Stál- og Kolabandalagið árið 2010

Evrópusambandsleysið. 

Hér höfum við fyrirbæri sem í byrjun átti að heita efnahagsbandalag. Þetta fyrirbæri byrjaði sem símalína á milli Frakklands og Þýskalands með Stál- og Kolabandalaginu stuttu eftir hina evrópsku heimsstyrjöld númer tvö. Stórmenni Evrópu hafa áður skaffað okkur, a) nýlenduvæðingu heimsins, b) tvær heimsstyrjaldir, c) hátæknivæddar útrýmingarbúðir fyrir Gyðinga í hjarta Evrópusambandsins, d) eina rússneska byltingu með 50-70 milljón fórnarlömbum - og nú síðast e) efnahagslega rjúkandi rúst hálf gjaldþrota evrulanda árið 2010. Velkomin í evrópska apótekið. Tilraunalækningar Evrópu standa ennþá yfir. 

Það sem embættismenn og stjórnmálamenn Evrópu gátu ekki skaffað Evrópubúum er hin eina bylting í Evrópu sem kom frá fólkinu sjálfu, þ.e. fall kommúnismans og Berlínarmúrsins. Allt hitt hefur komið að ofan og verið dregið yfir hausa Evrópubúa eins og svört lambhúshetta. Þar með er talið allt Evrópusambandið sjálft og nú síðast hin ónýta mynt þrotabús sambandsins í suðri.  

Þessi símalína Stál- og Kolabandalagsins hefur þróast í það að vera lokuð símstöð með 27 löndum innan ný-sovésks skiptiborðs af Kremlartegund. Skiptiborðið sem málleysinginn Jóhanna af Íslandi er núna að heiðra með þögulli heimsókn heyrnarleysingjans. Kyssa mun hún vöndinn og sleikja skó formannsins frá fyrrverandi einræðisherraríki og nú hálfgjaldþrota rjúkandi rúst Portúgalsins. 

Þetta svo kallaða efnahagsbandalag er núna mannað með eigin forseta sem enginn kaus, eigin utanríkisráðherra sem er umboðslaus fáráðlingur, dómstólum, 45.000-100.000 embættismönnum, Kremlarbyggingum, eigin ónýtri mynt, eigin ónýtum seðlabanka, stjórnarskrá sem enginn kaus, þjóðsöng sem enginn valdi og fána sem enginn vill sjá. Þetta er Stál- og Kolabandalagið árið 2010. Getulaus Tröllkarl B. Afdalamannsson með vatttyppi og tóman pung á milli brauðfóta. Það eina sem vantar upp á núna er fullvopnaður her undir stjórn afdalamanna Evrópusambandsins.  

Það sem átti að vera eins konar fyrirbyggjandi flogaveikislyf fyrir Frakka og Þjóðverja er nú orðið að drykkjarvatni fyrir fíkla, fífl og dópista niðri í Kreml-Brussel-B.

Gríski P.I.I.G.S. rétturinn selst afar illa á lokuðu uppboði hinnar innvortis garnaflækju í skiptiborði Evrópusambandsins núna.

Frjálsir kjarasamningar í ESB í húfi segja Danir

Verkalýðsfélög opinberra starfsmanna í Danmörku eru lítt hrifin af þróun mála í ESB. Þau segja að Evrópusambandið sé á leið til að útrýma frjálsum kjarasamningum og að yfirtaka launamyndun í ESB með aðferðum sambandsins í Grikklandi núna. Meira um það hér í glugganum á tilveraniesb.net

Fyrri færsla

Myntbandalag ESB: Læknirinn segir núna að sjúklingurinn verði fyrst að verða heilbrigður til að geta þolað lyfin sem áttu að lækna sjúkdóminn 

Myntbandalag ESB: Læknirinn segir núna að sjúklingurinn verði fyrst að verða heilbrigður til að geta þolað lyfin sem áttu að lækna sjúkdóminn

 

Smyglarar, slökkvilið og brunalið myntbandalags Evrópusambandsins

Einn eftirsóttasti smyglvarningur á evrusvæðinu, smá 12 árum eftir að sjálfstætt gengi allt að 16 landa myntbandalagsins var lagt niður, er hagstætt og sjálfstætt gengi eigin gjaldmiðils sem passar við ástand efnahagsmála heima í einmitt hverju landi fyrir sig. Gengi sem passar við ástandið heima hjá okkur. Þessi lönd fengu það sem Bandamenn og Frakkar sömdu um þegar Þýskaland var sameinað á ný. Fast gengi við fasta nágranna sína í gegnum sameiginlega mynt. Þetta, sögðu sérfræðingarnir, átti að jafna út mismun og ójafnvægi í samkeppnisaðstöðu og samkeppnishæfni á milli hagkerfanna. Þetta átti líka að stórauka - 300% sögðu sumir - verslun og viðskipti milli þeirra landa sem voru svo heppin að fá að koma með í þennan klúbb útvaldra ríkja með "fyrirmyndar" efnahag, eins og t.d. Portúgal , Írland, Ítalía, Grikkland og Spánn.

