Gott ráð til fjárfesta í ríkisskuldum evrusvæðis

 

Mynd: vaxtakostnaður ríkissjóðs Grikklands, 5 ára ríkisskuldabréf - Bloomberg 

 

Mín skoðun

 

Jæja, eftir að forsætis- og fjármálaráðherrar evrulanda hafa gefið út þá yfirlýsingu að þeir ætli að útbúa c.a 30 miljarða evru lánapakka sem muni hugsanlega standa ríkissjóði Grikklands til afnota nú þegar Grikkland siglir sennilega inn í evru-ríkisgjaldþrot, þá ættu fjárfestar vinsamlegast að hafa eftirfarandi í huga;

 

Frá og með nú vitum við að hjá gríska ríkinu getum við fengið ca. 7-8% ávöxtun á peningum okkar. Af hverju ættum við þá að vera að kaupa ríkisskuldabréf af ríkissjóði Þýskalands með 3% ávöxtun þegar við vitum að við getum fengið 7-8% hjá ríkissjóði Grikklands og að ríkissjóður Þýskalands og annarra evru-landa muni ofaní kaupið ábyrgjast að við fáum peningana okkar greidda til baka frá gríska ríkinu?

 

Ef við ættum að halda áfram að kaupa skuldir af ríkissjóði Þýskalands þá verða þeir að bjóða okkur betri ávöxtun en þetta, því nú getum við bráðum fengið "þýskar ríkisskuldir" hjá gríska ríkinu á 7-8% ávöxtun. Er þetta ekki frábært?  

Er það ekki einhvern veginn svona sem menn hugsa? Það myndi ég gera. Ef þetta er rétt þá mun þetta þýða að vaxtakostnaður ríkissjóðs Þýskalands mun bara hækka og hækka í takt við hversu mörgum gjaldþrota löndum evrusvæðis mun verða staflað upp á framfærslubyrði hans.

 

Ef þetta verður reyndin þá munum við í orðsins fyllstu merkingu getað talað um gjaldþrotabandalag Evrópusambandsins - og þá undir ónýtri mynt.

 

Fyrri færsla

 

Einsdæmi: farið var á bak við Þýskaland í málefnum myntbandalagsins 

Athugasemdir

[Jón Steinar Ragnarsson, 20.4.2010 kl. 15:52]

Utan þessa, þá langar mig að benda á grein Jóhannesar Bjarnar á vald.org, þar sem hann ræðir skilyrði þjóðverja og frakka fyrir aðstoð við grikkland. Hergagnakaup! Kafbátar freygátur og þyrlur. Þá ætla þeir að sjá auman á þeim.