Lifandi land - Ísland

Jæja kæru lesendur

Þá tók þessi Ísalandsferð mín enda. Ég var sem sagt á Íslandi í 10 daga og kom aftur heim í kotið í fyrra gær.

 

Lifandi land - Ísland 

Þetta var ákaflega ánægjuleg ferð. Það sem sló mig mest var hið virka, öfluga, ríka og fjölbreytta mannlíf á Íslandi ásamt almennum áhuga Íslendinga á sveita- lands- og alþjóðamálum. Á Íslandi er ennþá "allt hægt" í hugum fólksins, sem betur fer segi ég. Mikil og virk umræða er meðal nánast allra Íslendinga um lýðræðið, stjórnarfar, þjóðarhag og stöðu Íslands í hinu stóra alþjóðlega samfélagi. Hér eiga Íslendingar að mínu mati "heimsmet", eins og í svo mörgu öðru. Lýðræðið er virkt á Íslandi því það er lítil sem engin fjarlægð á milli þjóðarinnar og hinna kjörnu fulltrúa hennar. Sama gildir um embættismannakerfið. Nánast allir sem ég talaði við höfðu mikinn og jafnvel brennandi áhuga á atvinnu- og samfélagsmálum og ekki skorti fjölbreytt viðhorf. Einnig er vídd umræðunnar það mikil á Íslandi að fyrir venjulegan ESB-búa - sem er vanur því að geta aðeins kosið um, eða haft áhrif á, þau fáu málefni sem ennþá eru á valdi þjóðþinga þeirra - er víddin svo mikil að hann myndi ekki skilja nema hluta af þeim málefnum sem fullvalda Íslendingar takast á um.  

Menningarlíf Íslendinga virðist einnig vera afskaplega virkt og fjölbreytt. Flestir Íslendingar eru virkir í menningarstarfi á einn eða annan hátt og framboð menningar er stórt og fjölskrúðugt. Söngur og tónlist, leiklist, bókmenntir, raun- og félagsvísindi blómstra. Ísland á sennilega "heimsmet" í kaffihúsamenningu og það er sláandi hversu hugmyndaflug Íslendinga er frjálst og óheft ennþá. Allir eru "í einhverju". 

Útför í kjölfar útrásar 

Maður tók einnig eftir að 5 ára leiðtogi þjóðarinnar hafði látið lífið í stórkostlegu hjartastoppi. Það voru víst of margar útlenskar makkarónur fljótandi í blóðinu hjá honum. Útför hans fór ennþá fram þegar ég fór frá Íslandi. Sem afleiðing virðist ákveðið tómarúm ríkja á vettvangi leiðtogamála á Íslandi. Hérna á ég að sjálfsögðu við herra fjármálageira sem dó á haustmánuðum og sem verið er að jarðsyngja að hætti Corleone. Þið vitið, þessi geiri sem hreif svo mörg okkar á ákveðnu tímabili og sem við héldum að væri "kominn til að vera". Mennirnir og leiðtogarnir sem gátu gengið á vatninu og breytt því í vín og góðar vísitölur. Allt átti að vera komið til að vera: hlutabréfaverð, olíuverð, hráefnaverð, fasteignaverð, glóbal warming, Kína, ESB, og hvað eina. Rykið féll því óhindrað á okkar gömlu hefðbundnu leiðtoga og landsfeður. Núna hiksta því og hósta okkar rykföllnu fyrrverandi leiðtogar upp gömlu ryki og eru að reyna ná áttum á ný. Þeir gera sér alls ekki ennþá grein fyrir því að sviðið er tómt ennþá og að það er beðið eftir þeim. Kaktusar feykjast þar um í andblæstri frá almúganum - heyballs. Hvar eruð þið? Eruð þið hræddir? Eftir að eini núlifandi virki leiðtogi þjóðarinnar, Davíð Oddsson, var lögsettur út úr Seðlabankanum af sjálfu Alþinginu með aðstoð barnaverndar, þá er enginn við lengur. Það er á tali hjá næstum öllum - píbb bíbb bíbb bíbb. Þeir eru núna að hringja í leiktjaldadeildina, föðrunarmeistarana og kunna sig ekki lengur sem þeir menn sem þeir voru. Þeir eru hræddir við að hafa skoðanir því þeir hafa þær engar og eru oftast jafn allsberir og þeir sem liggja í kistunum, - eru hræddir við að vera menn með skoðanir. En þér að segja, er varla von á öðru? Ég spyr. 

Ég fór á tvo fundi hjá Heimssýn og vil ég nota þetta tækifæri til að þakka innilega fyrir þessa skemmtilegu fundi. Fólk kom oft langar leiðir að - einnig úr sveitinni.

 

Borðaði vel

Það var mikil lukka að fá saltkjöt og baunir á sprengjudag og ekki voru nú rjómabollurnar neitt slor á bolludeginum heldur. Einnig skaust ég tvisvar í mat niður á BSÍ (Umferðarmiðstöð) í Reykjavík og fékk mér svið með rófu- og kartöflustöppu (stranglega bannað í ESB) og svo í seinna skiptið fékk ég uppáhaldsmatinn minn, lambakótilettur í raspi með feiti, rabbabarasultu og Ora baunum. Konan fékk sér fisk enda miklu hollari manneskja en ég. Maðurinn við hliðina á okkur var að borða kjöt í karrí. Ég játa hér með að ég er ekki mikill makkarónumaður. Þarna ræddu menn einnig pólitík og efnahagsmál beint fyrir framan gamla Farmall traktorinn. Þarna liggja leiðir til allra átta á Íslandi      

Jæja   

Það verður skortur á verðbólgu í mörgum löndum á næstunni. Mikill skortur. Enginn vill fjárfesta í neinu sem stöðugt er að falla í verði. Enginn vill kaupa neitt núna sem fæst ódýrara seinna. Enginn vill eiga neitt sem sífellt tapar verðgildi => sell now! Það er því hætta á að við sjáum miklar og stórar gengissveiflur víða á næstunni.

Næsti póstur mun fjalla um e-málin, að venju

Takk fyrir kæru Íslendingar og takk fyrir kæra Ísland. Þú ert lifandi land. Sama hvað á gengur!  

Fyrri færsla:

Hörðustu evrusinnar í Evrópusambandinu missa móðinn, en bara ekki á Íslandi

Forsíða þessa bloggs 

Hörðustu evrusinnar í Evrópusambandinu missa móðinn, en bara ekki á Íslandi

Skafrenningur á síðustu vikum, spáð er fárviðri í bönkum ESB 

Nú er svo komið að það er jafnvel fokið í öll evru-skjól í sjálfri Evrópu. Einn helsti aðdáunarmaður evrunnar, herr Wolfgang Münchau, sem er einn af ritstjórum FT Deutschland, lýsir því nú opinberlega yfir að jafnvel hann sé að missa trúna á myntbandalagið. (Why you should complain about lack of coordination, not protectionism). Sama dag notar hann svo tækifærið til að kalla seðlabankastjóra Póllands fyrir hálfvita (hefur maður heyrt þetta einhvers staðar áður?) vegna þess að þessi seðlabankastjóri vill ekki mæla með því að Pólland hefji ERM þrautargönguna.

