Henry Kissinger um Úkraínu

"Vesturlönd verða að skilja að þegar að Rússlandi kemur, getur Úkraína aldrei orðið bara "erlent ríki". Úkraína hefur verið hluti af Rússlandi öldum saman. Jafnvel þekktir andófsmenn á borð við Alexander Solzhenitsyn og Joseph Brodsky héldu því staðfast á lofti að Úkraína væri órjúfanlegur hluti af Rússlandi"
– Henry Kissinger, 2014

Ergo: Úkraína verður aldrei NATO-ríki né hvað þá ESB-land

Síðan þurfa menn að athuga að sterkasta strategíska-bandalag norðurhvels jarðar í dag er Rússland-Þýskaland. Stórt (vandamál) er í vændum þar

Nú segja tístkofaræksni vestrænna fjölmiðla að Rússar neyðist til að vera án Coca-Cola og McDonalds hamborgara. Þetta er alveg skelfilegt. Sennilega svipað og þegar McDonalds flúði Ísland vegna falls bankanna. Þá sá ég lesanda WSJ skrifa að það væri rosalegt áfall fyrir okkur Íslendinga, því nú þyrftum við að fljúga til Írlands til að fá að borða hjá McDonalds þar. Rosalegt. Og þá vorum við kallaðir "gyðingar norðursins" og sumir sögðust allt í einu vera "Danir"

Ég er enn að hlægja að tístkofaræksnum vestrænna fjölmiðla fyrir marglognu sögu þeirra af MIG-þotunum sem Pólverjar áttu að vera að senda. Og satt að segja dauðvorkenndi ég skelfingu lostinni ríkisstjórn Póllands fyrir að þurfa að niðurlægja sig við að koma því á framfæri að um falskar fréttir væri að ræða. En þeir gátu auðvitað ekki sagt almenningi frá því að tilbúningurinn varð að mestu til í munni utanríkisráðherra Joe Bidens. Sá maður villtist óvart á veruleikanum og sýndarveruleika vestrænna tístkofaræksna. Það er: hann villtist í sjálfklappandi innvortis fagnaðarsölum þeirra og í hliðar- og sýndarveruleika eigin en gjaldþrota góðmennsku allra sem þar tísta

Já vel á minnst. Yfirmaður Rússneska hersins, varnarmálaráðherrann, talar níu tungumál - og hlær örugglega dátt á þeim öllum í dag. En hér heima tala menn orðið bara hálft tungumál

Mikið verður Kreml nú fegin því að Vesturlönd þurrka sig sjálf út í Rússlandi. Alveg sjálf. Slíkt hefði engum innan landamæra rússneska ríkisins tekist upp á eigin spýtur. Og svo er svakalega gott að geta borgað erlendar skuldbindingar í rúblunni sem Vesturlönd sáu um að fella í verði heima hjá sér en ekki í Rússlandi. Þarna er allt á réttri leið. Tístkofaveldi Vesturlanda stendur sig vel og miðar nákvæmt og rétt á sínar eigin fætur

Nú styttist í að hér verði gerðar vesalinga-kröfur um nýjan útaustur úr "neyðarsjóðum", fullum af frosnum vindmyllum og dauðum sólsellum. Einkum þegar refsiaðgerðir Vesturlanda byrja að virka á Vesturlönd en ekki á Rússland. Þá verður nú gaman

Það verður líka fróðlegt að sjá hvaða erlendu einræðisherra Vesturlönd ætla að sleikja sig upp við næst. Biden bað Pútín um að auka olíuframleiðsluna um daginn, því auðvitað getur hann –sem kemst varla klakklaust upp í eigin flugvél– ekki skitið sig út við svo subbulegar nauðsynjavörur heima í sínum eigin kolruglaða flokki, sem komst yfir forsetaembættið með svo miklu kosningakerfissvindli að 21 ríki Bandaríkjanna reyndu að fá hæstarétt landsins til að grípa inn. Hláturinn í Kreml hlýtur að hafa heyrst austur fyrir Úralfjöll þá, um leið og þeir dreifðu útfylltum kjörseðlum Demókrata út um gluggana - og hringdu Kremlarklukkum

Nú skemmti ég mér við að lesa Tass og RT á meðan ég get, því varla er lengur hægt að lesa það sem vesturlenskt er, þöggunin á sögulegar staðreyndir og eigin heimsku er svo ærandi. Frjálsum Bretum var hins vegar leyft að hlusta á skemmtiatriðin frá Berlín í Síðari heimsstyrjöldinni. Ræður staðarhaldarans þar urðu að föstu skemmtiatriði fyrir bresku þjóðina. En í dag neyðist sú þjóð til að hlusta eingöngu á trúðinn í eigin húsi, allt hitt er nefnilega bannað, nema tístkofaveldi Sovét-Google. Og svo eru það náttúrlega "persónuverndarlögin" beint úr glóandi einræðisbakarofni Sovét-ESB og sem kostað hafa þrjár billjónir evra. Þau bjarga þessu öllu, ekki satt!

Illa er fyrir okkur komið

Fyrri færsla

Af hvejru Berlín hætti við NordStream2

Athugasemdir

[Símon Pétur frá Hákoti (IP-tala skráð) 9.3.2022 kl. 21:29]

Góður pistill Gunnar

og greining upp á 10.

Og athugun Henry Kissinger er og var

og mun verða hárrétt.

[Símon Pétur frá Hákoti (IP-tala skráð) 9.3.2022 kl. 22:01]

Helsti kaldastríðs haukur Valhallar,

Björn ESB Bjarnason,

hefur greinilega aldrei skilið annan

af tveimur helstu strategistum bandarískrar

utanríkisstefnu varðandi Evrasíu, Kissinger.

Það er hlálegt varðandi Valhallar haukinn

og bimbóin hans.

[Gunnar Rögnvaldsson, 9.3.2022 kl. 22:30]

Þakka þér fyrir Símon Pétur.

Já ég er ansi hræddur um að Kissinger hafi skoðað málið allsgáður og séð veruleikann eins og hann er, en ekki eins og menn óska sér að hann sé. Sá maður er ekki beint þekktur fyrir draumórastarfsemi.

Eva Magdalena Andersson forsætisráðherra Svíþjóðar sagði í dag að það sé rangt að Svíþjóð hyggi á NATO-aðild. Ekkert sé hæft í því og það komi einfaldlega ekki til greina því slíkt myndi ógna öryggismálum Evrópu, sagði hún skv. Reuters.

Ríkisstjórn Rússlands kynnti í dag mótvægisaðgerðir vegna refsiaðgerða Vesturlanda:

- Undanþágur frá skatti á fjármagns- og vaxtatekjum.

- Bann við sölu á sérstökum vörum sem þýtt gæti framleiðslustöðvun á hluta vesturlenska orkugeirans - þar undir gætu verið sérkol til stálframleiðslu plús 1.hreinleika-klassa nikkel í rafhlöður frá Nornikkel risanámufyrirtækinu í Síberíu, sem sér heiminum fyrir 1/5 af því, plús kóbalt og ál. Féll því hlutabréfaverð í nýja Suðurkóreanska LG-orkufélaginu sem framleiðir túrbínur í vindmyllur um 19 prósent í dag.

- Aðstoð við erlend flugfélög sennilega bönnuð. Það kostar þau kassann að þurfa að sniðfljúga rússneska lofthelgi, sem er risavaxin að stærð.

- Forgangslánskjör til rússneska landbúnaðarins

- Plús sérstakar refsiaðgerðir á lönd sem neita rússneskum skipum að koma í höfn (þar undir er sennilega Ísland)

- Plús nýjar innviðafjárfestingar.

Kveðjur

[Símon Pétur frá Hákoti (IP-tala skráð) 9.3.2022 kl. 22:59]

Takk fyrir svarið, Gunnar.

Já, Kissinger var án vafa allsgáður þegar hann kom með þessa sögulegu og réttu greiningu.

Af því leiðir að þeir sem skilja það ekki, eru að drukkna í hinni brusselsku grænslepju, sem oft er kennd við spýju.  Og eru að fara með allt okkar gósenland til fjandans.  

[Gunnar Rögnvaldsson, 9.3.2022 kl. 23:04]

Vert er að minnast á að bara til dæmis lokun Visa Inc. í Rússlandi þýddi að heimsviðskipti þess féllu um rúmlega sex prósent á einni nóttu. Rússar fluttu hins vegar allt það færslukerfi inn í Mir-greiðslukerfi sitt, þannig að færslur innanlands virka eins og að ekkert hafi í skorist. Annað mál er með færslur utan landssteinanna.

En fyrst að Visa missir þarna rúmlega sex prósentur af heimsviðskiptunum, þá bendir það til að rússneska hagkerfið sé ekki eins "lítið" og haldið hafi verið fram.

Í reynd held ég að magn-mikilvægi þess í heimsviðskiptunum sé eins og mikilvægi samanlagðra hagkerfa Þýskalands og Frakklands.

Þetta gæti hæglega orðið langsamlega verst fyrir vesturlönd sjálf. Það þurrkar enginn út svona mikilvægt hagkerfi heimsins án mjög alvarlegra afleiðinga fyrir vesturlönd sjálf. Plús það að þetta kemur beint ofan í áhrif Wuhanveirunnar frá Kína.

Eru menn ekki komnir í Covid-vatteruðu glerhúsin sín núna? Eða hafa þeir kannski ekki náð að yfirgefa þau?

[Símon Pétur frá Hákoti (IP-tala skráð) 9.3.2022 kl. 23:34]

Rétt Gunnar, þetta getur orðið verst fyrir vesturlönd sjálf.  Og þær grímur eru að byrja að renna upp fyrir þeim, nema Valhallar grænslepju bimbóunum.

Við vitum báðir að Rússar geta horft til suðurs og austurs, ef vesturglugginn lokast.

Minni á BRICS bandalagið, sem telur Rússland með 145 milljónir, Indland með um 1.500 milljónir og Kína með annað eins.  Þá hef ég margoft bent á Persíu með um 100 milljónir.  Auk Brasilíu og Suður Afríku.  Heildarfjöldi meira en helmingur mannkyns.  Og nú eru Sádarnir auk þess orðnir móðgaðir út í Biden, sem kallaði þá úrhrak.

Allt eru þetta ríki sem eru orðin hundleið á yfirgangssemi og drambi mýrungunna vestra, sér í lagi eftir að Trump var velt af stóli og elliglapinn fallvalti varð þar forseti.

[Gunnar Rögnvaldsson, 9.3.2022 kl. 23:48]

En ég styð náttúrlega Björn Bjarnason í NATO-málum okkar hér heima, meira en 200 prósent. Ég er sennilega enn meiri Kaldastríðshaukur en hann.

Kissinger studdi NATO dyggilega, en hann var samt alltaf með báðar fætur á jörðinni.

En öllu er þó hægt að klúðra gæti menn sín ekki.

[Símon Pétur frá Hákoti (IP-tala skráð) 10.3.2022 kl. 00:02]

"NATÓ málum hér heima."  Um það deila engir.

En styðurðu þá snarlega brusselsku hans?

Mundu Gunnar, stefna Valhallar nómenklatúrunnar tekur einungis mið af stefnu, reglugerðum, lögum og pökkum frá ESB og nojara EES.  

Stefna Valhallar nómenklatúrunnar hefur ekkert að gera með skynsamlega NATÓ hugsun manna eins og Henry Kissinger.

[Gunnar Rögnvaldsson, 10.3.2022 kl. 06:05]

Jú, Símon Pétur, það hefur alltaf verið deilt um NATO-aðild Íslands. Lýðskrum vinstriflokkanna gegn aðildinni hefur í samfellt 70 ár jaðrað við geðklofa á hæsta stigi - og gerir það að mörgu leyti enn.

Þú þekkir andstöðu mína gagnvart út-úr misráðinni ræfils-afstöðu flokksforystu Sjálfstæðisflokksins í orkupakkamálinu og afstöðu Björns Bjarna þar. Skoðun mín þar er alveg á hreinu. Sú stefna þeirra jafngilti pólitískri gjaldþrotabeiðni á flokkinn minn. Þeir stefndu flokknum mínum og báðu um enn meiri hrakfarir hans ofan í Icesave-klúðrið. Og það sést!

Með orkupakkamálinu bað forysta xD um að fullveldi okkar í orkumálum yrði deilt með 27 öðrum óviðkomandi þjóðum. En núna þegar Rússar vilja að Úkraína, fyrrum landsvæði þess, deili fullveldi sínu með Rússlandi, þá gjósa bara ósamhangandi hrútskýringar upp úr turnspírum þessa fólks; og þær eru allar jafn ámátlegar og veikróma síbylju-mjálm þeirra um "betur borgið utan en innan".

Evrópusambandið, nú með orkupakkavaldið yfir Íslandi, hlýtur einmitt núna að hafa mikið dálæti á baráttu Rússa fyrir því að Úkraína deili fullveldi sínu með Kreml. Þetta er einmitt sú framtíðarsýn sem blasir við þegar sérhvert ESB-ríki ætlar að rífa sig laust og burt úr samruna þess í framtíðinni.

Og þegar Þýskaland hefur vígbúist á ný, sem það segist allt í einu ætla að gera, þá mun það geta sent nýjan Luftwaffe sem fljúgandi innheimtustofnun til svona mótþróafullra landa á borð við Úkraínu. Til Evrópusambandslanda sem makka ekki rétt.

Halló! Er einhver heima? Burt með ESB og burt með EES. Ísland þolir ekki meira af svona afbökunarstefnu uppgjafarsinna.

[Símon Pétur frá Hákoti (IP-tala skráð) 10.3.2022 kl. 10:14]

Þakkir fyrir glöggt og greinargott svar.

Kemur í því að kjarna málsins.

Sammála.

[Ragnhildur Kolka, 12.3.2022 kl. 23:11]

Takk fyrir þráðinn, Gunnar. Maður kemur ávalt fróðari út eftir innlit til þín. 

[Gunnar Rögnvaldsson, 13.3.2022 kl. 19:50]

Ég þakka Ragnhildur.

Góð kveðja

[Guðjón E. Hreinberg, 14.3.2022 kl. 00:37]

... og Tenerife er nú "Tene" okkar Íslendinga ... útskýring óþörf.