Zelensky: "Úkraína verður hlutlaus"

Mynd: Þessi ríkissamningur Austurríkis við "nýtt hlutlaust" Austurríki kom öllum erlendum herjum burt úr því ríki, þar með talið her Sovétríkjanna, árið 1955. Enginn séns er því á að Austurríki verði nokkru sinni NATO-ríki. Aðeins veruleikafirrtir kjánar láta sér detta slíkt í hug í þeim geopólitísku staðreyndum sem Austurríki býr við í sínum hluta heimsins. Hvers vegna tóku menn undir geggjunarhugmyndir Úkraínu um NATO-aðild í ljósi geopólitískra staðreynda hennar á jörðu niðri? Það væri fróðlegt að vita

****

FIMM VIKUR

Fyrir þremur vikum sagði forseti Úkraínu að landið "geti aldrei gengið í NATO"

Líða síðan tvær vikur og nú segir forsetinn að Úkraína verði "hlutlaust ríki"

Næsta melding –af því að samkvæmt tístkofafréttum vesturlanda sem halda á sér hita með rússnesku gasi er Úkraína jú að vinna stríð við Rússneska herinn– verður sennilega sú að forsetinn tilkynni að ekki sé víst að núverandi landfræðileg tilvist Úkraínu haldi og að óvíst sé því hvar í landinu landið verði áfram Úkraínuríki

SOVÉT-FJÖLMIÐLAR

Á sama tíma eru í hálfsovéskum fjölmiðlum vesturlanda keyrðar fréttir af því hversu vonlaus Rússneski herinn sé í hernaðaraðgerðum innan núverandi landamæra Úkraínu, þ.e. innan þeirra landamæra sem enn er látið líta út fyrir að séu óhagganleg, en hafa samt öldum saman færst fram og til baka. Það eina sem næstum er öruggt í Evrópu er það að landamæri ríkja húrrast fram og til baka - öldum saman

Hvað segir þetta okkur um hina hálfsovésku fjölmiðla vesturlanda. Er virkilega einhver munur á þeim fjölmiðlum og systurfyrirbærum þeirra í Sovétríkjunum sálugu? Ekki sýnist mér það þegar til dæmis síðustu forsetakosningar Bandaríkjanna eru teknar fyrir, þar sem annar frambjóðandinn var falinn fyrir kjósendum, af hinum hálfsovésku fjölmiðlum vinstrisamsteypunnar þar, og einnig þegar eftirmáli kosninganna 2016 þar vestra er skoðaður. Ég get að minnsta kosti ekki séð neinn mun á þeim og Sovét-Pravda undir Leoníd Bresnjev - og hið sama á að miklu leyti við um kollega þeirra í því sem kallað er "Evrópa". Síðan er það náttúrlega einnig sakamálasagan af hinu endalausa Glæpaleiti hér heima

INNRÁSIN OG RÚSSNESKI HERINN

Hvernig varð sú fréttabylgja vesturlenskra sovétmiðla til sem sagði að innrás Rússa inn í Úkraínu ætti að ganga hratt fyrir sig. Hvernig varð sú fréttabylgja eiginlega til? Hún er að minnsta kosti heimasmíðuð í smiðju hinna vestrænu og sem einmitt eru að klúðra flestum sínum málum vestan landamæra Úkraínu núna - þökk sé meðal annars vernduðum framjóðendum fjölmiðlanna beggja megin Atlantsála - til dæmis undrabarninu Merkel frá DDR og Joe galematís Biden

Ekkert bendir til að Rússar hafi gert ráð fyrir að innrásin myndi ganga hratt fyrir sig. Þeir völdu þá strategíu í byrjun að þynna liðsaflann og teygja hann yfir rúmlega þúsund kílómetra langa víglínu í stað þess að þykkja og þétta liðsaflann og þrýsta honum djúpt inn í landið á ákveðnum og afmörkuðum stöðum. Með því að þynna liðsafla framvarðarlínunnar vissu þeir vel að hættan á bakárásum (e. ambush) myndi aukast. En markmið Rússa er fyrst og fremst að tortíma hernaðargetu Úkraínu. Tveir þriðju hlutar ökutækjataps Rússa hafa verið frá þannig einingum Úkraínuhers sem Rússum yfirsást þegar þeir kembdu landið og lentu því á bak við víglínuna og börðu Rússa í bakið. En dæmigerð herdeild (e. brigade) upp á til dæmis fimm þúsund manns myndi í djúpþrýstisókn fá til dæmis 12 kílómetra breiða víglínu sem verkefni fyrir sig, með það markmið að fara 15 kílómetra á dag, já þannig þétt uppstilling mun ekki lenda í bakárásum. En ef sama herdeild fær hins vegar það verkefni að þrýsta sér fram á til dæmis 35 km breiðri víglínu, og með það markmið að fara 15 kílómetra á dag, já sú hersveit mun óhjákvæmilega verða fyrir bakárásum og missi ökutækja. En það eru einmitt ökutækin sem Rússneski herinn á meira en nóg af - á bæði beltum og hjólum

Mín skoðun er sú að innrásin átti aldrei að ganga hratt fyrir sig því helsta markmið hennar er einmitt að afvopna Úkraínu, því þetta er ekki landvinningastríð. Rússar fínkemba því Úkraínu og lenda í vandræðum hér og þar, en slíkt var auðvitað ávallt með í reiknidæminu frá upphafi. En markvisst tortíma Rússar herjum Úkraínu og áhrifin sjást: 1) NATO-aðildin fór út um gluggann þann 16. mars og 2) um helgina 27. mars kom að Úkraína verður hlutlaust land. Lesist: hernaðargeta okkar er farin og við getum á engan hátt stöðvað neitt eða komið í veg fyrir eitt né neitt

HLIÐARDAGSKRÁR MYNDAST

En í millitíðinni hefur hins vegar það gerast sem ávallt gerist í stríði: Hliðardagskrár myndast. Og nú þegar eru að minnsta kosti tvær til þrjár slíkar komnar hálfar af teikniborðinu og í framkvæmd: 1.) eða hin fyrsta er sú að Bandaríkjunum og vissum hluta Evrópu er að mestu sama um sjálft fólkið í Úkraínu. Þau reyna allt hvað þau geta til að framlengja stríðinu á kostnað fólksins í landinu, því sú hliðardagskrá hefur myndast að reyna að fá stjórnvöld Úkraínu til að draga stríðið á langinn til að blæða þannig óvart sjáfum sér en þó fyrst og fremst Rússlandi út og koma forseta þess frá völdum. Þetta er eins konar krónísk yfirnáttúrutrú heimskra manna sem halda að heimurinn allur sé langi-sandur í Írak

Meðulin til þessa eru áframhaldandi vopnasendingar og að láta forseta Úkraínu messa yfir löggjafarsamkundum vissra ríkja vesturlanda. A) Bandaríska þingið fékk til dæmis Perluhafnarmessuna. B) Breska þingið fékk Churchillmessuna. C) Knesset Ísraels fékk Helfararmessuna og D) Þýska þingið fékk "aldrei-aftur"-messuna. Réttu Zoom-nóturnar eru spilaðar fyrir hvert land fyrir sig - með fjarstýringu. Þetta tryggir áframhaldandi vopnasendingar á meðan fólkið á jörðu niðri í Úkraínu er notað sem staðgenglar fyrir hliðardagskrána sem Joe Biden glopraði út úr sér á föstudaginn var; Að koma Rússlandsforseta frá og leysa Rússland upp að innan. Eins konar yfirnáttúrulegri NATO-galdragulrót er enn dinglað framan í Zelensky forseta, en hún er úr lofti, skiljanlega. Samt, já samt, hefur enginn herafli NATO-ríkjanna barist gegn alvöru andstæðingi síðan í Kóreustríðinu 1950. Allt síðan þá voru málamyndastríð, sandgöngur og úlfaldaferðir gegn ónýtum herjum, eða þá tapstríð gegn Víetnömum, þ.e. málamyndastríð, en ekki kerfislega mikilvægt stríð eins og nú geisar í Úkraínu og er fyrirfram tapað, því Rússland er annað af tveimur kjarnorkuvopna-heimsveldum jarðar

ÓHAGGANLEGA HAGGANLEG

2) Um það bil fimm til átta prósentur af íbúum Úkraínu hafa yfirgefið landið á síðustu fimm vikum. Mest konur og börn. Á síðustu tíu árum fyrir stríð höfðu hins vegar milljónir manna til viðbótar flúið Úkraínu vegna óaldar og spillingu. Fyrir stríðið núna voru tvær milljónir Úkraínubúa búsettar í Póllandi. Þar vinna Úkraínumenn þau störf sem brottfluttir Pólverjar unnu áður en þeir flúðu Pólland. Hluti af landsvæði Úkraínu var áður landsvæði Póllands. Um er að ræða Galesíu og Volhynia, þar sem Úkraínumenn frömdu fjöldamorð á 50 til 100 þúsund Pólverjum á síðustu öld. En svo seint sem 2017 lenti Úkraínu og Póllandi saman vegna þessara fjöldamorða Úkraínumanna á Pólverjum. Þá setti pólska ríkisstjórnin það í lög að bannað væri að afneita þessum fjöldamorðum, því pólsku MW-hreyfingunni og UPA Úkraínu hafði lent saman. Því tók ríkisstjórn Úkraínu afar illa og safnaðist mannfjöldi fyrir framan pólska sendiráðið í Kænugarði til mótmæla. Minnismerki um pólsku fórnarlömbin í Úkraínu voru skemmd og vandalíseruð og grafreitur og leiði pólsku fórnarlambanna í Lviv voru að sama skapi skemmd og eyðilögð. Þarna er ekki allt sem sýnist - hvorki í dag né í gær 

