Leita í fréttum mbl.is

Dauði banka í ESB

Í gær skrifaði Berlíngskurinn hér í gömlu Danmörku að það séu um 208 sjálfstæðar peningastofnanir í Danmörku. Af þessum 208 stofnunum eru 42 sem kallast "litlir bankar og sparisjóðir". Margir þessara eru yfir 100 ára gamlir. Samkvæmt frétt Berlingske er nýr reglugerðar frumskógur á bankasviði ESB að taka lífið af þessum "litlu" fyrirtækjum einmitt núna. Þessir litlu bankar og sparisjóðir hafa nefnilega ekki mannskap til að annast sömu stærð pappírsfjalla og stóru bankarnir einnig fá úthlutað frá herveldi hugrakkra hermanna pappírsheimsveldis ESB. Það er ekki gert uppá milli, segja þeir. Litlir bankar og litlir sparisjóðir fá sama skammt og stórir bankar og alþjóðabankar fá.


Sumir þessara gömlu banka og sparisjóða hafa einungs 10 starfsmenn. Sjálfur er ég með bílalán mitt í Sparekasse Helgenæs, en hann er rekin í hlutavinnu eins manns sem einnig er lektor við verslunarháskóla Árósa. Ég held að þetta sé ein elsta starfandi peningastofnun Danmerkur. Við gengum frá bílaláninu yfir kaffibolla og vínabrauði í fallegum og notarlegum húsakynnum bankans sem er á Helgenæs á hinu gamla Mols víkinganna. Nánast engin pappírsvinna og mun lægri vextir en annarsstaðar. Ekkert veð tekið því hann þekkti okkur af fyrri viðskiptum. Síðan spjölluðum við um heimsmálin áður en sparisjóðsstjórinn fylgdi okkur úr bæjardyrum.


Það er ekkert skilti við veginn og einginn sem ekki þekkir til staðhátta veit að þarna á sveitabænum við gömlu kirkjuna sé bankastofnun. En hann er þarna samt og hefur verið þarna síðan 1869. En samkæmt vilja ESB mun þetta breytast. 


gaarden_nedefra_300

Haraldur Blátönn var særður dauðasári þarna á bökkum sparisjóðsins árið 985. En bráðum verða grasi vaxnir bakkar þessa fagra staðar teppalagðir með nýjum reglugerðum ESB í staðinn. Hugrakkir menn í Brussen munu stjórna útförinni.


Þetta er kanski einmitt í anda þróunarvilja ESB, eða ætti maður heldur að kalla þennan vilja fyrir vanþróunarvilja? Í ESB er það nefnilega svo að yfir 98% af öllum fjölda fyrirtækja innan  landamæra ESB eru lítil, minni og millistór fyrirtæki. En það undarlega er samt, samkvæmt nýjustu tölum EuroChambers, að einungis 7% af þessum fyrirtækjum hafa viðskipti á milli innri landamæra ESB. Einungis 7% hafa fundið ástæðu til að hafa viðskipti við önnur fyrirtæki og neytendur í öðrum löndum INNAN landamæra ESB. Ég undrast. Þetta lifir jú svona rúmlega núll prósent upp til gömlu loforða ESB um hinn innri markað og þann sökkul sem þeir sögðu okkur að ESB myndi byggja á. Samvinnu viðskipta og verslunar og sameiningu markaða.   


En kanski er það einmitt ætlunin. Kanski er það einmitt ætlun ESB að ráða niðurlögum þessara fyrirtækja þannig að hin stóru alþjóðavæddu geti yfirtekið markaði þeirra. Að það verði alltaf lengra og lengra á milli bankana fyrir fyrirtæki, launþega og bændur í ESB.  


En þetta lítur samt enn verra út fyrir viðskipti ESB við umheiminn utan landamæra ESB. Og já, umheimurinn er þarna, hvað svo sem kjánaklúbbur ESB segir. En hinn nýi ESB her er að samt að verða öflugur, það verður maður að viðurkenna. Þetta er aðdáunarverður árangur. Hugrakkir menn frá Brussel. Skítt með Harald Blátönn og gamaldags her hanns. Hann hafði nefnilega enga pappíra.

 

Þess skal geta að Copenhagen Business School er lítt hrifinn af þessari þróun sem sumir munu kanski heldur vilja kalla vanþróun markaðarins því næstum öll ný störf verða til í litlum, minni og millistórum fyrirtækjum innan ESB og víðar. Þetta er ákveðinn sigur fyrir þá sem vilja koma okkur á kassann.


