Forseti Bandaríkjanna yfirgefur Pólland [u]

Parallelt - samhliða

****

Fékk áður 24-stunda passa (propusk) hjá Pútín til að heimsækja Kænugarð með járnbrautarlest frá Przemysl í Póllandi og að fara síðan aftur til baka til Przemysl: ferðalýsing. Þarna sést afurð hins pólitíska vændishrings bandarískra fjölmiðla skríða á fjórum upp stigann í forsetaflugvél Bandaríkja Norður-Ameríku. Hann hefur nú fært heiminn miklu nær bjargbrún gjöreyðingarstríðs en heilbrigður og ókjallarafalinn forseti hefði nokkru sinni gert. Vændishringur bandarísku fjölmiðlanna faldi Joe Biden fyrir þjóðinni, og þeir evrópsku spiluðu flestir með, og fela hann enn. Ekkert hefur verið að marka þessa fjölmiðla síðustu 12 mánuðina. Og ekkert er að marka þá enn. Þökk sé fjölmiðlum heldur pólitísk gangsterklíka á spöðunum í Hvíta húsinu

Kveikt var á loftvarnarsírenum fyrir Biden og fjölmiðla, en New York Times lak

Það var einmitt í Przemysl að fjölþjóðaher Austurísk-Ungverska keisaradæmisins gafst upp í Fyrri heimsstyrjöldinni. Herskipanirnar voru á sjö tungumálum en þarna í Przemysl leystist herinn upp og hver fór til síns heima. Síðan tapaði Ungverjaland stórum hluta af landsvæði sínu, og einn hluti þess lenti inni í Úkraínu, og er þar enn

Uppfært

Mynd: Þúsundkrónuseðill myntbandalags Austurísk-Ungverska keisaradæmisins sem leystist upp

****

Næst er það líklega hið fransk-þýska keisaradæmi evrunnar sem leysist upp þegar herfangið frá aðförinni að Rússlandi núna lætur á sér standa. En vonin um herfang er líklega það eina sem heldur NATO-ríkjunum enn sem komið er saman núna. Átti að ná til Rússlands gegnum Úkraínu, sem gengið hefur fyrir NATO-hervæðingargasi síðan 2014, með loforðum um frekari umbun síðar. Klára átti það dæmi sem nasistum tókst ekki að klára 1941-1945. Í nýlegu viðtali við ítalska dagblaðið Corriere della Sera, segir Angela Merkel að Kalda stríðinu hafi aldrei lokið vegna þess að þar tókst ekki að gera útaf við Rússland. Þegar NATO-ríkjum Evrópu verður brátt ljóst að ekkert mun til þeirra renna, mun annað hljóð strax koma í strokkinn. Björninn er að vakna - og útskýrir það kvíðaskjálfta Angelu Merekls á sínum tíma 2019. Hún var með í því verki sem hófst 2014. Það tekur á taugakerfi mannslíkamans að selja sálu sína og fósturjörð því salan getur misfarist á síðari stigum landráða

Sjálfstæði rússneska seðlabankans undir erfiðum aðstæðum og erlendum árásum er byrjað að varpa skugga á orðstír þýska seðlabankans í þeim efnum. Minni halli er á rekstri ríkissjóðs Rússlands en í Þýskalandi

Fyrri færsla

Á þessum degi fyrir ári síðan [u]

Á þessum degi fyrir ári síðan [u]

Mynd: úr Daily Shot tölvupóstinum til mín þann 17. febrúar 2023: Listi yfir þau 25 lönd heimsins sem ráða yfir stærstu flotum skriðdreka. Einu NATO-löndin sem komast þarna á blað eru Bandaríkin, Tyrkland og Grikkland. Samt hef ég grun um að Rússar eigi enn fleiri skriðdreka en þarna eru sýndir því Rússland er líklega mesta landherveldi mannkynssögunnar

****

Á ÞESSUM DEGI Í FYRRA

Sjá tengil á frétt mbl.is neðst

Á þessum degi fyrir ári síðan, þ.e. þann 21. febrúar 2022, tilkynnti DNA fréttastofa Dotnetsk um fordæmalausar árásir stórskotaliðs þess Úkraínuhers sem NATO og ESB höfðu byggt upp í það að vera næst stærsti her í Evrópu, á eftir þeim rússneska, en öflugri en Tyrkneski herinn. Hófst uppbygging úkraínska hersins í kjölfar valdaráns sem komið var í kring í Kænugarði með aðstoð ESB- og NATO-landa og var innrás þessa hers inn í sjálfsstjórnarlýðveldin í austri þá yfirvofandi. Í fréttatilkynningu DNA segir:

"Ukrainian army fires 1,500 rounds on Donbass in 24 hours"

Það er rétt sem Vladímír Vladímírovich Pútín forseti Rússlands segir í ávarpi sínu til rússneska þingsins og sem Morungblaðið lætur getið í frétt blaðsins. Það var ekki Rússland sem hóf stríðið í Úkraínu. Því til sönnunar er til dæmis hægt að skoða skýrslu stofnunar Sameinuðu þjóðanna frá 27. janúar 2022 (PDF), eða frá því mánuði áður

Þar segir: að 51 þúsund til 54 þúsund manns liggi í valnum á tímabilinu frá 2014 til ársloka 2021. Að rúmlega 14 þúsund hafi verið drepnir og að 37 þúsund til 39 þúsund séu særðir eða örkumla

Af því liði sem umlykur hinn óframboðshæfa og mállausa Jósef Biden forseta Bandaríkjanna, og sem ófær er um að mæta blaðamönnum og svara spurningum og að koma fram og segja þrjár setningar í samhengi við hverja aðra, eru menn í æðstu valdastöðum sem eru afkomendur frægra úkraínskra nasista í Síðari heimsstyrjöldinni, en nú búsettir bæði í Bandaríkjunum og Kanada

LÁTI VITA

Þeir sem séð geta fyrir sér að ríkisstjórn Mexíkó með aðstoð Kína byggi upp þannig öflugan her í Mexíkó og sem byrjar að brytja niður Bandaríkjamenn búsetta í Mexíkó, láti Pútín vita þegar þeir skilja samhengið

Og þegar Kína býður Mexíkó aðild að kínversku Kyrrahafsvarnarbandalagi (NPTO eða North Pacific Treaty Organization) og fær herstöðvaraðstöðu í landinu sem liggur beint upp að suðurlandamærum Bandaríkja Norður-Ameríku, já þeir láti Hvíta húsið í Washingtonmýri vita þegar þeir skilja einnig það samhengi, og segi því húsi einnig í leiðinni að þeir óttist að Kína aðstoði Mexíkó við að ná Nýju Mexíkó til baka úr höndum Bandaríkjamanna. En það er þetta sem er í gangi í Úkraínudeilunni

Kína getur þá bara sagt að það sé með opnar-dyr-stefnu í NPTO (e. Open Door Policy) og að löndum sé frjálst að ganga í hvaða varnarbandalag sem er. En það er reyndar ekki rétt því alþjóðasamkomulög segja að ekkert ríki geti aukið þjóðaröryggi sitt á kostnað þjóðaröryggis annarra ríkja, því sé slíkt reynt þá verður stríð

"EKKI EINA TOMMU AUSTUR"

En þann leik eru ESB-ríkin (ófriðarbandalagið) og NATO undir yfirstjórn Bandaríkjanna búin að leika gagnvart Rússlandi frá lokum Kalda stríðsins. Þá var Rússum lofað að NATO myndi ekki fara eina tommu austar

