Brennið þið eignir og brennið þið launin

Nú hefur Evrópusambandinu tekist að endurskapa grunninn að 1930-aðstæðunum á meginlandi Evrópu á ný

Í verðbólgu vilja allir bara eiga eignir. Enginn vill eiga peninga eða óverðtryggt fé. Bankar lána þá frekar og gleðilegra út úr hirslum sínum, því þeir vita að peningarnir eru betur komnir í eignum og atvinnusköpun, en heima í banka. Eignasöfn bankanna hafa það gott því veðin verða meira virði. Þau tapa að minnsta kosti ekki verðgildi sínu, svo lengi sem atvinnustigið þurrkar ekki út lánstraustið til landsframleiðslunnar, sem að hluta til er pantsett fyrir erlendum lánum ríkissjóðs

 

Hófleg verðbólga er merki um líf. Merki um að eitthvað sé að gerast í hagkerfinu, sé pening hent út í það. Að það myndist bylgjur í vatninu þegar steini er í það kastað; að dýnamíkin virki. Að hagkerfið sé ekki frosið eða jafnvel ríkisvætt í hel

Örvæntingarfull stýrivaxtalækkun ECB-sogrörsseðlabanka Þýskalands ofaní allt evrusvæðið og ERM-lönd í síðustu viku, er eitt stórt neyðaröskur yfir því að 1930-tilvistarkreppa evrusvæðisins sé nokkuð hærra gengin í stigmögnunarfasa sínum en menn létu sig halda (e. escalating existential crisis)

Þessi ákvörðun um lækkaða stýrivexti var neyðaröskur í myrkrinu innan úr apabúri evrunnar, þar sem verðhjöðnun er orðin útbreidd og breiðir sífellt meira og meira undirliggjandi úr sér í fjármálakerfum myntsvæðisins

Bankarnir á evrusvæðinu grafa á fullu í sundur peningasvæði evrunnar samkvæmt 1914-reglunum um skotgrafir meðfram landamærum ríkja þar sem aðrsemi og ávöxtun er úr þeim horfin. Það gera þeir með því að loka e. cross-border-lending peningasvæðis-landamærum sínum og hrúga eingöngu að sér glommum af fé niður í kjallara sína og útlána engum neitt. Þetta gera þeir til að mæta í kjöllurum sínum þeim eignabruna sem orðinn er -og sem sífellt meiri verður - og sem gerir þar með veðin þeirra sífellt verðminni, samstíga því að verðhjöðnunin flettir greiðslugetunni ofan af óttasturluðum lántakendum, sem bæði eru launþegar og atvinnurekendur, og sem fá minni og minni laun í minni poka sína, til að borga með þeim stærri og stærri skuldir, af verðminnkandi eignum, með þessum lægri launum og ónýtri arðsemi í pokanum.

 

Enginn vill í dag kaupa það sem á morgun verður ódýrara og svo koll af kolli. Eignir launþega og fyrirtækja og þar með sjálf veð bankanna brenna upp og smám saman kvikna hinir gömlu og eðlislæga rotnu eldar elda út um alla Evrópu. Þetta tókst. Evran virkar! Geðbilun ESB er þingupplýst! Hún logar!

Hafa menn því nú hafið umræður um að þjóðnýta öll bankakerfin í öllum löndum evrusvæðisins, samtímis. Gefum Daniel Gros orðið. Svo er bara beðið eftir . . tja . . þið vitið eftir hverju: Andsvarinu!

 

 

Til hamingju NSU; New Soviet Union

Og til hamingju EMMA; European Monetary Madness Area

 

Brennið þið eignir og brennið þið launin

 

Fyrri færsla

 

"Germany Is a Stealth Currency Manipulator"

 

"Germany Is a Stealth Currency Manipulator"

================

================

 

Germany Is a Stealth Currency Manipulator

Clyde Prestowitz var viðskiptaráðherra Ronalds Reagan Bandaríkjaforseta. Hann hefur ritað grein í tímaritið The International Economy, sem ber þessa yfirskrift hér að ofan: Þýskaland er ósýnilegur eða falinn gjaldmiðils- og gengissvindlari. Um sýndargengi sýndargjaldmiðils Þýskalands.

 

Þetta falsaða peninga- og gengisfyrirkomulag gerir Þýskalandi kleift að bæta samkeppnisaðstöðu sína á svikinn hátt, með því að ríða um veröldina á bökum annarra evruríkja:

"It improves its competitive position and export performance at the expense of its eurozone partners."