Små banker drukner i lovkrav


« Síðasta færsla | Næsta færsla »

Athugasemdir

1 Smámynd: Bjarni Kjartansson

Enn ber að þakka innleggg í flóru upplýsinga um ESB.

Nú frá manni, sem býr í þessu kerfi og STARFAR EKKI Á ÞEIRRA VEGUM.

Flestar upplýsingar sem eru á boðstólnum hér er frá fólki, sem starfar annaðhvort beint í Brussel eða í tengslum við báknið.

 ÞEgar bent er á, að ef ESB væri fyrirtæki, væri að líkum búið að loka því, þar sem ekki hafa legið fyrir samþykktir reikningar og endurskoðaðir í mörg ár.

Annars

Takk fyrir mig.

Miðbæjaríhaldið

Bjarni Kjartansson, 22.5.2008 kl. 08:49

2 Smámynd: Jónas Tryggvi Jóhannsson

Já, það væri mjög óheppilegt ef þessi hryllingssaga væri dagssönn, því við tökum nú þegar allar reglur um fyrirtækjarekstur og þar með fjármálageirann frá ESB í gegnum EES samninginn. Fólk þarf aðeins að róa sig, og skilja að við erum að taka yfir allt nema efnahags og landbúnaðarmál (sem fiskurinn er inn í). Þess vegna eru þessar sögur um reglugerða og pappírsflóð litilla fyrirtækja þegar við göngum inn bara ekki réttar, því við erum nú þegar búin að taka upp allar þessar reglugerðir.

Jónas Tryggvi Jóhannsson, 22.5.2008 kl. 09:15

3 identicon

Jónas, við höfum enn frelsi, allavega að einhverju leiti, til að laga reglur ESB að okkar aðstæðum, aðild að þessum sirkus sviptir okkur ÖLLU sjálfstæði !!!

Ég man reyndar ekki í svipinn hvaða leyfi frá ESB það er sem Skipasmíðastöð Vestmannaeyja er að bíða eftir til að geta komið slippnum í gang aftur eftir óhappið með Gandí um árið, en það er allavega einhver reglugerð frá þeim sem við nú verðum að fara eftir og þeir hafa beðið lengi og eiga enn eftir að bíða....verður fróðlegt að vita hvenær starfsemin í slippnum kemst aftur í gang.

Við eigum hér tvo báta og höfum neyðst til að fara með þá í slippinn í Njarðvík, allskonar aukakostnaður og vesen....compliments of the ESB !!!

En þetta er bara smá dæmi um það sem koma skal ef (eða þegar?) við hendum okkur undir stórabróður í Brussel.

Anna Grétarsdóttir (IP-tala skráð) 22.5.2008 kl. 10:50

4 Smámynd: Bjarni Kjartansson

Jónas:

Við skulum nú hafa það sem sannara reynist.  Okkru ber, samkvæmt samningi um EES að taka upp ,,tiltekin og afmörkuð lagasvið" ESB.

Það hefur verið rakið æ ofaní æ, að þar eru um að ræða eitthvað um 12,8% lagabálka þess skrifræðis.

AÐrir, sem teljast til andstæðinga bandalagsins tala um 9%, sem þeir geeta fært til sanns vegar, ef tekið er mið af því sem samþykkt hefur verið síðan að EES samningurinn var staðfestur.

 Það eru lygimál hjá ESB -sinnum, að upptökukrafan sé víðtækari.

Svo er enn ósvarað frá ESB sinnum hvernig í ósköpunum það má vra, að ekki sé enn búið að endurskoða og birta reikninga ESB, hvað þá yfirlit af því sem allmargir telja aðalatriði samningsins, STYRKVEITINGAR TIL LANDBÚNAÐAR og sundurliðun á þeim subbuskap.

Með afsökun að misnota spjallborð höfundar.

Bjarni Kjartansson

Miðbæjaríhald

af Herrans náð

Bjarni Kjartansson, 22.5.2008 kl. 11:18

5 identicon

Sæll vertu,
góð grein og maður kemst í danska stemmingu við lesturinn. Mig langaði samt að spyrja þig, er ekki líklegt að gamli góði danski bankinn geti lánað þér á hagstæðum kjörum vegna þess að danska krónan er tengd Evru, að litli sæti bankinn fái lán til að lána þér á hagstæðum kjörum vegna legu danmerkur og samninga við ESB. Þannig varstu að njóta þess stöðugleika, lágra vaxta, stöðugs gengis sem ESB býður. Þess vegna og einmitt þess vegna gastu setið yfir einum kaffi á blátannarbakka og fengið afgreitt hagstætt lán. Við hér á Íslandi eigum einnig fullt af svona bönkum sem lána engum í dag. Maður fær reyndar kaffi í afgreiðslunni frítt (ennþá) en algerlega er lokað á útlán. Engin bílalán nema jú með 24,5% vöxtum, engin húsnæðislán eru í boði nema hjá húsnæðislánasjóði sem lánar eingöngu takmarkaða upphæð. *

Bergur Ólafs.

Bergur Ólafsson (IP-tala skráð) 22.5.2008 kl. 11:45

6 Smámynd: Bergur Ólafsson

Sæll vertu,
góð grein og maður kemst í danska stemmingu við lesturinn. Mig langaði samt að spyrja þig, er ekki líklegt að gamli góði danski bankinn geti lánað þér á hagstæðum kjörum vegna þess að danska krónan er tengd Evru, að litli sæti bankinn fái lán til að lána þér á hagstæðum kjörum vegna legu danmerkur og samninga við ESB. Þannig varstu að njóta þess stöðugleika, lágra vaxta, stöðugs gengis sem ESB býður. Þess vegna og einmitt þess vegna gastu setið yfir einum kaffi á blátannarbakka og fengið afgreitt hagstætt lán. Við hér á Íslandi eigum einnig fullt af svona bönkum sem lána engum í dag. Maður fær reyndar kaffi í afgreiðslunni frítt (ennþá) en algerlega er lokað á útlán. Engin bílalán nema jú með 24,5% vöxtum, engin húsnæðislán eru í boði nema hjá húsnæðislánasjóði sem lánar eingöngu takmarkaða upphæð. *

Bergur Ólafs.

Bergur Ólafsson, 22.5.2008 kl. 11:48

7 Smámynd: Gunnar Rögnvaldsson

Sæll Bergur

Ef sumir Íslendingar væru ekki svona uppteknir við fagmannlegt væl sitt vegna gengismála, verðhækkana og vaxtamála, sem þeir ímynda sér að þeir standi einir með í heiminum, og nota þá í leiðinni tækifærið til að kenna stjórnvöldum og Seðlabanka Íslands um allt, til þess eins að undirbúa sviðið fyrir sölu sjálfstæðis Íslands fyrir tíkall, að já, þá hefði það kannski ekki farið fram hjá ykkur að bankar hér ganga betligang á milli fyrirtækja vegna lausafjárþurrðar og slæmra kjara á millibanka markaði. Danskir bankar öskra á peninga, og útlán hafa dregist verulega saman.

Við vitum þetta því við sjáum um fjármögnun fyrir svo marga Íslendinga og aðra viðskiptavini okkar. Byggingabransinn er stopp og gjaldþrot eru byrjuð að skella á og munu margfaldast hér á næstu misserum. Það standa 140.000 tómar íbúðir hér, og mjög margar þeirra eru nýjar. Engum, ég endurtek, ENGUM hér dettur sú fáránlega hugmynd í hug að stjórnvöld muni lyfta litla putta til hjálpar, og engum dettur í hug að kenna stjórnvöldum um þessa alþjóðlegu fjármálakreppu. Það er 2008 núna og ekki 1975.

Þetta virðist alveg hafa farið fram hjá ykkur. Og að það hafi þurft að stöðva (suspend) viðskipti með skuldabréf húsnæðislánakerfisins hér vegna þess að það vildu of fáir fjárfestar kaupa skuldabréf húsnæðislánastofnana vegna þess að fjárfestar hafa misst trú á dönskum efnahag. Verðmyndun bréfa varð því húskaupendum svo óhagstæð að það hefði þurft að kýla verið í botn til að fá fjármögnun í geng.

Fjárfestar vita að húsnæðisverð er byrjað að lækka og að insolvence (eignaleysi) hefur nú þegar myndast hjá húseigendum og að spár fyrir danska hagkerfið í heild eru afar lélegar mörg næstu ár. Eðlilegur hagvöxtur mun ekki geta myndast hér vegna hárra skatta og ofur-stærðar hins opinbera geira. Allur framgangur síðustu ára hér hefur verið tengdur verðhækkunum á húsnæði.