NATO hefur að mig minnir aldrei háð varnarstríð. Öll stríð þess hafa verið drottnunar-, árásar-, eða hernaðarátök í þá áttina. Leiðréttingar eru velkomnar

Skrílræði: Sturlaður forseti bandaríska þingsins, Nancy Pelosi, rífur sambandsríkisræðu þjóðkjörins forseta Bandaríkjanna í tætlur að baki hans í febrúar 2020, í beinni sjóvarpsútsendingu til Bandaríkjamanna. Forsetinn er eini þjóðkjörni fulltrúi þeirrar þjóðar

****

Í þessu samhengi má geta þess að bandarískir ríkisborgarar hafa ítrekað óskað eftir því að bandaríski herinn geri frekar innrásir í verstu glæpahverfi bandarískra stórboga og frelsi þá, heldur en að ráðast sífellt inn í önnur lönd hinumegin á jörðinni. Bandarískir ríkisborgarar hafa einnig óskað eftir því að bandaríkjaher verji landamæri Bandaríkjanna, en innan þeirra eiga þeir sitt heima

Hér er eitthvað sem farið hefur verulega úrskeiðis, en það er auðvitað frekar reglan heldur en hitt þegar að fjölþjóðafyrirbærum eins og ESB og NATO kemur. Þau öðlast ávallt sitt eigið líf og taka sig síðan sjálf af lífi með því að verða eins og ESB og NATO. Þar er því allt að hrynja núna

Nú spyr ég: hvor málsaðilinn, Rússland eða NATO, hefur sýnt ótrúlega þolinmæði í málinu og verið seinþreyttur til átaka, þegar samkomulagssvikin, "ekki eina tommu austur", eru höfð í huga

Nallinn, hið óþjóðlega vald, lætur ekki að sér hæða, hvorki í Sovétinu sáluga né í Nalla-ESB og Nalla-NATO

Uppfært:

ALLT ÁVARP VLADÍMÍRS PÚTÍNS TIL RÚSSNESKA ÞINGSINS - MEÐ ENSKUM TEXTA

Upptaka: Allt ávarp Vladímírs Pútíns til rússneska þingsins þann 21. febrúar 2023 með enskum undirtexta, þökk sé Michael Rossi stjórnmálafræðingi við Rutgersháskólann. Bein krækja

****

Fyrri færsla

Sameinað NATO búið með skotfærin

Verða að vera tilbúin að prófa kjarnorkuvopn

Sameinað NATO búið með skotfærin

OG BIÐTÍMINN EFTIR NÝJUM BIRGÐUM ER ÞRJÚ ÁR

Upptaka úr aðalstöðvum NATO þann 13. febrúar 2023. Framkvæmdastjóri NATO, Jens Stoltenberg, talar

****

Skotfæraframleiðsla sameinaðs NATO er ekki bara tvisvar, þrisvar, fjórum eða fimm sinnum minni en skotfæraframleiðsla Rússlands, heldur er hún mörgum sinnum minni. Já mörgum sinnum minni, segir framkvæmdastjóri NATO, Jens Stoltenberg þarna á upptökunni

Sá maður er hagfræðingur og snérist lokaritgerð hans um n. makroøkonomisk planlegging under usikkerhet eða "hagstjórnaráætlanagerð á óvissutímum". Maðurinn veit sem sagt ekkert, kann ekki neitt og getur ekki neitt. En einmitt þess vegna er hann framkvæmdastjóri NATÓ (nú plató). Það eina sem hann og forfeður hans kunnu vel, og eru þekktir fyrir að kunna, er að hata Rússa framar öllu öðru

ESB OG NATO: ALLTAF AÐ "HJÁLPA" ÚKRAÍNU

• Austurhlutinn sem vildi ekki ganga í NATO (aðeins 18% vildu það). Við erum bara að hjálpa
• Þegar ríkisstjórninni var velt með valdaráni NATO og ESB-landa. Við erum bara að hjálpa
• Og þegar vopnum er síðan skóflað í þá. Við erum bara að hjálpa
• Sorrý, vopnin eru búin og ég er orðinn grænn í framan. Vorum bara að hjálpa
• Var þetta ekki hjálplegt, landið þitt er ónýtt, og okkar reyndar líka. Vorum bara að hjálpa

Sukhoi Su-35 herþota Rússlands leikur listir sínar á flugsýningunni í París 2013. Síðan þá eru nýjar og afburða rússneskar herþotur komnar til og er bardagahæfur flugfloti Rússneska flughersins nú á pari við bandaríska flugherinn, en eldflaugaher og loftvarnir Rússlands eru hins vegar orðnar margfalt betri og öflugari en samanlangt í Bandaríkjunum og öllum löndum NATO. Þessu þurftu vestrænir blaðamenn einungis að fletta upp, og lesa sér til um til dæmis uppgjafartóninn í 2023-úttekt Heritagestofnunarinnar í Washington: 2023 Index of U.S. Military Strength. Menn hefðu einnig getað flett því upp að í Síðari heimsstyrjöldinni framleiddu Rússar helming allra stórskotaliðsvopna og skotfæra sem Bandamenn framleiddu. En þar sem upplýsingatækni nýaldar hefur aðeins gert vestræna blaðamenn að blaðurmennum þá er ekki við öðru að búast en rusli út þeim ranni

****

SÍÐUSTU 330 DAGAR

Í næstum heilt ár höfum við heyrt hið úrkynjaða fjölmiðlarusl vesturlanda –yfirgnæfandi mannað fársjúkum og glóbal-grænum nývinstrimönnum með rauðgrænan heilaútblástur– heildsölufræða vestrænan almenning um að Rússland hafi hvern einasta dag síðustu 330 dagana verið að tapa stríði í Úkraínu og alveg við það að verða búið með skotfærin og noti jafnframt örgjörva úr þvottavélum til að stýra skotbraut þeirra. Allt rússneskt hefur af þeim verið matreitt sem ónothæft og þýðingarlaust rusl og sjálft Rússland sem dvergríki

Hitti gamla þýska Göbbelssmiðjan loksins arftaka sína þarna, því þegar Rússar óku inn í Berlín 1945 þá stóð þýskur almenningur bókstaflega á öndinni og spurði örvæntingarfullur "hvar er sigurinn okkar"? Sigrinum hafði Göbbelssmiðjan logið svo kyrfilega að þýskum almenningi fram á síðasta dag stríðsins að almenningur trúði því að heimsveldi Nasista væri að vinna stríðið. Það var því átakanlegt áfall fyrir þýskan almenning að höggberja rússnesku skriðdrekana eigin augum, beint fyrir framan nef sitt. Þessi staða fékk í mörgum tilfellum þýskan almenning til að grípa til örþrifaráða, því áfallið var svo mikið og passaði engan veginn við það sem Göbbelssmiðja þýsku sósíalistanna hafði logið svo kyrfilega að Þjóðverjum fram á síðasta dag

Allt síðasta ár og jafnvel allar götur frá 2014, og sennilega enn lengur, hafa fjölmiðlar vesturlanda verið eins. Algjörar og huglausar lygaveitur, þar sem varla hefur verið hægt að trúa blaðsíðutölum, kommum og punktum

Um fjölmiðla vesturlanda er hægt að spyrja sig þess hvor að þeir séu nokkuð lengur samrýmanlegir áframhaldandi tilvist hins meinta lýðræðislega stjórnarfars vestrænna lýðvelda - og sem breytt hafa sér í hálfgerðan imperíal drekkingarhyl þjóðríkjanna, þökk sé meðal annars hinum óþjóðlegu nalla-fjölmiðlum þeirra. Hið meinta hlutleysi vestrænna fjölmiðla er að minnsta kosti lygar frá upphafi til enda, þar sem þeir ríkisreknu eru verstir og mun verri en ekki neitt. Þeir eru orðnir hreint og beint skaðræði. Jafnvel rússneska Tass er orðið miklu betra en þeir eru til samans

