Íslendingar fleyta tólg til minningar um fallna forfeður sína

George Friedman: "Hroðalegir töfrar kjarnorkuvopna"

Móðuharðindin fyrir 234 árum, drápu um það bil þriðjung þálifandi Íslendinga. Lakagígar brugðust ekki við ákalli alþjóðasamfélagsins við Engramannagötu númer 17, um að hætta gosi. Þjóðin var tilbúin til samningaviðræðna en samt gusu gígarnir hana svo gott sem í kaf. Núlifandi þjóð Íslendinga safnast því saman við Gráttjörnina til að minnast harðindanna, með því að fleyta flotkertum svo þeir komist í himnaríki og fréttir sem gott fólk. Aflátskertatólgin er seld í öllum kertaverslunum Grátkórs tískunnar. Þerripappír með vellyktandi væmni fá allir í kaupbæti

Þegar loksins var opnað fyrir aðgang að japönsku skjalasöfnunum, kom í ljós það sem Bandaríkjamenn hafa alltaf vitað: japanska keisaraveldið ætlaði alls ekki að gefast upp en hafði hins vegar áform uppi um að leita friðarsamninga undir þeim formerkjum að stríðsveldi japanska keisarans fengi að halda hernámi og stríðsrekstri sínum áfram í Kína, þar sem þúsundir borgara voru drepnir hvern dag. Talið er að japanska keisaraveldið hafði myrt um 30 milljón manns í herferð sinni um Asíu. Fimmtíu þúsund Bandaríkjamenn féllu í bardögum við landgöngu á bara eina eyju japanska keisaraveldisins. Það var eyjan Okinawa

"Friðarsamningarnir" sem kenndir eru við Versali, voru ákaflega slæm minning í fersku minni þeirra tíma manna. Sýnið vinsamlegast fólkinu í mannkynssögunni smá samúð og skilning með því að reyna bara eitt andartak að setja ykkur í fótspor þeirra sem í þeim stóðu. Þið standið öll á þeirra herðum

Þegar japanska keisaraveldið réðst á Bandaríkin með árásinni á Perluhöfn, stóðu þeir í miðjum samningaumleitunum við Bandaríkin. Enginn í Bandaríkjunum treysti japanska keisaraveldinu í ágúst 1945. Kjarnorkusprengjurnar tvær björguðu þrátt fyrir allt illt, hundruð þúsundum mannslífa. Rétt skal vera rétt - og tólg skal heita tólg

Fyrri færsla

Yfirlýsing Donalds Trump um "eld og brennistein", "regn" Trumans og Guam

Kertafleyting á Tjörninni í 33. sinn

Yfirlýsing Donalds Trump um "eld og brennistein", "regn" Trumans og Guam

Yfirlýsing Harry Trumans í ágúst 1945

Heimurinn þurfti ekki að bíða lengi eftir viðbrögðum einræðisherra Norður-Kóreu við yfirlýsingu Donalds Trump í gær, þar sem hann sagði að "eldi og brennistein" myndi rigna yfir einræðisherraveldið ef það léti verða af hótunum sínum:

Wall Street Journal segir frá:

"Within hours of Mr. Trump’s comments, North Korea made its most specific threat against the U.S. yet. Through its official media, North Korea said it was considering firing missiles at Guam, a U.S. territory in the Pacific, and making the U.S. “the first to experience the might of the strategic weapons of the DPRK”—the Democratic People’s Republic of Korea, North Korea’s formal name.” | WSJ |

Það er nefnilega það

Hér fyrir ofan má hlýða og horfa á yfirlýsingu Harry Trumans forseta Bandaríkjanna í ágúst 1945, er hann lýsti því yfir að "eyðileggingum sem veröldin aldrei áður hefur séð myndi rigna yfir Japan af himnum ofan ef það gæfist ekki skilyrðislaust upp" - "they may expect a rain of ruin from the air, the like of which has never been seen on this earth"- sagði hann

Það sem einræðisherraveldi Norður-Kóreu sagði samkvæmt WSJ í gær, var það að þeir væru að íhuga að gera árás á Guam-hluta Bandaríkjanna í Kyrrahafi. Hvorki meira né minna

