Sovétríki Samfylkingar í upplausn. Vinstri grænir glotta

Á meðan Brussel brennur. 

Evrópusambandið riðar og skelfur

Þetta er alltaf alveg að koma. Alltaf handan við hornið. Bara ef við fáum sameiginlega bolla, sameiginlegar könnur, salerni, rúm, mynt, landhelgi, lofthelgi, löggjöf, dómstóla og endalaust hitt og þetta. Þetta er alltaf að reddast. Alveg að koma. Á meðan Brussel er að redda þá leggst Evrópa í Blaupunkt öndunarvél í vesturbæ kratverja. Aðeins í vesturbænum eru ennþá til peningar.

Það eina sem vantar upp á til að Brussel geti reddað þessu, er nýtt fólk í Evrópu. Það býr nefnilega vitlaust fólk í Evrópu. Það passar ekki við Sovétríki Samfylkingarinnar. Ekkert af þessu er nýtt. Þetta er gömul reynsla. Hún virðist þó vera ný fyrir sumum.

Eins og sjá má keyrir evrópska tilraunastofan ennþá á fullu. Fyrst var það marxismi, kommúnismi, nasismi, fasismi og nú síðast ESB'ismi. Samfélagslegir Frankensteinar eru ennþá made in Europe. 

Sovétríki Vinstri grænna fóru sömu leið

Þau eru dauð, svona næstum því. Vinstri grænir glotta nú og flissa að barnalegum óvitaskap Samfylkingarinnar. Þeir hafa reynsluna. Reynslu af því að trúa of létt á nýja hugmyndafræði. En hafa þeir sjálfir lært algerlega af reynslunni? Eg leyfi mér að efast. Steingrími er tíðrætt um hugmyndafræði þessa dagana. Hver veit hvað er í bígerð á þeim bæ. 

Engin evra handa Eistlandi?

Hagfræðingurinn Edward Hugh segir frá stóru og frekar skyndilegu spurningarmerki við aðgengi Eistlands að myntbandalagi Evrópusambandsins. "Ekki svona hratt" hefur hann eftir eistlenska blaðamanninum Mikk Salu. Sá hefur hins vegar eftir "áreiðanlegum heimildum" að á síðasta lokaða-fundi málfundarfélags málefna myntbandalagsins í ESB þinginu (Economic and Monetary Affairs Committee of the European Parliament) hafi viss Stark-þýskur stjórnarmaður seðlabanka Evrópusambandsins verið viðstaddur og sagt að Eistland færi ekki inn í myntbandalagið. Punktur hér: EH

Rúmenía hættir við evruupptöku, í bili, segja þeir kurteislega

Seðlabankastjóri Rúmeníu, Mugur Isarescu, sagði að Rúmenía muni líklega salta það að sækja um inngöngu í myntbandalag ESB. Það er m.a. verbólga sem dregur fyrir möguleika Rúmeníu á að fara inn í tveggja ára biðstofu ERM II pyntingarklefa Evrópusambandsins. Seðlabankastjórinn segist ekki hafa getað farið á veitingahús síðastliðin tvö ár því hann fái engan frið fyrir fólki sem spyrji sífellt á hvaða gengi Rúmenía fari inn í evru. Í síðustu viku var það Búlgaría sem tilkynnti það sama; EA

Hvenær skyldi trúarráð Samfylkingarinnar taka sönsum í bili?

Fyrri færsla

Urmull Jónsson félagsmaður vill læra hvernig á að halda atvinnuleysi himinháu í marga áratugi á Íslandi eins og í Finnlandi 

Urmull Jónsson félagsmaður vill læra hvernig á að halda atvinnuleysi himinháu í marga áratugi á Íslandi eins og í Finnlandi

Félagsmálaráðherra Ísland vill fara "finnsku leiðina".  

Um verður að ræða svo nefnt finnskt samfélagslegt heljarstökk

Atvinnuleysi í Finnlandi er 9,2% núna. Finnland er þar af leiðandi í Evrópusambandinu eins og sést. Þar er atvinnuleysi alltaf svona hátt og verður alltaf svona hátt því Evrópusambandið sér um að halda því svona háu, alltaf. Þetta er jú heljarstökk.  