12 árum seinna, 23. janúar 2010: Growing imbalances between countries within the common currency are a "matter of serious concern for the eurozone as a whole", and these imbalances "can weaken confidence in the euro and endanger the cohesion of the monetary union"

 

En nú er kviknað í húsum nokkurra fastra nágranna. Þau standa í ljósum logum. Það slökkvilið sem löndin áttu alltaf heima hjá sér er nú læst inni í skáp sem er staðsettur í Brussel. Enginn veit hvort það megi nota vatn á eldinn eða ekki. Hann brennur því áfram, hægt en örugglega, öllum til mikils ama. Mestur er aminn og gremjan hjá þeim sem sögðu að þetta fyrirkomulag væri óbrennandi. Sögðu að slökkvilið elda væri úrelt. Sumir muna kannski ennþá eftir ákafanum og gleðinni þegar níunda rúgbrauðssymfónía Beethovens ýtti evrunni úr vör - án slökkviliðs.

Í Brussel er þessu alveg þveröfugt farið. Þar er það fullveldi og sjálfstæði nokkura þjóða með brennandi efnahag sem er hinn eftirsóttasti smyglvarningur af öllum. Menn geta varla stillt sig um að taka á varningnum. Brjóta upp kassana og éta sig fallþungaða af innihaldinu. Sérstaklega ekki eftir að það tókst svona afburða vel að smygla áhættutöku þorpara einkageirans, sem bankarnir tilheyra, yfir og inn í Maastricht-ríkisfjármála-sóttvarnargirðingu þeirra sérfræðingana sem lögðu niður slökkviliðið og settu í stað þess á stofn brunaliðið í Brussel. Núna nærir eldurinn sig á þessum bakteríum þorpara einkageirans sem skógur embættismanna í brunaliðinu átti að hafa eftirlit með. Eldurinn nærir sig á ávöxtum skattgreiðenda sem eru þar með komnir í gíslingu. Þetta átti ekki að geta gerst því það var búið að skrifa í skjöl sóttvarna að þetta væri bannað. Þess vegna er myntin sameiginlega nú orðin meira til ógagns en jafnvel spádómar flestra efasemdarmanna buðu upp á frá byrjun.

12 árum seinna, 23. janúar 2010: With surveillance reach growing and the debate moving into the area of political sanctions being applied by over-arching Brussels bureaucrats, «Europe» is making a power-grab for the purse-strings of the member states that fund it.It's not new but Greece easily represents «a turning point in the history of monetary union,» which was the 1999 creation of the shared euro currency, says Royal Bank of Scotland economist Jacques Cailloux.

 

Nú er ástandið svo slæmt að jafnvel brunaliðið í Brussel er komið á hvolf. Núna segir Brussel að það sé einmitt mismunurinn á samkeppnisaðstöðu og samkeppnishæfni á milli hagkerfanna sem sé að eyðileggja myntina. Hafið þið heyrt það betra? Það sem myntin átti að lækna er nú að eyðileggja sjálfa myntina. Þetta svarar til þess að læknir skammar sjúkling sinn fyrir að vera veikur því veiki hans eyðileggi virkni lyfsins sem hann gaf sjúklingunum við sjúkdómnum. Læknirinn segir núna að sjúklingurinn verði fyrst að verða heilbrigður til að geta þolað lyfin sem áttu að lækna sjúkdóminn sem lyfin voru framleidd til að lækna. Halló!

12 árum seinna, 23. janúar 2010: «Let us be clear: in the past, some national politicians have resisted stronger mechanisms of governance» in Brussels, Jose Manuel Barroso, who heads the European Commission, the body that drafts and enforces EU laws, said last week.«I hope that... all EU governments will now recognize the need for full ownership of Europe 2020 and for a truly coordinated and coherent action in economic policy,» he said, referring to a new strategic framework.

 

Því segir formaður brunaliðsins í Brussel nú að brunaliðið þurfi bráðnauðsynlega að slá eignarhaldi sínu á alla Evrópu. Ekkert minna dugar til. Þeir sem skilja þetta ekki valda formanninum vonbrigðum. Já sjúklingurinn veldur vonbrigðum. Hann passar ekki við lyfin. Þó hafa engar stökkbreytingar átt sér stað á Evrópu, a.m.k ekki hin síðustu nokkur hundruð ár. Svo mun einnig verða áfram. Evrópska apótekið er ekki orðið neitt smá batterí núna, ekki frekar en fyrri daginn. Engum virðist lengur detta í hug að láta sjúklinginn bara í friði. Tilraunalækningar Evrópu halda áfram.

DerSpiegel | EuObserver | Eurointelligence | Kathimerini

Meira 

Fleiri svona og oft daglegar fréttir hér í glugganum á tilveraniesb.net

Fyrri færsla

Aðalvandamálið er evran - að segja sig úr myntbandalaginu og ESB á einni nóttu 

 

Aðalvandamálið er evran - að segja sig úr myntbandalaginu og ESB á einni nóttu

 

Miklar vangaveltur.

