Trump lokar á Evrópusambandið og Schengensvæðið. Loka ber Íslandi [u]

uppfært fimmtudagur, 12. mars 2020 kl. 02:15:01

Útsending: Donald J. Trump forseti Bandaríkjanna og leiðtogi hins frjálsa og siðmenntaða hluta veraldar, ávarpar bandarísku þjóðina og tilkynnir ferðabann á meginland Evrópu til Bandaríkjanna

****

TRUMP LÝSIR YFIR FERÐABANNI FRÁ EVRÓPUSAMBANDINU OG SCHENGEN

Jæja, þar kom að því: Donald J. Trump forseti Bandaríkjanna er loksins búinn að fá nóg af meginlandi taparanna í Evrópu og Schengensvæðinu. Hann lokar á það allt, frá og með föstudag næstkomandi, vegna þess að það er orðið versta pestarbæli jarðar, fyrir utan Kína. Ferðabannið mun í fyrstu gilda næstu 30 daga, en nær þó ekki enn sem komið er yfir vörur. Flest öll Wuhan-veirusmit í Bandaríkjunum má rekja til Evrópusambandsins. Það eina sem vantar upp á er að Trump lýsi því yfir að allt meginland Evrópu sé helvítishola (e. hell hole). En það er jú því miður það sem hægt að segja um Evrópusambandið og Schengensvæðið. Dánarhlutfallið á Ítalíu fór upp fyrir 6,6 prósentur í gær. Nýjum staðfestum Wuhan-veirusmitum fjölgaði um 2313 í landinu, á aðeins 24 tímum. Í gær misstu því 196 Ítalir lífið vegna kínversku Wuhan-veirunnar í sínu eigin landi. Svona hefði þetta bara alls ekki þurft að fara, hefðu stjórnmálamenn sýnt ábyrgð og varið þjóðir sínar eins og frumskyldur þeirra skipa fyrir um. En svikist var um allt og eru því sóttvarnir í steik í Evrópu, eina ferðina enn. Beint ofan í áfallið 2009 sem varir enn, og varð til vegna smita í fjármálakerfum evrunnar

"For­set­inn sagði Evr­ópu hafa séð fleiri til­felli vegna þess að rík­is­stjórn­um hefðu mistek­ist að stöðva ferðir frá Kína, þar sem far­ald­ur­inn hófst. Hann tók einnig fram að bannið gilti ekki um ferðir frá Bretlandi til Banda­ríkj­anna." Mbl

Greinilegt er að bandarískir sérfæðingar og ríkisstjórnin öll hafa litla trú á getu Evrópusambandsins og ríkjum þess til að glíma við áföll og hefta útflæði þeirra, hvort sem að um kínversk Wuhan-veirusmit eða smit í fjármálakerfum er að ræða. Bandaríkjamenn og Ísraelar þekkja manna best getu- og ábyrgðarleysi stjórnmálamanna á meginlandi Evrópu og grípa því til varna. Getan til að glíma við áföll er hvergi til staðar og verður það aldrei á svo gott sem stjórnlausu meginlandi Evrópu, sundurskotnu af tilvist Evrópusambandsins. Þar er því allt á leiðinni til heljar eina ferðina enn. Það eina sem forseti Bandaríkjanna undanskilur frá banninu er Stóra-Bretland

The restriction applies to foreign nationals who have been in the Schengen Area, 26 countries in Europe with open borders agreements, in the last 14 days. - segir Hvíta húsið. Þ.e. ferðabannið nær til þeirra erlendu ríkisborgara sem hafa verið á hinu landamæra-opna Schengensvæði 26 landa á síðustu 14 dögum. Ragnar Arnalds gerði á sínum tíma athugasemdir við sóttvarnarleysi Schengensvæðisins, á Alþingi

Segja má með góðum og gildum rökum að þetta sé yfirlýsing Bandaríkjanna um að Landlæknir,- Sóttvarnarlæknir og ríkisstjórn Íslands séu eins konar Wuhan-veirur, sem hætta lýðheilsu þjóðar sinnar fyrir pólitískt pervert trúarbrögð iðkuð á altari EES- og Schengentrúar. Hvílík vanræksla og vesaldómur!