Írskir stjórnmálamenn eru einnig farnir að kalla seðlabankastjórn Írlands illum nöfnum og krefjast afsagnar. En áberandi er þó hvítan í handabakabeinagrind írskra stjórnmálamanna því þeir eru búnir að borða ketrið af báðum handabökum vegna eigin mistaka, - þeir fluttu nefnilega fjármálaeftirlit Írlands frá seðlabanka Írlands (sem er símsvari) og yfir í einhverja aðra stofnum sem er hálfgerð hola niður í jörðina. Því blasir beinhvítan við öllum núna. Þessu hafa írskir skattgreiðendur tekið eftir fóru því í tonnatali út á götur og stræti til að mótmæla. 

Hvað varðar ERM Póllands: Wolfgangur ætti þó að muna að ekkert af stóru löndunum hafa sjálf prófað alvöru ERM II ferli - því allar hinar þjóðirnar nálguðust þær og ekki öfugt. Þær eru því clueless um hvað ERM í raun þýðir miklar hörmungar og takmarkanir á alla hagi þjóðar og lands. ERM þýðir einfaldlega varanlega örkumlun sjálfstæðs og heilbrigðs efnahags þjóða. Eins og að fá varanlega lömunarveiki. Þú verður aldrei frískur aftur.

The European Debt Union - EDU 

Eitt stykki pólitísk hrossakaup a la 1989, sem nú gætu farið að breytast í Evrópska Skulda Sambandið, The European Debt Union. "Kæri Helmut kanslari, ef þú vilt fá leyfi til að sameina Þýskalandið þitt aftur, austur og vestur, þá verður þú að samþykkja að við fáum að vera með sömu mynt og þú. Við krefjumst því myntbandalags". Þetta voru hrossakaup herra Mitterrand & herra Kohl þegar Múrinn féll. Svona varð myntbandalagið til. Nú er það að niðurlotum komið. Búið er að handjárna flestar þjóðir þess í armæðu sem þær komast ekki út úr aftur. Þetta eru mjög sterk handjárn og virka afskaplega vel. Útflutningur er því full stopp, ekki hægt að fella gengið til að gera hann samkeppnishæfan aftur, ekki hægt að prenta peninga til að koma þenslu í gang. Ekkert hægt nema að bíða, - bíða eftir mömmu. Vöðvar frelsisins eru vanmáttugir og visnaðir í spennitreyju Evrópusambandsins.   

Innan næstu tveggja ára munu flestar evruríkisstjórnir skulda allt að eða meira en 100% af þjóðarframleiðslu sinni vegna galla í hönnun myntbandalagsins. Það tókst nefnilega að smygla skuldum bankana yfir á ríkissjóðina í reglugerðarfrumskógi ESB, Skógurinn virkaði ekki, þegar á reyndi.

En Brussel mun farnast vel 

En það er engin hætta á að kreppan komi til Brussel. Starfsmönum verður ekki fækkað í Brussel. Þeim mun örugglega fjölga. Þeir skrifa og skrifa, setja fleiri reglur fyrir okkur, fleiri reglur, klippa og klístra fyrir okkur, prenta og prenta fyrir okkur. Pappírsmennirnir vinna og vinna, sigra og sigra, allt fyrir okkur. 

Evrópusambandið fær ekki inngöngu í Evrópusambandið

Evrópusambandið fengi ekki inngöngu í Evrópusambandið, enga inngöngu, einmitt. Það er nefnilega ekkert lýðræði í þessu Evrópusambandi. Sambandið uppfyllir ekki eigin skilyrði

Meanwhile, in an interview with German daily Handelsblatt, the President of the German liberal party FDP in the European Parliament, Silvana Koch-Mehrin, said: "if the EU itself applied for membership of the EU, it would be refused. The reason would be: no democracy". She added: "Meanwhile more and more competences have been transferred to the EU level, without the EU structures having become more democratic". 

 Handelsblatt

Allir mótmæla nema Bandaríkjamenn

Er þetta ekki undarlegt. Undanfarið höfum við séð skipulögð mótmæli á Íslandi, Írlandi, Lettlandi, Eistlandi, Litháen, Ungverjalandi, Þýskalandi, Frakklandi og í fleiri löndum. En það eru engin mótmæli í Bandaríkjunum! Þó voru það Bandaríkjamenn sem fóru fyrst inn í kreppuna. Þeir hafa þurft að horfa uppá húsnæði sitt falla hrikalega í verði, þurft að flýja hús og heimili í massavís, misst vinnuna svo miljónum skiptir og verið sviptir hefðbundnum lánsfjármöguleikum sínum að verulegu leyti. En þeir mótmæla ekki.

Hvernig stendur á því að það eru einungis Bandaríkjamenn sem virðast geta tekið neikvæðu hliðum kapitalismans eins og uppréttir menn? Er það vegna þess að þeir svo innilega vissir um að það er ekkert betra til en frjáls kapitalistísk þjóðfélög að þeir eru tilbúnir að leggja mikið á sig til að varðveita þetta þjóðfélagslega kerfi sem hefur gert Bandaríkin að ríkasta landi heimsins á allan máta? Þeir virðast gera sér grein fyrir að það er enginn valkostur.

En þessu virðist ekki svona farið með okkar blessuðu Evrópubúa. Þeir mótmæla, krefjast og krefjast - og reyna svo eina ferðina enn að finna hina auðveldu leið út úr eign ógöngum. Þetta er heimsálfan sem fann upp og innleiddi kommúnismann, sem er það versta sem nokkurntíma hefur gengið yfir mannkynið. Evrópumenn fundu einnig upp og innleiddu fasisma og svo nazisma. Þar á eftir kom svo "þriðja sænska leiðin", en sem einnig hrundi. Seinasta uppfinningin er svo Evrópusambandið. Er Evrópa ennþá hið stóra meginland vesalinganna? (LARS HEDEGAARD: "Interview: A Continent of Losers")

Sagt í trúnaði: það er að kvikna í banka- og hagkerfi Evrópusambandsins

Versta ár fyrir danskan útflutning síðan í seinni heimsstyrjöldinni 

Nýjar danskar tölur hér í morgun. Versta tímabil fyrir danskan útflutning síðan í seinni heimsstyrjöldinni er framundan segir DI. "Við höfum aldrei séð svona tölur áður", segir aðalhagfræðingur hjá Dansk Industri, Klaus Rasmussen. Útflutningur mun dragast saman um 10% á þessu ári. Þetta eru 100 miljarðar danskra króna. Atvinnuleysi mun tvöfaldast til 120.000 manns áður en árið er á enda. Seðlabanki Danmerkur spáði fyrir stuttu fjórföldun atvinnuleysis á næstu 24 mánuðum. Þessi spá er væntanlega úrelt núna. (Historisk nedtur for dansk eksport)

Þetta lýsir ástandinu í ESB og evrusvæði vel. En af hverju? Jú aðal útflutningsmarkaðirnir eru einmitt í ESB, þar af 50% innan evrusvæðis. ESB er að fara ofan í djúpan djúpan og langan dal.

Þýskaland í frjálsu falli. Frakkar mótmæla

Sömu sögu er að segja um Þýskaland. Þar er útflutningur í frjálsu falli og mikill samdráttur var í þjóðarframleiðslu á síðasta ársfjórðungi 2008 eða -2,1%. Mun verra en menn áttu vona á. Sama saga er í Frakklandi þar sem starfsmenn frönsku hagstofunnar voru svo uggandi að þeir láku tölum um þjóðarframleiðslu Frakklands fyrir tímann núna í morgun - í mótmælaskyni, auðvitað. Í Finnlandi dróst þjóðarframleiðslan saman um 4,1% á síðasta ársfjórðungi 2008. Í Lettlandi er var samdrátturinn meira en 10%.

Danir ekki með í evru - ekki hægt lengur 

Danmörk mun ekki komast með í evru því halli ríkisfjármála mun verða meiri en leyflegt. Þökk sé fjármálageiranum. Þetta segir Politiken í dag: (Danmark er ikke god nok til euroen). Dönum er nokkuð sama. Danska krónan hefur það fram yfir evru að hún er þaulreyndur ekta gjaldmiðill og ekki eingöngu pólitísk mynt eins og evran er.

Sagt í trúnaði: það er að kvikna í banka- og hagkerfi Evrópusambandsins. ESB mun ver sett en Bandaríkin

Samkvæmt trúnaðarpappírum ESB, sem var lekið í gær, þá stendur bankakerfi magra landa ESB frammi fyrir geigvænlegum vandamálum. Vandamálum sem eru jafnvel of stór til að hægt sé að leysa þau. Skuldastaða bankakerfa sumra landa ESB miðað við þjóðarframleiðslu þeirra er svo slæm og hættuleg að það er óvíst hvort hægt sé að leysa málið með bankahjálparpökkum og jafnvel ekki með þjóðnýtingu. Miklu meira um þetta hér: Sagt í trúnaði: það er að kvikna í banka- og hagkerfi okkar

Neista af jarðsambandi sló loks niður í ECB 

Neista af jarðsambandi sló loks niður í aðalstöðvar seðlabanka Evrópusambandsins - en bara of seint. Væntingar ECB skyndilega gengisfelldar um 667%. Þangað til í gærdag hélt seðlabanki Evrópusambandsins (ECB) því fram að kreppan sem við þekkjum öll svo of vel - kreppan sem hófst með bankakreppu og sem núna er orðin að raunverulegri efnahagskreppu - myndi verða mild og blíð við okkur öll. Þessvegna hefur ECB ekki fengist til að lækka vexti nógu mikið á evrusvæðinu. Þeir eru ennþá óþarflega háir. Miklu meira um þetta mál hér: Neista af jarðsambandi sló loks niður í ECB 

Viðskiptaráðherra Íslands og margir stjórnmálamenn Íslands á lyfjum?

Hvað myndir þú gera núna ef þú hefðir ekki íslensku krónuna? Hvað myndir þú gera þegar þú getur ekki prentað pengina lengur? Ef þú efast um svarið, já þá ættir þú ekki að vera hrifinn af myntbandalögum eða myntráðum því núna keyra prentvélarnar dag og nótt í löndum sem ráða peningamálum sínum sjálf.

Bandaríkjamenn munu t.d. gera "what ever it takes" til að koma hjólunum í gang og komast hjá verðhjöðnun og þurrð. Ef þú missir sjálfsákvörðunarrétt peningmála þá gætir þú náttúrlega kanski reynt að prenta ríkisskuldabréf í staðinn. Prenta ríkisskuldabréf til að fjármagna ríkissjóð og til að geta greitt laun opinberra starfsmanna og sent peninga inn í gegnum velferðarkerfið t.d. til lífeyrisþega, barnafólks, til landbúnaðar og til húsbréfasjóðs, ef þá einhver vill kaupa þau með X% ávöxtun til X ára í mynt sem þú ræður engu um hvaða stýrivexti ber.

En ég er hræddur um að kaupendur verði mjög fáir og langt á milli þeirra þegar ástand ríkisfjármála er eins og það er núna (geigvænleg skuldasöfnun m.a. vegna bankahrunsins). Spánn er að reyna núna, einnig Grikkland og Írland og Belgía og Holland. En lítið gengur.

Þess má geta hér að núna er seðlabanki Bandaríkjanna eini bankinn í Bandaríkjunum sem virkar sem banki núna og sem veitir peningum út í samfélagið. Það sama gildir á Íslandi. Enda hefur efnahagsreikningur seðlabanka Bandaríkjanna margfaldast á örskömmum tíma því viðskiptabankarnir eru einungis liðin lík. Það sama er að gerast annarsstaðar - og það sama gildir á íslandi.

 

Landráð í ógáti og kjánaskap 

Þeir sem eru að biðja um að við losum okkur við svona lífsnauðsynlega stofnun með lífsnauðsynlegt valdsvið eins og Seðlabanki Íslands hefur og sem alvöru seðlabankar hafa, ættu að reyna að giska á hvernig ástandið væri ef það væri enginn seðlabanki í þjóðfélaginu hjá þér núna - bæði á Íslandi og í Bandaríkjunum. Þá held ég að svitinn á andlitum ykkar væri frekar súr, all Lettneskur og Írskur. Þessi myntumræða ykkar stjórnmálamanna á Íslandi er hættuleg öryggi þjóðarinnar og hún er einnig hættuleg sjálfstæði þjóðarinnar. Vaknið, í Guðs bænum!

Fyrri færsla:

Vantar einn sjúss enn. Hef land og auðæfi þess í skiptum

Forsíða þessa blogs 

Vantar einn sjúss enn. Hef land og auðæfi þess í skiptum

Utan eða innan girðingar? 

Utangarðsmaðurinn Jón Baldvin Hannibalsson sem er fyrrverandi og einnig fjarverandi stjórnmálamaður einhversstaðar inni í Íslandi segir að allt muni lagast ef hann fái leyfi til að rétta upp höndina einu sinni enn. Jón Baldvin og ennþá Hannibalsson segir að hann sé utangarðsmaður því Ísland sé utangarðsland af því að það er ekki með í hinu efnahagslega öryrkjabandalagi Evrópu. Þetta kom fram í grein hans í Morgunblaðinu. En bara ef Ísland væri utangarðsland segi ég. Þá væri Ísland nefnilega ekki svona miklu verr statt í dag. En Ísland er ekki utangarðsland því núna er Íslandið okkar frekar illa statt vegna of mikils efnahagslegs trúverðugleika undanfarinna ára. Trúverðugleika sem gerði að verkum að byggðar voru risastórar bankafallbyssur á erlendri kredit á Íslandi en sem allar snéru hlaupum sínum inná við. Svo skutu þær landið í kaf. Litla Gunna og litli Jón munu borga eins og venjulega. Bankafallbyssurnar gengu allar fyrir erlendum skotfærum sem komu til Íslands í gegnum tölvu- og póstkerfi bankanna. Skotfærin fóru því næst inn í gírkassa ofur snjallra bankamanna sem því næst komu þeim upp í 25. gír með veði í framtíðar tekjum skattgreiðenda. Núna er komið að gjalddaga. Borgið vinsamlegast við búðarkassa 1 til 100.   

Ekki bara á Íslandi

Þetta gerðist þó ekki einungis á Íslandi. Danski Bankinn hér náði að tapa 15 miljörðum danskra króna á síðustu þrem mánuðum síðasta árs. Hann hefði líklega endað á hausnum ef hann hefði ekki fengið risahjálp frá dönskum skattgreiðendum. Enginn mun þó nokkrusinni fá að vita hversu nálægt bankinn var við að fara í þrot á þessum haustmánuðum. En það var mjög tæpt, segja fjölmiðlar. En gamanið er ekki búið. Það er einungis að byrja hér í ESB. Það er nefnilega alls ekki sopið kálið þó svo að Danir hafi á sínum tíma rétt upp eina Jón Baldvinshönd niðri í Brussel ásamt hinum 26.