Grikkland; nú eru góð ráð dýr, eins og venjulega. En slæm ráð geta líka verið alveg eins kostnaðarsöm. Forsætisráðherra Grikklands segir að engar líkur séu á að Grikkland yfirgefi myntbandalag Evrópusambandsins. Fjármálaráðherra Grikklands segir að landið þurfi ekki hjálp. Seðlabankastjóri Grikklands er einnig sendur út með skriflega tilkynningu í FT - sem sennilega að mestu er stíluð á forsætisráðherra Grikklands. Seðlabankastjórinn er einnig á sama tíma fulltrúi Grikklands í stjórn seðlabanka ESB. Óvíst er hvort markaðirnir trúi á orð grísku ríkisstjórnarinnar.

En hvað nú? Fyrir það fyrsta, ef ég væri forsætisráðherra Grikklands, myndi ég hafa sagt nákvæmlega það sama og haldið áfram að segja þetta sama á meðan ég auðvitað gerði eitthvað allt annað. Íbúar Grikklands eru um 11,3 milljónir. Þessir íbúar eru nýlega búnir að kjósa þessa ríkisstjórn Grikklands til valda. Hún var kosin vegna þess að hún lofaði betri opinberri þjónustu og meiri velferð. Ef Grikkland er sent í það erfiða ferðalag að skera niður stóran hluta opinberra útgjalda, lækka laun stórkostlega og þrengja að almenningi, ungmennum, börnum og gamalmennum, frá öllum hliðum, þá held ég að það ferðalag muni reynast hvaða grísku ríkisstjórn sem er ákaflega erfitt - og jafnvel ómögulegt. Nema menn vilji aftur fá her- og/eða einræðisstjórn til valda í Grikklandi.

Flestir sem hafa vit á efnahagsmálum segja að það sé óðs manns æði að ætla að reyna að koma á jafnvægi í ríkisfjármálum á krepputímum án þess samtímis að hafa fulla möguleika á að auka samkeppnishæfni hagkerfisins og þar með láta stóraukinn útflutning um að vinna stóran hluta þess erfiða verks. Það getur Grikkland ekki gert með evru sem gjaldmiðil landsins. Grikkland virðist því sitja fast. En mun Grikkland gera það? Mun það láta setja sig fast?

********************

If a country left the eurozone abruptly, it would need to find temporary ways to separate its share of the euros from the rest. In the early 1990s, the Czech Republic and Slovakia chose to stick distinguishing stamps on their banknotes. We had thousands of people working day and night, putting tiny stamps on nearly 80 million old Czechoslovak banknotes, Mathes said. The Czechs affixed different stamps to their portion of the old notes and the currency was thus divided. Each side eventually printed its own currency, and the stamped notes were withdrawn and destroyed.

********************

 

Síðasta þjóðaratkvæðagreiðsla sem haldin var í Grikklandi var haldin árið 1974. Þá ákvað þjóðin að leggja niður konungsembættið. Í þjóðaratkvæðagreiðslunni þar á undan, 1973, var ákveðið að leggja konungsveldið niður og stofna lýðveldi. Í þjóðaratkvæðagreiðslunni þar á undan, 1968, samþykktu 92% kjósenda nýju stjórnarskrá herstjórnar Grikklands. Síðan 1974 hafa ekki verið haldnar neinar þjóðaratkvæðagreiðslur í Grikklandi. Ekki ein einasta um ESB eða evru. Ekki um svoleiðis smámál. Því auðvitað er bæði ESB-aðild og evra smámál miðað við stofnun gríska lýðveldisins.

Því segi ég aftur og aftur eins og forsætisráðherra Grikklands segir núna, að engar líkur séu á að Grikkland yfirgefi myntbandalag Evrópusambandsins. En svo kemur nýr dagur á morgun. Ef menn eru duglegir á milli daga, þ.e. á nótunni, þá er hægt að gera ýmislegt á einni nóttu - og hvað þá yfir eina heilaga helgi. Ekki þarf að hafa áhyggjur af því að spyrja þjóðina um neitt í sambandi við ESB. Svo hér höfum við alveg frjálsar hendur á heimavelli. Það er algerlega það mikilvægasta, að hafa fulla stjórn í eigin húsi. Það mun því koma sér vel að hafa aldrei spurt þjóðina að neinu í sambandi við ESB. Það gerir þetta allt miklu auðveldara.

********************

The value of the currency of the country leaving the eurozone is certain to plunge vis-à-vis the euro, so its citizens would remove stamps en masse, thus converting them to the more valuable original euros. Another physical solution, Mathes says, it to laser-engrave distinguishing marks onto the portion of the euros, which would have been allocated to the country departing the eurozone. This can be done relatively quickly and would make the currencies irreversibly different, said Mathes, adding “but I suspect that the European Central Bank will not look kindly on a state burning holes in its currency.