Stöðugleiki. Alltaf viðvarandi hátt atvinnuleysi 

Hagstofa Finnlands sagði að 9,2 prósent af Finnum á vinnumarkaði hefðu verið atvinnulausir í febrúar. Þetta er sama hlutfallið og í janúar. Það var 10,1% atvinnuleysi hjá karlmönnum og 8,2% hjá konum. Atvinnuþátttaka var 65,4% og 21.000 Finnar höfðu helst úr lestinni sem þátttakendur á vinnumarkaði á síðustu 12 mánuðum; Hagstofa Finnlands

Atvinnuleysi Finnlands hefur ekki farið niður fyrir 7% frá árinu 2000 til 2009 nema á árunum 2007 og 2008 þegar það fór niður í 6,4% fyrir árið 2008 í heild. Frá árinu 2000 til 2005 var atvinnuleysi alltaf yfir 8% í Finnlandi. 

ESB-aðild þýddi mesta efnahagshrun Finnlands síðan 1918 

Finnska hagstofan gerði grein fyrir árinu 2009 í heild þann 1. mars. Landsframleiðsla Finnlands féll um hvorki meira né minna en 7,8% á árinu í heild. Þetta er mesta hrun í landsframleiðslu Finnlands á einu ári frá því að mælingar hófust árið 1975. Í frægu finnsku kreppunni 1991-1993, þegar Finnland upplifði erfiða bankakreppu samhliða hruni Sovétríkjanna, þá féll landsframleiðsla Finnlands "aðeins" um 6% á árinu 1991 þegar verst lét. Til að fá fram tölur um svipað hrun og varð á árinu 2009, þurfa Finnar að leita aftur til áranna 1917-1918. Mynt Finnlands er evra. 

Útflutningur Finnlands hrundi alls um 24% frá 2008-2009, fjárfestingar hrundu um 13%, innflutningur hrundi um 22% og einkaneysla féll um 2,1%. Rekstrarafkoma fyrirtækja hrundi um 39%. Þau greiddu því 44% minna í skatta og greiddu út 34% minna í arð: Hagstofa Finnlands

Bara ef einhver í Samfylkingunni væri læs 

Þetta er hin svo kallaða finnska leið sem mikið hefur verið í ríkisfjölmiðlum og háskólum á Íslandi og kynnt þar sem fyrirmynd fyrir Ísland. Nú er hún hlaupin í ráðherra.

Ef forsætisráðherra Ísland væri læs þá myndi hún vita þetta. En það er hún sem sagt ekki. Þetta eru jú félagsmálaráðherrar. Urmull af þeim.  Þetta er sama fólkið og klappaði þegar því var sagt að klappa fyrir snillingunum. Vanhæft fólk. Klappliðið. 

Fyrri færsla

Gott ráð til fjárfesta í ríkisskuldum evrusvæðis 

Gott ráð til fjárfesta í ríkisskuldum evrusvæðis

 

Mynd: vaxtakostnaður ríkissjóðs Grikklands, 5 ára ríkisskuldabréf - Bloomberg 

 

Mín skoðun

 

Jæja, eftir að forsætis- og fjármálaráðherrar evrulanda hafa gefið út þá yfirlýsingu að þeir ætli að útbúa c.a 30 miljarða evru lánapakka sem muni hugsanlega standa ríkissjóði Grikklands til afnota nú þegar Grikkland siglir sennilega inn í evru-ríkisgjaldþrot, þá ættu fjárfestar vinsamlegast að hafa eftirfarandi í huga;

 

Frá og með nú vitum við að hjá gríska ríkinu getum við fengið ca. 7-8% ávöxtun á peningum okkar. Af hverju ættum við þá að vera að kaupa ríkisskuldabréf af ríkissjóði Þýskalands með 3% ávöxtun þegar við vitum að við getum fengið 7-8% hjá ríkissjóði Grikklands og að ríkissjóður Þýskalands og annarra evru-landa muni ofaní kaupið ábyrgjast að við fáum peningana okkar greidda til baka frá gríska ríkinu?

 

Ef við ættum að halda áfram að kaupa skuldir af ríkissjóði Þýskalands þá verða þeir að bjóða okkur betri ávöxtun en þetta, því nú getum við bráðum fengið "þýskar ríkisskuldir" hjá gríska ríkinu á 7-8% ávöxtun. Er þetta ekki frábært?  

Er það ekki einhvern veginn svona sem menn hugsa? Það myndi ég gera. Ef þetta er rétt þá mun þetta þýða að vaxtakostnaður ríkissjóðs Þýskalands mun bara hækka og hækka í takt við hversu mörgum gjaldþrota löndum evrusvæðis mun verða staflað upp á framfærslubyrði hans.

 

Ef þetta verður reyndin þá munum við í orðsins fyllstu merkingu getað talað um gjaldþrotabandalag Evrópusambandsins - og þá undir ónýtri mynt.

 

Fyrri færsla

 

Einsdæmi: farið var á bak við Þýskaland í málefnum myntbandalagsins 

Einsdæmi: farið var á bak við Þýskaland í málefnum myntbandalagsins

 

Þau óhugnanlegu tíðindi hafa borist til eyrna þýskra fjölmiðla að Frakkland, Ítalía og embættismenn seðlabanka Evrópusambandsins hafi farið á bak við kanslara Þýskalands og þar á eftir þvingað hana til að samþykkja stærsta ríkislánapakka mannkynsögunnar í síðustu viku. Hollenska NRC Handelsblatt lýsir með óhug þeirri atburðarrás sem fáir virðast ennþá hafa gert sér grein fyrir, varðandi hinn svo kallaða "hjálparpakka" til Grikklands.

 

“Between phone calls, the French and Italian presidents met face to face. They worked out a deal with ECB chairman Jean-Claude Trichet . . " 

 

 

Á sunnudaginn höfðu Nicolas Sarkozy Frakklandsforseti, Silvio Berlusconi forsætisráðherra Ítalíu og bankastjóri seðlabanka Evrópusambandsins þegar samið sín á milli um að fara í gang með að útbúa björgunarpakka handa Grikklandi. Þeir sögðu svo Angelu Merkel kanslara Þýskalands frá þessu í símtölum sem áttu sér stað á sunnudag. Þeir stilltu málinu þannig upp að það yrði að finna lausn á málunum áður en markaðir opnuðu á mánudag. Samt hafði engin formleg beiðni borist frá Grikklandi. Það sem er enn skuggalegra er það að á milli símtala hittust Sarkozy og Berlusconi andliti til andlits án þess að kanslarinn vissi af því eða væri upplýst um það. Einungis hafði verið ákveðið að símaráðstefna ætti að fara fram þennan dag á milli leiðtoga evrulandanna.

 

"The German reaction to the Greek rescue plan is one of a sheer horror"

 

 

Hér var sem sagt rúllað yfir kanslara Þýskalands sem seint og síðar meir skildi að ekki var hægt að koma sér undan þátttöku án þess að setja myntbandalags-sprengjuvörpuna í skotstöðu. Þetta er jú líka mynt Þýskalands. Nú er sem sagt búið að skuldbinda Þjóðverja til að axla stærstu byrðar þessa máls með skammbyssupólitík. Merkel vildi hafa samráð við öll 27 lönd ESB áður en nokkuð væri ákveðið; Nrc Handelsblatt | Eurointelligence

 

Viðbrögðin í Þýskalandi eru hörð og sár

Frank Schaeffler (frjálsir demókratar): - sagði við Dow Jones Newswires að þetta væri brot á sáttmálum myntbandalagsins og væri efnahagslega óheillavænleg ákvörðun. Hann hvetur Grikkland til að yfirgefa myntbandalagið af frjálsum og fúsum vilja vegna þess að það sé eina leiðin fyrir Grikkland til að verða samkeppnishæft land aftur.

Schaeffler segir að björgunaráætlunin fresti aðeins vandamálum Grikklands, hún leysir þau ekki. Fjárþörf Grikklands sé 86 miljarðar evrur fram til 2012. Þetta samkomulag brýtur í bága við það sem samþykkt var í mars, þ.e. að ekki megi niðurgreiða hjálp til Grikklands með aðstoð skattgreiðenda í öðrum evrulöndum. "Þetta skapar falskt myntbandalag þar sem ríki þurfa að bera ábyrgð á ríkisfjármálum annarra landa."   

Hið leiðandi Börsen-Zeitung: - viðskiptadagblað segir að þetta sé upphafið á endalokum evrunnar. Seðlabanki Þýskalands ætti að hefja prentun og útgáfu Deutsch-marks aftur.

Hagsmunasamtök þýskra skattgreiðenda: - eru reið og segja að Þýskaland sé nú þegar skuldsett upp fyrir axlir því landið skuldi 73,1% af landsframleiðslu eða sem svarar til 1,6 billjón evra. Þetta yrðu hrein og klár brot á Maastricht sáttmálanum, sagði Karl Heinz Daeke hjá samtökunum. "Hinn venjulegi launþegi mun ekki skilja af hverju hann ætti að bera ábyrgð á lélegum ríkisfjármálum Grikklands á meðan verið er að aflýsa skattalækkunum til hans hér heima. Allt í einu eru 8,4 miljarðar evrur til á lausu handa Grikkjum."