Það er nú svo að Guam er hluti af Bandaríkjunum og þar búa rúmlega 160 þúsund manns. Þar er Andersen flugherstöð Bandaríkjanna í Vestur-Kyrrahafi og hún hýsir strategískar B1-B Lancer, B-2 Spirit og B-52 sprengjuflugsveitir Bandaríkjanna í Vestur Kyrrahafi ásamt flotastöð. Almannavarnir og þjóðaröryggisstofnun Bandaríkjanna héldu kynningu á fundi á vegum viðskiptaráðs Guam-eyju miðvikudaginn 31. maí, þar sem borgaralegar öryggisvarnir voru kynntar íbúunum vegna stöðunnar á Kóreuskaga

Í Japan hafa yfirvöld hafið borgaralegar öryggisæfingar þar sem Japönum er kennt að leita skjóls. Japanska ríkisstjórnin birti um helgina skýrslu sem segir að Norður-Kórea sé komin mun lengra áleiðis í að verða kjarnorkuvopnaveldi en flestir héldu. Japan hefur hækkað ógnarmat sitt á hættunni sem að því steðjar frá Norður-Kóreu

Í gær kom út skýrsla frá öryggisupplýsingastofnun bandaríska varnarmálaráðuneytisins (DIA) sem segir að Norður-Kóreu hafi þegar tekist að koma sér upp kjarnorkusprengjum sem koma má fyrir í eldflaugum. Þ.e. að þeim hafi tekist að þjappa þeim svo saman að þær komast fyrir framan á eldflaug. Stofnunin segir að Norður-Kórea ráði nú þegar yfir 60 kjarnorkusprengjum

Óstaðfestar fregnir þessa dagana herma að Kína sé að setja á svið flotaæfingar undan Kóreuskaga - og að Bandaríkin séu reiðubúin að aðstoða Filippseyjar í baráttu þess við Ríki íslams, með loftárásum. Og að Rússland fann víst nýjan viðskiptavin til að bæta sér upp tap Rússlands vegna refsiaðgerða Bandaríkjanna og Evrópusambandslanda. Þeir hafa því gert samning við Indónesíu um sölu á orrustuþotum til þess fjölmennasta íslamíska ríkis á plánetunni, sem telur 263 milljón sálir

Áttavitinn minn

Áttaviti minn snýst í hringi. Það er erfitt að leggja mat á stöðuna. En þó sýnist mér að víglínurnar á milli hins "frjálsa heims" og hins "einveldislega einræðisheims" séu að skerpast. Þ.e. hinn frjálsi heimur gegn veldum á borð við Norður-Kóreu, Kína, Rússlandi, Íran og Ríkis íslams

En hver er "hinn frjálsi heimur"? Hver er það? Það er að verða álitamál hvort að Evrópusambandið sem stofnun geti lengur talist til hins frjálsa heims, því þar eru frjálsar kosningar að komast því sem næst í fjölskyldu með hryðjuverkum, stjórnvöld óttast þær svo mikið. Og þar er löndum hent í skuldafangelsi til að bjarga bankakerfum voldugustu ríkja samsteypunnar. Svo ætli hinn frjálsi heimur verði ekki fyrst og fremst að teljast vera hinn enskumælandi heimur (the Anglosphere) og Ísland. Hvað segið þið um það?

Áttaviti minn vísar vestur

Fyrri færsla

Auðvitað vilja þeir ekki ríkisrekið heilbrigðiskerfi

Auðvitað vilja þeir ekki ríkisrekið heilbrigðiskerfi

Eitt af grundvallaratriðunum sem í hávegum voru höfð þegar Bandaríkin voru stofnuð, var og er enn það atriði að borgararnir vantreysta ríkisvaldinu af sögulega góðum og gildum ástæðum

Stofnun Bandaríkjanna, stofnanalega séð, snérist um að halda ríkisvaldinu í skefjum með því að innrétta þau þannig að ríkisstjórn þeirra virkaði helst illa og oft alls ekki, nema þá helst á neyðarstund. Stofnendum Bandaríkjanna var alls ekki illa við ríkisstjórnir, en þeir vissu af ástríðum fólksins og ríkisstjórnin er fólkið. Ríkisstjórnirnar varð því að hefta af því vantraustið á ríkisvaldinu er fullkomlega réttmætt, eins og sést um allan heim