******************** 

Líklega myndu engin lagaleg atriði flækjast fyrir úrsögn Grikklands úr ESB á einni nóttu. ESB hefur varla hirt um að búa til nein sérstök lög þar að lútandi því engum var ætlað að komast þaðan út aftur. Það er svo margt sem ESB hefur aldrei dottið í hug að myndi koma og því síður hefur ESB hlustað á þá sem vöruðu við einmitt þessari stöðu. 

Nei, stærstu vanamálin yrðu peningamálin og fjármálamarkaðirnir. Hvernig getum við lagt niður evruna á einni nóttu eða á einni helgi. Það er aðal málið. Er það yfir höfuð hægt? Ég spyr. Við vitum að eftirleikurinn yrði líklega hryllingur. En hann myndi þó ganga yfir. Grikkland á líka her og er í NATO. Auðvitað yrði erfitt að fela þann undirbúning sem einnar náttar úrsögn krefðist. Sennilega mun erfiðara en að fela 10% fjárlagahalla í 10 ár fyrir Brussel. Bankar, hraðbankar, sjálfsalar, stöðumælar, bílastæði, leigubílar, búðarkassar - og svo að koma nýjum seðlum og mynt í umferð strax. Ekkert smá mál, en þó kannski ekki óviðráðanlegt. Grikkland er ekki öfundsvert. Aðstaða landsins ómöguleg í alla staði.

Ég rakst á 11 ára gamla ritgerð um þetta efni og datt í huga að áhugavert væri að skoða hana. Þetta er ritgerð um upplausn ríkja- og myntbandalags þeirra tveggja ríkja sem áður mynduðu ríkið Tékkóslóvakíu. Ritgerðin heitir "Stability of Monetary Unions: Lessons from the Break-up of Czechoslovakia". Hún er eftir Jan Fidrmuc, Julius Horvath og Jarko Fidrmuc. Hér er einnig slóð á bloggfræslu Tomas Valasek sem ræðir við meðlim úr stjórn Slovak National Bank, Ján Mathes, um hvernig seðlar voru aðgreindir þegar myntbandalag Tékklands og Slóvakíu var leyst upp þann 3. febrúar 1993; Ritgerðin PDF | Bloggsíðan

Já. Fleiri svona og oft daglegar fréttir hér í glugganum á tilveraniesb.net

Fyrri færsla

Evran að verða Lehmansbræðra mynt Evrópu. Aðalritarar miðstjórnar ESB undirbúa nýja 10 ára áætlun.

Evran að verða Lehmansbræðra mynt Evrópu. Aðalritarar miðstjórnar ESB undirbúa nýja 10 ára áætlun.

 

Sir, Is Greece the Lehman Brothers of the eurozone?

Spurt er. Herra, er Grikkland Lehmansbræður evrusvæðis? FT 

Upplausn og óðaverðbólga? 

Aðalhagfræðingur Deutsche Bank, Thomas Mayer, segir í viðtali við Die Welt að evrusvæðið standi frammi fyrir upplausn eða óðaverðbólgu ef ástandið í fjármálum Grikklands fari alveg úr böndunum; Die Welt

Wall Street Journal spyr hvort evrusvæðið stefni í skipbrot?

Umræðan um upplausn myntbandalags Evrópusambandsins er fyrir alvöru komin upp á yfirborðið og inn í umræðuna um efnahagsvandamál Evrópusambandsins. Það fer að verða fýsilegur kostur að segja skilið við myntbandalagið og að taka upp sína gömlu mynt svo sum lönd evrusvæðis geti einhvern tíma unnið sig út úr vandamálum lélegs hagvaxtar vegna glataðrar samkeppnishæfni. Einnig til að geta betur raðið við að greiða upp skuldir sem hlóðust upp vegna rangra stýrivaxta á röngum tíma á röngum stöðum undir rangri stjórn seðlabanka Evrópusambandsins. WSJ. En ólíklegt er að það sé hægt að ganga úr myntbandalaginu. Lík(legi) möguleikinn fyrir mörg lönd er því að deyja saman með myntbandalaginu. 

Gætu verið mistök fyrir Eistland að taka upp evru

Greinandinn Raivo Sormunen skrifar í dálk sínum að það geti verið mistök fyrir Eistland að taka upp evru. "Eistland er að vonast eftir hagsæld með því að ganga í myntbandalagið. En mörg þau minni lönd sem nú þegar eru með evru hafa mun slakari mynt- og peningalega stöðu en Eistland. Hættan getur verið sú að stærri lönd evrusvæðis gefist upp á myntbandalaginu og taki aftur upp sinn eigin gjaldmiðil."; BBN

Síðasta 10 ára áætlun Evrópusambandsins er runnin á enda

Nú er ný 10 ára áætlun í smíðum í aðalstöðvum lýðræðisins í Brussel. En hvernig gekk með síðustu 10 ára áætlun ESB — hin svo kölluðu Lissabon 2000 markmið Evrópusambandsins? Jú, svona: Evrópusambandið er nú 30 árum á eftir Bandaríkjunum 