Hagfræðiprófessor Wilhelm Hankel: -  segir að hann muni stefna ríkisstjórninni ef Grikkland fær lánið. Í opnu bréfi til Angelu Merkel sagði Hankel að kanslarinn ætti að vinna að því að evrulöndin gætu fengið sínar gömlu myntir aftur. Evran hefur ekki verndað löndin gegn alþjóðlegri spákaupmennsku heldur hefur hún boðið uppá spákaupmennsku gegn löndunum.

Hankel segir að evran verði aðeins til svo lengi sem Þýskaland borgar brúsann. "Gefðu löndum evrusvæðis sína gömlu mynt til baka, það er eina leið þeirra til hagsældar," skrifaði Hankel.

Hagfræðiprófessor Ekkehard Wenger: - við háskólann í Wuerzburg segir að Þýskaland ætti að íhuga að yfirgefa myntbandalagið áður en fleiri veik lönd evrusvæðis skaði landið ennþá meira; DJ Newswires

 

Fyrri færsla

 

Gullfótargildra evrusvæðis. ESB-elítan hefur ekkert lært af fortíðinni 

 

Gullfótargildra evrusvæðis. ESB-elítan hefur ekkert lært af fortíðinni

Evran er Össur og Jóhanna ESB, Frankensteinar fjármála

 

Stephen Fidler skrifar í Wall Street Journal að aðstæður og ástand mála á evrusvæðinu núna, minni mikið á það ástand sem ríkti áður en gullfóturinn hrundi í stóru kreppunni 1930. Í gegnum myntfyrirkomulag gullfótarins voru löndin læst saman innbyrðis í sameiginlegu gjaldmiðlafyrirkomulagi. Þá, eins og á evrusvæðinu núna, heftir þessi læsing stórkostlega allt efnahaglegt frelsi og ráðarúm ríkisstjórna. Lærdómurinn sem dreginn var af gullfótarfyrirkomulaginu er sá að því lengur sem ríkisstjórnir héldu gjaldmiðli sínum föstum í skrúfstykki gullfótarins, því ver farnaðist löndum þeirra. (sjá kennslugögn Poul Kurgmans hér)   

 

Stephen Fidler segir að þó svo að það takist að aðstoða Grikkland á einhvern hátt þá mun það ekki lækna sjúkdóminn vegna þess að svo mörg önnur lönd eru fárveik í myntbandalaginu. Þau eru með evrupestina og hún lýsir sér ekki bara í fjárlagahalla og ríkisskuldavandamálum landanna. Vandamálið (sem menn sögðu að nýja myntin ætti að lækna árið 1999) eru samkeppnislegs eðlis. Veikari löndin eru læst innbyrðis með þeim sterkari í gegnum sameiginlegu myntina (eru á sama myntfæti). Þau eru læst föst við verðbólguhræðslu og efnahaglega þráhyggju Þýskaland og svipaðra landa. 

 

Þó svo að mönnum hafi ekki verið það ljóst þegar evrumyntin var stofnuð, þá læsti hún löndin saman í viðjar eins konar nýs gullfótar, sem er miklu verri en sá gamli var, og þó var hann mikið misfóstur. Það er ekki hægt að komast aftur út úr þessum nýja gullfæti evru. Vextir Suður-Evrópu eru ákveðnir í Frankfürt í Þýskalandi. Þeir ásamt "stöðugleikareglum" myntbandalagsins setja miklar hömlur á allt athafnafrelsi ríkisstjórna landa Suður-Evrópu og Írlands, því ríkisskuldabréfamarkaður mun sjálfkrafa þrýsta vaxtakostnaði þeirra hátt á loft ef þau voga sér að stíga af hinum þrönga stíg regluverks myntbandalagsins, sjálfum sér til bjargar. Eins og gull flæddi út úr þeim löndum sem ákváðu að reyna að bjarga sér með hagvexti í stað samdráttar undir gullfætinum. Þér, sem evrulandi, er refsað fyrir að vilja reyna að koma hagvexti í gang á ný og sem myndi síðan auka greiðslugetu ríkissjóðs, ef vel til tekst, því skattatekjur ríkissjóðs myndu þar við aukast => þú yrðir þá betri og traustari skuldari. 