Og ekki hjálpar það okkur núna að vera undirlagðir verðbólgunazistunum í Frankfurt og Brussen núna frekar en á árunum 1987-1996 þegar opinbert atvinnuleysi Danmerkur fór uppí 12% í mörg ár vegna peninga og vaxtastefnu verðbólgunazistanna í Frankfurt. Danmörk hefur aldrei beðið þessa bætur. Lag eftir lag af atvinnulausu fólki var ýtt út af vinnumarkaðinum og yfir í alls konar kassa ríkisins. Þetta fólk telur núna 750.000 manns og ætti í raun að teljast til vinnuafls sem ekki er í vinnu og fær ekki vinnu. Þá væru opinberar atvinnuleysistölur hér 15%.

Þið berið greinilega litla virðingu fyrir því fyrirmyndar ríki sem þið búið í. Þið virðist yfirhöfuð enga hugmynd hafa um hvaða þið eruð með í höndunum. Ekki glopra því úr höndunum fyrir tíkall sem með tímanns tönn mun verða steinn um háls einstaklingsfrelsis og efnahagsfrelsis Íslendinga. Þið þekkið ekki koss mömmu.

Flest allar þjóðir hafa orðið fyrir afleiðingum þeirrar fjármálakreppu sem nú ríkir. Þið eruð ekki ein í heiminum. En munurinn á ykkur og okkur er sá að þið hafið sennilega einar bestu forsendurnar til að vinna ykkur HRATT út úr henni. Þið hafið eitt dýnamískasta hagkerfi í heimi. Það mun ekki verða svo hérna megin Atlansála.

ESB hefur ekkert gert fyrir tilveru þessara minni peningastofnana. Þvert á móti. Ef þú hefur heyrt einhvern segja það, þá er það einfaldlega ekki rétt. Það er hinsvegar hægt að segja að það sé aðdáunarvert að þrátt fyrir ESB að þá séu þessir bankar enn á lífi.

Það þarf enginn að vera í ESB til þess að geta hugsað sjálfstætt, og Ísland er besta sönnunin fyrir því. Og það þarf enginn að vera í ESB til þess að fá lán fyrir bíl.

Gunnar Rögnvaldsson, 22.5.2008 kl. 13:03

8 Smámynd: Gunnar Rögnvaldsson

Bergur

Þú nefnir háa vexti. Þetta er einmitt tilgangurinn með háum stýrivöxtum. Að hindra þig í að fara í bankann til þess að fá nýtt lán. Ef þú kaupir þér 15 ára gamlan bíl í staðinn, þá muntu flýta fyrir því að stýrivextir verði lækkaðir því þú lækkar þá þenslu-verðbólgu sem er enn í kerfinu + innfluttum verðhækkunum á hrávörum + alþjóðlegu hruni fjármálamarkaða. Svona er þetta alls staðar. It just plain works. Stýrivextir virka. Alltaf!

Gunnar Rögnvaldsson, 22.5.2008 kl. 13:59

9 identicon

Sæll Gunnar.

Takk fyrir kærkomnar upplýsingar um raunveruleikann í Danmörku í ESB, ekki bara tóma óskhyggju og ósannindi.

Því miður virðist æði oft tilgangurinn helga meðalið hjá ESB sinnum.

"Allt skal vera betra í ESB en á Íslandi" enda þótt staðreyndir sýni og sanni oftast annað, sbr. ýmsan alþjóðlegan samanburð á lífskjörum á Íslandi samanborið við flest ESB lönd.

Til gamans bendi ég á skrif um bensínverð á Íslandi versus Danmök/Þýskaland/Frakkland 2007 og 2008 á bloggsíðu Ólafs Helga Rögnvaldssonar á MBL vefnum 13. - 14. maí s.l. (http:olihelgi.blog.is/blog/olihelgi).

Kveðja

Guðm. R. Ingvason

Guðm. R. Ingvason (IP-tala skráð) 22.5.2008 kl. 14:41

10 identicon

Leitt þegar menn eyðileggja góðar og margreyndar hugmyndir:

 http://www.visir.is/article/20070824/SKODANIR03/108240105/1233/SKODANIR06

Rómverji (IP-tala skráð) 22.5.2008 kl. 16:18

11 Smámynd: Gunnar Rögnvaldsson

Takk til ykkar allra fyrir innlegg.

ECB býður ekki neitt. Peningakerfi ESB í umsjá ECB er eins og öll önnur markaðskerfi. Þau byggja á efnahags og atvinnulífi þess svæðis sem það þjónar. Ef samkeppnishæfni ESB miðað við Bandaríkin heldur áfram að dragast afturúr, þá munu atvinnutækifærin og fjárfestingar einnig flytja til Bandaríkjanna, eða eitthvað annað. Það sem ESB hefur ekki megnað er að skapa hagvöxt því það geta einungis frjálsir einstaklingar gert. Embættismenn geta það ekki og hafa aldrei getað það.

ESB er algerlega ónauðsynlegt fyrirbæri. Það mun aldrei virka sem skal. Eina leiðin til að það virki eins og skal er að það breytist í United States of Europe. En það tæki 200 ár því innri hreyfanleiki USE myndi ekki koma fyrr en eitt tungumál og eitt menningarsvæði væri orðið að starfhæfum möguleika.

Hinn innri markaður var alveg nóg. Það er einnig gott að eiga viðskipti við þjóðir utan ESB. Einmitt núna ættu íslenskir fjárfestar að vera í gangi með rannsóknir á hlutabréfamarkaði Afríku. Það er markaður sem mun verða álíka spennandi og BNA. Markaður sem mun fyrst og fremst hugsa um sjálfann sig og ekki einblína á útflutning útflutning og útflutning á meðan heimamenn líða. Ef maður hjálpar ekki sjálfum sér þá mun enginn gera það. Það eru til mjög spennandi lönd í Afríku fyrir fjárfesta.

Það er miklu gáfulegra að kaupa hlutabréf í Afríku en að senda þangað poka af gjafavöru sem eyðileggur heimamarkaði þeirra. Eins og er þá eru það Afrískir bankar sem eru arðsömustu bankar í heimi.

Gunnar Rögnvaldsson, 22.5.2008 kl. 17:10

12 Smámynd: Gunnar Rögnvaldsson

Rómverjinn hefur rétt fyrir sér. Enginn byggð getur verið án nærþekkingar svona stofnana. En þetta er jú eitt af þessum fallegu markmiðum ESB - að tryggja "nær-lýðræði og staðarþróun" - en það fer sennilega fram í öðru herbergi í Brussen á meðan niðurrifið fer fram í hinu herberginu við hliðina. Þetta eru jú svo stórar byggingar. Öll skriffinnaveldi verða svona.

Skriffinnar eru svona eins og flestir verða sem stunda hlutabréfaviðskipti án þess að vita hvað þeir eru að gera: þeim finnst þeir alltaf þurfa að vera að gera eitthvað. Og ef ekkert er að gera þá finna þeir bara upp eitthvað vandamáli til að leysa. En það er alltaf action.

Stundum þjáðust eldri verðbréfamiðlanir af þessu sama vandamáli: á meðan miðlari X var að selja hlutabréf U í herbergi 1 þá var miðlari Z að kaupa þessi sömu bréf í herbergi 2 án þess að vita hvað hinn var að gera þarna í herbergi 1. Svo var safnið gert upp í hverjum mánuði og útkoman var náttúrlega ekki alltaf glæsileg. Svo auglýstu þeir þjónustu sína.

Gunnar Rögnvaldsson, 22.5.2008 kl. 17:56

13 Smámynd: Atli Hermannsson.

"Ef samkeppnishæfni ESB miðað við Bandaríkin heldur áfram að dragast afturúr, þá munu atvinnutækifærin og fjárfestingar einnig flytja til Bandaríkjanna, eða eitthvað annað."

Gunnar, Það má með réttu skilgreina Bandaríkin sem myntbandalag sjálfstæðra ríkja. Allavega eru þau öll með sama gjaldmiðilinn hversu ólík sem þau eru innbyrðis. Og þar er Seðlabankinn hvorki að hræra í stýrivöxtunum né reyna að hafa áhrif á gengi dollars þó aflabrestur verði við Alaska eða uppgangur í ferðaþjónustu á Hawai svo dæmi sé tekið. Því átta ég mig ekki á því af hverju peningakerfi sem gengur vel meðal 50 ólíkra ríkja vestanhafs geti ekki get það líka í Evrópu.

Þá átta ég mig heldur ekki á umræðunni um að við þurfum að hafa sér gjaldmiðil vegna alveg sérstakra aðstæðna hér á landi. Því er það spurning hvort vegi þyngra í mati stjórnvalda, mikill hagvöxtur á Austurlandi undanfarin ár eða neikvæður á Vestfjörðum á síðastliðnum 10 árum.   

Atli Hermannsson., 22.5.2008 kl. 23:27

14 Smámynd: Sigurjón Þórðarson

Ég ber þá von í brjósti að það verði einhverjar breytingar í Brussel þó svo ég sjái fá teikn um það nú. 

Það eru ákveðnir kraftar stórra fyrirtækja og hagsmunasamtaka að hafa regluverkið nógu flókið til þess að lággróðurinn ná sér ekki á strik.  Það er lítið mál að vera með eina skrifstofu í fjölþjóðlegu fyrirtæki í að mata kerfið af upplýsingum það óskar stöðugt og helst meira í dag en í gær. 

Fyrir skömmu ræddi ég við hagvanan embættismann sem þekkir nokkuð til innviða batterísins í Brussel.  Hann lýsti þessu svo fyrir mér að það nokkra stund að átta sig á því hvað væri raunverulega að gerast.  Til þess að átta sig á því þá væri nauðsynlegt að skræla marga viðauka, töflur skilgreiningar og orðskýringar til þess að fá einhvern botn í málin og hafa þar að auki einhverja yfirsýn yfir flókna ferla um nefndir ráðherraráð og framkvæmdastjórn. 

Sigurjón Þórðarson, 23.5.2008 kl. 00:34

15 Smámynd: Gunnar Rögnvaldsson

Bandaríkin og Ísland eiga það sameiginlegt að þau eru ríki flóttafólks frá Evrópu. Allir vita afhverju menn fóru til Bandaríkjanna, til að leita velsældar og þeir fundu hana. Til Íslands fluttu menn til að öðlast það frelsi sem núna er hugsanlega til sölu fyrir tíkall.

En í praxís þá er Almannagjáar munur á Bandaríkjunum og ESB og þar að auki tímamunir uppá ca 200 ár og menningarmunur sem er næstum ólýsanlegur

Þú nefnir einmitt gott dæmi, Vestfirðir og Austurland. Í skilvirku hagkerfi þá flytst fólk þangað sem atvinnan er, Faðir minn sálugi varð atvinnulaus sem vörubílstjóri á Siglufirði en fann atvinnu við gerð Búrfellsvirkjunar. Svo kom hann aftur heim til að pakka saman og við fluttum öll til höfuðborgarsvæðisins. Í Bandaríkjunum flytst fólk einnig þangað sem atvinnan er. Stór hluti af Bandaríkjamönnum skipta um fylki á hverju ári. Í ESB er þessi tala núll, zero. Þar flytst fólk á kassann í staðinn. Það er akkúrat enginn innri hreyfanleiki (mobility).

Þess vegna er ESB alltaf að dragast afturúr BNA. Ekkert ríki hefur efni á svona kyrrstöðu vinnuafls. Og ef svona heldur áfram verður ESB klúbbur fátækra þjóða því það hafa engar þjóðir efni á að sólunda mannauði sínum í að vinna við bora í nefið á sér allan daginn og fá greitt fyrir það úr Kassanum því það þarf að fylla á þennan kassa með jöfnu millibili.

Stýrivextir gjaldmiðils Bandaríkjamanna veit þetta. Þeir eru einmitt gíraðir inná einmitt þessa staðreynd og þeir virka vel því Ben Bernanke og flestir hans líkar vita að þetta er mikilvægt. Þyrlu-Ben eins hann stundum er kallaður, veit að þegar hagkerfi BNA stöðvast í vexti sínum, að já, þá flýgur maður út í þyrlu og kastar inn auknu magni af peningum á rétta staði í hagkerfinu, til að skapa vöxt.

Þetta veit ECB að ekkert þýðir í hagkerfi ESB því ef þú gerir þetta í ECB þá fara peningarnir einungis niður í holu kassans og mynda gíg eða holu. Það mun aldrei ske neitt nema að þeir myndu mesta lagi brenna gat á peningatank sinn. Hagkerfi ESB er ekki eins og vatn þar sem maður getur hent í steini og það myndast hringar í vatninu, afl og hreyfanleiki, dýnamík. Það er engin dýnamík í hagkerfi EDB og verður aldrei því BNA e EKKI eins og Siglufjöður í gamla daga eða í Reykjavík nútímans eða í BNA fortíðar og nútíma - staður þar sem næstum allir eru aðfluttir og jafn réttháir sem einstaklingar. í ESB eru það leifar gömlu furstadæmanna sem taka á móti þér og þú munt ekki kunna tungur þeirra að tala.