Ef landamæri Úkraínu taka breytingum á næstunni, þá er náttúrlega ekki alveg útilokað að Pólverjar fái aftur það land sem þeir höfðu. Þetta er ekki út í hött Hróa, því sumir landafræðikennarar í Þýskalandi nota enn þau landakort við grunnskólakennslu sína sem sýna þýska ríkið áður en Pólland fékk sinn hluta til baka úr því. Já landamæri Evrópu eru náttúrlega fyrst og fremst pólitískt fyrirbæri. Þau eru reyndar ekkert annað. Þess vegna máttu 12 milljónir Þjóðverja gjöra svo vel að yfirgefa heimili sín og þramma fótgangandi inn fyrir ný landamæri Þýskalands í lok Síðari heimsstyrjaldar. Það fólk fékk ekki neina sérstaka aðstoð, eins og Platestínumenn hafa kyrjað út í 50 ár. En þessir landflótta Þjóðverjar og afkomendur þeirra eru kjósendur í Þýskalandi í dag, einkum og sér í lagi eftir að DDR-landamæri átthaga Angelu Merkels voru lögð niður - síðast. Þeir sem halda að landamæramál Evrópu endi einhvern tíma, vaða í algjörri villu undir viðstöðulausum þokulúðrablæstri hins ólögmæta Brusselbands

STERKASTA BANDALAGIÐ

Mynd: gengi rúblu, evru, krónu og tyrkneskrar líru gagnvart Bandaríkjadal síðasta hálfa árið, eða til og með í dag, þann 31. mars 2022. Eru þetta efnahagslegar refsiaðgerðir vesturlanda gegn evru eða líru? Hvort skyldi það nú vera?

****

Rússneska rúblan er á ný og að mestu komin á þann stað sem hún var gagnvart Bandaríkjadal fyrir stríð. Það er hún vegna þess að sterkasta strategíska bandalag norðurhvels jarðar er Rússland-Þýskaland. Olaf Scholz kanslari og Vladímír Pútín forseti hafa gert með sér samkomulag um að Þýskaland borgi fyrir orkuna í evrum og um leið er séð til þess að Gazprom fái greiðslurnar í rúblum. En án rússneskrar orku þyrfti Þýskaland að afiðnvæða hið vanskapaða hagkerfi sitt algjörlega

Gengisfall rúblunnar gagnvart dal er á skrifandi stund fimm prósentur en gengisfallið gegn evru er ekkert því evran er beintengd rúblunni og hefur því fallið líka. Er þetta ekki yndislegt. Þýskaland ríður um heiminn á evrubrotnum bökum landa Suður-Evrópu og borgar Rússum fyrir orku með bakverkjum þeirra

Hið reglubundna óregluverk heimsins (e. world disorder) heldur áfram þrátt fyrir forsæti forseta Rússlands yfir Öryggisráði Sameinuðu þjóðanna á sjálfum innrásardegi hans inn í Úkraínu. Gat þetta orðið betra? Það efast ég um

Það eina góða við þessar "alþjóðastofnanir" Vesturlanda er það að þær halda þeim örvita mönnum sem þar dinglast um gangana burtu frá því að vera að flækjast fyrir þar sem hlutirnir í heiminum gerast. Barnagarður er sennilega réttnefni á þessum svo kölluðu "alþjóðastofnunum" eftirstríðsáranna

Fyrri færsla

Zelensky: Úkraína mun aldrei geta gengið í NATO

Zelensky: Úkraína mun aldrei geta gengið í NATO

JARÐSAMBANDIÐ EHF

Mynd: Úkraínumaðurinn Nikita Krústsjov, aðalritari og þar með æðsti leiðtogi Sovétríkjanna, ekur í opnum blæjubíl upp Pennsylvaníubreiðstræti Washingtonborgar, þremur árum eftir innrás hans í Búdapest Ungverjalands 1956. Síðan eyddi hann nóttinni í Blair-gestahúsi Hvíta hússins á þessari 12 daga heimsókn hans til Bandaríkjanna. Sjö árum síðar sendi Hvíta húsið fallhlífarhermenn og skriðdreka inn í bílamusteri Detroitborgar, en þá var 50-ára hagsveiflu bílaiðnararins að ljúka og NYSE lagðist í dauðadals-dvala fram til ársins 1982, eða þar til kísildalurinn tókst á loft. Í dag er það hins vegar 50-ára hagsveifla örgjörvans sem er að enda. Arftaki Krústsjovs sem aðalritari Sovéska kommúnistaflokksins var Úkraínumaðurinn Leoníd Bresnjev. Heilsufar þess manns á síðustu valdaárum hans var álíka og heilsufar Joe Bidens Bandaríkjaforseta er í dag. Var Bresnjev haldið nauðugum gangandi af höndlurum og skiltagerðamönnum, þ.e. eins og virðist gert með Joe Biden í dag

NÓG PLÁSS HUGSAR ERDOGAN

Erdogan Tyrklandsforseti gæti sent Evrópu miklu miklu fleiri flóttamenn, jafnvel nokkrar milljónir, nú þegar hann sér að nóg pláss er í Evrópusambandinu. Í Evrópusambandi (við hvað?) sem tístir og tístir á bak við gler, haldandi á sér hita með rússnesku gasi og með rafmagni sem framleitt er úr því líka

GETUM EKKI - ERUM EKKI

Það hlýtur að hafa kostað Rússland kassann að byggja allar þessar aumingjagóðu leiðslur til Evrópusambandsins, svo að meginland taparanna geti haldið á sér hita. Já, Rússar gerðu það, lögðu leiðslur, því ekki gat Evrópusambandið það. Það gat ekki einu sinni skaffað bóluefni og það gat ekki einu sinni komið sér á réttan kjöl eftir fjármálahrun, nema með þrefaldri dollara-aðstoð Bandaríkjanna og seðlabanka þeirra. Það eina sem ESB gat var að rústa Grikklandi og Suður-Evrópu, til að bjarga þýsku stálfátæktarevrunni frá því að leysast upp og verða að gjallarhorni næstu byltingar – plús það að reyna að kúga litla Ísland. Og nú nudda Biden og Evrópa sér upp að kúnnum Vladímírs Pútíns í Venesúela. Er þetta ekki stórkostlegt! Nudda sér og biðja. Og vert er að taka það fram hér að BRICS-löndin svo kölluðu, þ.e. Brasilía, Rússland, Indland, Kína og Suður-Afríka taka ekki þátt í vonlausum efnahagslegum refsiaðgerðum á hendur Rússlandi. Þess vegna beinir Rússland upplýsingaherferð sinni ekki að góðsemis-örmagna grænbatik-stjórnmálaþústum Vesturlanda með sína akademísku vesalinga tístandi sófaskýringar á bak við gler, haldandi á sér hita með rússnesku gasi, heldur beinir það áróðurs- og upplýsingaherferðum að þessum ofangreindu löndum og áhrifasvæðum þeirra. Tístheimur Vesturlanda er nefnilega lokaður bergmálshellir sem enginn nema þeir sem í honum búa hlustar á. Forseti og ríkisstjórn Rússlands vita sem er að hálfsovéskir bergmálshellar samfélagseyðileggingarmiðla Vesturlanda skipta ekki máli nema undir akademískum sófapullum þeirra sjálfra. Hann veit sem er að Vesturlönd gera sér ekki enn grein fyrir innvortis hnignuninni sem ríkir innvortis í vatteruðu grænkofaþvælu þeirra sjálfra. Vesturlönd breyttust nefnilega meira en Rússland þegar Sovétmúrinn féll. Hann féll vestur á bóginn

HALLÓ, ER EKKI ALLT Í LAGI?

Svo kallar forseti Úkraínu á að NATO og Bandaríkin fari í stríð við Rússa, hans vegna. Bandaríkin sem fóru ekki einu sinni í stríð vegna Stóra-Bretlands. Hvurslags þvæla er þetta! Jú þetta er tístkofarugl félagsmiðlafjölmiðla. Tíst allsherjar-ruslahrúgu Vesturlanda. Flatarmál hennar er 99,99 prósent myndir, því þar kunna menn bara hálft tungumál, ásamt því að stilla sér út - sem ærandi góðmenni. Allir hæfir og góðir herstjórar eru grimmir og stórhættulegir menn. Annars sætu þeir sífellt að gratís snæðingi sem til dæmis Þýskalandsdindlar í esb-kvöldverðardeildinni í NATÓ í Brussel. Væru Merkelbuddur í hennar þriðja-heims-her, þar sem allt, já allt, innbúið er meira eða minna myglað jólaskraut sem þolir hvorki að yfirgefa kjallarageymslur né flugskýli. Gluggaskraut nurlara! Og á sunnudaginn bannaði forseti Úkraínu stjórnarandstöðuflokkana heima hjá sér, með þeim rökum að þeir væru ekki á sömu skoðun og hann. Ellefu flokkar voru bannaðir, þar á meðal næst stærsti flokkurinn. Hér má sjá tilskipunina. Joe Biden sem féll þrisvar um sjálfan sig á leið upp í embættisþotu sína, hafði þó nýlega lýst því yfir að Úkraína væri "lýðræðisríki". Ja hérna. Hinum nýja kanslara Þýskalands var ekki skemmt þegar rokkstjörnuforseti Úkraínu ávarpaði þýska þingið. Sá þurri maður hefur greinilega séð svona fyrirbæri áður. Þýskaland og stór hluti Evrópusambandslanda voru nefnilega að vonast til að Rússland gæti tekið við af Bandaríkjunum og skaffað Evrópu vernd og mátt í varnarmálum. Eða eins og Phileleftheros stærsta dagblað evru-Kýpurs skrifaði þann 20. mars 2022 ("frjálslynt blað" => ESB-kratablað):

"It is very likely that Ukraine would have avoided a Russian invasion and the world a new cold war and the threat of a nuclear holocaust if Europe had pursued its own policy instead of serving American hegemony. Europe had the opportunity to integrate Russia into a European security system, which would have also promoted the development of democratic institutions in that country, but it failed to do so. ... Europe opted for a solution that is already proving disastrous for its own interests."