Núna erum við komin upp í bankapakka_2. Svo er bankapakki 3 eftir. En það mun ekki stoppa þar heldur. Þar á eftir mun nefnilega koma bankapakki_4 og svo kemur einnig bankapakki_5 á vetrarmánuðum 2009/10. Þetta er næstum öruggt því gírkassar bankanna hér í bandalaginu hafa einnig verið keyrðir á sama hátt og utan bandalagsins hjá utangarðsmönnum. Það var því gott að Jóni Baldvini Samfylkingarsyni tókst ekki að koma Íslandi með í bankapakka 1 og 2 og 3 og 4 og 5. Bankaballið er búið á Íslandi, en dansinn mun duna áfram næstu árin hér í Der Untergang €vrópu.

Voodoo (ósmekklegt!) seðlabankastjórn Evrópusambandsins mun ekki hjálpa frekar en fyrri daginn. Það segir herra Willem Buiter: YES WE CAN!! have a global depression if we really continue to work at it

<><><> 

Símskeyti að handan:Þýðing

 Father, Son and Jean-Claude Trichet

 

Here is an assessment of the recent performance of the European Central Bank, made by Willem Buiter and now on his Maverecon blog at ft.com.

 

Buiter is professor of European Political Economy at the London School of Economics, former chief economist of the European Bank for Reconstruction and Development, former extrernal member of the Monetary Policy Committee, and on and on.

 

The European Central Bank is the pack of all-sorts central bankers trying to be Germans, run by the former French bureaucrat (virkilega?), Jean Claude Trichet. It is in charge of interest rates in the eurozone, to which Britain has the benefit of not belonging.

 

Though of course Peter Mandelson and others intend to change that, and put Britain under the control of a central bank which acts like this:

 

&#39;The Eurozone is now getting so far behind the curve that, if the ECB were on an Olympic race-track, it would be looking itself in the back.&#39;

 

&#39;At the ECB, a special branch of voodoo monetary policy has been developed that sees insurmountable problems and dangers associated with getting the official policy rate below some value that is well above the zero floor set by the zero nominal interest on currency.&#39; That is the policy being pursued by the Fed, the American central bank.

 

&#39; The exact location of this mysterious liquidity trap lower bound has never been revealed, but on the basis of the stammering, incoherent and incomprehensible statements in this regard from Jean-Claude Trichet, [and other members of the governing council of the ECB] Jurgen Stark, Gertrude Tumpel-Gugerell, Lorenzo Bini-Smaghi and Ives Mersch (to name but a few), it apears to be migrating south slowly from around 2.00 percent.&#39;

 

&#39;The ECB&#39;s blabbering about a possible liquidity trap above a zero percent nominal interest rate is complete and utter nonsense....&#39; And so on.

 

All of which could boil down, I&#39;d say, to an assessment that the ECB is screwing up the Eurozone. Yet the criticism of it has been muted in the EU. Reason? Support for the key insitutions of the &#39;European project&#39; is based on a kind of religious faith, not reason. Anyone who attacks the (clearly confused) reaction of the ECB to the financial crisis is treated as a heretic, not as a critic.

 

Ask what use the ECB is now, as being trapped in the single currency tears apart the economies of Portugal, Spain, Italy, Greece and Ireland, and one is told to have faith. We are supposed to believe the ECB is like the Holy Spirit: it is the mortar that holds the dry-stone wall together.

 

Trúverðugleikarnir  

Trúverðugleikar sumra landa evrusvæðis eru svo miklir að hagfróðir menn telja að Spánn sé að verða uppiskroppa með peninga því það er lokað á allan spænska fjármálageirann á peningaheildsölumarkaði evrusvæðis. Það eina sem trítlar út úr peningarörinu til Spánar eru smáaurar frá Vodo Seðlabanka Evrópu. Því segja sumir menn að það sé stutt í að spænska ríkið hætti að geta greitt laun til opinberra starfsmanna og að það sama muni gilda um lífeyrisgreiðslur til bótaþega. Þetta er ekki gott ef rétt er. Spánn getur ekki prentað peninga lengur og heldur ekki fellt gengið til að koma ósamkeppnishæfum útflutningi á réttan kjöl. Því er það fjárþurrð sem mun svera að.

 

Svipað gerðist einnig þegar Argentína var undir myntráði sem var tengt bandaríkjadal í nokkur ár. Þá gat ríkisstjórn Argentínu ekki prentað Pseo lengur því það er ekki hægt undir myntráði, svipað og í myntbandalögum. En kaldhæðnar tungur segja að þegar við munum sjá svona miða í umferð á Spáni (og í fleiri evrulöndum) þá munum við vita að ríkið er komið í algert peningalegt þrot. Þetta eru miðar sem segja "ég skulda þér". (Patacón - bond) og til dæmis notaðir til að greiða aðföng ríkisins og laun til opinberra starfsmanna: "ég er með miða, ég ætla að fá tvö kíló af kartöflum".

Athyglisvert viðtal við Roubini aftur

Það var annað viðtal við hagfræðinginn Nouriel Roubini á Bloomberg. En Roubini var einn þeirra sem sá fyrir kreppuna. Niðurstaða: verðin eru ennþá of há, skuldsetning er ennþá of mikil, bankar eru eignalausir (insolvent) og örvun hagkerfa mun hafa takmörkuð áhrif, nema í formi skattalækkana. Það er eiginlega átakanlegt að horfa á þetta viðtal því fréttamaðurinn virðist alls ekki geta skilið að það þarf að vinda ofan af of gíraðri stöðu áður en hægt er að vænta þess að hjólin fari fyrir alvöru í gang aftur. Þess er hægt að geta hér að iðnaðarframleiðsla sumra ríkja hefur núna fallið meira á síðustu 12 mánuðum en hún náði að falla á þrem árunum 1930-1932. Menn standa og gapa af undrun.   

 

 Click for video

Skattamálanefnd Danmerkur hefur lokið störfum

Skipuð var rannsóknarnefnd skattamála og áframhaldandi velferðar í Danmörku á síðasta ári. Þetta var gert vegna þess að Danmörk stendur frammi fyrir því að minnkandi vinuafl, sökum fækkunar barnsfæðinga og því öldrunar þjóðarinnar, mun í náinni framtíð þýða að erfiðara verður að fjármagna velferðarkerfið. Þó er Danmörk stödd í himnaríki hvað varðar barnsfæðingar miðað við stærsta hlutann af ESB löndunum sem standa frammi fyrir þjóðargjaldþrotum innan ársins 2055, ef standa á við loforð og skuldbindingar ríkisins við þegnana og lánadrottna landanna.

Nefndin hefur komist að þeirri niðurstöðu að ef aðeins eitt prósent af best launuðu skattgreiðendum Danmerkur myndu ákveða að yfirgefa landið vegna hárra skatta (eða vegna annarra ástæðna) þá myndu heildar þjóðartekjur Danmerkur falla um 8,1 prósentustig. Þeir sem eftir sætu þyrftu að bogra mun hærri skatta og það þyrfti að skera niður velferð sem nemur tæpri hálfri milljón íslenskra króna á hvert mannsbarn á hverju ári. Ríkið myndi missa 27,4 miljarða DKK í beinar tekjur. Ofaní það kæmi svo missir á tekjum vegna virðisaukaskatts og annarra gjalda til ríkisins. (Skattekommissionen) 

Hættulegar skattahækkanir

Skattahækkanir eru hættulegar og bitna mest á þeim sem minnst meiga sín. Það mun verða mikill skortur á góðum skattgreiðendum í framtíðinni og því er um að gera að halda fast í þá. Mig langar aftur að minnast orða hagstofustjóra Færeyja, Hermanns Oskarssonar, þegar hann fjallaði um banka og efnahagskreppu Færeyja sem hófst í byrjun 10. áratugs síðustu aldar og varaði í næstum 20 ár: "það versta var fólksflóttinn - og ykkar styrkur er íslenska krónan" (Krónan er ykkar styrkur" | Kungerð um fund á Grand Hotel, Reykjavík.)