Mikið hefði það verið gott fyrir heiminn allan ef embættismenn Brussels og elíta Evrópusambandslanda hefði verið fær um að læra eitthvað af fortíðinni. Og af nógu er að taka í þeim efnum hér í Evrópu. Þvílíkur Frankenstein fjármála sem þetta myntbandalag er að verða.

Slóðir: WSJ; The Gold Standard and the Euro Zone | Stjórnmálamennirnir hafa búið til fjármálalegan Frankenstein í Evrópusambandinu

 

Fyrri færsla

 

Grikkland hringir í Alþjóða Gjaldeyrissjóðinn - hjálp, evran er að drepa okkur 

 

Grikkland hringir í Alþjóða Gjaldeyrissjóðinn - hjálp, evran er að drepa okkur

Evruskjól Jóhönnu og Össurar skollið á í Grikklandi. 

IMF Statement on Greece Press Release No. 10/152 April 15, 2010 

Lönd Gjaldþrotabandalags Evrópusambandsins læra símanúmerið hjá AGS utanað

Grikkland hringdi í AGS í dag og bað um hjálp. Evran er að drepa þá.

Portúgal horfði á og lærði símanúmerið hjá AGS utanað. Bráðum þurfa þeir að hringja líka því evran er einnig að drepa þá. 

Spánn stóð á gægjum og fræddist um þessa símaþjónustu. Evran er líka að drepa þá. 

Írland sér nú algerlega eftir því að hafa skorið niður og lækkað laun á Írlandi því nú er hægt að leggjast í götuna, grenja og betla peninga hjá Olle Rehn. Evran er líka að drepa Íra.  

Olli Rehn hefur hafið fastar áætlunarferðir á milli PIIGS landa og vinar síns hjá seðlabanka Evrópusambandsins, herra Jean-Claude von And, sem í Þýskalandi er nú kallaðaur koss dauðans

Sá maður tekur við pappírum frá evruríkjum sem stunda píramída spil með ríkisskuldabréf.

Þau gefa ríkisskuldabréfin út til að fá peninga til að borga vexti á sífellt hækkandi lánum ríkisins. Þau eiga ekki sjálf fyrir vöxtunum.

Bankarnir kaupa þessi ríkisskuldabréf, leggja þau svo inn í seðlabankann hjá Jean-Claude von And og fá nýja peninga úr prentsmiðju ECB í staðinn.

Svo fara bankarnir með þá peninga og kaupa enn meiri ríkisskuldabréf og fara svo með þau aftur til ECB og fá enn meiri peninga, og svo koll af kolli. ECB fyllist hratt af skaf- og skiptimiðum. Þetta fyrirkomulag er kennt við peningamanninn Charles Ponzi (e. Ponzi scheme). Þýskaland borgar því þeir eru með AAA greiðslukort (eins og er)   

Á meðan hoppa Þjóðverjar af reiði en Brussel og ESB-Mafían segja kanslara Þýskalands bara að halda kjafti. Þjóðverjar krefjast nú að Deutsche Bundesbank hefji prentun á deutsch-mark á ný. Evran er að drepa Þýskaland. Þeir vilja fá alvöru peninga aftur. 

WSJ: Greece Requests IMF Talks

Fyrri færsla

Hvernig er að vera seðlabankastjóri á evru?

Hvernig er að vera seðlabankastjóri á evru?

 

 

Grillað hér? . . . ekki það nei

Sú hugsun féll að mér að það hljóti að vera ákaflega erfitt að vera bankastjóri seðlabanka Evrópusambandsins (ECB). Varla hefur harður evruandstæðingur verið ráðinn til þess starfs. Ekki er heldur hægt að hugsa sér að harður ESB-andstæðingur sitji þar við stjórnvölinn. Sá sem situr í sæti þessa seðlabankastjóra hlýtur að vera ákafur og stórhuga stórríkissinni. Annað gengi hreinlega ekki upp. 

Bankastjóri ECB hlýtur því að hafa mjög sterkan pólitískan vilja. Það verður hann að hafa því að öðrum kosti yrði hann að vera stórmenni eins og Mikhail Gorbachev, sem fórnaði stórríki sínu í þágu þegnana. Stórríki hans gekk ekki upp. Er bankastjóri ECB svona víðsýnn? Mun hann fórna myntinni sinni svo þegnarnir þurfi ekki að verða fátækir, fátækari og fátækastir vegna myntbandalags og myntar sem aldrei getur gengið upp. Þetta myntbandalag hefur verið, er ennþá  og mun alltaf verða stærsti og virkasti bremsuklossi fyrir hagvöxt og hagsæld þeirra landa sem búa við myntina. 

Sem betur fer hafði Moskvu aldrei dottið í hug sú heimska að hin sameinuðu ríki sósíalista (USSR) þyrftu að hafa eina sameiginlega mynt til að geta ekki virkað verra en þau gerðu svo vel í 70 ár. 

 

Á blaðamannafundi seðlabanka Evrópusambandsins í síðustu viku þótti sumum að bankastjóri ECB væri ekki alveg sjálfum sér líkur. Hann iðaði af óþægindum vegna þess að allt er ekki vel á myntekrum bankans. Reyndar er þar flest í flesk og steik. Grikkland, Spánn, Ítalía, Portúgal, Írland, Belgía og Þýskaland - plús ERM-löndin Lettland, Litháen og Eistland. 

 

ECB-bankastjórinn, Jean-Claude Vigliant Trichet, sagði á blaðamannafundinum að ríkisstjórnir landa evrusvæðis, sem er myntsvæði bankans, yrðu að lifa upp til "sinnar ábyrgðar". Hann átti auðvitað við að ríkin yrðu að bjarga Grikklandi og kannski fleiri löndum svo myntin hans myndi ekki hverfa. Engin mynt, engin vinna hjá ECB. Þá þótti sumum nóg um og veltu því fyrir sér hvað herra forseti Barack Obama hefði sagt ef Ben S. Bernanke seðlabankastjóri hinna sameinuðu ríkja Norður Ameríku hefði sagt honum að hann þyrfti að lifa upp til "sinnar ábyrgðar". Hvað hefði bandaríska þinginu þótt um svona fyrirlestur frá "óháðum" manni í banka. 

 

Málefnið um hvort það eigi að bjarga eða ekki bjarga ríkjum evrulanda frá ríkigjaldþroti með peningum frá skattgreiðendum í öðrum evrulöndum, getur aldrei fallið inn undir peningastefnu né umboð seðlabanka evrusvæðis. Hér var það stórríks- og evrupólitíkusinn sem talaði. Það var ekki seðlabankastjórinn. 

 

Já, þetta mál mun halda áfram lengi lengi og það verður mjög flókið allan tímann. Gott var að herra Trichet þurfti ekki að lenda á svona grilli eins og reglulega er notað til að grilla seðlabankastjóra Bandaríkjanna; Bernankie á grilli lýðsins a la Maxine Waters um daginn | Jean-Claude Trichet í síðustu viku | FT ECB theatre

 

Fyrri færsla

 

Davíð sagði og Davíð gerði

Davíð sagði og Davíð gerði

Þegar menntaðasta þjóð í heimi féll á barnaskólaprófinu 

Það sem stendur upp úr þegar þessi rannsóknarskýrsla hefur verið barin augum, er að miklu leyti þetta.

1) Davíð Oddsson gerði, Davíð Oddsson sagði. Þetta er nánast eini maðurinn sem gerði eða reyndi að gera eitthvað. Örugglega hafa fleiri góðir menn sagt og gert eitthvað, en raddir þeirra ekki komist að eða heyrst sökum titlaskorts eða þá vegna einokunar fjölmiðla og aumingjaskapar hinnar svínslélegu ríkisstofnunar RÚV. 

2) Allir hinir gerðu ekki neitt nema það að bankakerfið og þeir sem það áttu og stjórnuðu, keyrðu það og landið allt í þrot. Heimskingjar. 

3) Þetta gerðist á vakt 10 milljón hámenntaðra háskólamanna frá Háskóla Íslands sem og öðrum háskólum. Endalausir titlar titlar titlar titlar. Og endalaust ríkiseftirlit margfaldra Sovétríkjanna í tíunda veldi. Allt saman einskis nýtt og mun alltaf verða einskis nýtt því bankamenn heimsins verða alltaf 100 km á undan embættismönnum heimsins. Því þarf að láta bankana sjálfa um eftirlitið með sjálfum sér. Það þarf að byggja það inn í viðskiptalíkan bankanna. Það er hægt.

4) Samfylkingin er ekki stjórnmálaflokkur. Hún er apabúr og ætti að leita sér lækninga strax. Helst erlendis. Það sama þurfa sumir orða- og varamenn Sjálfstæðisflokksins að gera.  

5) Ísland er sennilega titlasnobbaðasta land í heimi.  

6 Þetta gerðist auðvitað allt saman á vakt fjölmiðla bankanna og greiningadeilda þeirra - og Baugsmiðlanna. Hvað annað?

