Leita í fréttum mbl.is

Bloggfærslur mánaðarins, október 2017

Kínverskur áblástur í stað varaþurrks

Donald Trump að snæðingi 500 px

Setið að snæðingi

Þeir sem héldu að Kína væri veldi á öllum sviðum vöknuðu upp við vondan draum í síðustu viku. Xi Jinping forseti kom fram og lýsti því yfir að Kína myndi vera orðið mesta herveldi veraldar eftir 35 ár. Þetta er áfall fyrir þá sem sagt hafa óteljandi fíflum Vesturlanda að Kína væri orðið það nú þegar. Ekkert nema 35 ára framlenging á endalausum núllum kom úr munni formanns og blaðran sprakk. Hátt í hálf öld er sögð til kraftaverkja hersins. Kva!

Áður en yfirstandandi aðalráðstefna kínverska kommúnistaflokksins gat hafist, þurfti fyrst að hreinsa út eina milljón manns úr alræðissölum flokksins um allt land, sem er ekki eitt land, heldur mörg lönd. Xi er búinn að stunda úthreinsanir síðustu 5 árin á fullu til að geta komið fram núna og sagt: sú stefna sem gilt hefur frá því að síðasti formaður var og hét, já hún er ónýr og flest það sem hún kom í verk er ónýtt líka. Við þurfum að breyta um stefnu áður en það er of seint, og mikið liggur við núna

Þar á undan var það Deng Xiaoping sem kom og sagði að allt það sem Maó hafði gert væri ónýtt og allsherjarhættan væri handan við hornið á ný - það sama og Xi Jinping segir núna

Á undan Deng Xiaoping var það stefna formanns Maó, sem lagt hafði landið því sem næst í rúst. Þetta er alltaf sama sagan. Allt sem flokkurinn gerði Kína síðast er ónýtt og ef þið samþykkið ekki nýhertan einræðisherra, nú í jakkafötum, þá mun allt landið hrynja til grunna

Og núna eru skuldirnar svo miklar að það verður aðeins hægt að koma í veg fyrir allsherjarhrun með því að banna það algerlega. Já banna það. Nú eru það gæði en ekki magn sem eiga að ríða landinu heim til sömu heitu heljar og flokkurinn frá stofnun alltaf hefur staðið fyrir og lofað

Sem sagt. Kína var ekki herveldi eins og ég hef hundrað sinnum sagt. Það er skuldaveldi og einungis heimsveldi í að staðsetja fjárfestingafé rangt. Það brennir fé og er heimsmeistari í eyðileggingu auðs

Þetta er sprenghlægilegt. Títuprjónstunga formannsins stingst út á ný og boðar nýjan púða nála. Hvar á ég að stinga mér niður núna til að halda völdum. Nýtt Kína bíður handan við helvítis hornið, einu sinni enn

Það er nú gott að eiga alltaf endalausar birgðir af nýjum þurrkum til vara. Sovéttið átti til dæmis alltaf nóg magn hungursneiða, morknu veldi þess til vara. Í ESB er að rætast úr þessum málum fyrir Brussel. Falli evran, fellur öll Evrópa. Hana má alltaf hafa sem endalausa ógn, óveldi þess til vara

Velkomin heim, hér varð hrun, krónan féll en við stöndum enn. Geri aðrir betur!

Fyrri færslur

"Getum ekki liðið þennan eignaójöfnuð“ (varúð: eignarnám framundan)

Hugmyndir um eignarnám á evrusvæðinu lagðar fram

Einn dagur í heimsstyrjöld Samfylkingarflokka 


"Getum ekki liðið þennan eignaójöfnuð“ (varúð: eignarnám framundan)

Fálkamerki Sjálfstæðisflokksins

VÖRNIN ER ÍSLENSKI FÁLKAFLOKKURINN

"Vér eigum ekkert eftir, nema öskur", er það sem Samfylkingarflokkar eru að segja við kjósendur hjér á ráðstjórnarútvarpinu

Síðasta hálmstráið í þrotabúi vinstri flokka: þínar eigur í þjóðareign!

Kosningarnar núna snúast ekki um krónur og aura. Þær snúast um öskur. Um vanmátt og reiði vinstrimanna yfir að hafa selt sálu sína. Án þess að vita það keyrir vinstrið um kosningavöllinn í hugmyndafræðilegum þrotabúsvagni, sem orðinn er bensínlaus. Allar pólitískar hugmyndir samfylktra vinstrimanna eru gjaldþrota:

Samruninn varð að millistétt hent á fjóshaug líberalisma
Evrópusambandið varð sovét.v2 á mýkingarefnum
Evran varð að harðstjórn og Stalín
Alþjóðavæðing sósíaldemókrata varð þyrniböllur á verkalýð - og 30-60 prósent standard-atvinnuleysi í ESB
Regluverkið varð að moskum og vaxandi borgarastyrjöld
Verkalýðshreyfingin varð andþjóðlegt-alþjóðlegt kartel sem borðar kökuverk ESB

Þeir hafa því ekkert að berjast fyrir, nema skítkasti og framskriðnum öskur-hugmyndum sem farnar eru að daðra við eignaupptökur, fjárkúgun, landsölu og brunaútsölur á hófstilltri pólitískri umgengni við sannleikann. Borgarnesræðan er orðinn stjórnmálaskóli í Eignarnámi og skráningu nýrra Sósíalistaflokka

Eftir að hafa svikið kjósendur sína í samfellt 30 ár, rústað vinnumarkaði og selt lönd sín og gersemar, er það fáa sem sölumönnum Samfylkingarflokka dettur í hug núna, er að taka eigurnar af þeim sem eiga þær. Nota á hugtakið "eignajöfnun" til að breiða yfir eignaupptökur og eignarnám a la ESB, þar sem peningaleg fjárkúgun ræður yfir ríkjum. Allt þitt skal sett í þjóðareign. Þú átt að verða auðlind þessara flokka

Halda mætti að Samfylkingin hafi setið í partý hjá franska forsætisráðuneytinu sem varpar nú fram hugmyndum um eignarupptökur til að leysa skuldavanda evrulanda, sem evran bjó til

Hin fánalausu þrotabú Samfylkingarflokka Evrópu segjast ekki geta liðið að aðrir eigi eitthvað heilagt á meðan hún á ekkert nema það sem hún skuldar kjósendum sínum um allar brunarústir Evrópusambandsins, sem er þeirra algerlega eina heilaga rúst. Þér skal varpað þangað. Þú átt að verða fiskurinn í þeirra neti. Gættu að þér kjósandi góður, annars lendir þú í þjóðareign