Fyrri færsla

Smjörfjöll Evrópusambandsins vega nú 2,5 milljón tonn. Danskir bændur á félagsmálastofnun og á leið í gjaldþrot

Óttast að evran hrynji

Smjörfjöll Evrópusambandsins vega nú 2,5 milljón tonn. Danskir bændur á félagsmálastofnun og á leið í gjaldþrot

 

Smjörfjöll Evrópusambandsins hækka

Hvort sem menn eru vanir að tala um smjörfjöll, kornfjöll eða kjötfjöll þá eru þessi fjöll oft nefnd einu nafni hér í ESB, þ.e. einungis smjörfjall. Nú er svo komið að þetta smjörfjall ESB vegur 2,5 milljón tonn og þar af er korn 2,4 milljón tonn af fjallinu. Mest af fjallinu er ræktað í landbúnaðargeira Þýskalands (850.000 tonn), Frakklandi (390.000 tonn), Póllandi (230.000 tonn) og í Finnlandi (216.000 tonn). Það er landbúnaðarframleiðsla bænda í Evrópusambandinu sem fer í að byggja þetta fjall embættismanna ESB í Brussel. Þessa framleiðslu geta bændur ekki selt og því er það hin sameiginlega landbúnaðarstefna ESB sem kaupir framleiðsluna og býr til úr henni fjall. Skattgreiðendur í löndum ESB borga; Land

Bændur á félagsmálastofnun

Sem dæmi um eyðileggingu þessarar stefnu má nefna að landbúnaður í Danmörku er núna, samkeppnislega séð, orðinn svo illa staddur að 62% af tekjum bænda koma frá því að vera á bótum hjá félagsmálastofnun ESB, þ.e. frá styrkjum; Børsen

Kveikja í dýra korninu - gjaldþrot bænda blasir við

Smjörfjall ESB hefur lengi verið tákn fyrir sóun á auðæfum Evrópusambandslanda. Sóunin er víða. Í Danmörku nota bændur t.d. kornið sem þeir rækta til að kynda upp með því. Hveiti, hafrar og bygg eru í svo lágu verði að það borgar sig betur að kveikja í því en að selja það. Reiknað er með að 3500 danskir bændur muni verða gjaldþrota á þessu ári og um 25% af öllum 13.000 dönskum bændum muni hætta búskap innan næstu fárra ára. Að meðaltali skuldaði hver danskur bóndi 27 milljón danskar krónur á síðasta ári. Núna er matur dýrastur í Danmörku af öllum 27 ríkjum ESB og enn dýrari en á Íslandi; BB | Land | Børsen | DST

Fleiri og oft daglegar fréttir hér í glugganum 

Fyrri færsla

Pólitísk rétttrúarbrögð: Af hverju er Finnland yfir höfuð með í myntbandalagi Evrópusambandsins? 

Pólitísk rétttrúarbrögð: Af hverju er Finnland yfir höfuð með í myntbandalagi Evrópusambandsins?

 

Þegar horft er til þess efnahagssamdráttar sem nú er í gangi í Finnlandi — hann er ennþá meiri en á Íslandi — er þá ekki alveg örugglega hægt að fullyrða að hagkerfi Finnlands sé bæði óhæft og algerlega óhentugt til að vera í myntbandalagi Evrópusambandsins? Að Finnland sé að fremja eins konar efnahaglegt sjálfsmorð með því að vera með evru sem gjaldmiðil?

Ég spyr vegna þess að seðlabanki Finnlands sagði nýlega að samdráttur í Finnlandi væri núna sá mesti og versti frá því mælingar hagvaxtar hófust fyrir meira en 50 árum. Spurningin er þá þessi. Af hverju er Finnland yfir höfuð með í þessu myntbandalagi?

Ef Finnland hefði verið í myntbandalagi Evrópusambandsins þegar stóra finnska kreppan kom á árunum 1991-1993, væri Finnland þá ennþá velmegunarsamfélag eða væri það vanþróað ríki núna? Í stóru finnsku kreppunni 91-93 varð Finnland fyrir utanaðkomandi áföllum þegar Sovétríkin og austantjaldslöndin hrundu. Finnland átti mikil viðskipti við þessi lönd. Til þess að verjast áföllunum í þeirri kreppu gat Finnland fellt gengið og gerði það líka, massíft. En núna hefur Finnland ekkert gengi, enga sjálfstæða mynt, enga peningastefnu og ekkert stýrivaxtavopn. Landið Finnland verður því bara að gera sig ánægt með að þýsk/franski gjaldmiðill þess hafði hækkað um 86% í júlí 2008 gagnvart Bandaríkjadal frá því í júní árið 2001. Sem sagt 86% hækkun á gengi Finnlands á 7 árum og ekkert hægt að gera. Þetta er glæsilegt og auðvitað dásamlegt.

Hefur þetta eitthvað með hagfræði að gera, eða eru þetta bara hin sömu pólitísku rétttrúarbrögð elítu Finnlands sem virka á nákvæmlega sama hátt og þau rétttrúarbrögð sem írski hagfræðingurinn David McWilliams segir að hafi stjórnað því að Írland gekk í myntbandalag Evrópusambandsins?

Nú eru viðskipti Finnlands við Rússland væntanlega komin í blóðrauðan sólmyrkva eina ferðina enn. En þau viðskipti höfðu verið að jafna sig að nokkru aftur á undanförnum árum.

Hvað nú Finnland?

Hvernig fóruð þið að því að klúðra málunum svona hrikalega? Á að sjóða óskotna bjarnarsúpu og baka burtflogið skógarbrauð á sjóðandi heitu ruslatunnuloki Evrópusambandsins áfram? Hvítglóandi er ruslakista ESB. Það er kviknað í Grikkland og eldstungurnar frá Aþenu sleikja burstirnar á afdalabæjum Portúgals og Spánar. Írlandið er skokkið í hafið og tröllum gefin fjármál þess týnd ofaní logandi ruslatunnu í Brussel. Í EvruVíetnam styrjöldinni fyrir botni Eystrasalts er efnahagslegur ísavetur að flytja efnahag þriggja landa til Síberíu, því þar munu þær þjóðir enda.

Þeir sem vilja gerast áskrifendur á ruslabandalagi Evrópusambandsins í Brussel rétti upp hönd - og segi um leið já og amen við frú lafði barónessu Brussel.

Spurningin var þessi: Af hverju er Finnland yfir höfuð með í þessu myntbandalagi? Svar: vegna þess að það álpaðist þar inn og kemst aldrei þaðan út aftur. Þess vegna 

En Olli Rehn í Brussel hefur örugglega engar áhyggju af þessu. Hans laun koma nefnilega ekki frá Finnlandi, þau koma frá lafði barónessu í Brussel. Er þetta ekki dásamlegt.

Fyrri færsla

Papandreou; Efnahagslegt kynþáttahatur í Evrópusambandinu

Glugginn

Oft daglegar fréttir hér í glugganum 

Papandreou; Efnahagslegt kynþáttahatur í Evrópusambandinu

one market, one money 

 

© 1991 Jacques Delors; President of the EUC

Þýðing: minn markaður og minn peningur 

 

Forsætisráðherra Grikklands, George Papandreou, lét þau orð falla á ríkisstjórnarfundi að gagnrýni og lýsingar erlendra embættismanna, stjórnmálamanna og fjölmiðla á efnahagsmálum Grikklands sé að nálgast kynþáttahatur. “Við verðum að varðveita sjálfstæði og rétt okkar til að taka okkar eigin ákvarðanir án erlendrar íhlutunar” sagði forsætisráðherrann; balita

Sprengja sprakk fyrir utan gríska þinghúsið á laugardaginn á meðan hluti af þinginu var að störfum. Enginn slasaðist; WAIS

Grikkland er ekki Þýskaland

Grikkir verða aldrei þýskir. Spánverjar verða aldrei þýskir. Ítalir verða aldrei franskir. Portúgalar verða aldrei franskir. Írland verður aldrei þýskt og Írar verða aldrei þýskir. Að troða öllum löndum Evrópu ofaní þýsk/franska skóstærð í hallærisbandalagi ESB er ofbeldi með nöglum sem snúa inná við í skónum.

Er hún ekki dásamleg þessi nýja nýlendustefna í Evrópu! Maður kallar hana bara fyrir myntbandalag og fær út nýja og ótakmarkaða uppsprettu til nýs ófriðar og sundrungar. Svona gerir maður allt evrusvæði ESB að sínum einkaútflutningsmarkaði - og hlær svo alla leiðina í bankann með peningana - þeirra. Ha ha ha ha, þarna lékum við á ykkur. Kjánar! Tralla lalla la (gott er að spila hér undir með níundu rúgbrauðssymfóníu Beethovens). Fleiri ESB-fréttir hér í glugganum

Fyrri færsla 

Blind Evrópusambandshollusta, Samfylkingin og hið steindauða "alþjóðasamfélag Evrópu Plc"

Blind Evrópusambandshollusta, Samfylkingin og hið steindauða "alþjóðasamfélag Evrópu Plc"

 

Mynd: Atvinnuleysi í löndum evrusvæðis frá 1991. Næstum 20 ára stanslaus eymd, getuleysi og volæði

Blind Evrópusambandshollusta og "evrópska alþjóðasamfélagið Plc"

Uffe Ellemann-Jensen, fyrrum utanríkisráðherra Danmerkur skrifar frekar barnalega og ferkantaða bloggfærslugrein um Icesave málið á Berlingske Tidende. Ég hef alltaf haldið frekar mikið upp á Uffe Ellemann nema að því leyti hve krónískt og gagnrýnislaust hann situr fastur á ESB önglinum. Þar engist hann núna hneykslaður á hugrekki Ólafs Ragnars Grímssonar forseta Íslands. Hollusta Uffe Ellemann við stóra Evrópusamrunann blindar og stýrir hugsun þessa ágæta manns. Þetta hefur örugglega verið hrikalega erfið ákvörðun fyrir forseta Íslands. En ákvörðun tók hann í samræmi við það sem á undan var gengið.

