Fjármagnsþurrð á evrusvæði. Ekki hjálpar evran Slóveníu

Slóvenía tók upp evru þann 1. janúar 2007.

Núna á þetta land í miklum erfiðleikum sökum fjármagnsþurrðar því enginn vill kaupa skuldir af ríkisstjórn Slóveníu. Þetta segja m.a. FT Deutschland og Forbes í dag. Ríkisstjórn Slóveníu hefur verið að reyna að afla fármagns til þess að geta fjármagnað björgunarpakka til handa efnahags landsins. Ætlunin var að afla eins miljarða evra sem átti að nota til þess að búa til efnahagslegan björgunarpakka. En engir kaupendur af skuldabréfum ríkisins hafa sýnt áhuga. Fjármálaráðherra Slóveníu varar nú við fjámagnsþurrð.

Svipað ástand er að myndast í mörgum smærri og stærri löndum myntbandalagsins.

Samkvæmt evruáhugamönnum er þetta það sem átti ekki að geta gerst ef maður væri í þessu myntbandalagi Evrópusambandsins.

Ef þú værir fjárfestir, myndir þú vilja fjárfesta í landi þar sem:

• ríkið ræður engu um gjaldmiðil landsins
• ríkið ræður engu um peningastjórn landsins
• ríkið getur ekki fellt gengið og ræður engu um gengið
• útflutningur bíður afhroð vegna þess að gengið er alltof hátt fyrir þig
• lækka þarf laun almennings með handafli yfir mörg ár
• ríkið er algerlega háð því hvernig gengur í Þýskalandi & Frakklandi og þar gengur næstum alltaf allt illa
• ríkið er meðlimur í hnignandi efnahagskerfi sem vantar 194 milljón nýja utanaðkomandi þegna fyrir árið 2035 til þess eins að viðhalda núverandi velferð og vinnuafli hinna 15 eldri landa Evrópusambandsins

 

 

Nei, það myndir þú ekki vilja. Það eru nefnilega til miklu betri fjárfestingakostir. Glitnir Banki skrifar því í dag um: Ágætlega heppnuð skuldabréfaútboð á Íslandi.

 

Slovenia’s Business Confidence Falls to Lowest on Record

 

 

Barnaskapur Samfylkingar á Íslandi . . 

 

Sá stjórnmálaflokkur sem hefur eins miklar og stórar væntingar til stofnunar eins og Seðlabanka Íslands og peningastefnunnar eins og Samfylkingin hefur til Seðlabanka Íslands er að mínu mati óhæfur til að sitja í sjálfri ríkisstjórn Íslands. Allar breytingar á högum og innviðum Seðlabankans eru dæmdar til þess að valda gráti og vonbrigðum hjá Samfylkingunni og öllum landsmönnum einnig, því það er ekki hægt að lifa upp til svona óraunhæfra og barnalegra væntinga til svona stofnunar.  Þetta er skrípaleikur, þráhyggja og því skaðvaldur í íslenskum stjórnmálum núna. Samfylkingunni væri nú og sennilega í fyrsta skipti á stuttri æfi sinni hollt að huga að því hvað sjálfu Íslandi er fyrir bestu og ekki eingöngu hvað Samfylkingunni þóknast sem hið undirgrafandi pólitíska afl á Íslandi í núverandi aðstæðum. Að koma með svona barnalegar kröfur í miðju IMF-prógrammi er stórhættulegt fyrir landið og nálgast landráð. 

 

. . og höfnunarárátta varaformanns Sjálfstæðisflokksins bætir blýgráu ofaná rautt

 

Þorgerður Katrín Gunnarsdóttir sem er varaformaður Sjálfstæðisflokksins eins og er, hefur einnig látið alvarlega þráhyggju byrgja sér sýn á vandamál þjóðarinnar. Fyrst segir hún að bandarískir aðilar sem tjáðu sig um komandi efnahagsvandamál Íslands hefðu þurft á endurmenntun að halda snemma árs 2008. Seinna segir hún einnig - og þrátt fyrir stórkostlega aðkallandi vandamál þjóðarinnar - að hugmyndir um þjóðstjórn á Íslandi hafi verði tímaskekkja þá þegar í október mánuði:

 

Við erum með mjög samhenta ríkisstjórn sem er algjörlega einhuga í því að það þurfi að takast á við þessa stóru erfiðleika sem við stöndum frammi fyrir, sem eru náttúrlega gengi krónunnar og efnahagsmálin í heild. Það eru raunverulegu vandamálin, ekki það hvað seðlabankastjóri segir eða einhverjir forstjórar fyrirtækja. Við þurfum að tala saman, en ekki svara fyrir einhverjar svona hugmyndir sem koma innan úr embættismannakerfinu.“ 

 

Það má þó segja Þorgerði Katrínu til hróss að hún, öndvert við Samfylkinguna, skildi að embættismannakerfið er einmitt embættismannakerfi.

 

Forsíða

 

Fyrri færslur:

Allt ykkur sjálfum að kenna

Angela Merkel fer á dráttarvélanámskeið 

 

Allt ykkur sjálfum að kenna

Þýskalandi hrakar hratt

Fyrir tveim mánuðum spáði Alþjóða Gjaldeyrisjóðurinn (AGS) 0,8% samdrætti í þýska hagkerfinu fyrir árið 2009. Í gær gaf AGS hinsvegar úr nýja hagspá fyrir þýska hagkerfið. Í þessari nýju hagspá hafa væntingar AGS til Þýskalands fallið svo mikið að spáin hljóðar uppá 2,5% samdrátt fyrir 2009, með verulegri hættu á að samdrátturinn geti orðið enn verri og meiri. AGS spáir einnig í raun 0,0% hagvexti í Þýskalandi árið 2010. Á aðeins tveim mánuðum hafa væntingar AGS til þýska hagkerfisins fallið þrefalt. Í raun segir AGS með þessu að hagspár þýsku ríkisstjórnarinnar séu óraunhæfar og að kreppan verði dýpri og lengri en ríkisstjórnin gerir ráð fyrir. Þetta mun veðra mesti samdráttur í þjóðarframleiðslu Þýskalands frá lokum seinni heimsstyrjaldar. 

AGS segir einnig að hinar miklu áherslur þýska hagkerfisins á útflutning auki enn frekar hættuna á að þýska hagkerfið festi sig í hagvaxtargildru um langan tíma. Samkæmt tölum frá efnahagsmálaráðuneyti Þýsklands féll útflutningur um heil 10,6% frá október til nóvember og aftur um 10-11% frá nóvember til desember. Þetta er geigvænlegur samdráttur og margir bíða því með kvíða eftir næstu hagvaxtartölum frá Þýskalandi. 

Danmörku batnar ekki

Þessa dagana fara fram umræður í þingheimi Danmerkur um hugsanlega upptöku evru. Í því sambandi eru sjónarmið stjórnmálaflokka og atvinnulífs rædd. Í gær lét aðalbankastjóri eins stærsta banka Danmerkur í ljós álit sitt á þessu hugðarmálefni forsætisráðherrans, Anders Fogh Rassmusen. Það var bankastjóri Jyske Bank, Anders Dam. En Jyske Bank er einn stærsti banki Danmerkur og er greiningadeild hans á sviði gjaldeyrisviðskipta talin ein sú besta hér í landi. Það lá við að Anders Dam froðufelldi af bræði þegar honum var boðið að tjá sig um málið. Samkvæmt dagblaðinu Jyllands Posten sagði Anders Dam eftirfarandi um evrumál forsætisráðherrans:

"Ríkisstjórnin hefur sjálf bruggað þá súpu sem hefur ýtt dönskum bönkum út í þá krísu sem þeir eru í núna. Fjármálaráðherrann (Lene Espersen) kom svo og gerði ástandið ennþá verra en orðið var með því að lýsa því fyrirfram yfir að danskir bankar skyldu ekki eiga von á neinni aðstoð frá danska ríkinu. Þar með býr hún sjálf til blöðruna sem svo springur þegar kreppan skellur á fyrir alvöru. Svo segir ráðherrann eftir á að þetta sé allt bönkunum að kenna. Það er mjög þægilegt að geta komið með svona predikun", hvæsti Anders Dam á eftir ríkisstjórninni".

Hann heldur áfram og segir: "skattastoppið og afborgunarlaus húsnæðislán sem ríkisstjórnin ber ábyrgð á leiddi til útlánabólu sem er hið eitraða hanastél ríkisstjórnarinnar sjálfrar. Þetta er beinlínis hægt að rekja til ríkisstjórnarinnar sjálfar. Svo komið þið með þennan fáránlega hjálparpakka til bankanna. Af einhverjum óskiljanlegum ástæðum kallar ríkisstjórnin þetta fyrir hjálparpakka. Ég hef aldrei heyrt um hjálparpakka þar sem maður byrjar á því að innheimta 35 milljarða danskar krónur af bönkunum fyrst og segir síðan við þá, nú skulum við koma og hjálpa þér. Hvernær hefði stærsti flokkur ríkisstjórnarinnar sem alltaf hefur verið landbúnaðarflokkur komið svona fram við sjálfan landbúnaðinn?"

Allt ykkur sjálfum að kenna

Anders Dam heldur enn áfram og segir: "Ég hélt satt að segja að ég væri statisti í bíómynd þegar ég í gegnum fjölmiðla sé forsætisráðherrann koma í þessa fjölmiðla og segja við þjóðina "þarna getið þið séð hvað það kostar að vera ekki með í evru". En svona er hið pólitíska spil. Þar er tekið mið af hér og nú aðstæðum án þess að gera sér það ómak að rannsaka ástæðurnar fyrir því hvernig stendur á því að málin eru komin í þessar ógöngur. Það er eingöngu vegna stefnu ríkisstjórnarinnar sjálfrar að seðlabankinn neyddist til að hækka vexina. Þetta er ykkur að kenna frá upphafi til enda".

Söludeild verkefnastjórnarinnar

Núna á sem sagt að reyna, eina ferðina enn, að selja Dönum evrur með því að höfða til ótta augnabliksins. Já kjósa aftur og aftur. Ef það kemur ekki rétt út úr þá kýs maður auðvitað aftur. Svo koma fjölmiðlar oft og "hjálpa" til við verkefnið. Þannig fór einnig hér í Danmörku. En danska ríkisútvarpið þurfti þó að éta ofaní sig villandi útreikninga um að húsnæðislán væru ódýrari ef Danmörk væri með evru. Útreikningar sjónvarpsins náðu aðeins til eins árs. Enginn tekur húsnæðislán til eins árs. En í mörg ár hafa vextir verið lægri í Danmörku en á evrusvæði. Bara akkúrat ekki á meðan útreikningar sjónvarpsmanna fóru fram.

Kæri lesandi. Ert þú borgaralega þenkjandi?

