Leita í fréttum mbl.is

Sovétríki Samfylkingar í upplausn. Vinstri grænir glotta

Á meðan Brussel brennur. 

Evrópusambandið riðar og skelfur

Þetta er alltaf alveg að koma. Alltaf handan við hornið. Bara ef við fáum sameiginlega bolla, sameiginlegar könnur, salerni, rúm, mynt, landhelgi, lofthelgi, löggjöf, dómstóla og endalaust hitt og þetta. Þetta er alltaf að reddast. Alveg að koma. Á meðan Brussel er að redda þá leggst Evrópa í Blaupunkt öndunarvél í vesturbæ kratverja. Aðeins í vesturbænum eru ennþá til peningar.

Það eina sem vantar upp á til að Brussel geti reddað þessu, er nýtt fólk í Evrópu. Það býr nefnilega vitlaust fólk í Evrópu. Það passar ekki við Sovétríki Samfylkingarinnar. Ekkert af þessu er nýtt. Þetta er gömul reynsla. Hún virðist þó vera ný fyrir sumum.

Eins og sjá má keyrir evrópska tilraunastofan ennþá á fullu. Fyrst var það marxismi, kommúnismi, nasismi, fasismi og nú síðast ESB'ismi. Samfélagslegir Frankensteinar eru ennþá made in Europe

Sovétríki Vinstri grænna fóru sömu leið

Þau eru dauð, svona næstum því. Vinstri grænir glotta nú og flissa að barnalegum óvitaskap Samfylkingarinnar. Þeir hafa reynsluna. Reynslu af því að trúa of létt á nýja hugmyndafræði. En hafa þeir sjálfir lært algerlega af reynslunni? Eg leyfi mér að efast. Steingrími er tíðrætt um hugmyndafræði þessa dagana. Hver veit hvað er í bígerð á þeim bæ. 

Engin evra handa Eistlandi?

Hagfræðingurinn Edward Hugh segir frá stóru og frekar skyndilegu spurningarmerki við aðgengi Eistlands að myntbandalagi Evrópusambandsins. "Ekki svona hratt" hefur hann eftir eistlenska blaðamanninum Mikk Salu. Sá hefur hins vegar eftir "áreiðanlegum heimildum" að á síðasta lokaða-fundi málfundarfélags málefna myntbandalagsins í ESB þinginu (Economic and Monetary Affairs Committee of the European Parliament) hafi viss Stark-þýskur stjórnarmaður seðlabanka Evrópusambandsins verið viðstaddur og sagt að Eistland færi ekki inn í myntbandalagið. Punktur hér: EH

Rúmenía hættir við evruupptöku, í bili, segja þeir kurteislega

Seðlabankastjóri Rúmeníu, Mugur Isarescu, sagði að Rúmenía muni líklega salta það að sækja um inngöngu í myntbandalag ESB. Það er m.a. verbólga sem dregur fyrir möguleika Rúmeníu á að fara inn í tveggja ára biðstofu ERM II pyntingarklefa Evrópusambandsins. Seðlabankastjórinn segist ekki hafa getað farið á veitingahús síðastliðin tvö ár því hann fái engan frið fyrir fólki sem spyrji sífellt á hvaða gengi Rúmenía fari inn í evru. Í síðustu viku var það Búlgaría sem tilkynnti það sama; EA

Hvenær skyldi trúarráð Samfylkingarinnar taka sönsum í bili?

Fyrri færsla

Urmull Jónsson félagsmaður vill læra hvernig á að halda atvinnuleysi himinháu í marga áratugi á Íslandi eins og í Finnlandi 


« Síðasta færsla | Næsta færsla »

Athugasemdir

1 Smámynd: Júlíus Björnsson

Seðlabankastjórinn segist ekki hafa getað farið á veitingahús síðastliðin tvö ár því hann fái engan frið fyrir fólki sem spyrji sífellt á hvaða gengi Rúmenía fari inn í evru

Þetta hugtak þarf að upplýsa sauði samfylkingarinnar hvað merkir.

58 þúsund dollar á haus verða 32 þúsund og fara upp í 36.000 eftir formlega efnahagsleg undir eða yfirtöku. Stöðugleikan í framhaldi.

Eru meiri gjaldeyrishöft en sauðir samfylkingarinnar þekkja hingað til.  

