Pútín erfiðar í Rússlandi á meðan Róm brennur

Enginn sagnfræðingur veit enn hvernig það er að sitja í miðju öldrunarhagkerfi —með þjóð sem svikin var samfellt í 70 ár, pyntuð, slátrað, rænd og rupluð af eigin stjórnvöldum glæpamanna— og sem orðið er nú svo framskriðið sem öldrunarhagkerfi, að um síðasta átak til endurreisnar gæti vel verið að ræða. Síðasta skip burt frá skriðjökli Sovéts áður en næsta skref landsins afturábak yrði vel hugsanlega lokaskerf þess yfir í "a failed state"; gjöreyðilagt ríki um aldur og ævi

Enginn sagnfræðingur sem ekki jafnframt er sérfræðingur í Svarta-Dauða á tímum fjórða leggs Iðnbyltingarinnar, ætti að tjá sig um innanborðs stjórnmál í þannig ríkjum. Enginn sagnfræðingur hefur barið nútímatilbrigði þessara hörmunga augum. Og eins og Bent Jensen sagði; spiklærðir fræðingar eru hér vonlausir menn. Þeir aka bara sírenuvælandi um í sínum skrifborðskassabílum

Liggur það kannski fyrir, að framskriðin öldrunarhagkerfi verði einmitt svona? Óstöðug og hættuleg? Það veit enginn enn

Þýska þjóðin, sem reyndar er ekki ein þjóð, hefur af eigin stjórnvöldum verið rænd í samfellt 140 ár. Eina undantekning á þjóðnýtingu Þjóðverja í þágu elíta landsins, var þegar Bandaríkjamenn stóðu þar gráir fyrir járnum á jörðinni og önduðu frelsi í hnakkann á valdhöfum, sem þorðu þá ekki öðru en að halda sér á mottunni. Því miður þýddi exit Bandaríkjamanna frá meginlandi Evrópu að Evrópusambandið AG hrundi immed af elítum ofan á þjóðir þess

Er fátæktin og misskiptingin í Þýskalandi nú þegar orðin skelfileg. Á meðan er höfuðpauraborg Evrópusambandsins, Róm, orðin gjaldþrota í miðju öldrunarhagkerfi þess ríkis. Svo slæm eru málin þar að ég þori að veðja hatti mínum á að Vatíkanið mun þurfa að flýja bæði borgina OG landið innan næstu 50 til 80 ára. Endurreisn er þar enn óyfirstíganlega erfiðari en það verk sem Pútín í Rússlandi reynir og reynir hugsanlega ekki að færast í fang

 

Ítalía er orðin bæði óstöðug og hættuleg. Svo hættuleg að íslensk yfirvöld treysta sér ekki til að endursenda fólk þangað, þaðan sem það kom. Öldrunarhagkerfið Þýskaland er ekki enn orðið verulega óstöðugt ríki. En það er orðið of hættulegt

Sótsvartur kommúnisminn fór mannlega séð með Rússland eins og að geislavirkt Tjernobyl hefði af stjórnglæpavöldum verið beitt á fólkið til að murka úr því lífið í 70 ár 

Það er því sprenghlægilegt en jafnframt sárgrætilegt að fyrrverandi hagfræðingur sérdeildar ASÍ, sem skalf og nötrði af hræðslu við tilhugsunina um að Ísland tæki þátt í fríverslunarsamtökunum EFTA, skuli nú vilja hrinda landinu inn í Evrópusambandið AG

En þetta er því miður alltof skiljanlegt, því á þeim tíma voru geislavirki Sovétríkjanna sá valkostur uppi á borðum ASÍ & Co sem sóst var leynt og ljóst eftir. Nú liggja þau ríki og stjórnvaldslega stimplaðar fyrrverandi manneskjur þeirra sem hafsjór af storknuðu blóði örends fólks í látnu ríki þjóðareignarinnar. En lengi er þá von á einum. Nýtt yfirríkislegt misfóstur er nú að finna uppi á borðum fyrir þetta asífólk og sem hægt væri að hrinda hinu unga Íslandi ofan í; sjálft Evrópusambandið AG!

Fyrst að Ísland gekk ekki fyrir þeirra tilstuðlan í Sovétríkin á sínum tíma né þá heldur að Sovétríkin gengu í og yfir Ísland —munaði þó oft mjóu þar um— þá er lávarður hins yfirríkislega umboðslausa valds hér orðin patentlausnin fyrir þetta fólk í stað Sovétríkjanna sem dóu í þjóðareign klíkuveldisins

Hættulegustu menn Evrópu ganga ekki um með byssur. Þeir þurfa þess ekki. Þeir valsa um með penna og eru á launum hjá Evrópusambandinu

Ég er viss um að enginn sagnfræðingur gæti orðið góður þjóðarleiðtogi. Þeir eru praktískt séð of heimskir til þess. Leiðtog þeirra þyrfti sífellt nánari rannsóknar við hvert óstigið skref á kostnað skattgreiðenda inn í eilífðina: þeir myndu alltaf enda sem gagnslausir hagfræðingar

 

Fyrri færsla

 

Sama evrópska súpan og síðast 

 

Sama evrópska súpan og síðast

 

Mynd; The Economist

Brusseldagar 1996 

 

Tuttugu og níu prósent

 

Skoðanakönnun sem rannsakaði skoðanir Austurríkisbúa á stjórnmálum og stjórnarfari kom með þá niðurstöðu fyrir helgina að 29 prósent Austurríkismanna óski eftir sterkum leiðtoga sem þarf ekki að "taka tillit til löggjafarþings né almennra kosninga". Í Austur-Evrópu er ofangreint hlutfall allt að 60 prósent. Flest blöð stóðust þá freistingu að birta mynt af Adolf Hitler samhliða fréttinni, nema Frankfurter Allgemeine Zeitung. Hana birti ég heldur ekki, því þá yrði ég samstundis sakaður um að vera "hægrisinnaður öfgamaður". Myndin af Adolf Hilter í þessu samhengi er því hér höfð ósýnileg, til að tryggja að ég verði örugglega sakaður um að vera hægrisinnaður öfgamaður

 

Tocqueville 

Hér heima er líklega —"enn sem komið er"— litið á þessa þróun stjórnmála og stjórnarfars í Evrópu sem hreint formsatriði, því að í hinni sömu síðustu viku kom Karlamagnúsardálkur tímaritsins Economist með þau skrif, að samvæmt Alexis de Tocqueville sé hættan á byltingum í löndum Evrópusambandsins yfirvofandi mest á hinum næstu komandi árum og áratugum. Hættan á byltingum er alltaf mest er látið sé í veðri vaka við borgarana að búið sé að bjarga hlutunum (skinni stjórnmála- og embættismanna) - e. kick the can further down their private EU-road

 

Fjórðungur allra og rúmlega helmingur vinnufærs ungs fólks nokkurra landa Evrópusambandsins stendur atvinnulaus eftir þrjátíu ára björgunaraðild landanna að Evrópusambandinu. Og verðhjöðnunarspírallinn sjálfur stendur evrulöndum nú sem bjargandi glansandi klár til að bora út kaupmátt launa og hækka skuldabyrði heimila og fyrirtækja —því að búið sé að bjarga evrunni— sem þýðir að enginn með viti vill fjárfesta á myntsvæði Evrópusambandsins, né hvað þá að eiga heima þar, ef hjá því væri komist

 

Atvinnuleysi í Evrópusambandinu núna: og frá 1983

 

"We have to kill this referendum" 

Hin áríðandi dagskrá grenjandi kanslara Þýskalands, Angelu Merkel frá DDR, ásamt formanni framkvæmdastjórnar Evrópusambandsins og alls Evrópuráðsins, sem á forsíðum Financial Times frá því nú fyrir og yfir helgina segir frá því að á úrslitadagskrá Evrópusambandsins sé að drepa verði þjóðaratkvæðagreiðslur í löndum Evrópusambandsins, sama hvað það kostar. Sú mikilvæga dagskrá mun líklega hér heima verða túlkuð sem að í sumar verði skoðað með hvaða hætti málið verði tekið upp í haust til að satt sé best að segja kjósendum að eiga von á því að stjórnarflokkarnir myndu ná málinu í gegn sjáfum sér; aular, volapyk

Söngvakeppni

 

Klæddur karl sem kerling sigraði í söngvakeppni evrópskra —mest ríkis— sjónvarpsstöðva. Danmörku var yfirþyrmandi mörgum sinnum þakkað fyrir þá umsjá keppninnar sem þeir sáu ekki um, því það er sama sænska fyrirtækið sem setur upp þessa kassakeppni ár eftir ár. Þess vegna upplifast "keppnin" sem sjálfvirk gerilsneydd drepsótt, hvar sem hún er haldin, ár eftir ár. Þetta er eina atkvæða greiðslan —og sem fer til símafélaga— um atkvalma í Evrópu sem leyfð er. Það besta við ríkisreknar evrópskar stjórnvarpsstöðvar á borð við DDRÚV er það, að enn virðist leyfilegt að slökkva á viðtækjunum - þó svo að margir í praxís líti á það sem verandi ólöglegt. Slökkt var því snemma hér