Nú neyðast Bandaríkin sennilega að fara að huga að því að hnoða saman í nýja Marshallaðstoð handa meginlandi taparana. Ítalía verður líklega efst á neyðarlistanum þar vegna ríkisskuldabombu sem varð til vegna evrueyðni, nema að rústin verði svo stór á meginlandi Evrópu að það taki sig ekki að snerta á henni; með Þýskaland að hálfu hrunið saman, því það er útflutningsháðasta hagkerfi veraldar. Um hver 30 prósent sem útflutningur þess hrynur, fellur landsframleiðslan um 15 prósentur

"While Italy is in lockdown, Germany allows football matches" - skrifaði Wolfgang Münchau á Eurointelligence í gær. Þýðing: á meðan Rómarsáttmálinn brennur er skálað í bunker í Berlín

ESB og EES er orðið firrusvæði með hross fyrir keisara: 1) Angela Merkel sagði í gær að 60-70 prósentur í landi hennar geti smitast og 2) Berlín heldur risastóran fótboltasmitleik á sama degi og 3) Ítalía fær 2313 ný tilfelli og 196 manns missa lífið. 4) Nokkrum klukkustundum síðar lokar Trump á 26 lönd Evrópusambandsins, og á Schengensvæðið allt, og 5) þar með á Ísland líka. Maður sér næstum fyrir sér flugvélarnar stoppa í loftinu yfir miðju Atlantshafinu og fara í þrot, á meðan kjaftakvörnin í ESB-bunkernum lepur í sig Schengensúpuna og lætur sem ekkert sé. Endar þetta kannski með því að Bandaríkin verða að senda sínar eigin flugvélar eftir ríkisborgurum sínum á meginlandi Evrópu? eins og þeir gerðu í Kína? Fólk hefur fram til miðnættis á föstudag til að koma sér heim. Ekkert flugfélag getur gert út á að fljúga bara strönduðum bandarískum ríkisborgurum til baka til Bandaríkjanna?? Íslandi er komið fyrr í sömu vírussúpuskál og Kína og Íran, allt vegna EES og Schengenþvælu bjána og sérfræðiliðs sem er ekki sérfræðingar frekar en var í banka- og fjármálageiranum, heldur kæruleysingjar sem láta tækifærin til að gera hið rétta renna sér úr greipum. Og fyrir hvað? Jú fyrir nokkrar fyrirfram steindauðar hamborgaraétandi túrhestahænur með ferðanjálg. Öllu hætt fyrir ekkert. Allir með heila áttu að vita að að þessu kæmi, fyrst að ekkert var gert varðandi Ítalíu og þar á undan Kína. Markvissar fallítaðgerðir er réttnefni á þetta ESB- og Schengenlið

LOKA BER Á ALMENNT FLUG TIL ÍSLANDS - STRAX

Það er rétt hjá Merkel að 70 prósent geti smitast (sjá frétt Mbl neðst). Þýska dagblaðið Die Welt er því komið með fyrirsögnina:

"Slæmt að vera hræddur, en enn verra er að vera það ekki"

Í dag er það kærulausa fólkið sem tekur þetta mál ekki alvarlega, sem er hve hættulegast lýðheilsu okkar Íslendinga. Í þeim hópi viðrist ríkisstjórn Íslands vera ásamt Landlæknis- og Sóttvarnarlæknisembættunum. Þau áttu að vera búin að leggja til lokun landsins fyrir löngu