Og ekki nóg með það þá fer það stóð ábyrgðarlausra imbahala sem þessi árin situr undir titlum æðstu yfirstjórnar Bandaríska hersins og NATO-landanna nú fram á að Úkraínuher verði "kennt" að berjast þannig á vígvöllunum að "ekki þurfi að koma til mikillar notkunar á skotfærum". Þetta segir liðið sem stóð fyrir því að stríðið við Rússa hófst, og það sem meira er, þetta sama liðið stendur enn fyrir því að senda og henda Úkraínumönnum á spjótin. Það stendur dag hvern fyrir upplausn landsins og mannfalli þess á meðan það sjálft, langt langt í burtu, heldur á sér hita með rússnesku gasi, olíu, úrani og endurvinnslu þess. Og heima hjá þessu liði sjálfu er allt í steik, lekandi niður sem græn mygla úr þessum helgrænu örvitum út um öll gólf, - þar sem verið er að smíða heilt nýtt helvíti vinstrimanna á jörð. Þeir voru rauðir, en eru grænir að utan núna og nytsöm xD-kratafífl eru handlangarar þeirra í þetta skipti mannkynssögunnar

NIÐURLAG ESB-RÚSTANNA

Hér má líta mynd af forsíðu þýska vikublaðsins Junge Freiheit. Þar segir að árás hafi verið gerð á Þýskaland með árásinni á orkuinnviði þess, þar sem Norðurstraums-orkuleiðslur Þýskalands til Rússlands hafi verið sprengdar í tætlur. Junge Freiheit telst vera málgagn þýskra þjóðaríhaldsmanna og þeir vita sem er að hvorki Þjóðverjar sjálfir né Rússar sprengdu leiðsluna því það væri eins og að varpa sprengjum á sjálfan sig

****

Þeir í Evrópu sem í 77 ár hafa haldið því fram að aukin viðskipti milli landa komi í veg fyrir ófrið og styrjaldir milli ríkja og sem lifað hafa hátt á þeirri lygi á skattfrjálsum launum hjá Evrópusambandinu í 66 ár, neyðast nú að hugsa sinn gamla gæsagang uppgjafarþjóðarsósíalista upp á nýtt. Rússland var nefnilega stærsta viðskiptaland Þýskalands í febrúar 2022 og það var líka stærsta viðskiptaland Þýskalands í júní 1941. Evrópusambandið hefur misnotað NATO til hins ýtrasta til að kynda undir ófriði í álfunni frá fyrsta degi stofnunar þess 1992, með tilkomu Marðarspelkusáttmálans kenndum við hollensku borgina Maastricht. Evrópusambandinu hefur nú með einungis sjálfri tilvist þess loksins tekist að rústa firði í álfunni til langframa

Evrópusambandið hefur gengið hve harðast fram í ófriðarmálum og kynnt undir stríðshættum með bæði stjórnmálum og tilvist þess. Þessi nakta staðreynd kemur hins vegar ofan í það að Evrópusambandinu hefur einnig tekist að rústa efnahag aðildarlandanna svo hrikalega, að þau munu varla nokkru sinni bíða þess bætur áður en þau líða undir þau lok sem sambandið ávallt og alltaf hefur ætlað þeim. Sem sagt: til hamingju ESB! Til hamingju með að hafa rústað heimsálfunni Evrópu, og nú svo kyrfilega að afiðnvæðing hennar fer fram einmitt núna. Hvað gerist næst í Þýskalandi er orðið algjörlega óútreiknanlegt dæmi og er það því af sem áður var í þeim efnum

Hin þýska ríkisstjórn sósíaldemókrata, græningja og frjálsra demókrata riðar til falls, því fjármál þýsku þjóðarinnar, peningar hennar og atvinnulíf megna ekki lengur að mynda sameiginlegan og samstarfshæfan grundvöll hennar. Ágreiningurinn er orðinn svo djúpstæður, illur og mikill. Og í könnunum mælist þýski AFD-flokkurinn nú jafnstór eða stærri en flokkur græningja. Það verður fróðlegt að fylgjast með síðustu andartökum Evrópusambandsins á næstu árum. Því annaðhvort fáum við þau, andartökin, eða þá að nýr Luftwaffe verður gerður að innheimtustofnun Evrópu

HVAÐ VERÐUR UM ÞÝSKALAND?

Falleg, endalaust öflug og breið rödd Angelu Wiedl. Hvað mun gerast með Þýskaland úr þessu? Mun Bæjaraland á ný lýsa því yfir að það sé sovétlýðveldi í einn mánuð eða svo, þegar lætin byrja á ný? Hlusta hér

****

Ég hef alltaf haldið upp á þýska þjóðlagatónlist og slagara. Það var svo gott að hafa þá þegar maður ók á 230 km hraða á þýsku hraðbrautunum fyrir síðustu aldamót, því þá voru netsamgöngur engar og bílinn því stiginn í botn til að ná réttu hlutunum á réttum tíma. En nú eru flestar þær brautir svo gott sem niðurslitnar og stíflaðar, brýr þeirra að hrynja og hestar orðnir fljótri í förum en netsambandið er í landinu, sé það yfir höfuð til staðar. Hvernig skyldi Þýskaland þá líta út eftir afiðnvæðinguna núna? Ég hélt einkum upp á Angelu Wiedl því hún hafði svo breiða og fallega bæverska rödd, og sum lög hennar eins og þetta hér minntu mig á íslensku sjómannalögin, sem ég saknaði sárt þegar ég bjó allt of lengi á meginlandi Evrópu. Það var einnig kraftur og töluverður ökuhraði í hjónakornunum Stefaníu Hertel og Stefáni Mross frá Efrabæjaralandi, en hún hóf feril sinn sem barnasöngstjarna

Fyrri færsla

II: Belglofti dælt í Bandaríkjamenn árum saman

II: Belglofti dælt í Bandaríkjamenn árum saman

VANBURÐA LOFVARNIR BANDARÍKJANNA

Árið 1960 skaut sovéski herinn U-2 njósnaflugvél Bandaríkjanna niður yfir Chelyabinsk í Rússlandi. Var það gert með S-75 skotflaug. Flaug þó bandaríska U-2 njósnavélin í 60-70 þúsund feta hæð og var síst af öllu hálf kyrrstæður loftbelgur, heldur flaug hún nálægt hljóðhraða. Héldu Bandaríkin þá, eins og nú, að Rússar hefðu engin vopn til að ráða við svona

En þá kom S-75 og dansaði sovéska U2-ballettinn á skýjunum, og sér í lagi í hinu fáránlega og óþarfa stríði Bandaríkjanna í Víetnam nokkru síðar

Heilum 63 árum síðar þarf bandaríski flugherinn að fljúga orrustuþotum meira en hálfa leið upp til kínversks loftbelgs í U-2 flughæð til að geta síðan þaðan skotið Sidewinder (nú belg)skotflaug á hann, en þær kosta hálfa milljón dala stykkið. Og ekki nóg með það; fleiri en eina orrustuþotu þurfti til áður en bardaginn langi við kínverska loftbelginn þann vannst. Kaninn hefði átt að fá lánaða eina sovéska MiG-25 frá 1970 því hún er sennilega ein hraðfleygasta og aflmesta bardagaklára orrustuþota sem nokkru sinni og hefur flogið. Hún gat flogið því sem næst út í geim, eða upp í rúmlega 92.000 feta hæð

