Valery Gerasimov stígur inn

Mynd, skjáskot af síðu Wikipedia: Valery Gerasimov

****

ÚKRAÍNUDEILAN

Varnarmálaráðherra Rússlands, Sergei Shoigu, hefur víkkað skipuritið fyrir yfirstandandi hernaðaraðgerð Rússlands í Úkraínu þannig að ný staða sameiginlegs yfirmanns yfir sameinuðum herafla aðgerðarinnar, ásamt öðru*, er hér með sett í hendurnar á æðsta yfirmanni sameinaðs herafla Rússneska sambandsríkisins, Valery Gerasimov. Næsti maður yfir Gerasimov er varnarmálaráðherrann Shoigu, sem talar reiprennandi átta tungumál önnur en rússnesku, og yfir varnarmálaháðherranum er forsetinn, Vladímír Pútín

Næstu yfirmenn undir Gerasimov eru; a) Sergey Surovikin yfirmaður flug- og geimherafla Rússlands, og b) Oleg Salyukov yfirmaður landhers Rússlands, og c) Alexey Kim sem er næstur Gerasimov í æðstu herstjórn

Varnarher Rússlands samanstendur af; Landhernum; Flughernum; Geimhernum; Flotanum; Strategíska flugskeytahernum; Fallhlífahernum og Sérsveitahernum

Fram að hernaðaraðgerðinni í Úkraínu var allur þessi herafli Rússlands í varnarstöðu-aðeins, bæði að byggingu til, stærð og staðarstöðu. En nú hefur sjö ára útbygging NATO á Úkraínu sem innrásarfallbyssustæði til handa Bandaríkjunum inn í Rússland, ásamt öðrum sem áhuga hafa, neytt rússnesku herstjórnina til að endurskoða stöðu, stærð og stöðumáta alls heraflans. Hann var sem sagt takmarkaður að stærð og í varnarstöðu (e. defensive mode) en er núna sennilega að mörgu leyti á leið yfir í stækkun og sóknarstöðu - ásamt rússneska hagkerfinu

Öll lönd sem verða fyrir svona miklum refsiðagerðum og útilokunum eins og Rússland hefur orðið fyrir, vaxa alltaf að stærð og afli. Það mun einnig gilda um herstyrkleikann. Eins og er getur sameinað NATO ekki sigrað Rússneska herinn á vígvellinum í og í kringum Rússland því Bandaríkin eru hvergi landherveldi nema í Norður-Ameríku, og geta heldur aldrei orðið landherveldi annars staðar en einmitt þar. Að vissum tíma liðnum munu hernaðarlegir yfirburðir Rússlands verða fastur liður í heimsmálunum og Vesturveldin munu sanna sig sem hafandi skotið sig í báðar fætur í gegnum (tóman) hausinn

Þegar heimsveldi Nasista (nú eins konar útþenslu-fyrirrennari NATO, því miður) réðst inn í Rússland sumarið 1941, hitti það allan her Sovétríkjanna fyrir á miðju endurskipulagningarvaði. Allt var upp í loft og var verið að endurskipuleggja allar varnir og öll skipurit Rauða hersins. Að sumu leyti hefur þetta gerst á ný núna, því engum í Rússlandi hafði dottið sú firra í hug að gerspillt Úkraína væri nú þegar orðin jafngildi NATO-ríkis, en það sagði varnarmálaráðherra þess lands að Úkraína væri nú þegar orðin. Þetta sagði hann í sjónvarpi fyrir nokkrum dögum

* Valery Gerasimov verður nú látinn um aðgerðina í Úkraínu. Hann hefur ritað og sagt að á 21. öldinni sé búið að þokuleggja muninn á stríði og friði í heiminum og að ríki lýsi ekki lengur yfir stríði á hendur óvinum og að stríð gangi ekki lengur fyrir sig samkvæmt áætlunum. Óvopnaðar aðferðir eru í meira mæli notaðar til að ná pólitískum og strategískum markmiðum og gefast þær oft langtum betur en þær vopnuðu. Herstjórn í dag þarf því að samanstanda af víðtækri notkun á stjórnmálum, efnahagsmálum, upplýsinga- og mannúðarmálum, öðrum óvopnuðum hernaðaraðgerðum ásamt því að nota mótþróa og mótmælaáhrif þjóða í sama tilgangi

