Þýskalandsvæðing Evrópu og Öxulveldi sníkjudýra

Fáir efast lengur. Verið er að Þýskalandsvæða Evrópu með ofbeldi í gegnum myntbandalag Evrópusambandsins. Þýskaland þeysir um Evrópu eina ferðina enn og lemur heimsálfuna til hlýðni og niðurskurðar þegar hið algerlega öndverða ætti að eiga sér stað. Þýskaland heilaþvær stjórnmálastéttina sem nýlega komst í hrunfeitt og fitnar nú á ný a la 1970 á kostnað þeirra sem greiða þeim launin. Tími fáráðlinga stjórnmálastéttarinnar er kominn aftur. Og þá þurfti myntbandalag Evrópukrata endilega að hrynja - eins og spáð hafði verið, en enginn hlustaði - og þetta fyrirbæri þolir því miður ekki viðurkennd og prófuð verkfæri úr kistum John Maynard Keynes og klassískrar hagfræði.

Heilaþvottaefni Þýskalands er gamalt bras á dósum og heitir merkantílismi (kaupauðgisstefna). Hún gengur í megin dráttum út á að flytja út vörur til annarra pláneta og að fá alla Evrópu til að gera hið sama. Útflutningurinn verður að enda á öðrum plánetum því öll Evrópa, Kína og öll Asía ætla að auðgast svo mikið á kostnað annarra landa. Saman ætla þau öll að flytja út sínar vörur, en ekki kaupa neitt utan frá af neinum öðrum. Þetta eru sníkjudýr heimsins. Eftirspurn heima fyrir í löndum þessum hefur verið eyðilögð af miðalda hagfræði stjórnmálastéttar Evrópu, áætlunarbúskap, mauraverkfræði og kommúnisma. 

Seðlabanki Evrópusambandsins er afskræming sem byggir undir þennan sjúkdóm. Hann er það versta sem gat komið fyrir Evrópu á friðartímum. Honum mun framtíðin ekkert þakka. Hann er að verða enn verri en fyrirmyndin þ.e.a.s sá klumpfótur af málmrusli sem kom haltrandi út úr verksmiðju manna með einglyrni, pípuhatta, annað heilahvelið gegnsósa, en hitt nýlendudautt; gullfótarfábjánar heimsins nefnast þeir. Útdauðir heilahvalir meginlands Evrópu ganga nú aftur. 

Svo illa er komið fyrir heiminum núna að eini stóri seðlabanki heimsins sem sýnir samfélaginu ábyrgð á krepputímum massífs atvinnuleysis og í brotthvarfi hagvaxtar, er seðlabanki Bandaríkjanna undir stjórn Ben S. Bernanke.

 

Gerald Epstein orðar þetta vel; "Undarlegir hlutir gerðust á leið leiðtoga heimsins á G-20 ráðstefnuna sem haldin var í síðustu viku. Álit heims-elítunnar hefur snúist gegn aðgerðum seðlabanka Bandaríkjanna (QE2 prógrammið). En þessi seðlabanki er eina meiriháttar stefnumarkandi efnahagsstofnun heimsins sem hefur sett í verk aðgerðir samkvæmt kreppu-forskriftum John Maynard Keynes. Þarna er staðið andspænis massaatvinnuleysi í stærstum hluta hins þróaða heims, en ekkert er gert, nema í Bandaríkjunum. Gagnrýni elítunnar fær undirtektir á hinum furðulegustu stöðum og jafnvel hjá framsæknum hagfræðingum. Á meðan fær merkantílista-stefna Þýskalands og Kína ókeypis flugfar og sendiboðar með hálm í heila stað fá að hrópa og æra alla með skilaboðunum um "að ríkin hafi ekki efni á neinum [Keynesian] aðgerðum því allir skulda svo mikið".   

Poul Krugman slær botninn vel í þetta; "staða heimsins er ekki flóknari en svo að við erum í miðju skulda-hjöðnunarferli, þar sem þeir sem skuldsettu sig mikið eru að greiða upp gamlar skuldir. Vatnaskil kreppunnar þvingar stórskuldara til að greiða skuldir sínar hratt. En á meðan verður einhver að muna eftir því að sú horfna eftirspurn sem þessir skuldarar bjuggu til í hagkerfunum á meðan þeir gíruðu upp skuldir sínar, verður einhver að bæta upp, því annars fellur allur heimurinn niður í verðhjöðnun" - þ.e.a.s ofan í djúpan skít.

Það er einmitt þetta sem seðlabanki Bandaríkjanna veit. Því framkvæmir hann samkvæmt þekkingu sinni. Það er ansi hart, eftir að hafa komið heiminum nokkrum sinnum til helvítis, að Evrópumenni meginlandsins skuli ennþá ekkert hafa lært af sögunni, annað en að saga alltaf undan sér tilveruna og þursast áfram á kostnað annarra. Svona er að hafa gerviseðlabanka og gervimynt. Trabant seðlabankanna er ECB.

 

Evrópusambands-handjárnuð ríkisstjórn Jóhönnu ESB Sigurðardóttur hefur keypt sér þýskan Trabant. Honum er ekið af yfirfáráðlingi Íslands; Steingrími AGS Sigfússyni í djúpum skít. Þar sitjum við öll föst. 

Krækjur; Axis Of Deflation - Europe stumbles blindly towards its 1931 moment 

 

Tengt efni

• Fræðandi "ráðhúsfundur" með formanni bankaráðs seðlabanka Bandaríkjanna, Ben S. Bernanke og kennurum í framhaldsskólum
• Evru-Írland; allur tekjuskattur næstu 7 ára fer í bankabjörgun
• Er ég geðbilaður? Verndað viðtal við fjármálaráðherra 

 

Fyrri færsla

 

Af hverju er Evrópusambandið orðið kirkjugarður?

Athugasemdir

[Guðmundur Jónsson, 15.11.2010 kl. 08:25]

Sorglega sönn grein hjá þér Gunnar.

Og takk enn og aftur fyrir alla gagnvinnuna.

[Halldór Jónsson, 15.11.2010 kl. 08:48]

"Evrópusambands-handjárnuð ríkisstjórn Jóhönnu ESB Sigurðardóttur hefur keypt sér þýskan Trabant. Honum er ekið af yfirfáráðlingi Íslands; Steingrími AGS Sigfússyni í djúpum skít. Þar sitjum við öll föst."

Þetta er rétt orðað og djarflega mælt að mínu viti Gunnar. Ísland er að sökkva í kviksyndi heimsku kommahagfræðinnar og landsöluhugmynda kratanna sem er auðvitað sama hlandið á annari könnu. Sé því svo hellt saman sem læknislyfi verður útkoman eitruð inntaka fyrir heila þjóð og ríður henni að fullu ef hún ber ekki gæfu til að stoppa þessa afglapa.

[Konráð (IP-tala skráð) 15.11.2010 kl. 16:34]

Óttalegt bull er þetta hjá þér Gunnar og ekki eru athugasemdirnar skárri. Þröngsýnin og afturhaldssemin ráðandi., því miður..

[Halldór Jónsson, 16.11.2010 kl. 17:20]

Ekki að undra að kommatittir skilji mikið á þessum síðum hans Gunnars. Íslands óhamingju verður..etc.

[Júlíus Björnsson, 16.11.2010 kl. 22:52]

Íslendingar því miður hafa þann galla að skoða alla hluti í frá Íslandi sem nafla heimsins.

Hinsvegar til að skilja hlutina í sem víðustu samhengi er best að skoða hlutina frá sólunni. Eins og toppur mannfólksins á jörðunni gerir.

Umboð hæfs meirihluta valdahafa Evrópsku Sameiningarinnar [í utanríkja stefnu m.a.] hefur tæknilegt alsherjarvald [þvingunarvald líka] til að gera markmið milliríkjan saminganna raunveruleg.

Hans aðal hagstjórnartól eru Evrópski Seðlabankinn og allir þjóðar Seðlabankaranir sem heyra undir hans stefnu ásamt Fjárfestingar banka EU og hans hyski, einnig er heildarhlutur EU í AGS um helmingi stærri en USA í dag.

 Það er ekki leyndamál að Seðlabanki  Evrópsku Sameiningarinnar sér um að stilla gengi evru við aðra gjaldmilða.

Samt eru hér á Íslandi endlausar umræður um að króna geti flotið [látið stillast af 80% eftirpurn frá Seðlabanka EU] og lútið lögmálum frjáls markaðar.

Meningararfleið EU er alls ekki frelsi frumskógarins heldur frelsi innan vel skipulagðra og agðara stofnanna og laga ramma.

Það er hægt að kenna fáfróðum Íslendingum ýmislegt þótt það standist ekki í raunveruleikanum.

Almenningur á meginlandi Evrópu hefur aldrei trúað því að hlutirnir reddist bara af sjálfum sér, hinsvegar trúir hann á áframhaldandi  stefnu festu sinnar éltíu. 

Það er komið fram að Evróska Sameiningin er að skiptast upp í Meðlimríkja blokkir [5,6 ríki] nokkur veginn eftirlegu.

Allt þetta þykir mjög eðlilegt séð frá mínu fólki á meginlandi Evrópu, þótt, ákveðið lið Íslendinga sem hugsar alls ekki EU kalli sig ESB sinna. 

Þjóðverjar eru snillingar í að búa til áróður sem sauðirnir falla fyrir, Frakkar engir eftirbátar.