Skyldir þú vera í vafa um hvort þú ert borgaralega sinnaður eða ekki, hugsaðu þá bara smástund um Evrópusambandið. Ef það streyma um þig heitir straumar við tilhugsunina um hið yfirríkislega bákn sem á heima í heimsins ljótasta bæ, þá ertu sennilega ekki borgaralegur, heldur ertu líklega sósíalisti eða sósíaldemókrati. Þetta er náttúrlega ekki sjúkdómur og heldur ekki ólöglegt, en gengur þó sem betur fer oftast yfir með aldrinum, nema í fáum undantekningartilfellum. Þetta er því miður ekki al slæmt fyrir þig því margir sósíalistar hafa mikil og afgerandi áhrif á samfélagið, samfélaginu sjálfu til mikils skaða. Sem dæmi má nefna suma stjórnmálamenn, blaðamenn, háskólamenntaða menn, kennara, uppeldisfræðinga, listamenn o.s.f.v. sem vilja ala Evrópu upp á ný í eitt skipti fyrir öll. En fáir þú hinsvegar höfuðverk, ógleðitilfinningu, fyllist efasemdum og haldir fyrir nefið og augun við tilhugsunina um fýluna frá endlausum nýjum lögum og reglugerðum sem eru framleiddar á sjálfvirku erlendu færibandi í aðalstöðvum Evrópusambandsins - og sem eiga eftir að verða lögin og reglurnar fyrir þig - eða við tilhugsunina um þá beturvitandi massamargmiðlun sem fossar út úr 170.000 manna her embættismanna heimsveldis ESB, já þá ertu sennilega borgaralega innstilltur eða jafnvel með snert af frjáls- og frelsishyggju innbyggða í þinn persónuleika. En bíddu aðeins með að rústa einhverju í þínu nánasta umhverfi þegar þú lest þessi orð mín kæri lesandi, þetta eru ekki allt saman mín orð. Mörg þeirra eru sótt hingað hjá sagnfræðingnum Mikael Jalving hér: EU på kvalmegrænsen. Þetta er ekkert nýtt. 

Hausinn í sandinum á Íslandi 

Að vera að ræða um Evrópusambandið í þeim aðstæðum sem eru ráðandi núna á Íslandi er sú ömurlegasta skemmdarverkastjórnmálastarfsemi sem hægt er að hugsa sér, enda er það einkennandi fyrir þetta fyrirbæri sem nefnist Evrópusambandið að það hagnast alltaf á óförum annarra því það er alltaf notað sem verkfæri óttans þegar eldur brennur undir þjóðum og þegar þegnarnir missa trú sína á lýðræðislega kjörinni forystu landanna og stofnana lýðræðis þeirra. Að hafa svona óttaverkfæri til umráða til að grafa undan undirstöðum þjóðfélaganna er því mikil óskastaða fyrir verkefnastjórana í Evrópusambandinu. Já verkefna-stjórana. Það er því dapurlegt að Sjálfstæðisflokkurinn skuli hafa látið hálfpartinn þvinga sig til yfirhöfuð að ræða þessi mál núna. Þetta er svipað og að stinga hausnum í sandinn og vona að veðrið verði bara gott þegar hann verður dreginn upp úr svaðinu aftur. Evrópusambandið mun ekkert geta gert fyrir Ísland. Það myndi einungis gera öll mál ennþá erfiðari fyrir alla þegna Íslands og krefjast þess að altlaga yrði gerð að velferð allra Íslendinga. Þetta er eins öruggt og að sólin kemur aftur upp á morgun.

Þessvegna er það einnig ákaflega dapurlegt að Morgunblaðið sé að missa sitt gamla góða jarðsamband við Ísland. Sambandið við jörðina sem er ættjörðin okkar. Morgunblaðið er nefnilega rekið eins og verkefni og því stýrt af verkefnastjóra eins og er. 

En hið ótrúlega virðist samt ennþá vera að gerast á Íslandi því nú hafa landsmenn bráðum horft í heil 5 ár uppá aðfarir 32_sammála_hagfræðinga um hve mikið þeir glöddust yfir því í heil 5 ár að ofurölvaður fjármálageiri Ísland hoppaði stanslaust á og nýddi niður gjaldmiðilinn okkar, íslensku krónuna. Hefur einhver séð 32 sammála hagfræðinga áður? Nei það hefur enginn. En gróft sagt þá eru hagfræðingar aldrei sammála um neitt enda eiga þeir ekki að vera það því það er ekki hægt. Alltaf þegar maður heyrir um að svona menn séu sammála eða að það ríki svokallaður "vísindalegur consensus" innan fræðigreinar sem er samfélagsfræðigrein, og ekki eðlis- jarð- eða veðurfræði, þá veit maður að það er um verkefni að ræða.

Verkefnið & verkefnastjórarnir

En ESB verkefnið stoppar aldrei og því er aldrei hægt að njóta neinna ávaxta þess því um leið og verkefnið stoppar þá þarf að fara út í það að vinda ofan af skuldabréfavafningum verkefnastjóra Evrópusambandsins, því öll þau skref sem Evrópusambandið hefur tekið byggja alltaf á þeirri forsendu að þau séu háð því að næstu skref séu einnig tekin. Á Þann hátt er þegnunum haldið í verkefninu. Verkefnastjórarnir sjá alltaf til þess að verkefnið endi aldrei því þá þorna fjárveitingarnar upp og þeir eiga á hættu að missa vinnuna við verkefnið.

Maður skyldi þó ætla að þetta verkefni hefði skilað þeim árangri að þeir þegnar sem Evrópusambandið langar svo mikið til að stjórna og ala upp á ný - og undir nýjum formmerkjum um nýtt og einhlýtt þjóðareinkenni, sem auðvitað er ekki til ennþá - hefðu orðið varir við þann framgang sem Evrópusambandið er alltaf að skála fyrir niðri í Ljótabæ. Að þegnarnir hefðu því brugðist við öllum framförunum og farið út í það að njóta nú loksins ávaxtanna með því að leggja grunninn að eigin hamingju með því að stofna til heimilis og eignast börn og buru sjálfum sér og samfélaginu til heilla og ávinnings. En nei svo er aldeilis ekki. Í staðinn - og alveg í takt við aukna stærð verkefnisins - þá gera þegnarnir lítið annað en að vinna hörðum höndum að því að útrýma því samfélagi sem Evrópusambandið er að búa til fyrir þá. Þeir fjölga sér nefnilega ekki. Þeir megna ekki einu sinni að standa stað, samfélagslega séð. Nei. En hvað gera þeir þá? Jú þeir fara út í það að útrýma því samfélagi sem evrópusambandið bjó til fyrir þá! En hvurnig má þetta vera? Er þetta svar þegnana við verkefnastjórn Evrópusambandsins? Að útrýma þjóðfélögunum með því að neita að eignast þau afkvæmi sem ættu að bera uppi framtíð þessa sambands? Á að henda þessari grús í grjótmulningsvél sambandsins? Já kanski er þetta svar þegnana. Það vantar nefnilega um 200 milljón nýja einstaklinga í Evrópusambandinu til þess að viðhalda núverandi vinnuafli og velmegun. Vantar þá fyrir árið 2035 og þeir þurfa að koma utanfrá.

En þetta gildir bara alls ekki um okkar kæra Ísland. Þetta er ekki staðan á Íslandi meðal annars vegna þess að sjálfstæði og fullveldi er einnig hugarástand sem leiðir af sér sjálfsbjargarhvöt og sjálfsbjargarviðleitni sem mun tryggja áframhald þjóðfélags okkar.

Evrópusambandið er ekki neitt annað en verkefni og því stýra hinir svokölluðu verkefnastjórar verkefnanna.

Mikið er í steik í Evrópusambandinu núna og fer versnandi með hverjum deginum sem líður. Ef einhverntíma hefur verið dregin röng ályktun um jafn örlagaríkt mál og um stöðu Íslands á meðal þjóðanna, þá er það þessi vitsmunalega ESB villa sem mun alltaf standa efst á blaði allrar sögu Íslands um mistök þjóðarinnar, ef af verður. 

Ömurleg tíðindi berast frá Íslandi

Þær fréttir hafa borist í dag að forsætisráðherra Íslands, Geir H. Haarde, sé veikur. Þetta þykir mér ákaflega miður að heyra. Ég sendi hér með Geir og fjölskyldu hans mínar bestu og hlýjustu kveðjur með óskum um að hann nái fullum bata. Það er búið að vera mikið og þungt álag á forsætisráðherranum undanfarna marga mánuði. Oft var sárt að horfa uppá það ömurlega hlutverk sem að honum var rétt við það að þrífa upp stubbana eftir svall fjármálageirans. Þetta var sérstaklega erfitt fyrir hinn fyrrverandi fjármálaráðherra Geir H. Haarde, sem hafði staðið fyrir því að Ísland var orðið skuldlaust sem sjálfstætt ríki

Fyrri færsla

• Angela Merkel fer á dráttarvélanámskeið

Forsíða 

Angela Merkel fer á dráttarvélanámskeið

Andlitið á efnahagsmálaráðherra Þýskalands er ekki eins skemmtilega harðlínulegt í dag og andlitin eru á harðlínuritstjórn verkefnatímarits Evrópusambandsins á Íslandi, Morgunblaðinu. Eins mikið og andlitin á ritstjórn Morgunblaðsins eru frosin föst á meðan esb-svipan er miskunarlaust látin keyra á bök allra óttasleginna Íslendinga - og engum til gæfu nema einum - þá er Morgunblaðið, alveg eins og ESB, alveg búið að steingleyma að það er til heimur fyrir utan einmitt þetta vesæla efnahagslega öryrkjabandalag Evrópu, EÖE. Ritstjórn Morgunblaðsins er clueless á flest í sambandi við Evrópusambandið og framtíð þess og því verulega hættuleg sjálfstæði og hinu þjóðlega fullveldi Íslands eins og er. En kanski breytist þetta aftur ef ritstjórnin skyldi fara að hugsa um þjóðarhag allra Íslendinga aftur, með vissri viðkomu í raunverulekanum.

En eins og er - verð ég að játa - þá er hávertíð fyrir Evrópusambandið því það getur einungis vaxið og nærst í óttaástandi og á vesæld annarra. Þetta ber að hafa í huga þegar skoðuð eru þau ríki sem hafa gengið í ESB undanfarin 20 ár eða svo. Þau voru nefnilega öll gjaldþrota nema þrjú - og voru öll að flýta sér burt frá rústum fyrirrennara ESB og sem nú er að stórum hluta til gengið í Evrópusambandið sjálft. Já, gamla Sovét gékk í ESB.

Beðið eftir Bandaríkjunum: Kafli I 

En andlitið á efnahagsmálaráðherra Þýskalands hrundi því miður í gær er hagvaxtarspá hans breyttist úr von í lömun og ótta. Núna er hann - og með góðri aðstoð herra fjármálaráðherra- og klodsmajor Peer Steinbrück - komin niður í MÍNUS 2.5% hagvöxt fyrir árið 2009. Þetta endar náttúrlega á MÍNUS 4% eins og Deutshe Bank segir og kanski jafnvel á mínus 5-6% eins og ég óttast sjálfur.

Angela Merkel má því miður ekki vera að þessu því hún er núna á dráttarvélanámskeiði að læra hvernig maður plægir eina trilljón evrur af skuldum niður í jörðina - jörðina sem hún hélt að hún ætti - og helst án þess að nokkur taki eftir því. Þýskir bankar munu nefnilega bráðum koma með 100.000 trukka og sturta þessu hlassi niður á blettinn hennar.