* Valery Gerasimov verður nú látinn staðfæra deiluna í Úkraínu. En það þýðir að áhrifaþáttum NATO á deiluna verður vísað til föðurhúsanna og það verður líklega ekki svo erfitt, segir Alexander Zimovsky við tímaritið aif.ru (Argumenty i Fakty), því Úkraínumenn hafa misst trúna á herstjórn landsins ásamt trúnni á herstjórn NATO, sem hugðist láta Úkraínu "berjast til síðasta Úkraínumanns" í þágu þess

* Valery Gerasimov mun því hefjast handa við að staðfæra og staðargera deiluna, snúa upp á og út úr NATO og ríða því niður, og snúa stærstum hluta Úkraínubúa til fyrri sameiginlegra hagsmuna með Rússlandi, en fyrst og fremst samkvæmt óskum fólksins. Meðan á því stendur mun hann láta rússneska herinn um að þrýsta með óbeinni öldufjarstýringu upp nýrri víglínu sem liggja mun um og halda utan um vestasta hluta Úkraínu og láta vesturveldin síðan um að bítast um hann sem eins konar nýjan hluta af Póllandi, Ungverjalandi og bandarísku ESB gerspillingarbæli sem á endanum mun tvístra því sem eftir er af landshlutanum enn frekar

Nýju "undravopnunum" að vestan mun verða staflað upp þar. Þau verða ekki send austur í landinu, þar sem þau yrðu strax skotin í tætlur á sama hátt og allt annað sem að vestan hefur komið. Þau munu byrja að mynda nýju víglínuna frá og með nú. Gamla dótið að vestan

* Valery Gerasimov veit einnig sem er, að fjölvídda stigmögnunarafl Rússlands í þessu máli er enn ónotað og að það er lárétt og nær til Vesturheims

Nikolai Patrushev æðsti yfirmaður rússneska öryggisráðsins og eins konar þjóðaröryggisráðgjafi forseta Rússlands, sagði í viðtali við aif.ru að hálfgerður og ókjörinn mafíumassi virðist hvenær sem er geta skotið forseta Bandaríkjanna út í geiminn þ.e. úr þjóðkjörnu sæti hans, eða þá hreinlega gengið frá honum á jörðu niðri, eins og sannarlega hefur verið gert, oftar en einu sinni. Bandaríska þjóðin ræður litlu um stjórnmálin í landi sínu og enn minna um varnarmálin. Þar er engu að treysta, eins og sannast hefur núna

Það grátbroslega við gagnrýni Rússa á Bandaríkin núna er það, að gagnrýnin er á svipuðum nótum og hún var á Sovéttímanum, en hvellsmellur hins vegar og passar hárrétt við veruleikann í dag eins og hann er orðinn bæði vestanhafs og í sovétríki Evrópusambandsins. Gagnrýnin hittir algjörlega í mark í dag, en það gerði hún ekki nema að hluta til á Sovéttímanum. Slík er hnignun og úrkynjun Vesturlanda. Múrinn féll vestur

Eftir NATO-bröltið austur og inn í Úkraínu, valdarán og fullkomna hunsun NATO á lögmætum grundvallar þjóðaröryggishagsmunum Rússlands, hef ég því miður misst of mikið af því mikla áliti sem ég hafði á Bandaríkjunum og á NATO, því þarna var gersamlega gengið fram af skynsemi minni og raunsæishyggju

Það fólk sem þarna situr við völd núna mun ekki hætta fyrr en NATO liggur í rúst, sundurskotið innan frá af örvita fáráðlingum í illa fengnum valdastólum.  Þannig enda reyndar allar fjölþjóða tilraunir til sameiginlegra varna. Úr því sem komið er segi ég því: farið hefur fé betra. Svona er að æða yfir Rubicone. Leiðin til baka er lokuð. Rústir einar blasa við

Fyrri færsla

Getur ekki passað

Rússar skipta aftur um mann í brúnni

Athugasemdir

[Ragnhildur Kolka, 14.1.2023 kl. 01:45]

Ég verð að segja að ég ér innilega sammála þér. Lengi vel stóð ég í þeirri trú að NATO væru góðu gæjarnir, en efnin seytlaði inn og eftir innrásina í Lýbíu var ekki lengur hægt að líka augunum fyrir staðreyndum. Sýrland og ekki hvað síst viðskilnaðurinn við Afganistan eru kennsluefni í fláræði.