Júlíus Björnsson, 22.4.2010 kl. 23:50

2 identicon

99,95% af dönsku krónunni

Þetta er virkilega góð færsla hjá Guðbirni og lýsir hug okkar Evrópusinna vel.

Þetta er afleiðing pilsufaldakapitalisma og því að hafa ekki kjark til þess að hafa almennilega hagstjórn. Þinn hugur til hagstjórnar kristalast í orðunum "að fara inn í tveggja ára biðstofu ERM II pyntingarklefa Evrópusambandsins". Það er svo frábært að geta gjaldfellt verðmæti annarra til að bjarga klúðri í hagstjórn klúðrar. Láta almúgan borga fyrir skussa hátt ríkisbubba.

Eins og Hannes Hólsmsteinn Gissurarson orðaði af tærri snilld "Með öllum sínum óköstum var íslensk króna fljótvirkasta og friðsamlegasta tækið til að laga hagkerfið að nýjum aðstæðum. Með gengisfalli krónunnar voru laun snarlækkuð án blóðsúthellinga. Almenningur fékk skýr skilaboð um það, að hann yrði að spara og beina kaupum sínum frekar að innlendri vöru en innfluttri. Þessi skilaboð hefðu ekki borist eins greiðlega um hagkerfið, hefðu Íslendingar notað evru í stað krónu".

Sagði maðurinn sem talaði fjálglega um ísland sem alþjóðafjármálamiðstöð. 

Hvernig nær íslenskur almenningur að vernda sig fyrir hagstjórnar vitleysingum eins og Hannesi, Davíð, Geir og fleirum sem þykjast allt vita en skilja svo eftir allt í rúst.

Mitt svar felst í úthýsingu, af hverju reyna að gera eitthvað sem aðrir gera mikli betur? Þjóðverjar, Frakkar og Benelux eru miklu betri í hagstjórn en við íslendingar (sama á við Dani, en þeir einmitt eru í ERM II). Íslendingar eru góðir í framleiðslu á matvælum, tækjum til matvælaframleiðslu, þjónustugreinum og margt fleira. En hagstjórnun er nokkuð sem hefur reynst okkur ofviða, því er best að fá aðra í það. Því íslensk grútarhagfræði hefur ekki og mun ekki ganga upp. Sama hvað þú heldur að aðrir séu mikil fífl. 

Magnús Bjarnason (IP-tala skráð) 23.4.2010 kl. 11:24

3 Smámynd: Haraldur Baldursson

Þessi pæling um algera sameiningu Evrópu er svolítið fyndin. Þetta minnir mig á þá ágætu setningu félaga míns frá unglinsárunum "Ef allir hefðu sama smekk, þá væru bara ég og Bo Derek á föstu"  Bo Derek var þáverandi skilgreining á hinni fullkomnu konu (meira segja búin til kvikymd um hana sem hét 10). Skýring félga míns var sú að þá myndu allir karlmenn kjósa hana og allar konur hann sjálfan.

Þó þetta sé nánast óskylt, þá kemur þetta inn á það að við föllum ekki öll í sama steypumót, sem betur fer. Tilraunir ESB öfgamanna ganga í þess átt og munu mistakast.

Varast ber 3-stafa skammstafanir !

Haraldur Baldursson, 23.4.2010 kl. 11:24

4 Smámynd: Haraldur Baldursson

Varðandi færslu Magnúsar...

Þjóðverjar, frakkar og Benelux löndin eru svo rosalega flink í hagstjórnarþekkingu sinni að þeim er að takast að loka fyrir barnseignir. Í það minnsta er þeim að takast að fækka þeim svo ískyggilega að aldursskiptingin er að verða þeim gríðarlegur vandi.

Framtíð okkar felst í börnum og fleiri börnum, lærum af ESB löndunum og keyrum í hina áttina.

Haraldur Baldursson, 23.4.2010 kl. 11:29

5 Smámynd: Júlíus Björnsson

Íslendingar eru góðir í framleiðslu á matvælum, tækjum til matvælaframleiðslu, þjónustugreinum og margt fleira.

Fiskmeti, grænmeti, kjötmeti í heilu og á fyrsta vinnslu stigi fellur undir sameiginlegan kvótastýrðan, verðlistaðan grunn allrar samkeppni EU á sviði tækni og fullvinnslu.  Gæða mælikvarði EU, lítill tilkostnaður. Til að halda kostnaði tækni og fullvinnslunnar í lágmarki. Til að halda framfærslu kostnaði heildarinnar í lágmarki. Til að halda launakostnaði í lágmarki. Til að auka vaxtagetu ofurrisaiðjufyrirtækjanna. Til auka hagnað hluthafa fjárfestanna, það er lánadrottnanna.

