Danmörk á eyðimerkurgöngu í Evrópusambandinu

Efnahagshorfur Danmerkur eru svartar samkvæmt nýrri skýrslu ráðs hinna vísu manna þar í landi. "Vismandsrapporten", svo kallaða, er nýútkomin og hún er ekki skemmtileg lesning. Í besta falli stendur Danmörk frammi fyrir þurri eyðimerkurgöngu án nokkurs vaxtar og í versta falli stendur Danmörk frammi fyrir nýrri djúpri kreppu sem mun leiða til enn verra atvinnuástands og þar af leiðandi sögulegs halla á rekstri ríkisins, sem er ekki nein smásmíði þar í landi. Ásæðan er bundin tilvera landsins við Evrópusambandið og þess sem þar fer fram og ekki fram. 

Atvinnuleysi í Danmörku mælist nú 7,1 prósent og er þetta 5,4 milljón manna ESB-ríki nú með 830 þúsund Dani á vinnualdri á fullri framfærslu hins opinbera. Ofaní þá tölu koma 1,2 milljón ellilífeyrisþegar og síðan allir hinir mörgu opinberu starfsmenn, sem engu hafa nokkru sinni bjargað, námsmenn og börn. Allt þetta hvílir á herðum þeirra fáu skattpíndu Dana sem búa til verðmætin sem afla tekna í soltinn kassa ríkisins. Ofaní þetta bætist svo við fasteignamarkaður í frjálsu falli sem mun ekki botna á næstu árum, samkvæmt skýrslu ráðsins.

"Þetta er hræðileg efnahagsleg staða sem við erum í og horfurnar eru mjög neikvæðar. Við getum ekkert aðhafst sem komið getur efnahag okkar á rétta braut á ný. Enda nefnum við þann möguleika ekki. Við fjöllum aðeins um hvað hægt er að gera til að þrauka af", segir Nína Smith sem er einn af sérfræðingum ráðsins og prófessor í þjóðhagfræði við háskólann í Árósum

Já: Svona er að missa öll völd yfir eigin málum og flest skörpu verkfærin úr kistunni. Gengið er farið, vaxtavopnið er farið, peningapólitíkin er farin, ráðrúm og virkni ríkisfjárlaga er farið. Öll verkfærin sem stuðlað geta að hagvexti og bata hafa verið afhent til foringjaráðs Evrópusambandsins í Brussel. Trésmiðir sem mæta á vinnustað með tóma verkfærakistu eru ei líklegir til stórræðanna.

"Hvernig á maður að geta skapað vöxt án verkfæra", sagði prófessor einn við Copenhagen Business School um daginn (tískunafn yfir viðskiptaháskólann í Kaupmannahöfn)

 

Tvær krækjur;

1. Ny gældskrise koster 100.000 job
2. De Økonomiske Råd

17 ríkja miðilsfundur evrusvæðis [u]

Grikkland settist í gærkveldi niður við borðið á miðilsfundi gjaldsins sem samanstendur af súrkáli og osti. Þetta er hlaðborðið sem Samfylkingin þráir svo heitt. Grikkland hafði í gær tilkynnt umheiminum að þetta fullhlaðna spregnjuklára evruríki hyggðist halda svona eins og eina þjóðaratkvæðagreiðslu um hvort eyðileggja ætti landið alveg með þeim Hans & Grétu þensluskapandi niðurskurðaraðgerðum sem súrkálið í ostasósunni hefur krafist að framkvæmd verði á lýðveldi Grikkja

Hefst nú miðilsfundur evrulanda og orðfærandi súrkálið á ostapylsunni fær auðvitað eina orðið sem til er, og það fyrirskipar yfir andaglasinu sitjandi Grikklandi um hvað hin svo kallaða þjóðaratkvæðagreiðsla í ríki Grikkja megi vera um. Hún má bara snúast um evruaðild Grikklands, sem án nokkurrar ráðfræslu við grísku þjóðina var troðið ofan í hana þegar gjaldmiðillinn í andaglasinu hófst á loft um aldamótin

Nú fá Grikkir loksins að kjósa um evruna sem búin er að eyðileggja landið. Vöggur lýðræðisins á miðilsfundi gjaldsins vagga sætt og rótt í öndunarvél Evrópusambandsins. Viðrekstrarkálið og ostaborgarinn hafa talað. 

Kálhausarnir í ríkisstjórn Íslands hljóta að fagna þessari lýðræðislegu niðurstöðu og samstundis tilkynna okkur að þeirra tími sé nú loksins kominn. Grikkland er orðið skjaldborgari

 

Síðasta þjóðaratkvæðagreiðsla sem haldin var í Grikklandi var haldin árið 1974. Þá ákvað þjóðin að leggja niður konungsembættið. Í þjóðaratkvæðagreiðslunni þar á undan, 1973, var ákveðið að leggja konungsveldið niður og stofna lýðveldi. Í þjóðaratkvæðagreiðslunni þar á undan, 1968, samþykktu 92% kjósenda nýju stjórnarskrá herstjórnar Grikklands. Síðan 1974 hafa ekki verið haldnar neinar þjóðaratkvæðagreiðslur í Grikklandi

 

Uppfært kl 18:17; það verður engin þjóðaratkvæðagreiðsla haldin í Grikklandi. Henni er hér með aflýst, herma nýjustu fréttir úr varðskýli vöggustofu lýðhræðslunnar í ESB. Þessi frá 1974 er því enn sú síðasta.

Vangaveltur um herstjórn í Grikklandi

Samkvæmt upplýsingum úr pappírssafni varnarmálaráðherra Grikklands, Panos Beglitis, hefur fjórum af æðstu yfirhershöfðingjum í gríska hernum verið skipt út með nýjum mönnum. Þetta segir franska blaðið Le Figaro. Blaðið hefur eftir sérfræðingum að þetta gerist oft þegar ríkisstjórnir óttist að þær séu í yfirvofandi fallhættu og séu því í hraði að reyna að setja síðasta fingrafar sitt á herinn áður en þær missa völdin. Tímasetningin og atburðarásin sé hins vegar þannig að meira hafi þó í raun legið hér undir steinum. Á Le Monde bloggi sínu segir Georges Ugeux að gríska ríkisstjórnin hafi hér í raun verið að reyna að koma í veg fyrir valdatöku hersins, en tekur þó fram að þetta séu einungis hans eigin vangaveltur.

 

Sjá einnig bloggfærslu Einars Björns Bjarnasonar um sama efni.

 

Fyrri færsla

 

Pólitísk áhætta ræður ríkjum á Evru-Víetnamsvæðinu 

Pólitísk áhætta ræður ríkjum á Evru-Víetnamsvæðinu

Evrusvæðið nötrar og skelfur vegna þeirra skelfinga sem myntbandalag Evrópusambandsins hefur fært Evrópu og heiminum öllum. Norður-Evru-Víetnam á móti Suður-Evru-Víetnam er landslag sem öllum er að verða kunnugt. Flest er orðið mun verra í Evrópu eftir að pólitískum áhrifamönnum úr elítu ESB í Brussel og aðildarlöndunum tókst að troða geðklofinni pólitískri mynt Evrópusambandsins eins og handjárnum upp á 17 þjóðir Evrópu. Neyðarástand ríkir nú í Evrópu af völdum myntarinnar. Fjármálamarkaðir heimsins finna 1931 lyktina frá 2011 Kreditgaleanstaltinu í Evrópu.

• Evran fallin um 5 prósent á nokkrum sólarhringum
• Þýski Deutsche Bank‎ fallinn sem spýta um 9 prósent bara í dag
• Franski Societe Generale um rúmlega 17 prósent í dag
• Franski BNP Paribas (PAR)‎ um tæp 13,5 prósent í dag

Bandaríkin, þó ljót séu, eru öruggasti staður í heiminum.

Atvinnumálaráðherra Ítalíu, Maurizio Sacconi, aðvarar land sitt vegna þeirra fyrirskipana sem Silvio Berlusconi bárust í bréfi frá seðlabankaríkisstjórn Brussels um að umbylta í hvelli atvinnumarkaði Ítalíu. Sacconi segir að þetta geti sett bylgju hryðjuverka af stað í landinu á ný. Einhver hér sem man eftir rauðu herdeildinni (the red brigade)? Hún gæti kannski tekið sér nýtt nafn: blágula herdeildin.

Setulið Evrópusambandsins í Aþenu sá rautt þegar neista af lýðræði sló niður í Grikklandi með því að imprað var á hugsanlegu þjóðaratkvæði um eitthvað sem enginn veit enn sem komið er hvað er eða hvort verður. 

Nýjustu spekúlasjónir í evrurústum Evrópusambandselítunnar ganga út á það að Silvio Berlusconi geti fundið upp á því að hoppa út úr evrunni og endurnefna skuldir landsins í lírum þegar bankakerfið er undir áhlaupi. Að Ítalía sé eina landið sem gæti þetta vegna þess að megnið af eigendum ríkisskulda landsins eru hvort sem er búsettir í ítalska hagkerfinu.

 

Svarti pétur færist nær og nær Þýskalandi - og Austurríki líka sem skreið yfir 10 prósent líkum á ríkisgjaldþroti á skuldatryggingamörkuðum í dag. Næsta skref fyrir Austurríki, nú þegar með nokkra þjóðnýtta evru-banka í maganum, eru 25 prósent líkurnar á ríkisgjaldþroti.

 

Ný Marshall áætlun þyrfti að fara í smíði handa Evrópu eftir ESB 

Ekki annað hægt en að dást að Silvio í Ríki Ítalíu

 

Eitt sinn, fyrir all mörgum árum, stóð ég á hallandi eldhúsgólfinu í ríki Dana og var að elda ég man ekki hvað, sem varla voru makkarónur. Í útvarpinu var verið að fjalla um Ítalíu og Silvio Berlusconi. Maðurinn sem talaði bjó alfarið á Ítalíu og var að útskýra fyrir Dönum hvers vegna Silvio Berlusconi væri "eina von Ítalíu". Þá fór ég að leggja dýpri hlustun á viðtækið. Maður hafði jú heyrt sitt af hverju. "Ef hann stýrir fjölmiðlunum, hvers vegna tala þeir þá svona illa um hann alla daga", sagði maðurinn. Hann sagði líka margt fleira fróðlegt um stjórnmálin á Ítalíu.

Í dag er það að segja að í Ríki Ítalíu gerist ennþá sitt af hverju - og líklega mest vegna Silvio. Kannski hafið þið heyrt um bréfið sem hann fékk frá ríkisstjórn seðlabanka Evrópusambandsins í Frankfurt. Það hefur lítil áhrif haft á manninn Silvio. Ennþá er kurteislega tekið við öllu sem frá seðlum bankans kemur, en ekkert er samt gert sem glatt getur fólin í turni hans, nema þykjustan. Það er ekki hægt annað en að dást að manninum sem Brussel er að reyna að þvinga til að fremja trúarathöfn Evrópusambandsins á Ítalíu, sem kallast Hans & Grétu þensluskapandi niðurskurðaraðgerðir (e. Emu's Expansionary Austerity Fairy Tail Ritual).

Þessi athöfn fer fram svona; þú stingur hníf í hagkerfið og býst við að blæðandi hag þess vaxi kraftur. Þegar árangurinn kemur til þín í formi hrynjandi landsframleiðslu, minnkandi tiltrú markaðarins, versnandi lánskjörum og súgþurrkun skattatekna ríkisins, þá endurtekur þú athöfnina þangað til kenning Einsteins um heimsku mannanna er að fullu sönnuð. Svona fara Hans & Grétu þensluskapandi niðurskurðaraðgerðir Evrópusambandsins fram.

En hér segir Silvio í Ríki Ítalíu að þetta sé rangt: það sé ekkert að í sjálfu Ríki Ítalíu annað en það að landið sé með svo lélega mynt sem heitir evra og það sé hún, já hún, sem sé að eyðileggja forsendur tilvistar Ítalíu á lánsfjármörkuðum. Það sé sjálfri myntinni að kenna að vaxtakjör ríkissjóðs Ítalíu á 10 ára bréfum séu komin yfir sex prósentin. Sem er alveg þráðbeint hárrétt hjá Silvio.

Þess vegna hefur Silvio ekki hugsað sér að gera neitt sem glatt getur fólin í púðurkökuhúsi seðlabanka Hans & Grétu, né þeirra í Brusselgarði. Þetta mál með ömurlegt aðgengi Ítalíu að alþjóðamörkuðum fjármagns, hefur Sivlio hugsað sér að leysa með því að biðja skuldastofu ítalska ríksins um að gangsetja on-line viðskiptakerfi á netinu með ríkisskuldabréf Ítalíu; ætlað heimilum og fyrirtækjum landsins. Sådan! Ekki er enn vitað hvort boðið verður upp á heima-partý kynningu líka. Þau gætu farið þannig fram að flottur maður með skjalatösku kemur og raðar bréfum ríkissjóðs á borðstofuborðið, sem þannig gætu orðið miðpunktur fegurðarsamkvæmis ríkissjóðs á heimilum landsmanna. Athyglisvert. 

Þetta kallar á virðingu. Og svei mér ef þetta tekst ekki bara aldeilis ágætlega hjá Silvio. En það verður fróðlegt að fylgjast með viðbrögðum Hans & Grétu í Berlín.

36 stunda neyðaráhrif neyðarfundar evruríkja

Hann kom, sá og sökk; neyðarpakkinn sem kynntur var kl 04:00 síðasta fimmtudagsmorgun. Og markaðir eru loksins að skilja það sem Simon Johnson sagði í Kredithörpunni, 101 eitthvað annað. Það eru engir öruggir pappírar til.

 

Ríkispappírar evrulanda eru ekki það sem menn héldu að þeir væru. Skyndilega blasir við að eignasafn banka á borð við stóra franska BNP Paribas bankann, sem samanstendur að miklum hluta til af ríkispappírum evrulanda, er að færast í annan flokk en þann sem við gerðum ráð fyrir að eignasafnið væri í. Þessi nýborna ályktun markaðarins gæti leitt til þess að eigiðfé bankans sé aðeins 2 prósent. Enda féll hann næstum 10 prósent í markaði dagsins. Sömu sögu er að segja um Société Générale. Markaðurinn óttast þjóðnýtingu í kjölfar vel hugsanlegrar lækkunar á lánshæfnismati franska ríkisins á næstu mánuðum

Hér er kínverskur lúxusbátur sjósettur af fjárfestum, sekkur auðvitað samstundis. Þarna eru ervulöndin að leita sér að fé, en munu þó tómhent koma heim. Kína á enga peninga. Bráðum gæti evrusvæðið orðið alveg alelda

 

 

 

Fróðlegar vangaveltur hér; Europe’s Dying Bank Model    

Húsnæðislán í Danmörku skorin niður. Þýskt mark aftur?

Þýskaland 

Skoðanakönnun þýska Financial Times: Vilt þú fá þýska markið aftur sem gjaldmiðil? Já svara 55 prósent. Nei svara 33 prósent. Þeim sem er sama eða taka ekki afstöðu eru 12 prósent. 10.828 höfðu svarað. Könnunin hófst 25. eða 26. október 2011: krækja 

Bensíngufan frá maraþon-neyðarfundi evruríkja í Brussel aðfararsólarhring fimmtudagsmorguns í síðustu viku, er gufuð upp og markaðir Evrópu snarfalla nú frá morgunstundinni, eftir að markaðir Asíu héldust neikvæðir í alla nótt. Vísitalan yfir U.S. equity futures fyrir viðskipti nú á mánudag lýsir rautt. Þetta bendir til þess að hrifning markaða vegna samkomulagsins á fimmtudag sé ekki lengur þar sem hún sást síðast á föstudag. Það skyldi engum koma á óvart

Noregur

Andstaðan við ESB aðild eykst í Noregi því nú segjast 72 af hverjum 100 Norðmönnum vera andvígir aðild Noregs að Evrópusambadninu. Aðeins 12 af hverjum 100 Norðmönnum eru hlynntir aðild, skrifar danska dagblaðið Børsen í dag    

Erfiðara að fá lán í Danmörku 

Í Danmörku hafa húsnæðislán verið skorin niður miðað við heimilistekjur þeirra sem sækja um lán og kröfur til lántakenda hertar. Fyrir fimm árum var hægt að fá húsnæðislán sem svaraði til fjórum sinnum heimilistekna umsækjenda á ári og oft án þess að eiga handbært fé. Sjaldan var beðið um miklar upplýsingar um fjárhag umsækjenda.

Í dag er þetta lánshlutfall komið niður í 2,5 til 3 sinnum heimilisárstekjur umsækenda. Eigin sparnaður þarf að nema 5-10 prósent af kaupverði og lánastofnanir vilja fá að vita allt um fjárhag og aðra hagi umsækenda ásamt lífrænu rekstraröryggi lántakanda; hefur þú sjúkratryggingu hjá vinnuveitanda? Áttu ellilifeyrissparnað? Hefur þú keypt þér atvinnuleysisbótatryggingu? og svo framveigs. Skoðað er undir allar kommóður heimilisins; krækja

Talið er að um 40 prósent húsnæðiseigenda undir 35 ára aldri í Danmörku skuldi meiri peninga í fasteign sinni en hægt er að selja hana fyrir

Tvisvar hrun 

Á síðustu 25 árum hefur fasteignamarkaður í Danmörku hrunið tvisvar sinnum. Í fyrra skiptið frá 1987 til 1994 vegna innleiðingar fastgengis og niðurskurðar á greiðslu- og fjárlagahalla til þess að halda mætti Danmörku á sporbraut umhverfis kjarna ESB. Þá fóru  nauðungaruppboð upp í 1700 uppboð á mánuði. Það fólk sem þá missti húsnæði sitt á nauðungaruppboðum þar sem ekki fékkst inn fyrir öllum skuldum, mátti oft halda áfram að greiða af lánum mörg næstu árin, þó svo að húsnæði þeirra væri fyrir löngu farið.

Seinna skiptið á þessum síðustu 25 árum er svo þessi núverandi kreppa, sem hófst á dönskum fasteignamarkaði fyrir fjórum til fimm árum. Um þessar mundir eru haldin um 450 nauðungaruppboð á fasteignum í hverjum mánuði í Danmörku.

Um það bil 830 þúsund Danir á vinnualdri eru að fullu leyti á framfrælslu hins opinbera. Hægt er að segja að atvinnuleysi í Danmörku hafi í raun aldrei farið undir 10 prósent síðan 1979. Það er það fyrsta sem nemendur á fyrsta ári í þjóðhagfræði læra þar í landi, þó svo að þokukenndar tölur hins opinbera segi stundum annað

Landsfundur 

Landsfundur dönsku þjóðarhreyfingarinnar gegn ESB aðild Danmerkur (Folkebevægelsen mod EU) var haldinn um helgina. Ítrekað var að til væri heimur fyrir utan múra ESB og var andstaðan við evruaðild Danmerkur undirstrikuð enn fastar. Rifjuð voru upp nokkur rök danskra evrusinna úr síðustu herferð þeirra fyrir upptöku evru árið 2000. Þar sögðu þeir að miklu betra væri að vera um borð í stóru skipi þegar veður versna, heldur en að vera einn á litlum báti. Þá var þess ekki getið að stóra skipið hét allan tímann ESB Titanic; krækja

Í Danmörku eru þrír af hverjum fjórum kjósendum á framfærslu hins opinbera; að fullu leyti, að hluta til, eða eru opinberir starfsmenn.

Eitthvað annað er komið

Eitthvað annað í ESB: 

Loksins er búið að finna endanleg endalok 30 ára niðurrifs Evrópusambandsins á hagkerfum sambandsins. Jú. Það á að breyta ríkissjóðum 17 evrulanda í banka sem borinn verður uppi af engu sem neinn veit hvað ekki er. Þessi vegferð út í óvissuna er nú þegar hafin með því að ætla að "gíra upp" þá peninga sem sumir halda að séu í hinum svo kallaða "björgunarsjóði evrulanda" - og sem bjarga á 17 evrulöndum frá ókostum sameiginlegrar myntar sem flestir þekkja undir nafninu Evran sem þarf að bjarga. Gott að halda þessu svona einföldu. 

Þetta verður gert með svo kölluðu vogarstangarafli, eða uppgírun peninga (e. gearing/leverage). Sett er ein evra í kassann og hún veðsett nokkrum sinnum fyrir nýjum lánum sem sett eru aftur í kassann til að lána út úr honum til evruríkja sem eru á leið í ríkisgjaldþrot - og sem hafa ekkert aðgengi að alþjóðlegu fjármagni nema á okurvöxtum. Þessum evruríkjum fjölgar. Þrátt fyrir galdrapappírinn sem á að bjarga. 

 

Hinn nýi forseti Sovésb-ráðstjórnarinnar í Brussel, herra Herman Van Rompuy, segir að ekkert sé athugavert við þetta. "Málið líti kannski svolítið flókið út gagnvart almenningi, en þetta sé í raun einungis það sem bankar hafa verið að gera öldum saman". Bankar já.   

Það er hér sem vandamálið hefst og endar ekki. Bankar hafa getað gert þetta "öldum saman" vegna þess að þegar þeir klessukeyra gírkassann sinn og geta ekki gírað efnahagsreikninga sína niður aftur án þess að hagkerfið hrynji ofan á þá í leiðinni, þá hafa þeir hingað til getað hrunið í fangið á skattgreiðendum, öldum saman, þ.e.a.s. þeir hafa hrunið í fangið á ríkissjóðum eða ríkisstjórnum ríkjanna þar sem þeir eiga heima. 

En nú er sem sagt búið að finna lausn á þessu: Bjarga á bönkunum í evrulandi með því að gera ríkin að bönkum sem eiga að bjarga bönkunum sem eru gangandi gjaldþrota í svo mörgum evrulöndunum vegna einmitt evrunnar. Stóra spurningin er hins vegar þessi; í hverra fang eiga ríkissjóðir evrulandanna að falla þegar gírkassi björgunarsjóðsins brasar saman og þeir sem lögðu honum til peninga vilja fá þá aftur, vegna þess að öll ríkin eru að verða gjaldþrota vegna óstjórnar og skaðlegra áhrifa myntarinnar sem á að bjarga með því að bjarga bönkunum og þegar gangandi gjaldþrota ríkissjóðum evrulanda sem eru það vegna einmitt evrunnar. Þetta er einfaldlega brilliant; ESB ætlar að keyra þetta áfram á gufunni úr bensíntanknum. Þetta er eitthvað annað; Eldum saman.

En hvaða rétt á að elda saman? Það er stóra spurningin sem ég þykist vita svarið við, en segi það ekki hér.

 

Eitthvað annað en CDO?

 

Það var alls ekki undarlegt né vægt til orða tekið þegar Simon Johnson notaði orðið "brjálæði" um það sem nú fer fram í Evrópusambandinu, þegar hann talaði í Kredithörpunni í eitthvað annað póstnúmerinu í Reykjavíkinni í gær. 

 

Já: Only the paranoid survives

Björgunardagurinn mikli; Standard & Poor's lækkar lánshæfnismat Kýpur

S&P lækkaði í dag lánshæfnismat ríkissjóðs evrulandsins Kýpur vegna versnandi stöðu í ríkisfjármálum þessa litla evruríkis. Matið er nú tveimur þrepum fyrir ofan rusl. Landinu er haldið á neikvæða bekknum og frekari lækkun er yfirvofandi. 

Kýpur er talið eiga sem svarar til of mikils af ASÍ, Gylfa & Gylfa, Norður-Kóreu og RÚV öryggissætum í rafmagnsstólasamstæðu Evrópusambandsins. En þar var þrýst á þrítugasta og áttunda neyðarhnappinn klukkan 04:00 síðustu nótt. Verið er að virkja Evrópusambandið og því er unnið nótt sem nýtan dag.  

Bankakerfi Kýpur er sagt svo flækt inn í umpólun Grikklands yfir í Ítalíu áður en árið 2020 rennur upp, að óvíst er hvort það og þar með ríkissjóður landsins þoli ferðalagið yfir í paradís. 

Kýpur sem telur undir eina miljón íbúa gekk í ESB árið 2004 og tók upp evru svo seint sem árið 2008, eftir fyrst að hafa verið í ERM-pyntingarklefa Evrópusambandsins frá því í apríl 2005. 

En nú er ESB-öryggið sem sagt loksins komið í evrutöflu Gylfa & Gylfa á Kýpur. Það þriðja sem af er ársins og sem samkvæmt RÚV þýðir þriggja fasa fyrsta flokks ESB-rafmagn í stólana þar í landi

 

WSJ; S&P Lowers Rating On Cyprus One Notch To BBB, Third Cut This Year

 

Björgun!! ESB stefnir að því Grikkland verði orðið að Ítalíu árið 2020

Ég kynni hér með málgagn Willem Buiter frá árinu 2002

Viðauki við hörpusláttinn - hlýnun smjörfjalls - skemmtiatriði frá 2002

WHY BRITAIN SHOULD JOIN THE EURO

Að njóta ókosta sameiginlegs gjaldmiðils 

Eftir: Willem Buiter,  Willem Buiter  og  Willem Buiter

WHY BRITAIN SHOULD JOIN THE EURO

Tralla lallla la

Ísland gæti orðið Grikkland svo hratt sem innan 5 ára segir Gylfi & Gylfi

Gylfi Gengisfelling; Tvennt er hægt að fella. Þrennt reyndar. Fella tár. Fella gengið. Fella heimilin.

Tralla lallla la

Beina útsending AGS frá Kredithörpunni er hér

Takk til Paul Krugman og Simon Johnson

Sameiginleg sturlun