Þess vegna hafa Bandaríkjamenn aldrei treyst ríkisvaldinu til að reka heilbrigðiskerfi þjóðarinnar. Það vantraust er fullkomlega réttmætt því ríkisrekin heilbrigðiskerfi verða aldrei betri en þær ríkisstjórnir sem stjórna þeim

Til dæmis er fullt af Íslendingum án heilbrigðisþjónustu á Íslandi í dag, þó svo að þeir séu búnir að borga fyrir hana og þó svo að þeir hafi skírteini í veskinu upp á að þeir eigi rétt á heilbrigðisþjónustunni. Þeir fá hana bara ekki afhenta vegna þess að ríkisvaldinu er ekki treystandi til að reka heilbrigðiskerfi

Íslendingar án heilbrigðisþjónustu er stórt vandamál. Þeir eru búnir að borga fyrir hana, segir ríkisvaldið okkur, en þeir fá hana samt ekki afhenta

Íslendingar eru sem sagt margir án heilbrigðisþjónustu af því að ríkið rekur heilbrigðiskerfið nákvæmlega eins og stofnendur Bandaríkjanna vissu að sá rekstur myndi verða

Kerfið í umsjá ríkisins er orðið biðlistaríkið og dauðasveitir hins opinbera - þ.e. heilt ríki embættismanna í ríkinu og læknastétta á gerræðislega háum launum - hjá þeim sem þeir svíkja um þjónustuna og svíkja peningana út úr af því að þeir starfa hjá ríkinu

Biðlistar eru ríkið í hnotskurn, af því að ríkið getur ekki rekið heilbrigt kerfi. Það gat ríkið ekki í Sovétríkjunum og það getur ríkið heldur ekki á Íslandi. Þessu verður að breyta

Og svo kölluð "heilbrigðisyfirvöld" um allan heim hafa þess utan farið gersamlega fram úr sér og lagt heilsu fólks í rúst með til dæmis ráðleggingum um mataræði sem aðeins er hægt að líkja við kukl og galdrabrennur miðalda. En miðaldir þóttust einnig hafa allt á hreinu, eins og öll ríkisvöld hafa alltaf haldið á öllum öldum alda

Fyrri færsla

Í skuggamynd Sovétríkjanna

 

Í skuggamynd Sovétríkjanna

USS George H.W. Bush (CVN-77) sigldi út Solentsund frá Portsmouth á þriðjudaginn, áleiðis norður fyrir Skotland á Saxon Warrior heræfinguna. Langt er síðan að bandarískt flugmóðurskip hefur sést svo norðarlega á Atlantshafi. Heimahöfn CVN-77 er Norfolk, Virginíufylki

Það fer lítið fyrir þeim sviðum eða málefnum sem Bandaríkin og Rússland myndu geta unnið saman að, ef þau vildu. Svo ef þau hafa fátt eða jafnvel ekkert mál til að vinna saman að, hvers vegna ættu þau þá að vinna saman? Þetta er ekki spurning sem á eingöngu við um þessi tvö ríki. Flest ríki hafa um aldur og ævi þrifist vel án þess að vinna saman. Að vinna saman er engin skylda. Og samvinna getur hæglega breyst í plágur

Og samvinnugrundvöllur Bandaríkjanna og smáríkislegs Kína féll að mestu um sjálfan sig um leið og Sovétríkin hrundu. Þau lögðu þeim tveim ríkjum til mikilvægasta samvinnugrundvöllinn. Þeirri innlögn stjórnaði Richard Nixon. Hrun þannig samvinnugrundvalla tekur vissan tíma, en hrun hans er orðið augljóst mál nú, nema að Kína litla leggi Norður-Kóreu inn á þann tóma völl, sem mun ekki verða af, meti ég stöðuna rétt. Áhrifavald Kína nær ekki svo langt að það geti lagt Norður-Kóreu inn. Það er mönnum að verða ljóst, þ.e. að Kína er fyrst og fremst loftbelgs ríki, í alþjóðamálalegum skilningi