Fyrri færsla: Samfylkingin og Jóhanna Sigurðardóttir krefst brottreksturs bankastjórnar seðlabanka Evrópusambandsins

Forsíða þessa bloggs 

PS: ó já - ég gleymdi að segja frá því að áhugi Dana á evru fer hratt fallandi og hefur ekki verið minni síðan árið 2001. Áhuginn á evru er að þorna upp: Støtten til euroen er i frit fald 

Samfylkingin og Jóhanna Sigurðardóttir krefst brottreksturs bankastjórnar seðlabanka Evrópusambandsins

 [insert date] 

óbirt færsla

 

 

 

 

 

 

 

 

Fyrri færsla:

Er komin Mugabe ríkisstjórn á Íslandi ?

Forsíða þessa bloggs

 

Ýtarefni 

[insert date] 

Eftirfarandi lönd munu móttaka kröfu Samfylkingarinnar og Jóhönnu Sigurðardóttur 

Euro-12 löndin: 

Austria, Belgium, Luxembourg, Finland (Áland talið með), France, Germany, Greece, Ireland, Italy, Netherlands, Portugal, Spain og Slovenia

EU-15 löndin: 

Austria, Belgium, Luxembourg, Denmark (Grænland og Færeyjar talið með), Finland (Áland talið með), France, Germany, Greece, Ireland, Italy, Netherlands, Portugal, Spain, Sweden og United Kingdom.

EU (27 lönd = EU-27): 

EU-15, Cyprus, Czech Republic, Estonia, Hungary, Latvia, Lithuania, Malta, Poland, Slovakia, Slovenia, Bulgaria og Romania

 

Búist er við að málið verði afgreitt fyrir sambandsráðstefnuna í Moskvu árið 2035

[muna að tilkynna almenningi]  26 löggiltir skjalaþýðendur fengu vinnu [þar af voru 24 konur] 

Er komin Mugabe ríkisstjórn á Íslandi ?

11. september Íslands 2008

Þegar hinn 11. september í efnahagslífi Íslands átti sér stað í byrjun október 2008, þá vildi svo til að einn af forsvarsmönnum Moody&#39;s var staddur í sjónvarpssal beinnar útsendingar hjá fjármálasjónvarpsstöðinni CNBC Europe. Ég sat og horfði á hann í tölvunni hjá mér. Talið barst að íslensku krónunni og Seðlabanka Íslands. En í þessum hamförum náði íslenska krónan sennilega að falla mest allra gjaldmiðla án þess að viðkomandi seðlabanki gerði neitt til að stöðva fallið

Þetta er dálítið merkilegt. En hvað er svona merkilegt við þetta? Jú, talsmaður Moody&#39;s sagði það vera Seðlabanka Íslands til mikils hróss að hann freistaðist ekki til þess að grípa inn með stuðningsuppkaupum á krónu. Þessi maður frá Moody&#39;s vissi nefnilega vel að þetta er freisting sem hefur orðið mörgum gjaldeyrisforðanum að falli, því í hita augnabliksins er svo auðvelt að missa skynsemina og fara að ímynda sér að hægt sé að verja myntina gegn ofurkröftum. Endalaus röð af seðlabönkum heimsins hafa reynt þetta í erfiðum aðstæðum og er hausinn oftast blásinn af þeim og forðinn gufar upp

Ekki á þeirra vakt

En þetta gerðist bara ekki hjá Seðlabanka Íslands. Hausinn var ekki blásinn af Seðlabanka Íslands og gjaldeyrisforða þjóðarinnar var ekki eytt í halda uppi vonlausu gengi einungis hinum vonlausu til hjálpar

Þjóðin getur því þakkað hæfum mönnum Seðlabanka Íslands fyrir að hún á ennþá gjaldeyrisforða. Honum var ekki eytt til hjálpar hinum vonlausu. Hann var geymdur handa þjóðinni. Geymdur ef til harðinda kæmi og ef Ísland hefði þurft að halda út og þrauka eitt og yfirgefið í óvinveittri baráttu - og ef þurft hefði að semja illvíga samninga við umheiminn, algerlega án utanaðkomandi hjálpar. Það hefði því verið hægt. Styrkleiki í samningum er nauðsynlegur en hann hverfur þó oftast ef þjóðin sveltur. Þetta var tryggt vegna þess að það sátu hæfir hagfræðingar og vanir stjórnendur í Seðlabanka Íslands. Banka þjóðarinnar. En núna á samt að reka þá

Næsta atriði í krísustjórn undir áföllum - og ennþá hér samkvæmt Moody&#39;s - er að tryggja að það sé ekki gert áhlaup á gjaldeyrisforðann. Að hann endi ekki á Cayman eða í hólfi í Singapore í eigu fárra aðila. Þetta tryggði Seðlabanki Íslands einnig. Gjaldeyrisforðinn er þarna ennþá, fyrir þjóðina. Seðlabanki Íslands sýndi hér í verki að hann er stofnun sem brást ekki. En mikið var lagt á hann. Öllu var hrúgað á þessa stofnun. Óhæfum fjármálageira á ólöglegum vaxtahormónum, óhæfum rembum útrásar og einnig eyðslusamri ríkisstjórn. Svo biðja menn um kraftaverk á meðan allt var gert sem yfirhöfuð var hægt að gera til að þröngva Seðlabankanum til að grípa til örþrifaráða. Gjaldmiðillinn níddur niður, sífellt grafið er undan öllu með innilegri heimsku fjölmiðla, forvígismenn lýðskrumast í akkorði og Samfylkingin grefur undan starfshæfni ríkisstjórnarinnar þegar mest ríður á að hún sé sterk og þróttmikil    

Hin nýja ríkisstjórn Íslands heldur eins og öll vinstri öfl alltaf halda að það sé hægt að laga allt ef bara settar eru fleiri reglur. Hún heldur að allir hætti að aka óvarlega vegna þess að þeir hafi bílpróf. En vandamálið er bara það að ríkisstjórn Íslands situr núna ölvuð undir stýri og er að keyra yfir á rauðu ljósi út um allt. Hún mun brjóta allt og bramla í ölæðinu. Hún er nefnilega ofurölvi og víman er hefndarþorsti, skítt með þjóðina og skítt með landið. Ölvunaræði þar sem bakarar bæjarins verða hengdir opinberlega sem smiðir. Brátt mun brauðið því þverra

En hver gerði þetta?

En hver gerði árásina á Ísland, á myntina, á Seðlabankann, á ríkissjóð og á öryggi þjóðarinnar? Það veit ríkisstjórnin ekki, hún hefur ekki tíma, því hún er úti að aka  

Ekki einu sinni seðlabankastjóri Evrópusambandsins mun geta fengið vinnu hjá nýju ríkisstjórn Íslands því hann hefur ekki prófið. Þess utan þá hefur hann aldrei prófað neitt nema að búa í ríkisreknu hagkerfi svo prófið skiptir heldur ekki máli hér. En núna getur nýja ríkisstjórn Íslands valið úr fullt af hæfum mönnum úr hinu fyrrverandi af öllu fyrrverandi, þ.e. frá leifunum af fjármálageira Íslands og klappstýrum gulláranna 

Þvílíkir kjánar og einfeldningar. Næst verður forsætisráðherrann krafinn um skilríki þegar hann/hún þarf að fara á . . . já þú veist

Fyrri færsla:

Rússneska rúblan kyssir íslensku krónuna 

Forsíða 

Rússneska rúblan kyssir íslensku krónuna

Fyrir dyrum stendur atlaga stjórnvalda að Seðlabanka Íslands sem stofnun. Ekki er víst að aðilar markaðarins líti þetta mál sömu augum og hin nýja ríkisstjórn Íslands virðist gera, með Samfylkinguna í þráhyggju-fararbroddi. Þráhyggja og lélegur skilningur á þörfum þess atvinnulífs sem mun bera uppi velmegun og myndun velferðar á Íslandi á næstunni verður aldrei Íslandi til góðs. Í þessu sambandi birti ég hér tvær myndir og útskýri þær með eðlislægum ósjálfráðum taugaviðbrögðum Samfylkingarinnar.

 

Mynd 1: RUB-AUD-NZD-ISK gegn EUR

Gengi rússnesku rúblu, dal Nýja Sjálands og Ástralíu og íslenskrar krónu síðustu 6 mánuði gegn mynt Evrópusambandsins, evru. Það var í október að hinn íslenski 11. september átti sér stað þegar allt bankakerfi Íslands hrundi örmagna ofaná mynt Íslendinga.

 

Ályktun hins sjálfvirka gírkassa Samfylkingarinnar á Íslandi er þessi: 

• Seðlabankastjórn rússneska seðlabankans verði vísað burt frá störfum. Rússland gangi í Evrópusambandið. Þó er bankakerfi Rússlands ekki enn gjaldþrota.
• Seðlabankastjórn seðlabanka Nýja Sjálands verði vísað burt frá störfum. Nýja Sjáland gangi í Evrópusambandið. Þó er bankakerfi Nýja Sjálands ekki enn gjaldþrota.
• Seðlabankastjórn seðlabanka Ástralíu verði vísað burt frá störfum. Ástralía gangi í Evrópusambandið. Þó er bankakerfi Ástralíu ekki enn gjaldþrota.

Það er líklega auðvelt að reka þá sem taka stýrisvaxtaákvarðanir í seðlabanka Nýja Sjálands því það er sennilega eini seðlabanki heimsins þar sem stýrivaxtaákvörðun er ennþá tekin af aðeins einum manni, að því ég best veit. Enn maður út og allt verður gott aftur. Samfylkingargott.

 

Mynd 2: RUB-AUD-NZD-ISK gegn USD

Gengi rússnesku rúblu, dal Nýja Sjálands og Ástralíu og íslenskrar krónu síðustu 6 mánuði gegn Bandaríkjadal. Það er ennþá október mánuður sem var og er hinn íslenski 11. í september í örlagasögu Íslands. Mánuðurinn þar sem næstum allt bankakerfi Íslands hrundi örmagna ofaná mynt Íslendinga. Bankamálaráðherrann Íslands er ennþá hinni sami Samfylkingarráðherra og á fyrri myndinni. 

 

Ályktun hins sjálfvirka gírkassa Samfylkingarinnar á Íslandi er ennþá þessi: 

• Seðlabankastjórn rússneska seðlabankans verði vísað burt frá störfum. Rússland gangi í Evrópusambandið. Þó er bankakerfi Rússlands ekki enn gjaldþrota.
• Seðlabankastjórn seðlabanka Nýja Sjálands verði vísað burt frá störfum. Nýja Sjáland gangi í Evrópusambandið. Þó er Nýja Sjálands ekki enn gjaldþrota.
• Seðlabankastjórn seðlabanka Ástralíu verði vísað burt frá störfum. Ástralía gangi í Evrópusambandið. Þó er bankakerfi Ástralíu ekki enn gjaldþrota. 

Ályktun mín:

Núna þarf að passa að gengi íslensku krónunnar haldist lágt áfram og veiti þar með útflutningsatvinnuvegum Íslands góða vörn. Að það sé slegin skjaldborg um þessa atvinnuvegi. Þessi betrumbætti samkeppnisgrundvöllur ætti að halda næstu 10-15 árin ef vel er haldið á spöðunum og verða Íslandi til mikils góðs og gróða. Forðast ber að að íslenska krónan hækki of mikið.

Fyrri færsla:

Nýja grænmetisríkisstjórn Íslands opnar nýja Hárgreiðslustofu Ríkisins

Forsíða 

Nýja grænmetisríkisstjórn Íslands opnar nýja Hárgreiðslustofu Ríkisins

Af hverju er ekki þjóðstjórn að störfum núna? 

Með engu lýðræðislegu umboði frá þjóðinni opnar hin nýja grænmetisríkisstjórn Íslands aftur Hárgreiðslustofu Ríkisins en í þetta skiptið einungis handa forseta Íslands. Í undirbúningi er einnig enduropnum Bæjarútgerða um allt land og Peningabræðsla Ríkisins mun einnig aftur hefja starfsemi sína með um 928 fullbúnum útbúum um allt landið. Stefnt er að því að ríkisstarfsmenn muni koma þjóðinni endanlega á hausinn á 80 dögum, ef vel tekst til. Samfylkingin mun leiða þessar aðgerðir nýju ríkiskirkjunnar eftir að hún gékk í hjónaband með sér meiri kommum.  

Fyrsta verkefni grænmetisríkisstjórnar Íslands er aðgerðarleysi í öllu sem nauðsynlega þarf að vinna í. Mikil áhersla verður lögð á að rífa strax niður þá stofnun sem varaði viðskiptaráðherra Samfylkingarinnar við því að hann væri að koma þjóðinni á hausinn með því að aðhafast aldrei neitt nema eitt: að vera í útrásaræði

Seinna verkefnið er að kveikja elda undir 928 útibúum Peningabræðslu Ríkisins með því að setja þeim markmið um hversu miklum verðmætum skuli brennt með góðri ráðgjöf ríkisstarfsmanna. Eins og allir kannast við af biturri reynslu þá vita ríkisstarfsmenn minnst af öllum lifandi veirum í heiminum um hvernig búa á til verðmæti. Almenningur mun svo bogra rekstur brennslunnar og verða fátækur að eilífu. En það mikilvægasta er að ríkisstarfsmenn hafi það gott og séu ánægðir með eigin hag og með hag Samfylkingarinnar. 

Ríkisbönkunum sett útlánamarkmið fyrir 2009 

Ríkisstjórn Jóhönnu Sigurðardóttir ætlar að setja ríkisbönkunum sérstök útlánamarkmið fyrir yfirstandandi ár. Þetta kemur fram í verkefnaskrá ríkisstjórnarinnar, en lögð er áhersla á að endurfjármögnun bankanna verði hraðað.
Ríkisstjórnin segist ætla að sjá til þess að fjármálastofnanir gangi hratt og örugglega til verks við að greiða úr vanda lífvænlegra fyrirtækja „á grundvelli gegnsærra og alþjóðlega viðurkenndra reglna.“ Ekki er nánari grein gerð fyrir hvernig staðið verður að verki en bætt við:
„Gætt skal sanngirni og jafnræði í þjónustu við fyrirtæki og huga sérstaklega að því að viðhalda virkri samkeppni.“
Hraða á verðmati á eignum nýju ríkisbankanna samhliða endurfjármögnun þeirra:
„Eyða þarf óvissu sem hamlar starfsemi bankanna, svo sem samningum við kröfuhafa, innlenda og erlenda, þar með taldar kröfur vegna innstæðutrygginga.“ 

Ríkisbönkunum sett útlánamarkmið fyrir 2009

Ha ha ha ha ha ha

 

Please: Let the Incompetent People Go Bankrupt 

 

Fyrri færsla:

Ísland lærir hratt: það fór finnsku og sænsku leiðina strax. En getur Samfylkingin lært? 