Þessvegna mun það taka mörg hundruð ár að gera ESB að BNA og Íslandi. Og á meðan svo er þá verður hagkerfi Íslands molað niður í að vera bóla á rassi ESB. Og á meðan verða tennurnar dregnar úr Íslendingum, og það er ekki hægt að setja þær í aftur. Tíkallinn sem vannst verður að steypuklossa um háls Íslendinga. Af hverju ekki bara halda áfram á sömu braut.

Eruð þið hrædd ? Já, þið eruð hrædd.

Gunnar Rögnvaldsson, 23.5.2008 kl. 11:02

16 Smámynd: Gunnar Rögnvaldsson

innsláttarvilla: afsakið

Það er engin dýnamík í hagkerfi EDB og verður aldrei því BNA e EKKI eins og Siglufjöður í gamla daga eða í Reykjavík nútímans eða í BNA fortíðar og nútíma

- - á að sjálfsögðu að vera - -

Það er engin dýnamík í hagkerfi ESB og verður aldrei því ESB er EKKI eins og Siglufjöður í gamla daga eða í Reykjavík nútímans eða í BNA fortíðar og nútíma

Gunnar Rögnvaldsson, 23.5.2008 kl. 11:46

17 Smámynd: Gunnar Rögnvaldsson

Meira um innri hreyfanleika:

Ég skil ofurvel að allir séu ekki hressir með þá aðstöðu sem Vestfirðir standa í. En þetta er svona í öllum löndum. Embættismenn geta hér ekki hjálpað með neitt nema eitt. Embættismenn geta ekki skapað arðbæran vöxt og þeir hafa aldrei getað það. Þeir geta hinsvegar skapað vissann grunnramma fyrir vöxt.

Engin þjóð í OECD notra eins mikinn hluta af þjóðarútgjöldum sínum í að skapa grunnvaxtarskilyrði fyrir þegna sína eins og Bandaríkjamenn. Grunnvaxtarskilyrði eru t.d.: vegir, löggæsla, dómstólar, holræsi og klóak og samskipti, eða í stuttu máli þann grunn sem þarf til þess að peningar fjárfesta muni koma til héraðsins með næstu flugvél - til að byggija upp velmegun og hagsæld fyrir alla, ofan á þetta grunn sem embættismenn byggðu. Þega þetta er komið geta embættismenn komið aftur og búið til velferð sem er að dreifa tekjunum.

Þetta gerðist t.d. á Siglufirði þegar sjómenn og fjárfestar fundu þá uppsprettu sem á sínum tíma dró mörg mörg prósent af þjóðartekjum Íslendinga í búið. Embættismenn hefðu aldrei getað gert þetta. En svo fór síldin og fjárfestarnir einnig.

Frjálsir einstaklingar í sínum héruðum verða að finna sína síld. Embættismenn geta ekki fundið hana fyrir þá. En hún þarf helst að vera til nokkuð langs tíma. Þegar þeir eru búnir að finna sína síld, þá á að hringja í peningana og segja þeim að það sé búið að tala við embættismennina, sem hafa lofað að koma með vegina og grunnvaxtarskilyrðin. Þá koma peningarnir alltaf - í næstu flugvél. Ef það er hægt að græða á síldinni þá koma peningarnir. Annars fara þeir eitthvað annað. Svona sannleik þola fáir að heyra hér í himnaríki Kassans.

Gunnar Rögnvaldsson, 23.5.2008 kl. 12:13

18 Smámynd: Árni Gunnarsson

Þessi grein þín Gunnar er eitt mesta skemmdarverk á væntingum kontórista-og embættismannaelítu kratanna sem í dag nefna sig Samfylkingu.

Ef einhverjir taka mark á þessum skrifum þínum þá sé ég ekki fyrir mér að verð á paprikunni og sólberjaolíunni muni lækka að ráði á næstunni.

Og það væri náttúrlega alveg óbætanlegt slys.

En án gamans: Hafðu heila þökk fyrir að taka til máls um þessa hringavitleysu.

Árni Gunnarsson, 25.5.2008 kl. 09:51

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband