Ég hafði því miður rétt fyrir mér um kanslara Þýskalands

"Ég stóð mig að verki við að. . ". Þið kannist eflaust öll við þessa setningu og hugsun. Hún er afleiða þeirrar blekkingar að ÉG'ið í sjálfum mér sé sannur fulltrúi MIG'sins í sjálfum mér.

Staðreyndin er þó sú að ÉG'ið er getulaus vesalingur miðað við MIG'ið. Þegar ÉG'ið þykist vita eithvað þá er það vegna þess að MIG'ið er búið að vita allt um málið í langan tíma. En við þykjumst vera "rökhyggjuverur" og státum okkur af "agaðri hugsun" sem reynir oft að taka völdin af MIG'inu og berja það niður, en þó oftast með fíaskó-afleiðingum.

MIG'ið í heila okkar er eins og ljós í alheimnum. Hefur endalausa bandvídd og getu til að kalla fram hvaða símanúmer sem er hjá hvaða atómi sem er í stjörnuþoku Y. Bandvíddin er svo hrikaleg að MIG'inu nægir að horfa í barnsaugu. Þar sér það allt og miklu meira en alheimurinn hefur upp á að bjóða. Þetta er undirmeðvitund okkar og sál. Hún er sannkallað tryllitæki. Við erum aðeins meðvituð um smá brotabrot af því sem fram fer í þessari stærstu "tölvu" í tilveru okkar. ÉG'ið ræður hins vegar ekki yfir neinu nema einfaldri ryðgaðri reiknivél, en heldur þó alltaf að það stýri öllu. Aðeins dropar eru látnir trítla yfir til þess frá MIG-stórfljótinu. Því ÉG'ið þolir ekki stærri skammta. 

Þið kannist eflaust öll við þá tilfinningu þegar þið gangið á bjargbrún, að þá óttist þið að MIG'ið taki völdin og stökkvi. Bara sí svona. Óttinn kemur fram í ÉG'inu. "Ég stóð mig að þessu". Undirmeðvitundin er ógnar afl og ansi fjörug. Og við þekkjum aðeins brot af því sem hún fæst við allan sólarhringinn.

Lengi vel vonaði ég heitt og innilega að tilfinning mín fyrir kanslara sameinaðs Þýskalands, Angelu Merkel, væri aðeins mín eigin og ranga undirmeðvitaða sannfæring frá fyrstu sýn. En það er nú einu sinni svo, að það sem manni dettur fyrst í hug er yfirgnæfandi oftast það rétta frá byrjun. Mig grunaði þó ekki að kanslari Þýskalands væri fífl. Og heldur ekki svona fullvaxta afdalamaður í orðsins verstu merkingu. Hvað haldið þið að hún hafi sagt í gær? Hún sagði; "Evrópa myndi hætta að virka ef hún breytti um stefnu eftir hverjar kosningar."

“Europe would not function any more if it changed course after every election.” 

Þetta er dráttarvélin í ESB! Fullkominn fáráðlingur! Hún hefur ekki hugmynd um hvað lýðræði er. Hún hefur ekki hugmynd um hvað stjórnmál eru. Hefur ekki hugmynd um til hvers kosningar eru haldnar! Hún er bara hin dapurlega lifandi táknmynd gamla Austur-Þýskalands. Gömul DDR-dráttarvél. Það var einnig það sem MÉR datt í hug við fyrstu sýn. Ég færi það hér með fram til bókunar hjá ÉG'inu. En engin orð fá þó lýst þeim hryllingi sem bíður meginlands Evrópusambandsins. Það ætti hugsandi mönnum að vera orðið ljóst. 

Þetta er önnur tilraun Þýskalands til lýðræðis. Ég sé ekki betur en að hún sé að mistakast eins hörmulega og sú fyrsta; Weimar.

Vissir þú að á síðustu 211 árum hefur verðbóga verið í samtals 10 ár yfir 20 prósent á ári í Þýskalandi og í 4 ár yfir 40 prósent á ári. Svo hefur hún verið nokkur þúsund prósent þar í nokkur ár á heilum tveimur tímabilum af þýskri óðaverðbólgu. 

Svo hefur Þýskaland á þessum 211 árum orðið 8 sinnum ríkisgjaldþrota og verið í ríkisgjaldþroti í samtals 15 ár af þessum 211 árum. Vissir þú þetta?

Ísland hefur aldrei haft óðaverðbólgu og aldrei orðið ríkisgjaldþrota. Bandaríkin hafa heldur aldrei orðið ríkisgjaldþrota. 

Þýskaland hefur reynt að viðhafa lýðræði í bara 65 ár - og greinilega mistekist hörmulega 

<<<< ++++ >>>>

Ratification by Germany’s most important partner in the eurozone also became more complicated as Mr Sarkozy said he would not ask the French assembly to approve the treaty before April’s presidential election. Mr Sarkozy’s likely opponent, Socialist François Hollande, has said he would seek to renegotiate the pact, but Ms Merkel said she did not believe France would back away from the commitment.

 

“Europe would not function any more if it changed course after every election,” she said. 

<<<< ++++ >>>> 

Financial Times 30. janúar 2012 

ESB-Portúgal siglir inn í evrugrad [u]

Vaxtakostnaður Portúgals í evrulandi - 3 ára peningar.

Eftir að þýski seðlabankinn komst í þrot og skall á Berlínarmúrnum í desember, þá var ekki um annað að ræða fyrir ECB-seðlabanka Brussels en að prontó prenta og senda út fréttatilkynningar þess efnis að bankakerfi evrulanda gætu sem snöggvast komið inn úr kuldanum, fengið heita súpu og hlýtt stjörf á hið níunda rúgbrauð friðarins smjaskandi étið af Brussel. Einu sinni enn.

 

TARGET2 greiðslukerfi seðlabanka evrulanda hafði þá tekist að henda skuldbindingum sínum svo þungt yfir á seðlabanka Þýskalands — því sjálfir áttu þeir ekki peninga lengur — að ekki var lengur við neitt ráðið. Jafnvel þessi þýski seðlabanki varð þá að gefast upp. Hann þoldi ekki að taka á sig fleiri og meiri skuldbindingar vegna þessa greiðslukerfis, sem þýskir skattgreiðendur hafa enn ekki verið upplýstir um hvers eðlis er. Væri svo myndi bylting hefjast immed.

Þarna lokaðist alveg á Portúgal því evruríkissjóður landsins er nú metinn sem rusl af alþjóðlegum matsfyrirtækjum. Seðlabankalingur Portúgals gat ekki lengur sent reikninga yfir til Frankfurt og stjórnin gat ekki lengur selt ríkisskuldabréf sín til bankanna í landinu, sem gátu heldur ekki troðið þeim í skiptum fyrir peninga inn í hólfin sem lokuð eru landinu hjá þeim erlenda seðlabanka sem út gefur þá mynt og gagnslausu evruseðla sem lögeyrir er í landinu. Portúgal er lokað úti frá ECB-seðlabanka Evrópusambandsins. Það getur ekki prentað peninga. Það má ekki prenta peninga. Má ekki slá neina mynt. Það hefur glatað fullveldi sínu í peninga, vaxta og myntmálum. Það er búið að vera.

Þess vegna ganga ríkisskuldabréf þessa evruríkis nú kaupum og sölum fyrir slikk. Enginn vil lána þessu ríki peninga á meðan það er evruland án sjálfstæðrar myntar. Skuldatryggingaálagið á ríkissjóð Portúgals er nú um 1526 punktar. Meira en fimm sinnum þyngra en á ríkissjóð íslensku krónunnar. Og vaxtakjör þessa evruríkis eru meira en fjórum sinnum verri. Portúgal er að breytast í Grikkland með ógnarhraða. Þökk sé evruaðild landsins.

 

Graph 2 shows that the money multiplier has collapsed. Indeed, using the weekly ECB data from 23 December, base money has increased by 46% over the past year, when broad money supply has grown by just 2% (with the counterparts of M3, loans to the private sector were up by just 1.7% yoy in November and still slowing). In other words the ECB is printing money but the transmission to the real economy is extremely weak. 

Fregnir hafa einnig borist af því að peningalegur gírkassi seðlabanka Evrópusambandsins virki ekki lengur nema í bakkgír. Uppáhalds orðskrípi yfirmanna bankans í ræðum og ritum er einmitt þessi transmission mekkanóhólismi evrupeninga sem ekkert getur. Vogarstangarafl M3 peninga í umferð er hrunið, því bankakerfin eru impótent lafandi ónýt og Brüning ferlið til helvítis inni í ESB er hafið. Síðan þarf að kjósa H-mann þangað til það kemur já.

The Portugal enigma 

The ECB Is Plugging Holes

The collateral crunch gets monetary

Greece needs to dump euro "shackles": Commerzbank

 

[Uppfært] Klaus-Peter Muller aðalbankastjóri þýska Commerzbank, sem er næst stærsti banki Þýskalands, hvetur nú Grikkland til að yfirgefa evruna og taka upp sjálfstæða mynt ef landið og þjóðin vilji lifa áfram. Að þessi nú evruhlekkjaða þjóð þoli ekki fyrirhugaða 30-40 ára pyntingargöngu í fóthlekkjum evrunnar.

 

Sprakk á sandi

Konan mín opnaði með vilja fyrir útvarpsþátt sem ber nafnið Sprengisandur. Þar var því blákalt haldið fram að sitjandi ríkisstjórn hefði bjargað Íslandi frá gjaldþroti. Og þessu var ekki einu sinni andmælt af blaða- svo kölluðum mönnum. Stalíngrad.

Staðreyndin er sú að Geir Haarde og stjórn hans bjargaði Íslandi frá gjaldþroti með neyðarlögum sem sett voru. Sjálfstæði og fullveldi Íslands var virkjað til þess að setja neyðarlög. Lögin var hægt að setja í praxís og með virkni því Ísland á sína eigin mynt. Það gat og getur varist. Vinstri grænir gátu ekki stutt þessa björgun Íslands frá gjaldþroti og sátu því hjá.

 

Helsti kjarkmaður þess að Íslandi var þrátt fyrir allt bjargað, var síðan —ásamt tveim heiðursmönnum— varpað á dyr Seðlabanka Íslands. Strámaður Vinstri grænna og Samfylkingarinnar var síðan ólöglega settur í öll þrjú embætti þeirra. Kreml. 

Svo var í þættinum sagt að Geir Haarde ætti að sitja áfram sem sakborningur í ríkisréttinum því sökum fátæktar landsins hefði ákærulið alþingismanna ríkisstjórnarflokkanna ekki annan stól til að bjóða honum sæti í. Sem sagt; eini lausi stóllinn sem til er handa Geir H. Haarde er ragmagnsstóll ríkisréttarins. Og þar skal maðurinn sem bjargaði Íslandi frá gjaldþroti dúsa fyrir að hafa bjargað Íslandi frá gjaldþroti. Moskva.

Svo var ekki sagt frá því í þættinum að ríkisstjórn kommúnista og Samfylkingarsukks reyndi í tvígang að annúllera björgun Íslands frá gjaldþroti með því að semja austurþýska stasisamninga við óvini kjósenda landsins og þannig reyna að færa áhættuna aftur yfir á herðar fólksins. Þetta mátti þjóðin tvívegis halda út að horfa upp á. Steingrímur þreytti.   

Svo var sagt að eitthvað uppgjör við svo kallaða "frjálshyggju" hefði ekki farið fram og því þyrfti maðurinn sem bjargaði Íslandi frá gjaldþroti að dúsa áfram í eina stólnum sem hægt var að finna handa honum einum.

 

Þetta finnst mér merkilegt, því uppgjörið við kommúnismann, sem er versta manngerða plága sem yfir mannkynið hefur dunið, hefur aldrei farið fram. Hér hangir Lenín- og Stalín gengið ennþá uppi á vegg hjá stjórnmálamönnum, blaðamönnum og rithöfundum sem síðan steyta hnefa uppi á lofti þar sem enginn sér til - nema á fyrsta í maí. Þetta endurspeglast á þeim Stalínstól sem Geir Haarde hefur verið settur í. Og þeir sem voru með honum í ríkisstjórn hafa komið honum þangað.

 

Skítapakk.

Þúsund prósent vextir í evrulandi

 

Grikkland er að verða fyrsta ríkið án óðaverðbólgu sem er útgefandi af ríkisskuldabréfum sem eru svo léleg —sökum evruaðildar landsins— að bjóða þarf fjárfestum 1000 prósent ársávöxtun svo þeir bíti á agnið og láni gríska evruríkinu peninga til nokkurra mánaða. Þessi örvæntingarfulla tilraun Grikklands til að laða smávegis peninga ofan í kassa ríkisins —sem er á leið í gjaldþrot— er að verða svo sorgleg að allt fer nú að geta gerst. Svona er að vera svo kallað evrujaðarland. En það eru öll evrulönd, nema Þýskaland og Frakkland. Þetta er sú framtíðarsýn sem forysta Alþýðusambands Íslands, ásamt kosningasvikaranum á myndinni hér fyrir ofan, vilja búa landi okkar. Hvorugur aðilinn hefur þó sótt neitt umboð fyrir þessu til kjósenda. En þangað eiga a.m.k þingmenn að sækja umboð sitt. Báðir eru umboðlausir og samkvæmir hefðum og siðfræði Evrópusambandssinna.

 

Evruríkið Portúgal fylgir fast á hæla gríska ríksins. Skuldatryggingaálagið á ríkissjóð Portúgals er komið í 1400 punkta á móti 300 punktum á ríkissjóð okkar hér heima. Allt bankakerfi Portúgals hefur nú verið lokað af frá umheiminum í meira en tvö ár. Fjárfestar krefjast rúmlega 17 prósent áhættuþóknunar á ári fyrir að lána þessu evruríki pening í tvö ár og 20 prósent ársvexti þarf þetta evruríki að borga fyrir peninga til fimm ára. Þetta er fjórfalt hærra en krafist er í áhættuþóknun af íslenska ríkinu á alþjóðamörkuðum. Portúgal er eins og bóndi sem þarf að borga fjórfalt hærra verð fyrir áburð, eingöngu vegna slæms félagskapar. Portúgal er ekki treyst því landið á enga mynt. Þetta er evruríki í hnotskurn. Trúverðugleiki, greiðslugeta og lánshæfni þess er því metin til jafns á við rusl.

 

Rússneska ríkisútvarpið

 

RÚV-ríkisstjórnarútvarpið á Íslandi telur nú að hættustigið fyrir alla Íslendninga sé orðið svo alvarlegt, að fréttin um að flóðvarnargarðar flokksforystuhruns Samfylkingarhrunsins gegn grasrót flokksins — og kjósendum almennt — séu við það að bresta, já hún varð að koma á undan fréttinni um þá snjóflóðahættu sem nú vofir yfir Vestfirðingum. RÚV er ESB-samkomuhús sovéskra fréttatíma. Það þagði því fast um sannleikann í dag og bjó til eina korrekt sviðnu myndina af raunveruleikanum í kvöldfréttunum enn. Síðan voru veðurfréttir poopaðar og lagðar út í gúlagaða geymslu sovéska samkomuhússins, þar til fjárrúningar fyrirbærisins höfðu farið fram. Ekkert var því minnst á helstu utanríkismálafrétt dagsins; kröfu ríkisstjórnar Þýskalands til skattheimtu og ríkisfjárnáms í ESB-Grikklandi;

 

Financial Times: The German government wants Greece to cede sovereignty over tax and spending decisions to a eurozone “budget commissioner” to secure a second €130bn bail-out, according to a copy of the proposal obtained by the Financial Times.

 

Í dag, laugardag 28. janúar - Børsen

Í dag, laugardag 28. janúar - Danmarks Radio

Í dag, laugardag 28. janúar -  TV2.DK myndskeið 

Í dag, laugardag 28. janúar - Morgunblaðið

Í dag, laugardag 28. janúar - Sveriges Riksradio

Í dag, laugardag 28. janúar - Norsk rikskringkasting 

Í dag, laugardag 28. janúar - BBC

Í dag, laugardag 28. janúar - Wall Street Journal 

Langtímavextir í evruríkjum

Stækka.

Áminning - Tímaritið Þjóðmál, haustið 2008, þriðja hefti, fjórði árgangur:

"Umræðan á Íslandi er orðin þannig að menn eru farnir á líta á evru sem fyrsta flokks hagstjórnartæki, en ekki sem þá annarsflokks pólitísku lausn sem hún fyrst og fremst er hugsuð á vandamálum meginlands Evrópu.

Þegar Helmut Kohl kom með hattinn í hendinni til að biðja bandamenn um leyfi fyrir sameiningu Þýskalands, sá François Mitterrand samstundis að þarna opnuðust sjaldgæfar dyr til svo að segja að þvinga Þjóðverja með í myntsamstarf. Þjóðverjar höfðu aldrei haft mikinn áhuga á sameiginlegu myntsvæði, því þýska markið hafði reynst þeim vel, svo sameiginleg mynt var þeim aldrei ofarlega í huga.

Öll undirbúningsvinnan við evru var hastverk og lítið sem ekkert var farið eftir skoðunum akademískra hagfræðinga og sérfræðinga á forsendum og skilyrðum fyrir því að svona myntsamstarf gæti heppnast vel. Werneráætlunin frá 1970 var því tekin fram aftur, eftir að hafa verið kistulögð árum saman, stílfærð og sett í framkvæmd. Aðeins eitt land af ellefu uppfyllti öll upptökuskilyrðin þegar ákveðið var hvaða lönd gætu tekið upp evru, nefnilega Lúxemburg, en Werneráætlunin er verk Pierre Werner fyrrverandi forsætisráðherra Lúxemburgar." Lesa alla greinina; Þrífst frelsið í faðmi ESB og evru?

Og nú ræður Þýskaland yfir Evrópu á ný. Þetta tókst! Loksins, loksins er Evrópa fallin!

 

Króatía: já aðeins tekið gilt. Tilgangslaust að mæta á kjörstað

Kosningabúr Evrópusambandsins eru og hafa alltaf verið innréttuð sem pyntingaklefar gegn lýðræði og frelsi. Um tíma leit út fyrir að það kæmi nei út úr meirihluta þess minnihluta Króata sem töldu það ómaksins vert að mæta á kjörstað í svo kölluðu "þjóðaratkvæði" Króatíu um ESB-innlimun landsins á sunnudaginn. Aðeins 44 af hverjum 100 kjósendum greiddu atkvæði.  

Þetta voru ekki góðar fréttir fyrir boðbera sovétlýðræðis Evrópusambandsins. Viðbrögð ríkisstjórnarinnar voru því þau að segja og gefa í skyn að kosið yrði þá bara aftur um sama hlutinn. Afleiðingin í praxís varð sú að tilgangslaust var fyrir Króata að mæta á kjörstað og greiða moskvuatkvæði um það sem hvort sem er aldrei var í boðinu. Því réðu 28 prósent þjóðarinnar örlögum landsins í þessum moskvukosningum Evrópusambandsins. 

Og nú er Ísland að komast í þennan pyntingarklefa ESB, því yfirkommúnistar landsins - eins og alltaf áður - ætla lýðveldi okkar þau örlög að verða lagt niður og sameinað nýju stórríki Evrópu. Áður hét þetta stórríki Sovétríkin, sem um tíma voru ný og girnileg of mörgum fáráðlingum á Íslandi. Nú heitir stórríkið hins vegar Evrópusambandið, og er næstum því glænýtt fyrir nokkuð sömu fáráðlinga landsins og fleiri. Gardínuræður fáráðlinga um gluggatjöld ESB eru því daglega haldnar á Íslandi í dag.

Þöglir Króatar neita þátttöku í sovétríki Evrópusambandsins

Þöglir Króatar neita þátttöku í sovétríki Evrópusambandsins [u]

 

Það verður er þegar fróðlegt að sjá þegar sovétstjórn Evrópusambandsins —sem enginn kaus— fagnar þessum ósigri lýðræðisins í Króatíu í dag, þar sem aðeins 44 af hverjum 100 kjósendum landsins þorðu að mæta á kjöstað til að segja satt um skoðun sína á einkaþátttöku stjórnaraðila landsins í hinum nýju sovétríkjum Evrópusambandsins. Þjóðaratkvæðagreiðslan um ESB aðild Króatíu í dag fór fram í formi einkamála-greiðslugetu stjórnvalda gegn tómum peningakassa og lokaðri hitaveitu hjá andstæðingum þessa skrípaleiks. 

Þegar Ungverjar á svipaðan hátt neituðu að taka þátt í skrípaleik Moskvukosninga Evrópusambandsins árið 2003, þá neituðu 54 prósent þjóðarinnar að taka þátt í þeirri aðför ESB-sinna að nýfengnu lýðræði Ungverjalands. En samt var landinu troðið inn í Evrópusambandið þarna árið 2004. Nú stjórnar Evrópusambandið í Brussel stjórnarskrárgerð Ungverjalands. 

Hversu ömurlegri félagsskap en Evrópusambandið getur nokkurt land fallið í.

Fjögur þúsund dalir andstæðinga ESB-aðildar í Króatíu á móti Brusselgullinu máttu sín lítils gegn milljón dölum þess í dag. Inn á þennan sorphaug lýðræðis og frelsis ætlar ríkisstjórn Jóhönnu Sigurðardóttur, Steingríms J. Sigfússonar og Össurar Skarphéðinssonar að henda íslenska lýðveldinu. Þessi þrenna einkahagsmuna, hugleysis og kosningasvika er einstæð í Íslandssögunni. 

 

Síðustu skoðanakannanir meðal Króata fyrir helgina bentu til þess að 57,2 prósent kjósenda á kjörstað hyggðust segja nei við aðild landsins að ESB. Brusselgullið hefur hér unnið verk sitt vel því 66 af hverjum 100 kjósendum þessa minnihluta þjóðarinnar sem mættu á kjörstað sögðu já í dag. 

 

Um það bil 84 prósent Króata tóku þátt í þjóðaratkvæðagreiðslunni um sjálfstæði Króatíu frá Júgóslavíu árið 1992. Á aðeins tuttugu árum hefur hér með tekist að varpa lýðræði og sjálfstæði Króatíu fyrir róða.

 

Örstuttur tími lýðræðis sem stjórnarformi á meginlandi Evrópu er útrunninn. Evrópusambandið er nú megindrifkraftur öfgasinnaðrar þróunar í löndum meginlandsins á ný. Stjórnmál þess hafa verið þjóðnýtt.

Þeir sem létu ekki kaupa sig með Brusselgulli ESB í dag, segja að ESB-aðild landsins sé ólögleg og að þeir munu aldrei viðurkenna hana. Fræjum ófriðar er hér með sáð. 

 

Þarna datt 28. ríkið ofan í bakpoka Brussels. Gegn vilja þjóðarinnar. Þetta eru hin vel þekktu og gömlu hlandgulu sjörnuvörumerki Össurar, Steingríms J. og jóhönnun veruleikans. Króatar eru hér með upplýstir. Og nú verður aldrei kosið aftur.

 

New York Times; The campaign against European Union membership is being run from a cramped three-room office with no heating. The only visitor before 10 a.m. one recent morning was the landlord asking about the rent. Mr. Bosnjak, the secretary of the Council for Croatia, said the council represented about 25 small groups that together had just $4,000 to $5,000 to spend. (The government said it planned to spend about $800,000 on television spots and a pro-integration information campaign.)

 

Spilling í Króatíu er talin vera minni en á ESB-Ítalíu sem er stofnandi Evrópusambandsins og hefur verið í sambandinu í samfellt 55 ár — og enn minni en í ESB-Grikklandi sem hefur verið 30 ár í Evrópusambandinu og er því á leið í ríkisgjaldþrot — minni en í ESB-Slóvakíu sem hefur verið 8 ár í Evrópusambandinu og er að kafna — og jafnvel enn minni en í ESB-Rúmeníu.

Spilling, óréttlæti, einræði, ánauð, fátækt, atvinnuleysi og glæpir í opinberri stjórnsýlsu sem og öllu samfélagi Króata, mun því aukast hratt við að land þeirra hefur nú verið innlimað í Evrópuspillingarsambandið ESB - sem enginn kaus.

Kosningabúr Evrópusambandsins eru og hafa alltaf verið innréttuð sem pyntingaklefar gegn lýðræði og frelsi.

Seðlabankastjóri stefnir gjaldmiðlara ríkisstjórnarinnar

Már Guðmundsson seðlabankastjóri sættir sig ekki við að búa við það gjald sem gjaldmiðlarinn forsætisráðherra Íslands & Co setja honum. Þetta er alveg hárrétt hugsun hjá seðlabankastjóranum. Enginn frjáls maður með fullu viti vill búa við gjaldmiðil. Það er niðrandi fyrir alla menn. Engin þjóð ætti heldur að búa við gjaldmiðil.

 

Það var og er nú einu sinni svo, að nútímalegur gullfótalaus gjaldmiðill var fundinn upp til að búa við þjóðina og þá sem í henni eru. Ekki öfugt. Og Már Guðmundsson er — sem betur fer fyrir hann — í íslensku þjóðinni. Aðild hans að þjóðinni hefur veitt honum afar dýrmætt frelsi. Þetta frelsi hafa sérstaklega 17 og jafnvel allar 27 þjóðir Evrópusambandsins ekki lengur.

Svona er að búa við gjaldmiðil, herra Már Guðmundsson seðlabankastjóri. Það er einmitt svona. Svona líður 17 þjóðum Evrópusambandsins sem nauðbeygðar búa við sameiginlegan gjaldmiðil sem aldrei var óskað eftir. Einnig þar hefur flest verið svikið. En þær geta bara ekki stefnt neinum, Már, því enginn er ábyrgur fyrir neinu í þessum sovétríkjum Evrópusambandsins. En þangað stefnir þú — ásamt þér hærra launuðum undirmanni — sjálfri fullveldiskrónu íslenska lýðveldisins.

Þessi peningastefna er léttir. Haltu vinsamlegast forsætisráðherra Íslands fastri við loforð sín, Már. Snúðu upp á eyru hennar og settu þumalskrúfur á. Sýndu nú þjóðinni að Seðlabankinn sé ekki orðinn munkaklaustur. En það sýndist mér hann vera orðinn.

Sálarvörn gegn hreinni vinstristjórn

Það var eins og að mér dytti þetta í hug í dag. Spilist oft. Og munið að skrúfa upp fyrir hljóðið. Þá dofna áhrif ríkisstjórnarinnar á sálina. Þetta er eins konar geðlækning. Terapía.

 

 

Og tvær myndir

Fyrir utan ríkir hrein vinstri stjórn, enda sést það vel á okkar manni

 

Hvað sagði ég?

 

 

  

Pumpuverk ESB-Titanic tekið úr sambandi

Mynd GR 2009; S&P downgrades eurozone bail-out fund   

 

Standard & Poor&#39;s (S&P) tók rétt í þessu pípulögn Evrópusambandsins út í sökkvandi evruskipið úr sambandi með því að klippa fyrsta bókstafinn úr sjóhæfnisskírteini hins svo kallaða björgunarsjóðs evruríkja, sem öll eru að sökkva ofan á sjálfan björgunarbátinn. Sjóðurinn hefur hér með misst eitt A af þremur mögulegum í lánshæfni. Hann er ekki lengur það sem hann átti að vera; skuldabréfaútgefandi með traust lánshæfnismat. Bara AA+ stendur eftir og fjara mun hratt undan þeim tveim. Fyrir helgina lækkaði S&P lánshæfniseinkunn 13 evruríkja samtímis. Lækkun S&P á lánshæfniseinkunn sjóðsins í dag staðfestir að þessi björgunarsjóður sé ekkert annað en skottið á evruríkjunum sjálfum, sem þau elta. Hah ha ha hah ha. Þau keppast við að pissa í sameiginlegan skóinn. Enda passaði hann engum.

Þann fyrsta júlí í fyrra skrifaði ég eftirfarandi í athugasemd til bloggvinar míns, Einars Björns Bjarnasonar, um þennan svo kallaða björgunarsjóð evrulanda;

"Þarna í ESB er skalkað og valkað með það sem fólkinu var sagt í byrjun að gæti og mætti ekki gerast.

Reynt er að leggja lag (layer) á milli þess sem fer raunverulega fram og þess sem regluverkið átti að gæta þ.e. að lögunum og að anda laganna væri framfylgt. Þetta er eins konar "intermediate-layer" til að komast framhjá reglum þessi svo kallaði björgunarsjóður. Hann var sagður vera "general purpose vehicle", en allir vita þó fyrir hverja hann er ætlaður.

Átti ekki ESFS-björgunarsjóðurinn að vera AAA-rated fyrirbæri þar sem á bak við liggjandi lönd, með sem flestar AAA eða svipaðar einkunnir, áttu að standa í ábyrgð? Og því gæti sjóðurinn gefið úr AAA-klassa-skuldabréf (govt.backed.bonds) sem markaðurinn væri sólginn í og sem kæmu í stað verðlausra ríkispappíra stakra evrulanda á leið í ríkisgjaldþrot?

Ef þessu (downgrades/lækkun á lánshæfni) heldur svona áfram þá munu skuldabréf EFSF missa AAA einkunnina, eða þá að færri og færri evrulönd geta komið að stuðningi við þennan sjóð og þannig þyngja og þyngja álagið á þau lönd sem enn eru með AAA eða svipaða lánshæfni og sem standa enn á bak við sjóðinn.

Á endanum munu þau öll þurfa lán úr sjóðnum, þ.e. nema þau forði sér úr evrusvælunni.

Þetta er eins og menn sem ætla að koma skipi sínu af strandstað með því að henda vélinni fyrir borð. Eða þá reyna að synda með björgunarbát fullan af fólki í bandi vegna þess að það var ekki pláss fyrir alla, en hoppa síðan um borð þegar hákarl kemur og þá sökkva allir."

 

Fimmtudagur, 30. júní 2011 :Grikkir minnast orða Margaret Thatcher um Evrópusambandið

 

Mbl. í dag: Lækka lánshæfi björgunarsjóðsins