Danir senda aðvörun til glæpstarfsmanna. Örvæntingin innan ESB magnast

Mynd; Arne List

 

Danskir tollverðir snúna aftur til starfa við landamæri Danmerkur. Öflugt merki er þar með sent til evrópskrar glæpastarfsemi. 

 

Þarna, á þessari nokkuð eldri mynd, blakta við hún fimm fánar Norðurlanda. Danskri fánalöggjöf er að sjálfsögðu fylgt til hlítar, en hún skipar svo fyrir að þjóðfáni Danmerkur sé ávalt við hærri hún ef fánum annarra þjóða er flaggað samtímis. Hve lengi Danir geta haldið í fánalöggjöf sína innan vaxandi valda hinnar nýju stjórnarskrár ráðstjórnar Evrópusambandsins sem enginn kaus, er aðeins spurning um tíma.

 

Í dag blakta engir fánar Norðurlanda þarna við hún. Sjálfur þjóðfáni Dana fór einnig um leið og danska lögreglan yfirgaf landamærin og stálskilti Evrópusambandsins var sett þar upp í stað hennar og þjóðfánans. Að halda uppi þjóðfána krefst fullveldis.

 

Danir, sem á sínum tíma gengu aðeins í EF, hafa loksins gefist upp á ESB-alglæpavæðingu ráðstjórnar Brusselveldisins í Evrópu, og stillt táknrænt upp tollvörðum við landamæri þessa gamla konungsríkis. Fyrir þetta fá þeir að launum skammir, hótanir og efnahagslegar hryðjuverkaárásir frá opinberum ráðherrum í m.a. Þýskalandi, þar sem Þjóðverjar eru hvattir til að hætta að kaupa danskar vörur og fara til Danmerkur í sumafrí. Já, hótanir frá ráðherrum í landinu sem hefur sprengt myntbandalag Evrópusambandsins í loft upp með 12 ára samfelldri innvortis gengisfellingu Þýskalands í kapphlaupi evrulanda niður á botn samfélaga heimsins. Þetta getur Þýskaland gert því hin löndin eru orðin algerlega varnalaus. Þau hafa glatað öllu fullveldi sínu í mynt- peninga- og vaxtamálum og eru varanlega fastlæst í gengis- og gjaldmiðilshandjárnum við hið deyjandi Þýskaland. Ef ekkert verður að gert mun Þýskaland toga þau með sér ofan í líkkistuna. Þannig virka evru-handjárn myntbandalags Evrópusambandsins 

Segja má að landamæraaðgerðir Dana séu ógnvekjandi merki um örvæntingarfulla aðstöðu smáríkis innan Evrópusambandsins. Danir hafa einnig komist að því að á skattafjármögnuðum háskólabekkjum landsins sitja nú 6.153 ESB-útlendingar og þiggja þar ókeypis menntun sem danskir skattgreiðendur eru skyldugir að veita þeim ókeypis. Þessi tala var 1.633 manns árið 2005 og hækkaði hlutfall ESB-útlendinga um 41 prósent á milli áranna 2009 til 2010. Af þessum 6.153 námsmönnum koma 3.800 frá Austur-Evrópu. Aðeins fimmtíu Danir sóttu menntun í Austur-Evrópu á sama tíma. Evrópusambandið skipar Dönum svo fyrir að þeir séu skyldugir að veita öllum Evrópusambandsborgurum ókeypis menntun svo lengi sem Danir sjálfir þurfa ekki að greiða sérstaklega fyrir þessa menntun sína heima í Danmörku. Allir sjá að hér er vegið að danska samfélaginu — sem stundum var kennt við norræna velferð áður en Evrópusambandið tók landið yfir — og danskir skattgreiðendur munu ekki halda til þessarar misnotkunar á skattgreiðslum þeirra sem í upphafi áttu að vera eyrnamerktar Dönum.  

Því miður geta Danir ekki stöðvað útflutning á vinnustöðum Danmerkur suður yfir landamærin. Þangað er stærsti hluti sláturhúsa og eftirvinnslu í dönskum landbúnaði og matvælaiðnaði fluttur, því þar eru tímalaunin aðeins brot af því sem þau eru í Danmörku. Í Þýskalandi vinnur aðeins áttundi hver Þjóðverji fulla vinnuviku og sem þar telst vera 35-38 tímar. Allir hinir vinna mun færri tíma á viku hverri því atvinna er og hefur verið þar af svo skornum skammti síðastliðin 30 ár, því Þýskaland er að deyja sem samfélag. Þar lifir fimmti hver vinnandi maður í fullri vinnu í fátækt og örbyrgð. Launin eru horfin. Engin kauphækkun hefur átt sér stað í samfleytt 13 ár í Þýskalandi. Svona er gengi þýska hagkerfisins gagnvart umheiminum stanslaust lækkað innan frá. Með lækkun launa og kostnaðar.  

Í Danmörku hefur þetta meðal annars þýtt að 65 prósent af tekjum bænda verða að koma frá opinberum styrkjum. Þetta hlutfall hefur farið síversnandi síðustu 20 árin. Fjórði hver danskur bóndi er á leiðinni í gjaldþrot og danskir bændur skulda að meðaltali sem svarar til 700 milljónum íslenskra króna hver. Heilu landshlutar Danmerkur eru komnir inn í vítahring örrar hnignunar því hið sterka samfélagslega hlutverk dansks landbúnaðar er að visna svo hratt. Hann er að þrotum kominn eftir öll mörgu mögru árin í Evrópusambandinu og í handjárnunum við hið deyjandi Þýskaland og nú einnig alla hina dauðvona Austur-Evrópu. Ástandið er orðið svo slæmt í dönskum landbúnaði að hver bóndi sem hefur búskap í dag þyrfti að hafa eitt þúsund mjólkurkýr eða 30 þúsund svín til að reksturinn gangi upp aðeins nokkur ár inn í framtíð hans í Evrópusambandinu. Þetta er sú framtíðarsýn sem blasir við bændum í Danmörku. Helmingur alls jarðnæðis Danmerkur þyrfti að komast á hendur aðeins 7 þúsund svo kallaðra iðnaðarbændabýla innan fárra ára. Árið 1988 voru 85 þúsund bændabýli í Danmörku. Tuttugu árum síðar, eða árið 2008, er þessi tala komin niður í 19 þúsund býli og það kostar bóndann um miljarð ISK í dag að hefja búskap. Nýliðun er því sáralítil. Matvæli fyrir neytendur og utan að komandi í Danmörku eru orðin þau allra dýrustu í Evrópusambandinu.

 

Bráðum þarf ekkert landbúnaðarráðuneyti í Danmörku. Því hvernig ættu stjórnvöld að fara að því að afsaka fyrir kjósendum heilt ráðuneyti yfir einum bónda? Það er hvort sem er komið varanlega niður til Brussels. Alveg eins og sjávarútveginn, það steindauða fyrirbæri þar.

 

Ef Danmörk á að lifa af í Evrópusambandinu þá þarf landið að koma sér niður á Austur-Evrópsk lífsskilyrði og lífsgæði hraðrar en í gær. Danmörk verður í eitt skipti fyrir öll að horfast í augu sannleikann og gleyma öllu um eitthvað sem líkist norrænni velferð. Það gekk í Evrópusambandið, lagði niður fullveldið í peningamálum sem og öðrum málum, og verður að horfast í augu við þá óumbreytanlegu staðreynd. Það kostar að ganga í ESB og leggja niður fullveldið.

Á síðasta ári fundust í Svíþjóð fangabúðir úti í skógi fullar af innfluttu fólki sem notað er sem þrælar til ýmissa starfa innan landamæra Evrópusambandsins. Alveg án matar og þar sem fólkið neyddist til að draga fram lífið á soðnu grasi og krákum sem það reyndi að skjóta sér í matinn með teygjubyssum og spjótum. Þetta var aðeins eitt af þeim mýmörgu tilfellum sem sænsk verkalýðsfélög og lögregla hafa þurft að hafa afskipti af á einu ári. Þetta er hamingjan í Evrópusambandinu. Bjöllur Brussels hringa þar inn hinum gulbláu nýju Sovétríkjum Evrópu.

 

Ísland yrði kjörið sem landsvæði fyrir fanganýlendu Evrópusambandsins. Hún yrði mikil nýsköpun og massíft atvinnutækifæri: að fá evrópsku mafíurnar beint í æð Íslendinga. Hægt væri að setja þetta mál í farveg og allir gætu komið að því — nema kjósendur auðvitað — alveg eins og með ESB-umsóknina og flest sem gert er í Evrópusambandinu.

