ESB-aðild Spánar hefur rústað vegakerfi landsins

Nú segja vegamálamenn Spánar að vegakerfi landsins sé í sínu versta ásigkomulagi frá því að Spánn gekk í Evrópusambandið 1986. Þá var sambandið skammstafað EEC. Reyndar er ástand vegakerfisins nú það versta síðan AEC hóf skýrslugerðir um vegamál landsins árið 1985. Atvinnuleysi á Spáni eftir 28 ára aðild að Evrópusambandinu mælist nú 25,6 prósentustig

Það sem einkennir aðildarferli landa að Evrópusambandinu er að við inngönguhlið þess hefjast aðlögunar-limlestingar og sundurskrúfun þjóðríkisins á því að taka ríkisfjármálin kverkartaki þar til bláminn vegna köfnunar hefur drepið hið þjóðbernska afl þjóðríkisins; e. natal energy

Svo þegar því hefur verið kálað er landinu af afglapaveldi Evrópusambandsins ýtt inn í ERM-II pyntingarklefa evrusvæðis (óskabarn ASÍ) þannig að úr verði krypplingur sem gengur alfarið fyrir brusselsku handapati ríkisfjármála

Því með ERM-II er gírkassinn óafturkræft tekinn úr hagkerfinu þannig að einu hagstjórnartækin til umráða verða umlin sem koma frá köfnuðum stjórnmálamönnum upp í gegnum líkkistulok ríkissjóðs, undir oki Maastrichts, sem þegar á 20 ára afmæli sáttmálans er orðinn sú volga gróðurmold 1930-ástandsins sem nú rýkur úr á meginlandi Evrópu. Þar gengur allt samkvæmt áætlun til helvítis

Þeir sem aðhyllast ESB-aðild ákalla hagstjórn Sovétríkjanna; ríkisafskiptin og ekkert nema ríkisafskiptin; Vegakerfið til Sovétríkisins

Krækja; Spain’s roads currently in worst condition since 1985, says new study (El País) 

Fyrri færsla

Hin leynda dagskrá verkalýðsforystunnar

Hin leynda dagskrá verkalýðsforystunnar

"Það getur ekki verið að þeim standi á sama"

Styrmir Gunnarsson á Evrópuvaktinni veltir fyrir sér þrá og afstöðu forystu verkalýðshreyfingarinnar á Íslandi til aðildar Íslands að Evrópusambandinu, sem, eins og hann orðar það, "er óskiljanleg"

Þessi afstaða hennar er mér ekki óskiljanleg. Það er hún ekki því að Evrópusambandið er allra tíma stærsta musteri massífs atvinnuleysis og hnignunar í Evrópu áratugum saman. Þangað laðast öfl eins og þessi, því ömurlegt ástand treystir tilverugrundvöll valda hennar. Helsta markmið svo nefndrar verkalýðsforystu í dag er að viðhalda sjálfri sér og völdum hennar. Henni stendur nú orðið á sama um flest annað en tilhrifsuð völd

Ekkert hefur verið eins slæmt fyrir atvinnuástandið og efnahagslegar framfarir í Evrópu og valdhrifsun Evrópusambandsins. Í dag hefur Evrópusambandinu meira að segja tekist að endurskapa 1930-aðstæður á meginlandi Evrópu. Hver hefði trúðað því er Margrét Thatcher lét af völdum; Að Þýskaland réði þegar yfir meginlandi Evrópu á ný árið 2013, er frú Thatcher lést

Svarið við spurningu Styrmis er því miður að miklu leyti þetta:

Ástæðan fyrir því að verkalýðsforystan á Íslandi berst fyrir innlimun Íslands í Evrópusambandið er sú hin sama og þegar verkalýðsforystan aðhylltist Sovétríkin, sem hún gerir jafnvel enn, því enn steytir hún þann kreppta hnefa framan í þjóðríki okkar (e. the Nation-State)

Verkalýðsforystan hefur frá upphafi aldrei þolað þjóðríkið sem verandi þá fremstu manngæskuberandi stofnun mankynssögunar sem það er. Og allra síst hefur hún þolað sterkar stofnanir þjóðríkisins á borð við lögreglu, ríkislögreglu og dómstóla. Áður fyrr og áratugum saman voru þessar stofnanir þjóðríkisins hótun við framvindu alþjóðlegrar byltingar sósíalista og kommúnista í anda glæpagengis kommúnista Sovétríkjanna og leppríkja þeirra

Í dag hefur verkalýðsforystan neyðst til að afskrifa möguleikann á því að komast fyrir eigin afli til valda innanfrá í þjóðríkinu með aðstoð byltingar sem kollvarpað gæti þjóðríkinu sem hinni fremstu manngæskuberandi stofnunar þjóða

En svo heppilega vill nú til að nýtt fyrirbæri í anda gömlu Sovétríkjanna er upprisið og sem verkalýðsforystan álitur að hún innan þess geti stigið til metorða og frekari valda. Og í leiðinni gæfist henni kostur á að útþynna eða jafnvel útrýma þjóðríkinu og stofnunum þess samkvæmt hinum gamla draum um alræði hennar í glæparíkinu á borð við Sovét. Þetta fyrirbæri nefnist Evrópusambandið í hinni gömlu og útjöskuðu Evrópu. Og sem laðar til sín andlýðræðisleg öfl eins og mý að mykjuskán

Svo einfalt er svarið það: hin leynda dagskrá verkalýðsforystunnar er þessi. Alveg á sama hátt og hin leynda dagskrá verkalýðsforystunnar í heimsstyrjöldinni síðari í Evrópu var sú, að styrjöldin myndi brjóta upp og undirbúa jarðveginn fyrir byltinguna sem hægt yrði að koma á er þjóðríkið lægi sem sundursprengd stærð og volg gróðurmold handa þessum öflum til að planta sér í. Þetta var martröð allra sannra andspyrnuhreyfinga í Evrópu; þ.e.a.s sósíalistar og kommúnistar innan hennar með þessa leyndu dagskrá. Þessi leynda dagskrá verkalýðsforystunnar er í ætt við falschfahrer er nú kallar sig "Já Ísland"

Verkalýðsforystuna ber ekki lengur að líta á sem sanna verkalýðsforystu, heldur fyrst og fremst sem óheillavænlega blöndu af ábyrgðarlausu ólögmætu pólitísku afli af elítutagi. Og sem jafnvel ennþá, árið 2014, getur reynst hættulegt sjálfri tilvist þjóðríkis Íslendinga. Þessi vellaunuðu elítuöfl skáka nú í skjóli ASÍ

Fyrri færsla

Finnland stefnir í skipbrot í evrum

Finnland stefnir í skipbrot í evrum

 

Mynd, Trading Economics; Atvinnuleysi í Finnlandi frá 1959 til 2014

Lars Christensen fjallar um evruríkið Finnland á heimasíðu sinni. Finnland hefur nú misst helsta fjöregg eins fyrirtækis í landinu er Nokia nefnist. Hvorki Evrópusambandsaðild né evruupptaka Finnlands getur enduruppfundið hið glataða fjöregg Nokia

Þetta áfall og óöryggi sem dunið hefur yfir launþega og heimili landsins hefur nú læst klóm sínum um háls finnska hagkerfisins (e. widespread idiosyncratic shock). Það er smám saman að farast. Og þessa köfnun er ekki hægt stöðva með aðstoð evrunnar og aðild landsins að ESB —þvert á móti— því að á síðasta uppgjörsári greiddi Finnland 1,7 miljarða evra nettó til Evrópusambandsins í Brussel. Aðildin að ESB og upptaka evru hefur ekki fært landinu neitt nema óafturkræf massíf óleysanleg vandamál

Samdráttur í landsframleiðslu Finnlands árið 2009 er hin alþjóðlega fjármálakreppa skall á varð svo hrikalegur vegna evruaðildar landsins að hann náði níu prósentustigum af landsframleiðslu, sem svarar til reksturs eins heilbrigðiskerfis. Þetta er mesti efnahagslegi samdráttur sem orðið hefur í Finnlandi síðan 1918

Fullveldi Finnlands í peningamálum hvarf algerlega og óafturkræft með evruupptöku ásamt stórum hluta fullveldis landsins yfir utanríkis- efnahags- og viðskiptastefnu er hvarf með ESB-aðild landsins 1994

Eins og að ESB-aðildin og upptaka evru og dauði Nokia væru ekki nóg af áföllum fyrir Finnland, þá lítur út fyrir að nýtt stórt áfall —e. asymmetric shock— sé að leiðinni yfir landið er nefnist; kreppa í Rússlandi

Lars Christensen segir að Finnland standi í þetta skiptið varnarlaust gegn nýrri kreppu í Rússlandi því í þetta skiptið á Finnland enga mynt sem það getur látið falla til að mæta áföllum og súgþurrkun eftirspurnar og skattatekna frá og í Finnlandi. Horfurnar fyrir Finnland eru því þær að landið mun þurfa að búa og sætta sig við miklu minni efnahagslegar framfarir, hagvöxt og velmegun en frjáls lönd geta búið við, um langa ókomna framtíð, er evran dag og nótt vinnur skemmdarverk sitt á Finnlandi til langframa

Atvinnuleysi í Finnlandi hefur nú lagt sig fast á ESB-hæðum, eða eurosclerosis, það er að segja á skelfilegum 7-10 prósentustigum í venjulegu ESB-árferði. Hvert skyldi þá ný rússneskt kreppa ofan í dauða Nokia fara með Finnland? Líklega til hins þriðja heims evrulanda

Á meðan, eða frá 1969, heldur álverið í Straumsvík viðstöðulaust nótt sem nýtan dag áfram að mala gull inn í hagkerfi Íslendinga. Þjóðhagslegt mikilvægi þess má bera saman við það nettó þjóðhagslega mikilvægi sem Nokia hafði um tíma fyrir efnahag Finnlands

Krækja; Currency union and asymmetrical supply shocks – the case of Finland (Lars Christensen)

Fyrri færsla

Evran ER mynt Evrópusambandsins, það er sænska krónan ekki

Tengt

• Finnland á ekki afturkvæmt út úr ESB eða evru
• Finnskur ráðherra: mistök að Finnland skyldi taka upp evru
• Síðasta verksmiðja Nokia í Vestur-Evrópu
• Áhlaupið á íslensku krónuna

Evran ER mynt Evrópusambandsins, það er sænska krónan ekki

Vegna þess hversu Ísland er opið og alþjóðlega vel tengt, var það aðnjótandi heimsóknar François Heisbourg hina síðustu daga

Heisbourg er menntaður í Ecole Nationale d’Administration skólanum —sem upphaflega var gæluverkefni Charles de Gaulle— og sem Stalínistinn Maurice Thorez kom á laggirnar eftir að hann hafði dvalið í Moskvu Sovétríkjanna árin sem fósturjörð hans Frakkland var hernumin, eyðilögð og plundruð af Nasistum í of ákafri samvinnu við París

Sovétríkin áttu fyrsta flokks skóla sem hámenntuðu skriffinna í beinum sem óbeinum manndrápum út í morðótt nomenklattúruveldi Jósefs Stalíns um hin gjörvöllu Sovétríki hans. Og Frakklandi vantaði nauðsynlega skóla sem skrifað gætu út hámenntaða skriffinna er tekið gætu til hendinni og hannað bjúrókratíska innviði Frakklands og Evrópusambandsins. Er styrjöldinni lauk snéri Maurice Thorez heim með uppskriftina að Ecole Nationale d’Administration í ferðatöskunni. Birtist hann einnig sem andlit á sovésku frímerki og rann því beint inn í ríkisstjórn Frakklands er heim var komið

Það sem einkennir X-énarque-elítu-setulið Frakklands eftir umskólun í Ecole Nationale d’Administration, er það, að þessi franska X-elíta er næstum hvergi í veröldinni samkeppnishæf nema einmitt í miðborg Parísar. Aðeins þar þrífst hún vel. Sést það best á því að Frakkland liggur af Xinu sérhannað til örendis flatt undir þeirra þurru fótum. Og það þrátt fyrir að næstum öll hár á höfðum Frakka liggja sem sovéskt-þrædd til miðborgar Parísar. Þar er í þau haldið með miðstýringu X-setuliðsins sem sendir um þau merkin 0 eða 1 eins og að um handfléttað RAM væri að ræða. En samt gengur ekkert. Og það þrátt fyrir þá evru-mynt sem X-énarque-elítu-setulið Frakklands kom á í landinu undir forsæti Mitterrands

Svo sorglegt sem það er, þá er Frakkland að sökkva í evru-myntinni sem þeir kröfðust og óskuðu sér svo heitt. Það er að segja; sem X-énarque-elítu-setulið Frakklands krafðist og óskaði sér svo heitt. Dýrðardagar Frakklands á 5-7. áratugum síðustu aldar eru liðnir og vissuleg mikil og góð afrek X frá tímunum þeim eru rykfallin og í sundur að detta

Til Íslands kemur François Heisbourg og segir Íslendingum að evran sé nú ónýt og að Evrópa sé jafnframt svo gott sem einnig ónýt af hennar völdum. Sem er alveg hárrétt hjá honum. En það er líka hárrétt að Frakkar og Þjóðverjar hafa aldrei haft hundsvit á peningamálum. Það sást strax er bankastjórn ECB-seðlabanka Evrópusambandsins settist að völdum og sprengdi myntsvæði Evrópusambandsins í loft upp með því að framkvæma stærstu fjármálabólu veraldar á löndum þess undir stjórn Jean-Claude Trichet frá Lyon, sem skólaður var auðvitað til í Ecole Nationale d’Administration

En hér kemur svo rúsínan í ESB-endanum á énarque-elítu X. Jú, Ísland ætti nefnilega að ganga í ESB af því barasta. Ísland ætti að ganga í Evrópusambandið af því að sambandið —samkvæmt François Heisbourg— á nú að verða Sambandsríkið, með stórum staf. En sambandið geti því miður ekki orðið Sambandsríkið fyrr en að það sem lækna átti ekki-sambandsríkið svo það gæti orðið Sambandsríkið —þ.e. sjálf evran— er nú allt laust og fast að drepa á meginlandi Evrópu. Hvert hringir maður þá? Jú, maður hringir að sjálfsögðu í Chief Inspector Charles LaRousse Dreyfus á geðbilunarhælinu Galeanstalt og pantar hjá honum nýjan tíma í Evrópufræðum

Nú er sem sagt það myntbein er hent var fyrir Mitterand Frakklandsforseta á meðan Þýskaland rann á ný saman í eitt, allt í einu orðið eitthvað svo vonlaust. Þýskaland er nefnilega á leiðinni austur

Eins og alltaf tala höfuð og "sérfræðingar" í málefnum Evrópu og Evrópusambandsins með jafn mörgum tungum og til þarf svo hið bogna ljós undralands evrusvæðis og ESB varpist aldrei á nein viðkvæm mál

Furðulegt er að heyra að einhver sem kallaður er sérfræðingur í málefnum Evrópu og jafnvel Evrópusambandsins, skuli reyna að halda því fram að Svíþjóð —og bara sökum þess að Svíþjóð er Svíþjóð sem þekkir í þykjustunni þekktan mann í þýsku landi— sé á einhvern hátt undanþegin því að fara í gegnum ERM-II ferli Evrópusambandsins til að taka upp evru. Þetta er sprenghlægilegt því að í Sáttmála Evrópusambandsins stendur skrifað að evran ER mynt Evrópusambandsins eins og að Evrópuþing þess ER þing Evrópusambandsins

Í Sáttmálunum með stórum staf er njörvað niður og samþykkt af 28 þjóðþingum 28 ríkja að öll lönd sambandsins verði að taka upp evru af því að evran ER mynt Evrópusambandsins. Í sáttmálunum samþykktum og staðfestum af hinum sömu 28 þjóðþingum sömu 28 ríkja Evrópusambandsins stendur einnig að aðeins Danmörk sé með undanþágu frá þriðja fasa myntbandalagsins (ERM III) sem er evran, ásamt Bretlandi, sem er alveg undanþegið frá öllum fösum ERM; þetta stendur skrifað og staðfest af þjóðþingum allra landa Evrópusambandsins í Sáttmálunum og Svíþjóðar einnig

Það stendur sem sagt ekkert um það í neinum sáttmálum Evrópusambandsins að Svíþjóð sé á neinn hátt undanþegin því að taka upp evru. Landinu er samkvæmt Sáttmálunum skylt að gera það um leið og ESB- og evruyfirvöld hafa metið landið sem hæft til þess. Svíþjóð mun eins og öll önnur lönd ESB fyrst þrufa að ganga í gegnum ERM II, sem er pyntingaklefi myntbandalagsins, svo það geti látið ESB troða sér ofan í evru

Kannski eru kerfis-karlar Frakklands svo vanir því að geta skalkað og valkað með sáttmálana af því að landið þeirra heitir Frakkland og er einnig að hluta til Þýskaland, að þeir taka ekki eftir því hvaða skyldur og reglur eru lagðar hráar og ólagfærðar á venjuleg ríki í Evrópusambandinu

Þrátt fyrir góðan vilja og snjalla hugsun François Heisbourg, þá er Evrópa Evrópusambandsins ólæknandi. Hún er ólæknandi undir evru og hún er ólæknandi eftir evru. Stefnumótun sambandsins hefur því stefnt henni til 1914 á ný

Fyrri færsla

Afpöntuð ESB-ríkisstjórn og pöntunarseðlar 

Afpöntuð ESB-ríkisstjórn og pöntunarseðlar

Sjá krækju á frétt Morgunblaðsins um utanríkisviðskipti og gjaldmiðla þeim tengdum, neðst í þessari bloggfærslu

Lesa; Áhlaupið á íslensku krónuna 

Hvað skiptir máli í utanríkisviðskiptum

Það sem alltaf skiptir mestu máli er náttúrlega það að fá sjálfa pöntunina. Að vera samkeppnishæfur. Það er pretty fundamental, ekki satt? Að fá pöntunina

Og svo það, að geta uppfyllt pöntunina stundvíslega. Til dæmis með því að eiga góð skip og flugvélar. Að græða oftar á pöntuninni en ekki, er einnig mikilvægt, skyldu sumir ekki vita það. Það þýðir að tekjur verða oftar að vera stærri tala en útgjöld

Það fyrirbæri þekkja of margir stjórnmálamenn þó yfirleitt ekki, því þeir búa ekki til neina velmegun og skaffa íslenska hagkerfinu ekki neina peninga. Þeir eyða bara því sem aðrir hafa skaffað og keyra ríkissjóð landsmanna nær alltaf með krónísku tapi. Þeir eyða oftast um efni fram, nema þegar Davíð Oddsson stóð yfir þeim

Spurningin í utanríkisviðskiptum um það hvernig greitt er og með hverju, verður alltaf eins og gengur og gerist um allan heim. Aðeins aular eða blekkingarmenn í stjórnmálum þykjast ekki geta stundað utanríkisviðskipti við önnur lönd nema að þau noti sömu mynt og maður notar sjálfur. Sovéthugarríki transit- og útskipunarhafnar Rotterdams eru dauð og grafin. Og reiknivélar eru fyrir löngu uppfundnar. Sími og Internet hafa einnig verið tekin í notkun

En ég get ekki séð að of margir stjórnmálamenn skilji þetta. Er það kannski nokkuð þess vegna sem að þeir eru einmitt stjórnmálamenn? Afpantaðir stjórnmálamenn á kjördag eru óskemmtileg sjón. Kva, varstu afpöntuð?

Engum nema heimsins minnst fljótandi forsætisráðherra og utanríkisráðherra í peningamálum létu sér detta í hug að afpantaðar yrðu vörur frá átjándu stærstu eyju veraldar vegna skorts á reiknigetu

Ferill pöntunar í utanríkisviðskiptum 

• Pöntun kemur frá Japan
• Samið er um afhendingu og greiðsluskilmála
• Varan er send á næstu stóru höfn, til dæmis Rotterdam.
• Holland er þá transit-land í praxís
• Þar er vörunni umskipað og annað skipafélag tekur við
• Áfangastaður vörunnar er Ástralía
• Umboðsmaður norska söluaðilans í Japan sá um kaupin
• Frá Ástralíu er 1/10 hluti vörunnar sendur með flugi til Nýja Sjálands

Sjálf greiðslan fer fram í þeirri mynt sem gagnast báðum aðilum best

Hagstofa Íslands skráir þennan útflutning sem utanríkisviðskipti Íslands við ESB, því hún veit ekki betur. Hún GETUR ekki vitað betur

DDRÚV segir svo landsmönnum í Kastljósi frá þessum glæsilegu utanríkisviðskiptum Íslands við ESB. Þar fer nefnilega allt til ESB. En enginn hefur samt minnst hér á EES, ESB, evru né neitt E. Enda algerlega ástæðulaust

Svona hafa utanríkisviðskipti Íslendinga alltaf verið. Ekki nærri því allir hafa örugga vitneskju um endanlegt neysluland. Oft eru þau mörg. Nema að forsætisráðherrann afpantaði vilji láta lögregluna skammta fyrirtækjum landsins pantanir

Fiskútflutningur Dana til Íslands er tölu verður. En þegar nánar er skoðað í gagnagrunn DST kemur í ljós að allt eru þetta gullfiskar. Hvernig skyldi standa á þessu? Danir standa sem sagt í fiskútflutningi til Íslands. Hvað hefði minnsti fljótandi forsætisráðherra heimsins í peningamálum sagt við þessu áður en hún var afpöntuð

Að fá sjálfa pöntunina er alltaf mikilvægast

Í eðli sínu er mjög erfitt að vera seljandi. Það krefst mikils. Það er alltaf auðveldast að vera bara kaupandi. Eins og útrásarvíkingar voru flestir. Þeir keyptu og keyptu en gátu sjaldnast selt neinum neitt

Fjársterkustu framtíðarneytendur heimsins eru ekki í Evrópusambandinu. Þar eru þeir orðnir líkamlega of gamlir og stálfátækt evrunnar sér um hitt; stöðnun, hnignun, hrun og þrot. Þar mun fjársterkum neytendum fækka hratt. Allur vöxtur danskra dótturfélaga erlendis er því fyrir utan Evrópusambandið. Og ekkert getur Hagstofan sagt okkur um viðskiptamyntir dótturfélaga erlendis við umheiminn

Gott hjá Frosta!

Fyrri færsla

Ó-hagganlegar stærðir 

Meira flutt út í dollurum en evrum

Ó-hagganlegar stærðir

Reynsla Rússlands af ESB er fyrir það fyrsta mótuð af innrás Napóleons af heimsveldinu Frakklandi inn í Rússland

Charles de Gaulle forseti hins þriðja Frakklands af þeim fimm til sex, neitaði Bretum um inngöngu í Evrópusambandið, því hann sagði að Bretland passaði ekki þar inn. Passaði ekki þar inn, sagði hann, því Evrópusambandið ætti að ná frá eystri-ströndum Atlantshafs og austur að Úralfjöllum. Að Bretland ætti ekki heima á því meginlandi Evrópusambandsins. Þetta var og er alveg rétt hjá honum, enn þann dag í dag

Og í öðru lagi er reynsla Rússlands af Evrópusambandinu mótuð af innrás Adolfs Hitlers af brjáluðu Þýskalandi & Co inn í Rússland. Reynsla Rússlands af Vestur-Evrópu er því nokkuð strembin

En reynsla Rússlands af Evrópusambandinu er jafnvel ennþá erfiðari viðfangs því Evrópusambandið er nýtt dulbúið imperial-fyrirbæri sem stöðvar ekki útþenslu sína fyrr en það rekst á óhagganlegar fastar stærðir; rekst á immovable objects

Það væri ákaflega sorglegt ef að Evrópusambandinu tækist að véla NATO til þjónustu við sig sem útþenslubolverk Evrópusambandsins austur. Það væri virkilega sorglegt. Ég vona að NATO skilji þetta. Alveg sama hversu mikið Póllandi et al. langar í gamla veldið sitt, sem nú er læst inni í Úkraínu

Rússlandi var af Evrópusambandinu —nú orðið Þýskaland— lofað vissum hlutum er Sovétríkin hrundu. Þau loforð hefur ekki verið staðið við

Nái hin stuðandi hugsjón stærstu raflagningamanna Evrópusambandsins —frá 1947 ruslatunnuupphafi þess— alla leið til áfangastaðar sambandsins austur við Úralfjöll, já, þá vitum við fyrirfram hverslags barbarí það samband yrði. Það yrði tryllt

Það sem sögunnar menn eiga eftir að velta virkilega alvarlegum vöngum yfir um ókomna framtíð er þetta; hver styggði friðinn sem þjóðríki Bandaríkjamanna í Norður-Ameríku kom á og tryggði með meira en algerlega lögmætu valdi sínu á meginlandi Evrópu. Friðinn sem þjóðríkið Bandaríkin komu á, kostuðu og tryggðu með milljón sinnum meira lögmæti en alla aðra gat látið sig dreyma um, fyrr og allar götur Evrópu síðar

Og hver var það sem svo veruleikafirrtur varð strax árið 1947, að hann fór að gramsa ofan í hinu gamla ruslatunnuveldi meginlandsins á öskuhaugum þess. Hver er þessi sá er nú blæs þar af öllu sínu afli lífinu í gamlar glæður brennandi rústa tapranna á meginlandi Evrópu!

Það er nefnilega það; austur til Úrals

Og nú; mínar dömur og herrar; Hrossagaukurinn er kominn! 

Fyrri færsla

Að vera einn peningur

Að vera einn peningur

Mynd: Rússnesk rúbla - breskt pund - íslensk króna - miðað við Bandaríkjadal. Vísitölusamanburður gengis þeirra

• • •

Útflutningur Rússlands árið 1995 var að andvirði samtals 53,7 miljarðar Bandaríkjadala. Árið 2011 er útflutningur Rússlands hins vegar að andvirði orðinn 508 miljarðar Bandaríkjadala. Þetta er nálægt tíföldun á 16 árum

Heil 7 prósent af þessum tífalda útflutningi Rússlands árið 2011 fara enn til Kína. Sá útflutningur hefur tólffaldast á tímabilinu

Eystrasaltsríkin sem nú eru handjárnuð við vitlausa mynt Evrópusambandsins, geta sjálf upp á eigin spýtur enga viðskiptasamninga gert við nein lönd. Þau hafa misst fullveldið í þeim efnum. Þau hrundu ófullvalda niður úr Sovétríkjunum og ófullvalda inn í Evrópusambandið. Þau fóru úr og í aftur; reboot

Þau hafa einnig misst fullveldi sitt í orkumálum til Rússlands. Og það hefur Finnland líka. Eystrasaltsríkin eiga því enn, fyrst og fremst viðskipti við hvort annað og við Rússland

Merkilegt er nú að hugsa til þess að rússneska rúblan skuli hafa ráðið við þetta allt. Ekkert af þessu hefði verið hægt ef Rússland hefði ekki haft sinn eigin gjaldmiðil. Og ekki nóg með það. Rúblan kom Rússlandi í gegnum hrun Sovétríkjanna. Og það sést

Af þessu hefur Evrópusambandið mikið lært. Sambandið hefur lært að maður getur ekki orðið nýtt sovétríki án drottnandi myntar

Og eins og lesendur sjá og heyra gengur smíði hinna nýju sovétríkja Evrópusambandsins bara ansi vel. Hagfræðingurinn Jacques Rueff sem vann fyrir ríkisstjórn Frakklands sagði henni strax árið 1949 að; "L’Europe se fera par la monnaie ou ne se fera pas" - eða - "Evrópa verður byggð með einum gjaldmiðli; annars ekki". En þá voru hinir fyrrverandi þrír-til-sex þegar farnir að vinda uppá sig og gramsa eftir sundursprengdu gulli sínu ofan í hinu gamla ruslatunnuveldi meginlandsins á öskuhaugum þess eftir heimsstyrjaldirnar tvær, plús allt það lausa

Helmut Schmidt (D) og Valéry Giscard d'Estaing (F) fóru stuttu síðar eftir steypustöðlum Jacques Rueff og byggðu skotpall evrunnar, sem heitir ERM. Sem var og er enn tröllskessa, efnahagslegt viðriðni og drápsvél velmegunar í Evrópu. Afurð fyrirbærisins sést mjög vel á Spáni á Steingrími, Jóhönnu og Össuri. Og í Danmörku (atvinnuleysi 7%). Og í Lettlandi (11,5%). Og út um allt evrusvæðið (12%) og allt ESB (10,8%)

Þó svo að allir borgarar Spánar (26%), Portúgals (15,3%) og Írlands (12%) dræpust undir evrunni þá verður ekki hætt við þetta brjálsemisverk Evrópusovétsambandsins. Enginn sem komið hefur inn í evruna mun lifandi út sleppa. Hið nýja sovétríki Evrópu er komið beyond point of no return

Það er því nokkuð sprenghlægilegt að verið sé að veita peningaverðlaun fyrir að koma með bestu uppskriftina á því hvernig hægt sé að brjótast út úr evrunni. Það er ekki hægt. Betra væri að veita mönnum verðlaun fyrir að sjá inn í sálir fólks

Til að brjótast úr úr evrunni þarf gífurlegan herafla og mátt kjarnorkuhótunar. Eða vernd Bandaríkjanna. En sú vernd er því miður ófáanleg. En kannski verður hún það síðar - er logarnir sleikja meginland evrunnar á ný

Og af hverju tók Evrópa ekki bara upp Bandaríkjadal fyrst eigin-mynt þjóðríkis samkvæmt Brussel er banvæn? Hvað er að?

En svo eru til þeir, sem á stundum segja að "lífið sé ekki bara einn peningur". Það segja reyndar flestir nema þeir sem vilja að Ísland gangi í Evrópusambandið. Þeir eru sem einn peningur í framan en sem skrifaður er út í gegn að aftan

• • • 

Project Syndicate 25. mars 2014

Rífið evruna niður

Deconstructing the Euro 

Strategy;

João Ferreira do Amaral

Brigitte Granville

Hans-Olaf Henkel

Peter Oppenheimer

Jean Jacques Rosa

Antoni Soy

Jean-Pierre Vesperini

- for Saving the European Union from the Euro

• • • 

Fyrri færsla

"dwell upon its horrors"

Tengt

Atvinnuleysi í Evrópusambandinu núna: og frá 1983

"dwell upon its horrors"

Þann 16. nóvember 1934 sagði Winston Churchill í ræðu að margir héldu því fram að besta leiðin til að komast hjá styrjöldum —þið vitið; að varðveita friðinn— væri sú að dvelja ætti stanslaust non-stop við myndina af hryllingi þeirra

Það er einmitt það sem lævísir áróðursmenn Evrópusambandsins hafa gert. Þeir hafa stanslaust viðhaldið þeirri mynd að þjóðríkið sem stofnun (e. institution) hafi verið orsakavaldur síðustu heimsstyrjaldar og að þjóðríkjum meginlandsins þurfi því að tortíma, svo að halda megi friðinn

En þegar nánar er að gáð sést að Evrópusambandið var í ruslahrúgum fyrst og fremst stofnað til að skaffa Þýskalandi og Frakklandi fjarvistarsönnun frá brennuvörgunum sjálfum sér. Því sem eitt stykki Evrópusamband væri betur hægt að komast hjá því að framtíðin kæmi og segði; "sjáið þið, þarna fara brennuvargar meginlandsins, samir við sig, eins og áður". Framtíðinni er hins vegar af blekkingunni ESB gert skylt að dvelja non-stop við gamlar hryllingsmyndir á meðan hið sama samband kemst á ný til keisaralegra valda yfir hinum gömlu elitæru og útjöskuðu vígvöllum meginlandsins

Ostpolitik Helmuts Schmidt sem gekk út á túkall og tvíkall var eitt af fyrstu krampakenndu ósjálfráðu taugaviðbrögðum hins fyrrverandi af öllu fyrrverandi í dulbúningi þess sem verandi eitthvað annað en einmitt hið sama gamla brunalið Þýskalands og síðast —en bara nú— brunandi smáskammtafræðilega fram á nýjum brautarteinum Evrópusambands yfir meginlandið

Ostpolitik Helmuts Schmidt gerði hinum fremsta og pólitískt erfðafræðilega sanna fjandmanni Evrópusambandsins númer eitt —Bandaríkjum Norður Ameríku— einungis erfiðara fyrir við að varðveita og tryggja friðinn á einmitt þessu eina og sama megnlandi tapranna í Evrópu. Schmidt lagði gömlu símalínur Þýskalands austur til þess að tryggja sér samvirðingu Frakka, sem þá voru Ameríku-hatarar meginlandsins númer absolut eitt og sem eru það jafnvel enn. Tækifærið í átt til "sambands" via stofnun ERM sem svo átti að byggja upp ESB var notað á meðan hvítinginn Carter ó bambi var varla við völd

The Time of the Nation-State is Over

Tími þjóðríkisins er búinn

- "forseti" leiðtogaráðs Evrópusambandsins, Herman Van Rompuy, í ræðu þann 9. nóvember 2010

Nú er í annað skiptið barið að dyrum hjá dyravörðum þvaður-sannleikans um Evrópusambandið. En enginn kemur þar til dyra, frekar en í fyrri skiptin. Nema auðvitað sjálfur nefstubbur Evrópusambandsins í búningi forseta þess. Sá hinn sami "forseti" og hélt fimm þúsund orða ræðu um "friðinn" á meginlandi Evrópu frá árinu 1945 til loka kalda stríðsins. Það gerði hann í Berlín árið 2010 er þess var minnst að 21 ár var liðið frá falli múrsins. Og það gerði hann alveg án þess að minnast einu orði á þá staðreynd að það var þjóðríkið Bandaríkin í Norður-Ameríku sem tryggði og varðveitti þann frið sem fáráðlingurinn þessi og hinn fyrsti "forseti" leiðtogaráðs ESB, Herman Van Rompuy, hélt þarna í kringum sjálfan sig undir föllnum múr í Berlín árið 2010

Það sem sögunnar menn eiga eftir að velta alvarlegum vöngum yfir um ókomna framtíð er þetta; hver styggði friðinn sem þjóðríki Bandaríkjamanna í Norður-Ameríku kom á og tryggði með meira en algerlega lögmætu valdi sínu í Evrópu. Friðinn sem þjóðríkið Bandaríkin komu á og tryggðu með milljón sinnum meira lögmæti en alla aðra gat látið sig dreyma um, fyrr og allar götur Evrópu síðar 

Og hver var það sem strax varð svo veruleikafirrtur árið 1947 að hann fór að gramsa ofan í hinu gamla ruslatunnuveldi meginlandsins á öskuhaugum þess. Hver er þessi sá er nú blæs þar af öllu sínu afli lífinu í gamlar glæður brennandi rústa tapranna á meginlandi Evrópu!

Það að geta kastað af sér svona aðsvifsræðu um friðinn í Evrópu án þess að minnast einu orði á þjóðríki Bandaríkjamanna í Norður-Ameríku —né hvað þá að þakka því fyrir hann— er einungis á færi elítuveldis Evrópusambandsins. Það eitt er fært um slíkan hroka og gerræðislegar sjálfsbekkingar. Enda er Evrópusambandið fyrst og fremst stofnað til höfuðs þjóðríki Bandaríkjamanna. Fyrst og fremst og svo er enn. Og svo er enn . . 

Fyrri færsla

Hagvöxtur í Rússlandi gæti orðið Evrópusambandslegur 

Hagvöxtur í Rússlandi gæti orðið Evrópusambandslegur

Í yfir 35 ár hefur ERM-I-II-III gengisfyrirkomulag Evrópusambandsins kyrkt og kæft hagvöxt og sprengt til langtíma upp atvinnuleysi í löndum Evrópusambandsins á miðstýrðan sovéskan hátt. Hinn þriðji fasi ERM-fyrirkomulagsins er sjálft pólitíska málgagnið evran

Ekkert hefur verið eins varanlega örkumlandi fyrir Evrópu og þetta ERM-elítusamsæri embættis- og stjórnmálastétta ESB gegn hinum efnahagslega raunveruleika í ofangreindu tímarúmi, sem lengist bara og lengist fyrir núlifandi kynslóðir í handjárnum sambandsins

Til hroðalegs hryllings geta menn sér nú til þess að hagvöxtur í Rússlandi gæti —vegna einangrunaraðgerða Evrópusambandsins— jafnvel fallið niður á ESB-level. Að hagvöxtur í Rússlandi gæti jafnvel orðið Evrópusambands-hryllingur sökum ytri efnahagsþvingana. Þá væri nú illa fyrir Rússlandi komið, því ERM-skrúfstykki Evrópusambandsins hefði sjálft KGB varla getað fundið upp

Allt sem ESB snertir á deyr. Enda hefur Evrópusambandið úti í Evrópu hlotið nafngiftina kirkjugarður ríkisstjórna fólksins. Þar hefur ESB-elítum heils meginlands tekist að innleiða varanlegar efnahagsþvinganir sem verandi "framfarir"

Fyrri færsla

Þýsk Evrópa gengur brátt (og illilega) aftur

Tengt 

Atvinnuleysi í Evrópusambandinu núna: og frá 1983

Þýsk Evrópa gengur brátt (og illilega) aftur

Krímskaga-aðgerðir sambandsríkis Rússlands  —the Russian State Union—  munu strax og ákaft verða notaðar til að rumpa upp leiktjöldum heima fyrir og framkalla sviðshlutverk sameinaðs Þýskalands sem verandi sívaxandi og stigmagnandi mikilvægara á hinni voflegu framköllunarstofu þess yfir Evrópu, þ.e.a.s, sem drottnandi afli yfir Evrópusambandinu. Og helst að sambands-hlutverk þess verði frá og með nú framkallað enn hraðar en í gær, frá og með hinu varanlega 2009-hruni myntbandalags ESB talið, eins og við þekktum það 

Eins og allir sjá eru landamæri ríkja og sambandríkja Evrópu aðeins föst svo lengi sem valdhafar festa þau, halda þeim föstum og svo lengi sem borgararnir líta á þau sem landamæri ríkja uppi í heilabúum sínum. Falli hugmyndin um landamærin uppi í höfðum valdhafa eða fólksins, já þá falla þau, landamærin

Landamæri eru aðeins huglægt fyrirbæri; þau eru hvorki líkamleg, landfræðilega föst, ríkisfasteign né neitt í þá átt. Þau eru huglægt fyrirbæri er hvílir á hollustu einnar þjóðar við liti þjóðfána þjóðríkis þeirrar einu og sömu þjóðar

Hefjast nú nýsteikingar og niðursuður Evrópu fyrir alvöru á ný. Kallað verður; "Þýskaland, ó þú verður að taka að þér leiðtogahlutverkið og gera Evrópusambandið" að nýju . . já, þið vitið hvað; gera það að hinum fjórðu ferlegheitum meginlandsins - heimsveldinu; the Empire. Og því munu sjálfkrafa fylgja hörmungar miklar. Verri en grískar

 

Fyrri færsla

 

Evrópusambandið verður Úkraína