Það er nefnilega komið í ljós að hagkerfi Þýskalands er gallað. Það inniheldur ekki sjálft lengur neina þá hvata sem geta hugsanlega leitt til hagvaxtar í nútíð og framtíð. Það er nefnilega orðið að elliheimili því á þessu ári verður helmingur allra kjósenda í Þýskalandi orðnir sextugir þegar þeir þurfa að kjósa hana Angelu aftur. Ekki sexytugir heldur sextugir. Hún Angela veit einnig að hin 15 gömlu lönd Evrópusambandsins vantar um það bil 194 miljón nýja skattborgara fyrir árið 2035 til þess eins að viðhalda núverandi og vanmáttuga vinnuafli sambandsins. Og það sem verra er þá þurfa þessar 194 milljón manns að koma utanfrá. Semsagt, koma frá öðrum löndum en þó helst frá öðrum hnöttum. Vandamálið er nefnilega einnig það að enginn vill búa í Evrópusambandinu lengur því hnignunin er svo mikil og hröð. Innfæddir flýja því sum löndin sín og neita að eignast afkvæmi þar. Þeir vilja nefnilega eiga von um betri framtíð á bjartari stað.

Það er því ekki von að Ítalir láti sitt eftir liggja í hnignunarferli Evrópusambandsins fyrst Þjóðverjar sjálfir hafa ekki lengur trú á framtíð lands síns. Þjóðverjar eiga jú að vera eimreiðin sem allt snýst um í Evrópusambandinu. Ítalir munu fara létt með þetta og tekst því á aðeins 27 árum að hækka meðalaldur þjóðar sinnar um heil 10 ár, frá árinu 1992 til 2020. Þetta tekst svona hratt og vel vegna þess að konur á Ítalíu eignast engin börnin.

 

Beðið eftir Bandaríkjunum: Kafli II  

Núna er því beðið eftir Bandaríkjunum. Beðið eftir að Bandaríkin dragi hið máttlausa og aflvana elliheimili Evrópusambandsins í gang aftur. En biðin verður löng. Þetta veit Angela Merkel mjög vel og því verður ekkert aðhafst til að koma í veg fyrir eitt né neitt í Þýskalandi. En af hverju ekki? Jú, Angela Merkel veit og hefur sagt að kynslóða-breytingaáföllin munu hefjast fyrir alvöru um miðjan þennan áratug. Það er einfaldlega ekki hægt að stofna til nýrra skulda því það mun ekki verða neinn til að borga þær í framtíðinni. Það verða svo fáir skattgreiðendur í Þýskalandi sem geta staðið undir stórauknum skuldum því hvaðan ættu þeir að koma? Það fæðast nefnilega svo alltof fá börn í Þýskalandi og hafa gert lengi. Ef skuldir þjóðarinnar verða auknar stórlega þá munu allir skattgreiðendur framtíðarinnar, börn Þjóðverja, neita að starfa og þéna peninga í þeirri skattpínungu sem þá yðri að vera þar.

Beðið eftir Bandaríkjunum: Kafli III  

Því verður bara beiðið. Já - beðið eftir kraftaverki að vestan. Allur sá smávegis framgangur sem var í þýska hagkerfinu á síðastliðnum 3 árum, eftir alkul í heilan áratug, varð vegna bólu á frármála og húsnæðismörkuðum Bretlands, Spánar og Austur Evrópu.

Nú er því bara að bíða og bíða. Bíða eftir Bandaríkjamönnum. Þetta veit Mogginn bara ekki ennþá. En einusinni vissi hann þetta þó. En það var bara áður en óhappið gerðist.  

Tengt efni

The second Great Depression að hefjast í Evrópusambandinu

Forsíða þessa bloggs 

Írland á leið í gjaldþrot með evrur? EUROBUST H/F Group

Kaldar staðreyndir um það hvernig Írland getur orðið verra en Ísland innan í evru

Írski hagfræðingurinn, seðlabankamaðurinn og rithöfundurinn David Mc Williams, er ekki einn af hinum þekktu þrjátíu og tveimur og sammála íslensku hagfræðingum sem hinn hagfræðingurinn, Charles Wyplosz, gerði að athlægi og dufti á 20 línum (eða svo) í nýlegri útgáfu verkefnatímarits Evrópusambandsins á Íslandi, Morgunblaðinu.

Could the unthinkable come to pass here? Could Ireland default on its sovereign debt? The answer is yes. Such a disaster is now quite possible. In the same way as a family can end up losing the house, the car, everything, a country, too, can fail to make its repayments. At the moment, such thoughts are heresy; but so, too, was questioning the property boom a mere four or five years ago.
Back in 2003 or 2004 when people questioned the property boom and its driver, the debt splurge by the bankers, we were ridiculed and dismissed. We were labelled mavericks. We were told that it was “dangerous” to even suggest such things because we might “talk down the economy”.
I remember being labelled “unpatriotic” by a politician in 2004 following an appearance on ‘Prime Time’ when I described the property market as a “scam” operated by “an unholy alliance of bankers and property developers”.

 

EUROBUST P

Þessi írski hagfræðingur, hann David Mc Williams, telur að Írar verði að gera ráð fyrir því að verða gjaldþrota sem ríki innan í evrusvæðinu vegna þess að írskir bankar hafa hagað sér eins og kálfar sem komust í kraftfóður. Þeir sem hafa prófað að gefa kálfum fóðurblöndu úr fötu vita hvernig gusugangurinn er. Það skvettist og slettist út um allt og fatan fer stundum á hvolf og innihaldið sullast þvergörðum. Svona slettust peningarnir einnig út úr íslenskum bönkum til íslenskra útrásarmanna út um næstum alla Evrópu. Frá hægri til vinstri tóku íslenskir bankar ódýrt lánsfé frá evrusvæði og eyddu því í að reyna að fylla upp hafið á milli Evrópu og Íslands með myntpeningum. En það tókst ekki og nú er allt sokkið í sæinn handan við bæinn. Allt horfið og hafið spegilslétt aftur. Það tók ekki einusinni eftir þessu. Já hafið er þakklátt.

EUROBUST I 

Svipað gerðist einnig á Írlandi á undanförnum árum. Á Írlandi eru peningarnir hinsvegar steyptir fastir innan í múrsteinum sem enginn vill eiga og því standa núna um 300.000 tómar íbúðir og grotna niður. Það er búið að fylla á tóma peningatanka bankanna á Írlandi einu sinni og nú vantar meira. Aftur er komið gat í gólfið og sjórinn fossar inn undir ríkiskassann. Ríkiskassinn er að reyna að fylla á tóma tankana aftur en það gengur erfiðlega því Írska ríkið þarf að bjóða miklu hærri ávöxtun á þeim ríkisskuldabréfum sem prentsmiðja írska ríkisins er að reyna að prenta þarna í kjallaranum undir ríkiskassanum. Þessi bréf á nú að reyna að selja til fjárfesta, en þeir eru orðnir verulega tortryggnir því pappírinn er orðinn svo blautur. AGS í írsku dyragættinni?. 

EUROBUST I 

Núna segir sem sagt David Mc Williams að Írar verði að undirbúa sig undir það sem átti ekki að geta gerst þegar sérfræðingar myntbandalags ESB hönnuðu meistaraverkið. Þetta meistaraverk sem er búið að kosta Evrópusambandið getuna til hagvaxtar. Sérfræðingarnir gleymdu nefnilega að gera ráð fyrir að einkageirinn í myntbandalaginu gæti smyglað því sem á mannamáli er kallað lánsfjáráhætta (credit risk) yfir á ríkissjóði evrrulanda og gera úr því nýja vöru sem heitir gjaldþrotaáhætta ríkissjóða (sovereign default risk). Ekki veit ég hvað sérfræðingurinn Charles Wyplosz segir við hönnunargöllum þess bandalags sem er alltaf meira og meira er að líkjast hinu efnahagslega öryrkjabandalagi Evrópu, EÖE. 

EUROBUST G 

En þetta hefur sem sagt gerst núna. Áhættumistök bankanna eru orðin að gjaldþrotaáhættu ríkissjóðs Írlands. Mynt Írlands reyndist Írum ónýt því hún getur ekki gert það sem myntir eiga að gera undir svona kringumstæðum - FALLA og auka samkeppnishæfileka útflutnings til þess að halda uppi atvinnu og áframhaldandi skattatekjum ríkissjóðs svo hægt sé að borga og borga! Borga og borga. Seðlabanki Írlands er nefnilega ekki á Írlandi og þjónar heldur ekki Írlandi og myntin er heldur ekki írsk og þjónar heldur ekki þegnum Írlands. Þið vitið, þeim þegnum sem núna eiga að borga brúsann. Nei, núna þarf að lækka laun með handafli, skera niður ríkið og skera undan hagvexti því gengi myntarinnar er svo alltof alltof hátt miðað við allt á Írlandi. Svo annaðhvort þurfa Írar að taka þetta út í gjaldþroti ríkisins eða í 25 ára massífu atvinnuleysi og fólksflótta frá Írlandi. Þetta verður svo kórónað með mssífum skattahækkunum og flótta fyrirtækja. Þeir hafa jú reynsluna Írarnir í því að flýja landið sitt.

EUROBUST S 

Þetta var sagan um galdrapappírinn evru. Lesið allan pistilinn hans David Mc Williams hér: Cold facts of how we could be ‘Iceland inside the euro

PS: Það er alger óþarfi fyrir verkefnaritstjóra EÖE á Íslandi að lesa þessa grein David Mc Williams því þeir eru hvort sem er frelsaðir um alla eilífð og því ekki í sambandi við raunveruleikann. Því bendi ég þeim á að syngja áfram lagið EUROKLANG

 

|_________________EURO KLANG______________|. í físmoll

| ___________así___ruv______sam_fylkz____._a,__|  Und einen evra

| _______a_._______a_______aj#0s_____aWY!400._ | EU faðmi við öll

| __ad#7!!*P____a.d#0a____#!-_#0i___.#!__W#0#___ | und Heidi Boroso

| _j#'_.00#,___4#dP_"#,__j#,__0#Wi___*00P!_"#L,___ | in Euro himmel

| _"#ga#9!01___"#01__40,_"4Lj#!_4#g_________"01_ | Brussel wunderland

| ________"#,___*@`__-N#____`___-!^___________ | kommen sie morgen

 91356 | _________#1____sviða kjammar?__nein____| und bifröst voila

tralla tralla la la: 

: : Viðlagið er úr Wiðlagazjóð ESB. Textahöfundur er vel þekktur fræðimaður 

Hugleiðing dagsins

Eru Kínverjar hugsanlega að undirbúa massífa gengisfellingu? Ég spyr því samkvæmt heimildum þá kostar orðið nánast ekki neitt að flytja vörur frá Kína til Evrópu og Ameríku. Allt stopp: Asia-Europe Shipping Rates Drop to Zero  

Fyrri færsla:

• The second Great Depression að hefjast í Evrópusambandinu
• Forsíða þessa bloggs 

Tengt efni 

• P.I.I.G.S
• Dell Computer yfirgefur evrulandið Írland. Bretar farnir að óttast um orkuauðlindir sínar 

Tilkynning frá írska fjármálaráðuneytinu

• Anglo Irish Bank þjóðnýttur þann 15. janúar 2009

Úr skjalaskápnum: Charles Wyplosz

• European Monetary Union; the dark sides of a major success - Show me the money!

The second Great Depression að hefjast í Evrópusambandinu

Hin Seinni Stóra Heimskreppa að hefjast í Evrópusambandinu?