Árum saman sendu Bandaríkin mörg hundruð slíkra loftbelgja inn yfir Sovétríkin. Ekki til að blása bandarísku lofti í brjóst Rússa, heldur til að svala þrálátri Rússahatursfýsn þeirra sem nú, einu sinni enn, sjá rautt þegar minnst er á veldi Rúriks og Ráðstofuna, og sem haga sér einu sinni enn eins og mannýg naut í flagi og á alþjóðavettvangi

BARA UFO

Í heila viku sýndu Kínverjar að þeir réðu sér sjálfir í einhverju sem úr vissri fjarlægð líktist kanadískri og bandarískri lofthelgi um helgi. Og ekki nóg með það þá lítur svo út að djúpríki Bandaríkjanna hafi árum saman logið því til að um geimverutækni frá öðrum sólkerfum væri að ræða (UFO) þegar bæði almenningur, fagmenn og svo kallaðir fjölmiðlar reyndu að fá skýringar á þessu meinta fyrirbæri hjá bakarastubbum Pentagons. En þar kom að því að kettinum var ekki lengur haldið í djúpríkispokanum í samsæri yfirvalda gegn almenningi. Þessir fljúgandi furðuhlutir öll þessi ár voru þá bara kínverskir loftbelgir fullir af hinum og þessum græjum sem Bandaríkin höfðu selt Kínverjum árum saman og sem NORAD hafði sagt svo seint sem viku áður að væru algjörlega meinlausir

"The Biden administration had apparently decided the UFO smokescreen was no longer compatible with the heightened geopolitical moment." – WSJ

Með köttinn úr sekknum var kínverski loftbelgurinn strax og óniðurskotinn búinn að fá njósna-viðurnefnið án þess að menn viti enn hvað í honum var. Þess vegna var hann látinn gossa í sjóinn því þá er hægt að segja almenningi hvað sem er um innihaldið, bæta því sem vantar við, eða draga úr því, til að þurfa ekki að skammast sín. Sjálfur tölvupóstþjónn Hillary Clintons fyrrum utanríkisráðherra Bandaríkjanna hefði til dæmis hæglega getað verið um borð í belgnum, fullur af alls konar vafasömum póstum, eða þá önnur fartölva frá syni Jósefs Bidens forseta, innihaldandi innborgunarkvittanir frá leppstjórn hans í Kænugarði. Kínverjar hafa alveg húmor. Til dæmis hafa þeir rekið kínverska lögreglustöð í New York án þess að bandarísk yfirvöld vissu af því fyrr en fyrir nokkrum dögum síðan

Njósna-viðurnefnið var strax tekið í notkun til að beina bandarískum almenningi í kínverska stríðsátt. Verið er að undirbúa jarðveginn fyrir nýju nautin í flaginu

II OG NÚ III

En svo kom næsta bandaríska vika og þá vandaðist málið: Hvíta húsið sem þá var komið inn í miðjan stríðsleik fyrir fjölmiðla, og samskonar innlenda loftbelgi, neyddist til að taka þotur sínar á loft á ný, en nú til að skjóta niður sinn eigin loftbelg sem reyndist gallaður og hafði ekki eins og svona belgir eiga að gera; svifið upp, sprungið og sent búnaðinn í fallhlíf til jarðar, með árituðu heimilisfangi og símanúmeri ásamt beiðni um að finnandinn láta vita eða sendi pakkann áfram til eiganda. Þannig hafa þessar loftbelgsferðir yfirleitt verið. Sára saklausar nema þá helst þegar um bandaríska vindbelgi er að ræða. Þarf því að skjóta þá niður

Fyrri færsla

NATO-staðan og útgjöld til varnarmála

Fjórði óþekkti hluturinn skotinn niður

NATO-staðan og útgjöld til varnarmála

"Þjóð án minninga um fortíðina á enga framtíð fyrir sér"

– Vladímír Pútín, Volgograd (Stalingrad) 2. febrúar 2023

****

Útgjöld til varnarmála segja ekki allt. Stór hluti þeirra útgjalda hjá NATO-ríkjunum fer til lífeyrismála og hjá Bandaríkjaher er nýting fjármuna slæm og fæst því sífellt minna fyrir peningana þar. Nefna má sem dæmi að 85 prósentur af varnarmálaútgjöldum Belgíu fara til lífeyrismála. Enginn ætti að vanmeta stærð kvöldverðardeildar NATO. Hún er risavaxin. Og í þessari viku sáuð þið xD-farsann um TF-Sif. Snýst TF-Sif þó um sjálfstæðismál íslenskrar þjóðar, þ.e. um frumforsendur

STAÐAN

Franski herinn er rétt svo í standi til að fara í vopnaðar veiðiferðir inn í afmarkaðan hluta Norðurafríku og sýna frumstæðum og varnarlitlum vopnin sín þar. Þýski herinn kemst ekki neitt og á t.d. enga bardagahæfa orrustuþotu sem uppfyllir kröfurnar fyrir þátttöku í NATO-leiðöngrum og sem flogið getur til dæmis í myrkri

Breski herinn er ekki lengur "ágætisher" eins og hann hefur verið flokkaður. Kom það í ljós í síðustu viku og er áfall fyrir þá þjóð. Hann er aflögufær um 30-50 þúsund manns. Er þá hinn evrópski herafli NATO upptalinn, nema náttúrlega pólski landherinn sem er sennilega það skásta sem völ er á þeim megin Atlantsála og sem hertekið gæti allt Þýskaland á einni viku

Á meginlandi Evrópu eru Bandaríkin með 100 þúsund manns en 60 þúsund þeirra eru skriffinnar og stuðningslið

Ekkert bólar á neinum breytingum í hernaðarútgjöldum Þýskalands, enda hafa útflutningstekjur landsins minnkað síðustu fimm árin í röð og er verið að afiðnvæða landið núna með einum grænum glans. Þýskaland lifði á Rússlandi síðustu 30 árin. Nærri helmingur landsframleiðslu Þýskalands kemur frá útflutningi

Bandaríkin eru hvergi landherveldi nema í Norður-Ameríku. Og þegar um alvöru andstæðing eins og Rússland er að ræða, öfugt við til dæmis varnarlítinn Saddam Hussein, þá eru Bandaríkin ekki í standi til að heyja samþætt meginlandsstríð neins staðar í heiminum, utan landamæra þeirra sjálfra

Rússar myndu sökkva flestu sem Bandaríkin eiga áður en það kemst í nálægð við vígstöðuna á landmassa Evrasíu, komi til beinna átaka við Rússa. Rússar myndu einnig taka bandarísku gervihnettina úr umferð að miklu leyti og leggja með skotflaugum hvern einasta flugvöll NATO í Evrópu í rúst, nema kannski allra syðst á Íberíuskaganum. Hvaðan ætla menn þá að taka á loft til að þykjast bomba Rússland sem er með öflugustu loftvarnir veraldar. NATO-ríkin vita ekki hvað loftvarnir eru samanborið við Rússland, því loftborinn gorgeirinn á vesturlöndum hefur verið svo mikill. Þau þóttust ekki þurfa á slíku og slíkri tækni að halda

Utan landsteinanna eru Bandaríkin reyndar ekki með meira en eins konar sjóræningjaher sem siglir út í heim, potar í varnarlitla andstæðinga, og tapar of oft þeim átökum, og siglir síðan heim og er ekki talað ekki meira um það í Kanaveldi. Að því leytinu er Bandaríkjaher sjóræningjaher á borð við sjóræningjaher breska heimsveldisins, hann er einungis 10 sinnum stærri. Siglir út í heim, potar í lönd, tapar og siglir og flýgur síðan heim

Bandaríkjamenn eru ekki vanir því að eldflugum óvinar rigni í höfuð bandarísku þjóðarinnar á heimavelli, en það myndi gerast kæmi til beinna átaka á milli þessara stórvelda. Rússar eiga nóg af slíkum tólum, þau virka og eru nákvæm og slíkar flaugar er ekki hægt að skjóta niður

Annars gengur afvopnun NATO-landana vel. Allt sem þau senda leppstjórninni í Kænugarði er fyrr en síðar skotið í tætlur af Rússum [uppfært daglega] og er þá um leið kallað á meira. Eistland sendi Úkraínu síðustu 155 mm fallbyssur sínar í vikunni og skotfærastaðan í Bandaríkjunum er svo slæm að þau hafa þurft að senda fallbyssur með minni hlaupvídd því 155 mm lagerinn var þurrausinn og framleiðslugetan næstum engin. Treysta Bandaríkin sér til dæmis ekki lengur til að standa við AUKUS-samkomulagið sökum bágborinnar menntunar- og iðnaðargetu

ÞÁ

Það tók Bandaríkin níu mánaða undirbúningsvinnu að flytja og stafla upp því sem þurfti til til að taka Saddam Hussein í karphúsið í "Desert Storm" árið 1991. Þ.e. 700.000 bandarískum hermönnum plús 250.000 hermönnum bandalagsþjóða og búnaði þeirra allra. Þetta tók níu mánuði og voru 12 milljón tonn flutt, skilst mér, og auðvitað yfir hafið að miklu leyti. Hefði Saddam haft kafbáta þá hefði þessi undirbúningur tekið mun lengri tíma og orðið erfiðari. En tegund skriðdreka hefði hins vegar ekki breytt neinu um útkomuna fyrir Hussein

En Saddam Hussein átti enga kafbáta á Atlantshafi né Kyrrahafi og enga gervihnetti, engin geimför né hvað þá hefðbundnar skotflaugar sem ná milli allra heimsálfa veraldar og fljótlega átti hann engan flugher. En slíkt eiga Rússar í ofboðslegum mæli og geta framleitt slík vopn á við restina af öllum löndum veraldar til samans

Landsvæðið sem Bandaríkin og sálufélagslönd tóku þarna um árið 1991 í Írak var ekki svo mikið stærra en það sem nú er á valdi Rússa í Úkraínu. En Úkraína er 40 prósent stærra land en Írak

NÚ

Rússland er með um það bil 100-120 þúsund ferkílómetra af fyrrum Úkraínu á sínu valdi, algjörlega, og var átakasvæðið í Desert Storm fimm sinnum minna en það er núna í Úkraínu. Samt segja Rússar að um eiginlegt stríð sé ekki enn sem komið er að ræða, frá þeirra bæjardyrum séð. Þeir hafa enn sem komið er aldrei notað meira en 20 prósentur af landherafla sínum. Bardagasveitir lýðveldanna tveggja í austri hafa lagt mikið af mörkum, enda vilja og vildu þau ekki láta hið snarbilaða lepplið NATO í Kænugarði þurrka sig út

NATO OG ESB AÐ KENNA

NATO hefur ekki hugmynd um hverju það hefur komið til leiðar. En segja má að NATO og Evrópusambandinu hafi hér með tekist að eyðileggja friðinn í Evrópu og efnahag landa Evrópusambandsins. Já þar kom að því að það tókst, eins og allir hugsandi menn máttu vita allar götur frá morknu og ömurlegu upphafi ESB

Útþensla NATO austur var bæði svik við endir Kalda-stríðsins og hrein geopólitísk vitfirring. En það að NATO-ríkin byggðu frá 2014 til 2022 upp næst öflugasta her Evrópu í Úkraínu, svo gott sem á landamærum Rússlands, var dropinn sem fyllti mælinn. Allt þetta stríð er NATO og ESB að kenna. Rússar voru búnir að vara NATO-ríkin við þessu allar götur frá 2007, en ekki var hlustað. Og ekki er hægt að segja annað en Rússar hafi verið seinþreyttir til átaka. Þolinmæði þeirra í þessu máli hefur verið ótrúleg

MUNA

Rússland er ekki það dvergríki sem fræðimannastóð vesturlanda hafði gert það að frá lokum Sovéttímabilsins og til í dag. Og þeir sem enn halda að Þýskaland sé ríki nasista eru álíka bilaðir og þeir sem enn halda að Rússland sé sovétríki kommúnista

Kommarnir eru allir fluttir vestur og þeir eru þar en ekki hér og þeir eru klikkaðir, segja Rússar, sem hræðast klikkuð vesturlönd sem ráða þar að auki yfir kjarnorkuvopnum og hafa notað þau, án hernaðarlegrar ástæðu. Slíkt getur hæglega gerst aftur hugsa Rússar, sérstaklega þegar vonbrigðin með eigin hernaðargetu og vonleysið gípur um sig á vesturlöndum. Þetta er jú sturlað 16-kynja fólk þarna vestra, og það er þar að auki með "sérfræðinga" á launum sem í tæpt ár hafa sagt ráðamönnum þar að Úkraína sé að vinna stríð við rússneska herinn

Fyrri færsla

TF-Sifjarspjöll

TF-Sifjarspjöll

Af hverju ekki frekar að selja útbúnað slökkviliðsins en að selja TF-Sif. Sá búnaður þ.e. brunabílar, tankar og dælur eru varla í það mikilli notkun að ekki megi íhuga ódýrari möguleika, til dæmis þann að láta allt bara brenna til grunna

Einnig mætti benda þeim sem fjármagna rekstur og viðhald TF-Sif, þ.e. Íslendingum sjálfum, á að íhuga mætti að selja sparifé þeirra á meðan eitthvað fæst fyrir það. Til hvers eiginlega að hafa ónotað sparifé standandi í bönkum þar sem það skapar bara álag á aumingja starfsfólkið, þ.e. á tölvurnar og gagnageymsluplássin, sem eru eins konar sjúkrahús fyrir sparifé, því þar liggur það bara og liggur og tekur pláss frá tölvuveirum og þörfum þeirra sem brennt hafa sitt fé niður

Síðan mætti íhuga að selja þá þingmenn úr landi sem ekkert hafa fram að færa og þegja bara heilu og hálfu árin. Selja þingmenn sem sitja bara og sitja og lesa og lesa en eru sennilega mest í símanum. Enginn þjóð ætti til dæmis að eiga ísbrjóta í dag, því heimurinn á nú orðið heilan og svakalega hálaunaðan risaher af loftslagssérfræðingum sem henda má svartklæddum á jakana þegar þeir koma næst

Og varla vill neinn lenda í því að eiga helming allra loftvarnarflauga og einnig stórskotaliðsskotfæra heimsins eins og Rússar eiga í dag. Já Rússland framleiðir í dag meira af skotfærum og skotflaugum fyrir loftvarnar- og stórskotalið en restin af heiminum framleiðir til samans. Þetta er alveg svakalegt. Og endar að sjálfsögðu með sigri þeirra í næstum hvaða stríði sem er - við næstum hvaða tómhenta, tómhausa og helgræna vesturlending sem er

Best er að tapa öllum stríðum, sjálfum sér og þjóð sinni líka. Slíkt er alltaf best. Enda tapar og tapar Sjálfstæðisflokkurinn fylgi hvert einasta helvítis ár því hann hefur tapað sjálfum sér. Hann er kominn í ruslflokkinn suður í höfum. Ég skammast mín orðið fyrir að vera í þeim grænkommaflokki, því þar grípur maður svo sannarlega ávallt í loftið tómt því allt hitt er þar uppurið og burtu selt fyrir ekki neitt. Já fyrir ekki neitt. Í Valhöll búa snillingar í að tálga fylgið af flokknum og skortselja hugsanlega kjósendur. Flokksforystan er að því leytinu að verða jafnoki fuglahræðu

Plebbar!

PS: Varnir og landvarnir virðast í hugum íslenskra stjórnmálamanna fyrst og fremst felast í getnaðarvörnum, fóstureyðingum og að níðast á sjálfboðaliðum, eða því að gera NATO að félagsmálastofnun. Eru dagar NATO því að verða taldir

Fyrri færsla

Skapanorn fræðimanna og sköp hennar

Skapanorn fræðimanna og sköp hennar

AF SMÁFÉLÖGUNUM

Nú tala þeir menn þannig, menn sem sagt hafa í næstum heilt ár að her Úkraínu sé að vinna stríð við rússneska herinn, að örfáir tugir skriðdreka að vestan "skipti sköpum" í Úkraínustríðinu, sem Rússar kalla enn sem komið er "hernaðaraðgerð"

Þá spyr ég: Nú fyrst að sköpin hafa verið þannig eins og þeir, handónýtir blaðasneplar og heiladautt fræðimannarusl þeirra hafa sagt frá upphafi deilunnar, af hverju tala þeir þá um að ný sköp séu þar með á leiðinni og að þau muni leysa hin ellefu mánaða gömlu sköp deilunnar af hólmi - og sem reyndust þeim svo vel að stórlygaþvaður þeirra hefur ekki stoppað í tæpt ár - og reyndar miklu lengur, þegar að málefnum Rússlands kemur

Að nokkrir skriðdrekar að vestan hafi þau áhrif að allt sem þetta fólk sagði dag hvern viðstöðulaust í ellefu mánuði sé þar með lagt að velli með nokkrum skriðdrekum að vestan: að þeir skipti sköpum í málinu

Af hverju þessi skyndilega þörf fyrir ný sköp? Er það nokkuð vegna þess að allt sem sagt hefur verið af ofangreindri ruslaveitu vesturlanda hefur verið marklaust smáfélagsrugl og helber smáfélagaþvættingur af þeirri sort að ómögulegt er að pissa skótau þeirra smáfélaga sem þar tísta fyllra en það allt saman er. Að um samhæfða vesturlenska hlandveitu stóriðnaðarlyga hafi bara verið að ræða? Að allur almenningur á vesturlöndum hafi verið hafður að fíflum af þessum oflaunuðu ofurfíflum. Að logið hafi verið að almenningi viðstöðulaust í ellefu mánuði

Það er því miður ekki undarlegt að hagvöxtur sé að verða sjaldgæf sjón á vesturlöndum, því hvernig getur hann orðið til þegar allir helstu ráðamenn, sérfræðingar, fræðimenn og embættismenn vesturlanda eru oflaunaðir og hagvaxtartortímandi fábjánar þegar að flestu grunnleggjandi og mikilvægu kemur. Öskuhaugar þessa fólks blasa alls staðar við. Og þeir eru svo stórir að þá ber við himinn hvar sem þetta fólk fer

Auðvitað útilokar valdalaus Olaf Scholz kanslari hins stjórnlausa Þýskalands að senda orrustuþotur. Hann á nefnilega engar. Þýskaland á engar bardagahæfar orrustuþotur. Nýlendur eiga ekki orrustuþotur, sérstaklega ekki þær stjórnlausu

Já, staðreyndir eru þrjósk fyrirbæri

Fyrri færsla

Taka þarf þessum fréttum með fyrirvara

Útilokar að senda orrustuþotur til Úkraínu

Taka þarf þessum fréttum með fyrirvara

Sjá krækju á frétt Mbl.is neðst

Taka ber öllum fréttum um spillingu í Úkraínu með þeim fyrirvörum að um pólitískar ofsóknir og úthreinsanir getur hæglega verið að ræða

Þarna voru fimm embættismenn, þar af þrír ráðherrar, fjarlægðir á einu bretti

Vissa fyrirvara verður að hafa í huga því utanlögsögu lagaapparatið NABU sem oft sér um þessi mál í Úkraínu var sett á laggirnar af bandaríska sendiráðinu í Kænugarði eftir valdarán Bandaríkjanna, ESB og NATO í Úkraínu 2014. Og NABU hefur notað völd sín til að fjarlægja fólk sem því líkar ekki úr embættum

NABU var þannig stofnað af og stjórnað úr bandaríska sendiráðinu. Þeir sem enn muna eftir Saigon muna vel eftir svona mafíustjórnarfarsstofnunum. Þarna er því alt eins líklegt að verið sé að ganga frá pólitískum andstæðingum leppstjórnarinnar

Úkraína er því miður orðin lepp-einræðisherraríki vesturveldanna, enda kannski um eðlilegt framhaldslíf fyrir landið að ræða, því fyrir stríð var Úkraína eitt gerspilltasta ríki veraldar og íbúarnir höfðu flúið það milljónum saman. Þar er engu að treysta og forseti landsins líkist sífellt meira einræðisherra í vösum annarra ríkja. Í þessu tilfelli í vösum NATO-ríkjanna. En innan þeirrar stofnunar er flest sem kennt var við lýðræði nú að anda síðustu gufum þeirrar loftegundar út og sem sennilega fyrir töluvert löngu er útdauð undir vissum hamförum

Stríðið sem stoppaði árið 1945 í Evrópu endaði ef til vill ekki. Jú það stoppaði, en heldur hugsanlega áfram núna á ný. Þessu atriði ættu menn í það minnsta að gefa vissan gaum. Engir friðarsamningar voru gerðir og ný stjórnarskrá Þýskalands fór aldrei í þjóðaratkvæði

Öllu tiltæku liði Evrópu –og nú Bandaríkjanna líka– skal á ný stefnt gegn Rússlandi og hinn þýski þráður Adolfs Hitlers tekinn upp á ný. Barbarossa virðist halda áfram. Kenna skal Rússum nýju lexíurnar. Er þetta kannski þannig? Óhugsandi?  En í dag?

Málið er komið á það stig að telja verður líklegt að MH17- og Skripalmálin hafi verið undirbúningsrógsherferð gegn Rússlandi fyrir það sem koma skyldi, frá og með febrúarmánuði 2014, þegar vopnunar-uppstöflun NATO gegn Rússlandi innanborðs í Úkraínu hófst, eins og Angela Merkel hefur greint frá

Telja verður mögulegt að Sergei Skripal hafi verið farinn að nálgast rússnesk stjórnvöld á ný, eða þá aldrei hætt í þjónustu þeirra og því vitað of mikið um viss vesturlensk mál. Og það boðar heldur ekkert gott í MH17-málinu að gervihnattarmyndirnar sem Bandaríkin sögðust hafa og lofuðu að koma með sem sönnunargögn í málinu, skiluðu sér aldrei í réttinn. Þær virðast einfaldlega aldrei hafa verið til

Enginn veit lengur hvar Skripal feðginin eru niðurkomin og bresku réttarhöldin í málinu eru farin að líkjast farsa. Rússneska sendiráðið í Lundúnum auglýsti nýlega opinberlega eftir feðginunum

Ég er að minnsta kosti farinn að stórefast um að fréttaflutningur vesturlenskra fjölmiðla af þeim tveimur málum hafi verið nokkurs virði, fyrst að ekkert, ég endurtek, ekkert er að marka fréttir þeirra af Úkraínudeilunni, og sem reknar og pískaðar eru áfram sem eins konar framhalds-McCarthyismi

Fyrri færsla

Sendið endilega þriðja herinn

Háttsettir embættismenn hætta

Sendið endilega þriðja herinn

Þykknar nú jafnvel dísillinn upp

****

FYRSTI HERINN

Nú hafa vesturveldin att 150-200 þúsund Úkraínumönnum í dauðann og 300-400 þúsund liggja særðir og mæta ekki aftur til mannfórnaaltaris klerkaveldis glóbalisma vesturveldanna: NATO-uber-alles

Rússneski herinn hefur gengið frá þeim upphaflega herafla af græjum og vopnum sem NATO, forsetar þess, forsætisráðherrar, kanslarar og félagar stöfluðu upp í Úkraínu frá og með valdaráni þeirra þar árið 2014 og fram til til ársins 2022. Allar þær græjur voru að velli lagðar á frekar stuttum tíma, af einmitt rússneska hernum

Samkvæmt fjölmiðlum vesturlanda er Rússneski herinn fyrir hádegi svo lélegur að hann ekkert getur, en eftir hádegi er hann hins vegar við það að hertaka alla Evrópu, þannig að tvíefla þarf NATO (uber-alles) og helst breiða það út yfir alla heimsbyggðina, því ógnarmáttur rússneska hersins er þá svo rosalegur. Sem sagt: útbreiddur geðklofi á háu stigi ríkir á ritstjórnum vesturlenskra fjölmiðla. Einn fyrir hádegi en annar eftir hádegi

En umfram allt og allan sólarhringinn hefur Úkraína verið að vinna stríð við Rússneska herinn síðustu tæpu 12 mánuðina. Það hafa verið skilaboðin úr geðklofi vestrænna fjölmiðla, allan sólarhringinn sjö daga vikunnar. En samt tapar og tapar Úkraína og NATO þannig að nú þarf að bjarga og redda málum í þriðja sinn. Já í þriðja sinn!

ANNAR HERINN

En frá og með sumrinu 2022 hafa sömu krónísku Rússahatarar vesturlanda hins vegar sent græjur sem svara til nýs hers til Úkraínu. Um er að ræða næstum öll fáanleg, og rúmlega það, skotfæri iðnaðar-úthýstra NATO-landa, 410 skriðdreka frá Sovétríkjunum sálugu, 300 brynvarin ökutæki fyrir fótgöngulið, 1100 brynvarin ökutæki fyrir liðsflutninga, 300 fallbyssur fyrir stórskotalið og 95 eldflaugavagna, annað hvort af Sovétgerð, eða af Undravopnagerð vesturveldanna sem nú búa svo vel eða illa að eiga enn eftir 60-70 tonna skriðdreka sem eru svo þungir að þeir komast hvergi yfir almennar brýr nema á sérhönnuðum NATO-vígvelli, því til stóð jú í byrjun að NATO væri varnarbandalag sem héldi sig á heimavelli. En auðvitað breyttist NATO í árásarbandalag og kemst því ekki lengra en að næstu rússnesku staðreynd í dag. Rússar sáu auðvitað fyrir hvað næst kæmi úr geðklofinu því. Það byrjuðu þeir að sjá árið 2007, þegar Rússahaturskvoðan sprautaðist upp um veggina í München og augu Johns heitsins McCain sprungu úr tóftunum af bókstaflega líkamlegri fyrirlitningu og hatri á forseta Rússlands

ÞRIÐJI HERINN

Beðið er nú ákaft í musteri þýska hersetuliðsins í Ramstein í Rínarlandi Þýskalands. Beðið er til hinna sömu forseta, forsætisráðherra, kanslara og félaga um að græjur fyrir þriðja herinn skuli sendar yfir landamæri lífs og dauða, þar sem enginn er lengur til til að valda þeim, nema afar og ungmenni sem enn hafa ekki náð skeggaldri. Sendið endilega þriðja herinn - og síðan þann fjórða. Endilega

Sem sagt. Rússneski herinn hefur nú þegar stútað stærð sem svarar til alls Landhers Bandaríkjanna

NAGLARNIR

Það var jú ekki fyrir neitt að Napóleon keisari var uppi. Hann sá nefnilega næstsíðastur manna um að stefna allri Evrópu inn í Rússland í sömu erindum, eftir að hafa barið hana saman með sömu nöglum glóbalismans og notaðir eru til hins sama í Ramstein, á beljuvöllum Brussels og í Lundúnaþokunni í Washingtonmýri í dag

KISTAN

Það ömurlega er að vestrænir fjölmiðlar eru farnir að trúa þvættingi sínum um það sem þeir kalla "stríðið" í Úkraínu - en sem Rússar kalla enn sem komið er "hernaðaraðgerð"

Aldrei áður í sögu sambandsríkis Þýskalands hefur annar eins samhæfður fjölmiðlaáróður sést, sagði Erich Vad hershöfðingi um fréttaflutninginn af þessu máli í Þýskalandi [og á vesturlöndum] - og þar átti hann við að það var aðeins á tímum Adolfs Hitlers og Jósefs Göbbels að samskonar massífar lygar og áróður voru notuð síðast til að ná fram sömu tilætluðu áhrifum á saklaust fólk. Ekkert hefur verið að marka fréttir fjölmiðla af neinu sem viðkemur átökunum í Úkraínu síðustu tæpa 12 mánuði. Meira að segja punktar þeirra og kommur hafa verið þvæla og er meðvirkni þeirra núna síst minni en hún var með bankastóðinu í síðustu hamförum vesturlanda, en þá reyndist hún banvæn. Svipað gildir um meðvirkni fjölmiðlanna með forheimsku fræðimanna- og háskólaliði vesturlanda og smæðar-fyrirlestrarherferð þeirra um rússneska hagkerfið undanfarin mörg ár

Að þessu sinni er það ekki ríkisvaldið beint, heldur fjölmiðlarnir sjálfir sem standa að þessu, sagði Erich Vad hershöfðingi. Það er hugsanlega rétt hjá honum, segi ég. En þeir sem fóðra fjölmiðlana að þessu sinni eru ofsatrúarmenn djúpríkja vesturlanda sem ráða þar bæði lögum og lofum, og sem skjóta hvaða þjóðkjörna fulltrúa fólksins sem er úr sæti sínu og út í geim, þegar þeim sýnist. Já, þeir virka eins og "sjálfstæðir seðlabankar", segi ég líka

Það er ekki út af engu að þið fjölmiðlar eruð á leið í gröfina

Fyrri færsla

Valery Gerasimov stígur inn

Valery Gerasimov stígur inn

Mynd, skjáskot af síðu Wikipedia: Valery Gerasimov

****

ÚKRAÍNUDEILAN

Varnarmálaráðherra Rússlands, Sergei Shoigu, hefur víkkað skipuritið fyrir yfirstandandi hernaðaraðgerð Rússlands í Úkraínu þannig að ný staða sameiginlegs yfirmanns yfir sameinuðum herafla aðgerðarinnar, ásamt öðru*, er hér með sett í hendurnar á æðsta yfirmanni sameinaðs herafla Rússneska sambandsríkisins, Valery Gerasimov. Næsti maður yfir Gerasimov er varnarmálaráðherrann Shoigu, sem talar reiprennandi átta tungumál önnur en rússnesku, og yfir varnarmálaháðherranum er forsetinn, Vladímír Pútín

Næstu yfirmenn undir Gerasimov eru; a) Sergey Surovikin yfirmaður flug- og geimherafla Rússlands, og b) Oleg Salyukov yfirmaður landhers Rússlands, og c) Alexey Kim sem er næstur Gerasimov í æðstu herstjórn

Varnarher Rússlands samanstendur af; Landhernum; Flughernum; Geimhernum; Flotanum; Strategíska flugskeytahernum; Fallhlífahernum og Sérsveitahernum

Fram að hernaðaraðgerðinni í Úkraínu var allur þessi herafli Rússlands í varnarstöðu-aðeins, bæði að byggingu til, stærð og staðarstöðu. En nú hefur sjö ára útbygging NATO á Úkraínu sem innrásarfallbyssustæði til handa Bandaríkjunum inn í Rússland, ásamt öðrum sem áhuga hafa, neytt rússnesku herstjórnina til að endurskoða stöðu, stærð og stöðumáta alls heraflans. Hann var sem sagt takmarkaður að stærð og í varnarstöðu (e. defensive mode) en er núna sennilega að mörgu leyti á leið yfir í stækkun og sóknarstöðu - ásamt rússneska hagkerfinu

Öll lönd sem verða fyrir svona miklum refsiðagerðum og útilokunum eins og Rússland hefur orðið fyrir, vaxa alltaf að stærð og afli. Það mun einnig gilda um herstyrkleikann. Eins og er getur sameinað NATO ekki sigrað Rússneska herinn á vígvellinum í og í kringum Rússland því Bandaríkin eru hvergi landherveldi nema í Norður-Ameríku, og geta heldur aldrei orðið landherveldi annars staðar en einmitt þar. Að vissum tíma liðnum munu hernaðarlegir yfirburðir Rússlands verða fastur liður í heimsmálunum og Vesturveldin munu sanna sig sem hafandi skotið sig í báðar fætur í gegnum (tóman) hausinn

Þegar heimsveldi Nasista (nú eins konar útþenslu-fyrirrennari NATO, því miður) réðst inn í Rússland sumarið 1941, hitti það allan her Sovétríkjanna fyrir á miðju endurskipulagningarvaði. Allt var upp í loft og var verið að endurskipuleggja allar varnir og öll skipurit Rauða hersins. Að sumu leyti hefur þetta gerst á ný núna, því engum í Rússlandi hafði dottið sú firra í hug að gerspillt Úkraína væri nú þegar orðin jafngildi NATO-ríkis, en það sagði varnarmálaráðherra þess lands að Úkraína væri nú þegar orðin. Þetta sagði hann í sjónvarpi fyrir nokkrum dögum

* Valery Gerasimov verður nú látinn um aðgerðina í Úkraínu. Hann hefur ritað og sagt að á 21. öldinni sé búið að þokuleggja muninn á stríði og friði í heiminum og að ríki lýsi ekki lengur yfir stríði á hendur óvinum og að stríð gangi ekki lengur fyrir sig samkvæmt áætlunum. Óvopnaðar aðferðir eru í meira mæli notaðar til að ná pólitískum og strategískum markmiðum og gefast þær oft langtum betur en þær vopnuðu. Herstjórn í dag þarf því að samanstanda af víðtækri notkun á stjórnmálum, efnahagsmálum, upplýsinga- og mannúðarmálum, öðrum óvopnuðum hernaðaraðgerðum ásamt því að nota mótþróa og mótmælaáhrif þjóða í sama tilgangi

* Valery Gerasimov verður nú látinn staðfæra deiluna í Úkraínu. En það þýðir að áhrifaþáttum NATO á deiluna verður vísað til föðurhúsanna og það verður líklega ekki svo erfitt, segir Alexander Zimovsky við tímaritið aif.ru (Argumenty i Fakty), því Úkraínumenn hafa misst trúna á herstjórn landsins ásamt trúnni á herstjórn NATO, sem hugðist láta Úkraínu "berjast til síðasta Úkraínumanns" í þágu þess

* Valery Gerasimov mun því hefjast handa við að staðfæra og staðargera deiluna, snúa upp á og út úr NATO og ríða því niður, og snúa stærstum hluta Úkraínubúa til fyrri sameiginlegra hagsmuna með Rússlandi, en fyrst og fremst samkvæmt óskum fólksins. Meðan á því stendur mun hann láta rússneska herinn um að þrýsta með óbeinni öldufjarstýringu upp nýrri víglínu sem liggja mun um og halda utan um vestasta hluta Úkraínu og láta vesturveldin síðan um að bítast um hann sem eins konar nýjan hluta af Póllandi, Ungverjalandi og bandarísku ESB gerspillingarbæli sem á endanum mun tvístra því sem eftir er af landshlutanum enn frekar

Nýju "undravopnunum" að vestan mun verða staflað upp þar. Þau verða ekki send austur í landinu, þar sem þau yrðu strax skotin í tætlur á sama hátt og allt annað sem að vestan hefur komið. Þau munu byrja að mynda nýju víglínuna frá og með nú. Gamla dótið að vestan

* Valery Gerasimov veit einnig sem er, að fjölvídda stigmögnunarafl Rússlands í þessu máli er enn ónotað og að það er lárétt og nær til Vesturheims

Nikolai Patrushev æðsti yfirmaður rússneska öryggisráðsins og eins konar þjóðaröryggisráðgjafi forseta Rússlands, sagði í viðtali við aif.ru að hálfgerður og ókjörinn mafíumassi virðist hvenær sem er geta skotið forseta Bandaríkjanna út í geiminn þ.e. úr þjóðkjörnu sæti hans, eða þá hreinlega gengið frá honum á jörðu niðri, eins og sannarlega hefur verið gert, oftar en einu sinni. Bandaríska þjóðin ræður litlu um stjórnmálin í landi sínu og enn minna um varnarmálin. Þar er engu að treysta, eins og sannast hefur núna

Það grátbroslega við gagnrýni Rússa á Bandaríkin núna er það, að gagnrýnin er á svipuðum nótum og hún var á Sovéttímanum, en hvellsmellur hins vegar og passar hárrétt við veruleikann í dag eins og hann er orðinn bæði vestanhafs og í sovétríki Evrópusambandsins. Gagnrýnin hittir algjörlega í mark í dag, en það gerði hún ekki nema að hluta til á Sovéttímanum. Slík er hnignun og úrkynjun Vesturlanda. Múrinn féll vestur

Eftir NATO-bröltið austur og inn í Úkraínu, valdarán og fullkomna hunsun NATO á lögmætum grundvallar þjóðaröryggishagsmunum Rússlands, hef ég því miður misst of mikið af því mikla áliti sem ég hafði á Bandaríkjunum og á NATO, því þarna var gersamlega gengið fram af skynsemi minni og raunsæishyggju

Það fólk sem þarna situr við völd núna mun ekki hætta fyrr en NATO liggur í rúst, sundurskotið innan frá af örvita fáráðlingum í illa fengnum valdastólum.  Þannig enda reyndar allar fjölþjóða tilraunir til sameiginlegra varna. Úr því sem komið er segi ég því: farið hefur fé betra. Svona er að æða yfir Rubicone. Leiðin til baka er lokuð. Rústir einar blasa við

Fyrri færsla

Getur ekki passað

Rússar skipta aftur um mann í brúnni