Leita í fréttum mbl.is

Færsluflokkur: Evrópumál

Henry Kissinger um Úkraínu

Henry Kissingar um Úkraínu

"Vesturlönd verða að skilja að þegar að Rússlandi kemur, getur Úkraína aldrei orðið bara "erlent ríki". Úkraína hefur verið hluti af Rússlandi öldum saman. Jafnvel þekktir andófsmenn á borð við Alexander Solzhenitsyn og Joseph Brodsky héldu því staðfast á lofti að Úkraína væri órjúfanlegur hluti af Rússlandi"
– Henry Kissinger, 2014

Ergo: Úkraína verður aldrei NATO-ríki né hvað þá ESB-land

Síðan þurfa menn að athuga að sterkasta strategíska-bandalag norðurhvels jarðar í dag er Rússland-Þýskaland. Stórt (vandamál) er í vændum þar

Nú segja tístkofaræksni vestrænna fjölmiðla að Rússar neyðist til að vera án Coca-Cola og McDonalds hamborgara. Þetta er alveg skelfilegt. Sennilega svipað og þegar McDonalds flúði Ísland vegna falls bankanna. Þá sá ég lesanda WSJ skrifa að það væri rosalegt áfall fyrir okkur Íslendinga, því nú þyrftum við að fljúga til Írlands til að fá að borða hjá McDonalds þar. Rosalegt. Og þá vorum við kallaðir "gyðingar norðursins" og sumir sögðust allt í einu vera "Danir"

Ég er enn að hlægja að tístkofaræksnum vestrænna fjölmiðla fyrir marglognu sögu þeirra af MIG-þotunum sem Pólverjar áttu að vera að senda. Og satt að segja dauðvorkenndi ég skelfingu lostinni ríkisstjórn Póllands fyrir að þurfa að niðurlægja sig við að koma því á framfæri að um falskar fréttir væri að ræða. En þeir gátu auðvitað ekki sagt almenningi frá því að tilbúningurinn varð að mestu til í munni utanríkisráðherra Joe Bidens. Sá maður villtist óvart á veruleikanum og sýndarveruleika vestrænna tístkofaræksna. Það er: hann villtist í sjálfklappandi innvortis fagnaðarsölum þeirra og í hliðar- og sýndarveruleika eigin en gjaldþrota góðmennsku allra sem þar tísta

Já vel á minnst. Yfirmaður Rússneska hersins, varnarmálaráðherrann, talar níu tungumál - og hlær örugglega dátt á þeim öllum í dag. En hér heima tala menn orðið bara hálft tungumál

Mikið verður Kreml nú fegin því að Vesturlönd þurrka sig sjálf út í Rússlandi. Alveg sjálf. Slíkt hefði engum innan landamæra rússneska ríkisins tekist upp á eigin spýtur. Og svo er svakalega gott að geta borgað erlendar skuldbindingar í rúblunni sem Vesturlönd sáu um að fella í verði heima hjá sér en ekki í Rússlandi. Þarna er allt á réttri leið. Tístkofaveldi Vesturlanda stendur sig vel og miðar nákvæmt og rétt á sínar eigin fætur

Nú styttist í að hér verði gerðar vesalinga-kröfur um nýjan útaustur úr "neyðarsjóðum", fullum af frosnum vindmyllum og dauðum sólsellum. Einkum þegar refsiaðgerðir Vesturlanda byrja að virka á Vesturlönd en ekki á Rússland. Þá verður nú gaman

Það verður líka fróðlegt að sjá hvaða erlendu einræðisherra Vesturlönd ætla að sleikja sig upp við næst. Biden bað Pútín um að auka olíuframleiðsluna um daginn, því auðvitað getur hann –sem kemst varla klakklaust upp í eigin flugvél– ekki skitið sig út við svo subbulegar nauðsynjavörur heima í sínum eigin kolruglaða flokki, sem komst yfir forsetaembættið með svo miklu kosningakerfissvindli að 21 ríki Bandaríkjanna reyndu að fá hæstarétt landsins til að grípa inn. Hláturinn í Kreml hlýtur að hafa heyrst austur fyrir Úralfjöll þá, um leið og þeir dreifðu útfylltum kjörseðlum Demókrata út um gluggana - og hringdu Kremlarklukkum

Nú skemmti ég mér við að lesa Tass og RT á meðan ég get, því varla er lengur hægt að lesa það sem vesturlenskt er, þöggunin á sögulegar staðreyndir og eigin heimsku er svo ærandi. Frjálsum Bretum var hins vegar leyft að hlusta á skemmtiatriðin frá Berlín í Síðari heimsstyrjöldinni. Ræður staðarhaldarans þar urðu að föstu skemmtiatriði fyrir bresku þjóðina. En í dag neyðist sú þjóð til að hlusta eingöngu á trúðinn í eigin húsi, allt hitt er nefnilega bannað, nema tístkofaveldi Sovét-Google. Og svo eru það náttúrlega "persónuverndarlögin" beint úr glóandi einræðisbakarofni Sovét-ESB og sem kostað hafa þrjár billjónir evra. Þau bjarga þessu öllu, ekki satt!

Illa er fyrir okkur komið

Fyrri færsla

Af hvejru Berlín hætti við NordStream2


Af hvejru Berlín hætti við NordStream2

Nú er komið í ljós að Þjóðverjar hættu við NS2-gasleiðsluna beint til Kremlar af því að Bandaríkin hefðu að öðrum kosti refsað (e. sanction) persónulega hverjum einasta stjórnmálamanni Þýskalands sem kom nálægt leiðslunni, hverjum einasta hluthafa og hverjum einasta viðskiptavini/birgi sem kæmi nálægt henni

Þetta hefði þýtt að Gerhard Schröder, Angela Merkel, plús næstum allir þingmenn SPD-flokks hins nýja kanslara, plús hann sjálfur, og meira en helmingur þingmanna úr flokki Merkels hefðu sætt persónulegum refsiaðgerðum Bandaríkjanna og bankareikningum þeirra lokað - og þau kæmust ekki upp í neina flugvél til útlanda, því hún fengi hvergi að lenda

Engin þýsk vopn munu breyta neinu í þessu stríði eftir U-beygju Berlínar í síðustu viku. Hvorki mygluð né ómylguð. Það eru 75-prósent undanþágur í SWIFT-refsiaðgerðunum svo að Þýskaland og stærstur hluti meginlands Evrópu, en þó einkum Mið- og Austur-Evrópa, geti haldið áfram að borga Rússum fyrir orkuna og haldið á sér hita og framleitt rafmagn

