti orðið til í landinu sem þeir voru að smíða - eins og sögulega var og er raunin víða í Evrópu og Asíu. Bara alls ekki. Þetta eru mikil og góð meðmæli með Bandaríkjunum. Þau virka

En kerfislæg stórstyrjöld í henni veröld kemur. Það er öruggt. Lengra verður ekki haldið eftir vegi ókjörinna sérfræðinga og embættismanna, því þeir reyndust ekki vera neinir sérfræðingar. Bandaríkin hefðu líklega aldrei átt að láta til leiðast að skrifa undir það sem orðið er að stofnsáttmálaveldum Sameinuðu sérfræðinganna

Fyrri færsla

Farsi: Barcelona "örugg borg" [u]

Valdameiri utan Hvíta hússins?

Farsi: Barcelona "örugg borg" [u]

Eftir að Demókratar sem stóðu fyrir þrælahaldi fortíðar -sem Repúblikanar bönnuðu- mótmæla skyndilega minnismerkjum um sögu sína og hata áfram lýðræðið, þá stendur ekki steinn yfir steini nema sá grafsteinn þeirra: að þeir þola heldur ekki lýðræðið sem vill taka af þeim þræla nútímans

Eitt það fallegasta við lýðræðið er það sjaldgæfa örlæti sem þeir er standa að því sýna, með því að samþykkja á heiðarlegan hátt tap sitt í kosningum. En hvað gera Demókratar þegar uppskeruhátíð lýðræðisins skilar þeim ávöxtunum: jú þeir fordæma alla þá sem kusu ekki eins og þeir sjálfir. Og þeir heimta að hinum réttkjörna ávexti uppskerunnar sé umsvifalaust hent sem niðurstöðu kosninganna, sem þeir sjálfir töpuðu. Maður kastar upp. Þvílíkir aular og verðandi fasistar sem þetta lið er. Að þola ekki að aðrir hafi ekki sömu skoðun í stjórnmálum og það sjálft hefur, ber þessum lýð vitnisburð ömurleikans

Þetta lið þolir hvorki lýðræði né söguna eins og hún er. Þetta fólk er farið að hegða sér eins og vígamenn íslams og nú bíð ég bara eftir bókabrennum þeirra. Minnismerkin sem þessi lýður er að rífa niður er hann sjálfur. Það er að rífa sjálft sig niður. Og skilningur þess á sögunni er verri en 7 ára barns. Hann er bara enginn. Núll, zero, nada! Hann er farinn að líkjast villimönnum

Einn var myrtur í skrílslátum í Bandaríkjunum og helstu "virtu" fjölmiðlar heims birta stríðsfrétt um að Bandaríkin séu nú "hættulegt land". Ekki bara vegna þessa einstaka tilfellis, heldur vegna þess að sá sem þar situr sem forseti, var kosinn til valda af fólki sem hefur ekki sömu skoðun og það sjálft

Á Spáni voru hins vegar 16 manns myrtir í gær og hundrað limlestir, og fjölmiðlar Vesturlanda segja að Barcelona sé því "örugg borg". Fyrirgefið á meðan ég æli

Fasismi er stjórnskipuleg kenning um ákveðið slæmt stjórnarfar eins og kommúnismi er líka. Fasismi er ekki hegðun og hann er ekki lýðræði. Hann er slæmt stjórnarfar. Stofnendur Bandaríkjanna voru repúblikanar. Þeir vildu lýðveldi (e. republic) þar sem fólkið kýs sér fulltrúa til meðal annars að halda fasisma og kommúnisma í skefjum. Já, með fulltrúum fólksins og fylkjanna sjálfra sem ríkja, en ekki með öskrandi lýð á götum og strætum. Þeir vildu ekki fasistaríki

Enginn forsetaframbjóðandi lýðveldissinna Bandaríkjanna, þ.e. Repúblikana, hefur fengið eins mörg atkvæði sem leiðtogaframbjóðandi flokksins í neinum forkosningum og Donald Trump fékk. Kjósendur flokksins hafa aldrei í framkvæmd sýnt eins mikinn áhuga á að endurnýjun yrði í þessum flokki lýðveldissinna sem bannaði þrælahaldið. Og þeir sem vildu hann ekki sem endurnýjunarafl flokksins í framboði, hafa heldur aldrei verið fleiri í neinum forkosningum

