Til hamingju með fullveldið íslenska þjóð

Þakklátur er ég fyrir fullveldi þjóðar minnar á þessum 100 ára afmælisdegi þess. Fullveldi þjóða fæst ekki í verslunum né hjá fjölþjóðasamböndum og allra síst hjá yfirríkislegum imperíal stofnunum á borð við Evrópusamband. Sýni þjóð næga samstöðu og baráttuvilja til að taka sér fullt vald yfir sínum málum, þá fæst fullveldi hennar viðurkennt af öðrum þjóðum sem farið hafa sömu eða svipaða leið til fullra valda yfir sínum málum, þ.e. hina göfugu leið þjóðernissinna. Galdurinn við fullveldið er að hafa það - og að tapa því ekki. Ég minni enn einu sinni á orð Jóns Sigurðssonar forseta, því þau eiga aftur og aftur við þegar íslenska þjóðin þarf að standa vörð um rétt sinn, fullveldi og sjálfstæði:

****

****

Fyrri færsla

Trump aflýsir G20-fundi með Pútín. Lögregla stormar Deutsche Bank. Merkel nauðlendir. Öld Asíu að enda

Athugasemdir

[Ragnhildur Kolka, 1.12.2018 kl. 22:46]

Já, til hamingju með fullveldið þitt, mitt og okkar allra. Verst að embættismennirnir hafi ekki enn uppgötvað stoltið sem fylgir því að tilheyra fullvalda þjóð. 

[Gunnar Rögnvaldsson, 1.12.2018 kl. 23:20]

Þakka þér kærlega Ragnhildur og ég óska þér hins sama.

Embættismenn búa mjög margir við annan jafnnytjaveruleika en þeir sem halda þeim uppi. Ef landinn neitar að halda þeim uppi á sinni jafnnytjalínu,  þá finna embættismenn sér annan jafnnytjaveruleikasmið erlendis og eignast þar með verndara valda sinna. Þannig hefur ESB risið upp sem tortímingarvél fullveldis og þjóðarstolts.

En fólk setur ekki bara ódýrar paprikur á sína jafnnytjalínu. Það setur land, þjóð, þjóðerni, sögu, trú, þjóðfélag, fullveldi og sjálfstæði á hana, og oft ofar en flest annað.

Þumalfingurreglan er sennilega 1/3 er járnharður þriðji, 1/3 veit ekki sitt rjúkandi ráð, og 1/3 er falur fyrir ódýrari paprikur.

Kveðjur

[Hrólfur Þ Hraundal, 2.12.2018 kl. 11:10]

Þakka þér Gunnar og við skulum vænta þess að að það takist að bjarga fullveldinu undan fólki sem hagar sér eins og að Alþingi sé þeirra eign sem okkur komi ekki við. 

Þó að Björn Bjarnason undrist virðingu okkar sumra  fyrir því sem gerðist 1918, þá er það nú það sem var grundvöllurinn að því sem gert var 1944.  Munum Bandaríkjamenn.

[Gunnar Rögnvaldsson, 2.12.2018 kl. 12:25]

Þakka þér innlitið og kveðju Hrólfur.

Er hugsi yfir því hvort að dagurinn í gær snérist um endurheimtingu fullveldis okkar Íslendinga, eða fyrstu tilurð þess. Hallast að hinu fyrra. Vil bara alls ekki glata því á ný. Allir vita hvað það þýðir.

Morgunblaðið á þökk skilið fyrir veglega útgáfu í tilefni dagsins.

Kveðjur