Greining Glitnis greinir frá því í dag að Alþjóða Gjaldeyrissjóðurinn (AGS) vanti fjármuni í áframhaldandi aðstoð við ríki Jarðar og þá einkum til aðstoðar við hin svokölluðu nýmarkaðslönd.

En það sem er umhugsunarvert í góðum pósti Glitnis í dag er að miklir fjármunir sjóðsins hafa farið í að hjálpa löndum í Evrópusambandinu og nágranna þess Úkraínu.

Hjálp  

Það eru ekki allir sem gera sér grein fyrir því hvaða erfiðu ástæður liggja á bakvið þessar lánveitingar. En í sundurliðun Glitnis segir að stærsta fjárveitingin hafi farið til Úkraínu. Sundurliðun:

• Úkraína fékk 16,4 miljarða dala frá AGS
• Evrópusambandsríkið Ungverjaland fékk 15,,7 miljarða dala frá AGS
• Evrópusambandsríkið Lettland fékk 1,7 miljarða dala frá AGS
• Serbía fékk 518 miljónir dala frá AGS

En hvað er það sem meðal annars er svona erfitt í Úkraínu? Jú ein af ástæðunum fyrir stórkostlegum vandamálum Úkraínu - og allra landa Austur Evrópu, sem flest eru nú komin inn í Evrópusambandið - er sú að fólkinu fækkar og þá sérstaklega ungu fólki. Þetta er einnig sú þróun sem er vel á veg komin í eldri og stærri löndum Evrópusambandsins. Þar er þróunin bara ekki komin á sama stig og í Austur Evrópu, ekki ennþá.

 

Mynd: fæðingar og dauðsföll í Úkraínu 

Árið 1989 fæddust 700.000 börn í Úkraínu en tíu árum seinna eða árið 1998 fæddust einungis 400.000 börn í Úkraínu. Þetta er 40% fækkun fæðinga á aðeins 10 árum! Þetta þýðir að á næsta ári munu um 650.000 18 ára ungmenni hugsanlega geta bæst við við vinnuafl Úkraínu. Menn geta svo ímyndað sér hvaða áhrif þessi fækkun barnseigna hefur á samfélag Úkraínu og á alla eftirspurn eftir vörum, þjónustu og fjárfestingum sem alltaf fylgja nýju ungu fólki sem er að stofna heimili, börn og buru.

 

Mynd: fólksfjöldi í Úkraínu  

En það sem er öllu og miklu verra er það að árið 2016 mun Úkraína aðeins fá um 400.000 nýja einstaklinga til starfa á vinnumarkaði sínum. Þá mun atvinnuleysi að sjálfsögðu minnka á pappírnum en samfélagsvélin mun samt verða orðin svo aflvana að hún mun ekki geta dregið hlassið með öllum þeim sem sitja í lestinni fyrir aftan eimreiðina og bíða eftir því að greiðslur berist fyrir farmiðanum frá hinu opinbera. Skattatekjur munu verða af svo skornum skammti, því hver á að vinna þá vinnu sem á að skila skattatekjunum og hver vill fjárfesta í nýjum atvinnurekstri í landi sem er á leiðinni til að útrýma sjálfu sér. Einnig vilja erlendir aðflytjendur síður flytja og búsetja sig í löndum sem eru að staðna eða útrýma velmegun á þennan hátt. Þetta er einnig sú þróun sem við erum byrjuð að sjá hinum gamla - og að því er virðist - lífsþreytta kjarna hinna eldri landa Evrópusambandsins.

Mynd: fæðingartíðni í Úkraínu - til að samfélag geti viðhaldið sér sjálft þá þarf hver kona að meðaltali að eingast a.m.k. tvö börn á æfi sinni.

 

Það er meðal annars vegna þessa sem ég álít að Evrópusambandið sé að fara á hausinn því aðeins fáir munu vilja fjárfesta þar í framtíðinni, því hvar á að sækja vinnuafl sem vill láta féfletta sig í skattpíningar-paradís sem þar verður að vera því það þarf jú að fjármagna rekstur hinnar ofurstóru og peningaþyrstu opinberu eimreiðar samfélagsins. Atvinnuþátttaka er hneyksli í flestum löndum Evrópusambandsins einmitt nú þegar. En þetta á aðeins eftir að versna. 

En hverjir eiga peninga í klemmu í Austur Evrópu? Jú að sjálfsögðu bankakerfi Evrópusambandsins! Þessir peningar munu brenna stór göt í vasa hluthafa í stærstu bökum Evrópusambandslanda. Ríkið hvar ertu? 

Mynd: Líkur æfilengdar í Úkraínu, ár 

Íslenska V8 aflvélin 

Það er því ekki undarlegt að sendinefnd AGS til Íslands segi að Ísland muni ná sér hratt aftur því hin öfluga V8 strokka aflvél íslenska samfélagsins, sem er algerlega einstök, mun geta þénað hratt inn það sem tapast hefur því þegar 83 af hverjum 100 þéna peninga og leggja inn í bú þjóðarframleiðslunnar, þá munu þeir miklu hraðar geta náð tökum á erfiðri aðstöðu heldur en í samfélögum þar sem aðeins 56 af hverjum 100 vinna og þéna peninga. Svo einfalt er þetta.

Eurosclerosis 

Ef þegnar Evrópusambandsins eru svona ákafir í að útrýma sér sjálfir þá meiga þeir það mín vegna. Allt í lagi. En það er alveg ástæðulaust að Ísland smitist af þessum samfélagssjúkdómi sem ber nafnið Eurosclerosis. Hvorki Ísland né Bandaríkin eiga við þennan sjúkdóm útrýmingarþráhyggju að stríða. Þess vegna munu bæði þessi lönd halda áfram að spretta hröðu spori fram úr efnahag Evrópusambandsins, eins og þau eru einmitt alltaf að gera, ár fyrir ár. Þess vegna er einnig hægt að halda gulrótinni ferskari á Íslandi og í Bandaríkjunum því skattar þegnana þurfa ekki að nálgast 60.000 feta lofthæðir til að standa undir fitusprengdum rekstri eimreiðar hins opinbera og sjúka áætlunarbúskapar í ESB.

Allir góðir bændur vita að hugsi þeir ekki fyrir framtíðinni með því að sá það miklu að þeir eigi útsæði afgangs til að getað sáð vel fyrir næstu uppskeru á næsta ári, að þá verður einmitt lítil sem engin næsta uppskera og hungrið mun sverfa að.

Brussel 

Það er því ekki að ástæðulausu að hagvöxtur Evrópusambandsmanna er alltaf að verða lélegri og lélegri í takt við að áhrif eyðingarafla Evrópu aukast. En eyðingaröflin, Eurosclerosis, eru með aðalstöðvar sínar í borginni Brussel sem er bær í Belgíu og staðsett á meginlandi Evrópu. Það er þar sem tilraunastofan með öllum sýklunum er staðsett. 

Uppfært (13. janúar 2009)

Kæru lesendur. Einn lesenda þessa bloggs skrifaði athugasemd við þennan pistil. Hana má lesa í athugasemdum sem fylgja pistlinum hér að neðan. Lesandinn setti útá að ég tengdi málefni Úkraínu við málefni Evrópusambandsins. En eins og ég skrifaði í fyrstu línum þessa pistils þá hafa fjármunir AGS farið í að hjálpa löndum í Evrópusambandinu og nágranna þess Úkraínu. En ég birti ekki sambærilegar myndir/tölur/upplýsingar um öll lönd Evrópusambandsins. Hér með bæti ég úr þessu með því að bæta inn eftirfarandi fjórum næstu myndum sem sýna vandamálið í hnotskurn. Seinna mun ég koma með sundurliðað og nákvæmt yfirlit yfir öll lönd Evrópusambandsins. Þetta er alvarlegt mál fyrir framtíð Evrópusambandsins og er kanski best lýst með eftirfarandi tveim myndum:

 

 Mynd: Spá um þróun fólksfjölda í Evrópusambandinu fram til ársins 2060 

 

 

Mynd: Atvinnuþáttaka kvenna og fæðingartíðni í löndum Evrópusambandsins og hinsvegar á Íslandi. Ísland sker sig alveg gersamlega út úr myndinni

 

Mynd: fæðingartíðni í Þýskalandi, stærsta landi evrusvæðis, frá 1970

 

Mynd: þróun einkaneyslu í Þýskalandi frá 1971 

 

Mikilvægasta náttúruauðlind Evrópusambandsins í útrýmingarhættu. Fólkið sjálft. 

Cesifo hugveitan hélt ráðstefnu um fólksfækkunarvandamál Evrópusambandsins í München í Þýskalandi árið 2007. Samkæmt fyrirlestri prófessor Hans Werner Sinn þá vantar hin 15 gömlu lönd Evrópusambandsins 194 milljón innflytjendur fram til ársins 2035, til þess eins að viðhalda núverandi vinnuafli, sem þó er orðið frekar lítilfjörlegt og vesælt fyrir.Samkvæmt útreikningum Sameinuðu Þjóðanna þá er þessi tala miklu miklu hærri. Hún er svo há að ég þori ekki að nefna hana hér. Hvernig halda menn að hagvöxtur verði í svona Evrópusambandi? Hangvöxtur á evrusvæðinu hin síðastliðin 14 ár er næstum sá allra lélegasti í OECD - og ekki verður hann betri í framtíðinni.  

Mynd til umhugsunar

 

Hin mikilvægasta og að því er virðist hin óendurnýjanlegasta auðlind Evrópu - fólkð sjálft. Náttúruauðlind í útrýmingarhættu

Þetta vandamál er óþekkt á Íslandi og verður svo á meðan Ísland heldur sér sem sjálfstæðu og fullvalda ríki á eigin íslensku forsendum. Frelsið og sjálfstæðið er okkar dýrmætasta auðlind. Það virkar afskaplega vel, en það þarf að iðka það að staðaldri. Það þrífst ekki í spennitreyju Evrópusambandsins. Frelsið er eldsneyti hugans. 

Tengt efni:

Gleðifréttir úr gamla heiminum í ESB

Breytt mynd af ESB - höfuðstefna  

Dell Computer yfirgefur evrulandið Írland. Bretar farnir að óttast um orkuauðlindir sínar

Dell Computer yfirgefur evrulandið Írland

Einn stærsti tölvuframleiðandi í heiminum, hið bandaríska fyrirtæki Dell Computer frá Texas - og sem einnig er næst stærsti atvinnurekandi á Írlandi ef starfsmannafjöldi er notaður sem mælikvarði - hefur ákveðið að hætta framleiðslu á Írlandi. Um 2000 manns munu missa vinnuna hjá Dell á Írlandi. Framleiðslan verður flutt út fyrir evruland og til Lodz í Póllandi. Dell Computer hefur staðið fyrir um 5% af innanlandsframleiðslu Írlands og einnig fyrir um 4% af öllum peningaútlátum í Írska hagkerfinu. Eina huggunin fyrir Íra er sú að Dell mun um sinn halda áfram með 2000 manna starfsemi á Írlandi, utan framleiðslugeirans, aðallega í bæjarfélögunum Limerick og Dublin.

Dell Computer var stofnað árið 1984 af Michael Dell sem þá var nemandi við háskólann í Austin í Texas. Michael Dell er einn mesti brautryðjandi heimsins í framleiðslu, sölu og dreifingu tölva á góðu og samkeppnishæfu verði beint til fyrirtækja og neytenda um allan heim. Núna starfa um 88.000 manns hjá Dell á heimsvísu og velta fyrirtækisins er um 61 miljarðar Bandaríkjadalir. 

