Evrópusamband í lokuðu öngstræti

Mynd WSJ: Hallarekstur ríkissjóða Ítalíu og Frakklands síðustu 10 árin

****

Nú er það forseti Frakklands en ekki Ítali sem sagður er "popúlisti" ausandi út fé úr ríkissjóði. En það sem Frakklandsforseti hefur lofað mótmælendum á hins vegar allt að fjármagna með sköttum á launþegum sem eru að mótmæla háum sköttum. Og sú hækkun lágmarkslauna sem forsetinn lofaði var hvort sem er á leiðinni, segir Mediapart. Og Les Échos segir að 11-14 milljarða evra vanti í ríkisfjárlögin fyrir næsta ár vegna hvarfs skatta á eldsneyti. Hallaresktur þ.e. lántökurekstur ríkissjóðs Frakklands verður því sennilega meiri en -3 prósent og ríkisskuldir fara þar með yfir 100 prósent af landsframleiðslu

Gulu vestin hafa boðað ný mótmæli komandi helgi. Flest það sem franski forsetinn hefur stefnt að varðandi -að hans mati- "lagfæringar" á Evrópusambandinu og myntbandalaginu (óskalisti fedrealista) er hér með fokið út um gluggann, segja þýskir óbeint. Franskur hagfræðiprófessor við breskan háskóla segir að sé franska þjóðin reitt of mikið til reiði og pólitíska staðan fari þar með mikið meira úr böndunum, þá geti það auðveldlega þýtt endalok evrunnar. Það er Frakkland en ekki Grikkland sem er hættulegast fyrir tilvist evrunnar, segir hún. Atvinnuleysi í Frakklandi hefur verið um 10 prósent áratugum saman. Áratugum saman eins og í svo mörgum löndum sambandsins, sem fyrst og fremst er atvinnuleysissamband til hagsbóta fyrir elítur

Spánn er einnig að byrja að hitna upp. Ríkisstjórnin þar mun ekki hafa nægan stuðning til að koma fjárlögum í gegnum þingið. Talið er víst að boðað verði til kosninga snemma á næsta ári. Nýr VOX hægriflokkur stormar þar fram. Og svo er það Katalónía. Leiðari Morgunblaðsins í dag fjallar um það skammarlega mál

Svíþjóð er stjórnlaus vegna aðildar landsins að Evrópusambandinu og Schengen. Hún er að kafna innvortis í aðkomufólki, glæpum og ólgu vegna þess. Danir eru að grípa til örþrifaráða í sínu landi vegna sömu mála. Reiðin kraumar. Holland berst við að halda uppi ríkisstjórn og borgarafriði, en þar sjást eldglæringar vegna hins sama. Belgíska ríkisstjórnin tapaði meirihlutanum um helgina vegna innflytjendamála. Þýskaland henti rétt í þessu Angelu Merkel og flokki sósíaldemókrata á öskuhaugana vegna innflytjendamála. Hún situr samt enn og þumbast, en landið er þrúgað af reiði vegna innflytjendamála. Þegar þýskt atvinnuleysi eykst á ný má búast við hinu allra versta. Pólitíski strúktúr landsins er í upplausn. Og Bretland á á hættu að fuðra upp vegna Evrópusambandsins og tilrauna forsætisráðherrans til að svíkja kosninganiðurstöðu þjóðarinnar um útgöngu úr ESB

Ítalía er aðframkomin vegna aðildar að sambandinu, upptöku evru og innflytjendamálum. Grikkland hefur verið lagt í rúst af Evrópusambandinu og Kýpur er í evrufangelsi. Finnlandi eins og það var hefur verið komið varnalega fyrir á sex feta dýpi í grafreit evrunnar. Aðeins á eftir að moka yfir

Frakkland, Spánn, Svíþjóð, Danmörk, Finnland, Þýskaland, Kýpur, Holland, Belgía, Grikkland og Bretland eru samtals 11 lönd. En fleiri lönd esb má samt telja til

Fyrri færsla

Árásir vinstrimanna á stjórnarskrá og fullveldi - og Brexit

Árásir vinstrimanna á stjórnarskrá og fullveldi - og Brexit

NÝJA GAMLA VINSTRIÐ

Árásir á stjórnarskránna eru beinar afleiðingar hins langvarandi pólitíska gjaldþrots vinstriflokkanna. Fyrst að sjálf hin stjórnmálalega pólitík þeirra er að mestu gjaldþrota og búin að vera það frá því að tímar Ronalds Reagans og Margrétar Thatchers voru hér á jörð, og sem nýtur engan vegin stuðnings þjóðarinnar né neinna annarra þjóða á Vesturlöndum, þá er nýr neyðarvettvangur fundinn fram fyrir vinstrimen til að fróa sér á á kostnað almennings; og það er sjálf stjórnarskráin, fullveldið og lýðveldið. Þessu þrennu er kennt um pólitískt gjaldþrot vinstrisins. Það eina sem vinstrimenn hafa gert frá því að þeir urðu pólitísk hreyfing frá og með sósíalistanum John Locke, er að kollvarpa en ekki uppfylla. Síðasta helvíti þeirra fór í pólitískt þrot árið 1989. Í kringum 1968 var það vestræna "establissimentið" sem samkvæmt vinstrinu þurfti bara alveg endilega að kollvarpa og kollvarpa strax. Nú er það hins vegar ekki nóg lengur -bensínið búið og tankurinn tómur- þannig að hippahausar hins nýja gamla vinstris og nýmarxistarnir í háskólunum, tala í dag um eitthvað sem þeir kalla "feðraveldið". Útlifað og pólitískt gjaldþrota vinstrið með sósíalistavísindi Marx, nú skattafjármögnuð í heiðnikirkjuveldi háskólanna, er að herpast saman yfir pólitísku gjaldþroti sínu og grípur aftur fyrir sig í hvað sem hendi er næst; venjulega í litla manninn á götunni, sem ekkert kemst lengur um vegna gjaldþrots vinstrisins og umhverfisútópíu þess, beint úr Ponzy-vísindabókhaldi Marx

BREXIT OG FRÚ MAY

Þegar Bretar kusu að ganga úr Evrópusambandinu sumarið 2016, var það gert með þeirri vissu að ekki kæmi til greina að flokksforysta Íhaldsflokksins myndi verða eins og flokksforysta Sjálfstæðisflokksins á Íslandi varð frá og með Icesave. Breska þjóðin og fyrirtæki landsins voru sannfærð um stjórnmálaforysta Íhaldsflokksins myndi búa landið undir útgönguna með því að viðhafa pólitískar aðferðir, stefnur og hugsjónir Margrétar Thatcher og nýta sér vöðvabúnt frelsisins úr hennar nýopnuðu gömlu hirslum, til að útfæra útgönguna út af þrúgandi og kúgandi lögleysusögu Evrópusambandsins. Margrét Thatcher hefði daginn eftir Brexit-þjóðaratkvæðið hrært í nýtt efnahagsprógramm fyrir Stóra-Bretland og skotist með landið sitt upp á stjörnuhiminn heimsins sem hin nýja pólstjarna frjálsra ríkja. En nei, þannig hefur þessi einfalda aðgerð heldur betur ekki gengið fyrir sig. Bókhaldarinn frú Theresa May situr pent og yddar blýanta sem ekkert bit hafa í hennar höndum og mundar togleðrið við hvert hikandi bandstrik sem hún kemur á blað, utan um núll komma núll, lömuð af ótta við að allir sjái að þar er ekkert plús ekkert. Hún er að reynast þjóð sinni mjög svo illa. Hún sólundar silfri, tíma og tækifærum Bretlands og flokksins

AFLVÉLIN Í ESB

Allt fernt stórt í Evrópusambandinu er í svo gott sem algeru pólitísku uppnámi. Orsökin er fyrst og fremst sjálf tilvist Evrópusambandsins í Evrópu. 1) Þjóðaratkvæði Breta er í uppnámi vegna ESB. 2) Kanslara Þýskalands er búið að kasta á öskuhaugana vegna Evrópusambandsins og Schengen. Litlu munaði að and-Merkelisti tæki við flokknum. 3) Frakkaland er á öðrum endanum þrátt fyrir sterkan pólitískan meirihluta nýkjörins forseta þess. Hann er að sýna sig sem bara enn einn ESB-hólistinn sem vanrækir þjóð sína og getur ekkert fyrir hana gert, vegna þess að hann er aðeins annar af tveimur fangabúðavörðum Evrópusambandsins. Hann er fastur í afskiptum af fyrst og fremst öðrum þjóðum á kostnað sinnar eigin þjóðar. Enginn má sleppa. Auki hann ríkisútgjöld í Frakklandi vefst Ítalía samdægurs um háls hans og púpur Deutsche Bank, BNP og Soc vefja hann og Merkel föst undir fallandi öxina og kippa um leið þýska evrumarkinu undan Frökkum. 4) Ítalía er að verða búin að vera vegna aðildar landsins að Evrópusambandinu og upptöku evrumarks Þýskalands. Landið varð 30 ára efnahagslegur steingervingur á því að ganga í ESB. Þetta, að Bretlandi undanskildu, er hryggsúlan í hinum nýja her Evrópuöryrkjasambandsins

Fyrri færsla

Heimurinn lætur ekki "upplifa" sig

Heimurinn lætur ekki "upplifa" sig

VERÖLDIN

"Upplifðu heiminn og ferðastu", var slagorðið áratugum saman. En þetta gekk ekki upp. Fólk upplifði ekki heiminn eins og hann er, því að hann er svo stór og flókinn að einn maður getur ekki náð því að setja sig inn í bara eitt land og líf þjóðar þess, nema með því að búa í því að minnsta kosti í 25 ár og deila kjörum með þjóðinni og þar með að greiða þá skatta og skyldur sem hún þarf að búa við. Þetta þýðir að hver maður getur í mesta lagi náð að "upplifa" tvö til þrjú lönd heimsins á ævinni. Og ef hann nær ekki tökum á fæðingarlandi sínu fyrst, þ.e.a.s. á fyrstu 35 árum ævinnar, þá fer hann fótalaus út í hinn stóra heim og glatast. Skammtafræði Niels Bohrs sagði að það væri ekki hægt að mæla smæstu einingar heimsins, því þær létu ekki mæla sig, upplifa sig, eins og þær eru, heldur myndi mælingin hafa áhrif á þær og gefa ranga mynd af veruleikanum. Sé ævinni eytt í mælingar á heiminum með ferðalögum í til dæmis flugvél eða skipi og á hótelum, þá glatast það sem hann gefur manni í vöggugjöf: þjóðarheimilið, sveitin fagra, bærinn góði, nágrannar og þjóðfélag. Þannig virkar glóbaliseringin á alla. Þeir missta allt og stjórnmálamenn sína líka; algerlega úr böndunum. Við erum að horfa á það núna, um víðan völl. Stjórnmálamennirnir hafa klofnað og firrst. Þeim er ekki treyst lengur

SAMBANDSRÍKIÐ BELGÍA

Belgíska ríkisstjórnin missti meirihluta sinn um helgina vegna þess að Nýja Flæmingjabandalagið neitar að hafa nokkuð með samkomulag Sameinuðu þjóðanna um fólksflutninga og innflytjendur að gera

SVÍÞJÓÐ

Svíar mótmæltu hressilega því sama um helgina, og margir hverjir í gulum vestum, þ.e.a.s áformum sænsku ríkisstjórnarinnar um að skrifa undir þennan samning. Hér má sjá mótmæli þeirra

DANMÖRK

Lars Løkke Rasmussen forsætisráðherra Danmerkur er einnig kominn í vandræði vegna þessa S.þ.-samnings. Hann fær enga ráðherra til að fara og skrifa undir fyrir hönd dönsku þjóðarinnar. Sjálfur innflytjendaráðherrann og flokkssystir hans í Venstre, Inger Støjberg, hefur skipt algerlega um skoðun í málinu og neitar að fara til Marokkó til að skrifa undir. Hún tók þá ákvörðun sjálf, án samráðs við Lars Løkke, enda ekki hámenntuð. Enginn annar ráðherra í ríkisstjórninni vill heldur fara, því þeir hafa fengið nóg af alþjóðlegum ferðatöskupyntingum á dönsku þjóðinni, á sálfum sér og á stjórnmálaflokki sínum. Lars Løkke, sem er búinn að vera, neyðist því til að fara dómgreindarlaus sjálfur. Flokkur hans Venstre, sem er á niðurleið, er kominn niður í 17 prósent í könnunum um þessar mundir, eftir að hafa hrunið frá 31 prósentum í kosningunum 2001 og niður í 19,5 prósentur þegar kosið var síðast í júní 2015. Í komandi þingkosningum í Danmörku, sem fara eiga í síðasta lagi fram næsta sumar, gæti Danski þjóðarflokkurinn auðveldlega tekið fram úr Venstre, því hann mælist með sama fylgi um þessar mundir

ÞÝSKALAND

Úr flokki Angelu Merkel og hinnar nýju teknókratísku Kramp-Karrenbauer framlengingarsnúru hennar yfir þýska CDU-flokknum, heyrðust þær raddir á landsfundi flokksins í Hamborg um helgina, að Merkel og lærlingur hennar myndu gera sig sekar um landráð með því að skrifa undir S.þ.-samninginn í Marokkó. Hér má hlýða á þá ræðu Eugen Abler á landsfundinum

FRAKKLAND

Myndir sýna að brynvarin ökutæki merkt Evrópusambandinu voru notuð gegn mótmælendum í Frakklandi um helgina. Myndirnar af þeim munu kannski framkallast í skærum gulum litum meðal almennings í vikunni. Hver í þeim var, veit að sjálfstöðu enginn, með vissu. En Frakkar hafa næstum örugglega gengið út frá því að þar færu Frakkar. En jafnvel það er varla öruggt lengur. Er það? Kannski var það Parísarsamkomulag glóbal elíta sem ók þar brynvarið gegn fólkinu. Aðstoðarmaður forsetan byrjaði hins vegar bara með hjálm til að hylja sig þegar hann barði á mótmælendum, þannig að um stórstíga framför gegn fólkinu má kannski segja að hér sé um að ræða - á örskömmum tíma. Jafnvel heilt afrek?

Fyrri færsla

Er valdataka hersins möguleg í Frakklandi?

Er valdataka hersins möguleg í Frakklandi?

Það liggur við að ég opni útdyrahurðina tvisvar, starti bílnum þrisvar, drepi fjórum sinnum á honum, loki húddinu fimm sinnum, hlaupi svo inn, horfi sex sinnum á sjálfan mig í spegli, áður en ég sest og spyr lyklaborð mitt þessarar spurningar: Er valdarán hersins mögulegt í Frakklandi?

Reyndar er þetta kannski ekki alveg galin spurning, því í sjálfu Frakklandi, já innanríkis, er því nú varpað fram í fullri alvöru að Pierre de Villiers ætti að setja sem æðsta mann Frakklands í Élysée forsetahöllina í stað hins réttkjörna Emmanuel Macrons forseta. Villiers sagði af sér sem yfirmaður hersins vegna deilna við niðurskurðarmanninn Macron, sem aðeins ári síðar allt í einu er orðinn svo ríkur að hann vill stofna her í útlöndum (ESB). Ástæðan fyrir fyrir því að setja skuli réttkjörinn Macron af, segja menn, er sú að lýðræði í Frakklandi sé í alvarlegri krísu. Ekki skal mig undra það, bæði vegna langlegu landsins í Evrópusambandinu og svo vegna frönsku byltingarinnar, sem sósíalistinn og úniversalistinn John Locke átti allt allt of mikið í, og gerði þar með allar stjórnarskrár Frakklands að of miklu plaggi um úniversal útópíu sósíalista

Síðustu valdaránstilraunir franska hersins fóru fram 1958 og 1961. Það er að segja í gær

Fréttir frá Frakklandi herma að sumir lögreglumenn hafi gengið til liðs við Gulu vestin og mótmæli með þeim

Þetta með að horfa sex sinnum á sjálfan sig í spegli er hollt fyrir hvern einasta hugsandi mann, því þar sést nákvæmlega sami maðurinn og öll undangengin mörg þúsund ár. Heimirinn hefur ekkert breyst, það vita allir, og mennirnir ekki heldur. Það stendur að vísu annað í dagblöðunum núna en gerði þá. En heimurinn hefur ekki breyst. Allt getur gerst, þrátt fyrir ESB, en þó sérstaklega vegna ESB. Það sáu menn kristaltært í Grikklandi og víðar

Fyrri færsla

Gulu vestin mótmæla innflytjenda-áformum alþjóðaelíta

Gulu vestin mótmæla innflytjenda-áformum alþjóðaelíta

****

Mynd, Paul Romer (PDF bls. 15): Fyrst voru það kjarneðlisfræðingarnir sem fengu þessa falleinkunnar-greiningu, svo voru það hagfræðingarnir - og næst verða það svo kölluð loftslags"vísindi" sem fá þessa sömu falleinkunnar-greiningu þegar þvæla þeirra hrynur. Romer er aðalhagfræðingur Alþjóðabankans sem stofnaður var til að reisa heiminn úr síðustu rústum imperíal glóbalista 1945

****

Forseti Frakklands, Emmanuel Macron, á von á nýrri heimsókn um helgina. Um er að ræða þá sem svo oft er um getið í skoðanakönnunum og kosningum sem; minna menntað fólk, minna þénandi fólk búandi á röngum stöðum og fólk með rangar skoðanir sem stangast á við hin yfirþyrmandi mikilvægu atkvæði alþjóðaelíta með réttar skoðanir úr heiðnikirkjuveldum háskólanna, sem dýrka Icesave-þrælakistur og fórna vilja lífi þjóðar sinnar með því að láta hana um að borga svo kallaðan "skít" eftir aðrar þjóðir í heiminum, með til dæmis Parísarsamkomulögum og Davos einkaþotusamkomum

Um er að ræða fólk í gulum vestum sem alþjóðaelítur vilja helst svipa kosningarétti vegna þess að það kýs með landinu sínu en ekki á móti því og það kýs meira að segja með þjóð sinni en ekki á móti henni. Þetta eru sem sagt "hinir fyrirlitlegu" í Frakklandi (eins og Hillary Clinton kallaði þann helming Bandaríkjamanna sem studdi hana ekki) sem í gulum vestum ætla að heimsækja forseta Frakklands nú um helgina; til að mótmæla áformum hans um að skrifa á þeirra vegum undir samn­ing Sam­einuðu þjóðanna um fólks­flutn­inga (sjá hér), sem er hreinræktuð elítugeðbilun á hæsta stigi

Mikill meirihluti Frakka álítur samkvæmt rannsóknum að innflytjendur hafi skaðað landið þeirra og enn stærri meirihluti þeirra segir að innflytjendur hafði skaðað þjóðarsamheldnina og þjóðarsamstöðuna í Frakklandi

Í fyrradag neyddist franski forsetinn Macron að draga til baka boðaðar skattahækkanir á orku sem rekja má til svo kallaðs Parísarsamkomulags alþjóðaelíta gegn frönsku þjóðinni og öðrum þjóðum Vesturlanda. Hvað gerist eftir komandi helgi, er ekki vitað enn

Halda á enn eina hindurvitna samkundu hinna fljúgandi elíta í Katowice í Silesiahéraði í Póllandi næstu dagana. En á hinu gamla svæði Silesia búa hins vegar 30 þúsund kolaverkamenn, eða helmingur þeirra sem vinna kol í ESB. Hvað þeir hafa að segja, er loftslagselítum nýmarxismans náttúrlega óviðkomandi, eins og var í gömlu Sovétríkjunum. En þau voru fyrsta alþjóða-sjálftektar poppskál vinstrimanna á kostnað verkalýðs þjóðanna. Þar var Alþjóða-nallinn popplagið sem kyrjað var með steyttum hnefa, löðrandi í blóði hinna fyrirlitlegu. Í þessa nýju poppskál nýmarxismans er forysta Sjálfstæðisflokksins nú fallin sem eitt lítið popp og metoo humar

Á ári hverju, þessi árin, er jarðarbúum drekkt í tveimur og hálfri milljón svo kallaðra vísindarannsókna og vísindaniðurstaða (e. scientific papers). Prófanir sýna hins vegar að aðeins 30-40 prósent þeirra er hægt að endurtaka með sömu niðurstöðum og þeir vísindamenn sem gerðu þær fengu. Með öðrum orðum: 60 til 70 prósent svo kallaðra vísindatilrauna er ekki hægt að endurtaka með sömu niðurstöðum og skýrslur vísindamanna segjast fá. Verst er staðan í svo kölluðum félagsvísundum (e. social science) því í reynd er í mjög mörgum tilfellum um sósíalistavísindi að ræða (e. bullshit). Sovétríkin voru full af þannig "vísindum". Og Vesturlönd eru að fyllast af þannig vísindum í dag, eins og sést til dæmis á mjög mörgum Alþingismönnum og embættismönnum þeirra. En það versta er samt, að á sviði svo kallaðra raunvísinda er staðan í mjög mörgum tilfellum að verða sama tóma þvælan og kjarneðlisfræðingar unnu áratugum saman við, undir heitinu súperstrengir. Öll sú kenning og rannsóknir voru tóm þvæla og hún kostaði heilan foss af fé skattgreiðenda. Kenningin um loftslagsmál verður eins. Tóm þvæla, eins og "nýja hagkerfið" í banka-hagfræðibólunni var, með foss af fé almennings sér til uppihalds. En sá sem fyrir alvöru var fyrstur til að græða stórfé á þessu öllu var trúðurinn Al Gore. Og svo koma allir hinir - og vilja það sama. En svo klárast poppið

Fyrri færsla

Sigmundur Davíð greinilega besti maðurinn í bransanum

Sigmundur Davíð greinilega besti maðurinn í bransanum

ÍSLAND

Myndin af besta manninum í bransanum er nú að verða flestum ljós. Fyrst að svo margir vilja fyrir alla muni koma Sigmundi Davíð Gunnlaugssyni og flokki hans fyrir pólitískt kattarnef, þá er varla hægt að komast hjá því að álykta sem svo að þar fari mesti stjórnmálamaður Íslands þessi árin. Framskriðin móðursýkin vegna glasaglaums er nú svo of-stæk, að boðað er nunnu- og munkaklausturhald á staðnum þar sem landráðaleg svikin fóru fram af hálfu vinstristjórnarinnar síðast. Bara að Vinstri nýgrænahreyfingin og Samfylkingin hefðu verið fullar þá, en það voru þær ekki - og heldur ekki forysta Sjálfstæðisflokksins þegar hún gerði í Icesave metrópólítan-buxurnar í já-já jó-jó kannski-klúbbunum þá

FRAKKLAND

Franski bankaforsetinn Emmanuel Macron er að missa hanastélstökin sem hann hafði aldrei nema að embættisnafninu til á frönsku þjóðinni sem býr til Frakklandið sem hann á að taka sig af, en sem hann hefur bara ekki gert. Macron lendir stundum í Frakklandi ofan úr græna lofthjúpnum ógurlega sem er að reynast eitt stærsta áróðurs- og lygaáhlaupið í sögu mannkyns. Sá hjúpur er nú á barmi svo mikillar örvæntingar að eitt barn sem fannst í barnlausri og steingeldri Evrópu var látið vitna þar - og líka í DDRÚV hér. Næst verður líklega eyddum fóstrum veifað á hinu græna altari nýmarxismans, því nóg er af þeim. Fyrst rak franska og þýska ESB-elítan áróður fyrir dísil með aðstoð framkvæmdastjórnar Evrópusambandsins, sem er útibú þýska iðnaðarins í Brussel. Svo hrundi Evrópusambandið við fyrsta vindhanagal haustið 2008 og bönkunum í formi ESB var sigað á þjóðir þess til að bjarga sambandinu og þeim umboðslausu sem þéna stórt á því skattfrjálst. Atvinnuleysi í Frakklandi hefur verið krónískt þetta tíu prósentin eða svo, frá því að elítur landsins hófu fullveldisfórnirnar í efnahagsmálum Frakklands með stofnun Evrópusambandsins. Nýjasta firran til að flýja tóm glösin heima, er að stofna her hér og þar. Hafa námsmenn og hjúkrunarfólk nú boðað þátttöku sína í gulum vestum um næstu helgi. Þetta mál snýst ekki bara um skattaokur á dísli eða bensíni í miðjum lofthjúp grænna veruleikafirrtra elíta. Það snýst um hið fullkomna sambandsleysi imperíal glóbalista við þær þjóðir sem halda þeim uppi

RÚSSLAND

Rússland gæti nú verið að búa sig undir að taka allt Svartahafið yfir. Það hefur lagt hald á herskip Úkraínu og neitar að skila þeim aftur. Olíuverð er hrunið og Pútín er óvinsæll heima og efnahagur landsins er afar slæmur. Bandaríkin eru að koma sér fyrir í Rúmeníu með herstöð fyrir flugherinn og árásargrúppa USS Harry S. Truman er komin úr norðri inn í Miðjarðarhaf. Nálægt botni þess er áttavillt Tyrkland rambeltandi með lykilinn inn og út úr Svartahafi og fyrir botni þess er Ísrael að undirbúa fyrirbyggjandi aðgerðir á þá sem sitja um landið á tvennum eða jafnvel fleiri vígstöðvum. Það gæti farið að draga til tíðinda. Það var jú á jóladag sem Rússland réðst inn í Afganistan. Verða þetta friðarjól eða ekki. Það veit ég ekki

VOPNAHLÉ

Markaðsmenn létu blekkjast í einn dag vegna þriggja mánaða vopnahlés í viðskiptahallastríði Bandaríkjanna og Kína. Gosið í þeirri flösku var ekki meira en svo. Og ESB er ekki skemmt þessa dagana, því Íranmálið er að vefjast um háls þess eins og snara

Fyrri færsla

Til hamingju með fullveldið íslenska þjóð

Til hamingju með fullveldið íslenska þjóð

Þakklátur er ég fyrir fullveldi þjóðar minnar á þessum 100 ára afmælisdegi þess. Fullveldi þjóða fæst ekki í verslunum né hjá fjölþjóðasamböndum og allra síst hjá yfirríkislegum imperíal stofnunum á borð við Evrópusamband. Sýni þjóð næga samstöðu og baráttuvilja til að taka sér fullt vald yfir sínum málum, þá fæst fullveldi hennar viðurkennt af öðrum þjóðum sem farið hafa sömu eða svipaða leið til fullra valda yfir sínum málum, þ.e. hina göfugu leið þjóðernissinna. Galdurinn við fullveldið er að hafa það - og að tapa því ekki. Ég minni enn einu sinni á orð Jóns Sigurðssonar forseta, því þau eiga aftur og aftur við þegar íslenska þjóðin þarf að standa vörð um rétt sinn, fullveldi og sjálfstæði:

****

****

Fyrri færsla

Trump aflýsir G20-fundi með Pútín. Lögregla stormar Deutsche Bank. Merkel nauðlendir. Öld Asíu að enda