Þeir sem ætla í framboð meiga helst ekki hafa próf frá háskóla framvegis. Það er alveg greinilegt.

Nú er þessu áhorfendahlutverki háskólamanna lokið í bili. En nýtt er þó tekið við og það heitir Evrópusambandið. Nú sitja háskólamenn með nýja hlustunarpípu á þæga þarmastólnum og láta mata sig á bulli einu sinni enn, með reverse thrusters frá Brussel Flying Fortress. 

Menntun var þá eftir allt saman ekki svona mikils virði eins og sagt var. Verst að það skuli ekki vera hægt að kenna fólki að hugsa því þá væri ekki neitt atvinnuleysi á Íslandi núna. 

Eitt er þó hægt að vera stoltur af. Svona skýrsla mun hvergi annars staðar birtast. Ekki í neinum öðrum löndum. Það er nefnilega allt svo rosalega gott í "öðrum löndum". Allt svo gott þangað til bankabækurnar opinberast í bankaþrotinu. Þess vegna er mörgum svo afskaplega annt um að bankar fari ekki á hausinn, því þá opnast maginn og óþverrinn flæðir út. Opinberast fyrir umheiminum. Þeir sem halda að þetta sé eitthvað betra í öðrum löndum ættu að hugsa sig um tvisvar.  

Smáauglýsing

Óska eftir hámenntuðu fólki til starfa í fjármálageiranum. Laun að vild. Allar nánari upplýsingar gefa ritstjórar Baugsmiðla. Pósthólf; VESALINGAR 101

ER þetta það sem koma skal?

 

Krona’s Anti-Euro Appeal Makes Sweden the Best Bet 

 

Er engin vörn né gagn í myntbandalagi Evrópusambandsins? Hvernig gat þetta gerst!

Um daginn var tilkynnt að það væri ódýrara að tryggja sænskar ríkisskuldir gegn greiðslufalli en þýskar ríkisskuldir. Ergo; markaðurinn segir að það sé betra að vera sænsk ríkisskuld í sænskum krónum en ríkisskuld allra landa í myntbandalagi Evrópusambandsins. Hvernig gat þetta gerst!

Þar áður var tilkynnt að ódýrara væri að tryggja danskar ríkisskuldir gegn greiðslufalli en þýskar. Nú er þessi styrkleika-veiki sem sagt líka hlaupin í sænsku ríkisskuldirnar. Ef Ísland hefði ekki verið með svona hrikalega ofvaxið og djarft bankakerfi hefði þetta hugsanlega getað átt við um skuldir íslenska ríkisins núna. En því miður: Íslandsálagið fræga breyttist í bankaálagið. Við skulum ekki minnast á Voldemort þetta meira. 

En hvað gerir smærri lönd eða ríkissjóði þeirra að góðum skuldurum? Hvað byggir grunninn undir greiðslugetu svona landa, þ.e. lánstraust þeirra? Jú það eru skattatekjur ríkissjóðs. Þær meiga helst ekki þorna upp því þá eyðileggst greiðslugetan=lánstraustið. Það gerist miklu frekar í löndum sem eiga erfitt með atvinnusköpun. Tekjur ríkissjóðs koma frá atvinnu. Þær falla ekki af himnum ofan. Og lönd sem eiga erfitt með atvinnusköpun eru lönd sem ráða ekki yfir eigin gjaldmiðli og vaxtastigi og sem geta ekki varið sig gegn áföllum. 

Skilgreining: greiðslugeta; það er það að geta borgað lán til baka með vöxtum og staðið undir skuldbindingum. Til þess þurfa lönd að hafa tekjur. Engar tekjur = engin greiðslugeta = ekkert lánstraust. Tekur smærri landa undir evru þorna frekar upp og þau eiga frekar á hættu að fara í þrot. Þess vegna verðlaunar markaðurinn Svíþjóð. Tekjur Svíþjóðar munu ekki þorna upp undir krónu. Og Danir GETA ýtt á eject hnappinn og rifið sig lausa úr evrubindingu. Þetta veit markaðurinn. 