Þetta hefði væntanlega ekki gerst ef Írska pundið hefði ennþá verið gjaldmiðill Írlands því þá hefði gjaldmiðill Íra getað aðlagað sig að efnahagsaðstæðum á Írlandi í stað þess að þjóna Írum sem pólitískur gjaldmiðill Evrópusambandsins, sem er sérhannaður fyrir Þýskaland og Frakkland. Þessi nýi gjaldmiðill Írlands hefur nú hækkað um 100% miðað við gengi stærsta gjaldmiðils heimsins, Bandaríkjadals, frá því árið 2001.

Dell hóf starfsemi sína á Írlandi árið 1987 eða um 11 árum áður en evra varð mynt Íra. Mikill framgangur Írska hagkerfisins hófst um svipað leyti er Írar hófu lækkun skatta í landi sínu og minnkun ofurstærð hins opinbera geira úr 53% af þjóðarframleiðslu Írlands og niður í 34%. Þessi lækkun skatta á Írlandi hefur alltaf mælst illa fyrir hjá stjórnendum Evrópusambandsins sem hafa aðsetur sitt í borginni Brussel í Belgíu á meginlandi Evrópu. Líklegt er að Írland hafi nú fest sig í vef hagvaxtargildru Evrópusambandsins, eins og öll önnur ríki hafa einnig gert eftir að hafa verið nokkuð lengi í Evrópusambandinu.

Arið 1973 var árið sem Írland gékk í Efnahagsbandalag Evrópu og sem - þrátt fyrir loforð margra forsætisráðherra EB landa - breyttist svo seinna meira í Evrópusambandið og það eftir einungis 20 ára sameiningarferli, árið 1993. Núna er þetta Evrópusamband að fá sína eigin stjórnarskrá, að kröfu embættis- og stjórnmálamanna sambandsins, en þó í andstöðu við marga þegna sambandsins, en þeim verður ekki gefinn kostur á að láta í ljós álit sitt á þessu máli.

Atvinnuleysi á Írlandi er núna 8,7% og hefur aukist um 70% á síðustu 12 mánuðum. Atvinnuleysi ungmenna undir 25 ára aldri á Írlandi er um 18%.

Á síðasta ári fluttu bæði Yahoo og Google Evrópuaðalstöðvar sínar frá ESB og til Sviss. Einnig hafa Aribus flugvélaverksmiðjurnar flutt hluta af starfsemi sinni frá löndum Evrópusambandsins og til Bandaríkjanna vegna hins háa og ósamkeppnishæfa gengi evru 

Hér er hægt að lesa meira um þann efnahagsframgang sem aldrei fylgdi í kjölfarið á mynt evrópusambandsins eins og lofað var [Lestu mig]

Núna segja margir hagfræðingar að næstum allt Evrópusambandið sé einnig að biðla til Bandaríkjamanna - með því að bíða með nauðsynlegar efnahagsaðgerðir sér til eigin framdráttar - með því að aðhafast lítið sem ekki neitt í eigin húsi og í staðinn bíða eftir að geta selt Bandaríkjamönnum áhöld, vélar og verkfæri til þess að byggja það sem nú á að byggja og bæta innan landamæra Bandaríkjanna á næstunni. Fyrir Evrópusambandið mun því mikið ráðast af því hvernig Bandaríkjamönnum tekst til í sínu heimalandi á næstu árum.

Margir á Íslandi hafa undanfarið eflaust heyrt marga hagfróða menn tala um að seðlabankar séu lánveitendur til "þrautvarna" fyrir banka og fjármálastofnanir í flestum löndum nema á evrusvæðinu. En núna segja margir þekktir hagfræðingar að það sé hagkerfi Bandaríkjanna sem virki sem neytandi heimsins til þrautvarna (e. worlds consumer of last resort). En sjálfur efast ég þó nokkuð um að þetta verði raunin í þetta skiptið því Bandaríkjamenn eru sjálfir staðráðnir í því að stórauka áherslu á sinn eigin útflutning á næstu árum. 

[slóð til heimilda & tengt efni: Dell Computer yfirgefur evrulandið Írland]

 

Bretar farnir að óttast um orkuauðlindir sínar

Í gær birtu nokkur bresk dagblöð þá frétt að formaður Evrópusambandsins, Portúgalinn José Manuel Durão Barroso, hefði sagt að eignarhald orkuauðlinda landa Evrópusambandsins þyrfti að færa yfir á hendur Evrópusambandsins og þannig verða einskonar "sameign" alls Evrópusambandsins. Það þyrfti að sameina nýtingu orkuauðlinda innan sambandsins á svipaðan hátt og gert hefur veirið á auðlindum sjávar innan lögsögu allra landa í Evrópusambandinu.

José Manuel Barroso á að hafa sagt að það verði settar heimildir fyrir þessu í nýju stjórnarskrá Evrópusambandsins og gat þess í leiðinni að þessar heimildir væru nú þegar inni í nýju stjórnarskránni sem flest ríki sambandsins hafa eða eru að viðtaka einmitt núna.

Tilefni þessara ummæla eiga að vera krísan sem nú ríkir í orkubúskap landa Evrópusambandsins og sem virðist vera töluvert háður því hvernig tekst til í samskiptum við stjórnmálamenn í Kreml í Rússlandi. 

[slóð til heimilda & tengt efni: Bretar óttast um orkuauðlindir sínar]

Tengt efni

Auður er ekki sjálfgefinn þó myntin stækki

Forsíða þessa bloggs

Forsíða

Auður er ekki sjálfgefinn þó myntin stækki

Danska hugveitan Ny Agenda, sem hefur sem markmið að skoða stöðu Danmerkur innan Evrópusambandsins og í hinu alþjóðlega samfélagi og að stuðla að auknu lýðræði í Danmörku, hefur nú birt nýja skýrslu eftir prófessor Jesper Jespersen við háskólamiðstöðina í Hróarskeldu. Titill skýrslunnar er

"Dönsk peningastefna í ljósi efnahagsmála Evrópusambandsins"

Mikilvægustu niðurstöður skýrslunnar eru þær að séu efnahagsmál myntbandalags Evrópusambandsins skoðuð í ljósi síðustu 10 ára þá hafa þau lönd sambandsins sem hafa tekið í notkun sameiginlega mynt Evrópusambandsins, notið minni hagvaxtar og efnahagslegra framfara en þau lönd sem hafa haldið sinni eigin mynt. Hér er átt við Stóra Bretland, Svíþjóð og Danmörku. Þar að auki bendir skýrslan á að þróun efnahagsmála evrulanda hafi verið mjög misjöfn og það bendir til innri spennu á milli svæða og landa innan myntbandalagsins.

Skýrslan bendir sérstaklega á þann möguleika að Danmörk taki upp sömu peningastefnu og Svíþjóð og Stóra Bretland þ.e.a.s. að Danmörk rjúfi bindingu dönsku krónunnar við evru og láti mynt sína fljóta frjálsa á gjaldeyrismörkuðum.

Tegundir peningamálastefnu

Höfundurinn kemur inná ýmsar tegundir peningamálastefnu og nefnir m.a. að frjálst fljótandi myntir geti stundum verið gerðar að skotmarki spákaupmennsku ef það séu færslur alþjóðlegrar fjármálastarfsemi sem séu ráðandi á markaði myntarinnar. En höfundir nefnir þó að þetta eigi nær eingöngu við um stórar myntir sem séu m.a. notaðar í gjaldeyrisforða á alþjóðamarkaði. Þetta eigi því fyrst og fremst við um myntir eins og dollar, evru og yen. Þessar stærri myntir geti því sveiflast mjög kröftuglega, sem á tíðum hefur neikvæðar afleiðingar fyrir skipulagningu innflutnings og útflutnings á vörum og þjónustu. Litlar myntir minni landa eiga ekki við þetta vandamál að stríða nema að alveg sérstakar aðstæður séu ríkjandi eins til dæmis við þær aðstæður sem sáust á Íslandi haustið 2008.

Hægt er að nálgast skýrsluna í heild sinni hér:

Dönsk peningamálastefna hin síðustu 10 ár í ljósi efnahagsmála Evrópusambandsins og EMU 

 

Um höfund skýrslunnar

Cand. Polit. Jesper Jespersen, f. 1948 Ph.D. & dr. scient. adm.

 

• Fuldmægtig í Det økonomiske Råds sekretariat, 1995/76 og 1980/84
• Ph.d. i international økonomi fra Det europæiske Universitet, Firenze, 1979
• Lektor i international finansiering, Copenhagen Business School, 1986
• Professor i samfundsøkonomi på Roskilde Universitetscenter, 1996
• Medlem af ØMU-udvalget nedsat af Rådet for Europæisk Politik, 2000
• Carlsberg fellow, Churchill College, Cambridge University, 2001/02 og 2004/05

 

Tengt efni: 

• Flökt íslensku krónunnar 
• Seðlabanki Evrópusambandsins óskar eftir auknum völdum yfir bönkum ESB

 

Þarf stöðugri gjaldmiðil

2009: Nú hefst annus horribilis Evrópu. Gáttaþef Ingibjargar og flökt forsætisráðherra

Útvortis verður innvortis. Kommissar Ímat Úrmat þefar gáttir

Þeir sem vita sér nefi lengra vita að það ár sem fer í hönd ásamt þeim næstu árum sem þar á eftir koma munu verða áratugur horribilis í Evrópusambandinu. En á meðan nef stjórnmálamanna er svona langt þá geta þeir í hlutarins eðli ekki séð fyrir endan á því. Það er nefnilega orðið svo alltof alltof langt. Útrás fyrir vonbrigði annus horribilis utanríkisráðherra Íslands fer því miður öll fram innan ríkis núna. Utanríkisráðherrann er orðinn innanríkisráðherra eftir að annus öryggisheimsveldis Íslands varð að horribilis í útrásaræði utanríkisráðherra Íslands til Nýju Jórvíkur. Forsætisráðherra Íslands er því miður einungis orðinn dyravörður í gáttaþefi Ingibjargar Sólrúnar til Brussel. Nýja Jórvík brást og nú er það því Brussel sem utan- og innanríkisráðherrann vill að verði hið nýja tómstundargaman hennar og flokks hennar. Þetta má íslenska þjóðin því miður þola eftir allt sem á undan hefur gengið

Það er átakanlegt að lesa áramótaávarp utanríkisráðherra íslenska lýðveldisins, Ingibjargar Sólrúnar Gísladóttur, þar sem hún segir frá því að hún hafi gersamlega brugðist sem þáttakandi í markaðinum. Hún kennir ekki sjálfri sér um eigin kjánaskap. Nei, hún kennir markaðinum um óvit sitt. Einnig fer hún með staðlausa stafi um málefni Írlands í ávarpi sínu. Í því tilefni bendi ég á fyrri grein mína: (CEPR: Hrun íslenskra banka: ófært og gallað viðskiptalíkan)

En ég get sagt utanríkisráðherranum, sem greinilega á ekki að tjá sig um efnahagsmál, eftirfarandi: þetta er lækningin væna mín! Það er svona sem markaðurinn leiðréttir sig. Kreppa er lækning. Markaður er nefnilega markaður. Hann er staður og stund þar sem kaupendur og seljendur eiga viðskipti sín á milli og á því verði sem þeir semja um. Er utanríkisráðherrann að segja hér að sjálft markaðsverðið hafi ekki virkað? Að það hafi verið rangt? Eða er hún að segja að kaupendur hafi kanski verið fífl, nema kanski að það hafi verið seljendur sem hafi verið fíflin?

Ef maður, af mikilli staðfestu, kaupir allt á uppsprengdu verði og úr samhengi við mögulega innbyggða arðsemi fjárfestinga sinna, þá er alveg með réttu hægt að kalla mann fífl. Dæmi: þeir sem skilyrðislaust setjast inná dýrustu veitingastaði heimsins einungis af því að þeir eru þeir dýrustu - og sem skilyrðislaust kaupa og drekka allt það dýrasta af því sem er dýrast - og einungis vegna þess að það er dýrast - já, þá er með sanni hægt að kalla svona þátttakendur markaðarins fyrir fávís fífl. En það þýðir samt ekki að markaðurinn hafi brugðist. Þú baðst um inngöngu á dýrasta staðinn, þú baðst um dýrsta réttinn og þú baðst um dýrustu vínin - og þú fékkst þau. Markaðurinn afhenti þér vörurnar. Það var ekki markaðurinn sem brást. Það var hinsvegar heili þinn og skynsemi þín sem brást, því allt þetta sem þú baðst um var hægt að fá fyrir brot af því verði sem þú greiddir, ef þú hefðir ekki verið svona mikill kjáni sem bara varð að sveifla um sig með seðlunum til þess eins að sanna sig. Seðlarnir komu úr bönkunum og kostuðu nánast ekki neitt því framboð kjánaskapar var svo mikið

Ástæðan fyrir því að útrásaræði Samfylkingarinnar til Nýju Jórvíkur fór á hausinn var sú að svo yfirgnæfandi nóg hafði Samfylkingin af ódýrum seðlum skattgreiðenda á milli handa sinna. Banki Samfylkingarinnar borgaði, þ.e. skattgreiðendurnir litla Gunna og litli Jón. Þessi útrás var keyrð af sama skorti á vitsmunalegri greind, vitsmunalegri nýsköpun eins og gandreið nokkurra íslenskra athafnamanna um smásölumarkaði Evrópu - fjármögnuð af einkabönkum þeirra. Núna eru bæði Samfylkingin og bankarnir gjaldþrota

En hvað gerist svo í kjölfarið á gjaldþrotinu?

Jú,- nú er það flökt stjórnmálamannanna sem tekur við. Á fagmáli eru svona sveiflur kallaðar flökt (e. volatility) eða óstöðugleiki. Flökt og óstöðugleiki stjórnmálamanna virðist því miður vera miklu meiri og miklu stærri en flökt íslenska gjaldmiðilsins hin síðustu 7 ár á hinum frjálsa markaði sem utanríkisráðherrann segir nú að sé ónýtur? Hefur þetta þá smitandi áhrif á gengi gjaldmiðilsins? Það mun ég koma inná seinna

. . og hver ræður á Íslandi núna?

Hver ræður á Íslandi núna eftir að bankarnir og klapparar þeirra hættu að ráða og stýra Íslandi? Jú, nú er það ESB málið sem á að breiða yfir algeran vanmátt ríkisstjórnarinnar í eigin húsi. Það er nefnilega svo að kjána- og óvitaskapur ríkisstjórnarinnar svipti hana stýri á eigin skútu. Nú er það Alþjóða Gjaldeyrissjóðurinn (IMF) sem hefur stýrið og völdin, skiljanlega. Forsætisráðherra og utanríkisráðherrann, sem í raun er innanríkisráðherra, eru einungs valdalausar skopparakringlur sem snúast í kringum skútuna uppi í þurrkví. Þau eru núna að íhuga hvort það eigi ekki að henda vélinni fyrir borð svo skútan megi fljóta aftur þegar þau seint og síðar meir taka við henni úr höndum IMF. Einnig íhuga þau hvort ekki væri ráðlegra að hætta alvöru útgerð og skrá áhöfnina á skítalaunum undir hagkvæminsflaggi Panama eða ESB um allan aldur og eilífð. Það sem áður hrjáði hið íslenska bankakerfi sem Evrópusambandið kom á hausinn með hjálp nokkurra Íslendinga með stórmennskubrjálæði úti í Evrópusambandinu, það er núna í skuggalega miklum mæli einnig farið að hrjá ríkisstjórnina. Hún er það sem á fagmálinu er kallað flöktandi, eða volatile - og því verulega hættuleg. Ríkisstjórnin heldur að hún geti breytt yfir vanmátt sinn með því að fara að tala um málefni sem eru utan verkahrings hennar og sem alls ekki eru til í stjórnarsáttmála hennar. Hún heldur að fólk sé fífl og gleypi við gömlu táfýlu fötum nýja keisarans í Evrópu

Alþekkt nema á Íslandi? 

Ég hef alltaf vitað að það sem þingmaður breska íhaldsflokksins, Daniel Hannan, skrifar í grein sinni í Morgunblaðinu í dag um Ísland og Evrópusambandið sé hárrétt. Ég veit það vegna þess að ég er búinn að búa hér í Evrópusambandinu í 25 ár og sunda viðskipti og rekstur hér sem Íslendingur samfleytt frá því árið 1989. Það hefur alltaf verið litið niður til okkar Íslendinga af embættismönum Evrópusambandsins. Þeir eiga sér þá ósk heitasta að þessi þyrnir þarna í norðrinu stígi nú loksins niður af hvíta hestinum til okkar hér í framtíðarríki fátæktarinnar, Evrópusambandinu. Það getur nefnilega ekki verið að neinn geti þrifist svona vel án Brussel. Það gengur bara ekki. Einfaldasta leiðin til að tryggja Ísland gegn hagsæld er nefnilega að fá Ísland með í Evrópusambandið. Þá þurfa Brussellingar nefnilega ekki að horfa uppá þetta fyrirmyndar fordæmi þarna hátt uppi á hestinum í norðrinu í félagsskap frænda okkar Norðmanna

En það er leið út úr lömunarveikinni. Hún heitir Vinstri Grænir og Sjálfstæðisflokkur í nýrri ríkisstjórn. Ísland hefur ekki þörf fyrir að afsala sér landi og lýðræði voru. Enga þörf fyrir það og enga löngun til þess. Svo miklir aumingjar erum við ekki ennþá orðnir af öllu góðærinu - því góðæri sem því miður reyndist hallæri fyrir sterka og góða almannaheilli, öllum til heilla. Hallæri hins sterka ramma um almannaheill og öryggi landsins. En hvernig má annað vera þegar utanríkisráðherrann er á flippi og skynjar ekki þær hættur sem beinast að öryggi landsins. Öryggismálin virti hún að vettugi

Klofinn flokkur

Sjálfstæðisflokkurinn er orðinn margklofinn flokkur. Er kanski kominn tími til að flokkurinn gangi í sig sjálfan aftur? Það er alls ekki hægt að horfa framhjá því að hornsteinar flokksins hafa raskast það mikið að vörumerki flokksins er nú að ganga honum úr greipum yfir til Vinstri Grænna. En það er allavega eitt sem ég er búinn að gera upp við sjálfan mig. Eins mikill harðlínu kapítalisti sem ég er, þá mun ég fram í rauðann dauðann frekar kjósa vinstrimenn á borð við Vinstri Græna heldur en að ljá atkvæði mitt flokki sem mun setja það á stefnuskrá sína að ganga í Evrópusambandið og þar með leggja niður það Ísland sem við þekkjum ásamt velferð þess. Ekkert getur orðið verra fyrir Ísland en að breytast í Ítalíu norðursins eða í Nýfundnaland vestursins. Ekkert!

Að lokum

Ég mæli eindregið með að sem flestir horfi og hlusti á viðtal Evu Maríu við Pál Skúlason fyrrverandi háskólarektor hér: 

http://dagskra.ruv.is/sjonvarpid/4454024/2008/12/28/

Hlustið vel og vandlega á það sem Páll segir. Takið eftir notkun hans á nýsköpunarhugtakinu og á orðunum almannaheill og stofnanir.

 

Fyrri pistill: Enginn vildi evru - eða hvað?

Forsíða þessa bloggs 

Af tilefni sendi ég Ingibjörgu Sólrúnu mínar bestu bataóskir í hennar persónulegu heilsufars baráttu 

Enginn vildi evru - eða hvað?

 

Enginn vill evru - nema Íslendingar - eða hvað ?

Talsmenn myntbandalags Evrópusambandsins hafa fyrst og fremst alltaf verið menn draumanna, þ.e. draumóramenn. Þessi nýi draumur hinna svokölluðu Evrópumanna - draumurinn um sameiningu Evrópu - tók við af gömlum draumi margra eldri Evrópumanna, en sem þó og með ofsahraða, breyttist í næstverstu hrollvekju allra tíma hinn fyrri helming síðustu aldar. Embættismenn, vissir stjórnmálamenn og vissir atvinnurekendur áttu sér þennan nýja draum um nýtt sameiningartákn fyrir betri blómum í högum hinnar stríðshrjáðu og þreyttu gömlu Evrópu. Því já, gömul og þreytt er hún að verða blessunin hún Evrópa okkar. En núna er jafnvel þessi nýi draumur einnig farinn að fölna all verulega.

 

Sumir menn hagfræðinnar eiga sér einnig þennan sama draum og takið hér vinsamlegast eftir orðinu “sumir”. Orðið sumir þýðir yfirleitt sumir, nema þegar það er misnotað. En það undarlegasta er þó að það hefur aldrei verið almenningur eða þegnarnir sjálfir sem hafa átt sér þennan draum um sameinaða Evrópu. Landamæri þjóða gilda nefnilega einnig fyrir menningu þeirra. Innrásir eru innrásir, sama hvort þær eru gerðar með skriðdrekum, orðum eða pennastrikum. Það er nefnilega svo að hin eina raunverulega bylting sem hefur komið frá fólkinu sjálfu í Evrópu var hin fræga bylting sem kom neðan frá og sem fór mjög friðsamlega fram. Hér er ég að tala um fall kommúnismans í Evrópu - bylting sem loksins kom frá fólkinu sjálfu. En kommúnisminn var þjóðfélagsleg bylting sem upphaflega kom að ofan og var dregin eins og lambhúshetta yfir hausa þegna Evrópu. Þessi bylting kom úr hausum menntamanna og embættismanna. Í dag hefðu þessir menn kanski verið kallaðir “Evrópusinnar” því boðskapur þeirra hefði náttúrlega verið all flóknari, þróaðri og meira “spunninn” en hann var í byrjun 20. aldar, því öll erum við börn okkar tíma, við verðum víst að muna það.

En hvað varðar hina nýju pólitísku mynt Evrópu - því pólitísk er myntin evra fyrst og fremst - þá hafa þeir sem borga brúsann, þótt undarlegt megi virðast, aldrei verið talsmenn fyrir þessu þjóðþrifamáli fyrrverandi forseta Frakklands, François Mitterrand og aðstoðarmanns hanns, Jacques Delors. Þeir sem vita eitthvað um tilurð evrunnar vita að hún varð til í einskonar fjárkúgunarferli Frakka gegn Þjóðverjum þegar sameina átti austur- og vestur Þýskaland í eitt ríki. Að frumkvæði Frakka skilyrtu Bandamenn sameiningu Þýskalands því skilyrði að löndin gengju saman í efnahagslegt hjónaband í myntbandalagi.