Fyrri færslur

Ummæli þingmanns um símtal Donalds Trump útskýrð

Bretland ekki með í komandi eignarnámi evrulanda


Ummæli þingmanns um símtal Donalds Trump útskýrð

Upptaka: Frá blaðamannafundi í Hvíta húsinu í gær

Líklega hafa margir lesið fréttir þeirra sem kalla sig fjölmiðla um símtal sem forseti Bandaríkjanna átti í þessari viku við ekkju fallins landgönguliða í bandaríska hernum. Það var þingmaður Demókrataflokksins sem kom fram og nýtti sér svo kallaða fjölmiðla til að klekkja á pólitískum andstæðingi. Svo kallaðir fjölmiðlar brugðust ekki. Þeir "loguðu" og óðu fréttirnar beint af augum og úr varð reiðibylgja sem náði jafnvel langt inn í okkar land, Ísland. Sár reiðin hlýtur að hafa verið ofboðsleg í Bandaríkjunum, því þetta var bandarískur hermaður sem gaf líf sitt í þágu þjóðar sinnar

Þar sem einhverskonar kosningabarátta stendur og andar þungt yfir höfðum okkar hér á Íslandi, af litlu sem engu tilefni, þá er ekki úr vegi að minnast á hlutverk svo kallaðra fjölmiðla í henni. Ég nefni hér engin nöfn. En hollt er að hafa í huga það sem John Kelly ríkisstjórnarstjóri Donalds Trump segir hér, þar sem hann útskýrir þetta símtal forsetans og eðli þannig samtala við aðstandendur fallinna hermanna, lögreglumanna og þeirra sem gæta lífs, lima og eigna þjóðarinnar og einnig okkar lands, Íslands. Sarah Sanders blaðafulltrúi Hvíta hússins talar fyrst í rúmar tvær mínútur um bréf til forsetans áður en John Kelly tekur til máls. Blaðamenn spyrja síðan nokkurra spurninga

Sjálfsagt væri viðeigandi hér að koma með romsu af krækjum á þá íslensku fjölmiðla sem gerðu sér mat úr þessu máli, en ég læt það vera, hann yrði svo langur. Það var gott að fá þessa útskýringu frá John Kelly beint úr Hvíta húsinu án aðkomu svo kallaðra fjölmiðla, en hann missti einnig son sinn í bardaga. Þetta er upptaka frá blaðamannafundi í Hvíta húsinu í gær, sett af Hvíta húsinu á vefsvæði Hvíta hússins á veraldarvefnum. Svona verða of margar svo kallaðar fréttir til, því miður. Wall Street Journal hefur skrifað nokkur orð um blaðamannafundinn

Fyrri færsla

Hugmyndir um eignarnám á evrusvæðinu lagðar fram


Bretland ekki með í komandi eignarnámi evrulanda

Fréttir úr skipasmíðastöð evrumanna

Hugveitan France Stratégie sem er á vegum forsætisráðherra-embættis Frakklands, leggur nú til að skuldavandi ríkisstjórna evru-landa verði leystur með eignarnámi. Vandinn sem evran hefur skapað er að vísu ekki eins hroðalegur og krafðist blóðugrar byltingar 1789 (með greinilega engum árangri => einveldið komið aftur sem kóngur-esb og drottning-evra), en hann kallar samt á sömu verkfærin til að leysa hann, segir Jean-Marc Vittori á Les Echoes. Aðferðafræðin sem lögð er til er ekki sú sama og viðhöfð var í frönsku byltingunni, þar sem eignir kirkjunnar voru að mestu gerðar upptækar. Þær eignir er að sjálfsögðu ekki hægt að taka eignarnámi tvisvar, þó svo að franska ríkið hafi brennt þeim flestum af með sósíalisma og þurfi nú meira. Í staðinn leggur forsætisráðherraembættið til að eignarlóðir og eignarland með byggingum almennings á, séu teknar eignarnámi og þeir sem eigi húsin, íbúðirnar og byggingarnar sem standa á þeim séu framvegis látnir borga leigu fyrir landið sem tekið var af þeim og sem byggingarnar standa á. Þær "tekjur" á síðan að nota til að leysa þann vanda sem evran hefur skapað. Eða svo er okkur sagt. Þar sem ekki er hægt að flytja hús, íbúðir, bóndabæi og aðrar byggingar almennings og fyrirtækja, eru "leigutekjur" þessar álitnar tryggar. Það er ekki að ástæðulausu að orðið fasteign á frönsku er immobilier (föst eign sem ekkert hægt er að flýja með)

Önnur hugmynd franska forsætisráðherraembættisins til að leysa skuldavanda evrusvæðis, er að prenta nýja evruseðla til að borga skuldir evru-ríkjanna. ECB-seðlabankanum yrði falið að framleiða peninga til að leysa með þeim til sín útistandandi ríkisskuldabréf sem borgarar og fjárfestar hafa keypt fyrir með evrum sem gerðar yrðu verðlausar. Þannig væri hægt að brenna skuldir ríkisstjórna á evrusvæðinu niður með eignabruna, þ.e. verðbólgu

Þetta er ekki svo vitlaus vitlaus hugmynd því þetta var einu sinni gert hér á Íslandi og víðar með verðbólgu. En frá og með 2008 hefur ECB-seðlabanki evru beitt annarri aðferð sem nefnist fjárkúgun. Vextir eru hafðir svo lágir að vonlaust er að ávaxta sparifé. Með því er hlutur heimilanna í landsframleiðslunni gerður minni og sparnaður almennings fluttur yfir til fyrirtækja og hins opinbera. Hagfræðingurinn Michael Pettis kom inn á þetta í Aplhachat podkasti um daginn og hann kemur einnig inn á þetta í fyrirlestri sem hann hélt á hinum gamla vinnustað Alberts Einstein; þ.e. Institute for Advanced Study Princetonháskólans í New Jersey í Bandaríkjunum.

Podkast1: Michael Pettis on the mechanics and politics of trade (framework).
Podkast2. Michael Pettis on the Chinese economy (fríverslun).
Einnig hægt að finna á iTunes Podcast: hluti 1 og hluti 2 og útskrift.
Fyrirlestur Pettis í Princenton á YouTube (mörg áhugaverð dæmi).