EN; markaðurinn veit líka að á sama tíma þarf einnig vera til staðar góð ríkis-stjórnun. Það þarf alls staðar, sama hvað myntin heitir. En góð ríkisstjórnun getur samt ekki bætt upp vandræðin sem koma þegar lönd skortir sjálfstæða mynt og eigin peningapólitík. Það getur enginn hlutur bætt upp. Það vitum við núna. Bloomberg | Børsen | FT/Alphaville | WSJ

 

Grikkland varð varnarlaust land árið 2001

Frá þeim degi sem Grikkland kastaði Drachma myntinni sinni fyrir róða og tók upp evru hefur landið eðlilega verið leiksoppur ákvarðana manna í öðrum löndum fyrir önnur lönd. Frá árinu 2000 hefur verðbólga í Grikklandi ekki fallið inn undir einnar-skóstærðar peningapólitík þess seðlabanka í Frankfurt sem stýrir verðinu á peningum í Grikklandi. Ekki eitt einasta ár frá árinu 2000 til 2010, nema kannski eitt ár, þ.e. hugsanlega árið 2009.   

 

September 2007: Now as of the turn of the century the Bank of Greece effectively lost control over monetary policy, as a zone-wide rate of interest was applied from the ECB. One of the impacts of this policy has been - as we can see in the chart below - that Greece has not for a single year since the introduction of the common currency had an inflation rate which falls within the ECBs much vaunted 2% target.

 

 

Hver skyldi árangurinn af þessari utanaðkomandi peningapólitík í Grikklandi vera? Hvaða áhrif hafa neikvæðir raunstýrivextir frá árinu 2001 til 2007 haft á efnahag Grikklands? Jú nú blasir þetta við okkur. Efnahagur landsins er í rúst. Það er orðið ósamkeppnishæft. Eins og á Írlandi þar sem það sama gerðist. Sagan er líka sú sama á Spáni og ef til vill í fleiri löndum Suður-Evrópu. Neikvæðir raunstýrivextir virka. Þeir sprengja lönd í loft upp.  

 

September 2007: This situation, however, does seem to be rather inbuilt into a one size fits all monetary policy. I reproduce below, courtesy of the kind data collection efforts of the bank of Greece, a chart comparing the overnight Eonia loans rate offered by the bank (which is effectively the ECB refi rate plus a few BPs) with the Greek CPI on a monthly basis since January 2001. As will be seen the rate dropped below the Greek CPI in early 2002(hardly an advisable state of affairs for a country with an inflation problem and a twin deficits one) and effectively remained there till the late summer of 2006. The big question is, what is the long term consequence of such a long period of above capacity growth? (Edward Hugh - The Greek Economy Under The Microscope)

 

 

Fyrri færsla

 

Búlgaría hættir við evru-upptöku. Er orðin hrædd eftir evru-upplausn Grikklands [uppfært] 

 

Búlgaría hættir við evru-upptöku. Er orðin hrædd eftir evru-upplausn Grikklands [uppfært]

 

Der Todeskuss von Frankfurt  

 

Ríkisstjórn Búlgaríu hefur hætt við evru-upptöku og viðurkennt að hafa logið til um fjárlagahalla. Nú þora þeir ekki lengur að ganga í Skulda- og Gjaldþrotabandalg Evrópusambandsins.

 

Lánshæfnismat Grikklands var einnig lækkað enn frekar í dag og er nú hið sama og hjá ríkissjóð Búlgaríu og Panama.

(uppfært) Eftir að hafa skert lánshæfnismat gríska ríkisins um tvö tíu vatta Samfylkingaröryggi skar Fitch líka niður pottþéttu evruvörn gríska bankakerfisins og var ástæðan sögð sú að bankakerfi Grikklands á heima í evrulandi sem er að fara á hausinn. Það er því nú í ruslinu (BB).       

 

Nú byrjar hugsanlega söguleg helgi í gjaldþrotabandalagi Evrópusambandsins. Grikkland er aðeins einu símtali frá AGS - og einni evruupptöku of langt.

 

Þjóðverjar segja að "koss dauðans" hafi sest að í aðalstöðvum seðlabanka Evrópusambandsins í landi þeirra í borginni Frankfurt. Mynd af brennandi 50 evru seðli birtist á forsíðu dagblaðs þar í landi. Mynt Þjóðverja er nú ónýt, segja þeir. Koss dauðans heitir Jean-Claude Trichet sem er evrupólitíkus stórríkisdraumalandsins Frakklands - og nú seðlabankastjóri gjaldþrotabandalags Evrópusambandsins.   

 

Mr Steingart concludes: ”For his predecessors, the line to follow was that of Otmar Emminger, the former Bundesbank president. ‘Those who flirt with inflation, will become married to it’. Trichet yesterday kissed it. For the spirit of the Bundesbank, this kiss was deadly.

 

 

 

 

 

Handelsblatt

FT