Sektarkennd Þýskalands hefur tekið stökk (breytingum)

Rúmlega 70 árum eftir hina þýskt morð-iðnvæddu Helför á Gyðingum í Evrópu, eru flestir Þjóðverjar nú á bandi Hamas og Palestínu, en gegn Ísrael. Hvernig gat slíkt gerst á aðeins 70 árum? Hvað varð eiginlega um sektarkennd Þjóðverja og hvað segir þetta okkur um ástand mála í öflugasta ríki Evrópusambandsins í dag, því þetta er virkilega sjúkt

Jú, þetta segir okkur í reynd það, að sú sektarkennd sem Þjóðverjar finna fyrir í dag er ekki vegna stóriðnaðarmorðs þeirra á Gyðingum, heldur finna þeir nú til sektar yfir að hafa tapað stríðinu, tvisvar! Þeir eru farnir að hugsa eins og Adolf Hitler. Hann kenndi Versalasamningi -sem í reynd var úr gúmmíi og mjög mjúkur- um ófarir Þýskalands. Í dag er það ekki Versalasamningurinn, heldur Bandaríkin og NATO sem eru sökudólgurinn, því "við hefðum átt að sigra". Það eru Bandaríkin (munið t.d. undirmálslánin) sem halda Þýskalandi niðri, hugsar þýska þjóðin, sem byrjuð er að hata þá sem reistu hana við og varðveittu friðinn. Það örlar einnig á sviparði hugsun í Frakklandi, því bæði eru löndin fyrrverandi heimsveldi sem tóku lönd annarra þjóða traustataki - og sem reka nú saman kúgunar- og rústafélag sem heitir Evrópusambandið; þar sem fólkið hefur það verra á friðartímum en Bandaríkjamenn höfðu það heima hjá sé í miðri heimsstyrjöld. Bandaríkin hafa hins vegar ekki tekið land neinnar þjóðar, heldur hafa þau varðveitt þau og endurreist

Fyrst að Barack Obama -sem lagt hefur í rúst 70 ára pólitíska afurð Síðari heimsstyrjaldarinnar og sem á ensku kallast DETERRENT (fælnimáttur)- segir að ekki sé hægt að stöðva kjarnorkuvopna-ástríðu Írans, þá hlýtur það að leiða af sér þá niðurstöðu að ekki sé heldur hægt að banna Japan, Taívan og Þýskalandi og fleiri ríkjum að þróa sín eigin kjarnorkuvopn. Og þar sem Obama henti Bandaríkjunum og sjálfum sér í ruslið til að geta endurpressast sem masókistískur friðþægingar-gólfdregill undir fætur annarra, þá munu Þýskaland og Japan að sjálfsögðu vilja fá þrjú þúsund kjarnorkuvopn, hvort um sig, fyrst þetta er bara ókei og í lagi með til dæmis Íran. Er það ekki

En nú er hins vegar eitt stórt og nýtt vandamál mætt á staðinn: það heitir Donald J. Trump. Horfið á það sem sá maður gerir, og hættið að glápa ofan í texta og prótókollheftin eins og þegar sálmar sem þið eigið að kunna eru sungnir í messu. Horfið heldur á krossinn yfir altarinu, því hann hreyfist. Já hann hreyfist. Ekki missa af þessu. Trump er nefnilega að smíða; Íran fær ekkert - og þið töpuðuð stríðinu þarna í Evrópu. Það var þannig. Og þannig skal það áfram vera. Satt og rétt. Hlýðið, hunskist út úr Íran og Rússlandi, sem er að aðstoða Íran, eða hafið verra af, því flest mikilvægt er í húfi, einu sinni enn

Fyrri færsla

Síðustu tvö ár: breytingar

Síðustu tvö ár: breytingar

Skjáskot; WSJ Daily Shot 10. maí 2018 - skuldasöfnun; Takið líka eftir bláu evru bólunni, sem gjaldféll skyndilega ofan á evrusvæðið. Stór hluti þess svæðis er því rjúkandi rúst í dag. Rauða hættan er á leiðinni. Þetta kemur lagsmaður, þetta kemur

****

Bretland var í ESB og ekkert benti til annars, samkvæmt þeim helmingi þjóða sem talar ekki við hinn helming þjóða og ræður allri fjölmiðlun um það sem sá helmingur segir hinum að sé mikilvægt, en sem er það bara ekki. Bretland hefur gert varnarsamning við Pólland og er að gera viðskiptasamninga við Tyrkland, sem koma til framkvæmda þegar það yfirgefur ESB á næsta ári

Ríki íslams réði stórum hluta Sýrlands og Íraks. Það ræður litlu í dag

Donald Trump varð forseti Bandaríkjanna. Hnattrænn Wyatt Earp er þar með kominn í Hvíta húsið og "it all ends now!". Fyrstur algerlega óreyndra manna í stjórnmálum. Sá helmingur þjóðar sem ekki er talað við, kaus hann, en ekki Hillary Clinton, sem hefði getað rænt banka og fengið það til að líta út sem góðverk í fjölmiðlum síns helmings. Obama Chamberlain er aðhlátursefni og pólitískur flokkur beggja er í rusli

Kína er orðið einræðisherraríki á ný. Þar hefur svo gott sem allt mistekist og snúa þarf aftur til einræðis yfir rjúkandi brunarústum landsins. Kína stendur í dag fyrir 70 prósent af allri skuldasöfnun í heiminum. Kína tók við svikamyllukeflinu af evrusvæðinu, sem er að sökkva