Verst er þó að hlusta á utanríkisráðherrann okkar bergmála Stoltenberg eins og páfagaukur. Maður lætur ekki ljúga upp í opið geðið á sér ef maður hefur, í það minnsta, tvær kvarnir til að nudda saman. En ráðherrann okkar þenur sig út eins og hann hafi heilan herafla á bakvið sig sem hann er tilbúinn að senda inn til orrustu á hverri stundu. Það væri gustukaverk að gera honum grein fyrir að á bakvið hann er aðeins 360.000 manna þjóð.

Sagt er að 700 ukraínskir hermenn hafi fallið síðustu þrjá daga sem lokaorrustan um Soledar stóð. Hvort þeir voru fleiri eða færri verður ekki vitað fyrr en síðar, en víst er að mannfall í þessu stríði er gríðarlegt og allt skrifast það á útþenslustefnu NATO, Kanans og fylgihnetti þeirra sem eru tilbúnir að fórna heilli þjóð fyrir stórveldis drauma sína.

[Gunnar Rögnvaldsson, 14.1.2023 kl. 02:32]

Þakka þér fyrir Ragnhildur.

Já þetta með NATO hlaut að enda svona. Annað kom varla til greina þegar kvöldverðardeildir snúast til varnar um síðustu kvöldmáltíðir sínar.

Flestir hafa algjörlega misskilið eða alls ekki skilið átökin í Úkraínu frá upphafi. Á engu tímabili átakanna hefur Rússland notað meira en sem svarar til 20 prósenta af landher sínum í þetta mál.

Stuttu fyrir upphaf átakanna buðu Rússar bæði Úkraínu og bandalagsríkjum NATO að gerður yrði griðasamningar milli allra aðila og það þannig tryggt að ekki myndi koma til átaka og að menn héldu sig við gerða samninga sem kenndir eru við Minsk. Þessu var hafnað og NATO-studd innrás/útrás austur á bóginn undirbúin.

Flestir misskilja einnig hernaðargetu NATO, hún er ekki meiri en það að eingöngu kemur til greina að beita því gegn svo gott sem óvopnuðum andstæðingum. Evrópulönd NATO hafa aðeins málamynda hernaðargetu því ekkert þeirra hefur alvöru her sem háð getur samþætt meginlandsstríð eins og Rússland getur. Og utan landmæra sinna hafa Bandaríkin aðeins stækkaða útgáfu af eins konar sjóræningjaher Breska heimsveldisins sem sigldi út í heim, potaði í lönd og sigldi svo heim aftur og svo var ekki var talað meira um það, eins og í Þorskastríðum.

Bandaríkin hafa ekki jafnað stríð við alvöru andstæðing síðan í Kóreu. Restin hefur verið krónísk töp. Það er náttúrlega vegna þess að ekkert ríki jarðar hefur meiriháttar hernaðargetu og átakaúthald handan hafs, og langt utan landamæra sinna. Heimurinn er nefnilega stór. Og ekkert ríki jarðar getur heldur með árangri hernumið annað meiriháttar land gegn vilja viðkomandi þjóðar, haldið því til lengdar og löggað það innan valdamúra sinna.

Já það er meira en sprenghlægilegt, beinlínis átakanlegt, að fylgjast með Þórdísi þotuhreyfli í þessum málum. Leikfélagið 101 lætur ekki að sér hæða þessi árin.

Og eins massífa lyga- og áróðursherferð vestrænna fjölmiðla um nein mál er varla hægt að finna í gjörvallri sögu mannkyns eins og í þessu Úkraínumáli. Úrkynjun vesturlanda kemur þar glöggt fram.

Guð forði NATO frá því að Rússar fari úr náttfötunum og klæði sig í þessu máli.

Kveðjur

[Gunnar Rögnvaldsson, 14.1.2023 kl. 12:45]

Vangaveltur

Að sumu leyti er hægt að líta á þetta mál þannig að Rússland hafi hér með náð tangarhaldi á Bandaríkjunum og NATO, því Bandaríkin geta ekki dregið sig út úr deilunni nema með hrikalegum kostnaði bæði pólitískt séð og fyrir bandaríska hagkerfið. Og á bandarísku spýtunni hanga einnig hagkerfi ESB-landa.