Lausleg þýðing: "Líklega hefði Úkraína komist hjá innrás og heimurinn komist hjá nýju köldu stríði og kjarnorkuvopnaógn á meginlandinu ef Evrópa (lesist ESB) hefði stundað sína eigin öryggisstefnu í stað þess að þjóna heimsveldi Bandaríkjanna. ESB hafði möguleika á að innlima Rússland inn í "öryggiskerfi Evrópusambandsins" (ha, hvad er dét for noget?) og sem hefði þýtt að stofnanir Rússlands hefðu þróast í lýðræðisátt, en það mistókst. ESB valdi lausn sem sannað hefur sig sem verandi stórslys fyrir hagsmuni álfunnar"

Þarna er komið beint að kjarna málsins sem kanslarar Þýskalands (og sumir forsetar Frakklands) hafa unnið að áratugum saman. Allt frá "ostpolitik" Willy Brandts til Helmuts Schmidt til Gerhards Schröders og Angelu Merkels frá DDR. Að Rússland en ekki Bandaríkin tryggi öryggismál álfunnar í framtíðinni og að meginlandið sem skagar úr úr móðurlandi Rússlands renni smám saman í eina sæng. Það er þetta sem tilvist Evrópusambandsins hefur ávallt snúist um: að koma bandaríska hernum og NATO burt af meginlandi Evrópu með því að kljúfa það innan frá. Þjóðverjar hafa miklu meiri andúð á Bandaríkjunum en þeir hafa á Rússlandi. Þannig að nú er að bíða þess hvað hin þurra og ryðgaða kaffikvörn í höfði Olafs Scholz kanslara segir þegar pólitískum mulningi hennar lýkur. En honum var ekki skemmt undir ávarpi forseta Úkraínu. Honum var bara alls ekki skemmt. Moldvörpustarfsemi Þýskalands í NATO síðastliðin 30 ár ber að skoða í þessu ljósi. Ætlunin var að sundra NATO innan frá, með aðstoð hinna föstu gervihnattalanda sem ávallt eru á sporbraut um Þýskaland, sama hvað á dynur

HISSA HISS

Af hverju eru menn svona hissa yfir innrásinni. Það skil ég ekki. Vladímír Pútín Rússlandsforseti var búinn að vara alla við og skera út í stein hvað hann myndi gera, ef þetta snarbilaða NATÓ-brölt inn í Úkraínu myndi fara lengra en af teikniborðinu, eins og eldflaugar Krústsjovs frá Úkraínu reyndu í Kúbudeilunni 1962

BORÐUM GRJÓT

Og enn reyna þessir vitavonlausu fjölmiðlar Vesturlanda að halda því fram að Úkraína sé að vinna stríð við rússneska herinn. Já, vinna stríð við Rússneska herinn. Hvorki meira né minna. Borg eftir borg í öllum áttum frá Kænugarði séð fellur í hendur Rússa og á sunnudaginn þann 13. mars voru herstöðvar Úkraínu vestan við Lviv –fullar af tómum pitsukössum NATÓ– skotnar í tætlur, kannski með Ískander skotflaugum úr meira en 600 km fjarlægð. Já já Úkraína er að vinna þetta maður. Hún er að vinna Rússneskra herinn! Er mönnum virkilega alvara? Eða líta þeir á þetta sem einhverskonar konar tölvutístkofaleik. Rússar munu sprengja landið sundur og saman á réttum stöðum þar til þeir fá það sem þeir komu að sækja: Að Úkraína –að hætti Evrópusambandsins– deili fullveldi sínu með sér. ESB hefur áratugum saman stundað þennan ömurlega leik, en bara með öðrum og langdregnari vopnum. En innrás með pennastrikum er samt innrás. Hún virkar alltaf sem tundurspillir í öllum þjóðfélögum. Alveg sama hvað. Þannig virka innrásir

Rússar nota hins vegar miðlangdræg stjórnmál og meiri blýhörku, því það gengur hraðar fyrir sig. Þjóðaröryggisstefna Rússlands krefst þessarar innrásar, eins og Kúbumálið á sínum tíma gerði hvað Bandaríkin varðaði, og þeir sem hlýða ekki kalli hennar, já þeim verður hent á öskuhauga sögunnar séu þeir eru ekki nógu harðir. Rússar vita þetta vel, þjóðin þar veit þetta líka. En þeir á Vesturlöndum sem vita þetta ekki, vita hins vegar ekki neitt og læra aldrei neitt. Þetta hefur ekkert með persónu né skapgerð Rússlandsforseta að gera. Ef hann er ekki nógu harður, já þá verður honum skotið út og enn meiri harðjaxl settur í hans stað. Rússland er Rússland og verður aldrei annað en Rússland. Annað mál er með Framsóknarflokkinn, sem enginn nokkru sinni veit hvað né hvar er

SÓTT Á NÝ MIÐ

Vitið þið hvað Kremlarlógar Vesturlanda fóru að gera þegar Sovétríkin –án þeirra vitundar– leystust upp beint fyrir framan nefið á þeim og þeir misstu vinnuna? Jú þeir fóru að kenna útrás, hagfræði og jörðin-er-flöt-glóbalisma í háskólum okkar, og komu Vesturlöndum því sem næst á hausinn á næstu 27 árum! Og nú sjálið þið árangurinn í praxís: Þeir sitja á bak við gler, tísta, masa og fjasa, bla-blastast og halda á sér hita með rússnesku gasi, beint frá Pútín mikla.. afsakið... Pútín hinum vonda

Pútín mikli... afsakið... Pútín hinn vondi gæti komið álíka leppstjórn fyrir í Úkraínu og Evrópusambandið kom fyrir í Grikklandi og á Ítalíu, samkvæmt tilskipunum frá valdaöxli Berlín-Parísar, enda voru bestu frönsku stjórnsýsluháskólarnir byggðir upp samkvæmt sovéskri fyrirmynd. Það mikla sovétstarf í Frakklandi sá Frakkinn Maurice Thorez um, en hann kom með uppskriftina að Ecole Nationale d’Administration skólunum í ferðatöskunni heim frá Moskvu Stalíns, og fékk í staðinn andlit sitt þrykkt fast framan á sovéskt frímerki

En þá var Vladímír Pútín ekki í kommúnistaflokknum heima hjá sér, né hér á Íslandi, og heldur ekki í ungliðahreyfingu hans, og hann neitaði þess utan að ganga í kommúnistaflokkinn fyrr en nám hans við háskólann í Leníngrad krafðist þess, samkvæmt vinstri-alræðisbókinni Wikipedia

En hér heima gengu menn hins vegar í Kommúnistaflokk Íslands af fúsum og frjálsum vilja. Hugsið ykkur! Ef Vladímír Pútín forseti Rússlands væri kommi í dag þá væri allt í hinu besta lagi hjá Evrópukommastóðinu í ESB+EES og víðar, og jafnvel hjá sjáfum stigamanninum Biden, sem kemst næstur allra Bandaríkjaforseta því að geta talist þvottheldur kommi, samkvæmt komma-staðlinum þar vestra. Féll hann því þrisvar um sjálfan sig á leiðinni upp stigann í Air Force One

Ný "frétt" þann 16. mars 2022
****
"Ukraine will never be able to join Nato, concedes Volodymyr Zelensky.
UK Government sceptical about talks leading to lasting peace, despite president’s apparent concession to Vladimir Putins key pre-war demand.
Volodymyr Zelensky has accepted that Ukraine can never join Nato, in a significant concession that opened the way for a potential peace deal with Russia.
– Telegraph miðvikudagur, 16. mars 2022

Nei er það?

Þarna hefur greinilega gleymst að bæta við: Úkraína mun heldur aldrei ganga í Evrópusambandið. Það þvaður Brusselveldisins var auðvitað bara hefðbundinn brusselskur popúlismi í sovéskum stíl. Tyrkland er á undan í þeirri biðröð sýndar-geimferðastofnunar Brusselklíkunnar

SUNDURFÉLAGIÐ

Ef það er eitthvað sem startað gæti þriðju heimsstyrjöldinni þá eru það helst félagsmiðlar, þar sem iðkuð er sama stigmögnunarstefna og ríkti í frönsku byltingunni. Þar keppast menn við að ala á Rússahatri (efni dagsins í dag, en annað efni mun koma á morgun) og þeir sem hata ekki nóg eru dæmdir sem meðvirkir eða meðsekir og þurfa því að vígbúa sig gegn apafélögum sínum og sýna enn meira hatur eða falska auglýsingagóðmennsku, og fordæma þá sem voru í sporum þeirra sjálfra fyrir fimm mínútum síðan. Þetta gildir um stjórnmálamenn, embættismenn og þorra almennings, sem er svo ofurupplýstur af þeirri þvælu sem þar veltur fram í endalausum bunum. Eina leiðin til að forða sér frá fallöxinni sem þar brunar um bergmálshellana á hjólum, er að láta alla vita af því að þeir hati hinn eða þennan enn meira en áðan, og enn meira en þeir sem halda að þeir hafi stjórn á fallöxinni þá og þá stundina gera. En hún er því miður á hjólum og bankar á dyrnar hjá hverjum þeim sem sannar og staðfestir ekki hatur sitt á réttan hátt. Þannig étur félagsmiðlabyltingin börnin sín eins og þau voru étin í frönsku byltingunni

STAÐAN NÚNA

Rússneski herinn er líklega búinn að ná þeim markmiðum sem honum voru sett

1) Að eyða hernaðargetu Úkraínu

2) Að ná stjórn á öllum hernaðarmikilvægum stöðum og aðstæðum í landinu

3) Að reyna svo framarlega sem hægt er að eyðileggja ekki meira en nauðsynlegt er og láta landbúnaðarhéruðin í friði, því þar er sáning í gangi og Rússar hafa engan áhuga á að halda gegnspilltri Úkraínu uppi. Hún mun því áfram verða fátækasta land álfunnar. Hershöfðingjar rússneska hersins eru hins vegar mjög svo sennilega ofsareiðir Pútín forseta fyrir að hafa ekki fengið að beita sér og græjum sínum af meiri hörku. Rússland hefur engan áhuga á að hernema eða hersitja Úkraínu. Þeir vita vel hvernig fór með sjö ára löggun Bandaríkjahers í Írak og þeir vita vel hvernig skiltagerðarmönnum Bresnjevs tókst upp í Afganistan

4) Stríðið er sennilega búið, nema það að forseti Úkraínu lokaði þremur þarlendum sjónvarpsstöðvum í fyrradag, því þær virðast ekki hafa sömu skoðun og hann. Í venjulegu styrjaldarárferði þyrfti ekki að loka fyrir slíkar útsendingar því þær væru þegar lokaðar ásamt flestum öðrum innviðum í viðkomandi landi. Þessir hlutir hafa því ekki verið skotmark enn

5) Það eina sem er eftir er að skrifa undir. En það mun hins vegar ekki verða gert fyrr en að sú hliðardagskrá sem forseta Úkraínu tókst að sviðsetja í Bandaríkjunum, um að reyna að halda stríðinu áfram og til streitu í þeirri von að það með tíð og tíma leysi Rússland upp að innan eða komi forseta þess fyrir kattarnef, lognast út af

Fyrstu könnunarsveitir hermanna Pentagons til Úkraínu eru hins vegar byrjaðar að koma heim úr könnunarleiðöngrum sínum með þau skilaboð: að fyrir alla muni ekki koma hingað yfir til Úkraínu því þar verðum við steindrepnir því rússneski herinn er alvöru her: þetta stríð er ekki Írak með ónýtan her og sandpokastjórn að vopni. Þetta er alvöru andstæðingur, segja þeir, samkvæmt stríðskappanum Doug Macgregor fyrrum ráðgjafa bandaríska varnarmálaráðuneytisins. Sjálfur get ég ekki vitað þetta fyrir víst, því báðir málsaðilar, eðli málsins samkvæmt, ljúga massíft að okkur. Í þessu máli verða menn að gera ráð fyrir að allir ljúgi öllu beggja megin borðs. Ónafngreindum heimildum og heimildum án vitna ætti enginn að trúa. Sérstaklega ekki þegar "ónafngreindar opinberar heimildir" og "aðilar" (tískuorð) standa sem ábekingar fyrir fréttum í svo kölluðum fjölmiðlum okkar

6) Finnar vita að þeir ganga aldrei í NATO því NATO var ekki stofnað til að verja rússneska hagsmuni Finna í Finnlandi. Allt gas Finna kemur beint um eina leiðslu frá Rússlandi og þeir hafa ekki einu sinni birgðastöð. Leiðslan er bara beintengd við orkuframleiðslumiðstöðvar Finna því þeir nota ekki gas nema til miðstýrðrar orkuframleiðslu, sem nemur um 10 prósentum af heildarorkuframleiðslu landsins. Áttatíu prósentur af olíum Finna koma frá Rússlandi og um það bil 75 prósentur af þeim þremur til níu milljón tonnum af kolum sem Finnar nota árlega koma frá Rússlandi. Tveir af fimm starfræktum kjarnakljúfum Finna til raforkuframleiðslu koma frá Rússlandi, eða Sovétríkjunum sálugu. Nýtt kjarnorkuver er í smíðum, það sjötta, og það kemur frá Rusatom í Rússlandi. NATO getur því ekki varið Finna fyrir sjálfum sér. Og óþarfi er að verja Svíþjóð fyrir Finnum. Svíþjóð á ekki landamæri upp að Rússlandi nema að Finnland verði enn rússneskra en það nú þegar er orðið - eða eins og síðast þegar Finnar drógust niður í sovétöskuna 1992 og risu upp úr henni á ný. Allir edrú menn sjá hér svart á hvítu að ESB-aðild Finnlands hefur enga þýðingu fyrir landið nema þá til hins verra, því ballið er bara rétt að byrja nú þegar góðviðrisstofnunin ESB fer inn í sitt endalega upplausnarferli, og endar líf sitt í einu herbergi í húsi við Genfarvatn, eins og Þjóðarbandalagið. Opið verður á milli kl. 13-14 á laugardögum

Fleira er ekki í fréttum

Jú eitt atriði enn. Forseti Frakklands hefur áhuga á að þjóðnýta EDF-raforkuframleiðslurisann í landi sínu. Hvorki meira né minna. Skyldi líka hann vera farinn að óttast alla hina sovésku orkupakka Evrópusambandsins?

En við höfum jú vindmyllur!

Fyrri færsla

Henry Kissinger um Úkraínu

Henry Kissinger um Úkraínu

"Vesturlönd verða að skilja að þegar að Rússlandi kemur, getur Úkraína aldrei orðið bara "erlent ríki". Úkraína hefur verið hluti af Rússlandi öldum saman. Jafnvel þekktir andófsmenn á borð við Alexander Solzhenitsyn og Joseph Brodsky héldu því staðfast á lofti að Úkraína væri órjúfanlegur hluti af Rússlandi"
– Henry Kissinger, 2014

Ergo: Úkraína verður aldrei NATO-ríki né hvað þá ESB-land

Síðan þurfa menn að athuga að sterkasta strategíska-bandalag norðurhvels jarðar í dag er Rússland-Þýskaland. Stórt (vandamál) er í vændum þar

Nú segja tístkofaræksni vestrænna fjölmiðla að Rússar neyðist til að vera án Coca-Cola og McDonalds hamborgara. Þetta er alveg skelfilegt. Sennilega svipað og þegar McDonalds flúði Ísland vegna falls bankanna. Þá sá ég lesanda WSJ skrifa að það væri rosalegt áfall fyrir okkur Íslendinga, því nú þyrftum við að fljúga til Írlands til að fá að borða hjá McDonalds þar. Rosalegt. Og þá vorum við kallaðir "gyðingar norðursins" og sumir sögðust allt í einu vera "Danir"

Ég er enn að hlægja að tístkofaræksnum vestrænna fjölmiðla fyrir marglognu sögu þeirra af MIG-þotunum sem Pólverjar áttu að vera að senda. Og satt að segja dauðvorkenndi ég skelfingu lostinni ríkisstjórn Póllands fyrir að þurfa að niðurlægja sig við að koma því á framfæri að um falskar fréttir væri að ræða. En þeir gátu auðvitað ekki sagt almenningi frá því að tilbúningurinn varð að mestu til í munni utanríkisráðherra Joe Bidens. Sá maður villtist óvart á veruleikanum og sýndarveruleika vestrænna tístkofaræksna. Það er: hann villtist í sjálfklappandi innvortis fagnaðarsölum þeirra og í hliðar- og sýndarveruleika eigin en gjaldþrota góðmennsku allra sem þar tísta

Já vel á minnst. Yfirmaður Rússneska hersins, varnarmálaráðherrann, talar níu tungumál - og hlær örugglega dátt á þeim öllum í dag. En hér heima tala menn orðið bara hálft tungumál

Mikið verður Kreml nú fegin því að Vesturlönd þurrka sig sjálf út í Rússlandi. Alveg sjálf. Slíkt hefði engum innan landamæra rússneska ríkisins tekist upp á eigin spýtur. Og svo er svakalega gott að geta borgað erlendar skuldbindingar í rúblunni sem Vesturlönd sáu um að fella í verði heima hjá sér en ekki í Rússlandi. Þarna er allt á réttri leið. Tístkofaveldi Vesturlanda stendur sig vel og miðar nákvæmt og rétt á sínar eigin fætur

Nú styttist í að hér verði gerðar vesalinga-kröfur um nýjan útaustur úr "neyðarsjóðum", fullum af frosnum vindmyllum og dauðum sólsellum. Einkum þegar refsiaðgerðir Vesturlanda byrja að virka á Vesturlönd en ekki á Rússland. Þá verður nú gaman

Það verður líka fróðlegt að sjá hvaða erlendu einræðisherra Vesturlönd ætla að sleikja sig upp við næst. Biden bað Pútín um að auka olíuframleiðsluna um daginn, því auðvitað getur hann –sem kemst varla klakklaust upp í eigin flugvél– ekki skitið sig út við svo subbulegar nauðsynjavörur heima í sínum eigin kolruglaða flokki, sem komst yfir forsetaembættið með svo miklu kosningakerfissvindli að 21 ríki Bandaríkjanna reyndu að fá hæstarétt landsins til að grípa inn. Hláturinn í Kreml hlýtur að hafa heyrst austur fyrir Úralfjöll þá, um leið og þeir dreifðu útfylltum kjörseðlum Demókrata út um gluggana - og hringdu Kremlarklukkum

Nú skemmti ég mér við að lesa Tass og RT á meðan ég get, því varla er lengur hægt að lesa það sem vesturlenskt er, þöggunin á sögulegar staðreyndir og eigin heimsku er svo ærandi. Frjálsum Bretum var hins vegar leyft að hlusta á skemmtiatriðin frá Berlín í Síðari heimsstyrjöldinni. Ræður staðarhaldarans þar urðu að föstu skemmtiatriði fyrir bresku þjóðina. En í dag neyðist sú þjóð til að hlusta eingöngu á trúðinn í eigin húsi, allt hitt er nefnilega bannað, nema tístkofaveldi Sovét-Google. Og svo eru það náttúrlega "persónuverndarlögin" beint úr glóandi einræðisbakarofni Sovét-ESB og sem kostað hafa þrjár billjónir evra. Þau bjarga þessu öllu, ekki satt!

Illa er fyrir okkur komið

Fyrri færsla

Af hvejru Berlín hætti við NordStream2

Af hvejru Berlín hætti við NordStream2

Nú er komið í ljós að Þjóðverjar hættu við NS2-gasleiðsluna beint til Kremlar af því að Bandaríkin hefðu að öðrum kosti refsað (e. sanction) persónulega hverjum einasta stjórnmálamanni Þýskalands sem kom nálægt leiðslunni, hverjum einasta hluthafa og hverjum einasta viðskiptavini/birgi sem kæmi nálægt henni

Þetta hefði þýtt að Gerhard Schröder, Angela Merkel, plús næstum allir þingmenn SPD-flokks hins nýja kanslara, plús hann sjálfur, og meira en helmingur þingmanna úr flokki Merkels hefðu sætt persónulegum refsiaðgerðum Bandaríkjanna og bankareikningum þeirra lokað - og þau kæmust ekki upp í neina flugvél til útlanda, því hún fengi hvergi að lenda

Engin þýsk vopn munu breyta neinu í þessu stríði eftir U-beygju Berlínar í síðustu viku. Hvorki mygluð né ómylguð. Það eru 75-prósent undanþágur í SWIFT-refsiaðgerðunum svo að Þýskaland og stærstur hluti meginlands Evrópu, en þó einkum Mið- og Austur-Evrópa, geti haldið áfram að borga Rússum fyrir orkuna og haldið á sér hita og framleitt rafmagn

En hversu lengi mun þetta halda? Ég held ekki að neitt í Þýskalandi muni breytast í praxís nema það að almenningsálitið í Þýskalandi hefur snúist yfir í reiði yfir ást þýskra stjórnmálamanna á (vel að merkja: erlendum) einræðisherrum. Þýskur almenningur er sennilega sár yfir því að hafa ekki alvöru einræðisherra sjálfur, heima hjá sér, en ekki bara sem birgi (e. supplier) sem fær þýsku stjórnmálin úthýst e. outsourced til einræðisherra í annarra manna löndum. En öll helstu viðskiptalönd Þýskalands í dag eru einræðisherraríki. Berlín verður því áfram föst á mála hjá hjá Kreml um langa framtíð og Þýskaland mun springa í loft upp innanfrá, eftir vissan tíma. Ég held ekki að neinn Þjóðverji hafi í hyggju að gera sig gjaldþrota vegna Úkraínu. Sérstaklega ekki stjórnmálamenn landsins og fyrirtæki. Rússland heldur um pung þeirra og það veit þýskur almenningur ákaflega vel núna

Þýskur ráðherra hefur sagt, svo seint sem í síðustu viku, eftir að innrásin hófst, að ef orkuleiðslunum til Kremlar verði lokað, að þá sé úti um þjóðfélagsfriðinn í Þýskalandi. Landið muni gjósa - innvortis

"Já en við höfum jú vindmyllur, ekki satt?" (GR)

Það sem Þýskaland er mest hrætt við núna er að hið augljósa gerist: Að Bandaríkin flytji sig yfir til Póllands og að Þýskaland missi því þann spón úr aski sínum sem það hefur mjólkað í rúm 30 ár: þ.e. fasta viðveru bandaríska hersins í Þýskalandi. Ef það gerist, þá lokast Þýskaland inni og getur illa haldið áfram að dreyma um að verða ómissandi hluti af stórveldi Rússa. Þýskaland er búið að þurrausa ESB og koma því í þrot, svo þar er lítið meira að hafa. Þjóðverjar líta svo á málin, og hafa alltaf gert, að Rússland sé næsti nágranni þeirra í austri og þær 120 milljónir manna sem þar búa og eru á milli þess og Rússlands, séu "eins konar rusl"

Varðandi þá lest brynvarinna ökutækja, skriðdreka og hergagna sem í fréttum hér heima og víðar á vesturlöndum er á leið inn að Kænugarði: Jú hún virðist bara lengjast með hverjum deginum sem líður. Ef slík lest getur staðið þarna óáreitt í kyrrstöðu svo dögum skiptir, þá er annað tveggja að gerast: 1) Hún telur sig örugga fyrir anti-tank vopnum og árásum og það bendir til að fréttir frá Úkraínu (áður: okraina á rússnesku sem þýðir jaðar rússneska tsar-ríkisins) séu misvísandi. Eða 2) að um sé að ræða fréttalest. Fátt gæti komið Kreml eins vel og að vesturlenskir fjölmiðlar sái þeim fræjum djúpt að rússneski herinn sé illa rekinn, illa stjórnað og vanhæfur. Það myndi gagnast Kreml mjög vel

ESB-Evrópa gerði ekkert þegar Pútín skrúfaði tvisvar fyrir orkuna til Úkraínu. Jú hún gerði eitt: hélt áfram að auka og auka orkukaupin frá Rússlandi, kinka kolli vegna Krímskagans, og leggja nýjar leiðslur beint upp í Kreml og gefa skít í Bandaríkin - á sama tíma og hún minnkaði sína eigin orkuframleiðslu, af því því að Angela Merkel –Honecker-ríkisbumbufetistinn frá DDR– og gervihnettir hennar á sporbraut um Þýskaland vildi það - og þeir fylgdu Þýskalandi líka að málum í að svíkja skuldbindingar sínar við NATO. Ókjörna og veruleikafirrta klíkan í Brussel blessaði svo allt saman, enda orðin föst í vasanum á Þýskalandi - sem er á leið að verða stjórnlaust land á ný. Pólitíski stöðugleikinn þar er horfinn. Sambandsríkið Þýskaland er orðið KARTEL og ESB er bein eftirmynd þess. Stofnstjórnarskrá Þýskalands frá 1871 er fyrst og fremst efnahagsleg hugmynd að eins konar OPEC

Og einmitt nú, eftir að hafa komið öllu á meginlandi Evrópu í óefni á ný, með moldvörpustarfsemi bæði innan NATO og ESB, segist Þýskaland (útibú Kremlar) allt í einu ætla að hervæðast á ný. Ja hérna

Rússar vissu vel að það kæmi að því að Berlín teldi sig vanta hernaðarmátt sem passaði við hinn nýja efnahagsmátt hennar í Evrópu. Að hún teldi sig fyrr en síðar vanta stellið sem passar við nýju innréttingu hennar á Evrópu - og sem enginn íbúi álfunnar bað nokkru sinni um, og fékk aldrei kost á að segja neitt um

En það var einmitt í Úkraínu sem Rússland braut bak þýska landhersins í spón. Úkraína er einn stór drekkingarhylur gegn innrásarherjum sem þrisvar hafa reynt að hertaka Rússland úr vestri. Úkraína er því innbyggð í merg og bein Rússa

Hvað sagði ekki frú Thatcher?

Fyrri færsla

Hlátursgasleiðsla Pútíns til ESB-landa [u]

Hlátursgasleiðsla Pútíns til ESB-landa [u]

Þetta er sprenghlægilegt. Evrópusambandslöndin hafa fóðrað einræðisherrann í Kreml svo ítarast-vel að nú fjármagna þau aðgerðir Kremlar í Úkraínu

Okkur hefur í 60 ár verið sagt að því meira sem efnahagur landa er flæktur og tvinnaður saman við efnahag annarra landa, að því minni hætta sé á styrjöldum. Nú er meginland Evrópu svo flækt saman við efnahag Rússlands að Rússar geta slökkt á henni. Þetta er uppskeran frá sérfræðingaveldi vesturlanda í 60 ár. Tóm háskólamenntuð tjara og meiri tóm tjara. Gas, hlátursgas! Kreml hlær alla leiðina í bankann - og meira til

Og það sem meira er. Þetta var líka sagt árið 1909 í bók Normans Angells sem fékk "friðarverðlaun" Nóbels fyrir hana árið 1933. Svo þegar Fyrri heimsstyrjöldin skall á 1914 þá stóðu menn bara og göptu, því veruleikinn passaði ekki við bókina: "The Great Illusion", - þrátt fyrir það að efnahagur Evrópulanda væri orðinn eins samtvinnaður og hann var þá. En hér kemur hins vegar sjálf rúsínan í pylsuendalokum sérfræðingaveldisins: Jú, eftir að Norman Angell fékk "friðarverðlaun" Nóbels fyrir bók sína árið 1933, þá hófst Síðari heimsstyrjöldin. Er þetta ekki dásamlegt! Getur þessi stofnþvæla ESB orðið verri? Varla

ESB byrjaði að senda Póllandi refsi-reikninga (sektir) sama dag og innrás Pútíns hófst, en einmitt núna þarf Pólland á öllu sínu fé að halda til að vígbúast. Það er því sótt að Póllandi úr báðum áttum eins og venjulega. Þeir voru um daginn að kaupa bandaríska skriðdreka fyrir 6 milljarða dala: 250 stykki M1A2 Abrams (nýjasta og uppfærða gerðin), plús margt annað, og Pólland hækkar um leið fé til varnarmála í 2,5 prósentur af VLF. Þetta tryggir endurkjör núverandi ríkisstjórnar og setur um leið bremsuklossa á ESB-fíklaliðið í Póllandi; þ.e. stjórnarandstöðuna

Ungverjaland spilar áfram bæði með Kreml og NATO. Landið gæti hvenær sem er hrokkið í vasa Kremlar. Þýskaland og Frakkland þurfa ekki annað en að misstíga sig einu sinni í viðbót gagnvart Ungverjalandi og þá er það farið

Síðan er það Balkanskaginn, en þar er Rússland á fullu. Srpska lýðveldið sækist eftir að Kreml viðurkenni sjálfstæði þess eins og hún gerði austast í Úkraínu um daginn. Stór hluti landa Balkanskagans sækist eftir hernaðarvernd Rússa gegn Tyrklandi, sem á ný er rísandi veldi og á leið þangað upp, en það er eitt af þremur alvöru ríkjum Miðausturlanda nær. Hin Tvö eru Ísrael og Íran. Restin er gerviríki; eins og Úkraína og Belgía

Á meðan heldur Úkraína áfram að veita mafíuríkinu Transnístríu útflutningsaðstöðu í Odessa, sem er þriðja stærsta borg Úkraínu. Transnístría er óviðurkennt landabrot úr Moldóvíu og mafíuríki

Kvöldverðardeildin í NATO (ESB-Evrópa) hefur um nóg að masa núna. Um það bil 85 prósent af varnarmálaútgjöldum Belgíu fara til dæmis í lífeyrisgreiðslur og Þýskaland er búið að stunda "defund the police"-stefnu eða affjármagnið og eyðileggið NATO í 30 ár, - fyrir utan "Ostpolitk" þýskra útópíumanna frá 1950-1989

****

Uppfært: Í allar "aðgerðir" Evrópusambandslanda gegn Rússlandi núna er hægt að deila í með tíu. Þær eru fyrst og fremst fjölmiðlafóður og sýndarmennska. En fjölmiðlar gefa aldrei út lokaniðurstöðu sögunnar. Þeir eru bara með fyrsta uppkastið af henni og það er ávallt rangt

Tvö næststærstu aðildarríkin í NATO, þ.e. Þýskaland og Tyrkland, vinna stanslaust gegn NATO. Aðild þeirra að varnarbandalaginu samrýmist því varla/ekki áframhaldandi tilvist þess. Og aðild Úkraínu yrði banabiti varnarbandalagsins, því NATO getur ekki varið lönd gegn sjálfum sér - og enginn á kaffihúsi í Mílanó hyggst fórna lífi sínu fyrir Úkraínu, því Úkraína er og verður ávallt ekki á áhrifasvæði vesturlanda

Þetta er líka staðan innan Evrópusambandsins. ESB hangir ekki saman nema með sívaxandi lögregluríkis-tilburðum þannig að þar er það hið ótakmarkaða ríkisvald sem tala mun, ef sambandið á að lifa áfram, sem það mun vonandi ekki gera

Fyrri færsla

Gasalega "swift" maður [u]

Gasalega "swift" maður [u]

Á meðan eini alvöru leiðtoginn á norðurhveli jarðar heyjar stríð og leggur land og fólk undir sig, þá halda Evrópusambandið og evru-örmagna aðildarlönd þess á sér hita með rússnesku gasi við að horfa á og að stunda félagsmiðlastríð á bak við glerið í Bambusseli hins misheppnaða ríkis þeirra í Belgíu. Hvað segir það um okkar svo kölluðu vesturlönd?

Og "SWIFT"-aðgerðirnar sem áttu að stöðva þetta allt? Jú sjö rússneskir stórbankar af um það bil jafngildi 28 fá þær á sig á meðan hinir gera það ekki. Það er að segja fjórðungur fjármálakerfisins fær á sig þessar refsiaðgerðir. Rússland er var næst stærsta aðildarlandið í SWIFT-samskiptakerfinu. Og Mir greiðslukerfi Rússa sér nú um Visa-færslurnar, eftir að Visa Inc. dró sig út og missti meira en sex prósent af heimsviðskiptunum. Ákvörðunin drukknaði í veruleikavökvanum við hið græna fundarborð vindmyllumanna Bambussels - næstum því "swift" eins og Obama sagði í annarri hverri setningu í átta ár

Rifnar gallabuxur vesturlanda sjá svo um fréttaflutningana frá einu hné til annars á "fréttastofum" bálkakeðja og fjártækniskrifara. Þær eru því allar jafn tístandi gagns- og vitlausar. Fullkomið jafnræði ríkir

Og Biden? Jú nú nær hann því að vera forseti tveggja innrása Rússa í Úkraínu - og að leiða þær báðar

****

Rússneskar orrustuþotur flugu inn í lofthelgi Svíþjóðar í gær, austur af Gotlandi. Sennilega til að óska sænskum vinstrimönnum til hamingju með að hafa sprengt sig sjálfa og land sitt í loft upp innan frá síðastliðin 30 ár og hyggja því nú á NATO-umsókn. Síðan hafa þoturnar væntanlega vinkað Finnum sem skyndilega sækjast eftir að fá NATO til að verja viðskipti þeirra við Rússa, því Finnar hafa nefnilega í 30 ár horft á hvernig Þjóðverjum tókst að fá 65.000 bandaríska hermenn til að verja gasleiðslur þeirra til Rússlands og þýskar bílaverksmiður í Rússneska sambandsríkinu, plús vöruflutninga til baka, gratís. Landamæri Finnlands beint upp að Rússlandi eru ekki nema smá smotterís 1400 kílómetrar að lengd og bætast þá við það sem óverjanlegt er orðið suður og niður. Þarna gengur allt eins og einmitt í sögu

Fyrri færsla

Bresk og frönsk kjarnorkuvopn hafa lítið sem ekkert gildi

Segir nýtt kalt stríð hafið

Bresk og frönsk kjarnorkuvopn hafa lítið sem ekkert gildi

Fælnimáttur breskra (215) og franskra (300) kjarnorkuvopna hefur ekkert gildi gegn andstæðingi eins og Rússlandi (4500) - þ.e. í stöðu eins og er núna - og í reynd hefur gilt síðan 1949. Þeir myndu bara þora að nota þau af því að þeir telja sig vera undir kjarnorkuvopna-regnhlíf Bandaríkjanna líka (4480)

Ergo; þau hafa bara gildi gegn minniháttar andstæðingi

Það er milljón sinnum erfiðara að koma sér upp vörnum gegn andstæðingi eins og Rússlandi en hið ábyrgðarlausa apabúr í ESB-Evrópu heldur. Allar slíkar varnir þurfa að ná til alls heimsins. "Heimshluta-herveldi" hefur ekkert gildi þegar að kjarnorkuvopnamálum kemur

Þýskaland þyrfti að spyrja sig þeirrar spurningar í dag hvort að það haldi að 70 þúsund bandarískir hermenn sem Þjóðverjar hafa í landi sínu, séu þar til þess að verja NordStream-2 gasleiðsluna sem þeir hafa lagt á milli sín og Rússlands. Þýskaland sendir Rússlandi einn milljarð dala á hverjum degi ársins fyrir orkukaupum. Þúsund milljónir dala á dag

Gat þetta farið öðruvísi? Nei

Reka þarf moldvörpuna Þýskaland úr NATO og leysa Evrópusambandið upp

Og Úkraína er misheppnað og óstjórntækt ríki og verður aldrei neitt annað, bara svo þið vitið það: Óverjanlegt land sem mun sprengja sig sjálft í loft upp með reglulegu millibili: innanfrá. Hún, eins og Líbanon, verður aldrei nýtt hlutlaust Sviss. En þær vonir stóðu til með Líbanon á sínum tíma

Ekkert tryggingafélag myndi vilja tryggja Evrópusambandið gegn stríði, með alla þessa geðsjúklinga þar um borð. Og alls ekki með Úrsúlu von der Lygar um borð í skipinu. Narcissistinn sú sagði nefnilega í gær –já í gær– að Úkraína ætti að ganga í Evrópusambandið, að hún tilheyrði þar

Hún veit sennilega ekki að Rússar kunna að lesa. Þeir gætu til dæmis gert innrás í Finnland til að afsanna orð hennar, bara sí svona, því Finnland er ekki í NATO, en það er í ESB. Hvað myndi hún leggja til málanna þá?: jú að Finnland ætti að ganga í ESB, auðvitað!

Þessi genetíski fábjáni sem hún er fær því miður hvergi vinnu annarsstaðar en einmitt sem forseti framkvæmdastjórnar Evrópusambandsins. Þess vegna er hún þar. Fimm önnur ESB-lönd eru ekki í NATO. Þessi manneskja er lífshættulegur stórfábjáni - eins og Angela Merkel

Rússland mun aldrei samþykkja Úkraínu sem vestrænt áhrifasvæði. Af hverju ekki? Einfaldlega vegna þess að það getur það ekki. Ekki frekar en að Bandaríkin geta samþykk Kanada sem rússneskt áhrifasvæði

Ekki hægt

Rússland gæti hins vegar samþykkt Úkraínu sem hlutlaust svæði undir þeirra vernd. Þ.e. gegn því að fá að hafa herstöðvar í landinu, sem myndu geta gripið inn og tryggt lög og reglu, eða með öðrum orðum, frið í landinu. Rússar gætu líka skorið landið upp og skilið vestasta hlutann eftir sem landsleifar á borð við Þýsk-austurríska lýðveldið. ESB gæti til dæmis fengið að slefa ofan í það og að halda því uppi. Borga. Líklegast er þó að þeirri ríkisstjórn sem var velt af stóli 2014 verði komið fyrir í Kænugarði á ný, samhliða öðrum aðgerðum. En 40 prósent landsins styðja hana eins og er

Kænugarður hefur ekki nema hluta landsins á sínu valdi í dag og undanfarin ár - af því að Úkraína er óstjórntækt land. Ríkisstjórn sem ræður ekki landi sínu er ekki ríkisstjórn

Fyrri færsla

ESB lokar 70 prósentum, en heldur áfram að senda peninga til Kremlar [u]

ESB lokar 70 prósentum, en heldur áfram að senda peninga til Kremlar [u]

INNRÁS RÚSSLANDS Í ÚKRAÍNU 2022

****

Hið ömurlega Evrópusamband sem lagt hefur meginland Evrópu í ósjálfbjarga grátandi rúst, að öllu leyti, hrósaði sér í nótt fyrir að loka 70 prósentum fjármálakerfisins af fyrir Rússakeisara. Þrjátíu prósentur fjármálakerfisins standa þó enn opin svo að hið ókjörna pólitíska gangsterveldi Evrópusambandsins geti haldið á sér hita við að skrifa undir "aðgerðina", sem þó er ekki víst að öll löndin kyngi niður

Þessi 30 prósent sem enn standa opin eru og verða opin til að taparar meginlands Evrópu geti haldið áfram að senda orku-peninga til einræðisherranns í Kreml, sem á skrifandi stund er að murka lífið úr enn einu fullvalda nágrannaríki Kremlarmafíunnar. Hinu merkantílistíska pakki Þýskalands er nákvæmlega sama um allt á meðan vesturlönd halda áfram að troða snuðinu upp í hið ónýta ríki þess, endalaust!

Þýskaland ítrekaði síðast í gær að það myndi EKKI senda vopn til Úkraínumanna og í morgun sagðist Berlín ætla að senda 150 hermenn til austurhluta NATO-svæðisins, því það væri ekki pólitískur vilji fyrir meiru. Og yfirmaður þýska hersins sagði í gær að þýski herinn væri úr leik. En yfir-yfirmaður hans var Úrsúla von der Lygar, sem leggur allt í rúst sem hún kemur nálgægt

Þessum 150 þýsku hermönnum sem sendir verða til NATO-ríkjanna í austri munu svo fylgja minnst 28 fyrirvarar um hverju þeir mega taka þátt í. Það er ekki einu sinni öruggt að Þýskaland heimili að NATO fái að nota sjálfa eldsneytisleiðslu NATO sem liggur frá ströndum Frakklands og Spánar til varðstöðunnar og hugsanlegra hernaðaraðgerða gegn mafíuveldinu í Kreml. En sú leiðsla sér stærstum hluta almenns farþegaflugs í Evrópu fyrir eldsneyti. Trump sendi Úkraínumönnum nýtískuleg vopn til að granda skriðdrekum og brynvörðum ökutækjum, og fékk bágt fyrir hjá þvaðurveldi fjölmiðla og grænkommapakki vesturlanda. Bretar sendu líka þannig vopn um daginn og þurftu að sneiða hjá þýskri lofthelgi til að koma þeim til Úkraínu

Á sama tíma og Kremlarmafían leggur undir sig hvert nágrannaríkið á fætur öðru, halda grænkommaelítur Vesturlanda –og þar á meðal er stórtaparaarmur Sjálfstæðisflokksins með BB og kó í tapsbroddi– áfram að píska lönd sín til blóðs með grænum ultra-þvættingi, sjálfspyntingum, vinstri-vælmenningu og bambuskofa-afríkudýrkun

Ef ég væri Pútín þá myndi ég hlægja alla leiðina í bankann og kasta upp á þessa skríðandi vesalinga og troða osti í eyrun á þeim. Það er ekki einu sinni hægt að finna svona aumingjaskap upp. Hann er nefnilega "extraterrestrial". Þetta fólk býr ekki á jörðinni

Í gær tilkynntu Bandaríkjamenn að þeir senda aukalega 7 þúsund hermenn til viðbótar við þá 12 þúsund sem þeir hafa sent til varðstöðu austast á NATO-svæðinu. Nálgast því Bandaríkin að hafa um 100 þúsund menn staðsetta á meginlandi taparanna í Evrópu núna. Einu sinni enn!

Vestrænir lífeyrissjóðir eru ánægðari í dag en í gær því fjárfestingar þeirra í gegnum kauphöllina í Moskvu hækkuðu í verði eftir hrun gærdagsins og rúblan hækkar líka í dag

Svo þegar Rússakeisari er búinn að ná allri Úkraínu undir sig, með aðstoð Þýskalands, þá skiptir NS2 gasleiðslan engu máli. Engu máli. Og það vissi Þýskaland vel þegar kanslari þess sagði í fyrradag að Þýskaland myndi leggja hana á ís eða hætta við hana. Hún hafði bara gildi á meðan Úkraína var fullvalda ríki. Nú skiptir hún engu máli, falli Úkraína í kjöltu Kremlar. "Fórnin" kostaði Þýskaland ekki neitt

Aldrei þessu vant horfði ég á kvöldfréttir sjálfsfróunarmiðstöðvar vinstrimanna á DDRÚV í gær. Barnalegt var af þeim að gefa í skyn og tala um að Pútín sé "geðveikur" og "bara eitthvað sem til var á síðustu öld". Sá sem kemur á eftir Pútín í Kreml verður ekki neitt skárri, og það er ekki hægt að segja annað en að hann hafi út-smartað alla í þessu máli, enn sem komið er

Það eina "sem er frá síðustu öld og geðveikt" í þessari stöðu er útópísk heimska og barnalegur hugsunarháttur ESB-Evrópu. Geðveikin á heima í blöðruhálsinum Brussel. ESB-mafían er FÁBJÁNAR og stórhættulegir AUMINGJAR fyrir ÖLL ríki sem koma svo mikið sem í snertingu við litla fingur þess

****

Uppfært: laugardagur, 26. febrúar 2022 kl. 01:30:23

Meira um þetta mál:

Leiðari WSJ 25. febrúar staðfestir að nú séu alls um 100.000 bandarískir hermenn staðsettir á meginlandi taparanna í Evrópu. En þeir eru of dreifðir segir ritstjórnin og að miklu meira þurfi til, með fastri viðurveru. Allir sjá núna, segir blaðið, að væru Litháen, Lettland og Eistland ekki í bandalaginu þá væri Kremlarmafían búin að gleypa þau núna. Og ef Kreml myndi ráðast á þau og Pólland í dag, þá væri útkoman óviss

Ein helsta ástæðan fyrir því að svona er málum háttað í Evrópu í dag, segir blaðið, er Angela Merkel kanslari Þýskalands í 16 ár, sem markvisst hefur starfað í þágu Kremlar við að veikja NATO innanfrá

En hún hefur sérstaklega verið dáð sem undrabarn meðal íslenskra stjórnmálamanna og á sjálfsfróunarmiðstöð vinstrimanna á DDRÚV. Komma-stórtaparadeild BB og kó í Valhöll hefur einnig dáð hana, svo ekki sé minnst á fleiri blinda Þýskalandsfetista og nytsama kjána innan xD

Fundur NATO ríkjanna var haldinn í gær. Þar var ákveðið að virkja hraða-viðbragðsafl bandalagsins, en það varð til sem virkt afl innan NATO árið 2003. Liðsafli er allt að 40 þúsund menn

Kremlarstjórnin hefur undanfarið staðið fyrir mjúku og upppumpandi valdaráni í Hvítarússlandi, Nagorno-Karabakh og í Kazakhstan, svo ekki sé minnst á Georgíu, Krím og nú síðast hernaðarinnrás í Úkraínu, sem er 1,7 sinnum stærra land en Þýskaland

Meira er í vændum og Kreml mun gera allt sem það kemst upp með að gera til að kljúfa varnarbandalagið að hætti Angelu DDR Merkels og nytsamra kjána á borð við hana í hvaða NATO-landi sem er

- Gunnar er þjóðaríhaldsmaður í Sjálfstæðisflokknum  

Fyrri færsla

Tímabundin íslagning Nord-Stream-2

Tímabundin íslagning Nord-Stream-2

Victor Davis Hanson bóndi og sagnfræðingur. Óbeint segir hann: SÞ er ónýtt. AGS er ónýtt. WHO er ónýtt. WTO er ónýtt. Evrópusambandið er ónýtt. Næstum allar hinar "alþjóðlegu" eftirstríðstofnanir Síðari heimsstyrjaldarinnar eru ónýtar. "Post WWII World Order" er búið að vera. Glóbalisminn er dauður. Heimirinn lætur ekki að stjórn og mun aldrei gera það

****

Hinn nýi þýski kanslari Olaf Scholz tilkynnti í gær að hin nýja og ónotaða Nord-Stream-2 gasleiðsla frá Rússlandi beint til Þýskalands sé hér með lögð á ís vegna innrásar einræðisherra Rússlands inn í Úkraínu. En er það virkilega svo. Verður gasleiðslan lögð á ís?

Svarið við þeirri spurningu er að finna í valdabaráttu innan þýska sósíaldemókrataflokksins og í Varsjá

I) Í SPD-flokki þýskra sósíaldemókrata og í flokkssamsteypu svo kallaðra "kristilegra demókrata" eða CDU/CSU (eru þó mest akademískir heiðingjar) eru miklir og stórir armar af Rússlandsfíklum. Armin Laschet hið glataða kanslaraefni CDU/CSU er jafnvel enn meiri Rússasleikja en Angela Merkel. Í hans haus, og hennar, komst ekkert annað að en Þýskaland-fyrst-stefna Merkels fyrir kosningar. Öll lönd Evrópusambandsins voru og eru nefnilega á móti NS2 leiðslunni. En þar sem Þýskaland er með Evrópusambandið í rassvasanum þá ræður það og notar ESB og evrusvæðið sem prívat stuðpúðasvæði í kringum sig, þjónandi sér og eingöngu sér, eins og sést. Þess vegna er þessi NS2 leiðsla yfir höfuð til

Með því að leggja NS2 á ís vegna innrásar Rússa, þá nær hinn nýi þýski SPD-kanslari til hins stóra arms Schröder-manna í SPD flokki sínum og tryggir sig betur í sessi. En Gerhard Schröder fyrrum kanslari situr sem útibú beggja þessara arma í gasríkisstjórn Pútíns

En takið eftir: í smáa letri þýska kanslarans stendur óskráð að NS2 verði opnuð ef bensínstöðvarstjórnin í Kreml lætur sér nægja að taka aðeins þann hluta Úkraínu sem búið er að taka - og taki hana ekki alla

II) Austurvíglínan í þessu nýja kalda stríði sem óhjákvæmilega er að skella á af því að Rússland óskar sér þess –það fyrirlítur friðsamlega sambúð við umheiminn því ófriður og átök er það eina sem heldur hvaða Rússakeisara sem er föstum á valdastóli sínum, en ekki borgarar landsins– mun liggja við austurlandamæri Póllands. Það þýðir að Bandaríkin munu smám saman flytja herlið sitt og aðstöðu burt frá hinu sökkvandi Þýskalandi og yfir til Póllands. Það eitt og sér er nægilegt til að gera Pólland að nýju stórveldi í Evrópu. Til Póllands munu góðir hlutir fljóta frá Bandaríkjunum, eins gerðist í Vestur-Þýskalandi í Fyrra kalda stríðinu. Þá tilhugsun þolir Þýskaland ekki því það lítur á þær 120 milljónir manna sem búa á milli þess og Rússlands sem rusl. Þess vegna kom þessi melding frá Berlín um NS2 í gær

En á sama tíma heldur Þýskaland, með ESB í rassvasanum, áfram að pota spjótum sínum í Pólland til þess að því blæði út sem fyrst og veikist gegn Rússum. Þess vegna skellir ESB-Þýskaland dagsektum á Pólland því þá hefur það minna fé til varnarmála. Pólland var nefnilega að kaupa skriðdreka frá Bandaríkjunum fyrir sex milljarða dala. Slíkt er þyrnir í augum Þýskalands, sem þiggur vanþróunaraðstoð frá NATO í varnarmálum en leggur sjálft lítið sem ekkert að mörkum í staðinn, nema þá helst kústsköft og eitraðan þríhyrndan merkantílisma

Á Íslandi eru það eingöngu smásjárfíklar, vesalingar og dellumakarar sem halda nytsemi EES-aðilar lands okkar á lofti. Evrópusambandið er ónýtt og það vita allir. Gangslaust til alls. Ræður hvorki við fjármálakreppur, sjúkdómsfaraldur né að halda tappanum í austri á sinum stað, þ.e. það getur hvorki varið sig sjálft né skapað velmegun. Er algjörlega varnarlaus krypplingur

Það þarf smásjá sem nær niður á nanómetraskala til að koma auga á að það sé betra að standa innan EES eða ESB en að vera ekki í þessum mafíuklúbbi Brusselveldisins, sem nú er útibú og stuðari Þýskalands gegn komandi þjóðargjaldþroti þess

****

Upptaka: Bútur úr ræðu Donalds J. Trump forseta Bandaríkjanna í stofnun Sameinuðu þjóðanna í Nýju Jórvík: Þá hló og flissaði skömmustuleg smábarnasendinefnd Þýskalands til Sameinuðu þjóðanna. En þau pelabörn hlægja ekki lengur. Þau gráta

Fyrri færsla

Kína læsir Litháen inni í fangaklefa ESB - og hendir lyklinum

Kína læsir Litháen inni í fangaklefa ESB - og hendir lyklinum

Mynd: Fullveldi, peningastefna, viðskipta- og vaxtavopn þeirra evrulanda sem heita hvorki Þýskaland né Frakkland

****

Kína hefur læst Litháen inni í fangabúðum Evrópusambandsins - þ.e. inni í hinum innri fangabúðamarkaði Evrópusambandsins, með því að loka af fyrir viðskipti við landið og hótar það nú að neita að eiga viðskipti við þau ESB-lönd sem eiga viðskipti við ESB-Litháen. Sérstök tilskipun hefur frá Peking verið send til Þýskalands um að þýski iðnaðurinn eigi ekki viðskipti við Litháen. "Brot" Litháens er sama eðlis og "brot" Ástralíu, sem er í svipuðu banni. Litháen ákvað að bæta samskipti þess við Taívan með því að uppfæra sendiskrifstofu þess gagnvart Taípei. Og Ástralía gerðist "brotleg" við ókjörna kommúnistaveldið í Peking, sem rændi völdum í Kína, með því að krefjast rannsóknar á uppruna Kínaveirunnar

En Ástralía er sem betur fer ekki með evru og er heldur ekki í ESB. Hún lemur því frá sér - og á alvöru og vöðvastælta vini í Stóra-Bretlandi, Bandaríkjunum og Kanada

Og hvað ætlar Evrópusambandið að gera í þessum árásum Kína á hinn innri fangabúðamarkað þess, Litháen? Jú það ætlar að skrifa bréf til lögfræðinga. Já þú heyrðir rétt. Skrifa bréf til lögfræðinga WTO. Eða eins og leiðari Wall Street Journal sem fjallar um málið segir, efnislega: "sambandið ætlar að mæta með blekpenna í byssuslag. Slíkt mun taka mörg ár og á meðan verður lífið murkað úr Litháen"

"If the EU can not stand up for its single market to defend its weakest members, then what good is it?" - WSJ

Þetta sýnir gagnsleysi ESB í hnotskurn. Og það sem verra er: Evrópusambandið er stórhættulegt fyrir löndin sem í því eru. Fyrst afvopnar sambandið ESB-löndin og tekur frá þeim þeirra eigin völd og vopn í viðskiptamálum (ásamt í óteljandi öðrum málum) - og síðan sleppir það hundi eins og Kína lausum á þau, og gerir síðan ekkert. Það myndi koma annað hljóð í strokkinn ef Litháen héti Þýskaland eða Frakkland. Þarna má sem sagt Litháen deyja drottni sínum, fast í handjárnum ESB. Lamað um alla og ónýta ESB-framtíð vegna aðildar þess að Evrópusambandinu og upptöku evru, og bíður nú árum saman eftir því að abstrakt og ókjörinn Evrópukeisari út við ysta sæ taki eftir tilvist þess í fangabúðakerfi sambandsins

Lögfræðingar! Ha ha ha ha!

Með ofureflishugsun, en sennilega til einskis, má reyna að vona að það fólk hér heima á Íslandi sem aðhyllist Evrópusambandið, og hinn ömurlega og þjóðfélagslega tortímandi EES-samning, fari að ranka við sér úr rotinu. En eins og ég segi, þar er lítil von, því þannig virka hjátrúarbrögðin. Þetta er trúarlegs eðlis hjá því fólki - trúin á hið mjúka Sovétríki. Allir EES-sinnar eru orðnir meira eða minna kommar og hálfkommar, þó oft án þess að taka eftir því. ESB-sinnar eru hins vegar hreinkommar - þ.e. þeir eru allir sem einn orðnir hreinir kommar og sjá ESB fyrir sér sem NSU: New Soviet Union

****

Í leiðinni er hægt að dæla því hér að; að hinn svo kallaði "fjártæknigeiri", sem aldrei varð, er nú að hálfu leyti í kistuna kominn. Spái ég því banka- og fjármálagreinaum bjartri framtíð og farsælli endurkomu. Hið sama er að gerast með rafbílaþvæluna, sem betur fer. Hún er á leiðinni í kistuna líka: KOMMAKISTUNA!

Fyrri færsla

Boris mun líklega standa