 

In seiner „Weltkarte der Terrorgefahren 2011“ stuft Aon das Risiko für eine „Revolution, einen Staatsstreich oder einen Bürgerkrieg“ als „hoch“ ein. Griechenland liegt damit gleichauf mit Algerien, Bahrain und Iran. Schlechter sind nur Libyen, Ägypten und Somalia eingestuft  

 

Hlutabréf í kerfislega mikilvægustu fjármálastofnun  Ítalíu, UniCredit, lækkuðu um smá 20 prósent í síðustu viku (7,5 prósent fall bættist svo við í dag mánudag). Og nú meta alþjóðlegir miðlarar trygginga og matsmenn áhættuvirkni að hættan á borgarastyrjöld, valdaráni eða byltingu í evruríkinu Grikklandi sé "há" (high) og hærri en í Alsír, Bahrain og Íran. Seðlabanki Evrópusambandsins lýsir hér með eftir sérfræðilegri skyndihjálp handa sjálfum sér vegna komandi ríkisgjaldþrots Grikklands og ef til vill fleiri evruríkja. Skyldi hann einnig vera á leiðinni í gjaldþrot? 

 

Borgarastyrjöld í myntbandalagi Evrópusambandsins? Já, þetta er alveg að takast hjá veruleikafirrtri elítu Evrópusambandsins. Stöðugleikanum fræga er hringt inn í myntbandalagi ESB.

 

Þetta voru ekki fréttir úr DDRÚV 

 

Krækjur

 

Stöðugleiki: Toldkontrol vedtaget i Folketinget

Stöðugleiki: Stor vækst i studerende fra nye EU-lande 

Stöðugleiki: Sverige: Kriminelle bag slavearbejde

Stöðugleiki; Slavearbejde i vor tid (PDF) 

Stöðugleiki: Samfylktir fátæklingar Evrópusambandsins 

Stöðugleiki: Mikil aukning í fátækt í Þýskalandi - 11,5 milljón manns nú fátækir

Stöðugleiki: ESB er 84 milljón fátæklingar og 22 milljón atvinnuleysingjar 

 

 

Fyrri færsla

 

Verstu lánskjör heimsins eru í myntbandalagi Evrópusambandsins

Athugasemdir

[Björn Emilsson, 11.7.2011 kl. 02:57]

Gunnar, eru ekki flest fyrirtæki og stofnanir komnar í eigu útlendinga? Svo sem járnbrautirnar, Kastrup flugvöllur, dagblöðin og fl. Fróðlegt væri fyrir ESB sinnana að sjá hvað gengur á.

[Valdimar Samúelsson, 11.7.2011 kl. 08:10]

Uff Þetta er sorgleg grein og líklega sönn og sannara en margur trúir. Ég vona að Danir verði fyrstir til að brjótast úr viðjum ESB. Ég segi að sameinast ESB er eins og að vera fastur í kóngulóavef. Þú losnar aldrei undan þeim.

[Jón Ásgeir Bjarnason, 11.7.2011 kl. 10:22]

Það er kanski hægt að sleppa úr þeim kongolóarvef krata. 

En þá þarf í það minsta að slíta lappirnar af.

[Vendetta, 11.7.2011 kl. 12:14]

Sumt af þessu hef ég sjálfur minnzt á í athugasemdum, bæði gjaldþrot danskra bænda, uppkaup fjársterkra erlendra aðila innan ESB á dönskum fyrirtækjum (með eftirfylgjandi hópuppsögnum) og landamæravörzluna.

Það er ánægjulegt, að þú skrifar svona ýtarlega um þetta og setur inn tölfræði og tilvísanir, þannig að þetta verður óhrekjandi fyrir ESB-sinnana.

Ég vil nefna, að ég tók sjálfur þátt í mótmælaaðgerðum ásamt tugum annarra gegn opnun landamæranna við síðustu aldamót. Það vissu allir þá, að glæpamenn og ólöglegir innflytjendur myndu streyma yfir landamærin, en sumir (kratarnir) völdu að loka augunum, enda réttlætir flokkssöngurinn þeirra, Internationalen galopnun allra landamæra og velferðarkerfa. Þess ber að geta, að árið 2010 voru gefnar út ekki færri en 6029 ákærur í DK gegn A-Evrópubúum, skv. upplýsingum frá DR1.    

Einnig hef ég nefnt um hvernig skipasmíðastöðvum innan EBE (t.d. Nakskov í Danmörku) var lokað vegna fjárhagsörðugleika sem stöfuðu frá samkeppni frá löndum utan EBE/ESB. Nema auðvitað skipasmíðastöðvar í austanverðu Þýzkalandi, sem fengu ólöglegan ríkisstyrk frá Berlín á tíunda áratugnum.  Ríkisstyrkir til iðnaðarfyrirtækja var stranglega bannaður í öllum aðildarríkjum, en Þjóðverjar vaða uppi og gera nákvæmlega það sem þeim sýnist, eins og hin aðildarríkin væru hluti af Stór-Þyzkalandi.

Á fréttavefjum eins og BBC hefur verið skrifað um hvernig Þjóðverjar hafa aðvarað Dani við því að taka upp landamæravörzlu, beinlínis skammað þá eins og óvita. En það gleymist alltaf að skrifa, að ekki færri en sex önnur Schengen-ríki eru með landamæravörzlu við ein eða fleiri innri landamæri ESB, þar á meðal Þýzkaland skv. þessum upplýsingum í Jyllands-Posten. Hræsnin í þessum andsk... Þjóðverjum er ekki við eina spýtuna bundin.

[Haraldur Hansson, 11.7.2011 kl. 12:45]

Og nú eru Pólverjar komnir í þýsk-brusselska kórinn og farnir að skamma Dani fyrir að verjast ólöglegum innflutningni eins og þeir telja sig þurfa.

[Gunnar Rögnvaldsson, 11.7.2011 kl. 17:56]

Þakka ykkur fyrir innlitið og góða kommenta 

Björn Emilsson

Reyndar hefur Ísland fengið mun meira samanlagt af erlendum fjárfestingum inn í landið en Danmörk hefur fengið (sem hlutfall af landsframleiðslu). Þetta bendir Dansk Industri á í nýlegri skýrslu sinni (sjá mynd). Erlendar fjárfestingar eru fínar ef þær eru einlægar og heiðarlegar. Margir Íslendingar eiga t.d. hlut í Alcoa sem er opið almenningshlutafélag.

Danir og Bandaríkjamenn voru fyrir rússnensku byltinguna 1918 komnir vel á veg með fjárfestingar í landbúnaði i Úkraínu. En svo komu byltingin og eyðilagði landið. Það þarf ekkert ESB til að koma fjárfestingum á frá erlendum fjárfestum. Að segja að svo sé eru hreinir lygar. 

Ef SÍS hefði verið erlent félag þá hefði kannski verðið hægt að reka það úr landi á sínum tíma.

[Gunnar Rögnvaldsson, 11.7.2011 kl. 18:06]

Athugið vinsamlegast

En að reka fyrirtæki úr landi krefst fullveldis og sjálfstæðis. Þ.e.a.s krefst húsbóndavalds

[Gunnar Rögnvaldsson, 11.7.2011 kl. 18:29]

Athuguð einnig:

að beinar fjárfestingar erlendra aðila eru annað en óbeinar fjárfestingar erlendra aðila. Ef þú kaupir hlut í Alcoa sem er skráð á New York Stock Exchange þá er það óbein fjárfesting þín. Þarna er mikill munur á. Myndin sýnir aðeins beinar fjárfestingar fyrirtækja.

[Haraldur Baldursson, 11.7.2011 kl. 19:27]

Afskaplega glögg lýsing.

Ég er staddur í vinnuferð í Noregi og í þeirri verksmiðju sem ég er í, eru nokkrir þjóðverjar. Iðnaðarmenn sem ekki fá vinnu í sínu heimalandi. Þar eru líka danir á ferð.

Þetta með þjóðverjana kom mér mikið á óvart, en þeir sögðust hreinlega ekki ná að afla fyrir fjölskylduna. Það endurspeglar ekki heilbrigt hagkerfi. Atvinnuleysið er svo erfitt þjóðfélagsböl og fer svo gríðarlega illa með þá einstaklinga sem í því lenda að ég hreinlega skil ekki þá ESB sinna sem neita að taka umræðuna á málefnanlegum grunni.

ESB framtíð okkar hlýtur að liggja annars staðar

[Haraldur Baldursson, 11.7.2011 kl. 19:28]

Og varðandi Ítalíu...ef það er einhver sem hefur haldið þessari verðandi vá á lofti í umræðunni, þá ert það þú Gunnar. Hafðu þakkir fyrir þína baráttu.

[Gunnar Rögnvaldsson, 11.7.2011 kl. 19:53]

Mikið gaman að heyra frá þér í Noregi Haraldur. Hafðu sjálfur þökk. 

Gangi þér vel

[Gunnar Rögnvaldsson, 11.7.2011 kl. 21:07]

Að kvöldi dags

Eurocrashing [updated]

Munið; stöðugleikinn!