Að NATO skyldi ekki takast að níða rússneska hagkerfið niður eins og gert var ráð fyrir að myndi takast með öllum þessum refsiaðgerðum, útilokunum og þvingunum, er svo slæmt til afspurnar fyrir orðstír NATO-samsteypunnar að eftir því mun heimurinn allur taka og haga málum sínum eftir því.

Heimskingjaveldið í Hvíta húsi Bidens og 101 hélt að þetta yrði ekkert mál, því heiðnikirkjuveldi Háskólasamsteypu hamfarahlýnunar var búið að segja því að þetta yrði ekkert mál. Rússneska hagkerfið myndi bara brasa saman við fyrsta neo-con púff.

Sem sagt: Bandaríkin og Evrópa eru föst á spýtunni og geta ekki yfirgefið deiluna á undan Rússlandi, og minna en ekkert bendir til að Rússland sé á þeim buxunum að hoppa út.

Valery Gerasimov, Pútín forseti Rússlands, ásamt öllum toppunum í rússneska stjórnkerfinu, eru ekki að bíða eins og NATO eftir því að einn ferkílómetri í Úkraínu vinnist eða tapist, heldur eru þeir að bíða eftir því að hagkerfi ESB-landa hrynji saman og að Bandaríkin riði til falls. Slíkt getur tekið fimm ár og það vita þeir vel.

Rússland er því ekki að flýta sér svo lengi sem Bandaríkin og hjálendur þeirra eru múruð föst við deiluna sem þau bjuggu sjálf til.

Þarna er stórt tækifæri fyrir Rússland sem nú er að magn-endurbyggja varnarmálaframleiðslu sína á ný og miðar vel.

[Gunnar Rögnvaldsson, 14.1.2023 kl. 20:53]

3NM

Niðurlæging Vesturlanda magnast og það sem meira er, líkur eru á að hún stigmagnist á næstu árum og verði afar erfið viðfangs því ljóst er nú að Evrópa lifði á Rússlandi síðustu 30 árin.

Rússar virðast vera komnir það langt í þróun örgjörva að RosAtom er komið með 3 nanómetra tæknina á tröppurnar og framleiðsla gæti hafist innan nokkura ára: sjá hér (pr. 21. des. 2022).

RosAtom, sem þarna kemur við sögu, er í dag leiðandi í heiminum í smíði kjarnorkuvera og heimta Litháar og Pólverjar að refsiaðgerðir verði innleiddar á fyrirtækið um allan heim. Það er, heimtað er að Bandaríkin sjái um það. Ég er ekki viss um að þær ríkisstjórnir í heiminum sem láta RosAtom um hönnun og smíði kjarnorkuvera sinna samþykki slíkt. Til dæmis eru flestir kjarnakljúfar Finnlands rússneskir og bæði Egyptaland og Suður-Kórea eru með rússnesk ver í smíðum heima hjá sér.

Og vesturlönd eru einangruð í refsiaðgerðum sínum gegn Rússlandi því 75 prósent af löndum heimsins taka ekki þátt í þeim. 

Erfiður verður róður hins vestræna klerkaveldis glóbalista gegn Rússlandi íhaldsmanna. Kratahyggjan sú hefur nú þegar stútað vopnaframleiðslugetu vesturlanda.

[Ragnhildur Kolka, 14.1.2023 kl. 22:12]

Eftir því sem ég fæ best séð þá snýst þetta stríð ekki um inngöngu í NATO nema að litlu leyti. Í grunninn eru það auðlindir Rússlands; gamli góði colonyisminn sem kominn er aftur á kreik. Vesturlönd hafa gengið sér til húðar. Þau hafa tæknina en skortir hráefnið.

Það hlýtur að vera sárt fyrir þau að sjá að Rússar geti enn framleitt hergögn á færibandi og hafi nýjustu tækni á valdi sínu á meðan ESB er algerlega had US sem hefur glatað verkkunnáttu sinni í tilgangslausum eltingarleik við rétt fornöfn og klósettskilti í samræmi við þau. 