Frá því þetta gerðist þá hafa sumir, en þó ekki allir, nágrannar þessara styrjaldarhrjáðu þjóða ákveðið að taka sömu pilluna, en þó við sjúkdómi sem var og er ímyndaður. Þessi hugsanavilla er eins og að segja: "ef nágranni minn gengur með hækjur þá vil ég einnig ganga með hækjur". Ég vil fá sama sjúkdóm og nágrannar mínir til þess að geta gengið með hækjur. Ég vil vera eins og hinir í götunni.

Tíminn mun svo dæma þetta sem enn eina þráhyggjuna á borð við gullfætur, silfurfætur og flest önnur þau tiltök í stórpólitík sem dregin eru eins og lambhúshettur yfir höfuð þegnanna - af þeim “sér betur vitandi” mönnum. Við ættum þó alltaf að muna að suðumark fólksmassa er alltaf hættulegast þar sem “sameiningin” er hve mest. Sagan segir okkur að það sé þar sem ný þjóðernisleg átök brjótast fyrst út og sem svo hæglega geta breytst í borgarastyrjaldir, ef jarðvegurinn er nógu hagstæður og ef vonbrigðin eru nógu mikil og sterk. Vonbrigðin sem svo oft koma þegar embættismenn og stjórnmálamenn geta ekki afhent þá vöru sem lofað var.

Það sem lofað var þegar pólitískri mynt Evrópusambandsins var ýtt úr vör

Evran átti að skila okkur sem búum hér í Evrópusambandinu því sem næst gulli og grænum skógum. Frægastir og vinsælastir voru spádómar hagfræðings nokkurs sem er kenndur við rósina. Þessi hagfræðingur er þó ekki kenndur við hana Eddu Rós okkar á Íslandi, nei nei - og heldur ekki við fullt af rósum uppi í rúmi a la Piaf style. Nei, hagfræðingurinn heitir bara Andrew Rose og ritgerð hans, “Ein mynt - einn markaður” (One Money, One Market) er hið áhrifamesta skrifverk allra tíma um hin geigvænlegu væntanlegu jákvæðu efnahagslegu áhrif sameiginlegrar myntar Evrópusambandsins. Samkvæmt þessu riti áttu viðskipti á milli evrulanda að þrefaldast (300%) og sem afleiðing átti evrusvæðið að verða ríkast. Það er kanski vegna þessarar ritgerðar Andrew Rose að forystuembættismenn Evrópusambandsins sömdu Lissabon 2000 marmið Evrópusambandsins, rétt fyrir síðustu aldamót (hér er hægt að lesa um þau markmið og hvernig Evrópusambandinu gengur að ná þessum markmiðum:(Breytt mynd af ESB - höfuðstefna)). En hve tíminn líður hratt segi ég bara. Það eru semsagt 10 ár síðan evran var sett í umferð. Síðan þá hefur þetta gerst:

Þjóðverjar harma ennþá missi gjaldmiðils síns, D-mark. Þjóðverjar voru alltaf ánægðir með þessa mynt sína. Hún var þeirra eigin mynt. Almenningur í Þýskalandi er ekki ánægður með evru og vill fá sína eigin mynt aftur.

Ítalía hefur ekki efni á að hafa evru sem gjaldmiðil lengur og hefur raunar aldrei haft efni á því. Allt gengur illa á Ítalíu og almenningur á Ítalíu kennir evru um ófarir lands síns. Það sama gerir einnig forsætisráðherra Ítalíu.

Spánn naut þó viss efnahagslegs uppgangs frá því evran kom. En þetta er því miður næstum einungis efnahagslegur uppgangur sem átti sér stað á húsnæðismarkaði Spánar og sem var afleiðing alþjóðlegs flæði fjármagns sem fyllti flest lönd heimsins með bólufjármagni. Fyrir Spán eru afleiðingarar m.a þær að núna sitja þeir uppi með allt að eina miljón tómar og óseldar nýbyggðar íbúðir sem enginn vill kaupa. Þetta tifar núna eins og tímasprengja undir fjárhag Spánar og bankakerfis evrulanda. Það er núna búið að loka á fjármagnsflæði til spánska bankageirans inni í miðju evrusvæði. Atvinnuleysi ungmenna undir 25 ára aldri á Spáni er núna um 28-30% og atvinnuleysi allra er um 13% og mun að líkum fara uppí 22-24%, eins og það var frá 1992 til 1998, þegar niðurtúr hagkerfis Spánar mun botna árið 2010 eða 2011.

Grikkir höfðu aldrei efni á evru og hafa það ekki enn. Þeir þurftu að fórna miklu af lífsgæðum almannaheillinnar til þess að geta tekið upp evru árið 2002. Þær óeirðir sem við sjáum í Grikklandi í dag eiga m.a. rætur sínar að rekja til þeirra fórna sem þurfi að færa í almannaheilla-kerfi Grikklands á altari inngönguferlisins inn í nýju myntina. Niðurskurður á almannaheilli var það heillin. Atvinnuleysi ungmenna undir 25 ára aldri í Grikklandi er núna um 22-25%. Jú jú, það hlýtur að vera gott fyrir Grikkland að hafa núna “sterkan gjaldmiðil”. En það er bara eitt stórt vandamál kæru lesendur. Sterka myntin gerir hagkerfi Grikklands gersamlega ósamkeppnishæft. Er gott að hafa mynt sem bregst svona við áföllum? Þegar útflutningsmarkaðir evrulanda hrynur, hvað gerir sameiginlega myntin þá til að hjálpa þegnunum? Jú hún HÆKKAR! Hún gerir lífið ennþá verra fyrir þegnana! Til hvers á maður að hafa svona mynt? Uppá punt? Gjaldmiðillinn á að þjóna fólkinu og ekki að virka sem háborg eða himnaríki fyrir spákaupmenn gjaldeyrismarkaða.

Vonirnar um meiri og stærri verslun og viðskipti á milli evrulanda urðu einnig að dufti á þessum fyrstu 10 árum evru. Núna er það mat bjartsýnustu hagmanna að verslun og viðskipti á milli evrulandanna hafi einungis aukist um 5-15% á þessum 10 árum. En þá spyr ég: hvað hefur verslun og viðskipti á milli allra landa í hinni miklu hnattvæðingu undanfarinna 10 ára vaxið mikið? Er það ekki miklu meira en þetta? Er þessi 5-15% aukning ekki einungis afleiðing af því sem gerst hefur UTAN evrusvæðis? Sumir hagmenn taka svo djúpt í árinni að verslun og viðskipti hafi alls ekki aukist neitt eða jafnvel minnkað (Philip R. Lane: The Real Effects of European Monetary Union)

 

Mynd: í Evrópusambandinu er það fólkið sjálft sem er að verða hin mikilvægasta og að því er virðist næstum hin óendurnýjanlega náttúruauðlind Evrópu í útrýmingarhættu. Ungu fólki fækkar svo hratt og mikið. Um þetta er m.a. fjallað í nýrri bók sem er í smíðum hjá hagfræðingnum Edward Hugh sem ber nafnið: Population, the Ultimate non-Renewable Resource? 

Núna nýtur efnahagur Breta góðs af fallandi gengi pundsins. Pundið bregst við breyttum efnahagsaðstæðum á eðlilegan hátt og Bretar munu ekki halda sumarfríin sín í evrulandi á meðan gengi evru er ekki tengt við raunverulegar efnahagsaðstæður þar í löndum. Það sama gera Svíar og Norðmenn því þessi lönd hafa mynt sem er beintengd við efnahagsaðstæður og virkar fyrst og fremst fyrir þegnana í þessum þjóðfélögum. Danir fara núna til Svíþjóðar til að kaupa í matinn, láta gera við bílinn eða til að fara til tannlæknis, því Danmörk er eitt af Norðurlöndunum en þó bundin föst við gengi evru. Ísland er einnig hátt á blaði sem áfangastaður þessara þjóða því nú hafa þær efni á að fara til Íslands eftir að gengi íslensku myntarinnar tengdist raunveruleikann hratt á ný.

En hvað gera atvinnulausir Spánverjar núna í þessu myntsvæði evru? Gera þeir eins og Bandaríkjamenn gera? Þegar launþeginn í Detroit missir vinnuna þá flytur hann til Phoenix í nýja vinnu eða jafnvel eitthvað ennþá lengra innan Bandaríkjanna. Þetta er ekkert mál því hann talar ensku sem er töluð í öllum Bandaríkjunum sem einnig eru undir einni stjórnarskrá. En mun Katalóníubúinn frá Spáni flytja til Berlín eftir vinnu? Nei það muna hann ekki gera því í fyrsta lagi þá talar hann ekki þýsku og í öðru lagi þá er 18% atvinnuleysi í Berlín og er búið að vera það áratugum saman. Nei, Katalóníumaurinn mun ekki flytja neitt. Hann fer bara á kassann heima hjá sér og bíður kanski eina heila kynslóð eftir því að atvinnuástand lagist í landi sínu. En biðin verður löng fyrir vin okkar frá Katalóníu. Atvinnuleysi hin síðustu 28 ár í ESB er búið að vera um 8-12% allann tímann. Það er því ekki að ástæðulausu að ESB er alltaf að dragast aftur úr efnahag Bandaríkjanna og Íslands. Alltaf breikkar bilið með hverju árinu sem líður fyrir Evrópusambandið.

Útúrdúr. Nýtt vefsetur mitt - helgað sjálfstæði Íslands www.tilveraniesb.net

Já kæru lesendur, ég hef opnað nýtt vefsetur sem ég hef helgað áframhaldandi sjálfstæði íslenska lýðveldisins. Ég vil svo heitt og innilega að Ísland haldi áfram að vera fullvalda og sjálfstætt ríki og að það iðki af fullum krafti það frelsi sem Ísland barðist svo hart fyrir. Því frelsi sem hefur gert Ísland að einu ríkasta og besta samfélagi í heiminum í dag. Það blæs á móti núna já, en þessi mótbyr mun ekki vara að eilífu. Hér eru til dæmis myndir af því atvinnuástandi sem þegnar landa evrusvæðis hafa þurft að gera sér að góðu hin síðustu 28 ár: Atvinnuástand hin síðustu 28 ár í evrulöndum 

Það eru ýmsir aðrir fróðleiksmolar á þessu vefsetri sem ennþá er í byggingu og sem mun halda áfram að vera í byggingu á meðan ég er. Einnig mun ég útbúa nytsama nestispakka handa þeim sem vilja sækja á ýmis erlend mið og markaði. En til að byrja með mæli ég eindregið með að sem flestir lesi greinina mína um frelsið, ESB og evru: Lestu mig fyrst. Þessi grein birtist áður í síðustu haustútgáfu Þjóðmála. Jæja en áfram með þennan pistil hérna á Moggablogginu. 

Ný Argentína inni í Evrópusambandinu?

Það eru ýmis teikn á lofti um að þó nokkur hluti af löndum Evrópusambandsins séu að breytast í nýja Argentínu beint fyrir framan nefið á embættis- og stjórnmálamönnum sambandsins. Þetta mun ég skrifa grein um á næstunni. Kanski er einhver sem man eftir vélbyssuhreiðrunum fyrir utan erlenda banka í Argentínu hér á árunum. Alþjóða Gjaldeyrissjóðurinn man vel eftir þeim. 