Vonandi hlustar enginn á Angelu Merkel í þeim efnum að ekki skuli loka landamærum landa, því þar er hún með leynda dagskrá. Þýska stjórnarskráin bannar henni að loka Þýskalandi. Það eru aðeins sambandsríkin sjálf (ländern) í Þýskalandi sem hafa vald til þess. Og þau stara öll hvort annað í hnakkann og þora ekki að gera neitt af ótta við að eitthvað verði flutt frá þeim yfir í annað sambandsríkið. Þannig neitaði Berlín í gær að banna stóran fótboltaleik og samkomur af ótta við að skipuleggjendur myndu flytja hann og aðra viðburði yfir til nágrannaríkis Brandenburg. Sambandsríkisstjórnin í Berlín og heilbrigðisráðherra Þýskalands leika aðeins samþættingar (e. coordinator) hlutverkið í svona málum. Þýskaland er því svo gott sem stjórn- og varnarlaust í þessu máli, svipað og allt Evrópusambandið-, EES-, og Schengen hefur sýnt sig vera. Okkur hér á Íslandi blæðir fyrir það. Okkur blæðir vegna EES og Schengen

Það er athyglivert að skoða samhengið á milli talna í gagnagrunninum sem allir eru að stara á og sem landakort Wuhan-veirunnar er búið til úr. Til dæmis það að fyrsta dauðsfallið á Ítalíu var ekki skráð fyrr en 21. febrúar. En fyrsta skráða tilfellið af kínversku Wuhan-veirunni á Ítalíu var skráð 31. janúar. Það er ekki fyrr en eftir 21 dag (21. febrúar) að fyrsti sjúklingurinn deyr á Ítalíu og 7-8 dögum síðar byrja dauðsföllin að hrannast upp í þeim hluta Ítalíu sem hefur hinn allra besta hluta heilbrigðiskerfisins, en sem nú þegar er komið á hliðina

Fyrsta skráða tilfellið á Íslandi er 28. febrúar. Fólk mun því sennilega ekki byrja að deyja á Íslandi fyrr en eftir ca. 12-14 daga, frá og með nú. Það tekur tíma að veikjast (incubation) og ganga einkennalaus með veiruna og smita aðra, síðan tekur tíma að liggja veikur, og svo tekur tíma að deyja. Síðan mun áhlaup af stjórnlaust innfluttum Schengen-smitum skella á heilbrigðiskerfinu og leggja það á hliðina. En við það styttist legutíminn, því leguplássið gufar þá því sem næst samstundis upp, og miklu hraðar en hægt er að bæta úr. Við það styttist tíminn milli smits og dauða - og önnur dauðsföll vegna annarra sjúkdóma sem þá er ekki hægt að meðhöndla, byrja að bætast við

Fyrsta tilfellið í Frakklandi er skráð 24. janúar en fyrsta dauðsfallið verður svo þann 15. febrúar, sem bendir til að veiran hafi verið í landinu í að minnsta kosti mánuð. Þetta útskýrir þann mismun sem er á dauðsföllum í Þýskalandi og Frakklandi núna. Frakkland er nokkrum dögum á undan Þýskalandi á tímaásnum. En Ítalía er fyrst á tímaásnum, og náði vegna ESB/EES og Schengen að dreifa veirunni stjórnlaust út til að minnsta kosti 30 annarra landa í Evrópu, þar á meðal til okkar hér á Íslandi

Þeim sem annt er um líf sitt og heilsu –og embætti sín– ættu að lesa það sem Wolfgang Münchau á Eurointelligence skrifaði um Wuhan-veirumálið í Evrópu í gær: Virus math. Og sérstaklega ættu allir að lesa það sem læknirinn Jason Van Schoor í Bretlandi er að koma á framfæri sem neyðarópi og varnaðarorðum frá lækni í Lombardy á Ítalíu. Smellið því á Jason Van Schoor-krækjuna í greinargerð Münchau og lesið hana

Þeir sem eyða allri sinni starfsorku í að vita ekkert og að aðhafast ekkert, ættu ekki að láta leggja sig inn vegna ofþreytu, því ekkert legupláss er til fyrir þá lengur. Bendi ég því fólki á ganga í nýja Veit-ekkert flokkinn (Know-Nothing party)

Fyrri færsla

Wuhan-veiran: Stýrir Evrópusambandið sóttvörnum á Íslandi? Olíuverð hrunið

Segir 70% Þjóðverja geta smitast

Athugasemdir

[Símon Pétur frá Hákoti (IP-tala skráð) 11.3.2020 kl. 18:45]

Það er sjokkerandi að lesa lýsingar þær sem þú vitnar til.

En það er enn meira sjokkerandi að vita af vesældómi ríkisstjórnarinnar.

Og það er vert að nefna að eina landið í Evrópu sem er smitfrítt er landið sem þorði að loka landamærum sínum, Svartfjallaland.

Mikil er ábyrgð fávitanna í ríkisstjórninni hér sem þorðu ekki að loka landinu.

Og þá ábyrgð mun hún þurfa að axla.  Hryllingurinn er, því miður, rétt að byrja.

[Gunnar Rögnvaldsson, 11.3.2020 kl. 20:00]

Þakka þér Símon Pétur.

Það er átakanlegt að lesa það sem ítalski forsætisráðherrann sagði þann 24. febrúar á meðan hann var enn sjálfráða og kínverska veiran hafði ekki enn náð öllum tökum á honum. Þar gat hann enn gert það sem skipt hefði öllu máli, en sem hann neitaði að gera.

Það er einnig hinn fullkomni hryllingur að lesa um fund heilbrigðismálaráðherra ESB-landa þann 25 febrúar. Hvílíkir ábyrgðarleysingjar!:

Þann 25. febrúar síðastliðinn héldu heilbrigðisráðherrar Evrópusambandlanda fund um löngu lenta Wuhan-veiruna á Ítalíu og höfnuðu því að landamærum væri lokað. Þeir höfnuðu einnig öllum takmörkunum á ferðum manna, jafnvel þeim allra mildustu. Þar hélt þýski ráðherrann Jens Spahn því fram að Þýskaland væri "mjög vel í stakk búið" að takast á við veiruna. Komið er í ljós að svo var alls ekki. Þetta skrifaði Wolfgang Munchau þann 26. febrúar úr greiningarfyrirtæki sínu eurointelligence.com | hér

Já lýsingar ítalska læknisins í Lombardy á Ítalíu eru skuggaleg lesning. Af henni verða menn hér á landi að draga réttar ályktanir.

Kveðjur

[Gunnar Rögnvaldsson, 11.3.2020 kl. 21:19]

miðvikudagur, 11. mars 2020 kl. 21:17:21

"Öllum skól­um lokað í Dan­mörku" skrifaði Mbl rétt í þessu.

Nokkrum klukkustundum áður sagði okkar maður; Skóla­lok­an­ir hafi ekki endi­lega mik­il áhrif.

Hlýtur hann því að vera menntaður í Svíþjóð. Það eitt og sér myndi útskýra ansi margt (látum oss drepast, enginn berjist hér). Hlýtur því okkar maður að hringja út og segja Dönum sanningen

[Lárus Ingi Guðmundsson, 11.3.2020 kl. 21:56]

Astæðan f þvi að fyrsta tilfellið a italiu var ekki skrað fyrr en svo seint er bara Vatikanið að reyna að hylja sloðina.. 

Það var nefnil þessi sami einstakkingur sem breyydi veiruna ut i WUHAN og IRAN og for siðan beint til VATIKANSINS I KJOLFARIÐ.

Washington dc er vatkanið og er með sunar virusar rannoknarstofur i GEORGIU. !!!

Það er beint flug fra Georgiu til Wuhan og einungis 45 minutna flug fra georgiu til IRANS !!!

Geirgia er nefnilega Vatikanið.

Landið heitir eftir GEORG sem var einstaklingur sem var tekin i DYRLINGA TOLU kaþolsku kikjunar i gamla daga og landið heitir eftir honum.

Þess vegna er Washington dc með sinar virusar rannoknarstofur þar. DC er vatikanið.

Korona virusinn breyddiat ut a italiu vegna þess að þeir sem að sa um að breiða virusin ut kluðruðu malum og foru til italiu i FAÐM PAFANS  til þess að hvila sig eftir voðaverkin.

Bara vatikanið að reyna hylja sloðina sem er astæðan fyrir þci hversu langur timi leið sem verip er að vitna i grein Gunnars að ofan.

Farið að vakna..

Hcerjir hagnast a hrynjandi hlutabrefa visitolum þjoðamna ??

Svarið er skyrt.. VATIKAN BANK .. eða banki vatikansins sem þa var næstum gjaldmrota i kringum 2000.

Markaðir fara hraðar niður en upp.

Þar af lwiðabdi hægt að taka inn goðan pening ig þa serstakl ef vitað er fyrirfram hvert stefnir. Allir tapa nema fjarmalastofnanir vatikanains sem græðir a ra og fingri a KOSTNAÐ ÞJOÐANNA.

Sama og washington dc gerði i fyrri og seinni heimstyroldinni. !!

Korona er nednil vatikanið.

Kv

Lig

Ps .. megi hin islenski hugar villu virus vikja fyrirÞeim kinverska þ sem hugarvillu virusar geta verið jafn hættul hinum og hin mesti skaðvaldur.

[Húsari. (IP-tala skráð) 12.3.2020 kl. 11:31]

Sæll Gunnar.

Spyr sjálfan mig: Hvert er Stóra planið
gagnvart hópum sem "minna mega sín"?

Les þennan paragraf í þessu lesmáli:

"Fyrsta skráða tilfellið...byrja að bætast við."

Viðurkenni að ég sé þetta nákvæmlega þannig og
skil því engan veginn hvernig færð verða rök
fyrir annarri niðurstöðu en hlusta gjarna á þau, -
ef þau koma fram.

Að öðru leyti held ég mig við skyndifrétt frá fyrri
tíð: Nú er Ingibjörg frá Þinvöllum dauð(!)

(vísað er til 82. erindis Sólarljóða, kristinna helgikvæða frá
12. öld, - orðalagið samkvæmt þeim og þótti eðlilegt)

[Símon Pétur frá Hákoti (IP-tala skráð) 12.3.2020 kl. 11:43]

Og hvernig bregst svo Brussel-Gulli við?

Hann gefur fingurinn í bandarísk stjórnvöld 

og aflýsir Norðurvíkingi, tvíhliða varnaræfingu

Íslands og Bandaríkjanna.

Enn og aftur skal ég ítreka það að

"Sjálfstæðisflokkurinn" er

helsti ESB flokkur landsins.

Það sanna viðbrögð Brussel-Gulla

við eðlilegum ráðstöfunum bandarískra stjórnvalda 

á tímum kórónaveirunnar.

Það að hann aflýsi

tvíhliða samningi við Bandaríkin

segir allt um það á hvers vegum

Brussel-Gulli og öll forysta Engeyjarflokksins er.

[Símon Pétur frá Hákoti (IP-tala skráð) 12.3.2020 kl. 12:05]

Skilaboð bandarískra stjórnvalda

eru að sama skapi skýr:

Ísland er hluti af Schengen svæðinu.

Meðan svo er, gilda um Ísland sömu reglur

og önnur Schengen ríki.

Við þessum einföldu og rökréttu skilaboðum

bandarískra yfirvalda tryllist Brussel-Gulli.

Það ber brýna nauðsyn að losa þjóðina við þessa

idjóta sem flokkurinn hefur valið til forystu.

[Gunnar Rögnvaldsson, 12.3.2020 kl. 12:05]

Takk fyrir þetta Símon Pétur.

Ertu kannski að tala um Icesave-setulið forystu Sjálfstæðisflokksins ofan á Íslandi, Símon Pétur? Og kannski um Þórdísi Kolbrúnu ráðherra, sem mestar áhyggjur hafði af því að ekki væri hægt að sturta nógu miklu af kínverskum veirum yfir íslenskan almenning, tveimur dögum eftir að Trump bannaði þeim landgöngu í Bandaríkin. Ertu nokkuð að tala um það fyrir-fólk á annarri plánetu?

Guðlaugur Þór hefur engan fingur til að gefa neinum. Þeir eru allir í klemmu undir kínversku millistéttinni sem hrundi ofan á hann og raðbilaðan Bjarna Benediktsson, sem hunsaði vinsamleg tilmæli Bandaríkjanna, mesta og eina bandamanns okkar, um að taka sér ekki sæti við AIIB-imperíal veiruborð Kínverska kommúnistaflokksins

Það þyrfti að rannsaka tengsl forystu Sjálfstæðisflokksins, og ef til vill einnig annarra stjórnmálaflokka, við Kínverska kommúnistaflokkinn, þar sem Bjarni Benediktsson situr nú í bankaráði.

Þetta Bé-dæmi er vægast sagt farið að líta svikráðalega út.

Kveðjur

[Símon Pétur frá Hákoti (IP-tala skráð) 12.3.2020 kl. 12:32]

Sæll Gunnar og þakka þér miklu fremur fyrir pistlana og kraftmiklar athugasemdir.

Já, ég er einnig með það í huga sem þú nefnir í svari þínu til mín.

Og ég tek heils hugar undir það að enn höggvi forysta "Sjálfstæðisflokksins" í þann sama knérunn að hunsa vinsamleg tilmæli bandarískra stjórnvalda, sem varðaði stofnfjáraðild Bjarna Ben í kínverska innviðabankanum, kenndan við belti þeirra og braut.

Nú er tími til kominn að íslenskir sjálfstæðismenn íhugi alvarlega hvað þeir hafa kosið yfir sig.

[Sigfús Ómar Höskuldsson, 12.3.2020 kl. 12:33]

Þegar hatrið nær yfirhöndinn gegn skynsemi og rökumræðu, þá setjast menn niður og ranta svona pistil.

Og fá svo hossun frá hinum.

Sem betur fer agnarsmá hópur sem reynir, alltaf, að mæta með læti.

Þeim svíður sem undir mígur.

[Símon Pétur frá Hákoti (IP-tala skráð) 12.3.2020 kl. 12:52]

Jæja, þá er Sigfús mættur, fulltrúi Samfylkingarinnar og klappliðs Bjarna AIIBen, Brussel-Gulla og Reykássættarinnar.

Það er öllum augljóst hversvegna, enda ætlar Samfylkingin að koma sér í mjúkinn hjá hinni fyrrgreindu fylkingu.  

Nú ertu heldur betur, Gunnar, búinn að svæla rakkana fram,reyndar bara kallgreyið hann Sigfús.

[Gunnar Rögnvaldsson, 12.3.2020 kl. 22:15]

fimmtudagur, 12. mars 2020 kl. 22:14:27

Ég vona að þeir sem síðustu 30 ár hafa sagt að Bandaríkin skipti ekki lengur máli í heiminum, hafi fengið smá reality check eða jarðsamband við plánetuna sína í dag. Ef ekki, þá er því fólki varla viðbjargandi úr þessu.

[Sigfús Ómar Höskuldsson, 13.3.2020 kl. 11:57]

Hvernig er það Símon, ekkert þreyttur í höndunum af öllu þessu hosserií ?

Það má vera að ág hafi það gott í mínum ágæta flokki.

Á meðan eru hér "Internetsérfræðingar" sem vita allt, aðallega eftir á.

Hitt er svo augljóst, sem Trúðaaðdáendurnir hér á Blogginnu sjá ekki, kunna ekki  og vilja ekki að sjá að Trump þarf nú öll trixin í bókinn til að nálagst endurkjör. Ef það þýðir að sýnast í augum Breta til að neyða inn á þá staðkvæmdavörur fyrir betri vörur sem búnar eru til í Evrópu í gegnum viðskiptasamning, þá þetta aðferðin.

Það aanna er að Trump mun ekki loka á það land þar sem hann hefur persónulega tekjur af því að selja Bandaríska Ríkinu þjónustu af sinum eigin hótelum, resortum og golfvöllum. 

Það er hið augljósa sem hossarar og aðdéendur Trúðsins sjá ekki.

Því er betra að pissa úti.

Ekkert að skána í höndunum Símon ?