 

Náði ég þó að hlýða á hollensku sveitina flytja hina ljúfu engilsaxnesku tóna sína sem kölluðu fram eðlislæg viðbrögð Íslendinga, sem gáfu lagi hennar 12 stig. Enda varpaði engilsaxneska AFRTS næturvaktin með Wolfman Jack oft óafvitandi ljúfleika og öryggi yfir suðvesturhorn landsins, sem nú hefur misst fæturna. Var því hollenska laginu af eðlislægu en bældu sjálfsöryggi gefin þrusandi 12 stig

 

Münchener Freiheit, Nena og Sandra áttu AFRTS flest að þakka, sem hóf útsendingar með lánuðum græjum frá BBC á meginlandinu í kjölfar frelsunar Bandamanna sumarið 1945. Með útsendingum AFRTS var hægt að ná til liðsaflans sem barðist fyrir frelsun Evrópu. En svo snéri Neue Deutsche Welle við, því að Evrópusambandið og járnkrumlur þess í Evrópu snúast fyrst og fremst um að snúa meginlandi Evrópu til baka frá engilsaxneskum áhrifum. Grenjaði Angela Merkel kanslari Þýskalands því af gremju yfir þeim stjórnarfarslega ramma sem Bandaríkin og Bretland bundu landið í með æðsta mögulega lögmæti sem nokkru sinni hefur verið handhafið yfir meginlandi Evrópu. Dulbýst Þýskaland prinsins Bismarcks AG nú sem Evrópusamband er eina ferðina enn leikur lausum hala á meginlandi Evrópu. Er Frakkland þegar orðið að þeim afgöngum —trimmings— sem Charles de Gaulle ESB-forseti Frakklands ætlaði frá upphafi öllum öðrum ríkjum Evrópu en Frakklandi og Þýskalandi að verða. Svona éta stjórnarfarsar Evrópusambandsins börnin sín. Fólkið hefur ekkert að segja um þessa þróun. Ekkert

 

Allar útsendingar AFRTS fara nú um lokaðar örbylgjurásir til liðsafala Bandaríkjamanna, sem með Kyrrahafsflota sínum hefur verndað siglingaleiðir og aðgengi útflutnings frá Þýskalandi til umheimsins viðstöðulaust í tæplega sjötíu ár. Öldur ljósvakans eru að mestu hættar að hreyfast. Þar er þögnin að verða háværari og háværari með hverju árinu sem líður

 

Galdrar

 

Fyrri færsla

 

Einn fyrir hverja mínútu 

Einn fyrir hverja mínútu

Peggy Noonan sagði að Obama var kosinn forseti af því að hann var ekki George Bush. Það sést, því vinsældir George Bush aukast með hverjum deginum sem líður

Þetta fær mig til að segja frá því hér, að síðasti forsætisráðherra Íslands varð það vegna aldurs. Enginn veit hins vegar af hverju Steingrímur varð fjármálaráðherrann sem greiddi Össuri ráðherralaun fyrir að koma kosningasvikum hans til Brussels, með þeim afleiðingum að báðir þurrkuðust út. Og þar standa þau enn, kosningasvikin, Lýðveldi Íslendinga til höfuðs

Þessar vangaveltur hljóta að leiða okkur að endalokunum; sjálfri spurningunni um hvers vegna og til hvers Bjarni Benediktsson Jr. var kosinn? Það væri gaman að fá svar við því

Kolbrún Morgunblaðsins hefur í dag sett blaðið á DEFCON-3 (ready to mobilize in 15 minutes) því að —hvað var það nú aftur— jhú 10, 20, eða 30 einstaklingar ætla að stofna Kristilegan stjórnmálaflokk. Altsaa Kolbrún . . 