Það var einmitt Poul Schlüter forsætisráðherra Danmerkur og yfirmaður Uffe Ellemann-Jensen sem lýsti því yfir að Evrópusambandið væri steindautt í þjóðar-atkvæðagreiðslunni um EF-pakkann í febrúar 1986. Þá var Uffe Ellemann utanríkisráðherra. Þegar Danir sögðu nei við Maastricht sáttmálanum í þjóðaratkvæðagreiðslu þann 2. janúar 1992, varð allt vitlaust hér í því Evrópusambandi sem Poul Schlüter hafði lýst yfir að myndi aldrei verða til aðeins 7 árum áður. Þá sagði hið svo kallaða "Alþjóðasamfélag-Evrópu" að Danmörk hefði "sagt nei" við allri Evrópu og hefði engan rétt til að "stöðva" alla Evrópu. Þetta var náttúrlega bara notað sem þrýsti- og hræðslutæki til að hræða Dani aftur á sinn stað í ESB. Þá var það Uffe Ellemann sem tók mest undir þessi sjónarmið og barðist hvað harðast fyrir því að Danmörk myndi halda áfram að hanga á fingurgómunum inni í því ESB sem átti ekki að vera til, en sem samt var orðið til. Allt var sett á fullt til að finna málamiðlun svo Danmörku yrði ekki refsað fyrir að “stoppa Evrópu”, eins og það var kallað, og gæti haldið áfram að dingla á nöglunum inni í ESB sem þá var orðið að raunveruleika, þrátt fyrir loforð forsætisráðherrans 7 árum áður. 

Nú eru það Íslendingar sem eru orðnir “foot dragging” í Evrópu. Menn geta ímyndað sér hvernig staðan væri ef Ísland væri í ESB og ætlaði að segja "nei við Evrópu". En Danir voru kallaðir “the foot dragging Danes” í bæði ESB og NATO árum saman. Mest vegna þokukenndar afstöðu sinnar til stórra mála en sem þó átti að mestu rætur sínar að rekja til innbyrðis slagsmála hinna borgaralegu- og vinstri afla í dönskum stjórnmálum. Sósíaldemókratar gerðu allt til að eyðileggja fyrir ríkisstjórn Poul Schlüters. Þetta tímabil var dönskum sósíaldemókrötum til lítils sóma.

Afstaða Uffe Ellemann sannar að mínu mati hversu illa málið er kynnt og hversu illa ríkisstjórn Íslands hefur barist fyrir málstað Íslands. Það hefur hún ekki viljað gera af fullu afli vegna ESB-umsóknar Samfylkingarinnar. Ef svona gungustefna hefði alltaf verið viðhöfð í utanríkismálum Íslands þá hefðum við varla neina landhelgi að ráði í dag.

Samfylkingin: flokkur með aðeins eitt mál á dagskrá

Að mínu mati er það ESB-þráhyggjustefna Samfylkingarinnar sem kemur í veg fyrir að íslenska þjóðin geti staðið saman á þessum örlagatímum. Þessi þráhyggja sprengdi síðustu ríkisstjórn í miðri bankakreppu og hefur sú aðgerð nú komið af stað stjórnmálakreppu sem eyðileggur Ísland innan frá. Þessi þráhyggja hefur líklega komið í veg fyrir þá þjóðstjórn sem hefði verið svo æskileg þegar bankarnir hrundu. Þráhyggja Samfylkingarinnar klýfur íslensku þjóðina í herðar niður, lamar varnir landsins, stuðlar að sundrungarstjórnmálum og skemmir fyrir Íslandi á örlagaríkan hátt um allar jarðir. Engin sátt, samlyndi og endurreisn mun komast á fyrr en umsókn Samfylkingarinnar inn í ESB hefur verið dregin til baka. Þá verður fyrst hægt að virkja varnar- og sóknaröfl Íslands til hins ýtrasta. Samstaða er bráðnauðsynleg. Samfylkingin er sennilega mesta sundrungarafl í íslenskum stjórnmálum frá upphafi.

Það er örugglega mjög erfitt fyrir Vinstri græna að vera saman í stjórn með þessum flokki sem kallar sig Samfylkingin en sem virkar sem fylking sundrungar. En þó ekki erfiðara en svo að einræðisherra VG hefur megnað að gera flokk sinn að einu virkasta gereyðingarvopni á Íslandi í höndum Samfylkingarinnar. Sundrungarstjórnmálin eru alls ráðandi. Aðeins sprengjugígar munu verða minnisvarðar Samfylkingarinnar.

Fyrri færsla

Það er fyrst og fremst stjórnmálaástandið á Íslandi sem olli lækkun Fitch á lánshæfnismati ríkissjóðs Íslands

Það er fyrst og fremst stjórnmálaástandið á Íslandi sem olli lækkun Fitch á lánshæfnismati ríkissjóðs Íslands

Í viðtali við Bloomberg segir talsmaður Fitch Rating að það sé fyrst og fremst hin pólitíska stjórnun og óvissa á Íslandi sem olli lækkun á lánshæfnismati ríkissjóðs Íslands. Fitch á greinilega erfitt með að setja tölur og tákn sín á Ísland. Því er best að lækka matið til að vera á öruggu hliðinni. Þessi lækkun matsins, segir talsmaðurinn, hefur enga praktíska þýðingu fyrir ríkissjóð núna því hann þarf ekki að endurnýja lán eða greiða af lánum næstu tvö árin. Talsmaður Fitch sagði að lán Norðurlandanna í gegnum AGS sé sérstaklega skilyrt Icesavemálinu. Viðtalið við Fitch; Credit Writedowns

Það bætti aðeins við snjóinn hér í nótt og frost var um 10 gráður í morgun. Ekkert til að tala um miðað við Noreg og Svíþjóð. Vatnavegir Þýskalands eru að frjósa til og stoppa prammaflutninga á kolum og birgðum. Kallt verður áfram. 

Fleiri fréttir í glugganum 

Fyrri færsla

Hið fullkomna vantraust. Eru Þjóðverjar að gefast upp á lýðræði? 

Hið fullkomna vantraust. Eru Þjóðverjar að gefast upp á lýðræði?

 

 

Lifir lengi í gömlum glæðum?

 

Eða er það hinn svo kallaði "stöðugleiki" ESB sem er farinn að láta svona á sjá? Stöðugleiki stöðugs skorts á lýðræði í ESB?

Bertelsmann stofnunin í Þýskalandi gerði nýlega könnun meðal Þjóðverja. Samkvæmt niðurstöðum þessarar könnunar hafa Þjóðverjar aldrei haft eins litla trú á þýskum stjórnmálamönnum frá lokum seinni heimsstyrjaldar. Um 70% þátttakenda í könnuninni sögðust hvorki geta treyst á stjórnmálaleiðtoga landsins né stjórendur í þýsku atvinnulífi. Sama gildir um þýska menntakerfið og félagsmálakerfið. 

 

“I have never understood why public opinion about European ideas should be taken into account” – Raymonde Barre, French Prime Minister and Commissioner

 

 

Næstum helmingur þáttakaenda sagðist efast um að hefðbundið lýðræði sé rétta stjórnarformið. Jafnvel hið svo kallaða þýska “félagslega markaðshagkerfi" (e. social market economy eða frjálst markaðshagkerfi með umfangsmiklu félagslegu öryggisneti) er langt frá því að vera álitið eins jákvætt og áður fyrr. 

Kostnaðarsamar banka-björgunaraðgerðir stjórnvalda í fjármálakreppunni og ríkisstuðningur sem átti að bjarga bílaiðnaði Þýskalands hafa Þjóðverjar ekki mikla trú á - að þetta sé ekki nóg til að blása lífi í hagkerfið aftur. Fyrirhugaðar skattalækkanir stjórnvalda upp á 8,5 miljarða evrur valda Þjóðverjum áhyggjum því þær munu koma samhliða versta ástandi í ríkisfjármálum landsins frá lokum seinni heimsstyrjaldar. 

Þjóðverjar höfðu vonast eftir aðgerðum og fjárfestingum sem myndu létta róðurinn hjá fjölskyldum landsins og einnig fjárfestingum í menntun og orkumálum. Önnur könnun leiddi í ljós að 37% Þjóðverja eru meira bjartsýnir hvað varðar sinn eigin persónulega fjárhag | thelocal.de 

Mín skoðun

 

Þjóðir Evrópusambandsins eru hvað eftir annað látnar éta úrslit kosninga ofaní sig aftur. Kjósa aftur og aftur ef æðstu valdaklíku ESB finnst ekki koma rétt út úr kosningunum. Ef eitthvað er, þá hefur ófriðarhættan aukist í Evrópu með tilkomu Evrópusambandsins. Lýðræðisþjóðir fara nefnilega ekki í stríð við aðrar lýðræðisþjóðir. En það gera hinsvegar lönd og svæði þar sem lýðræði er á undanhaldi. Lýðræðið er einmitt á undanhaldi í Evrópusambandinu. Því hefur ófriðarhættan aukist í takt við aukin völd Evrópusambandsins. Þetta er staðreynd.

 

Fleiri stuttar fréttir í glugganum 

 

Fyrri færsla

 

Prófessor við háskólamiðstöðina í Suður-Danmörku; hárrétt gert hjá forseta Íslands