Donald Trump fékk 45 prósent atkvæða og vann með þeim 41 fylki. Sá næsti, Ted Cruz, fékk 25 prósent atkvæðanna og vann með þeim 11 fylki. Ted Cruz mælti svo með Trump er hann dró sig til baka. Restin dreifðist á fimm aðra frambjóðendur flokksins sem unnu samanlagt með henni þrjú fylki og þrír þeirra mæltu með Trump. Enginn frambjóðandi lýðveldisflokksins frá því að prófkjör hófust, hefur tærnar þar sem Trump hefur hælana í almennum stuðningi til forsetaframboðs á vegum lýðveldisflokksins. Enginn!

Þetta verða menn að hafa í huga. Það eru skiptar skoðanir, en úrslit sjálfra forsetakosninganna eru skýr, sama hve öskrað er hátt á götum og strætum

Uppfært: Útganga Gyðinga af þrælaríki Egyptalands í Gamla testamenti Biblíunnar, markar upphaf Vesturlanda. Það vissi Lincoln, því hann kunni hinar Heilögu ritningar Vesturlanda mjög vel. Hann var ekki skríll. Borgarastyrjöldin í Bandaríkjunum varð ekki bara vegna þrælahalds. Hún snérist einnig og að mestu um að hamra Bandaríkin saman sem þjóð. Það nægir ekki til, að bunki af ýmsu fólki lýsi því opinberlega yfir að hann sé þjóð. Það þarf meira til að verða þjóð en bara einn pappír. Í þessu tilfelli þurfti heila borgarastyrjöld til, þar sem mannfallið var svo hrikalegt að það er enn meira og svæsnara en samanlagt mannfall Bandaríkjamanna er í tveimur heimstyrjöldum. Suðrið hélt að það gæti enn stjórnað sér sjálft og hefði enn rétt til að ákveða hvenær það léti af þessu eða hinu, eða tæki upp hitt eða þetta nýtt, sem ríki. Það var þetta sem gerði Bandaríkjamenn að þjóð. Það þurfti borgarastyrjöld til, því sjálfstæðiyfirlýsing á einum pappír býr ekki til þjóð. Þeir sem vilja rífa minnismerki um fæðingu þjóðar niður, eru hreinræktaðir afglapar sem verðskulda lítið - og jafnvel ekki landið sitt!

Skríll!

Er Bandaríkin fyrst allra ríkja viðurkenndu sjálfstæði Lýðveldis Íslendinga, var sú viðurkenning auðfúslega og með ánægju okkur veitt árið 1944. Bandaríkjamenn vissu mjög vel að við vorum þegar orðin þjóð, því við höfðum háð okkar eigin borgarastyrjöld og þraukað saman í þúsund ár. Við vorum eitt fólk með sameiginlega sögu, tungumál, siði, hefðir og örlög. Þessu sýna íslenskir stjórnmálamenn of litla virðingu í dag, því þeir vita ekki, eða vilja ekki vita, að hægt er að drekkja heilli þjóð með öðru fólki sem er ekki í vorri þjóð. Með fólki sem neitar að segja, "þitt fólk er mitt fólk og þinn guð er minn guð". Þetta getur eitrað líf heillar þjóðar ef aðgát og varfærni ræður ekki för. Svei þessari áhættutöku með líf þjóðar undir

Fyrri færsla

Ísland fékk að vera nasisti í einn dag og störu-keppnin á Kóreuskaga

Ísland fékk að vera nasisti í einn dag og störu-keppnin á Kóreuskaga

Öruggasta og verndaðasta kynslóð allra tíma mannkynssögunnar er nú daglega á barmi taugaáfalls. Hvers vegna? Jú vegna þess að hún er komin með síma. Frá og með nú bíð ég eftir bókabrennum hennar

****

Og sei sei, við fegnum loksins að vera nasistaríki í einn dag, þ.e. í símasamfélaginu sem ritstýrir stórum hluta fjölmiðla í dag. Það er eins gott að þessi kyn-slóð náði ekki að upplifa árið 1983, því þá væri hún öll á Kleppi, með eða án síma

****

Störu-keppnin á Kóreuskaga heldur áfram. Fimm aðilar standa og stara. Enginn þeirra vill vera sá sem blikkar fyrst

1) Norður-Kórea ætlar sér að verða kjarnorkuvopnaveldi. Takist það getur alblóðug terror-stjórn þess ríkis haldið áfram að lifa lífinu á meðan þjóðin deyr ef til vill hraðar en hún nær að geta af sér ný afkvæmi inn í þrælabúðir ríkisins. Takist Norðrinu þetta getur terror-stjórn landsins lifað lífinu hátt og flutt út og selt kjarnorkuvopn til viðskiptavina sinna, sem eru allar verstu einingar jarðarinnar til samans

2) Suður-Kórea vill ekki stríð því þá þarf hún að færa fórnir, segja stjórnvöld. Ég myndi íhuga að flytja íbúa landsins úr skotmáli hefðbundinna vopna. Suðrið hefur sent "alþjóðasamfélaginu" (ekki til) óskalistann sinn: að gera helst ekkert nema stinga höfðinu í sandinn

3) Kína vill ekkert nema óbreytt ástand og sundraða Kóreu áfram. Sundrung í túnfæti þess er hið besta hey Kína í harðindum. Enginn veit í raun hvort að Kína stjórnar Norður-Kóreu eða ekki. Það er ekki vitað og verður varla hægt að vita á næstunni, nema..

4) Japan starir inn í ógnina sem því nú þegar stafar af Norðrinu. Verði Norðrið kjarnorkuvopnaveldi mun Japan svo sannarlega koma sér upp sínu eigin kjarnorkuvopnaveldi. Og það verður engin smásmíði, því það þarf að geta þurrkað út bæði Norðrið og einnig Kína, að minnsta kosti valdamiðju þess

5) Bandaríkin geta ekki þolað að villimannaríkið Norður-Kórea ógni þéttbýlisstöðum í meginlandi Bandaríkjanna, Guam og Hawaii með kjarnorkuvopnum. Bandaríkin hafa einnig gengist í ábyrgð fyrir þjóðaröryggi Suður-Kóreu og Japans og staðsett þar mikinn fjölda hermanna og vopna. Þau vilja lausn sem dugar. Og þeim dugar ekkert annað en fall alls þess sem Norður-Kórea stendur fyrir. Að bakka með staðbundnar hótanir á til dæmis Guam, dugar Bandaríkjunum ekki. Þeir þurfa framtíðarlausn

Það fer ekki hátt í fréttum frá Rússlandi að eldflaugar Norður-Kóreu ná líka til Moskvu. Hvernig má það vera

Auðvitað kemur þriðja heimsstyrjöldin. Auðvitað kemur hún eins og árið 2008 kom. Þá spurði Elísabet Englandsdrottning sérfræðingaveldi Bretlands að því af hverju það sá árið 2008 ekki koma. Það tók sérfræðingaveldið með alla símana sex mánuði að svara henni. Svarið var stutt og það var þetta: Vegna skorts á ímyndunarafli

Engin öld í sögu mannkyns hefur liðið á kerfislægrar stórstyrjaldar, sem nýlega hefur verið gefið heitið "heimsstyrjöld". Og er þá átt við fjögur horn veraldar, sem er breytileg stærð í sögunni. Þessi styrjöld kemur, það er óumdeilanlegt. Munurinn á kerfislægri stórstyrjöld og venjulegri styrjöld er sá að þeim hafa mörg ríki jarðar alls ekki efni á að tapa. Þær eru háðar til sigurs á meðan hinar eru þess eðlis að lítið gerist ef maður tapar þeim, eins og til dæmis í Víetnam

Það sem gildir er því þetta; að geta háð kerfislæga stórstyrjöld lengur en allir aðrir, til dæmis í 50 ár, og að sigra. Besta vörnin í svona stórstyrjöldum eru vopn til að verjast með

Fyrri færsla

Guam-hótun Norður-Kóreu stendur óhögguð enn

Guam-hótun Norður-Kóreu stendur óhögguð enn

Mynd: Lockheed EC-121T í Keflavík 4. október 1978. Ljósmynd: Baldur Sveinsson. Norður-Kórea skaut svona vél Bandaríkjahers niður árið 1969. Nixon gerði ekkert

Fjölmiðlar hafa gengið niðaröldum fréttaóssins á hönd og varpað önd sinni laufléttri fyrir fólkið. Hótun Norður-Kóreu um að senda eldflaugar áleiðis til Guam og til niðurkomu þar, stendur óbreytt enn

Það eina sem gerst hefur er að leiðtogi Norðursins hefur hvatt Bandaríkin til að stöðva "hótanir" sínar í garð Norðursins, því annars mun sú áætlun sem herstjórn Norðursins sem leiðtoginn talaði um þann 10. ágúst, koma til framkvæmda. Leiðtoginn sagði að það tæki herinn um það bil tvær vikur að hamra áætlunina um Guam-eldflaugasendingu saman

Áætlunin um árás á Guam-hluta Bandaríkjanna hljómaði svona: Hrinu af fjórum Hwasong-12 miðlungsdrægum eldflaugum, þ.e. með 3500-5500 km. drægni (e. Intermediate-range ballistic missile) verður skotið á loft og þær látnar fljúga yfir Japan og lenda 17 mínútum síðar í um það bil 30-40 kílómetra fjarlægð frá Guam (til dæmis við hvalstöðina í Hvalfriði, ef um Reykjavík væri að ræða). Þegar þessi áætlun er tilbúin til framkvæmda verður hún af hernum kynnt fyrir leiðtoganum um miðjan ágúst. Í dag er 16. ágúst

Þessi áætlun er skilyrt hótun um árás á Guam ef Bandaríkin láta ekki af þeirri hegðun sem neyða myndi Norðrið til að framkvæma hana. Sem sagt: gefin er út hótun sem skilyrt er því, að þeim sem hótað er, geri ekki það, sem sá sem hótar, vill ekki að hann geri

Ulchi-Freedom Guardian heræfingar Bandaríkjanna og Suður-Kóreu hefjast 21. ágúst og lýkur 31. ágúst. Það eru því fimm enn-dagar sem Norður-Kórea hefur til að reyna að stöðva þær með þessum hótunum sínum

Þann 14. ágúst varaði James Mattis varnarmálaráðherra Bandaríkjanna Norður-Kóreu við því að framkvæma áætlun sína um eldflaugaskot að Guam. Hann sagði að neistar frá þeim gætu tendrað þráð styrjaldar og að Bandaríkin myndu skjóta niður alla hluti sem litið gætu úr fyrir að vera miðað á Guam. Þau ríki sem átætlun Norður-Kóreu beinist að, þ.e. Japan og Bandaríkin, hafa að líkindum, fyrir löngu síðan, komið sér saman um að fljúgandi skotfæri á borð við þessi, séu umsvifalaust skotin niður. Og við það stendur

Klukkan tifar og Norðrið reynir með þessu að koma viðleitni Bandaríkjanna, Suður-Kóreu og Kína til samhæfðra viðbragða gegn Norður-Kóreu í uppnám og að koma í veg fyrir að Ulchi-Freedom Guardian heræfingarnar geti farið fram. Norðrinu hefur þegar tekist að koma í veg fyrir samhæfð viðbrögð þessara þriggja ríkja. Það hefur mikla þýðingu fyrir Norðrið, því hver vika sem líður án handjárnunar, þrýstir landinu í átt að lokatakmarki þess: að verða kjarnorkuveldi sem enginn þorir að snerta á

- Árið 1968 rændi Norður-Kórea USS Pueblo og fangelsaði áhöfnina. Johnson gerði ekkert. Bakhjarl: Sovétríkin

- Árið 1969 skaut Norður-Kórea Lockheed EC-121 Warning Star flugvél Bandaríkjanna niður 160 kílómetrum undan strönd landsins og drap alla áhöfnina. Nixon gerði ekkert. Bakhjarl: Sovétríkin

- Undir Jimmy Carter myrti Norður-Kórea bandaríska hermenn í Panmunjom með öxi. Carter gerði ekkert. Bakhjarl: Sovétríkin

- Norður-Kórea reyndi að myrða Park forseta Suður-Kóreu á sjöunda og áttunda áratug síðustu aldar. Bakhjarl: Sovétríkin

- Norður-Kórea sprengdi stóran hluta Chun Doo-hwan ríkisstjórnar Suður-Kóreu í tætlur 1983. Bakhjarl: Sovétríkin

- Norður-Kórea skaut Korean Air farþegaflug númer 858 niður og drap alla um borð 1987. Bakhjarl: Sovétríkin

- Áratugum saman hafa sérsveitir Norður-Kóreu gengið á land í Japan í skjóli myrkurs og rænt borgurum landsins til Norður-Kóreu. Bakhjarl: Sovétríkin og Kína

- Fyrir tveim vikum sprakk eldflaug Norður-Kóreu í aðeins 7 kílómetra fjarlægð frá þotu Air France á alþjóðlegri flugleið um heimshlutann. Enginn gerði neitt. Bakhjarl: Kína

Allt tal um að stríð geti hafist er því frekar furðulegt. Það er búið að vera í gangi í 65 ár og Bandaríkin, Suður-Kórea og Japan hafa borið þungar byrðar vegna þess

Mín skoðun er sú að kenningin um að stórskotalið Norður-Kóreu við suður-landamærin geti lagt stóran hluta Seoul í rúst með 350 tonna afkastagetu sprengiefna í einni umferð, sé að miklu leyti byggð á áróðri. Hefji Bandaríkin árás getur stórskotaliðið ekki bara einbeitt sér að því að drekkja óbreyttum borgurum Seoul með skotum út í loftið. Það verður að einbeita sér að þeim sem gera árás á það sjálft. Bandaríkjaher myndi því verða skotmark númer eitt. Ekki er hægt að skjóta á tvö skotmörk í einu. Um leið og hvert vopn blottar staðsetningu sína með hita, verður það umsvifalaust lagt í rúst. Það er einnig ólíklegt að herstjórn Norður-Kóreu geti starfað án miðstjórnunar eftir að samskiptakerfi landsins hefur verið þurrkað út. Liðsforingjar í þessu veldi taka ekki sjálfstæðar ákvarðanir. Þeim er miðstýrt eins og öllu öðru í landinu

En hvað veit ég, sveitamaðurinn sjálfur. Ég bý nefnilega ekki í alþjóðasamfélaginu sem virkar svona vel, þ.e. bara alls ekki

Fyrri færsla

Framleitt í Norður-Kóreu

Framleitt í Norður-Kóreu

Norður-kóreanska V15 talnakóðastöðin á stuttbylgju um allan heim

Næst stærsta útflutningsgrein þrælaríkis Norður-Kóreu, á eftir kolum, er fatnaður. Hann er næstum allur fluttur út til Kína, eða 80 prósent, samkvæmt fréttastofu Reuters. Kína flytur fatnaðinn síðan út til annarra landa. Ísland er með svo kallaðan "fríverslunarsamning" við kommúnistaríkið Kína og var sá samningur gerður á milli tveggja komma: íslenskra og kínverskra komma. Og þar með einnig við hina stóru lyklakippu Kína inn í Norður-Kóreu. Hver veit til dæmis hvar vinkonur dómgreindarskertrar umhverfisráðherraínu Bjartrar framtíðar fengu efnið í duluna, sem flögrandi-hún hélt fram að væri kjóll. Ég vona að þær refsiaðgerðir sem Donald Trump forseti Bandaríkjanna er að brugga handa þessu liði, verði eins þungar og hugsast getur

Kæra fólk, þetta eru sem sagt hin svo kölluðu "frjálsu viðskipti". "Þrælaveldið fyrst" er að verða helsta slagorð hinna svo kölluðu "frjálslyndu afla" í dag, en sem í reynd eru alger andstæða og þverstæða við þjóðernissinnana sem börðust fyrir sjálfsákvörðunarrétti þjóða á 19. og 20. öld - og þar á meðal hér á Íslandi. Það voru þeir sem voru hinir frjálslyndu, en ekki nýlenduliðið sem þeir börðust gegn. Hitler var ekki þjóðernissinni. Hann var heimsvaldasinni. Hann bakkaði Þýskalandi úr úr leið þess inn í þjóðríkið (Weimar) og aftur út í heimsveldið. Hann hataði þjóðríkin og tortímdi þeim. Það eina sem hann hafði áhuga á var heimsveldið og kynþáttaaðals-þvaður. Sem sagt: bara ósköp venjulegur imperíalisti sem hataði þjóðríkið og þjóðir þeirra

Helstu andstæðingar Hitlers voru þjóðernissinnar andspyrnuhreyfinga hinna hernumdu landa og eru norskir þjóðernissinnar þar afar minnisstæðir ásamt heimilislausu þjóðinni Gyðingum. Afi norska heimilislæknisins míns á Blátannarbökkum, á meðan ég bjó í Danmörku, var gjaldkeri norsku andspyrnuhreyfingarinnar og við ræddum fyrst um hann og hernámið í öllum viðtalstímum áður en við ræddum allt annað. Og okkur var báðum jafn illa við Evrópusambandið. Það var gaman að koma til hans. Andspyrnuhreyfing norskra þjóðernissinna olli herafla þýsku heimsvaldasinnanna hreint ótrúlegum hernaðarskaða

Og ekki nóg það þá hafa íslensk stjórnvöld lagt það á okkur Íslendinga að styðja með aðild! við bakið á svo kölluðum Fjárfestingabanka Asíu (AIIB), en hann er fyrst og fremst stofnaður til styrktar einræði í Kína. Þessi banki hefur ekkert með nein efnahagsmál að gera og mun aldrei hafa. Hann er eingöngu stórpólitískt farartæki kommúnistaflokks Kína til að halda völdum og víkka þau út. Vænghaf vesalingaveldis kjólasettanna hér heima er orðið svo stórt að það veldi flögrar bókstaflega um loftin blá og dreymir um öld "upplýsts einræðis". "Við ein vitum hvað kjóll er" - "fáðu mér Alþingishúsið til minna einkaafnota". Það veldi getur ekki hugsað sér "Ísland fyrst" og í Bandaríkjunum er samskonar veldi farið að hegða sé eins og þegar Lincoln var að taka af því þrælana, með því einfaldlega að afnema þrælaveldi þeirra. Þetta eru hinir svokölluðu "frjálslyndu" í dag. Þetta er ákaflega sorgleg vanþróun

Það sprenghlægilegasta við þetta öfugt "frjálslynda" lið er stuðningur þess við Evrópusambandið, þar sem útkomur allra ófara og áfalla eru háðar þjóðerni. Öllum byrðum vegna áfalla er velt yfir á þær þjóðir sem heita ákveðnum nöfnum. Enginn í sambandinu vill til dæmis heita Grikkland. Og enginn þjóð vill heita Portúgal, nema þegar fossríkt Ísland, sem enginn vildi heldur heita, lætur það ríki á barmi gjaldþrots um að "gæta loftrýmis" okkar. Á meðan flögrar kjólasettið um Hörpuna sína í pezkalla-veldi Reykjavíkur, sem kostaði jafn mikið og sú fljúgandi landhelgisgæsla sem okkur svo bráðvantar í þrjá landsfjórðunga. Vesalingaveldið lætur ekki að sér hæða. Það flögrar um loftin blá þar til þau verða rauð og lokast, eins og síðast. Adolf Hitler hefði elskað Evrópusambandið í dag. Og það hefði Stalín svo sannarlega gert líka

Ættu Bandaríkin að skipta sér af þessu ?

Heima á þröskuldi Bandaríkjanna við Karabíska hafið, er ríkið Venesúela. Þar er eiturlyfjahringur að yfirtaka landið með því að leggja hald á stjórnlagakerfi þess. Tilgangurinn er að innleiða einsflokks stjórnarfar í öllu ríkinu. Landið yrði þar með alfarið undir stjórn eiturlyfjahrings. Þangað eru öll hryðjuverkasamtök Mið-Austurlanda komin og þau eru í nánu samstarfi við Norður-Kóreu, þaðan sem stærstur grundvallarhluti þeirrar eldflauga- og kjarnorkutækni sem verið er að byggja upp í Íran, kemur frá. Kúveit upplýsti til dæmis í síðustu viku að 6000 verkamenn frá Norður-Kóreu væru að störfum í landinu. En stjórnvöld voru fljót að stroka þá tölu út af talnabandinu um leið og refsiaðgerðir Bandaríkjanna komust í tíufréttir. Þá varð talan skyndilega stórt núll. Ættu Bandaríkin að skipta sér af þessari ófreskju á dyraþrepum þess, eða ekki?