Stöðugleikinn

Eins og fyrr er greint þá hefur stöðugleikur Evrópusambandsins verið mikill. Næstum því ekkert hefur gerst á þessu efnahagssvæði sem rekja má til viðurvistar sjálfs Evrópusambandsins, annað en stöðnun. Þó svo að ESB hefði aldrei verið fundið upp þá þýðir það samt ekki að þjóðir Evrópu hefðu setið aðgerðalausar, horft í gaupnir sér og beðið eftir að frelsari með penna og áætlanir stigi niður frá himnum einn góðan eða slæman veðurdag. Þjóðir geta alveg sjálfar, Ísland er besta sönnunin fyrir því. En núna mun fyrir alvöru reyna á getu seðlabanka evru (ECB). Það er nefnilega fyrst núna að það mun reyna að fullu á getu þessa seðlabanka til að standa við orð sín um stöðugleika. Hann brást illilega á undanförnum árum því vextir á evrusvæði voru lengi alltof lágir. Þessi stefna bankans stóð fyrir mikilli bólumyndun og spákaupmennsku í efnahag evrusvæðis. En það sem býður bankans núna er þó miklu miklu stærra verkefni en verkefnin hans hafa verið á undanförnum árum. Núna verður stærsta verkefni þessa seðlabanka að reyna að halda verðlagi stöðugu eftir að veðbólguþrýstingur er horfinn vegna þess að bólugrafnir efnahagir eru hrundir saman yfir herðar þessa seðlabanka Evrópusambandsins.

En biddu nú hægur Gunnar. Hvað áttu við með að það þurfi að halda verðlagi stöðugu þegar verðbólgan er að mestu horfin? Jú kæru lesendur. Núna þarf seðlabanki evru að tryggja að allt verði ekki einskis virði á evrusvæðinu. Þetta er alger andstæða verðbólgu og nefnist verðhjöðnun. Vítahringur verðhjöðnunar er miklu erfiðari viðfangs en vítahringur þrálátar verðbólgu og hann er hin últímatíva hryllingsmynd allra þeirra sem eiga peninga og þar á meðal eru allir fjárfestar. Allir vita að fjárfestar hræðast mjög afleiðingar verðbólgu. Afleiðingar verðbólgu er nefnilega hin óhjákvæmilega verðbólgubarátta með háum stýrivöxtum og neikvæðum gjöfulleika á peningamarkaði fyrir fjárfestingar, því aðeins fáar fjárfestingar hafa í sér búandi það mikla innbyggða arðsemi að þær þoli mjög háa vexti á þeim fjármunum sem er varið til fjárfestinga og atvinnusköpun. Því dregur úr umsvifum og fjárfestingum þegar vextir eru háir og sem afleiðing lækkar verðbólga þ.e. ef markaðurinn er skilvirkur.

En verðhjöðnun er allt annað mál. Þá er nefnilega ekki hægt að beita stýrivaxtavopninu því vextir geta ekki orðið lægri en núll. Í verðhjöðnunarástandi þá þarf að borga bankanum peninga fyrir að geyma peningana þína á öruggum stað. Neysla dregst mikið saman því allir eru að bíða eftir að hlutirnir verið ennþá ódýrari og munu því fresta innkaupum á meðan verðlag er ennþá að lækka og lækka. Neytendur bíða með innkaup og fjárfestum dettur ekki í hug að fjárfesta í neinu því það verður kanski að engu eða lækkar mikið í verði. Hlutabréf verða minna virði. Það er því að bíða og vona að verðhjöðnunin nái botni sínum, að jafnægi náist eða að vöxtur taki við sér. En í svona ástandi þá eru það fyrst og fremst þeir seðlabankar sem hafa himneskt og beint samband við skattgreiðendur sem geta gert eitthvað í málunum. Til dæmis þá er seðlabanki Bandaríkjanna (The Federal Reserve) í himnesku beinu sambandi við vasa skattgreiðenda í gengum sameiginleg fjárlög bandaríkja norður Ameríku, sem eru um 22-25% af þjóðarframleiðslu Bandaríkjanna. Þessutan þá er seðlabanki Bandaríkjanna EKKI sjálfstæð og óháð stofnun eins og svo margir halda. Hann er undir beinni stjórn sambandsríkisstjórnar Bandaríkjanna og hefur það sem eina markmið sitt að sjá til þess að efnahagur Bandaríkjanna vaxi og að atvinnuástand sé þar gott. Þetta fróma hlutverk The Federal Reserve hefur forgang fram yfir að halda verðlagi stöðugu. The Fed veit að verðlag kemur í öðru sæti þegar virkilega ríður á að sýna styrk til þess að sporna við alvarlegum hættum sem steðja að þessari stærstu efnahagslegu dráttarvél heimsins og allra tíma. (Remarks by Governor Ben S. Bernanke; Deflation: Making Sure "It" Doesn't Happen Here)

Hérna mun seðlabanki evru eiga mjög erfitt með að fóta sig því hann hefur ekki aðgang að neinum fjárlögum eins né neins til að flytja peninga til á þá staði á myntsvæðinu þar sem þeir eiga að vera og þar sem þeirra er mest þörfin. Það munu því verða ríkisstjórnir evrusvæðis sem þurfa að vinna þessa vinnu. ECB mun einungis horfa á getulaus á meðan evrusvæðið hrynur, hægt en örugglega. Hann mun ekki geta búið til þá nauðsynlegu lágmarks verðbólgu sem verður að vera til staðar til að búa til hagvöxt. Einnig gera há-aldraðir þegnar Evrusvæðis allt miklu erfiðara viðfangs. En það virðist vera orðið þannig í Evrópusambandinu að fólkið sjálft er að verða hin stærsta óendurnýjanlega náttúruauðlind Evrópu. Evrópusambandið þarf því ekki að hafa áhyggjur af óendurnýjanlegum hefðbundnum náttúruauðlindum sínum. Þær munu koma til af sjálfum sér, ef áfram heldur eins og nú horfir til með hina hröðu fækkun ungs fólks í Evrópusambandinu. (Gleðifréttir úr gamla heiminum í ESB)

En gallinn er sem sagt sá að það eru engin sameiginleg fjárlög fyrir myntsæðið og ríkisstjórnir evrulanda eru aldrei og verða aldrei sammála um eitt né neitt hvað varðar sameiginlegar aðgerðir. Þýskaland vill ekki gera neitt enda eru þeir svo vanir að allir geri alltaf allt fyrir þá. Að allir aðrir togi hagkerfi sín í gang svo Þýskaland megi stunda útflutning til hagkerfa þeirra. En það er alls ekki víst að Bandaríkjamenn nenni eina ferðina enn að draga aðaldráttarvél evrusvæðisins í gang. Bandaríkjamenn þurfa nefnilega að stórauka sinn eigin útflutning. Þá mun allt ESB þurfa að biðja bænirnar sínar, oft og af mikilli eljusemi. Leggjast á bæn og biðja til Ameríku um að þeir sjá aumann á “okkur hér í gömlu Evrópu”, einu sinni enn (The eurozone depends on a strong US recovery)

Ekkert hefur nefnilega komið út úr þessu Evrópusambandi og mynt þess, nema skriffinnska og visnun vöðvaafls frelsisins hjá aðildarríkjunum. Ekkert sem hefði ekki komið þó svo að ESB hefði aldrei orðið til. Núna er því ekkert eftir fyrir ESB annað en að bíða. Bíða eftir mömmu - þeirri mömmu sem getur ekki afhent vörurnar eins og hún lofaði. 

Ætlar Ísland að verða Ítalía norðursins? Nei takk!

Forsíða þessa bloggs

Tengt efni: Hindrar evra atvinnusköpun ? 

Undarlegt þetta Evrópu-samband

Hmmm . . . 

. . . undarlegt, en það virðist vera svo að allt sem kemur nálægt þessu Evrópusambandi fari næstum því sjálfkrafa á hausinn, nema náttúrlega að gamla heima-ríkið komi og hjálpi til, því ekki gerir ESB það, svo mikið er víst. 

Núna er það mjög þrálátur orðrómur um að Danske Bank sé að fara á hausinn inni í miðju Evrópusambandinu sem vekur athygli þeirra sem eiga peninga í vissum pappírum, eða réttara sagt, þeirra sem héldu að þeir ættu peninga í vissum pappírum. Það er því miður mjög mikið að gera núna hjá talsmönnum Danske Bank við að bera til baka frekar lífsseigan og Íslandslegan orðróm sem virðist lifa sínu eigin langa og þráláta lífi um að bankinn sé að fara nedenom og hjem. 

Öll útrás Danske Bank til Írlands og baltísku landanna virðist vera að hengja þá í snöru esb-frelsisins núna. Ríkisstjórn Danmerkur segist vera að undirbúa björgunarhring uppá 100 milljaðra DKK til bankanna hér í þessu ESB landi. Þetta eru ca 2400 miljarðar ISK og kemur ofaní allt annað sem hefur verið kastað til bankanna. Þetta er ca. hálf miljón ISK á hvert mannsbarn í Danmörku.

Viðskiptavild Danske Bank uppá 23 miljarða DKK virðist alveg óvart hafa gufað upp fyrir hraðbyri á írska og baltíska hafinu inni í lögsögu ESB. Þessvegna er sennilega verið að kasta þessum björgunarhring af því að þetta heyrir jú væntanlega undir sjávarútvegsmálin þarna á ballarhöfum Írlands og baltísku landanna. En hvað veit ég. Það er því gott að við höfum marga sérfræðinga til að segja okkur frá því hvernig málin standa. Sérfræðingar frá Danske Bank segja okkur til dæmis að bankageirinn "hafi það fínt" og hafi næga peninga. Því spyrja aðrir danskir sérfræðingar hvervegna það sé þá þörf á þessum monster-pakka til bankanna? En hvað veit ég.

Hlutabréf í Danske Bank hafa fallið um 80% frá hámarki sínu fyrir tveim árum. Núna er gengið aftur komið niður til sultaráranna 1997, eða niður í fimmtíukallinn. 100 milljaðrar DKK gufaðir upp.  Går den, så går den. Jammen det er jo bare dejligt!

Markedet frygter minus i Danske Bank

Eksperter sår tvivl om bankpakke

Danske Bank i dramatisk rygtestrøm 

Ekki veit ég hvað hamingjumála-kommissar ESB segir við þessu öllu. Er ekki hægt að setja einhverjar fleiri reglur um að allt eigi að ganga vel í Evrópusambandinu? Ég spyr bara! 

Það er því gott að Ungir Sjálfstæðismenn hafi alltaf vitað að ekki er allt gull sem glóir sem stjarna á bláum bakgrunni. Einusinni var bakgrunnurinn víst rauður. En núna er hann blár. Það þykir sumum ögninni betra. 

 

  

En þetta lagast allt bráðum 

Núna eru einungis 374 dagar eftir þangað til við verðum ríkust hér í Evrópusambandinu, samkvæmt teljaranum efst til hægri hérna á þessari vefsíðu. Ég get varla beðið - ó hve ég hlakka til !  

Fyrri færsla: Saxo Bank 10 púnkta völvuspá fyrir 2009

Forsíða