[Ingólfur Sigurðsson, 15.1.2023 kl. 02:15]

Það er mjög gott að fá aðra hlið á málunum á þessari bloggsíðu. Ég á erfitt með að skilja áróður og röksemdir í DV og RÚV. Í DV koma stöðugt pistlar þar sem sagt er að Pútín sé kominn á grafarbakkann og hálfdauður af ýmsum sjúkdómum, að Rússland sé um það bil gjaldþrota, að Rússar séu búnir með vopnin, að Rússland sé að leysast upp, að allir herstjórnendur séu þar handónýtir og hæfileikalausir, hermennirnir áhugalausir liðhlaupar, að Selenský sé ofurhetja og að Úkraína sé alltaf alveg að sigra stríðið.

Samt skil ég ekki í ljósi þannig frétta að stöðugt þurfa voldug ríki eins og Bandaríkin og fleiri að senda þeim nýjustu hátæknivopnin. Nú síðast þurfa Bretar að senda þangað skriðdreka, til Úkraínu, Challenger 2, samkvæmt nýjustu fréttum.

Í DV stendur að skriðdrekar frá Þýzkalandi breyti gangi stríðsins Úkraínumönnum í hag.

Verst finnst mér að lesendur DV sem skrifa athugasemdir við fréttirnar átta sig ekki á því að upplausn Rússlands er ekki gleðiefni, ef rétt er. Vita þeir ekki að upplausn Prússlands og óstöðugleiki í Þýzkalandi kom af stað tveimur heimsstyrjöldum, eða átti stóran þátt í því?

Síðan gleymist að upplausnarástand er að nálgast víðar en í Rússlandi útaf þessu stríði og öðrum ástæðum einnig, eins og kófinu.

Enn á ný finnst mér það ljóst að þú kemur með nauðsynlega og merkilega nálgun, Gunnar, sem fleiri þurfa að átta sig á. Ekki veit ég um marga sem koma með þessa punkta, ef nokkur.

[Gunnar Rögnvaldsson, 15.1.2023 kl. 03:46]

Þakka þér kærlega fyrir Ingólfur.

Endilega ekki missa af síðustu fréttum af geimskotinu með Jósef Biden. Hann er nú þegar kominn um borð í eldflaugina, sem er þriggja þrepa, og er á leið upp stigann, sem tekur auðvitað sinn tíma.

Eftir síðasta leyniskjalafund sem gerður var á síðustu 24 tímum, sá þriðji, er  ljóst að nýtt geimskot þar sem mafíumassinn skýtur forseta Bandaríkjanna úr sæti sínu, eins og Trump, stendur fyrir dyrum. Sviðið er sett.

Samt sagði Elon Musk fyrir nokkrum dögum að engin merki hefðu fundist innanborðs í Twitter um neinar rússneskar tilraunir til að hafa áhrif á kosningar í Bandaríkjunum. Ekkert fannst.

Rússar útskrifa tvöfalt fleiri verkfræðinga og vísindamenn á hverju ári en Bandaríkin. Samt eru Bandaríkin hátt í tvöfalt fjölmennari. Aðeins 7 prósentur námsmanna í Bandaríkjunum lesa verkfræði og þannig raungreinar á meðan hlutfallið er 25 prósent í Rússlandi. Rússneskir eldflaugaverkfræðingar sem dæmi.  

Kveðjur

[Gunnar Rögnvaldsson, 15.1.2023 kl. 14:40]

Málið er miklu alvarlegra en nýlenduásækni Ragnhildur.

Vesturlönd eru pólitískt, stjórnarfarslega og demógrafískt að brotna niður innanfrá. Fráfarandi kanslari Þýskalands var óhæfur stjórnmálamaður og myndastytta aðeins, og núverandi forseti Bandaríkjanna er hreint og beint vangefin afurð þjóðsvika og stjórnarfarslegrar mafíustarfsemi í því landi.

Á allt þetta horfa allsgáð rússnesk stjórnvöld og líst afar illa á blikuna. Ástandið á vesturlöndum minnir þá á síðasta brjálæðiskast geggjunarelíta Evrópu. En nú er geggjunin hins vegar beggja megin Atlantsála og því í öllum innsta kjarna NATO.