Forsíða 

Ísland lærir hratt: það fór finnsku og sænsku leiðina strax. En getur Samfylkingin lært?

Ísland lærir hratt: það fór finnsku og sænsku leiðina strax

Samkvæmt skrifum írska hagfræðingsins og fyrrverandi seðlabankamanns David McWilliams þá er hin svokallaða "finnska & sænska leið" - sem Morgunblaðið hefur meðal annarra verið duglegt við að auglýsa upp á Íslandi - nú þegar ekin á fullum hraða af Íslandi. Ísland brunar nú á þessari hraðbraut sem einungis er fær þjóðum sem eiga sína eigin mynt og sem Samfylkingin vill útiloka að Ísland geti keyrt á í framtíðinni. Það er þessi leið sem til dæmis um það bil 19 til 32 Sammála Hagfræðingar (1932SH) vilja loka á fyrir Ísland. Bakhjarl þessara aðila til varanlegrar efnahagslegrar þrautargöngu Íslands og til varnar því að velmegun geti haldið áfram að myndast á Íslandi, er sjálfur stjórnmálaflokkurinn Samfylkingin og einnig ASÍ. En fyrir þá sem vita það ekki þá er Samfylkingin stjórnmálaflokkur á Íslandi sem í stuttu máli er hægt að kalla Alþýðubandalagsfylkingarflokkinn með konu eina í fararbroddi sem blaktir nú sem gulblá dula með blóðrauðum borðum og kögri við fölnaðan hún gömlu flaggstangar Alþýðuflokksins.

1932SH er alls ekki óalgengt fyrirbæri

En það merkilega við þessa leið sem 1932SH hafa þó ekki komið kláru auga á ennþá - hvorki á Íslandi né á Írlandi, nema kanski einn - er að það var einmitt þessi leið sem var farin strax á fyrsta degi kreppunnar á Íslandi. En hvernig má vera að allir þessir hagfræðingar hafa ekki tekið eftir þessu? Hvorki á Íslandi né á Írlandi? Jú, það er vegna þess að þessir 1932SH voru svo uppteknir í stanslaust 5 ár við að vera alveg sammála um að það sem fram fór á einmitt þessum síðastliðnum 5 árum væri al gott fyrir Ísland. Ein megin orsök þess að Ísland á í miklum erfiðleikum núna er einmitt sú að þessir 1932SH voru bundnir einskonar þagnarskyldu við hvorn annan. Þagnarskyldu á oft mjög háum launum hjá til dæmis launaveitu Sigga Samfó. Þeir nenntu einfaldlega ekki að rjúfa þagnarskylduna af ótta við að tapa andlitinu og að falla þar með í ónáð hjá hinu "almenna áliti" hjá upplýsingaveitu Sigga Samfó. Þessvegna er heldur ekkert að marka 1932SH núna því þeir eru aftur uppteknir við að verja sinn slæma málstað fram í rauðann dauðann. Andlitunum skal bjargað, sama hvað það mun kosta Ísland.

Þetta hefur einnig gerst á Írlandi segir David McWilliams. "Það er til of mikils ætlast að hægt sé að biðja um "no bullshit" álit þessara manna þó svo að Írland standi frammi fyrir 10% samdrætti í þjóðarframleiðslu á þessu ári og jafnvel þjóðargjaldþroti". Þetta eru þær aðstæður sem hinir 1932SH á Íslandi vilja einnig koma Íslandi í.

Rangt 1 og 2

En hvað var rangt við ályktanir Moggans, 1932SH og Sigga Samfó um sænsku og finnsku leiðina út úr eigin banka- og efnahagskreppu á tíunda áratug síðustu aldar? Jú ályktunin sem þeir draga er nefnilega sú efnahagsbati þessara tveggja þjóða hafi haft eitthvað að gera með inngöngu landanna í Evrópusambandið nokkrum árum seinna. En þetta er eins al rangt og það getur orðið. Alveg kol rangt. 

Það sem læknaði og kom þessum tveim löndum út úr kreppunni var hinsvegar massíf gengisfelling sænsku krónunnar og finnska marksins. Massíf gengisfelling! Þetta bjargaði þessum löndum frá því að falla um koll. Sjálfspynting Svía og Finna hætti skyndilega því það var ýtt á "sleppa" takkann. Bindingin var rofin við bryggjupollann og skipin sigldu aftur. Með gengisfellingu gátu þessi lönd unnið sig út úr vandamálunum á sama hátt og Ísland er að vinna sig út úr vandamálunum núna. Pappírsframleiðsla Finna var seld í dollurum og Volvóar, Scaníur og vélar Svía fóru mikið til útlanda.

Samverslun Finna og Svía var einnig sterk. Einnig hefði Nokia varla átt séns án gengisfellingar. Þetta tryggði það að þegar mestu örþrifakreppunni linnti þá voru útflutningsfyrirtækin ennþá til staðar í þessum löndum til að leiða samfélagið aftur á braut velmegunar. En þó hefur Finnland aldrei alveg komist úr úr kreppunni því það fór út í það að taka upp evru. Þetta má lesa út úr atvinnuleysistölum Finnlands og út úr hagvaxtartölum þeirra. Finnar fengu því sjúkdóminn eurosclerosis. Núna eru því neyðarpakkar aftur á dagskrá í Finnlandi.

 

Mynd: rof fastgengisstefnu við EMS og gengisfelling finnska marksins 

 

Mynd: rof fastgengisstefnu við EMS og gengisfelling sænsku krónunnar 

Lesefni: Down from the heavens, Up from the ashes

Hvað geta Írar með evrur gert núna, drepist?

Ef hvað með Íra? Hvað geta þeir gert sjalfum sér til hjálpar? Ekkert, minn kæri lesandi, ekkert nema að drepast evrudauðanum. Nei, þetta er víst ekki alveg satt og rétt hjá mér. Írar geta nefnilega reynt að gera eitt. Takið vinsamlegast eftir orðinu "reynt". Þeir geta nefnilega reynt að fara þá leið sem Alþýðusamband Íslands er svo hrifið af. En hvað heitir þá þessi leið Gunnar? Jú hún heitir launaleiðin. Lækka launin væni minn, lækka laun og lækka laun. Þetta er ekki finnska leiðin og ekki sænska leiðin. Þetta er evruleiðin. Lækka laun og skera niður velferðarkerfið næstu 10 árin samfleytt. Eymd í boði Samfó og ASÍ í 10 ár.

Þrautargangan 

Opinberir starfsmenn í Lettlandi hafa til dæmis nú þegar samið um 25% launalækkun og enn meira er í vændum. Einkageirinn mun fylgja á eftir og allt verður skorið massíft niður.

 

Vandamál Letta er bara það að hagstofa Lettlands mun ekki ná að uppgötvað nógu fljótt að þjóðin er farin burt úr þessu landi sem gékk í Evrópusambandið eftir að kommúnistar níddu það niður. Þetta er Lettlandið sem vill fá evru sama hvað það kostar því þá er hægt að andast inni í evrulandi í lokin og láta evrulandið borga. Lettneska þjóðin mun nefnilega fara mikið til Norðurlandanna og þeir sem komast ekki með, gamlingjarnir, verða einir eftir. Því mun IMF og ríkisstjórn Lettlands sitja í sameiningu yfir hálf tómum efnahagsreikningum um alla næstu eilífð eftir aðeins örfá ár.

 

Þetta veit ríkisstjórn Lettlands, nema náttúrlega að hún sé jafn vitlaus og Samfylkingin og ASÍ. Getur það hugsast? Nei, varla. Þess vegna hugsa ég að ríkisstjórn Lettlands viti að Lettland er búið að vera sem samfélag. Að það sé ekki hægt að snúa þróuninni við því hvar ættu þeir að sækja vinnuafl í framtíðinni? Engin börnin fæðast þar og þjóðinni fækkar svona mikið. Hver ætti að borga fyrir velferðina? Ég held því að ríkisstjórn Lettlands sé ekki eins vitlaus og Samfylkingin og ASÍ og að hún hugsi sem svo að "það er óhjákvæmilegt að Lettland muni hverfa af vettvangi heimsins sem þjóð og það er einnig óhjákvæmilegt að Evrópusambandið muni verða eitt ríki í framtíðinni". Tveir óhjákvæmilegir atburðir. Því sé best fyrir þjóðina að koma sér sem fyrst á miklu stærra elliheimili. Þessvegna er ríkisstjórnin viljug til að fórna öllu því litla sem hún hefur í höndunum núna til þess eins að taka upp myntina sem á að leiða þá algerlega og óafturkvæmt inn í Evrulandið. Svona munu Lettar komast í sameiginlegt efnahagslegt sjálfsmorð Evrópusambandsins og því sitja við sama borð þegar þrotabúið kemur til skiptana.

Launafrysting er annað er launalækkun 

Launalækkun er allt annað og þúsund sinnum erfiðari en t.d. sú launafrysting sem Þýskaland setti sér sjálft í Þýskalandi í samfleytt 10 ár (halló ASÍ), eða frá 1995-2005. Þjóðverjar fengu nefnilega ekki launahækkun í heil 10 ár og þetta bitnaði einnig á okkur hér í Danmörku ásamt fleiri nágrannaríkjum. Að frysta laun er allt annað en að lækka laun. En af hverju Gunnar? Jú vegna þess að þá fer fólkið bara. Það fer jafnhratt og það kom til dæmis til Írlands þegar Írar voru að byggja sér hurðarása um báðar axlir. Það er orðið jafn auðvelt að fara eins og að koma svo sjálft útstreymið og flóttinn mun einnig eiga sér stað það hratt að hagstofurnar munu ekki ná að festa tölur á minnkun vinnufals fyrir næsta fund í fjárlaganefnd þingsins.

Meira lesefni: Why Latvia Needs To Devalue Soon - A Reply To Christoph Rosenberg 

Rauðgula hættan á Íslandi 

Það hættulega sem er að gerast á Íslandi núna er það að til stóraukinna valda er kominn flokkur sem er svo innilega heimskur að það nálgast landráð í óvitaskap. Þarna á ég við Alþýðubandalagsflokkinn Samfylkinguna, sem núna er laus við það litla jarðsamband sem Sjálfstæðisflokkurinn reyndi að veita henni.

Ein af ástæðunum fyrir því að fólk á Íslandi eignast jafn mikið af börnum eins og Ameríkanar gera, samanborið við restina ef Evrópu, er sú staðreynd að Íslendingum finnst þeir vera öruggir á Íslandi. Öruggir í eigin fullvalda ríki. Þeir trúa á framtíð landsins. Ef þessi trú hverfur þá hverfur einnig þjóðin. Maður gæti því freistast til þess að álykta að Alþýðubandalagsflokksfylkingunni sé mjög annt um að koma Íslandi á hausinn því þá væri hægt að koma skríðandi til ESB og biðja þá um ímyndaða hjálp og innlimun og telja svo kjósendum á Íslandi trú um að Ísland þarfnist þessa. Allar gjörðir og ályktanir Samfylkingarinnar benda einmitt í þessa átt.

• Skýr skilaboð frá ESB segir formaður og hleður því gagnrýnislaust tvöfaldri Versalaánauð upp á þjóðina til þess eins að tjónkast ESB krötunum
• Forsætisráðherranum hótað öllu illu ef hann samþykkir ekki
• Alþýðubandalagsflokksfylkingin var mesti stuðningsaðili glapræðisstefnu bankanna
• Allir sem gagnrýndu voru gerðir að athlægi í upplýsingaveitu Sigga Samfó 
• Hundrað ára mission impossible Samfylkingarinnar við að koma Íslandsvini númer eitt fyrir kattarnef, Davíð Oddssyni. Sama hvað það kostar
• Vildu alveg endilega fá IMF til að setja Íslandi afarkosti svo hægt sé að hefja þrautargönguna strax
• Vilja halda vöxtum háum til að venja fólkið við þrautargönguna svo Ísland megi í náinni framtíð fremja efnahagslegt sjálfsmorð með hinum krötunum inni í Evrópusambandinu

Getur þetta orðið verra?

Fyrri færsla

SA: Heimilin þola ekki skattahækkanir

SA: Heimilin þola ekki skattahækkanir

Heimilin þola ekki skattahækkanir

Þessi orð Vilhjálms Egilssonar formanns Samtaka Atvinnulífsins ættu að standa brennimerkt ofaní skrifborðsplötur allra stjórnmálamanna núna og á næstunni.

Skattahækkanir eru vísasta leiðin til að drepa hagavöxt. En hagvöxtur er einmitt það sem vantar núna. Þeir sem hafa gert lítið úr þýðingu þess að þjóðartekjur á hvern þegna skipti höfuðmáli þegar frammistaða hagkerfa er mæld, ættu að skoða fallið í þjóðartekjum með ferskum augum núna og minnast þess að eilífu að skattahækkanir drepa alltaf hagvöxt. Alltaf.

Það sama gerir einnig óhófleg útþensla hins opinbera því hún býr alltaf til of mörg léleg störf og of mörg léleg afleidd störf sem skila litlu öðru en kostnaði og ræna dýrmætum starfskröftum frá þeim atvinnugreinum sem skaffa peningana í kassann hjá hinu opinbera. Atvinnugreinar sem þurfa á þeim að halda þegar uppsveiflan er komin í gang og til að koma í veg fyrir þensluverðbólgu vegna launaskriðs þegar málin lagast aftur. Þá er ekki gott að allir vinni hjá ríki og bæ því þá hættir fjármögnun velferðarsamfélagsins að geta átt sér stað. Það þarf alltaf að muna það að stjórnmálamenn vita allra síst hvernig á að fara með peninga. Annars værum við öll rík, en svo er ekki.   

Vilhjálmur Egilsson, framkvæmdastjóri Samtaka atvinnulífsins, kallar eftir stefnu þeirra sem hyggjast mynda nýja ríkisstjórn og varar eindregið við því að hækka tekjuskatt einstaklinga meira en orðið er. „Þá er verið að veita fjölmörgum fjölskyldum náðarhöggið sem eru að berjast við það að standa í skilum,“ segir Vilhjálmur á síðu samtakanna en þar er vitnað til orða hans á báðum sjónvarpsstöðvunum við vegna stjórnarslita og myndunar nýrrar ríkisstjórnar.

 

Öll fréttin á AMX

SA: Heimilin þola ekki skattahækkanir 

Fyrri færsla:

Fjármagnsþurrð á evrusvæði. Ekki hjálpar evran Slóveníu