- By Clyde Prestowitz

 

Krækja á grein Prestowitz á PDF-formi: er hér

 

Hér heima 

 

Árið 2010 skrifaði ég um þetta mál undir yfirskriftinni "Dönitz mynt Evrópusambandsins er hættulegur rekaviður" -sem er hér - og einnig kom ég sem oftar inn á þetta sama mál í ágúst 2013, undir yfirskriftinni; Myndarlegur afgangur, virkilega? - sem er hér

 

Í Þjóðmálum veturinn 2010/11 í greininni "Áhlaupið á íslensku krónuna", kem ég inn á þetta sama mál og inn á mikilvægi fullveldis þjóðríkja í peningamálum;

 

"Frá því að fjármálakreppan skall á í byrjun 2008 hefur Þýskaland fellt innra gengi sitt miðað við önnur lönd myntbandalagsins um heil 6 prósent. Og nú krefst Þýskaland þess að hin löndin bjargi sér úr ógöngum sínum í myntbandalaginu með því að gera það sama og Þýskaland hefur gert; lækka laun og skera niður kostnað. Og hvað halda menn svo að Þýskaland geri ef svo ólíklega skyldi vilja til að hin löndin nái sér niður á þýskt launa- og kostnaðarhlutfall? Jú, Þýskaland mun þá bara lækka laun og kostnað enn meira hjá sér og draga þannig enn meira úr eftirspurn innan myntbandalagsins. Þetta er skrúfa án enda og frekar kapphlaup niður á botn samfélagsins en allt annað. Löndin í myntbandalaginu eru komin inn í vítahring. Það eina sem lönd eins og Þýskaland skilja er gengisfelling beint í andlitið. Löndin, sem eru í myntbandalagi með Þýskalandi, munu aldrei geta keppt við það án sinnar eigin myntar. Í þýskri þjóðmenningu þýðir hugtakið ábyrgð aðeins eitt; sparnaður. Hann liggur djúpt og dýpra í þýsku þjóðarsálinni en hjá flestum öðrum þjóðum.

 

Þýskaland myndi svelta sig til að viðhalda samkeppnishæfni útflutningsgreina landsins. Vert er að minnast þess að meira en helmingur þýskra kjósenda eru orðinn sextugur eða eldri. Í öldrunarhagkerfi eins og því þýska hefur neysla þjóðarinnar að miklum hluta þegar farið fram og þjóðinni fækkar hratt vegna lítilla barnsfæðinga áratugum saman. Þetta er gjörólíkt því sem Íslendingar eiga að venjast. Hvað ætti Ísland að gera með mynt, peningapólitíska stefnu og stýrivexti eins stærsta ellihagkerfis heimsins? Það sama á við um Íra. Þessi tvö hagkerfi eru gjörólík því þýska. Ég endurtek: það eina sem lönd eins og Þýskaland skilja er gengisfelling." 

 

Alla greinina "Áhlaupið á íslensku krónuna"

má í heild lesa á vefsetri mínu hér

 

Fyrri færsla

 

Sprota-fyrirtæki evrusvæðis og ERM-landa í svitabaði

Svitasprottin sprota-fyrirtæki evrusvæðis og ERM-landa

 

John Plender, Financial Times 5. nóvember 2013: This problem is in turn heightened by the fragmentation of the eurozone since the financial crisis. In the weaker countries bank funding costs are now higher and a combination of weak growth, balance sheet strains and increased credit risk has pushed up retail interest rates. So while the ECB’s policy rate appears low, the monetary transmission mechanism is not working properly. Small business, which ought to be innovating and generating jobs, ends up being starved of credit. This monetary malfunction is more damaging in the eurozone than it would be almost anywhere else in the developed world because so much of non-financial corporations’ debt financing takes place through the banking system rather than through bond markets | Krækja

 

Í veikum löndum evrusvæðis —en öll lönd evrusvæðis eru mjög veik, því þau geta hvorki látið myntina evru endurspegla fullkomleika né ófullkomleika hagkerfa sinna— er fjármögnunarkostnaður bankakerfanna hærri og smitar sú staðreynd af sér út í efnahagsreikninga fjármálafyrirtækja, sem síðan smitar af sér hækkuðum útlánavöxtum út til atvinnufyrirtækja

 

Þannig að á meðan peningapólitískir vextir ECB-seðlabankalings Evrópusambandsins virðast lágir, þá gagnast það ekki atvinnufyrirtækjum, því hin peningapólitíski gírkassi peningakerfis evrunnar er brotinn (e. monetary transmission mechanism). Það þýðir svo það að peningakerfið er ófært um að flytja afl peninganna út í fjármálakerfin á evrusvæðinu

Lítil fyrirtæki á evrusvæðinu sem ættu að vera önnum kafin við að sinna sjálfum stofntilgangi sínum, sem er að vera það sem nú kallast "sprota-fyrirtæki" og sem ættu að vera að skapa atvinnutækifæri fyrir fólkið í löndum sínum, eru ófær um að gegna þessum stofntilgangi bæði eigenda og stofnenda þeirra

 

Þau fá ekki lán úr fjármálakerfunum á evrusvæðinu því fjármálakerfið er svo óheppið að eiga heima í peningakerfi sem virkar ekki. Það virkar ekki af því að það er og heitir evrukerfið, sem er með brotinn gírkassa og mun því ekki knýja nein hjól atvinnulífsins til neinna staða, nema til eins; helvítis. En þangað er allt evrusvæðið á leiðinni. Lítil fyrirtæki og svo kölluð sprotafyrirtæki eru því í algeru fjármagnssvelti

 

 

Mynd DST; fjöldi gjaldþrota fyrirtækja á mánuði í Danmörku frá 1979 til 2013

 

Tæplega tvö þúsund hlutfélög fóru í til dæmis þrot á Spáni á síðustu þrem mánuðum og eru það 10 prósent fleiri fyrirtæki en á sama tíma á síðasta ári. Á síðustu 12 mánuðum fóru 24 prósent fleiri fyrirtæki þar í þrot en árinu áður. Þetta er dramatískur vöxtur. Gjaldþrot í Danmörku eru um þessar mundir einnig í miklum vexti þannig að 524 fyrirtæki fóru þar í gjaldþrot í október 2013

Þessi heila- og vélarbilun peningakerfisins á evrusvæðinu er meira skaðleg löndunum þar en alls annars staðar í veröldinni, því flest atvinnufyrirtæki (e. non-financial firms) hafa engan aðgang að skuldabréfamarkaði á evrusvæðinu, því hann er dauður (ABS). Þau eru því algerlega háð fjármögnun í gegnum bankakerfið, sem einnig er dautt.

 

Smásölugeiri evrusvæðisins er einnig þvi sem næst dauður því smásala hefur verið hrynjandi á veirusvæði evrunnar í samfellt 7 ár

Svona er að hafa ónýtt peningakerfi og ónýta mynt. Þetta er eins og að hefja maraþonhlaup íklæddur háhæluðum skóm. Fyrstu skrefin sýnast í lagi, en síðan stingur hælinn sér hvellt upp í höfuðkúpuna og þrýstist þá við það heilabúið niður í tærnar og rennur svo þaðan út í það pláss sem hællinn áður hafði. Þannig virkar evran. Ekki tommu lengra en horið úr henni lekur sömu leið. Á fagmáli er þetta kallað monetary-python-walk. Meðal almennings er þó venjulega talað um; svarað um hæl

 

 

Atvinnuleysi í Evrópusambandinu núna: og frá 1983

 

Enginn hefur né getur sýnt fram á að íslenska krónan sé í eðli sínu gölluð mynt. Reyndar er íslenska krónan í eðli sínu hin fullkomna mynt

 

Það fyrsta sem brottflutt íslensk "sprota-fyrirtæki" gera er þau hefja starfsemi sína erlendis, er að hafa samband heim við Morgunblaðið, til að auglýsa erlenda starfsemi sína á blaðsíðum þess, sem koma út á Íslandi. Þetta gerist næstum alltaf er það rennur upp fyrir þessum fyrirtækjum að þau fluttu frá besta og dínamískasta smásölumarkaði og atvinnulífi veraldar, yfir í öskustó. Fullkomna myntin okkar —hin íslenska króna Íslendinga— mun svo, ef vel tekst til með PR'ið í Mogganum, redda þeim íslenskum viðskiptavinum á sinni svitasprottnu nýju erlendu grund. Þessi brottflutningur byggist því að mestu á ethnical networking (þjóðar-tengslum). En þau eru öflugustu netverk veraldar

 

Stærsta "start-up fyrirtæki" veraldar að flytja heim

 

bein krækja á myndskeið 

  

Made in USA á ný 

Ódýrasta orkan - eins og Ísland

Besti logistic-hub veraldar

Besta dreifingarkerfi veraldar

Best tengda ríki veraldar - eins og Ísland er að verða

Ísland er landið

Og svo er það álið !

 

The World Bank - Doing Business 2013

Ísland: er í 13. sæti af 189 mögulegum

Ease of Doing Business in Iceland 

Fyrri færsla

 

Hangandinn yfir landinu verði næst skotinn niður

Sprotafyrirtæki líkleg til að flytja úr landi

Hangandinn yfir landinu verði næst skotinn niður

 

Morgunblaðið 6. nóvember 2013: 

Orðrétt segir Steingrímur um þá ákvörðun að setja ESB-aðild á verkefnalista ríkisstjórnarinnar: "Mín hugsun var sú að loks væri þá hægt að fá einhvern botn í þetta mál sem hafði hangið svo lengi yfir okkur. Við skyldum bara láta á þetta reyna." 

 

Ofreynsla Íslendinga

Íslendingar hafa lengi mátt þola margt slæmt hangandi yfir landinu. Eftir 800 ára kúgun hékk til dæmis svartur kommúnisminn sem martröð yfir landinu frá því að morðótt slátrunarfélag kommúnista rændi völdum í Rússlandi og hóf þar slátrun, þjóðarmorð, úthreinsanir, þrælkun og kúgun á tugum milljóna manna í byrjun síðustu aldar. Hélt sú glæpastarfsemi velli í rúm sjötíu ár

Pylsugerðarmenn kommúnismans hér á landi létu sér frá byrjun ekki bara nægja að "hanga yfir landinu", með það lokatakmark sitt að flá land og þjóðríki okkar Íslendinga út úr heiminum og yfir til Sovétsins

Nei. Þeir bókstaflega lentu hér í löngum röðum fallhífaðir af eitri eftir heimkomuna úr hryðjuverka- og byltingarskólunum í Moskvu. Réðust þeir svo strax frá lendingu af —og með því sem næst geðbiluðu ofbeldi og öskurfrekju— á handhafa laga og réttar, sem gæta átti barnsins Íslands. Sem þá var örþreytt og aðframkomið eftir 800 ára köfnunarkúgun og rétt í þann mund að ná því afreki að taka fyrstu hreinu frjálsu andartökin sem fullvalda ríki í þinglýstu og langþráðu húsi þjóðarinnar: Íslandi, sem nú er fullvalda og sjálfstætt þjóðríki okkar Íslendinga allra

Þessi plága hékk síðan sem sovéskt færiband yfir landinu áratugum saman og dældi niður skítnum yfir hús þjóðarinnar. En eftir hrun kommúnismans í aðalstöðvum morðingjanna í Sovét, breyttust svo þessi mestu umhverfissvín veraldarsögunnar yfir í grænt kommaglingur erlendis og sem nú —enn og aftur— hótar því að flá húsið ofan af íslensku þjóðinni, með því að brenna það af yfir til Evrópusovétsambandsins

Þetta, já þetta!, þarf miklu frekar og helst í eitt skiptið fyrir öll, að skjóta niður og jarða. Því óþolandi er að hafa þetta galna gen kommúnismans hangandi yfir þjóðríki Íslendinga, sem er heilög stofnun þjóðarinnar

Ystu áhangendur á fæðingargölluðum vinstri væng stjórnmála á Íslandi, eins og hér að ofan, verða að finna sér ný viðmið sem gerir þeim sjálfskipað skylt og jafnframt kleift, að starfa og vinna landinu gagn og gott innan þolmarka hins heilaga þjóðríkis okkar Íslendinga. Og Evrópusambandið er frá upphafi stofnað þjóðríkinu til höfuðs. Það er einungis enn eitt banvæna genið að austan og rúmast alls ekki innan þolmarka íslenska Lýðveldisins

Við verðum einnig ávallt að muna það, að undir endalausum skipulagsbreytingum (e. structural reforms) Sovét-kommúnismans, varð morðræðið undir kúguðum leyndarhjúp og massífu ógagnsæi lygavéla kommúnismans, gagnvart alþjóðlegum almenningi svo stál-forhertur, að það sló jafnvel um stundarsakir glýju á sjónhimnur fyrst Trumans, og áratug síðar, Macmillans í vestri

Opnaði sú glýja gagnvart blóðfljótandi alræði kommúnismans í Sovétríkjunum upp fyrir færibönd lyga þeirra niður í það, sem nú eru verkalýðsveldin erlendis. Hafa því að þrotum komin lönd Evrópusambandsins, undir endalausum skipulagsbreytingum og örbyrgðar verkalýðsvelda þeirra í ESB, fyrir gullpeninga hafið brunaútsölu á ríkisborgararéttindum til handa vaxandi kommúnistaveldi Kína í Evrópusambandinu

Samkvæmt rannsóknum Global Financial Integrity stofnunarinnar í Washington í Bandaríkjunum, hurfu ólöglega fjármunir sem svara til andvirðis 3,79 billjóna Bandaríkjadala ólöglega út úr hagkerfi Kína og út í hinn stóra heim, á árunum frá 2000 til 2011 (e. 3,79 trillion US-Dollars). Þessi upphæð einungis ólögmætra útsmyglaðra fjármuna frá Kína, nægja til að kaupa alla landsframleiðslu Íslendinga 315 sinnum. Í Kína situr enn við hrifsuð völd klíka einræðisherra kommúnismans í einu spilltasta stjórnarfari veraldar

Fyrri færsla

Sambýlið við verðlaunaða vetnissprengju Nóbels

Sambýlið við verðlaunaða vetnissprengju Nóbels

Ein besta samkunda veraldar —þjóðþing Bandaríkjamanna— hefur móttekið skýrslu frá ekki sammeinuðu þjóðunum í ESB, heldur frá alþjóðadeild fjármálaráðuneytis Bandaríkjanna. Skýrslan er kolsvört og fjallar um alþjóðleg fjármál, ásamt mikilvægasta gengis- og peningapólitíska stími hinna stærstu hagkerfa veraldar

KEY FINDINGS = Helstu afhjúpanir 

Í skýrslunni er kínverja Evrópu, Þýskalandi, lýst sem verri en kínverjanum Kína, þegar að viðskiptareið Þýskalands á sammeinuðum þjóðum evrusvæðis frá frelsinu kemur. Hagvexti innanlands í pólitískt þjóðnýttu hagkerfi Þýskalands er lýst sem mauragangi, e. anemic. Elliheimilið Þýskaland sé ófært um að skilja alþjóðlega hagfræði á barnaskólastigi. Og þar af leiðandi er eftirspurnarþurrt Þýskaland hættulegt Evrópu, hættulegt Bandaríkjunum og hættulegt hinu alþjóðlega hagkerfi. Hættulegur þerripappír í veraldarhafi alþjóðlegra viðskipta

 

Key Findings: Within the euro area, countries with large and persistent surpluses need to take action to boost domestic demand growth and shrink their surpluses. Germany has maintained a large current account surplus throughout the euro area financial crisis, and in 2012, Germany’s nominal current account surplus was larger than that of China. Germany’s anemic pace of domestic demand growth and dependence on exports have hampered rebalancing at a time when many other euro-area countries have been under severe pressure to curb demand and compress imports in order to promote adjustment. The net result has been a deflationary bias for the euro area, as well as for the world economy.

 

Svo heldur einhver að Evrópusambandið sé í einhverju samhengi við hagfræði. Evrópusambandið hefur meira með byltingar að gera en hagfræði frjálst borinna manna. Evrópusambandið og málefni þess á heima í málaflokkunum;

• byltingar
• aðsig einræðis
• þjóðnýting stjórnmála
• elítuveldi
• gengis- og myntfölsun
• hörmungar 

Þetta er S.E.R.I.O.U.S

Öll skýrslan - október 2013 - Report 

Evrópusambandið hefur EKKERT með hagfræði að gera. Ekkert! En það hefur hins vegar allt með stórpólitík að gera

Sérhver "Hagfræði-stofnun" (hún býr í micro-politicssphere) sem beðin er um að sjá fyrir um þróun Evrópusambandsins (sem varð til í heimi macro-politicssphere) getur ekkert annað gert en að kalla; "Dave, Dave, ég er hræddur"

Þetta er nokkuð sama fólkið og fékk Sovétríkin bombuð ofan í hausinn á sér sitjandi á klósettinu við lestur skýrslna þannig stofnana um "Sovétfræðin". Þær sáu ekki eina sekúndu fram í tímann, né einn millímetra upp í hið macropólitíska stratosphere

Ég endurtek; Hvað hefur ESB með "hagfræði" að gera? Svar; ekkert!

Evrópusambandið og málefni þess er stórpólitík í byltingar-málaflokki eða álíka subject. Það væri alveg eins hægt að biðja Samfylkinguna um að gera úttekt á Sjálfstæðisflokknum og öfugt

Eru menn virkilega svona miklir asnar? Ef svarið er já, þá er ríkisstjórnin fífl. Og miklu heimskara fólk en maður þorði að óttast ekki

"A good plan, violently executed now,

is better than a perfect plan next week."

- George S. Patton

Fyrri færsla

Í 100 ár hefur Morgunblaðið borist til lesenda, nær og fjær 

Í 100 ár hefur Morgunblaðið borist til lesenda, nær og fjær

 

Við stöndum enn

Morgunblaðið á 100 ára afmæli

Við eigum blaðinu mikið að þakka

Svo mikið, að þar erum við litlir borgunarmenn

Til hamingju með afmælið - Morgunblað Íslands

Herðið þið vélar og herðið þið prentið! 

 

Í afmælisbarni dagsins sagði Matthías Johannessen:

 

„Kalda stríðið fjallaði ekki um vexti og skuldavanda, heldur líf og dauða.“

Við ættum kannski ekki að reyna að segja Nýfundnalendingum neitt um það. En lífið á undan dauðanum fjallar því miður alltaf um vextina og skuldavanda

 

Með auðvaldinu vannst kalda stríðið. Því má ekki gleyma. Við megum þess vegna ekki glata auðvaldinu. Valdinu yfir auðnum. Og hann getur verið margur, en valdið veikt, í orðsins fyllstu merkingu. Já, við höfum séð veikt vald, meira að segja fárveikt vald. Og það nú nýlega

 

Þeir stóðust ekki

vegna vaxta og skulda

Um sárt að búa.

Um aldur og ævi.

Nýfundnaland hvarf

sem sjálfstætt fullvalda ríki

árið 1949

 

Þjóðar-varðgæslumenn auðsins hafa aðeins eitt markmið; að varðveita auðinn. Annars er hann dauður og engum til gagns. Farinn, máður út úr raunveruleikanum, nema á blöðum sögunnar. Og sú saga getur orðið sár til aflestrar ef auðvaldið stendur ekki vörðinn

 

Matthías Johannessen heldur áfram:

 

Ég er ekki að segja að þetta sé svona, en það hnígur í áttina. Það er því aldrei mikilvægara en nú að Morgunblaðið standi vörð um arfleifðina, ekki síst tunguna.

Guð hvað ég er Matthíasi Johannessen sammála hér. Því megum við menn ekki hníga í áttina. Ekki hníga í stóra sannleikann. Þá hníga þeir og verða autt-vald, sem frá mönnum verður tekið. Og þetta gerist alltaf í austur. Hnigið er alltaf í austur. Alltaf

Grein mín - Áhlaupið á íslensku krónuna - sem birtist í tímaritinu Þjóðmál, 4. hefti 7. árgangi veturinn 2010/11, er nú öllum aðgengileg á vefsetri mínu tilveraniesb.net

 

Íslenska krónan er undir áhlaupi. Þetta áhlaup er hið fyrsta og eina sem krónan hefur orðið fyrir. Áhlaupið kemur ekki frá fjármálamörkuðum. Það kemur frá skynsemi manna, eða réttara sagt, frá skorti á skynsemi og heilbrigðri hugsun. Það kemur frá stjórnmálamönnum, hagsmunasamtökum og hópum sem vilja leggja íslensku krónuna niður og gera „eitthvað annað“ án þess að gera sér grein fyrir afleiðingunum. Veruleikafirringin varðandi myntmálin á Íslandi er hættuleg sjálfstæði, fullveldi og framtíð Íslands . .

 

Öll greinin er hér: Áhlaupið á íslensku krónuna

 

Fyrri færsla

 

Er ástæða til njósna? - um Þýskaland [u] - já

 

Er ástæða til njósna? - um Þýskaland [u]

Joseph H.H. Weiler 2011 

Þó svo að fjölmiðlar hafi eitthvað eftir ólöglegum lekalagningarmönnum heimspressunnar, þá þýðir það ekki endilega að það sé rétt og satt. Blaðamenn eru einungis blaðamenn. Þeir blaða

Helmut Kohl kanslari Vestur-Þýskalands sagði í trúnaðarsamtali við forseta Bandaríkja Norður-Ameríku —að viðstöddum vottuðum áheyrendum— að ekki yrði um neina sameiningu Austur- og Vestur Þýskalands að ræða, er Berlínarmúrinn féll og Sovétríkin hrundu ofan á borgarana. Það mætti ekki gerast. Bandamenn gætu andað rólega því að af sameiningu þessara tveggja ríkja yrði aldrei að ræða. Löndin myndu eingöngu verða í ríkjabandalagi (confederation). Þessu var treyst 

Þetta hefði verið rétt og ákjósanlegt fyrirkomulag, því sameining Þýskalanda eru stærstu mistök í stjórnmála- og efnahagssögu heimsálfunnar öldum saman. Árangurinn sjáum við í dag: öll Evrópa er aftur komin undir hæl og lögð inn undir hælið Þýskaland, einu sinni enn.

Svona er að ljúga sig áfram í heiminum. Engin ástæða er því til að treysta öllu sem frá þýskum stjórnvöldum kemur. Engin ástæða er heldur til að hlera það sem fram fer í kansleríi þessa ríkis. Enda er það ekki gert. Því allir vita hvers eðlis ríki Þýskalands orðið er; gagn-rotið

Kanslari þessa ríkis mun því áfram geta haldið að afspila stolnum upplýsingum sínum úr bankakerfum nágrannaríkjanna. Til auðvitað þess, að innheimta sér peninga. Enda snýst flest í Þýskalandi um aurinn, eins og venjulega. Kaupir kanslarinn sér því auðvitað framsíma sína notaða af Jóa Jóns.

Það er því eins gott að enginn segi kanslaranum neitt í trúnaði fyrst að svo aulalega í pott hennar er búið, að hún sé með lekandi second-hand síma sína á "structural-reforming" dráttarvélarför hins nú sameinaða-þýska-ríkis um Evrópu

Berlin | Germany Hasn't Earned Its Spying Outrage: So it's accepted here, for now at least, that Angela Merkel and her electorate will continue to act as if the Obama Administration has treated them with intolerable suspicion, that they're dealing with a president of the United States who may have lost control over his intelligence services, and that Germany has become a victim of America's ruthlessness and paranoia | WSJ

Fyrri færsla

Brú Evrópuaðalsins byggð yfir í keisaradæmið

Brú Evrópuaðalsins byggð yfir í keisaradæmið

WSJ í dag

 

 

 

Fátt er eins leiðinlegt og að vera fyrrverandi af öllu fyrrverandi. Að vera fyrrverandi keisaradæmi, eins og til dæmis Þýskaland og Frakkland, er alveg sérstaklega erfitt fyrir aðalinn og alla arftaka hans. Til að bæta úr því tóku brunarústir þeirra upp á því að stofna með sér Evrópusamband. Það er nú orðið hálfbrúuð leið bæði gamla og nýja Evrópuaðalsins yfir í nýtt keisaradæmi sitt: Bifröstin þeirra yfir til nýrrar heljar fyrir Evrópu

Brúarsteinar Evrópusambandsins hanga nú sem sigin sigð og ógnandi hamar yfir hausamótunum á peðborgrunum í ríkjum Evrópusambandsins. Marðarspelkusáttmálanum hefur þegar tekist að eyðileggja líf borganna það nægilega mikið að úrdráttur næstu harðjaxla úr sjálfstæði og fullveldi ríkja þeirra, mun sem næsta aðgerð verða látin brúa bil tannleysis þeirra við sjálfan tannlækninn í gegnum bankakerfi hans

 

Fyrst var það seðlabankinn sem fór og nú röðin komin að bankakerfunum. Í gegnum þetta tvennt til samans verður hinu nýja keisaraveldi aðalsins í Evrópu nauðgað, smyglað og troðið inn í hvern einasta kjaft í Evrópusambandinu

Ekkert þjóðríki sem á sjálft líf sitt að þakka hart unnum fullveldis- og sjálfstæðisigrum þjóðarinnar, þolir að elítuklíkuklessa í heilögu þjóðríki þjóðarinnar hafi komið henni allri í þá aðstöðu, að sitja föst með höfuðið inni í póstkassanum fyrir klessubréfsendingar elítunnar yfir til nýrrar evrópskar heljar

Fölsk og svikin umsókn Íslands inn í Evrópusambandið verður því að deyja. Þá ósvífnu skömm og afbökun á æðstu stofnun þjóðríkis Íslendinga verður að afmá. Og þurrka verður af Lýðveldinu alla ólöglega aðlögun að uppskriftinni til einræðisins í Evrópusambandinu

Því næst þarf að henda EES fyrir alla borðstokka, koma upp eigin loftrýmisgæslu Íslendinga yfir eigin lofthelgi - og leggja samhliða því nýjar og stálslegnar lagnir vináttu og bræðralags yfir til Bandaríkja Norður-Ameríku, sem eru öflugasta þjóðríki veraldarsögunnar. Þetta verður að gerast strax, því tíminn er að renna út. Of seint, er og mun alltaf um aldur og ævi verða of seint

 

Verði ófáanlegu sjálfstæði og fullveldi þjóðríkis Íslendinga ekki sinnt með sterkari og ástfóstrandi tökum en gert er nú, mun nýtt stjórnmálaafl Íslendinga opna þjóðríkinu faðminn á ný

 

Fyrri færsla

 

Tenging veraldarsögunnar við örorkuknúna fjölmiðla, hefur aldrei verið til staðar 

 

Tenging veraldarsögunnar við örorkuknúna fjölmiðla, hefur aldrei verið til staðar

Þegar sendiherra Dana í Rússlandi komst loks við illan leik inn í fundarsal á friðarráðstefnunni í París 1919 — og hóf þar sjónvottaða frásögn af hamförum og morðæði kommúnista rússnesku byltingarinnar — já, þá sátu stjórnmála og embættismenn friðarráðstefnunnar bara og horfðu á hann tómum augum. Enginn nema þessi eini maður á ráðstefnunni vissi hvað raunverulega var að gerast innan í Rússlandi. Og enginn trúði honum er hann sagði frá því að á fyrstu vikum byltingarinnar (valdaránsins) væri búið að myrða 300 þúsund manns og að líkin væru dregin sundur og saman eftir blóðbaðsgötum byltingar kommúnista í því Rússlandi - sem síðan varð að einu Sovétríki, undir regluverki og stjórnarskrá einræðis, með aðstoð laga, dómstóla og hæstaréttar helvítis

Fjölmiðlar vissu minna en ekkert. Þeir sáu engan jarðtengingar-vír dingla niður úr hinu pólitíska andrúmslofti veraldarsögunnar og inn í hinn þvaðraða smásjárheim fréttamennskunnar sem —samkvæmt veraldarsögunni— að ótrúlega miklu leyti er örorkubættur og steindauður heilabúskapur á borð við hina ófrægu pólitísku fræðamennsku háskólanna í þessum óefnum. En úr einmitt þeim átthögum sækja stjórnmálamenn sér sína dagsdaglegu óþekkingu og offóður. Hún er jú af þeim sjálfum fjármögnuð og sótt úr óþekkingarsamfélagi háskóla og úr risajötum til dæmis ríkisrekinna fjölmiðla, sem vara eiga borgara þjóðríkisins við valdaránum, en ekki styðja við þau

Um þessar mundir berast frá Evrópu og inn í örorkuknúinn smásjárheim fjölmiðla, þær hönnuðu fregnir, að út í sandkastala-samstæðu þeirri er Evrópusambandið nefnist, sé nú út í kastalasíkin runnið sjálft samhrunsferlis-ferli ríkja Evrópusambandsins, í stað þess að samrenna yfir í eitt og komandi ríki einræðis og þjóðpyntinga, samkvæmt Rómarsáttmálanum. Að það stundarglas sé bara allt í einu stíflað. Já stíflað. Að samruninn sé að renna í bakkgír

En þetta er rangt. Kolrangt. Því Evrópusambandið hefur engan bakkgír frekar en Sovétríkin sálugu. Það sem er að gerast innan í elítukrókum Evrópusambandsins er það, að of áhættusamt þykir þar nú hinum mörgu mönnum ESB-veldisins að stefna á —og hvað þá nánafninu upphátt nefna— neinar breytingar sem lyktað geta af sáttmálabreytingum, því að þeim ógleðis- og hryllingsaðgerðum í Evrópusambandinu fylgir allt of mikil áhætta fyrir elítuna. Stórkostleg áhætta sem jafnvel gæti haft þá hamfarahættu í för með sér að það fyrirbæri er þjóðaratkvæða-greiðsla nefnist, kæmi til greina vegna einmitt fyrirhugaðra sáttmálabreytinga. Út í þær er ekki lagt nema á útvöldum augnablikum eins og til dæmis þegar Sovétríki hrynja

Angela Merkel kanslaraína Þýskalands ætlar því nú að láta sem sé að sam-ráðherrum sínum hafi verið látið eftir að sjá um innvortis smá-mál hins vonlausa og deyjandi ríkis Þýskalands, enda er þar engu að stjórna, því þríhyrnd mafía banka, exportaristókrata og europhiles sjá þegar um að reka Þýskaland í utanþings framhjáhaldi þeirra gegn kjósendum landsins 

Merkel ætlar því að helga komandi kjörtímabili krafta sína í þágu þess sem aldrei og af engum kjósendum hefur nokkurn tíma verið beðið um; áframhaldandi samhengingu Evrópu. Og mun hún nota við henginguna alla þá mörgu núverandi sáttmála, sem enginn hefur lesið, en allir hafa skrifað undir. Og allt skal nú verða sett inn til höfuðs þjóðríkinu. Allt!

 

Vinnulagið verður það sama og undir herr Hitler; fyrst er kosið og fólkið gabbað, en síðan er haldið áfram með stanslausum nauðgunum þar til nýjum ríkisfjármálaráðherra Evrópusambandsins mun verða lostið niður í örorkuþrútna ríkisfjölmiðla og háskólasafngripi veraldar

Fyrri færsla

Getur þjóðríkið haft "stækkunarstjóra"? 

Getur þjóðríkið haft "stækkunarstjóra"?

Nei, það geta þjóðríki ekki haft. Því þá yrðu þau samstundis stimpluð sem heimsvaldasinnuð —e. imperial intentions— og önnur þjóðríki myndu ekki líða því að gleypa önnur ríki

Hvernig kemst maður fram hjá þessu lögmáli sem gildir um friðsamlegustu skipan veraldar; þjóðríkin ?

Jú. Maður klæðir sig upp sem Evrópusamband. Það er það sem hinir gömlu geðklofningar Evrópu gera. Þeir klæða sig í Evrópuföt gamla keisarans og ganga aftur. Og skipa svo stækkunarstjóra

Hvenær skyldu til dæmis háskólar (e. Universities) átta sig á þessu. Hvenær skyldu þeir átta sig á að lífvænleikanum og friðinum í heimsálfunni Evrópu hefur til langframa verið úthýst með stofnun og stækkun Evrópusambandsins. Hroðalegir hlutir eru og eiga þar eftir að vinda upp á sig

Og hvenær skyldu þeir átta sig á því að aðeins voldugasta þjóðríki veraldarsögunnar —Bandaríki Norður Ameríku— eru fær um að koma í veg fyrir að allt það sem pikkfast er við hið sama gamla í Evrópu, endurtaki sig á ný?

Þeir hugsandi menn sem líta Schengen með öðrum en þessum augum, eiga við vandamál að stríða. Það heitir; "the blind spot"

 

Hin sérstaka hugmynd um Evrópu(sambandið) —"Une certaine idée de l'Europe"— er ein af hættulegustu hugmyndum veraldarsögunnar 

Fyrri færsla

 

Hæsta fjalli í holulandi falið að gera úttekt á Evrópusambandinu 

Segir Füle fara frjálslega með