Óhæfur, nema til innlagningar á ESB-geðdeild

Svensson er samkvæmt nýjustu mælingum Evrópusambandsins óhæfur til að láta setja í sig gervi hjarta, gervi nýru og gervi heila. Hann er talinn óhæfur í allar þessar aðgerðir því hann er með sitt meðfædda hjarta sem er fullkomið. Nýrun eru einnig meðfædd og virka eins og þau eiga að gera. Og heilabú Svenssons sem einnig er hið meðfædda, er næstum því fullkomlega ógeðbilað 

En samt er Svensson veikur. Það segir Evrópusambandið í Brussel. Klikkunardeild Evrópusambandsins hefur gefið út skýrslu um það. Og þær ljúga ekki frekar en fyrri daginn, skýrslunnar frá ESB og peningayfirvöldum þess. Þessi heitir Aðlögunarskýrsla eða Samrunaskýrsla. Útgáfuár skýrslunnar er júní 2014, sem er hið tuttugasta eftir að Svíþjóð var hrætt inn í Evrópusambandið

Skýrslan segir að Svíþjóð hafi brotið af sér því að lög landsins hafa ekki enn gert sænska seðlabankann óháðan Svíþjóð og háðan raðbrotadeild ECB-aukaseðlabanka Þýskalands, sem fyrst landa —sem hinn sjúki maður Evrópu— mölbraut Maastricht-sáttmálann árið 2003. Skýrslan segir ennfremur að laga- og réttarfarsleg innlimun Svíþjóðar í evru-peningakerfi ESB, hafi ekki enn farið fram

Þar sem Svíþjóð sé ESB-land án undantekninga verður það að uppfylla aðlögunarkröfur Evrópusambandsins að fullu og öllu leyti, en það hafi landið ekki gert því sænski seðlabankinn og sænska krónan standi upprétt enn

Svíþjóð hefur því ekki aðlagað öll lög landsins að Evrópusambandinu. En það ber því að gera samkvæmt ákvæðum 131 greinar sáttmálanna. Svíþjóð hefur því frá 1998 brotið ESB-lögin með því að aðlaga ekki öll lög landsins að Evrópusambandinu

Sænskir stjórnmálamenn og ESB-elíta landsins sögðu þjóð sinni að Svíþjóð væri undanþegin því að þurfa að afsala sér öllu fullveldi landsins í peningamálum. Það reyndust í besta falli hvítir lygar til þess eins að hægt væri að troða landinu inn í Evrópusambandið á sínum tíma

Í vesta falli reyndust sænskir stjórnmálamenn og ESB-elíta landsins hinir verstu lygarar, vel vitandi það að ESB-aðildin myndi krefjast þess að öllu fullveldi landsins í peningamálum yrði að varpa fyrir róða ofan í Evrópusambandið. Skuldadagar nálgast. Innheimtan er í gangi. Og það hefur hún verið árum saman þó svo að leynt sé farið með. Borðið fangar. Sænska þjóðin hvað? . . 

Fyrri færsla

D-dagur 6. júní 1944 kl. 0200 - fyrir 70 árum síðan 

Krækja

ECB - Konvergensrapport juni 2014

Tengt

Evrópusambandið er steindautt

Andrómeda er þarna 

D-dagur 6. júní 1944 kl. 0200 - fyrir 70 árum síðan

 

Í dag eru liðin 70 ár frá því að Bandamenn gengust í að frelsa meginland Evrópu frá sjálfu sér. Innrásin í Normandý hófst kl 0200 með loftárásum. Undirbúningurinn hafði þá staðið yfir í meira en tvö ár, eða allt frá því að Bretar höfðu einhentir sigrað í baráttunni um Bretlandseyjar og þar með tekist að sannfæra þjóðríki Bandaríkjamanna í Norður-Ameríku um að Evrópa væri þess virði að fórna bandarískum mannslífum til að frelsa meginland álfunnar frá hinum innbyggða barbarisma þess

Án sigurs Breta í lofinu yfir Bretlandseyjum og víðar —undir ósigrandi fastri leiðsögn Winstons Churchill— hefði þjóðríkið Bandaríkin í Norður-Ameríku varla talið Evrópu þess virði að blóði Bandaríkjamanna væri úthellt meginlandsins vegna

Liðsafli innrásarinnar var 3,5 milljónir manns og hafði hann eftirfarandi hergagnaframleiðslu til umráða:

6483 skip

4000 landgöngupramma

6500 sprengjuflugvélar

5500 orrustuflugvélar

2000 svifflugur

1000 fragtflugvélar

5000 skriðdreka

7 orrustuskip

og endalaust meira magn hergagna og vista

Engin þessara tækja voru framleidd í þrælabúðum. Þessi Engilsaxneska framleiðslugeta frelsisins í Vestri og á Bretlandseyjum sendi svo 400 þúsund trukka til Rauða-hers Sovétríkjanna sem réðu úrslitum um herförina austanfrá. Aldrei áður í sögunni hefur eitt þjóðríki orðið eins mikið stórveldi og Bandaríkin eru. Og aldrei mun neitt eitt þjóðríki um aldur og ævi slá þeim við

Sagnfræðideild bandaríska hersins gaf árið 1951 út rúmlega 400 blaðsíðna myndafrásögn af bæði undirbúningi og framkvæmd innrásarinnar. Hana má nálgast hér sem PDF-skrá hjá US Army Center for Military History (29,7 MB)

Fyrri færsla

Klíka átti að henda Grikklandi út úr myntbandalaginu 

Klíka átti að henda Grikklandi út úr myntbandalaginu

Timothy Geithner, þá fjármálaráðherra Bandaríkjanna, varð ekki um sel þegar hinn sjálfskipaði þýski fjármálaráðherra yfir Evrópu, Wolfgang Schäuble, sagði honum að hann væri að rotta saman nokkrum mönnum í nokkrum lendum Evrópusambandsins til að sparka Grikklandi út úr myntbandalaginu, sem sjálfkrafa hefði þýtt að Grikkland yrði þurrkað út úr Evrópusambandinu. Þetta kom fram í ensku útgáfu gríska Kathimerini Aþenuborgar um daginn

Þessi útlegð eða brottvísun Grikklands af myntsvæðinu myndi þýða það, sagði Schäuble, að auðveldara yrði að reisa "eldvegg" í kringum stærsta viðskiptahagnað nokkurs lands í heiminum; nefnilega viðskiptahagnaðs Þýskalands, sem vill svo til að er veraldarinnar stærsti ósýnilegi gengisfalsari; "Stealth Currency Manipulator" (eftir Clyde Prestowitz)

Samkvæmt Geithner varð bandaríski fjármálaráðherrann fyrir áfalli við að heyra þetta og flýtti sér heim til að láta forseta Bandaríkjanna vita af þessu, og sem, að hans sögn, hafði djúpar áhyggjur af málinu. Og væntanlega einnig af geðheilsu þýska fjármálaráðherrans yfir meginlandi Evrópu

Hefði þetta orðið raunin, þá hefði Grikkland orðið ríki án myntar. Þýskur maður hefði þá úr fjarlægð tekið einu mynt gríska lýðveldisins af því. Tekið af því sjálft peningakerfið með fjarstýringu

Hverju skyldi sami aðili hafa hótað Írum ef þeir drekktu ekki írsku þjóðinni í skuldum til að halda árfarvegi viðskiptahagnaðar áfram opnum ofaní peningahrúgu Þýskalands gagnvart umheiminum; eldmúrnum gegn Evrópu

Krækja

Geithner describes alarm at Schaeuble plan for Greek euro exit

Fyrri færsla

Skuggamyndasýning ESB = evru_ekkert

Skuggamyndasýning ESB = evru_ekkert

Engin aukning á viðskiptum á milli evrulanda síðan evran kom 

Mynd: Paul Krugman: ESB_EKKERT

Hvað eru menn hér á landi að æsa sig yfir sovéskum kosningum til þings Evrópusambandsins. Það skil ég ekki. Þetta þing er ekki þing. Það er sovéskur gúmmístimpill fyrir politburo framkvæmdastjórnarinnar. Þetta sovéska þing Evrópusambandsins getur ekki sjálft sett fram nein mál. Það má ekki leggja fram nein frumvörp. Það má bara skoða fúleggjuð frumvörp miðstjórnarinnar í allt að fimm mínútur og samþykkja þau. Ef þingið neitar að samþykkja þá er hið frumverpta sovéska egg politburo framkvæmdastjórnarinnar bara tekið af fangabúðaborði þingsins og það málað í nýjum felulitum þangað til það fæst samþykkt í "þinginu"

Í hléum hlaupa svo þingmen fram til að falsa skattfrjálsu fríðindin sín. Stimpla sig inn sem Evrópuþingmenn en koma út sem afglapar og pólitískir glæpamenn á heimavelli. Þeir eru þarna flestir peninganna vegna

 

Þetta er tveggja hæða kamarinn fyrir sáttmálana. Á efri kamri situr politburo framkvæmdastjórnarinnar og dritar yfir þá sem sitja á neðri kamri. Þetta er sami kamarinn fyrir subbu-sidiari-tetið sem átti að vera "neyðarbremsan" (ha ha ha ha) fyrir þjóðþing aðildarlandanna gegn politburoæði framkvæmdastjórnarinnar

 

Í neyðarbremsu þessa höfðu þjóðþing aðildarlandanna þegar árið 2012 togað 117 sinnum í hana án þess að ESB-lestin stöðvaðist í svo mikið sem eina sekúndu, né hvað þá að hún hægði á sér. Frumverpi sovéskra eggja framkvæmdastjórnarinnar halda bara óstöðvandi áfram að rúlla inn á fangabúðaborð Evrópusambandsþingsins og gera þar með þá sem samþykktu sáttmálana að þeim fíflum sem þeir eru

 

Í öllum aðildarlöndunum kraumar nú reiði allt að mikils meirihlutans, sem aldrei var upplýstur um að verið væri að troða landi þeirra inn í nýtt Evrópusovétsamband. Því í aðildarlöndum sambandsins hefur aldrei nein upplýst umræða farið fram um þetta óskabarn elítunnar. Andstaðan frá upphafi leiðangurs þessa inn í svartnætti ESB-gjaldþrotsins, er að tryllast úr reiði. Svo mikið, að von er á byltingum og brjálsemi

 

Fyrri færsla

 

Forysta Sjálfstæðisflokksins á barmi þess að vera orðin Evrópa

 

Tengt

 

Sameiginleg mynt hefur ekki leitt til meiri viðskipta á milli evrulanda 

 

Forysta Sjálfstæðisflokksins á barmi þess að vera orðin Evrópa

Á öllum þeim 25 árum sem ég bjó á meginlandi Evrópu frá 1985 til 2010, rann ekki upp bara eitt einasta ár á meginlandinu sem sannfærði mig persónulega, fjölskyldulega né rekstrarlega séð um að Evrópa væri ekki alltaf og eilíft að tapa. Alltaf að tapa, ár fyrir ár 

Þessi Evrópa er nú orðin heilt meginland tapranna af tvennum ástæðum; 1. vaxandi umboðslausum spennitreyjuvöldum ókjörins Evrópusambands yfir lífi borgara og fyrirtækja; 2. klíku- og elítuvæðing alls með sovéskum misþyrmingarmætti sífellt meiri opinberrar menntunar sem virkar eins og Roundup á frjósemi frelsisins, sem er vöðvabúnt heilans.

Nú er svo komið að meginland Evrópusambandsins mun aldrei ná velmegunarstigi Bandaríkja Norður-Ameríku. Aldrei. Orðið er algerlega útséð um það. Kostnaðurinn vegna tilvistar Evrópusambandsins, ERM og evru þess, er slíkur að hann hefur skrúfað fyrir framtíðina í Evrópu. Svartur skermur blasir við. Inn í þá svörtu nótt ekur meginland Evrópusambandsins

Sjálfstæðisflokkurinn er á barmi þess að vera orðinn að klíkuflokki og Evrópu. Því tapar hann og tapar. Grasrót flokksins er hvað eftir annað fótum troðin og brátt er hvergi stingandi strá eftir af henni, nema strámenn. Forystan er allt að því ónýt. Hún er álíka ónýt og stjórnir þriggja fallinna banka voru allan þann tíma sem þær sátu við völd. Hún er jafn ónýt og allar efnahagsspár allra voru öll bólguárin fram á síðustu hengibrún gjaldþrots klíkubransans, sem gagnkvæmt baktryggir hvern annan með sovéskum misþyrmingarmætti menntunar út í eitt

Ítök samtaka vissra atvinnurekenda —áður bankanna— í Reykjavík eru stórum of mikil. Og með því að framleiða ofan í forystuna skeinipappíra sem betur hefðu aldrei í heiminn verið settir, er eldi að henni haldið