En hversu lengi mun þetta halda? Ég held ekki að neitt í Þýskalandi muni breytast í praxís nema það að almenningsálitið í Þýskalandi hefur snúist yfir í reiði yfir ást þýskra stjórnmálamanna á (vel að merkja: erlendum) einræðisherrum. Þýskur almenningur er sennilega sár yfir því að hafa ekki alvöru einræðisherra sjálfur, heima hjá sér, en ekki bara sem birgi (e. supplier) sem fær þýsku stjórnmálin úthýst e. outsourced til einræðisherra í annarra manna löndum. En öll helstu viðskiptalönd Þýskalands í dag eru einræðisherraríki. Berlín verður því áfram föst á mála hjá hjá Kreml um langa framtíð og Þýskaland mun springa í loft upp innanfrá, eftir vissan tíma. Ég held ekki að neinn Þjóðverji hafi í hyggju að gera sig gjaldþrota vegna Úkraínu. Sérstaklega ekki stjórnmálamenn landsins og fyrirtæki. Rússland heldur um pung þeirra og það veit þýskur almenningur ákaflega vel núna

Þýskur ráðherra hefur sagt, svo seint sem í síðustu viku, eftir að innrásin hófst, að ef orkuleiðslunum til Kremlar verði lokað, að þá sé úti um þjóðfélagsfriðinn í Þýskalandi. Landið muni gjósa - innvortis

"Já en við höfum jú vindmyllur, ekki satt?" (GR)

Það sem Þýskaland er mest hrætt við núna er að hið augljósa gerist: Að Bandaríkin flytji sig yfir til Póllands og að Þýskaland missi því þann spón úr aski sínum sem það hefur mjólkað í rúm 30 ár: þ.e. fasta viðveru bandaríska hersins í Þýskalandi. Ef það gerist, þá lokast Þýskaland inni og getur illa haldið áfram að dreyma um að verða ómissandi hluti af stórveldi Rússa. Þýskaland er búið að þurrausa ESB og koma því í þrot, svo þar er lítið meira að hafa. Þjóðverjar líta svo á málin, og hafa alltaf gert, að Rússland sé næsti nágranni þeirra í austri og þær 120 milljónir manna sem þar búa og eru á milli þess og Rússlands, séu "eins konar rusl"

Varðandi þá lest brynvarinna ökutækja, skriðdreka og hergagna sem í fréttum hér heima og víðar á vesturlöndum er á leið inn að Kænugarði: Jú hún virðist bara lengjast með hverjum deginum sem líður. Ef slík lest getur staðið þarna óáreitt í kyrrstöðu svo dögum skiptir, þá er annað tveggja að gerast: 1) Hún telur sig örugga fyrir anti-tank vopnum og árásum og það bendir til að fréttir frá Úkraínu (áður: okraina á rússnesku sem þýðir jaðar rússneska tsar-ríkisins) séu misvísandi. Eða 2) að um sé að ræða fréttalest. Fátt gæti komið Kreml eins vel og að vesturlenskir fjölmiðlar sái þeim fræjum djúpt að rússneski herinn sé illa rekinn, illa stjórnað og vanhæfur. Það myndi gagnast Kreml mjög vel

ESB-Evrópa gerði ekkert þegar Pútín skrúfaði tvisvar fyrir orkuna til Úkraínu. Jú hún gerði eitt: hélt áfram að auka og auka orkukaupin frá Rússlandi, kinka kolli vegna Krímskagans, og leggja nýjar leiðslur beint upp í Kreml og gefa skít í Bandaríkin - á sama tíma og hún minnkaði sína eigin orkuframleiðslu, af því því að Angela Merkel –Honecker-ríkisbumbufetistinn frá DDR– og gervihnettir hennar á sporbraut um Þýskaland vildi það - og þeir fylgdu Þýskalandi líka að málum í að svíkja skuldbindingar sínar við NATO. Ókjörna og veruleikafirrta klíkan í Brussel blessaði svo allt saman, enda orðin föst í vasanum á Þýskalandi - sem er á leið að verða stjórnlaust land á ný. Pólitíski stöðugleikinn þar er horfinn. Sambandsríkið Þýskaland er orðið KARTEL og ESB er bein eftirmynd þess. Stofnstjórnarskrá Þýskalands frá 1871 er fyrst og fremst efnahagsleg hugmynd að eins konar OPEC

Og einmitt nú, eftir að hafa komið öllu á meginlandi Evrópu í óefni á ný, með moldvörpustarfsemi bæði innan NATO og ESB, segist Þýskaland (útibú Kremlar) allt í einu ætla að hervæðast á ný. Ja hérna

Rússar vissu vel að það kæmi að því að Berlín teldi sig vanta hernaðarmátt sem passaði við hinn nýja efnahagsmátt hennar í Evrópu. Að hún teldi sig fyrr en síðar vanta stellið sem passar við nýju innréttingu hennar á Evrópu - og sem enginn íbúi álfunnar bað nokkru sinni um, og fékk aldrei kost á að segja neitt um

En það var einmitt í Úkraínu sem Rússland braut bak þýska landhersins í spón. Úkraína er einn stór drekkingarhylur gegn innrásarherjum sem þrisvar hafa reynt að hertaka Rússland úr vestri. Úkraína er því innbyggð í merg og bein Rússa

Hvað sagði ekki frú Thatcher?

Fyrri færsla

Hlátursgasleiðsla Pútíns til ESB-landa [u]


Gasalega "swift" maður [u]

Á meðan eini alvöru leiðtoginn á norðurhveli jarðar heyjar stríð og leggur land og fólk undir sig, þá halda Evrópusambandið og evru-örmagna aðildarlönd þess á sér hita með rússnesku gasi við að horfa á og að stunda félagsmiðlastríð á bak við glerið í Bambusseli hins misheppnaða ríkis þeirra í Belgíu. Hvað segir það um okkar svo kölluðu vesturlönd?

Og "SWIFT"-aðgerðirnar sem áttu að stöðva þetta allt? Jú sjö rússneskir stórbankar af um það bil jafngildi 28 fá þær á sig á meðan hinir gera það ekki. Það er að segja fjórðungur fjármálakerfisins fær á sig þessar refsiaðgerðir. Rússland er var næst stærsta aðildarlandið í SWIFT-samskiptakerfinu. Og Mir greiðslukerfi Rússa sér nú um Visa-færslurnar, eftir að Visa Inc. dró sig út og missti meira en sex prósent af heimsviðskiptunum. Ákvörðunin drukknaði í veruleikavökvanum við hið græna fundarborð vindmyllumanna Bambussels - næstum því "swift" eins og Obama sagði í annarri hverri setningu í átta ár

Rifnar gallabuxur vesturlanda sjá svo um fréttaflutningana frá einu hné til annars á "fréttastofum" bálkakeðja og fjártækniskrifara. Þær eru því allar jafn tístandi gagns- og vitlausar. Fullkomið jafnræði ríkir

Og Biden? Jú nú nær hann því að vera forseti tveggja innrása Rússa í Úkraínu - og að leiða þær báðar

****

Rússneskar orrustuþotur flugu inn í lofthelgi Svíþjóðar í gær, austur af Gotlandi. Sennilega til að óska sænskum vinstrimönnum til hamingju með að hafa sprengt sig sjálfa og land sitt í loft upp innan frá síðastliðin 30 ár og hyggja því nú á NATO-umsókn. Síðan hafa þoturnar væntanlega vinkað Finnum sem skyndilega sækjast eftir að fá NATO til að verja viðskipti þeirra við Rússa, því Finnar hafa nefnilega í 30 ár horft á hvernig Þjóðverjum tókst að fá 65.000 bandaríska hermenn til að verja gasleiðslur þeirra til Rússlands og þýskar bílaverksmiður í Rússneska sambandsríkinu, plús vöruflutninga til baka, gratís. Landamæri Finnlands beint upp að Rússlandi eru ekki nema smá smotterís 1400 kílómetrar að lengd og bætast þá við það sem óverjanlegt er orðið suður og niður. Þarna gengur allt eins og einmitt í sögu

Fyrri færsla

Bresk og frönsk kjarnorkuvopn hafa lítið sem ekkert gildi


mbl.is Segir nýtt kalt stríð hafið
Tilkynna um óviðeigandi tengingu við frétt

Bresk og frönsk kjarnorkuvopn hafa lítið sem ekkert gildi

Fælnimáttur breskra (215) og franskra (300) kjarnorkuvopna hefur ekkert gildi gegn andstæðingi eins og Rússlandi (4500) - þ.e. í stöðu eins og er núna - og í reynd hefur gilt síðan 1949. Þeir myndu bara þora að nota þau af því að þeir telja sig vera undir kjarnorkuvopna-regnhlíf Bandaríkjanna líka (4480)

Ergo; þau hafa bara gildi gegn minniháttar andstæðingi

Það er milljón sinnum erfiðara að koma sér upp vörnum gegn andstæðingi eins og Rússlandi en hið ábyrgðarlausa apabúr í ESB-Evrópu heldur. Allar slíkar varnir þurfa að ná til alls heimsins. "Heimshluta-herveldi" hefur ekkert gildi þegar að kjarnorkuvopnamálum kemur

Þýskaland þyrfti að spyrja sig þeirrar spurningar í dag hvort að það haldi að 70 þúsund bandarískir hermenn sem Þjóðverjar hafa í landi sínu, séu þar til þess að verja NordStream-2 gasleiðsluna sem þeir hafa lagt á milli sín og Rússlands. Þýskaland sendir Rússlandi einn milljarð dala á hverjum degi ársins fyrir orkukaupum. Þúsund milljónir dala á dag

Gat þetta farið öðruvísi? Nei

Reka þarf moldvörpuna Þýskaland úr NATO og leysa Evrópusambandið upp

Og Úkraína er misheppnað og óstjórntækt ríki og verður aldrei neitt annað, bara svo þið vitið það: Óverjanlegt land sem mun sprengja sig sjálft í loft upp með reglulegu millibili: innanfrá. Hún, eins og Líbanon, verður aldrei nýtt hlutlaust Sviss. En þær vonir stóðu til með Líbanon á sínum tíma

Ekkert tryggingafélag myndi vilja tryggja Evrópusambandið gegn stríði, með alla þessa geðsjúklinga þar um borð. Og alls ekki með Úrsúlu von der Lygar um borð í skipinu. Narcissistinn sú sagði nefnilega í gær –já í gær– að Úkraína ætti að ganga í Evrópusambandið, að hún tilheyrði þar

Hún veit sennilega ekki að Rússar kunna að lesa. Þeir gætu til dæmis gert innrás í Finnland til að afsanna orð hennar, bara sí svona, því Finnland er ekki í NATO, en það er í ESB. Hvað myndi hún leggja til málanna þá?: jú að Finnland ætti að ganga í ESB, auðvitað!

Þessi genetíski fábjáni sem hún er fær því miður hvergi vinnu annarsstaðar en einmitt sem forseti framkvæmdastjórnar Evrópusambandsins. Þess vegna er hún þar. Fimm önnur ESB-lönd eru ekki í NATO. Þessi manneskja er lífshættulegur stórfábjáni - eins og Angela Merkel

Rússland mun aldrei samþykkja Úkraínu sem vestrænt áhrifasvæði. Af hverju ekki? Einfaldlega vegna þess að það getur það ekki. Ekki frekar en að Bandaríkin geta samþykk Kanada sem rússneskt áhrifasvæði

Ekki hægt

Rússland gæti hins vegar samþykkt Úkraínu sem hlutlaust svæði undir þeirra vernd. Þ.e. gegn því að fá að hafa herstöðvar í landinu, sem myndu geta gripið inn og tryggt lög og reglu, eða með öðrum orðum, frið í landinu. Rússar gætu líka skorið landið upp og skilið vestasta hlutann eftir sem landsleifar á borð við Þýsk-austurríska lýðveldið. ESB gæti til dæmis fengið að slefa ofan í það og að halda því uppi. Borga. Líklegast er þó að þeirri ríkisstjórn sem var velt af stóli 2014 verði komið fyrir í Kænugarði á ný, samhliða öðrum aðgerðum. En 40 prósent landsins styðja hana eins og er

Kænugarður hefur ekki nema hluta landsins á sínu valdi í dag og undanfarin ár - af því að Úkraína er óstjórntækt land. Ríkisstjórn sem ræður ekki landi sínu er ekki ríkisstjórn

Fyrri færsla

ESB lokar 70 prósentum, en heldur áfram að senda peninga til Kremlar [u]


ESB lokar 70 prósentum, en heldur áfram að senda peninga til Kremlar [u]

INNRÁS RÚSSLANDS Í ÚKRAÍNU 2022

****

Hið ömurlega Evrópusamband sem lagt hefur meginland Evrópu í ósjálfbjarga grátandi rúst, að öllu leyti, hrósaði sér í nótt fyrir að loka 70 prósentum fjármálakerfisins af fyrir Rússakeisara. Þrjátíu prósentur fjármálakerfisins standa þó enn opin svo að hið ókjörna pólitíska gangsterveldi Evrópusambandsins geti haldið á sér hita við að skrifa undir "aðgerðina", sem þó er ekki víst að öll löndin kyngi niður

Þessi 30 prósent sem enn standa opin eru og verða opin til að taparar meginlands Evrópu geti haldið áfram að senda orku-peninga til einræðisherranns í Kreml, sem á skrifandi stund er að murka lífið úr enn einu fullvalda nágrannaríki Kremlarmafíunnar. Hinu merkantílistíska pakki Þýskalands er nákvæmlega sama um allt á meðan vesturlönd halda áfram að troða snuðinu upp í hið ónýta ríki þess, endalaust!

Þýskaland ítrekaði síðast í gær að það myndi EKKI senda vopn til Úkraínumanna og í morgun sagðist Berlín ætla að senda 150 hermenn til austurhluta NATO-svæðisins, því það væri ekki pólitískur vilji fyrir meiru. Og yfirmaður þýska hersins sagði í gær að þýski herinn væri úr leik. En yfir-yfirmaður hans var Úrsúla von der Lygar, sem leggur allt í rúst sem hún kemur nálgægt

Þessum 150 þýsku hermönnum sem sendir verða til NATO-ríkjanna í austri munu svo fylgja minnst 28 fyrirvarar um hverju þeir mega taka þátt í. Það er ekki einu sinni öruggt að Þýskaland heimili að NATO fái að nota sjálfa eldsneytisleiðslu NATO sem liggur frá ströndum Frakklands og Spánar til varðstöðunnar og hugsanlegra hernaðaraðgerða gegn mafíuveldinu í Kreml. En sú leiðsla sér stærstum hluta almenns farþegaflugs í Evrópu fyrir eldsneyti. Trump sendi Úkraínumönnum nýtískuleg vopn til að granda skriðdrekum og brynvörðum ökutækjum, og fékk bágt fyrir hjá þvaðurveldi fjölmiðla og grænkommapakki vesturlanda. Bretar sendu líka þannig vopn um daginn og þurftu að sneiða hjá þýskri lofthelgi til að koma þeim til Úkraínu

Á sama tíma og Kremlarmafían leggur undir sig hvert nágrannaríkið á fætur öðru, halda grænkommaelítur Vesturlanda –og þar á meðal er stórtaparaarmur Sjálfstæðisflokksins með BB og kó í tapsbroddi– áfram að píska lönd sín til blóðs með grænum ultra-þvættingi, sjálfspyntingum, vinstri-vælmenningu og bambuskofa-afríkudýrkun

Ef ég væri Pútín þá myndi ég hlægja alla leiðina í bankann og kasta upp á þessa skríðandi vesalinga og troða osti í eyrun á þeim. Það er ekki einu sinni hægt að finna svona aumingjaskap upp. Hann er nefnilega "extraterrestrial". Þetta fólk býr ekki á jörðinni

Í gær tilkynntu Bandaríkjamenn að þeir senda aukalega 7 þúsund hermenn til viðbótar við þá 12 þúsund sem þeir hafa sent til varðstöðu austast á NATO-svæðinu. Nálgast því Bandaríkin að hafa um 100 þúsund menn staðsetta á meginlandi taparanna í Evrópu núna. Einu sinni enn!

Vestrænir lífeyrissjóðir eru ánægðari í dag en í gær því fjárfestingar þeirra í gegnum kauphöllina í Moskvu hækkuðu í verði eftir hrun gærdagsins og rúblan hækkar líka í dag

Svo þegar Rússakeisari er búinn að ná allri Úkraínu undir sig, með aðstoð Þýskalands, þá skiptir NS2 gasleiðslan engu máli. Engu máli. Og það vissi Þýskaland vel þegar kanslari þess sagði í fyrradag að Þýskaland myndi leggja hana á ís eða hætta við hana. Hún hafði bara gildi á meðan Úkraína var fullvalda ríki. Nú skiptir hún engu máli, falli Úkraína í kjöltu Kremlar. "Fórnin" kostaði Þýskaland ekki neitt

Aldrei þessu vant horfði ég á kvöldfréttir sjálfsfróunarmiðstöðvar vinstrimanna á DDRÚV í gær. Barnalegt var af þeim að gefa í skyn og tala um að Pútín sé "geðveikur" og "bara eitthvað sem til var á síðustu öld". Sá sem kemur á eftir Pútín í Kreml verður ekki neitt skárri, og það er ekki hægt að segja annað en að hann hafi út-smartað alla í þessu máli, enn sem komið er

Það eina "sem er frá síðustu öld og geðveikt" í þessari stöðu er útópísk heimska og barnalegur hugsunarháttur ESB-Evrópu. Geðveikin á heima í blöðruhálsinum Brussel. ESB-mafían er FÁBJÁNAR og stórhættulegir AUMINGJAR fyrir ÖLL ríki sem koma svo mikið sem í snertingu við litla fingur þess

****

Uppfært: laugardagur, 26. febrúar 2022 kl. 01:30:23

Meira um þetta mál:

Leiðari WSJ 25. febrúar staðfestir að nú séu alls um 100.000 bandarískir hermenn staðsettir á meginlandi taparanna í Evrópu. En þeir eru of dreifðir segir ritstjórnin og að miklu meira þurfi til, með fastri viðurveru. Allir sjá núna, segir blaðið, að væru Litháen, Lettland og Eistland ekki í bandalaginu þá væri Kremlarmafían búin að gleypa þau núna. Og ef Kreml myndi ráðast á þau og Pólland í dag, þá væri útkoman óviss

Ein helsta ástæðan fyrir því að svona er málum háttað í Evrópu í dag, segir blaðið, er Angela Merkel kanslari Þýskalands í 16 ár, sem markvisst hefur starfað í þágu Kremlar við að veikja NATO innanfrá

En hún hefur sérstaklega verið dáð sem undrabarn meðal íslenskra stjórnmálamanna og á sjálfsfróunarmiðstöð vinstrimanna á DDRÚV. Komma-stórtaparadeild BB og kó í Valhöll hefur einnig dáð hana, svo ekki sé minnst á fleiri blinda Þýskalandsfetista og nytsama kjána innan xD

Fundur NATO ríkjanna var haldinn í gær. Þar var ákveðið að virkja hraða-viðbragðsafl bandalagsins, en það varð til sem virkt afl innan NATO árið 2003. Liðsafli er allt að 40 þúsund menn

Kremlarstjórnin hefur undanfarið staðið fyrir mjúku og upppumpandi valdaráni í Hvítarússlandi, Nagorno-Karabakh og í Kazakhstan, svo ekki sé minnst á Georgíu, Krím og nú síðast hernaðarinnrás í Úkraínu, sem er 1,7 sinnum stærra land en Þýskaland

Meira er í vændum og Kreml mun gera allt sem það kemst upp með að gera til að kljúfa varnarbandalagið að hætti Angelu DDR Merkels og nytsamra kjána á borð við hana í hvaða NATO-landi sem er

- Gunnar er þjóðaríhaldsmaður í Sjálfstæðisflokknum  

Fyrri færsla

Tímabundin íslagning Nord-Stream-2


Tímabundin íslagning Nord-Stream-2

Victor Davis Hanson bóndi og sagnfræðingur. Óbeint segir hann: SÞ er ónýtt. AGS er ónýtt. WHO er ónýtt. WTO er ónýtt. Evrópusambandið er ónýtt. Næstum allar hinar "alþjóðlegu" eftirstríðstofnanir Síðari heimsstyrjaldarinnar eru ónýtar. "Post WWII World Order" er búið að vera. Glóbalisminn er dauður. Heimirinn lætur ekki að stjórn og mun aldrei gera það

****

Hinn nýi þýski kanslari Olaf Scholz tilkynnti í gær að hin nýja og ónotaða Nord-Stream-2 gasleiðsla frá Rússlandi beint til Þýskalands sé hér með lögð á ís vegna innrásar einræðisherra Rússlands inn í Úkraínu. En er það virkilega svo. Verður gasleiðslan lögð á ís?

Svarið við þeirri spurningu er að finna í valdabaráttu innan þýska sósíaldemókrataflokksins og í Varsjá

I) Í SPD-flokki þýskra sósíaldemókrata og í flokkssamsteypu svo kallaðra "kristilegra demókrata" eða CDU/CSU (eru þó mest akademískir heiðingjar) eru miklir og stórir armar af Rússlandsfíklum. Armin Laschet hið glataða kanslaraefni CDU/CSU er jafnvel enn meiri Rússasleikja en Angela Merkel. Í hans haus, og hennar, komst ekkert annað að en Þýskaland-fyrst-stefna Merkels fyrir kosningar. Öll lönd Evrópusambandsins voru og eru nefnilega á móti NS2 leiðslunni. En þar sem Þýskaland er með Evrópusambandið í rassvasanum þá ræður það og notar ESB og evrusvæðið sem prívat stuðpúðasvæði í kringum sig, þjónandi sér og eingöngu sér, eins og sést. Þess vegna er þessi NS2 leiðsla yfir höfuð til

Með því að leggja NS2 á ís vegna innrásar Rússa, þá nær hinn nýi þýski SPD-kanslari til hins stóra arms Schröder-manna í SPD flokki sínum og tryggir sig betur í sessi. En Gerhard Schröder fyrrum kanslari situr sem útibú beggja þessara arma í gasríkisstjórn Pútíns

En takið eftir: í smáa letri þýska kanslarans stendur óskráð að NS2 verði opnuð ef bensínstöðvarstjórnin í Kreml lætur sér nægja að taka aðeins þann hluta Úkraínu sem búið er að taka - og taki hana ekki alla

II) Austurvíglínan í þessu nýja kalda stríði sem óhjákvæmilega er að skella á af því að Rússland óskar sér þess –það fyrirlítur friðsamlega sambúð við umheiminn því ófriður og átök er það eina sem heldur hvaða Rússakeisara sem er föstum á valdastóli sínum, en ekki borgarar landsins– mun liggja við austurlandamæri Póllands. Það þýðir að Bandaríkin munu smám saman flytja herlið sitt og aðstöðu burt frá hinu sökkvandi Þýskalandi og yfir til Póllands. Það eitt og sér er nægilegt til að gera Pólland að nýju stórveldi í Evrópu. Til Póllands munu góðir hlutir fljóta frá Bandaríkjunum, eins gerðist í Vestur-Þýskalandi í Fyrra kalda stríðinu. Þá tilhugsun þolir Þýskaland ekki því það lítur á þær 120 milljónir manna sem búa á milli þess og Rússlands sem rusl. Þess vegna kom þessi melding frá Berlín um NS2 í gær

En á sama tíma heldur Þýskaland, með ESB í rassvasanum, áfram að pota spjótum sínum í Pólland til þess að því blæði út sem fyrst og veikist gegn Rússum. Þess vegna skellir ESB-Þýskaland dagsektum á Pólland því þá hefur það minna fé til varnarmála. Pólland var nefnilega að kaupa skriðdreka frá Bandaríkjunum fyrir sex milljarða dala. Slíkt er þyrnir í augum Þýskalands, sem þiggur vanþróunaraðstoð frá NATO í varnarmálum en leggur sjálft lítið sem ekkert að mörkum í staðinn, nema þá helst kústsköft og eitraðan þríhyrndan merkantílisma

Á Íslandi eru það eingöngu smásjárfíklar, vesalingar og dellumakarar sem halda nytsemi EES-aðilar lands okkar á lofti. Evrópusambandið er ónýtt og það vita allir. Gangslaust til alls. Ræður hvorki við fjármálakreppur, sjúkdómsfaraldur né að halda tappanum í austri á sinum stað, þ.e. það getur hvorki varið sig sjálft né skapað velmegun. Er algjörlega varnarlaus krypplingur

Það þarf smásjá sem nær niður á nanómetraskala til að koma auga á að það sé betra að standa innan EES eða ESB en að vera ekki í þessum mafíuklúbbi Brusselveldisins, sem nú er útibú og stuðari Þýskalands gegn komandi þjóðargjaldþroti þess

****

Upptaka: Bútur úr ræðu Donalds J. Trump forseta Bandaríkjanna í stofnun Sameinuðu þjóðanna í Nýju Jórvík: Þá hló og flissaði skömmustuleg smábarnasendinefnd Þýskalands til Sameinuðu þjóðanna. En þau pelabörn hlægja ekki lengur. Þau gráta

Fyrri færsla

Kína læsir Litháen inni í fangaklefa ESB - og hendir lyklinum


Kína læsir Litháen inni í fangaklefa ESB - og hendir lyklinum

Fullveldi, peningastefna og vaxtavopn þeirra evrulanda sem heita ekki Þýskaland né Frakkland

Mynd: Fullveldi, peningastefna, viðskipta- og vaxtavopn þeirra evrulanda sem heita hvorki Þýskaland né Frakkland

****

Kína hefur læst Litháen inni í fangabúðum Evrópusambandsins - þ.e. inni í hinum innri fangabúðamarkaði Evrópusambandsins, með því að loka af fyrir viðskipti við landið og hótar það nú að neita að eiga viðskipti við þau ESB-lönd sem eiga viðskipti við ESB-Litháen. Sérstök tilskipun hefur frá Peking verið send til Þýskalands um að þýski iðnaðurinn eigi ekki viðskipti við Litháen. "Brot" Litháens er sama eðlis og "brot" Ástralíu, sem er í svipuðu banni. Litháen ákvað að bæta samskipti þess við Taívan með því að uppfæra sendiskrifstofu þess gagnvart Taípei. Og Ástralía gerðist "brotleg" við ókjörna kommúnistaveldið í Peking, sem rændi völdum í Kína, með því að krefjast rannsóknar á uppruna Kínaveirunnar

En Ástralía er sem betur fer ekki með evru og er heldur ekki í ESB. Hún lemur því frá sér - og á alvöru og vöðvastælta vini í Stóra-Bretlandi, Bandaríkjunum og Kanada

Og hvað ætlar Evrópusambandið að gera í þessum árásum Kína á hinn innri fangabúðamarkað þess, Litháen? Jú það ætlar að skrifa bréf til lögfræðinga. Já þú heyrðir rétt. Skrifa bréf til lögfræðinga WTO. Eða eins og leiðari Wall Street Journal sem fjallar um málið segir, efnislega: "sambandið ætlar að mæta með blekpenna í byssuslag. Slíkt mun taka mörg ár og á meðan verður lífið murkað úr Litháen"

"If the EU can not stand up for its single market to defend its weakest members, then what good is it?" - WSJ

Þetta sýnir gagnsleysi ESB í hnotskurn. Og það sem verra er: Evrópusambandið er stórhættulegt fyrir löndin sem í því eru. Fyrst afvopnar sambandið ESB-löndin og tekur frá þeim þeirra eigin völd og vopn í viðskiptamálum (ásamt í óteljandi öðrum málum) - og síðan sleppir það hundi eins og Kína lausum á þau, og gerir síðan ekkert. Það myndi koma annað hljóð í strokkinn ef Litháen héti Þýskaland eða Frakkland. Þarna má sem sagt Litháen deyja drottni sínum, fast í handjárnum ESB. Lamað um alla og ónýta ESB-framtíð vegna aðildar þess að Evrópusambandinu og upptöku evru, og bíður nú árum saman eftir því að abstrakt og ókjörinn Evrópukeisari út við ysta sæ taki eftir tilvist þess í fangabúðakerfi sambandsins

Lögfræðingar! Ha ha ha ha!

Með ofureflishugsun, en sennilega til einskis, má reyna að vona að það fólk hér heima á Íslandi sem aðhyllist Evrópusambandið, og hinn ömurlega og þjóðfélagslega tortímandi EES-samning, fari að ranka við sér úr rotinu. En eins og ég segi, þar er lítil von, því þannig virka hjátrúarbrögðin. Þetta er trúarlegs eðlis hjá því fólki - trúin á hið mjúka Sovétríki. Allir EES-sinnar eru orðnir meira eða minna kommar og hálfkommar, þó oft án þess að taka eftir því. ESB-sinnar eru hins vegar hreinkommar - þ.e. þeir eru allir sem einn orðnir hreinir kommar og sjá ESB fyrir sér sem NSU: New Soviet Union

****

Í leiðinni er hægt að dæla því hér að; að hinn svo kallaði "fjártæknigeiri", sem aldrei varð, er nú að hálfu leyti í kistuna kominn. Spái ég því banka- og fjármálagreinaum bjartri framtíð og farsælli endurkomu. Hið sama er að gerast með rafbílaþvæluna, sem betur fer. Hún er á leiðinni í kistuna líka: KOMMAKISTUNA!

Fyrri færsla

Boris mun líklega standa


Boris mun líklega standa

Allt við það sama hér og þar, sem betur fer. Árið 1991 gerðist í raun og veru ekki

****

FLÖSKUSTÚTUR BJÓRKOLLUSON OG NÚMER TÍUMENN

Einn uppreisnarþingmaður breska Íhaldsflokksins skreið yfir til Verkamannaflokksins í gær. Þá gangtegund þekkja menn hér heima. Brotthlaupið var að sjálfsögðu vanhugsað, því þar með misstu uppreisnarþingmenn Íhaldsflokksins eitt atkvæði gegn Boris. Og restinni af uppreisnarliðinu er meira illa við fjármálaráðherrann Rishi Sunak og utanríkisráðherrann Liz Truss en þeim er við sjálfan Boris Johnson, forsætisráðherra Stóra-Bretlands. Þannig að gasið seig úr blöðrunni um eitt stig af 180 og óánægju- og reiðibelgurinn gegn Boris Johnson forsætisráðherra skrapp saman um einmitt það eina stig, sem varla er meira en ekki neitt. En þarna er samt möguleiki fyrir Boris sem um munar og er hann jafnframt útflutningsvara. Halló Bjarni

Látið er líta svo út að uppreisnin gegn Boris forsætisráðherra sé vegna veisluhalda í lokuðu landi, þar sem almúginn og drottningin mega ekki á meðan Boris má, en mátti þó ekki. En slíkt gas er einungis yfirskin í bókstaflegum skilningi þess fallega orðs, því það eru orkumálin og græni fundamentalisminn –jaðrandi við geðsturlun– sem er ástæðan, ásamt Brownlegum viðhorfum Borisar til skattamála og almennt stefnuleysi hans í kvöldgrillmálum: þ.e. að græða á daginn en grilla á kvöldin - í staðinn fyrir að standa bara sólarhringum saman við tómt grillið og bíða eftir pylsum frá Einvherzstan

En samt, já samt, er þessi drykkjustefna Borsiar líklega að heppnast, og það bara nokkuð vel. Segja má, nefnilega, að pylsur frá meginlandi hins gjalþrota og gegnumrotna Evrópusambands sprautist bókstaflega á grillið hjá Boris Johnson núna. Hann mun geta valið úr:

1. Stríð í Evrópu: þar sem Evrópusambandið sem Þýskaland rændi frá álfunni verður stærsti taparinn af öllum, með Önnulenu hinni þýsku bjórbokku til að skola niður með

2. Síðan er það matvæla- og orkuskortur meginlandsins sem er mun verri en heima hjá sjálfum græntrufluðum Boris. Vöru- og matvælaskortur mun þó ekki mæta til leiks af fullri alvöru fyrr en á komandi hausti. Heimhýsing er lykilorðið hér og hún tekur langan tíma - þ.e. mörg ár ef ekki áratug

3. Heimsfaraldur. En þar er Boris með fyrirhöndina, þrátt fyrir glasagarðyrkju hans þar sem uppskeran varð verri en engin

4-500. Og síðan eru það hin gömlu og ótæmandi stórtækifæri Bretlands til að sundra og pota nýbrýndum spjótum sínum í halloka og vanvita meginlandið öfugmegin við Ermasund - og sem er ekkert smáræðis vopn að hafa, því nú er það ekki bara Lundúnaþoka ESB-embættismannaveldis sem ræður, heldur þingmenn hins stóra Bretlands um allt land sem nú halda um þau grillspjót öll, og þau eru næstum óteljandi mörg

Skál Boris Johnson - þetta reddast sennilega, þar til næst. En lærðu nú!

EINN ENN

Upptaka: Einn V8-trukkur enn. Hin dásamlegu jarðefnaeldsneyti plánetunnar láta ekki að sér hæða. Af þeim urðum við rík (lengri útgáfa hér)

****

Að þessu sinni eru það hæðarbúar í norðausturhluta Ástralíu, réttu norðanmegin við Sidney, sem sækja gömlu jarðýtuna sína ásamt gröfuna á einum og sama aftanívagni heim, eftir útlán. Dráttardýrið er V8-Mack Superliner. Myndatökumaðurinn situr klofvega á húsi jarðýtunnar. Hreint dásamlegt

Fyrri færsla

Bara gleðilegt


Sænska kornuppskeran er 20-28 prósent minni vegna kulda

fmi_swe_tracker

Mynd, Alþjóðasamtök veðurstofa (GCW): Snjómassinn á láglendi á norðurhveli jarðar er langt yfir meðallagi áranna 1982-2012

****

SVÍÞJÓÐ

Sænska landbúnaðarráðið tilkynnti í fyrradag um grænmetis- og kornuppskerubrest í Svíþjóð vegna kulda á þessu ári. Vor,- sumar,- og haustuppskeran er 20-28 prósent minni en á síðasta ári, allt eftir því hvort miðað er við uppskeruna á hvern hektara eða í heild, eða þegar borðið er saman við síðustu fimm árin. Falla þá allt að 1,4 milljón tonn af akur- og kornuppskeru burt af borðum þess sem eftir er af sænsku þjóðinni, í hvellsprungnu landi sökum ESB-hræðsluaðildar

ÞÝSKALAND

Nú er svo komið með Þýskaland að öll helstu viðskiptalönd þess eru einræðisherraríki. Þýsk þjóð og efnahagur hennar er svo bágborinn að flytja verður út næstum helming landsframleiðslunnar. Þetta þýðir að helstu viðskiptalöndin hafa Þýskaland í vösum sínum. Um er einkum að ræða Kína, Rússland og Tyrkland. Þýskaland hefur aldrei getað keppt á alþjóðlegum mörkuðum, nema með þróunaraðstoð Marshallhjálpar og síðan gengisfölsunar evru, þar sem riðið er um heiminn á evrubrotnum bökum landa Suður-Evrópu. Væri Þýskaland með sinn eigin gjaldmiðil myndi gengi hans vera 70 prósent hærra en gengi evru er í dag. Það sem af er ársins 2021 hefur evran fallið um 7,6 prósent gagnvart Bandaríkjadal. Frá því á fjármálabóluárum ECB-seðlabanka Evrópusambandsins hefur evran fallið um tæplega 30 prósent gagnvart Bandaríkjadal

BERLÍN ÚTIBÚ

Ný ríkisstjórn er tekin við völdum í Þýskalandi. Kanslari er Rússafetistinn og sósíalistinn Ólafur Scholz. Sem borgríkisstjóri Hamborgar (sósíalistabæli) lét hann Warburg Bank ríða ríki sínu í afturendann án þess að aðhafast neitt. Og í þýska Wirecard-fjársvikamálinu, þar sem fjárfestar um allan heim voru, með þýskri glæpastarfsemi studdri af þýska fjármálaeftirlitinu, rúnir inn að skinni og þar sem milljarðar dala voru sviknir út, var Olaf Scholz sjálfur fjármálaráðherra Þýskalands í samsteypustjórn Merkels. Þar aðhafðist hann einnig ekkert, þrátt fyrir öll blikkandi rauð ljós, fyrr en að allt var um seinan og tapið hámarkað. Þessi Scholz-kanslari er einnig stórvirkur Nordstream2-lagsmaður, en sú leiðsla er ein hinna stóru geópólitísku katastrófa er nú ríða að hruni komnum húsum meginlands taparanna í Evrópu, einu sinni enn. Komminn Willy Brandt var austpólitíksus (ostpolitik) já, en vel að merkja sem krónískur einfeldningur. En hinn nýi kanslari Scholz er þó mun verri því hann er sjálft útibú Kremlverja á NATO-svæðinu, og mun því hvorki hreyfa legg né lið þegar Rússland smokrar sér upp að landamærum Póllands, með óbeinni aðstoð Ólafs Scholz. Þýskaland hefur sagt að það þiggi vanróunaraðstoð í varnarmálum, ofan í vanþróunaraðstoðina í gengis- og gjaldmiðilsmálum

Ég vinn fyrir fólkið 450

Mynd, Góða fólkið: "Ég vinn fyrir fólkið" stendur á þessu áróðursskilti gömlu Sovétríkjanna. Þar lét Stalín byggja ("upp") risavaxin gróðurhús norður við Hvítahaf, af því að hann gat það. Á meðan lét hann ávaxta- og grænmetisuppskeruna rotna í hinni frjósömu Úkraínu. Fólkið stráfell því úr hungri. Stalín lét einnig byggja ("upp") einkajárnbraut fyrir sig einan og var hún ekki tengd við neitt. Líktist hún því rafbíla- og umhverfismálaþvælu nýkomma á Vesturlöndum núna, sem á sama máta er ekki tengd við neitt, nema við túllann á samskonar fábjánum. Vel má ímynda sér að fyrrverandi-persónan á sovéska áróðursskiltinu sé annaðhvort úr Vinstri grænum eða af nýkommasafninu í Valhöll

MATVÆLASKORTUR Í ESB?

Vegna orkukreppunnar í Evrópu hafa eftirfarandi áburðarframleiðendur skorið niður eða hætt framleiðslu: 1) Rúmenski Azomures tilkynnti í síðustu viku um framleiðslufall vegna hækkana á raforkuverði. 2) Í september tilkynnti hið bandaríska CF Industries í Bretlandi um framleiðslufall í Evrópu. 3) Í sama mánuði tilkynnti hið norska Yara sem framleiðir fjórar af fimm milljónum tonna ammoníak-þarfar Evrópu um hið sama. 4) Hið sama gerði einnig áburðarframleiðandinn Achema í Litháen. Þar næst er það 5) hollenski OCI Nitrogen framleiðandinn ásamt 6) austurríska Borealis AG. Og 7) á Spáni kom Fertiberia út með sömu meldingu. Í Þýskalandi, þar sem raforkuverð hefur meira en fimmtánfaldast frá því í sumar, tilkynnti 8) BASF um skerta framleiðslugetu áburðar vegna orkuverðsins. Á meginlandi Evrópu eru ekki nema þrír mánuðir þar til byrjað er að bera á. Hvað verður veit enginn. Þetta er jú ESB-öryggið þar sem ófarir, hrun, einræði, fjárkúgun, svik og stríð eru nánast gulltryggð um alla framtíð

Upptaka: Ekið 4500 kílómetra leið með 70-tonna farm, knúnum áfram af 18-lítra V8-Caterpillar dísilvél í Kenworth-trukki í Ástralíu. Sjáið 150 km. langa þráðbeina "vegarspottann" í lokin. Eigandi trukksins starfaði áður neðanjarðar

FT REYNIR AÐ ÞVO AF SÉR ESB-SKÍTINN

Engan skal því undra að esbbanka- og fjármálabólublaðið Financial Times skuli nú hafa skírt forsíðu sína upp á nýtt. Hún hét "hin evrópska heimaforsíða Financial Times", en heitir nú "hin breska og alþjóðlega heimaforsíða Financial Times". Það eru sennilega fimm ár síðan að ég sagði FT upp og ég mun aldrei gerast áskrifandi þar á ný. Blaðið er fársjúkt af ESB-gloríutrú, ESB-alræðishyggju og fyrirlitningu á öllu bresku. Þeir sem keyptu ESB-bóluna frá 1992-2008 hráa, gleyptu einnig fjármála og bankabóluna hráa, ásamt "nýja hagkerfinu" á dot.com bóluárunum frá 1996-2000 (e. "the New Economy"). Aldrei aftur átti samdráttur né hrun að geta orðið, hinn endalausi vöxtur væri tekinn við. Hið sama ofsatrúarfólk er trúði á þessar bólur er nú svo úttroðið af loftsslags- og umhverfisþvælu að það er við það að fá loftsslag úr rafbíla-bólugeggjun og hatri á öllu því sem gagnast hefur mannkyninu í að minnsta kosti 500 þúsund ár

Miðað við forsendur, hafði það fólk sem stundaði galdrabrennur á Miðöldum meira vit í kollinum en elítur stjórnmála og embætta í Heiðnikirkjuveldissöfnuði háskólanna hafa í dag. Þúkýdídes hafi því rétt fyrir sér

Fyrri færsla

V8-strokka Mack dregur 175 tonn


V8-strokka Mack dregur 175 tonn

HIN DÁSAMLEGU JARÐEFNAELDSNEYTI

Áströlsk V8-tónlist - hækka hljóðið

****

Mack-trukkurinn er knúinn hinum dásamlegu jarðefnaeldsneytum sem gert hafa okkur svo rík að sumir nýbjánar hoppa svo gott sem sjálfkrafa fram úr sér og í undirkælda ánna, á meðan aðrir gæla við þá hugsun að það sé jafnvel raunhæf hugmynd að þeir geti –já geti– gengið á vatni. Hin dásamlegu jarðefnaeldsneyti plánetunnar hafa staðið fyrir svo miklum framförum og bættu lífi fyrir alla sem tileinka sér ósovéska hugsun, að nú er hægt að reka sjúkrahús og heilbrigðisþjónustu fyrir þorra mannkyns í nær öllum löndum sem enn eru ósovésk - og jafnvel bjarga hoppandi fæðingarbjánum frá sjálfum sér

Í síðasta vagninum hjá Andrew Ogilvy eru 30 tonn af möl og önnur 30 tonn af möl í þeim næsta. Síðan kemur vagninn með veghefilinn sem vegur 18 tonn og þar næst er það vagninn með valtarann sem einnig vegur 18 tonn. Fyrir framan valtarann eru 10 tonn af sementi. Og fyrir framan veghefilinn eru einnig tvö tonn af steypueiningum. Sjálf lestin sem ber þetta uppi er 67,5 tonn. Og sjálfur V-átta strokka Mack-dísiltrukkurinn, með sína 18 gíra, vegur 11,5 tonn. Hann dregur allt þetta hlass og fer létt með það, meira að segja á mjúkum malarvegi. Þökk sé hinum dásamlegu jarðefnaeldsneytum jarðar og snilligáfu vesturlandabúa, einkum og sér í lagi hvítum karlmönnum

Vel er hægt að ímynda sér að í síðasta vagninum séu ekki 30-tonn af möl, heldur 30-tonn af loftslagsþvælu og að í þeim næsta séu 30-tonn af algjörlega gangslausum stjórnmálamönnum (svo gagnslausum að geta ekki einu sinni orðið að olíu), með eldgamlan hálm í heilastað. Króknaðir úr algjöru kjaftæði, allt frá Kyoto, Montrassi, París, til Glasaskógar. Og að Ástralinn Andrew Ogilvy, sem á trukkinn, sé á leið með þetta algjöra kjaftæði á haugana, og muni síðan valta og steypa yfir óþverrann. Mikið ofboðslega væri það nú gott. Mikil frelsun væri það fyrir alla á þessari jörð

V8 tónlist - hækka hljóðið

Sjáið (og heyrið) hversu létt V8-Mack trukkurinn fer með þrjá tveggja hæða nautgripavagna í togi (það fer mun betur með nautgripina að aka þeim heldur en að reka þá, eins og Fljótamenn muna sem neyddust til að reka fé sitt til slátrunar yfir Siglufjarðarskarð). Snúningshraðinn á V8-dísilvélinni knúnu hinu dásamlega jarðefnaeldsneyti fer niður í þúsund snúninga á mínútu, án þess að tapa drætti. Á meðan er glóbal rafbílabólan að springa í loft upp, þrátt fyrir stórfelldar og krónískar mútur stjórnmálamanna áratugum saman. Já rafbílaþvælan er svo mikil og hroðaleg þvæla, að það þarf að múta fólki til að kaupa það drasl - og sem fólk í Evrópu neyðist nú til að yfirgefa á vegunum í Svíþjóð, svo það krókni nú ekki í hel úr allsherjar-kjaftæði stjórnmálamanna, með eldgamlan hálm í heilstað –hoppandi fyrir björg– fyrir alla helvítis peningana. Verði þessum fíflum að góðu. Ég hef séð og heyrt svona fífl áður

Þá sagði hún: "I remind you that a vaccine is the injection of an active biological substance into a healthy body. We are talking about mass vaccination here, it is a gigantic responsibility" - en nú eru skyndilega komnar allt aðrar bollur í ESB-súpuna, þ.e. gamlar alræðisbollur. Fyrst sáði hún ótta og hræðslu við bólusetningar í hjörtu manna í nýja alræðissambandinu, en nú koma hótanirnar

Heyrst hefur að 4-nafna forsetaína framkvæmdastjórnar Evrópusambandsins sem vildi ekki breska V12-strokka Spitfire bóluefnið frá Astra, og sem sagði opinberlega að það ógnaði lífi og heilsu manna í því vonlausa sambandi, hafi nú skyndilega skipt um skoðun, eftir að einn stór; genetískur; og ósjálfráður einræðiskrampi fór um allt stóðelítustellið hennar í stjórnlausri Brussel. Nú hyggist hún nefnilega leggja það til að óbólusett fólk í löndum Evrópusambandsins verði merkt með gulum borða með mynd af kolsvarti CCP-Kínaveiru á efri handlegg. Meginland Evrópu í höndum Evrópusambandsins er því loksins að komast heim; sem sú algjöra stjórnarfarslega viðurstyggð sem hún er, og alltaf verður svo lengi sem fyrirbæri á borð við Evrópusambandið er við stýrið. Menn geta síðan getið sér til um næstu skref hins evrópska ESB-ömurleika

Verst að hafa misst af 10-földun á bréfum Alcoa Inc., undanfarna 18 mánuði. En nýir möguleikar eru sem betur fer að opnast. Jú, það eru kolin. Óelskuð en óhagganleg staðreynd. Staðreyndir eru þrjóskasta fyrirbæri alheimsins. Þvæla er hins vegar bara þvæla

Að lokum. Hér fer enn einn V8-Mack, en að þessu sinni frá fyrirtæki Eddy Hollands heitins. Sem ungur athafnamaður hannaði hann sínar eigin áströlsku V-8 útgáfur af bandaríska Mack-Superliner trukkunum og stofnaði síðan flutningafyrirtæki með sama nafni. Sjáið hve stoltur ökumaðurinn er af fleyi sínu. Það er hrein unun að horfa sá svona nytsama gersemi. Hrein snilld og ein helsta hryggsúlan í flestum ósovéskum hagkerfum

Þess má geta að það var hinn danskættaði Ástrali Kurt Johannsen sem fann upp og hannaði trukkalestina. Hann var það sem kallað er "bush mechanic" eða galdramaður á vélar og verkfæri í erfiðum og fátæklegum aðstæðum. Eins og margir íslenskir bændur voru, og eru enn. Geta allt og meira til. Skólaganga Kurts Johannsen endaði þegar hann var fimmtán ára.

Ástralía og Ísland eiga það sameiginlegt að vera ein strjálbýlustu lönd veraldar; með aðeins 3,4 íbúa á hvern ferkílómetra - og stærstu vegakerfi veraldar á hvern skattgreiðanda

Fyrri færsla

Þrír kellingaflokkar með næstum ekkert á landsbyggðinni. Nýtt kuldamet


« Fyrri síða | Næsta síða »

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband