Græningjar í Frakklandi: 30 ára atvinnuleysi og óöryggi er rót vandamála Evrópu

Krísuna á evrusvæðinu má rekja til viðvarandi mikils atvinnuleysis síðustu 30 ára segir Pierre Larrouturou stjórnmálamaður græningja í Frakklandi. "Þettar er ekki kreppa, þetta er rán", segir hann. Fjöldaatvinnuleysi og atvinnuóöryggi síðustu 30 ára hafa þýtt launalækkanir. Það er vegna þessa mikla atvinnuleysis, mini-starfa og lágra launa að landið hefur þurft að skuldsetja sig meira og meira. Atvinnuleysið er ekki afðeiðing kreppunnar heldur er það helsta orsök hennar.

 

Mikið er ég sammála Pierre Larrouturou - og mikið eru þeir sem ég þekki í Frakklandi honum sammála um ástandið og orsakir þess.

ESB => drepur hagvöxt => sem eykur atvinnuleysi => sem minnkar velmegun og velferð => ESB þvingaði svo evruna inn á þjóðir => og allt varð bara ennþá og miklu verra við það. ESB er að drepa Evrópu. Hún er að fara í þrot.

Hér er mynd af þessu aðalsmerki Evrópusambandsins; 30 ára atvinnuleysinu, sem þýðir aukna fátækt, meiri skuldir, þyngri byrðar og sífellt færri og færri banrseignir ungs fólks. Ekkert gengur, allt verður bara verra og verra í ESB. Kolanáma famtíðarinnar er orðin Evrópusambandið sjálft.

 

Í Brussel og á kontorum hinna háu herra út um allar lendur ESB, er þeim háu herrum þjónað af ungu fólki sem engin launin fá. Það er þarna í svo kallaðri "praktík" árum saman og má þakka fyrir ef því tekst að fá launaða vinnu fyrir fertugt.

 

 

 

Mynd: Atvinnuleysi í Frakklandi frá 1983 til 2011 (Eurostasi)

30 ár á milli 7-prósent ESB-ömurleika

og 12-prósenta ESB-svartnætti

Það besta sem bauðst á þessu 28 ára tímabili

var 7,3 prósent atvinnuleysi árið 1983.

Allt eftir það varð bara verra og verra og verra og verra

Héraðsatvinnuleysi í ESB EES 1999 til 2008.pdf

 

Krækja: Le Monde; Pourquoi les "indignés" ont raison

 

Fyrri færsla

 

Er Evrópa best geymd á safni? Bankaáhlaup hafið í Grikklandi 

Er Evrópa best geymd á safni? Bankaáhlaup hafið í Grikklandi

Almennt bankaáhlaup er nú hafið í Grikklandi, skrifar Bild Zeitung í dag. Fólk tekur út peningana, grefur þá niður, felur þá í veggjum eða fiski, skrifar fréttaritari blaðsins í Aþenu. Traust fólksins á landi sínu og stjórnvöldum er horfið. Það eru erlend yfirvöld landsins í Brussel sem hafa komið þessu áhlaupi af stað með neyðarfundahöldum sínum.

Jæja. Þá eru menn að verða búnir að tæma gamla Grikkland. Hundruðir miljarðar af evrum hafa flúið landið. Ríkir skipta grískum evrum landsins yfir í "örugga peninga" og senda þá úr landi í gegnum útibú banka og fyrirtækja. Hamingjusamir erlendir bankar á bræðraborgarstígum Evrulanda og Tortólum LuxKýpur taka við þeim og halda þannig genginu uppi. Fátækir og minna efnaðir eru stöðvaðir á flugvöllum og í bifreiðum við landamæri með fullar töskur af seðlum. Nunnur jafnvel líka, að sögn breska Daily Mail. Flóttagengið er hátt og afar gott, en samt á ríkissjóður Grikklands ekki peninga til að greiða fyrirtækjum fyrir blekið sem notað er til að prenta út álagningarseðlana. Lyf er farið að skorta í heilbrigðiskerfi þessa evrulands. Ítalía, Portúgal og Spánn feta sig inn á stíginn íklædd bræðraborgarstígvélum evrunnar. 

 

Það var þessi leið fjármagnsins til bræðraborgarstíga Tortóla og LuxKýpur sem Seðlabanki Íslands lokaði á með því að standast stóra álagsprófið þegar 11. september í efnahagslífi Íslands fann sér slæman stað í byrjun október mánaðar árið 2008. Með hruni bankana og af því leiddu falli í gengi krónunnar gagnvart útlöndum, skullu ægisöldur á varnargarðana. Þá sat ég við vinnu mína úti í Danmörku og fylgdist grátklökkur með hamförunum. Í fjármála sjónvarpi heimsins sat yfirmatsmaður Moody's og hrósaði Seðlabanka Íslands fyrir að hafa ekki látið freistast til að grípa inn í fall krónunnar. Þeirri freistingu hefðu margir seðlabankar í heiminum fallið fyrir, sagði hann. Freistingin var þrúgandi þung og algerlega ógnvænleg fyrir Seðlabankann. En hann stóðst prófið.

Þetta er dálítið merkilegt. En hvað er merkilegt við þetta? Jú, talsmaður Moody's sagði það vera Seðlabanka Íslands til hróss að hann freistaðist ekki til þess að grípa inn með stuðningskaupum á krónu með því að fossflæða gjaldeyrisforðanum út eins og þegar hann var tæmdur í Argentínu á tuttugu mínútum. Þessi maður frá Moody's vissi ofur vel að þetta er freisting sem hefur orðið mörgum gjaldeyrisforðanum að falli, því í hita hins þrúgandi augnabliks er svo auðvelt að missa skynsemina og fara að ímynda sér að hægt sé að verja myntina gegn ofuráföllum eins og þessum. Endalaus röð af seðlabönkum heimsins hafa reynt þetta í erfiðum aðstæðum og hefur hausinn oft verið blásinn af þeim. Gjaldeyrisforðar þjóða hafa gufað upp í örvæntingaraðgerðum tryllingsins. Tvisvar árið 2001 reyndi seðlabanki Evrópusambandsins að stöðva 30 prósent fall evrunnar í blíðskaparveðri með stuðninguppkaupum, en algerlega án árangurs. 

Þjóðin getur því þakkað mönnum sem stóðu fast í Seðlabanka Íslands fyrir að hún á ennþá gjaldeyrisforða. Honum var ekki eytt til að halda uppi háu flóttagengi handa hinum vonlausu sem grafið höfðu bankahólfin út innan frá. Hann endaði ekki í bankahólfi þeirra á Tortóla eða LuxKýpur og þeir fengu ekki leyfi til að gera áhlaup á forðann. Hann var geymdur handa þjóðinni. Geymdur ef til harðinda kæmi og ef Ísland hefði þurft að halda út og þrauka eitt og yfirgefið í óvinveittri baráttu og ef þurft hefði að semja illvíga samninga við umheiminn, algerlega án utanaðkomandi hjálpar. Það hefði því verið hægt. Seðlabankinn sá fyrir því. Styrkleiki í samningum er nauðsynlegur en hann hverfur þó oftast ef þjóðin sveltur. En svo kom Samfylkingin, fararbroddgöltur niðurrifsins. 

Gengið í Grikklandi er ekki fallið heldur féll landið ofan á gengið og framdi þannig harakiri á evruspjótinu.

Mér finnst gott að búa í landi þar sem þjóðinni er ekki fórnað fyrir gengi hinna útvöldu. 

Í raun er Evrópusambandið gott dæmi um rústaða stjórnsýslu, rústaða stjórnarhætti, rústaðar reglur og rústuð lög. Þar ríkir neyðarástand í stjórnsýslunni. Þar eru stjórnmálin orðin eins og innan í seðlabanka sambandsins; dulstjórn. Þessu pólitíska, lýðræðislega og stjórnarfraslega rusli ætlar Samfylkingin og Vinstri grænir að smygla inn á Íslendinga. Setja okkur á vaxmyndasafn Evrópu og í stjórnarfarslegt öngþveiti dulstjórnar ESB til langframa. 

 

Um "Discretionary political leadership"

 

Um stjórnsköpun Evrópumennis eða skorti á hinu sama undir dulstjórn ESB 

 

For years, we have been told in endless academic papers, books, symposia – mostly funded, however, by the EU in its one-way ratchet of ideological integration – that the EU is indeed a constitutional order, but of a special kind, a new phenomenon in the world, one that has the best of all possible worlds – polis creating its own demos, simultaneously a supranational order but also a merely multilateral collection of sovereignties, etc., etc.  My reaction as an academic was, well, maybe, let’s wait and see; I understand that political leaders can’t wait on academic history but must make their choices and act.  But when push comes to shove, the constitutive rules didn’t prove to bind even the leading principals, as Cowen points out, and discretionary political leadership prevailed instead.  And apparently it prevails now.

 

Öll greinin eftir Kenneth Anderson; Law, Governance, and the Eurozone (munið að smella á slóðina inn á grein Tyler Cowen, sem Kenneth Anderson krækir í)

  

Hanna þarf 17 þjóðir að myntinni. Framleidd í Brussel

Viðbragð

 

Þetta bragð þekkja stjórnmála- og embættismenn Evrópusambandsins best og nota það óspart. Þetta er bragðið af okkur. Viðbragðið. Nú er svo komið að myntbandalag Evrópusambandsins hefur verið afhjúpað sem verandi mjög skaðlegt fyrir þau 17 þjóðríki sem nota mynt þess. Stórskaðlegt og jafnvel banvænt. 

Hvað gera menn þá? Jú, þeir fara ókjörnir bakdyramegin inn í byggingar í borginni Brussel — en koma síðan sem kosnir framdyramegin út — og segja öllum sem hlusta, að það þurfi að hanna 17 þjóðríki myntbandalagsins upp á nýtt, svo þau og þjóðir þeirra passi að myntinni. Þetta bragð er í fleirtölu viðbrögð þeirra stjórnmála- og embættismanna sem skáluðu á sínum tíma fyrir myntinni sem gangandi kraftaverki í Evrópu. Kraftaverkið er svo öflugt að gríska ríkið á ekki lengur peninga fyrir bleki til að prenta út innheimtuseðla ESB eftir 30 ára aðild landsins að Evrópusambandinu og evru.

Myntin og bandalag hennar eru nú bæði að þrotum komin, því allt það sem hálf milljón hagfræðingar vöruðu þessa menn við, hefur reynst rétt. Fullbyrðing spádóma þeirra er runnin upp. Evrópa stendur á barmi þess helvítis sem svo ákaft var varað við. Stofna þarf Bandaríki Evrópu í einum grænum hvelli ef myntin evra á að ganga upp. 17 ríki þurfa að skila fullveldinu næstum alfarið af sér inn til Brussel ef myntin á ekki að tortíma efnahag þeirra. Svo mikið er búið að flækja þessi lönd í kökuboðið og lyfjagjöfina úr evrópska apótekinu. 

Þér er sagt að þú sért veikur. Yfirvöld skipa lækni þínum að gefa þér pillu. Hún virkar ekki. Hún reynist hins vegar skaðleg fyrir heilsu þína. Þá segja yfirvöld þér að þú þurfir fyrst að verða heilbrigður til að geta þolað lyfin sem áttu að lækna sjúkdóminn. Lyfið er evran og myntbandalag hennar. Yfirvöldin sem stýra læknaliðinu eru stjórnmála- og embættismenn Evrópusambandsins; ESB-öfgamennin, eins og til dæmis Jóhanna Sigurðardóttir og Össur Skarphéðinsson, sem er vottaður atvinnumaður í hundsviti peningamála, samkvæmt rannsóknarskýrslu Alþingis. 

Viðbjóður

 

Þetta fyrirbæri notuðu stjórnmála- og embættismenn sem sessu á boðstólum sínum á Íslandi þegar þeir eftir framsvikinn kosningaárangur lugu því beint og óbeint upp í opið geðið á saklausum Íslendingum, að umsókn Íslands inn í Evrópusambandið þýddi aðeins að kíkja ætti í pakka og skoða hvað bjóða mætti okkur úr honum. Þetta boðskort reyndist viðbjóður, eins og við fyrirfram vissum flest. Um helgina staðfesti formaður Sjálfstæðisflokksins, Bjarni Benediktsson, að þetta væri svona. Hann á sessulaust sæti á boðstól í utanríkismálanefnd Alþingis og þar kom stækkunarstjóri Evrópusambandsins og sagði mönnum eftirfarandi; 

Stefán Fühle, stækkunarstjóri ESB, sagði á fundi með utanríkismálanefnd Alþingis að hann liti svo á að ekki væri hægt að sækja um aðild að Evrópusambandinu í þeim tilgangi að sjá hvað út úr því kæmi. Umsókn þyrfti að byggjast á skýrum vilja til að fá inngöngu í sambandið og viðræðurnar fara fram á þeim forsendum

Í stuttu máli: það er ekki hægt að sækja um inn í Evrópusambandið til að skoða hvað í boði er. Það er einungis hægt að ganga í Evrópusambandið eins og það er. Allir vita hvernig það er. Í lögum og reglum ESB segir enn fremur að enginn geti sótt um aðild nema að einlægur vilji mikils meirihluta þjóðarinnar standi þar á bak við og lengi. Íslendingar hafa aldrei haft einlægan áhuga á að láta innlima Ísland í Evrópusambandið. Um innlimun er að ræða, því engin leið er út úr Evrópusambandinu aftur, nema sem reykur rústa í gegnum skorsteina.

"Einlægur vilji" framkallaður með áróðri er viðbjóður

Sumir gera ennþá grín að aflátsbréfasölu miðalda. En hún var ekki neitt miðað við það sem frá Evrópusambandinu kemur. Nú, eftir að Sovét Moskva féll, býr almætti Evrópu í Brussel. Þar ganga óttaslegnir þjóðhöfðingjar bakdyramegin inn og koma síðan frelsaðir framdyramegin út. Frelsaðir af almætti hjarðarinnar. Mennin sem ganga í byggingar Brussels.

Taka þarf völdin af þessari ríkisstjórn Íslands, því hún sótti ekki umboð sitt til kjósenda. Hún starfar í umboðsleysi.

 

Andspænis okkur andstæðingum Evrópusambandsaðildar Íslands, standa Jóhanna Sigðurðardóttir og Össur Skarphéðinsson með aflátsbréf Evrópusambandsins sem fjármálaráðherrann Steingrímur J. Sigfússon, kosningasvikari kjósenda Vinstri grænna prentaði. Á okkar höndum eru öll rökin og heiðarleikinn. Á þeirra höndum eru öll svikin, óheiðarleikinn og andvirði bréfanna, Brusselgullið. Lyfin þeirra þekkjum við; þau eru kosningasvik og 213 milljón krónur í áróður úr apóteki Evrópusambandsins. Nú á einu sinni enn að sannfæra okkur Íslendinga um að gangast enn einum konungnum á hönd - og umfram allt, einn aðframkominn gullfót.

Þeirra eigin orð í ESB; George Papandreou á kosningaaðventunni 2009

Mynd; Grikkland 10 ár í evrum og 30 ár í ESB

Núverandi ríkisstjórn Grikklands, undir forsæti George Papandreou sem einnig er forseti alþjóðasambands sósíalista, var kosin til valda — eins og Samfylkingin og Vinstri grænir — vegna þess að hún hafði lofað kjósendum betri opinberri þjónustu og meiri velferð í kosningabaráttunni sem leiddi hana til sigurs í þingkosningunum í október 2009

Í desember, aðeins tveimur mánuðum síðar, sagði þessi nýi forsætisráðherra Grikklands eftirfarandi um ESB-vandamálin sem upp voru komin í Grikklandi og þar með einnig í Brussel;

Launa- og verkafólk mun ekki þurfa að gjalda fyrir þessa stöðu mála; við munum ekki koma með frystingu launa, launalækkanir né niðurskurð. Við vorum ekki kosin til valda til þess að rífa niður velferðarsamfélagið

 

Við sama tækifæri í desember 2009 skrifaði ég þetta

Nú velta menn streituþjáðum vöngum yfir því hvernig þetta mál verði leyst, ef það þá verður leyst. Evans-Pritchard segir að myntbandalagið hafi lokkað Grikkland í gildru. Stýrivextir voru alltof lágir í Grikklandi, Portúgal, Spáni og á Írlandi. Þetta sogaði þessi lönd inn í eigna- og launabólu. Seðlabanki Evrópusambandsins brást hlutverki sínu til þess eins að geta komið þunglyndu Þýskalandi í gegnum efnahagslega armæðu og vesöld. Bankinn hélt stýrivöxtum undir 2% fram í desember 2005. Þetta þýddi ofhitun og bólumyndun í hagkerfum suðursins og svo á Írlandi.

Í greininni segir einnig að "hinn djúpi sannleikur sem enginn fæst til að ræða í evrulandi er sá, að myntbandalagið er varanlega gagnslaust fyrirbæri fyrir alla - og þar með talið fyrir Grikkland og Þýskaland". Evans-Pritchard segir að það verði ESB sem kikni fyrst í störukeppninni. Það verður ekki Grikkland sem bliknar fyrst; Telegraph

Niðurstaða 2011

Þingkosningar í Evrópusambandinu eru bæði tilgangs- og gagnslausar því þjóðríki sambandsins hafa varpað fullveldi landa sinna fyrir róða yfir til Brussel. Svona er að vera í Evrópusambandinu. Sambandið og tilvist þess hefur eyðilagt lýðræðið í Evrópu. Brátt fáum við Brusselska útgáfu af herra Adolf.

Fór ríkisstjórn Íslands á námskeið í Evrópusambandinu?

Með þessum orðum endar þessi pistill og ég sendi góðar kveðjur sjóveginn yfir landhelgi Íslands og yfir til Bessastaða. Þar virðist fullveldi Íslands búa, eins og er, eftir að handjárn Steingríms J. Sigfússonar voru lögð á þjóðkjörna þingmenn svo klára megi niðurlögn fullveldis Íslands fyrir Samfylkinguna. Kosningasvikarinn sá. 

77 

 

Rökunum rakað saman

Hann er orðinn absúrd þessi ESB leiðangur Samfylkingarinnar

• Ríkisfjárhagur margra evrulanda liggur í rústum
• Bankakerfi flestra ESB landa liggja í rústum eða öndunarvélum og geta ekki gengt hlutverkum sínum
• Fjármagnskostnaður evrulanda og lánskjör eru að verða þau verstu í heiminum
• Myntbandalag ESB liggur alveg rústað
• Sjálfur tilvistargrundvöllur ESB og evru liggur sem gjall í rústum stjórnmálamanna
• Rétt- og lögmæti bæði ESB og evru liggur í rústum massífs atvinnuleysis sem varað hefur áratugum saman. Fátæktin eykst og eykst 
• Ekkert nema svartnættið blasir við Erópusambandinu um langa langa framtíð
• Regluverk ESB og myntbandalagsins liggur í rústum
• Spillingaröfl hafa sjaldan eða aldrei verið eins sterk í ESB eins og nú
• Öfgaöfl nærast á öfgum Evrópusambandssinna
• Afskipti ESB af ríkis- og sveitastjórnun hafa heltekið meginlandið og eru að eyðileggja það
• Heil 5 ESB lönd eru í meðferð hjá Alþjóða Gjaldeyrissjóðnum; Grikkland, Lettland, Írland, Portúgal, Ungverjaland
• Allt Evrópusambandið er komið í meðferð hjá Alþjóða Gjaldeyrissjóðnum og betlað er um björgunarhring hjá Bandaríkjunum
• Í 20 mánuði hefur heimurinn staðið á öndinni yfir þessu allsherjar klúrði Evrópusambandsfíkla sem gengu einni myntinni og 500.000 regluverka-blaðsíðum of langt í valdagræðgi

Þetta á eftir að verða eitt helsta hættusvæðið í heiminum um langa ókomna tíð.

Þegar vinir Jacek Rostowski fjármálaráðherra Póllands segjast vera að sækja um græna kortið til flutnings yfir til Bandaríkjanna vegna þess að þeir eru sannfærðir um að styrjöld brjótist út á meginlandi Evrópu innan næstu 10 ára, þá segir það sína sögu. Pólland þekkir meginland Evrópu mjög vel. Löng og ströng er evrópsk reynsla þess lands. Það er ekki eins heppið og Ísland að hafa hálft Atlantshaf á milli sín og brjálæðinga

Uppfært: Óh, á meðan ég man. Jörðin okkar hefur nú náð að snúast einn hring um sjálfa sig í viðbót við þá snúninga sem þegar voru komnir í almanakið í gær. Og á þeim tíma, já á þeim 24 tímum, tókst að boða til enn eins neyðarfundarins í Brussel. Þetta er þá líklegast 38. aðalfundur í skiptaráði Neyðarevrópu. Það sem gerðist var það að neyðarfundinum sem átti að halda á sunnudag var frestað, aftur. Stærsta tímasprengja veraldar, evrusvæðið, tifar áfram.

Uppfært aftur; neyðarfundurinn á sunnudag verður víst haldinn segja nýjar véfréttir úr ýmsum áttum, aðallega úr humáttum og hurðargáttum. Síðan er hálfleikur og svo eru framhaldsneyðarfundir í boðinu í næstu viku. Passar þetta? Það veit ég ekki.  

Vaxtakostnaður Ítalíu fóru langt upp úr því sem íslenska ríkið þurfi að greiða um daginn fyrir 5 ára lán á alþjóðamörkuðum; Vextir Ítalíu fóru upp í 5,73 prósent í gær, fimmtudag á fimm ára lánum. Sjá mynd að ofan; BB.

Myndskeið Bloomberg; France, Germany May Lose AAA Rating, Grant Says

Klukkan er 23:44 og 37. neyðarfundur Sovétstjórnar myntbandalags ESB fer að hefjast

Nú hlýtur þetta að fara að koma. Enn einn neyðarfundurinn um neyðina sem íslenskir evrusértrúarmenn segja að sé ekki neyð — og alls ekki myntinni að kenna — fer að hefjast á loft einhvers staðar á evrusvæðinu bráðum.

Neyðin er þannig innréttuð að eftir dagsins Frankfurt-fund þeirra Merkel & Sarkozy leiðtoga Evrópu, sem enginn kaus nema í einu landi af tuttugu og sjö, birtist sú fregn að allt myndi bráðna til grunna í Evrópu ef ekki næðist samkomulag um málið — sem er ekki neitt og einvörðungu íslenksu krónunni hans Davíðs Oddssonar um að kenna — áður en sólin hnígur örþreytt niður eftir að hafa starað á evrusvæðið allan daginn fram að kveldi sunnudags næstkomandi. Sólris í Asíu á mánudag myndi þá líklega taka við, segja sérfróðir. En ekki er það nú víst þar sem um sjálft evrusvæðið er að ræða. 

Það flotta við stöðuna — segir grískur hagfræðiprófessor — er það að evran sem er mynt 17 landa gæti átt á hættu að leysast upp á einum sólarhring þegar Grikkland tekst á loft og flýgur úr vöggu lýðræðisins í ESB og yfir í drökmu myntina sína á ný. Altså, einn sólarhringur. Uno. Sá tími sem það tekur jörðina að snúast einn hring um sjálfa sig og boða til næsta neyðarfundar um neyðina sem er ekki neyð á evrusvæðinu.

Samma sekund som Grekland drar sig ur eurosamarbetet startar nedräkningen för hela eurozonen. Inom ett dygn faller flera euroländers ekonomier. Det spår den grekiske domedagsprofessorn Yanis Varoufakis i en intervju med Sveriges Radio. 

Krækjan; Grekisk professor varnar för grekiskt euroutträde  

Jacques Delors gengur til liðs við hugveitu sambandsríkissinna

Þessi maður sem frægur varð fyrir "einn peningur - einn markaður", hefur gengið til liðs við hugveituna Spinelli Group til að berjast fyrir stofnun Bandaríkja Evrópu upp úr ESB sambandinu sem sumir halda jafnvel enn að sé bara "kíkja í tollabandalag". Í gær sagði Delors í viðtali við franska dagblaðið Le Monde að Brussel þyrfi að yfirtaka hlutverk ríkissjóða og ríkisstjórna evrulanda og að koma þyrfti upp útspörkunarhurð út úr evrunni með því að meirihluti ráðstjórnarráðs Brussels gæti kosið um að sparka löndum út úr evrumyntinni frægu í gegnum þá hurð sem kíkt hafði verið upphaflega inn um.

Krækjan: Jacques Delors dénonce le "coup de poker" de Sarkozy et Merkel og Foreign Policy um sama mál. 

Það góða við tímann er það að á meðan ég skrifaði þessa hurðarstafi þá kom Standard & Poor's og læknaði lækkaði lánshæfnismat Slóveníu sem er evruland. Bankakerfi landsins er of veikt því ríkisfjármálin eru of versnandi og veik vegna skulda og þar af leiðandi versnandi horfum í hagkerfi Slóveníu í heild, því bankarnir áttu upphaflega að lána fé til atvinnustarfsemi í landinu. Það geta þeir ekki því Slóvenía er með evrur og er evruríki. Slóvenía fylgir í lækkunnarkjölfar evrulandanna Kýpur, Ítalíu, Spánar, Portúgals, Írlands og Grikklands á þessu ári; BB

Manifesto hugveitu Jacques Delors er þetta:

Today things are moving in the opposite direction, towards a looser instead of a closer Union, towards a more national instead of post-national Europe. Throwing the Community spirit behind, Member states let short-term national interests cloud the common vision. They favour intergovernmental solutions above European solutions. Almost to the point of breaking up the Euro, the most concrete symbol of European integration.

We oppose this backward and reactionary direction. Europe has been yet again abducted – by a coalition of national politicians. It is time to bring her back. We believe that this is not the moment for Europe to slow down further integration, but on the contrary to accelerate it. The history of the European Union has proven that more Europe, not less, is the answer to the problems we face. Only with European solutions and a renewed European spirit will we be able to tackle the worldwide challenges. 

Klukkan slær hálf Frakkland

Vissir þú þetta?

Í eðlilegum hagkerfum smíða alþjóðleg vaxtakjör ríkissjóðs gólfið undir vöxtum bankakerfisins. Vextir ríkissjóðs stýra því þeim vaxtakjörum sem bankakerfið býr við. Þess vegna þýddi lækkun á lánshæfni ríkissjóðs Spánar þann 7. október að lánshæfni stærstu banka landsins var einnig lækkuð nokkrum dögum síðar. Og aftur lækkaði lánshæfnismatið á ríkissjóði Spánar nú klukkan 23:00 á þriðjudagskvöldi. Um tvö þrep af Moody's.  

 

Þetta þýðir að vextir í spænska bankakerfinu eru að hækka. Erfiðara verður fyrir bankakerfið að sækja peninga í lækinn nema að borga enn meira fyrir fjárvatnið. Sem þýðir að lán til fyrirtækja og einstaklinga minnka, því arðsemi fjárfestinga getur ekki staðið undir svona hækkandi vöxtum - og það í miðri tilvistarkreppu þeirrar myntar sem spænska hagkerfið nú pissar á sig í. Þar með munu útlán til fyrirtækja og einstaklinga verða færri og færri og umsvifin og sköpunargleðin í hagkerfi Spánar minnka. Af þessu leiðir að hagvöxtur minnkar og hagkerfið dregst enn meira saman, sem aftur mun þýða enn lægra lánshæfnismat, enn hærri vexti og enn minni umsvif og enn meiri töp og að lokum þorna tekjulindir ríkissjóðs upp því þær koma allar frá atvinnustarfsemi. Síðan fer ríkissjóður í gjaldaþrot því allir eru orðnir nokkuð atvinnulausir. Enginn ostur, engin pylsa - og hagkerfið sagar af sér hausinn. Full atvinna er forsenda velmengunar og framfara. Á Spáni ríkir nú 21,2 prósent atvinnuleysi. Það er 46 prósent hjá ungu fólki. Þetta er svona vegna þess að Spánn á enga mynt. Það getur ekki sett nýjan verðmiða á vörur sínar í útstillingarglugga heimsins. Getur ekki aðlagað gengi gjaldmiðils þess sem landið hefur til láns frá Þjóðverjum. 

Í óeðlilegum hagkerfum sem búa við mynt sem búist er við að annað ríki beri ábyrgð á, er í vissan tíma hægt að blöffa fjárfesta til að lána ríkissjóði alþjóðlega peninga á fölskum forsendum. Þetta gerðist á evrusvæðinu og þar með á Spáni. Spánn bjó einnig við neikvæða raunstýrivexti árum saman og þeir sprengdu efnahaginn í tætlur. 

En nú hafa fjárfestar fattað að það er enginn sameiginlegur skattgreiðandi á bak við sameiginlegu myntina. Enginn sameiginlegur ríkissjóður. Það vantar Ríkið á bak við evruna. Og herinn helst líka. Þetta þarf að stofna í einum grænum. Lánskjör ríkissjóðs Spánar eru orðin verri en ríkissjóðs Íslands undir krónu. Fjáfestar hafa loksins fattað að Spánn er ekki lengur fullvalda ríki, á öngva mynt og getur ekkert gert, nema að reka þá sem vinna í búðinni sem framleiðir vörurnar sem standa á kolröngu verði í búðarglugga landsins sem snýr að umheiminum. En það þýðir heldur ekki neitt, þvi þá reka Þjóðverjar bara enn fleiri úr sinni búð.

Og nú hefur gauksklukka tilvistarkreppu evrunnar náð að slá hálf tíma í Frakkland. Leita þarf aftur til ársins 1992 eftir hlutfallslega meiri vaxtamismun á milli lánskjara ríkissjóðs Frakklands og hins vegar Þýskalands, eins og sést á myndinni hér fyrir ofan. Klukkan er farin að slá óþægilega mikið 1992 á evrusvæðinu á ný; Það ár hrundi gjaldmiðlasamstarf Evrópusambandsins (ERM/EMS) svo að segja til grunna. Það eina sem stóð eftir var óbreytt gengi á milli mynta Hollands og Þýskalands. Ferillinn var svona;

• 14 nóvember 1991: Finnska markið er fellt með 12,3%
• 08. september 1992: Finnland gefst upp á einhliða ERM bindingu
• 17. september 1992: Bretland gefst upp á gagnkvæmri ERM bindingu, pundið flýtur aftur
• 17. september 1992: Ítalía gefst upp á ERM bindingunni, líran flýtur aftur
• 17. september 1992: Spánn gefst uppá þröngri ERM bindingu
• 19. nóvember 1992: Svíþjóð gefst upp á einhliða ERM bindingu eftir að hafa hækkað stýrivexti í 500% til að verja bindinguna.
• 23. nóvember 1992: Spænski peseta og portúgalski escudos eru felldir um 6%
• 10 desember 1992: Noregur gefst upp á einhliða ERM bindingu
• 02. ágúst 1993: aðeins Þýskaland og Holland halda uppi +/- 2.25% gagnkvæmri bindingu ERM.

Hér hafa menn ekkert lært.

Í Svíþjóð gerðist eftirfarandi árið 1992;

• 10. janúar - fjárlög Svíþjóðar kynnt og reynast vera með  71 SEK milljarða halla
• 26. ágúst - Sænski Seðlabankinn hækkar stýrivexti í 16 prósent
• 8. september - Sænski Seðlabankinn hækkar stýrivexti í 24 prósent 
• 9. september - Sænski Seðlabankinn hækkar stýrivexti í 75 prósent
• 16. september - Sænski Seðlabankinn hækkar stýrivexti í 500 prósent
• 23. september - Sænska ríkisstjórnin gefur út ábyrgð fyrir alla banka í landinu, "enginn banki má verða gjaldþrota"
• 30. september - enn einn áfallapakkinn frá ríkisstjórninni kynntur
• 19. nóvember - klukkan 14.28 er einhliða fastgengi sænsku krónunnar gagnvart EMS-gjaldeyrisbandalagi EB lagt niður, og á augnabliki fellur sænska krónan 10 prósent

 

Í Svíþjóð lærðu menn heldur betur af þesari geðsjúku reynslu. Svíar ætla aldrei aftur að fikta við fast gengi né myntsamstarf. Þeir taka aldrei upp evru, því hún er heimsins hættulegasta mynt. 

 

Hlutabréfaeign Ríkisútvarpsins (RÚV) í Evrópusambandinu hefur orðið fyrir áfalli. En hvað gerir stofnunin þá? Jú hún er eins — eða jafnvel enn verri — og greiningardeildir bankanna voru. RÚV heldur áfram að selja ESB-boðskapinn til að bjarga pólitískri fjárfestingu sinni því RÚV er alls ekki hlutabréfalaust? Ekki hlut-laust. En RÚV átti samt að vera það, samkvæmt lögum. Þetta sannar að pólitísk græðgi er oft enn verri en efnahagsleg græðgi. Evran var byggð á pólitískri græðgi og engu öðru. 

Vissir þú að ríkissjóður lands sem skuldar í annarri mynt en þeirri sem landið ræður yfir og getur sjálft prentað, má helst ekki stofna til eins mikilla erlendra skulda eins og þau ríki sem skulda alfarið í sinni eigin mynt. Klukkan kallar evrusvæði-ESB ding dong. Þar á enginn sína eigin mynt og það vita fjárfestar nú. En stofnað var hins vegar til allra of-miklu skuldanna á þeim forsendum að öll löndin ættu þá mynt sem skuldir þeirra liggja í. Skuldasöfnun landanna stjórnaði að hluta til seðlabankinn frægi, ECB. Þetta gerðist allt á hans vakt og undir lófaklappi hans.  

 

Sjá ítarefni; FT í dag (French bond blow-out, chart du jour) og nótur seðlabanka Bandaríkjanna í New York um árið 1992 (Historical echoes)

 

Þriðjudagskvöld í evrulandi; Spain’s Rating Cut to A1 by Moody’s

Jóladagatal ESB í Grikklandi - næstu 4 evrudagar

Mánudagur í evrum

 

Í dag eru ríkisfjölmiðlar í verkfalli og verða svo þar til á fimmtudag. Lögfræðingar hins opinbera halda áfram í verkfalli sínu þar til á miðvikudag. Engar ferjur sigla fyrr en á miðvikudag vegna verkfalla. Tollverðir ganga frá vinnu í 24 klukkustundir. Skattheimtumenn landsins sem heimta inn skattinn sem senda á til Frankfurt og Brussel eru í 48 klukkustunda verkfalli. Sömu sögu er að segja um almannatryggingar og bæjarstjórnir. Þetta er jú Evrópusambandið ESB.

Þriðjudagur í evrum

 

Járnbrautarstarfsmenn hefja þriggja daga verkfall. Engar samgöngur verða til flugvalla þannig að ESB getur ekki flúið land þann veginn. Þetta gildir sem sagt einnig um marga sporvagna. Blaðamenn hefja verkföll. Hafnarverkamenn hefja 48 stunda verkföll.    

Miðvikudagur í evrum

 

Stærstu verkalýðsfélög Grikklands hefja 48 klukkustunda verkföll. Er Gylfi með? Spennandi. Engin flug verða né akstur leigubifreiða. Bankar og sparisjóðir ætlaðir til afnota fyrir almenning verða lokaðir og læstir, enda ekkert í þeim. Verslanir verða einnig lokaðar vegna verkfalla.

Fimmtudagur í evrum

 

Ekkert flug og öngvir leigubílar. Almenningssamgöngur verða að hluta til lamaðar. ESB-jólin nálgast í evrum. 

Þessar aðgerðir eru taldar auka landsframleiðslu fjárlagaherdeildar Brussels í Grikklandi um miklu minna en ekki neitt. Atvinnuleysi í Grikklandi mælist nú 16,7 prósent og 43 prósent meðal ungs fólks.

Föstudagur í hverju?

 

Bylting? Evrópuherinn frá Frankfurt og Brussel í fjármálaráðuneytinu leystur af hólmi með nýrri grískri herstjórn? Hver veit. ESB er svo spennandi.

 

Með kveðju

Friðarbandalagið ESB

Kommissar Ímat Úrmat, friðarstjóri

 

Krækja

Ekathimerini

Nokkuð satt - og loksins rétt

"Evrusvæði Evrópusambandsins er lokað hagkerfi sem samanstendur af 17 litlum opnum hagkerfum. Summan af 17 litlum opnum hagkerfum er eitt stórt og lokað Evrópusamband." Þetta segir hann. 

Enn fremur segir hann að Evrópusambandið og svo kallaðir leiðtogar þess hafi gert þessa tifandi púðurtunnu að heilu sveitamennsku-heimsveldi og fullkomnu meistaraverki forheimskunnar. Og að allir þeir hagfræðingar sem þetta sautjánda settvirki asna ESB notast við, séu svo heimskir að þeir gætu ekki án aðstoðar opnað tómatsósuflösku án blóðbaðs. Þetta segir hann líka, en óbeint. 

Did I think they were morons, he asked?

 

Þetta eru bein og óbein orð eins fremsta Evrópusambands- og evrufíkils meginlandsins, Wolfgang Munchau, sem ritar þetta brennandi ástarljóð sitt til ESB í Financial Times í dag. Hann er orðinn svo hræddur um að stofnun Bandaríkja Evrópu glutrist niður vegna fyrirþvælings 17 sveitamanna sem koma þarf samstundis fyrir kattarnef, að hann, já hann, er að tryllast af hræðslu við þessi 17 þjóðkjörnu fyrirbæri.   

Já. Þetta var svo frábær hugmynd, þetta myntbandalag. Maður tekur fullveldið af 17 ríkjum í peninga- vaxta- og myntmálum. Læsir þau svo saman í járnföstu gengisfyrirkomulagi við hvort annað í gegnum hina sameiginlega mynt sem allt er að drepa. Svo hendir maður lyklinum burt og lætur þau um að kála hvort öðru í endalausri innbyrðis efnahagslegri styrjöld og í kapphlaupi við hvort annað niður á botn samfélaganna - í krafti regluverka sem virka ekki - og gegnum eilífar innvortis gengisfellingar árhundruðum saman. Og þetta halda jafnvel sumir að enn sé hægt að lagfæra.

Svona fer þegar heilabúi frammámanna er varpað fyrir róða. Þá verður það að utanborðsmótor heimskunnar, eins og þeim sem nú knýr ríkisstjórn Íslands áfram inn í hið stóra og lokaða hagkerfi heimskingja; Evrópusambandið sjálft. Apabúr plánetunnar.

 

Krækja

 

Why Europe’s officials lose sight of the big picture 

100 prósent ESB-PONZI tap fjárfesta á Grikklandi evrusvæðisins

 

Enn er Evrópusambandið að skuldsetja Grikkland fram á hinsta tár. Landið er svo örkumla eftir 30 ár í Evrópusambandinu og 10 ár í myntbandalagi þess að ef lækka ætti skuldabyrði ríkissjóð Grikklands niður í 50 prósent af landsframleiðslu, já, þá munu þeir fjárfestar sem lánuðu gríska ríkinu peninga með því að kaupa af því ríkisskuldabréf, tapa þeim alveg öllum. 100 prósent hárklipping er skalli. Þetta segir svissneski stórbankinn UBS í nýrri skýrslu. 

Restin, eða helmingur af landsframleiðslu Grikklands, eru forgangskröfur þeirra sem nú stjórna landinu frá útlöndum; a) ECB-seðlabanki Evrópusambandsins, b) fyrirmikilmenni óspurðra skattgreiðenda í öðrum evrulöndum og c) Alþjóða Gjaldeyrissjóðurinn.

Þetta þýðir að það er alveg sama hvað Grikkland gerir innan evrusvæðisins; landinu mun alfarið verða stjórnað af yfirvöldum annarra ríkja um alla framtíð. Eina leiðin til að losna undan dópgjöf ECB-bankans og evrulanda, er að yfirgefa myntsvæðið, fara í ríkisþrot, taka upp drökmu, fella gengi hennar og neita að borga neitt nema AGS. Aðeins þannig er hægt að bjarga lýðveldi Grikklands og koma lífsnauðsynlegum hagvexti af stað á ný. 

 

Skuldatryggingaálagið á evruaðild evruríkja er nú að verða það versta mögulega í heimi þróaðra ríkja. Mikið versnandi lánskjör og lánveitingar úr bankakerfum evrulanda má lesa út úr þessum versnandi tölum.

 

A worrying Eurozone bank murmur? For the past week the figures have signalled that something is amiss

 

Evruland Frakkland: 183 punktar (+6,63p bara í dag)  

Evruland Portúgal: 1156 punktar

Evruland Spánn: 380 punktar (+6,89p bara í dag)

Evruland Ítalía: 454 punktar

Evruland Belgía: 319 punktar

Evruland Austurríki: 170 punktar

Evruland Grikkland: 5887 punktar 

Evruland Írland: 762 punktar

 

- svo eru hér tvö lönd sem hafa sína eigin mynt

 

Svíþjóð: 59 punktar

Ísland: 291 punktar

 

Vissir þú að 30 prósent af hagkerfi Eistlands er talið vera svart og neðanjarðar. ESB er svo gott.

 

Krækjur

• Greek haircuts vs Greek debt cuts 
• Newest foreign estimate puts Estonia’s underground economy at 30 percent  

Fyrri færsla

 

Atvinnuleysi er að aukast á Íslandi, ekki minnka