Fyrri færsla

Hverjir eru hagsmunir Kína á Kóreuskaga ? 

Hverjir eru hagsmunir Kína á Kóreuskaga ?

Tungulipur taparinn Bill Clinton flytur "framework" ræðu sína 1994. Hangir hann nú í "ramma" hennar á vegg "alþjóðasamfélagsins", sem ekki er til

- SUNNUDAGUR -

Númer eitt: Að viðhalda þeim aðskilnaði sem er. Að Kórea sé áfram tvö ríki, suðurs og norðurs. Það er eina lausnin sem Kína álítur að tryggi sig gegn völdum sameinaðrar Kóreu. Kína vill ekki samkeppni á lægsta þröskuldinum sem til er inn í það ríki sem Kína er í dag, þ.e. yfir Yalufljótið. Þetta gildir einnig um sameiðana Kóreu undir völdum Pyongyang, sem er höfuðborg Norður-Kóreu í dag. En sérstaklega og hve ákafast gildir þetta um sameinaða Kóreu undir völdum Seoul, höfuðborgar Suður-Kóreu, sem nýtur lífsnauðsynlegrar verndar Bandaríkjanna. Kína vill alls ekki sameinaða Kóreu. Hvorki undir völdum Pyongyang né Seoul. Kína vill því fyrst og fremst sundraða Kóreu

Tvö: Að viðhalda þeim stöðugleika sem er innanlands í Kína núna og sem viðhaldið er með auknum terror og ofsóknum gegn þeim sem fengið hafa viss aukin völd í suðurhlutum landsins vegna viðskiptaopnunar sjávarsíðunnar við umheiminn. Xi Jinping einsræðisherra Kína er að herða og dýpka einræði sitt yfir Kína og koma öllum þeim völdum fyrir kattarnef sem ógnað geta alræði Kommúnistaflokksins. Allir loftfimleikar á stuðara-landamærum Kína og Kóreu, með tilheyrandi gusum fólksflutninga frá 80 milljón manna fólksfjölda Kóreuskaga, myndi ógna viðkvæmu stöðugleika-ógnarveldi kínverska Kommúnistaflokksins í landinu núna. Afleiðingarnar gætu hæglega orðið ófyrirsjáanlegar, eins og sést til dæmis í Evrópu

Þrjú: Að viðhalda viðskiptasamböndum við Suður-Kóreu, Bandaríkin og Japan. Ef útflutningur Kína kemst á hættusvæði, er hætt við að kommúnistaríkið falli saman því svo fáir í Kína hafa efni á að kaupa það sem framleitt er í landinu. Einkaneyslan í öllu Kína er ekki mikið meiri en einkageiri franska hagkerfisins spyr eftir á hverju ári. Kína lagði af stað í þessa för með núll einkageira í landinu. Allt hagkerfið var eign ríkisins. Sú vonlausa upphafsstaða eins hagkerfis mun elta það um aldur og ævi og halda því vansköpuðu til enda tíma þess undir alræði. Jafnvel steinaldarhagkerfi hafa náttúrlegan einkageira er þau leggja af stað í þróunarferð

Vandamál Kína er í hnotskurn þetta: Fyrst að fólkið í landinu fær aldrei frelsi sitt, þá verður að reyna fóðra það á peningum, en samt ekki of miklum, því þegar fólkið á annað borð hefur fengið næga peninga, þá heimtar það venjulega frelsið sitt. Fólk lifir ekki á peningum einum saman. Kommúnistaflokkurinn þarf því að halda einum skildingi -eins og glampandi kattaskít í tunglsljósi- á löngu skafti fyrir framan nef fólksins, en sem það nær þó aldrei, - svona eins og evrupenings-flokkurinn Viðreisn gerir í Norður-Kúbuveldi Samfylkingaraflanna hér á Íslandi

Veldi Kína svipar á margan hátt til veldis Sovétríkjanna og Rússlands. Umhverfis Han-valdamiðju landsins liggja þeir stuðarar sem vernda eiga valdamiðjuna gegn umheiminum. "Kragann" er hægt að kalla þessa stuðara. Hann umlykur Han-Kína. Fari þeir, þá hrynur Kína. Þessa stuðara þarf að fóðra með vissu fé á sem lengstu skafti, en helst engu frelsi. Og sjá verður enn fremur til þess að eina opið sem Kína hefur gagnvart umheiminum, sjávarsíðan, missi flest þau völd sem hún fékk með gróða frá erlendum fyrirtækjum, sem staðsettu (þræla) búðir sínar þar. Það er það sem Xi einræðisherra Kína er í gangi með núna. Að tortíma þeim völdum sem fylgdu þeim auði sem skapaðist við sjávarsíðuna, en helst án þess að brenna peningana. Hann gerði þá því bara sem mest upptæka. Á kommúnistamáli heitir þetta að "uppræta spillingu". Þeir sem höfðu þannig fengið viss völd til að standa uppi í hárinu á Kommúnistaflokknum, eru ekki meir

Fjögur: Að halda utanaðkomandi öflum burtu frá Kóreuskaga. Það getur Kína ekki nema með því að reyna stanslaust að grafa undan Bandaríkjunum um allan heim. En þau hafa gætt lífs og lima Suður-Kóreu frá og með árinu 1950. Þessi deila opnar á ný glugga fyrir neðanjarðar-borveldi Kína gagnvart Bandaríkjunum. Í þeim borkjarna eru einnig borvélar Rússlands og Evrópusambandsins. Takist Kína að grafa undan Bandaríkjunum, eru Japan, Suður-Kórea og Filippseyjar komin í útrýmingarhættu og öll Asía mun springa í loft upp. Þetta vita Bandaríkin mjög vel, því þau tryggja þjóðaröryggi og siglingafrelsi þessara ríkja. En þetta stangast á við viðskiptahagsmuni Kína og því verður Peking að reyna halda einhverskonar nagandi jafnvægi í kröppum línudansi Kommúnistaflokksins á eldlínunni, en sem slitnað getur eins og hendi sé veifað

Fram til þessa hefur Norður-Kóreu tekist að leika heimsveldi undir stjórn valdastéttar sem á engan sinn líka í þessum heimi. Leiðtoganum tókst að efna til samkomu við stórt borð þar sem Norður-Kórea kúgaði Bandaríkin, Suður-Kóreu, Rússland, Japan og Kína til að líta á sig sem jafningja. Þessi sex lönd sátu því saman við sama borð þar sem fimm þeirra reiddu þar af hendi það lausnargjald sem leiðtoginn setti upp. Bein útsending til hinnar sveltandi þjóðar Norður-Kóreu sannfræði hana um að leiðtogi hennar væri þrátt fyrir allt mesti, stærsti, snjallasti og virtasti leiðtogi veraldar. Um alla hungurmorða norður kóreönsku þjóðina fór því 20 megatonna gæsahúð af stolti. Leiðtogi hennar fékk allt, en Chamberlain Bandaríkjanna, Japans, Suður-Kóreu, Rússlands og Kína, fengu ekkert. Nú er komið að næstu greiðslu. Borgið, annars sprengi ég líka Pólland. Tékkóslóvakían í maga mínum var bara forrétturinn að forréttinum. Hæ Íran!

Ekki er hægt að segja annað en að hið gamla norður-kóreanska hvíldarheimili fyrrverandi samfylkingarlegra forsætisráðherra Norðurlanda, sé að standa sig

Í Hvíta húsinu situr ekki beint tungulipur maður núna. Hvað ætlar hann að gera? Það er það sem öllu máli skiptir, en ekki það sem hann segir

Þetta er mikilvægt, því ef Kína tekur líka upp viðskiptalíkan Norður-Kóreu, þá þurfa Bandaríkin að koma sér á ný upp þeim 32 þúsund kjarnorkuvopnum sem Kalda stríðið krafðist, því Sovétið hafði 40 þúsund. Kína er og verður aldrei annað en kínverskt sovétríki. Það mun aldrei laga sig að veröldinni eins og hún er, heldur alltaf leitast við að aðlaga og draga hana að sér

Vont er vel skilgreint í Heilögum ritningum Vesturlanda. Hollt er að muna það, því kvöldlestrartími baðstofulífs þjóðar fer í hönd,- eftir berjatínslu og réttir. Rússland hefur þess bók, en Sovétríkin höfðu hana ekki. Kína mun aldrei opna hana

Fyrri færsla

Íslendingar fleyta tólg til minningar um fallna forfeður sína