Afsakið: fimmtán eru þeir víst, fimmtán. Það stendur 15 í blaðinu. Einn fyrir hverja mínútu

Fyrri færsla

Hið tvöfalda umboð

Hið tvöfalda umboð

The Dual Mandate 

Þeir sem krefjast aðskilnaðar íslensks þjóðríkis frá íslenskri þjóðkirkju, virðast litla grein gera sér fyrir því tvöfala umboði sem þarf til svo að ríki verði til lengdar farsæl. Þessi tvö umboð verða að haldast í hendur. Umboðið frá fólkinu og umboð hins universala í ritningunum, sem er sjálf fæðingardeild góðra stofnana

Einn versti aðskilnaður ríkis frá hinu æðra umboði varð þegar Adolf Hitler fékk umboð sitt frá þinginu —e. the Enabling Act of 1933— til að troða universal boðskap ritninganna niður í sömu ruslatunnur og Stalín hafði þá þegar yfirfyllt í gervöllum Sovétríkjunum, með þeim endalokum sem svo urðu. Enda var nasisminn dæmdur til dauða í Nuremberg, fyrst og fremst samkvæmt brotum gegn ritningunum þ.e.a.s hinu æðra og universala umboði

Evrópusambandið hefur ekki þetta tvöfalda umboð. Reyndar hefur það ekkert umboð frá neinum. Það er umboðslaust

Þjóðríki Bandaríkjamanna og stofnanir þess sem stjórnarskrárbundið byggja á hinu tvöfalda umboði, tóku af hörku Sovétríkin í nefið fyrst og fremst vegna hins æðra umboðsleysis þeirra. Því allir vissu hvert hið algera umboðsleysi Sovétríkjanna stefndi heiminum

Það var ekki að ástæðulausu og bara út í loftið að Geir H. Haarde forsætisráðherra bað Guð að blessa Ísland er gengið var til verks við óbærilegar aðstæður. Hið tvöfalda umboð er forsenda farsældar

Núverandi ríkisstjórn má ekki halda því allsherjar umboðsleysi til streitu sem ríkisstjórn Samfylkingar og Vinstri grænna kom íslenska lýðveldinu í. Umsóknina inn í Evrópusambandið verður að draga til baka og fella niður. Hún er stjórnarfarslegt skemmdarverk á hinu tvöfala umboði þjóðríkis okkar. Hún er stjórnarfarslegur þjófnaður og aðskilnaðarstefna

Það voru ritningarnar sem gáfu manninum hið takmarkaða ríkisvald, en ekki öfugt

Fyrri færsla

Fasteignakaup eru ekki "fjárfesting"

Fasteignakaup eru ekki "fjárfesting"

Hvað eftir annað heyrir maður stjórnmálamenn tala þannig að um "fjárfestingar" sé að ræða er fólk kaupir sér húsnæði eða byggir sér þak yfir höfuðið

Fasteignir fólks eru ekki fjárfestingar. Þær eru bara ósköp venjuleg einkaneysla. Það eru aðeins fyrirtæki landsins sem fjárfesta. Almenningur sparar hins vegar upp, eyðir ekki öllu - eða - sparar niður og eyðir öllu

Fasteignakaup eru sem sagt einkaneysla. Og fólk fjárfestir ekki, það eyðir einungis eða sparar upp; leggur til hliðar

Ef fólk krefst þess að "stjórnvöld" komi því til hjálpar vegna húsnæðisskulda, þá er fólk að krefjast þess að "stjórnvöld" komi því til aðstoðar vegna lánafjármagnaðrar neyslu þess í húsnæði. Spaði heitir spaði. Við það getur einkaneyslan breyst í samneyslu, sem varla var meiningin að heimili landsmanna yrðu

Það eru ekki mannréttindi að eiga þak yfir höfuðið. Það er hins vegar á ábyrgð manna að eyða ekki um of í þak sem nær svo langt og er svo stórt, að það er fyrir löngu hætt að vera bara þak og heimili, heldur verður það snjóhengja sem þrýstir sér niður sem farg á heimilið sjálft

Þeir sem héldu að húsnæðiskaup væru "fjárfesting" og keyptu jafnvel tvær eða fleiri fasteignir, eiga ansi oft eftir eftir að verða fyrir miklum vonbrigðum. Því það er ekki hægt að eiga heimili sitt í tvennum fasteignum á sama tíma. Önnur þeirra stendur alltaf sem tóm einkaneysla og kallar hættur yfir hina, sem heimilið getur ekki verið án, nema með því að hætta að vera heimili

Heimili ættu ekki að leika fyrirtæki eða banka. Og bankar ættu ekki að klæða sig út sem trúðar til leiks í sápuóperum

Stjórnmálamenn verða að sýna þá ábyrgð að kalla hlutina sínum réttu nöfnum. Fasteignakaup almennings er einungis einkaneysla. Og einkaneysla er ekki glæpur - nema í Sovétríkjum og stórum hluta Evrópusambandsins

Fyrri færsla

Þjóðstjórnin, sem ekki varð

Þjóðstjórnin, sem ekki varð

Íslenskir ESB-aðildarsinnar —fyrst og fremst— ruku upp til handa og fóta er aðalbankastjóri Seðlabanka Íslands, sem kallaður hafði verið á fund ríkisstjórnar Lýðveldisins, leyfði sér í krafti langrar og dýrmætrar reynslu, að impra á möguleikanum á þjóðstjórn til að ráða við það efnahagslega fárviðri sem hlaust að vítaverðum rekstri yfirmanna fjármálastofnana í misþyrmdri einkaeigu. Betur hefðu þingmenn hlustað og tekið eftir, því enn eru þeir heyrnarlausir og jafn umboðslausir og áður í ESB-umsóknarmálinu, sem frá illræmdu upphafi hennar er opinber skömm og stjórnarfarslegt skemmdarverk á Lýðveldinu

Hvernig má það vera að þetta ESB-fólk, sem hrópaði svo hátt, lætur sér vel líka að aðalbankastjóri ECB-seðlabanka Evrópusambandsins ávarpi einstaka þingmenn stærstu aðildarlandanna á einkafundum og lofi þeim hinu og þessu í peningamálum undir fjórum augum. Að aðalbankastjóri ECB-seðlabanka Evrópusambandsins stundi stjórnmál og haldi pólitískar ræður heima og erlendis eins og að um ókjörið konungsvald miðalda og annan reiðmann einræðis Evrópu síðustu aldar væri að ræða. Algerlega án nokkurs umboðs af neinu tagi og þverbrjóti þar með alla þá sáttmála og starfsreglur sem ECB-seðlabanki 14 landa var opinberlega sagður hvíla á. Og þetta kemst allur sá seðlabanki út í gegn margítrekað upp með, sé aðildarland reykfylltra bakherbergja nógu stórt

Þetta er 50 ára pólitísk villimennska Evrópusambandsins í hnotskurn. Í umboðslausa elítuverk það sækir elítan

Fyrri færsla

Frakkar hættir að hugsa - gera eins og þeim er sagt 

Frakkar hættir að hugsa - gera eins og þeim er sagt

Ný-þýsku meginlandi Evrópu hefur þegar eftir útýttri Margréti Thatcher —fyrir tilstuðlan ERM elítu Bretlands— tekist að fá Frakka til að hætta að hugsa. Og það sem meira er, ný-þýskt meginland Evrópu hefur stubbað sér þannig fyrir í hinum gamla öskubakka meginlandsins, sem nú ber heitið ESB, að einnig því hefur meira að segja tekist að segja Frökkum hvað þeir eigi að gera

Námskeið eru nú haldin fyrir forseta Frakklands. Á þau mætir hann á skellinöðru svo að Mercedes Schroeders námskeiðshaldara fái stöðumælendasekt sínum parkerað korrekt við Élysée

Vakúmvél Mið-Evrópu, Þýskalandi, væri vel hugsanlega hægt að þrýsta lengra til sjávar de Gaulles í vestri nú, myndi Pútín hugsa, væri hann ég. Að minnsta kosti þoka því svona eins og nemur einni Króatíu plús Slóveníu, til að byrja með. Því lengra frá Úralfjöllum de Gaulles í austri, því betra

Þetta myndi fá Grosswirtschaftsraum Deutschlands, það er að segja Evrópusambandið AG, til að krefjast að vakúmvél þess í miðri Evrópu yrði loksins blásið í gang á ný

Þeir galningar sem krefjast þess að Ísland verði rykmaur í ryksugupoka Grosswirtschaftsraum Deutschlands, ættu að leita sér aðstoðar við gegn köfnun sem fyrst

Fyrri færsla

Skrúfað fyrir vatnið

Skrúfað fyrir vatnið

Greinin í Morgunblaðinu sem þessi bloggfærsla er tengd, er því miður of grunnhyggin. Málið er dýpra og flóknara en svo að hægt sé að afgreiða það með tilvísan í "þjóðrembu"

Nú berast fréttir af því að yfirvöld í Úkraínu hafi skrúfað fyrir 70 til 80 af hverjum 100 lítrum af neysluvatni sem neytt er á Krím. Hver gerir svona nema fyrirfram brjálaðir menn? Þetta sem átti að vera "eitt og sama fólkið", að þeirra sögn. Þetta er forherðing og stigmögnun; e. escalation

Hrun Sovétríkjanna var eitt, en afleiðingar þess í nútímanum fyrir Rússland, eru allt annað. Rússland mun óhjákvæmilega leitast við að gera við og rétta út gömlu stuðara landsins (buffer-zones), sem taka eiga höggin er koma mættu frá útlandinu. Þessi stuðari er eldra fyrirbæri en hin sálugu Sovétríki - og er ekki nátengdari þjóðrembu en landamæri og landfræðilegir stuðarar annarra ríkja eru, og í þetta skiptið, ekki nærri náttengd hinni fölskvalausu evrópumennisrembu Evrópusambandsins

Aldrei hefur leiðin fyrir brjálaða menn á leið til Moskvu verið eins stutt frá útlöndum og hún er nú. Það eitt hefði fyrir langa löngu átt að hringja öllum viðvörunarbjöllum hjá valdhöfum í Vestur-Evrópu. En þar er bara steinsofið í tímanum og hver minnsti vottur af umhugsun er samstundis seldur á útsölum fyrir ekki neitt

Hefst nú löng og ströng gönguferð Evrópu á heimagerðum jarðsprengjum

Fyrri færsla

"Overblown"

Tengt

• Ó-hagganlegar stærðir
• Að vera einn peningur
• Hagvöxtur í Rússlandi gæti orðið Evrópusambandslegur

Á baki þjóðrembudýrinu

"Overblown"

Er evran var sjósett sem mynt og sett í umferð, þá þrútnuðu sívælandi níu rúgbrauðslúðrar ESB-elítunnar út og kynntu þetta fyrirbæri sem galdrapening sem lækna átti veginn til friðarins, sem elítan var þegar að byrjuð að ryðja burt. Peningurinn evra hefur nú reynst íbúum Evrópu verri en gallsteinar

Spáin um hvernig umhorfs yrði í Evrópu eftir reiðtúr evrunnar yfir álfuna í tíu ár, reynist hjómið eitt miðað við þær staðreyndir sem nú blasa við íbúum myntsvæðisins

Gagnrýnin varð raunveruleikanum ekki sterkari. Það sem hins vegar reyndist svo gersamlega overblown er einmitt það ástand sem við blasir á myntsvæðinu í dag. Enginn hefði trúað því að hægt væri að leggja svo mikið í rúst á svo skömmum tíma. Enginn

Fyrri færsla

Myntbandalag ESB: "bæði sorgleikur og glæpur" 

Myntbandalag ESB: "bæði sorgleikur og glæpur"

 

Bernard Connolly birti í haustútgáfu tímaritsins International Economy grein undir yfirskriftinni: "Evrópa 1914, og hins vegar, myntbandalag Evrópusambandsins í dag"

Munurinn á þessum tvennum atburðum í sögu Evrópu er sá að heimsstyrjöldin fyrri var sorgleikur en ekki glæpur. "Myntbandalag Evrópusambandsins er hins vegar bæði sorgleikur og glæpur"

 

Hér mál lesa greinina sem PDF-skrá

Reyndar ætti ekki að þurfa að kynna Bernard Connolly fyrir Íslendingum. Hann er einn af þeim fyrstu sem sá hvaða raunverulegu hvatir lágu að baki bæði tilurð ERM og sköpun myntbandalags Evrópusambandsins og þær ömurlegu afleiðingar sem bæði fyrirbærin myndu og hafa samanlagt nú þegar kallað yfir meginland Evrópu. Hann var fulltrúi Bretlands hjá ESB þegar Evrópusambandið hóf byggingu myntbandalagsins. Efa ég að um víða veröld finnist einn maður sem hefur meiri þekkingu á öllu því er tengist Evrópusambandinu, stjórnarfari, stjórnmálum og efnahagsmálum þess, í langri óheillasögu meginlandsins

Þeir sem hafa ekki lesið Hringur úr gaddavír, e. Circle of Barbed Wire eftir Bernard Connolly, geta gert það á heimasíðu Bryggjuhópsins með því að smella á krækjuna

Hér er nýlegt viðtal við Bernard: En hvað nú ef þeir eru ekki geðbilaðir?

 

Fyrri færsla

 

ESB-aðild Spánar hefur rústað vegakerfi landsins