Þvælan um rafmagnssæstreng til útlanda —sem fyrst og fremst og til frambúðar setur risavaxnar og verðmætaskapandi ígangverandi erlendar fjárfestingar á Íslandi í uppnám— til þess eins um leið að ónýtgera tólf strokka þjóðhagslega undirstöðuaflvél sjávarútvegsins sem danskan irrelevans ofan í bláeygða kjósendur, þannig að þar verði ekkert í málum hægt að gera og "hvort sem er engu að tapa" og því taplaust, en samt urgent urgent áríðandi, að þokubakkahrinda lýðveldinu smám saman ofan í Evrópusambandið. Að allt sé "því miður og þar með komið upp á ESB-level" vegna reglu-vatta-verksins sem kála myndi allri raforkufrekri landsframleiðslu íslenska þjóðríkisins

Og þvælan um partasölu Landsvirkjunar sem er gegnheilt rusl í bankabraskarastíl sem sýnir að flokksforystan ætlar sér alls ekki að búa hér. Hún hugsar dæmið þannig að hún ætli að "sjá til", "skoða málið", liggja á pappírum atvinnurekenda og verpa svo núllum. Forystan er með svo stór eyru að hún nær ekki andanum. Hún er að kafna í pappír

Í bakgrunni fyrir aftan forystuna stendur í dag skilti stórt sem á er letrað; "leiðangri lokið" - "mission completed". En forystan skilur alls ekki að það var áhöfnin Landsbyggðin sem bjargaði henni frá drukknun. En skiltið stendur þarna fyrir áhöfnina sjálfa, hún vann sitt verk, en forystan er hins vegar föst á sínu sama pappírs flæðiskeri og ófær um að skilja boðskapinn. En hún fær þó að fljóta með, að sinni

Áhöfnin er hins vegar ekki að "skoða málið". Hún er að sigla. En enginn veit bara hvert. Höfuðstöðvar Sjálfstæðisflokksins í Reykjavík þurfa að finna fjörur sínar þar sem betra og gróðavænlegra verður að hlusta beint á hreint fuglagarg en að hlusta á það sem endurómar til hennar frá meginlandi taparanna, þar sem strandlengjur íbúanna eru seldar á uppboðum til svo kallaðra "fjárfesta" af því tagi sem Round-uppuðu látnu Austur-Þýskalandi ofan í vasavianafélag Treuhand-anstaltsins

Um leið óska ég Framsóknarflokknum til hamingju með landvinninga sína í Reykjavík. Enginn snýr þeirri dömu af leið. En á sama tíma vara ég við því sem vonandi verður ekki strategískt og síðar hægt að kalla: “Verðbólga í einu landi”.

Hamar þjóðhagslegrar peningastefnu — e. national monetary policy — á myntsvæði Lýðveldisins á átjándu stærstu eyju veraldar, yrði þá að hefja á loft. Það tæki hann full fimm ár og jafnvel lengur að berja niður tíu prósent verðbólgu. En hann virkar

Til hamingju íslenskir lýðveldissinnar, með björgunarafrekið!

Kosningasvikaumsókn fyrri ríkisstjórnar inn í Evrópusambandið verður að draga til baka og fella niður. Hana verður að afmá af Lýðveldinu. Hún hvílir sem opinber skömm á lýðveldi Íslendinga og er bein hótun við sjálfstæði Íslands og grunnstólpa lýðræðisins; að þingmenn sækja umboð sitt til kjósenda í alþingiskosningum, en ekki öfugt 

Fyrri færsla

(á)Réttingarverkstæði ríkisstjórnar 

(á)Réttingarverkstæði ríkisstjórnar

Af hverju gera þeir þetta?

Embættismenn virðast stýra ráðvilltum ráðherrum ríkisstjórnarinnar ásamt hagsmunasamtökum atvinnurekenda sem vel hugsanlega hafa forystu Sjálfstæðisflokksins í vasanum vegna þess að forystan hefur stýrt flokknum í fjárhagslegt þrot sem um leið kallar yfir flokksforystuna hægfara pólitískt gjaldþrot sem þá verður flokksins alls

Flestum má nú vera ljóst að yfirmenn utanríkisráðherra eru ókjörnir embættismenn en ekki kjósendur. Ráðherrann er farin að gera sjálfan sig að einhverskonar formsatriði á sviði stjórnmála. Hann dansar um á því sviði sem strengjabrúða er þegar hefur verið hent inn í Evrópusambandið, þar sem utanríkismálin eru í höndum elítu embættismanna og klíku

Ríkisstjórn Framsóknar og Sjálfstæðismanna er að verða alvarlega veik. Hið pólitíska heilbrigðisvald hennar sem umboðsmaður kjósenda er sannarlega að verða veikt. Hún reynir að hagræða niðurstöðum alþingiskosninga  og rekur réttingarverkstæði og partasölu á flokkssamþykktum

Að hagræða samþykki flokksmanna í mikilvægustu málefnum íslenska lýðveldisins, er vítavert. Hagræðing á niðurstöðum alþingiskosninga er hins vegar ofboðslega alvarlegt mál. Þar er vegið að því helgasta

Kosningasvikaumsókn fyrri ríkisstjórnar inn í Evrópusambandið verður að draga til baka og fella niður. Hana verður að afmá af Lýðveldinu. Hún hvílir sem opinber skömm á lýðveldi Íslendinga og er bein hótun við sjálfstæði Íslands og grunnstólpa lýðræðisins; að þingmenn sækja umboð sitt til kjósenda í alþingiskosningum, en ekki öfugt

Hér þýðir ekkert að haga sér eins og sænskir, sem grúfa sig sem maurar yfir hvert það pappírsfall sem hent er til þeirra af öðrum. Eðlileg viðbrögð frjálsra manna við þannig aðstæður eru alltaf þau, að þeir líta upp og spyrja sjálfa sig að því; hvers vegna erum við að gera þetta? - í stað þess að bregðast við eins og samyrkjubúmaurar sem einungis spyrja aldrei neins annars en þess; hversu vel og skilvirkt getur samyrkjan skilað af sér misfóstrum annarra, engum til gagns, en öllum til ógagns, sem er verklag embættismanna- og keisaravelda

Þannig má segja að þriðja ríkið á meginlandi Evrópu hafi starfað allan sinn líftíma. Það fjórða —Evrópusambandið AG— vinnur sannarlega þannig líka. En þegar að endalokum þannig vinnubragða kemur; þá hefur ábyrgðin alltaf bæði nafn og heimilisfang

Fyrri færsla

Pútín erfiðar í Rússlandi á meðan Róm brennur

Tengt

Sjálfstæðis­flokkurinn er að hrynja í Reykjavík (Evrópuvaktin)

Pútín erfiðar í Rússlandi á meðan Róm brennur

Enginn sagnfræðingur veit enn hvernig það er að sitja í miðju öldrunarhagkerfi —með þjóð sem svikin var samfellt í 70 ár, pyntuð, slátrað, rænd og rupluð af eigin stjórnvöldum glæpamanna— og sem orðið er nú svo framskriðið sem öldrunarhagkerfi, að um síðasta átak til endurreisnar gæti vel verið að ræða. Síðasta skip burt frá skriðjökli Sovéts áður en næsta skref landsins afturábak yrði vel hugsanlega lokaskerf þess yfir í "a failed state"; gjöreyðilagt ríki um aldur og ævi

Enginn sagnfræðingur sem ekki jafnframt er sérfræðingur í Svarta-Dauða á tímum fjórða leggs Iðnbyltingarinnar, ætti að tjá sig um innanborðs stjórnmál í þannig ríkjum. Enginn sagnfræðingur hefur barið nútímatilbrigði þessara hörmunga augum. Og eins og Bent Jensen sagði; spiklærðir fræðingar eru hér vonlausir menn. Þeir aka bara sírenuvælandi um í sínum skrifborðskassabílum

Liggur það kannski fyrir, að framskriðin öldrunarhagkerfi verði einmitt svona? Óstöðug og hættuleg? Það veit enginn enn

Þýska þjóðin, sem reyndar er ekki ein þjóð, hefur af eigin stjórnvöldum verið rænd í samfellt 140 ár. Eina undantekning á þjóðnýtingu Þjóðverja í þágu elíta landsins, var þegar Bandaríkjamenn stóðu þar gráir fyrir járnum á jörðinni og önduðu frelsi í hnakkann á valdhöfum, sem þorðu þá ekki öðru en að halda sér á mottunni. Því miður þýddi exit Bandaríkjamanna frá meginlandi Evrópu að Evrópusambandið AG hrundi immed af elítum ofan á þjóðir þess

Er fátæktin og misskiptingin í Þýskalandi nú þegar orðin skelfileg. Á meðan er höfuðpauraborg Evrópusambandsins, Róm, orðin gjaldþrota í miðju öldrunarhagkerfi þess ríkis. Svo slæm eru málin þar að ég þori að veðja hatti mínum á að Vatíkanið mun þurfa að flýja bæði borgina OG landið innan næstu 50 til 80 ára. Endurreisn er þar enn óyfirstíganlega erfiðari en það verk sem Pútín í Rússlandi reynir og reynir hugsanlega ekki að færast í fang

 

Ítalía er orðin bæði óstöðug og hættuleg. Svo hættuleg að íslensk yfirvöld treysta sér ekki til að endursenda fólk þangað, þaðan sem það kom. Öldrunarhagkerfið Þýskaland er ekki enn orðið verulega óstöðugt ríki. En það er orðið of hættulegt

Sótsvartur kommúnisminn fór mannlega séð með Rússland eins og að geislavirkt Tjernobyl hefði af stjórnglæpavöldum verið beitt á fólkið til að murka úr því lífið í 70 ár 

Það er því sprenghlægilegt en jafnframt sárgrætilegt að fyrrverandi hagfræðingur sérdeildar ASÍ, sem skalf og nötrði af hræðslu við tilhugsunina um að Ísland tæki þátt í fríverslunarsamtökunum EFTA, skuli nú vilja hrinda landinu inn í Evrópusambandið AG

En þetta er því miður alltof skiljanlegt, því á þeim tíma voru geislavirki Sovétríkjanna sá valkostur uppi á borðum ASÍ & Co sem sóst var leynt og ljóst eftir. Nú liggja þau ríki og stjórnvaldslega stimplaðar fyrrverandi manneskjur þeirra sem hafsjór af storknuðu blóði örends fólks í látnu ríki þjóðareignarinnar. En lengi er þá von á einum. Nýtt yfirríkislegt misfóstur er nú að finna uppi á borðum fyrir þetta asífólk og sem hægt væri að hrinda hinu unga Íslandi ofan í; sjálft Evrópusambandið AG!

Fyrst að Ísland gekk ekki fyrir þeirra tilstuðlan í Sovétríkin á sínum tíma né þá heldur að Sovétríkin gengu í og yfir Ísland —munaði þó oft mjóu þar um— þá er lávarður hins yfirríkislega umboðslausa valds hér orðin patentlausnin fyrir þetta fólk í stað Sovétríkjanna sem dóu í þjóðareign klíkuveldisins

Hættulegustu menn Evrópu ganga ekki um með byssur. Þeir þurfa þess ekki. Þeir valsa um með penna og eru á launum hjá Evrópusambandinu

Ég er viss um að enginn sagnfræðingur gæti orðið góður þjóðarleiðtogi. Þeir eru praktískt séð of heimskir til þess. Leiðtog þeirra þyrfti sífellt nánari rannsóknar við hvert óstigið skref á kostnað skattgreiðenda inn í eilífðina: þeir myndu alltaf enda sem gagnslausir hagfræðingar

 

Fyrri færsla

 

Sama evrópska súpan og síðast 

 

Sama evrópska súpan og síðast

 

Mynd; The Economist

Brusseldagar 1996 

 

Tuttugu og níu prósent

 

Skoðanakönnun sem rannsakaði skoðanir Austurríkisbúa á stjórnmálum og stjórnarfari kom með þá niðurstöðu fyrir helgina að 29 prósent Austurríkismanna óski eftir sterkum leiðtoga sem þarf ekki að "taka tillit til löggjafarþings né almennra kosninga". Í Austur-Evrópu er ofangreint hlutfall allt að 60 prósent. Flest blöð stóðust þá freistingu að birta mynt af Adolf Hitler samhliða fréttinni, nema Frankfurter Allgemeine Zeitung. Hana birti ég heldur ekki, því þá yrði ég samstundis sakaður um að vera "hægrisinnaður öfgamaður". Myndin af Adolf Hilter í þessu samhengi er því hér höfð ósýnileg, til að tryggja að ég verði örugglega sakaður um að vera hægrisinnaður öfgamaður

 

Tocqueville 

Hér heima er líklega —"enn sem komið er"— litið á þessa þróun stjórnmála og stjórnarfars í Evrópu sem hreint formsatriði, því að í hinni sömu síðustu viku kom Karlamagnúsardálkur tímaritsins Economist með þau skrif, að samvæmt Alexis de Tocqueville sé hættan á byltingum í löndum Evrópusambandsins yfirvofandi mest á hinum næstu komandi árum og áratugum. Hættan á byltingum er alltaf mest er látið sé í veðri vaka við borgarana að búið sé að bjarga hlutunum (skinni stjórnmála- og embættismanna) - e. kick the can further down their private EU-road

 

Fjórðungur allra og rúmlega helmingur vinnufærs ungs fólks nokkurra landa Evrópusambandsins stendur atvinnulaus eftir þrjátíu ára björgunaraðild landanna að Evrópusambandinu. Og verðhjöðnunarspírallinn sjálfur stendur evrulöndum nú sem bjargandi glansandi klár til að bora út kaupmátt launa og hækka skuldabyrði heimila og fyrirtækja —því að búið sé að bjarga evrunni— sem þýðir að enginn með viti vill fjárfesta á myntsvæði Evrópusambandsins, né hvað þá að eiga heima þar, ef hjá því væri komist

 

Atvinnuleysi í Evrópusambandinu núna: og frá 1983

 

"We have to kill this referendum" 

Hin áríðandi dagskrá grenjandi kanslara Þýskalands, Angelu Merkel frá DDR, ásamt formanni framkvæmdastjórnar Evrópusambandsins og alls Evrópuráðsins, sem á forsíðum Financial Times frá því nú fyrir og yfir helgina segir frá því að á úrslitadagskrá Evrópusambandsins sé að drepa verði þjóðaratkvæðagreiðslur í löndum Evrópusambandsins, sama hvað það kostar. Sú mikilvæga dagskrá mun líklega hér heima verða túlkuð sem að í sumar verði skoðað með hvaða hætti málið verði tekið upp í haust til að satt sé best að segja kjósendum að eiga von á því að stjórnarflokkarnir myndu ná málinu í gegn sjáfum sér; aular, volapyk

Söngvakeppni

 

Klæddur karl sem kerling sigraði í söngvakeppni evrópskra —mest ríkis— sjónvarpsstöðva. Danmörku var yfirþyrmandi mörgum sinnum þakkað fyrir þá umsjá keppninnar sem þeir sáu ekki um, því það er sama sænska fyrirtækið sem setur upp þessa kassakeppni ár eftir ár. Þess vegna upplifast "keppnin" sem sjálfvirk gerilsneydd drepsótt, hvar sem hún er haldin, ár eftir ár. Þetta er eina atkvæða greiðslan —og sem fer til símafélaga— um atkvalma í Evrópu sem leyfð er. Það besta við ríkisreknar evrópskar stjórnvarpsstöðvar á borð við DDRÚV er það, að enn virðist leyfilegt að slökkva á viðtækjunum - þó svo að margir í praxís líti á það sem verandi ólöglegt. Slökkt var því snemma hér

 

Náði ég þó að hlýða á hollensku sveitina flytja hina ljúfu engilsaxnesku tóna sína sem kölluðu fram eðlislæg viðbrögð Íslendinga, sem gáfu lagi hennar 12 stig. Enda varpaði engilsaxneska AFRTS næturvaktin með Wolfman Jack oft óafvitandi ljúfleika og öryggi yfir suðvesturhorn landsins, sem nú hefur misst fæturna. Var því hollenska laginu af eðlislægu en bældu sjálfsöryggi gefin þrusandi 12 stig

 

Münchener Freiheit, Nena og Sandra áttu AFRTS flest að þakka, sem hóf útsendingar með lánuðum græjum frá BBC á meginlandinu í kjölfar frelsunar Bandamanna sumarið 1945. Með útsendingum AFRTS var hægt að ná til liðsaflans sem barðist fyrir frelsun Evrópu. En svo snéri Neue Deutsche Welle við, því að Evrópusambandið og járnkrumlur þess í Evrópu snúast fyrst og fremst um að snúa meginlandi Evrópu til baka frá engilsaxneskum áhrifum. Grenjaði Angela Merkel kanslari Þýskalands því af gremju yfir þeim stjórnarfarslega ramma sem Bandaríkin og Bretland bundu landið í með æðsta mögulega lögmæti sem nokkru sinni hefur verið handhafið yfir meginlandi Evrópu. Dulbýst Þýskaland prinsins Bismarcks AG nú sem Evrópusamband er eina ferðina enn leikur lausum hala á meginlandi Evrópu. Er Frakkland þegar orðið að þeim afgöngum —trimmings— sem Charles de Gaulle ESB-forseti Frakklands ætlaði frá upphafi öllum öðrum ríkjum Evrópu en Frakklandi og Þýskalandi að verða. Svona éta stjórnarfarsar Evrópusambandsins börnin sín. Fólkið hefur ekkert að segja um þessa þróun. Ekkert

 

Allar útsendingar AFRTS fara nú um lokaðar örbylgjurásir til liðsafala Bandaríkjamanna, sem með Kyrrahafsflota sínum hefur verndað siglingaleiðir og aðgengi útflutnings frá Þýskalandi til umheimsins viðstöðulaust í tæplega sjötíu ár. Öldur ljósvakans eru að mestu hættar að hreyfast. Þar er þögnin að verða háværari og háværari með hverju árinu sem líður

 

Galdrar

 

Fyrri færsla

 

Einn fyrir hverja mínútu 

Einn fyrir hverja mínútu

Peggy Noonan sagði að Obama var kosinn forseti af því að hann var ekki George Bush. Það sést, því vinsældir George Bush aukast með hverjum deginum sem líður

Þetta fær mig til að segja frá því hér, að síðasti forsætisráðherra Íslands varð það vegna aldurs. Enginn veit hins vegar af hverju Steingrímur varð fjármálaráðherrann sem greiddi Össuri ráðherralaun fyrir að koma kosningasvikum hans til Brussels, með þeim afleiðingum að báðir þurrkuðust út. Og þar standa þau enn, kosningasvikin, Lýðveldi Íslendinga til höfuðs

Þessar vangaveltur hljóta að leiða okkur að endalokunum; sjálfri spurningunni um hvers vegna og til hvers Bjarni Benediktsson Jr. var kosinn? Það væri gaman að fá svar við því

Kolbrún Morgunblaðsins hefur í dag sett blaðið á DEFCON-3 (ready to mobilize in 15 minutes) því að —hvað var það nú aftur— jhú 10, 20, eða 30 einstaklingar ætla að stofna Kristilegan stjórnmálaflokk. Altsaa Kolbrún . . 

Afsakið: fimmtán eru þeir víst, fimmtán. Það stendur 15 í blaðinu. Einn fyrir hverja mínútu

Fyrri færsla

Hið tvöfalda umboð

Hið tvöfalda umboð

The Dual Mandate 

Þeir sem krefjast aðskilnaðar íslensks þjóðríkis frá íslenskri þjóðkirkju, virðast litla grein gera sér fyrir því tvöfala umboði sem þarf til svo að ríki verði til lengdar farsæl. Þessi tvö umboð verða að haldast í hendur. Umboðið frá fólkinu og umboð hins universala í ritningunum, sem er sjálf fæðingardeild góðra stofnana

Einn versti aðskilnaður ríkis frá hinu æðra umboði varð þegar Adolf Hitler fékk umboð sitt frá þinginu —e. the Enabling Act of 1933— til að troða universal boðskap ritninganna niður í sömu ruslatunnur og Stalín hafði þá þegar yfirfyllt í gervöllum Sovétríkjunum, með þeim endalokum sem svo urðu. Enda var nasisminn dæmdur til dauða í Nuremberg, fyrst og fremst samkvæmt brotum gegn ritningunum þ.e.a.s hinu æðra og universala umboði

Evrópusambandið hefur ekki þetta tvöfalda umboð. Reyndar hefur það ekkert umboð frá neinum. Það er umboðslaust

Þjóðríki Bandaríkjamanna og stofnanir þess sem stjórnarskrárbundið byggja á hinu tvöfalda umboði, tóku af hörku Sovétríkin í nefið fyrst og fremst vegna hins æðra umboðsleysis þeirra. Því allir vissu hvert hið algera umboðsleysi Sovétríkjanna stefndi heiminum

Það var ekki að ástæðulausu og bara út í loftið að Geir H. Haarde forsætisráðherra bað Guð að blessa Ísland er gengið var til verks við óbærilegar aðstæður. Hið tvöfalda umboð er forsenda farsældar

Núverandi ríkisstjórn má ekki halda því allsherjar umboðsleysi til streitu sem ríkisstjórn Samfylkingar og Vinstri grænna kom íslenska lýðveldinu í. Umsóknina inn í Evrópusambandið verður að draga til baka og fella niður. Hún er stjórnarfarslegt skemmdarverk á hinu tvöfala umboði þjóðríkis okkar. Hún er stjórnarfarslegur þjófnaður og aðskilnaðarstefna

Það voru ritningarnar sem gáfu manninum hið takmarkaða ríkisvald, en ekki öfugt

Fyrri færsla

Fasteignakaup eru ekki "fjárfesting"