Upp-nám á þröskuldi

Ragnhildur Kolka kom samkvæmt venju með nytsama athugasemd. Í þetta skiptið við síðustu bloggfærslu. Athugasemd hennar minnti mann á að huga að staðreyndum í stað stað- og stafleysu svo kallaðra fjölmiðla, sem næstum aldrei hafa séð neitt mikilvægt fyrir, heldur ekki fall Sovétríkjanna sjálfra né 70-ára fæðingarhríðir Ísraelsríkis hins nýja og sjálfa fæðingu þess. Bæði komu sem þruma út heiðskíru lofti, svipað og kjör Donalds J. Trump og Brexit. Þessum fjórum atburðum laust bara niður í veruleikann, og þar eiga fjölmiðlar allra síst heima, eins og sést. Þess vegna þurfa þeir helst að koma út á hverjum degi, til að bæta upp hið liðna, sem þeir tóku ekki eftir

Ragnhildur skrifar:

"VDH er alltaf upplýsandi og ég bíð spennt eftir næsta innleggi. Merkel tókst það sem Hitler stefndi að, þ.e. að leggja Evrópu undir Þýskaland enda virðist hún hafa 9 líf. Hafi heimurinn verið hættulegur 2015 þá er hann margfalt hættulegri nú með Kína á þröskuldinum og BNA í upplausn."

Og ég svara:

Þakka þér fyrir innlitið, góða athugasemd og kveðju, Ragnhildur

Já, það sem þú nefnir m.t.t. Þýskalands er rétt. Hitt virðist vera rétt, þetta með Bandaríkin og Kína, en þegar nánar er að gáð, þá er það nú ekki svo

Öll ríki eru alltaf á þröskuldi sínum. Þröskuldur Kína er við sjávarsíðuna í Kína (nánast í flæðarmálinu). Yfir hann kemst Kína ekki, því þá stígur það um leið á þröskuld Bandaríkjanna, sem er norðan megin við Taívan

Já Bandaríkin virðast vera í upplausn, en eru það hins vegar ekki. Þau eru bara í venjulegu uppnámi unglingsins sem rétt er að ná því að verða fullorðinn. Þetta eru síðustu ár Bandaríkjanna sem heimsveldið sem það aldrei vildi verða. Þau eru loksins að samþykkja og kyngja þeirri staðreynd að þau eru eina heimsveldi jarðar er beint getur valdi og valdaáhrifum um alla jörð. Unglingabólurnar eru að hverfa

Mitt í öllum þessum innanlandslátum, þá virka Bandaríkin á alla kanta. Löggjafar-, dóms-, og framkvæmdavaldið virka eins og vera ber. Herinn virkar á öllum sviðum og í öllum heimsálfum og hagkerfið er að þjóta upp sem ein ósundrandi heild. Og þannig hefur þetta verið í Bandaríkjunum öll árin frá því að endir-Fukuyama-sögunnar sem-aldrei-varð, endaði 2008. Þetta tók sinn tíma. Það sama er ekki hæg að segja um neinn annan hluta Vesturlanda, nema Bretland og Fimm augu, sem nú er eina varanlega bandalagið á Vesturlöndum, með varanlega sameiginlega hagsmuni, en óformlegt samt

Útlit er því fyrir að bandarískur almenningur fái fulla valútu fyrir peninga sína núna, með því eiga miða á forsetakosningar sem loksins verða eins nálægt alvöru hnefaleikum eða leðjuglímu og hægt er að komast. Hvaða annað ríki heimsins býður upp á slíkt? Ég spyr

"No nation has done more to advance the human condition than the United States of America. And no people have done more to promote human progress than the citizens of our great nation,"
– Donald J. Trump, við rætur Mount Rushmore 4. júlí 2020 

Þessi spenningur fékk mig til að horfa á fjórða-júlí-ávarp Trumps forseta til þjóðarinnar við Rushmorefjall í gærkvöldi, og þar tók ég líka eftir hinni efnilegu Kristi Noem bóndakonu, sem er ríkisstjóri Suður Dakóta núna. Ég fékk mér meira að segja popp og kók með þessu. Þetta borgaði sig heldur betur, því þarna sá maður að ekkert var að marka það sem flestir svo kallaðir fjölmiðlar og gáfumenni höfðu sagt um ávarpið, nema leiðari WSJ

Já, hér er sú fyrri færsla

Pólitísk stunt Angelu Merkel og áhugaleysi á evrunni

Pólitísk stunt Angelu Merkel og áhugaleysi á evrunni

Victor Davis Hanson bóndi og sagnfræðingur: Mannkynssagan í fréttunum: Langa stríðið frá 1870 til 2012, hvers vegna Þýskaland sigraði Evrópu að lokum. Næstu áratugirnir í Evrópu verða "athyglisverðir tímar"

****

Sagt er að kanslari og ríkisstjórn Þýskalands hafi engan áhuga á evrunni né sjálfu evrusvæðinu. Varðandi hönnunarkrypplaða evruna hefur Angela Merkel á valdaferli sínum ekkert aðhafst umfram það að sjá til þess að evran og evrusvæðið hryndi ekki til grunna, og síðan séð til þess að evran virki sem lággengisgjaldmiðill fyrir Þýskaland á meðan eitthvað er enn hægt að sjúga út úr þeim löndum sem eru í handjárnuðu gengisfyrirkomulagi við Þýskaland og skulda því nú tvær billjónir evra. En meira að segja þarna, þótti þýskum stjórnvöldum að of miklu væri eytt í evruna sem sameiginlegan þýskan gjaldmiðil yfir Evrópu

Einu afrek Merkels á 15 ára valdaferli hennar eru þau að afskaffa kjarnorkuver landsins og síðan að hleypa fossi fólks frá sólkerfum Sýrlands inn í Þýskaland. Bæði eru fyrirbærin það sem Bifrastarstjörnuspámenn kalla "popúlismi" eða "pólitískt stunt". Orkuframleiðsla Þýskalands er því í molum og innflytjendamálin eru að springa framan í andlit þýsku ríkisstjórnarinnar

Enginn býst við því að þýska ríkisstjórnin standi við fögur fyrirheit um voldugan "björgunarpakka" vegna Wuhan-veirunnar [esb þolir ekki áföll og er því viðvarandi sökkvandi og Schengen er nú duft í glasi sem esb/ees-menn drekka við timburmönnum á reglusamkomum sínum]. Þeir Þjóðverjar sem einna mest vit hafa á úrverki þýskra stjórnmála í ESB, telja að slíkt sé með öllu útilokað. Um verður að ræða pakka sem kynntur verður með lúðraþyt já, en hann verður samt ekki nema brot af einu prósenti landsframleiðslunnar næstu tvö til fjögur árin - og kemur, kannski, til útborgunar með alls kyns skilyrðum. Ríkisskuldir Grikklands eru til dæmis komnar í tvöfalda landsframleiðslu og 7 prósent fjárlagahalli er að renna þar upp, og forsætisráðherra Ítalíu er á barmi taugaáfalls vegna skulda, massífs langtíma evruskapaðs atvinnuleysis og barnleysis. Þar er framtíðin vægast sagt kolsvört

En jafnvel þetta litla finnst þýskum stjórnvöldum að sé orðið of mikið, og mun meira en það sem þótti jafnvel of mikið á hangandi-hárs-árum evrunnar 2012-2015, þar sem Seðlabanki Bandaríkjanna átti stærsta þáttinn í að evran og myntsvæðið félli ekki algerlega saman

Og nú sussar sósíaldemókratinn Heiko Maas og utanríkisráðuneyti hans í Þýskalandi á þýska ríkisborgara í Hong Kong, og skipar þeim að gagnrýna ekki ókjörnu vondu mafíuna sem án umboðs stjórnar þar frá Peking. Hryggleysið er algert og sendiherra Kína í Berlín stynur af ánægju

Fyrri færsla

Reagan 1988: Dukakis er öryrki!

Reagan 1988: Dukakis er öryrki!

Lundi VE (110?) færir björg í bú

****

Sífellt reyna menn að umskrifa söguna sér í vil. Engin núlifandi kynslóð hefur sama skilning á sögunni og þær sem lifðu hana, því gerðu þær það þá væru blökkumenn komnir í bardaga við þá blökkumenn sem söfnuðu þeim saman í Afríku og seldu þá sem svo kallaða "bræður" sína til útlanda; austur og vestur

Það var um þetta leyti sumars 1988 að Ronald Reagan forseti Bandaríkjanna sagði að forsetaframbjóðandi Demókrata, Michael Dukakis, væri öryrki eða fatlaður (e. invalid). Dukakis kannaðist hins vegar ekki við það og hin hefðbundna umræða um setuhæfni forsetaframjóðenda –úr röðum fólksins– keyrði eins og venjulega. Fólk er fólk. Reagan sagðist hafa sagt þetta í gríni og Dukakis sagði að forsetinn þyrfti ekki að biðjast afsökunar, því hann, Dukakis, hefði það fínt

En þarna í júlí 1988 naut Dukakis –samkvæmt könnunum– mikils forskots á keppinaut sinn í baráttunni um Hvíta húsið, þ.e. George H.W. Bush. Landskönnun þann 3. júlí sýndi þannig Dukakis með 55 prósentu fylgi, en Bush með aðeins 38 prósentur. Bush sigraði hins vegar stórt er kjördagur rann upp í nóvember

"Þið skuluð ekki kjósa þennan mann því mamma hans rekur hóruhús í kirkjugarði", - var einu sinni sagt í kosningabaráttu. Vandamálið er hins vegar það að ég man ekki hvort þetta var sagt á vöggustofunni í Aþenu eða vestanhafs. Samt er ég þeirrar skoðunar að þetta slógan passi ágætlega við forystu Sjálfstæðisflokksins núna. Mér finnst hún reka hóruhús í Valhöll, þegar að þjóðarhagsmunum Íslands kemur. Og enginn getur neitað því að miðað við nýliðna nútíð er Sjálfstæðisflokkurinn kirkjugarður núna. Lítið bólar á viðskiptavinum þar. Þeim líst svo illa á framboðið

- Gunnar er þjóðaríhaldsmaður í Sjálfstæðisflokknum  

Fyrri færsla

Hagnaður evrópskra fyrirtækja örverpi miðað við Bandaríkin

Hagnaður evrópskra fyrirtækja örverpi miðað við Bandaríkin

Mynd; Breti kíkir ofan í ESB-1. Barnes Wallis hjá Vickers stóð fyrir opnuninni

****

Samanlagður hagnaður 500-stærstu fyrirtækja Evrópu var á pari við hagnað Apple. Það kostar að skerða fullveldi og afnema sjálfstæði þjóða

Þetta gerist þegar lönd láta yfirríkislegan klúbb eins konar esb/ees-frímúrarareglu múra sig inni í kastala með næstum engar aðrar útgönguleiðir en upp í gegnum skorsteinana. Þýska Handelsblatt birti fyrir viku þá frétt eða öllu heldur þann sérreiða þýska ættbálkadálk hinnar þýsku erfðareiði –sem á áttatíu ára fresti skekur meginland Evrópu niður í sviðna rót– að samanlagður hagnaður 500 stærstu fyrirtækja Evrópu á fyrsta fjórðungi ársins var á pari við hagnað hins bandaríska Apple á umræddum fjórðungi, eða 11 milljarðir dala

Ég get því miður ekki séð svipinn á lesendum þegar þeir lesa þetta. Þegar þeir lesa að 500 stærstu fyrirtæki Evrópu skiluðu ekki meiri samanlögðum hagnaði en eitt bandarískt fyrirtæki, og að með hverri krísunni sem líður þá skarar bandaríska hagkerfið meira og meira framúr, á meðan hin evrópsku sökkva dýpra og dýpra inn í esb-múrinn

Í fyrra féll samanlagður árshagnaður þessara evrópsku fyrirtækja átta prósentur, eða niður í 505 milljarða evra, og var hann því heilum 50 prósentum minni en í Bandaríkjunum þar sem hann var 750 milljarðar evra 2019. En hagnaðurinn í Evrópu reyndist sem sagt aðeins vera 11 milljarðar evra á fyrsta fjórðungi þessa árs, eða fullkomin martröð! Hagnaður Apple var 11 milljarðar dala á sama tíma og fyrirtækið náði meira að segja að kynna nýja vöru á þessu Wuhan-veirutímabili. Meira að segja General Motors tókst að kreista hagnað út úr heimsfaraldri á umræddum fjórðungi með því að vera með réttu vörurnar með réttu vélarnar fyrir rétta fólkið. Þetta er hvorki meira né minna en dramatískt fall í Evrópu. Allt hið svo kallaða evrópska hagkerfi er orðið nokkurs konar glingurmiðstöð ritvélaframleiðslugeira þar sem 27 bókstafstrúarstafir hins sérevrópska esb-stafrófs eru búnir til og framleiddir. Einn í hverju esb-landi á skallanum fyrir sig, sem síðan lemst á sértrúarbókstafinn og prentar skilaboð til hinna um að koma með peningana sem enginn býr til

Næst á evrópska prógramminu er því sakamálaleikritið þar sem löndin byrja að ganga í skrokk á hvort öðru og kenna hvort öðru um, eða enn betra; þau kenna auðvitað Bandaríkjunum um og sekta þau í sívaxandi mæli. Þýskaland er snillingur í þeim leik, eins og sést á greininni í Handelsblatt

Allar tekjur hins opinbera koma frá atvinnurekstri fyrirtækja - engar aðrar tekjur eru til

Lesendur ættu hér að íhuga að evrópsk fyrirtæki fjármagna sig nær eingöngu í gegnum bankana, á meðan hin amerísku fjármagna sig í gegnum kapítalmarkaðina; þ.e. skulda- og hlutabréfamarkaðina. Þau nota helst ekki bankana. En þannig er þetta ekki í Evrópusambandinu því það hefur svo gott sem engan kapítalmarkað, því það hefur næstum enga kapítalista. Karl Marx fór aldrei burt og ekkert uppgjör við hann og félaga hans hefur því farið fram í Evrópu. Þvert á móti, því nú reisa Vestur-Þjóðverjar styttu af Lenín á sama tíma og Pútín er að hreinsa Stalín og endurreisa hann, aðeins austar. Hvað verður því um bankana í ESB þegar tekjustaðan þar er svona?; þ.e. örverpi

Ég er alls ekki að setja út á frímúrararegluna, hún er fín, en hún skiptir bara ekki neinu sérstöku máli lengur því hún er klúbbur manna sem tala innbyrðis. Saumaklúbbar hafa sennilega jafnmikil áhrif. Íslensku kvenfélögin skipta mun meira jákvæðara máli en samanlögð regla esb- og eeshólista. Neikvæðu áhrif esb-reglunnar eru hins vegar augljós. Þau sjást á þeirri steinöld sem meginland Evrópu er komin á. Og á þokumekkinum sem slæðst hefur hingað og er að kæfa okkur og sprengja

Nú er staðan því sú að markaðsvirði fyrirtækja í bandarísku Nasdaq-kauphöllinni er meira en markaðsvirði allra fyrirtækja í öllum kauphöllum veraldar, utan Bandaríkjanna. Og þeir sem fylgst hafa með Wirecard svindlmáli Þýskalands sjá að í stað þess að lögsækja hið þýska svikamyllufyrirtæki fyrir svindl (aðeins eitt af ótalmörgum slíkum þýskum málum) þá ákvað þýska "fjármálaeftirlitið" að lögsækja blaðamenn FT í Bretlandi fyrir að segja sannleikann. Og svo kemur rúsínan í esbendanum: "eftirlitið" bannaði fjárfestum að skort-selja bréfin í Wirecard

Fyrri færsla

St Louis Fed: Bandaríska hagkerfið keyrði á 90 prósent afköstum

St Louis Fed: Bandaríska hagkerfið keyrði á 90 prósent afköstum

Viðtal við James Bullard hjá Saint Louisdeild Seðlabanka Bandaríkjanna

****

Það er vel þess virði að horfa á þetta viðtal við James Bullard seðlabanka-stjórnarformann Saint Louisdeildar bandaríska seðlabankans; Federal Reserve

Þar kemur fram að á dimmustu dögum lokana vegna kínversku Wuhan-veirunnar í Bandaríkjunum, skilaði hagkerfið í heild 90 prósent afköstum, og hann býst við að það muni í heild hafa náð fullum afköstum –við að framleiða landsframleiðslu Bandaríkjanna– nú þegar um næstu áramót. Eins og sumir vita eru það fyrirtækin og aðeins fyrirtækin sem búa til og framleiða landsframleiðsluna, en heimilin og hið opinbera neyta hennar. Þess sem er ekki neytt innanlands er flutt út til annarra landa eða sett á lagar (sparað). Bandaríkin flytja aðeins um það bil 13 prósentur landsframleiðslunnar út til annarra landa, á meðan útflutningshlutfallið í til dæmis Þýskalandi er um 45 prósentur. Þýskaland er því ofurútflutningsháðasta meiriháttar hagkerfi veraldar og er hagkerfi þess því afmyndað og afbakað samkvæmt því, sérstaklega fyrir þýsk heimili sem varla eru lánshæf lengur og er sparnaður þeirra því einnig fluttur úr landi

James Bullard segir að búast megi við því að flugrekstur taki grundavallarbreytingum þar sem miðaverð mun hækka og eðli rekstrarins breytast. Það sama mun gilda um veitingageirann og ferðaþjónustu

Það er víst óþarfi að taka það fram hér –en ég geri það samt því það er greinilega nauðsynlegt– að ferðaþjónusta er aðeins 2,7 prósentur af landsframleiðslu Bandaríkjanna og er landið því ekki á sömu leið til aukinnar fátæktar og Ísland, þar sem ferðaþjónusta var 8,6 prósentur af landsframleiðslunni 2017; samkvæmt tölum OECD. Ef maður vill halda hagkerfi sínu á fastri stefnu til nútíma steinaldar, þá er um að gera að vera ferðamannaland. Sú ferð tekur ekki langan tíma, og uppþornun skattatekna til hins opinbera reksturs í landinu fylgir auðvitað ókeypis með

Þeir sem neyðast til að fresta ferðalögum eða máltíðum á veitingahúsum munu ekki ferðast tvöfalt meira á næsta ári og heldur ekki borða tvöfalt meira. Þarna í þessum geirum hagkerfisins er því um varanlegan skaða að ræða og sem ekki er hægt að bæta upp né fyrir. Þannig er það ekki með flesta aðra geira hagkerfisins. Þar munu tómatsósuflöskuáhrif verða og má því búast við aukinni verðbólgu, en samt ekki neinni sérstakri, miðað við fyrri tíma

Mynd WSJ: Þróun einkaneyslu og atvinnuleysis í Bandaríkjunum í fjármálakreppunni (GFC) sem hófst 2007/2008 

V-laga bati í Bandaríkjunum er þegar orðinn í smásölu, sem nú er aðeins 7 prósentustigum undir því sem var áður en veiran sló til og er smásalan því að ná sér ofsaharðar núna en hún gerði í fjármálakreppunni sem hófst 2007/2008. Einkaneysla í landinu náði sér að fullu löngu áður en atvinnuleysi byrjaði að lækka, þegar um fjármálakreppuna var að ræða. Hafði hún þegar náð sér að fullu haustið 2010, en þá var atvinnuleysi vegna fjármálakreppunnar enn í hæstu hæðum eða um 9,5 prósentur. Reikna má því með að atvinnuleysi vestanhafs verði komið niður í 6 prósentur í nóvember þegar forsetakosningarnar fara fram, eins og Lars segir fyrir um í bloggpistli sínum hér

Fyrri færsla

Íslenska þjóðin slær hring um embætti höfðingja hennar

Íslenska þjóðin slær hring um embætti höfðingja hennar

Þjóðfáni lýðveldis Íslendinga

****

Íslenska þjóðin kaus sér forseta laugardaginn 27. júní 2020. Sýndi þjóðin að henni er annt um forsetaembættið og áframhald þess. Hún flykktist á kjörstað þrátt fyrir yfirburðarsigurlíkur Guðna Th. hins sitjandi forseta lýðveldis þjóðarinnar, og sýndi þar með í verki að henni er annt um sjálft embættið og áframhaldandi tilvist þess. En sumir hafa viðhaft þann tón að leggja beri embættið niður, á meðan þeir eftir hentugleikum styðja með hinni hendinni við alls konar skrílsmótmælahreyfingar brotabrota kjósenda og umboðslausra samtaka, svo og einnig við umboðslaust vald erlends yfirríkis á sama tíma. Broskallalýðræði það

Þarna var enginn skríll á ferð, heldur þjóðin sjálf, og Guðmundur Franklín á hrós skilið fyrir að bjóða sig fram og staðfesta þar með tilvistarlegt réttmæti embættisins og mikilvægi þess fyrir þjóðina. Hjá honum og Guðna Th. voru engar "rangar skoðanir", heldur aðeins mismunandi, eins og vera ber. Þakka ég báðum fyrir og óska þeim heilla

Næstu fjögur árin gengur íslensk þjóð í takt hvað varðar þjóðhöfðingja sinn og vonandi gengur hann í takt við hana, því sú þjóð mæltist til þess með auknum þunga í gær - eða með fullum þunga hins mikla meiri hluta. Svo mikið er ekki hægt að segja um hið umboðslausa það sem alþingismenn lýðveldisins aðhöfðust á kjörtímabilinu, algerlega í andstöðu við þjóðina

Fyrri færsla

Hver stendur fyrir efnahagsbata? Hvar er V-laga viðsnúningur þegar hafinn?

Hver stendur fyrir efnahagsbata? Hvar er V-laga viðsnúningur þegar hafinn?

Mynd: WSJ DS 19. júní 2020

****

Jú eins og sjá má á þessari mynd þá eru það enn sem komið er aðeins Bandaríki Norður-Ameríku sem eru að upplifa vaff-laga efnahagsbataferli. Þau fóru fyrst niður og eru fyrst upp úr Wuhan-veiru-áföllunum. Bætt atvinnuástand og einkaneysla eru þær áþreifanlegu vísbendingar sem komið hafa hve sterkastar að vestan, en ekki annars staðar frá. Sala fasteigna gengur einnig mjög vel. Þar er um uppsafnaða þörf að ræða, plús það að Bandaríkjamenn flýja nú stórborgirnar sem aldrei fyrr

Hlutabréfamarkaðir vestanhafs virðast ekki hafa áhuga á Wuhan-veiru-faraldrinum sjálfum, heldur aðeins á því hvernig sjálft hagkerfið mun líta út þegar það er komið út úr honum. Þetta rímar ágætlega við þá staðreynd að markaðurinn er ávallt fram-á-við-lítandi eða það sem kallað er forward-looking á ensku

Markaðurinn veit að hagkerfið hefur tekið breytingum, eins og svo oft vill verða í krísum, og hann er spenntur í að sjá þær koma fram í bókum þeirra fyrirtækja sem voru réttu megin við landamæri lífs og dauða þegar krísan skall á. Telja má öruggt að stafræna hagkerfið hafi tekið enn meira við sér og klórað til sín bæði markaðshluta og hugarhlutdeild meðal þjóðarinnar, til frambúðar

Í Evrópu verður sagan ekki þannig, því hún er ekki með í stafræna hagkerfinu og á ekkert slíkt í sínum fórum. Tilvist Evrópusambandsins hefur séð fyrir því. Að klóra sig til baka, verður því mjög erfitt fyrir lönd sambandsins, sem í 30 ár hafa eytt orkunni í að rífa augun úr hvort öðru og að sjá til þess að enginn fengi neitt meira en aðrir, af köku sem enginn hafði hugsað sér að baka, því eignarétturinn á henni er orðinn eftirrétturinn sjálfur. Og svo eru það varnarmálin. Gjáin milli Evrópu og Vesturheims er nú orðin svo varanleg að mörgu leyti, að meira að segja sósíaldemókratískir skríbentar FT-esb-bankablaðsins, sem enginn hefur áhuga á, sjá að engu máli mun skipta fyrir Evrópu hvaða nafni næsti forseti Bandaríkjanna heitir, þegar að flestum málum kemur

Og í gær stukku Bandaríkin yfir öfundsíkið stóra, og út úr viðræðum OECD-landa (glóbal-páfaveldið) um stafrænan skatt á fyrirtæki. Þar átti að brjóta blað í vestrænu mannkynssögunni og hefja skattlagningu á veltu erlendra fyrirtækja, en ekki bara á hagnaði þeirra. Evrópusambandið þolir nefnilega ekki efnahagslegan fjölbreytileika hagkerfa né heldur sjálfstæði þeirra, ekki frekar en Google, Facebook og Twitter þola skoðana- og vitsmunalega fjölbreytni einstaklinga. Þarna á mikið löggjafarlegt eftir að gerast á næstu árum, og hinum nýja imperíalisma svona fyrirtækja yfir hugsun og skoðunum manna, verður auðvitað kollvarpað með lögum. Enginn hefði liðið AT&T símafélaginu að banna viss orð í símtölum eða að fólk hringdi í hvern sem því sýndist og segði það sem því sýndist

How Cultural Revolutions Die – or Not
They eat their own, unless a cruel dictator rises to unite and control the mob
– eftir Victor Davis Hanson

Kosningaherferð Donalds J. Trump í haust verður því sennilega byggð á slagorðinu um að gera "Ameríku frábæra aftur – fyrir alla" (MAGA–for All). Líka fyrir þá sem geta ekki byggt afkomu sína á vinnustaðaöryggi hins stafræna hluta hagkerfisins. Þar hefur Trump mjög svo sannað sig, því að í stjórnartíð hans hefur atvinnuástand og framgangur lægra launaðra og minnihlutahópa aldrei áður í sögunni verið eins góður. Og nú þegar menningarbyltingin er strax byrjuð að éta sjálfa sig og börnin sín líka, þá gæti svo farið að sveifla hinna ótalmörgu til baka sem vilja ekki láta fallaxar-skrílinn éta sig lifandi, já hún gæti orðið mjög svo kröftug. Það er aldrei að vita

Fyrri færsla

Fær Pólland varanlegar bandarískar herstöðvar?

Fær Pólland varanlegar bandarískar herstöðvar?

"Þýskaland er gjaldfallið á NATO-skuldbindingum sínum", segir Donald J. Trump forseti Bandaríkjanna á 59. mínútu upptökunnar, sem er frá því í gær. Já sennilega, segi ég, eins og Þýskaland gjaldféll á Versalasamningnum og kom af stað óðaverðbólgu í Þýskalandi til að brenna þær erlendu skuldbindingar sínar niður, en mjólkar nú í staðinn Grikkland og heimtar að það borgi til baka í þýskri mynt fyrir að hafa logið til um Maastricht-fjárlagahallann 2009. Ég spái einnig stórhertum tollum á þýskar bifreiðar til Bandaríkjanna og að Nordstream-2 gasleiðsla Rússlands til Þýskalands komist aldrei í notkun

****

HVAÐ GERIST NÆST Á MEGINLANDI ÓSTÖÐUGLEIKANS?

Um þessar mundir er ríkisstjórn Bandaríkjanna að umstafla varnarstefnunni yfir á nýjar áherslur, með það fyrir augum að uppfæra hana svo að hún geti mætt því sem mæta þarf í nútímanum. Þetta gerist alltaf öðru hvoru í takt við þróun heimsmála

Sumt af því sem meitlað var í stein frá og með 1945 gildir þó enn, á meðan annað hefur breyst. Þýskaland fær til dæmis ekki enn að koma sér upp kjarnorkuvopnum á meðan Frökkum og Bretum er hins vegar treyst í þeim efnum

Það sem hins vegar hefur breyst er að Þýskalandi hefur á ný verið heimilað að hafa sjálfsstjórnarvald yfir þýska hernum, en sem það með vilja vanrækir og hvetur þar með önnur NATO-ríki Evrópu til að vanrækja heima hjá sér líka. Þýskaland er að reyna að sundra NATO innan frá vegna þess að því sjálfu langar meira að tengjast Rússlandi en vestri. Markmið Þýskalands er að sækja sér áfram vanþróunaraðstoð úr ríkissjóði bandarískra skattgreiðenda til varnarmála, og að láta þá eina um að bera kostnaðinn og áthættuna. Þetta er eins konar þúsundföld aronska hjá þeim Þýsku, því þeir hafa í reynd aldrei skipt um skoðun og álíta sig því ekki enn vera hluta af Vesturlöndum. Þýskir álíta sig enn vera sérstæðuna sem Rómarveldi tókst aldrei að leggja undir sig. Þetta er ástæðan fyrir hinu gamalkunna leikriti Þýskra um æðrileikann eða þýskt ubermensch. Og að enginn geti því orðið þýskur nema að eiga minnst sex kynslóðir liggjandi í þýskri mold. Kynþáttarugl Þýskra var því alger sérstæða í Evrópu, en með nytsama kjána sem bandamenn

Það sem breyst hefur líka er að vopnabúr og herstöðvar Bandaríkjanna í Þýskalandi [Bandaríkin eru 80 prósentur NATO og án þeirra eru hin 20 prósentin núll, eða einungis hernaðarlega void kvöldverðadeild] hefur fjarlægst víglínuna sem verður, komi til átaka milli Vesturs og Austurs. Vopnabúrið og herstöðvarnar eru allt í einu komnar 2100 kílómetra frá vesturher Rússlands, sem er með 500 þúsund hermenn upp að Vestri. Þetta varð svona þegar Austur-Evrópa komst loksins undan kommajökli Varsjárbandalagsins 1990

Frá og með þá, eða ca. 1990, hefur bandaríski herinn verið að skera niður í Þýskalandi og Evrópu, einkum þegar ljóst varð að nýsjálfstæð ríki Austur-Evrópu myndu ekki verða andsnúin Bandaríkjunum og NATO. Stjórnmálaþróunin hefur nefnilega einmitt verið þannig í þeim ríkjum frá því að þau sluppu undan kúgurunum í Moskvu, sem næstum ávallt voru andlegir og strategískir guðfeður vinstrimanna á Íslandi. Til dæmis eru fóstureyðingar Katrínar forsætisráðherra Vinstri grænna fram að fæðingu, og Guðlaugs Þórs utanríkisráðherra Sjálfstæðisflokksins, ættaðar frá Stalín og út í hana hærir Bjarni Benediktsson formaður Sjálfstæðisflokksins síðan blöndu af einhvers konar Maóisma-með-vindil ásamt uppgjafarstefnu þýskra stjórnleysingja. Kínversk yfirvöld kenna því innfluttum eldislaxi um nýblossandi tilfelli Wuhan-veirunnar í Peking, því þau vita að það kostar ekkert að kenna nytsömum kjánum á borð við Bjarna Ben um, þar sem hann situr jú hvort sem er fastur með þeim í AIIB-bankaráðinu. En AIIB er nýi kínverski imperíal- og nýlendu-bankinn sem tvö til þrjú bandarísk flugmóðurskip og carrier-strike-groups þeirra miða vopnum sínum á suður af Kína, ásamt Nimitz-CSG austar á Kyrrahafi. Þetta er úthafs-ballett-stelling Quad- eða fjór-bandalags Bandaríkjanna, Ástralíu, Indlands og Japans þarna núna

Niðurskurður liðsafla Bandaríkjanna í Evrópu hefur stöðugt verið í gangi frá og með 1990 og gengið var sérlega hart til verks í kjölfar árása íslamista á Bandaríkin 2001, þannig að frá og með 2006 til 2018 var liðsaflinn í Þýskalandi skorinn niður um helming – og Pútín réðst inn í Georgíu 2008. Allar herstöðvar Bandaríkjanna í Þýskalandi eru þó enn staðsettar í Vestur-Þýskalandi og þar með 2100 kílómetrum frá þeirri vestur-austur víglinu sem myndast, komi til átaka

Þegar Sovétríkin féllu saman vegna vinstri-fátæktar, þá varð til samkomulag Rússlands og Bandaríkjanna um að Bandaríkin og NATO komi sér ekki upp "varanlegum herstöðvum" á því landsvæði sem áður var Varsjárbandalagið, þ.e. í þeim löndum sem höfðu verið í því. En margir segja hins vegar að það samkomulag sé löngu fallið með því að Rússar sjálfir hafi ekki virt það og beinlínis tortímt öllu því sem réttlætt gat að það sé virt

Staðan í dag er síðan sú, að Trump er að skera herstyrk Bandaríkjanna enn meira niður í Þýskalandi, vitandi það að Rússland mun ekki stoppa eftir að hafa ráðist inn í Georgíu, tekið Krím og austurhluta Úkraínu á sitt vald, stundað tölvunarhernað og drepið fólk með eiturvopnum á breskri grund 2018 og komið því fyrir kattarnef með annarri aðferð í öðru NATO-ríki

Menn klóra sér því í hausnum og spyrja hvað sé að gerast. Mín getgáta er sú að Trump eigi enn eftir að segja frá því hvert liðsaflinn verður fluttur. Og að hann verði fluttur til Póllands, því bæði Repúblikanar og Demókratar hafa (óformlega) útnefnt Pólland sem hið nýja Vestur-Þýskaland Evrópu til frambúðar. Að nýjar bandarískar herstöðvar verði byggðar þar, og að það sem enn er eftir á þýskri grund verði smám saman látið fljóta yfir til Póllands og Rúmeníu og víðar

Það er því til mikils að vinna, að áróðursdeildum rússneskra stjórnvalda takist sem best upp í því að koma þeirri hugmynd inn í höfuð þýsku þjóðanna að það hafi verið Pólland sem startaði Síðari heimsstyrjöldinni og að bandalag rússneskra og þýskra alræðissinna gegn Póllandi hafi því átt fullan rétt á sér. En sú hugmynd virðist eiga einkar vel við þýska, því hvergi annarsstaðar nema í Kína er andúðin á Bandaríkjunum meiri en í sjálfu Þýskalandi. Þetta gengur svo vel að Þjóðverjar álíta að þeim stafi álíka eða jafnvel meiri ógn af Bandaríkjunum en Rússlandi, og sækir Mekrel-gengið í Berlín því að Póllandi úr vestri með því að beita gervidómstólum Evrópusambandsins fyrir sig á Pólland. En sú aðför á að undirbyggja málatilbúnað Pútín-gengisins í austri

Hvað gerist næst...?

Fyrri færsla

"Erlendir fjárfestar" og nýlendur

"Erlendir fjárfestar" og nýlendur

Langt að heiman þann 20. júlí 1969. Úr ferðabók Apollo 11. Fimmtíu og einu ári síðar hafa 400 milljón Kínverjar ekki enn heimsótt vestrænan lækni og blökkumenn í Bandaríkjunum heimta á ný að fá að halda stöðu fórnarlambsins, á meðan Þýskaland veslast upp og lifir á því að læsa útflutningsmarkaði þess fasta við sig með handjárnum Evrópusambandsins - sem það hefur í rassvasanum. Í þar síðustu viku flaug fyrsta bandaríska einkafyrirtækið með geimfara á sporbraut um jörðu. Slíkt gat aðeins gerst í Bandaríkjunum

****

FJÖR OG MEIRA FJÖR

Af hverju hamast menn við að fordæma hina erlendu fjárfesta fortíðar sem "nýlendukúgara" á tungumáli nútímans? Ég veit ekki betur en að þeir erlendu séu ákallaðir enn og messur haldnar í Hörpum þeim til heiðurs

Þegar Miðjarðarhafið hætti að vera umferðarmiðstöð veraldar –þar sem allir reyndu að leggja alla undir sig– og breyttist í fangelsi vegna þess að tækni strandríkjanna við Atlantshaf gerði þeim ríkjum kleift að kanna veröldina, þá rann upp nýtt tímabil í sögu vestrænna manna þar sem þessi strandríki norðar í Evrópu opnuðu heiminn. Hann hætti að vera eingöngu í kringum Miðjarðarhafið og að snúast um það. Heimsálfur og lönd um alla jörð komust að því að þau voru ekki ein í heiminum. Evrópa sparkaði dyrunum inn og opnaði heiminn. Einhver varð að gera það. Og sem betur fer voru það Evrópumenn sem gerðu það

Portúgalar og Íberíuskagamenn voru einna fyrstir til að byrja að fikra sig áfram með úthafssiglingar og fóru til að byrja með niður með vesturströndum Afríku, eftir fyrst að hafa staðið í 750 ára stríði við að kasta íslömskum nýlendukúgurum af bökum sér. Það stríð –Reconquista– er lengsta stríð sem háð hefur verið í sögu mannkyns. Enginn vildi því þurfa að fara landleiðina til austurheims í gegnum nýlenduherradæmi íslamista þá, frekar en menn vilja það í dag

Að ná svo langt niður með vesturströnd Afríku tók margra mánaða siglingar. Aðstæður um borð voru svo erfiðar að enginn núlifandi maður myndi láta bjóða sér neitt slíkt. Aðeins þeir allra hörðustu lifðu ferðirnar af

En það var í þessum ferðum að menn fóru í land á vesturströnd Afríku til að kaupa vistir og fá aðstöðu í landi til að hafa birgðastöðvar og síðar varnarvirki (tunglbækistöðvar þeirra tíma). Þeir portúgölsku komu í land eins og guðir –erlendir fjárfestar á nútímamáli– og tóku að kenna hinum innfæddu til verka og ota að þeim til dæmis kristni, í stað mannáts, og kennslustundum í að "ég ét lifrina úr þér því ég sigraði" væri ekki leiðin fram á veginn

Þess utan komu vestræn ríki með nýja tækni sér afar vel fyrir hina innfæddu, því einnig Afríka var plöguð af nýlenduveldum blökkumanna sjálfra. Má þar nefna nýlenduveldi Gana og Wagadu-heimsveldið sem ríkti í 300 ár. Malí-heimsveldið leysti það síðan af hólmi. Þá tóku við hin ýmsu heimsveldi blökkumanna álfunnar sem gerðu út á varnalegan ófrið til að komast yfir "stríðsfanga" sem seldir voru sem þrælar austur og vestur um haf. Brot af þeim sem seldir voru vestur lentu í Bandaríkjunum, en stærsti hluti þeirra varð landfastur á karabísku eyjunum. Þeir sem seldir voru sem útflutningsvara austur eru enn að miklu leyti þrælar í ríkjum íslamista, og er tala þeirra að minnsta kosti jafnhá og þeirra sem seldir voru vestur um haf

Vestrænni tækni og menningu var fagnað og þessir "erlendu fjárfestar" þóttu miklu betri en engir. Miklu betri. Í dag sækjast öll ríki Afríku af ákafa eftir vestrænni tækni, til dæmis til að kála hvort öðru með, og svipað gildir um flest önnur ríki jarðar. Má vona að það gangi bara nokkuð vel, því nývestrænir sérfræðingar með gullfiskaminni segja að við séum allt allt of mörg á hnettinum, sem áður þótti pönnukaka

Öll ríki jarðar sækjast eftir vestrænni tækni, vestrænni menningu og raun- og læknavísindum, því fæðingarstaður alls þessa virðist aðeins vera á einum stað jarðar; þ.e. á Vesturlöndum sjálfum. Þannig koma til dæmis aldrei nein V.O.C eða Microsoft-fyrirtæki út úr þessum húla-búla-ríkjum og þau eru ekki leiðandi í neinu, nema að því leytinu að þeim nýju ríkjum Afríku og Asíu sem voru nýlendur Breta, gengur mun betur en þeim ríkjum sem voru nýlendur Kalífaheimsveldis íslams og Tyrkjaveldis í tvö þúsund ár og þar á undan nýlendur Persa, Egypta, Kínverja og Mongóla

Frakkar þénuðu til dæmis aldrei á nýlendum sínum og stunduðu nýlendubúskap aðeins sem geopólitíska varnaraðgerð (e. countermeasure). Þegar upp er staðið er hagnaðurinn sennilega lítill hjá öllum nema þar sem nýheilagir menn hafa til dæmis heilt Evrópusamband í bakið við að rukka til dæmis Grikki, og sjúga þannig til sín 1/4 af hagkerfi þeirra. Það er frekar grátbrosleg kaldhæðni að Þýskaland sem neitaði að standa við Versalasamningana og bjó til óðaverðbólgu til að brenna niður erlendar skuldbindingar hans með lygum og svindli, skuli heimta að Grikkir borgi þeim til baka - í þýskri mynt!

Stjórnmálaelíta Þýskalands (og seðlabanki) var meira að segja svo áköf í að ná sér niðri á erlendum lánadrottnum (Vesturveldunum) að hún brenndi Þýskaland niður í leiðinni, frekar en að virða lög og rétt. Að því leytinu líkist hún bandarískum Demókrötum hve mest í dag. Þýskaland þykist hafa einkarétt á svindli og þoldi ekki lygi Grikkja um Maastricht-fjárlagahallann 2009, en gleymir á sama tíma öllu um mölbrotinn Versalasamninginn. Þýskaland breytist auðvitað ekki og nýr umgangur er því nú þegar byrjaður að rúlla af stað

Fyrri færsla

Apaplánetan

Apaplánetan

Fyrst var minnismerkið um Lincoln í Washingtonborg skemmt - en þegar ég sá þetta, frá sjálfum D-day í London, þá varð mér virkilega illt og gat eiginlega ekki dottið neitt annað í hug en.....

....þetta!

****

HVERS KONAR KREPPA?

Mikið er rætt um efnahagsáhrifin af völdum kínversku Wuhan-veirunnar á íslenskt hagkerfi sem og önnur. Það er út af fyrir sig dálítið merkilegt, því aldrei er rætt um þá árvissu réttindaplágu launþega sem ár hvert lokar hagkerfi okkar niður að hluta til – og industrí-Evrópu næstum að fullu. Þarna á ég við lokanir hagkerfisins vegna sumarfría

Þegar hugsað er um þessar lokanir báðar (veira og sumarfrí), þá segja textabækur hagfræðinnar að um framboðskreppu sé að ræða (supply-side crisis). Framboð af flestu er skrúfað fyrir, þó svo að eftirspurn sé í lagi. Fyrirtæki loka og fólk fær ekki það sem því vantar. En þegar hins vegar sumarfríum lýkur þá fáum við V-þotulaga efnahagsbata. Þetta gerist á hverju ári. Og Hagstofan þarf meira að segja að iðka "árstíðaleiðréttingar" svo að kjánavæddir fréttaskelfar alls-konar-miðla hræði ekki líftóruna úr fjárfestum; sem á góðum dögum kallaðir eru því "fjárfesta"-nafni já, en "ófyrirleitnir spekúlantar" á slæmum dögum, sérstaklega þegar ríkið vill helst ekki og getur jafnvel ekki borgað þeim peningana til baka. Ekki tekur sig samt að minnast á stærsta allsherjar-fjárfestinn; sparifjáreigandann sjálfan, sem nú um daga ekkert fær fyrir neitt og er jafnvel látinn brenna upp

Bónusgrein skynsemi og visku: Not-So-Retiring Retired Military Leaders - eftir Victor Davis Hanson

Framboðskreppur eru sem sagt allt öðruvísi og annars eðlis en eftirspurnarkreppur, vegna þess að laun og verðlag eru klísturskenndar hagstærðir (sticky) sem breytast löturhægt eða jafnvel alls ekki

Þess vegna segir Lars okkar Christensen að atvinnuleysi verði komið niður í sexý sex prósentin þegar kosið verður til forseta vestanhafs í nóvember. Þetta er að sjálfsögðu martröð fyrir apaveldið, sem samanstendur af lélegustu kjósendum jarðar; þ.e. öpum sem þola ekki að vera í stjórnarandstöðu án þess að tryllast. Þola ekki að missa völdin. Og engu breytti það að fá þeldökkan mann sem forseta í átta ár vestanhafs. Engu. Ekki frekar en kvenkerling sem forseti hefði breytt neinu um neitt. Þarna hafið þið það

Lars veit auðvitað að Trump verður endurkjörinn. Sexý sex prósentin verða það, mín kæra karl- og kvenkerling, hvað sem apaveldinu líður

NEMA náttúrlega HÉR HEIMA

Þetta mun samt ekki verða alveg svona hér heima. Það er vegna þess að heilar fjórar síðustu ríkisstjórnir hafa búið til það sem hagfræðingar um alla jörð elska að tala um; þær bjuggu til strúktúrelt vandamál með ríkisforföllnum ferðamannaiðnaði (ferðamannabræðslu). Hann er það alversta sem hægt er að hugsa sér núna í kjölfar veirunnar, og að sama skapi líka áður en Kínverjar slepptu henni lausri á heiminn. Ferðamannaiðnaður í þeim mæli sem ríkisstjórnirnar fjórar hafa búið til hér heima, er dæmdur til að kengríða þróuðum hagkerfum yfir í það að verða vanþróaðri hagkerfi. Þarna hafa kjánar ráðið för. Strategískir bjálfar. Þess vegna mun batinn hér heima ekki veðra eins og annarsstaðar. Við sitjum eftir sem áður uppi með strúktúrelt vandamál sem látið var viðgangast –og er að verða að strúktúrellu pólitísku vandamáli líka– svipað og varð með ofvaxinn fjármálageirann á sínum tíma. Þarna var illa farið að ráðum. Og ríkið heppaði með á þvæluna, sem var og er bóla, eins og ég hef bent á allan þann tíma sem hún hefur varað. Og afleiðingar hennar eru sticky

DANKE SCHÖN

Látum snillinginn Bert Kämpfert ljúka þessari færslu með Danke Schön frá 1962. Flott mynd. Þarna var enginn api á ferð

 

Ég bendi lesendum einnig á útsetningu og flutning hljómsveitar hans á Cant Take My Eyes Off You og Bye Bye Blues, sem reyndar má hlusta á hann flytja í Royal Albert Hall 1974. Bert Kämpfert er maðurinn sem færði okkur lagið Strangers in the Night

Fyrri færsla

Joe Biden: 50 milljónir Bandaríkjamanna "ekki gott fólk"