Það er hlaupin mikil óðaverðbólga í hugtökin samvinna, samvera og samfélag. Sérstaklega á svo kölluðum "samfélagsmiðlum", því þar fer engin samvera fram né heldur nein samvinna. Þar sitja menn einir úti í horni með hvert sitt samfélag með sjálfum sér og reyna að tryggja sig gegn því að vera áfram úti í því horni sem þeir þar með eru búnir að festa sig í, með því að vera á þeim. Þeir þora varla lengur að anda að sér súrefni af ótta við að taka það frá "öðrum". Og að anda því út aftur sem kol-eitthvað, jafngildir orðið fastasetu í rafmangsstólum hinna ímynduðu samfélaga. Félaga sem hvergi eru til nema úti í fésbókar-fangaklefum speglasalanna um ímyndað sam-sam-sam-sam-sam. Þetta er arkitektúr ömurleikans og hann smitar af sér samisma, sem orðin er hrein plága

Það er samt hægt að skilja Rússland án þess að sam-isma það. Rússland er svo stórt og strjálbýlt ríki að engin leið er að halda því saman nema með ofstjórn og gerræði. Það er landafræðin sem skilgreinir stjórnmál Rússlands og henni verður ekki breytt. Pútín forseti Rússlands hefur unnið hreint kraftaverk miðað við það land sem hann tók við. Á fyrri helming valdatíma hans sögðust flestir ungir Rússar ætla að mennta sig og vinna að því að ná langt í lífi sínu innan atvinnulífs landsins. En svo hljóp hin efnahagslega velgengni frá Pútín og tók sér frí. Flest ríki lenda í því. Blessuð efnahagslega velgengnin er enn í fríinu og óvíst er hvenær hún snýr aftur til landsins, - sem lifir lífi sínu fyrst og fremst á orkusölu sem það ræður engu um verðið á. Og verðið það er of lágt til að fríi hinnar efnagaslegu velgengni ljúki. Ungrómurinn í Rússlandi í dag stefnir því fyrst og fremst að því að ná langt í lífi sínu sem trúir og dyggir þjónar föðurlandsins, innan hersins og öryggisþjónusta Rússlands. Skilst þetta? Já auðvitað skilur maður þetta, því þetta er svo algerlega mannlegt. Fyrirmyndin er ekki lengur sú sama. Hún er ekki lengur ríkidæmi, kampavín og kavíar vegna velgengni í atvinnulífinu, heldur er hennar nú leitað á þeim stöðvum sem efst eru í huga rússneska ungdómsins. Og Rússar berjast betur því fátækari og svengri sem þeir eru. Það er hollt að muna það

Þetta er ekki neinum að kenna. Þetta er einungis tilveran eins og hún hefur alltaf verið og verður alltaf. Allir neyðast til að skokka þá braut sem sagan stóra og landafræðin sem mótar hana stikar út handa hverjum og einum í þessum heimi. Rússland er land þar sem allt snýr öfugt og allar ár renna á vitlausa staði. Rússar eru óheppnir með landafræðina sína og við því er ekkert að gera. Öryggisþarfir Rússlands munu vegna landafræðinnar alltaf rekast á nágrannaríkin, sama hver er við völd í landi þeirra og sama hver er við völd í öllum öðrum ríkjum veraldar. Það eina sem Rússar þurfa að skilja, en munu þó aldrei skilja, er að allir nágrannar þess hafa einnig sínar eigin öryggisþarfir, sem þeir verða fyrst og fremst að hugsa um. Og þeir munu heldur ekki skilja öryggisþarfir Rússlands á sama hátt og Rússar gera. Um þetta atriði getur aldrei orðið nein samvinna. Ekki frekar en samvinna kattar og músar getur snúist um sameiginlega hungursneið. Skák verður aldrei samvinna - það er bara þannig

Kemur því Intermarium, sama hvað hver segir. Washington er með það á hreinu. Ekki einn millimetri verður gefinn eftir. En það er hins vegar vel hægt að lifa með fastfrosin átök. Það er hægt. Skriðdrekar hafa þá sögulegu kosti eða ókosti að þeir frjósa oftast fastir í langan tíma þar sem þeir stoppa. Og standa þar kjurrir, þar til ný staða myndast. Þannig er það bara. Ekkert "sam" getur breytt því. Skákin verður leikin áfram sem skák, sama hvað hver segir

Fyrri færsla

Rafmagnsknúið fávitahæli

Rafmagnsknúið fávitahæli

Allir vita að leggja þyrfti umhverfi plánetunnar í rúst ef rafvæða ætti iðnaðarríki veraldarinnar. Og ef rafbílavæða ætti þau. Þetta vita allir sem hugsa. Þetta ER vitað

Nú eru rétt rúmlega 10 ár liðin frá því að stjórnmálamenn Evrópusambandsins og einnig Íslands komu og sögðu okkur öllum að dísilknúin ökutæki ættu að bjarga plánetunni og sérstaklega ef matvælum væri bætt út í eldsneytið. Ég lokaði því eyunum og bannaði dísli á mínu heimili

Það passar því upp á afskafin veiðihár stjórnmálamanna þessara sömu landa, að ráðgjöf og ráðsnilld þeirra er nú verið að banna aðeins 10 árum síðar. Þetta fólk fékk svimandi há laun fyrir að eitra fyrir kjósendum sínum af því að Evrópusambandið laug því að þeim að þetta væri svo gott. Og þeir niðurgreiddu meira að segja fávisku sína

En hér var aðeins um ESB-þýskt sölugas að ræða og ráðherrar drukku dísil þeirra hráan. Jafnvel umhverfisfasista-kynstofn þessara ríkja át og drakk þetta hrátt svo blár varð allur sá kynstofn í framan og grænmyglaður að innan. Ef þú sérð blámenni á ferð í dag, þá eru þar einungis hinir sömu umhverfðu umhverfissnillingar á ferð í leit að nýju dópi

Þetta minnir mig á málarann sem var að mála og fegra innkeyrsluna og hliðstöplana sem eru fyrir utan viss ráðuneyti í dag. Hann tók niður nýjasta skiltið sem á stendur Umhverfisráðuneytið. Undir því skilti var annað skilti sem á stóð Heilbrigðisstofnun. Og undir því skilti var annað skilti sem á stóð Geðdeild. En þegar hann snéri því skilti við og skóf málninguna af því, þá stóð þar letrað Fávitahæli á góðri íslensku og Galeanstalt á dönsku

Velkomin á Galeanstalt stjórnmálamanna. Það sem einkennir það fólk er tímaþröng. Þess vegna vita þeir of oft ekkert og fá hæstu laun fyrir að vita ekkert og helst að geta ekkert, - nema flögrað dómgreindarskertir um, sem nokkurs konar umhverfismálaráðherraínur. Hér á eru voru þó vissar undantekningar til

FÍFL !

Fyrri færsla

Afsagnar Bjartar Ólafs­dótt­ur um­hverf­isráðherra beðið

Afsagnar Bjartar Ólafs­dótt­ur um­hverf­isráðherra beðið

Nú eru liðnar 30 sýningar-klukkustundir frá því að dómgreindarskertur ráðherra Bjartrar framtíðar subbaði til æðstu stofnun íslenska lýðveldisins með svo skerandi ískrandi dómgreindarskorti að stór hluti þjóðarinnar stendur agndofa yfir ósvífni hennar og þeim slæma félagsskap sem hjálparlaus ráherrann virðist vera ofin föst í. Reynt hefur sá félagskapur ráðherrans - og sem virðist stýra henni - að aðstoða dómgreindarskerta hana með því að spinna um ráherrann vef af þvælu sem hvergi á heima nema í nálapúða heimskunnar

Er ráðherrann of dómgreindarskertur til að geta tekið svo einfalda og sjálfsagða ákvörðun? að taka ábyrgð á gjörðum sínum með því að biðjast lausnar frá embættinu, með þeim rökum að henni sé hvorki treystandi til að fara með embættið né umgangast þjóðþing Íslendinga með lágmarksvirðingu og án þess að skaða og baða það allt opinberlega í einum allsherjar dómgreindarskorti og fávisku, sem jafnvel greinarskert fólk myndi ekki láta sér til hugar koma

Hvað ætlar þessi ráðherra Bjartrar framtíðar að gera? Á þetta að vera framtíðin eða ekki?

Fyrri færsla

Strekkt björt strigakerling á fúnum ramma