Ekki kæmi mér á óvart ef Pettis fengi Nóbelsverðlaunin í hagfræði innan skamms vegna rannsókna hans á sparnaðar-fjárfestingamálum hagkerfa undir alþjóðavæðingu og sérstaklega svo kallaðri "frí-verslun", sem auðvitað er ekki til. Þarna eru virkilega áhugaverðar staðreyndir sem hann leggur fram og sem ógerningur var að komast að fyrir tíma alþjóðavæðingar

En fjárkúgun og eignaupptaka eru hugmyndir sem vinstriflokkum Íslands eru afar hugleiknar. Eitt allsherjar áhlaup á allar eignir -bæði einka og sameiginlegar- er það sem rætt er um í kosningabaráttunni núna. Áhlaup á lífeyrissjóðina, dulin eignaupptaka með slagorðinu auðlindir í þjóðareign og með frönskum stjórnarskrár-tilburðum byltingarafla (siðrofið sem Björn Bjarnason skrifaði um í gær). Hér á Íslandi var eignarnámi og fjárkúgun aflétt með því að nota verðtyggingu sem svo ætíð síðan hefur stutt undir fjárfestingar í atvinnulífi og hagvexti í þjóðarbúi Íslendinga sem skaffað hefur okkur næstum án undantekninga fulla atvinnu. En fullar heimildir eru fyrir bæði eignarnámi og fjárkúgun í stjórnarskrá Evrópusambandsins, til að tryggja samrunann

Ætla ekki að vera með

Svona hugmyndir eru nær óhugsandi í Bretlandi, sem er það ríki veraldar sem fæddi af sér arfleið Íhaldsmanna, lög, lagaumhverfi og þingræði í þeirra anda til að tryggja það sem hinar heilögu Ritningar Vesturlanda boða. Þetta vita að sjálfsögðu flest meiriháttar fyrirtæki veraldar og hafa því staðsett tvö hundruð alþjóðlegar fjármálastofnanir í lagaumhverfi Íhaldsmanna í Bretlandi

Theresa May hefur nú skrifað opið bréf til allra ríkisborgara annarra ESB-landa í Bretlandi, en þeir sagðir 3 milljón manns að tölu. Þar segist hún ekki geta tryggt þeim þau réttindi sem Bretar munu njóta í landi sínu þegar það fer út úr Evrópusambandinu

Þar segir hún þessum ríkisborgurum ESB-landa að Brusselmenn hafi neitað að koma þeim til aðstoðar með samningum. Hörð-stýfing á burtflognum réttindum þessa fólks stendur því fyrir dyrum og þeim mun að öllum líkindum verða vísað yfir á byltingarsvæði Brusselmanna, til eignarnáms. En það nám er frekar stutt, eða aðeins ein önnum kafin athöfn í eignarnámi

Í Bretlandi eru þess utan meira en ein milljón ólöglegir innflytjendur. Enginn veit hvort þessi tala er rétt eða ekki, en innanríkisráðherrann staðfesti að hún veit ekki hvort talan er rétt, röng, stærri eða minni. Hér á Íslandi vita yfirvöld sennilega ekki heldur hver þessi tala er, af því að þeim hefur af stjórnmálamönnum verið bannað að komast að því, með eftirliti

Aðeins austar

Í austri leitar Þýskaland nýrra öryggisleiða inn í nýjan heim. Frá 1945 til 1989 lifði Þýskaland á náð og miskunn Bandaríkjanna. En frá og með falli Sovétríkjanna hefur Þýskaland að miklu leyti lifað á þeim ríkjum sem því tókst að koma á sporbraut umhverfis sig. Sú geopólitíska sporbraut heitir hinn innri-markaður ESB. Það svæði er jafn mikilægt fyrir Þýskaland eins og þau lönd sem eru varnarsvæði á sporbraut í kringum Rússland. ESB er stuðari eða buffer-zone Þýskalands eins og Úkraína og Hvítarússland og fleiri lönd eru það, fyrir Rússland. Eini munurinn er sá að Rússland sendir peninga út í stuðara sína á meðan Þýskaland mjólkar sín stuðaralönd og býr þannig til miðflóttaafl sem sundrar. Í hugmyndafræðilegri einfeldni hélt Frakkland að það gæti haldið Þýskalandi rólegu með því að gefa því þennan pela. En barnið á brauðfótunum hefur vaxið svo, að það er að brjótast upp úr rimlarúminu. Styttist því í skelfingarástand franskra stjórnmálamanna sem selt hafa frönsku þjóðinni þessa aðferð á hennar kostnað, áratugum saman

Jón Baldvin Hannibalsson veit þetta því hann er að mörgu leyti brilliant maður, fær um að viðurkenna mistök og því ekki sökkva sér sjálfur. En talað getur hann samt ekki við mosavaxna grjótþyrpingu Samfylkingarflokka á þremur hæðum hins svo kallaðs Álfhóls. Hann segir þó óbeint: Hæð númer þrjú er: Skjaldborgarhæðin. Hæð númer tvö er: Skjaldborg-101. Og hæð númer eitt, jarðhæðin: er viðreist tuttugu og sjö helvítisgrjótin sem mynda grasasnahreyfingu Samfylkingarflokka

Fyrri færsla

Kosningafréttir: Samfylkingin í svitabaði


Kosningafréttir: Samfylkingin í svitabaði

Kvikmynd: Svandís opnar sig úr auðstétt á ríkissjóði (hér leikin af Svandísi Svavarsdóttur)

Þetta er alveg skelfilegt. Djúpháls Samfó talaði af sér og nefndi Voldemort Evrópusambandsson von Skjaldburg á nafn í kosningaþögguninni sem ríkir á vinstri væng stjórnmála. Skandall að Össur skuli ekki geta haldið sér saman. Þetta gæti jafnvel sært sjálfa Jóhönnu fram. Logi er logandi hræddur við að upp komist um laumufylgið á bak við trefilinn sem hann fékk sendan frá Brussel með lögbanni (já Trumplygafrétt (Hitler) samin af demókrata til birtingar í fréttatígulgosum veraldar; "já þetta er veraldarvefurinn", stundann)

Á tímum byltínga og pappírs (gluggatjalda) notuðu kommúnistar lopapeysur til að selja Sovétríkin hér heima. Ráð sem þeir fengu bréfleiðis frá ráðgjafaráðinu í Kreml. Að hengjast í trefli er ekki það sama. Hefði Stalín bara haft snjallsíma og "samfélagsvef" þá værum við ekki hér, því þá væri aðeins gott fólk á lífi 