 Ísland er viðurkennt hafa minnkað tilkostnað við væntanlegan fiskmetisgrunn EU með ágætum. Hinsvegar gætu þjóðverjar örugglega ef þeir stjórnuðu hér beint gert enn betur.

Gæði skipta litlu máli fyrir 80-90% almenning heimsins frekar má tala um þyngd í innkaupa körfu í hverju landi fyrir sig.

Allur kostnaður sem alltaf [í góðeyrum og í kreppu] er hægt að selja eykur höfuðstól ávöxtunarvaxtanna.

Þetta er uppstaðan sem borgar innri þjónustu sjálfsábyrgra efnahagsríkja eins og í EU.

Gæði þjónust flestra ríkja er í réttu hlutfalli við þjóðartekjur og haus.

Lágmarksverða grunnvarnings útflutningsríki bjóða ódýrustu þjónustuna og gæði í samræmi þar sem grunnvarningur skilar hlutfalls lega minnstum tekju afgangi.

Segjum hráefni kostar 10 kr kg.  1 vinnslustig kostar 20 kr. Fullvinnsla 40 kr.   Heildsali 80 kr og smásali 160 kr.

Ef ávöxtunar er 5% þá er hún 50 aurar á hráefniskíló en 8 kr á smásölu kíló.  Þótt hundraðhlutinn sé alltaf sá sami, þá  er 8 kr 1600% hærri gróði í evrum.

Þjóðverjar kunna hagstjórn og einbeita sér að tækni og fullvinnslu. Enda í bullandi alvöru þannig gæða samkeppni.

Þeir græða á hagstjórnum sem tryggja þeim sem ódýrastan grunn. Því ódýrari því betri teljast þessar hagstjórnir vera.

Eini viðurkenndi megin gæða mælikvarði þroskaðra þar með ráðandi efnahagstjórna heimsins eru þjóðartekjur og sér í lagi þjóðartekjur á haus.

Íslendingar teljast ekki almennt á alþjóðamælikvarða samanborið við önnur sérhæfð hráefninis og orku útflutningsríki vera í ódýrari kantinum. Hér má því fjárfesta mikið af þroskuðu ríkjunum.

EU setur grunn efnahagsreglur eða samkeppni reglur sem eiga að gilda á öllum sjálfábyrgum mörkuðunum hverrar efnahagseiningar það er Meðlima-Ríkis sem öllu eru í samkeppni að auka sínar innri tekjur til að auka evrukvótann í umferð hjá sér og virðingu annarra EU ríkja.

Magnið í kílóum skiptir almenning og vanþroskuð ríki öllu máli. Kemur það vel út fyrir þau þroskuðu.

Sérhver sjálfábyrg efnahagseining getur eftir innleiðingu sameiginlegu reglana áfram sett sínar innri samkeppni reglur með því skilyrði að öllu þátttöku fyrirtæki hinna Samkenni Ríkjanna um innri þjóðartekjur sitji við sama borðið, skattalega og þjónustulega og kvótalega ,...

EES innheldur þetta frelsi og það heldur áfram eftir innritekjur lækka hjá Íslendingum.

Þess vegna spyr ég hvers vegna er ekki búið af afnema neysluvístölu einokunar lögin frá 1982 á öllu útlán áður en útlendingar koma inn í samkeppnina hér. Taka aftur upp Mortgage eða Hypotek útlánsform hvað varðar íbúðakaup launafólks sem gilda samkvæmt alda venju allstaðar annarstaðar en á Íslandi?  

Þótt Bankarnir hafi stolið sparmerkjum mínu og sparifé afa og ömmu.  Þurfti þá að innleiða lög sem gerðu þeim kleyft að stela lífeyrissparnaði mínu og fullgreiddum hluta  veðskuldar hlut í % af íbúðinni minni.

Útlendingar hafa ekkert á móti því að vinna inn á  samkeppni mörkuðum í fjarlægu landi þar sem þetta er skylda samkvæmt lögum og gildir almennt um alla þátttakendur óháð uppruna Meðlima-Ríki.

Fyrir 1982 voru sparifé og  sparimerki í vörslu banka. Launafólk fékk mortgage og hypotek lán hjá sínum lífeyrissjóði eða húsnæðismálasjóða Ríkisins. Þannig mótaðist tilfinning hér hvað verðtrygginguna á þessum útlánum merkti og er hún sú sama og erlendis þótt lánsformin hér sér lengur í allgjör mótsögn almennt við þau erlendu með einokunarlögum.

Í heildina stækkuðu allir samsettu sjóðirnir hvers banka . Og sparifjár innláns sjóður Jón á eyrinni er hlutafallsleg lítill í samanburði við heildar innlán.

Á lygin aldrei að stoppa.

Efnahagstjórnunarbullið er að mati þroskað  alþjóðasamfélagsins  hvað varðar almenna neytendur bull, það segir líka mikið um vita neytenda á Íslandi um þroskuð efnahagsmál almennt.

Miðstýring í EU er eftir Lissbon ríki út af fyrir sig undir yfiráðum  hæfs meirihluta þar af leiðandi mun sá meirihluti innihalda ráðandi þroskuð ríki. 

Hún hefur það eina takmark að tryggja hámarksgróða af öllum Meðlimunum í lokuðu innri samkeppninni gagnvart Kína til dæmis. Af sjálfsögðu gilda sér reglur um sérstök ríki.

Þjóðverjar geta kennt okkur að flytja út bestu bitana af skepnunni til Frakklands í skiptum fyrir ódýrari bita af skepnum Frakka.  Þá eykst kaupmáttur hér og húsnæði verður traustara og veðhæfara, staðgreiðslu kaupmáttur vex gagnvart öðrum ríkjum.  Þeir geta kennt og þjóðernislega samstöðu, sem tryggir velgengi í lokuðu EU samkeppninni. 

Þeir geta hinsvegar ekki skyldað okkur til að þroskast og það er ekki sérlega greindarlegt að styrkja samkeppnisaðila á eigin kostnað.

Júlíus Björnsson, 23.4.2010 kl. 15:26

6 Smámynd: Gunnar Rögnvaldsson

Þakka ykkur fyrir innlitið 

Þess er hægt að geta hér að virði Bandaríkjadals hefur fallið um 95% gagnvart nokkrum gjaldmiðlum heimsins síðan dalur var tekinn af gullfæti.  En síðan hvenær hefur gengi gjaldmiðla sýnt eitthvað um hagsæld í löndum? Malta átti lengi vei hæst metna gjaldmiðil í heimi. Gagnaðist hún Matlverjum eitthvað? Nei. Ekki betur en það að þeir hentu henni og tóku upp annan gjaldmiðil sem er að hverfa núna og sem féll álíka og krónan árið 1999-2001 eða um 30%. En Möltubúar eru eftir sem áður jafn fátækir og þeir voru. 

Það er ansi merkilegt hversu ríkir Bandaríkjamenn hafa getað orðið á 5 prósentunum.

Á meðan Íslendingar fengu 85% kaupmáttaraukningu á syðstaliðnum 15 árum fram til ársins 2009 þá fengu Þjóðverjar 11% og Danir 30%.

En nú er semsagt kreppa á Íslandi. En krónan okkar vinnur dag og nótt við að lækna kreppuna. Svo munu betri dagar koma með ný blóm í haga.  

Ísland gæti alveg orðið alþjóðleg fjármálamiðstöð ef menn hafa áhuga á því. Það eina sem til þarf er að halda sig utan við ESB og gera eins og Sviss; varðveita peninga fólks í erlendri mynt. Svo þarf líka að hugsa smávegis.

Ástæðan fyrir því að Finnland náði sér sæmilega á strik eftir kreppuna 1991 var sú að gengi finnska marksins var fellt massíft og þeir yfirgáfu EMS gengisbindinguna þann 8. september 1992. Þá fyrst fór ástandið að lagast. Gengisfelling bjargaði Finnlandi. Það var ekki ESB sem gerði það. En ESB innsiglaði hátt atvinnuleysi í Finnlandi um aldur og æfi því evran hindar atvinnusköpun. 

Atvinnuleysi í Finnlandi og á Íslandi frá 1980 til 2011 (2010 og 2011 er spá AGS)

 .

Gengi nokkurra gjaldmiðla miðað við Finnska markið 1990-1999

Gunnar Rögnvaldsson, 23.4.2010 kl. 16:56

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband