Tveir titlaðir "stjórnarmenn" í Evrópusamtökum (ESB-samtökum) Samfylkingarinnar og RÚV

Tveir stjórnarmenn í ESB-samtökunum, Andrés Pétursson og Gunnar Hólmsteinn Ársælsson hafa kannski keypt sér grein í því sem kallað er Fréttablaðið. Þar kvarta þeir undan því að RÚV (ríkisútvarpið) sé ekki ennþá orðið lögfest og þinglýst sem einkafjölmiðill Samfylkingarinnar af Samfylkingunni og handrukkara þeirra, Vinstri grænum.

Eftirfarandi orðaskipti milli mín og Gunnars Hólmsteins Ársælssonar fóru þar á eftir fram sem hér greinir:

Ég svarði bloggfærslunni svona:

RÚV hefur engar forsendur né heimild til að fjalla um ESB málið og á að láta það algerlega ógert. "Hlutlaus umræða" um pólitík er ekki til og verður aldrei til: ESB málið er fyrst og fremst stórpólitík og ekkert annað en stórpólitík.

 

Ef RÚV tæki að sér að fjalla "hlutlaust" um stefnu og framkvæmd stjórnmála Sjálfstæðisflokksins, til þess að reyna að gera kjósendum ljóst hvað flokkurinn er og stendur fyrir, þá yrði það aldrei. Aldrei.

 

Þeir flokkar sem berjast fyrir ESB-aðild eiga að berjast fyrir sínum málum. Allt annað væri þvættingur sem heima á í ruslatunnum fáránleikans.

 

Það er bara einn flokkur sem berst fyrir ESB aðild; Samfylkingin og þess vegna á að draga umsóknina til baka, strax. Hún á ENGAN rétt á sér.  

 

RÚV ætti hinsvegar að vera gagnrýnið á ríkisstjórnina, umsóknina og ESB og horfa gagnrýnum augum á það sem þar erlendis er að gerast og hefur gerst, á frekar vofufleygan hátt, verð ég að segja.

 

RÚV á að segja okkur sannar fréttir úr raunveruleikanum. En það gerir RÚV ekki og er því eins konar ríkisstjórnar fréttastofa DDRÚV.

Það kom svar 

 

Gunnar Hólmsteinn Ársælsson svarar mér og í svari hans vottar fyrir - í fyrsta sinn sem mér er kunnugt - tilraun til að elta boltann og ekki eingöngu mennina eða manninn. Svar hans er hér, ég þori ekki að afrita það, því þá gerist örugglega eitt af þrennu; ég verð bannfærður enn frekar, mér verður úthúðað enn frekar en orðið er, eða þá að bloggfærslunni verður eytt eins og hún leggur sig, eins og þessari hér var eytt á sínum tíma því hún var líklega of gróf eða of falleg í minn garð. Ég vísa þér því áfram á vef ESB-samtakanna sem er kannski bara sérstök áróðursdeild innan Samfylkingarinnar.  

Þessu svara ég svona:

 

Sæll nafni og takk fyrir svar, þó barnalegt sé, sem fyrri daginn. 

Enginn stjórnmálaflokkur nema Samfylkingin hefur ESB-aðild á dagskrá sinni. Enginn. Eins og þú veist sækja þingmenn umboð sitt til kjósenda - en ekki öfugt.

Umsóknin inn í ESB er því án umboðs frá þjóðinni og VERÐUR skilyrðislaust að draga til baka. Hún er óþolandi smán við lýðræðislega stjórnarhætti og halda mætti að við værum nú þegar komin inn í Evrópusambandið, því þetta er svo hörmulega svæsið brot á lýðræðislegum hefðum og leikreglum.

RÚV getur ekki gengið einkaerinda Samfylkingarinnar og verið uppfyllingarefni undir mölbrotin og svikin kosningaloforð Vinstri grænna.

ESB-málið er algerlega og eingöngu flokkspólitískt mál. Það er einnig bæði stórpólitískt og hápólitískt sprengiefni. Það er og verður eingöngu gæluverkefni Samfylkingarinnar einnar. RÚV á ekki að sjá um að reka pólitísk mál fyrir einstaka flokka.

Framferði ríkisútvarps allra landsmanna - sem það segist vera en er ekki - og sem ég og aðrir landsmenn fjármagna, er fyrir neðan allar hellur. Því er í hæsta máta sanngjarnt að líkja því við Austur-Þýskan fjölmiðil sem er í vasa ákveðinna afla samfélagsins. Svo viðrist einmitt vera, marg ítrekað! RÚV er mölbrotin stofnun.

 

Það kom nýtt svar 

 

Bíðið við. Hér kemur svo rúsínan í bloggenda ESB-samtakanna, ég þori ekki að afrita frekar en fyrri daginn, og læt þig því um að smella þér yfir á vef Evrópusamtakanna til að lesa: Þú hefur engar sannanir - og héldu bændum í ánauð hér í gamla daga

 

Fliss

Ljósara er orðið að ríkisstjórnin er þjóðhættulegur brjálsemisfélagsskapur loddara.

 

 

Í Icesave málum eitt, tvö og þrjú, ess-ess-stjórnlagaþingsmálinu og í ESB-málinu sést ágætlega hvaða innviði ríkisstjórn Íslands hefur að geyma; óprúttna hálf- og heillygara, kverúlanta og falsara. Þessi ríkisstjórn hikar ekki við að selja landið fyrir tíkall. Setja þegna landsins í þrælabúðir skuldafangelsis á meðan hún sjálf hírist sem sú huglausasta skjálfandi sköllótta mús, sem hún er. Gapandi kvarnir hennar nærast eingöngu á því sem köngulómetrópólítanskir sendisveinar sækja henni til matar, sem síðan er spuninn fastur í lygavefina handa þessum nær hungurmorða músafaraldri sem nýtur löglegrar en siðlausrar og enn verr fenginnar verndar skjaldborga Stjórnarráðsins gegn þjóðinni. Þetta er dapurlegt, hættulegt og óþolandi ástand fyrir þjóðina og landið okkar.   

Hvernig getur þessu ríkisstjórn loddara, kosningasvikara, lygara og hugleysingja setið þarna áfram eftir að þjóðin hefur sagt upp samningum við hana í marggang. Hún lafir kannski á lygavef Steingríms um landris sem þrýstist jafnharðan niður með límsetustólum ríkisstjórnarinnar á öllum brauðfótunum í einu.   

Staðan er þessi; Nokkrar uppþornaðar mýs í dauðaslitrum hanga á bláþræði í vef sínum í Stjórnarráðinu, leitandi að æti. En á meðan, já einmitt hér og nú, stendur þar stjórnarandstaðan, en bara önnum kafin í biðröð við að komast ekki að neinu. Hún er svo pödduhrædd. Það gæti fallið á hana dauð mús. Hún stendur í biðröð eftir uppseldum andlitsgrímum svo ekki sjáist andlitin fyrir næstu kosningar. Þó glittir þarna aðeins í formann Framsóknarflokksins, Sigmund Davíð. Við vitum þó nokkuð vel hvað hann stendur fyrir. 

Bjarni Ben? - hvert, hvar og hvenær, skyldi það nú vera? Ekki nú. Ekki hér. Ekki ég. Er Tryggvi kokhreystimennið ennþá með þér? 

Þeir sem óska sér að fá Litlu Gulu Hænuna senda til sín myndskreytta í upprunalegri útgáfu, ráðfæri sig við stjórnstöð andarinnar, eða tali við lækni.  

Að lokum er hér tillaga sanngirninnar: að þjóðin setji fram þá kröfu að hér fái markaðslögmálin frægu einnig að ráða, eins og menn hafa t.d. lagt til að gildi um rafmagnið okkar. Að þjóðin fái sjálf að flytja sér inn þá allra ódýrustu alþingismenn sem fyrir finnast í veröldinni. Þetta er jú markaðsbúskaður, er það ekki? Eitt verður yfir alla að ganga. Verra en núna getur þetta aldrei orðið.

 

Humpf! 

Fitch breytir horfum í stöðugar

Mun Ísland missa alla sína banka og allar fjármálastofnanir?

Það eru 130 bankar og fjármálastofnanir eftir í Danmörku. Fyrir skömmu var þessi tala stærri en tvö hundruð. 

Í Danmörku búa 18 sinnum fleiri íbúar á tvisvar komma þrem sinnum minna plássi en er hér á Íslandi. Danmörk kæmist 17 sinnum fyrir í landhelgi Íslands sem er 758.000 ferkílómetrar að stærð. Landhelgi okkar er líklega stærsta löggæslusvæði nokkurrar landhelgisgæslu heimsins miðað við íbúafjölda. Efnahagslögsaga Danmerkur er einn sjöundi að stærð miðað við þá Íslensku. Samtals höfum við því tæplega eina milljón ferkílómetra af landi og hafsvæði til að nýta, sem Íslendingar. Þetta er einstakt!

Þessu öllu á að fórna til þess að við getum gengið í klúbb ESB-elítu Evrópu sem er að bana bankarekstri Dana á sama hátt og hún er að eyða friði og fullveldi þjóðríkja Evrópu. Í Danmörku horfa málin þannig að danskir sérfræðingar telja að aðeins 30 bankar verði þar eftir til að þjóna öllu landinu með 5,5 milljón manns, innan skamms. Eitt hundrað bankar og fjármálastofnanir munu láta þar lífið á næstunni. Annað hvort fara lóðrétt á hausinn eða renna saman við risa. 

Hið nýja massífa regluverk Evrópusambandsins á sviði banka- og fjármála mun verða svo hrikalega flókið, dýrt, umfangsríkt og erfitt viðureignar, að borin er öll von til þess að minni og millistórir banka- og fjármálastofnanir Danmerkur geti lifað það af að hafa umsjón með og fullnægja reglugerðarfargani af þeirri stjarnfræðilegu stærðargráðu sem það mun enda í. Þeir munu ekki anna þessu og ekki geta boðið viðskiptavinum sínum neitt né nógu mikið af vöru- og þjónustuúrvali, sem réttlætt getur tilvist þeirra í samkeppninni við risa sem hafa heilar herdeildir maura við vinnu í kjöllurum sínum við það eitt að fullnægja pappírsveldi Brussels.

 

Maí 2008: Í gær skrifaði Berlíngskurinn hér í gömlu Danmörku að það séu um 208 sjálfstæðar peningastofnanir í Danmörku. Af þessum 208 stofnunum eru 42 sem kallast "litlir bankar og sparisjóðir". Margir þessara eru yfir 100 ára gamlir. (mynd; Helgenæs Sparekasse á Haralds Blátannarbökkum)

 

Það er ekkert undarlegt við það að 400 litlir og sjálfstæðir bankar Sviss vilji ekki ganga í Evrópusambandið. Þeir lifa á innrás og öryggi í skjóli fullveldis og sjálfstæðis, en ekki á útrás kjána sem vissu aldrei hvað þeir voru að gera. 

Gangi Ísland í Evrópusambandið munum við missa alla okkar banka því þeir væru allt of litlir til að geta lifað af í samkeppni við risaeðlur Evrópusambandsins. Við munum líka missa Íbúðarlánasjóð Íslands. Hann yrði bannaður á núll komma fimm.

Talið er að áður en langt er um liðið verði aðeins um það bil 45 bankar eftir í öllu Evrópusambandinu. Þetta er fjármálamiðstöðin í næstu vetrarbraut fyrir Íslendinga, sem Samfylkingin og fjármálasnillingar landsins sáu fyrir sér hér á Íslandi. Núll komma núll þekking og vit þarna. 

Ef ég væri íslenskur banka- og fjármálamaður, myndi ég segja nei við ESB-aðild. Ég myndi ekki vilja skera undan mér og þjóðinni allri þá atvinnumöguleika sem felast í því að reka banka og stunda fjármálastarfsemi sem sjálfstæð og fullvalda þjóð landi okkar til heilla. Öllu sjálfstæði okkar á þessu sviði yrði eytt með nokkrum pennastrikum niðri í Brussel.   

Þessu vill Samfylkingin og Vinstri grænir fórna. Þeir vilja líka fórna nýtingu auðæfa okkar í landhelgi Íslendinga - sem erlendir bankar þá munu þéna á. Verið er að rústa sjávarútvegi Íslands á skrifandi stund. Landbúnaður okkar er næstur í röðinni. Samfylkingin og Vinstri grænir vilja fórna öllum peninga- og myntmálum þjóðarinnar um alla framtíð. Öllum rétti okkar til vaxtaákvarðanna og öllum rétti okkar til að stunda og hafa umsjón með peningapólitík og peningapólitískum vöxtum hagkerfis okkar. Við yrðum eins og fiskur á þurru landi. Súrefnislaus.

 

Þessu öllu, og miklu meiru til, vill Samfylkingin og Vinstri grænir fórna fyrir að Ísland verði Grikkland og Portúgal norðursins. Steindautt efnahagslegt steinaldarsvæði eftir bara smá stund í ESB-klúbb elítunnar.

 

Allt stefnir í sömu áttina hjá ríkisstjórn kommúnista og sósíalista Íslands: það er annað hvort Grikkland eða Kúba norðursins.

 

Þeir sem halda að Samfylkingin viti eitthvað betur hvað hún er að gera núna en þegar hún át, drakk, lifði og svaf með "Fjármálamiðstöðina Ísland" í magnaum fyrir hrun, já þeir ættu að hugsa sig um tvisvar. Samfylkingin veit álíka mikið um hvað ESB-aðild myndi þýða fyrir sjálfstæði, fullveldi og velfarnað Íslands eins og hún vissi um útrásarbankakerfi íslands fyrir hrun, þ.e.a.s hún vissi ekki neitt. Þessi hrunstjórnmálaflokkur er 100 prósent clueless.   

Fari þessi ríkisstjórn norður og niður. Hún er furstadæmi fáviskunnar, þjóðhættuleg og stórhættuleg okkur að öllu leyti.

 

Aldrei áður hafa eins miklir vesalingar skriðið eftir ríkisstjórnargöngum Stjórnarráðs Íslands, sem notað er nú sem skjaldborgin gegn þjóðinni og sem eigna- og sölumiðstöð sjálfstæðis og fullveldis íslenska lýðveldisins - sem vannst og staðfest var árið 1944 á Þingvöllum - eftir harða langa baráttu forfeðra okkar.  

 

Krækja: Eksperter: Over 100 banker kæmper for livet 

 

Tengt;

 

Frá maí mánuði 2008: Dauði banka í ESB 

 

Frá FT og Bloomberg í dag: Lending to eurozone banks falls sharply | Euro Crisis May Hit Eastern European Recovery

 

Þýska "hagvaxtar kraftaverkið". Spurningu dagsin svarað.

Hagvaxtarmynd frá árinu 2008

 

Jón Steinar Ragnarsson spurði mig spurningar (hér; "any comment") sem ég svara á eftirfarandi hátt. 

 

Ef þú býrð til vísitölu (sjá index) fyrir árstíðaleiðréttan hagvöxt Þýskalands og stillir vísitöluna á 100 á árinu 2000, þá ættum við að sjá gríðarlegan hagvöxt á þessum rúmlega 11 árum, er það ekki Jón Steinar ? Fréttirnar eru svo rosalegar af þessu "kraftaverki" í Þýskalandi. 

En hvað sjáum við. Jú, árið 2000 var stærð hagkerfisins 100. Tíu árum seinna, eða árið 2009, er allt hagkerfið orðið 105,09 að stærð. Þetta er þá hagvöxtur upp á 5,09 prósent á 10 árum. Sem er næst versti hagvöxtur í heimi rúmlega 30 landa OECD á 10 árum. Einungis Evrusvæðið, Japan og Ítalía eru verri. Þetta er 0,5 prósent hagvöxtur á ári. Alger hryllingur. 

Ef við tökum tímabilið (árstíðaleiðrétt) frá árinu 2000 og fram til fyrsta fjórðungs þessa árs (Q1_2011) þá er stærð þýksa hagkerfisins orðin 111,71. Þetta er þá um það bil eitt prósent vöxtur á ári. En auðvitað er það hreint kraftaverk séð í þýsku ljósi.

 

En skýringin á þessu er sú að nýmarkaðslönd heimsins eru farin að fjárfesta í innviðum á ný eftir hrun og stór hluti annarra landa evrusvæðisins eru orðin algerlega ósamkeppnishæf og því fá þýskir pantanir þær sem þeir hefðu að öllu jöfnu fengið ef gengi Þýskalands væri ekki svona gagngert falsað.

 

Það er áberandi að ekkert meiriháttar hagkerfi heimsins fékk eins mikinn samdrátt og hagkerfi Þýskalands gerði frá 2008-2009. Það limpaðist niður um leið og eftirspurn frá útlandinu (export) dróst saman. Þýska hagkerfið er svo algerlega útflutningsháð.

 

Og ekki höfðu þeir þó haft neina fjármála- eða húsnæðisbólu í Þýskalandi á árunum fyrir hrun, því þar hefur raunverð húsnæðis bara fallið og fallið um 20-25 prósent frá aldamótum - fallið öll árin. Aðeins Japan er verra. Bæði Japan og Þýskaland eru elliheimili með kolsvartar framtíðarhorfur, sem eiga sér fáa líka í heiminum. 

 

12 ára samfelld innvortis gengisfelling Þýskalands hefur gert þeim kleift að ríða á bökum annarra undir læstu gengisfyrirkomulagi evrunnar, sjá: Atvinnuleysi í Þýskalandi lækkar eftir 12 ára samfellda gengisfellingu Þjóðverja

 

Þetta var sagan um þýska "kraftaverka-hagkerfið". 

 

Tengt

 

Minningargrein. Andlát hagvaxtar í Þýskalandi 

 

Fyrri færsla

 

Afleiðingar 30 ára ESB-aðildar Grikklands

 

 

Afleiðingar 30 ára ESB-aðildar Grikklands

Mynd Bloomberg; Össurar "Evrópuvextir" evrulandsins Grikklands í gær; vextir á tveggja ára láni til ríkissjóðs Grikklands, skyldi slíkt fást. 

 

Tuttugu prósent íbúa næst stærstu borgar Grikklands, Thessaloniki, eru atvinnulausir, samkvæmt tölum hagstofa. Verkalýðsfélög segja hins vegar að atvinnuleysið sé 26 prósent.

Þetta sést á borginni, segir gríska viðskiptablaðið Imerisia. "Borgin lítur algerlega mannlaus og yfirgefin út. Hundruðum, ef ekki þúsundum, skrifstofa og verslana hefur verið lokað. Sum stræti eru auð og yfirgefin. Hvern dag loka fleiri fyrirtæki, fyrirvaralaust. Sérstaklega sláandi er að einu nýju fyrirtækin sem verða til eru kaffihús, bakarí og skyndibitastaðir. Slík þróun endurspeglar örvæntinu hinna atvinnulausu. Þeir reyna að þéna til hnífs og skeiðar með því að nota síðustu skildingana til að opna eitthvað sem krefst lítils fjármagns."

Þetta er hin stóra Össurarhamingja Grikklands í myntbandalagi Evrópusambandsins - á 26 prósent til tveggja ára "Evrópuvöxtum" Ö. Skarphéðinssonar, til ríkisreksturs. Aþena orðin enn dýrari en París - og lýðveldi Grikkja gjaldþrota.

 

Þá opnar maður kaffibar því engin lán er að fá neins staðar til nýrra fyrirtækja vegna þess að evrubankakerfi landsins er afskorið frá umheiminum. Landið á engan gjaldmiðil og hefur engan lánveitanda til þrutavarna.

 

Ö. Skarphéðinsson er þarna á hverju götuhorni að klippa Samfylkingu Evrópusambandssinna. "Velta" hinna "skapandi greina" verður þá svo mikil - þ.e.a.s inni í kennslustofum háskólanna.  

Eftir 30 ár í Evrópusambandinu og 89 miljarða evrur í ölmusuhjálp frá ríkari löndum sambandsins, er þetta árangurinn. Eyðilagt land. Lítil lönd sem lenda á heróini elítu Evrópusambandsins, eiga sér litla von.

 

Einu sinni var til land sem hét Grikkland . . mynt þess í meira en þrjú þúsund ár var drachma . . en svo gékk það í ESB og tók upp evru . . 

 

Peningar Grikklands eru nú á kistubotninum norður í Þýskalandi, sem stundað hefur 12 ára innvortis gengisfellingu gegn löndum þeim sem læst eru við það í órjúfanlega föstu gengisfyrirkomulagi - á fölsuðu gengi hagkerfis Þýskalands.

 

Undir svona aðstæðum væri enginn fiskur veiddur af Íslendingum í íslenskri landhelgi lengur. Enginn. Þá þyrftu Íslendingar að flytja inn fisk sér til matar - og borga í evrum sem þeir ættu ekki. Við værum marggjaldþrota.

 

Vegna þess að þetta er jú "friðartollabandalag Evrópusambandsins", þá auglýsa þýskir bankar grimmt að þeir, bæði á þýsku og grísku, aðstoði Grikkja, sem og aðra, við að flytja peninga sína burt frá Grikklandi. Að sögn þýska blaðsins Bild-Zeitung hafa 30 miljarðar evrur þegar flúið evruríkið Grikkland og til Þýskalands á þennan hátt. Þetta er jú allt svo gott!

 

Þessi frétt er ekki frá DDRÚV.

Krækjur;

• Imerisia í Grikklandi; Πρωτεύουσα της ανεργίας» η Θεσσαλονίκη - (hér í enskri þýðingu Google)
• Bild í Þýskalandi: Griechen bringen ihr Geld auf deutsche Konten 

 

Fyrri færsla

 

Hvernig og hvar verður nýr Adolf Hitler til í Evrópusambandinu?

Hvernig og hvar verður nýr Adolf Hitler til í Evrópusambandinu?

Mynd: Austerity = þegar blind trú á niðurskurð í miðri kreppu eyðileggur samfélög. Kosningafylgi nasista og atvinnuleysi.

 

Þeim sögulega misskilningi er oft flaggað að það hafi verið óðaverðbólga sem greiddi og sópaði götur Adolfs Hitler til valda í Evrópu undir fyrstu tilraun Þýskalands til lýðræðis, þ.e í Weimar lýðveldinu. Þetta er ekki rétt. Það sem kom Adolf Hitler til valda í Þýskalandi var niðurskurður á ríkisfjárlögum. Það voru þær skelfilegu afleiðingar sem þannig blind trú á niðurskurð og jafnvægi í ríkisfjármálum á krepputímum - undir yfirskini þess að laða erlenda fjárfesta að - sem komu sósíalistanum Adolf Hitler til valda.

The myth has become well-established that Germany’s hyper-inflation wrecked the Weimar Republic and brought Hitler to power.   While the hyper-inflation weakened its foundations, it was cured in November 1923 — the same month as the NAZI’s Beer Hall Putsch.  By 1928 it was a flyspeck party, getting 2.6% of the vote in the May elections (9th place).  The Depression and Weimar’s adoption of liquidationist economics gave Hitler his opportunity.

Í Evrópusambandinu er niðurskurður orðinn skurðgoð sem dýrkað er framar öllu. Allt skal gert og öllu skal fórnað - og þar með talin endurvakning Hitlersks ESB - til þess að halda stórskaðlegu myntbandalagi Evrópusambandsins við lýði. Andlýðræðisleg öfl Evrópusambandselítunnar eru að skapa kjöraðstæður fyrir nýjan ófrið í Evrópu. 

 

Önnur tilraun Þýskalands til lýðræðis fer nú fram, og lofar ekki góðu, verð ég að segja. Evrópusambandið er fyrst og fremst samband byggt í kringum öfga - með öfgum. 

 

Krækja; A lesson from the Weimar Republic about balancing the budget 

Neyðarlög Evrópusambandsins - þegar ÞAÐ gerist

 

 

Þegar Grikkland yfirgefur evruna, evrusvæðið og ESB fyrir fullt og allt, verða sett "neyðarlög" á evrusvæðinu, segir spænska dagblaðið El Pais. En sem þó, að mínu mati, varla er hægt að kalla lög, því evrusvæðinu er ekki stjórnað á lýðræðislegan hátt eða samkvæmt lýðræðislegum hefðum. Þar verða einfaldlega gefnar út sovéskar tilskipanir, því evrusvæðið er eins konar einræðisveldi. Ríkin munu fá tilskipanir Brussels sendar í gegnum síma. Ekkert þing verður kallað saman. 

Juan Ignacio Crespo segir í þessari grein í El Pais að þegar Grikkland segir sig úr evrunni þá muni Evrópusambandið þurfa að loka og setja efnahagslegt útgöngubann á hinum svo kallaða innri markaði (ennþá kenning á blaði) og Schengen samkomulaginu yrði að loka og læsa immed! Kannski gjaldeyrishöft? Ha ha ha ha ha.

Si el Tratado de Schengen va a tener su excepción transitoria, también puede tenerlo la libertad de movimiento de capitales en Grecia. 

Þá vitið þið það. Ríkisstjórn Jóhönnu Sigurðardóttur mun auðvitað setja Evrópusambandið  á lista yfir hryðjuverkasamtök og frysta allar hinar vaxandi eignir og peninga þessa Evrópusambands hér á Íslandi. Er það ekki? Már mun loka þær inni í Seðlabankanum, ekki satt?

Hver var það svo sem líkti evrusvæðinu við Bandaríki Norður-Ameríku? Var það ekki stjórnmálamaðurinn og seðlabankastjóri ESB; sjálfur tréhesturinn Trichet frá Lyon? Jú það var hann.

Össurarsvæðið í dag; Greece Joins Belarus as Europe’s Lowest-Rated 

Sjáið þið þetta ekki fyrir ykkur? Eitt af 50 fylkjum Bandaríkjanna kemur af stað neyðarástandi um öll Bandaríkin og heiminn allan; vegna nokkurra dala. Ég sé Bandaríkin ekki leysast upp þó svo að eitt fylki af 50 fari í þrot. Enginn mun taka eftir því.

Jóhanna og Steingrímur; þið verðið að muna eftir því að hlýða strax og sleikja gula og pissblauta skósóla Brussels þegar tilskipunin kemur. Alveg sama þó Ögmundur kjáni hafi ekki vitað hvað hann var að segja já við þegar hann í sjálfs-handjárnum og klóróformi forystu VG sagði já við því að sækja um inngöngu í Bandaríki Evrópu; sem eru og hafa verið á teikniborðinu í samfleytt 50 ár, án þess að þið hafið tekið eftir því þarna í Álfhóli 101.

Krækja; Atenas, sometida a un doble 'electroshock' 

PS: ég sendi Ögmundi og konu hans hér með samúðarkveðjur vegna ömurlegrar og óafsakanlegrar árásar skríls á heimili þeirra.

Fyrri færsla

Hörpuvísitalan hristist og skelfur

Hörpuvísitalan hristist og skelfur

Mynd; Bloomberg; CESIUSD:IND

 

"Óvæntinga-vísitala" Citigroup hefur hrunið síðustu mánuði. Þessari vísitölu má líkja við Steingrímsvísitöluna. Þegar Steingrímur og Jóhanna hundrað og einn birtast á svölum Hörpunnar og segja landsmönnum með gjallarhornum að landið sé að rísa og allt sé að batna, þá bætist plús einn við vísitöluna (+1). Hún ætti því að stíga og sýna okkur svart á hvítu að allt sé svo sósugott í þjóðarbúi Íslands. Er það ekki?

En svona einföld er vísitala þessi ekki. Hún borðar líka staðreyndir sem vega upp á móti hörpuslætti ríkisstjórnarinnar í 101. Hún tekur einnig inn raunverulegar hagtölur sem fást með því að mæla það sem gerst hefur í raun á meðan Jóhanna og Steingrímur blésu lofti sínu út í fjölmiðlum. Við hverja hagtölu sem passar ekki við fullyrðingar Steingríms, um að landið sé að rísa, fær vísitala mínus einn (-1). 

Þetta er reyndar ekki alveg satt hjá mér, því þessi vísitala er staðsett í Bandaríkjunum. Gefin út þar af fjármálastofnuninni Citigroup. Hún mælir hvernig hagtölur falla saman við þær væntingar sem menn höfðu til þeirra. Ef birt er efnahagstala (hagtala) sem sýnir betri árangur en menn áttu von á, þá fær vísitalan einn í plús. Ef hagtalan sem birtist er hins vegar verri en það sem menn áttu von á, þá fær vísitalan einn í mínus. Daglega og vikulega er þetta síðan lagt saman og útkoman myndar vísitölu dagsins eða vikunnar og þar fram eftir götum.

Það er svona, cirka about, sem Citigroup Surprise Economic Indicators Index virkar. Hann hefur hrunið frá því í byrjun marsmánaðar sem þýðir að allt of margar hagtölur eru og hafa verið verri en það sem menn voru sammála um að væri í raun og veru að gerast í bandaríska hagkerfinu. Það sama gildir reyndar á heimsvísu. Allt er verra en menn héldu og vonuðu. 

Undanfarnar vikur hefur silfurmarkaðurinn hrunið. Stórt hrun markaða varð síðan í gær. Þá var það olían sem hrundi um 12 dali á þeim einum og sama fimmtudegi, sem er met. Hrunið náði einnig til hávöru og málma eins og til dæmis kakóbauna, kopars, silfurs og gulls. Þessi lækkun er svo kröftug að hún fer inn í sögubækurnar.

Er allt að hrynja? Ég veit það ekki. Enginn veit það með vissu. En þeir sem voru séðir og unnu heimavinnuna sína vel - eins og til dæmis Warren gamli Buffet gerir - þeim er alveg sama þó svo að hlutabréfamarkaðir, sem og aðrir markaðir, séu lokaðir og læstir næstu fimm til tíu árin. Það gerir ekkert til þegar um þannig maraþonhlupara markaða er að ræða. Þessir eru alltaf í réttu myntinni. Mynt sem hefur fullvalda ríki á bak við sig. Í réttu vörunni eða bréfunum sem hafa hugarhlutdeild neytenda á bak við sig. Gleyma ber fyrirbærinu markaðshlutdeild, það segir okkur ekki neitt. Það eina sem skiptir máli er það sem geymt og ógleymt er í heilafrumum jarðarbúa; mindshare. Þetta gildir líka í pólitík.

 

Mind share => er það sem menn muna þegar áföllum slotar. Þeir sem fóru best úr úr óðaverðbólgunni í Þýskalandi á öðrum áratug síðustu aldar, voru þeir sem áttu pappíra í fyrirtækjum sem gátu lifað af. Svoleiðis voru bankar og útrápsfyrirtæki Íslendinga ekki. Og þannig verður Harpan heldur ekki. Geðbilunin keyrir áfram. Þetta er jú Weimartímabil Íslands - í 101. 

 

Krækjur: FT: When indicators disappoint | Rout 

 

Tengt; svona var málum háttað þá; The Surprise Index 22. ágúst 2008

 

Fyrri færsla

 

Á þjóðin fulltrúa á Alþingi? 

 

Á þjóðin fulltrúa á Alþingi?

Laugardagur 30. apríl 2011; Málmey í blíðu við Þórðarhöfða í Skagafirði  

 

Til að byrja með. Tökum tvo flokka. 

Vinstri grænir: Þetta er orðin nokkurs konar valdamafía fárra prívat persóna sem allar götur frá stjórnarmyndun situr án nokkurs umboðs frá kjósendum. Flokkur sem virkar eins og handrukkari Samfylkingarinnar. Hér á þjóðin varla neinn fulltrúa lengur. Það verður að segjast eins og er. 

Sjálfstæðisflokkurinn: góðar sterkar samþykktir flokksmanna liggja þarna að baki og sem ég aðhyllist, en forystan aðhefst annað hvort með nó komment policy eða í trássi við samþykktir flokksins. Forystan virðist vera veik á vafasömu svelli sem er að bráðna og þorir ekki að aðhafast og framkvæma í samræmi við yfirgnæfandi vilja flokksmanna. Fælni. 

 

Forystan segist ætla að virkja ánna sem rennur í flokkinn, en hefur, samkvæmt sinni prívat skoðun, líklega ákveðið byggja virkjunina á sínu eigin landi í von um að vatnið fyrir slysni leiti þangað þegar stormflóð geisa næst. Flokksmenn borga kannski og kannski ekki. Þeir báðu um afgerandi grænt gras í garðinn Ísland, en fá líklega malbikað lyftuhús sem flestir hafa lúmskan grun um á hvaða stigi og á hvaða hæð hurðir þess munu opnast - þetta virðist vera svo. 

Er þetta pólitík? Á þjóðin fulltrúa þarna?

 

 

Fyrri færsla

 

Össurarsvæðið gjaldþrota - verður ávalt fátækt og ófullvalda

Össurarsvæðið gjaldþrota - verður ávalt fátækt og ófullvalda

 

Nú hefur Portúgal fallið fram á allar fjórar evrur og 77 óseldar sardínur. Þetta evruland er komið í fang ríkisgjaldþrotasjóðs evrusvæðisins og Alþjóða Gjaldeyrissjóðsins. 

Flest lönd evrusvæðis munu ávalt verða fátæk og alltaf þurfa að greiða hærri vexti fyrir fjármagn en lönd sem hafa sinn eigin gjaldmiðil. Þau eru hættulegri fjárfestum því þau hafa þverrandi sjálfsstjórn, ekkert fullveldi í efnahags og peningamálum og eiga því á hættu að verða gjaldþrota þegar á móti blæs. Einfalt en satt. 

 

Um evrusvæðið; Why is Spain paying higher interest rates on its government debt than the UK? The answer to this question is illuminating: membership of a currency union makes a country fiscally fragile. This is inherent in the construction: members are neither sovereign states nor components of a federation.

Martin Wolf á Financial Times bendir lesendum blaðsins á þennan óþægilega en einfalda sannleika í nýjum pappír frá Paul de Grauwe, sem Paul Krugman vildi óska að hann hefði skrifað sjálfur.    

 1 Grikkland

Össur Skarphéðinsson; "hér hefði ekkert hrun orðið ef við hefðum haft evru"

Grikkland hafði evru. Það er hrunið í fang AGS og ESBÞROT

Bankakerfi á leið í þrot og fjármangsflótti 

Atvinnuleysi: 15 prósent

2 Írland

Össur Skarphéðinsson; "hér hefði ekkert hrun orðið ef við hefðum haft evru"

Írland hafði evru. Það er hrunið í fang AGS og ESBÞROT

Bankakerfi farið og fjármangsflótti

Atvinnuleysi: 14,7 prósent

3 Portúgal 

Össur Skarphéðinsson; "hér hefði ekkert hrun orðið ef við hefðum haft evru"

Portúgal hafði evru. Það er hrunið í fang AGS og ESBÞROT

Bankakerfi farið og fjármangsflótti

Atvinnuleysi: 11,1 prósent

 

Er Össur heimskasti maður þessa heims? Ég spyr.

 

Evruaðild er ávísun á fátækt. Fáfræði Össuar er refsiverð og á aðeins heima á hinu fullveldis- og efnahagslega öryrkjasvæði Evrópusambandsins. Össur og Samfylking hans er hvorki fugl né fiskur. Þar virðist fáfræðin vera allsráðandi.

 

Fyrri færsla

 

Framsókn vinnur á. Þýskur risabanki ákærður fyrir svindl í bandarískum húsnæðislánum