Nú bíður maður bara eftir að rafmagnið fari af Skatti Þykjustusyni og dóttur hans Auðlegði og innheimtan flæði yfir varnargarða vinstristíflunnar, sem Bjarni og Sigmundur Davíð fylgismokuðu upp 2013

Og hugsið ykkur. Bjarni Benediktsson vill tala um framtíð Íslendinga í okkar eigin landi og lætur sér fátt um finnast um níðskrifin. Kva, virkar þetta ekki lengur, hann vill bara tala um málefni! Hvílík ósvífni

Og Flokkur fólksins virðist vera að harpa vegna málskots. Formaðurinn hefur kannski hent frá sér því málefni sem hún ein af fáum þorði að tala um; útlendingamálin, og kannski skotið það dautt í paník. Getur það verið. Hver ætlar að pikka upp þetta flygi. Hver ætlar að taka sig af þeim ótta sem kraumar meðal þjóðarinnar vegna þessa máls. Þetta mál stækkar bara og stækkar, því meira sem það er þaggað niður með ég panta með frekju þetta-og-hitt pólitík, þegar mér sýnist, af því að ég er svo góð og þú ert svo vondur

Þetta er ekki neikvætt meint því það getur aldrei verið neikvætt að vilja umfram allt forðast það öngþveiti og þá þjóðfélagslegu upplausn sem ÖLL nágrannaríki okkar hafa komið sér í vegna 30-ára hræðslu við að ræða þessi mál eins og öll önnur mál. Þetta er ekki gratís! Eyðilegging kostar þó leynt fari

Fyrri færsla

Rússland ræðir eldflaugakerfi á Pólland


Rússland ræðir eldflaugakerfi á Pólland

Útsýnið frá Moskvu

Mynd: Útsýnið fyrir Moskvu-Berlínar öxulinn sem er í smíðum

Í síðustu viku ræddi varnarmálanefnd rússneska þingsins, Duma, uppsetningu Iskander eldflaugakerfis vegna vaxandi verndar-handar Bandaríkjanna yfir Póllandi. Þessu greindi Radio Free Europe frá. Þingið ræðir um að þannig ætti Rússland að bregðast við bandarískum hermönnum og skriðdrekadeildum þeirra í Póllandi. Rússland segir þetta vera ólöglega hernaðaruppbygginu sem brjóti samkomulag Rússlands við Bandaríkin (og NATO). Bandaríkin hafa vísað því á bug

Þingið vill að eldflaugakerfinu verði komið fyrir við landamæri Póllands, þ.e. í Kalíngrad-útlendu Rússlands sem á 206 kílómetra bein landamæri að Póllandi, 260 km. frá Varsjá og 350 km. frá Stettin. Í Póllandi eru Brembo bremsuklossar Bandaríkjanna á bæði Þýskaland og Rússland njörvaðir niður á bandarískum felgum sem fara stækkandi

Pólland er ofsótt af Þýskalandi, sem er með ESB í rassvasanum. Talað er nú um Pólland sem leiðandi "uppreisnarland" Austur-Evrópuríkja gegn ESB. Pólland neitar að taka við innrásarliði Brussels sem Angela Merkel sleppti lausu á Evrópu

Í gær spurði ég þeirrar spurningar hvort það væri virkilega rétt sem okkur er sagt; að Þýskaland sé mikilvægasta ríkið í Evrópu. Svar mitt er þetta; það er rangt. Bandaríki Norður-Ameríku eru mikilvægasta þjóðríkið í og fyrir Evrópu. Og þau eru ekki að detta í sundur

Æðsti dómstóllinn yfir alþjóðlegri samvinnu heitir og mun alltaf heita frú styrjöld

Fyrri færslur

Bjarni Benediktsson sá eftirlýstasti - kapphlaup til Moskvu

Fundur með Bjarna Benediktssyni á Hvanneyri

Einn dagur í heimsstyrjöld Samfylkingarflokka


Bjarni Benediktsson sá eftirlýstasti - kapphlaup til Moskvu

Eftirlýstur

Til finna besta manninn í ákveðnum bransa er útilokunaraðferð oft beitt. Maður reynir að komast að því hvern keppinautar hata mest í sínum bransa. Þegar spurt er hvern keppinautar vildu fyrir alla muni losna við út af þeim markaði sem þeir eru á, þá fær maður mynd af því hver er bestur í bransanum. Í dag og í gær er það Bjarni Benediktsson og Sjálfstæðisflokkurinn sem keppinautarnir vilja helst losna við af markaði. Og engu smáræði er tjaldað til. En þó samt engum málefnum. Bara níði. Endalausu persónuníði og aðdróttunum er beitt. Engin málefni eru nokkru sinni rædd. Af hverju? Jú vegna þess að Bjarni og Sjálfstæðisflokkurinn er harðasti varðstöðumaðurinn um fullveldi Íslands. Eftir að Viðreisn með svæsinni evrusvitalykt hvarf úr Sjálfstæðisflokkunum, er xD massífur fullveldisflokkur. Algerlega massífur fullveldisflokkur. Þar er andstaðan við Evrópusambandsaðild mest og hörðust. Langsamlega mest. Á tvístruðum vinstrivængum er staðan hins vegar alveg þveröfug. Þar keppast flokkar við að koma fullveldi Íslands fyrir kattarnef með því afsala því yfir til andþjóðlegs yfirríkis Evrópusambandsins. Þar rífa menn sig frá ríkisstjórnarborðinu til að koma þeim fyrirætlunum dulbúnum í framkvæmd. Alveg sama viðrist þeim vera um hag Íslands og farsæld. Út á götur frá ríkisstjórnarborðinu er stokkið um miðja nótt til að öskra og æpa. Og í Vinstri-grænum er stærsti hlutinn einnig á þeim buxunum að koma Íslandi um aldur og ævi undir ESB, með eins konar þjóðarpyntingum í skattamálum og með aðstoð massífra svika strax eftir kosningar. Lífið skal gert sem óbærilegast hér í okkar landi til að lífið utan þess seljist. Þetta er staðan. Og hún er eins í skjaldborg Samfylkingarinnar gegn þjóðinni - og í Pírötum. Þar er keppst við að koma Íslandi fyrir kattarnef á einn eða annan hátt. Það er því alls ekki undarlegt að Bjarni Íslendingur sé eftirlýstasti maður vinstrisins. Algerlega. Og við eigum því miður ekki gott í vændum hér, því allt útlit er fyrir að dulbúið sölugas og moðreykur vinstriflokkanna sé að virka á kjósendur eins og 2009 og að við fáum hreina vinstristjórn á ný. Þetta er skelfileg tilhugsun. Ég man enn of vel eftir þeirri síðustu

Kapphlaupið til Moskvu

Það er vel þess virði -sérstaklega núna í ljósi upplausnarferlis Evrópusambandsins- að velta á ný fyrir sér utanríkisstefnu Þýskalands, því okkur er sagt að Þýskaland sé mikilvægasta ríki Evrópusambandsins og Evrópu. En er það virkilega svo? Utanríkisstefna landsins er á pappír sú sama og hún var í Kalda stríðinu. En hún er það samt ekki í reynd. Það sem ekki er lengur eins og það var, er samband Þýskalands við Bandaríkin. Og menn skyldu ætla að það samband sé enn makró-pólitískt mikilvægasta samband Þýskalands við umheiminn, því Þýskaland hefur aldrei getað hvílt í sjálfu sér og lifað sjálfbærri tilvist eitt og sér. Það hefur alltaf þurft að hafa valdablokk sér til stuðnings og að verulegu leyti undir sér. Í dag er þessi blokk önnur ESB-ríki, sérstaklega evruríkin, en öll sú blokk er nú byrjuð að leysast upp. Enn eitt dæmið um það sást í gær þegar pólska dagblaðið Rzeczpospolita bauð Austurríki velkomið um borð í "Visegrád V4" hópinn, saman með Varsjá, Prag, Bratislava og Búdapest, eftir austurrísku kosningarnar á sunnudag. Austurríki er boðið velkomið heim

Bandaríkin eru hins vegar ekki að leysast upp. Þau eru enn sömu Bandaríkin og komu Þýskalandi á fætur og vernduðu iðnað þess gegn erlendri samkeppni á meðan Þýskaland var að koma undir sig fótunum á ný. Og þau vernda enn siglingarleiðir útflutnings Þýskalands um heimshöfin. En þetta samband er nú að rofna og Þýskaland hóf það rof sjálft. Samband landanna er að rofna vegna þess að Þýskaland er að leita nýrra leiða til að halda sér saman sem veldi. Það þarf á nýrri lausn að halda, því óvíst er orðið hvort að landið geti mikið lengur stólað á áframhaldandi tilvist Evrópusambandsins, sem það hefur drottnað yfir síðan það sameinaðist síðast. Og hér munu Bandaríkin ekki hjálpa Þýskalandi að þessu sinni. Það er orðið of hættulegt fyrir Þýskaland að stóla einungis á Evrópusambandið sem efnahags- og áhrifasvæði (e. buffer-zone). Það þarf nýjan möguleika. Nýja opnun til vara. Og vegna þess að Bandaríkin hafa varið og eru að verja Austur-Evrópu gegn þörfum Rússlands til hins sama, þ.e. þörfum Rússlands til að hafa lönd Austur-Evrópu undir sínum áhrifum og sem varnarsvæði (e. buffer-zone), þá standa Bandaríkin nú í vegi fyrir Þýskalandi, með því að vernda Austur-Evrópulönd fyrir ágangi Rússlands. Þetta er gríðarleg áhætta sem Þýskaland er reikna út hvort landið eigi að taka. Geigvænleg áhætta, en Þýskaland er og hefur ávallt verið óútreiknanlegt land. Visst kapphlaup Þýskalands og Frakklands er því hafið til Moskvu. Frakkland vill verða á undan til að reyna að loka á leið Þýskalands austur (martröð Mitterands). En það er mitt álit að Frakkland sé nú þegar of seint á vettvang

Í síðustu viku fór heil sendinefnd stærstu fyrirtækja Þýskalands til fundar við forseta Rússlands Vladímír Pútín (krækja leiðrétt). Nefna má nöfn eins og Bauer, Wintershall, Linde, Knauf, Siemens, Metro og 14 önnur stærstu fyrirtæki Þýskalands. Pútín sagði á fundinum að meira en fimm þúsund þýskt fjármögnuð fyrirtæki væru í Rússlandi og í þeim störfuðu 270 þúsund Rússar. Og sjálfur Gerhard Schröder fyrrverandi kanslari Þýskalands situr nú með Vladímír Pútín í stjórn í Rosneft. Og kaldhæðnislegt er að þetta sé að gerast á sama tíma og viðskipti Íslands við Rússland hafa verið þurrkuð út. Þessi heimsókn er engin tilviljun þó svo að ekki eigi endilega að leggja mikið í hana. En þetta er þróun sem komin er vel á veg og hún verður varla stöðvuð úr þessu, því sennilega getur ekkert lengur stöðvað upplausnarferli Evrópusambandsins, sama hvað Frakkar reyna. Forseti Frakklands reynir um þessar mundir að munstra síðasta átakinu í þessum efnum. En það átak er að mínu mati þegar runnið út í sandinn. ESB er að leysast upp og tvístrast. Og það er staða sem Þýskaland mun ekki taka hættuna á að standa uppi með. Það þarf nauðsynlega að hafa aðra leið opna, sér til öryggis. Og þess vegna er Berlín að klippa á sambandið við Washington. Frakkar eru hins vegar mjög hugsi og afar pólitískt veikir fyrir heima. Allir í Evrópu eru reyndar orðnir veikir fyrir heima. Og Evrópusambandið sjálft er sá vírus sem þeirri veiki veldur. Það fór nokkrum brúm of langt eins og ávallt gerst með umboðslaus veldi

Sagan endurtekur sig aldrei í sömu mynd. En íslenska vinstrið sótti alltaf austur og sækir enn. Sjálfstæðisflokkurinn hefur hins vegar alltaf staðið þar fastur fyrir og gerir enn. Hann hefur ávallt lokað veginum fyrir vinstrið austur. Bara svo þið vitið það. En þetta er alls ekki að gerast í einum hvelli. Þetta er hins vegar sú þróun sem komin er í gang og hún getur tekið mörg ár og farið furðulegar krókaleiðir áður en hún endar í austri. En hún er mjög mikilvæg fyrir okkar land, Ísland. Menn eiga að taka hér vel eftir

Fyrri færsla

Vinstra-grænt þurrkað út í austri í gær [u]


Vinstra-grænt þurrkað út í austri í gær [u]

Kosningar voru haldnar í Austurríki í gær

Þær minna að vissu leyti nokkuð á hinn sígilda rauða saltpétur hinsta vinstris sósíalista; hver ætlar að halda á sigðinni, því ég rauða-stjarnan er með hamarinn

Í Austurríki þurrkuðu vinstri-græn sig með hamar og sigð út af þingi. Og frá því að vera 12 prósent flokkur varð hann björt framtíð. Komst ekki inn á þing. Stjarnan rauða stóð ein eftir sem græn klessa, eftir að hafa klofnað í fimm-stirndri innri valdabaráttu. Grænt varð þannig öllum til sýnis rautt af gömlu blóði. Samt ekki eins banvænu og rennur enn í hinsta vinstri Íslands

Sigurvegarinn var Íhaldið. Austurríski Íhaldsflokkurinn hlaut góða kosningu og næsti kanslari landsins verður hinn 31 árs gamli íhaldsmaður og ekki-konan Sebastian Kurz. Omg!

[uppfært] En hér virðist samt þurfa að setja varnagla, því um stamsteypustjórn verður að ræða. Telja því sumir að það sé langt því frá gefið að Kurz verði sjálfur kanslari, því ókjörinn forseti framkvæmdastjórnar Evrópusambandsins í Brussel hefur þegar í dag kallað eftir að hann myndi ríkisstjórn sem fyrst og fremst yrði hliðholl "Evrópusambands-Evrópu", en ekki endilega austurrískum kjósendum. Sem sagt ákall frá aðalritaranum um að svíkja kjósendur strax, er þegar komið

Kurz fór létt með þetta, því hann hafði komist að því hvað var að gerast í starfi sínu sem "aðlögunar"- og utanríkisráðherra (e. social integration). Hann sá að ef þessum innflutningi fólks héldi svona áfram, þá yrði það austurríska þjóðin sem yrði aðlöguð, en ekki öfugt. Þetta færði honum 31,4 prósent atkvæðanna. Flokkurinn bætti á sig 7,4 prósentum

Bjarni okkar afneitar öllum slíkum löngunum hjér heima og segist ánægður með litlu góðu flokkskonurnar. Bara svo kjósendur viti það. Allt ER GOTT

Frelsisflokkurinn, mest til hægri, vann annað sætið sem hástökkvari kosninganna. Hann bætti á sig 6,8 prósentum, þrátt fyrir allt sem á undan hafði gengið, og hlaut 27,4 prósent atkvæða. Enda fjallaflokkur og ekki sósíal blómabeð í Vín, þar sem kratar ríkja

Sósíaldemókratar (kratar) stóðu kjurrir í stað og fengu 26,7 prósent. Þar gerðist ekkert. Allt var bara gott og öll eyru lokuð

Enn er þó óvíst hvor flokkurinn verður í öðru sætinu því utankjörstaðaatkvæði gætu breytt myndinni eitthvað og ruggað því sæti til. En hægrið er með yfirgnæfandi meiri hluta og meira en nóg til að mynda þróttmikla ríkisstjórn (sjá vef innanríkisráðuneytisins hér)

Sem sagt: ef maður er nógu mikið íhald þá sigrar maður. En ef maður er það ekki, þá faðmar flokkurinn tapið og honum öllum er vísað út - í einu lagi

Að vera á kafi í miðju góðu fólki er ekki lengur nógu gott. Þjóðir heimta lausnir og lönd sín til baka. Þær neita að láta aðlaga sig að því sem í þær er hent. Þær hafa fengið nóg af villta vinstrinu sem fæddist anno 1990 sem fröken Útópía. Glóböllur, afkvæmið hennar, gekk heldur ekki upp

Nú getur tja-sósíaldemókratinn Angela Merkel ekki sent steinullareinangrun í krata-fragt til hvorki Tékklands, Slóvakíu né Ungverjalands og beðið þau lönd um útvortis uppsetningu hennar á Austurríkið. Hún getur ekki einu sinni sent eitt búnt til Bæjaralands, því öll þessi lönd eru búin að fá nóg. Þau þola ekki meira. Og Ítalía svarar henni varla í síma, því hún er á barmi gjaldþrots

Hvað gerir Merkel esb-konan nú. Verður komið vor þegar henni loksins tekst að hræra saman í nýja ríkisstjórn. Hve lengi helst Þýskalandið hennar stjórnlaust saman. Þrúgur vinstrisins hafa heldur betur þrútnað í hennar maga. Það verð ég að segja

Fyrri færsla

Vladimír Pútin segir viðskiptin við Þýskaland ganga vel


Vladimír Pútin segir viðskiptin við Þýskaland ganga vel

Þegar allur flotinn sigldi í höfn undir vinstristjórninni 2012-06-07

Mynd: Þegar flotinn sigldi í höfn undir vinstristjórn, sumarið 2012. Fjögurra ára styrjöld og skuldafangelsunartilraunum hennar á þjóðina lauk með kosningum vorið 2013

Vladimír Pútín forseti segir að viðskipti á milli Rússlands og Þýskalands hafi aukist um 25 prósent á þessu ári. Fjárfestingar hafa einnig aukist, sagði hann. Hvað er að gerast hér? Ég hélt að viðskiptabann væri á Rússland

Þetta eru tölur sem Pútín hefur frá tollþjónustu sambandsríkis Rússlands. Þar kemur fram að viðskipti Þýskalands og Rússlands hafi aukist um 16 prósent á milli ára á öðrum fjórðungi þessa árs, og nam hann 11,3 milljörðum dala núna. Hluta aukningarinnar má rekja til aukinnar sölu á gasi og betri afkomu í rússneska hagkerfinu. Í heild eru viðskiptin milli Rússlands og Þýskalands ívið minni en þau voru árið 2013. Þá voru þau 37 milljarðar dala. Útflutningur Þýskalands til Rússlands jóskt um 32 prósent á fyrsta fjórðungi þessa árs á meðan útflutningur frá Rússlandi til Þýskalans jókst 35 prósent

Að því er ég best veit, var útflutningur okkar til Rússlands 30 milljarðar króna árið 2014, þ.e. áður en Rússland setti okkur á bannlista vegna viðskiptaþvingana okkar og bandamanna á Rússland. Í dag er útflutningur okkar til Rússlands aðeins 2,5 milljarðar króna, það sem af er ársins og hann var 2,6 milljarðar króna allt árið í fyrra. Við erum þurrkuð út, en Þýskaland og ESB ekki

Þetta er nú varla samstaða. Þetta er ósanngjörn efnahagsleg fórn sem ekki er hægt að klístra samstöðumerki á. Jú. Við viljum umfram allt sýna fremsta bandamanni okkar í vestri samstöðu. Það viljum við. En ég er hæddur um að hér sé á ferðinni mál sem kominn er tími til að vinda ofan af með því að útskýra stöðu Íslands fyrir bandamanni okkar í vestri. Við eigum ekkert undir Evrópusambandinu komið, en við eigum hins vegar óendanlega mikið undir Bandaríkjunum og þeim að þakka. Þjóðaröryggisleg strategísk dýpt Íslands er í Washingtonborg, en ekki í Berlín. Bandaríkin voru fyrst til að viðurkenna sjálfstæði okkar. Undir þeim eigum við mest komið. En ég hef trú á að núna sé hægt að útskýra þetta mál fyrir vinum okkar í Washington. Ég held að það sé auðveldara núna en á meðan Obama var forseti. Hér er tillaga sem útskýrir mál mitt:

Senda þarf Bjarna Benedkitsson, Guðlaug Þór utanríkisráðherra og Davíð Oddsson til Donalds Trump til að útskýra málið. Davíð gæti haft tölvuna með og skrifað bréfin hans góðu heim svo ekki verði verkfall í leiðurum né Reykjavíkurbréfum, því það tvennt er það eina sem heldur uppi föstum skrifum og skotum íslensku þjóðinni til framdráttar og varnar hér heima, allar götur frá september mánuði 2009. Davíð gæti einnig haft Hannes Hólmstein Gissurarson með sér því Hannes hefur reynslu og rökfestu í að berjast gegn níðskrifum vinstrimanna um Ísland og Íslendinga í erlendum fjölmiðlum. Þar hefur Hannes verið ákaflega duglegur, svo aðdáunarvert er

Donald J. Trump

Donald J. Trump

Donald Trump berst fyrir þjóðernislegri efnahagsstefnu og gegn stjórnlausum innflutningi fólks, löglegum og sérstaklega ólöglegum. Hann var kosinn til að hífa bandarísk fyrirtæki heim, en þau skildu bandarísku þjóðina eina eftir á fjóshaug líberalismans (óþjóðlega kratavinstrið). Þessu vinnur Trump að dag og nótt. Bara einn fundur hans með IBM þýðir sennilega 30 þúsund ný IBM-störf í Bandaríkjunum. Svo hörmulega var komið að starfsfólki IBM í Bandaríkjunum hafði verið fækkað um 130 þúsund manns, sem er þriðjungur allra starfa hjá fyrirtækinu. Störfin voru flutt til Indlands, vegna lágra launa. Nú er Trump búinn að taka Ginni Rometty forstjóra IBM á teppið og tala hana á sitt band. Það er það sem Trump gerir. Hann talar fólk til með því að útskýra málin

Nýr sannleikur hefur myndast og honum er ekki erfitt að kyngja þegar horft er á bandarísku millistéttina á fjóshaug líberalismans. Allir sjá núna að þetta var skelfilega illa gert og rangt. Þetta er stéttin sem fjármagnar allt í Bandaríkjunum. Og eins og sumir vita kostar þar eitt stykki af öllu strategíkst mikilvægu fyrir Bandaríkin, að minnsta kosti einn milljarð dala, sem millistéttin borgar

Hér heima þarf þessi stétt líka að standa undir flestu. Og ef við erum eins og til dæmis Danmörk þá erum við sennilega þannig að ríkasta eitt prósentið af Íslendingum borgar tíu prósent af öllu. Trúað gæti ég samt að þetta eina ríkasta prósent þjóðarinnar haldi enn fleirum uppi hér heima en í Danmörku, þar sem jöfnuður hér heima er enn meiri en þar

Þegar Donald Trump ávarpaði þjóðirnar í byggingu Sameinuðu þjóðanna í Nýju Jórvík um daginn þá sagði hann;

"Allar þjóðir verða að setja sjálfar sig í fyrsta sætið. Hugsa um sitt eigið fólk fyrst. Það er skylda allra og til þess eru menn kjörnir"

Og óþarft er víst að taka það fram að enginn hjálpar öðrum með því að eyðileggja sjálfan sig fyrst. Trump sagði einnig þetta hér í ræðu sinni:

Við sjálf erum að endurnýja og endurvekja fyrstu skyldur hverrar ríkisstjórnar, og þær eru þessar: að hugsa um sitt eigið fólk fyrst

Skyldur hverrar ríkisstjórnar eru fyrst og fremst að hugsa um og tryggja sitt eigið fólk. Aðeins sjálfstæður styrkur hverrar þjóðar getur haldið þessari stofnun við efnið og borið hana uppi

Aðeins með því að gera það geta Sameinuðu þjóðirnar sinnt hlutverki sínu sem stofnun fullvalda ríkja. Styrkur fullveldis þjóðanna myndar þessa stofnun

Ekkert getur komið í stað sterkra fullvalda og sjálfstæðra þjóða sem standa á rótum sögu þeirra. Þjóða sem eru heimili föðurlandsvina, viljugir að vinna þjóð sinni gagn og fórna sér fyrir þjóðarheimili sitt

Við ættum að ráðast í þetta. Það þýðir ekkert að tala við Evrópusambandið. Þar er fyrir það fyrsta engan ábyrgan við að tala, því sambandið er algerlega óábyrgt gagnvart kjósendum. Og í Evrópusambandinu eru heldur engin vandamál leyst, þeim er bara sópað undir teppið og þar safnast þau upp og liggja óleyst. Sambandið leysir ekki vandamál, það safnar þeim bara. Enda er það að springa

Enginn ESB-flokkur á Íslandi mynd þora að styggja svefnfrið neinna í ESB. Enginn. Þeir gungast bara með straumnum og blekkja áfram íslenska kjósendur með lygasögum um "viðræður" sem voru umboðslaus aðlögun, fullkomið fals og blekkingar frá a til ö. Þeir eru ESB-líberalisma-bruggarar sem níða okkur íslensku þjóðina niður erlendis, hvar sem tækifæri gefst

Við ættum ekki að þurfa að líða efnahagslega mest fyrir samstöðuna sem við erum skuldbundin að sýna bandamönnum okkar. En einu sinni voru Rússar bandamenn okkar, Bandaríkjanna og Bretlands. Ég væri alveg til í að að halda þessu áfram ef Þýskaland og ESB gerðu eitthvað að gagni líka, en það gera þau ekki. Til dæmis hættu að kaupa gas af Rússum og hættu að flytja svona gerræðislega mikið út til þeirra - í endalausum bunum. Járnbrautarlestir, vélar og þess háttar í endalausum bunum. Fyrir okkur er íslenskur sjávarútvegur mörgum sinnum mikilvægari en allur iðnaður er fyrir Þýskaland. Og ekki skulum við gleyma vanda íslensks landbúnaðar í þessu máli. En nei. Þess í stað er fyrrverandi krata-kanslari Þýskaland bara kominn í stjórn Rosneft með sjálfum Pútín!

Að lokum sagði Trump þetta:

Við getum ekki beðið eftir fjarlægum skrifstofuveldum. Enginn annar getur unnið vinnuna fyrir okkur, þjóðina. Við verðum að vera fyrst til að bjarga okkur sjálf. Til þess þurfum við föðurlandsvini, sem taka höndum saman um að búa þjóð sinni framtíð. Sem slá eignarhaldi á framtíð fyrir þjóð sína

Við köllum eftir endurvakningu á þjóðunum (hugtakinu sjálfu og þjóðinni sem stofnun)

Guð blessi þjóðirnar og mína þjóð

Sendum okkar fólk til Washington til að útskýra málið. Það er vel hægt. Það er að minnsta kosti hægt að reyna það og tala svo við Rússa. Blessum nú þjóð okkar, en níðum hana ekki niður

Horfa á:

Donald Trump ávarpar þjóðirnar í stofnun Sameinuðu þjóðanna

Fyrri færslur:

Öskrandi þögn á undan stormi?

Einn dagur í heimsstyrjöld Samfylkingarflokka

Fundur með Bjarna Benediktssyni framfaramanni á Hvanneyri


Öskrandi þögn á undan stormi?

Það ellefta afhent um daginn og sjópróf hafin. Verð: þrettán milljarðar dalir, stykkið. Plús rannsóknir og þróun, fimm milljarðar dalir

****

Það sem einkennir fyrirbæri eins og Evrópusamband og Sovétríki er að þar haggast ekkert. Þar er ekki allt í uppnámi eins og í Bandaríkjunum og í Viðreisn og Bjartri framtíð. Hvað ertu að tala um Gunnar, hvaða rugl er þetta

Jú væni minn, þegar enginn þarf að hugsa um neina kjósendur, aldrei að hitta þá, aldrei að hlusta á þá, aldrei að láta þá kjósa sig og aldrei að standa sig að neinu leyti, nema í því að geta setið áfram, já þá haggast maður ekki. Ekkert haggast. Löndin brenna, ramba á barmi þjóðargjaldþrots, en samt haggast enginn í setunum í stólaveldi eins og Evrópusambandi og Sovétríki. Ekkert gerist. Allt er bara gott. Já gott. Milljónir af flögrandi friðardúfum Angelu Merksls sjá þar sjálfvirkt um friðinn sem hún setti í gang

Nýjasta óhagganlega röksemd ESB-manna er sú að Katalónía geti ekki lýst yfir sjálfstæði vegna þess að hún er á evrusvæðinu. Spánn er evruland og þar með er Katalónía það líka. Þetta þykir ESB-mönnum mikill kostur. Ekkert getur raskað ró þeirra, því evran sér um vinnuna fyrir þá. Í Sovétríkjunum var það hins vegar herinn sem sinnti þessu hlutverki. Hann hélt hlutunum saman. Er þetta ekki frábært. En svo hrundi bara allt það veldi eins og hendi væri veifað. Enginn einkenni, engin hvellsprengd ríkisstjórn og engar næturkosningar í pati og nýjar kosningar. Bara eitt allsherjar fyrirvaralaust púff; endir!

Aumingja Bandaríkin. Stöðugleikinn er ekki svona stöðugur þar. Trompet Trumps blæs daglega yfir þingið, þingið blæs á móti, dómstólar skella töppum í, hæstiréttur tekur þá úr eða staðfestir og fjölmiðlar ráðast til uppgöngu hvar sem smuga myndast uppi á múrnum. Og þetta er endurtekið mál fyrir mál. Kjósendur fylgjast með, klappa eða púa. Bandaríkin eru svo sannarlega ekkert Evrópusamband. Hjá þeim er bara allt í trompandi steik

Austurríkismenn kjósa á morgun. Þar munu þeir sennilega kjósa Frelsisflokkinn (FPÖ) í ríkisstjórn og sú ríkisstjórn verður hægri. Tékkar kjósa svo á fimmtudag og eru á sömu leið, til hægri. Þetta verður áfall fyrir Kola og stálevru-sambandið, því það gæti vel hugsast að Pólland, Tékkland, Ungverjaland og Rúmenía geti stutt Austurríki út úr kola- og stálevrunni og myndað Intermarium eða hreinlega nýtt Austurrísk-ungverskt veldi beint fyrir framan nefið á ESB

Ljóst er að ef Evrópusambandið á að ganga upp, þá hlýtur að þurfa að banna kosningar. Evrópusambandið er friðarbandalag og það þarf því að fá frið fyrir kosningum. Sambandið getur varla gengið upp lengur ef leyfa á svona kosningar. Það þarf frið

Sem betur fer hefur Frakkland ekki enn gert kjarnorkuvopn sín að sameiginlegum sprengjum. Þær eru enn franskar og hafa ekki sprengt þýska Evrópusambandið saman enn. Og ef það fer að þrengjast svona að Frakklandi í búrinu sem það hannaði handa Þýskalandi, til að geta fylgst með því, ef hinir fara, þá er eins líklegt að landið þurfi á þeim að halda, ef það ætlar að brjótast úr úr evru

En málið er sem sagt þetta: Katalónía reyndi að kjósa, en var barin. Og hún er á evrum. Hvað gerist næst. Fær Brusselveldið frið fyrir þessu, eða ekki. Mun friðurinn halda. Dugar evran

Fyrri færslur

Einn dagur í heimsstyrjöld Samfylkingarflokka

Benedikt vísað af evrusvæði Viðreisnar, ígildi tekin upp

Fundur með Bjarna Benediktssyni á Hvanneyri


« Fyrri síða | Næsta síða »

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband