V8-strokka Mack dregur 175 tonn

HIN DÁSAMLEGU JARÐEFNAELDSNEYTI

Áströlsk V8-tónlist - hækka hljóðið

****

Mack-trukkurinn er knúinn hinum dásamlegu jarðefnaeldsneytum sem gert hafa okkur svo rík að sumir nýbjánar hoppa svo gott sem sjálfkrafa fram úr sér og í undirkælda ánna, á meðan aðrir gæla við þá hugsun að það sé jafnvel raunhæf hugmynd að þeir geti –já geti– gengið á vatni. Hin dásamlegu jarðefnaeldsneyti plánetunnar hafa staðið fyrir svo miklum framförum og bættu lífi fyrir alla sem tileinka sér ósovéska hugsun, að nú er hægt að reka sjúkrahús og heilbrigðisþjónustu fyrir þorra mannkyns í nær öllum löndum sem enn eru ósovésk - og jafnvel bjarga hoppandi fæðingarbjánum frá sjálfum sér

Í síðasta vagninum hjá Andrew Ogilvy eru 30 tonn af möl og önnur 30 tonn af möl í þeim næsta. Síðan kemur vagninn með veghefilinn sem vegur 18 tonn og þar næst er það vagninn með valtarann sem einnig vegur 18 tonn. Fyrir framan valtarann eru 10 tonn af sementi. Og fyrir framan veghefilinn eru einnig tvö tonn af steypueiningum. Sjálf lestin sem ber þetta uppi er 67,5 tonn. Og sjálfur V-átta strokka Mack-dísiltrukkurinn, með sína 18 gíra, vegur 11,5 tonn. Hann dregur allt þetta hlass og fer létt með það, meira að segja á mjúkum malarvegi. Þökk sé hinum dásamlegu jarðefnaeldsneytum jarðar og snilligáfu vesturlandabúa, einkum og sér í lagi hvítum karlmönnum

Vel er hægt að ímynda sér að í síðasta vagninum séu ekki 30-tonn af möl, heldur 30-tonn af loftslagsþvælu og að í þeim næsta séu 30-tonn af algjörlega gangslausum stjórnmálamönnum (svo gagnslausum að geta ekki einu sinni orðið að olíu), með eldgamlan hálm í heilastað. Króknaðir úr algjöru kjaftæði, allt frá Kyoto, Montrassi, París, til Glasaskógar. Og að Ástralinn Andrew Ogilvy, sem á trukkinn, sé á leið með þetta algjöra kjaftæði á haugana, og muni síðan valta og steypa yfir óþverrann. Mikið ofboðslega væri það nú gott. Mikil frelsun væri það fyrir alla á þessari jörð

V8 tónlist - hækka hljóðið

Sjáið (og heyrið) hversu létt V8-Mack trukkurinn fer með þrjá tveggja hæða nautgripavagna í togi (það fer mun betur með nautgripina að aka þeim heldur en að reka þá, eins og Fljótamenn muna sem neyddust til að reka fé sitt til slátrunar yfir Siglufjarðarskarð). Snúningshraðinn á V8-dísilvélinni knúnu hinu dásamlega jarðefnaeldsneyti fer niður í þúsund snúninga á mínútu, án þess að tapa drætti. Á meðan er glóbal rafbílabólan að springa í loft upp, þrátt fyrir stórfelldar og krónískar mútur stjórnmálamanna áratugum saman. Já rafbílaþvælan er svo mikil og hroðaleg þvæla, að það þarf að múta fólki til að kaupa það drasl - og sem fólk í Evrópu neyðist nú til að yfirgefa á vegunum í Svíþjóð, svo það krókni nú ekki í hel úr allsherjar-kjaftæði stjórnmálamanna, með eldgamlan hálm í heilstað –hoppandi fyrir björg– fyrir alla helvítis peningana. Verði þessum fíflum að góðu. Ég hef séð og heyrt svona fífl áður

Þá sagði hún: "I remind you that a vaccine is the injection of an active biological substance into a healthy body. We are talking about mass vaccination here, it is a gigantic responsibility" - en nú eru skyndilega komnar allt aðrar bollur í ESB-súpuna, þ.e. gamlar alræðisbollur. Fyrst sáði hún ótta og hræðslu við bólusetningar í hjörtu manna í nýja alræðissambandinu, en nú koma hótanirnar

Heyrst hefur að 4-nafna forsetaína framkvæmdastjórnar Evrópusambandsins sem vildi ekki breska V12-strokka Spitfire bóluefnið frá Astra, og sem sagði opinberlega að það ógnaði lífi og heilsu manna í því vonlausa sambandi, hafi nú skyndilega skipt um skoðun, eftir að einn stór; genetískur; og ósjálfráður einræðiskrampi fór um allt stóðelítustellið hennar í stjórnlausri Brussel. Nú hyggist hún nefnilega leggja það til að óbólusett fólk í löndum Evrópusambandsins verði merkt með gulum borða með mynd af kolsvarti CCP-Kínaveiru á efri handlegg. Meginland Evrópu í höndum Evrópusambandsins er því loksins að komast heim; sem sú algjöra stjórnarfarslega viðurstyggð sem hún er, og alltaf verður svo lengi sem fyrirbæri á borð við Evrópusambandið er við stýrið. Menn geta síðan getið sér til um næstu skref hins evrópska ESB-ömurleika

Verst að hafa misst af 10-földun á bréfum Alcoa Inc., undanfarna 18 mánuði. En nýir möguleikar eru sem betur fer að opnast. Jú, það eru kolin. Óelskuð en óhagganleg staðreynd. Staðreyndir eru þrjóskasta fyrirbæri alheimsins. Þvæla er hins vegar bara þvæla

Að lokum. Hér fer enn einn V8-Mack, en að þessu sinni frá fyrirtæki Eddy Hollands heitins. Sem ungur athafnamaður hannaði hann sínar eigin áströlsku V-8 útgáfur af bandaríska Mack-Superliner trukkunum og stofnaði síðan flutningafyrirtæki með sama nafni. Sjáið hve stoltur ökumaðurinn er af fleyi sínu. Það er hrein unun að horfa sá svona nytsama gersemi. Hrein snilld og ein helsta hryggsúlan í flestum ósovéskum hagkerfum

Þess má geta að það var hinn danskættaði Ástrali Kurt Johannsen sem fann upp og hannaði trukkalestina. Hann var það sem kallað er "bush mechanic" eða galdramaður á vélar og verkfæri í erfiðum og fátæklegum aðstæðum. Eins og margir íslenskir bændur voru, og eru enn. Geta allt og meira til. Skólaganga Kurts Johannsen endaði þegar hann var fimmtán ára.

Ástralía og Ísland eiga það sameiginlegt að vera ein strjálbýlustu lönd veraldar; með aðeins 3,4 íbúa á hvern ferkílómetra - og stærstu vegakerfi veraldar á hvern skattgreiðanda

Fyrri færsla

Þrír kellingaflokkar með næstum ekkert á landsbyggðinni. Nýtt kuldamet

Athugasemdir

[Haukur Árnason, 7.12.2021 kl. 17:20]

Takk Gunnar, þú ert alveg með þetta. "Staðreyndir eru þrjóskasta fyrirbæri alheimsins. Þvæla er hins vegar bara þvæla"

[Halldór Egill Guðnason, 7.12.2021 kl. 20:04]

Gargandi snilldarpistill. Takk fyrir mig.

Godar stundir, med kvedju ad sunnan.

[Ingólfur Sigurðsson, 7.12.2021 kl. 23:47]

Þú kemur alltaf með ferskan blæ frjálshyggjunnar Gunnar og leitt að þú skrifar sjaldnar en áður. En það eru tíðindi þegar þú skrifar og ánægjulegt.

 

Þótt ég hafi nú ánetjazt hræðslunni við dómsdag vegna mengunar um það bil 12 ára því líffræðikennarinn okkar talaði svo mikið um það þá finnst mér þetta merkilegur pistill sem rifjar upp bílaumhverfið sem ég þekkti svo vel úr æsku, hann minnir mig á staðinn þar sem ég ólst upp, Digranesheiði 8, afi með vélaverkstæðið við hliðina á húsinu og alltaf verið að gera við bíla og tæki. 

 

Afi hafði enga trú á rafbílum og sennilega er það rétt, að rafgeymar muni seint duga til móts við jarðefnaeldsneytið. Hann var sérfræðingur í díselvélum og bjó til díselvél úr benzínvél, það var GMC trukkur, vél úr þannig bíl, og það gerði hann 1960-1961, og tók tæpt ár í það. Hann gerði allar prófanirnar á verkstæðinu sínu, og það var hættuspil því þrýstingurinn er mikill í þessum vélum. Það tókst samt. Hann notaði þessa vél í Oldsmobílinn sinn til ársins 1966, þá raunar kom sprunga í blokkina og hann varð að setja nýja vél í bílinn, því styrkurinn þarf að vera meiri í díselvélum. Ég hef heyrt það frá öðrum vélvirkjum að þetta hafi verið einstakt afrek, og talið ómögulegt. 

 

Hann var alla tíð sannur sjálfstæðismaður og ég sakna hans og ömmu mikið. Alltaf mikil lífsgleði og kraftur í kringum þau, og bjartsýni á framtíðina.

 

En það er víst þannig með rafbílana að þróun þeirra er búin að rekast á vegg. Ekki er hægt að gera þá jafngilda því rafgeymarnir ná ekki sama styrk og jarðefnaeldsneytið. En eins og kemur fram í þessum ágæta pistli fer Evrópusambandið þetta á einstrengingshættinum. Ég viðurkenni vandamálin við rafbílana, en líka hættuna á hamfarahlýnun.

[Gunnar Rögnvaldsson, 8.12.2021 kl. 01:16]

Þakka ykkur fyrir Haukur, Egill og Ingólfur fyrir innlit og skrif.

Já ég las grein um dekkjavélina hans afa þíns í Kópavogi á sínum tíma, Ingólfur, enda ólst ég frá táningaaldri upp í bæjarhluta hans. Flutti þangað frá Siglufirði þegar síldin hvarf og þjóðin missti stóran hluta þjóðarteknanna.

Athugið að forsenda frelsis og frjálshyggju er sterk þjóðhyggja og þjóðarvitund, því án sameinaðrar þjóðar sem er á sömu blaðsíðunni, er ekki hægt að búa við takmarkað ríkisvald. Ég er því fyrst og fremst EKKI frjálshyggjumaður, heldur þjóðaríhaldsmaður (e. National Conservative eða Nat.Con.) og ég er lýðveldissinni.

Klofnum og splundruðum þjóðum er ekki hægt að halda saman án hins ótakmarkaða ríkisvalds (hugsa: ESB, EES og Sovét, eins og sést). Frelsi mun aldrei þrífast þar því án þjóðfrelsis og einingar þjóðar verður líf manna abstrakt helvíti undir hinu ótakmarkaða ríkisvaldi, þar sem allir eru álíka framandi og þeir sem utan við rimlana standa.

Forsenda frjálshyggju er því þjóðfrelsið, þjóðerniskenndin og samstaða þjóðar, því þjóðin er hin pólitíska grundvallareining veraldarhafsins.

Þess vegna kemur þjóðaríhaldið á undan frjálshyggjunni. Frjálshyggja er því tómstundagaman þeirra sem vita ekki betur. Þeir byrja á öfugum enda og það vantar hornsteininn og hryggsúluna í kenninga-fetisma þeirra. Þú sérð slíkt fólk á svelli út um allt, blaffrandi og veifandi að miklum hluta ósamhangandi tjöru í lausu lofti.

Kveðjur

[Gunnar Rögnvaldsson, 8.12.2021 kl. 03:24]

Ég get ekki betur séð en að Guðlaugur Þór loftráðherra sé komin í veruleg vandræði með hinar sovésku loftlygakenningar sem flokksforystan hefur ofurselt sig til. Þetta endar illa fyrir flokkinn. Afar illa.

Í öðrum ekki DDRÚV-fréttum má geta þess að þriðjudagurinn 7. desember 2021 bauð upp á fréttir af kaldasta nóvember í suðvestur Alaska hin síðustu 82 ár.

Og Svíþjóð sló svo niður það sem af er desember, að kuldamet allra tíma síðan að mælingar hófust var slegið með 48 stiga frosti þar. Þetta er reyndar kuldamet fyrir allan Skandínavíuskaga allar götur frá 1980, og er þá mikið sagt, því hann er stór og vígalegur.

Næstu dagar bjóða víst upp á enn meiri kulda í Svíþjóð og þeir rafbílaeigendur sem létu hið ótakmarkaða ríkisvald hvell-splundraðrar þjóðar vegna ESB-aðildar landsins múta sér, verða að láta sér nægja að horfa á gagnslausan rafbílinn inni í stofu, sé eldhættan, eiturgufurnar og geislavirknin frá honum fólki til skemmtunar.

Nú er bara að bíða eftir því að Eystrasaltið og grunnsævi Norðursjávar frjósi í nýjum ísavetri og sópi vindmyllurusli nýsovéska loftfólksins í hafið sem ekki mátti henda Brent Star borpallinum í, sökum umhverfisfasisma á borð við þann sem nú er iðkaður 24/7 í Valhöll. Hvert vindmyllublað gefur nefnilega frá sér 1,5 tonn af örplasti á örstuttum líftíma þess. Allt beint í hafið sem ekki mátti henda stálröri Brent Star í.

Pétursborg Pútíns fékk líka kuldakast og kaldasta 7. desember síðan að 1893.

Þetta kemur, þetta kemur...

[Guðjón E. Hreinberg, 10.12.2021 kl. 00:05]

Mjög fínt.

Væri gaman að sjá rafmagnsdruslur Marxismans glíma við þetta.

[Gunnar Rögnvaldsson, 10.12.2021 kl. 08:02]

Þakka þér fyrir innlitið og athugasemd Guðjón.

Já það er svona með skerðingar, þær grípa um sig. Halda mætti að einungis vitsmunaskertir stjórnmálamenn séu í tísku nú um daga, nýstignir niður af bankabólualtarinu frá 1993-2008, og komnir með nýjan gerviguð á nýju altari, að þessu sinni úr lofti, hoppandi þar um eins og hanafótur á trampólíni. Hver getur hoppað hæst í heimsku sinni?, er samkeppnin sem þar fer fram.

En hvernig má annað vera fyrst að fólk sem fer inn í nútíma háskóla kemur mun vistmunagrennra út úr þeim en þegar það fór inn í þá. Slíkt er menntabólan orðin; þ.e. uppblásið og eyðileggjandi skrímsli.

Vesturlönd eru að verða létt og auðveld bráð með svona vitsmunaskert fólk við stýrið.

Kveðjur