Rússland er sokkið. Það lifir á hersýningum til að halda andlitinu heima fyrir. Rússland í dag er síðari hálfleikur hruns Sovétríkjanna. Því erfiðari stöðu sem landið sekkur í, því hættulegra er það

Tyrkland er gerbreytt og að verða heimshlutaveldi á ný. Það mun ráða stórum hluta Balkanskaga innan fárra ára

Pólland er á leið með að verða eitt mesta veldið á meginlandi Evrópu, innan fárra ára. Pólland verður það sem Vestur-Þýskaland var

Pólitískur stöðugleiki í Þýskalandi er farinn. Helstu stjórnmálaflokkar landsins eru hrundir og ekki tókst að mynda nýja ríkisstjórn í kjölfar kosninga, fyrr en eftir dúk og disk, og sem Angela Merkel stendur nú sem ritari fyrir. Þýskir aðdáendur við innsetningarathöfn Vladímírs Pútín um daginn voru fyrrum yfirmaður í Stasi ofsóknarbatteríi Austur-Þýskalands, í 1932-fylgd Gerhards Schröder, fyrrum kanslara nýsameinaðs Þýskalands. Sá situr með keisara Pútín í stjórn Rosneft, sem að miklu leyti gengur með Þýskaland á barmi hruns í vösum sínum, en sem Þýskaland ætlast hins vegar til að Bandaríkin verji. Maður kastar upp. En nú er Wyatt Earp að nálgast Berlínarbúlluna, svo látum okkur sjá hvað gerist á næstu vikum

Frakkland er klofið í tvennt og stendur með næstum ESB-ekkert í höndunum miðað við áður

Norður-Kórea er allt í einu orðið kjarnorkuveldi, þökk sé friðþægingarstefnu góða fólksins

Ítalía er loks að springa í loft upp eftir 25 ára samfellda kreppu vegna ESB-aðildar og upptöku evru. Ráðstöfunartekjur heimila landsins eru lægri í dag en þær voru árið 1995 (rauntekjur)

Síðasta skeið góða friðþægingarfólksins er að renna út. Eftir tvö ár í viðbót hlustar enginn á það lið og menn hlægja að þeirri vitleysu sem ríður húsum á Íslandi í dag. Hvernig gátu menn búið í útópíu án þess að gera sér grein fyrir því, verður spurt

Miklar, mjög miklar, breytingar eru í vændum - og Guðlaugur Þór var því í Pentagon og vel tekið. Þangað liggur leiðin fyrir utanríkismál Íslands - sennilega næstu aldirnar, því 500 ára pólitísku áhrifatímabili Evrópu er lokið. Evrópa getur ekki reimað skóna sína lengur. Hún staulast um á gorgonsólum, því Evrópusambandið hefur eyðilagt hana

Fyrri færsla

Vinstrimenn fagna hryðjuverkum sé þeim beint gegn Gyðingum

Vinstrimenn fagna hryðjuverkum sé þeim beint gegn Gyðingum

Hryðjuverkasamtökin Hamas keppa nú við svo kölluð Yfirvöld Palestínu (YP) um völdin yfir fólkinu á Gaza-svæðinu. Hamas eyðilagði og kveikti í Kerem Shalom landamærainnganginum inn á Gazasvæðið sem hryðjuverkasamtökin, samkvæmt samkomulagi í fyrra, settu í hendurnar á YP svo að YP gætu innheimt tolla og skatta þar, sér til tekjuöflunar

En með því að kveikja í innganginum og leggja eld að færibandakerfinu sem flytur þrjú þúsund tonn af hráefnum inn á Gazasvæðið á degi hverjum, þá tekst Hamas að flytja flutningana yfir á Rafah-innganginn sem Hamas hrifsaði út höndum YP - og þar með að flytja alla tekjuöflun yfir í sína vasa

Þannig tekst Hamas að kveikja í fólkinu og umpakka reiði þess til útflutnings yfir á Ísrael. Reiðin vegna krónískra innbyrðis deilna er að verða eina útflutningsvaran sem sem sköpuð er á Gaza-svæðinu. Og ekki hefur klerkaveldi Írans legið á sínu liði núna, heldur hefur það sent óeinkennisklætt vopnað lið sitt út á meðal öskrandi borgaranna sem Hamaz hefur kveikt í. En ísraelskir hermenn þekkja oftast þetta lið af langri og slæmri reynslu, þrátt fyrir dulbúning þess meðal fólksins, sem ber jafnvel börn fyrir sig sem skjöld

Og með því kveikja í og eyðileggja gas- og raforkuflutninga til Gaza-svæðisins hefur Hamas tekist að tendra þá elda sem íslenskir vinstrimenn með Austur-Þýskar kommahúfur á gömlum lager, elska svo heitt. Þar hefur lítið breyst. Áfram skal flest vont af þeim lager notað. Óvinir frelsis, friðar og velmegunar eru þeirra vinir, eins og svo allt of oft áður í hörmulegri sögu hins íslenska vinstris, sem brann illilega inni á öllum málstöðvum sínum síðast. Austur-Þýska kommahúfan á höfðum þess í dag er sú sama og þegar Sovétríkin hýstu og fjármögnuðu allar verstu hryðjuverkandi einingar jarðar. Og ofan í þá heilastöppu vinstrisins er klerkaveldi Írans nú komið sem nýjasti frelsarinn, því Íran fjármagnar og skaffar hryðjuverka-klappliði vinstrisins vopnin og meðulin til að kveikja í heimshlutanum. Nýjasti draumur Írans er nýtt Norður-Gazasvæði í túnfæti Ísraels í Sýrlandi og Líbanon

Svei þessum gömlu kommahúfum. Við þekkjum ykkur öll, langa langa leið að, því þið eruð enn með sömu gömlu húfuna og síðast, þrátt fyrir græna litinn, sem farinn er að láta á sjá. Blóðrauði ykkar er því að opinberast öllum á ný sem eitt samfellt ófriðarbál

Íran hallar sér aftur og hlær. Klerkaveldinu er smám saman að takast að kveikja í heimshlutanum og koma í veg fyrir framrás velmegunar, bærilegrar friðsældar og vexti lýðræðissprota. Íran spinnur nú vef sinn eins hratt og efnahagur þess leyfir. Landið er 1,8 milljón ferkílómetrar að stærð, og þar með stærra en Frakkland, Þýskaland, Niðurlönd, Spánn og Portúgal samanlagt -þ.e. öll Vestur-Evrópa- og er Íran fjölmennasta ríki heimshlutans með sína 80 milljón íbúa, að Egyptalandi undanskildu. Íran hefur efst á stefnuskrá sinni að koma á fót nýju imperíal Persaveldi í heimshlutanum og í sama efsta sæti þess á listanum er útrýming Ísraelsríkis

Og fyrsti þátturinn í þerri aðgerð er að reyna með öllum tiltækum ráðum að koma sér í þá aðstöðu að geta háð úthalds-stríð gagnvart Ísrael, og þannig smám saman, að veikja landið það mikið, að hægt sé að þurrka Gyðinga út í landi sínu í nýrri Helför undir verndarvæng hins alþjóðlega rauða vinstris, sem þykist vera grænt

Íran er þar með orðið nýjasti vinur vinstrimanna Íslands. En í dag fengum við það þó óvart beint úr munni vinstrisins að aðalvandamálið er þrátt fyrir allt Donald J. Trump, því hann er jú eins og Winston, ein stórkostleg vandræði og massíf þverspýta, sem neitar að friðþægjast

Það var einmitt friðþæging og banvæn samvinna við afar ill öfl sem kveikti elda Síðari heimsstyrjaldarinnar. Og þar, eins og núna, var einnig búið að ritskoða "móðganir" (staðreyndir) gagnvart Þýskalandi burt úr kennslubókum skólabarna í nágrannaríkum þess. Hið sama er að gerast í dag, en hins vegar á mörgum stöðum heimsins samtímis. Búin var líka til goðsögnin um "óréttlátan" Versalasamning, en sem í reynd var einungis Andrés Önd teiknimynd miðað við þá "samninga" sem Þýskaland ætlaði draga yfir höfuð nágranna sína hefði landið komið sem sigurvegari út úr þeirri Fyrri

Eftir hina Síðari sló Winston því fram að kannski væri best að gelda Þjóðverja, til að koma í veg fyrir þá Þriðju. En það var ekki og er hvergi gert, og eru málin því að þróast eins og sést svo vel í dag

En Trump mun sennilega redda þessu, því hann virðist vera ein massíf þverspýta og gersamlega ómögulegur í alla staði, eins og Winston var. Hann er sennilega maðurinn sem heimurinn þarf á að halda. Þess vegna logar vinstrið. Það er að bræða úr sér og kafna, vegna Trumps. Það nær ekki andanum lengur

Fyrri færsla

Íslendingar fagna tapi.. Evrópa skelfur...

 

Íslendingar fagna tapi.. Evrópa skelfur...

Þarna var ekkert óréttlæti í heiminum og engin kynferðisleg óáreitni. Getum við ekki endurheimt eitthvað af þessu, áður en við erum öll drepin með voli og væli

*****

Evrópumál: Laginu á útlensku tókst næstum því að gera útaf við ójöfnuð, kynferðislega óáreitni... launa..bla..bla... ó ég á svo bágt... svo bágt að mig dreymir... ó hún er svo sæt... jöklarnir bráðna... hálfmána ég borða.. Hitler er kominn... agalegt óréttlæti... ó ég á svo bágt. Konur skottinu... öxin við ánna... skaftið úti í skógi... og álfar þar voru. Ó ég á svo Reykjavíkurbágt... Ó ég á svo Reykjavíkurbágt...

Já en... hann söng þetta svo vel... en... lagið var bara svo...

Hér lýkur framlagi DDRÚV úr Austur-berlín Reykjavíkurborgar. Vinsamlegast ekki fleiri umræðuþætti um arkitektúr úr sófapullum. Nauj .. komstu þér í annan sokkinn sjálfur, það er aldeilis!

Ég hef slökkt, stungið höfðinu í klaustur. Þoli ekki meira af rusli og umræðu um rusl eins og þetta drasl. Rusl, drasl, húmbúkk

****

Evrópa skelfur

"Europeans are going to face the effective U.S. sanctions," Mr. Bolton said on ABC’s. "This Week.”

Þeir fatta þetta í vikunni, sagði John Bolton þjóðaröryggisráðgjafi Bandaríkjanna í gær þegar hann var inntur eftir þeim kvörtunum sem komið hafa frá Evrópu. "Já Evrópuríkin virðast hissa á því að Bandaríkin skyldu, eins og Trump lofaði, koma sér út úr því samkomulagi sem gert var við Íran og að við séum að skella á hörðum efnahagslegum refsiaðgerðum á ný. En ætli það kvikni ekki á perunni hjá þeim í Evrópu í þessari viku. Evrópa verður að draga sig út úr Íran og hlýða Donald Trump. Geri þeir það ekki þá skellum við efnahagslegum þvingunum á Evrópuríkin núna í vikunni. (WSJ)

Mynd: Wyatt Earp = Deterrant

****

Fyrri færsla

Bandaríkin skipa ESB að aflýsa flugvélasölu

Bandaríkin skipa ESB að aflýsa flugvélasölu

Mynd: Theresa May forsætisráðherra skrifar undir úrsögn Bretlands úr Evrópusambandinu 28. mars 2017

****

Steve Mnuchin fjármálaráðherra Bandaríkjanna hefur fyrir hönd Donalds Trump skipað Airbus flugvélaversmiðjunum að hætta við sölu á 100 flugvélum til Írans fyrir 19 milljarða evra

Kanslarína Þýskalands, Angela Merkel, sem nú er ritari CDU flokksins á skilorði, og svo kallaður leiðtogi hins... bíddu hvar var það nú aftur... jú hér kemur það... hins frjálsa heims, sagði í gær að Þýskaland gæti ekki lengur stólað á varnarregnhlíf Bandaríkjanna og að "Evrópa" (reyndar 50 ríkisstjórnir og þrjú þúsund ráðherrar í 300 stjórnmálaflokkum) yrði að taka málin í sínar hendur (lesist: hennar hendur)

Hún ætlar kannski að kaupa þá varahluti sem vantar svo að fjórar til átta Eurofighter orrustuþotur geti tekið þátt í NATO-aðgerðum og flogið í myrki. Þýskaland hefur skuldbundið sig til að hafa ávallt 82 þotur klárar í slaginn, en hefur eins og er í mesta lagi fjórar og engar til aðgerða í myrki, því þeir sem frameiða varahluti í Eurofighter eru komnir á hausinn og búnir að loka. Hænsnakofi hennar er því eins og hann er: vappar um á hanafæti á náð Bandaríkjanna, Bretlands og Póllands

Þýski varnarmálaráðherrann er nú undir fjármálastjórn sósíaldemókrata í samsteypustjórn tveggja flokka af 300 í "Evrópu Merkels". Vegna áætlana um enn frekari niðurskurð til varnarmála hefur hún hótað að segja vopnakaupasamningum við Frakkland og Noreg upp

Þetta er jú bara ríkisstjórn tveggja flokka. Bíðið bara og sjáið hvernig 300 flokkar fara að þessu. Þeir eru fleiri en pólitísk atóm alheimsins

Fyrri færsla

Samsæriskenning: Efnavopn, Rússland og ESB

Samsæriskenning: Efnavopn, Rússland og ESB

Margir spurðu sig þeirrar spurningar, er efnavopnum var beitt í Sýrlandi um daginn, af hverju væri verið að nota þau núna þegar flestum þykir ljóst að Assad-stjórnin hafi svo gott sem unnið sigur yfir andstæðingum sínum. Af hverju beita efnavopnum á síðustu metrunum með aðgerð sem í besta falli myndi seinka sigri og í versta falli koma í veg fyrir hann. Af hverju?

Jú vegna þess að Bandaríkin voru búin að gefa út yfirlýsingar um að þau ætluðu að draga sig alveg út. Og það hentaði Rússum illa. Rússland hefur áður notað tækifærið á meðan Bandaríkin hafa verið njörvuð niður í hernaðaraðgerðum til að hefja sínar eigin hernaðaraðgerðir á öðrum stöðum. Á stöðum sem skipta Rússlandi öllu máli. Nefna má Georgíu, Krím og Úkraínu. Af einverjum ástæðum hentar það Rússum illa að Bandaríkin losi sig út úr Sýrlandsdeilunni. Og þær ástæður er að finna í Austur-Evrópu. Rússland setti því í gang efnavopnaárás í Sýrlandi til að reyna að draga Bandaríkin inn í leikinn á ný, og til að reyna fá þau til að eyða skotsilfri sínu á Austurhveli jarðar þar, en ekki annarsstaðar. Alls ekki í Austur-Evrópu og síst af öllu í Póllandi, Rúmeníu, Úkraínu né neins staðar í þeim heimshluta. En aðgerðin mistókst sennilega

Þessi hluti kenningarinnar er ekki minn, heldur er hann úr haus dr. George Friedman og hann hefur oftast rétt fyrir sér. Sjálfur var ég of heimskur til að hugsa þetta svona því ég sagði að Pútín væri ekki svo vitlaus að nota efnavopn þarna, heldur hefði kúnninn hans, Assad, beitt þeim. En þar skjátlaðist mér

Bandaríkin á Austurhveli jarðar eru langt að heiman og það tekur þau tíma að koma saman stærra liði og senda það yfir hálfan hnöttinn til átaka á jörðu niðri

Hvort að skyndileg ákvörðun um gangsetningu Norður-Atlantshafs-flotastjórnar á ný sé tengd þessu eða ekki, er ekki gott að segja. En Sjötti floti Bandaríkjanna fær ef til vill meira svigrúm til einbeitingar við það

Hefði olíuverð ekki hrunið 2014 þá hefði Rússland nú þegar haft efni á miklu meiri þrýstingi á Austur-Evrópu. En nú hefur Rússland lokið við að endurnýja 60 prósent af hernum og gert er ráð fyrir vissri lækkun í hernaðarútgjöldum fyrir næsta ár, vegna einmitt þess meirihluta sem ekki þarf lengur að endurnýja. Við það losna meiri peningar í annað

Gert er ráð fyrir því að Trump-lokunin á Íran í fyrradag þýði einnar til hálfrar milljóna tunna minnkun framboðs á olíumarkað. Það er ekki nóg til að breyta miklu um olíuverð, nema sálfræðilega um stundarsakir. Bandaríkin framleiða nú hátt í 10 milljón tunnur á dag (reyndar 10,7 m.t.d pr. 10. maí 2018) og eru þar með að taka fram úr bæði Sádi-Arabíu og Rússlandi. Viss flutningavandamál hafa verið á vestur og norðvestur Texas-svæðinu um tíma, en þau er verið að leysa. Rússland veit að það olíuverð sem er í dag, er það besta verð sem völ er á um langa framtíð

Er Rússland að hugsa sér til hreyfings í Austur-Evrópu núna eða ekki? Eða mun Pútín bíða þess að hann sjálfur, Þýskaland og Frakkland bindist böndum um "annan valkost" með tilliti til þess hvað á að gera við vandamálinu Trump. Winston var stórt vandamál á sínum tíma. Hollt er að muna það. Stórt vandamál

Og þegar ég sé forseta framkvæmdastjórnar Evrópusambandsins afhjúpa styttu af Karl Marx, þá segi ég við sjálfan mig, að það er þrátt fyrir allt ekki ég sem er geðbilaður, heldur þeir. Þeir eru geðbilaðir. Svona lagað gerist ekki nema í ákveðnum tilgangi. Það er verið að senda merki til allra verstu elementa sem til eru í Evrópu um að allt getur gerst á ný. Að þetta bákn snérist ekki um frið né velmegun, heldur um völd. Og það er það sem sambandið sem dula snýst um. Það snýst um að með öllum tiltækum ráðum séu völdin færð upp á hinn eina rétta disk í Evrópu á ný. Sambandið veit að það mun ekki lifa næstu kreppu af. Það veit að skella verður á aðgerðum eins og eignaupptöku, höftum og herlögum. Það veit að velmegun er útilokuð. Þess vegna er svona mikilvægt að fá Marx út í búðarglugga sambandsins sem fyrst. Hann laðar að réttu viðskiptavinina

En það er engin leið fyrir lönd Evrópusambandsins að sniðganga bandarísk lög. Og það vill svo til að engin leið er að tilheyra peninga- og fjármálakerfi heimsins án þess að nota lögin sem gilda í Bandaríkjunum, því þar og í Bretlandi verða allir peningar að fara um, því enginn með fullu viti treystir neinum öðrum í þeim efnum. Bandaríkin eru eini algerlega frjálsi kapítalmakaður heimsins og þangað senda allir sparnað sinn, bæði heimilin þ.e. sjóðir þeirra, fyrirtækin og ríkissjóðir. Og það er það sem fær hina óheilögu þrennu til að halda aftur af sér eins og er. En það getur hún bara ekki svo mikið lengur, því Róm brennur

Fyrri færsla

Winston J. Trump treður tappanum í friðþægingarstefnu síðustu áratuga

Winston J. Trump treður tappanum í friðþægingarstefnu síðustu áratuga

Úr bremsustöðvunum í gær

****

Í gær reif Donald J. Trump friðþægingarpappírinn utan af kökukassastjórn forvera síns og mundar nú sleggjuna á innihaldið, sem er nýtt persneskt imperíal ríki í smíðum í skipasmíðastöð hins agalega klerkaveldis Írans. Á innihald sem er að hefast undir kökukassablessun stórs hluta hins huglausa heims. Sá kökukassi lítur út nákvæmlega eins og síðast. Hann er hugleysið, friðþæging, pólitískur rétttrúnaður og söfnuður aumingja við lekandi völd á stöðum þar sem þeir gera ekkert annað en að segja rétttrúnaðar-orð þegar túkalli er stungið í rifuna á þeim

Takk fyrir þetta Donald J. Trump. Og skál! Heim til föðurhúsanna með svona lið og alla kökukassana sem aularíkin eru að dreifa. Sleggjuna á þetta strax, kæri Trump, áður en halafaxað túkallalið heimsins kæfir hann í kökusafni sínu eins og á fyrri hluta síðustu aldar

Láttu þá óttast þig sem mest. Vertu óútreiknanlegur og hafðu ofboðslega stóra sleggju í handarjaðrinum, því nýtúkallmennin eru meira að segja byrjuð að afhjúpa Karl Marx-altari á hinum ólíklegustu stöðum á ný. Slíkt er ekki gert nema að vont sé í vændum. Mjög vont. Og takk fyrir að virkja Norður-Atlantshafsflotann á ný. Ekki er ráð nema í tíma sé tekið

Fyrri færsla

Ný innheimtustofnun Þýskalands heitir evra og esb. Völdin á höfum veraldar

Ný innheimtustofnun Þýskalands heitir evra og esb. Völdin á höfum veraldar

Dr. George Friedman leggur fram óþægilegar staðreyndir

****

Höfin og völdin

Forseti Frakklands er að leggja af stað í heimsókn til Nýju Kaledóníu, sem er franskur eyjaklasi í Suðvestur-Kyrrahafi. Þar búa 270 þúsund manns sem greiða munu atkvæði um sjálfstæði eða ekki sjálfstæði frá Frakklandi í þjóðaratkvæðagreiðslu í nóvember. Þjóðaratkvæðið gæti í reynd snúist um að vera áfram hluti af Frakklandi, ellegar að verða brátt Kínversk nýlenda. Ástralía leggur mikið upp úr því að Frakkland sinni Nýju Kaledóníu vel, til þess að varðveita vestræn áhrif í heimshlutanum. Hún hefur lagt sitt á þær vogarskálar með því að láta Frakka um smíði nýrrar kynslóðar kafbáta fyrir ástralska sjóherinn. Þannig reynir Ástralía að toga franska lýðveldið sterkar til heimshlutans, en Frakkland ræður yfir stærstu efnahagslögsögu heimsins

Í athugasemdum við frétt í síðustu bloggfærslu um skyndilega endurræsingu Norður-Atlantshafsflota Bandaríkjanna, veltum við einnig fyrir okkur því sem er að gerast, eða ekki að gerast, á Kóreuskaga. Það skemmtilega við höf heimsins er að þau fljóta úr og í hvort annað. Það sama gildir um athafnir manna á höfunum. Þess vegna er mikilvægt að ráða höfunum, því þá ræður maður hver fær að ráðskast með eða ráðast á hvern, eða ekki, sjóleiðina

Kórea: sameining við Japanshaf?

Málin á Kóreuskaga eru komin á vissa hreyfingu vegna þess að Donald Trump forseti Bandaríkjanna hefur, þvert á elítuálit sérfræðinga veraldar, sýnt diplómatíska hæfileika og forðast hernaðarátök, þó svo að hann haldi á stórri sleggju. Ef Kórea verður eitt ríki á ný (sem ég trúi ekki á að geti gerst á næstu árum) þá yrði það eitt mesta herveldið í Austur-Asíu. Og sú sameining gæti orkað mjög svo tvímælis á þann hluta heimsins. Við það myndi valdajafnvægið í Asíu riðlast og þar með einnig á nokkrum höfum heimsins í leiðinni. Bandaríkin hafa tvenn lífsmikilvægi:

1. Bandaríkin yfir Atlantshaf og öfugt.

2. Bandaríkin yfir Kyrrahaf og öfugt.

Viðskipti yfir leið-2 fóru fram úr viðskiptum yfir leið-1 árið 1984

Jón Þórhallsson spyr: Ef að Kóreu-ríkin sameinast hver yrði þá þeirra líklegasti óvinur?

Svar: Sjálft samrunaferlið yrði hættulegasti óvinur Kóreu. En ef við gefum okkur að sameining geti gengið friðsamlega fyrir sig, þá er það Kína sem yrði hættulegast fyrir sameinaða Kóreu, því Kína myndi reyna að toga Kóreu á sporbraut umhverfis sig, og nota það sem stuðpúða eða hjálendu, eins og Rússland reynir að hafa samband sitt við Úkraínu. En fyrir Kína er um enn meira að ræða þar sem Kórea er með aðgang út á Japanshaf og getur spilað úr þeirri stöðu gegn Kína, ef svo ber undir. Að öllu óbreyttu yrði sameinuð Kórea með fjórða stærsta her heimsins og þar að auki kjarnorkuvopnaveldi, ef landið óskaði þess

Jón Þórhallsson spyr aftur: Það hlýtur að vera stóra spurningin hvort að Kórea sem eitt ríki gæti sameinast um 1 forseta í næstu forsetakosningum? Ef svo; hvort yrði sá forseti meira hallur undir Suður-Kóreu, Bandaríkin eða Kína?

Svar: Mikilvægasta spurningin er herinn, eða réttara sagt herirnir. Tveir öflugir herir sem miðað hafa gerræðislegum vopnum á haus hvors annars í samfellt 70 ár. Kosningar eru eitt, en hverjum munu tveir herir fylgja og treysta. Hvernig á traust að geta skapast til að leggja þá niður og stofna nýjan, því sameinuð Kórea þarf vissulega á öflugum her að halda. En það verður að vera bara einn her, ekki tveir. Kosningar eru hér frekar litið mál miðað við þetta. Hvernig á að skapa traust til að leggja niður varnirnar gegn hvor öðrum. Annar helmingur er heilaþveginn og hinn er stjarfur af ótta við heilaþvegna fátæklinga sem nærst hafa á hata Suðrið í 70 ár

Mín skoðun er sú að algerlega er óvíst hvort þetta geti yfirhöfuð gerst. Það þarf svo mikið hugrekki til. Hugrekki stjórnmálamanna. En þjóðin er samt sterk, það hefur hún sýnt í 70 ár. En sameiningar þjóða geta þó stundum endað alveg hroðalega illa, eins og sést á Yemen. Meira að segja er sameining Þýskalands svo ömurleg að landsframleiðslan í austurhlutanum er enn ekki nema 70 prósent af því sem hún er á hvern mann í vestri. En samt tala menn um "vel heppnaða" sameiningu þar. En það gera hins vegar ekki þeir Þjóðverjar sem lögðust gegn henni og þeim aðferðum sem yfirvöld beittu

En svo ég svari spurningu þinni um "Suður-Kóreu, Bandaríkin eða Kína" þá er það þannig að kóreanska þjóðin hefur ekki þraukað í 70 ár til þess svo að renna undir hæl Kína. Það hefur hún ekki gert. Hún krefst sjálfsákvörðunarréttar og ætlar að ráða sér sjálf. Flestum þjóðum í nágreni Kína er illa við Kína. Víetnamar óska til dæmis frekar eftir bandarískri nærveru heldur en kínverskri, þrátt fyrir Víetnamstyrjöldina.

Sameinuð Kórea mun finna þá bandamenn sem gagnast henni best. Stundum hefur það verið Japan, þrátt fyrir sögulegar mótsagnir í þeim efnum. Og Kórea hefur stundum ráðið yfir stórum hluta Kína í langri sögunni. Ég tel víst að Bandaríkin myndu gagnast þjóðinni ef sameiginlegir hagsmunir eru skoðaðir. Því án Bandaríkjanna væri um lítið nema holu í jörðina að sameinast núna, því 50 sinnum ríkara Suðrið er afrakstur þeirrar samvinnu

En hvort að Norðrið líti þannig á málin er óvíst. En ætli þeim báðum vanti ekki öryggisaðstoð og siglingafrelsi meira en þeim vantar viðskiptaleg samskipti við Kína, til lengri tíma litið. Framtíð Kína er mjög svo svört. Ég tel víst að Kína líti sameiningu Kóreu afar illum augum. Hún hentar þeim illa, því þeir eiga á hættu að missa Norðrið sem stuðpúða sem hallur er undir alræðislegt stjórnarfar, sem er morkinn hornsteinn Kína

Það er nú það. Ég þakka fyrir spurningarnar. Þær eru aðalsmerki hinna Heilögu ritninga Vesturlanda, sem kenna ungdómnum að spyrja spurninga í anda Ísraelsríkis hins forna. Grikkir tóku Sókrates hins vegar af lífi fyrir að spilla ungdómnum með því að kenna honum að spyrja. Gamla og Nýja testamenti Biblíunnar standa enn fyrir sínu: Þau eru Vesturlönd = framfarir, vísindi, velmegun og heimspeki

Ný innheimtustofnun Þýskalands heitir ESB og er evra

Í nágrenni okkar hér heima á verndar- og áhrifasvæði Norður-Atlantshafsflota Bandaríkjanna -og á meðan Rússland undirbýr næstu aðgerðir í Austur-Evrópu- er að koma betur og betur í ljós að Þýskaland notar nú Evrópusambandið og evruna sem innheimtustofnun, bæði fyrir fjárhag og sívaxandi völd. Síðasta innheimtustofnun Þýskalands hét Þriðja ríkið (og það gerði á sínum tíma pakt við Rússland). Wolfgang Munchau bendir á að Þýskaland geti brátt orðið eins og sú Rúmenía sem Nicolae Ceausescu skildi við þegar almenningur tók hann af lífi: þ.e. land í rúst með hagnað á fjárlögum. Við skulum ekki minnast á viðskiptahagnað Þýskalands við umheiminn, því hann er svo pervers:

"Mr Scholz ambition is to push the budget into a surplus of 1 per cent of GDP or higher. Such a surplus would, over time, eradicate all public debt. At that point Germany will have reached ordo-liberal utopia: it will have become like Nicolae Ceausescus Romania, which boasted a surplus of $9bn in 1989, just before the dictator was overthrown"

og

"But, after having done the numbers, their conclusion is that Scholz is now unofficially shifting the fiscal target from Wolfgang Schäubles "Schwarze Null" to a "Schwarze Eins" - from a fiscal surplus of a little over 0% of GDP, to more than 1%. The idea is that Scholz wants to go down in history as the Red Hawk, as they call him, the biggest deficit hawk in modern German history. We would like to add to this observation that the SPD supported the austerity policies chancellor Heinrich Brüning in the early 1930s. The SPD embraced Keynesian policies in the 1940s and until the 1970s, but has now returned to its pre-Keynesian roots"

Skjáskot: Kjarnaverðbólgan á evrusvæðinu. Tölur 4. maí 2018

Nýtt Þriðja ríki er í smíðum og það heitir Evrópusambandið, þar sem foringinn er uppskriftin að einræðinu. Ég vona að Frakkland taki brátt tappann úr þessari vitleysu áður en hún leggur meginlandið í rúst. Því rúst er það að verða, því ekkert gengur með að koma kjarnaverðbólgu evrusvæðis upp að yfirlýstu marki ECB-seðlabankans, sem í reynd er aukaseðlabanki Þýskalands

Eftir örvunaraðgerðir upp á þrjár billjónir evra er kjarnaverðbólgan aðeins 0,7 prósent eftir sjö ára barning seðlabankans, langt langt undir markmiði ECB. Og þegar næsta kreppa sem er að skella á evrusvæðinu kemur, þá getur sá seðlabanki ekkert gert til að bjarga neinu, því hann sjálfur er að sökkva. Vextina getur hann ekki lækkað því þeir eru engir. Þeir eru hrikalegir faldir skattar sem eru að drepa heimilin á evrusvæðinu. Lágir vextir eru faldir skattar á heimilin því þau eru stærsti lánveitandinn í hagkerfunum. Og þeir rústa líka framleiðni, því ókeypis peningum er fjárfest í þvælu, og þeir halda ónýtum fyrirtækjum á lífi

Mynd WSJ: Þróun framleiðni í Bandaríkjunum og á evrusvæðinu hins vegar: The Riddle of the Eurozone Missing Inflation

Fyrri færsla

Bandaríkin endurræsa Norður-Atlantshafsflotann

Bandaríkin endurræsa Norður-Atlantshafsflotann

CVN-78 USS Gerald R. Ford: Nýjasta flugmóðurskip Bandaríkjanna: Heimahöfn Norfolk í Virginíufylki: Smíðað í Newport News í Virginíu: Er í sjóprófum og bardagauppsetningu

****

Stratfor vitnar í frétt BBC um málið í dag. Military.com ásamt CNN eru með sömu frétt. Þar segir að verið sé að endurræsa Annan flota bandaríska sjóhersins. Bæði vegna breyttra áherslna í vörnum landsins en einnig samkvæmt nýrri þjóðaröryggisstefnu Bandaríkjanna

Búast má við að fleira en Rússland hangi á spýtunni, þegar nánar er hugsað. Koma orkumál og fleira upp í hugann. En þó fyrst og fremst sjálfeyðingarstefna meginlands Evrópu, sem er á leið inn í miklar ógöngur um langa framtíð

****

****

Philip S. Davidson aðmíráll í gær:

"So as we have seen this great power competition emerge, the Atlantic Ocean is as dynamic a theater as any and particular the North Atlantic, so as we consider high-end naval warfare, fighting in the Atlantic, that will be the 2nd Fleet responsibility."

Norður-Atlantshafsflotinn er með höfuðstöðvar sínar í Norfolk í Virginíufylki og er verið að endurræsa yfirstjórn hans þar. Ábyrgðarsvæði hans mun ná yfir helming Norður-Atlantshafs til móts við svæði Sjötta flota Bandaríkjanna sem er með aðalstöðvar sínar á Ítalíu

Norður-Atlantshafsflotinn mun ráða yfir 125 herskipum, þúsund herflugvélum og er mannaður 103 þúsund manna áhöfn

Krækjur: BBC | Military | Defence News | Varðberg

Fyrri færsla

Angela Merkel laug að forseta Bandaríkjanna

Angela Merkel laug að forseta Bandaríkjanna

Níu mínútna viðtal: Michael Pettis sker litlu gulu hænuna um Kína út í pappa og þar með einnig þess sem býður Þýskalands, sem er með stærsta viðskiptahagnað í heimi, á kostnað Bandaríkjanna. Það kæmi mér ekki á óvart ef Pettis fengi Nóbelsverðlaunin fyrir hið einstaka framlag hans til útskýringar á því hvað gerist í alþjóðavæddum heimi undir offramboði sparnaðar. Slíkar aðstæður hafa aldrei áður ríkt í hagsögu mannkyns. Hér má sjá einn heilan fyrirlestur hans á gamla vinnustað Alberts Einstein í Bandaríkjunum: Princeton, Advanced Studies

****

Í fyrradag samþykkti Angela Merkel fjárlög fyrir Þýskaland. Hún situr sem kanslari Þýskalands í ríkisstjórn með sósíaldemókrötum, sem stýra fjármálaráðuneyti landsins. Þingið mun greiða atkvæði um fjárlögin í júní. En fyrir sitt leyti hefur Angela Merkel samþykkt fjárlögin og lagt blessun sína yfir þau

En það eru tvö vandamál. Það fyrra er grafalvarlegt, en hið síðara sprenghlægilegt:

1. Hún lofaði forseta Bandaríkjanna, þegar hann las yfir hausamótum hennar í aðalstöðvum NATO, að Þýskaland myndi taka sig á svo að bandarískir skattgreiðendur þyrftu ekki að halda 75 prósent af NATO uppi með fé úr sínum vösum. Bandaríkin hafa skuldbundið sig til að koma Þýskalandi til varnar. Til að svo megi verða, hefur Þýskaland skuldbundið sig til að nota tvö prósent af virði landsframleiðslunnar í varnarmál. En það hefur Þýskaland bara ekki gert, en svikist svo heitftarlega um að landið á enga herþotu sem tekið getur þátt í NATO-aðgerðum. Þýskaland á enga herþotu sem flogið getur í myrkri. Og nú hyggst Angela Merkel lækka framlag Þýskalands til NATO enn frekar, eða úr 1,3 prósenti landsframleiðslunnar og niður í 1,23 prósent, fram til ársins 2022. Kanslarinn laug sem sagt að forseta Bandaríkjanna síðasta sumar. Og sá heitir Donald J. Trump. Það verður fróðlegt að fylgjast með þróun þessa máls. Í reynd er Angela Merkel orðin valdalaus í kanslarasætinu. Flokkurinn hefur tekið af henni öll völd og gert hana að ritaraínu - á skilorði

A mess

2. Hið síðara en sprenghlægilega mál er það, að ekkert, núll, nada, zero ætlar Þýskaland að gera til að standa við þær skuldbindingar sem landið gaf út á hendur sér í andrúmsloftinu sem ríkti í hlátursgasklefanum í París. Framlög Þýskalands til umhverfismála verða skorin niður! Heiðarleg var afstaða Donalds Trump forseta Bandaríkjanna. En sérgrein Þýskalands er að segja eitt, en gera allt annað. Það gildir einnig í því sem kallað er Evrópusambandið í dag, en sem í reynd er bara svartholið Þýskaland, eins og það alla tíð hefur verið frá stofnun þess 1871. Evrópa er að sogast inn í svartholið sem hún er hlekkjuð við með tilkomu esb og evru. Þetta þurfti ekki að fara svona, en hlaut að gera það. Horfið ekki til þess sem Trump segir, heldur til þess sem hann gerir

Leyf mér yfir um!

Mynd: Segðu Sjibbólet

Fyrri færsla

RVK-vandamálafabrikka Íslands